All Program

សិង្ហបុរី៖ ក្រោយពី​កូរ៉េខាងត្បួង បានបង្កើនការត្រួតពិនិត្យសុវត្ថិភាពលើស្ពៃបូគោ និងជ្រក់គីមឈីនាំចូលពីប្រទេសចិន ឥឡូវនេះ​គឺដល់វេនសិង្ហបុរីវិញម្ដង។ ទីភ្នាក់ងារម្ហូបអាហារសិង្ហបុរី បានបង្កើនការ​ត្រួតពិនិត្យ និងធ្វើតេស្ត​ពិសោធន៍លើស្ពៃបូកគោនាំចូលពីប្រទេស​ចិន ក្រោយពេល​ឈ្មួញលក់​ស្ពៃនៅប្រទេស​ចិន ត្រូបានគេរកឃើញថា បានប្រើសារធាតុ ហ្វ័រម៉ុលនៅក្នុងបន្លែ ខណៈដែលហ័្វរម៉ូលជា​សារធាតុរក្សាសាកសព បង្កជំងឺមហារីកចំពោះអ្នកបរិភាគ។ អាជ្ញាធរ​សិង្ហបុរី បានឲ្យដឹងថា គេកំពុងតាមដានយ៉ាងយកចិត្តទុកដាក់ មើលការវិវត្តន៍នានា​ជុំវិញ​បញ្ហា​ស្ពៃបូកគោ​នាំចូលពីចិននេះ ។ ចំណាត់ការ​របស់​សិង្ហបុរី បានធ្វើឡើង​ក្រោយពេលដែល​ អាជ្ញាធរកូរ៉េខាងត្បួង បានបង្កើនការត្រួតពិនិត្យសុវត្ថិភាពលើស្ពៃបូគោ និងជ្រក់គីមឈី ដែលនាំចូលពីប្រទេសចិន។ នៅឯប្រទេសចិនឯណោះវិញ អាជ្ញាធរ​បានចុះត្រួតពិនិត្យដល់ទីកន្លែង​ នៅតាមហាង និងទីផ្សារនានា​ ដោយមិនជូនដំនឹងមុនឡើយ ។ អាជ្ញាធរ​មូលដ្ឋានរបស់ចិន បាន​ទទួលស្គាល់ថា ពិតជាមាន​ការ​ប្រើប្រាស់សារធាតុហ័្វរម៉ុលអំឡុងពេលទិញ និងដឹកជញ្ជូនបន្លែ​ទៅកាន់ទីផ្សារ ។ រឿងអាស្រូវស្ពៃបូកគោរបស់ចិនបានផ្ទុះឡើង បន្ទាប់ពីមានករណីកម្មករប្រមូលផលស្ពៃបូគោ នៅក្នុងខេត្ត ហឺប៉ី (Hebei) ប្រទេសចិន បានជ្រក់សារធាតុហ្វ័រម៉ុល ដើម្បីរក្សាឱ្យស្ពៃនៅស្រស់បានយូរ។ ករណីនេះត្រូវបានផ្ទុះជា​រឿងអាស្រូវ បន្ទាប់ពីឃ្លីបវីដេអូមួយ ត្រូវបានបង្ហោះនៅលើបណ្តាញសង្គមចិន ដោយក្នុងនោះ​កម្មករម្នាក់កំពុងយកស្ពៃបូគោទៅត្រាំក្នុងទឹកលាយសារធាតុហ្វ័រម៉ុល មុនពេលដឹកទៅលក់ចែកចាយតាមទីផ្សារ។

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB បានមានប្រសាសន៍​រំលឹកដល់កសិករនូវគន្លឹះសំខាន់ៗស្តីអំពីការគ្រប់គ្រងហិរញ្ញវត្ថុគ្រួសារមួយដែលមានគោលដៅច្បាស់គឺ ​​នឹងនាំមកផលចំណេញ ប៉ុន្តែបើប្រាស់លុយឬកម្ចីមិនចំទិសដៅនឹងនាំឲ្យគ្រួសារក្លាយជាអន្ទាក់បំណុល​​​​។ ប្រសាសន៍គន្លឹះ​​ស្តីអំពីការគ្រប់ហិរញ្ញវត្ថុរបស់ អគ្គនាយកធនាគារ ARDB ក្នុងពិធីចុះអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាងធនាគារអភិវឌ្ឍន៍ជនបទនិងកសិកម្មនិងក្លិបអ្នកកាសែតកម្ពុជានាពេលថ្មីៗនេះ ដើម្បីផ្តល់ព័ត៌មាន ចំណេះដឹង ហិរញ្ញវត្ថុ និងទីផ្សារអាចតភ្ជាប់គ្នាកាន់តែប្រសើរ។​​ ឯកឧត្តមបណ្ឌិត កៅ ថាច បានបញ្ជាក់ថា ការគ្រប់គ្រងហិរញ្ញវត្ថុគ្រួសារយើងនៅមានកម្រិតទាប ការប្រើប្រាស់លុយដែលខ្ចីពីគេមកអាច​​ខុសគោលដៅច្រើន ដែលធ្វើឲ្យបំណុលគ្រួសារកើនឡើង ដោយសារតែការប្រើប្រាស់ខុសនូវ ឥណទានឬក៏ប្រាក់គ្រួសារពួកគាត់តែម្តងនេះ គឺជាអន្ទាក់បំណុលមួយធំណាស់ ដែលយល់ខុសពីការគិតថា លុយដែលខ្ចីមកជាលុយឬជាទ្រព្យរបស់គាត់ ដោយមិនបានគិតដល់ការសងត្រឡប់ទៅគេវិញ​​។ ដោយសារតែការប្រើប្រាស់និងគ្រប់គ្រងហិរញ្ញវត្ថុខុសគោលដៅនេះហើយដែលគ្រួសារកសិករមួយចំនួនធំកំពុងតែជួបប្រទះ បញ្ហានេះ អគ្គនាយកធនាគារ ARDB បានចែករំលែកថា ​​មកពីមិនមានអ្នកជួយបង្រៀន ឬណែនាំ និងផ្តល់ព័ត៌មានជូនពួកគាត់​​​ ដែលកត្តាទាំងអស់នេះ ជាអន្ទាក់បំណុល ហើយ​មិនត្រឹមតែការផ្តល់ព័ត៌មានបច្ចេកទេសដាំដុះ ទីផ្សារ និងការនាំចេញទេ មានន័យថា ការគ្រប់គ្រងហិរញ្ញវត្ថុ គឺជារឿងសំខាន់បំផុត។​​​​ ដោយឡែកសម្រាប់ ការធ្វើកសិកម្ម បើសិន​ជាកសិករយើងមិនចេះសន្សំ និងខិតខំកាត់បន្ថយថ្លៃដើមផលិតទេ លំហូរលុយចូលគ្រួសារ​កាន់តែតិចឬអាចមាន​បំណុលកាន់តែកើនឡើង​។​​ ​ដូច្នោះកង្វះការទទួលបានព័ត៌មានដល់កសិករ ងាយនឹងត្រូវបានគេបោកបញ្ឆោត ដូចជាព័ត៌មានស្តីអំពីធាតុចូលកសិកម្ម និងទីផ្សារកសិផល […]

តៃប៉ិ៖ តៃវ៉ាន់នឹងចាប់ផ្តើមអភិវឌ្ឍប្រព័ន្ធព្យាករណ៍តំបន់នេសាទនៅឆ្នាំក្រោយ ដោយប្រើប្រាស់ទិន្នន័យកំណត់ត្រាបរិមាណត្រី ដែលតៃវ៉ាន់ចាប់បានប្រចាំឆ្នាំ អស់រយៈពេលជាច្រើនទសវត្សរ៍មកហើយ នេះបើយោងតាមការបញ្ជាក់របស់អគ្គនាយកទីភ្នាក់ងារជលផល កាលពីថ្ងៃទី១ ខែកញ្ញា ឆ្នាំ២០២៦។ អគ្គនាយកទីភ្នាក់ងារជលផលរបស់តៃវ៉ាន់ បានឱ្យដឹងថា តៃវ៉ាន់មានទិន្នន័យអំពីការចាប់ត្រីមួយក្នុងចំណោមទិន្នន័យ ដែលមានភាពគ្រប់ជ្រុងជ្រោយបំផុតនៅតំបន់ប៉ាស៊ីហ្វិកខាងលិច និងប៉ាស៊ីហ្វិកភាគកណ្តាល។ ក្រុមប្រឹក្សាជាតិវិទ្យាសាស្ត្រ និងបច្ចេកវិទ្យារបស់កោះតៃវ៉ាន់ ក៏នឹងចូលរួមផ្តល់ទិន្នន័យរូបភាពតាមផ្កាយរណបពីអតីតកាលផងដែរ។ ការវិភាគនឹងបញ្ចូលព័ត៌មានអំពីមហាសមុទ្រ ដូចជា សីតុណ្ហភាពទឹកសមុទ្រ ពណ៌ទឹកសមុទ្រ និងកម្រិតអាស៊ីតនៃទឹកសមុទ្រ។ តាមរយៈការប្រៀបធៀបទិន្នន័យទាំងនេះ អ្នកស្រាវជ្រាវមានគោលបំណងស្វែងរកលំនាំនៃការបែកខ្ញែកហ្វូងត្រី និងកំណត់ថា តំបន់ណាខ្លះមានលទ្ធភាពក្លាយជាតំបន់នេសាទ ដែលមានត្រីច្រើន។ លទ្ធផលនៃការព្យាករណ៍នេះ ដំបូងនឹងផ្តល់ជូន ក្រុមនាវានេសាទក្នុងស្រុករបស់កោះតៃវ៉ាន់។ ប្រព័ន្ធនេះត្រូវបានរំពឹងថា នឹងជួយឱ្យនាវិកកំណត់តំបន់ ដែលមានសក្តានុពលសម្រាប់ការនេសាទត្រី និងកាត់បន្ថយពេលវេលា ព្រមទាំងកម្លាំងពលកម្ម ដែលត្រូវប្រើដើម្បីស្វែងរកតំបន់មានត្រីច្រើននៅក្នុងមហាសមុទ្រ។ លោកអគ្គនាយកទីភ្នាក់ងារជលផល បាននិយាយទៀតថា សេវានេះអាចផ្តល់ដំណឹងដល់ទីផ្សារអន្តរជាតិ នៅពេលអនាគតផងដែរ ប្រសិនបើទិន្នន័យតាមដានមហាសមុទ្រ និងទិន្នន័យតំបន់នេសាទ បំពេញតាមតម្រូវការសម្រាប់ការប្រើប្រាស់ជាលក្ខណៈពាណិជ្ជកម្ម។ វិស័យនេសាទរបស់តៃវ៉ាន់បានបង្កើតទិន្នផល មានតម្លៃជាង ៣ ពាន់លានដុល្លារ កាលពីឆ្នាំ២០២៥។ រីឯខ្សែសង្វាក់ឧស្សាហកម្មពាក់ព័ន្ធនឹងវិស័យនេះទាំងមូល មានតម្លៃជាង ១១ ពាន់លានដុល្លារ នេះបើតាមការលើកឡើងរបស់រដ្ឋមន្ត្រីក្រសួងកសិកម្មកោះតៃវ៉ាន់ ដែលបញ្ជាក់ពីសារៈសំខាន់នៃវិស័យជលផលចំពោះសេដ្ឋកិច្ចតៃវ៉ាន់៕ (ផាន់ អាណា)

ដោយ ឡុង សារេត​ ភ្នំពេញ​៖ កម្ពុជា​បាននាំចេញផ្លែឈើចំនួន​២ប្រភេទ​ មានផ្លែទុរេន និងផ្លែមៀន​ឆ្លងកាត់ប្រទេស​ឡាវ​ ឆ្ពោះទៅ​​ទីផ្សារប្រទេសចិន​ប្រមាណ​​៧៦៣តោន​។​​នេបើយោងតាម​របាយការណ៍ដែលផ្តល់ដោយក្រសួងពាណិជ្ជកម្ម​​។​ ​សូមជម្រាបជូនផងដែរថា ​កាលពីថ្ងៃទី​២២ខែមិថុនាឆ្នាំ​២០២៦កន្លងមកនេះ កម្ពុជា ឡាវ​បាន​រៀបំ​ពិធីសម្ពោធជាផ្លូវការនៃការដឹកជញ្ជូនកសិផលឆ្លងកាត់ (Transit) ពីកម្ពុជា ទៅកាន់ទីផ្សារប្រទេសចិន ដោយឆ្លងកាត់ប្រទេសឡាវ។​ ​បើតាមរបាយការណ៍​ ក្នុងបរិមាណ​ផ្លែឈើសរុប​​ជាង​៧៦៣តោនក្នុងនោះ​ផ្លែទុរេនមានចំនួន​៦៣៦តោន និងផ្លែមៀន​មានចំនួន​១២៧តោន តាមរយៈក្រុមហ៊ុន​នាំចេញ​​ចំនួន​៤​ គិតជាទឹកប្រាក់ប្រមាណ​២,២លានដុល្លារ​។​ ទាក់ទងនិងការនាំចេញផ្លែទុរេនទៅទីផ្សារប្រទេសចិននេះដែរ តំណាងសមាគម​ទុរេនកម្ពុជា​មើលឃើថា​បរិមាណ​ផ្លែទុរេន​ដែលបានដឹកជញ្ជូនឆ្លងកាត់ប្រទេសឡាវ ឆ្ពោះទៅទីផ្សារចិន​នេះ​ជាចំនួន​មួយតិចតួច​ប៉ុណ្ណោះ​​។ ប៉ុន្តែ​ពេលនៅពេល​ការនាំចេញ​កសិផលសក្តានុពល​របស់កម្ពុជានឹងកើនឡើងច្រើនថែមទៀត តាមរយៈ​ការដឹកជញ្ជូន​ប្រើពេលវេលាខ្លី​និងថ្លៃដឹកជញ្ជូនមានតម្លៃសមរម្យ​។​ លោក រឿន រតនា លេខាប្រតិបត្តិនៃ​សមាគមទុរេនកម្ពុជាមានប្រសាសន៍ “តាមទស្សនៈរបស់ខ្ញុំ​ បរិមាណទុរេន​នាំចេញបាន​ជាង​៦៣៦​តោន​នេះ មិនទាន់គ្រប់និងតម្រូវការ​របស់ទីផ្សារប្រទេសចិនទេ។​ ព្រោះនៅឆ្នាំនេះគេមានគម្រោង​បញ្ជាទិញរហូតដល់​១ ០០០ទូកុងតឺន័រ​។ ដូចនេះវាមិនទាន់គ្រប់ទៅនិងតម្រូវការរបស់គេនៅឡើយ​។ ក្នុងនាមសមាគម​ទុរេនកម្ពុជា​ លើកទឹកដល់កសិករត្រូវពង្រឹងនូវគុណភាព​ រួមនិងបច្ចេកទេស​ប្រើប្រាស់ថ្នាំ ជីគីមី ដើម្បីកុំឱ្យមានការរឹតបណ្តឹងដូច​ទៅនិងប្រទេសជិតខាង”​។​ ​លោក រឿន រតន ​បន្តទៀតថានៅពេលខាងមុខការនាំចេញផ្លែទុរេន​រួមនិងកសិផលសក្តានុពេលផ្សេងទៀត​របស់កម្ពុជាដឹកជញ្ជូន​ឆ្លងកាត់ប្រទេស​ប្រទេសឆ្ពោះទៅទីផ្សារប្រទេសចិន​នាពេលខាងមុខ​វានឹង​មានការកើនឡើង​ច្រើន​​ដោយសាររយៈចំម្ងាយ​នៃការដឹកជញ្ជូន​ប្រើពេលខ្លី និងចំណាយផ្សេងៗមិនច្រើន​ដូចនាំចេញ​តាម​វៀតណាម​។ ស្រដៀងគ្នានេះដែរ, ​អ្នកឧកញ៉ាបណ្ឌិត សួរ វីរៈ នាយកប្រតិបត្តិនិងជាប្រធានក្រុមប្រឹក្សាភិបាលនៃក្រុមហ៊ុន វីរៈ ប៊ុនថាំ អេចប្រេសបាន​ឱ្យដឹង​ថា​​ តាមការសង្កេតជាក់ស្តែង​ចំពោះការនាំចេញផ្លែទុរេន​នឹងកើនឡើងខ្ពស់​ព្រោះសន្ទុះនៃការគាំទ្រ​គុណភាព​ទុរេនខ្មែរ​នៅលើទីផ្សារប្រទេសចិន។ […]

ដោយ ឡុង សារេត ភ្នំពេញ​៖ កសិផលរបស់កម្ពុជា ប្រមាណ​៦០កុងតឺន័រ ឬស្មើប្រមាណ​ជាង​១ ០០០តោន ត្រូវបាន​ដឹកជញ្ជូនដោយ​ក្រុមហ៊ុន វីរៈ ប៊ុនថាំ ទៅកាន់ទីផ្សារ​ប្រទេស​ចិន គិតចាប់តាំងពីថ្ងៃទី២២ ខែមិថុនា កន្លងមក។ ការ​ដឹកជញ្ជូនកសិផល​របស់កម្ពុជា​ទៅកាន់ទីផ្សារ​ចិនតាមផ្លូវគោកនេះអាចធ្វើឡើងទៅបានបន្ទាប់ពី​​កម្ពុជា​-ឡាវ​​ ប្រកាសទទួលស្គាល់​ជាផ្លូវការនៃការដឹកជញ្ជូន​កសិផល​ឆ្លងកាត់ពីកម្ពុជា​ទៅកាន់​ទីផ្សារប្រទេសចិន។ ក្រុមហ៊ុន វីរៈ ប៊ុនថា រំពឹងថា ការ​ដឹកជញ្ជូនកសិផលរបស់កម្ពុជាឆ្លងកាត់ប្រទេស​ឡាវ​ទៅកាន់ប្រទេសចិននឹងកើនឡើងថែមទៀត​នៅរដូវកាលប្រមូលផលខាងមុខ​។​ អ្នកឧកញ៉ា សួរ វីរៈ នាយកប្រតិបត្តិក្រុមហ៊ុន វីរៈ ប៊ុនថាំ អេចប្រេស​បាន​ឱ្យដឹង​ថា​ តាំងពីមានអនុស្សរណៈយោគយល់​គ្នារវាង​ក្រសួងកសិកម្មកម្ពុជា ជាមួយ​ប្រទេស​ឡាវ​ រួចមក គឺ​ក្រុមហ៊ុន​ វីរៈ ប៊ុនថាំ​ បានដឹកជញ្ជូន​កសិផល​ឆ្លងកាត់បាន​ប្រមាណ​៦០កុងតឺន័រ​ ឬស្មើប្រមាណ​ជាង​១ ០០០តោន​រួចហើយ។ បើយោងតាម​នាយកប្រតិបត្តិ និងជាប្រធានក្រុមប្រឹក្សាភិបាលនៃក្រុមហ៊ុន វីរៈ ប៊ុនថាំ បានឱឱ្យដឹងថា កសិផល​ដែលក្រុមហ៊ុន​បានដឹកជញ្ជូនឆ្លងកាត់ប្រទេសឡាវទៅទីផ្សារប្រទេសចិន​​ក្នុងរយៈពេលប្រហែល​៣ខែកន្លងមកនេះ​មានដូចជា​ទុរេន ស្វាយ មៀនប៉ៃលិន និងអង្ករ​ ដោយចំណាយ​ពេលវេលា​ពី៦ទៅ​៧ថ្ងៃ​។​ ​អ្នកឧកញ៉ាបណ្ឌិត សួរ វីរៈ​ មានប្រសាសន៍​ថា “​ក្នុងរយៈពេលប្រហែល​៣ខែ​យើង​ បានដឹកជញ្ជូន​កសិផលឆ្លងកាត់ឡាវទៅប្រទេសចិនបាន​៦០កុងតឺន័រនេះ​។ តែអ្វីដែលយើងរំពឹងនៅរដូវកាលក្រោយនេះ […]

កដ្ឋមណ្ឌួ៖ នាយករដ្ឋមន្ត្រីនេប៉ាល់ បានមានប្រសាសន៍កាលពីសប្តាហ៍មុនថា ទឹកជំនន់ដ៏សាហាវនៅតំបន់ភ្នំហេមពាន្វ មិនមែនជាហេតុការណ៍ធម្មតានោះទេ ប៉ុន្តែត្រូវបានបង្កឡើងដោយសារការប្រែប្រួលអាកាសធាតុ ហើយលោកបានអំពាវនាវឱ្យធ្វើសកម្មភាពជាអន្តរជាតិ។ រលកត្រជាក់ធ្លាក់ពីកំពូលភ្នំដ៏ខ្លាំងមហិមា លាយឡំជាមួយកម្ទេចកម្ទី ដែលកើតឡើងបន្ទាប់ពីផ្ទាំងទឹកកករលំ នៅតាមព្រំដែនចិន–នេប៉ាល់ បានសម្លាប់មនុស្សយ៉ាងហោចណាស់៩៣៩នាក់ និងបាត់ខ្លួនជិត៤ ៥០០នាក់។ រដ្ឋាភិបាលនេប៉ាល់បានព្រមានថា ថ្លៃតម្រូវការទឹកប្រាក់សម្រាប់ការស្តារឡើងវិញ អាចកើនដល់រាប់ពាន់លានដុល្លារ។ នាយករដ្ឋមន្ត្រីនេប៉ាល់ លោក បាលេន្ត្រា ហ្សាស (Balendra Shah) បានសរសេរនៅលើបណ្តាញសង្គម កាលពីយប់ថ្ងៃទី៣១ ខែសីហា ឆ្នាំ២០២៦នេះថា ទឹកជំនន់តាមដងទន្លេ ក្នុងប្រទេសនេប៉ាល់ មិនមែនជាទឹកជំនន់ធម្មតានោះទេ។ វាគឺជាគ្រោះមហន្តរាយដ៏ធំមហិមាមួយ ក្នុងចំណោមគ្រោះមហន្តរាយធំៗនៅក្នុងតំបន់ ដែលបង្កឡើងដោយការបាក់ផ្ទាំងទឹកកក នៅតំបន់ភ្នំហេមពាន្វ។ លោកនាយករដ្ឋមន្ត្រី បានបន្ថែងា ទោះបីមូលហេតុពិតប្រាកដនៃការរលំបាក់ធ្លាក់ទឹកកកមានអាយុរាប់ពាន់ឆ្នាំនេះ នៅមិនទាន់ច្បាស់លាស់ក៏ដោយ ក៏ការប្រែប្រួលអាកាសធាតុកំពុងធ្វើឱ្យផ្ទាំងទឹកកករលាយនៅទូទាំងពិភពលោក ដែលបង្កើនជាហានិភ័យនៃគ្រោះមហន្តរាយបែបនេះ។ អ្នកវិទ្យាសាស្ត្របាននិយាយថា ផ្ទាំងទឹកកកលើជួរភ្នំហេមពាន្វ ដែលជាជួរភ្នំខ្ពស់ជាងគេបំផុតក្នុងពិភពលោក កំពុងរលាយលឿនជាងមុន ខណៈសីតុណ្ហភាពពិភពលោកកើនឡើង។ លោកនាយករដ្ឋមន្ត្រីនេប៉ាល់ បានបន្ថែមថា «ឧបទ្ទវហេតុនេះបង្ហាញថា ហានិភ័យ ដែលយើងជួបប្រទះនៅតំបន់ភ្នំហេមពាន្វ កំពុងកើនឡើងជាបន្តបន្ទាប់រួមជាមួយការប្រែប្រួលអាកាសធាតុ។ ដូច្នេះ តំបន់នេះត្រូវតែបន្តមានការប្រុងប្រយ័ត្នខ្ពស់។ ប្រទេសនេប៉ាល់ ដែលជាប្រទេសមានប្រជាជនប្រមាណ៣០លាននាក់ […]

ដោយ ហៃ ស៊ីណា កំពង់ស្ពឺ៖ ដំណាំស្រូវជាង៣ម៉ឺនហិកតា ក្រុងស្រុកចំនួន៧ នៃខេត្តកំពង់ស្ពឺ កំពុង​រងផលប៉ះពាល់​ដោយគ្រោះរាំងស្ងួត បណ្ដាលមកពីខ្វះប្រភពទឺក ហើយភ្លៀងធ្លាក់នៅមានតិចតួចនៅឡើយ។ ក្នុងនោះ​ស្រូវដែលខូចទាំងស្រុងលែងអាច​សង្គ្រោះបាន គឺមាន១៥៦ហិកតា ខណៈ​ពេលភាពរាំងស្ងួត​កំពុងតែ​ប៉ះពាល់មកលើស្រុកចំនួន៧ក្នុងចំណោមស្រុកទាំង៩ របស់ខេត្តកំពង់ស្ពឺ។ ខេត្តកំពង់ស្ពឺ​មាន​ផែនការបង្កបង្កើនផលស្រូវរដូវវស្សា ឆ្នាំ២០២៦ លើ​ផ្ទៃដីចំនួនជាង១២ម៉ឺនហិកតា ដោយរំពឹងទទួលទិន្នផលបានជាង៤០ម៉ឺនតោន។ លោក យឹម ណន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ស្ពឺ បានបញ្ជាក់នៅថ្ងៃទី៣១ ខែសីហា ឆ្នាំ២០២៦នេះថា ស្ថានភាពរាំងស្ងួតនៅខេត្តកំពង់ស្ពឺ អូសបន្លាយពេលយូរធ្វើ​ឲ្យប៉ះពាល់ដំណាំស្រូវរបស់ប្រជា​កសិករ ហើយប្រភពទឹកនៅក្នុងខេត្តនេះ​មានតិចតួចសម្រាប់ជួយសង្រ្គោះ។ ទោះជាយ៉ាងណា នៅចុងខែសីហានេះ មានភ្លៀងខ្សោយស្ទើរគ្រប់ឃុំ សង្កាត់ និងស្រុក ដែលបានប្រែស្ថានភាពស្រូវពីស្វិតមកខៀវខ្លះៗ​ ប៉ុន្តែ​​មិនទាន់មានទឹកក្នុងស្រែនៅឡើយទេ។ ស្រុក​ដែលស្ថិត​ក្នុងក្ដីបារម្ភខ្លាំងជាងគេ​ មានចំនួនបី នៅប៉ែកខាងជើងខេត្ត​ គឺ​​ទី១ ស្រុកថ្ពង ទី២ស្រុកសាមគ្គីមុនីជ័យ និងទី៣ នៅក្រុងឧដុង្គ​ម៉ែជ័យ ដែលមិនទាន់ទទួលបានទឹកភ្លៀងនៅឡើយទេ។ អាជ្ញាធរខេត្តបញ្ជាក់ថា កូនរដូវប្រាំងបានបន្តអូសបន្លាយ និងកំពុងបង្កផលប៉ះពាល់ទៅដល់ដំណាំស្រូវកសិករយើង ហើយមន្រ្តីយើង និងមន្ទីរធនធានទឹក កំពុងមមាញឹកក្នុងការជួយអន្តរាគមន៍នាំទឹកទៅជួយសង្គ្រោះស្រូវកសិករ​។ ដំណាំស្រូវពលរដ្ឋនៅក្នុងស្រុក ក្រុង […]

ម៉ានីល៖ ដើម្បីទប់ស្កាត់ការខូចខាតផលដំណាំក្រោយពេលប្រមូលផល និងការធ្លាក់ចុះតម្លៃកសិផល នៅនឹងកសិដ្ឋាន ក្រសួងកសិកម្មហ្វីលីពីន បានប្រកាសថា នឹងពង្រឹងប្រព័ន្ធជូនដំណឹងជាមុន សម្រាប់វិស័យកសិកម្ម។ ភ្នាក់ងារជំនួយទីផ្សារកសិកម្មរបស់ក្រសួងកសិកម្ម បានិយាយថា​ ប្រព័ន្ធនេះអាចជួយព្យាករណ៍ជាមុនអំពីការរំខាន ដែលអាចកើតមានដល់ការផ្គត់ផ្គង់ និងអាចភ្ជាប់ទំនាក់ទំនងរវាងកសិករក្នុងស្រុក និងអ្នកទិញ បានទាន់ពេលវេលា។ ក្នុងសេចក្តីថ្លែងការណ៍បានឱ្យដឹងថា​ មន្ត្រីក្រសួងកសិកម្មទទួលបន្ទុកផ្នែកអាជីវកម្មកសិកម្ម ទីផ្សារ និងកិច្ចការអ្នកប្រើប្រាស់ បាននិយាយថា យុទ្ធសាស្ត្រនេះនឹងផ្តល់ឱ្យរដ្ឋាភិបាលហ្វីលីពីន​នូវទស្សនៈវិស័យច្បាស់លាស់ជាងមុនអំពីស្ថានភាពទីផ្សារ និងការផ្គត់ផ្គង់កសិផល។ មន្ត្រីរូបនេះបានមានប្រសាសន៍ថា «ប្រព័ន្ធតាមដាននេះនឹងផ្តល់សញ្ញាព្រមានអំពីផលដំណាំ ដែលនឹងត្រូវប្រមូលផលក្នុងពេលខាងមុខ ការរំខានដោយអាកាសធាតុ និងការវិវឌ្ឍផ្សេងៗទៀត ដែលអាចប៉ះពាល់ដល់ខ្សែសង្វាក់ផ្គត់ផ្គង់ ដើម្បីឱ្យយើងអាចចាប់ផ្តើមផ្តល់ជំនួយបានលឿនជាងមុន»។ ប្រព័ន្ធជូនដំណឹងនេះនឹងគ្របដណ្តប់លើការព្យាករណ៍លើទិន្នផលដំណាំ ដែលត្រូវប្រមូលផលជាប្រចាំ ការតាមដានតម្លៃកសិផលនៅនឹងកសិដ្ឋាន និងការកំណត់សញ្ញា ដែលតម្រូវឱ្យមានជំនួយផ្នែកដឹកជញ្ជូន និងជំនួយផ្សេងៗ។ មន្ត្រីខាងលើនេះបាននិយាយបន្ថែមថា ប្រព័ន្ធព្រមាននេះនឹងជួយពង្រឹងការរៀបចំផែនការរបស់ស្ថាប័ន ជួយទប់ស្កាត់ទង្វើទុច្ចរិត និងការកេងប្រវ័ញ្ចពីអ្នកទិញ និងឈ្មួញកណ្តាល ព្រមទាំងបង្កលក្ខណៈឱ្យរដ្ឋាភិបាលឆ្លើយតបបានលឿនជាងមុនចំពោះកង្វោះខាតការផ្គត់ផ្គង់ ឬការរំខានដល់ទីផ្សារ។ ជាពិសេស ភ្នាក់ងារជំនួយទីផ្សារកសិកម្មរបស់ក្រសួងកសិកម្ម ត្រូវប្រើប្រាស់ប្រព័ន្ធព្រមានជាមុននេះ ដើម្បីការពារប្រាក់ចំណូល និងសុខុមាលភាពរបស់កសិករ ជាពិសេសអ្នកដាំបន្លែ។ មូលហេតុ គឺប្រសិនប់ការផ្គត់ផ្គង់បន្លែលើសតម្រូវការទីផ្សារជាបន្តបន្ទាប់ តែងតែធ្វើឱ្យទីផ្សារទទួលយកមិនទាន់ ហើយបង្ខំឱ្យកសិករយកបន្លែលក់មិនចេញទៅចាក់ចោលតាមដងផ្លូវ ដោយសារតែថ្លៃដឹកជញ្ជូនខ្ពស់។ ចំណែករដ្ឋមន្ត្រីក្រសួងកសិកម្មហ្វីលីពីន បាននិយាយថា […]

វៀងចន្ទន៍៖ ពាណិជ្ជកម្មតាមផ្លូវរថភ្លើងឡាវ-ចិន បានកើនឡើងជិត៣ ០០០លានដុល្លារ ក្នុងរយៈពេលប្រាំពីរខែដំបូងនៃឆ្នាំ២០២៦នេះ ដែលកើនឡើងជិត៣០ភាគរយ ធៀបនឹងរយៈពេលដូចគ្នាកាលពីឆ្នាំមុន ស្របពេលគម្រោងហេដ្ឋារចនាសម្ព័ន្ធមួយនេះ កំពុងពង្រីកឥទ្ធិពលវិជ្ជមានបន្ថែមទៀត លើពាណិជ្ជកម្ម និងកិច្ចសហប្រតិបត្តិការរវាងបណ្តាប្រទេសជាសមាជិកអាស៊ាន។ គួរបញ្ជាក់ថា បច្ចុប្បន្ននេះ កសិផល​របស់កម្ពុជាក៏មានការ​ដឹកជញ្ជូនតាមផ្លូវគោក​ឆ្លងកាត់ប្រទេសឡាវ ចូលទៅទីផ្សារ​ចិនផងដែរ ។ ខ្សែផ្លូវរថភ្លើងនេះតភ្ជាប់១៩ប្រទេស និងតំបន់ ហើយផ្តល់នូវកម្លាំងចលករប្រកបដោយចីរភាព សម្រាប់កិច្ចសហប្រតិបត្តិការពាណិជ្ជកម្មក្នុងតំបន់។ រហូតមកដល់ពេលនេះ ផ្លូវរថភ្លើងចិន-ឡាវ បានបម្រើសេវាកម្មដល់ប្រតិបត្តិករពាណិជ្ជកម្មបរទេសជាង៧ ០០០ក្រុមហ៊ុន នៅក្នុងប្រទេសចិន។ ក្នុងរយៈពេលប៉ុន្មានខែថ្មីៗនេះ នៅពេលបណ្តាប្រទេសជាសមាជិកអាស៊ាន ឈានចូលដល់រដូវ​សម្រុក​នាំចេញផ្លែឈើតាមផ្លូវរថភ្លើងចិន-ឡាវ កសិផលមកពីបណ្តាប្រទេសតាមដងផ្លូវរថភ្លើងនេះ កំពុងទទួលបានការនាំចេញកាន់តែទូលំទូលាយទៅកាន់ទីផ្សារចិន។ ចំណែកផលិតផលឧស្សាហកម្មរបស់ចិន កំពុងក្លាយជាកម្លាំងចលករថ្មីនៃកំណើនពាណិជ្ជកម្មឆ្លងដែនផងដេរ ៕ (ផាន់ អាណា)

ម៉ាឡេស៊ី៖ បាតុភូតអែលនីញ៉ូ ដែលមាន​ឥទ្ធិពលលើរបប​​ទឹកភ្លៀង សីតុណ្ហភាព និងបង្កទឹកជំនន់ និងគ្រោះរាំងស្ងួត ត្រូវគេរំពឹងថា នឹងឡើងដល់កម្រិតកំពូល ឬហៅថា មហាអែលនីញ៉ូ នៅចន្លោះពីខែកញ្ញា ដល់ខែធ្នូ ឆ្នាំ២០២៦នេះ ហើយ​មានឥទ្ធិពល​ទូទាំងពិភពលោក រួមទាំង​អាស៊ីអាគ្នេយ៍ និងកម្ពុជា​ផង។ កម្មវិធីស្បៀងអាហារពិភពលោករបស់អង្គការ​សហប្រជាជាតិបានឲ្យដឹងថា ផលប៉ះពាល់​ពីមហាអែនីញ៉ូនេះ នឹងបន្ត​កើតមាននៅ​ពេញមួយ​ឆ្នាំ២០២៧ ព្រោះ​គ្រោះរាំងស្ងួត ទឹកជំនន់ និងសីតុណ្ហភាពក្តៅខ្លាំងនៅឆ្នាំ ២០២៦ នឹងប៉ះពាល់លើ​ការ​ប្រមូលផល​សម្រាប់ពេលអនាគត ។ ក្នុងឆ្នាំ២០២៦នេះ បញ្ហា​អែលនីញ៉ូ កំពុងមាន​ឥទ្ធិពលស្រាប់ទៅហើយ ហើយ​កំពុងតែបង្កើនឥទ្ធិពលយ៉ាងខ្លាំងក្លានឹងបង្កបញ្ហាសន្តិសុខស្បៀងកាន់តែអាក្រក់ទៅៗ នៅក្នុងបណ្ដាប្រទេសងាយរងគ្រោះបំផុត នៅលើពិភពលោក ។ ឆ្នាំ២០១៥-២០១៦ បាតុភូតអែលនីញ៉ូ បានប៉ះពាល់ដល់សន្តិសុខស្បៀងរបស់ប្រជាជនចំនួន៦០ ទៅ១០០លាននាក់ រួមទាំងនៅកម្ពុជាផង។ បាតុភូតអែលនីញ៉ូ ឆ្នាំ២០២៦-២០២៧នេះ អាចធ្វើឱ្យប្រជាជនយ៉ាងហោចណាស់៤៩លាននាក់បន្ថែមទៀត ឱ្យធ្លាក់ចូលទៅក្នុងបញ្ហាសន្តិសុខស្បៀងអាហារធ្ងន់ធ្ងរ នៅត្រឹមចុងឆ្នាំ២០២៧។ ផលប៉ះពាល់ធំបំផុតត្រូវគេរំពឹងថា នឹងកើតមាននៅផ្នែកខ្លះនៃតំបន់អាម៉េរិកកណ្តាល និងតំបន់អាហ្វ្រិកភាគខាងត្បូង ដោយមានផលប៉ះពាល់ធ្ងន់ធ្ងរផងដែរ នៅក្នុងតំបន់អាហ្វ្រិកខាងកើត អាស៊ីខាងត្បូង និងអាស៊ីអាគ្នេយ៍។ កម្មវិធីស្បៀអាហារពិភពលោករំពឹងថា ប្រទេសទាំងឡាយណា ដែលកំពុងប្រឈមមុខនឹងភាពក្រីក្រ ជម្លោះប្រដាប់អាវុធ អស្ថិរភាពសេដ្ឋកិច្ច និងអាកាសធាតុក្តៅខ្លាំងម្តងហើយម្តងទៀត […]

កំពង់ធំ៖ ក្រុមហ៊ុន អេមរូរ៉ាយស៍ ដែលជាក្រុមហ៊ុននាំចេញអង្ករដ៏ធំមួយនៅកម្ពុជាចាប់ផ្តើមប្រមូលទិញស្រូវពីកសិករនៅខេត្តកំពង់ធំពីថ្ងៃទី២៩ដល់ថ្ងៃទី៣០ខែសីហាឆ្នាំ២០២៦នេះ ក្នុងបរិមាណប្រមាណ៤,០០០តោន តាមកិច្ចសន្យាកសិកម្ម​​ផលិតកម្មកសិកម្ម។ ក្រៅពីហ៊ុន អេមរូរ៉ាយស៍ នៅមានរោងម៉ាស៊ីនកិនស្រូវជាច្រើនទៀតកំពុងតែធ្វើ​សកម្មភាពចុះទិញស្រូវផ្ទាល់ពីកសិករនៅតាមបណ្តាខេត្ត តាមការអំពាវនាវរបស់សហព័ន្ធអង្ករកម្ពុជានិងក្រសួងកសិកម្មរុក្ខាប្រមាញ់និងនេសាទ។ ឧកញ៉ា សុង សារ៉ន អគ្គនាយកក្រុមហ៊ុន អេមរូរ៉ាយស៍បានមានប្រសាសន៍ថា នៅសប្តាហ៍ក្រោយទៀតក្រុមហ៊ុនលោកនឹងត្រៀមទិញស្រូវប្រមាណ ៨,០០០តោនទៀត តាមកិច្ចសន្យាផលិតកម្មកសិកម្ម ដើម្បីចូលឡសម្ងួតសម្រាប់កិនជាអង្ករខ្មែរដែលមានគុណភាពសម្រាប់ទីផ្សារ។ឧកញ៉ា សុង សារ៉ន បាន​ឲ្យដឹងថា នៅកំពង់ធំ អេមរូរ៉ាយស៍ កំពុងមមាញឹក ក្នុងការទិញស្រូវពីកសិករពីតំបន់មួយចំនួនក្នុងខេត្ត ហើយការទិញពីវាលស្រែទៅរោងចក្រ ដើម្បីកិនជាអង្ករសម្រាប់លក់លើទីផ្សារដែលគ្រប់ជំហានគឺ ជាការខិតខំរួមគ្នារបស់កសិករ និងក្រុមហ៊ុន មិនមែនជាហេតុផលដែលយើងត្រូវទុកកសិករចោលនោះទេ។ឧកញ៉ា សុង សារ៉ន បានបញ្ចាក់ថា យើងបានឈានជើងទៅដល់ទីនោះ ដោយបង្កើត ឡសម្ងួត ឃ្លាំងស្រូវ និងម៉ាស៊ីនកិន ដើម្បីឱ្យកសិករនៅតំបន់ដាច់ស្រយាល អាចមានទីតាំងប្រមូលទិញ និងកែច្នៃនៅជិតពួកគាត់ផងដែរ។ ប្រធានសហព័ន្ធស្រូវអង្ករកម្ពុជា​​បានអំពាវនាវដល់សមាជិករបស់សហ័ន្ធស្រូវអង្ករកម្ពុជាដែលជាម្ចាស់រោងម៉ាស៊ីនកិនស្រូវក្នុងស្រុក ចូលរួមជួយប្រមូលទិញស្រូវពីប្រជាកសិករនៅរដូវច្រូតកាត់នាខែសីហានេះឲ្យអស់លទ្ធភាពនិងមានតម្លៃល្អលើទីផ្សារ ដើម្បីរក្សាស្ថេរភាពថ្លៃ​​។ ការអំពាវនាវរបស់ប្រធានសហព័ន្ធស្រូវអង្ករកម្ពុជាដូច្នោះ ខណៈពេលនៅចុងខែសីហាឆ្នាំ២០២៦នេះ តម្លៃស្រូវមិនប្រកាន់រដូវមានដូចជា ស្រូវសែនក្រអូប ស្រូវស្រងែ និងស្រូវ OM 5451 បានធ្លាក់ចុះតម្លៃ គិតត្រឹមថ្ងៃទី២៦ […]

វៀតណាម៖ កសិករវៀតណាមខ្លះ ដែលជាអ្នកដាំដំណាំកាហ្វេនៅតំបន់ខ្ពង់រាបកណ្ដាលរបស់វៀតណាម បានកាប់ដើមកាហ្វេចោល ដើម្បីយកដីដាំដំណាំទុរេនវិញ ដោយសង្ឃឹមថា ងាយស្រួលនាំចេញទៅលក់នៅក្នុងប្រទេសចិន និងទទួលបានប្រាក់ចំណូលខ្ពស់។ ទីភ្នាក់ងារព័ត៌មាន អាអេហ្វប៉េ (AFP) របស់បារាំងបានសម្ភាសន៍​កសិករដាំកាហ្វេម្នាក់ នៅខេត្តដាក់ឡាក់ (Dak Lak) ភាគកណ្ដាលវៀតណាម ហើយត្រូវបានដកស្រង់ផ្សាយបន្តដោយសារព័ត៌មា ឌឺ ស្តារ (The Star) របស់ម៉ាឡេស៊ី ដោយលើកឡើងថា កសិករដាំកាហ្វេកំពុងប្តូរទៅដាំដំណាំទុរេនវិញម្តង ដើម្បីឆក់យកឱកាសឆាប់ធ្វើជាអ្នកមាន តាមរយៈតម្រូវការផ្លែទុរេនដ៏ច្រើនសន្ធឹកសន្ធាប់ក្នុងចំណោមប្រជាជនចិន។ កសិករឈ្មោះ ផាម សួនឡាន​ (Pham Xuan Lan) អាយុ៥៦ឆ្នាំ បានបង្ហាញចម្ការរបស់លោកដល់អ្នកសារព័ត៌មាន ហើយនិយាយថា «ដាំកាហ្វេ អ្នកអាចរស់នៅបានត្រឹមម៉ាសមរម្យ ប៉ុន្តែបើដាំទុរេន ទើបអាចធ្វើឱ្យអ្នកមានបាន»។ ដោយអាកាសធាតុត្រូពិចអំណោយផល និងដីមានជីជាតិល្អ តំបន់ខ្ពង់រាបកណ្ដាលដ៏ស្រស់បំព្រងនេះ អាចផលិតគ្រាប់កាហ្វេ​ពូជរ៉ូបូស្តា (Robusta) ក្នុងបរិមាណដ៏ច្រើន ហើយវៀតណាមឈរនៅលំដាប់ទីពីរ ជាអ្នកផលិតកាហ្វេច្រើនជាងគេលើពិភពលោក បន្ទាប់ពីប្រទេសប្រេស៊ីល។ ប៉ុន្តែផ្ទៃដីដាំទុរេននៅក្នុងខេត្តដាក់ឡាក់ ដែលមានព្រំប្រទល់ជាប់ខេត្តមណ្ឌលគិរី របស់កម្ពុជា បានកើនឡើងជាងប្រាំដងក្នុងរយៈពេលជាង១០ឆ្នាំកន្លងមកនេះ ដោយកើនដល់ប្រហែល២សែនហិកតា នៅទូទាំងប្រទេសវៀតណាម។ នេះបើយោងតាមក្រសួងកសិកម្ម […]