ជាតិ

ភ្នំពេញ៖ ក្រុមហ៊ុនជប៉ុន ជេ អេហ្វ អ៊ី ស៊ូជី (JFE Shoji) កំពុងស្វែងរកឱកាសវិនិយោគនៅកម្ពុជា លើការបង្កើតរោងចក្រកែច្នៃគ្រាប់ស្វាយចន្ទី និងចម្រាញ់ប្រេងពីសំបកស្វាយចន្ទី ដែលអាចមានសមត្ថភាពកែច្នៃគ្រាប់ស្វាយចន្ទីឆៅ ៣០ ០០០តោន និងផលិតប្រេង CNSL ៥ ០០០តោនក្នុងមួយឆ្នាំ។ គម្រោងនេះគ្រោងចាប់ផ្តើមដំណើរការវិនិយោគ និងសាងសង់នៅឆ្នាំ២០២៧ ប្រសិនបើការសាកល្បងបច្ចេកទេសទទួលបានជោគជ័យ។ ក្រុមហ៊ុន ជេ អេហ្វ អ៊ី ស៊ូជី (JFE Shoji) របស់ជប៉ុន កំពុងស្វែងរកឱកាសវិនិយោគ និងកិច្ចសហការដើម្បីបង្កើតរោងចក្រកែច្នៃគ្រាប់ស្វាយចន្ទី និងរោងចក្រចម្រាញ់ប្រេងពីសំបកស្វាយចន្ទីនៅកម្ពុជា ដែលអាចមានសមត្ថភាពកែច្នៃគ្រាប់ស្វាយចន្ទីឆៅ៣០​ ០០០តោនក្នុងមួយឆ្នាំ។ យោងតាមសមាគមស្វាយចន្ទីកម្ពុជា (CAC) គម្រោងនេះត្រូវបានលើកយកមកពិភាក្សាក្នុងជំនួបរវាងសមាគម និងលោក កិស៊ូកិ សាតូ (Keisuke Satoh) អនុប្រធានក្រុមហ៊ុន ជេ អេហ្វ អ៊ី ស៊ូជី វៀតណាម ដើម្បីស្វែងយល់ពីលទ្ធភាពវិនិយោគលើគម្រោងនេះ។ តាមផែនការ រោងចក្រកែច្នៃគ្រាប់ស្វាយចន្ទីនឹងមានសមត្ថភាពកែច្នៃគ្រាប់ស្វាយចន្ទីឆៅ ៣០.០០០តោនក្នុងមួយឆ្នាំ និងទទួលបានសំបកស្វាយចន្ទីប្រមាណ២០ ០០០តោន ក្នុងមួយឆ្នាំ […]

ភ្នំពេញ៖ កម្ពុជាបានប្រកាសដាក់ឱ្យប្រើប្រាស់ជាផ្លូវការរបាយការណ៍អង្កេតកសិកម្មឆ្នាំ២០២៥ ដើម្បីផ្តល់ទិន្នន័យស្ថិតិសំខាន់ៗសម្រាប់គាំទ្រការរៀបចំគោលនយោបាយ និងផែនការអភិវឌ្ឍវិស័យកសិកម្ម ខណៈរបាយការណ៍នេះគ្របដណ្តប់លើការដាំដុះដំណាំ ការចិញ្ចឹមសត្វ វារីវប្បកម្ម និងការនេសាទ។ កម្ពុជាបានប្រកាសដាក់ឱ្យប្រើប្រាស់ជាផ្លូវការនូវរបាយការណ៍អង្កេតកសិកម្មកម្ពុជា ឆ្នាំ២០២៥ ដើម្បីផ្តល់ទិន្នន័យស្ថិតិដល់ក្រសួង ស្ថាប័នពាក់ព័ន្ធ ដៃគូអភិវឌ្ឍន៍ និងអ្នកប្រើប្រាស់ផ្សេងទៀត សម្រាប់គាំទ្រការរៀបចំគោលនយោបាយ ផែនការ និងការសម្រេចចិត្តក្នុងការអភិវឌ្ឍសេដ្ឋកិច្ច និងសង្គមកម្ពុជា។ ពិធីប្រកាសនេះធ្វើឡើងនៅថ្ងៃទី១២ ខែវិច្ឆិកា ឆ្នាំ២០២៦ នៅសណ្ឋាគារភ្នំពេញ ក្រោមកិច្ចសហការរវាងវិទ្យាស្ថានជាតិស្ថិតិ នៃក្រសួងផែនការ ក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្មនៃសហប្រជាជាតិ។ ក្នុងឱកាសនោះ លោក ប៊ិន ត្រឈៃ រដ្ឋមន្ត្រីក្រសួងផែនការ បានថ្លែងថា ការប្រកាសដាក់ឱ្យប្រើប្រាស់របាយការណ៍នេះ គឺជាសមិទ្ធផលសំខាន់មួយក្នុងការលើកកម្ពស់ការប្រើប្រាស់ទិន្នន័យស្ថិតិផ្លូវការ ដើម្បីគាំទ្រការរៀបចំផែនការ និងគោលនយោបាយ ការតាមដាន និងវាយតម្លៃសមិទ្ធកម្ម ព្រមទាំងការសម្រេចចិត្តលើការអភិវឌ្ឍវិស័យកសិកម្ម និងសេដ្ឋកិច្ចជាតិ។ លោកបានបញ្ជាក់ថា របាយការណ៍នេះផ្តល់នូវទិន្នន័យសំខាន់ៗពាក់ព័ន្ធនឹងការប្រើប្រាស់ និងការគ្រប់គ្រងដីកសិកម្ម ការដាំដុះដំណាំតាមរដូវ និងដំណាំអចិន្ត្រៃយ៍ ការចិញ្ចឹមសត្វ និងបសុបក្សី វារីវប្បកម្ម និងការនេសាទ កម្លាំងពលកម្ម សកម្មភាពសេដ្ឋកិច្ចរបស់គ្រួសារកសិកម្ម ព្រមទាំងផលប៉ះពាល់ពីគ្រោះធម្មជាតិ […]

ដោយ​ ហៃ ស៊ីណា ភ្នំពេញ៖ ក្រុមហ៊ុន ហង់ ហាវ៉េស (Hang Harvest) បានចុះកុងត្រាជាមួយក្រុមហ៊ុនចិន ដើម្បីទិញដំឡូងមីស្ងួត ចំនួន២០ម៉ឺនតោន សម្រាប់នាំចេញទៅកាន់ទីផ្សារប្រទេសចិន។ លោក គឹម លាស់ ប្រធានក្រុមហ៊ុន HANG HARVEST បាន​​ឲ្យដឹងថា ក្រុមហ៊ុនបាន​​ចុះអនុស្សា​រណៈ​នៃ​ការ​យោគ​យល់គ្នា ជាមួយក្រុមហ៊ុន កូហ្វកូ បាយអូ អេនើជី (COFCO BIO-ENERGY CO., LTD) ជាជំហានទី២ នៅកំពង់ផែក្នុងទីក្រុងប៉ីហៃ នៃតំបន់​ស្វយ័​ត​ ជនជាតិជាំងក្វាងស៊ីប្រទេសចិន ដើម្បីទិញដំឡូងមី ចំនួន២០ម៉ឺនតោនពីឆ្នាំ២០២៥ ដល់ ឆ្នាំ២០២៦។​ លោកបាន​​លើកឡើងថា ​​​​កិច្ចព្រមព្រៀងនេះនឹងជួយពង្រឹង និងពង្រីកកិច្ចសហប្រតិបត្ដិការពាណិជ្ជកម្មរវាង​កម្ពុជា និងសាធារណៈរដ្ឋប្រជាមានិតចិន ក៏ដូចជាជួយជំរុញការនាំចេញ​វិស័យដំឡូងមី​របស់កម្ពុជាទៅកាន់ទីផ្សារប្រទេសចិន។ លើសពីនេះ លោកបានពន្យល់ថា ​​ចិនជាទីផ្សារដ៏ធំសម្រាប់​ដំឡូងមីកម្ពុជា ហើយ​​ក្រុមហ៊ុនបាននិងកំពុងប្រមូលទិញដំឡូងមីក្រៀមក្នុងរង្វង់២០ម៉ឺនតោនទៅកាន់ទីផ្សារប្រទេសចិនផងដែរ​​​។ ប្រទេសកម្ពុជាជាប់ចំណាត់ថ្នាក់ជាប្រទេសនាំចេញដំឡូងមីធំជាងគេទី៤ នៅអាស៊ី និងទី១០នៅលើពិភពលោក ជាមួយផ្ទៃដីដាំដុះប្រមាណ៦០ ទៅ៨០ម៉ឺនហិកតា។ ក្នុងរយៈពេល៨ ខែដើមឆ្នាំ២០២៦នេះ កម្ពុជាបាន​​នាំចេញដំឡូងមីក្រៀម និងចំណិតដំឡូងមីទៅកាន់ទីផ្សារចិន […]

ដោយ​ នៅ ស៊ីវុត្ថា ភ្នំពេញ៖ មន្ត្រីជាន់ខ្ពស់ នៃក្រុមប្រឹក្សាអភិវឌ្ឍន៍កម្ពុជា បានជំរុញឱ្យអ្នកចិញ្ចឹមសត្វនៅ​កម្ពុជាកែ​ច្នៃផលិតផល ដើម្បីឈានទៅរកការនាំចេញទៅទីផ្សារអន្តរជាតិ។ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) បានមានប្រសាសន៍ថា សមាគមអ្នកចិញ្ចឹមសត្វកម្ពុជា គួរបន្តអភិវឌ្ឍវិស័យចិញ្ចឹមសត្វ ដោយមិនត្រឹមតែបំពេញតម្រូវការទីផ្សារក្នុងស្រុកប៉ុណ្ណោះទេ ប៉ុន្តែត្រូវពង្រឹងការកែច្នៃផលិតផល សម្រាប់ការនាំចេញផងដែរ។ ក្នុងជំនួបជាមួយនឹង​សមាគម​អ្នកចិញ្ចឹមសត្វកម្ពុជា លោក ជា វុទ្ធី បានបញ្ជាក់ថា គណៈកម្មាធិការវិនិយោគកម្ពុជា នឹងជួយ​សម្របសម្រួល និងសហការជាមួយក្រសួង-ស្ថាប័នពាក់ព័ន្ធ ដើម្បីជំរុញការអភិវឌ្ឍវិស័យចិញ្ចឹមសត្វ។ ជាការឆ្លើយតប លោក ស្រ៊ុន ពៅ បានបង្ហាញការគាំទ្រចំពោះការលើកទឹកចិត្តនេះ ហើយថា សមាគមនឹង​ត្រៀមរៀបចំកែច្នៃសាច់ ដើម្បីនាំចេញទៅកាន់ទីផ្សារបរទេស។ ជាមួយគ្នានេះលោក ស្រ៊ុន ពៅ ក៏បានលើកឡើងពីបញ្ហាប្រឈម និងសំណូមពរមួយចំនួន ដើម្បីស្វែងរកដំណោះស្រាយសមស្របសម្រាប់កសិករ​អ្នកចិញ្ចឹមសត្វ ឱ្យមានការរីកចម្រើន និងមានចីរភាព៕

ដោយ ​នៅ​ ស៊ីវុត្ថា ភ្នំពេញ៖ ស្បៀងអាហារជិត១៧ភាគរយ នៅអាស៊ីអាគ្នេយ៍បានបាត់បង់ ឬមានការ​ខ្ជះខ្ជាយ ដែលជាចាំបាច់ត្រូវកែលម្អបច្ចេកទេសសម្ងួត ការរក្សាទុក ការកែច្នៃ ការវេចខ្ចប់ និងបច្ចេកវិទ្យាធ្វើតេស្ត ដើម្បីកាត់បន្ថយការខាតបង់ និងបង្កើនតម្លៃសម្រាប់កសិករ និងអាជីវកម្មក្នុងវិស័យស្បៀងអាហារ។ បណ្ដាប្រទេសអាស៊ាន រួមទាំងកម្ពុជា​ផង ចាំបាច់ត្រូវកែលម្អបច្ចេកទេសសម្ងួត ការរក្សាទុក ការកែច្នៃ ការវេចខ្ចប់ និងបច្ចេកវិទ្យាធ្វើតេស្ត ដើម្បីកាត់បន្ថយការខាតបង់ និងបង្កើនតម្លៃកសិផល និងអាជីវកម្មក្នុងវិស័យស្បៀងអាហារ នេះបើតាមលោក សាត​វីនឌ័រ ស៊ីង (Satvinder Singh) អគ្គលេខាធិការរងអាស៊ានទទួលបន្ទុកសហគមន៍សេដ្ឋកិច្ចអាស៊ាន ក្នុងសិក្ខាសាលារួម និងទស្សនកិច្ចផ្លាស់ប្តូរបទពិសោធន៍រយៈពេល២ថ្ងៃ ស្តីពីនវានុវត្តន៍ម្ហូបអាហារ នៅរាជធានីភ្នំពេញ កាលពីថ្ងៃទី១០ និង១១ ខែវិច្ឆិកា ឆ្នាំ២០២៦។ លោកបានថ្លែងទៀតថា នវានុវត្តន៍ម្ហូបអាហារមានសារៈសំខាន់ក្នុងការជួយឱ្យអាជីវកម្មក្នុងតំបន់ផ្លាស់ប្តូរពីការនាំចេញផលិតផលកសិកម្មឆៅ ទៅរកការផលិត និងកែច្នៃផលិតផលដែលមានតម្លៃបន្ថែមខ្ពស់។ លោកបានបញ្ជាក់បន្ថែមថា ការច្នៃប្រឌិតក្នុងវិស័យស្បៀងអាហារ គឺជាមធ្យោបាយសំខាន់ក្នុងការរក្សាទុក និងបង្កើនតម្លៃសេដ្ឋកិច្ចនៃផលិតផលនៅក្នុងតំបន់។ បណ្ឌិត ហ៊ុល សៀងហេង ប្រធានគណៈកម្មាធិការជាតិវិទ្យាសាស្ត្រ បច្ចេកវិទ្យា និងនវានុវត្តន៍ កម្ពុជា ថ្លែងថា […]

ភ្នំពេញ​៖​ កម្ពុជាកំណត់គោលដៅចុះឈ្មោះអ្នកសេដ្ឋកិច្ចក្រៅប្រព័ន្ធឱ្យបាន ២លាននាក់ ត្រឹមឆ្នាំ២០២៨ ខណៈបច្ចុប្បន្នសម្រេចបានជាង៥៣ម៉ឺននាក់ហើយ។ រាជរដ្ឋាភិបាលកំពុងជំរុញការផ្តល់អត្ថប្រយោជន៍ផ្នែកសន្តិសុខសង្គម ជំនាញវិជ្ជាជីវៈ និងហិរញ្ញវត្ថុ ដើម្បីលើកកម្ពស់ជីវភាព និងពង្រឹងអាជីវកម្មរបស់អ្នកសេដ្ឋកិច្ចក្រៅប្រព័ន្ធ។ កម្ពុជាបានដាក់គោលដៅចុះឈ្មោះអ្នកសេដ្ឋកិច្ចក្រៅប្រព័ន្ធឱ្យបានយ៉ាងតិច២លាននាក់ ត្រឹមឆ្នាំ២០២៨ ខណៈបច្ចុប្បន្នមានជាង៥៩ម៉ឺននាក់ បានចុះឈ្មោះរួចរាល់។  នេះបើតាមលោករដ្ឋមន្ត្រី ហែម វណ្ណឌី ប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ។ លោកហែម វណ្ណឌី បានបញ្ជាក់ថា ការសម្រេចចុះឈ្មោះបាន៥០ម៉ឺននាក់ ជាសក្ខីភាពបង្ហាញពីការផ្តល់តម្លៃ និងការទទួលស្គាល់ផ្លូវការរបស់រដ្ឋាភិបាលចំពោះតួនាទី របស់អ្នកសេដ្ឋកិច្ចក្រៅប្រព័ន្ធ នៅក្នុងសង្គម និងសេដ្ឋកិច្ចជាតិ។ ជាមួយគ្នានេះ លោកបានលើកទឹកចិត្តដល់អ្នកសេដ្ឋកិច្ចក្រៅប្រព័ន្ធដែលមិនទាន់បានចុះឈ្មោះ គួរ​ទៅចុះឈ្មោះ ដើម្បីចាប់យកឱកាសនិងអត្ថប្រយោជន៍នានាដែលរាជរដ្ឋាភិបាលបានគិតគូរដល់ពួកគាត់ ហើយការចុះឈ្មោះនេះ គឺត្រូវធ្វើឡើងតាមគោលការណ៍ស្ម័គ្រចិត្ត មិនមានការបង់កម្រៃសេវាអ្វីទាំងអស់។ គិតត្រឹមថ្ងៃទី៦ ខែវិច្ឆិកា ឆ្នាំ២០២៦ ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ ទទួលបានសំណើចុះឈ្មោះសរុបជាង៥៦ម៉ឺន ក្នុងនោះ៥៣ម៉ឺនសំណើ ត្រូវបានអនុម័តរួចរាល់។ ប្រមាណ៩៥ភាគរយនៃអ្នកស្នើសុំបានចុះឈ្មោះដោយខ្លួនឯង ដែលភាគច្រើនតាមរយៈកម្មវិធីទូរសព្ទដៃ។ ថ្នាលឌីជីថល CAM-IE ត្រូវបានរាជរដ្ឋាភិបាលដាក់ឱ្យដំណើរការកាលពីខែធ្នូ ឆ្នាំ២០២៤ ហើយបច្ចុប្បន្នទទួលបានសំណើចុះឈ្មោះជាមធ្យមប្រមាណ២.០០០សំណើក្នុងមួយថ្ងៃ៕

ភ្នំពេញ៖ សហគមន៍កសិកម្ម​ទំនើបខេមស៊ីដ​មានផែនការពង្រីក​ផលិតកម្មស្រូវពូជសែនក្រអូប ០១ ស្រូវ​ស្រង៉ែ និងស្រូវផ្ការក្រវ៉ាន់​​ដែលជាពូជ​មិនប្រាកន់រដូវ ចាប់ពីខែធ្នូ​ ឆ្នាំ២០២៦ រហូតដល់ខែកុម្ភៈ ឆ្នាំ​២០២៧ខាងមុន​នេះ​ឱ្យបាន​៨០០តោន​ សម្រាប់ផ្គត់ផ្គង់​ជូនកសិករ​។​ ដើម្បីអនុវត្តផែនការនេះ ​សហគមន៍ត្រូវការ​ស្នើសុំអន្តរាគមន៍​ពីរាជរដ្ឋាភិបាល​នូវឥណទាន​ចំនួន​១២ម៉ឺនដុល្លារ ដែលមានអត្រាការប្រាក់សមរម្យ យកមក​ប្រមូលទិញស្រូវដែលបានចុះកិច្ចសន្យាជាមួយបងប្អូនប្រជាកសិករ​។​ សហគមន៍ផលិតស្រូវពូជមួយឈ្មោះថា ខេមស៊ីដ មានគម្រោង​ប្រមូលទិញស្រូវពីកសិករ ដើម្បី​យកមកផលិត​ស្រូវពូជ ឱ្យបាន៨០០តោន សម្រាប់ផ្គត់ផ្គង់ទៅកសិករវិញ ប៉ុន្តែ​ត្រូវការទុនពីរដ្ឋាភិបាល​ខ្ទង់១២ម៉ឺនដុល្លារ។ លោក ប៊ុន សុធន់ នាយកប្រតិបត្តិ​នៃសហគមន៍កសិកម្មទំនើប​ខេមស៊ីដ ​ក្នុងខេត្តកំពង់ឆ្នាំ ​បានឱ្យដឹង​ថា នៅឆ្នាំ​២០២៥ ​​សហគមន៍ផលិតស្រូបពូជបាន៣៥០តោន​ ​​។ ប៉ុន្តែ សម្រាប់ឆ្នាំ​២០២៦នេះ​ ការផលិតស្រូវពូជ​របស់សហគមន៍បានក្រោម​៣០០តោន​​ ដោយសារតែ​គ្រោះរាំងស្ងួតធ្វើឱ្យ​ការផលិតស្រូវពូជជួបប្រទះ​បញ្ហាធ្ងន់ធ្ងរមិនអាចដោះស្រាយបាន​។ ​​ដូចនេះ​ នៅខែធ្នូឆ្នាំ​២០២៦ រហូតដល់ខែកុម្ភៈឆ្នាំ​២០២៧ខាងមុខនេះ​ សហគមន៍កសិកម្មខេមស៊ីដ​មានផែនការ​ផលិតស្រូវពូជ​មិនប្រកាន់រដូវ​ ឱ្យបាន​៨០០តោន​ សម្រាប់ផ្គត់ផ្គង់​តាមតម្រូវការរបស់កសិករ​។ ​លោក ប៊ុន សុធន់ បាន​បន្តថា តម្រូវការឥណទាន​បន្ថែម សម្រាប់​ប្រមូលទិញពូជពីកសិករនេះ​ គឺមានភាពចាំបាច់ចំពោះសហគមន៍​​ ព្រោះ​ត្រូវការទូទាត់ប្រាក់ជូនកសិករភ្លាមៗនៅពេល​ប្រមូលទិញស្រូវ​ទៅតាមកិច្ចសន្យា​​ ហើយថា សហគមន៍មិនអាចទិញពូជស្រូវពីកសិករដោយជំពាក់ប្រាក់គាត់បានទេ​។ បច្ចុប្បន្នសហគមន៍​កសិកម្ម​ទំនើបខេមស៊ីដ ​​មានសមាជិកសរុប​២២០គ្រួសារ ដែលអាច​ផលិតស្រូវពូជ​​បានពី៣០០ ទៅ​៦០០តោន​ ហើយ​​​​​គ្រោងពង្រីកសក្តានុពលនេះឱ្យបាន១ […]

ដោយ ឡុង សារេត ភ្នំពេញ៖ សហគមន៍កសិកម្មទំនើប​មៀនប៉ៃលិន​ ដែលទើបតែបង្កើតឡើងនៅដើមឆ្នាំ​២០២៦ បានចាប់ផ្តើម​ប្រមូលផល​ផ្លែមៀនប៉ៃលិន​លើកដំបូង​ ចាប់ពីខែកញ្ញា រហូតដល់​ខែវិច្ឆិកា ឆ្នាំ២០២៦នេះ បាន​៩០តោន​​ ផ្គត់ផ្គង់ទៅ​ក្រុមហ៊ុន​ចំនួន៤​សម្រាប់កែច្នៃ​ និងនាំចេញផ្លែមៀនស្រស់ទៅប្រទេស​ចិន​។​​ អ្នកស្រី ជា លាភ អនុប្រធានក្រុមប្រឹក្សាភិបាល​​សហគមន៍កសិកម្មទំនើបមៀនប៉ៃលិន បានឱ្យដឹង​ថា សមាជិករបស់សហគមន៍បាន​ប្រមូលផលផ្លែមៀនស្រស់ និងផ្គត់ផ្គង់ដល់ក្រុមហ៊ុន​ចំនួន​៤ ក្នុងនោះមាន​ក្រុមហ៊ុនឆាយណា ជីនវ័រយាន,ក្រុមហ៊ុនវិផា ហ៊្រ្វូត ត្រេឌីង,ក្រុមហ៊ុនពេជ្រចិន្ដា ហ៊្រ្វូត ប្រូដាកសិន និងក្រុមហ៊ុន ប៊ុនធឿន វ៉ាយប៊ីធី ជាមួយនិងតម្លៃ​ចន្លោះពី២ ៨០០ ទៅ​៣ ៥០០រៀល ​ក្នុងមួយគីឡូក្រាម​។ អ្នកស្រីបានឱ្យដឹងថា សហគមន៍កសិកម្មទំនើបមៀនប៉ៃលិន ត្រូវបាន​បង្កើតឡើងនៅខែមករា​ ឆ្នាំ២០២៦ ហើយ​រហូតមកដល់សព្វថ្ងៃនេះ​មានសមាជិក​ប្រមាណ​៩២នាក់ មានផ្ទៃដីដាំមៀនប៉ៃលិនចំនួន​៣ ០០០ហិកតា​ ​ហើយការផលិតមៀនប៉ៃលិននៅក្នុងឆ្នាំ​ដំបូង​នេះ​​ ហាក់មានភាពយឺតយាវ​ដោយសារបញ្ហាដើមទុន​ ។​ ទាក់ទងនិង​ដើមទុន​សម្រាប់​ផលិតមៀនប៉ៃលិន​, អ្នកស្រី ជា លាភ បានបញ្ជាក់ឱ្យដឹងថា សហគមន៍​ត្រូវការផ្តល់ទុនជូនកសិករ ដែលជាសមាជិក​មាន៣ដំណាក់កាល​។ ទី១ ចាប់ពីការថែទាំមៀនដំបូង​​រហូតដល់ចេញផ្កា, ​ទី​២ចាប់ពីមៀន​ចេញផ្កា ក្តឹប​ […]

ដោយ ហៃ ស៊ីណា ភ្នំពេញ៖ សហព័ន្ធស្រូវអង្ករកម្ពុជា បានឱ្យដឹងថា រោងម៉ាស៊ីនជាសមាជិករបស់ខ្លួនចំនួន ១៤០ក្រុមហ៊ុន​ កំពុងសម្រុកទិញស្រូវផ្ការំដួលរបស់កសិករ​នៅទូទាំងប្រទេស ក្នុងតម្លៃចន្លោះពី១ ០១០ រៀល ដល់១ ១៩០រៀល ទៅតាមខេត្ត និងតំបន់ ។ សហព័ន្ធបានឱ្យដឹងថា គិត​ត្រឹមថ្ងៃទី ១០ ខែវិច្ឆិកា ឆ្នាំ២០២៦ រោងម៉ាស៊ីនកិនស្រូវទាំង ១៤០ ចាប់ផ្តើមទិញស្រូវផ្ការំដួល​ពីប្រជាកសិករនៅទូទាំងប្រទេស​ ។ លោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា មានប្រសាសន៍ ​នៅថ្ងៃទី១១ ខែវិច្ឆិកា ឆ្នាំ២០២៦នេះថា  ​​រោងម៉ាស៊ីនទាំង១៤០នោះ គឺ​មានទាំងខ្នាតតូច ខ្នាតមធ្យម និងខ្នាតធំ ដែលជាសមាជិករបស់សហព័ន្ធស្រូវអង្ករកម្ពុជា ។​ លោកបានបន្ថែមថា បច្ចុប្បន្ននេះ រោងម៉ាស៊ីន​ជាសមាជិក​ទាំងអស់​នោះ កំពុង​ទិញស្រូវពីកសិករ​​ក្នុងតម្លៃល្អលើទីផ្សារ ហើយស្របតាមគោលនយោបាយរបស់រដ្ឋាភិបាល​​ ដែលជំរុញឱ្យ​រក្សាស្ថេរភាពតម្លៃផងដែរ។​​​​ ចំណែកឧកញ៉ា សុង សារ៉ន អគ្គនាយកក្រុមហ៊ុន អេមរូ រ៉ាយស៍ ​​​មានប្រសាសន៍​ថា ក្រុមហ៊ុន​​គ្រោងទិញស្រូវតាមកិច្ចសន្យាចំនួន៤៥ ០០០តោន​​ […]

ភ្នំពេញ៖ ក្រោយពីតំបន់ផលិតបន្លែ​នៅតាម​បណ្តាខេត្ត​រងផលប៉ះពាល់​ពីទឹកជំនន់ ដោយ​​ពុំទាន់អាច​ធ្វើការដាំដុះ​ឬឆ្លើយតប​បានគ្រាប់គ្រាន់ទៅលើ​ទីផ្សារ​ ធ្វើឱ្យតម្លៃបន្លែ​លក់​បាន​ថ្លៃខ្ពស់នៅលើទីផ្សារ តួយ៉ាង​បន្លែ​ដាំនៅក្នុងផ្ទះសំណាញ់របស់សហគមន៍កសិកម្មទំនើប​ស្រូវអង្ករសុវត្ថិភាព​ស្រុកឯកភ្នំខេត្តបាត់ដំបង ថ្លៃ​ពី​៣០០០ទៅ​៣៥០០រៀលក្នុងមួយគីឡូក្រាម​។​ សហគមន៍កសិកម្មទំនើប​ស្រូវអង្ករ​សុវត្ថិភាព​ស្រុកឯកភ្នំ ​មាន​ដាំបន្លែ​ក្នុងផ្ទះសំណាញ់ចំនួន ​៧៨ខ្នង ។ គិតចាប់ពីថ្ងៃទី​​២៦ ខែកញ្ញា​រហូតដល់​ដើមខែវិច្ឆិកាកន្លងមកនេះ សហគមន៍ប្រមូលផល​បន្លែបាន​ប្រមាណ ​៩តោន ដោយក្នុងមួយគីឡូក្រាម​លក់បាន​ថ្លៃចន្លោះពី​៣ ០០០ ទៅ​៣ ៥០០រៀល​។ កញ្ញា អន បូរី អនុប្រធានសហគមន៍កសិកម្មទំនើបស្រូវអង្ករសុវត្ថិភាពស្រុកឯកភ្នំបាន​ឱ្យដឹង​ថា ​នៅក្នុងស្រុកឯកភ្នំទាំងមូល​កន្លងទៅជួបប្រទះ​និងទឹកជំនន់​​ ហើយ​កាប្រមូលផលស្ពៃស​ក្រញាញ់ ស្ពៃតឿ​ ​បោះដុំលក់ទៅឈ្មួញបាន​តម្លៃ​៣ ០០០ ទៅ​៣ ៥០០រៀ​ល។ ចំណែក​ស្ពៃឆៃស៊ីម​លក់បានថ្លៃ​២ ០០០ ទៅ​២ ៨០០រៀលក្នុងមួយគីឡូក្រាម​។​ បច្ចុប្បន្ន​តម្លៃស្ពៃ​ទាំងនេះ​នូវតែរក្សាបាន​ថ្លៃខ្ពស់នៅលើទីផ្សារ​។​ កញ្ញា អន បូរី លើកឡើង​ថា​​ ការផលិតបន្លែនៅក្នុងផ្ទះសំណាញ់ ដើម​ឡើយនៅស្រុកឯកភ្នំ​មានតែ​៦​ខ្នង​ប៉ុណ្ណោះនៅក្នុងភូមិ​។ ប៉ុន្តែ ក្នុងពេលបច្ចុប្បន្ន​​ឃើញ​មាន​ការ​ផ្លាស់ប្តូរ​ពីការដាំបន្លែនៅលើ​ទីវាលមក​ដាំក្នុងផ្ទះសំណាញ់​ច្រើន​​ ដោយសារ​ អាចការពារ​ពីការ​ប្រែប្រួល​អាកាសធាតុបាន​​។​ ជាក់ស្តែង​ចាប់តាំង​ពីសហគមន៍បានចងក្រងជាក្រុមផលិតមក បន្លែនៅក្នុងផ្ទះសំណាញ់ទទួល​បានទិន្នផលល្អ​ ចំណាយដើមទុនតិច​ មិនដូចជាងការដាំបន្លែនៅលើទីវាល​​ រងផលប៉ះពាល់ច្រើន ពីកត្តាសត្វល្អិត កត្តាអាកាសធាតុ៕ ​

ដោយ​ រស្មី ភ្នំពេញ៖ ក្រោយតម្លៃកង្កែបបានធ្លាក់ចុះខ្លាំងដែលធ្វើឱ្យអ្នកចិញ្ចឹមប្រឈមជាមួយការចិញ្ចឹមខាតដើម នៅពេលនេះតម្លៃកង្កែបបានងើបឡើងវិញដោយក្នុងនោះអ្នកចិញ្ចឹមកង្កែបអាចរកប្រាក់ចំណេញ វិញបន្តបន្ទាប់។ តម្លៃកង្កែបក្នុងស្រុកបានងើបឡើងមកវិញ គឺពីជិត៧​ ០០០រៀលឡើងទៅ ក្នុងមួយគីឡូក្រាម បន្ទាប់ពីបានដាំក្បាលចុះរហូតដល់៤ ៥០០រៀលកាលពីខែមេសា និងឧសភា ។ នេះបើយោងតាមការបញ្ជាក់ពីសមាគមវារីវប្បករនៅកម្ពុជា។ សមាគមវារីវប្បករកម្ពុជាបានឱ្យដឹងថាចាប់ពីចុងឆ្នាំ២០២៦នេះ តម្លៃកង្កែបសាច់អាចនឹងបន្តកើនថែមទៀត ដោយសារការផលិតកូនកង្កែបក្នុងរដូវនេះត្រូវការបច្ចេកទេសខ្ពស់។ ទោះបីយ៉ាងណា សមាគមវារីវប្បករកម្ពុជាបានឱ្យដឹងដែរថាតម្លៃកង្កែបក្នុងស្រុក នៅតែរងឥទ្ធិពលពីកង្កែបនៅវៀតណាម ។ ជាមួយគ្នានេះសមាគមវារីវប្បករកម្ពុជាអំពាវនាវឱ្យបិទការលបលួចនាំកង្កែបពីប្រទេសជិតខាងទើបអ្នកចិញ្ចឹមអាចរកប្រាក់ចំណេញ ហើយការចិញ្ចឹមមានស្ថេរភាពសម្រាប់ការផ្គត់ផ្គង់ក្នុងស្រុក ។ លោក ឡែមភូរ សុថាវរិទ្ធ ប្រធានសមាគមវារីវប្បករនៅកម្ពុជា បានបញ្ជាក់ប្រាប់កសិករ TVថា នាពេលនេះតម្លៃកង្កែបរស់ចិញ្ចឹមក្នុងស្រុកបានឡើងថ្លៃពីជិត៧ ០០០រៀលឡើងទៅ ក្នុងមួយគីឡូក្រាម គឺអ្នកចិញ្ចឹមអាចរកប្រាក់ចំណេញបានហើយ។ លោកបាននិយាយថា បើតម្លៃកង្កែបធ្លាក់ក្រោម៦ ៥០០រៀល នោះអ្នកចិញ្ចឹមនឹងប្រឈមខាតដើម។ លោកបានលើកឡើងដែរថាពេលនេះចំណីកង្កែបបានឡើងថ្លៃពី១៨ ទៅ២៥ភាគរយ ម្ល៉ោះហើយបើមានកង្កែបនាំចូលច្រើននោះធ្វើឱ្យតម្លៃកង្កែបធ្លាក់ចុះធ្វើឱ្យកសិករត្រូវប្រឈមខាតដើម។ ប្រធានសមាគមវារីវប្បករនៅកម្ពុជា បានប្រាប់ដែរថា កម្ពុជាត្រូវការសាច់កង្កែបជាមធ្យម ប្រមាណ២០តោនក្នុងមួយថ្ងៃ ប៉ុន្តែកម្ពុជាផ្គត់ផ្គង់បានត្រឹមតែ១០តោននៅឡើយទេ ហើយបើតម្លៃកង្កែបល្អប្រសើរ ពលរដ្ឋចិញ្ចឹមច្រើនចំនួនផ្គត់ផ្គង់នឹងមានច្រើនជាងនេះ៕​

ដោយ នៅ ស៊ីវុត្ថា ភ្នំពេញ៖ ប្រធានសមាគមអ្នកចិញ្ចឹមសត្វកម្ពុជា អំពាវនាវដល់អាជ្ញាធរខេត្តជាប់ព្រំដែនវៀតណាម ឱ្យរឹតបន្តឹងការត្រួតពិនិត្យ និងទប់ស្កាត់ការនាំចូលជ្រូកខុសច្បាប់ ខណៈជំងឺប៉េស្តជ្រូកអាហ្វ្រិកកំពុងផ្ទុះនៅខេត្តកាម៉ៅ ភាគខាងត្បូងប្រទេសវៀតណាម ដោយមានជ្រូកជាង១ ០០ក្បាល ត្រូវបានសម្លាប់ចោល។ ប្រធានសមាគមអ្នកចិញ្ចឹមសត្វកម្ពុជា អំពាវនាវដល់អាជ្ញាធរខេត្តជាប់ព្រំដែនវៀតណាម ឱ្យចាត់វិធានការទប់ស្កាត់ការនាំចូលជ្រូកខុសច្បាប់ និងបង្កើនការត្រួតពិនិត្យឱ្យបានម៉ត់ចត់ ខណៈជំងឺប៉េស្តជ្រូកអាហ្វ្រិកកំពុងផ្ទុះឡើងនៅខេត្តកាម៉ៅ ស្ថិតនៅភាគខាងត្បូងប្រទេសវៀតណាម ដែលជាអតីតខេត្តទឹកខ្មៅនៃកម្ពុជាក្រោម។ លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជា បានអំពាវនាវដល់អាជ្ញាធរខេត្តទាំងអស់ដែលមានព្រំដែនជាប់ប្រទេសវៀតណាម ឱ្យដាក់ចេញវិធានការទប់ស្កាត់ និងរឹតបន្តឹងការត្រួតពិនិត្យ ដើម្បីការពារផលប្រយោជន៍អ្នកចិញ្ចឹមសត្វក្នុងស្រុក ក៏ដូចជាការពារសុខភាពអ្នកប្រើប្រាស់។ ជុំវិញបញ្ហានេះ លោក វ៉ី សំណាង អភិបាលខេត្តតាកែវ បានថ្លែងថា លោកមិនទាន់ទទួលបានព័ត៌មានអំពីការផ្ទុះជំងឺប៉េស្តជ្រូកអាហ្វ្រិកនៅប្រទេសវៀតណាមនៅឡើយទេ។ ទោះជាយ៉ាងណា លោកនឹងណែនាំដល់ប្រធានមន្ទីរកសិកម្ម រុក្ខាប្រមាញ់ និងនេសាទខេត្តតាកែវ រួមទាំងការិយាល័យផលិតកម្ម និងបសុព្យាបាលខេត្ត ឱ្យចាត់វិធានការចុះត្រួតពិនិត្យតាមតំបន់ព្រំដែន និងណែនាំដល់ប្រជាពលរដ្ឋឱ្យចូលរួមបង្ការ និងទប់ស្កាត់ការឆ្លងរាលដាលជំងឺនេះចូលក្នុងប្រទេសកម្ពុជា។ យោងតាមមន្ទីរកសិកម្ម និងបរិស្ថានខេត្តកាម៉ៅ បានឱ្យដឹងថា ខេត្តកាម៉ៅ បានរកឃើញការផ្ទុះជំងឺចំនួន២៣ករណី ដែលប៉ះពាល់ដល់គ្រួសារកសិករចិញ្ចឹមជ្រូកចំនួន ១៣៨គ្រួសារ នៅក្នុងឃុំចំនួន ១៨។ ជ្រូកសរុបចំនួន […]