All Program
News & ជាតិ & ព័ត៌មានថ្មីៗ

ឯកឧត្តមបណ្ឌិត កៅ ថាច៖ ធនាគារគោលនយោបាយផ្តល់ប្រាក់កម្ចីអត្រាការប្រាក់ទាបដល់វិស័យកសិកម្ម
ដោយ ឡុង សារេត ខេត្តកំពង់ធំ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោមានប្រសាសន៍ថា កសិករ និងអ្នកកែច្នៃកសិផល អាចស្វែងរកឥណទានក្នុងអត្រាការប្រាក់ទាបពី ARDB ដែលជាធនាគារគោលនយោបាយរបស់រដ្ឋាភិបាល ។ ឯកឧត្តមបណ្ឌិត បានពន្យល់ថា ដូចគ្នានឹងតាមបណ្ដាប្រទេសនានាដែរ ដើម្បីឱ្យប្រជាជនអាចខ្ចីលុយពីរាជរដ្ឋាភិបាលបាន គឺរាជរដ្ឋាភិបាលបង្កើតធនាគារមួយសម្រាប់បញ្ចេញលុយទៅឱ្យប្រជាពលរដ្ឋខ្ចីដើម្បីជំរុញវិស័យអាទិភាព ពោលគឺវិស័យកសិកម្ម និងការអភិវឌ្ឍន៍ជនបទ ។ ឯកឧត្តមបណ្ឌិតមានប្រសាសន៍លើកឡើងបែបនេះក្នុងពិធីសំណេះសំណាល និងសួរសុខទុកប្រជាកសិករនៅសាលាស្រុកកំពង់ស្វាយ ខេត្តកំពង់ធំកាលពីព្រឹកថ្ងៃទី៥ ខែវិច្ឆិកា ឆ្នាំ២០២៦។ ពិធីនេះមានការអញ្ជើញចូលរួមជាកិត្តិយសពីលោក ដួង ចន្ទដារ៉ា អភិបាលរងស្រុកកំពង់ស្វាយ ក្រុមការងារបណ្តាញកសិករតេជោ មន្ទីរកសិកម្មខេត្ត រដ្ឋបាលស្រុក ការិយាល័យកសិកម្មស្រុក មេឃុំគ្រប់ឃុំ មេភូមិគ្រប់ភូមិ តំណាងសហគមន៍កសិកម្មសរុបប្រមាណជាង២០០នាក់។ ឯកឧត្តមបណ្ឌិតមានប្រសាសន៍ថា “នៅកម្ពុជា យើងមានធនាគារអភិវឌ្ឍន៍ជនបទ និងកសិកម្មនេះមុនគេ ដែលជួយបំពេញដល់តម្រូវការចាំបាច់ក្នុងការអភិវឌ្ឍសេដ្ឋកិច្ចជនបទ និងវិស័យកសិកម្ម។ ដូចនេះធនាគារ ARDB គឺជាដៃរបស់រាជរដ្ឋាភិបាល ក្នុងការផ្តល់លុយឱ្យប្រជាពលរដ្ឋខ្ចីយកទៅធ្វើការងារ និងប្រកបមុខរបរក្នុងវិស័យកសិកម្ម។ ធនាគាររបស់រដ្ឋនេះតែងតែផ្តល់លុយឱ្យប្រជាពលរដ្ឋខ្ចីក្នុងអត្រាការប្រាក់សមរម្យ ហើយទាបជាងបណ្តាគ្រឹះស្ថានហិរញ្ញវត្ថុផ្សេងៗនៅក្នុងប្រទេស។ បើពុំដូចនេះទេ […]
News & ព័ត៌មានថ្មីៗ & អន្តរជាតិ

កសិដ្ឋានចិញ្ចឹមមាន់នៅម៉ាឡេស៊ី ត្រូវផ្លាស់ទី ព្រោះគេប្តឹងអំពីសត្វរុយ និងក្លិនស្អុយ
គូឡាឡាំពួរ៖ កសិដ្ឋានចិញ្ចឹមមាន់នៅក្នុងរដ្ឋចូហ័រ (Johor) ភាគខាងត្បូងម៉ាឡេស៊ី និងមានព្រំដែនជាប់សិង្ហបុរី ដែលត្រូវបានបង្កើតឡើងមុនគេ តាំងពីទសវត្សរ៍ឆ្នាំ១៩៩០ មុនពេលបង្កើតជាតំបន់លំនៅឋាន និងតំបន់ឧស្សាហកម្ម នៅក្បែរកសិដ្ឋាននេះក្នុងឆ្នាំ២០២១។ ទោះបីជាគ្មានការសង្ស័យថា តើនរណាមកមុនរវាងមេមាន់ និងស៊ុតក៏ដោយ ក៏ម្ចាស់កសិដ្ឋាននេះ មានគម្រោងផ្លាស់ប្តូរទីតាំងកសិដ្ឋានរបស់ខ្លួន បន្ទាប់ពីអ្នករស់នៅក្បែរនោះបានប្តឹងជាបន្តបន្ទាប់អំពីបញ្ហាសត្វរុយ និងក្លិនស្អុយអាចម៍មាន់ខ្លាំងពេក។ ម្ចាស់កសិដ្ឋាន បាននិយាយថា អាជ្ញាធរមូលដ្ឋានចង់ឱ្យលោករើចេញ។ ដូច្នេះ លោកត្រូវចំណាយប្រាក់ផ្ទាល់ខ្លួន ដើម្បីផ្លាស់ប្តូរទីតាំងកសិដ្ឋាន ដែលត្រូវចំណាយអស់ជាង៧លានដុល្លារ។ កសិដ្ឋានចិញ្ចឹមមាន់ និងផលិតស៊ុតជាច្រើននៅតាមតំបន់ផ្សេងៗក្នុងប្រទេសម៉ាឡេស៊ី កំពុងជួបប្រទះការត្អូញត្អែរកាន់តែច្រើនឡើងអំពីសត្វរុយ កាកសំណល់ និងក្លិនស្អុយ ចំពេលទីក្រុងកំពុងពង្រីកខ្លួនយ៉ាងឆាប់រហ័ស ដែលធ្វើឱ្យមានការសាងសង់តំបន់លំនៅឋានថ្មីៗកាន់តែខិតជិតតំបន់កសិកម្ម។ ការត្អូញត្អែរទាំងនេះបានជំរុញឱ្យមានការដាក់ចេញនូចបទប្បញ្ញត្តិកាន់តែតឹងរ៉ឹង ឬការពង្រឹងការអនុវត្តច្បាប់ ដែលធ្វើឱ្យប្រតិបត្តិការរបស់កសិដ្ឋានទាំងនេះកាន់តែមានការលំបាក។ យោងតាមនាយកដ្ឋានសេវាពេទ្យសត្វ ម៉ាឡេស៊ី មានទ្រុងចិញ្ចឹមបសុបក្សីចំនួនប្រមាណ៨ភាគរយប៉ុណ្ណោះ ក្នុងចំណោមទ្រុងចិញ្ចឹមសរុបជាង១៦ម៉ឺនទ្រុងនៅម៉ាឡេស៊ី ដែលបានអនុវត្តប្រព័ន្ធទ្រុងបិទជិតល្អ។ ប្រព័ន្ធនេះបែបមិនទាន់បង្ខំឱ្យអនុវត្តនៅតាមកសិដ្ឋានចិញ្ចឹមបសុបក្សីនៅថ្នាក់សហព័ន្ធនៅឡើយទេ ប៉ុន្តែរដ្ឋមួយចំនួនបានកំណត់ឱ្យការប្រើប្រាស់ប្រព័ន្ធបែបនេះ ចាប់ពីថ្ងៃទី១ ខែមករា ឆ្នាំ២០២៧តទៅ។ ភាគច្រើនកសិដ្ឋាននៅក្នុងរដ្ឋចូហ័រផ្គត់ផ្គង់សាច់មាន់ និងស៊ុតមាន់ ជារៀងរាល់ថ្ងៃទៅទីផ្សារប្រទេសសិង្ហបុរី ដែលមានព្រុំប្រទល់ជាប់គ្នា។ កសិករចិញ្ចឹមមាន់ នៅក្នុងរដ្ឋនេះព្រួយបារម្ភថា ការពង្រីកទីក្រុងយ៉ាងឆាប់រហ័សនឹងគំរាមកំហែងដល់សន្តិសុខស្បៀងរបស់ម៉ាឡេស៊ី ដោយសារអ្នកចិញ្ចឹមមាន់ខ្នាតតូច និងមធ្យមកាន់តែច្រើន ត្រូវចំណាយខ្ពស់លើការអនុលោមតាមបទប្បញ្ញត្តិ និងការផ្លាស់ប្តូរទីតាំងកសិដ្ឋាន។ […]
News & ព័ត៌មានថ្មីៗ & អន្តរជាតិ

បុរសជនជាតិជប៉ុនម្នាក់ត្រូវជាប់គុក បន្ទាប់ពីលួចផ្លែទំពាំងបាយជូរជិត១ ០០០ចង្កោម
អូកាយ៉ាម៉ា៖ បុរសគ្មានការងារធ្វើម្នាក់ អាយុ៤២ឆ្នាំ ត្រូវចាប់ខ្លួនបញ្ជូនទៅតុលាការ ក្រោមការសង្ស័យថា បានលួចផ្លែទំពាំងបាយជូរជិត១ ០០០ចង្កោម ពីកសិដ្ឋានផ្ទះកញ្ចក់ជាច្រើនកន្លែងក្នុងខេត្តអូកាយ៉ាម៉ា ភាគខាងត្បូងប្រទេសជប៉ុន។ យោងតាមសារព័ត៌មានក្នុងស្រុករបស់ជប៉ុន ដែលបានចេញផ្សាយព្រោងព្រាតអំពីករណីចោរកម្មនេះ បានឱ្យដឹងថា ផ្លែទំពាំងបាយជួរលួចបានទាំងនេះមានចំនួនពិតប្រាកដ៩៩៥ចង្កោម មានតម្លៃសរុបប្រមាណ៦ ៥០០ដុល្លារ។ បុរសរូបនេះត្រូវតុលាការចោទប្រកាន់ពីបទលួចទ្រព្យសម្បត្តិអ្នកដទៃ ចំនួនពីរករណីស្រដៀងគ្នា ហើយបច្ចុប្បន្នបានចេញពីគុកវិញ ក្រោមលក្ខខណ្ឌបង់ប្រាក់ធានានៅក្រៅឃុំបណ្ដោះអាសន្ន ដែលនគរបាលជប៉ុនកំពុងតាមឃ្លាមើល ព្រោះខ្លាចបុរសនេះលួចអ្វីផ្សេងទៀត។ នគរបាលជប៉ុន ក្នុងខេត្តអូកាយ៉ាម៉ា បានឱ្យដឹងថា បុរសរូបនេះរងការចោទប្រកាន់ថ្មីមួយទៀត ពីបទល្មើសដដែល គឺពាក់ព័ន្ធនឹងការលួចផ្លែទំពាំងបាយជូរ ប្រមាណ៦៥០ចង្កោម ដែលមានតម្លៃសរុប៨ ៧០០ដុល្លារ ពីក្នុងកសិដ្ខានផ្សេងទៀត ស្ថិតនៅក្នុងខេត្តអូកាយ៉ាម៉ា ក្នុងអំឡុងខែកក្កដា និងខែសីហា។ លើសពីនេះ ការស៊ើបអង្កេតរបស់អធិការដ្ឋាននគរបាលជប៉ុន បានរកឃើញករណីលួចស្រដៀងគ្នាចំនួនប្រាំករណីបន្ថែមទៀត ដែលបានកើតឡើងនៅចន្លោះខែកញ្ញា ឆ្នាំ២០២៥ ដល់ខែកក្កដា ឆ្នាំ២០២៦ នៅក្នុងខេត្តដដែលនេះ។ នគរបាលបានបញ្ជាក់ថា បុរសរូបនេះបានសារភាពចំពោះការចោទប្រកាន់ទាំងនេះ ដោយបាននិយាយថា ខ្លួនបានលក់ផ្លែទំពាំងបាយជូរទាំងអស់នោះ តាមអនឡាញ ដើម្បីយកប្រាក់មកចំណាយលើជីវភាពប្រចាំថ្ងៃ៕ (ផាន់ អាណា)
News & ជាតិ & ព័ត៌មានថ្មីៗ

កាហ្វេអាយុរង្វង់ពីរឆ្នាំ ដើមនៅខ្ចី ងាយឆេះខ្លោច និងងាប់ដោយកម្ដៅពីបាតុភូតអែលនីញ៉ូ
ដោយ រស្មី ភ្នំពេញ៖ បាតុភូត អែលនីញ៉ូ កម្រិតខ្លាំង កំពុងឈានមកដល់ចុងឆ្នាំ២០២៦នេះហើយ។ ដូច្នេះសមាគមកាហ្វេកម្ពុជា បានក្រើនរំលឹកដល់ម្ចាស់ចម្ការទើបតែដាំ១ឆ្នាំ ទៅ២ឆ្នាំថា ដើមនៅខ្ចី គឺអាចងាយឆេះខ្លោច និងងាប់បាន។ ដើមកាហ្វេដែលទើបដាំក្នុងរយៈពេល ១–២ ឆ្នាំ គឺងាយរងគ្រោះពីកម្ដៅនៃបាតុភូតអែលនីញ៉ូជាងគេ ព្រោះឫសនៅខ្លី មិនទាន់ចាក់ជ្រៅ ហើយបើគ្មានការត្រៀមខ្លួនទេ ដើមអាចស្រពោនងាប់ ឬលូតលាស់យឺត ធ្វើឲ្យផលិតកម្មកាហ្វេធ្លាក់ចុះ។ សមាគមកាហ្វេកម្ពុជាបានដាស់តឿនឱ្យកសិករអ្នកដាំកាហ្វេទាំងអស់ត្រូវប្រុងប្រយ័ត្នឱ្យបានខ្ពស់ចំពោះបាតុភូតអែលនីញ៉ូ។ អ្នកជំនាញអាកាសធាតុអន្តរជាតិព្យាករហើយថា បាតុភូត អែលនីញ៉ូ កម្រិតខ្លាំងបំផុត អាចឈានដល់កំពូលនៅចុងឆ្នាំ២០២៦ ហើយបន្តឥទ្ធិពលរហូតដល់ឆ្នាំ២០២៧ ហើយរដូវប្រាំងខាងមុខនៅកម្ពុជា អាចក្តៅខ្លាំង និងរាំងស្ងួតអូសបន្លាយយូរជាងធម្មតា។ សមាគមកាហ្វេកម្ពុជាបានប្រាប់ដល់កសិករត្រូវតែមានវិធានការសំខាន់សម្រាប់បម្រុងទុកមានដូច ពង្រីក និងស្តុកប្រភពទឹកពីស្រះ អណ្តូង អាងស្តុកទឹកជាដើម; រៀបចំ ឬពិនិត្យប្រព័ន្ធស្រោចស្រពតំណក់ទឹក; គ្របដីជុំវិញគល់ដើម ដោយចំបើង ស្លឹកឈើ ឬសំបកកាហ្វេ ដើម្បីរក្សាសំណើមក្នុងដី; និង ផ្តល់សារធាតុចិញ្ចឹមគ្រាប់គ្រាន់ ឲ្យកាហ្វេមានភាពធន់ទ្រាំកំដៅថ្ងៃ ជាដើម។ យោងតាមរបាយការណ៍របស់រដ្ឋាភិបាលបានឱ្យដឹងថា បរិមាណផលិតផលកាហ្វេនៅប្រទេសកម្ពុជាក្នុងឆ្នាំ២០២៥កន្លងមក សរុបជាង ១៣១៤តោន ហើយទិន្នផលជាមធ្យមក្នុងមួយហិកតារបស់កាហ្វេគឺ២,៥០តោន៕
News & ព័ត៌មានថ្មីៗ & អន្តរជាតិ

ឥណ្ឌាបន្តបង្ក្រាបរោងចក្រផលិតភេសជ្ជៈ និងចំណីអាហារម៉ាកល្បីៗ លើពិភពលោក ព្រោះខ្វះអនាម័យ
ញូវដែលី៖ រដ្ឋបាលចំណីអាហារ និងគ្រប់គ្រងឱសថរបស់ឥណ្ឌា កាលពីថ្ងៃទី២ ខែវិច្ឆិកា ឆ្នាំ២០២៦ បានបន្តយុទ្ធនាការត្រួតពិនិត្យ និងឆ្មក់ចូលទីតាំងផលិតចំណីអាហារមួយកន្លែងទៀត នៅក្នុងរដ្ឋមហារាស្ត្រ ហើយបានព្យួរអាជ្ញាបណ្ណអាជីវកម្ម បន្ទាប់ពីរកឃើញថា ផលិតផលចំណីអាហារមិនអនុលោមតាមលក្ខខណ្ឌអនាម័យ។ ប្រតិបត្តិការបង្ក្រាបនេះ គឺជាផ្នែកមួយនៃយុទ្ធនាការពិសេស ក្នុងឱកាសបុណ្យប្រពៃណីសាសនារបស់ប្រជាជនឥណ្ឌា។ រដ្ឋបាលចំណីអាហារ និងគ្រប់គ្រងឱសថ នៅក្នុងរដ្ឋទាំង២៩របស់ឥណ្ឌា ជាពិសេសរដ្ឋធំៗ ដូចជារដ្ឋមហារាស្ត្រ រដ្ឋអន្តរប្រទេស រដ្ឋឧត្ដរប្រទេស រដ្ឋមទ្ទយប្រទេស និងរដ្ឋគុជរដ្ឋ បានអំពាវនាវដល់ប្រជាពលរដ្ឋឥណ្ឌាឱ្យដាក់ពាក្យបណ្តឹងតាមរយៈប្រព័ន្ធអនឡាញ ប្រសិនបើសង្ស័យថា ផលិតផលចំណីអាហារណាមួយមិនមានអនាម័យ និងគ្មានសុវត្ថិភាព។ ក្រុមអាជីវករ និងម្ចាស់ទីតាំងផលិត ឬលក់ចំណីអាហារ ត្រូវទទួលរងការព្រមាន និងឱ្យគោរពតាមច្បាប់របស់ឥណ្ឌា ស្តីពីសុវត្ថិភាព និងស្តង់ដារចំណីអាហារយ៉ាងតឹងរ៉ឹង ព្រមទាំងប្រកបអាជីវកម្មដោយមានអាជ្ញាបណ្ណត្រឹមត្រូវ និងមានសុពលភាពច្បាស់លាស់។ អាជ្ញាធរឥណ្ឌា បានបញ្ជាក់សារជាថ្មីពីការប្តេជ្ញាចិត្តក្នុងការត្រួតពិនិត្យជាប្រចាំ ដើម្បីធានាសុវត្ថិភាពចំណីអាហារសម្រាប់អ្នកប្រើប្រាស់។ ជាមួយគ្នានេះដែរ អាជ្ញាធរក៏បានរំឭកដល់ប្រតិបត្តិករអាជីវកម្មចំណីអាហារថា ការគោរពតាមស្តង់ដារគុណភាព សុវត្ថិភាព និងអនាម័យ គឺជាកាតព្វកិច្ចមិនអាចខ្វះបាន។ ប្រទេសឥណ្ឌាបានចាប់ផ្តើមយុទ្ធនាការបង្ក្រាបការរំលោភបំពានលើសុវត្ថិភាពចំណីអាហារនៅទូទាំងប្រទេស ក្នុងទ្រង់ទ្រាយមិនធ្លាប់មានពីមុនមក។ ចាប់តាំងពីឆ្នាំ២០២០ រហូតដល់ពេលនេះ អាជ្ញាធរសុវត្ថិភាព និងស្តង់ដារចំណីអាហារឥណ្ឌា និងរដ្ឋបាលចំណីអាហាររដ្ឋ បានឆែកឆេររោងចក្រផលិតចំណីអាហារក្នុងស្រុក ឃ្លាំងស្តុកទំនិញ […]
News & ព័ត៌មានថ្មីៗ & អន្តរជាតិ

ផ្លែចេកក្រហមចុង របស់អូស្ត្រាលី ចាប់ផ្តើមនាំចេញជាប្រចាំទៅប្រទេសជប៉ុន
កង់បេរ៉ា៖ ប្រភេទផ្លែចេកអេកូហ្គានិក (Ecoganic) ឬហៅថា ផ្លែចេកអេកូឡូស៊ីធម្មជាតិ របស់ប្រទេសអូស្ត្រាលី កំពុងនាំចេញទៅកាន់ទីផ្សារក្នុងប្រទេសជប៉ុនជាប្រចាំ ក្នុងទម្ងន់១ ២០០គីឡូក្រាម រៀងរាល់ពីរសប្តាហ៍ម្តង។ អ្នកប្រើប្រាស់ជនជាតិជប៉ុនកំពុងចាប់អារម្មណ៍ និងយល់ពីដំណើររឿងនៅពីក្រោយប្រព័ន្ធកសិកម្មនេះ ដែលត្រូវបានផ្តួចផ្តើមបង្កើតឡើងនៅតំបន់មួយ ក្នុងប្រទេសអូស្ត្រាលី។ អ្នកនាំចូលជនជាតិជប៉ុន បានឱ្យដឹងថា ការឆ្លើយតបពីទីផ្សារមានភាពល្អប្រសើរខ្លាំង ហើយពួកគេសង្ឃឹមថាក្នុងរយៈពេលបីឆ្នាំខាងមុខ នឹងអាចបង្កើនបរិមាណនាំចូលឱ្យលើសពីពីរដងក្នុងមួយសប្ដាហ៍។ ផ្លែចេកអេកូហ្គានិក ដែលអាចសម្គាល់បានតាមរយៈចុងផ្លែមានជ្រលក់ក្រមួនពណ៌ក្រហម កំពុងនាំចេញជាប្រចាំទៅប្រទេសជប៉ុន បន្ទាប់ពីបានឆ្លងកាត់ការសាកល្បង និងការសិក្សាទីផ្សារអស់រយៈពេលជាច្រើនខែ។ ប្រព័ន្ធអេកូហ្គានិក ត្រូវបានផ្តួចផ្តើមបង្កើតឡើងដោយកសិករអូស្ដ្រាលី ប្រមាណ២០ឆ្នាំមុន។ វាជាប្រព័ន្ធកសិកម្ម ដែលទទួលស្គាល់ជាផ្លូវការ ដោយប្រើប្រាស់ប្រព័ន្ធអេកូឡូស៊ីធម្មជាតិ និងកាត់បន្ថយការប្រើប្រាស់ធាតុចូលកសិកម្ម ដើម្បីផលិតផ្លែឈើ។ កសិករដាំចេកបាននិយាយថា ដំណើររឿងនៅពីក្រោយការផលិតផ្លែចេកនេះ បានធ្វើឱ្យអ្នកប្រើប្រាស់ជនជាតិជប៉ុនមានការចាប់អារម្មណ៍យ៉ាងខ្លាំង។ លោកបានមានប្រសាសន៍ថា «វប្បធម៌ជប៉ុន គឺជាវប្បធម៌ដែលប្រជាជនចូលចិត្តម្ហូបអាហាររបស់ខ្លួនឯង ហើយពួកគេចង់ដឹងថា អាហារត្រូវបានរៀបចំបង្ហាញយ៉ាងដូចម្តេច មានអត្ថន័យអ្វីខ្លះ និងត្រូវបានដាំដុះយ៉ាងដូចម្តេច។ ខ្ញុំគិតថា នេះជាចំណុចសំខាន់មួយ ដែលបានជួយឱ្យផលិតផលរបស់យើងអាចចូលទៅកាន់ទីផ្សារជប៉ុនបាន»។ លោកបានបន្ថែមថា កត្តានេះក៏បានជួយបង្កើនតម្លៃបន្ថែមដល់ផលិតផលផ្លែចេកអេកូឡូស៊ីធម្មជាតិផងដែរ ដែលកំពុងប្រឈមនឹងការប្រកួតប្រជែងពីប្រទេសផ្សេងៗនៅអាស៊ី។ ចំណែកពាណិជ្ជករជប៉ុន បានបានមានប្រសាសន៍ថា ប្រជាជនជប៉ុនយកចិត្តទុកដាក់លើដំណើររឿងនៃការដាំដុះ រសជាតិ និងគុណភាព ច្រើនជាងការគិតតែពីតម្លៃ។ អ្នកប្រើប្រាស់ជនជាតិជប៉ុនមានចំណាប់អារម្មណ៍ខ្លាំងចំពោះវិធីសាស្ត្រដាំដុះពិសេសៗ […]
News & ជាតិ & ព័ត៌មានថ្មីៗ

ឯកឧត្តមបណ្ឌិត កៅ ថាច ជំរុញកសិករប្រើពូជសុទ្ធ ដាក់ជី-ថ្នាំឱ្យត្រូវតាមបច្ចេកទេស ដើម្បីបានទិន្នផលខ្ពស់
ដោយ ឡុង សារេត ខេត្តកំពង់ធំ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ មានប្រសាសន៍ជំរុញកសិករធ្វើយ៉ាងណា អនុវត្តការដាក់ជីថ្នាំឱ្យត្រឹមត្រូវតាមបច្ចេកទេស និងប្រើពូជសុទ្ធ ដើម្បីឈានទៅសម្រេចបានទិន្នផលខ្ពស់ ។ ឯកឧត្តមអគ្គនាយក មានប្រសាសន៍ថា៖ “ដើម្បីបង្កើនទិន្នផល ចំណុចធំ គឺត្រូវជ្រើសរើសពូជ កុំប្រើប្រាស់ពូជ ទិញពូជដែលសុទ្ធល្អពីកន្លែងផលិតពូជលក់ មានដំណុះល្អ ហើយថែទាំថែមទៀតឱ្យដុះកាន់តែល្អ បញ្ចេញបញ្ចូលទឹកឱ្យបានល្អ ដាក់ជី ថ្នាំឱ្យត្រូវទៅតាមពេលវេលា ការពារឬគ្រប់គ្រង់សត្វល្អិតឱ្យបានល្អ ខ្ញុំថាទិន្នផលនឹងកើនឡើង។ តែផ្ទុយទៅវិញ បើកសិករប្រាស់ពូជដដែលៗ ឬប្រើតជំនាន់គ្នាយូរហើយ យកមកធ្វើបន្ត ទិន្នផលអាចនឹងមិនកើនឡើងនោះទេ”។ ឯកឧត្តមបណ្ឌិតលើកឡើងបែបនេះ ក្នុងកម្មវិធីសំណេះសំណាល និងសួរសុខទុក្ខប្រជាកសិករនៅសាលាស្រុកបារាយណ៍ ខេត្តកំពង់ធំ កាលព្រឹកថ្ងៃទី៤ ខែវិច្ឆិកា ឆ្នាំ២០២៦។ កម្មវិធីនេះមានការអញ្ជើញចូលរួមជាកិត្តិយសពីឯកឧត្តម សួង ណយ រដ្ឋលេខាធិការទីស្តីការគណៈរដ្ឋមន្ត្រី និងជាប្រធានក្រុមការងារអភិវឌ្ឍន៍សេដ្ឋកិច្ចមូលដ្ឋាន និងទីផ្សារផលិតផលខ្មែរខេត្តកំពង់ធំ, ឯកឧត្តម ចាន់ ថា អភិបាលរង នៃគណៈអភិបាលខេត្តកំពត លោក ឃន […]
News & ជាតិ & ព័ត៌មានថ្មីៗ

ហ្វីលីពីនអាចជាទីផ្សារអង្ករធំជាងចិនទៅទៀតសម្រាប់អង្ករកម្ពុជា
ដោយ ហៃ ស៊ីណា ភ្នំពេញ៖ ប្រទេសហ្វីលីពីន អាចក្លាយទៅជាទីផ្សារធំជាងប្រទេសចិនទៅទៀត សម្រាប់អង្ករកម្ពុជា នាពេលអនាគត ដោយសារតែប្រទេសអាស៊ានមួយនេះពឹងលើការនាំចូលច្រើន ដោយក្នុងមួយឆ្នាំនាំចូលអង្ករពី៤ ទៅ៦លានតោនឯណោះ។ ការណ៍ដែលប្រទេសហ្វីលីពីនត្រូវការអង្ករនាំចូលច្រើន បានធ្វើឱ្យការនាំចេញអង្ករកម្ពុជាក៏មានសន្ទុះកើនឡើងខ្ពស់ទៅតាមនោះផងដែរ នៅឆ្នាំ២០២៦ ។ អ្នករកស៊ីក្នុងវិស័យស្រូវអង្ករថា ហ្វីលីពីន អាចក្លាយជាទីផ្សារធំជាងចិនសម្រាប់អង្ករកម្ពុជា។ ប្រធានសហព័ន្ធស្រូវអង្ករកម្ពុជា ឧកញ៉ា ឡាយ ឈុនហួ មានប្រសាសន៍ថា បើសិនប្រទេសហ្វីលីពីននៅតែបន្តគាំទ្រអង្ករពីប្រទេសកម្ពុជា នោះទីផ្សារហ្វីលីពីននឹងក្លាយជាទីផ្សារធំមួយ ហើយទៅថ្ងៃក្រោយ អាចធំជាងទីផ្សារចិនថែមទៀតផង។ ឧកញ៉ាបានបន្ថែមថា នៅឆ្នាំ២០២៦នេះ ការនាំចេញអង្ករកម្ពុជាទៅកាន់ប្រទេសហ្វីលីពីនអាចឈានដល់ ២០ម៉ឺនតោន ដែលប្រហាក់ប្រហែកនឹងទីផ្សារចិន ឬអាចនឹងវ៉ាដាច់ចិន ខណៈចិនភាគច្រើននាំចូលអង្ករក្រអូបពីកម្ពុជា។ បច្ចុប្បន្ននេះមានក្រុមហ៊ុនខ្មែរចំនួនបីហើយ ដែលបាននាំចេញអង្ករដោយផ្ទាល់ទៅកាន់ប្រទេសហ្វីលីន រួមមាន ក្រុមហ៊ុន ស៊ីធី រ៉ាយស៍ ក្រុមហ៊ុន ខ្មែរ ហ្វូដ និងក្រុមហ៊ុន សីកណេឈើ រ៉ាយស៍។ យោងតាមទិន្នន័យបង្ហាញថា ការនាំចេញអង្ករកម្ពុជាទៅកាន់ទីផ្សារហ្វីលីពីន ក្នុងឆ្នាំ២០២៦នេះ បានហក់ឡើងរហូតដល់ជាង១៩ម៉ឺនតោន ដែលស្មើនឹងជិត១៩ភាគករយនៃការនាំចេញអង្ករសរុបរបស់កម្ពុជា ឬត្រូវជា៤២ភាគរយនៃការនាំចេញអង្ករទៅកាន់តំបន់អាស៊ានទាំងមូល ដែលធ្វើឲ្យហ្វីលីពីន បានក្លាយជាទីផ្សារធំបំផុតនៅអាស៊ានសម្រាប់អង្ករកម្ពុជា។ អ្នកជំនាញក្នុងវិស័យស្រូវអង្ករកម្ពុជាបានពន្យល់ថា […]
News & ជាតិ & ព័ត៌មានថ្មីៗ

ឯកឧត្តមបណ្ឌិត កៅ ថាច៖ ដាំដំណាំ ឬចិញ្ចឹមសត្វ ធ្វើយ៉ាងណាឱ្យមានលក់រាល់ថ្ងៃ ចៀសវាងបាត់ទីផ្សារ
ខេត្តកំពង់ធំ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ មានប្រសាសន៍បំផុសគំនិតលើកទឹកចិត្តដល់ប្រជាកសិកររស់នៅនៅស្រុកប្រាសាទសំបូរ ខេត្តកំពង់ធំឱ្យគិតគូរដាំដុះដាំណាំផ្សេងៗ ក៏ដូចជាការចិញ្ចឹមសត្វ ធ្វើយ៉ាងណាឱ្យមានលក់បានជាប្រចាំរៀងរាល់ថ្ងៃ ទៅឱ្យអ្នកទទួលទាន និងឈ្មួញ ដើម្បីរក្សាទីផ្សារកុំឱ្យបាត់បង់។ ឯកឧត្តមបណ្ឌិតមានប្រសាសន៍បំផុសគំនិតបែបនេះ ក្នុងពិធីសំណេះសំណាល និងសួរសុខទុក្ខប្រជាកសិករនៅសាលាស្រុកប្រាសាទសំបូរ ខេត្តកពង់ធំ កាលពីរសៀលថ្ងៃទី៣ ខែវិច្ឆិកា ឆ្នាំ២០២៦។ ពិធីនេះមានការអញ្ជើញចូលរួមជាកិត្តិយសពីលោក ថនស៊ី ពុទ្ធា អភិបាលរងស្រុកប្រាសាទសំបូរ ក្រុមការងារបណ្តាញកសិករតេជោ មន្ទីរកសិកម្មខេត្ត រដ្ឋបាលស្រុក ការិយាល័យកសិកម្មស្រុក មេឃុំគ្រប់ឃុំ មេភូមិគ្រប់ភូមិ តំណាងសហគមន៍កសិកម្មសរុបប្រមាណជាង២០០នាក់។ យោងតាមរបាយការណ៍របស់អភិបាលរងស្រុកប្រាសាទសំបូរ សហគមន៍កសិកម្មបង្កើតឡើងក្នុងស្រុកប្រាសាទសំបូរ មានចំនួន៨សហគមន៍។ ឯកឧត្តមបណ្ឌិត មានប្រសាសន៍លើកឡើងថា ការរួមគ្នាធ្វើការដាំដុះ និងចិញ្ចឹមសត្វឱ្យមានលក់ជាប្រចាំបែបនេះ ជារឿងល្អសម្រាប់ការជំរុញជីវភាពសហគមន៍ ក៏ដូចជាសកម្មភាពផលិតកម្មកសិកម្ម នៅក្នុងតំបន់។ ឯកឧត្តមអគ្គនាយកមានប្រសាសន៍ថា “តាមការសង្កេតរបស់ខ្ញុំឃើញថាការដាំដុះ និងការចិញ្ចឹម យើងលក់ឱ្យអ្នកទទួលទានអត់បានរាល់ថ្ងៃ។ មានមួយថ្ងៃបាត់មួយអាទិត្យ ឬមានមួយថ្ងៃបាត់រហូតដល់មួយខែ។ នេះជាបញ្ហាធំ ដែលបងប្អូនកសិករកំពុងមានកង្វល់ គឺទីផ្សារ”។ ឯកឧត្តមបានបន្តថា “យើងបន្ទោសថាអត់ទីផ្សារ លក់មិនបាន […]
News & ព័ត៌មានថ្មីៗ & អន្តរជាតិ

ចិននៅតែបន្ថយបរិមាណទិញកសិផលអាម៉េរិក ទោះមានកិច្ចសន្យាពាណិជ្ជកម្ម១៧ពាន់លានដុល្លារ
ប៉េកាំង៖ ចាប់ពីខែមករា ដល់ខែកញ្ញា ឆ្នាំ២០២៦ ចិនបានទិញកសិផលអាម៉េរិក ក្នុងទំហំទឹកប្រាក់ត្រឹមតែ៧,២ពាន់លានដុល្លារប៉ុណ្ណោះ។ បើទោះបីជាចិនបានសន្យាថា នឹងទិញកសិផលអាម៉េរិកក្នុងទំហំទឹកប្រាក់១៧ពាន់លានដុល្លារជារៀងរាល់ឆ្នាំក៏ដោយ។ កាលពីខែឧសភា ឆ្នាំ២០២៦ សេតវិមានបានប្រកាសថា ទីក្រុងប៉េកាំងបានយល់ព្រមទិញកសិផលរបស់សហរដ្ឋអាម៉េរិក ក្នុងទំហំទឹកប្រាក់១៧ពាន់លានដុល្លារជារៀងរាល់ឆ្នាំ ចាប់ពីឆ្នាំ២០២៦តទៅ។ ការវិភាគបានបង្ហាញថា ចិនបានទិញកសិផលអាម៉េរិកផ្សេងទៀត ចាប់ពីសាច់រហូតដល់ពោត ក្នុងទំហំទឹកប្រាក់ត្រឹមតែ៧,២ពាន់លានដុល្លារប៉ុណ្ណោះ ក្នុងអំឡុងខែមករា ដល់ខែកញ្ញា ឆ្នាំ២០២៦។ គេនៅមិនទាន់អាចបញ្ជាក់បានថា ទីក្រុងប៉េកាំងបានរំលោភលើការប្តេជ្ញាចិត្តរបស់ខ្លួន ឬអត់នោះទេ ព្រោះសេតវិមានមិនទាន់បានបញ្ជាក់ថា ការរាប់រយៈពេលសម្រាប់គោលដៅទិញនេះ បានចាប់ផ្តើមក្រោយការប្រកាសកាលពីខែឧសភា ឬត្រូវចាប់ផ្តើមនៅពេលកាត់បន្ថយពន្ធគយ ដែលចិនបានស្នើឡើងជាផ្លូវការ។ ប៉ុន្តែរហូតមកដល់ពេលនេះ ការកាត់បន្ថយពន្ធគយនោះនៅមិនទាន់បានអនុវត្តនៅឡើយទេ។ ទោះជាយ៉ាងណា ការទិញកសិផលយឺតយ៉ាវនេះ ក៏ធ្វើឱ្យកសិករអាម៉េរិក មានការខកចិត្តផងដែរ ខណៈពួកគេកំពុងប្រឈមនឹងតម្លៃប្រេងឥន្ធនៈឡើងខ្ពស់កប់ពពក។ ចំណែកតម្រូវការខ្សោយ និងបញ្ហាប្រកួតប្រជែងលើពិភពលោក ធ្វើឱ្យការនាំចេញរបស់អាម៉េរិកប្រឈមនឹងឧបសគ្គ។ អ្នកវិភាគបានលើកឡើងថា ទោះបីការបញ្ជាទិញកើនឡើងក៏ដោយ ក៏តម្រូវការរបស់ចិននៅខ្សោយ និងការប្រកួតប្រជែងខ្លាំង ធ្វើឱ្យការទិញកសិផលអាម៉េរិកមានការលំបាក ដូច្នេះលុះត្រាតែរដ្ឋាភិបាលទីក្រុងប៉េកាំងបញ្ជាឱ្យសហគ្រាសរដ្ឋរបស់ចិនចួលរួមអនុវត្ត។ នៅឆ្នាំ២០២១ ចិនបាននាំចូលពោតក្នុងទំហំទឹកប្រាក់៥,៦ពាន់លានដុល្លារ ស្មើនឹងបរិមាណជិត២០លានតោន។ ប៉ុន្តែឥឡូវនេះ ចិននឹងនាំចូលពោតពីសហរដ្ឋអាម៉េរិកប្រមាណ៩០ម៉ឺនតោនប៉ុណ្ណោះ ក្នុងឆ្នាំទីផ្សារ២០២៦-២០២៧។ ការនាំចេញស្រូវសាលីរបស់សហរដ្ឋអាម៉េរិកទៅកាន់ប្រទេសចិន បានឈានដល់កម្រិតខ្ពស់បំផុតក្នុងឆ្នាំ២០២១ ដោយមានបរិមាណ៦,៥លានតោន ដែលមានតម្លៃ២,១ពាន់លានដុល្លារ។ […]
News & ព័ត៌មានថ្មីៗ & អន្តរជាតិ

ទិន្នផលស្រូវឆ្នាំ២០២៦ របស់អាម៉េរិកធ្លាក់ចុះ ធ្វើឱ្យអង្ករឡើងថ្លៃ
វ៉ាស៊ីនតោន៖ ក្រសួងកសិកម្មសហរដ្ឋអាម៉េរិក បានព្យាករថា ផលិតកម្មស្រូវរបស់សហរដ្ឋអាម៉េរិកនឹងធ្លាក់ចុះ២៤ភាគរយ មកនៅត្រឹមប្រមាណ៨លានតោន ដោយសារផ្ទៃដីប្រមូលផលធ្លាក់ចុះ និងធ្វើឱ្យតម្លៃអង្ករកើនឡើងនៅក្នុងឆ្នាំ២០២៦នេះ។ តម្លៃមធ្យមប្រចាំរដូវកាលសម្រាប់អង្ករគ្រប់ប្រភេទត្រូវបានព្យាករថា នឹងមានតម្លៃ៣០៤ដុល្លារក្នុងមួយតោន ខណៈតម្លៃអង្ករគ្រាប់វែងត្រូវបានរំពឹងថា នឹងបន្តកើនឡើង នៅពេលទិន្នផលស្រូវតិច នៅឆ្នាំនេះចាប់ផ្តើមចូលទីផ្សារ។ បាតុភូតអែលនីញ៉ូកម្រិតខ្លាំងបំផុត (Super El Niño) និងជម្លោះនៅមជ្ឈិមបូព៌ា កំពុងជំរុញតម្លៃអង្ករពិភពលោកឱ្យកើនឡើង ដោយបង្កការគំរាមកំហែងដល់ទិន្នផលនៅប្រទេសនាំចេញសំខាន់ៗ ដូចជា ឥណ្ឌា វៀតណាម និងប្រេស៊ីល។ តម្លៃនាំចេញអង្ករគ្រាប់វែងរបស់សហរដ្ឋអាម៉េរិក ត្រូវបានព្យាករថា នឹងឡើងថ្លៃដល់៦៧៥ដុល្លារក្នុងមួយតោន ក្នុងឆ្នាំ២០២៦។ តម្លៃអង្ករតាមទីផ្សារអាម៉េរិកមានស្ថេរភាពល្អ ដោយសារការនាំចូលអង្ករកើនឡើង ដែលមានចំណែកជាង៣៦ នៃទីផ្សារអង្ករគ្រាប់វែងក្នុងស្រុក។ សហរដ្ឋអាម៉េរិកអាចក្លាយជាប្រទេសនាំចូលអង្ករគ្រាប់វែងច្រើនជាងនាំចេញនៅត្រឹមឆ្នាំ២០៣៥។ របាយការណ៍ស្តីពីការប៉ាន់ប្រមាណការផ្គត់ផ្គង់ និងតម្រូវការកសិកម្មពិភពលោកប្រចាំខែតុលា ឆ្នាំ២០២៦ របស់ក្រសួងកសិកម្មសហរដ្ឋអាម៉េរិក បានបញ្ជាក់បន្ថែមថា ផលិតកម្មស្រូវរបស់សហរដ្ឋអាម៉េរិកក្នុងឆ្នាំនេះ នឹងស្ថិតក្នុងចំណោមកម្រិតទាបបំផុត ក្នុងរយៈពេលជាច្រើនទសវត្សរ៍កន្លងមកនេះ។ កត្តាជាច្រើនកំពុងជួយគាំទ្រដល់ការកើនឡើងតម្លៃអង្ករនៅលើទីផ្សារពិភពលោក។ ក្នុងចំណោមកត្តាទាំងនោះ បាតុភូតអែលនីញ៉ូកម្រិតខ្លាំងបំផុត ដែលកំពុងបន្តកើតមាន និងជម្លោះនៅមជ្ឈិមបូព៌ា ជាពិសេសស្ថានភាពនៅច្រកសមុទ្រហ័រមូស (Strait of Hormuz) ត្រូវបានចាត់ទុកថាជាកត្តាពាក់ព័ន្ធសំខាន់បំផុត។ គិតត្រឹមខែតុលា ឆ្នាំ២០២៦ ក្រសួងកសិកម្មអាម៉េរិកព្យាករថា ផលិតកម្មស្រូវពិភពលោកក្នុងឆ្នាំ២០២៦ […]
News & ជាតិ & ព័ត៌មានថ្មីៗ

ឯកឧត្តមបណ្ឌិត កៅ ថាច៖ កសិករគួរប្រើស្មាតហ្វូននៅក្នុងដៃឱ្យមានប្រយោជន៍ និងទទួលព័ត៌មានសំខាន់ៗសម្រាប់របរកសិកម្ម
ខេត្តកំពង់ធំ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ បានជំរុញដល់កសិករ ឱ្យចេះប្រើទូរស័ព្ទស្មាតហ្វូនមកបម្រើឱ្យផលប្រយោជន៍នៅក្នុងមុខរបរកសិកម្មរបស់ខ្លួន។ ឯកឧត្តមបណ្ឌិតប្រតិភូ មានប្រសាសន៍ថា ព័ត៌មានសំខាន់ៗដែលកសិករគួរតាមដាន មានដូចជា ព័ត៌មានទីផ្សារ ព័ត៌មានបច្ចេកទេស ព័ត៌មានអំពីការកែច្នៃ និងព័ត៌មានអំពីការស្វែងរកដើមទុន ជាដើម។ ឯកឧត្តមអគ្គនាយក ARDB មានប្រសាសន៍ថា “កសិករសម័យនេះមិនដូចកសិករសម័យមុន ។ កសិករសម័យនេះ ដៃកាន់សុទ្ធតែទូរស័ព្ទស្មាតហ្វូន ប៉ុន្តែសូមកុំឱ្យស្មាតហ្វូនធ្វើជាម្ចាស់លើយើង។ សូមឱ្យយើងធ្វើជាម្ចាស់លើស្មាតហ្វូន ។ មានន័យថា ប្រើស្មាតហ្វូនដែលកំពុងកាន់នៅក្នុងដៃនេះ ឱ្យវាមានប្រយោជន៍ ។ បើពុំដូច្នេះទេ ទូរសព័្ទស្មាតហ្វូននឹងធ្វើឱ្យយើងជាអ្នកប្រើ អូស ឬស្ក្រូលរហូតអត់បានទៅមើលចម្ការ រវល់ជាប់មើលរឿងអត់ប្រយោជន៍ច្រើន តាមហ្វេសប៊ុក”។ ឯកឧត្តមបណ្ឌិតមានប្រសាសន៍បំផុសគំនិតបែបនេះ ក្នុងពិធីសំណេះសំណាល និងសួរសុខទុក្ខប្រជាកសិករនៅសាលាស្រុកប្រាសាទសំបូរ ខេត្តកំពង់ធំ កាលពីរសៀលថ្ងៃទី៣ ខែវិច្ឆិកា ឆ្នាំ២០២៦ ។ ពិធីនេះមានការអញ្ជើញចូលរួមជាកិត្តិយសពីលោក ថនស៊ី ពុទ្ធា អភិបាលរងស្រុកប្រាសាទសំបូរ ក្រុមការងារបណ្តាញកសិករតេជោ មន្ទីរកសិកម្មខេត្ត រដ្ឋបាលស្រុក ការិយាល័យកសិកម្មស្រុក […]
