អន្តរជាតិ

ហូជីមិញ៖​ ស្ត្រីកសិករជនជាតិវៀតណាមម្នាក់​ អាយុ៥៦ រស់នៅក្នុងខេត្តដុងថាប់​ អតីតខេត្តខ្មែរ ហៅថា ខេត្តផ្សារដែក បានកាប់ចោលដើមទុរេនជាង១០០ដើម ដើម្បីកាយរកឆ្អឹងខ្មោចទាហានវៀតណាម ស្លាប់នៅក្នុងសម័យសង្គ្រាម។ នេះបើយោងតាមការចេញផ្សាយរបស់សារព័ត៌មានវៀតណាម។ ម្ចាស់ចម្ការរូបនេះ មានអារម្មណ៍សោកស្តាយនៅពេលឃើញអាជ្ញាធរវៀតណាម កាប់រំលំចោលដើមទុរេននៅក្នុងចម្ការ ដែកជាកម្មសិទ្ធិរបស់ខ្លួន ប៉ុន្តែគាត់បានបង្ខំចិត្តយល់ព្រមជាមួយក្រុមទាហានស្រាវជ្រាវរកឆ្អឹងខ្មោច​ ព្រោះគាត់តែងតែឃើញឆ្អឹងមនុស្សនៅពេលក្នុងដីច្រើនពេក។ គាត់បាននិយាយថា «ការរកឃើញអដ្ឋិធាតុបាន គឺមានន័យថា ក្រុមគ្រួសារអាចដឹងថា ធាតុរបស់មនុស្សជាទីស្រឡាញ់របស់ខ្លួនកប់នៅទីណា ហើយអាចនាំធាតុទៅផ្ទះ ដើម្បីគោរពបូជា និងរំឭកដល់វិញ្ញាណក្ខន្ធពួកគេ»។ ចម្ការទុរេនស្របច្បាប់នេះ កាលពីមុនធ្លាប់ជាទីតាំងកប់ខ្មោងទាហានវៀតណាមស្លាប់ក្នុងសម័យសង្គ្រាម។ ប៉ុន្តែសារព័ត៌មានវៀតណាម មិនបញ្ជាក់ពីការស្លាប់នោះក្នុងសង្គ្រាមជាមួយកម្ពុជា ឬជាមួយទាហានអាម៉េរិកាំងឡើយ។ កាលពីប៉ុន្មានឆ្នាំមុន នៅពេលគ្រួសាររបស់គាត់ជីកធ្វើប្រឡាយទឹក ឬជីកដី ដើម្បីដាំដើមទុរេន គាត់បានរកឃើញអដ្ឋិធាតុមនុស្សបីនាក់ផ្សេងគ្នា ហើយបានរាយការណ៍ទៅអាជ្ញាធរមូលដ្ឋាន ដែលបន្ទាប់មកបានមកប្រមូលយកអដ្ឋិធាតុទាំងនោះទៅរក្សាទុក។ ទោះបីជាយ៉ាងណា គាត់នៅតែមានអារម្មណ៍ថា អាចនៅមានឆ្អឹងទាហានផ្សេងទៀតកប់នៅក្នុងដីចម្ការនេះ។ កសិករម្នាក់នេះបាននិយាយរំឭកថា «ខ្ញុំគិតថា ប្រហែលជានៅមានអដ្ឋិធាតុទាហានផ្សេងទៀតនៅក្នុងចម្ការ ប៉ុន្តែចម្ការនេះធំណាស់ ហើយខ្ញុំមិនដឹងថា ត្រូវស្វែងរកនៅកន្លែងណាទេ។ ពេលនោះគ្មានវិធីណាផ្សេងឡើយ ដូច្នេះខ្ញុំក៏បន្តដាំដើមទុរេន» លើផ្នូរខ្មោចទាំងនោះ។ គាត់បាននិយាយបន្តទៀតថា ការបាត់បង់ដើមទុរេនទាំងនេះ គឺជាការលះបង់ផ្នែកហិរញ្ញវត្ថុដ៏ធំមួយសម្រាប់គ្រួសារ ប៉ុន្តែគាត់បានសង្កត់ធ្ងន់ថា ការស្វែងរក និងនាំយកអដ្ឋិធាតុរបស់ទាហានស្លាប់ […]

តូក្យូ៖ ក្រសួងកសិកម្ម រុក្ខាប្រមាញ់ និងនេសាទជប៉ុន បានរកឃើញសត្វល្អិតចង្រៃចំនួន២១ប្រភេទ នៅលើដំឡូងបារាំងស្រស់នាំចូលពីសហរដ្ឋអាម៉េរិក ស្របពេលអាម៉េរិកសុំឱ្យជប៉ុនលុបចោលការរឹតបន្តឹងបែបនេះ។ កសិករជប៉ុន អង្គការចែកចាយ និងអ្នកស្រាវជ្រាវប្រមាណ៧០០នាក់ បានចូលរួមក្នុងកិច្ចប្រជុំផ្សព្វផ្សាយតាមប្រព័ន្ធអនឡាញនៅទូទាំងប្រទេសជប៉ុន ស្តីពីការរកឃើញមេរោគឆ្លងនៅក្នុងដំឡូងបារាំងស្រស់ នាំចូលពីអាម៉េរិក។ ក្រសួងកសិកម្ម រុក្ខាប្រមាញ់ និងនេសាទជប៉ុន ​បានឱ្យដឹងថា ពពួកសត្វល្អិតនេះ គឺជាប្រភេទដង្កូវស៊ីឫសដំឡូងបារាំង (Globodera rostochiensis) និងពពួកដង្កូវស៊ីមើមដំឡូងបារាំង (Globodera pallida) ដែលសុទ្ធតែជាប៉ារ៉ាស៊ីតរស់នៅលើដំឡូងបារាំងនាំចូលពីអាម៉េរិក។ អគ្គនាយកការិយាល័យកិច្ចការអ្នកប្រើប្រាស់ និងសុវត្ថិភាពចំណីអាហារ នៃក្រសួងកសិកម្ម រុក្ខាប្រមាញ់ និងនេសាទជប៉ុន បាននិយាយថា​ ការធានាឱ្យមានវិធានការគ្រប់គ្រងហានិភ័យ ដើម្បីទប់ស្កាត់ការនាំចូលសត្វល្អិត ដែលអាចបង្កផលប៉ះពាល់ធ្ងន់ធ្ងរដល់ដំណាំរបស់ជប៉ុន គឺជាមូលដ្ឋានរឹងមាំសម្រាប់ការលុបចោលនាំចូលដំឡុងបារាំង។ សហរដ្ឋអាម៉េរិកបានស្នើជាលើកដំបូងនៅឆ្នាំ២០២០ ឱ្យជប៉ុនអនុញ្ញាតនាំចូលដំឡូងបារាំងស្រស់ សម្រាប់លក់នៅផ្សារទំនើប និងប្រើប្រាស់ក្នុងវិស័យសេវាកម្មម្ហូបអាហារ នៅក្នុងប្រទេសជប៉ុន។ បច្ចុប្បន្ន ជប៉ុនអនុញ្ញាតឱ្យនាំចូលផលិតផលដំឡូងបារាំងក្លាសេ និងកែច្នៃពីប្រទេសជាច្រើន ប៉ុន្តែក្រោមច្បាប់ការពាររុក្ខជាតិ ការនាំចូលដំឡូងបារាំងស្រស់ នៅតែត្រូវបានហាមឃាត់ដាច់ខាត ដោយសារខ្លាចមានសត្វល្អិតចង្រៃ។ ចំណែកនៅកោះតៃវ៉ាន់វិញ ដែលសម្ពន្ធមិត្តរបស់អាម៉េរិក ចាក់ទឹកមិនលិចដូចជប៉ុនដែរ បានរឹតបន្តឹងយ៉ាងខ្លាំងលើការនាំចូលដំឡូងបារាំងស្រស់ពីសហរដ្ឋអាម៉េរិក ដែលសូម្បីតែដំបូងបារាំងអាម៉េរិកមានដុះពន្លក ក៏ហាមមិនឱ្យនាំចូលដែរ៕ (ផាន់ អាណា)

គូឡាឡុំពួរ៖ ទុរេន​ទម្ងន់ពីរតោនរបស់ម៉ាឡេស៊ី ត្រូវបានយកទៅសាកល្បង​ដឹកតាមនាវា​សមុទ្រទៅកាន់ប្រទេស​ចិន ដោយប្រើរយៈពេល១២ថ្ងៃ។ គោលបំណង គឺចង់ដឹងថាតើ ទុរេននឹង​ខូចឬទេ ព្រោះទុរេនជា​ផ្លែឈើ ដែលងាយរលួយខូចក្រោយពេលប្រមូលផលរួច ។ បន្ទាប់ពីទៅដល់កំពង់ផែកុងតេន័រ ទុរេនទាំងនោះត្រូវបាន​ពិនិត្យដោយសមត្ថកិច្ចគយ និងភាគីពាក់ព័ន្ធ ដើម្បីចង់ដឹងពីលទ្ធផល។ ចម្លើយ គឺវិជ្ជមានទុរេន ​មិនរលួយខូចនោះឡើយ។ នេះក៏ដោយសារតែបច្ចេកវិទ្យា​គ្រប់គ្រងបរិយាកាស​បែបទំនើប​ ដែលធ្វើឲ្យទុរេន​នៅមានសភាពស្រស់ល្អទាំងអស់។​ អស់រយៈពេលពីរឆ្នាំមកហើយ ដែលក្រុមហ៊ុនម៉ាឡេស៊ី បានព្យាយាមអភិវឌ្ឍបច្ចេកវិទ្យា​ ដើម្បីធ្វើតេស្ត​សាកល្បង​លើវិធីសាស្ត្រដឹកជញ្ជូន និង​បច្ចេកវិទ្យាក្លាសេផលិតផលនេះ។ ជាមួយនឹង​ជោគជ័យនៃការ​ដឹកជញ្ជូនទុរេនស្រស់តាមផ្លូវទឹកនេះ គឺជា​ការ​បើកឱកាស​ឲ្យម៉ាឡេស៊ីអាចដឹកទុរេនទុំដើមទៅកាន់ទីផ្សារ​អន្តរជាតិ ដោយចំណាយទាប​លើការ​ដឹកជញ្ជូនតាមផ្លូវទឹក ជាជាង​តាមផ្លូវអាកាស​ ដែលត្រូវចំណាយច្រើននោះ៕ (ជា មករា)

ម៉ានីល៖ ហ្វីលីពីនកំពុងស្នើឱ្យជប៉ុនលុបចោលពន្ធនាំចូលផ្លែចេករបស់ខ្លួន ហើយហ្វីលីពីននឹងបន្ថយអត្រាពន្ធនាំចូលរថយន្តពីជប៉ុនជំនួសវិញ តាមរយៈកិច្ចព្រមព្រៀងភាពជាដៃគូសេដ្ឋកិច្ចហ្វីលីពីន-ជប៉ុន ដើម្បីឱ្យពន្ធនាំចូល​ផ្លែចេកធ្លាក់ទានដូចប្រទេស​កម្ពុជា ឡាវ និង​វៀតណាមដែរ។ រដ្ឋមន្ត្រីក្រសួងពាណិជ្ជកម្ម ហ្វីលីពីន លោកស្រី គ្រីស្ទីណា រូគេ (Cristina Roque) បាននិយាយថា រដ្ឋាភិបាលហ្វីលីពីនកំពុងស្នើឱ្យជប៉ុនទម្លាក់មកនៅពន្ធសូន្យ លើការនាំចេញផ្លែចេកទៅកាន់ប្រទេសជប៉ុន ក្រោមកិច្ចព្រមព្រៀងពាណិជ្ជកម្មសេរីទ្វេភាគី ដើម្បីជាថ្នូររដ្ឋាភិបាលហ្វីលីពីន កាត់បន្ថយពន្ធលើរថយន្តជប៉ុននាំចូលមកហ្វីលីពីន។ បច្ចុប្បន្ន រថយន្តជប៉ុន ត្រូវជាប់ពន្ធនាំចូលក្នុងអត្រា២០ភាគរយ។ ទោះជាយ៉ាងណា រថយន្តម៉ាកជប៉ុនជាច្រើន ដែលលក់នៅហ្វីលីពីន បានទទួលការលើកលែងពន្ធរួចហើយ ដោយសាររថយន្តទាំងនោះត្រូវបានផលិតក្នុងស្រុក ឬនាំមកពីប្រទេសអាស៊ាន ដូចជា វៀតណាម ម៉ាឡេស៊ី ឥណ្ឌូណេស៊ី។ ភាគីទាំងពីរកំពុងតែចរចាគ្នា ដើម្បីធ្វើបច្ចុប្បន្នភាពនៃកិច្ចព្រមព្រៀងភាពជាដៃគូសេដ្ឋកិច្ចហ្វីលីពីន-ជប៉ុន ហើយការធ្វើវិសោធនកម្មអាចរួមបញ្ចូលការកែសម្រួលអត្រាពន្ធគយរវាងប្រទេសទាំងពីរ។ យោងតាមរបាយការណ៍ ហ្វីលីពីន គឺជាប្រទេសនាំចេញផ្លៃចេកធំជាងគេលំដាប់ទី២ នៅលើពិភពលោក។ ចំណែកប្រទេសជប៉ុន គឺជាទីផ្សារគោលដៅធំបំផុតសម្រាប់ផ្លែចេកហ្វីលីពីន។ ក្នុងឆ្នាំ២០២៦ ជប៉ុនយកពន្ធនាំចូលផ្លែចេកហ្វីលីពីន ក្នុងអត្រា១៨ភាគរយ គិតចាប់ពីថ្ងៃទី១ ខែតុលា ដល់ថ្ងៃទី៣១ ខែមីនា និងអត្រាពន្ធ៨ភាគរយ គិតចាប់ពីថ្ងៃទី១ ខែមេសា ដល់ថ្ងៃទី៣០ ខែកញ្ញា។ ប្រទេសជប៉ុន […]

តូក្យូ៖ ស្របពេលអាកាសធាតុក្នុងប្រទេសជប៉ុនកើនឡើងកម្ដៅជាងមុន នៅពេលនេះកសិករ​កំពុងងាក​ទៅរកពូជស្រូវ​ប្រភេទថ្មី ធន់នឹងអាកាសធាតុ​ ដែលអាច​បង្កើនទិន្នផលដំណាំដ៏សំខាន់មួយនេះ នៅចំពោះមុខ​ស្ថានភាពអាក្រក់នៃអាកាសធាតុ។ ពូជថ្មីនោះ មានឈ្មោះថា ហ៊ីណាតាម៉ារុ (Hinatamaru) ជាពូជស្រូវមួយប្រភេទ ដែលគ្រាប់របស់វា​នៅតែ​អាចរីកធំធាត់​ បើទោះបីជា​អាកាសធាតុក្ដៅ ហើយស្ងួតក្ដី។ អាកាសធាតុក្ដៅ និងស្ងួតនេះហើយ ជា​លក្ខខណ្ឌគំរាមកំហែងខ្លាំងដល់ការ​លូតលាស់របស់ស្រូវ ក៏ដូចជាទិន្នផលស្រូវ។ ក្នុងដំណាក់កាល​ដាំសាកល្បង ពូជស្រូវនេះបានផ្ដល់ផល​ប្រមាណប្រាំមួយតោន​ក្នុងមួយហិកតា ដែល​ជា​ទិន្នផល​ខ្ពស់ជាង​ពូជទូទៅប្រមាណ១,៥ដង ហើយនៅពេលនេះ ការដាំដុះបានពង្រីកផ្ទៃដីរហូតដល់ទៅ១ ៤០០ហិកតា។ ពូជស្រូវនេះ កំពុងផ្ដល់ក្ដីសង្ឃឹមថ្មីដល់កសិករ​នៅទូទាំងប្រទេសជប៉ុន ក្នុងការ​ជម្នះជាមួយនឹង​លក្ខខណ្ឌអាកាសធាតុ ដែលមិនអំណោយផលសម្រាប់ពូជស្រូវផ្សេងៗ។ អ្នកបច្ចេកទេស និងកសិករ​នៅប្រទេសជប៉ុន បាន​អភិវឌ្ឍពូជស្រូវធន់នឹងកម្ដៅនេះ ដោយឆ្លងកាត់ការ​បង្កាត់ពូជជាមួយនឹងពូជស្រូវមានស្រាប់​ ចំណែកការ​ដាំដុះនៅក្នុងបរិយាកាស​ ដែលមានការគ្រប់គ្រងត្រឹមត្រូវ ហើយ​បន្ទាប់មក យកមកដាំនៅក្នុងវាលស្រែពិតប្រាកដ។ កាលពីពេលថ្មីៗនេះ អ្នកជំនាញបានព្រមានថា ដំណាំសំខាន់ចំនួនបួននៅក្នុងប្រទេសជប៉ុន រាប់ទាំងស្រូវ និងដំឡូងផ្អែមផង កំពុងប្រឈមនឹង​ហានិភ័យ ដោយសារ​អាកាសធាតុក្ដៅអូសបន្លាយពេលយូរពេក៕ (ជា មករា)

ម៉ានីល៖ ការិយាល័យគយហ្វីលីពីន បានដាក់ពាក្យបណ្តឹងព្រហ្មទណ្ឌ ប្តឹងមនុស្ស១៤នាក់ រួមមានបុគ្គលិកគយ និងក្រុមហ៊ុនពាណិជ្ជកម្មមួយ ពាក់ព័ន្ធនឹងការលួចនាំចូលបន្លែដោយខុសច្បាប់ មានតម្លៃជាទឹកប្រាក់ប្រមាណ ២៨ ម៉ឺនដុល្លារ ដោយប្រកាសបន្លំថា ជាភ្លៅមាន់ចៀន។ ទំនិញខុសច្បាប់នេះ រួមមាន ខ្ទឹមបារាំងស្រស់ជាង១៥ ០០០បាវ និងការ៉ុតស្រស់ជាង២ ០០០ប្រអប់ ដែលនាំចូលកាលពីខែមិថុនា ឆ្នាំ២០២៥ ដោយរំលោភច្បាប់ និងគ្មានលិខិតបញ្ជាក់ពីភូតគាមអនាម័យ។ ប្រធានការិយាល័យគយ ហ្វីលីពីន​ បានដឹកនាំដាក់ពាក្យបណ្តឹងប្តឹងមន្ត្រីគយ និងបុគ្គលិក្រុមហ៊ុននាំចូល នៅក្នុងប្រាំមួយសំណុំរឿង បញ្ជូនទៅកាន់ក្រសួងយុត្តិធម៌ ដើម្បីទាមទារឱ្យផ្តន្ទាទោសក្រុមហ៊ុននាំចូល ឈ្មួញកណ្តាល ព្រមទាំងមន្ត្រីគយត ពាក់ព័ន្ធនឹងការបន្លំនាំចូលទំនិញកសិកម្មដោយខុសច្បាប់។ មន្ត្រីគយ ដែលសង្ស័យមានជាប់ពាក់ព័ន្ធនឹងការលួចនាំចូលនេះ កំពុងប្រឈមមុខនឹងការចោទប្រកាន់ពីបទ ធ្វេសប្រហែសដោយចេតនាចំពោះភារកិច្ច និងបទអនុញ្ញាតឱ្យបុគ្គលផ្សេងទៀតរំលោភច្បាប់ ដោយការធ្វេសប្រហែស ឬដោយចេតនា។ ភ្នាក់ងារសម្ងាត់ និងភ្នាក់ងារស៊ើបអង្កេតគយ ក៏បានផ្តល់អនុសាសន៍ឱ្យចាត់វិធានការរដ្ឋបាលប្រឆាំងមន្ត្រី និងបុគ្គលិកគយ​ ដែលជាប់ពាក់ព័ន្ធនឹងករណីនេះ រួមមានអ្នកត្រួតពិនិត្យទំនិញ អ្នកវាយតម្លៃទំនិញ និងបុគ្គលិកនៅផ្នែកស៊ើបការណ៍ និងផ្នែកថតកាំរស្មីអិក្ស។ តាមច្បាប់ហ្វីលីពីន ការលួចនាំចូលផលិតផលកសិកម្ម អាចត្រូវបានចាត់ទុកថា ជាការបំផ្លាញសេដ្ឋកិច្ច ប្រសិនបើតម្លៃទំនិញកសិកម្មលួចនាំចូលនោះ មានតម្លៃលើស១០លានប៉េសូ ឬស្មើនឹង១៦ម៉ឺនដុល្លារ […]

ដាកា៖ បុរសពីរនាក់ត្រូវសមត្ថកិច្ចបង់ក្លាដែសចាប់ខ្លួន ព្រមទាំងរឹបអូសបានជីអ៊ុយរ៉ាចំនួន៦០០បាវ  ដែលសង្ស័យថា កំពុងលួចដឹកស្លងដែនទៅប្រទេសភូមា នាយប់ថ្ងៃទី២៣ ខែកញ្ញា ឆ្នាំ២០២៦។ មេបញ្ជាកាឆ្មាំសមុទ្របង់ក្លាដែស បានបញ្ជាក់ពីការចាប់ខ្លួននេះ ព្រមទាំងសន្និដ្ឋាថា ជីទាង៦០០បាវ មានទម្ងន់សរុបរហូតដល់៣០តោន និងគិតជាទឹកប្រាក់ជិតមួយសែនដុល្លារ។ មេបញ្ជាការរូបនេះ បានឱ្យដឹងទៀតថា ក្រុមឆ្មាំសមុទ្របានធ្វើប្រតិបត្តិការស្ទាក់ចាប់បានភ្លាមៗ បន្ទាប់ពីទទួលបានព័ត៌មានសម្ងាត់ នៅវេលាប្រមាណម៉ោង១២ និង៣០នាទី រំលងអធ្រាត្រឈានចូលថ្ងៃទី២៤ ខែកញ្ញានេះ។ ក្រុមទាហានការពារព្រុំដែន បានស្ទាក់ចាប់រថយន្តដឹកជីចំនួនពីរគ្រឿង និងចោរពីរនាក់ នៅពេលកំពុងផ្ទេរជីដាក់លើទូកមួយគ្រឿង ដើម្បីលួចនាំចេញទៅលក់ក្នុងប្រទេសភូមា។ កងឆ្មាំសមុទ្របានរឹបអូសជីអ៊ុយរ៉ាចំនួន៦០០បាវ មានទម្ងន់សរុប៣០តោន មានតម្លៃប្រមាណ១៧ ០០០ដុល្លារ ព្រមទាំងចាប់យករថយន្តដឹកទំនិញពីរគ្រឿង ដែលប្រើប្រាស់ក្នុងសកម្មលួចនាំចេញជី នៅពេលប្រទេសកំពុងជួបកង្វះខាត។ មេបញ្ជាការរូបនេះ បាននិយាយថា អង្គភាពរបស់ខ្លួនកំពុងបន្តស៊ើបអង្កេតរកបណ្ដាញពាក់ព័ន្ធ និងកសាងសំណុំរឿងបញ្ជូនខ្លួនចោរលួចជីទាំងពីរនាក់នេះ ទៅតុលាការ។ ចាប់តាំងពីផ្ទុះសង្គ្រាមអ៊ីរ៉ង់ និងការបិទច្រកសមុទ្រហ័រមុស (Hormuz) មិនឱ្យវានាឆ្លងកាត់ បានធ្វើឱ្យការផ្គត់ផ្គង់ជីលើពិភពលោកធ្លាក់ចុះ ហើយជំរុញឱ្យតម្លៃអ៊ុយរ៉េកើនឡើងថ្លៃយ៉ាងខ្លាំង ស្របពេលតម្លៃធាតុចូលកសិកម្មនៅលើពិភពលោកត្រូវចំណាយថ្លៃដើមផលិតកាន់តែឡើងខ្ពស់ ចំណែកកសិករខ្លះទៀត បានកាត់បន្ថយការប្រើប្រាស់ជីសម្រាប់ដំំណាំរបស់ខ្លួន​ ដែលធ្វើឱ្យទិន្នផលដំណាំធ្លាក់ចុះបង្កផលប៉ះពាល់ដល់សន្តិសុខស្បៀងសកល៕ (ផាន់ អាណា)

ដាកា៖ ប្រទេសបង់ក្លាដែស កំពុងប្រឹងពង្រឹងកិច្ចសហប្រតិបត្តិការទ្វេភាគីជាមួយប្រទេសអ៊ីតាលី ដើម្បីបង្កើនសមត្ថភាព និងប្រសិទ្ធភាពលើវិស័យជលផល និងការចិញ្ចឹមសត្វ ដោយផ្តោតលើវារីវប្បកម្ម ការផលិតបសុសត្វ ជលផលសមុទ្រ និងសេដ្ឋកិច្ចបៃតង។ លោក ស៊ុងតង់ សាឡូឌីន ទូគូ (Sultan Salauddin Tuku) រដ្ឋមន្ត្រីទទួលបន្ទុកវិស័យជលផល និងបសុសត្វ បានបង្ហាញចំណាប់អារម្មណ៍បែបនេះក្នុងជំនួបទ្វេភាគីជាមួយលោក ល្វីហ្គី ដេរ៉ាម៉ូ​​ (Luigi D’Eramo) អនុរដ្ឋមន្ត្រីក្រសួងកសិកម្ម អធិបតេយ្យភាពស្បៀងអាហារ និងរុក្ខាប្រមាញ់របស់អ៊ីតាលី កាលពីថ្ងៃទី២១ ខែកញ្ញា ឆ្នាំ២០២៦ នៅទីស្នាក់ការរបស់អង្គការស្បៀងអាហារ និងកសិកម្មនៃអង្គការសហប្រជាជាតិ ក្នុងទីក្រុងរ៉ូម។ ដោយលើកឡើងពីតួនាទីដ៏សំខាន់របស់វិស័យជលផល និងបសុសត្វ ក្នុងការធានាសន្តិសុខស្បៀង អាហារូបត្ថម្ភ ការងារ និងជីវភាពរស់នៅរបស់ប្រជាជនបង់ក្លាដែស លោក ស៊ុងតង់ សាឡូឌីន ទូគូ បានប្រាប់គូសន្ទនាថា អ្នកចិញ្ចឹមត្រី និងអ្នកចិញ្ចឹមសត្វ នឹងត្រូវដាក់បញ្ចូលក្នុងកម្មវិធី «ប័ណ្ណកសិករ» (Farmer Card) នាពេលឆាប់ៗខាងមុខ ដើម្បីឱ្យពួកគាត់ទទួលបានការលើកទឹកចិត្តពីរដ្ឋាភិបាល។ លោករដ្ឋមន្ត្រីរដ្ឋបានបញ្ជាក់ជាថ្មីអំពីការប្តេជ្ញាចិត្តរបស់រដ្ឋាភិបាលបង់ក្លាដែស ក្នុងការកសាងប្រព័ន្ធអេកូឡូស៊ីវារីវប្បកម្មប្រកបដោយចីរភាព ធន់នឹងការប្រែប្រួលអាកាសធាតុ […]

ហាណូយ៖ អ្នកនាំចេញផលិតផលចំណីអាហាររបស់វៀតណាមកំពុងប្រឈមនឹងលក្ខខណ្ឌកាន់តែស្មុគស្មាញ ទាក់ទងនឹងសុវត្ថិភាពចំណីអាហារ ការតាមដានប្រភពទំនិញ វិញ្ញាបនបត្រ​បញ្ជាក់​ និងស្តង់ដារបរិស្ថាន ពីព្រោះទីផ្សារក្រៅប្រទេសកំពុងរឹតបន្តឹងការនាំចូល។ នេះបើយោងតាមការចេញផ្សាយរបស់សារព័ត៌មានវៀតណាម។ កត្តានេះអាចបង្កើនការចំណាយខ្ពស់ និងការពន្យារពេលនាំចេញ ប្រសិនបើទំនិញរបស់វៀតណាមខ្វះព័ត៌មានច្បាស់លាស់បញ្ជាក់ពីគុណភាព​ និងសុវត្ថិភាព។ ជាក់ស្ដែង ការរឹតបន្តឹងរបស់ប្រទេសឥណ្ឌូណេស៊ី សម្រាប់អាហារបញ្ជាក់ថា ហាឡាល់ (Halal) មានន័យថា​​ ជាបន្ទុកនៃការអនុលោមតាមច្បាប់កាន់តែតឹងតែងចំពោះផលិតផលចំណីអាហារផលិតនៅប្រទេសវៀតណាម។ ប្រទេសឥណ្ឌូណេស៊ី បានសម្រេចក្នុងខែសីហា ឆ្នាំ២០២៦ ឱ្យរឹតបន្តឹងលក្ខខណ្ឌត្រួតពិនិត្យ និងផ្ទៀងផ្ទាត់សម្រាប់ផលិតផលហាឡាល់ ដែលគ្របដណ្តប់លើផលិតផលចំណីអាហារជាច្រើនមានប្រភពពីប្រទេសវៀតណាម។ ផលិតផលរបស់វៀតណាមដែលអាចរងផលប៉ះពាល់ រួមមានផលិតផលផ្អែម និងផលិតផលធ្វើពីគ្រាប់ធញ្ញជាតិ ផ្លែឈើ និងបន្លែកែច្នៃ និងផលិតផលអាហារសមុទ្រកែច្នៃ។ ពាក់ព័ន្ធនឹងស្តង់ដារសុវត្ថិភាពនេះ សហភាពអឺរ៉ុបបានរឹតបន្តឹងការត្រួតពិនិត្យសុវត្ថិភាពលើផលិតផលចំណីអាហារនាំចេញរបស់វៀតណាម ដោយនៅក្នុងឆ្នាំ២០២៤ បានចេញការព្រមានចំនួន១៣០ដង អំពីសំណល់ថ្នាំសម្លាប់សត្វល្អិតច្រើនពេក និងមានផ្ទុកមេរោគថែមទៀត​ ព្រមទាំងជាប់សង្ស័យថា​ មានការក្លែងបន្លំវិញ្ញាបនបត្រទទួលស្គាល់គុណភាពផលិតផល។ ចំណែកនៅឆ្នាំ២០២៣ វៀតណាមរងការព្រមានចំពោះសំណល់គីមីនៅលើផលិតផល​កសិកម្ម​ និងចំណីអាហារមានចំនួន៣៨ដង ដោយសារមិនព្រមរៀង ទើបនៅឆ្នាំ២០២៤ បានទទួលរងការព្រមានកាតក្រហមកាន់តែច្រើនឡើងដល់១៣០ដង៕​ (ផាន់​ អាណា)

ម៉ានីល៖ ប្រទេសហ្វីលីពីនបាននាំចេញផ្លែស្វាយស្រស់ជាលក្ខណៈពាណិជ្ជកម្មទៅកាន់ប្រទេសកាណាដា តាមរយៈផែនការពង្រីកទីផ្សារក្រៅប្រទេសថែមទៀត សម្រាប់ផលិតផលកសិកម្ម និងបង្កើតប្រាក់ចំណូលសម្រាប់កសិករហ្វីលីពីន។ ការនាំចេញលើកនេះមានផ្លែស្វាយចំនួន២៥០ប្រអប់ ហើយត្រូវបានដឹកចេញ កាលពីថ្ងៃទី១៨ ខែកញ្ញា ឆ្នាំ២០២៦ ដោយក្រុមហ៊ុនឯកជនរបស់ហ្វីលីពីន តាមរយៈកម្មវិធីអាជីវកម្មទៅក្រៅប្រទេសរបស់ក្រសួងពាណិជ្ជកម្ម និងឧស្សាហកម្ម ហ្វីលីពីន។ ចំណែកក្រុមហ៊ុននៅទីក្រុ វ៉ាន់ខូវើរ (Vancouver) ប្រទេសកាណាដានឹងចែកចាយផ្លែស្វាយស្រស់ទាំងនេះទៅកាន់ផ្សារទំនើប និងអ្នកទិញបន្ត ចំណែកក្រុមហ៊ុនអាកាសចរណ៍កាណាដា ទទួលបន្ទុកអ្នកដឹកជញ្ជូនតាមផ្លូវអាកាស ដើម្បីផ្គត់ផ្គង់តាតម្រូវការទីផ្សារ។ ព្រមជាមួយគ្នានេះដែរ ក្រសួងកសិកម្មហ្វីលីពីន បាននិងកំពុងពង្រឹងសមត្ថភាពឧស្សាហកម្មដំណាំស្វាយ ដើម្បីបំពេញតាមតម្រូវការនាំចេញ និងអាចនាំចូលទៅកាន់ទីផ្សារអន្តរជាតិឱ្យបានយូរអង្វែង។ ក្រុមសហគមន៍អ្នកដាំស្វាយជាង៤០ ក្រុម រួមបញ្ចូលគ្នាទៅជាសហព័ន្ធតែមួយ ដើម្បីពង្រឹងការសម្របសម្រួលក្នុងការដាំដុះ ការប្រមូល និងនាំចូលទៅកាន់ទីផ្សារអន្តរជាតិ។ ក្រសួងកសិកម្មក៏កំពុងដោះស្រាយបញ្ហាជំងឺ ដែលប៉ះពាល់ដល់ផលិតកម្មស្វាយ និងពង្រឹងវិធានការការពារសុខភាពរុក្ខជាតិ ដែលជាកត្តាចាំបាច់សម្រាប់បំពេញតាមលក្ខខណ្ឌរបស់ទីផ្សារនាំចេញ។ រដ្ឋមន្ត្រីកសិកម្ម លោក ហ្វ្រែនស៊ីស្កូ ធៀវ ឡូរ៉ែល (Francisco Tiu Laurel) បានមានប្រសាសន៍ថា ការនាំចេញលើកនេះជាស្ថិតក្រោមយុទ្ធសាស្ត្ររបស់រដ្ឋាភិបាល ដើម្បីបើកទីផ្សារថ្មីៗសម្រាប់ផលិតផលកសិកម្មរបស់ហ្វីលីពីន និងបង្កើនប្រាក់ចំណូលពីការនាំចេញផលិតផលកសិកម្ម។ លោកបានមានប្រសាសន៍ថា «ការបើកទីផ្សារថ្មី មានន័យថា ការបើកឱកាសថ្មីៗសម្រាប់កសិកររបស់យើង។ នៅពេលដែលយើងអាចលក់ផលិតផលកសិកម្មរបស់ហ្វីលីពីន បានកាន់តែច្រើនទៅក្រៅប្រទេស […]

ប៉េកាំង៖ កសិកម្មចិញ្ចឹមត្រី ស្ទើជិន (Sturgeon) និងឧស្សាហកម្មផលិត ពងត្រីប្រណីត (Caviar)មានតម្លៃកបើពពក នៅក្នុងប្រទេសចិនកំពុងតែរីកចម្រើនយ៉ាងឆាប់រហ័ស និងអាចផ្គត់ផ្គង់តម្រូវការទីផ្សារពិភពលោកដោយស្របច្បាប់ និងមានចីរភាពជាងការនេសាទត្រីធម្មជាតិ។ ឧស្សាហកម្មនេះ ក៏ជួយកាត់បន្ថយការនេសាទត្រីស្ទើជិនធម្មជាតិ ដើម្បីវះយកពងវាដោយខុសច្បាប់ ព្រោះពូជត្រីនេះកំពុងរងការគំរាមកំហែងយ៉ាងធ្ងន់ធ្ងរ ព្រោះតែពងវាមានតម្លៃខ្លាំងពេក។ ពងត្រីស្ទើជិននេះ ដែលជាអាហារប្រណីត ហៅថា កាវីយ៉ា (Caviar) គេរៀបចំដាក់ក្នុងប្រអប់ប៉ុនកំប៉ុងសារ៉ាស្បែកជើង មានទម្ងន់មួយខាំ ប៉ុន្តែតម្លៃលក់មានពី១០០ដុល្លារ រហូតដល់៨០០ដុល្លារ។ ពងត្រីប្រភេទខ្លះ អាចលក់បានក្នុងតម្លៃជិត៤ម៉ឺនដុល្លារ ក្នុងមួយគីឡូក្រាម។ កាលពីកក្កដា ឆ្នាំ២០២៦នេះ​ ដែលជារដូវពូជត្រី ស្ទើជិន​ពងកូនមន្ត្រីជលផលចិន និងរុស្ស៊ី បានរួមគ្នាបង្កើនស្តុកត្រីនៅក្នុងប្រព័ន្ធទន្លេបែងចែកព្រំដែនប្រទេសទាំងពីរ ព្រមទាំងបានលែងកូនត្រីជាង២០លានក្បាល ដើម្បីជួយស្តារធនធានជលផលនៅតាមដងទន្លេ ក្នុងខេត្តហីឡុងជៀង ដែលមានប្រវែងជាង២ ៧០០គីឡូម៉ែត្រ ជាមួយប្រទេសរុស្ស៊ី។ តាមដងទន្លេយ៉ង់សេ (Yangtze) នាទីក្រុងអ៊ីទូ (Yidu) ក្នុងខេត្តហ៊ូប៉ី (Hubei) ភាគកណ្តាលប្រទេសចិន​ កសិដ្ឋានចញ្ចឹមត្រី មានការរីកចម្រើនយ៉ាងឆាប់រហ័ស ដោយមានមជ្ឈមណ្ឌលខ្នាតធំៗ​សម្រាប់ភ្ញាស់បង្កាត់ពូជ ត្រី និងមានបែបណ្ដែតទឹករាយប៉ាយរហូតតំបន់ជនបទ មានត្រីស្ទើជិនជាង១លានក្បាល។ កាលពីមុន ផ្លូវទឹកហូរក្នុងតំបន់នេះ ពោរពេញទៅដោយសំណាញ់ […]

អូស្ត្រាលី៖ គេប៉ាន់ប្រមាណថា ឃ្មុំប្រហែល ៨ សែនក្បាល ដែលមានតម្លៃរាប់សិបពាន់ដុល្លារ ត្រូវចោរលួចចេញពីទីតាំងចិញ្ចឹមឃ្មុំជាច្រើននៅតំបន់កសិករចិញ្ចឹមឃ្មុំនៅភាគខាងលិចទីក្រុង​ ខែន (Cairns) ក្នុងរដ្ឋឃ្វីនឡែន បាននិយាយថា ឃ្មុំចំនួន៤៤សំបុក ត្រូវចោរលួចពីអ្នកចិញ្ចឹមឃ្មុំចំនួនបី នាក់ផ្សេងគ្នា។ សារព័ត៌មាន ឌឹ ហ្គាឌាន (The Guardian) របស់ប្រទេសអង់គ្លេសបានចេញផ្សាយ នៅថ្ងៃទី២១ ខែកញ្ញា ឆ្នាំ២០២៦នេះ​ ដោយដកស្រង់សម្តីរបស់ក្រុមអ្នកចិញ្ចឹមឃ្មុំ ដែលជាជនរងគ្រោះក្នុងអំពើចោរកម្មនេះ។ កសិកររូបនេះបានប៉ាន់ប្រមាណថា សំបុកឃ្មុំនីមួយៗមានឃ្មុំយ៉ាងហោចណាស់២០ ០០០ក្បាល ដែលមានន័យថា ចំនួនឃ្មុំត្រូវចោរលួចយកទៅ អាចមានចំនួនសរុប លើសពី៨០០ ០០០ក្បាល។ សកម្មភាពលួចឃ្មុំនេះគេសង្ស័យថា បានកើតឡើងនៅទីតាំងជាច្រើន និងតំបន់ផ្សេងៗគ្នា ហើយត្រូវក្រុមចោរធ្វើសកម្មភាពយ៉ាងស្ទាត់ជំនាញ និងឧបករណ៍ឯកទេសច្បាស់លាស់ផងដែរ។ ដូច្នេះធ្វើឱ្យអ្នកចិញ្ចឹមឃ្មុំមិនត្រឹមតែបាត់បង់ឃ្មុំប៉ុណ្ណោះទេ ប៉ុន្តែថែមទាំងបាត់បង់ប្រាក់ចំណូលពីកិច្ចសន្យាឱ្យឃ្មុំជួយធ្វើឱ្យដំណាំកាន់ផ្លែផងដែរ ដែលអាចមានតម្លៃរាប់ពាន់ដុល្លារ។ ក្រុមចោរមិនលួចយកកេសចិញ្ចឹមឃ្មុំទាំងមូលទេ ដែលអាចធ្វើឱ្យគេចាប់អារម្មណ៍ ប៉ុន្តែពួកចោរបានដកយកតែផ្លិតឃ្មុំប៉ុណ្ណោះ ដូច្នេះ បើអ្នកចិញ្ចឹមពីចម្ងាយ មិនមានអ្វីចម្លែកឡើយ។ ពួកចោរក៏មិនបានយកក្បាលទឹកឃ្មុំទៅជាមួយដែរ ដើម្បីកុំឱ្យហ្វូងឃ្មុំផ្អើល។ ចំណែកអ្នកចិញ្ចឹមឃ្មុំមា្ន​ក់ បាននិយាយថា «ពួកចោរបើករថយន្ត ដែលផ្ទុកឧបករណ៍ជាច្រើន ហើយដកយកផ្លិតឃ្មុំរបស់យើងដាក់ចូលទៅក្នុងកេសចិញ្ចឹមឃ្មុំរបស់ពួកវា… បន្ទាប់មករៀបចំសំបុកឃ្មុំរបស់យើងឱ្យស្អាតដូចធម្មតា […]