អន្តរជាតិ

អូស្ត្រាលី៖ ក្រសួងកសិកម្ម នេសាទ និងរុក្ខាប្រមាញ់ អូស្ត្រាលី បានចេញសេចក្តីសម្រេចផ្អាកការនាំចូលទាំងស្រុងនូវក្រូចថ្លុងស្រស់ពីប្រទេសវៀតណាម បន្ទាប់ពីរកឃើញរោគសញ្ញាមានផ្ទុកសត្វល្អិត និងជំងឺឆ្លង ដែលបង្កក្តីបារម្ភផ្នែកសុវត្ថិភាពជីវសាស្ត្រ បង្កឡើងផ្លែក្រូចថ្លុងវៀតណាម។ ការផ្អាកនាំចូលនេះចាប់ផ្តើមពីថ្ងៃទី១៥ ខែកញ្ញា ឆ្នាំ២០២៦ និងមានសុពលរយៈពេល៦ខែ ចំណែកផ្លែក្រូចថ្លុងណាមានផ្ទុកមេរោគត្រូវតែបានបំផ្លាញចោល ឬត្រូវដឹកចេញពីទឹកដីអូស្ត្រាលីទៅវិញ ស្របតាមតម្រូវការសុវត្ថិភាពជីវសាស្ត្ររបស់ប្រទេសអូស្ត្រាលី។ សមាគមឧស្សាហកម្មក្រូចអូស្ត្រាលី (Citrus Australia) បានប្រកាសគាំទ្រសេចក្តីសម្រេចនេះ​ ដោយចាត់ទុកថា ជាការចាត់វិធានការរហ័ស ដើម្បីការពារឧស្សាហកម្មក្រូចថ្លុងរបស់អូស្ត្រាលី ដែលមានតម្លៃ១,១លានដុល្លារអូស្ត្រាលី ឱ្យរួចផុតពីពីសត្វល្អិតបំផ្លាញ និងមិនឆ្លងជំងឺ ពីក្រូចនាំចូលពីបរទេស។ ការផ្អាកនេះកើតឡើង បន្ទាប់ពីក្រសួងបានរកឃើញសត្វល្អិត និងរោគសញ្ញាជំងឺនៅក្នុងផ្លែក្រូចថ្លុងវៀតណាម ដែលគួរត រកឃើញ ឬកម្ទេចចោល តាមកិច្ចព្រមព្រៀងស្តីពីវិធានការសុវត្ថិភាពជីវសាស្ត្រ មុនពេលដឹកមកដល់ប្រទេសអូស្ត្រាលី។ កាលពីខែសីហា ឆ្នាំ២០២៦នេះ​ បន្ទាប់ពីការរកឃើញមេរោគនៅក្នុងផ្លែក្រូចថ្លុងនេះភ្លាម ក្រសួងកសិកម្ម នេសាទ និងរុក្ខាប្រមាញ់ អូស្ត្រាលី បានផ្ទៀងផ្ទាត់ និងត្រួតពិនិត្យប្រព័ន្ធគ្រប់គ្រង រួមទាំងធ្វើសវនកម្មនៅក្នុងប្រទេសវៀតណាម។ លទ្ធផលបានបង្ហាញថា ប្រព័ន្ធគ្រប់គ្រង និងនីតិវិធីនានា លែងអនុវត្តស្របតាមតម្រូវការ ដែលអូស្ត្រាលីបានកំណត់ទៀតហើយ។ ចំណែកប្រធានសមាគមក្រូចអូស្ត្រាលី បានមានប្រសាសន៍ថា ការធ្វើសវនកម្មនៅក្នុងប្រទេសអូស្ត្រាលី គឺតាមសំណើរបស់សមាគម […]

ទីក្រុងកូឡំបូ ប្រទេសស្រីលង្កា៖ នៅរសៀលថ្ងៃទី២៤ ខែកញ្ញា ឆ្នាំ២០២៦ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) និងសហការី បានជួបពិភាក្សាការងារជាមួយលោកបណ្ឌិត សាន្ថា ចាយ៉ារតនា (Shantha Jayarathna) ទីប្រឹក្សា​ជាន់​ខ្ពស់​ នៃក្រសួងជំនួញ​ពាណិជ្ជកម្ម សន្តិសុខស្បៀង និងអភិវឌ្ឈន៍សហគមន៍ (Trade, Commerce, Food Security & Co-operative Development)និងជាប្រធានសហពន្ធសមាគមសហគមន៍អ្នកប្រើប្រាស់ស្រីលង្កា (Sri Lanka Consumer Cooperative Societies Federation) ព្រមទាំងបានភ្ជាប់ទំនាក់ទំនងជាមួយពាណិជ្ជករ ដែលជាដៃគូធុរកិច្ចដ៏មានសក្តានុពលនៅប្រទេសស្រីលង្កា ដើម្បីស្វែងរកឱកាសពង្រឹងកិច្ចសហប្រតិបត្តិការពាណិជ្ជកម្ម និងការតភ្ជាប់ទីផ្សារកសិផលរវាងកម្ពុជា និងស្រីលង្កា។ ក្នុងជំនួបនេះភាគីពាក់ព័ន្ធបានពិភាក្សាអំពីលទ្ធភាពធ្វើពាណិជ្ជកម្មលើកសិផលសក្តានុពលរបស់កម្ពុជា ទៅកាន់ទីផ្សារស្រីលង្កា រួមមាន អង្ករក្រអូប គ្រាប់ស្វាយចន្ទី ដំឡូងមី ពោត និងម្ទេស ជាដើម ព្រមទាំងការផ្លាស់ប្តូរព័ត៌មានអំពីតម្រូវការទីផ្សារ ស្តង់ដារ គុណភាព ការកែច្នៃ ការវេចខ្ចប់ និងការរៀបចំខ្សែច្រវាក់ផ្គត់ផ្គង់ឱ្យសមស្របទៅនឹងតម្រូវការអ្នកប្រើប្រាស់នៅស្រីលង្កា។ […]

ហ្វីលីពី៖ ក្រសួងសុខុមាលភាពសង្គម និងអភិវឌ្ឍន៍ របស់ហ្វីលីពីន បានផ្តល់ជំនួយជាសាច់ប្រាក់បន្ទាន់ប្រមាណ៦,៥លានដុល្លារ ដល់កសិករដាំអំពៅខ្នាតតូច ជិត៤០ម៉ឺននាក់ ដែលរងផលប៉ះពាល់ពីសត្វល្អិតបំផ្លាញ។ ប្រាក់ឧបត្ថម្ភនេះត្រូវបានផ្តល់ជូនដល់កសិករ ដែលមានលក្ខណៈសម្បត្តិគ្រប់គ្រាន់ ដោយផ្អែកលើលទ្ធផលនៃការផ្ទៀងផ្ទាត់ឡើងវិញដោយរដ្ឋបាលមូលដ្ឋានណាក់ព័ន្ធនឹងការគ្រប់គ្រងស្ករ និងដៃគូពាក់ព័ន្ធផ្សេងទៀត។ នេះបើយោងតាមប្រធាននាយកដ្ឋានប្រចាំតំបន់ បាននិយាយកាលពីថ្ងៃទី២១ ខែកញ្ញា ឆ្នាំ២០២៦នេះ។ ទិន្នន័យរបស់រដ្ឋបាលមូលដ្ឋានបង្ហាញថា កសិករដាំអំពៅជិត៤០ម៉ឺននាក់នេះ មកពីខេត្តចំនួនពីរ និងសរុបជាស្រុកចំនួន៣១ស្រុក នៃតំបន់មានសក្តានុពលដាំអំពៅរបស់ប្រទេសហ្វីលីពីន​ ប៉ុន្តែដំណាំអំពៅរបស់ពួកគាត់ត្រូវសត្វល្អិតបំផ្លាញស្ទើរគ្មានសល់ ស្របពេលការប្រែប្រួលអាកាសធាតុកាន់តែធ្ងន់ធ្ងរ និងបាតុភូតធម្មជាតិអែលនីញ៉ួ។ រដ្ឋាភិបាលហ្វីលីពីនកំពុងតែជំរុញ និងការពារកសិករដាំអំពៅក្នុងស្រុកឱ្យបង្កើតការដាំដុះ ស្របពេលជប៉ុនកំពុងតែសម្លឹងមើលសក្តានុពលរបស់កសិករហ្វីលីពីន ដើម្បីធ្វើជាដៃគូដ៏ល្អក្នុងការអភិវឌ្ឍប្រភពជីវអេតាណុល​ សម្រាប់ផលិតជាប្រេងឥន្ធនៈបញ្ចេញកាបូនទាប។ រដ្ឋបាលគ្រប់គ្រងស្កររបស់ហ្វីលីពីន បានចុះហត្ថលេខាលើកិច្ចព្រមព្រៀងជាមួយសាកលវិទ្យាល័យតូក្យូ កាលពីខែមីនា ឆ្នាំ២០២៥ ដើម្បីជំរុញការស្រាវជ្រាវអំពីគុណភាពអំពៅជាក់ស្តែង​របស់ហ្វីលីពីន។ ភាពជាដៃគូនេះមានគោលបំណងអភិវឌ្ឍបច្ចេកវិទ្យាថ្មីៗ កែលម្អប្រព័ន្ធ និងស្វែងយល់ពីរបៀប ដែលអំពៅអាចផ្តល់អត្ថប្រយោជន៍ដល់ឧស្សាហកម្មផ្សេងៗ រួមទាំងការផលិតជីវអេតាណុលផងដែរ។ ការសិក្សាបានរកឃើញថា កសិករហ្វីលីពីន អាចប្រមូលផលអំពៅបានបរិមាណ៧៧,២៣តោន ក្នុងមួយហិកតា និងអាចរកប្រាក់ចំណូលបន្ថែមបានប្រហែល៦៨ ២១៥ប៉េសូ ឬស្មើនឹង១ ១៥២ដុល្លារ សម្រាប់កសិករម្នាក់ៗ៕ (ផាន់ អាណា)

ឡាវ៖ អាជ្ញាធរឡាវកាន់តែពង្រីងវិធានការទប់ស្កាត់ជំងឺប៉េស្តជ្រូកអាហ្វ្រិក បន្ទាប់ពីសត្វជ្រូកចិញ្ចឹមជាង១ម៉ឺនក្បាល បានងាប់ ឬសម្លាប់ចោលជាហូរហែ ខណៈមេរោគនេះឆ្លងរាលដាលចូលដល់ជិត១០០ភូមិ ក្នុងខេត្តប្រាំ រាប់ទាំងខេត្តជាប់ព្រំដែនប្រទេសកម្ពុជាផងដែរ។ ការផ្ទុះជំងឺប៉េស្តជ្រូកអាហ្វ្រិក នៅប្រទេសឡាវ បានចាប់ផ្តើមដំបូងនៅក្នុងខេត្តសាយ៉ាបូរី ភាគខាងជើងទីក្រុងវៀងច័ន្ទន៍ និងបាននិងកំពុងឆ្លងរាលដាលដល់ប្រាំខេត្ត មាន១៣ស្រុក និង៨១ភូមិ ដែលបណ្តាលឱ្យជ្រូកចំនួន១១ ៣៩៦ក្បាលងាប់ ឬត្រូវបានសម្លាប់ចោល។ ដំបូងឡើយ ជំងឺនេះបានឆ្លងរីករាលដាលនៅទូទាំង៦ស្រុក​ សរុប៣៨ភូមិ ដោយបណ្តាលឱ្យជ្រូក ជាង៥ ៤០០ក្បាលងាប់ និងបង្កការខាតបង់ផ្នែកសេដ្ឋកិច្ចប្រមាណ៦៦៥ ០០០ដុល្លារ។ នេះបើគិតតាមរយបាយការណ៍របស់អាជ្ញាធរឡាវ ត្រឹមថ្ងៃទី១៣ ខែសីហា ឆ្នាំ២០២៦។ រដ្ឋបាលខេត្តចម្ប៉ាសាក់ បានណែនាំឱ្យទីក្រុងប៉ាក់សេ និងស្រុកចំនួន៩ ពង្រឹងការតាមដាន និងវិធានការបង្ការទប់ស្កាត់ជំងឺឆ្លងនៅក្នុងមូលដ្ឋានរបស់ខ្លួន។ នេះបើយោងតាមសេចក្តីជូនដំណឹង ចេញផ្សាយនៅថ្ងៃទី១៧ ខែកញ្ញា ឆ្នាំ ២០២៦។ តាមសេចក្តីណែនាំបានប្រាប់មន្ទីរកសិកម្ម និងបរិស្ថាន ខេត្តចម្ប៉ាសាក់ រួមជាមួយអាជ្ញាធរក្រុង និងស្រុក ត្រូវពង្រឹងការតាមដានជំងឺ និងចាត់បញ្ជូនក្រុមបច្ចេកទេសទៅកាន់តំបន់រងផលប៉ះពាល់។ អាជ្ញាធរខេត្តក៏បានផ្អាកការដឹកជញ្ជូនជ្រូករស់ និងផលិតផលសាច់ជ្រូក រវាងស្រុក និងខេត្ត ព្រមទាំងផ្អាកការនាំចូលជ្រូករស់ និងផលិតផលសាច់ជ្រូកពីបរទេស។ រដ្ឋបាលខេត្តបានព្រមានថា ការដឹកជញ្ជូន […]

វៀតណាម៖ តម្លៃផ្លែស្រកានាគវៀតណាម នៅកម្រិតកសិដ្ឋាន ក្នុងខេត្តតំបន់ខ្ពង់រាបកណ្តាលប្រទេសវៀតណាម បានធ្លាក់ចុះដល់៩០ភាគរយ និងតម្លៃចុះថោកមកនៅត្រឹម២,៧សេនដុល្លារ ឬស្មើនឹង៩៦០រៀល​ ក្នុងមួយគីឡូក្រាម ដោយសារជោរជាន់ទីផ្សារខ្លាំងពេក។ កសិករវៀតណាមម្នាក់ បានប្រមូលផលផ្លែស្រកានាគចំនួន៣តោន ហើយឈ្មួញបានទិញតែផ្លែល្អៗចំនួន១,៥ តោន សម្រាប់នាំចេញទៅប្រទេសចិន ដោយឱ្យតម្លៃដល់កសិករត្រឹម១៩សេនដុល្លារ ឬស្មើនឹង៧៦០រៀល ក្នុងមួយគីឡូក្រាម ចំណែកផ្លែនៅសល់ លក់បានតម្លៃត្រឹម២សេនដុល្លារ ឬស្មើនឹង៨០រៀល​ ក្នុងមួយគីឡូក្រាម ប៉ុណ្ណោះ។ ចំណែកកសិករម្នាក់ទៀត បាននិយាយថា បើឈ្មួញឱ្យតម្លៃត្រឹម២៧សេនដុល្លារ ក្នុងមួយគីឡូក្រាម គឺមិនគ្រប់គ្រាន់សម្រាប់ថ្លៃដើមផលិតឡើយ រួមមានថ្លៃជី កម្លាំងពលកម្ម ថ្លៃទឹក និងថ្លៃថាមពលអគ្គិសនី។ កសិករវៀតណាមនិយាយថា ជាធម្មតាផ្លែស្រកានាគ អាចលក់បានតម្លៃប្រហែល៦៥សេនដុល្លារ ឬស្មើនឹង២ ៦០០រៀល​ ក្នុងមួយគីឡូក្រាម ប៉ុន្តែនៅក្នុងខែកញ្ញា ឆ្នាំ២០២៦​តម្លៃបានធ្លាក់ចុះហៅលែងឮតែម្តង ធ្វើកសិករដេកជូតទឹកភ្នែក។ ប្រធានសមាគមផ្លែស្រកានាគវៀតណាម បានចាត់ទុកការធ្លាក់ចុះនៃតម្លៃនេះថា បណ្តាលមកពីការកើនឡើងនៃការប្រមូលផលព្រមគ្នា ធ្វើឱ្យផ្លែស្រការនាគជោរជន់លើទីផ្សារ។ ចំណែក ប្រទេសចិន ដែលធ្លាប់តែជាទីផ្សារនាំចេញដ៏សំខាន់របស់ផ្លែស្រកានាគវៀតណាម កំពុងពង្រីកការដាំដុះផ្លែរបស់ខ្លួនផងដែរ។ គ្រាន់តែក្នុងខេត្ត ឡំដុង (Lâm Đồng) មួយរបស់ប្រទេសវៀតណាម មានផ្ទៃដីដាំផ្លែស្រកានាគជាង២៦ ០០០ហិកតា […]

វៀតណាម៖ កាលពីចុងឆ្នាំ២០២៥ អាជ្ញាធរ​នៅ​ភាគ​ខាងជើង​ប្រទេស​វៀតណាម​ បាន​ចាប់ខ្លួន​ម្ចាស់​​កុងស៊ីកាប់ជ្រូក ​រួមទាំងសមាជិកគ្រួសារ ​ពី​បទ​លួចស្តុកទុកដោយខុសច្បាប់នូវសាច់​ជ្រូក​ងាប់ មានផ្ទុក​មេរោគ​ប៉េស្ត​​ជ្រូកអាហ្វ្រិកជិត​៣៨​តោន ​ដើម្បី​លក់​យក​ចំណេញ ដោយមិនខ្វល់ពីសុខភាពអ្នកបរិភោគ។ ការប្រតិបត្តិការបង្ក្រាបនាពេលនោះ ត្រូវបានបណ្តាញសារព័ត៌មានវៀតណាម ចេញផ្សាយព្រោងព្រាត រួមទាំងករណីបង្ក្រាបបទល្មើសគាស់យកខ្មោចជ្រូបងាប់ដោយសារជំងឺដូចគ្នានេះ​ មកកែច្នៃជាផ្អកសាច់ជ្រូក និងលក់ចែកចាយតាមទីផ្សារនានា រហូតដល់អាហារដ្ឋានរបស់សាលារៀនថែមផងដែរ។ ប៉ុន្តែរហូតមកដល់ខែកញ្ញា ឆ្នាំ២០២៦នេះ សារព័ត៌មានខ្លះនៅក្នុងប្រទេសវៀតណាម បានចេញផ្សាយថា នគរបាលវៀតណាមនៅតែបន្តស៊ើបអង្កេតថែមទៀត ដើម្បីរកជនល្មើសពាក់ព័ន្ធផ្សេងទៀត និងមិនទាន់ច្បាស់អំពីស្ថានទម្ងន់ទោសរបស់ជនល្មើស ស្របតាមក្រមព្រហ្មទណ្ឌវៀតណាម ចែងពីសុវត្ថិភាពចំណីអាហារនៅឡើយទេ។ នគរបាលខេត្ត ភូថក (Phu Tho) ស្ថិតនៅក្បែរទីក្រុងហាណូយ ប្រទេសវៀតណាម​ កាលពីថ្ងៃទី២១ ខែតុលា ឆ្នាំ២០២៥ បាននិយាយថា ម្ចាស់កុងស៊ីកាប់ជ្រូក ឈ្មោះ ផាន់ វ៉ាន់ផុង (Phan Van Phong) អាយុ៦០ឆ្នាំ ត្រូវបានចាប់ខ្លួន និងចោទប្រកាន់ពីបទរំលោភលើច្បាប់ស្តីពីសុវត្ថិភាពចំណីអាហារ បន្ទាប់ពីអ្នកស៊ើបអង្កេតបានរកឃើញឃ្លាំងបង្កកសាច់ជ្រូកប្រាំកន្លែងពោរពេញដោយសាច់ជ្រូក ដែលសុទ្ធតែមានផ្ទុក​មេរោគ​ប៉េស្ត​ជ្រូក​អាហ្វ្រិក។ ភ្នាក់ងារស៊ើបអង្កេតវៀតណាម បានបញ្ជាក់នាពេលនោះថា ក្នុងឆ្នាំ២០២៥ ​មេរោគ​ប៉េស្ត​ជ្រូក​អាហ្វ្រិកបានឆ្លងរាលដាលស្ទើរគ្រប់កសិដ្ឋានចិញ្ចឹមជ្រូក​ក្នុងប្រទេសវៀតណាម រហូតធ្វើឱ្យកសិករប្រញាប់ប្រញាល់លក់ជ្រូក រាប់ទាំងជ្រូកងាប់ដោយសារជំងឺឆ្លងផងដែរ។ ចំណែកកុងស៊ីកាប់ជ្រូកខ្លះ បានទិញជ្រូកមានជំងឺមកកាប់យកសាច់លក់ក្នុងតម្លៃទាបបំផុត […]

ហ្សាការតា៖ ប្រទេសឥណ្ឌូណេស៊ីបានកំណត់គោលពង្រីកផ្ទៃដីទំហំពីរលានហិកតា សម្រាប់ដាំអំពៅ ដើម្បីគាំទ្រកម្មវិធីផលិតប្រេងឥន្ធនៈប្រភេទអេតាណុល ដើម្បីលាយជាមួយប្រេងសាំងសម្រាប់ផ្គត់ផ្គង់ជាថាមពលរថយន្ត។ ប្រេងឥន្ធនៈ ដែលមានអេតាណុល២០ភាគរយ (E20) និងប្រេងសាំង៨០ភាគរយ គឺជាថាមពលថ្មីរបស់ប្រទេសឥណ្ឌូណេស៊ីប្រើសម្រាប់ចាក់គរឿងម៉ាស៊ីន ដូចជារថយន្តជាដើម ដើម្បីកាត់បន្ថយការប្រើប្រេងសាំងច្រើនពេក។ កាលពីថ្ងៃទី១៦ ខែកញ្ញា ឆ្នាំ២០២៦នេះ ប្រធានាធិបតីឥណ្ឌូណេស៊ី លោក ប្រាបូវ៉ូ ស៊ីប៊ីយ៉ានតូ (Prabowo Subianto) បានប្រាប់រដ្ឋមន្ត្រីកសិកម្មឱ្យរៀបចំផ្ទៃដីសម្រាប់ការដាំអំពៅឱ្យបានពីរលានហិកតា​ ត្រឹមឆ្នាំ២០២៨ ដែលចាំបាច់សម្រាប់ផលិតអេតាណុល។ ចំណែករដ្ឋមន្ត្រីសម្របសម្រួលកិច្ចការស្បៀងអាហារឥណ្ឌូណេស៊ី បាននិយាយថា រដ្ឋាភិបាលមានគោលដៅផលិតប្រេងឥន្ធនៈអេតាណុល២០ភាគរយ ឱ្យបានក្នុងរយៈពេលពីរឆ្នាំ ដូច្នេះត្រូវការផ្ទៃដីដាំអំពៅឱ្យបានគ្រប់គ្រាន់ និងការអភិវឌ្ឍសមត្ថភាពកែច្នៃអេតាណុល។ លោកបាននិយាយដូច្នេះថា «បានយ៉ាងហោចណាស់ ក្នុងរយៈពេលពីរឆ្នាំខាងមុខ យើងអាចផលិតប្រេងឥន្ធនៈអេតាណុលបាន» ដោយក្រសួងកសិកម្មនឹងរៀបចំផែនការបែងចែកផ្ទៃដីឱ្យបានគ្រប់គ្រាន់ ព្រមទាំងមានស្ថាប័នសម្រាប់ទទួលបន្ទុកផ្នែកឧស្សាហកម្មបម្លែងវត្ថុធាតុដើមពីអំពៅទៅជាអេតាណុល។ រដ្ឋាភិបាលបានកំណត់ថា អំពៅ គឺជាវត្ថុធាតុដើមសំខាន់សម្រាប់កម្មវិធីផលិតអេតាណុលនេះ ដែលអាចជំនួសឱ្យពោត និងដំឡូងមី ​ព្រមទាំងអាចអនុវត្តបានលឿន។ លោកបានបញ្ជាក់បន្ថែមថា ផ្ទៃដីដាំអំពៅ ដែលមានស្រាប់នៅទូទាំងប្រទេសឥណ្ឌូណេស៊ី ជាពិសេសនៅតំបន់កាលីម៉ាន់តាន់ (Kalimantan) កោះស៊ូម៉ាត្រា (Sumatra) កោះជ្វា (Java) និងតំបន់ប៉ាពួ នឹងត្រូវយកមកប្រើប្រាស់សម្រាប់ដាំដំណាំអំពៅ។ រដ្ឋាភិបាលជឿជាក់ថា អាចរៀបចំផ្ទៃដីតាមគោលដៅចំនួនពីរលានហិកតា […]

តេអេរ៉ង់៖ មន្ត្រីជាន់ខ្ពស់មកពីក្រសួងកសិកម្មអ៊ីរ៉ង់ បានឱ្យដឹងថា ទិន្នផ្លែលម៉ើរបស់ខ្លួនបានកើនឡើងជិត២លានតោន ក្នុងមួយឆ្នាំ២០២៦នេះ និងរកប្រាក់ចំណូលពីការនាំចេញបានប្រហែល៤០០លានដុល្លារ។ អនាគតនៃឧស្សាហកម្មដំណាំលម៉ើរបស់អ៊ីរ៉បានប្រែប្រួលពីការលក់ចេញជាផ្លែស្រស់ ទៅជាការអភិវឌ្ឍខ្សែសង្វាក់ផលិតកម្ម តាមរយៈការកែច្នៃ និងបង្កើនបន្ថែម សម្រាប់ផ្គត់ផ្គង់ទីផ្សារក្នុងស្រុក និងអន្តរជាតិ។ នេះបើយោងតាមរបាយការណ៍របស់ក្រសួងកសិកម្មអ៊ីរ៉ង់ ចេញផ្សាយកាលពីថ្ងៃទី១៦ ខែកញ្ញា ឆ្នាំ២០២៦នេះ ក្រសួងកសិកម្មអ៊ីរ៉ង់បានចាត់ទុកផ្លែលម៉ើជាផលិតផលកសិកម្មយុទ្ធសាស្ត្រ និងជាផលិតផលសម្រាប់នាំចេញដ៏មានសក្តានុពល ព្រមទាំងពង្រឹងផលិតផលរបស់អ៊ីរ៉ង់ នៅក្នុងទីផ្សារគោលដៅ ដែលតម្រូវឱ្យមានការកែលម្អគុណភាព ការវេចខ្ចប់ឱ្យបានល្អ ការធ្វើឱ្យស្របតាមស្តង់ដារ និងជាផលិតផល អាចឆ្លើយតបទៅនឹងតម្រូវការ និងចំណង់ចំណូលចិត្តរបស់អ្នកប្រើប្រាស់។ មន្ត្រីរូបនេះបាននិយាយទៀតថា ក្រៅពីមានតម្លៃអាហារូបត្ថម្ភខ្ពស់ ផ្លែលម៉ើក៏មានសក្តានុពលយ៉ាងសំខាន់ក្នុងការរកចំណូលជារូបិយប័ណ្ណបរទេស បង្កើតការងារ និងអភិវឌ្ឍឧស្សាហកម្មម្ហូបអាហារ។ ការផ្លាស់ប្តូរទៅរកការកែច្នៃ និងការផលិតផ្លែលម៉ើជាផលិតផលចម្រុះ អាចបង្កើនតម្លៃសេដ្ឋកិច្ចបានយ៉ាងច្រើនថែមទៀត។ បច្ចុប្បន្ន មានរោងចក្រ និងស្ថាប័នកែច្នៃផ្លែលម៉ើ និងឧស្សាហកម្មបង្កើតបន្ថែមចំនួន៦៥៤កន្លែង ដោយមានសមត្ថភាពផលិតបានជាង៨២ម៉ឺនតោន។ លោកបានបញ្ជាក់ថា ការផលិតពីផ្លែលម៉ើ មានដូចជា ទឹកលម៉ើខាប់ និងស៊ីរ៉ូលម៉ើ ស្កររាវ សូកូឡា និងផលិតផលផ្សំ ផ្លែលម៉ើកំប៉ុង ទឹកខ្មេះ និងអាល់កុល ដែលបង្ហាញថា ផ្លែលម៉ើមិនមែនគ្រាន់តែជាផលិតស្រស់ប៉ុណ្ណោះទេ ប៉ុន្តែអាចក្លាយជាវត្ថុធាតុដើមសម្រាប់ឧស្សាហកម្មកែច្នៃជាច្រើនប្រភេទទៀត។ លើសពីនេះ ផ្លែលម៉ើអាចត្រូវបានកែច្នៃពីផលិតផលកសិកម្មបែបប្រពៃណី […]

ញូវដេលី៖ កសិករចិញ្ចឹមបង្គានៅរដ្ឋអន្តរប្រទេស (Andra Pradesh) របស់ឥណ្ឌា បានគំរាមផ្អាកការចិញ្ចឹមបង្គា ចាប់ពីខែមេសា ដល់ខែមិថុនា ឆ្នាំក្រោយនេះ ប្រសិនបើរដ្ឋាភិបាលមិនព្រមជួយដោះស្រាយបញ្ហារបស់ពួកគាត់ ពាក់ព័ន្ធនឹងការកើនឡើងថ្លៃដើមផលិត និងការធ្លាក់ចុះតម្លៃបង្គាលក់នៅលើទីផ្សារ។ សមាគមកសិករវារីវប្បកម្ម នៅក្នុងរដ្ឋអន្តរប្រទេស បានឯកភាពលើវិធានការផ្អាកការចិញ្ចឹមនេះ នៅក្នុងកិច្ចប្រជុំជាមួយកសិករស្រុកជាច្រើនក្រុម កាលពីថ្ងៃទី៧ ខែកញ្ញា ឆ្នាំ២០២៦។​នេះបើយោងតាមសារព័ត៌មានក្នុងស្រុករបស់ឥណ្ឌា។ ប្រធានសមាគមកសិករវារីវប្បកម្ម រដ្ឋអន្តរប្រទេស បាននិយាយថា តម្លៃចំណីបង្គា ថ្នាំការពារ និងព្យាបាល ព្រមទាំងធាតុចូលផ្សេងៗសម្រាប់ការចិញ្ចឹមបានកើនឡើងយ៉ាងខ្លាំង ដែលបញ្ហាទាំងនេះកំពុងដាក់សម្ពាធផ្នែកហិរញ្ញវត្ថុយ៉ាងខ្លាំងលើកសិករ ស្របពេលតម្លៃបង្គាបានធ្លាក់ចុះខ្លាំងពេក។ សមាគមបានអំពាវនាវឱ្យរដ្ឋាភិបាលកំណត់ តម្លៃគាំទ្រអប្បបរមាសម្រាប់បង្គា ហើយស្នើឱ្យរដ្ឋាភិបាលចាត់វិធានការកាត់បន្ថយថ្លៃដើមចិញ្ចឹម។ លើសពីនេះ សមាគមក៏បានអំពាវនាវដល់ក្រុមហ៊ុនផលិតចំណីបង្គា ឱ្យបញ្ចុះតម្លៃចំណីផងដែរ។ សមាគមបានបញ្ជាក់ថា កសិករនឹងផ្អាកការចិញ្ចឹមបង្គារយៈពេល ៣ ខែ ប្រសិនបើរដ្ឋាភិបាលមិនបានដោះស្រាយតាមការទាមទាររបស់ពួកគាត់ នៅត្រឹមចុងខែកញ្ញា ឆ្នាំ២០២៦នេះ។ កាលពីថ្ងៃទី៨ ខែកញ្ញា ឆ្នាំ២០២៦ តុលាការជាន់ខ្ពស់របស់រដ្ឋអន្តរប្រទេស បានចេញបង្គាប់បណ្ដោះអាសន្នមួយ ឱ្យផ្អាកការដំឡើងតម្លៃចំណីបង្គា ដោយបង្គាប់ឱ្យសមាគមក្រុមហ៊ុនផលិតចំណីបង្គា និងក្រុមហ៊ុនពាក់ព័ន្ធ ផ្សេងទៀតបន្តរក្សាតម្លៃចំណីឱ្យសមស្របតាមតម្លៃ ដែលបានកំណត់របស់រដ្ឋាភិបាល។ សេចក្តីបង្គាប់បណ្ដោះអាសន្ននេះ បានចេញបន្ទាប់ពីមានពាក្យបណ្ដឹងជំទាស់នឹងការដំឡើងតម្លៃចំណីចំនួន៩ ០០០ រូពីឥណ្ឌា […]

ហាណូយ៖ វៀតណាមកំពុងបង្កាត់ពូជគោក្នុងស្រុក  ដើម្បីប្រកួតប្រជែងគុណភាពសាច់ជាមួយពូជគោរបស់កូរ៉េ និងពូជគោរបស់ជប៉ុន ដែលល្បីល្បាញនៅលើពិភពលោក។ មន្ត្រីជាន់ខ្ពស់ជំនាញផ្នែកផលិតកម្មសត្វរបស់វៀតណាម បាននិយាយថា គម្រោងបង្កាត់ពូជគោថ្មីនេះ គឺត្រូវធ្វើឡើងដោយការអភិវឌ្ឍហ្សែនរបស់ពូជគោក្នុងស្រុក វៀតណាមហៅថា គោហ្មុង​ (Hmong) ដែលត្រូវបានចិញ្ចឹមដោយជនជាតិភាគតិចមួង រស់នៅតាមតំបន់ភ្នំភាគខាងជើងប្រទេសវៀតណាម។ ពូជគោហ្មុងនេះ ក៏ជាពូជគោក្នុងស្រុករបស់ប្រទេសកម្ពុជាផងដែរ ដែលខ្មែរនិយមហៅថា គោកណ្ដុរកន្លាត ឬគោលឿង​ ភាសាវិទ្យាសាស្ត្រហៅថា ប៊ូស អាំងឌីគូស (Bos Indicus)។ ពូជគោប្រភេទនេះ មានបូសខ្នងតូច កម្ពស់ទាប ស្នែងខ្លី និងមានរោមពណ៌លឿង​ ដែលមានទម្ងន់ច្រើនបំផុតរង្វង់៣០០គីឡូក្រាម ក្នុងមួយក្បាល។ លោក ផាម គឹមសាង (Pham Kim Dang) អគ្គនាយករងទទួលបន្ទុកផលិតកម្មបសុសត្វ និងសុខភាពសត្វរបស់វៀតណាម បាននិយាយ កាលពីថ្ងៃទី១៤ ខែកញ្ញា ឆ្នាំ២០២៦នេះថា ការវាយតម្លៃរបស់អ្នកជំនាញអន្តរជាតិលើពូជគោហ្មុង រួមមានលក្ខណៈហ្សែន ទំហំរាងកាយ និងស្ថានភាពរូបរាង បង្ហាញថា ពូជគោនេះមានសក្តានុពលខ្ពស់សម្រាប់ផលិតសាច់គោឱ្យមានគុណភាពខ្ពស់ ប្រហាក់ប្រហែលសាច់គោកូរ៉េ ពូជហាន់វូ (Hanwoo) និងសាច់គោជប៉ុន ពូជវ៉ែគ្យូ (Wagyu) […]

ណៃព្យីដោ៖ កសិករដាំដំណាំស្រូវ នៅក្នុងប្រទេសភូមា បានទទួលជីពីរដ្ឋាភិបាលរបស់ខ្លួន ដើម្បីបង្កើនទិន្នផលស្រូវរដូវវស្សា ស្របពេលការប្រែប្រួលអាកាសធាតុ និងបាតុភូតធម្មជាតិ កំពុងតែគម្រាមកំហែងដល់ផលិតកម្មកសិកម្ម។ អាជ្ញាធរមូលដ្ឋានរបស់ប្រទេសភូមា បានចែកចាយជីដល់កសិករនៅតាមតំបន់គោលដៅដាំដុះរបស់ខ្លួន ដោយក្នុងមួយគ្រួសារទទួលបានជីអ៊ុយរ៉េទម្ងន់ជាង១០០គីឡូក្រាមសម្រាប់ដីស្រែទំហំមួយហិកតា សម្រាប់រដូវបង្កបង្កើនផលស្រូវរដូវវស្សាឆ្នាំ២០២៦-២០២៧នេះ។ មន្ត្រីភូមា បានប្រាប់កសិកររបស់ខ្លួនថា សម្រាប់ការទូទាត់សងរដ្ឋវិញ គឺកសិករត្រូវសងជាទម្ងន់ស្រូវប្រមូលបាននៅពេលប្រមូលផល ប៉ុន្តែមិនបានបញ្ជាក់ថា តើជី១០០គីឡូក្រាម ត្រូវសងជាស្រូវប៉ុន្មានគីឡូក្រាមឡើយ។  ចំណែកកសិករនៅក្នុងតំបន់ បានឲ្យដឹងថា ជីអ៊ុយរ៉ាដែលរដ្ឋចែកចាយឱ្យ ត្រូវយកទៅប្រើប្រាស់ឱ្យមានប្រសិទ្ធភាពបំផុតក្នុងពេលបង្កបង្កើនផលស្រូវរដូវវស្សា ដើម្បីទទួលបានទិន្នផលខ្ពស់។ កាលពីដើមខែមីនា ឆ្នាំ២០២៦នេះ រដ្ឋាភិបាលភូមានបានបញ្ជាទិញជី និងថ្នាំសម្លាប់សត្វល្អិត សរុបជិតពីរលានតោនពីបរទេស សម្រាប់ផ្គត់ផ្គង់ដល់កសិករក្នុងស្រុក សម្រាប់បង្កបង្កើនផលស្រូវរដូវវស្សា។ ប្រទេសភូមាបាននាំចូលជីពីបរទេសជាង១លានតោន ក្នុងចន្លោះថ្ងៃទី១ ខែមេសា ឆ្នាំ២០២៥ និងថ្ងៃទី២ ខែកុម្ភៈ ឆ្នាំ២០២៦ បន្ទាប់ពីបានចែកចាយជីអស់ជាង៩៨ម៉ឺនតោន សម្រាប់ការបង្កបង្កើនផលនាពេលកន្លងមក ហើយនៅសល់ជីក្នុងស្តុកជាង៣០ម៉ឺនតោនសម្រាប់ត្រៀមបម្រុង។ នេះបើយោងរបាយការណ៍របស់សមាគមសហគ្រិនផលិតជី ពូជ និងថ្នាំសម្លាប់សត្វល្អិតរបស់ភូមា។ កន្លងមក រដ្ឋាភិបាលភូមា បានចែកចាយចែកជី ពូជ និងថ្នាំសម្លាប់សត្វល្អិតដល់កសិករតាមប្រព័ន្ធឥណទានរបស់រដ្ឋ ដោយត្រូវសងប្រាក់ក្រោយពេលប្រមូលផល រវាងខែសីហា និងខែកញ្ញា ជារៀងរាល់ឆ្នាំ៕ (ផាន់ អាណា)

តៃប៉ិ៖ ការដឹកជញ្ជូនផ្លែឈើពីកោះតៃវ៉ាន់ទៅកាន់ទៅកាន់ទីផ្សារចិនដីគោក កំពុងកើនឡើងយ៉ាងខ្លាំង ខណៈចម្ការដាំដុះ និងទីតាំងវេចខ្ចប់ផលិតផល មានកាន់តែច្រើន ដើម្បីធ្វើឲ្យដំណើរការនាំចេញ និងអ្នកដាំអាចស្វែងរកទីផ្សារ លក់ផលិតផលតាមរដូវកាលផងដែរ។ កសិករតៃវ៉ាន់កំពុងប្រមូលផលផ្លែក្រូចថ្លុង មានសំបកក្រាស់ល្អ និងមានលក្ខណៈសមស្រប អាចរក្សាទុកបានយូរ សម្រាប់ដឹកជញ្ជូនទៅកាន់ទីផ្សារឆ្ងាយៗ។ នៅថ្ងៃទី២៥ ខែសីហា និងថ្ងៃទី១ ខែកញ្ញា ឆ្នាំ២០២៦ អាជ្ញាធរចិនបានបន្ថែមចំនួនចម្ការក្រូចថ្លុង និងទីតាំងវេចខ្ចប់នៅក្នុងកោះតៃវ៉ាន់ជាច្រើនទៀត បញ្ចូលទៅក្នុងបញ្ជីមានសិទ្ធិនាំចេញទៅចិនដីគោក។ សមាគមកសិករតៃវ៉ាន់រំពឹងថា ការដឹកជញ្ជូនផ្លែក្រូចថ្លុងទៅកាន់ទីផ្សារចិនដីគោង និងក្រុងហុងកុង អាចកើនឡើងនៅឆ្នាំ២០២៦នេះ។ រៀងរាល់សប្តាហ៍ កប៉ាល់ដឹកទំនិញ បានដឹកផ្លែក្រូចថ្លុងតៃវ៉ាន់ ចូលទីកាន់ទីផ្សារក្នុងខេត្តណានជីង របស់ចិនដីគោក ខណៈអ្នកទិញនៅខេត្តក្វាងទុង និងខេត្តហ្វូជាន ក៏កំពុងចង់ទិញផ្លែក្រូចថ្លុងនាំចូលពីកោះតៃវ៉ាន់ផងដែរ។ កាលពីឆ្នាំ២០២៤ សហគមន៍អ្នកដាំដំណាំហូបផ្លែ នៅកោះតៃវ៉ាន់ បានបង្កើតភាពជាដៃគូជាមួយក្រុមហ៊ុនលក់រាយ នៅចិនដីគោក ដើម្បីពង្រឹងខ្សែសង្វាក់ផ្គត់ផ្គង់ ដែលធ្វើការនាំចេញផ្លែឈើពីកោះតៃវ៉ាន់ អាចធ្វើដំណើរតាមកប៉ាល់ពីត៉ៃវ៉ាន់ទៅដល់ទីផ្សារចិន ក្នុងរយៈពេលខ្លីបំផុត ត្រឹមតែជាងមួយសប្តាហ៍ប៉ុណ្ណោះ។ យោងតាមអាជ្ញាធរកសិកម្មតៃវ៉ាន់ ការនាំចេញផលិតផលកសិកម្មរបស់កោះតៃវ៉ាន់ បានធ្លាក់ចុះក្នុងឆមាសទី១ ឆ្នាំ ២០២៦ ដោយសារការនាំចេញទៅសហរដ្ឋអាម៉េរិក និងជប៉ុនធ្លាក់ចុះ។ ផ្ទុយទៅវិញ ការនាំចេញទៅចិនដីគោកបានកើនឡើង៕ (ផាន់ អាណា)