ក្វាងទុង៖ កាលពីចុងសប្តាហ៍មុនផ្លែទុរេនស្រស់ជាង៦ ៣០០តោន បាននាំចូលមកដល់កំពង់ផែក្នុងទីក្រុងក្វាងចូវ ខេត្តក្វាងទុង ដោយផ្ទុកលើនាវាដឹកទំនិញចំនួនបីគ្រឿង ប្រើពេល២៤ម៉ោងទើបដឹកមកដល់ ខណៈពេលរដូវប្រមូលផលធំចាប់ផ្តើម ក្នុងពេលឆាប់ៗខាងមុខនេះ។
ផ្លែទុរេនទាំងអស់នេះផ្ទុកក្នុងកុងតឺន័រចំនួន៣៥៦ទូ ទទួលបានការអនុញ្ញាតពីគយ និងចាប់ផ្តើមចែកចាយពាសពេញបណ្តាខេត្តតាមឈូងសមុទ្រ ក្រុងហុងកុង និងក្រុងម៉ាកាវ។
ការដឹកជញ្ជូនផ្លែទុរេនខាងលើនេះ ទទួលបានការអនុញ្ញាតដោយគ្មានការត្រួតពិនិត្យឡើយ ហើយលើកដាក់ទៅលើរថយន្តដឹកទំនិញ ដែលចតរងចាំនៅចំណតសម្រាប់ដឹកចេញភ្លាមៗ ខណៈពេលអ្នកការត្រួតពិនិត្យត្រូវធ្វើតាខ្សែសង្វាក់ត្រជាក់ ដែលប្រតិបត្តិការចាប់ផ្តើមក្នុងរយៈពេលដប់នាទីនៃការមកដល់។ ទូផ្លែទុរេនណា ដែលទទួលបានការអនុញ្ញាតពីគយ អាចដឹកចេញទៅដល់ទីផ្សារលក់ដុំ នាក្រុងក្វាងចូវ ក្នុងរយៈពេលយ៉ាងយូរពីរម៉ោង។
ចាប់តាំងពីថ្ងៃទី១៥ ខែមេសា ឆ្នាំ២០២៦ មន្ត្រីនៅគយកំពង់ផែក្នុងទីក្រុងក្វាងចូវ បានត្រួតពិនិត្យផ្លែទុរេនស្រស់ដែលនាំចូលជាង៩ ៥០០តោន។ កំពង់ផែនេះបន្តពង្រីកតួនាទីរបស់ខ្លួនជាមជ្ឈមណ្ឌលភាគខាងត្បូងប្រទេសចិន សម្រាប់ផ្លែឈើនាំចូល ខណៈពេលបរិមាណនាំចូលចាប់ផ្តើម ក្នុងអំឡុងពេលប្រមូលផលនៅតាមបណ្តាប្រទេសក្នុងភូមិភាគអាស៊ីអាគ្នេយ៍។
ការនាំចូលផ្លែទុរេនក្នុងបរិមាណធំ ក៏កំពុងដឹកតាមផ្លូវដែកផងដែរ។ ផ្លូវដែកចិន-ឡាវ បានដឹកជញ្ជូនផ្លែទុរេននាំចូលចំនួន៥០ ៣០០តោន ចាប់តាំងពីថ្ងៃទី១ ខែមករា គឺកើនឡើងជាង៩៤ភាគរយ បើធៀបនឹងឆ្នាំ២០២៥។ នៅថ្ងៃទី២៣ ខែមេសា ផ្លែទុរេនចំនួន៣ ៦៦១តោន បានដឹកមកដល់កំពង់ផែផ្លូវដែក បន្ទាប់ពីបានឆ្លងកាត់ការត្រួតពិនិត្យនៅច្រកព្រំដែន។
ចំណែកនៅទីក្រុង ឆេងទូ (Chengdu) មជ្ឈមណ្ឌលចែកចាយផ្លែទុរេនមួយបានបើកដំណើរការ ដើម្បីគាំទ្រដល់ការដឹកជញ្ជូនតាមផ្លូវគោក ដោយកំណត់គោលដៅលើការគ្រប់គ្រងជាង១៥ភាគរយនៃការនាំចូលផ្លែទុរេនស្រស់របស់ប្រទេសចិន ក្នុងរយៈពេលពី៣ ទៅ៥ឆ្នាំទៀត។ មជ្ឈមណ្ឌលចែកចាយនេះនឹងពង្រីកការផ្ទុកខ្សែសង្វាក់ត្រជាក់ ការកែច្នៃមូលបត្របំណុល និងហិរញ្ញវត្ថុ ដោយកំណត់គោលដៅរថភ្លើងដឹកទំនិញខ្សែសង្វាក់ត្រជាក់អន្តរជាតិប្រចាំឆ្នាំជាង៤០០គ្រឿង។
កំណើននៃការផ្គត់ផ្គង់បានជះឥទ្ធិពលដល់ការកំណត់តម្លៃ។ តម្លៃលក់រាយបានធ្លាក់ចុះមកនៅត្រឹមប្រហែល៤០យន់ ក្នុងមួយគីឡូក្រាម ឬស្មើនឹង៥.៨៥ដុល្លារ បន្ទាប់ពីការកើនឡើងនៃការនាំចូលមកដល់នូវផ្លែទុរេននៅក្នុងតំបន់។ ក្រុមពាណិជ្ជករ បានសន្មតថា ចលនាតម្លៃ គឺដោយសារបរិមាណប្រមូលផល និងការកើនឡើងនៃតម្រូវការនាំចូលក្នុងទីផ្សារ ដោយរក្សាបានស្ថិរភាពតម្រូវការ។
ប្រធានផ្នែកលទ្ធកម្មក្រុមហ៊ុននាំចូលផ្លែទុរេន បាននិយាយថា ការកែលម្អប្រព័ន្ធដឹកជញ្ជូនបានគាំទ្រទីផ្សារ។ លោកស្រីបាននិយាយថា ជាឧទាហរណ៍ ឥឡូវនេះក្រុងក្វាងចូវ មានខ្សែដឹកជញ្ជូនផ្លែទុរេនដោយផ្ទាល់តែម្តង ដោយមានកប៉ាល់សរុបចំនួន១០គ្រឿងក្នុងមួយសប្តាហ៍។
លោកស្រីបានបន្ថែមថា ទៅថ្ងៃអនាគត់ ទីផ្សារនឹងលែងនិយាយអំពីការប្រកួតប្រជែងតម្លៃទៀតហើយ វានឹងងាកទៅរកការប្រកួតប្រជែងប្រកបដោយគុណភាព ដែលឥឡូវនេះ កំពង់ផែនឹងបន្តដោះស្រាយការកើនឡើងនៃបរិមាណផ្លែទុរេន នៅពេលរដូវកាលនាំចូលរីកចម្រើន ដែលគាំទ្រដោយបណ្តាញដឹកជញ្ជូនទាំងផ្លូវទឹក និងផ្លូវដែក៕
