Tag: trending

ខេត្តស្វាយរៀង៖ លោកបណ្ឌិត កៅ ថាច ប្រធានសមាគមបណ្តាញកសិករតេជោ នារសៀលថ្ងៃទី២៩ ខែមេសា ឆ្នាំ២០២៦ បានជួបប្រជុំសំណេះសំណាលជាមួយសមាជិកក្រុមការងារចំពោះកិច្ចក្នុងវិស័យក្នុងវិស័យបន្លែ និងជីកសិកម្ម ប្រចាំខេត្តស្វាយរៀង។ នៅក្នុងកិច្ចប្រជុំនោះក៏មានការអញ្ជើញចូលរួមពី ឧកញ៉ា សុក រ៉ាដូ លោក ជេត ភិរម្យ និលោក យន់ សុវណ្ណារិទ្ធិ ជាអនុប្រធានសមាគមបណ្តាញកសិករតេជោ ព្រមទាំងសមាជិក-សមាជិកា ក្រុមការងារចំពោះកិច្ចក្នុងវិស័យបន្លែ និងជីកសិកម្ម ប្រចាំខេត្តស្វាយរៀង។ ទន្ទឹមនេះ សមាគមបណ្តាញកសិករតេជោបានប្រកាសតែងតាំង ឧកញ៉ា សុក រ៉ាដូ ជាអនប្រធានសមាគមបណ្តាញកសិករតេជោ ទទួលបន្ទុកប្រចាំខេត្តស្វាយរៀង និងជាប្រធានក្រុមការងារចំពោះកិច្ចក្នុងវិស័យបន្លែ និងជីកសិកម្ម ប្រចាំខេត្តស្វាយរៀងផងដែរ។ ១-តួនាទីស្នូល និងចក្ខុវិស័យរបស់សមាគមបណ្តាញកសិករតេជោនិងបេសកកម្ម ក្នុងការរួមចំណែកអភិវឌ្ឍន៍វិស័យកសិកម្ម និងសេដ្ឋកិច្ចជនបទ តាមរយៈតួនាទីស្នូលសំខាន់ៗចំនួន៣៖ * ទី១. ជាស្ពាន៖ ផ្ដល់ព័ត៌មានផ្នែកហិរញ្ញវត្ថុ ទីផ្សារ និងការទទួលបានបច្ចេកទេសដល់ប្រជាកសិករ។ * ទី២. ចម្លងសំឡេង៖ ចម្លងសំឡេងប្រជាកសិករទៅស្ថាប័នដែលមានសមត្ថកិច្ច។ * ទី៣. ជាខែល ឬឆ័ត្រ៖ […]

ខេត្តស្វាយរៀង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទនិងកសិកម្ម(ARDB)និងសហការីនាល្ងាចថ្ងៃទី២៩ ខែមេសា ឆ្នាំ២០២៦បានអញ្ជើញចុះពិនិត្យមើលការរៀបចំតំឡើងរោងចក្រផ លិតជីរបស់ឧកញ៉ា សុក រ៉ាដូ ដែល ស្ថិតនៅក្រុងស្វាយរៀងនៃ ខេត្តស្វាយរៀង។ រោងចក្រផលិតជីនោះ ឈ្មោះ ក្រុមហ៊ុនផលិតជី ស្វាយរៀង ហ្វើថីឡាយហ្សឺ (Svayrieng Fertilizer Co., Ltd.)ដែលកំពុងតែមានផែនការ ផលិតជីសរីរាង្គហាយប្រ៊ីដ(hybrid) មានប្រសិទ្ធភាពខ្ពស់ និងតាមរូបមន្តត្រឹមត្រូវសម្រាប់ផ្គត់ផ្គង់ជូនដល់ កសិករ និងយកមកប្រើប្រាស់នៅក្នុងវិស័យកសិកម្មដែលកសិករកំពុងតែមានតម្រូវការខ្ពស់។ ជាគោលដៅរបស់ក្រុមហ៊ុន មានផែនការវិយោគរយ:ពេលវែង ដើម្បីចែកចាយជី បម្រើសេចក្តីត្រូវការរបស់កសិករ និងលក់ចែកចាយក្នុងខេត្តផងដែរ។ ក្រុមហ៊ុនមានសមត្ថភាពផលិតជីដំបូងអាចបានប្រមាណ ២,៥០០ តោន ក្នុងមួយឆ្នាំ ។ ក្រុមហ៊ុននឹងពង្រីកសមត្ថភាពផលិតអោយធំជាងនេះទៀតនៅឆ្នាំបន្តបន្ទាប់ ហេីយរំពឹងថានឹងទទួលបានការគាំទ្រពីកសិករក្នុងស្រុកកាន់តែច្រើន ដែលនឹងឈានដល់ការកាត់បន្ថយការពឹងផ្អែកលើជីដែលនាំចូលពីក្រៅប្រទេសផងដែរ៕

ហ្សាការតា៖ ក្រុមហ៊ុនជីរដ្ឋរបស់ឥណ្ឌូណេស៊ី  ដែលកាន់កាប់ដោយក្រុមហ៊ុន ពូពុក ឥណ្ឌូណេស៊ី (Pupuk Indonesia) ក្រុមហ៊ុន ប៉េត្រូណាស ខែមីខល គ្រុប (Petronas Chemicals Group) របស់ម៉ាឡេស៊ី និងក្រុមហ៊ុន ឧស្សហកម្មជីប្រ៊ុយណេ (Brunei Fertilizer Industries) បានរួមគ្នាបង្កើតសមាគមជីអាស៊ីអាគ្នេយ៍ ហៅកាត់ថា ស៊ីហ្វា (SEAFA) ជាផ្លូវការ ដែលជាដំណាក់កាលថ្មីនៃកិច្ចសហប្រតិបត្តិការឧស្សាហកម្មក្នុងតំបន់។ សមាគមមានគោលបំណងពង្រឹងកិច្ចសហការក្នុងចំណោមអ្នកផលិតជី នៅទូទាំងអាស៊ាន ដើម្បីការពារសន្តិសុខស្បៀង រួមទាំងលើកកម្ពស់ការប្រកួតប្រជែងជាសកលរបស់ឧស្សាហកម្មជី។ ប្រធានក្រុមហ៊ុន ពូពុក ឥណ្ឌូណេស៊ី លោក រ៉ះម៉ាដ ព្រីបាឌី (Rahmad Pribadi) បាននិយាយថា ការបង្កើតសមាគមជីអាស៊ីអាគ្នេយ៍ ដើម្បីឆ្លើយតបជាយុទ្ធសាស្ត្រចំពោះបញ្ហាប្រឈមកាន់តែស្មុគស្មាញក្នុងវិស័យកសិកម្ម ប្រសើរជាងបង្ហាញពីគំនិតផ្តួចផ្តើមនិមិត្តរូប។ លោកបានកត់សម្គាល់ថា ការកើនឡើងនៃភាពតានតឹងផ្នែកភូមិសាស្ត្រនយោបាយ ជាពិសេសនៅមជ្ឈិមបូព៌ា បានរាំងស្ទះដល់ខ្សែសង្វាក់ផ្គត់ផ្គង់ថាមពលជាសកល និងបង្កផលប៉ះពាល់ដល់វិស័យកសិកម្ម។ ក្នុងបរិបទនេះ ការសម្របសម្រួលក្នុងតំបន់ពិតជាមានសារៈសំខាន់ណាស់ ដើម្បីធានាបាននូវភាពអាចរកបានជីប្រកបដោយស្ថិរភាព។ លោកបានបន្ថែមថា យើងត្រូវតែសម្របខ្លួន ដើម្បីធានាបាននូវការផ្គត់ផ្គង់ជី និងរក្សាបាននូវសន្តិសុខស្បៀងដោយគ្មានការរំខានឡើយ។ ចំណែកក្នុងស្រុកវិញ […]

ដោយ នៅ ស៊ីវុត្ថា កំពង់ឆ្នាំង៖ ដោយសារវិបត្តិសេដ្ឋកិច្ចសកល និងការនាំចូមកពីប្រទេសជិតខាងច្រើន បានជំរុញឱ្យតម្លៃអន្ទង់ចិញ្ចឹមរបស់កសិករនៅក្នុងស្រុក ធ្លាក់ថ្លៃយ៉ាងខ្លាំងសម្រាប់ឆ្នាំនេះ បើធៀបនឹងឆ្នាំកន្លងទៅ។ កសិករចិញ្ចឹមអន្ទង់ ឈ្មោះ រី សារិត រស់នៅភូមិកំពង់បាស្រូវ ឃុំជលសារ ស្រុកជលគីរី ខេត្តកំពង់ឆ្នាំង បានប្រាប់ទូរទស្សន៍អនឡាញ ARDB ថា សម្រាប់ឆ្នាំនេះ លោកលក់អន្ទង់បានត្រឹមតែតម្លៃ១៨ ០០០ ទៅ២០ ០០០រៀល ក្នុងមួយគីឡូក្រាម ខណៈ កាលពីឆ្នាំកន្លងទៅ លោកលក់បានក្នុងតម្លៃ២៥ ០០០ ទៅ២៨០០០រៀល ក្នុងមួយគីឡូក្រាម។ លោកបន្តថា ការធ្លាក់ថ្លៃនេះ តាមការយល់ឃើញរបស់លោក គឺដោយសារតែមានឈ្មួញនាំចូលអន្ទង់ច្រើនពីប្រទេសវៀតណាម និងបញ្ហាការប្រែប្រួលសេដ្ឋកិច្ចសកល។ ទោះជាយ៉ាងណា កសិករមានបទពិសោធចិញ្ចឹមអន្ទង់រយៈប្រាំឆ្នាំរូបនេះ បានអះអាងថា តម្លៃខាងលើនេះជាតម្លៃលក់រាយ គឺកសិករអាចចិញ្ចឹមបាន ប៉ុន្តែអត្រានៃប្រាក់ចំណេញ គឺតិចតួចបំផុត។ លោកបន្ថែមថា ចំពោះការលក់បោះដុំវិញ បានតម្លៃត្រឹមតែតម្លៃ១៤ ០០០ ទៅ១៥ ០០០រៀលប៉ុណ្ណោះ ព្រោះមិនអាចប្រកួតប្រជែងជាមួយអន្ទង់នាំចូលពីប្រទេសវៀតណាម ដោយពួកគេបានលក់ក្នុងតម្លៃនេះ។ ជាមួយគ្នានេះ ដើម្បីរក្សាតម្លៃ និងទីផ្សារជូនកសិករកម្ពុជាលើផ្នែកនៃការចិញ្ចឹមអន្ទង់ […]

ដោយ នៅ ស៊ីវុត្ថា ភ្នំពេញ៖ ផ្សារទំនើបនៅក្នុងទីក្រុងហុងកុងប្រមាណ៦០០ទីតាំងបានសម្រេចទទួលទិញគ្រាប់ស្វាយចន្ទីពីកម្ពុជា យកទៅដាក់តំាងលក់បន្តនៅក្នុងផ្សាររបស់ខ្លួន បន្ទាប់ពីមើលឃើញសក្តានុពល និងគុណភាពស្វាយចន្ទី ដែលដាំដុះដោយកសិករបស់កម្ពុជា។ ការទទួលទិញស្វាយចន្ទីពីផ្សារទំនើបទាំងនេះ គឺជាកិច្ចខំប្រឹងប្រែងប្រែងរបស់ក្រសួងពាណិជ្ជកម្មកម្ពុជា ដែលជាសេនាធិការបស់រាជរដ្ឋាភិបាលកម្ពុជា ក្នុងការជួយកសិករឱ្យមានលំនឹងទីផ្សារ និងតម្លៃ។ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា នៅក្នុងកិច្ចសម្ភាសជាមួយអ្នកសារព័ត៌មាននៅថ្ងៃទី២៨ ខែមេសា ឆ្នាំ២០២៦ ឱ្យដឹងថា ដើម្បីឆ្លើយតបទនឹងកំណើននៃការផ្គត់ផ្គង់ស្វាយចន្ទីនៅក្រៅប្រទេស ក្រសួងពាណិជ្ជកម្មការចរចាទទួលបានជោគជ័យជាមួយផ្សារទំនើបទាំងនោះឱ្យទទួលទិញគ្រាប់ស្វាយចន្ទីពីកម្ពុជា។ លោកជំទាវបន្ថែមទៀតថា បន្ទាប់ពីមានផ្គត់ផ្គង់នៅក្នុងទីផ្សារក្រៅប្រទេសបានច្រើន នឹងធ្វើឱ្យកម្ពុជាក្លាយទៅជាអធិរាជស្វាយចន្ទី ដូចប្រសាសន៍របស់សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា និងបច្ចុប្បន្នជាប្រធានព្រឹទ្ធសភាកម្ពុជា។ ទាក់ទិននឹងបញ្ហានេះ លោក ស៊ុយ កុកធាន អនុប្រធានសមាគមស្វាយចន្ទីកម្ពុជា បានស្វាគមន៍ចំពោះកិច្ចខិតខំប្រែងរបស់ក្រសួងពាណិជ្ជកម្ម ក្នុងការស្វែងរកទីផ្សារថ្មីៗសម្រាប់នាំចេញគ្រាប់ស្វាយចន្ទីកម្ពុជាទៅកាន់ទីផ្សារអន្តរជាតិ។ ប៉ុន្តែ អ្វីដែលសំខាន់កម្ពុជាគ្មានគ្រាប់ស្វាចន្ទី ដែលកែច្នៃរួចលក់ទៅឱ្យគេ ដោយសារតែរោងចក្រមួយចំនួនគ្មានទុនគ្រប់គ្រាន់ក្នុងការប្រមូលទិញស្វាយចន្ទីឆៅយកមកកែច្នៃក្នុងរយៈពេលពេញមួយឆ្នាំ។ យោងតាមទិន្នន័យរបស់សមាគមស្វាយចន្ទីកម្ពុជា បានឱ្យដឹងថា នៅក្នុងឆ្នាំ២០២៥ កម្ពុជាបាននាំចេញគ្រាប់ស្វាយចន្ទីឆៅប្រមាណមួយលានតោន ទៅកាន់ទីផ្សារអន្តរជាតិ ដោយទទួលបានចំណូលមកវិញប្រមាណ១,៥ពាន់លានដុល្លារ គឺកើនឡើង២៧ភាគរយ ធៀបរយៈពេលដូចគ្នាឆ្នាំ២០២៤។ ប្រទេសកម្ពុជាមានដី ដែលសមស្របអាចដាំដុះដំណាំស្វាយចន្ទី ប្រមាណជា១,២៨លានហិកតា។ ចំពោះខេត្តកំពង់ធំមានផ្ទៃដីដាំដុះច្រើនជាងគេគឺប្រមាណជាង១៤ម៉ឺនហិកតា […]

ញ៉ូវដេលី៖ លោក ពិយុស គោយ៉ាល់ (Piyush Goyal) រដ្ឋមន្ត្រីក្រសួងពាណិជ្ជកម្ម និងឧស្សាហកម្ម ឥណ្ឌា បានមាន នាពេលថ្មីកន្លងមកនេះបានអំពាវនាវដល់ភាគីពាក់ព័ន្ធ ដែលមកពីវិស័យម្ហូបអាហារ កសិកម្ម និងបដិសណ្ឋារកិច្ច ឱ្យធ្វើការរួមគ្នា ដើម្បីធ្វើឱ្យឥណ្ឌាក្លាយជាប្រទេសនាំចេញកសិអាហារ និងអាហារកែច្នៃដ៏ធំបំផុតរបស់ពិភពលោក ដោយលើកឡើងពីកាលានុវត្តភាពដ៏ធំធេង ដែលបង្កើតឡើងដោយការពង្រីកកិច្ចព្រមព្រៀងពាណិជ្ជកម្មរបស់ឥណ្ឌា និងតម្រូវការផលិតផលឥណ្ឌាកំពុងកើនឡើងជាសកល។ លោករដ្ឋមន្ត្រីបានមានប្រសាសន៍ថា ការនាំចេញស្បៀងអាហារ និងផលិតផលកសិកម្មរបស់ឥណ្ឌា រួមទាំងកសិផល និងជលផល បានកើនឡើងដល់ជាង៥៥ពាន់លានដុល្លារ ក្នុងមួយឆ្នាំ ដែលធ្វើឱ្យប្រទេសឥណ្ឌាក្លាយជាប្រទេសនាំចេញផលិតផលកសិកម្មធំជាងគេទី៧ នៅលើពិភពលោក។ លោកបានកត់សម្គាល់ថា ក្នុងរយៈពេល១១ឆ្នាំកន្លងមកនេះ ចាប់ពីឆ្នាំ២០១៤ ដល់ឆ្នាំ២០២៥ ការនាំចេញកសិផលនិងស្បៀងអាហាររបស់ឥណ្ឌាមានកំណើនគួរឱ្យកត់សម្គាល់។ ការនាំចេញអាហារកែច្នៃបានកើនឡើងបួនដង ការនាំចេញផ្លែឈើ និងគ្រាប់សណ្ដែកបានកើនឡើងបីដង ការនាំចេញបន្លែកែច្នៃបានកើនឡើងបួនដង ការនាំចេញកាកាវបានកើនឡើងបីដង និងការនាំចេញធញ្ញជាតិបានកើនឡើង២ដង។ ចំណែកការនាំចេញអង្ករបានកើនឡើង៦២ភាគរយក្នុងរយៈពេលដូចគ្នានេះ។ លោក ពិយុស គោយ៉ាល់ បានមានប្រសាសន៍ថា សមិទ្ធិផលទាំងនេះគួរតែជំរុញឱ្យឥណ្ឌាប្រាថ្នាចង់បានតំណែងកំពូលនៅទូទាំងពិភពលោក ក្នុងការនាំចេញផលិតផលកសិកម្ម និងអាហារកែច្នៃ។ គោលដៅ គឺអាចសម្រេចបាន ហើយស្របតាមចក្ខុវិស័យរបស់ឥណ្ឌា ចង់ប្រែក្លាយជាជង្រុកម្ហូបអាហាររបស់ពិភពលោក។ លោករដ្ឋមន្ត្រីបានលើកឡើងថា កិច្ចព្រមព្រៀងពាណិជ្ជកម្មសេរីទាំងប្រាំបួន ដែលប្រទេសឥណ្ឌាបានចុះហត្ថលេខាក្នុងរយៈពេលជាងបីឆ្នាំកន្លងមកនេះ […]

ខេត្តស្វាយរៀង៖ ឯកឧត្តមបណ្ឌិត កៅ ថាច ជាសមាជិកគណកម្មាធិការកណ្តាល និងជាសមាជិកយុវជន គណបក្សថ្នាក់កណ្តាល និងឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង សមាជិកគណៈកម្មាធិការកណ្តាល​ និងជាអនុប្រធានគណៈកម្មាធិការបក្សខេត្ត​  នាព្រឹកថ្ងៃទី២៩​ ខែមេសា​ ឆ្នាំ២០២៦ បានអញ្ជើញថ្លែងសន្ទរកថា ស្តីអំពីកាលានុវត្តភាព និងទិសដៅវិនិយោគសម្រាប់អនាគត ដែលរៀបចំឡើងនៅសណ្ឋាគារវ៉ៃគោ ខេត្តស្វាយរៀង។ កម្មវិធីនេះ ត្រូវបានរៀបចំឡើងដោយយុវជនគណបក្សប្រជាជនកម្ពុជាថ្នាក់កណ្ដាល ផ្នែកសហគ្រិនវ័យក្មេង ដោយមានការអញ្ជើញចូលរួមពីឧកញ៉ា សុក រ៉ាដូ ប្រធានសភាពាណិជ្ជកម្មខេត្តស្វាយរៀង,លោក ហៀន សូប៉ូលីន ប្រធានស្តីទីនាយកដ្ឋានប្រតិបត្តិការ និងគ្រប់គ្រងតំបន់សេដ្ឋកិច្ចពិសេស និងឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា ព្រមទាំងមានការចូលរួមមកពីផែនសហគ្រិនវ័យក្មេងនៃយុវជនគណបក្សខេត្តស្វាយរៀង សិស្ស និងនិស្សិតសរុបប្រមាណ១៥០នាក់។ នៅក្នុងឱកាសនេះ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង និងជាអនុប្រធានគណៈកម្មាធិការគណបក្សខេត្តស្វាយរៀង បានចាត់ទុកថា សហគ្រិនដើរតួនាទីយ៉ាងសំខាន់ក្នុងការវិនិយោគនៅក្នុងស្រុក និងក្នុងតំបន់ ដែលរួមចំណែកបង្កើតការងារ​ បង្កេីនប្រាក់ចំណូល មុខរបរ និងបង្កើតភាពធន់ ជាពិសេស ក្នុងខេត្តស្វាយរៀងជាខេត្តមួយធ្លាប់ជាតំបន់សមរភូមិ ប៉ុន្តែឥឡូវនេះបានក្លាយជាតំបន់វិនិយោគ […]

ដោយ នៅ ស៊ីវុត្ថា ភ្នំពេញ៖ ស្ថាប័នអន្តរជាតិសំខាន់ៗ រួមានអង្គការកម្មសិទ្ធិបញ្ញាពិភពលោក ស្ថានទូតអូស្រ្តាលីប្រចាំព្រះកម្ពុជា និងអង្គការស្បៀង និងកសិកម្មនៃសហប្រជាជាតិប្រចាំកម្ពុជា បានប្តេជ្ញាបន្តជួយគាំទ្រ និងលើកម្ពស់កម្មសិទ្ធិបញ្ញា លើមុខទំនិញកម្ពុជាដើម្បីអាចប្រកួតប្រជែងក្នុងទីផ្សារ និងជំរុញកំណើនសេដ្ឋកិច្ចរបស់ប្រទេស។ ការប្តេជ្ញាចិត្តបែបនេះនៅក្នុងពិធីបើកទិវាកម្មសិទ្ធិបញ្ញាពិភពលោក ឆ្នាំ២០២៦ ក្រោមមូលបទ “កម្មសិទ្ធិបញ្ញា និងកីឡា ស្តីពីការត្រៀមរួចរាល់ ការកំណត់ និងច្នៃប្រឌិត” និងពិធីសម្ពោធគម្រោងកម្មសិទ្ធិបញ្ញា ព្រមទាំងពិធីតាំងពិព័រណ៍ផលិតផល ម៉ាកសម្គាល់ភូមិសាស្រ្តទំនិញ ម៉ាកសមូហភាព និងស្នាដៃចំណេះដឹងប្រពៃណី និងវិញ្ញត្តវប្បធម៌ជាប្រពៃណី នាព្រឹកថ្ងៃអង្គារ ទី២៨ ខែមេសា ឆ្នាំ២០២៦ នាទីស្តីការក្រសួងពាណិជ្ជកម្ម។ ក្នុងឱកាសនេះ លោកស្រី ប៊្រីហ្គេត ខូល្លៀ (Bridget Collier) ភារធារីស្ថានទូតអូស្រ្តាលីប្រចាំកម្ពុជា,លោកស្រី រេបេកាស បេល (Rebakah Bell) តំណាងអង្គការស្បៀង និងកសិកម្មនៃសហប្រជាជាតិប្រចាំកម្ពុជា ,លោក គុយ ប៉េសាច (Guy Pessach) ប្រធាននាយកដ្ឋានកម្មសិទ្ធិបញ្ញាសម្រាប់ធុរកិច្ចផ្នែកប្រព័ន្ធអេកូឡូស៊ីនវានុវត្តន៍កម្មសិទ្ធិបញ្ញានៃអង្គការកម្មសិទ្ធិបញ្ញាពិភពលោក បានលើកឡើងព្រមគ្នាក្នុងជួយគំាទ្រលើការលើកម្ពស់កម្មសិទ្ធិបញ្ញាលើមុខទំនិញកម្ពុជា ដើម្បីធានាបាននូវប្រសិទ្ធិភាព និងការប្រកួតប្រជែងជាពិសេស រក្សាបាននូវគុណតម្លៃ […]

ហាណូយ៖ ក្នុងសន្និសីទសារព័ត៌មានប្រចាំ ដែលរៀបចំឡើងដោយក្រសួងកសិកម្ម និងបរិស្ថាន កាលពីពាក់កណ្តាលខែមីនា លោក ចាន់ យ៉ាឡុង (Tran Gia Long) អនុប្រធាននាយកដ្ឋានផែនការ និងហិរញ្ញវត្ថុ បានឱ្យដឹងថា ក្រសួងកំពុងរៀបចំសេណារីយ៉ូ ដើម្បីវាយតម្លៃពីផលប៉ះពាល់ពីសង្គ្រាមនៅមជ្ឈិមបូព៌ាមកលើវិស័យកសិកម្មរបស់វៀតណាម។ លោកបានកត់សម្គាល់ថា ភាពតានតឹងដែលកំពុងកើនឡើងនៅក្នុងតំបន់ បានបង្កើនការរំខានដល់ខ្សែច្រវាក់ផ្គត់ផ្គង់ ជាពិសេសនៅតាមផ្លូវដឹកជញ្ជូនទៅកាន់អឺរ៉ុប ទន្ទឹមនឹងនោះក៏បានជំរុញឱ្យតម្លៃថាមពល និងការដឹកជញ្ជូនជាសកលកើនឡើងផងដែរ ដែលអាចប៉ះពាល់ដល់ការនាំចេញកសិផលរបស់វៀតណាម។ ក្រោមសេណារីយោ ដែលជម្លោះអូសបន្លាយប្រមាណជាងមួយខែ ការនាំចេញផលិតផលកសិកម្ម រុក្ខាប្រមាញ់ និងនេសាទ របស់វៀតណាម អាចធ្លាក់ចុះប្រមាណជាង១ ០០០លានដុល្លារ ក្នុងនោះការនាំចេញទៅកាន់មជ្ឈិមបូព៌ាអាចធ្លាក់ចុះប្រមាណ១៨២លានដុល្លារ ខណៈការនាំចេញទៅកាន់អឺរ៉ុបអាចធ្លាក់ចុះប្រមាណ៧៧០លានដុល្លារ និងអាហ្វ្រិក ធ្លាក់ចុះ៩១លានដុល្លារ។ ប្រសិនបើជម្លោះនេះអូសបន្លាយពេលរហូតដល់បីខែ ការខាតបង់ក្នុងការនាំចេញកសិផលអាចនឹងកើនឡើងដល់៣,៥ពាន់លានដុល្លារ។ ការនាំចេញទៅមជ្ឈិមបូព៌ាអាចនឹងធ្លាក់ចុះពី៥០០ ទៅ៦០០លានដុល្លារ ខណៈការនាំចេញទៅអាហ្វ្រិកខាងជើងអាចនឹងធ្លាក់ចុះពី២០០ ទៅ២៥០លានដុល្លារ និងការនាំចេញទៅសហភាពអឺរ៉ុបអាចធ្លាក់ចុះ១,៥ពាន់លាន ទៅ១,៦ពាន់លានដុល្លារ។ ក្នុងសេណារីយោដ៏អាក្រក់បំផុតមួយ ដែលជម្លោះនៅតែបន្តក្នុងរយៈពេលមួយឆ្នាំ ការនាំចេញទៅកាន់មជ្ឈិមបូព៌ាអាចត្រូវបានរំខានទាំងស្រុង ខណៈការនាំចេញទៅកាន់អឺរ៉ុប និងអាហ្វ្រិកខាងជើងអាចធ្លាក់ចុះយ៉ាងហោចណាស់ពី៥០ ទៅ៦០ភាគរយ។ កាលពីឆ្នាំ២០២៥ វៀតណាមបាននាំចេញកសិផលទៅកាន់មជ្ឈិមបូព៌ា ដែលមានតម្លៃ១,៧៤ពាន់លានដុល្លារ ដោយផលិតផលសំខាន់ៗ រួមមានគ្រាប់ស្វាយចន្ទី មានតម្លៃជិត៦០០លានដុល្លារ […]

ដោយ ឡុង សារេត​ ភ្នំពេញ​៖ ​ក្រសួងពាណិជ្ជកម្ម នៅថ្ងៃទី​២៨ ខែមេសា  ឆ្នាំ២០២៦នេះ បាន​រៀបចំ​​ទិវាកម្មសិទ្ធិបញ្ញាពិភពលោកឆ្នាំ២០២៦ ក្រោមមូលបទ “កម្មសិទ្ធិបញ្ញា និងកីឡា” ស្តីអំពីការត្រៀមរួចរាល់ ការកំណត់ និងច្នៃប្រឌិត ​ និងពិធីសម្ពោធគម្រោងកម្មសិទ្ធិបញ្ញា ព្រមទាំងពិធីតាំងពិព័រណ៍ផលិតផល ម៉ាកសម្គាល់ភូមិសាស្រ្តទំនិញ ម៉ាកសមូហភាព និងស្នាដៃចំណេះដឹងប្រពៃណី និងវិញ្ញត្តវប្បធម៌ជាប្រពៃណី។ ពិធីនេះមានការអញ្ជើញចូលរួមពី លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា ​,ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ លោកជំទាវ ប្រ៊ីហ្គេត ខូល្លៀ (Bridget Collier) ភារធារីស្ថានទូតអូស្រ្តាលីប្រចាំព្រះរាជាណាចក្រកម្ពុជា លោកស្រី រេបាកាស បេល (Rebakah Bell) តំណាងអង្គការស្បៀង និងកសិកម្មនៃសហប្រជាជាតិប្រចាំកម្ពុជា លោក  ហ្គុយ ប៉េសាច (Guy Pessach) ប្រធាននាយកដ្ឋានកម្មសិទ្ធិបញ្ញាសម្រាប់ធុរកិច្ចផ្នែកប្រព័ន្ធអេកូឡូស៊ីនវានុវត្តន៍កម្មសិទ្ធិបញ្ញានៃអង្គការកម្មសិទ្ធិបញ្ញាពិភពលោក។​ ក្នុងឱកាសនោះដែរ […]

ម៉ានីល៖ ក្រសួងកសិកម្មបានប្រកាសថា ការនាំចូលអង្កររបស់ប្រទេសហ្វីលីពីន នៅឆ្នាំ២០២៦នេះ អាចឈានដល់៤,៨លានតោន ដែលអាចស្មើគ្នា ឬលើសពីបរិមាណនាំចូលអង្ករក្នុងឆ្នាំ២០២៤ ដោយសារការកើនឡើងនៃថ្លៃដើម និងអាកាសធាតុឡើងកម្តៅដោយសារបាតុភូតអែលនីណូ គំរាមកំហែងដល់ទិន្នផលស្រូវក្នុងស្រុក។ លោក អាណែល ឌឺមេសា (Arnel de Mesa) អនុរដ្ឋមន្ត្រីក្រសួងកសិកម្មហ្វីលីពីន បានប្រាប់អ្នកសារព័ត៌មានកាលពីថ្ងៃទី២១ ខែមេសា ឆ្នាំ២០២៦នេះថា ដោយសារតែសម្ពាធបែបនេះ យើងនឹងនាំចូលអង្ករ៤,៨លានតោន នៅឆ្នាំនេះ ឬច្រើនជាងនេះ។ លោកបានមានប្រសាសន៍ថា កម្មវិធីអង្កររបស់ក្រសួងកសិកម្ម បានបង្កើនបរិមាណត្រៀមនាំចូលលើសពី៤លានតោន ដើម្បីធានាបាននូវស្តុកចុងឆ្នាំរយៈពេល៨៥ថ្ងៃ ដែលជាស្តង់ដារសុវត្ថិភាពស្បៀងអាហារ។ សម្រាប់ត្រីមាសទីមួយនេះ ការិយាល័យឧស្សាហកម្មដំណាំហ្វីលីពីន បានប្រកាសថា ប្រទេសហ្វីលីពីនបាននាំចូលអង្ករចំនួន១,២៩លានតោន ដែលច្រើនជាងការនាំចេញអង្ករចំនួន៩១៧ ៨៥៥តោន និងខ្ពស់ជាងការព្យាករណ៍ពីមុនរបស់ក្រសួងកសិកម្មចំនួន៧៥០ ០០០តោន។ ក្រសួងកសិកម្មបាននិយាយថា បរិមាណនាំចូលខ្ពស់ គឺជាការចាំបាច់ដើម្បីជួយធ្វើឱ្យការផ្គត់ផ្គង់ និងតម្លៃអង្ករក្នុងស្រុកមានស្ថេរភាព ចំពេលទិន្នផលស្រូវធ្លាក់ចុះនៅឆ្នាំ២០២៦នេះ។ លោកបានមានប្រសាសន៍ថា “យើងរងផលប៉ះពាល់ពីកត្តាបីយ៉ាង ដែលយើងអាចរំពឹងទុក គឺការកើនឡើងនៃតម្លៃប្រេង ថ្លៃជីឡើងខ្ពស់ និងបាតុភូតឡើងកម្តៅ អែលនីណូ”។ រដ្ឋបាលសេវាកម្មបរិយាកាស ភូគព្ភសាស្ត្រ និងតារាសាស្ត្រ របស់ហ្វីលីពីន បានបង្កើនការប្រុងប្រយ័ត្នចំពោះបាតុភូត អែលនីណូ […]

ដោយ នៅ ស៊ីវុត្ថា សៀមរាប៖ សហគមន៍មាន់ស្រែធម្មជាតិសុវត្ថិភាពកៀនសង្កែ ស្រុកសូទ្រនិគម ខេត្តសៀមរាប ​មានគំនិតច្នៃប្រឌិតខ្ពស់ ​បាន​យកសំបកការ៉ុងស៊ីម៉ងត៍ដែលគេបោះចោលយក មកប្រើប្រាស់ជំនួសផើងសម្រាប់ដាំដុះដំណាំបន្លែ ដើម្បីជួយដល់ការការពារបរិស្ថាន។ ​អ្នក​ស្រី គួន អូន ប្រធានក្រុមប្រឹក្សាភិបាលសហគមន៍មាន់ស្រែធម្មជាតិសុវត្ថិភាពកៀនសង្កែ បានប្រាប់ទូរទស្សន៍អនឡាញ ARDB ថា ការកែច្នៃ​ការ៉ុងស៊ីម៉ងត៍​សម្រាប់​ដាំបន្លែនៅក្នុងសហគមន៍ គឺដើម្បី​រួមចំណែកកាត់បន្ថយសំរាម ដែលត្រូវបានយកទៅកប់ចូលទៅក្នុងដី ធ្វើឱ្យប៉ះពាល់ដល់បរិស្ថាន។ អ្នក​ស្រី ​បន្តថា បើសិនជាយកការ៉ុងស៊ីម៉ងត៍នោះដុចចោលក៏ធ្វើឱ្យមានផ្សែងពុលធ្វើឱ្យប៉ះពាល់ដល់បរិស្ថាន ។ដូច្នេះ ដើម្បីរួមចំណែកការការពារបរិស្ថាន សហគមន៍ក៏មានគំនិតយកមកដាក់ដីដាំបន្លែ  ដែលមានភាពងាយស្រួលក្នុងការធ្វើបំលាស់ទី និងគ្រប់គ្រងជីបានល្អ។ ទាក់ទិននឹងបញ្ហានេះដែរ លោក ឡុច សាន់ ជាកសិករគំរូ ក្នុងសហគមន៍មាន់ស្រែធម្មជាតិសុវត្ថិភាពកៀនសង្កែ បានឱ្យដឹងថា ការសម្រេចយកការ៉ុងស៊ីម៉ងត៍មកធ្វើជាផើងដាំដំណាំ បានផ្ដល់ងាយស្រួលក្នុងការដាំដុះ, ការផ្លាស់ទី និងមិនរើសទីតាំងដីដាំដុះ ជាពិសេសចៀសសវាងការយកសំបកការ៉ុងទៅដុតចោល ដែលធ្វើឱ្យប៉ះពាល់ដល់បរិស្ថាន និងសុខភាពសាធារណៈ។ លោកថា ការដាំដុះដំណាំក្នុងការ៉ុងនេះ អាចដាំបានគ្រប់ប្រភេទបន្លែ មានដូចជាបន្លែស្លឹក បន្លែម៉ើម និងបន្លែផ្លែ ហើយវាក៏ទទួលបានទិន្នផលល្អដូចដាំដុះលើដីផ្ទាល់ ជាពិសេសកសិករងាយស្រួលក្នុងការជំរះយកស្មៅចេញ។ កសិករគំរូខាងលើបានឱ្យដឹងទៀតថា បើដាំលើផ្ទាល់ដីវាធ្វើឱ្យស្មៅ ឬរុក្ខជាតិផ្សេងៗស្រូបយកជីវជាតិពីបន្លែ […]