Tag: trending

ដោយ រស្មី ភ្នំពេញ៖  ប្រធានសមាគមត្រចៀកកាំខ្មែរ បានបញ្ជាក់ថា អគ្គរដ្ឋបាលគយចិន កាលពីថ្ងៃទី១៥ ខែកក្កដា ឆ្នាំ២០២៦  បានចេញលិខិតអនុញ្ញាតជាផ្លូវការក្រុមហ៊ុនក្នុងស្រុករបស់កម្ពុជា អាចនាំចេញសំបុកត្រចៀកកាំទៅកាន់ប្រទេសចិន។ ប្រធានសមាគមត្រចៀកកាំខ្មែរ លោក ស៊ុយ កុកធាន បានបញ្ជាក់ថា ក្រុមហ៊ុនទទួលបានអនុញ្ញាតជាផ្លូវការ ក្នុងការនាំចេញសំបុកត្រចៀកកាំ ដំបូងគេនេះ មានឈ្មោះ Best Life Product Co., Ltd. បន្ទាប់ពីក្រុមហ៊ុននេះអាចគោរពស្តង់ដា និងអភិវឌ្ឍន៍ខ្លួនបានមុនគេដើម្បីនាំចេញសំបុកត្រចៀកកាំក្នុងពេលឆាប់ៗខាងមុខនេះ។ លោកលើកឡើងថា ទោះបីក្រុមហ៊ុន Best Life Product Co., Ltdត្រូវបានអនុញ្ញាតឱ្យនាំចេញសំបុកត្រចៀកកាំជាផ្លូវការទៅកាន់ទីផ្សារប្រទេសចិនមុនដំបូងគេបង្អស់ ប៉ុន្តែទាំងនេះមិនមានន័យថា ក្រុមហ៊ុនផ្សេងទៀតមិនអាចនាំចេញបាននោះទេ ឱ្យតែពួកគេបំពេញតាមលក្ខខណ្ឌតម្រូវ និងស្តង់ដាររបស់គយចិនក៏អាចនាំចេញដូចគ្នានាឆាប់ៗខាងមុខដែរ។ ការនាំចេញជាផ្លូវការនូវសំបុកត្រចៀកកាំកម្ពុជាទៅកាន់ទីផ្សារប្រទេសចិននេះ នឹងជួយពង្រឹងទីផ្សារសំបុកត្រចៀកកាំកម្ពុជាបន្ថែមទៀត ដែលជាផ្នែកមួយសំខាន់សម្រាប់ជួយដល់សេដ្ឋកិច្ចកម្ពុជា។ សូមរំលឹកថា នាថ្មីៗមកនេះ លោកស្រី អ៊ូ ហ៊ុយឆេន (Wu Huizhen) ប្រធានក្រុមហ៊ុន Best Life Product Co., Ltd.បានប្រកាសពីក្រុមហ៊ុនរបស់លោកស្រីបានទទួលការទទួលស្គាល់ និងការអនុញ្ញាតជាផ្លូវការពីអគ្គរដ្ឋបាលគយចិន […]

ដោយ នៅ ស៊ីវុត្ថា កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោបានចាត់ទុកថា វិស័យកសិកម្មនៅតែជាឆ្អឹងខ្នងនៃសេដ្ឋកិច្ចជនបទដ៏សំខាន់បំផុត ព្រោះការធ្វើកសិកម្មឱ្យមានប្រសិទ្ធភាព គឺជាមធ្យោបាយមួយដ៏ល្អអាចបង្កើនប្រាក់ចំណូល លើកកម្ពស់ជីវភាពរស់នៅរបស់ប្រជាពលរដ្ឋ និងពង្រឹងសេដ្ឋកិច្ចគ្រួសារកសិករនៅជនបទថែមទៀត។ ការលើកឡើងជុំវិញវិស័យកសិកម្មរបស់ឯកឧត្តមបណ្ឌិត កៅ ថាច ត្រូវបានធ្វើឡើងក្នុងឱកាសជួបសំណេះសំណាល និងសួរសុខទុក្ខប្រជាកសិករ នៅស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី២៣ ខែកក្កដា ឆ្នាំ២០២៦ ដែលមានការចូលរួមពីឯកឧត្តម ម៉ឹង វុធី អភិបាលរងខេត្តកំពង់ឆ្នាំង តំណាងឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង លោកស្រី ជា ម៉ៅ អភិបាលរងស្រុកសាមគ្គីមានជ័យ តំណាងលោក ឈួន ចាន់ណា អភិបាលស្រុកសាមគ្គីមានជ័យ ថ្នាក់ដឹកនាំមន្ទីរកសិកម្ម អាជ្ញាធរមូលដ្ឋាន និងប្រជាកសិករសរុបចំនួន៤០០នាក់។ ថ្លែងក្នុងពិធីនេះ ឯកឧត្តមបណ្ឌិត កៅ ថាច បានទទួលស្គាល់ថា កសិករនៅតែប្រឈមនឹងបញ្ហាជាច្រើន ដូចជាការប្រែប្រួលតម្លៃកសិផល ការកើនឡើងនៃថ្លៃជីគីមី ថ្នាំកសិកម្ម និងប្រេងឥន្ធនៈ […]

ដាកា៖ មន្ត្រីជាន់ខ្ពស់នៅក្រសួងកសិកម្មបង់ក្លាដែស បាននិយាយថា ភ្លៀងធ្លាក់ខ្លាំងក្នុងរយៈពេលមួយសប្តាហ៍កន្លងមកនេះ និងទឹកហូរពីតំបន់ខ្ពង់រាប បានបំផ្លាញដំណាំលើផ្ទៃដីជាង២ ១០៩ហិកតា ក្នុងប្រទេសបង់ក្លាដែស ដែលប៉ះពាល់ដល់ជីវភាពកសិករជាង២២ ៤០០នាក់។ មន្ត្រីដដែលនេះ បានរៀបរាប់ថា ជំនន់ទឹកភ្លៀងនេះ ដែលកើតឡើងនៅភាគខាងលិច​ មានព្រុំប្រទល់ជាប់ប្រទេសឥណ្ឌា បាន​បំផ្លាញស្រូវសន្ទូងអស់ជាង១ ៥៣៤ហិកតា ប៉ះពាល់ជីវិតកសិករជាង១២ ០០០នាក់។ សំណាបលិចទឹកអស់ជាង២៥៥ហិកតា ប៉ះពាល់កសិករជាង២ ៨៥០នាក់។ បន្លែជាង៦៣៨ហិកតា ក៏ត្រូវលិចទឹកអស់ ប៉ះពាល់ជីវភាពកសិករចំនួន៥ ៣៣០នាក់ ខណៈចម្ការដំណាំហូបផ្លែ ខូចអស់ជាង២០ហិកតា ប៉ះពាល់ដល់ជីវភាពកសិករចំនូន៤០៥នាក់។ សរុបផ្ទៃដីដំណាំស្រូវរងផលប៉ះពាល់មានទំហំ២ ១០៩ហិកតា និងប៉ះពាល់ជីវភាពកសិករក្រីក្រជាង២២ ៤០០នាក់។ យ៉ាងហោចណាស់មនុស្សចំនួន៥១នាក់បានស្លាប់ និងជាងមួយលាននាក់បានរងផលប៉ះពាល់ដោយសារភ្លៀងធ្លាក់ខ្លាំងនៅប្រទេសបង់ក្លាដែសក្នុងរយៈពេលប៉ុន្មានថ្ងៃនេះ។ ចំណែកមនុស្សរាប់ពាន់នាក់បានបាត់បង់ផ្ទះសម្បែង បន្ទាប់ពីគ្រោះទឹកជំនន់ភ្លាមៗ និងការរអិលបាក់ដីបានវាយប្រហារផ្នែកធំៗនៃប្រទេស រួមទាំងរដ្ឋធានីដាកាផងដែរ។ ជាងពាក់កណ្តាលនៃចំនួនអ្នកស្លាប់មកទល់នឹងពេលនេះ បានកើតមានឡើងនៅក្នុងទីក្រុងដាកា និងនៅជំរុំជនភៀសខ្លួនរ៉ូហ៊ីងយ៉ា។ កាលពីសប្តាហ៍មុន សិស្សសាលាជាច្រើននាក់ និងគ្រូបង្រៀនម្នាក់ បានស្លាប់នៅពេលទឹកជំនន់ហូរយ៉ាងគំហុកមកជន់ពន្លិចសាលារៀន។ ប្រទេសបង់ក្លាដែស គឺជាប្រទេសស្ថិតក្នុងតំបន់វាលទំនាប និងមានទន្លេច្រើន ហើយតែងតែមានភ្លៀងធ្លាក់ខ្លាំងបង្កជាគ្រោះទឹកជំនន់ក្នុងរដូវវស្សា ប៉ុន្តែក្រុមអ្នកជំនាញបានព្រមានថា ការប្រែប្រួលអាកាសធាតុបានធ្វើឱ្យភ្លៀងធ្លាក់កាន់តែខ្លាំង និងកាន់តែញឹកញាប់។ គ្រោះជំនន់ទឹកភ្លៀងនេះ​ ត្រូវបានមន្ត្រីជំនាញរបស់ប្រទេសបង់ក្លាដែសចាត់ទុកថា […]

ដោយ នៅ ស៊ីវុត្ថា កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្ដាញកសិករតេជោ បានលើកទឹកចិត្តប្រជាកសិករនៅស្រុករលាប្អៀរ ខេត្តកំពង់ឆ្នាំង ឲ្យពិចារណាលើការចិញ្ចឹមសត្វក្នុងបរិបទថ្មី ជាពិសេសគួរផ្លាស់ប្តូរពីការចិញ្ចឹមគោតាមបែបប្រពៃណី ងាកមកចិញ្ចឹមតាមបែបពាណិជ្ជកម្មវិញ បូករួមទាំងបច្ចេកវិទ្យាទំនើបនិងទីផ្សារ ដែលនឹងបង្កើនប្រាក់ចំណូលកាន់តែច្រើន។ ការលើកទឹកចិត្តូច្នេះរបស់ឯកឧត្តមបណ្ឌិត កៅ ថាច គឺក្នុងឱកាសអញ្ជើញជួបសំណេះសំណាល និងសួរសុខទុក្ខប្រជាកសិករ ស្ថិតនៅស្រុករលាប្អៀរ ខេត្តកំពង់ឆ្នាំង នារសៀលថ្ងៃទី២២ ខែកក្កដា ឆ្នាំ២០២៦ ដែលមានការចូលរួមពីឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្តម ពេជ្រ កែវមុនី អភិបាលរងខេត្តកំពង់ឆ្នាំង តំណាងឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង លោក សេង វិចិត្រ អភិបាលស្រុករលាប្អៀរ ថ្នាក់ដឹកនាំ មន្ត្រីមន្ទីរកសិកម្ម រុក្ខាប្រមាញ់ និងនេសាទខេត្ត អាជ្ញាធរមូលដ្ឋាន ព្រមទាំងប្រជាកសិករសរុបជាង៦០០នាក់។ ឯកឧត្តមបណ្ឌិតបានប្រាប់កសិករពីគន្លឹះសំខាន់ៗថា ការចិញ្ចឹមគោនាពេលបច្ចុប្បន្នបានឈានចូលដល់ដំណាក់កាលមួយ ដែលគេប្រើប្រាស់បច្ចេកវិទ្យាទំនើប ជាពិសេស ការបង្កាត់ពូជបែបសិប្បនិម្មិតអាចជួយឱ្យកសិករទទួលបានពូជគោសុទ្ធ […]

កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោបានថ្លែងថា ក្នុងស្ថានភាពជីគីមី និងប្រេងឥន្ធនៈ ព្រមទាំងវត្ថុធាតុដើមលើពិភពលោកឡើងថ្លៃ ការគណនាថ្លៃដើមផលិត គឺជាកត្តាសំខាន់បំផុតសម្រាប់ប្រជាកសិករ ដើម្បីដឹងថា ការធ្វើស្រែរបស់ពួកគាត់ទទួលបានចំណេញ ឬខាត។ ការលើកឡើងដូច្នេះរបស់ឯកឧត្តមបណ្ឌិត កៅ ថាច  គឺក្នុងឱកាសជួបសំណេះសំណាល និងសួរសុខទុក្ខប្រជាកសិករនៅស្រុកកំពង់លែង ខេត្តកំពង់ឆ្នាំង នាព្រឹកថ្ងៃទី២២ ខែកក្កដា ឆ្នាំ២០២៦ ដែលមានការចូលរួមពីឯកឧត្តម យ៉ង ភារម្យ អភិបាលរងខេត្តកំពង់ឆ្នាំង តំណាងឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង, លោក យ៉ែម លក្ខណា អភិបាលស្រុកកំពង់លែង អាជ្ញាធរមូលដ្ឋាន មន្ត្រីកសិកម្មឃុំ និងប្រជាកសិករសរុបចំនួន៣០០នាក់។ ក្នុងឱកាសនេះ ឯកឧត្តមបណ្ឌិត កៅ ថាច បានមានប្រសាសន៍ថា ការជួបជុំប្រជាកសិករថ្ងៃនេះ ដើម្បីស្តាប់បញ្ហាប្រឈម ក៏ដូចជាការផ្លាស់ប្តូរយោបល់ដោយផ្ទាល់ ព្រមទាំងណែនាំ និងផ្តល់ព័ត៌មានជូនប្រជាកសិករ នៅក្នុងស្រុកនេះ បានស្គាល់ពីធនាគារ ARDB និងសមាគមបណ្តាញកសិករតេជោ ដែលគាំទ្រការអភិវឌ្ឍវិស័យកសិកម្ម។ […]

ដោយ នៅ ស៊ីវុត្ថា ភ្នំពេញ៖ ការនាំចេញគ្រាប់ស្វាយចន្ទីឆៅរបស់កម្ពុជាបានបន្តកើនឡើងក្នុងឆមាសទី១ ឆ្នាំ២០២៦ ខណៈទីផ្សារស្វាយចន្ទីពិភពលោកបានបង្ហាញនិន្នាការផ្លាស់ប្តូរទៅរកការកែច្នៃនៅក្នុងប្រទេសផលិត ដើម្បីបង្កើនតម្លៃបន្ថែម និងពង្រឹងខ្សែសង្វាក់ផ្គត់ផ្គង់ក្នុងស្រុក។ លោក អួន  ស៊ីឡុត ប្រធានសមាគមគ្រាប់ស្វាយចន្ទីកម្ពុជា បានមានប្រសាសន៍ថា កម្ពុជាបាននាំចេញគ្រាប់ស្វាយចន្ទីឆៅ ប្រមាណ១,០៣លានតោន ទៅកាន់ប្រទេសវៀតណាម ក្នុងអំឡុងឆមាសទី១ ឆ្នាំ២០២៦ ដោយទទួលបានចំណូលពីការនាំចេញប្រមាណ១,៧៥១លានដុល្លារ ធៀបនិងរយៈពេលដូចគ្នា កាលពីឆ្នាំមុន គឺកើន ២៨ភាគរយ។ អ្នកជំនាញក្នុងវិស័យនេះ បានពន្យល់ថា ប្រទេសផលិតគួរបង្កើនសមត្ថភាពកែច្នៃក្នុងស្រុក ដើម្បីអាចទទួលបានចំណែកតម្លៃបន្ថែមកាន់តែច្រើនពីឧស្សាហកម្មស្វាយចន្ទី។ លោក អួន ស៊ីឡុត បានបញ្ជាក់ថា កម្ពុជានៅតែជាអ្នកផ្គត់ផ្គង់គ្រាប់ស្វាយចន្ទីឆៅដ៏សំខាន់មួយរបស់ពិភពលោក ជាពិសេសសម្រាប់ឧស្សាហកម្មកែច្នៃនៅប្រទេសវៀតណាម។ ប៉ុន្តែ ការពង្រីកការកែច្នៃក្នុងស្រុកមានសារៈសំខាន់ ដើម្បីបង្កើតការងារ បង្កើនតម្លៃផលិតផល និងពង្រឹងការប្រកួតប្រជែងរបស់កម្ពុជានៅក្នុងទីផ្សារអន្តរជាតិ។ នៅក្នុងឧស្សាហកម្មស្វាយចន្ទីគ្រាប់ស្វាយចន្ទីឆៅត្រូវឆ្លងកាត់ដំណើរការកែច្នៃ ដើម្បីយកសំបករឹង និងសំបកស្តើងចេញ ហើយទទួលបានផលិតផលហៅថា គ្រាប់ស្វាយចន្ទីគ្មានសំបក (Cashew Kernel) ដែលជាសាច់គ្រាប់ស្វាយចន្ទីសម្រាប់បរិភោគ ឬប្រើប្រាស់ក្នុងការផលិតអាហារផ្សេងៗ។ ផលិតផលកែច្នៃនេះមានតម្លៃខ្ពស់ជាងគ្រាប់ឆៅ។ ទីផ្សារស្វាយចន្ទីពិភពលោកកំពុងប្រឈមនឹងបញ្ហាផ្គត់ផ្គង់មិនស្មើគ្នា ការប្រែប្រួលថ្លៃដើម និងការប្រុងប្រយ័ត្នក្នុងការទិញពីអ្នកនាំចូល។ អ្នកវិភាគឧស្សាហកម្មបានលើកឡើងថា ការកែច្នៃឱ្យកាន់តែជិតប្រភពផលិត អាចជួយកាត់បន្ថយចំណាយ […]

កដ្ឋមណ្ឌូ៖ ដោយមានការគាំទ្រពីធនាគារអភិវឌ្ឍន៍អាស៊ី (ADB) រដ្ឋាភិបាលនេប៉ាល់ បានអនុវត្តវិធីសាស្ត្រខ្សែសង្វាក់តម្លៃបន្ថែម ដើម្បីជួយកសិករឱ្យផ្លាស់ប្តូរធ្វើកសិកម្មមានតម្លៃទាប ទៅជាដាំដំណាំមានផលចំណេញច្រើន។ គម្រោងនេះផ្តោតលើការបណ្តុះបណ្តាលផ្នែកបច្ចេកវិទ្យា ការបណ្ដុះបណ្ដាលជំនាញ ធាតុចូល និងការលើកកម្ពស់លទ្ធភាពលក់កសិផលចូលទៅកាន់ទីផ្សារ បន្ទាប់ពីបានជួយបង្កើនផលិតភាព និងប្រាក់ចំណូលយ៉ាងច្រើន ធ្វើឱ្យកសិករ អនុវត្តតាមដោយកើនឡើងរហូតដល់២៣៩ភាគរយ។ ការគាំទ្រចំគោលដៅបានពង្រឹងលទ្ធភាពរបស់ស្ត្រីកសិករនេប៉ាល់ក្នុងការទទួលបានហិរញ្ញវត្ថុ ជំនាញ និងឱកាសភាពជាអ្នកដឹកនាំ ដែលធ្វើឱ្យក្រុមស្ត្រី និងកសិពាណិជ្ជកម្ម ដែលដឹកនាំដោយស្ត្រីមានការរីកចម្រើនកាន់តែខ្លាំង។ ប្រជាជននេប៉ាល់ប្រមាណ៦១ភាគរយ ប្រកបរបរចិញ្ចឹមជីវិត តាមរយៈការធ្វើកសិកម្ម ប៉ុន្តែប្រាក់ចំណូលរបស់ពួកគាត់នៅមានកម្រិតទាបនៅឡើយ។ នេះគឺបណ្តាលមកពីកត្តាជាច្រើន រួមមានការដាំដុះដំណាំ ដែលបង្កើតប្រាក់ចំណូលតិចតួច កង្វះកន្លែងស្តុកទុក និងកែច្នៃ និងការលំបាកក្នុងការទទួលបានទីផ្សារ។ លើសពីនេះទៅទៀត ក្នុងប៉ុន្មានឆ្នាំថ្មីៗនេះ លំហូរនៃការនាំចូលផលិតផលមានតម្លៃថោកជាង បានធ្វើឱ្យបាត់បង់ផលិតភាពកសិកម្ម ហើយការធ្វើចំណាកស្រុកយ៉ាងច្រើនរបស់បុរសទៅកាន់ទីក្រុង និងក្រៅប្រទេស បានបង្កើនទម្ងន់ដល់ស្ត្រីក្នុងការធ្វើកសិកម្ម។ ដើម្បីជួយដោះស្រាយបញ្ហាប្រឈមដ៏ស្មុគស្មាញក្នុងការជំរុញប្រាក់ចំណូលរបស់កសិករ គម្រោងពិសេសមួយ បានធ្វើឱ្យកសិករជាស្ត្រី ជាតួអង្គសំខាន់ក្នុងកិច្ចខិតខំប្រឹងប្រែង ដើម្បីកំណត់រចនាសម្ព័ន្ធខ្សែសង្វាក់តម្លៃកសិកម្មឡើងវិញ។ គម្រោងនេះត្រូវបានគាំទ្រដោយហិរញ្ញប្បទានឥតសំណង ចំនួនជាង២០លានដុល្លារ ពីមូលនិធិអភិវឌ្ឍន៍អាស៊ីរបស់ធនាគារអភិវឌ្ឍន៍អាស៊ី ដែលផ្តល់ជំនួយដល់ប្រទេសក្រីក្រ និងងាយរងគ្រោះបំផុតនៅតំបន់អាស៊ី និងប៉ាស៊ីហ្វិក។ ចំណែកហិរញ្ញប្បទានចំនួន៥,៣៣លានដុល្លារ បានមកពីរដ្ឋាភិបាលនេប៉ាល់ និងចំនួន៧,៦២លានដុល្លារពីភាគីពាក់ព័ន្ធ និងហិរញ្ញប្បទានចំនួន០,៤៩ លានដុល្លារ ពីទីភ្នាក់ងារអភិវឌ្ឍន៍ហូឡង់។ […]

ដោយ ឡុង សរេត​ សៀមរាប៖ យោធិនពិការ​ម្នាក់ រស់នៅក្នុងមជ្ឈ​​មណ្ឌល​អភិវឌ្ឍន៍យោធិន​ពិការសម្តេចតេជោ គូលែន​​៣១៧ ​​ខេត្តសៀមរាប​ បានក្លាយជាកសិករឆ្នើម ​ដែល​អាចរកប្រាក់ចំណូល​ប្រចាំឆ្នាំ​ បានរហូតដល់​១៧លានរៀល ពីការដាំដុះ​ និងការចិញ្ចឹមសត្វ ​នៅ​​​​ក្នុងវិស័យកសិកម្ម​។​ យោធិនពិការរូបនេះ ឈ្មោះ តឿ តូរិទ្ធី រស់នៅភូមិស្នារតេជោ សង្កាត់បល័ង្ក ក្រុងរុនតាឯក​ខេត្តសៀមរាប។ លោកមានផ្ទៃដីជាង​មួយហិកតា​សម្រាប់ដាំ​ស្វាយចន្ទី ត្របែក និង​ចិញ្ចឹមគោល​ ហើយនៅពេលខាងមុខនេះ ​លោកត្រៀម​ដាំដុះដំណាំកាហ្វេ​បន្ថែមមួយមុខទៀត ​ក្នុងគោលបំណង​បង្កើនប្រភព​ចំណូល​ជួយទ្រទ្រង់ជីវភាពគ្រួសារ​ឱ្យល្អ​ប្រសើ។ តួយ៉ាងចាប់​​ពីឆ្នាំ​២០២៤ រហូតមកដល់បច្ចុប្បន្ននេះ ​លោកអាចរកប្រាក់ចំណូលបាន​ក្នុងមួយឆ្នាំ​ចន្លោះពី១៥លាន ទៅ​១៧លានរៀល​​។​​ លោក តឿ តូរិទ្ធី បានរៀបរាប់​ថា សម្រាប់ដំណាំត្របែក​ ក្នុងមួយខែផ្តល់​ប្រាក់ចំណូលបានជាង​មួយលានប្រាំសែនរៀល​​, ដំណាំ​ស្វាយចន្ទី​​ផ្តល់​ចំណូលបាន​​បួនលានរៀល ក្នុងមួយឆ្នាំ​ និង​ការចិញ្ចឹមគោ​អាចផ្តល់​ចំណូល​បានជាង​១០លានរៀល​ ក្នុងមួយឆ្នាំ​។​ លើសពីនេះ​នៅថ្ងៃអនាគត​បើ​ដំណាំទុរេនដល់​អាយុកាលផ្តល់ផល រួមនឹងគម្រោងដាំកាហ្វេសម្រេច​​ឈាន​ដល់​ការដាំដុះ​បន្ថែម​ ​ លោករំពឹងថា​ ជីវភាព​កាន់តែល្អប្រសើថែមមួយកម្រិតទៀត​ជាក់ជាមិនខាន​។​ លោកវីរសេនីយ៍ទោ ង៉ែត សំនាង បម្រើការ​នៅ​មជ្ឈ​​មណ្ឌល​អភិវឌ្ឍន៍យោធិន​ពិការសម្តេចតេជោ គូលែន​​៣១៧ ​​សៀមរាប​ បានចាប់អារម្មណ៍ជាខ្លាំងទៅលើ​ការងារនៅក្នុងវិស័យកសិកម្ម​របស់លោក​ តឿ តូរិទ្ធី […]

វិញឡុង៖ ពូជស្រូវជប៉ុនកំពុងបង្ហាញពីការសម្របខ្លួនដ៏ជោគជ័យ នៅក្នុងតំបន់ដីសណ្ដរទន្លេមេគង្គ របស់វៀតណាម បន្ទាប់ពីការដាំដុះសាកល្បងចំនួនបីរដូវ ដែលបង្កើនទំនុកចិត្តសម្រាប់ការដាំដុះក្នុងទ្រង់ទ្រាយធំនៅក្នុងខេត្តវិញឡុង។ អនុប្រធានមន្ទីរកសិកម្ម និងបរិស្ថាន ខេត្តវិញឡុង បានអះអាងថា លទ្ធផលនៃការសាកល្បងដំបូងបង្ហាញថា ពូជស្រូវជប៉ុនអាចសម្របខ្លួនបានយ៉ាងល្អទៅនឹងលក្ខខណ្ឌកសិកម្មក្នុងស្រុក។ គម្រោងសាកល្បងនេះ បានចាប់ផ្តើមក្នុងរដូវក្តៅ និងរដូវរងា ឆ្នាំ២០២៥ តាមរយៈកិច្ចសហការរវាងមន្ទីរកសិកម្មខេត្ត និងអ្នកឯកទេសមកពីសាកលវិទ្យាល័យ នីអ៊ីហ្គាតា (Niigata) ក្នុងប្រទេសជប៉ុន។ ពូជស្រូវជប៉ុនចំនួនបីប្រភេទ រួមមាន អិនយូវន់ (NU1) ស៊ីនដៃហ្វាយ (Shindai5) និងពូជកូស៊ីហ៊ីការី (Koshihikari) ត្រូវបានដាំសាកល្បងក្រោមលក្ខខណ្ឌធម្មជាតិរបស់ខេត្តវិញឡុង។ លទ្ធផលនៃការសាកល្បងបង្ហាញថា ពូជនេះមិនត្រឹមតែលូតលាស់ល្អនៅលើដី និងអាកាសធាតុរបស់ខេត្តប៉ុណ្ណោះទេ ប៉ុន្តែថែមទាំងផ្តល់ផ្លែគ្រាប់ល្អ មានគុណភាពខ្ពស់ ព្រមទាំងគាំទ្រដល់ការអនុវត្តកសិកម្ម ដែលបំភាយឧស្ម័នកាបូនទាប ដើម្បីជួយកាត់បន្ថយការបំភាយឧស្ម័នផ្ទះកញ្ចក់។ ពូជស្រូវជប៉ុនមានជាតិអាមីឡូស (Amylose) ទាប ជាប្រភេទអង្ករបាយទន់ និងមានរសជាតិឆ្ងាញ់។ ចំណែកបច្ចេកទេសស្រោចស្រព បានកាត់ជួយបន្ថយការបំភាយឧស្ម័នមេតាន ចន្លោះពី២០ ទៅ ២៤ភាគរយ សម្រាប់ពូជស្រូវជប៉ុនដាំសាកល្បងក្នុងរដូវរងា ឆ្នាំ២០២៥-២០២៦។ លោកអនុប្រធាននាយកដ្ឋាន បាននិយាយទៀតថា នៅក្នុងដំណាក់សាកល្បង រដ្ឋបាលខេត្តវិញឡុង បានណែនាំបុគ្គលិកបច្ចេកទេសឱ្យបន្តតាមដានយ៉ាងដិតដល់ […]

ដោយ នៅ ស៊ីវុត្ថា កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្ដាញកសិករតេជោ នារសៀលថ្ងៃទី២១ ខែកក្កដា ឆ្នាំ២០២៦នេះ បានជំរុញឱ្យប្រជាកសិករនៅក្រុងកំពង់ឆ្នាំ ខេត្តកំពង់ឆ្នាំង ត្រូវប្តូរទម្លាប់ចាស់ដោយចាប់យករបៀបធ្វើកសិកម្មបែបថ្មី ក្នុងនោះគួររួមគ្នាចងក្រងជាក្រុមផលិត ដែលមានទាំងបច្ចេកទេស និងទីផ្សារ ព្រមទាំងងាកមកប្រើប្រាស់ឥណទានរបស់ ARDB ដើម្បីជួយពង្រីកអាជីវកម្មឲ្យកាន់តែរីកចម្រើន។ នៅក្នុងពិធីជួបសំណេះសំណាល និងសួរសុខទុក្ខប្រជាកសិករ នៅក្រុងកំពង់ឆ្នាំ ខេត្តកំពង់ឆ្នាំង ដែលមានការអញ្ជើញចូលរួមផងដែរពីលោកជំទាវ ប៊ន សុភី អភិបាលរងខេត្តកំពង់ឆ្នាំង តំណាងឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង លោក ទូច លីហួច អភិបាលរងក្រុងកំពង់ឆ្នាំ ថ្នាក់ដឹកនាំ និងមន្ត្រីកសិកម្ម អាជ្ញាធរមូលដ្ឋាន មន្ត្រីកសិកម្មព្រមទាំងប្រជាកសិករសរុបប្រមាណ២០០នាក់។ ឯកឧត្តមបណ្ឌិត កៅ ថាច បានលើកឡើងក្នុងពិធីនេះថា ដំណើរចុះជួបកសិករនាពេលនេះ គឺដើម្បីផ្សព្វផ្សាយព័ត៌មានអំពីសមាគមបណ្ដាញកសិករតេជោ និងកម្មវិធីឥណទានរបស់ ARDB ដែលជាធនាគារបម្រើគោលនយោបាយរបស់រាជរដ្ឋាភិបាល គឺមានអត្រាការប្រាក់ទាប ជាពិសេស ខេត្តកំពង់ឆ្នាំមានសក្តានុពលលើវិស័យកសិកម្ម […]

ដោយ នៅ ស៊ីវុត្ថា កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ នាព្រឹកថ្ងៃទី២១ ខែកក្កដា ឆ្នាំ២០២៦ បានបញ្ជាក់ជូនកសិករនៅស្រុកជលគិរី ខេត្តកំពង់ឆ្នាំងថា ការធ្វើកសិកម្មមិនងាយស្រួលនោះទេ ដែលទាមទារឱ្យកសិករត្រូវមានការខិតខំប្រឹងប្រែង ហើយត្រូវចេះគ្រប់គ្រងថ្លៃដើមផលិត បច្ចេកទេស និងរកទីផ្សារជាមុនសិន ទើបធ្វើស្រែមិនខាត និងបានផលចំណេញ។ ឯកឧត្តមបណ្ឌិតបានមានប្រសាសន៍បែបនេះ ក្នុងឱកាសអញ្ជើញជួបសំណេះសំណាល និងសួរសុខទុក្ខប្រជាកសិករប្រមាណ៣០០នាក់ នៅស្រុកជលគិរី ខេត្តកំពង់ឆ្នាំង ដែលមានការអញ្ជើញចូលរួមផងដែរ ពីសំណាក់លោក នៃ ចារី អភិបាលរងខេត្តកំពង់ឆ្នាំង តំណាងឱ្យអភិបាលខេត្ត ថ្នាក់ដឹកនាំ និងមន្ត្រីមន្ទីរកសិកម្ម រុក្ខាប្រមាញ់ និងនេសាទខេត្ត រដ្ឋបាលស្រុកជលគិរី អាជ្ញាធរមូលដ្ឋាន មន្ត្រីកសិកម្មឃុំ។ ឯកឧត្តមបណ្ឌិត កៅ ថាច បានជម្រាបជូនកសិករថា កម្មវិធីនេះមានគោលបំណងផ្សព្វផ្សាយពីអត្ថប្រយោជន៍នៃការចូលរួមក្នុងសមាគមបណ្តាញកសិករតេជោ ការអភិវឌ្ឍផលិតកម្មកសិកម្ម និងការពង្រឹងការតភ្ជាប់រវាងកសិករ បច្ចេកទេស ហិរញ្ញប្បទាន និងទីផ្សារ និងណែនាំឱ្យស្គាល់ធនាគារអភិវឌ្ឍន៍ជនបទ និងកសិកម្ម ដែលជាធនាគារបម្រើគោលនយោបាយរបស់រាជរដ្ឋាភិបាល។ ក្នុងឱកាសនេះឯកឧត្តមបណ្ឌិតប្រតិភូបានបញ្ជាក់ថា […]

ដោយ ឡុង សារេត កណ្តាល៖ បច្ចុប្បន្នកសិផលក្នុងស្រុកស្ទើតែប្រភេទ ជួបបញ្ហាទីផ្សារក្នុងរដូវកាលប្រមូល។ ដើម្បីចៀសផុតពីបញ្ហាទីសម្រាប់កសិករត្រូវជ្រើសរើសពូជស្រូវសុទ្ធល្អ ដើម្បីយកទៅបង្កបង្កើន ត្រូវបានគេមើលឃើញថា លក់បានតម្លៃខ្ពស់ និងមិនសូវបារម្ភអំពីទីផ្សារក្នុងរដូវកាលប្រមូលផលចូលមកដល់ បើប្រៀបធៀបជាមួយបណ្តាកសិករប្រើពូជស្រូវតតាមគ្នា និងគ្មានប្រភពច្បាស់លាស់។ លោក សឿង វណ្ណា អនុប្រធានសហគមន៍កសិកម្ម ឧត្តមសុរិយា មានទីតាំងក្នុងស្រុកត្រាំកក់ ខេត្តតាកែវ បានសង្កេតឃើញថា បច្ចុប្បន្នកសិកររស់នៅក្នុងតំបន់ មានការកែប្រែផ្នត់គំនិត និងមានការយល់ដឹងច្រើនទៅលើការប្រើប្រាស់ពូជស្រូវសុទ្ធល្អ ខុសប្លែកពីមុន ដែលកសិករប្រើតែពូជស្រូវតាមទម្លាប់ចាស់ ឬប្រើពូជស្រូវដដែលៗ ធ្វើយូរទៅនាំឱ្យគុណភាពពូជធ្លាក់ចុះ ទិន្នផលស្រូវថយចុះ និងថែមទាំងពិបាកលក់នៅពេលប្រមូលផល។ លោកបញ្ជាក់ថា បន្ទាប់ពីមានក្រុមផលិតពូជស្រូវបង្កើតឡើងមក ពួកគាត់ចាប់ផ្តើមទិញពូជស្រូវសុទ្ធល្អពីសហគមន៍យកទៅប្រើប្រាស់ធ្វើឱ្យទិន្នផលស្រូវកើនឡើង  ហើយអ្វីដែលលោកមើលឃើញមានការខុសប្លែកគ្នាខ្លាំងនោះ គឺមានឈ្មួញចង់បាន ដោយសារពូជស្រូវមានភាពសុទ្ធល្អ ហើយតម្លៃក៏បានខ្ពស់ដែរ។ លើសពីនេះ បើកសិករជាសមាជិកក្រុមផលិតពូជថែមទៀត គាត់លក់មកខាងសហគមន៍តាមបែបកិច្ចសន្យាកសិកម្ម ដែលសម្របសម្រួលដោយមន្ទីរកសិកម្ម។ បើតាមអនុប្រធានសហគមន៍ខាងលើ នៅពេលកសិករជ្រើសរើសពូជស្រូវសុទ្ធយកទៅដាំ លោកសង្កេតឃើញ កសិករទទួលបានផលចំណេញ និងទទួលបានទិន្នផលច្រើន៖ ទី១-គាត់កាត់បន្ថយថ្លៃដើមពូជ ធ្លាប់ប្រើពូជ១០០គីឡូក្រាមក្នុងមួយហិកតា មកនៅប្រមាណ៧០គីឡូក្រាម។ ទី២-ពូជសុទ្ធល្អមានភាពធន់ទ្រាំជាមួយអាកាសធាតុ ប្រើរយៈពេលផលិតខ្លី និងប្រើទឹកក៏អស់តិច និងទី៣-កសិករលក់បានតម្លៃខ្ពស់ ហើយងាយស្រួលលក់ មិនត្រឹមតែខាងសហគមន៍ចង់បាន […]