Tag: trending

អឺរ៉ុប៖ ក្រុមទំនាក់ទំនងផ្នែកខ្ទឹមសអឺរ៉ុប បានដាក់ចេញនូវក្នុងឯកសារមួយផ្ញើទៅកាន់សមាជិកសភាអឺរ៉ុប ដោយទាមទារឱ្យមានវិធានការការពារកាន់តែខ្លាំងប្រឆាំងនឹងការនាំចូលដ៏ច្រើនខ្ទឹមសពីប្រទេសអេហ្ស៊ីប និងចិន ដែលជាគ្រឿងផ្សំ និងការការពារប្រឆាំងនឹងការកើនឡើងនៃថ្លៃដើម ដូចជាថាមពល និងកម្លាំងពលកម្ម។ ក្រុមទំនាក់ទំនងផ្នែកខ្ទឹមសអឺរ៉ុប (European Garlic Contact Group) គឺជាសម្ព័ន្ធភាពក្រុមជំនាញវិជ្ជាជីវៈ ដែលមានសមាសភាពមកពីអ្នកដាំ និងអ្នកធ្វើទីផ្សារខ្ទឹមសមកពីប្រទេសអេស្ប៉ាញ បារាំង និងអ៊ីតាលី។ ក្រុមនេះត្រូវបានបង្កើតឡើងក្នុងគោលបំណងចម្បង ដើម្បីការពារផលប្រយោជន៍របស់វិស័យខ្ទឹមសអឺរ៉ុបទប់ទល់នឹងសម្ពាធទីផ្សារខាងក្រៅ និងធានាបាននូវការរស់រានមានជីវិតនៃផលិតកម្មខ្ទឹមសក្នុងស្រុក។ ឯកសារនេះបានសរសេរថា ខណៈពេលវិបត្តិផ្ទៃក្នុង គឺជាការគំរាមកំហែងដល់ការរស់រានមានជីវិតនៃខ្ទឹមស ស្ថានភាពកាន់តែធ្ងន់ធ្ងរឡើងដោយការនាំចូលពីខ្ទឹមសពីប្រទេសអេហ្ស៊ីប និងចិន ដែលលក្ខខណ្ឌនៃការផលិត និងការចូលទៅកាន់ទីផ្សារអឺរ៉ុប គឺអយុត្តិធម៌ណាស់។ ឯកសារដដែលបានលើកឡើងទៀតថា ការនាំចូលខ្ទឹមសរបស់ចិន គឺចាំបាច់ត្រូវតែជាប់កាតព្វកិច្ចពន្ធកម្រិត១ ២០០អឺរ៉ូ ក្នុងមួយតោន ប៉ុន្តែការបង់ពន្ធនេះមិនដែលអនុវត្តឱ្យបានត្រឹមត្រូវទេ ហើយបច្ចុប្បន្នបានបាត់បង់អំណាចការពារខ្លួន។ លើសពីនេះ កាតព្វកិច្ចនេះត្រូវបានគេចវេះជាប្រព័ន្ធតាមរយៈការអនុវត្តត្រីកោណ ការប្រកាសប្រភពដើមកំណើតមិនពិត ការបំបែកច្រកដឹកជញ្ជូន និងបង់ពន្ធទាបជាងតម្លៃលើវិក្កយបត្រ។ យោងតាមក្រុមទំនាក់ទំនងផ្នែកខ្ទឹមសនេះ បានរៀបរាប់ថា ការគំរាមកំហែងមួយទៀតចំពោះផលិតផលអឺរ៉ុប គឺខ្ទឹមសអេហ្ស៊ីប ដែលក្នុងរយៈពេលពីរឆ្នាំកន្លងមកនេះ ការនាំចូលខ្ទឹមសពីអេហ្ស៊ីបបានកើនឡើងយ៉ាងខ្លាំង។ ក្រុមនេះបានទទូចថា ប្រទេសអេហ្ស៊ីបទទួលបានអត្ថប្រយោជន៍ពីការចំណាយលើថាមពលទាប ចំណែកច្បាប់ការងារធូររលុងជាង បើប្រៀបធៀបទៅនឹងស្តង់ដារអឺរ៉ុប ស្តីពីសុខុមាលភាពកម្មករ ការប្រើប្រាស់ថ្នាំសម្លាប់សត្វល្អិត ដែលត្រូវបានហាមឃាត់ក្នុងសហភាពអឺរ៉ុប […]

គីតូ៖ តំណាងក្រុមហ៊ុននាំចេញផ្លែរបស់អេក្វាឌ័រ បានឱ្យដឹងថា កាលពីឆ្នាំមុនដំណាំចេកមានបញ្ហាប្រឈមយ៉ាងខ្លាំង ទាក់ទងការធ្លាក់ចុះគួរឱ្យគត់សម្គាល់នៃទិន្នផលផ្លែចេក នៅទូទាំងប្រទេស ធ្វើឱ្យទិន្នផលផ្លែចេកបានធ្លាក់ចុះពី៣០ភាគរយ ទៅ៣៥ភាគរយ ខណៈក៏មានធ្លាក់ចុះរហូត ៥០ភាគរយម្ដងម្កាលផងដែរ។ បញ្ហាទាំងនោះ បណ្តាលមកពីភ្លៀងធ្លាក់យូរពេក សីតុណ្ហភាពត្រជាក់ពេក និងបង្កឱ្យចេកមានជំងឺបានរំខានដល់ខ្សែសង្វាក់ផ្គត់ផ្គង់សកល និងបានផ្លាស់ប្តូរសក្ដានុភាពទីផ្សារ។ តំណាងក្រុមហ៊ុនរូបនេះ បានលើកឡើងថា សម្រាប់ដំណាំចេកនាពេលបច្ចុប្បន្នកំពុងជួបប្រទះនឹងសញ្ញានៃការងើបឡើងវិញ ដែលជំរុញដោយតម្រូវការអន្តរជាតិដ៏រឹងមាំ។ តម្រូវការត្រូវបានគេរំពឹងថា នឹងលើសពីការផ្គត់ផ្គង់ក្នុងពេលឆាប់ៗនេះ ដែលនាំឱ្យមានការកើនឡើងតម្លៃ។ សហភាពអឺរ៉ុប និងសហរដ្ឋអាម៉េរិក នៅតែជាទីផ្សារសម្រាប់នាំចេញចេករបស់ប្រទេសអេក្វាឌ័រ ដោយប្រទេសក្នុងទ្វីបអាស៊ី ជាពិសេសប្រទេសចិន កំពុងតែក្លាយជាទីផ្សារដ៏ល្អផងដែរ។ ការផ្លាស់ប្តូរដ៏សំខាន់មួយ គឺស្ថេរភាពនៃការប្រើប្រាស់។ ការប្រើប្រាស់នៅតែមានស្ថេរភាព ខុសពីបណ្តាឆ្នាំមុនៗ ដោយការប្រែប្រួលតាមរដូវប្រមូលផល។ ការផ្លាស់ប្តូរនេះ គឺដោយសារតែការថយចុះនៃលទ្ធភាពរកទិញផ្លែចេក និងការលេចចេញនូវអ្នកទិញថ្មី នៅក្នុងទីផ្សារផ្លែចេកសរីរាង្គ។ ទោះបីជាយ៉ាងណាក៏ដោយ ការកើនឡើងនៃតម្រូវការមិនបានដោះស្រាយភាពតានតឹងរចនាសម្ព័ន្ធមូលដ្ឋាននៅក្នុងវិស័យនេះទេ សម្ពាធយូរអង្វែងលើតម្លៃទីផ្សារទំនើបចាត់ទុកជាផ្លែឈើ ដែលអាចបាត់បង់ប្រាក់ចំណេញខ្លះ ដើម្បីផ្តល់ជូនផលិតផល។ លើសពីនេះ ថ្លៃដើមផលិតកម្មកំពុងកើនឡើងដោយសារតែតម្រូវការតឹងរ៉ឹងជាងមុនសម្រាប់វិញ្ញាបនបត្រ និរន្តរភាព និងលក្ខខណ្ឌការងារ។ តម្រូវការកំពុងតែកើនឡើងកាន់តែខ្លាំងឡើង ដែលធ្វើឱ្យការផលិតកាន់តែថ្លៃ ហើយទីផ្សារមិនទាន់ឆ្លុះបញ្ចាំងពីការកើនឡើងពេញលេញនៅឡើយទេ។ ទោះបីជាយ៉ាងណាក៏ដោយ ការផ្គត់ផ្គង់ថយចុះបានបណ្តាលឱ្យតម្លៃកើនឡើង ដែលធ្វើឱ្យឆ្នាំ២០២៦ នឹងក្លាយជាឆ្នាំដ៏ល្អរបស់អ្នកដាំចេក។ ទន្ទឹមនឹងនេះដែរ ការធ្វើពិពិធកម្មទីផ្សារនាំមកនូវបញ្ហាប្រឈមថ្មីៗ។ […]

ភ្នំពេញ៖  បន្ទាប់ពីមើលឃើញកម្ពុជាគឺជាប្រទេសផលិតគ្រាប់ស្វាយចន្ទីឆៅធំជាងគេលំដាប់ទី២ លើពិភពលោក ប៉ុន្តែមានតិចជាង១០ភាគរយនៃផលិតផលសរុបបានកែច្នៃនៅក្នុងស្រុក ប្រទេសអូស្ត្រាលីប្តេជ្ញាសហការជាមួយកសិ-ពាណិជ្ជកម្មកម្ពុជា ដើម្បីពង្រឹងសមត្ថភាពរបស់ពួកគេ ទាក់ទាញវិនិយោគ និងអភិវឌ្ឍវិស័យកសិ-ចំណីអាហារឲ្យកាន់តែរឹងមាំ និងមានចីរភាព។ ស្ថានទូតអូស្ត្រាលីប្រចាំកម្ពុជា បញ្ជាក់ថា អូស្ត្រាលីកំពុងសហការជាមួយរោងចក្រកែច្នៃគ្រាប់ស្វាយចន្ទីចំនួន២ ដើម្បីគាំទ្រក្នុងការសាងសង់ទីធ្លាសម្ងួត បំពាក់ម៉ាស៊ីនចាត់ថ្នាក់ និងកន្លែងស្តុកទុក ព្រមទាំងផ្តល់ការបណ្តុះបណ្តាលបន្ទាប់ពីការប្រមូលផលដល់កសិករដាំស្វាយចន្ទី។ បើតាមប្រភពដដែល  គម្រោងនេះនឹងបង្កើតការងារថ្មីប្រហែល១០០ កន្លែង និងជួយបង្កើន ឬរក្សាស្ថិរភាពប្រាក់ចំណូលសម្រាប់គ្រួសាររហូតដល់១ ០០០ នៅខេត្តកំពង់ធំ និងខេត្តព្រះវិហារ។ ទាក់ទិននឹងបញ្ហានេះ លោកស្រី អ៊ិន ឡៃហួត ម្ចាស់សិប្បកម្មកែច្នៃគ្រាប់ស្វាយចន្ទី ជ័យ សំបូរ ដែលបាននឹងកំពុងទទួលកញ្ចប់ថវិកាអនុវត្តគម្រោងរបស់អូស្រ្តាលី បានប្រាប់ទូរទស្សន៍ ARDB ថា កញ្ចប់ថវិកាប្រទេសអូស្ត្រាលី ត្រូវបានអនុវត្តទៅលើការពង្រឹងគុណភាពគ្រាប់ស្វាចន្ទី និងពង្រីកផលិតកម្ម ដើម្បីងាយស្រួលក្នុងការស្វែងរកដៃគូ។ លោកស្រីបន្ថែមថា ដោយក្នុងគម្រោងនោះ គឺមានការសាងសង់រានហាលគ្រាប់ស្វាយចន្ទី ៥០០០ម៉ែត្រការ៉េ និងឃ្លាំងសិប្បកម្មសម្រាប់ប្រមូលគ្រាប់ស្វាយចន្ទីពីសហគមន ប្រមាណ ២១០០ម៉ែត្រការ៉េ វគ្គបណ្តុះបណ្តាលដល់កសិករមុនប្រមូលផល និងក្រោយប្រមូលផល និងពង្រឹងវគ្គបណ្តុះបណ្តាលផ្សេងៗ។ ទីផ្សារស្វាយចន្ទីកម្ពុជានៅដើមឆ្នាំ២០២៦ មានសញ្ញាណវិជ្ជមាន និងរក្សាបានស្ថិរភាពតម្លៃល្អ ទោះបីជាមានបញ្ហាប្រឈមអាកាសធាតុ។ ជាមួយគ្នានេះ កម្ពុជាកំពុងពង្រីកទីផ្សារនាំចេញទៅអឺរ៉ុប […]

ដោយ ឡុង សារេត ភ្នំពេញ៖ ស្វាយកែវរមៀតបានដាំដុះនៅតាមបណ្តោយជួរភ្នំដងរ៉ែកក្នុងខេត្តឧត្តរមានជ័យ ដែលក្រសួងពាណិជ្ជកម្មប្រកាសចុះបញ្ជីទទួលស្គាល់ជាផ្លូវការថាជាម៉ាកសម្គាល់ភូមិសាស្ត្រទំនិញ “GI” រួមនិងមុខទំនិញ៣មុខផ្សេងទៀតកាលថ្មីៗនេះ ខាងសមាគមអ្នកដាំស្វាយឧត្តរមានជ័យបានដាក់ក្តីរំពឹង ក៏ដូចជាសង្ឃឹមថានឹងមានការចាប់អារម្មណ៍ពីទីផ្សារ ពិសេសជួយឱ្យកសិករអាចលក់បានតម្លៃល្អប្រសើរក្នុងរដូវប្រមូលផលនៅពេលបន្ទាប់។ បើតាមលោក ហេង ពៅ ប្រធានសមាគមអ្នកដាំស្វាយឧត្តមានជ័យបានចាត់ទុកថា ស្វាយឧត្តរមានជ័យទទួលបានការទទួលស្គាល់ពីក្រសួងពាណិជ្ជកម្ម ចុះបញ្ជីជាម៉ាកសម្គាល់ភូមិសាស្ត្រទំនិញ“GI”នេះវាជាមោទនភាពមួយសម្រាប់ខេត្តឧត្តរមានជ័យទាំងមូល។ លោក ហេង ពៅ បន្តទៀតថាស្វាយឧត្តរមានជ័យកសិករចាប់ផ្តើមដាំតាំងនៅចន្លោះពីឆ្នាំ២០០៥-២០០៦ រហូតមកដល់ពេលនេះមានរយៈពេល២០ឆ្នាំ ហើយទម្រាំស្វាយឧត្តរមានជ័យអាចចុះបញ្ជីជាម៉ាកសម្គាល់ភូមិសាស្ត្រទំនិញបាននៅពេលនេះ ខាងក្រសួង មន្ទីរពាក់ព័ន្ធ រួមនិងគម្រោងពាក់ព័ន្ធផ្សេងៗ បានចុះសិក្សាជាច្រើនលើកច្រើនសារ ដោយសារនៅក្នុងខេត្តមានការដាំដុះស្វាយច្រើន។ បន្ទាប់ពីស្វាយឧត្តរមានជ័យទទួលស្គាល់ជាម៉ាកសម្គាល់ភូមិសាស្ត្រទំនិញ សម្រាប់ការងារសំខាន់ដែល សមាគមត្រូវធ្វើ គឺត្រូវការពារឬរក្សាកេរ្តិ៍ឈ្មោះ រក្សាគុណភាព រសជាតិស្វាយឱ្យកាន់តែល្អដើម្បីយកផលិតផលទាំងនេះ ចែកចាយឱ្យពលរដ្ឋក្នុងស្រុកនិងក្រៅស្រុកបានស្វែងយល់ពីរសជាតិ ស្វាយឧត្តរមានជ័យ។ បើតាមប្រធានសមាគមខាងលើ បច្ចុប្បន្នខេត្តឧត្តរមានជ័យមានផ្ទៃដីសម្រាប់ដាំស្វាយមានជាង១៤ម៉ឺនហិកតា ក្នុងនោះសម្រាប់សមាគម ដែលមានសមាជិកជាសហគមន៍ចំនួន១៦ មានដាំដុះស្វាយជាង៤ពាន់ហិកតា ហើយនៅក្នុងរដូវប្រមូលក្នុងពេលបច្ចុប្បន្ននេះក្នុងមួយថ្ងៃអាចផ្គត់ផ្គង់ទៅដល់រោចក្រកែច្នៃក្នុងស្រុកបានប្រមាណ២០តោន ហើយលក់បានតម្លៃទាប ។ ប៉ុន្តែទោះជាយ៉ាងនេះក្តី លោកមានទំនុកចិត្តថា ស្វាយឧត្តរមានជ័យនឹងមានតម្លៃល្អប្រសើរ បន្ទាប់ពីក្លាយជាផលិតផលម៉ាកសម្គាល់ភូមិសាស្ត្រទំនិញនេះតទៅ៕  

ភ្នំពេញ៖ មោទនភាពផលិតផលខ្មែរ! គីរីកាហ្វេ (Kiri Coffee) គឺជាគ្រាប់កាហ្វេដែលដាំដុះ និងប្រមូលផលដោយផ្ទាល់ពីទឹកដីខ្ពង់រាបខេត្តមណ្ឌលគិរី។ គិរីកាហ្វេ ប្រើប្រាស់គ្រាប់កាហ្វេក្នុងស្រុកសុទ្ធ ១០០% មិននាំចូលពីក្រៅប្រទេស (ជាដាច់ខាត់) ធានាបាននូវភាពស្រស់ថ្មី ឈ្ងុយឆ្ងាញ់ និងផ្តល់នូវរសជាតិដើមដ៏មានសក្ដានុពល។ ដើម្បីពង្រីកមហិច្ឆតាកាហ្វេខ្មែរ គិរីកាហ្វេ កំពុងផ្តល់ឱកាសពិសេសសម្រាប់បងប្អូន ដែលចង់ក្លាយជាម្ចាស់អាជីវកម្ម៖ 1-ផ្តល់ម៉ាស៊ីនឆុងកាហ្វេប្រើប្រាស់ដោយឥតគិតថ្លៃ! * ជួយសម្រាលបន្ទុកដើមទុន (សម្រាប់ផ្នែកម៉ាស៊ីន) ដើម្បីឱ្យបងប្អូនចាប់ផ្តើមអាជីវកម្មបានភ្លាមៗ។ គិរីកាហ្វេ ប្រើប្រាស់គ្រាប់កាហ្វេក្នុងស្រុក (មិននាំចូល) * ធានាបាននូវគុណភាពស្រស់ៗពីចម្ការ បង្កើនទំនុកចិត្តដល់អតិថិជន ដែលចូលចិត្តរសជាតិកាហ្វេធម្មជាតិពិតៗ។ 2-បណ្តុះបណ្តាលបច្ចេកទេសឥតគិតថ្លៃ * បង្រៀនពីរបៀបឆុង (Barista Training) ឱ្យមានរសជាតិស្តង់ដារ ទាក់ទាញអតិថិជនបានច្រើន។ 3- ការពិគ្រោះយោបល់ និងការរៀបចំហាង * យើងនៅក្បែរលោកអ្នកជានិច្ច តាំងពីការចាប់ផ្តើមរហូតដល់ដំណើរការលក់ជាក់ស្តែង។ * ជ្រើសរើស គិរីកាហ្វេ គឺជ្រើសរើសគុណភាពខ្មែរ និងជួយដល់កសិករខ្មែរ * ចំនួនមានកំណត់ ជាមួយលក្ខខណ្ឌងាយៗ!

ដោយ ឡុង សារេត ភ្នំពេញ៖  ប្រធានសមាគមអ្នកដាំស្វាយចន្ទីកំពង់ធំ និងជាអ្នកជំនាញខាងផ្នែកដំណាំស្វាយចន្ទី  បានរំពឹងនិងជឿជាក់ថាការកសិករក្នុងស្រុកងាកមកដាំដុះស្វាយចន្ទីតាមសៀវភៅបន្ទុកបែបម៉ាកសម្គាល់ភូមិសាស្ត្រទំនិញ “GI” នឹងមានការកើនឡើងនៅពេលខាងមុខ បន្ទាប់ស្វាយចន្ទីកំពង់ធំ ត្រូវបានក្រសួងពាណិជ្ជកម្មចុះបញ្ជីទទួលស្គាល់ជាផលិតផល “GI”។ បើតាមលោក ស៊ុយ កុកធាន ប្រធានសមាគមអ្នកដាំស្វាយចន្ទីកំពង់ធំបានឱ្យដឹងថា បច្ចុប្បន្នសមាគមស្វាយចន្ទីកំពង់ធំ មិនទាន់បានធ្វើការជ្រើសរើសចំម្ការ ឬសហគ្រាសកែច្នៃផលិតផលម៉ាកសម្គាល់ភូមិសាស្ត្រទំនិញធ្វើជាសមាជិកសមាគមនៅឡើយនោះទេ ដោយសារមិនទាន់មានការអនុញ្ញាតឱ្យប្រើប្រាស់ជាផ្លូវការនូវ វិញ្ញាបនបត្រម៉ាក GI និងលិខិតអនុញ្ញាតពីក្រសួងមហាផ្ទៃឱ្យបង្កើតសមាគមស្វាយចន្ទីកំពង់ធំដែលផ្តោតលើផលិតផល GI ។  តែទោះជាបែបនេះក្តី លោករំពឹងថាលិខិតស្នើសុំពីក្រសួងមហាផ្ទៃនឹងចេញជាផ្លូវការនាពេលខាងមុខនេះ ងាយស្រួលក្នុងការធ្វើការងារ ឱ្យស្របទៅតាមផ្លូវច្បាប់។ លោក ស៊ុយ កុកធាន បានឱ្យដឹងថា ដើម្បីឱ្យស្វាយចន្ទីក្លាយជា ម៉ាកសម្គាល់ភូមិសាស្ត្រទំនិញ(GI)មានលក្ខខណ្ឌកំណត់ ដូចជាទីតាំង ដីធ្លី ការប្រើប្រាស់ជីនិងថ្នាំផ្សេងៗ ហើយបើទោះបីនៅក្នុងដំណាក់កាលចាប់ផ្តើមដំបូងៗ មិនមានអ្នកចូលរួមផលិតស្វាយចន្ទី GI ច្រើន ប៉ុន្តែជាការបោះជំហ៊ានដ៏ល្អមួយ ព្រោះស្វាយចន្ទីមិនអាចធ្វើតែមួយមុខទេ ត្រូវធ្វើពិពិធកម្មវាឱ្យសំបូរបែប មានចន្ទីបែបបុរាណ ចន្ទីធម្មតា ចន្ទីសរីរាង្គ និងចន្ទី GIជាដើម។ លោកបានសង្កត់ធ្ងន់ដូច្នេះថា “យើងធ្វើបែបនេះ ដើម្បីទីផ្សារចន្ទីកម្ពុជាសំបូរបែប។ យើងធ្វើឱ្យស្របទៅតាមតម្រូវការទីផ្សាររបស់ពិភពលោក។ សម្រាប់ប្រទេសអ្នកមានគេត្រូវការចន្ទីដែលមានស្តង់ដា […]

ក្វាងទុង៖ កាលពីចុងសប្តាហ៍មុនផ្លែទុរេនស្រស់ជាង៦ ៣០០តោន បាននាំចូលមកដល់កំពង់ផែក្នុងទីក្រុងក្វាងចូវ ខេត្តក្វាងទុង ដោយផ្ទុកលើនាវាដឹកទំនិញចំនួនបីគ្រឿង ប្រើពេល២៤ម៉ោងទើបដឹកមកដល់ ខណៈពេលរដូវប្រមូលផលធំចាប់ផ្តើម​ ក្នុងពេលឆាប់ៗខាងមុខនេះ។ ផ្លែទុរេនទាំងអស់នេះផ្ទុកក្នុងកុងតឺន័រចំនួន៣៥៦ទូ ទទួលបានការអនុញ្ញាតពីគយ និងចាប់ផ្តើមចែកចាយពាសពេញបណ្តាខេត្តតាមឈូងសមុទ្រ ក្រុងហុងកុង និងក្រុងម៉ាកាវ។ ការដឹកជញ្ជូនផ្លែទុរេនខាងលើនេះ ទទួលបានការអនុញ្ញាតដោយគ្មានការត្រួតពិនិត្យឡើយ ហើយលើកដាក់ទៅលើរថយន្តដឹកទំនិញ ដែលចតរងចាំនៅចំណតសម្រាប់ដឹកចេញភ្លាមៗ ខណៈពេលអ្នកការត្រួតពិនិត្យត្រូវធ្វើតាខ្សែសង្វាក់ត្រជាក់ ដែលប្រតិបត្តិការចាប់ផ្តើមក្នុងរយៈពេលដប់នាទីនៃការមកដល់។ ទូផ្លែទុរេនណា ដែលទទួលបានការអនុញ្ញាតពីគយ អាចដឹកចេញទៅដល់ទីផ្សារលក់ដុំ នាក្រុងក្វាងចូវ ក្នុងរយៈពេលយ៉ាងយូរពីរម៉ោង។ ចាប់តាំងពីថ្ងៃទី១៥ ខែមេសា ឆ្នាំ២០២៦​ មន្ត្រីនៅគយកំពង់ផែក្នុងទីក្រុងក្វាងចូវ បានត្រួតពិនិត្យផ្លែទុរេនស្រស់ដែលនាំចូលជាង៩ ៥០០តោន។ កំពង់ផែនេះបន្តពង្រីកតួនាទីរបស់ខ្លួនជាមជ្ឈមណ្ឌលភាគខាងត្បូងប្រទេសចិន សម្រាប់ផ្លែឈើនាំចូល ខណៈពេលបរិមាណនាំចូលចាប់ផ្តើម ក្នុងអំឡុងពេលប្រមូលផលនៅតាមបណ្តាប្រទេសក្នុងភូមិភាគអាស៊ីអាគ្នេយ៍។ ការនាំចូលផ្លែទុរេនក្នុងបរិមាណធំ ក៏កំពុងដឹកតាមផ្លូវដែកផងដែរ។ ផ្លូវដែកចិន-ឡាវ បានដឹកជញ្ជូនផ្លែទុរេននាំចូលចំនួន៥០ ៣០០តោន ចាប់តាំងពីថ្ងៃទី១ ខែមករា គឺកើនឡើងជាង៩៤ភាគរយ បើធៀបនឹងឆ្នាំ២០២៥។ នៅថ្ងៃទី២៣ ខែមេសា ផ្លែទុរេនចំនួន៣ ៦៦១តោន បានដឹកមកដល់កំពង់ផែផ្លូវដែក បន្ទាប់ពីបានឆ្លងកាត់ការត្រួតពិនិត្យនៅច្រកព្រំដែន។ ចំណែកនៅទីក្រុង​ ឆេងទូ (Chengdu) មជ្ឈមណ្ឌលចែកចាយផ្លែទុរេនមួយបានបើកដំណើរការ ដើម្បីគាំទ្រដល់ការដឹកជញ្ជូនតាមផ្លូវគោក […]

ណៃពិដោ៖ យោងតាមសហព័ន្ធស្រូវអង្ករមីយ៉ាន់ម៉ា បានឱ្យដឹងថា ការនាំចេញអង្កររបស់ប្រទេសភូមា ក្នុងឆ្នាំហិរញ្ញវត្ថុ ២០២៥-២០២៦ ដោយគិតចាប់ផ្តើមពីថ្ងៃទី០១ ខែមេសា ឆ្នាំ២០២៥ មានចំនួនជាង២,៧លានតោន គិតទឹកប្រាក់ជាង៨៦១លានដុល្លារ។ នៅក្នុងឆ្នាំ២០២៥ ប្រទេសភូមាបាននាំចេញអង្ករជាង១៤២ ៧០០តោន គិតជាទឹកប្រាក់៥២លានដុល្លារ ក្នុងខែមេសា, អង្ករជាង៥២៩ ០០ តោន គិតជាទឹកប្រាក់៩០លានដុល្លារ ក្នុងខែឧសភា, អង្ករជាត២១០ ០០០ តោន គិតជាទឹកប្រាក់៧១លានដុល្លារ ក្នុងខែមិថុនា, អង្ករជាង ២៣០ ០០០តោន គិតជាទឹកប្រាក់៧៧លានដុល្លារ ក្នុងខែកក្កដា, អង្ករជាង១៩០ ០០០តោន គិតជាទឹកប្រាក់៦៥លានដុល្លារ ក្នុងខែសីហា, អង្ករជាង១៦៨ ០០០ តោន គិតជាទឹកប្រាក់៥២លានដុល្លារ ក្នុងខែកញ្ញា, អង្ករជាង៣១០ ០០០តោន គិតជាទឹកប្រាក់៩២លានដុល្លារ ក្នុងខែតុលា, អង្ករជាង២៦៣ ៨១៥តោន គិតជាទឹកប្រាក់៧៦លានដុល្លារ ក្នុងខែវិច្ឆិកា, អង្ករជាង៣៣១ ៨៦៩តោន គិតជាទឹកប្រាក់៩៩លានដុល្លារ ក្នុងខែធ្នូ។ ចំណែកនៅក្នុងឆ្នាំ២០២៦ នាំចេញអង្ករជាង២០៨ ៨៤៧តោន […]

កូឡាឡាំពួរ៖ វិស័យទុរេនរបស់ប្រទេសម៉ាឡេស៊ីកំពុងស្ថិតក្រោមសម្ពាធ ខណៈពេលការប្រមូលផលផ្លែទុរេននៅដើមរដូវចូលមក ប៉ុន្តែថ្លៃប្រេងឥន្ធនៈ និងថ្លៃដឹកជញ្ជូនខ្ពស់ជាងមុន ធ្វើឱ្យប៉ះពាល់ដល់ប្រាក់ចំណេញនៃការនាំចេញទៅកាន់ប្រទេសចិន។ អាកាសធាតុក្តៅខ្លាំងធ្វើឱ្យផ្លែទុរេនម៉ាឡេស៊ីឆាប់ទុំលឿនជាងមុន ខណៈពេលថ្លៃវេចខ្ចប់ ថ្លៃថាមពល និងថ្លៃដឹកជញ្ជូនកើនឡើងជាបន្តបន្ទាប់។ សម្រាប់អ្នកដាំទុរេន ការកើនឡើងនៃបរិមាណផ្លែទុរេនលលឿនពេកកំពុងបង្កើតសម្ពាធនៅក្នុងខ្សែសង្វាក់ផ្គត់ផ្គង់។ អ្នកបាននាំចេញផ្លែទុរេនពីកសិដ្ឋានទំហំ១០ហិកតា នៅរដ្ឋបាហាងទៅកាន់ប្រទេសចិន និងហុងកុង លោកបាននិយាយថា អ្នកដាំទុរេនកំពុងកាត់បន្ថយថ្លៃដើម និងកំណត់កាកសំណល់ថ្នាំសម្លាប់សត្វល្អិត ដើម្បីរក្សាប្រតិបត្តិការ។ ការចំណាយលើការវេចខ្ចប់ និងដឹកជញ្ជូនពីមុនមានប្រហែល២០ភាគរយនៃប្រាក់ចំណូលនាំចេញ ប៉ុន្តែនៅឆ្នាំ២០២៦នេះអាចកើនឡើងដល់៥០ភាគរយ។ លោកបាននិយាយថា “យើងមិននឹកស្មានថា សង្រ្គាមនឹងជះឥទ្ធិពលអាក្រក់ដល់យើងយ៉ាងធ្ងន់ធ្ងរបែបនេះទេ។ យើងកំពុងព្យាយាមមិនឡើងថ្លៃផ្លែទុរេនទេ”។ ប្រទេសចិន នៅតែជាទីផ្សារធំបំផុតសម្រាប់ផ្លែទុរេនម៉ាឡេស៊ី ដោយបាននាំចូលប្រហែល ៧ ០០០លានដុល្លារក្នុងឆ្នាំ២០២៤ កើនឡើងពីឆ្នាំ២០២០។ ផ្លែទុរេនពូជ មូសាង​ ឃីង (Musang King) ដែលជាពូជនាំចេញដ៏សំខាន់របស់ប្រទេសម៉ាឡេស៊ី បានធ្លាក់ចុះតម្លៃពីប្រហែល១៨ដុល្លារ ក្នុងមួយគីឡូក្រាម កាលពីឆ្នាំ២០២៥ មកនៅប្រហែល៥ដុល្លារក្នុងរយៈពេលប៉ុន្មានសប្តាហ៍កន្លងមកនេះ ហើយរំពឹងថា នឹងបន្តធ្លាក់ថ្លៃថែមទៀតប្រសិនបើបរិមាណផ្លែទុរេនប្រមូលផលបានកាន់តែច្រើន។ គំរូនាំចេញរបស់ម៉ាឡេស៊ី គឺផ្អែកលើគុណភាព ម៉ាកយីហោ និងខ្សែសង្វាក់ត្រជាក់ជាជាងបរិមាណ ដែលអ្នកនាំចេញបាននិយាយថា ផ្លែទុរេនពូជមូសាង ឃីង មានទីផ្សារល្អជាងគេ ដូច្នេះក្នុងរយៈពេលវែង ត្រូវថែរក្សាទីផ្សារឱ្យបាន ជាជាងប្រឹងប្រកួតប្រជែងជាមួយពូជទុរេនដទៃទៀត”។ […]

ខេត្តកណ្តាល៖ នាថ្ងៃទី៥ ខែឧសភា ឆ្នាំ២០២៦ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) បានអញ្ជើញជាអធិបតីក្នុងពិធីបើកការប្រកួតកីឡាបាល់ទាត់ “ពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន” ប្រចាំស្រុកខ្សាច់កណ្តាល ខេត្តកណ្តាល។ កម្មវិធីនេះមានការអញ្ជើញចូលរួមពីសំណាក់ថ្នាក់ដឹកនាំអាជ្ញាធរមូលដ្ឋាន លោកគ្រូ អ្នកគ្រូ សិស្សានុសិស្ស និងយុវជនមកពីបណ្តាឃុំនានា សរុបប្រមាណ៦៤៦នាក់។ ​ក្នុងឱកាសនោះ ឯកឧត្តមបណ្ឌិត បានមានប្រសាសន៍លើកឡើងពីគោលបំណងសំខាន់ៗ រួមមាន៖ -​ការពង្រឹងសាមគ្គីភាព៖ ការបង្កើតឱ្យមានការប្រកួតកីឡានេះឡើង គឺដើម្បីជំរុញឱ្យយុវជនមានស្មារតីសាមគ្គីភាព ភាតរភាព និងបង្កើនភាពស្និទ្ធស្នាលរវាងយុវជននៅក្នុងមូលដ្ឋាន។ -​កីឡានាំមកនូវសុខភាព និងមិត្តភាព៖ កីឡាមិនត្រឹមតែផ្តល់នូវសុខភាពមាំមួនប៉ុណ្ណោះទេ ប៉ុន្តែថែមទាំងជាស្ពានចម្លងនៃមិត្តភាព និងការរៀនសូត្រពីគ្នាទៅវិញទៅមកក្នុងស្មារតី “កីឡារស់ក្នុងសន្តិភាព”។ -​តួនាទីយុវជនក្នុងសង្គម៖ ឯកឧត្តមបណ្ឌិតបានរំលឹកដល់យុវជនដែលជាសសរទ្រូងនៃប្រទេសជាតិ ត្រូវបន្តខិតខំអភិវឌ្ឍសមត្ថភាព និងរក្សាសាមគ្គីភាពផ្ទៃក្នុងឱ្យបានរឹងមាំ ដើម្បីចូលរួមចំណែកក្នុងការអភិវឌ្ឍសេដ្ឋកិច្ច និងសង្គមជាតិ ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ​ទោះបីស្ថិតក្នុងកាលៈទេសៈណាក៏ដោយ ស្ថិរភាពសង្គម និងការរីកចម្រើននៃសេដ្ឋកិច្ចជាតិ នៅតែបន្តបោះជំហានទៅមុខយ៉ាងរឹងមាំ ដែលទាមទារឱ្យយុវជនទាំងអស់ជឿជាក់ និងចូលរួមជាមួយរាជរដ្ឋាភិបាល ដើម្បីការពារ […]

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានអញ្ជើញបើកសិក្ខាសាលាប្រចាំខែស្តីពី “Policy Analysis in the AI Era” ដែលបានឧទ្ទេសនាមដោយឯកឧត្តមសាស្ត្រាចារ្យបណ្ឌិត ឆែម គាតរិទ្ធី ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ (ក.ស.វ.)។ សិក្ខាសាលានេះមានការអញ្ជើញចូលរួមពីគណៈគ្រប់គ្រង, សមាជិកក្រុមការងារស្រាវជ្រាវ និងបុគ្គលិករបស់ធនាគារ ARDB ព្រមទាំងអ្នកស្រាវជ្រាវ, សាស្ដ្រាចារ្យ, និងនិស្សិតមកពីសាកលវិទ្យាល័យ និងវិទ្យាស្ថានពាក់ព័ន្ធ សរុបចំនួន២១០ រូប។ សិក្ខាសាលានេះ ជាសិក្ខាសាលាប្រចាំខែទី១ ដែលត្រូវបានរៀបចំឡើងក្រោមក្របខ័ណ្ឌនៃមជ្ឈមណ្ឌលអគ្គបណ្ឌិតសភាចារ្យ អូន ព័ន្ធមុនីរ័ត្ន សម្រាប់ការសិក្សាគោលនយោបាយ និងបណ្តុះបណ្តាល ក្នុងគោលបំណងចែករំលែកចំណេះដឹងទាក់ទិននឹងតួនាទីដ៏សំខាន់របស់បច្ចេកវិទ្យាបញ្ញាសិប្បនិម្មិតសម្រាប់ការស្រាវជ្រាវ ក្នុងន័យរួមចំណែកបង្កើតជាមូលដ្ឋានគ្រឹះក្នុងការប្រើប្រាស់បច្ចេកវិទ្យាបញ្ញាសិប្បនិម្មិត ប្រកបដោយការទទួលខុសត្រូវស្របតាមក្រមសីលធម៌វិជ្ជាជីវៈ ដើម្បីទទួលបានលទ្ធផលកាន់តែប្រសើរ និងដើម្បីបង្កើតជាវេទិកាសម្រាប់ការផ្លាស់ប្ដូរចំណេះដឹង, បទពិសោធ, និងទំនាក់ទំនងរវាងអ្នកស្រាវជ្រាវ, សាស្ដ្រាចារ្យ និងនិស្សិតមកពីស្ថាប័ន និងសាកលវិទ្យាល័យពាក់ព័ន្ធ។ ឆ្លៀតក្នុងឱកាសនោះដែរ ឯកឧត្តមបណ្ឌិត កៅ ថាច បានគូសបញ្ជាក់ពីសមិទ្ធផល ដែលមជ្ឈមណ្ឌលស្រាវជ្រាវរបស់ធនាគារ […]

រាជធានីភ្នំពេញ៖  ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និង​កសិកម្ម (ARDB) និងសហការី បានទទួលជួបក្រុមការងារបេសកកម្មនៃធនាគារអភិវឌ្ឍន៍អាស៊ី (Asian Development Bank “ADB”) ដើម្បីពិភាក្សាលើការអនុវត្តកម្មវិធីហិរញ្ញប្បទានអាកាសធាតុនៅកម្ពុជា (CCFF) និងវិសាលភាព​ក្នុងការពង្រីក​វិស័យផ្សេងៗ​បន្ថែមទៀត ជាពិសេសវិស័យអាទិភាពស្របតាមគោលនយោបាយថា្នក់ជាតិ សំដៅជំរុញការអភិវឌ្ឍប្រកបដោយ​ចីរភាព​នៅកម្ពុជា។ ជាលទ្ធផល, អង្គប្រជុំបានកំណត់ទិសដៅអនុវត្តរួមមាន៖ (១) ការរៀបចំយន្តការសហហិរញ្ញប្បទាន (Co-Finance) ទាំង​ដំណាក់កាល​អនុវត្ត​កម្មវិធី និងដំណាក់កាលពង្រីកវិស័យ និង (២) ការរៀបចំយន្តការជំនួយបច្ចេកទេស (Technical Support) គាំទ្រដល់ការអនុវត្តកម្មវិធី។ កិច្ចប្រជុំនេះបានប្រព្រឹត្តទៅនារសៀលថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ នៅការិយាល័យកណ្តាលនៃធនាគារ ARDB៕