All Program

ហាណូយ៖ យោងតាមក្រសួងកសិកម្ម និងបរិស្ថាន វៀតណាម បានឱ្យដឹងថា ក្នុងខែកក្កដា ឆ្នាំ២០២៦នេះ វៀតណាមរកចំណូលបានជិត២៥៣លានដុល្លារ ពីការនាំចេញអង្ករ។ ចំណែកក្នុងរយៈពេល៧ខែដំបូងនៃឆ្នាំនេះ ចំណូលពីការនាំចេញអង្ករបានកើនដល់ជិត២,៦៤ពាន់លានដុល្លារ ប៉ុន្តែបានថយចុះ៦,៧ភាគរយ បើធៀបនឹងរយៈពេលដូចគ្នាកាលពីឆ្នាំ២០២៥។ បច្ចុប្បន្ន វៀតណាម គឺជាប្រទេសមួយ ក្នុងចំណោមប្រទេសនាំចេញអង្ករឈានមុខគេលើពិភពលោក ប៉ុន្តែក្រុមហ៊ុនក្នុងស្រុករបស់វៀតណាមនៅតែបន្តនាំចូលស្រូវ ដែលមានតម្លៃរាប់រយលានដុល្លារជារៀងរាល់ឆ្នាំ។ គ្រាន់ក្នុងខែកក្កដា ឆ្នាំ២០២៦នេះ ក្រុមហ៊ុនវៀតណាមបានចំណាយប្រាក់ជិត១០៨លានដុល្លារ ដើម្បីនាំចូលស្រូវប្រភេទផ្សេងៗ ដែលនេះជាតួលេខប្រចាំខែខ្ពស់បំផុតទីបី ក្នុងចំណោម៧ខែដំបូងនៃឆ្នាំ២០២៦នេះ បន្ទាប់ពីខែមីនា នាំចូលជិត២៦៨លានដុល្លារ និងខែមេសា នាំចូលជិត១៦០លានដុល្លារ។ សរុបការនាំចូលស្រូវក្នុងរយៈពេល៧ខែដំបូងនៃឆ្នាំ២០២៦ មានតម្លៃជាទឹកប្រាក់ចំនួន៨០០លានដុល្លារ ដោយថយចុះ២៥,២ភាគរយ ពី១,០៧ពាន់លានដុល្លារ ក្នុងរយៈពេលដូចគ្នាកាលពីឆ្នាំមុន។ ថ្នាក់ដឹកនាំជាន់ខ្ពស់ម្នាក់នៃក្រុមហ៊ុនផលិត និងនាំចេញអង្ករ បាននិយាយថា ការនាំចូលស្រូវនេះ មិនមែនបណ្តាលមកពីការខ្វះការផ្គត់ផ្គង់ស្រូវក្នុងស្រុកទេ។ ក្នុងរយៈពេល៧ខែដំបូងនៃឆ្នាំ២០២៦ វៀតណាមបាននាំចេញស្រូវជិត៥,៥លានតោន។ ឈ្មួញរូបនេះបានពន្យល់ថា ក្រុមហ៊ុននាំចូលស្រូវជាចម្បងសម្រាប់ការកែច្នៃជាអាហារនៅក្នុងស្រុក និងរក្សាការផ្គត់ផ្គង់សម្រាប់បំពេញការបញ្ជាទិញសម្រាប់នាំចេញ ក្នុងអំឡុងពេលចន្លោះរដូវប្រមូលផល។ ក្នុងរយៈពេលប៉ុន្មានឆ្នាំកន្លងមកថ្មីៗនេះ ផលិតកម្មអង្កររបស់វៀតណាមកាន់តែផ្លាស់ប្តូរទៅរក ផ្នែកទីផ្សារ ដែលមានគុណភាពខ្ពស់ជាងមុន ដោយអង្ករក្រអូបមានចំណែកសំខាន់ ដើម្បីឆ្លើយតបនឹងតម្រូវការរបស់ទីផ្សារនាំចេញ ដែលមានស្តង់ដារ និងតម្រូវការខ្ពស់ជាងមុន។ ទន្ទឹមនឹងនេះដែរ អ្នកផលិតស្រូវក្នុងប្រទេសវៀតណាម […]

ដោយ រស្មី ភ្នំពេញ៖ ក្រុមហ៊ុនខ្មែរហ្វូតគ្រុប ដែលជាក្រុមហ៊ុននាំចេញអង្កររបស់កម្ពុជា នារសៀលថ្ងៃទី១៧ ខែសីហា ឆ្នាំ២០២៦ បានចុះកិច្ចសន្យាផលិតកម្មកសិកម្ម ទិញលក់រួមគ្នាជាមួយសហគមន៍កសិកម្មទំនើបដំណាំស្រូវជោគជ័យ ដោយផ្តោតលើស្រូវបីប្រភេទរួមមាន ពូជស្រូវ សែនក្រអូប ស្រងែស្រាល និងអូអឹម (OM) ក្នុងទំហំផ្ទៃដី១ ៣៥៩ហិកតា និងក្នុងបរិមាណផល៥ ៦៥៧តោន។ សហគមន៍កសិកម្មទំនើបដំណាំស្រូវជោគជ័យ ស្ថិតនៅឃុំបន្ទាយនាង ស្រុកមង្គលបូរី ខេត្តបន្ទាយមានជ័យស មានសមាជិកជាកសិករចំនួន៥២០គ្រួសារ មកពី១០ឃុំ។ សហគមន៍នេះត្រូវបានបង្កើតឡើងដើម្បីពង្រឹងទីផ្សារស្រូវ កាត់បន្ថយចំណាយលើធាតុចូល និងលើកកម្ពស់ជីវភាពកសិករតាមរយៈការអនុវត្តកសិកម្មខ្នាតធំ និងទំនើបកម្ម។ នាយកដ្ឋានកសិករឧស្សាហកម្ម នៃក្រសួងកម្ម រុក្ខាប្រមាញ់ និងនេសាទ បានឱ្យដឹងថា ពិធីចុះកិច្ចសន្យាផលិតកម្មកសិកម្មក្នុងការផលិត និងផ្គត់ផ្គង់ស្រូវនេះ គឺលើលើផ្ទៃដីដាំដុំទំហំ១ ៣១៩ហិកតា និងមានបរិមាណទិន្នផលស្រូវចំនួន៥ ៦៥៧តោន លើប្រភេទស្រូវចំនួនបីពូជ រួមមាន ទី១ ស្រូវស្រងែស្រាលទំហំ២១៣ហិកតា បរិមាណទិន្នផល ចំនួម១ ០០១តោន ,ទី២ ស្រូវសែនក្រអូប ទំហំ៩៦៥ហិកតា បរិមាណទិន្នផលចមនួន៣ ៩៥៦តោន និងទី៣ ស្រូវអូអឹម […]

ពូត្រាចាយ៉ា៖ លទ្ធភាពកើតបាតុភូតអែលនីញ៉ូ ដែលជាទូទៅនាំមកនូវអាកាសធាតុក្តៅ និងស្ងួតជាងធម្មតា ឈានដល់កម្រិតខ្លាំងបំផុត ឬហៅថា មហាអែលនីញ៉ូ (Super El Niño) នឹងកើតឡើងនៅចន្លោះខែតុលា និងខែធ្នូ ឆ្នាំ២០២៦នេះ។ អគ្គនាយកដ្ឋានឧតុនិយមម៉ាឡេស៊ី បាននិយាយថា ការព្យាករណ៍នេះ គឺផ្អែកលើនិន្នាការកើនឡើងយ៉ាងខ្លាំង ចាប់តាំងពីពាក់កណ្តាលឆ្នាំនេះ រួមជាមួយការសង្កេតប្រចាំសប្តាហ៍ថ្មីៗ ដែលបង្ហាញថា សីតុណ្ហភាពផ្ទៃសមុទ្រខ្ពស់ជាងមធ្យមភាគអាកាសធាតុរយៈពេលវែងជាង១,៨អង្សាសេ។ លោកអគ្គនាយនៃនាយកកដ្ឋានឧតុនិយម បានមានប្រសាសន៍ថា «ស្ថានភាពនេះបង្ហាញថា បាតុភូតអែលនីញ៉ូកំពុងបន្តកាន់តែខ្លាំង ហើយត្រូវបានព្យាករថា នឹងឈានដល់កម្រិតកំពូលនៅចុងឆ្នាំ២០២៦។ លទ្ធភាពអាចកើតមហាអែលនីញ៉ូ បានឡើងខ្ពស់ជាង៩០ភាគរយ ដោយផ្អែកលើការព្យាករណ៍ចុងក្រោយពីគំរូអាកាសធាតុអន្តរជាតិ»។ លោកបាននិយាយថា លំនាំអាកាសធាតុសកលបច្ចុប្បន្នបង្ហាញថា បាតុភូតអែលនីញ៉ូ ឆ្នាំ២០២៦-២០២៧ អាចស្ថិតក្នុងចំណោមព្រឹត្តិការណ៍អែលនីញ៉ូដ៏ខ្លាំងបំផុតក្នុងប្រវត្តិសាស្ត្រ ហើយផលប៉ះពាល់របស់វាអាចខ្លាំងជាង ឬយ៉ាងហោចណាស់ស្មើនឹងអែលនីញ៉ូ ដ៏ខ្លាំងបំផុតនៅ ឆ្នាំ១៩៩៧-១៩៩៨ និងខ្លាំងជាងឆ្នាំ២០១៥-២០១៦។ ក្នុងអំឡុងព្រឹត្តិការណ៍អែលនីញ៉ូ ឆ្នាំ១៩៩៧-១៩៩៨ សីតុណ្ហភាពខ្ពស់បំផុតរបស់ប្រទេសម៉ាឡេស៊ី គឺ៤០,១អង្សាសេ នៅថ្ងៃទី៩ ខែមេសា ឆ្នាំ១៩៩៨។ ចំណែកក្នុងអំឡុងព្រឹត្តិការណ៍អែលនីញ៉ូ ឆ្នាំ២០១៥-២០១៦ សីតុណ្ហភាពខ្ពស់បំផុតនៅក្នុងប្រទេសម៉ាឡេស៊ី បានឡើងដល់៣៩,៣អង្សាសេ នៅថ្ងៃទី១០ ខែមេសា ឆ្នាំ២០១៦។ លោកបាននិយាយថា […]

ភ្នំពេញ​៖ ដោយទទួលបានការអនុញ្ញាតដ៏ខ្ពង់ពីឯកឧត្តមបណ្ឌិត កៅ ​​​​ថាច ប្រតិភូ​រាជរដ្ឋាភិបាលទទួលបន្ទុកជាអគ្គនាយកធនា​គារអភិវឌ្ឍន៍ជនបទ និងកសិកម្ម (ARDB) នាព្រឹកថ្ងៃទី​១៩ ខែសីហា ឆ្នាំ​២០២៦នេះ លោក ខែក ពិសិដ្ឋ ប្រធាននាយកដ្ឋាន​ប្រតិបត្តិការ និងកិច្ចការរតនាគារ, លោកស្រី ឈុន សុខា ប្រធាននាយកដ្ឋាន​គណនេយ្យ​និងហិរញ្ញវត្ថុ, លោក ផៃ ប៊ូដថង អនុប្រធាននាយកដ្ឋាន​ប្រតិបត្តិការ និងកិច្ចការរតនាគារ​ និង​កញ្ញា សន បូសតា បុគ្គលិកជាន់ខ្ពស់​នៃការិយាល័យស្រាវ​ជ្រាវ ​​និងបោះផ្សាយ​នៃធនាគារ ARDB បានអញ្ជើញចូលរួម​ក្នុងសន្និសីទ​ធនាគារ​នៅកម្ពុជា​លើកទី​៥។ ​ពិធីនេះត្រូវបានរៀបចំឡើងនៅសណ្ឋាគារ​ សុខា ភ្នំពេញ​ ​ក្រោម​អធិបតីភាព​ដ៏ខ្ពង់ខ្ពស់របស់លោកជំទាវបណ្ឌិត ជា សិរី ​ទេសាភិបាលធនាគារជាតិនៃកម្ពុជា លោក រ័ត្ន សោភ័ណ ប្រធានសមាគម​ធនាគារនៅកម្ពុជា​រួម និងតំណាង​ថ្នាក់ដឹកនាំ​គ្រឹះស្ថានធនាគារ និងហិរញ្ញវត្ថុជាច្រើនរូបផ្សេងទៀត​។ ​លោក រ័ត្ន សោភ័ណ​ ប្រធានសមាគម​ធនាគារនៅកម្ពុជា​ បានប្រាប់អ្នកសារព័ត៌មាន​ថា ​សន្និសីទ​ធនាគារនៅកម្ពុជាលើកទី៥ ឆ្នាំ​២០២៦នេះ ​មានភាពទូលំទូលាយ​ពាក់ព័ន្ធស្ថានការណ៍នៅកម្ពុជា​ ហើយ​សន្និសីទ​​ធនាគារ​លើកទី​៥នេះ បានអញ្ជើញប្រតិបត្តិករនៅក្នុងវិស័យ​​ ក៏ដូចជាអ្នកជំនាញនៅក្រៅវិស័យ​ធនាគារ […]

ដោយ រស្មីភ្នំពេញ៖ លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា ដែលបានបញ្ជាក់ប្រាប់ ARDB ឱ្យដឹងថា ការលួចនាំចូលជ្រូកដោយខុសច្បាប់មកពីប្រទេសជិតខាងធ្វើឲ្យប៉ះពាល់ដល់អ្នកចិញ្ចឹមក្នុងស្រុក ជាពិសេស ករណីនាំចូលជ្រូកខុសច្បាប់តាមច្រកព្រំដែនប្រទេសឡាវ ប៉ុន្តែត្រូវបានអាជ្ញាធរខេត្តជាប់ព្រំដែនសហការបង្រ្កាបបាន កាលពីយប់ថ្ងៃទី១៧ ខែសីហា ឆ្នាំ២០២៦។​​​​ ប្រធានសមាគមអ្នកចិញ្ចឹមសត្វកម្ពុជា បានបញ្ជាក់ថា ការចាប់ជ្រូកខុសច្បាប់នេះនឹងជួយផ្តល់ទំនុកចិត្តដល់អ្នកចិញ្ចឹមជ្រូកក្នុងប្រទេសកម្ពុជា។ ជាក់ស្តែងមានជ្រូករស់ចំនួន ១៨៣ក្បាល ត្រូវបានអាជ្ញាធរចម្រុះចាប់រឹបអូស ក្រោយពីជនល្មើសបានលួចដឹកតាមរថយន្តមួយគ្រឿង ម៉ាកហ៊ីយ៉ាន់ដាយ ពាក់ស្លាកលេខ 3A 5109 ដើម្បីនាំចូលមកក្នុងប្រទេសកម្ពុជា។ លោកអះអាងទៀតថា ការចាប់ជ្រូកខុសច្បាប់នាំចូលពីប្រទេសជិតខាងនេះ គឺមិនមែនលើកទី១ទេ ពោលគឹលោកឃើញលួចនាំចូលច្រើនដងដែរមកហើយ។ ក្រុមការងារចម្រុះបានសហការចុះបង្ក្រាបបទល្មើសចលនាសត្វ ដោយរឹបអូសបានសត្វជ្រូករស់ ហើយជ្រូកទាំងនេះ ត្រូវបានបញ្ជូនទៅរក្សាទុកនៅចត្តាឡីស័ក្ករបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តនីតិវិធីច្បាប់ចៀសវាងការចម្លងជំងឺណាមួយ។ សមាគមអ្នកចិញ្ចឹមសត្វកម្ពុជាបានចាត់ទុកថា សកម្មភាពបង្ក្រាបបទល្មើសទាន់ពេលវេលានេះ គឺជាការរួមចំណែកដ៏ធំធេងក្នុងការការពារ និងលើកទឹកចិត្តដល់វិស័យចិញ្ចឹមសត្វក្នុងស្រុក ឱ្យមាននិរន្តរភាព និងស្ថិរភាពទីផ្សារ ព្រមទាំងទប់ស្កាត់ការឆ្លងរាលដាលនៃជំងឺឆ្លងសត្វកាចសាហាវផ្សេងៗ ចូលក្នុងកសិដ្ឋាន និងសហគមន៍។ ជាពិសេសធានាបាននូវសុវត្ថិភាពចំណីអាហារ និងសុខុមាលភាពជូនដល់ប្រជាពលរដ្ឋជាអ្នកប្រើប្រាស់៕

ដោយ ហៃ ស៊ីណា បាត់ដំបង៖ នៅដើមសប្តាហ៍នេះ ក្រុមហ៊ុននាំចេញអង្ករដ៏ធំមួយ នៅខេត្តបាត់ដំបង​ ឈ្មោះ ស៊ីធី រ៉ាយស៍ អ៊ឹមផត អិចផត ខូ អិលធីឌី បានចាប់ផ្តើមទិញស្រូវពីកសិករតាមកិច្ចសន្យា ដែលបានព្រមព្រៀង និងចុះហត្ថលេខាជាមួយ​ក្រុម​កសិករអ្នក​ផលិត​ស្រូវ​រួចហើយ។ ការចុះទិញស្រូវរបស់ក្រុមហ៊ុនកែច្នៃអង្ករខាងលើ បន្ទាប់ពីថ្មីៗនេះ ភាគីខាងរោងម៉ាស៊ីន និងក្រុម​អ្នក​ផលិត​ស្រូវបានចុះ​កិច្ចសន្យា​មួយ ដែល​ប្រព្រឹត្តិ​ទៅ​ដោយ​តំណាង​សមាគម៏​បណ្តាញ​កសិករ​តេជោ​ នៅ​ទីស្នាក់ការ​ធានា​គា​អភិវឌ្ឍន៍​ជនបទ​ និងកសិកម្ម ​(ARDB)។ ឯកឧត្តម ឡាយ ឈុនហាំង នាយកទូទៅក្រុមហ៊ុនស៊ីធី រ៉ាយស៍ អ៊ឹមផត អិចផត ខូ អិលធីឌី និងជាអនុប្រធានបណ្តាញកសិករតេជា ប្រចាំខេត្តបាត់ដំបង បាន​មានប្រសាសន៍ថា  ទើបចាប់ផ្តើមការច្រូតកាត់ ការប្រមូលទិញរបស់ក្រុមហ៊ុន​បានជាង១ ០០០តោន នៅប្រភេទស្រូវបីប្រភេទ OM5451 ទិញក្នុងតម្លៃ៩៧០រៀល ស្រូវស្រងែ១ ០២០រៀល និងស្រូវសែនក្រអូប តម្លៃ១ ០៥០រៀល ក្នុងមួយគីឡូក្រាម។​​​​ ឯកឧត្តម ឡាយ ឈុនហាំង បាន​​បញ្ជាក់ទៀតថា ការប្រមូលទិញស្រូវចូលរបស់ក្រុមហ៊ុនមានទាំងកិច្ចសន្យាកសិកម្ម​​បានចុះជាមួយក្រុម​ផលិតតាមស្រុក និងការប្រមូលទិញពីកសិករផ្ទាល់ […]

កង់បេរ៉ា៖ ក្រុមប្រឹក្សាសាកវប្បកម្មនៃ សហព័ន្ធកសិករជាតិអូស្ត្រាលី (National Farmers’ Federation Horticulture Council) កំពុងអំពាវនាវដល់អ្នករៀបចំគោលនយោបាយ សុំឱ្យលើកលែងកម្មករចំណាកដោយព្រមានថា ការកាត់បន្ថយកម្លាំងពលកម្មតាមរដូវ នឹងធ្វើឱ្យផលិតកម្មស្បៀងអាហារថយចុះ និងតម្លៃអាហារឡើងថ្លៃសម្រាប់អ្នកប្រើប្រាស់។ លោក រីឆាត សាណុន (Richard Shannon) នាយកប្រតិបត្តិនៃក្រុមប្រឹក្សាសាកវប្បកម្មនៃសហព័ន្ធកសិករជាតិអូស្ត្រាលី បាននិយាយថា ទំនាក់ទំនងរវាងគោលនយោបាយអន្តោប្រវេសន៍ និងសន្តិសុខស្បៀងអាហារ គេតែងតែមើលរំលង។ លោកបាននិយាយថា «ប្រជាជនអូស្ត្រាលីរំពឹងថា រាល់ថ្ងៃនឹងមានអាហារស្រស់មានគុណភាពខ្ពស់ និងតម្លៃសមរម្យនៅលើធ្នើផ្សារទំនើប។ រឿងនេះអាចធ្វើបានពីព្រោះមានកម្លាំងពលកម្មតាមរដូវធ្វើដំណើរទៅកាន់តំបន់ជនបទ នានានៃអូស្ត្រាលី នៅពេលដំណាំដល់ពេលប្រមូលផល»។ យោងតាមភា្នក់ងារការងារ និងជំនាញរបស់អូស្ត្រាលី (Jobs and Skills Australia) កម្មករភាគច្រើននៅក្នុងវិស័យសាកវប្បកម្ម គឺជាកម្មករចំណាកស្រុក ដែលបានធ្វើឱ្យវិស័យសាកវប្បកម្មក្លាយជាវិស័យពឹងផ្អែកលើជនអន្តោប្រវេសន៍ខ្លាំងបំផុត នៅក្នុងខ្សែសង្វាក់ផ្គត់ផ្គង់ស្បៀងអាហាររបស់ប្រទេសអូស្តាលី។ កម្មកររបស់កម្មវិធី កម្មករធ្វើការក្នុងពេលឈប់សម្រាក (Working Holiday Maker) មានកម្លាំងកម្មករអន្តោប្រវេសន៍ប្រហែលជាងពាក់កណ្តាលនៃកម្លាំងពលកម្មក្រៅម៉ោងនៅក្នុងវិស័យនេះអំឡុងពេលប្រមូលផលធំ ដែលត្រូវការកម្មករច្រើនបំផុត។ ក្នុងឆ្នាំ២០២៤-២០២៥ ឧស្សាហកម្មនេះបានផលិតបន្លែផ្លែឈើ និងគ្រាប់ធញ្ញជាតិ មានតម្លៃសរុបចំនួន១៩,៥ពាន់លានដុល្លារ ដែលភាគច្រើនបំផុតផលិតសម្រាប់អ្នកប្រើប្រាស់ក្នុងប្រទេសអូស្ត្រាលី។ លោក រីឆាត សាណុន […]

ដោយ ឡុង សារេត​ ភ្នំពេញ ៖ ដោយទទួលបានការអនុញ្ញាត​ដ៏ខ្ពង់ខ្ពស់ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) នៅព្រឹកថ្ងៃទី​១៨ ខែសីហា ឆ្នាំ​២០២៦នេះ លោក សួរ សុខចំរើន អនុប្រធាន​នាយកដ្ឋាន​ឥណទាន​នៃធនាគារ​ ARDB​ បាន​ចូលរួម​ក្នុងសិក្ខាសាលា​ស្តី​ការត្រៀមខ្លួន​ទទួលបាន​ហិរញ្ញប្បទាន​ ដើម្បី​អភិវឌ្ឍន៍អាជីវកម្ម​សម្រាប់​ MSMEs តាមបែបឌីជីថល​។ ​សិក្ខាលាសានេះ ធ្វើឡើងនៅសាលារាជធានីភ្នំពេញ ដោយមានការអញ្ជើញ​ចូលរួមជាកិត្តិយសពី​លោកជំទាវ​ តិមា វិច្ឆិកាល អភិបាល​រងនៃគណៈអភិបាល​រាជធានីភ្នំពេញ, ឧកញ៉ា តែ តាំងប៉ ប្រធាន​ក្រុមប្រឹក្សាភិបាល​នៃសម្ព័ន្ធ​សមាគម​សហគ្រាស​ធុនតូច និងមធ្យម​នៅកម្ពុជា និងម្ចាស់អាជីវកម្ម​ប្រ​មាណ​២០០នាក់ផ្សេងទៀត​។​ ឧកញ៉ា តែ តាំងប៉ ​មានប្រសាសន៍ថា ដោយមើលឃើញ​សហគ្រាស​ធុនតូចនិងមធ្យមត្រូវការចំណេះដឹង​ថ្មី​ៗ ក៏ដូចជាត្រូវការជួយជ្រុំជ្រែង​បន្ថែមទៀត​ទាក់ទងនិងការជំរុញទីផ្សារ​ក្នុងស្រុក​ និងទីផ្សារក្រៅប្រទេស​ ក៏ដូចជាធនធានហិរញ្ញវត្ថុដើម្បីទ្រទ្រង់ និងអភិវឌ្ឍអាជីវកម្ម​​​។ កម្មវិធីសិក្ខាសាលាថ្ងៃនេះរៀបចំឡើងក្នុងគោលបំណង​ដើម្បីបង្កើនការយល់ដឹង​ជូនដល់​ MSMEs​ ​ឱ្យទទួលបានចំណេះដឹង​អំពីលទ្ធភាព​ទទួលបានហិរញ្ញប្បទានពីគ្រឺះស្ថានធនាគារ​ដៃគូ ព្រមទាំងផ្តល់​ឱ្យ​ ​SMEsនូវចំណេះដឹងជាក់ស្តែង​ ដើម្បីក្លាយជាអ្នក​​ទទួលបានហិរញ្ញប្បទាន​ និងអត្ថប្រយោជន៍ដល់សហគ្រាសធុនតូច និងមធ្យម​នៅកម្ពុជា​ ​អាចត្រៀមខ្លួន​ធ្វើទីផ្សារក្នុង​ស្រុក និងការនាំចេញ​។​ ​ឧកញ៉ាបន្តទៀតថា […]

ព្រុចសែល៖ គណៈកម្មការអឺរ៉ុប បានអនុម័តបទប្បញ្ញត្តិថ្មី ស្តីពីការថ្លឹងផលិតផលជលផល ដោយជំនួសវិធានការចំនួន៤៤ ដែលបណ្តាប្រទេសជាសមាជិកសហភាពអឺរ៉ុប ធ្លាប់បានអនុវត្តដោយឡែកពីគ្នា អស់រយៈពេលជាច្រើនឆ្នាំ។ គណៈកម្មការអឺរ៉ុបបាននិយាយនៅក្នុងសេចក្តីប្រកាសមួយ ចុះថ្ងៃទី១០ ខែសីហា​ ឆ្នាំ២០២៦ថា«ការថ្លឹងទម្ងន់​ឲ្យបានត្រឹមត្រូវ គឺមានសារៈសំខាន់ណាស់សម្រាប់ការគ្រប់គ្រងវិស័យជលផលឲ្យមានប្រសិទ្ធភាព។ ការថ្លឹងបានត្រឹមត្រូវនឹងផ្តល់នូវទិន្នន័យដ៏គួរឱ្យជឿទុកចិត្ត អំពីបរិមាណត្រីនេសាទបាន។ ទិន្នន័យនេះចាំបាច់សម្រាប់តាមដានកូតាបានប្រើប្រាស់អស់; វាយតម្លៃផលប៉ះពាល់នៃសកម្មភាពនេសាទ; ឃ្លាំមើលអ្នកនេសាទបានអនុវត្តតាមបទប្បញ្ញត្តិរបស់គោលនយោបាយជលផលរួម ព្រមទាំងការពារអ្នកនេសាទក្នុងសហភាពអឺរ៉ុបឱ្យរួចផុតពីការប្រកួតប្រជែងមិនយុត្តិធម៌។ យោងតាមគណៈកម្មការអឺរ៉ុប បទប្បញ្ញត្តិថ្មីនេះ ត្រូវបានរៀបចំឡើងតាមរយៈការពិគ្រោះយោបល់យ៉ាងច្រើនជាមួយប្រទេសជាសមាជិក និងភាគីពាក់ព័ន្ថ ក្នុងគោលបំណងធ្វើឲ្យនីតិវិធីនដទៃទៀត កាន់តែមានស្តង់ដាររួម ងាយស្រួល និងសាមញ្ញជាងមុន។ បទប្បញ្ញត្តិថ្មីនេះ នឹងកំណត់អំពីនីតិវិធីរួមសម្រាប់ថ្លឹងទម្ងន់ត្រី និងថ្លឹងផលិតផលជលផល និងមានលក្ខខណ្ឌតិចបំផុត ព្រមទាំងកត់ត្រាទិន្នន័យច្បាស់លាស់ ស្របតាមស្តង់ដារសម្រាប់ការត្រួតពិនិត្យ និងនីតិវិធីថ្លឹង។ បទប្បញ្ញត្តិថ្មីនេះនឹង ចូលជាធរមាននៅខែមករា ឆ្នាំ២០២៧។  ចំណុចសំខាន់សម្រាប់វិស័យជលផល គឺកន្លងមកប្រទេសជាសមាជិកសហភាពអឺរ៉ុបនីមួយៗមានផែនការ និងវិធីសាស្ត្រថ្លឹងត្រីរៀងៗខ្លួន។ ដូច្នេះ ទើបតាមគណៈកម្មការអឺរ៉ុបអនុម័តបទប្បញ្ញត្តិថ្មីនេះ ដើម្បីឲ្យប្រទេសសមាជិកទាំងអស់ប្រើ គោលការណ៍ និងស្តង់ដារថ្លឹងតែមួយដូចៗគ្នា។ គោលបំណងសំខាន់បំផុត នៃបទប្បញ្ញត្តិថ្មីនេះ គឺថ្លឹងត្រីឲ្យត្រឹមត្រូវ មានទិន្នន័យចាប់ត្រីច្បាស់លាស់ និងគ្រប់គ្រងកូតាបានត្រឹមត្រូវ ដែលអាចធ្វើឱ្យការនេសាទនៅក្នុងទ្វីបអឺរ៉ុប មាននិរន្តរភាព និងមានការប្រកួតប្រជែងដោយយុត្តិធម៌។ កាលពីខែកញ្ញា ឆ្នាំ២០២៥ […]

ដោយ ឡុង សារេត​ កំពត៖ លោក ម៉ន ឡន ជា​កសិករ​​នៅភូមិល្អាង ឃុំល្អាង ស្រុកដងទង់ ​ខេត្តកំពត​ ​​ប្រកប​មុខរបរ​ដាំបន្លែស្លឹក​​នៅលើវាល​ និងដំណាំហូបផ្លែ​ប្រចាំរដូវកាល​នៅលើផ្ទៃដី​ជាង​៤០ហិកតា​ អាចរក​ប្រាក់​ចំណេញ​សុទ្ធបាន​​រាប់ម៉ឺនដុល្លារ ក្នុងមួយរដូវកាល​ និងបាន​សាងសង់លំនៅឋាន​មួយ​ មាន​តម្លៃ​ជាង​១០ម៉ឺនដុល្លារ រស់នៅប្រកបដោយសុភមង្គល​។​​​ លោកបានឱ្យដឹង​ថា​ មុខរបរ​ដាំបន្លែស្លឹក​នៅលើទីវាល​នៅក្នុង​ឃុំល្អាងនេះ លោកបានចាប់ផ្តើម​ជួលដី​សម្រាប់ដំាំបន្លែខ្នាត​តូច​នៅ​​ឆ្នាំ​២០១០​។​ នៅក្នុងដំណើរការ​ដំបូងៗក្រៅពីសន្សំ​លុយបានទុកទិញ​ដី​​ លោក ម៉ន ឡន​​ សម្រេច​ចិត្ត​ជួល​ដី​ទំហំប្រហែល​៥០ហិកតានៅក្បែរភ្នំវល្លិ៍​​ សម្រាប់ដាំបន្លែស្លឹក និងដំណាំហូបផ្លែប្រចាំរដូវកាល​។​​ លោកគូសបញ្ជាក់ថា នៅក្នុងរដូវប្រាំង​លោកដាំបន្លែ​នៅលើផ្ទៃដីពី​៦ទៅ​៧ហិកតា។ ប៉ុន្តែ​ចូលមកដល់រដូវវស្សា​ចាប់ពីខែ​កក្កដា​ រហូតដល់ខែវិច្ឆិកា ​បាន​ដាំប្រភេទ​បន្លែ​រហូតដល់៤០ហិកតា​​ ដើម្បីចាប់យកឱកាសទីផ្សារ​ពីប្រជាកសិករ​​ដាំបន្លែនៅតាម​តំបន់​ដែលរងផលប៉ះពាល់ពីទឹកជំនន់​​ក្នុងរដូវវស្សា​។​​ លោកបន្តថា ផ្អែកតាម​បទពិសោធន៍​រយៈពេល​៥ឆ្នាំនៃការដាំបន្លែខ្នាតធំនាពេលកន្លងមក​​ក្នុងមួយរដូវកាលលោកអាចផលិតបន្លែចម្រុះបាន​៤០០តោន ហើយក្រៅពីកាត់ថ្លៃចំណាយ​ផ្សេងៗហើយ នៅសល់ប្រាក់ប្រមាណ​១០ម៉ឺនដុល្លារ​។​ បើតាម​លោក ម៉ន ឡន នៅក្នុងការប្រកបមុខរបរដាំបន្លែស្លឹក​អស់រយៈពេលជាច្រើន​ឆ្នាំនេះ ទម្រាំ​មាន​សមត្ថភាព​សាងសង់លំនៅឋាន​មួយតម្លៃជាង​១០ម៉ឺនដុល្លារ លោកក៏ធ្លាប់បរាជ័យ​ខាតប្រាក់អស់ជាង​៨ម៉ឺនដុល្លារ​ កាលឆ្នាំ​២០២៤ ដោយសារតែ​ការជ្រើសរើសប្រភេទពូជបន្លែមិនបានល្អ ការប្រែប្រួលអាកាសធាតុ ហើយបន្លែលក់នៅលើទីផ្សារ​មានតម្លៃមិនល្អ​សម្រាប់កសិករ​៕

ម៉ានីល៖ រដ្ឋាភិបាលបារាំងបានផ្តល់ហិរញ្ញប្បទានជាង២៣០លានដុល្លារ ដើម្បីជួយគ្រួសារប្រជាជនហ្វីលីពីន ដែលមានប្រាក់ចំណូលទាប ឱ្យទទួលបានអាហាររូបត្ថម្ភគ្រប់គ្រាន់ ក្រោមកម្មវិធីសន្តិសុខស្បៀង និងអាហាររូបត្ថម្ភ។ នៅក្នុងសេចក្តីថ្លែងការណ៍ កាលពីថ្ងៃទី១១ ខែសីហា ឆ្នាំ២០២៦ ក្រសួងហិរញ្ញវត្ថុហ្វីលីពីន និងទីភ្នាក់ងារអភិវឌ្ឍន៍របស់បារាំង បានឱ្យដឹងថា ភាគីទាំងពីរបានឯកភាពគ្នាក្នុងការគាំទ្រដល់គម្រោងកាត់បន្ថយអសន្តិសុខស្បៀង និងកង្វះអាហាររូបត្ថម្ភ តាមរយៈប័ណ្ណអាហារអេឡិចត្រូនិក (Electronic Vouchers)។ តាមរយៈការអនុវត្តដោយក្រសួងអភិវឌ្ឍន៍សង្គម និងសុខុមាលភាព ហ្វីលីពីន គម្រោងនេះត្រូវបានរំពឹងថា នឹងផ្តល់ផលប្រយោជន៍ដល់គ្រួសារប្រជាជនហ្វីលីពីន ដែលមានប្រាក់ចំណូលទាបប្រមាណ ៧៥០ ០០០គ្រួសារ តាមរយៈប័ណ្ណអាហារអេឡិចត្រូនិកប្រចាំខែ ដែលអាចយកទៅផ្លាស់ប្តូរយកអាហារនៅតាមហាងលក់ទំនិញ ដែលជាដៃគូអនុវត្តគម្រោងនេះ។ រដ្ឋមន្ត្រីក្រសួងហិរញ្ញវត្ថុហ្វីលីពីន លោក ហ្វ្រេដឺរិក ហ្គោ (Frederick Go) បានលើកឡើងក្នុងពិធីផ្លាស់ប្តូរកិច្ចព្រមព្រៀងហិរញ្ញប្បទាននេះថា «គ្រួសារងាយរងគ្រោះនឹងទទួលបានអាហាររូបត្ថម្ភដោយផ្ទាល់ ដោយថ្លៃថ្នូរ និងទាន់ពេលវេលា។ តាមរយៈការធ្វើឱ្យដំណើរការនេះទៅជាប្រព័ន្ធឌីជីថល យើងធានាថាជំនួយនេះ គឺមានតម្លាភាព និងមានប្រសិទ្ធភាពខ្ពស់»។ ក្រៅពីជំនួយផ្នែកស្បៀងអាហារ គ្រួសារមានប្រាក់ចំណូលទាបក៏អាចទទួលបានការគាំទ្រផ្នែកអាហាររូបត្ថម្ភ និងជីវភាពរស់នៅប្រចាំថ្ងៃ តាមរយៈវគ្គបណ្តុះបណ្តាលអំពីអាហាររូបត្ថម្ភសម្រាប់មាតា និងទារក អនាម័យ ការរៀបចំផែនការអាហារសុខភាព និងឱកាសបង្កើតប្រាក់ចំណូល។ គម្រោងកាត់បន្ថយអសន្តិសុខស្បៀង និងកង្វះអាហាររូបត្ថម្ភ តាមរយៈប័ណ្ណអាហារអេឡិចត្រូនិកនេះ […]

ដោយ អៀវ ឈៀងនី ភ្នំពេញ៖ ក្រសួងពាណិជ្ជកម្ម បានបង្ហាញថា ក្នុងឆមាសទី១ ឆ្នាំ២០២៦នេះ កម្ពុជាបាននាំចូលគ្រឿងសមុទ្រ ដូចជាត្រីធូណា លៀស និងបង្គាស្រស់ជាដើម ក្នុងតម្លៃជាង៦១លានដុល្លារ មានបរិមាណសរុបជិត៣៨ពាន់តោន ដើម្បីមកផ្គត់ផ្គង់ទីផ្សារក្នុងស្រុក។ អ្នកនាំពាក្យក្រសួងពាណិជ្ជកម្ម ឯកឧត្តម ប៉ែន សុវិជាតិ បានឱ្យដឹងកាលពីពេលថ្មីៗនេះថា មុខទំនិញគ្រឿងសមុទ្រ ដែលកម្ពុជានាំចូលសំខាន់ៗ រួមមានត្រីធូណា បង្គាស្រស់ ឬក្លាសេ្ស មឹក គ្រឿងសមុទ្របង្កក លៀសសមុទ្រ គ្រែង ងាវ និងគ្រុំជាដើម។ បើតាមប្រភពដដែល បានបន្តឱ្យដឹងថា វៀតណាម គឺជាប្រភពនាំចូលគ្រឿងសមុទ្រធំជាងគេមកកម្ពុជា ដែលមានទំហំទឹកប្រាក់រហូតដល់ជាង៣៣លានដុល្លារ ,បន្ទាប់មក គឺប្រទេសចិន មានតម្លៃជាង១៦លានដុល្លារ។ ដោយឡែកទីផ្សារនាំចូលផ្សេងទៀត ដូចជា ហុងកុង អូស្ត្រាលី បារាំង ជប៉ុន កូរ៉េ ម៉ាឡេស៊ី និងប្រទេសដទៃទៀត មានទំហំនាំចូលក្នុងតម្លៃក្រោម១០លានដុល្លារ។ ក្នុងរយៈពេលដូចគ្នា គឺឆមាសទី១ ឆ្នាំ២០២៦នេះ កម្ពុជាក៏បាននាំចេញគ្រឿងសមុទ្រទៅកាន់ទីផ្សារអន្តរជាតិផងដែរ និងរកចំណូលបានជាង១លានដុល្លារ ក្នុងបរិមាណគ្រឿងសមុទ្រនាំចេញជាង១ […]