News & ព័ត៌មានថ្មីៗ & អន្តរជាតិ
hardworking-farmer-winnowing-rice-in-the-fields-2026-09-23-06-44-11-utc
ដោយសារបាតុភូតអែលនីញ៉ូ ទិន្នផលស្រូវហ្វីលីពីន ឆ្នាំ២០២៦ ធ្លាក់ចុះទាបបំផុតក្នុងរយៈពេល១០ឆ្នាំ
ម៉ានីល៖ ផលិតកម្មស្រូវរបស់ប្រទេសហ្វីលីពីន នៅក្នុងឆ្នាំ២០២៦ ត្រូវបានព្យាករថា នឹងធ្លាក់ចុះបរិមាណជិត១លានតោន ដល់កម្រិតទាបបំផុតក្នុងរយៈពេល១០ឆ្នាំកន្លងមកនេះ ដោយសារថ្លៃដើមផលិតកម្មកើនឡើងខ្ពស់ ធ្វើឱ្យកសិករមិនសូវមានលទ្ធភាព និងគ្មានទឹកចិត្តចង់ធ្វើស្រែ។ នេះបើយោងតាមក្រសួងកសិកម្មហ្វីលីពីន។ រដ្ឋមន្ត្រីក្រសួងកសិកម្មហ្វីលីពីន លោក ហ្វ្រែនស៊ីស្កូ ធៀវ ឡូរ៉ែល (Francisco Tiu Laurel) បានថ្លែងកាលពីថ្ងៃទី២០ ខែតុលា ឆ្នាំ២០២៦ថា «យើងកំពុងមើលឃើញថា ផលិតកម្មស្រូវនៅឆ្នាំនេះ អាចថយចុះប្រមាណ១លានតោន បើធៀបនឹងឆ្នាំមុន»។ ផ្អែកតាមការព្យាករចុងក្រោយ ផលិតកម្មស្រូវរបស់ហ្វីលីពីន នៅឆ្នាំ២០២៦ អាចសម្រេចបានប្រមាណ១៨,៦៨លានតោន ធ្លាក់ចុះពី១៩,៦៨លានតោន ដែលប្រមូលផលបានកាលពីឆ្នាំ២០២៥។ ប្រសិនបើការព្យាករនេះក្លាយជាការពិត នោះនឹងជាកម្រិតផលិតកម្មស្រូវទាបបំផុតចាប់តាំងពីឆ្នាំ២០១៦ ដែលនៅពេលនោះ ហ្វីលីពីនផលិតស្រូវបានត្រឹមតែ១៧,៦៣លានតោនប៉ុណ្ណោះ។ ការព្យាករចុងក្រោយនេះក៏មានន័យថា ក្រសួងកសិកម្មហ្វីលីពីននឹងមិនអាចសម្រេចបានគោលដៅផលិតកម្មស្រូវចំនួន១៩,៨៧លានតោន ដែលបានកំណត់សម្រាប់ឆ្នាំនេះឡើយ។ គោលដៅនេះធ្លាប់ត្រូវបានកាត់បន្ថយពីផែនការដើម ដែលមានបំណងសម្រេចផលិតកម្មស្រូវខ្ពស់បំផុតជាប្រវត្តិសាស្ត្រចំនួន២០,៣ លានតោន។ កន្លងមក ក្រសួងកសិកម្មបានប៉ាន់ប្រមាណថា ការបាត់បង់ផលិតកម្មស្រូវនៅឆ្នាំនេះ អាចមានបរិមាណ៧០ម៉ឺនតោន ប៉ុន្តែក្រោយមកបានកែសម្រួលតួលេខនេះឡើងដល់១លានតោន ខណៈផលប៉ះពាល់ពីការកើនឡើងថ្លៃដើមផលិតកម្មលើវិស័យដំណាំស្រូវ រួមទាំងបាតុភូតធម្មជាតិផងដែរ។ លោករដ្ឋមន្ត្រី បានឱ្យដឹងទៀតថា ជាពិសេស តម្លៃជីកសិកម្មខ្ពស់ពេក បានធ្វើឱ្យកសិករគ្មានជម្រើសអ្វីក្រៅពីកាត់បន្ថយបរិមាណជី ដែលជាហេតុនាំឱ្យទិន្នផលស្រូវធ្លាក់ចុះ។ តម្លៃជីអ៊ុយរ៉េ […]
News & ព័ត៌មានថ្មីៗ & អន្តរជាតិ
VIETNAM-WEATHER-FLOOD
វៀតណាមអាចជួបព្យុះទីហ្វុងដ៏កំណាច កាន់ញឹកជាងមុន គឺរៀងរាល់៧ឆ្នាំម្តង
ហាណូយ៖ ប្រទេសវៀតណាមអាចប្រឈមនឹងព្យុះទីហ្វុងដ៏កំណាច ខ្លាំងប្រហាក់ប្រហែលនឹងព្យុះយ៉ាហ្គិ (Yagi) ដែលបានវាយប្រហារប្រទេសវៀតណាម កាលពីឆ្នាំ២០២៤ ដូច្នេះ ប្រសិនបើសីតុណ្ហភាពសកលកើនឡើង៤អង្សាសេ វៀតណាមត្រូវជួបព្យុះដ៏កំណាចបែបនេះ ជាមធ្យមរៀងរាល់៧ឆ្នាំម្តង។ ក្រសួងកសិកម្ម និងបរិស្ថានវៀតណាម បានចេញផ្សាយសេណារីយ៉ូ ស្តីពីការប្រែប្រួលអាកាសធាតុឆ្នាំ២០២៥ ដែលបានធ្វើបច្ចុប្បន្នភាព និងដាក់បញ្ចូលឯកសារនេះ ទៅក្នុងមូលដ្ឋានទិន្នន័យជាតិ ស្តីពីការប្រែប្រួលអាកាសធាតុ។ សេណារីយ៉ូទាំងនេះផ្តល់នូវមូលដ្ឋានផ្នែកវិទ្យាសាស្ត្រសម្រាប់ត្រៀមទុកមុន​ ក្នុងការគ្រប់គ្រង ការរៀបចំគោលនយោបាយ ការធ្វើផែនការ ការគ្រប់គ្រងហានិភ័យ និងការបន្ស៊ាំទៅនឹងការប្រែប្រួលអាកាសធាតុ។ ក្រោមសេណារីយ៉ូ ដែលមានការបញ្ចេញឧស្ម័នផ្ទះកញ្ចក់ក្នុងកម្រិតខ្ពស់ ចំនួនថ្ងៃមានអាកាសធាតុក្តៅអាចកើនឡើងជាង៥០ថ្ងៃ នៅចុងសតវត្សរ៍ទី២១ ខណៈចំនួនថ្ងៃមានកម្ដៅខ្លាំងបំផុត អាចកើនឡើងដល់២០ថ្ងៃ។ ផ្ទុយទៅវិញ ចំនួនថ្ងៃមានអាកាសធាតុត្រជាក់ខ្លាំង និងត្រជាក់ដល់កម្រិតបង្កការខូចខាត នៅតំបន់ភាគខាងជើង និងតំបន់ភាគខាងជើងនៃភាគកណ្តាលប្រទេសវៀតណាម ត្រូវបានព្យាករថា នឹងថយចុះយ៉ាងខ្លាំង។ គួរឱ្យកត់សម្គាល់ថា បរិមាណទឹកភ្លៀងអតិបរមាណក្នុងរយៈពេលមួយថ្ងៃ និងរយៈពេល៥ថ្ងៃជាប់ៗគ្នា អាចកើនឡើងប្រមាណ៣០ ទៅ៤០ភាគរយ នៅតំបន់ភាគខាងជើង និងភាគខាងត្បូងប្រទេសវៀតណាម។ ចំនួនថ្ងៃមានភ្លៀងធ្លាក់ខ្លាំងក៏ត្រូវបានព្យាករថា នឹងកើនឡើងគួរឱ្យកត់សម្គាល់ផងដែរ ជាពិសេសនៅតំបន់ភាគខាងត្បូង។ នៅតំបន់មួយចំនួននៃភាគខាងជើង តំបន់ខ្ពង់រាបភាគកណ្តាល និងភាគខាងត្បូងប្រទេសវៀតណាម ចំនួនថ្ងៃមានបរិមាណទឹកភ្លៀងលើសពី១០០មីលីម៉ែត្រ អាចកើនឡើងពី៨០ ទៅ១០០ភាគរយ ក្រោមសេណារីយ៉ូស្តីពីការបញ្ចេញឧស្ម័នផ្ទះកញ្ចក់ក្នុងកម្រិតខ្ពស់។ ការប្រែប្រួលទាំងនេះបង្ហាញពីការកើនឡើងនៃហានិភ័យភ្លៀងធ្លាក់ខ្លាំងបំផុត […]
News & ព័ត៌មានថ្មីៗ & អន្តរជាតិ
Closeup of prepared basa fish on the ground under the lights
អ្នកស្រាវជ្រាវមកពីអង់គ្លេសសិក្សាពីភាពធន់នឹងថ្នាំប្រឆាំងមេរោគ ក្នុងការចិញ្ចឹមត្រីប្រា នៅវៀតណាម
ឡុងដ៍៖ សាកលវិទ្យាល័យមួយមកពីចក្រភពអង់គ្លេស ទទួលបានថវិកាជាង៣លានដុល្លារ សម្រាប់ចំណាយលើការស្រាវជ្រាវជាអន្តរជាតិ ដែលមានរយៈពេល៤ឆ្នាំ ដើម្បីដោះស្រាយបញ្ហាភាពធន់នឹងថ្នាំប្រឆាំងមេរោគ នៅក្នុងឧស្សាហកម្មចិញ្ចឹមត្រីប្រា របស់ប្រទេសវៀតណាម។ គម្រោងនេះ ដែលដឹកនាំដោយសាស្ត្រាចារ្យម្នាក់ មកពីវិទ្យាស្ថានវារីវប្បកម្មចក្រភពអង់គ្លេស នឹងសិក្សាពីរបៀប ដែលភាពធន់នឹងឱសថប្រឆាំងមេរោគ កើតឡើងនៅក្នុងប្រព័ន្ធវារីវប្បកម្មទឹកសាប ព្រមទាំងឧបសគ្គធ្វើឱ្យកសិករមិនចង់ប្រើវិធីសាស្ត្រផ្សេងជំនួសថ្នាំប្រឆាំងមេរោគ។ គម្រោងនេះប្រមូលផ្តុំដោយអ្នកស្រាវជ្រាវមកពីជំនាញផ្សេងៗ រួមមានផ្នែកវារីវប្បកម្ម មីក្រូជីវវិទ្យា ពេទ្យសត្វ វិទ្យាសាស្ត្របរិស្ថាន វិទ្យាសាស្ត្រសង្គម និងមនុស្សសាស្ត្រ។ ក្រុមស្រាវជ្រាវនឹងសហការជាមួយកសិករវៀតណាម អ្នករៀបចំគោលនយោបាយ ថ្នាក់ដឹកនាំឧស្សាហកម្ម និងភាគីពាក់ព័ន្ធផ្សេងទៀត ដើម្បីរៀបចំផែនទីបង្ហាញផ្លូវសម្រាប់ការស្រាវជ្រាវ និងក្របខណ្ឌអនុវត្តជាក់ស្តែង សំដៅលើកកម្ពស់ការប្រើប្រាស់ថ្នាំប្រឆាំងមេរោគ ប្រកបដោយការទទួលខុសត្រូវក្នុងវិស័យវារីវប្បកម្មទឹកសាប។ សាស្ត្រាចារ្យដឹកនាំការស្រាវជ្រាវ បានលើកឡើងថា ភាពធន់នឹងឱសថប្រឆាំងមេរោគ ត្រូវគេទទួលស្គាល់ជាទូទៅថា ជាបញ្ហាប្រឈមសកលដ៏ធ្ងន់ធ្ងរបំផុតមួយ ដែលសង្គមកំពុងប្រឈមមុខ។ លោកស្រីសាស្ត្រាចារ្យ បានបញ្ជាក់បន្ថែមថា បញ្ហានេះត្រូវបានចាត់ទុកជាបញ្ហារួម ពីព្រោះវាប៉ះពាល់ដល់សុខភាពមនុស្ស សត្វ និងបរិស្ថាន។ លោកស្រីបានពន្យល់ថា បរិស្ថានទឹកមានតួនាទីសំខាន់ក្នុងការកកើតឡើង និងការចម្លងរាលដាលនៃភាពធន់នឹងឱសថប្រឆាំងមេរោគ ស្របពេលវិស័យវារីវប្បកម្មទាំងពឹងផ្អែកលើប្រព័ន្ធអេកូឡូស៊ីទាំងនេះ និងមានអន្តរកម្មជាមួយប្រព័ន្ធទាំងនេះថែមទៀត។ លោកស្រីបានបន្ថែមថា វិស័យចិញ្ចឹមត្រីប្រារបស់វៀតណាម គឺជាករណីសិក្សាដ៏សមស្របមួយ សម្រាប់ស្វែងយល់ពីរបៀប ដែលភាពធន់នឹងឱសថប្រឆាំងមេរោគកើតឡើង និងបង្កផលប៉ះពាល់ចំពោះផលិតកម្ម និងវិធីសាស្ត្រគ្រប់គ្រងជំងឺផ្សេងៗ ដែលអាចធ្វើឱ្យការចិញ្ចឹមត្រីមាននិរន្តរភាពកាន់តែប្រសើរ។ […]
News & ជាតិ & ព័ត៌មានថ្មីៗ
photo_2026-10-23_14-16-24 (2)
នាំអង្ករជើងទី២ ៥០០០តោន ទៅ​ហ្វីលីពីន – ស៊ីកនេតឈ័រ រ៉ាយស៍ ថាជើងទី៣ និងទី៤ គឺ​នៅចុងខែតុលា
ដោយ​ ហៃ ស៊ីណា ភ្នំពេញ៖ ក្រុមហ៊ុន​ ស៊ីកនេតឈ័រ រ៉ាយស៍ (Signature Rice) ដែលជាក្រុមហ៊ុននាំចេញអង្ករ និងរោងម៉ាស៊ីនកិនស្រូវដ៏ធំមួយបាននាំចេញអង្ករតាមកប៉ាល់ចំនួន៥ ០០០ តោន ជាលើកទី២ ទៅកាន់ប្រទេសហ្វីលីពីន​ កាលពីថ្ងៃទី២២ ខែតុលា ឆ្នាំ២០២៦នេះ បន្ទាប់ពីនាំចេញជាង៥ពាន់តោនកាលពីដើមខែមុន។ នេះបើយោងតាមការ​បញ្ជាក់ពី ឧកញ៉ា ចាន់ សុខឃាំង អគ្គនាយកក្រុមងហ៊ុន។ លោកបានបន្តថា ក្រុមហ៊ុនគ្រោងនឹងនាំចេញអង្ករ​ដឹក​តាម​កប៉ាល់ជើង​ទី៣នៅ ថ្ងៃទី​២៥ ខែតុលា ​  និង​ជើងទី៤ នៅ ថ្ងៃទី៣១ ខែតុលា ហើយថា ដើម្បីឆ្លើយតបទៅនឹងតម្រូវការទីផ្សារហ្វីលីពីន​ ក៍ដូចជាធានាបាននូវផែនការ ​និងពេលវាលាដឹកជញ្ជូន ក្រុមហ៊ុនកំពុងរៀបចំ និងពង្រឹងហេដ្ឋារចនាសម្ព័ន្ធនៅកំពង់ផែឱ្យកាន់តែមានប្រសិទ្ធភាពខ្ពស់។ ប្រទេសហ្វីលីពីនជាទីផ្សារអង្ករ​ធំឈានមុខគេមួយ​ ដែលបានទិញ​អង្ករពី​កម្ពុជាយ៉ាងច្រើន នៅក្នុងឆ្នាំ២០២៦នេះ។ រាជរដ្ឋាភិបាលកម្ពុជាបាននិងកំពុងយកចិត្តទុកដាក់ និងជួយជ្រោម​ជ្រែងយ៉ាងខ្លាំងដល់វិស័យស្រូវអង្ករ ដោយបានដឹកនាំសហព័ន្ធស្រូវអង្ករកម្ពុជា ទៅជួបពិភាក្សាជាមួយភាគីរដ្ឋ និងឯកជន ដើម្បីផ្គូរផ្គង​ធ្វើពាណិជ្ជកម្មជាមួយគ្នាដោយផ្ទាល់។ ​ជាពិសេសនោះ រាជរដ្ឋាភិបាល តាមរយៈធនាគារអភិវឌ្ឍន៍ជនបទនិងកសិកម្ម (ARDB) ដែលជាធនាគារគោលនយោបាយ បានទម្លាក់ទុនជិត២០០លាន​ដល្លារ ​ដើម្បីជួយជាទុនបង្វិលទិញស្រូវ […]
News & ព័ត៌មានថ្មីៗ & អន្តរជាតិ
Display Of Pineapple In Sustainable Plastic Packaging Free Grocery Store
តៃវ៉ាន់នាំ ចេញផ្លែម្នាស់ទៅអាម៉េរិក នាំចេញផ្លែស្វាយ និងគូលែន ទៅអឺរ៉ុប
តៃប៉ិ៖ អាជ្ញាធរកោះតៃវ៉ាន់រំពឹងថា នឹងចាប់ផ្តើមនាំចេញផ្លែម្នាស់ទៅកាន់សហរដ្ឋអាម៉េរិក នៅឆ្នាំ២០២៧ បន្ទាប់ពីភ្នាក់ងារត្រួតពិនិត្យសុខភាពសត្វ និងរុក្ខជាតិរបស់សហរដ្ឋអាម៉េរិក បានប្រកាសឯកភាពចំពោះលក្ខខណ្ឌនាំចូលកសិផលរបស់តៃវ៉ាន់។ រដ្ឋមន្ត្រីកសិកម្មតៃវ៉ាន់បានឱ្យដឹងថា ពូជម្នាស់បីប្រភេទដាំដុះលើកោះតៃវ៉ាន់ មិនតម្រូវឱ្យអនុវត្តវិធានការចត្តាឡីស័កពិសេស ដើម្បីកម្ចាត់រុយទិញផ្លែ និងដង្កូវសត្វល្អិតឡើយ។ ក្នុងឆ្នាំ២០២៦ កោះតៃវ៉ាន់បាននាំចេញម្នាស់ចំនួន១៥ ៧០០តោនទៅកាន់ប្រទេសជប៉ុន ខណៈការនាំចេញទៅកាន់ប្រទេសកាណាដា កូរ៉េខាងត្បូង និងអូស្ត្រាលី បានកើនឡើងផងដែរ។ ទន្ទឹមនឹងនេះ កោះតៃវ៉ាន់កំពុងខិតខំស្វែងរកការអនុញ្ញាតឱ្យនាំចេញផ្លែស្វាយ ផ្លែស្រកានាគ ផ្លែគូលែន និងផ្លែត្របែក ទៅកាន់ទីផ្សារផ្សេងទៀត។ កាលពីឆ្នាំ២០២៥ សហភាពអឺរ៉ុបបានអនុញ្ញាតឱ្យនាំចូលផ្លែស្វាយ និងផ្លែត្របែកពីតៃវ៉ាន់ បន្ទាប់មកនៅខែកុម្ភៈ ឆ្នាំ២០២៦ សហភាពអឺរ៉ុបក៏បានអនុញ្ញាតឱ្យនាំចូលផ្លែពុទ្រា ផ្លែស្រកានាគ និងផ្លែគូលែនផងដែរ។ ផ្លែស្វាយ និងផ្លែគូលែនរបស់តៃវ៉ាន់ បានចូលដល់ផ្សារទំនើបនៅចក្រភពអង់គ្លេស និងប្រទេសបារាំងជា  ផ្លែស្វាយតៃវ៉ាន់ បានចូលដល់ទីផ្សារបារាំង ហើយលក់អស់ជាង៤តោន ក្នុងរយៈពេលមួយខែ ក្នុងតម្លៃ២៩ ដុល្លារក្នុងមួយផ្លែ។ ការទទួលបានសិទ្ធិចូលទីផ្សារទាំងនេះ កើតចេញពីកិច្ចចរចា ស្តីពីលក្ខខណ្ឌនាំចូលរបស់អឺរ៉ុប ដែលគ្របដណ្តប់លើការដាក់ស្លាកសញ្ញាសម្គាល់ផលិតផល កម្រិតសំណល់ថ្នាំកសិកម្ម និងលក្ខខណ្ឌធ្វើទីផ្សារ។ តៃវ៉ាន់ក៏ទទួលបានសិទ្ធិនាំចេញម្នាស់ទៅកាន់ប្រទេសនូវែលសេឡង់ផងដែរ បន្ទាប់ពីកិច្ចចរចាអស់រយៈពេល៨ឆ្នាំ ក្រោមកិច្ចព្រមព្រៀងពាណិជ្ជកម្ម ឆ្នាំ២០១៣។ ម្នាស់តៃវ៉ាន់ជើងដំបូងបានទៅដល់ប្រទេសនូវែលសេឡង់ នៅខែឧសភា […]
News & ព័ត៌មានថ្មីៗ & អន្តរជាតិ
photobank-2025-04-17T144130.090-1
វៀតណាមរកចំណូលបាន៣៣១លានដុល្លារ ពីម្រេចនាំចេញទៅអាម៉េរិក
វៀតណាម៖ ក្នុងរយៈពេល៧ខែដំបូងនៃឆ្នាំ២០២៦ វៀតណាមបាននាំចេញម្រេចទៅកាន់ទីផ្សារសហរដ្ឋអាម៉េរិក ក្នុងបរិមាណជាង៤៤ម៉ឺនតោន ដោយមានតម្លៃជាទឹកប្រាក់សរុបជាង៣៣១លានដុល្លារ។ នេះបើយោងតាមគណៈកម្មការពាណិជ្ជកម្មអន្តរជាតិរបស់សហរដ្ឋអាម៉េរិក។ បើគិតតាមបរិមាណ ម្រេចវៀតណាមមានចំណែករហូតដល់ជាង៨០ភាគរយ នៃបរិមាណម្រេចសរុប ជិត៥៥ម៉ឺនតោន ដែលសហរដ្ឋអាម៉េរិកបាននាំចូលក្នុងរយៈពេល៧ខែដំបូងនៃឆ្នាំ២០២៦នេះ។ សហរដ្ឋអាម៉េរិក បាននាំចូលម្រេចក្នុងតម្លៃសរុប៤០៧លានដុល្លារ ក្នុងរយៈពេល៧ខែដំបូងនៃឆ្នាំ២០២៦។ ទន្ទឹមនឹងនេះ សហរដ្ឋអាម៉េរិក ក៏នាំចូលម្រេចពីប្រទេសផ្សេងទៀតដូចជា គឺឥណ្ឌូណេស៊ី និងឥណ្ឌាផងដែរ។ ចំណែកការនាំចូលម្រេចពីប្រទេសប្រេស៊ីល និងចិន បានកើនឡើងបន្តិចបន្តួចក្នុងទីផ្សារអាម៉េរិក។ ទីភ្នាក់ងារពាណិជ្ជកម្មបរទេសរបស់វៀតណាម បានឱ្យដឹងថា ការនាំចេញម្រេចរបស់វៀតណាមទៅកាន់សហរដ្ឋអាម៉េរិក បានកើនឡើងដោយសារការផ្គត់ផ្គង់មានស្ថិរភាព គុណភាពម្រេចល្អជាងមុន និងមានតម្លៃទាបជាងមុន។ តម្លៃម្រេចវៀតណាមជាមធ្យម បានធ្លាក់ចុះបន្តិចមកនៅត្រឹម៧ ៤៩៩ដុល្លារក្នុងមួយតោន ខណៈតម្លៃម្រេចនាំចេញរបស់ឥណ្ឌូណេស៊ីបានកើនឡើងដល់៨ ៦៩១ដុល្លារក្នុងមួយតោន។ ទីភ្នាក់ងារដដែលនេះបានបន្ថែមថា វៀតណាមក៏មានផលិតផលម្រេចច្រើនប្រភេទ សម្រាប់បំពេញតម្រូវការទីផ្សារផ្សេងៗគ្នា រួមមានម្រេចគ្រាប់ខ្មៅ សម្រាប់រោងចក្រផលិតម្ហូបអាហារ ម្រេចម៉ដ្ឋ ម្រេចស និងផលិតផលម្រេចវេចខ្ចប់សម្រាប់វិស័យភោជនីយដ្ឋាន និងលក់រាយ។ សមាគមម្រេច និងគ្រឿងទេសវៀតណាម រំពឹងថា ការនាំចេញម្រេចទៅកាន់សហរដ្ឋអាម៉េរិកនឹងបន្តកើនឡើងក្នុងរយៈពេលប៉ុន្មានខែចុងឆ្នាំ២០២៦នេះ។ ទោះជាយ៉ាងណា សមាគមបានលើកឡើងថា អាជីវកម្មម្រេចចាំបាច់ត្រូវស្វែងរកវិធីសាស្ត្រកែច្នៃថែមទៀត ដើម្បីបង្កើនតម្លៃបន្ថែមដល់ផលិតផលរបស់ខ្លួន ព្រមទាំងធានាសុវត្ថិភាពម្ហូបអាហារ លទ្ធភាពតាមដានប្រភពដើម និងគុណភាពផលិតផល៕ (ផាន់ អាណា)
News & ព័ត៌មានថ្មីៗ & អន្តរជាតិ
image_2026-10-26_15-21-08
ហ្វីលីពីន នាំចូលកាកសណ្តែកសៀងពីអាម៉េរិក កាន់តែច្រើននៅឆ្នាំ២០២៧ ដើម្បីផលិតចំណីសត្វ
ម៉ានីល៖ ហ្វីលីពីននៅតែជាទីផ្សារនាំចេញកាកសណ្តែកសៀងធំបំផុតរបស់សហរដ្ឋអាម៉េរិក ហើយនឹងឈានដល់បរិមាណខ្ពស់បំផុត គឺជាង២០លានតោន នៅឆ្នាំ២០២៧ ដោយគិតជាទឹកប្រាក់ជិត៧,៤ពាន់លានដុល្លារ។ របាយការណ៍របស់ក្រសួងកសិកម្មសហរដ្ឋអាម៉េរិក បានកត់សម្គាល់ថា ការពង្រីកវិស័យចិញ្ចឹមសត្វរបស់ហ្វីលីពីន ជាបន្តបន្ទាប់ អាចជំរុញឱ្យតម្រូវការកាកសណ្តែកសៀងកើនឡើងបន្ថែមទៀត។ របាយការណ៍បានបន្ថែមទៀតថា នៅក្នុងសប្តាហ៍ដំបូងនៃឆ្នាំទីផ្សារ ដែលចាប់ផ្តើមនៅថ្ងៃទី១ ខែតុលា ជារៀងរាល់ឆ្នាំ បរិមាណបញ្ជាទិញទុករបស់ហ្វីលីពីន និងមិនទាន់បានដឹកជញ្ជូន បានកើនលើសពីកម្រិតមធ្យមក្នុងរយៈពេល៥ឆ្នាំចុងក្រោយ ជិត១២ម៉ឺនតោន គិតជាទឹកប្រមាណ៤៣លានដុល្លារ។ របាយការណ៍ដដែលបានបន្ថែមថា ផលិតកម្ម និងការនាំចេញកាកសណ្តែកសៀងរបស់សហរដ្ឋអាម៉េរិក កើនឡើងជាបន្តបន្ទាប់ ចាប់តាំងពីឆ្នាំ២០២១។ ផលិតកម្មកាកសណ្តែកសៀងនៅសហរដ្ឋអាម៉េរិក នឹងកើនឡើងដោយសារការប្រមូលផលសណ្តែកសៀងបានបរិមាណច្រើនជាងមុន ចំណែកការកិនសណ្តែកសៀងក៏មានបរិមាណខ្ពស់ និងតម្រូវការក៏ច្រើនជាមុន។ កាកសណ្តែកសៀងត្រូវបានប្រើប្រាស់ជាចម្បងក្នុងការផលិតចំណីសត្វ ដោយសារវាជាប្រភពសំខាន់នៃប្រូតេអ៊ីនច្រើននៅក្នុងរូបមន្តផ្សំចំណីសត្វ៕ (ផាន់ អាណា)
News & ព័ត៌មានថ្មីៗ & អន្តរជាតិ
image_2026-10-26_14-53-32
អែលនីញ៉ូ ធ្វើឱ្យផ្លែក្រវាញឥណ្ឌាឡើងថ្លៃរហូតដល់ឆ្នាំ២០២៧ ប៉ុន្តែទិន្នផលចាប់ផ្តើមធ្លាក់ចុះ
ឥណ្ឌា៖ ការកើនឡើងយ៉ាងខ្លាំងនៃតម្លៃផ្លែក្រវាញឥណ្ឌានៅលើទីផ្សារអន្តរជាតិ និងទីផ្សារក្នុងស្រុក បាននាំមកនូវភាពរីករាយដល់កសិករឥណ្ឌា ប៉ុន្តែបាតុភូតអែលនីញ៉ូ កំពុងធ្វើឱ្យទិន្នផលធ្លាក់ចុះ។ តម្លៃផ្លែក្រវាញជាមធ្យមនៅក្នុងការដេញថ្លៃ បានឡើងដល់កម្រិតខ្ពស់បំផុតជិត២៥ដុល្លារ ក្នុងមួយគីឡូក្រាម ស្របពេលបរិមាណផ្លែក្រវាញនាំចូលមកកាន់ទីផ្សារដេញថ្លៃជារៀងរាល់ថ្ងៃ មានប្រមាណ១០០តោនប៉ុណ្ណោះ។ អ្នករៀបចំដេញថ្លៃផ្លែក្រវាញ បានឱ្យដឹងថា បច្ចុប្បន្នកសិករឥណ្ឌាកំពុងទទួលបានប្រាក់ចំណេញជាទីគាប់ចិត្ត ទោះបីជាទិន្នផលផ្លែវាញ ធ្លាក់ចុះនៅដើមរដូវប្រមូលផលក៏ដោយ។ ការធ្លាក់ចុះបរិមាណនៅដើមរដូវប្រមូលផលនេះ បណ្តាលមកពីខ្វះទឹកភ្លៀង ក្នុងអំឡុងខែមិថុនា និងខែកក្កដា ឆ្នាំ២០២៦ ដោយសារកត្តាធម្មជាតិ។ ទឹកភ្លៀងមិនគ្រប់គ្រាន់ បានប៉ះពាល់ដល់ការចេញផ្កា និងការកាន់ផ្លែរបស់ដំណាំក្រវាញ។ ទោះជាយ៉ាងណា ក្រោយមកទើបមានភ្លៀងធ្លាក់ជាបន្តបន្ទាប់ ជួយឱ្យដំណាំក្រវាញងើបឡើងវិញ និងផ្តល់ទិន្នផលល្អបង្កួរ នៅតាមតំបន់មួយចំនួនក្នុងប្រទេសឥណ្ឌា ដែលគេបានរំពឹងថា នឹងបន្តប្រមូលផលរហូតដល់ខែធ្នូ។ ទន្ទឹមនឹងនេះដែរ កសិករឥណ្ឌា​​នៅតែព្រួយបារម្ភអំពីទិន្នផលផ្លែក្រវាញអាចធ្លាក់ចុះ នៅឆ្នាំ២០២៧ ដោយសារបាតុភូតអែលនីញ៉ូ (El Niño) ដែលបង្កឱ្យមានគ្រោះរឹងស្ងួតហួតហែងអូសបន្លាយពេលយូរ។ ទីផ្សារក្នុងស្រុកនៅតាមតំបន់ផ្សេងៗរបស់ឥណ្ឌា នៅតែមានសកម្មភាពទិញលក់ផ្លែក្រវាញយ៉ាងមមាញឹក ខណៈរដូវបុណ្យសាសនាធំៗកំពុងខិតជិតមកដល់ ដែលជាពេលវេលាប្រើប្រាស់ផ្លែក្រវាញច្រើនបំផុត។ ទោះជាយ៉ាងណា ឈ្មួញកំពុងប្រុងប្រយ័ត្នក្នុងការបញ្ជាទិញ ដោយសារតម្លៃផ្លែក្រវាញឡើងខ្ពស់ខ្លាំងពេក។ ដូច្នេះ ពួកគេភាគច្រើនអនុវត្តយុទ្ធសាស្ត្រ «ទិញតាមតម្រូវការប្រើប្រាស់ភ្លាមៗ» ជាជាងបញ្ជាទិញទុកជាមុនក្នុងបរិមាណច្រើន។ ចំណែកការបញ្ជាទិញពីទីផ្សារនាំចេញក៏កើនឡើងដែរ ប៉ុន្តេរហូតមកដល់ពេលនេះ មិនទាន់មានការបញ្ជាក់ច្បាស់លាស់នៅឡើយទេ។ សង្គ្រាមនៅតំបន់មជ្ឈឹមបូព៌ា បានប៉ះពាល់ដល់ការទិញពីទីផ្សារបរទេស […]
News & ជាតិ & ព័ត៌មានថ្មីៗ
Tourists on pier watching at sunset, Koh Rong, Koh Kong province, Cambodia
ខេត្តឆ្នេរសមុទ្ររបស់កម្ពុជាប្រឈមការខាត់បង់សេដ្ឋកិច្ចរហូតជិត២០០ពាន់លានដុល្លារ ពីការប្រែប្រួលអាកាសធាតុ
ដោយ នៅ ស៊ីវុត្ថា ភ្នំពេញ៖ បណ្ដា​ខេត្តជាប់ឆ្នេរសមុទ្ររបស់កម្ពុជា រួមមាន កោះកុង កំពត កែប និងខេត្តព្រះសីហនុ កំពុងប្រឈមនឹងការខាត់បង់សេដ្ឋកិច្ចធ្ងន់ធ្ងរ ដោយសារការកើនឡើងនៃកម្រិតទឹកសមុទ្រ ការកាត់ច្រោះឆ្នេរ និងទឹកជំនន់តំបន់ឆ្នេរ។ ផលប៉ះពាល់ទាំងនេះនៅទូទាំងតំបន់សេដ្ឋកិច្ចចំនួន៣០ ត្រូវបានព្យាករណ៍ថា អាចបង្កការខូចខាតជាទឹកប្រាក់ពី១៧២ពាន់លានដុល្លារ ដល់១៩៩ពាន់លានដុល្លារ ត្រឹមឆ្នាំ២០៥០។ នេះបើយោងតាមរបាយការណ៍ថ្មីរបស់ធនាគារអភិវឌ្ឍន៍អាស៊ី (ADB)។ របាយការណ៍នេះបានបញ្ជាក់ថា តំបន់ឆ្នេរនៅទូទាំងតំបន់អាស៊ី និងប៉ាស៊ីហ្វិក រួមទាំងកម្ពុជា កំពុងប្រឈមនឹងគ្រោះថ្នាក់កាន់តែខ្លាំងឡើង ដោយសារការប្រែប្រួលអាកាសធាតុ។ របាយការណ៍ក៏បានលើកឡើងពីការទាមទារបង្កើនយន្តការហិរញ្ញប្បទានអន្តរជាតិ ដើម្បីកាត់បន្ថយការខូចខាតសេដ្ឋកិច្ចលើវិស័យកំពង់ផែសមុទ្រ និងជលផល។ របាយការណ៍ដែលចេញផ្សាយកាលពីពេលថ្មីៗនេះ បានព្យាករណ៍ថា វិបត្តិអាកាសធាតុនឹងកាន់តែធ្ងន់ធ្ងររហូតដល់ចុងសតវត្សរ៍នេះ ហើយផលវិបាកសេដ្ឋកិច្ចដែលកើតឡើងអាចជះឥទ្ធិពលយ៉ាងខ្លាំងដល់ការអភិវឌ្ឍតំបន់ឆ្នេររបស់កម្ពុជា ជាពិសេសលើវិស័យជលផល ពាណិជ្ជកម្មអន្តរជាតិ និងទេសចរណ៍។ ខេត្តព្រះសីហនុគឺជាមជ្ឈមណ្ឌលសេដ្ឋកិច្ចដ៏សំខាន់របស់តំបន់ឆ្នេរ ដែលមានទំនាក់ទំនងជាមួយខេត្តកោះកុង កំពត និងកែប តាមរយៈវិស័យវិនិយោគសំខាន់ៗ រួមមាន ទេសចរណ៍ កសិ-កែច្នៃ ឧស្សាហកម្មផលិតកម្មតម្រង់ទិសនាំចេញ ព្រមទាំងវិស័យគីមីឥន្ធនៈ និងថាមពលស្អាត៕
News & ព័ត៌មានថ្មីៗ & អន្តរជាតិ
A Traditional Fishing Dhow in Sharjah
ចិន និងកូរ៉េខាងត្បូង ចាប់ផ្តើមល្បាតរួមគ្នាឡើងវិញនៅសមុទ្រលឿង ដើម្បីទប់ស្កាត់បទល្មើសនេសាទខុសច្បាប់
ប៉េកាំង៖ ប្រទេសចិន និងកូរ៉េខាងត្បូង បានចាប់ផ្តើមប្រតិបត្តិការល្បាតរួមគ្នាឡើងវិញ នៅក្នុងតំបន់អនុវត្តវិធានការបណ្តោះអាសន្ននៃសមុទ្រលឿង បន្ទាប់ពីផ្អាកអស់រយៈពេល៤ឆ្នាំ។ អ្នកជំនាញចិនបានលើកឡើងថា ការចាប់ផ្តើមប្រតិបត្តិការនេះឡើងវិញ ឆ្លុះបញ្ចាំងពីការកើនឡើងនៃទំនុកចិត្តរវាងប្រទេសទាំងពីរ ព្រមទាំងជួយលើកកម្ពស់ការនេសាទស្របច្បាប់ និងកិច្ចសហប្រតិបត្តិការដែនសមុទ្រ។ ស្ថានទូតកូរ៉េខាងត្បូងប្រចាំប្រទេសចិន បានឱ្យដឹងថា ប្រទេសទាំងពីរបានចាប់ផ្តើមប្រតិបត្តិការល្បាតរួមគ្នាចាប់ពីថ្ងៃទី៨ ខែតុលា ឆ្នាំ២០២៦ ដើម្បីបង្ក្រាបបទល្មើសនេសាទខុសច្បាប់ និងសកម្មភាពល្មើសផ្សេងៗនៅក្នុងតំបន់។ ក្នុងអំឡុងពេលល្បាត មន្ត្រីត្រូវណែនាំអ្នកនេសាទ និងមន្ត្រីអនុវត្តច្បាប់មកពីប្រទេសទាំងពីរ ដើម្បីផ្លាស់ប្តូរវិធីសាស្ត្រ និងបទពិសោធន៍ក្នុងការអនុវត្តច្បាប់ ព្រមទាំងពង្រឹងការសម្របសម្រួលនៅទីតាំងប្រតិបត្តិការ។ អ្នកស្រាវជ្រាវនៃបណ្ឌិត្យសភាវិទ្យាសាស្ត្រសង្គមខេត្តរបស់ចិន បាននិយាយថា កិច្ចសហប្រតិបត្តិការនេះមានអត្ថប្រយោជន៍ក្នុងការលើកកម្ពស់សកម្មភាពនេសាទស្របច្បាប់នៅសមុទ្រលឿង។ មន្ត្រីស្ថានទូតកូរ៉េខាងត្បូងប្រចាំប្រទេសចិន បានិយាយថា ការបង្ក្រាបការនេសាទខុសច្បាប់ គឺជាវិស័យមួយដែលបង្ហាញពីលទ្ធផលនៃកិច្ចសហប្រតិបត្តិការ បន្ទាប់ពីកិច្ចប្រជុំកំពូលរវាងកូរ៉េខាងត្បូង និងចិន។ មន្ត្រីរូបនោះបានបន្ថែមថា តាមរយៈប្រតិបត្តិការល្បាតរួមគ្នានេះ ប្រទេសទាំងពីរនឹងពង្រឹងបន្ថែមទៀតនូវកិច្ចសហប្រតិបត្តិការ និងការប្រាស្រ័យទាក់ទងរវាងស្ថាប័នអនុវត្តច្បាប់របស់ខ្លួន។ ប្រតិបត្តិការល្បាតរួមគ្នានេះត្រូវបានអនុវត្តស្របតាមកិច្ចព្រមព្រៀងរវាងប្រទេសទាំងពីរ ដើម្បីបង្កើនកិច្ចសហប្រតិបត្តិការ និងលុបបំបាត់សកម្មភាពនេសាទខុសច្បាប់។ កន្លងមក អាជ្ញាធរចិនបានអនុវត្តយុទ្ធនាការពង្រឹងការអនុវត្តច្បាប់ ក្នុងពេលបិទនេសាទ ចាប់ពីថ្ងៃទី១ ខែឧសភា ដល់ថ្ងៃទី១៦ ខែកញ្ញា ជារៀងរាល់ឆ្នាំ ដោយបានបង្កើនប្រតិបត្តិការត្រួតពិនិត្យយ៉ាងតឹងរ៉ឹងនៅតាមតំបន់សមុទ្រជាច្រើន រួមទាំងដែនទឹកនៅក្បែរខ្សែព្រំដែនខាងកើតនៃតំបន់អនុវត្តវិធានការបណ្តោះអាសន្នរវាងចិន និងកូរ៉េខាងត្បូង។ ព្រមជាមួយគ្នានេះ ភាគីទាំងពីរនឹងពង្រឹងកិច្ចសហប្រតិបត្តិការជាក់ស្តែងក្នុងវិស័យការពារជាតិ ការអនុវត្តច្បាប់ ជលផល […]
News & ព័ត៌មានថ្មីៗ & អន្តរជាតិ
Male hands of a chef cutting a delicious loin of fresh bluefin t
ឥណ្ឌូណេស៊ី អាចរកចំណូលរាប់ពាន់លានដុល្លារពីកូតានេសាទត្រីធូណាខៀវ សម្រាប់ឆ្នាំ២០២៧-២០២៩
ហ្សាការតា៖ ប្រទេសឥណ្ឌូណេស៊ីទទួលបានកូតានេសាទត្រីធូណាខៀវ ចំនួន១ ៦៧០តោន ក្នុងមួយឆ្នាំ សម្រាប់ឆ្នាំ២០២៧ ដល់ឆ្នាំ២០២៩ គឺកើនឡើង២៥ភាគរយ ធៀបនឹងកូតាមុន ដែលមានចំនួន១ ៣៣៦តោន ក្នុងមួយឆ្នាំ ដូច្នេះរកប្រាក់ចំណូលបានយ៉ាងច្រើនសន្ធឹកសន្ធាប់ពីធនធានជលផលសមុទ្រ។ នេះបើយោងតាមការប្រកាសរបស់ក្រសួងកិច្ចការសមុទ្រ និងជលផលឥណ្ឌូណេស៊ី។ ការបង្កើនកូតានេះនេសាទត្រីធូណាខៀវនេះ ត្រូវបានអនុម័តនៅក្នុងកិច្ចប្រជុំប្រចាំឆ្នាំ លើកទី៣៣ នៃគណៈកម្មការអភិរក្សត្រីធូណាខៀវ ដែលរៀបចំឡើងនៅទីក្រុងព្រុចសែល ប្រទេសបែលហ្ស៊ិក កាលពីថ្ងៃទី៨ ខែតុលា ឆ្នាំ២០២៦នេះ។ ឥណ្ឌូណេស៊ី ក៏អាចទទួលបានកូតានេសាទបន្ថែម រហូតដល់បរិមាណ១ ៥០០តោនទៀត ពីកូតានៅសល់ប្រទេសជាសមាជិកផ្សេងទៀត មិនបានប្រើប្រាស់។ នៅក្នុងសេចក្ដីថ្លែងការណ៍មួយ ដែលត្រូវបានដកស្រង់កាលពីថ្ងៃទី១០ ខែតុលា ឆ្នាំ២០២៦ អគ្គនាយកដ្ឋានជលផលនេសាទរបស់ប្រទេសឥណ្ឌូណេស៊ី បានឱ្យដឹងថា ការបង្កើនកូតានេះ គឺជាលទ្ធផលនៃកិច្ចខិតខំប្រឹងប្រែងផ្នែកការទូតជាបន្តបន្ទាប់ ដែលបានចាប់ផ្ដើមពីការដាក់សំណើជាលាយលក្ខណ៍អក្សរជាផ្លូវការ នៅក្នុងកិច្ចប្រជុំប្រចាំ ឆ្នាំលើកទី៣០ កាលពីឆ្នាំ២០២៣។ ចំណែករដ្ឋមន្ត្រីក្រសួងកិច្ចការសមុទ្រ និងជលផល ឥណ្ឌូណេស៊ី លោក សាក់ទៅ វ៉ះយូ ត្រេងហ្គោណូ (Sakti Wahyu Trenggono) បានបន្តជំរុញរបៀបវារៈនេះ នៅក្នុងកិច្ចប្រជុំប្រចាំឆ្នាំ លើកទី៣២ […]
News & ព័ត៌មានថ្មីៗ & អន្តរជាតិ
NEPAL-DISASTER-FLOOD
នេប៉ាល់ បានជំនួយ២០លានដុល្លារ ពីមូលនិធិអាកាសធាតុ ក្រោយទឹកជំនន់រលំបាក់ទឹកកក
កដ្ឋមណ្ឌូ៖ រដ្ឋាភិបាលនេប៉ាល់បានប្រកាស កាលពីថ្ងៃទី២២ ខែតុលា ឆ្នាំ២០២៦ថា ប្រទេសនេប៉ាល់នឹងទទួលបានជំនួយឥតសំណងចំនួន២០លានដុល្លារ ពីមូលនិធិអាកាសធាតុរបស់អង្គការសហប្រជាជាតិ សម្រាប់ការខាតបង់ និងការខូចខាតដោយសារគ្រោះមហន្តរាយបង្កឡើយដោយអាកាសធាតុ បន្ទាប់ពីគ្រោះទឹកជំនន់ដ៏សាហាវបានកើតឡើងនៅតាមព្រំដែន ជាប់តំបន់ទីបេរបស់ប្រទេសចិន។ ទឹកជំនន់ដោយរលំបាក់ផ្ទាំងទឹកកកពីភ្នំហេមពាន្វ កាលថ្ងៃទី២៦ ខែសីហា ឆ្នាំ២០២៦ បានសម្លាប់មនុស្សអស់ប្រហែល១ ៥០០នាក់ ហើយមនុស្សជាង៥ ០០០នាក់ទៀត កំពុងបាត់ខ្លួន។ យោងតាមទិន្នន័យផ្លូវការ គ្រោះមហន្តរាយនេះបានប៉ះពាល់ដល់ប្រជាជនប្រហែល៦០ ០០០នាក់ មកពីគ្រួសារចំនួន១៥ ០០០គ្រួសារ។ វាក៏បានបង្កការខូចខាតដល់ហេដ្ឋារចនាសម្ព័ន្ធ ដូចជា ផ្លូវថ្នល់ ស្ពាន សាលារៀន និងរោងចក្រវារីអគ្គិសនីចំនួន១៣កន្លែង ដែលមានតម្លៃខូចខាតប៉ាន់ស្មានជិត៣ពាន់លានដុល្លារ។ ការប៉ាន់ប្រមាណដំបូងរបស់អាជ្ញាធរនេប៉ាល់ បានបង្ហាញថា ការចំណាយលើការស្តារឡើងវិញអាចជិតដល់៥ពាន់លានដុល្លារ។ ជំនួយពីមូលនិធិអាកាសធាតុរបស់អង្គការសហប្រជាជាតិនេះ មានចំនួនតិចជាង១ភាគរយ នៃថវិកាសរុបដែលនេប៉ាល់ត្រូវចំណាយសម្រាប់មហន្តរាយដោយទឹកជំនន់រលំបាក់ផ្ទាំងទឹកកក។ ក្រសួងកសិកម្ម ព្រៃឈើ និងបរិស្ថាននេប៉ាល់ បានបញ្ជាក់ក្នុងសេចក្តីថ្លែងការណ៍ថា ជំនួយពីមូលនិធិឆ្លើយតបចំពោះការខាតបង់ និងការខូចខាត សម្រាប់ជួយដោះស្រាយការខូចខាតយ៉ាងធ្ងន់ធ្ងរ ដែលបង្កឡើងដោយគ្រោះមហន្តរាយពាក់ព័ន្ធនឹងអាកាសធាតុ។ លោក បាឡេនដ្រា សះ (Balendra Shah) នាយករដ្ឋមន្ត្រីនេប៉ាល់ បានថ្លែងក្នុងសុន្ទរកថាលើកដំបូងរបស់លោកនៅអង្គការសហប្រជាជាតិ ក្នុងខែកញ្ញាថា គ្រោះមហន្តរាយនៅប្រទេសនេប៉ាល់ […]

កាលវិភាគផ្សព្វផ្សាយ