News & ព័ត៌មានថ្មីៗ & អន្តរជាតិ
INDONESIA-ENVIRONMENT-FIRE
ឥណ្ឌូណេស៊ី សុំឱ្យធនាគារអភិវឌ្ឍន៍អាស៊ី បង្កើនការគាំទ្រលើការអភិវឌ្ឍមូលធនមនុស្ស
ហ្សាការតា៖ រដ្ឋមន្ត្រីក្រសួងផែនការអភិវឌ្ឍន៍ជាតិ ឥណ្ឌូណេស៊ី បានសុំឱ្យនាវឱ្យធនាគារអភិវឌ្ឍន៍អាស៊ី បង្កើនការគាំទ្រលើការអភិវឌ្ឍមូលធនមនុស្ស ហេដ្ឋារចនាសម្ព័ន្ធសង្គម និងហេដ្ឋារចនាសម្ព័ន្ធឌីជីថល ខណៈប្រទេសឥណ្ឌូណេស៊ី កំពុងធ្វើបរិវត្តកម្មសេដ្ឋកិច្ច និងផ្លាស់ប្ដូរគំរូអភិវឌ្ឍន៍របស់ខ្លួន។ លោករដ្ឋមន្ត្រី​ រ៉ាចម៉ាត់ ប៉ាមប៊ូឌី (Rachmat Pambudy) បានលើកឡើងក្នុងជំនួបជាមួយលោក ស្កត់ ម៉ូរីស (Scott Morris) អនុប្រធាន ធនាគារអភិវឌ្ឍន៍អាស៊ី ទទួលបន្ទុកតំបន់អាស៊ីបូព៌ា អាស៊ីអាគ្នេយ៍ និងប៉ាស៊ីហ្វិកថា «នៅពេលយើងនិយាយអំពីហេដ្ឋារចនាសម្ព័ន្ធ កន្លងមកយើងតែងតែផ្ដោតលើហេដ្ឋារចនាសម្ព័ន្ធរូបវន្ត ដូចជាផ្លូវថ្នល់ ស្ពាន ទំនប់ទឹក អាកាសយានដ្ឋាន និងកំពង់ផែសមុទ្រ»។ យោងតាមសេចក្ដីថ្លែងការណ៍ផ្លូវការ ដែលចេញផ្សាយកាលពីថ្ងៃទី១០ ខែតុលា ឆ្នាំ២០២៦នេះ លោករដ្ឋមន្ត្រីក្រសួងផែនការអភិវឌ្ឍន៍ជាតិ បានបញ្ជាក់ថា ឥណ្ឌូណេស៊ី ត្រូវបង្កើនការវិនិយោគលើហេដ្ឋារចនាសម្ព័ន្ធសង្គម និងមូលធនមនុស្ស បន្ថែមពីលើហេដ្ឋារចនាសម្ព័ន្ធបែបប្រពៃណី ដូចជា ផ្លូវថ្នល់ ស្ពាន និងកំពង់ផែសមុទ្រ។ លោកបានសង្កត់ធ្ងន់ថា ការវិនិយោគលើមូលធនមនុស្សកាន់តែមានសារៈសំខាន់ ខណៈប្រទេសនានាកំពុងប្រឈមនឹងការប្រែប្រួលអាកាសធាតុ ភាពមិនប្រាកដប្រជាផ្នែកភូមិសាស្ត្រនយោបាយ និងភូមិសាស្ត្រសេដ្ឋកិច្ច ព្រមទាំងការរីកចម្រើនយ៉ាងឆាប់រហ័សនៃបច្ចេកវិទ្យា។ លោកបានកត់សម្គាល់ថា ដូច្នេះ ប្រទេសឥណ្ឌូណេស៊ី […]
News & ព័ត៌មានថ្មីៗ & អន្តរជាតិ
VIETNAM-ECONOMY
ហ្វីលីពីនលុបចោលការនាំចូលអង្ករពីវៀតណាម ជាង១ម៉ឺនតោន តម្លៃ១១លានដុល្លារ
ម៉ានីល៖ រដ្ឋមន្ត្រីក្រសួងកសិកម្មហ្វីលីពីន លោក ហ្វ្រែនស៊ីស្កូ ធៀវ​ ឡូរ៉ែល (Francisco Tiu Laurel) បានប្រកាសលុបចោលលិខិតអនុញ្ញាតនាំចូលអង្ករពីប្រទេសវៀតណាម ដែលមានតម្លៃប្រមាណ១១លានដុល្លារ មុនពេលកប៉ាល់ដឹកអង្ករចូលដល់ដែនទឹកប្រទេសហ្វីលីពីន។ ក្រសួងកសិកម្មហ្វីលីពីនបានចាត់វិធានការបែបនេះ តាមសំណើរបស់ក្រុមហ៊ុនឯកជនមួយ ដែលបានរាយការណ៍ថា អង្ករដឹកមកពីប្រទេសវៀតណាម មានអត្រាអង្ករបាក់៥ភាគរយ ខុសពីកិច្ចសន្យាទិញអង្ករបាក់២៥ភាគរយ។ ក្រុមហ៊ុនក៏បានបញ្ជាក់ថា កិច្ចសន្យាទិញលក់នេះបានផុតកំណត់រួចហើយ។ កប៉ាល់ដឹកអង្ករពីវៀតណាមចំនួនជិត១២ ៥០០តោន បានមកដល់កំពង់ផែក្រុងដាវ៉ៅ (Davao) នៅថ្ងៃទី១៤ ខែកញ្ញា ឆ្នាំ២០២៦។ ទោះជាយ៉ាងណា កាពីទែននាវាបានបដិសេធមិនអនុញ្ញាតឱ្យមន្ត្រីការិយាល័យឧស្សាហកម្មដំណាំរបស់ហ្វីលីនឡើងត្រួតពិនិត្យនាវានោះឡើយ។ ក្រុមមន្ត្រីការិយាល័យឧស្សាហកម្មដំណាំរបស់ហ្វីលីន បានឱ្យកប៉ាល់បញ្ជូនអង្ករទាំងនោះត្រឡប់ទៅប្រទេសវៀតណាម ខណៈការិយាល័យគយហ្វីលីពីន កំពុងពិចារណាអំពីលទ្ធភាពរឹបអូសទំនិញ និងផាកពិន័យ។ ក្នុងសេចក្តីថ្លែងការណ៍កាលពីថ្ងៃទី១៣ ខែតុលា​ ឆ្នាំ២០២៦នេះ លោក ហ្វ្រែនស៊ីស្កូ ធៀវ​ ឡូរ៉ែល បានបញ្ជាក់ថា ក្រសួងកសិកម្មបានបញ្ជាឱ្យលុបចោលលិខិតអនុញ្ញាតនាំចូលអង្ករតម្លៃ១១លានដុល្លារ នាំចូលពីវៀតណាម តាំងពីប៉ុន្មានថ្ងៃមុនពេលនាវាមកដល់ហ្វីលីពីន។ លោករដ្ឋមន្ត្រីកសិកម្មបានថ្លែងថា «ក្រសួងកសិកម្ម តាមរយៈការិយាល័យរបស់ខ្ញុំ គឺជាអ្នកបញ្ឈប់ការនាំចូលអង្ករនេះ ដោយបញ្ជាឱ្យការិយាល័យឧស្សាហកម្មដំណាំ លុបចោលលិខិតអនុញ្ញាតផ្នែកអនាម័យ និងភូតគាមអនាម័យ ទោះបីជានាវាកំពុងធ្វើដំណើរឆ្ពោះមកប្រទេសហ្វីលីពីនរួចហើយក៏ដោយ»។ ការលុបចោលលិខិតអនុញ្ញាតនាំចូលនេះ ធ្វើឡើងតាមសំណើរបស់ក្រុមហ៊ុន […]
News & ព័ត៌មានថ្មីៗ & អន្តរជាតិ
VIETNAM-ECONOMY-FARMING-AGRICULTURE-SHRIMP
ប្រាំបួនខែ វៀតណាមរកចំណូលជិត៤ពាន់លានដុល្លារ ពីការនាំចេញបង្គា
ហាណូយ៖ យោងតាមសមាគមអ្នកនាំចេញ និងផលិតផលិតផលជលផលវៀតណាម បានឱ្យដឹងថា ការនាំចេញបង្គារបស់វៀតណាម អាចរកចំណូលបានចំនួន៣,៧ពាន់លានដុល្លារ ក្នុងរយៈពេល៩ខែដំបូងនៃឆ្នាំ២០២៦។ ប្រទេសចិននៅតែជាទីផ្សារនាំចេញបង្គាធំបំផុតរបស់វៀតណាម ដោយការនាំចេញទៅកាន់ទីផ្សារនេះសម្រេចបានទឹកប្រាក់ជិត១,៣ពាន់លានដុល្លារ។ ចំណែកតម្រូវការបង្កងសមុទ្រ ជាពិសេសបង្កងសមុទ្រពណ៌បៃតង នៅក្នុងទីផ្សារចិន បានបន្តរួមចំណែកយ៉ាងសំខាន់ដល់កំណើននៃការនាំចេញនេះ។ ចំណែកការនាំចេញបង្គាទៅកាន់សហរដ្ឋអាម៉េរិកសម្រេចបានត្រឹមតែ៤៩៨លានដុល្លារប៉ុណ្ណោះ។ ការនាំចេញទៅកាន់សហភាពអឺរ៉ុប ក៏បានធ្លាក់ចុះមកនៅត្រឹមជាង៤០៦លានដុល្លារ។ ផ្ទុយទៅវិញ ការនាំចេញបង្គាទៅកាន់ប្រទេសជប៉ុន បានកើនឡើងដល់ជិត៤៤១លានដុល្លារ ខណៈការនាំចេញទៅកាន់ប្រទេសអូស្ត្រាលី បានកើនឡើងដល់ជិត២១២លានដុល្លារ និងការនាំចេញទៅកាន់ប្រទេសកាណាដា បានកើនឡើងដល់ជាង១៣០លានដុល្លារ។ ការនាំចេញទៅកាន់ទីផ្សារនៃបណ្តាប្រទេស ជាសមាជិកនៃកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក សម្រេចបានទឹកប្រាក់លើសពី១ពាន់លានដុល្លារ។ យោងតាមសមាគមអ្នកនាំចេញ និងផលិតផលិតផលជលផលវៀតណាម បានឱ្យដឹងថា ការនាំចេញបង្គារបស់វៀតណាមនៅតែបន្តកើនឡើងក្នុងរយៈពេល៩ខែដំបូងនៃឆ្នាំ២០២៦នេះ ដោយមានការគាំទ្រពីតម្រូវការទីផ្សារចិន និងទីផ្សារមួយចំនួនក្នុងចំណោមប្រទេសសមាជិកនៃកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក។ ទោះជាយ៉ាងណា សន្ទុះកំណើនកំពុងថមថយ ដោយសារការនាំចេញទៅកាន់សហរដ្ឋអាម៉េរិក និងសហភាពអឺរ៉ុបបានធ្លាក់ចុះ។ សម្ពាធពន្ធគយ ការប្រកួតប្រជែងលើទីផ្សារអន្តរជាតិ និងការលំបាកក្នុងការធានាការផ្គត់ផ្គង់វត្ថុធាតុដើម ក៏កំពុងបង្កជាបញ្ហាប្រឈមធំៗដល់បណ្តាសហគ្រាសនាំចេញបង្គាវៀតណាម ក្នុងប៉ុន្មានខែចុងក្រោយនៃឆ្នាំនេះផងដែរ។ កាលពីឆ្នាំ២០២៥ ការនាំចេញផលិតផលជលផលរបស់វៀតណាម សម្រេចបានទឹកប្រាក់សរុបជាង១១ពាន់លានដុល្លារ ក្នុងនោះការនាំចេញបង្គាមានតម្លៃ៤,៨ពាន់លានដុល្លារ។ សមាគមបានបញ្ជាក់ថា ប្រសិនបើវៀតណាមអាចរក្សាតម្លៃនាំចេញបង្គាប្រចាំខែក្នុងកម្រិតពី៤៧០លានដុល្លារ ទៅ៤៨០លានដុល្លារ នៅក្នុងត្រីមាសចុងក្រោយនៃឆ្នាំ២០២៦ នោះតម្លៃនាំចេញបង្គាសរុបពេញមួយឆ្នាំអាចសម្រេចបានចំណូលរង្វង់៥ពាន់លានដុល្លារ៕ (ផាន់ អាណា)
News & ព័ត៌មានថ្មីៗ & អន្តរជាតិ
ZIMBABWE-LAND-POLITICS-ECONOMY
ហ្ស៊ីមបាវ៉េ ត្រៀមលុយ៥០០លានដុល្លារ ដើម្បីទប់ទល់គ្រោះរាំងស្ងួត បណ្តាលមកពីអែលនីញ៉ូ ២០២៦-២០២៧
ហារ៉ារ៉េ៖ ប្រទេសហ្ស៊ីមបាវ៉េ គ្រោងបង្កើតទុនបម្រុងជាសាច់ប្រាក់ និងគ្រាប់ធញ្ញជាតិ ដែលមានតម្លៃសរុប ៥០០លានដុល្លារ ដើម្បីទប់ទល់នឹងផលប៉ះពាល់ពីគ្រោះរាំងស្ងួត ដែលអាចបង្កឡើងដោយបាតុភូតអែលនីញ៉ូ និងការគំរាមកំហែងដល់សន្តិសុខស្បៀងរបស់ប្រទេស។ នេះបើតាមការលើកឡើងរបស់រដ្ឋមន្ត្រីហិរញ្ញវត្ថុ កាលពីថ្ងៃទី១៤ ខែតុលា ឆ្នាំ២០២៦នេះ។ ប្រហែលមួយខែមុន គឺនៅថ្ងៃទី១៦ ខែកញ្ញា គណៈរដ្ឋមន្ត្រីរបស់ប្រទេសហ្ស៊ីមបាវ៉េ បានអនុម័តផែនការត្រៀមលក្ខណៈទប់ទល់នឹងគ្រោះរាំងស្ងួត ដែលមានសសរស្តម្ភសំខាន់ចំនួន៦ ដើម្បីធានាសន្តិសុខស្បៀង និងការពារជីវភាពរស់នៅរបស់ប្រជាជន។ ការរៀបចំផែនការនេះធ្វើឡើងចំពេលមានការព្រួយបារម្ភកាន់តែខ្លាំងថា បាតុភូតអែលនីញ៉ូដ៏មានឥទ្ធិពលខ្លាំង អាចធ្វើឱ្យទឹកភ្លៀងក្នុងរដូវវស្សាឆ្នាំ២០២៦-២០២៧ មានបរិមាណទាបជាងធម្មតា បង្កឱ្យមានគ្រោះរាំងស្ងួតរយៈពេលវែង និងធ្វើឱ្យសីតុណ្ហភាពកើនឡើង។ អ្នកព្យាករណ៍អាកាសធាតុ បានព្រមានថា បាតុភូតអាកាសធាតុនេះអាចធ្វើឱ្យភ្លៀងចាប់ផ្តើមធ្លាក់យឺតជាងធម្មតា បណ្តាលឱ្យទិន្នផលដំណាំថយចុះ និងធ្វើឱ្យប្រជាជនខ្វះខាតទឹកកាន់តែធ្ងន់ធ្ងរ។ វិស័យកសិកម្មនៅតែជាប្រភពចំណូល និងការងារដ៏សំខាន់នៅប្រទេសហ្ស៊ីមបាវ៉េ ជាពិសេសសម្រាប់គ្រួសារនៅតំបន់ជនបទ ដែលពឹងផ្អែកលើការដាំដុះដោយប្រើទឹកភ្លៀង។ រដូវវស្សាមានភ្លៀងធ្លាក់តិចអាចបណ្តាលឱ្យដំណាំខូច ការបាត់បង់សត្វចិញ្ចឹម ប្រាក់ចំណូលគ្រួសារធ្លាក់ចុះ និងបង្កបញ្ហាអសន្តិសុខស្បៀង។ ក្នុងកិច្ចប្រជុំកំពូល ស្តីពីការត្រៀមលក្ខណៈសម្រាប់រដូវបង្កបង្កើនផល ឆ្នាំ២០២៦-២០២៧ នៅទូទាំងខ្សែសង្វាក់តម្លៃ ដែលបានធ្វើឡើង នៅទីក្រុងហារ៉ារ៉េ កាលពីថ្ងៃទី១ ខែតុលា មន្ត្រីជាន់ខ្ពស់ទទួលបន្ទុកកសិកម្ម យន្តូបនីយកម្ម និងអភិវឌ្ឍន៍ធនធានទឹក បានថ្លែងថា ប្រជាជនហ្ស៊ីមបាវ៉េ មិនចាំបាច់ភ័យស្លន់ស្លោទេ ព្រោះរដ្ឋាភិបាលកំពុងអនុវត្តផែនការឆ្លើយតបរួចហើយ។ […]
News & ព័ត៌មានថ្មីៗ & អន្តរជាតិ
UKRAINE-RUSSIA-CONFLICT-WAR-ECONOMY-TRANSPORT
ប្រធានកប៉ាល់រុស្ស៊ីត្រូវបានចោទប្រកាន់ពីបទដឹកជញ្ជូនគ្រាប់ធញ្ញជាតិអ៊ុយក្រែនដែលត្រូវបានលួចពីតំបន់កាន់កាប់
គៀវ៖ ប្រធានកប៉ាល់ដឹកទំនិញជនជាតិរុស្ស៊ីម្នាក់ ត្រូវបានតុលាការអ៊ុយក្រែន ចោទប្រកាន់ពីបទលួចដឹកជញ្ជូនគ្រាប់ធញ្ញជាតិរបស់កសិករអ៊ុយក្រែន ជាង៥៤ ០០០តោន ចេញពីតំបន់រុស្ស៊ីកំពុងកាន់កាប់។ នេះបើយោងតាមការិយាល័យអគ្គរដ្ឋអាជ្ញា និងភ្នាក់ងារសន្តិសុខអ៊ុយក្រែន ដែលបានប្រកាសអំពីរឿងនេះនៅថ្ងៃទី១៩ ខែតុលា ឆ្នាំ២០២៦។ ប្រធានកប៉ាល់រូបនេះត្រូវបានចោទប្រកាន់ពីបទរំលោភនីតិវិធីចេញចូលតំបន់ ដែលស្ថិតក្រោមការកាន់កាប់ ក្នុងចេតនាបំផ្លាញផលប្រយោជន៍របស់អ៊ុយក្រែន។ នេះជាលើកដំបូងហើយដែលការិយាល័យអគ្គរដ្ឋអាជ្ញាអ៊ុយក្រែន បានចាត់ទុកសកម្មភាពបែបនេះថា ជាករណីត្រូវចោទប្រកាន់ក្រោមបទ ឧក្រិដ្ឋកម្មសង្គ្រាម។ យោងតាមការស៊ើបអង្កេត បានឱ្យដឹងថា កប៉ាល់បានដឹកជញ្ជូនគ្រាប់ធញ្ញជាតិចំនួនពីរលើក ក្នុងអំឡុងឆ្នាំ២០២២ និងឆ្នាំ២០២៣ នៅពេលកងទ័ពរុស្ស៊ី បានរឹបអូសយកគ្រាប់ធញ្ញជាតិទាំងនោះពីកសិករអ៊ុយក្រែន នៅតំបន់គ្រីមៀ (Crimea)។ ការដឹកជញ្ជូនទាំងពីរលើកនេះ មានបរិមាណប្រហែល២៧ ០០០តោន ក្នុងមួយលើក។ កប៉ាល់បានចាកចេញពីទីក្រុងសេវ៉ាស្តូប៉ូល (Sevastopol) ដែលស្ថិតក្រោមការកាន់កាប់របស់រុស្ស៊ី ឆ្ពោះទៅកាន់កំពង់ក្នុងប្រទេសស៊ីរី។ យោងតាមសេចក្តីថ្លែងការណ៍របស់ភ្នាក់ងារសន្តិសុខអ៊ុយក្រែន បានឱ្យដឹងថា ប្រធានកប៉ាល់រូបនេះបានបញ្ជាពីមន្ត្រីជាន់ខ្ពស់រុស្ស៊ី ដែលការអនុវត្តតាមបញ្ជាទាំងនោះត្រូវបានរំលោភលើបទប្បញ្ញត្តិមួយចំនួននៃអនុសញ្ញាទីក្រុងហ្សឺណែវ ជាពិសេសការហាមឃាត់ការលួចប្លន់ទ្រព្យសម្បត្តិពីតំបន់ ដែលស្ថិតក្រោមការកាន់កាប់។ ការវាយប្រហារឥតឈប់ឈររបស់រុស្ស៊ីលើកំពង់ផែរបស់អ៊ុយក្រែន បានធ្វើឱ្យផលិតផលកសិកម្មអ៊ុយក្រែន ប្រមាណ៣២លានតោន ដែលមានតម្លៃប្រហែល១០ពាន់លានដុល្លារ ប្រឈមនឹងហានិភ័យ។ នេះបើយោងតាមក្រសួងកសិកម្មអ៊ុយក្រែន៕ (ផាន់ អាណា)
News & ព័ត៌មានថ្មីៗ & អន្តរជាតិ
A person tries to extinguish a tree fire with buckets of water w
ឥណ្ឌូណេស៊ីដាក់ទណ្ឌកម្មលើក្រុមហ៊ុន៣២ ពាក់ព័ន្ធនឹងភ្លើងឆេះព្រៃ និងទន្ទ្រានយកដី
ហ្សាការតា៖ ក្រសួងព្រៃឈើឥណ្ឌូណេស៊ី បានដាក់ទណ្ឌកម្មលើក្រុមហ៊ុនចំនួន៣២ ដែលពាក់ព័ន្ធនឹងករណីភ្លើងឆេះព្រៃ និងទន្ទ្រានយកដីធ្លី ដែលបណ្តាលឱ្យព្រៃឈើសរុបជិត១៣ ០០០ហិកតា រងការបំផ្លាញយ៉ាងធ្ងន់ធ្ងរ។ វិធានការដាក់ទណ្ឌកម្មទាំងនេះ រួមមានការព្យួរអាជ្ញាបណ្ណ ការតម្រូវឱ្យស្តារប្រព័ន្ធអេកូឡូស៊ីឡើងវិញ និងការដកហូតអាជ្ញាបណ្ណជាស្ថាពរ។ ទន្ទឹមនឹងនេះ អាជ្ញាធរក៏កំពុងបើកការស៊ើបអង្កេតបទព្រហ្មទណ្ឌលើក្រុមហ៊ុន និងបុគ្គល ដែលសង្ស័យថា មានជាប់ពាក់ព័ន្ធនឹងករណីភ្លើងឆេះព្រៃផងដែរ។ អគ្គនាយកនៃអគ្គនាយកដ្ឋានអនុវត្តច្បាប់ព្រៃឈើឥណ្ឌូណេស៊ី បានប្រកាសក្នុងសេចក្តីថ្លែងការណ៍មួយ កាលពីទី១៩ ខែតុលាថា ក្នុងចំណោមក្រុមហ៊ុនទាំង៣២ មានក្រុមហ៊ុនចំនួន១៩ ត្រូវបានព្យួរអាជ្ញាបណ្ណ និងតម្រូវឱ្យស្តារប្រព័ន្ធអេកូឡូស៊ីព្រៃឈើឡើងវិញលើផ្ទៃដី ដែលរងការឆេះចំនួន៩ ៥៤៦ហិកតា។ ក្រៅពីការដាក់ទណ្ឌកម្ម ក្រសួងព្រៃឈើឥណ្ឌូណេស៊ី ក៏កំពុងចាត់វិធានការលើបទល្មើសព្រហ្មទណ្ឌពាក់ព័ន្ធនឹងភ្លើងឆេះព្រៃ និងទន្ទ្រានយកដីធ្លី ដោយមានបុគ្គល និងក្រុមហ៊ុនសរុបចំនួន១២៥ ជាប់ពាក់ព័ន្ធក្នុងការស៊ើបអង្កេតនេះ។ ក្នុងនោះ មានសំណុំរឿងចំនួន៤៤ កំពុងស្ថិតក្នុងដំណាក់កាលស៊ើបអង្កេតបឋម ខណៈសំណុំរឿងចំនួន៧៩ ផ្សេងទៀត កំពុងស្ថិតក្នុងដំណាក់កាលស៊ើបអង្កេតផ្លូវការ។ ក្នុងចំណោមសំណុំរឿងដែលកំពុងស្ថិតក្នុងដំណាក់កាលស៊ើបអង្កេតផ្លូវការ មានបុគ្គលចំនួន១២នាក់ និងក្រុមហ៊ុនមួយ ត្រូវបានកំណត់ជាជនសង្ស័យជាផ្លូវការ។ លោករដ្ឋមន្ត្រីបានសង្កត់ធ្ងន់ថា ការដោះស្រាយបញ្ហាភ្លើងឆេះព្រៃ និងទន្ទ្រានយកដីធ្លី មិនមែនបញ្ចប់ត្រឹមការពន្លត់ភ្លើងនោះទេ ប៉ុន្តែត្រូវវែកមុខអ្នកទទួលខុសត្រូវចំពោះអគ្គិភ័យនៅក្នុងតំបន់ ដែលរដ្ឋបានផ្តល់សិទ្ធិធ្វើអាជីវកម្ម។ រដ្ឋាភិបាលឥណ្ឌូណេស៊ី ក៏កំពុងពិចារណាទាមទារសំណងចំពោះការខូចខាតព្រៃឈើផងដែរ ប្រសិនបើលទ្ធផលស៊ើបអង្កេតអាចបញ្ជាក់ពីមូលដ្ឋានច្បាប់សម្រាប់ការទទួលខុសត្រូវ ស្របតាមច្បាប់ជាធរមាន។ លោកបានបញ្ជាក់ថា […]
News & ព័ត៌មានថ្មីៗ & អន្តរជាតិ
basket-of-colorful-sweet-potatoes-on-wooden-table-2026-09-22-03-40-53-utc
កសិករជប៉ុន រួមគ្នាជំទាស់ផែនការនាំចូលដំឡូងបារាំងស្រស់ពីអាម៉េរិក ព្រោះខ្លាចឆ្លងជំងឺ
តូក្យូ៖ ក្រុមកសិករដាំដំឡូងបារាំងនៅខេត្តហុកកៃដូ (Hokkaido) ភាគខាងជើងប្រទេសជប៉ុន នៅក្នុងសប្តាហ៍នេះ បានជំទាស់នឹងសំណើពង្រីកការនាំចូលដំឡូងបារាំងស្រស់ពីសហរដ្ឋអាម៉េរិក ដោយពួកគាត់ចាត់ទុកថា ដំឡូងគ្រោងនាំចូលមកនេះមានផ្ទុកសត្វល្អិតចង្រៃ និងមានមេរោគបង្កជំងឺឆ្លង។ ការតវ៉ាជំទាស់របស់កសិករជប៉ុននេះ កើតបន្ទាប់ពីរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជប៉ុន លោក អារ៉ាតា តាកេបេ (Arata Takebe) បានលើកជាសំណើតាមការស្នើសុំពីសហរដ្ឋអាម៉េរិក អំពីការបង្កើនបរិមាណនាំចូលដំឡូងបារាំងស្រស់ចូលទីផ្សារប្រទេសជប៉ុន។ ខេត្តហុកកៃដូ ជាតំបន់ផលិតដំឡូងបារាំងដ៏សំខាន់របស់ប្រទេសជប៉ុន ដែលរួមចំណែកប្រមាណ៨០ភាគរយនៃបរិមាណដំឡូងបារាំងប្រមូលផលសរុបក្នុងប្រទេស។ បច្ចុប្បន្ន រដ្ឋាភិបាលជប៉ុន ដាក់កម្រិតលើការនាំចូលដំឡូងបារាំងស្រស់ពីបរទេស លើកលែងតែដំឡូងបារាំងឆ្អិនស្រាប់។  កាលពីឆ្នាំ២០២៥ សហរដ្ឋអាម៉េរិកបាននាំចេញដំឡូងបារាំង និងផលិតផលកែច្នៃពីដំឡូងបារាំងទៅប្រទេសជប៉ុនក្នុងទំហំទឹកប្រាក់ជាង៥៦៥លានដុល្លារ។ សមាជិកសភាអាម៉េរិកប៉ាន់ប្រមាណថា ការពង្រីកលទ្ធភាពនាំចូលដំឡូងបារាំងទៅកាន់ទីផ្សារជប៉ុន អាចបង្កើនប្រាក់ចំណូលបន្ថែមពីការនាំចេញប្រមាណ១៥០លានដុល្លារ ក្នុងមួយឆ្នាំ។ កាលពីពេលថ្មីៗកន្លងមកនេះ ក្រសួងកសិកម្ម រុក្ខាប្រមាញ់ និងនេសាទ ប្រទេសជប៉ុនបានរកឃើញសត្វល្អិតចង្រៃ និងភ្នាក់ងារបង្កជំងឺលើដំឡូងបារាំងចំនួន២១ប្រភេទ ដែលតម្រូវឱ្យមានវិធានការធ្វើចត្តាឡីស័កបន្ថែម ប្រសិនបើអនុញ្ញាតឱ្យនាំចូលដំឡូងបារាំងពីអាម៉េរិក។ យ៉ាងហោចណាស់ រដ្ឋបាលមូលដ្ឋានចំនួន៥០ ក្នុងចំណោម១៧៩ក្រុង ស្រុក និងឃុំ នៅក្នុងខេត្តហុកកៃដូ បានចេញមុខជំទាស់ចំពោះសំណើសុំបង្កើនការនាំចូលដំឡូងបារាំងអាម៉េរិក។ លោករដ្ឋមន្ត្រីបានបញ្ជាក់ថា ការចរចានឹងធ្វើឡើងស្របតាមកិច្ចព្រមព្រៀង ស្តីពីវិធានការអនាម័យ និងភូតគាមអនាម័យរបស់អង្គការពាណិជ្ជកម្មពិភពលោក។ លោកបានមានប្រសាសន៍ដូច្នេះថា […]
News & ព័ត៌មានថ្មីៗ & អន្តរជាតិ
Piece of pork on a butcher stall
តម្លៃក្នុងស្រុកធ្លាក់ចុះពេក ហ្វីលីពីន គិតផ្អាកនាំចូលសាច់ជ្រូករយៈពេលពីរខែសិន
ម៉ានីល៖ ក្រសួងកសិកម្មហ្វីលីពីនកំពុងពិចារណាផ្អាកការចេញលិខិតអនុញ្ញាតឱ្យនាំចូលសាច់ជ្រូកសម្រាប់រយៈពេលពីរខែសិន ដើម្បីកាត់បន្ថយបរិមាណសាច់ជ្រូកបរទេស​ ដែលធ្វើឱ្យតម្លៃក្នុងស្រុកធ្លាក់ចុះខ្លាំងពេក។ រដ្ឋមន្ត្រីក្រសួងកសិកម្ម លោក ហ្វ្រែនស៊ីស្កូ ធៀវ ឡូរ៉ែល (Francisco Tiu Laurel) បានឱ្យដឹងថា ក្រសួងកំពុងសិក្សាលទ្ធភាពផ្អាកការចេញលិខិតអនុញ្ញាតនាំចូល ដោយផ្អែកលើបញ្ហាអនាម័យ និងភូតគាមអនាម័យ សម្រាប់សាច់ជ្រូកនាំចូល ដើម្បីការពារផលប្រយោជន៍កសិករចិញ្ចឹមជ្រូករបស់ប្រទេសហ្វីលីពីន។ លិខិតអនុញ្ញាត គឺជាឯកសារចាំបាច់សម្រាប់ការនាំចូលផលិតផលកសិកម្មចូលប្រទេសហ្វីលីពីន ដើម្បីបញ្ជាក់ពីការអនុលោមតាមលក្ខខណ្ឌសុវត្ថិភាព និងអនាម័យ។ ការផ្អាកចេញលិខិតអនុញ្ញាតនេះ នឹងធ្វើឱ្យការនាំចូលផលិតផលសាច់ជ្រូក ដែលស្ថិតក្រោមវិធានការនេះ ត្រូវផ្អាកជាបណ្តោះអាសន្ន ដែលអាចចាប់ផ្តើមអនុវត្តនៅថ្ងៃទី១០ ខែវិច្ឆិកា ឆ្នាំ២០២៦។ ទោះបីការផ្អាកនេះអាចអូសបន្លាយរហូតដល់រដូវបុណ្យណូអែល នៅចុងឆ្នាំ២០២៦ក៏ដោយ លោករដ្ឋមន្ត្រីបានបញ្ជាក់ថា មិនត្រូវព្រួយបារម្ភអំពីកង្វះខាតសាច់ជ្រូកនោះទេ ដោយសារប្រទេសហ្វីលីពីនបច្ចុប្បន្នមានសាច់ជ្រូកស្តុកទុកគ្រប់គ្រាន់សម្រាប់ការប្រើប្រាស់រយៈពេល១៧០ថ្ងៃ។ យោងតាមលោក ហ្វ្រែនស៊ីស្កូ ធៀវ ឡូរ៉ែល ក្រសួងកសិកម្មអាចដាក់ចេញវិធានការការពារពាណិជ្ជកម្ម ដូចជាការដំឡើងពន្ធគយ និងការកំណត់បរិមាណនាំចូលបាន លុះត្រាតែបរិមាណសាច់ជ្រូកនាំចូល។ ទិន្នន័យពីការិយាល័យឧស្សាហកម្មសត្វ របស់ហ្វីលីពីន បង្ហាញថា គិតត្រឹមដំណាច់ខែសីហា ឆ្នាំ២០២៦ បរិមាណសាច់ជ្រូកនាំចូលពីបរទេសបានកើនឡើងជិតដល់៦០ម៉ឺនតោន បើធៀបនឹងបរិមាណជាង៥៧ម៉ឺនតោន ក្នុងរយៈពេលដូចគ្នា កាលពីឆ្នាំមុន។ លោករដ្ឋមន្ត្រីបានថ្លែងបញ្ជាក់ថា «ដូច្នេះ យើងកំពុងពិចារណារកវិធីសាស្ត្រថ្មីមួយ។ ប៉ុន្តែសាររបស់យើងទៅកាន់អ្នកចិញ្ចឹមជ្រូក […]
News & ព័ត៌មានថ្មីៗ & អន្តរជាតិ
f384f37d-3743-49fe-a9d1-706f3231d57e
ភូមា សម្លឹងរកឱកាសពង្រីកការនាំចេញកាហ្វេទៅកាន់ទីផ្សារចិន
ប៉េកាំង៖ ប្រធានសមាគមកាហ្វេភូមា បានមានប្រសាសន៍ថា ចិនគឺជាទីផ្សារនាំចេញកាហ្វេធំបំផុតរបស់ភូមា ខណៈបរិមាណកាហ្វេនាំចេញទៅកាន់ទីផ្សារប្រទេសជិតខាង ត្រូវបានប៉ាន់ប្រមាណថា មានចន្លោះពី៣ ០០០ ទៅ៤ ០០០ តោនក្នុងមួយឆ្នាំ។ លោកបានបញ្ជាក់ថា កិច្ចសហប្រតិបត្តិការក្នុងវិស័យកាហ្វេរវាងចិន និងភូមា បានពង្រឹងកាន់តែខ្លាំងក្នុងរយៈពេលប៉ុន្មានឆ្នាំចុងក្រោយនេះ។ ជាពិសេស នៅខេត្តយូណាន ស្ថិតនៅភាគនិរតីប្រទេសចិន ដែលជាតំបន់ផលិតកាហ្វេដ៏សំខាន់មួយរបស់ចិន បានក្លាយជាដៃគូដ៏សំខាន់សម្រាប់ឧស្សាហកម្មកាហ្វេភូមា។ សមាគមកាហ្វេភូមា បានចុះហត្ថលេខាលើអនុស្សរណៈនៃការយោគយល់គ្នា ជាមួយសាលាបណ្តុះបណ្តាលជំនាញកាហ្វេ សមាគម និងសភាពាណិជ្ជកម្មនានា នៅខេត្តយូណាន។ សមាគមក៏បានចូលរួមពិព័រណ៍កាហ្វេ និងកម្មវិធីផ្លាស់ប្តូរចំណេះដឹង ដើម្បីស្វែងយល់បន្ថែមអំពីឧស្សាហកម្មកាហ្វេរបស់ចិនផងដែរ។ លោកប្រធានសមាគមកាហ្វេភូមា បានមានប្រសាសន៍ថា ចិនអាចក្លាយជាទីផ្សារកាហ្វេដ៏ធំមួយក្នុងរយៈពេល១០ឆ្នាំទៀត ដែលនឹងបង្កើតឱកាសឱ្យភូមាទទួលបានផលប្រយោជន៍ពីការពង្រឹងទំនាក់ទំនងពាណិជ្ជកម្ម និងការកើនឡើងនៃតម្រូវការអ្នកប្រើប្រាស់កាហ្វេភូមា។ ផលិតកម្មកាហ្វេនៅភូមា ប្រមូលផ្តុំជាចម្បងនៅរដ្ឋសាន និងតំបន់ម៉ាន់ដាឡេ។ កសិករដាំដុះកាហ្វេពូជ អារ៉ាប៊ីកា (Arabica) នៅតំបន់ខ្ពង់រាប និងកាហ្វេពូជ រ៉ូប៊ូស្តា (Robusta) នៅតំបន់ដែលមានរយៈកម្ពស់ទាបជាង។ លោកបានបញ្ជាក់ថា លក្ខខណ្ឌអាកាសធាតុ និងបរិស្ថានដាំដុះអំណោយផលរបស់ភូមា បានផ្តល់សក្តានុពលក្នុងការផលិតកាហ្វេមានគុណភាពខ្ពស់ សម្រាប់ទាំងការប្រើប្រាស់ក្នុងស្រុក និងការនាំចេញទៅកាន់ទីផ្សារអន្តរជាតិ។ លោកបានបន្ថែមថា ឧស្សាហកម្មកាហ្វេរបស់ភូមា បានរីកចម្រើនយ៉ាងឆាប់រហ័ស និងមានការទទួលស្គាល់កាន់តែច្រើនក្នុងប៉ុន្មានឆ្នាំកន្លងមកនេះ។ […]
News & ព័ត៌មានថ្មីៗ & អន្តរជាតិ
HD 3 (2)
ហ្វីលីពីនព្រមានប្រជាពលរដ្ឋកុំឱ្យទិញ និងទទួលទានសូកូឡារសជាតិទុរេន
ម៉ានីល៖ ហ្វីលីពីន បានហាមឃាត់​ប្រជាជន​របស់ខ្លួន មិនឱ្យទិញ និង​ទទួលទាន​សូកូឡារសជាតិទុរេនឡើយ ដោយសារតែផលិតផលនេះមានលក់ ដោយមិនទាន់បានឆ្លងកាត់ការត្រួតពិនិត្យគុណភាព និងសុវត្ថិភាព។ រដ្ឋបាលរដ្ឋបាលចំណីអាហារ និងឱសថហ្វីលីពីន បានបញ្ជាក់ថា តាមរយៈការត្រួតពិនិត្យតាមប្រព័ន្ធអនឡាញ និងការឃ្លាំមើលផលិតផលក្រោយពេលដាក់លក់នៅលើទីផ្សារ ស្ថាប័ននេះបានរកឃើញថា ផលិតផលចំណីអាហារ ឬអាហារបំប៉នមួយនេះមិន​បានចុះបញ្ជីឡើយ ហើយក៏មិនទាន់ទទួលបានវិញ្ញាបនបត្រចុះបញ្ជីផលិតផលផងដែរ។ យោងតាមច្បប់ហ្វីលីពីន ស្តីពីចំណីអាហារ និងឱសថ ឆ្នាំ២០០៩ បានចែងថា ការផលិត ការនាំចូល ការនាំចេញ ការលក់ ការតាំងបង្ហាញ​ ការចែកចាយ ការផ្ទេរ ការប្រើប្រាស់ ការផ្សព្វផ្សាយ ផលិតផលសុខភាព ដោយគ្មានការអនុញ្ញាតត្រឹមត្រូវ គឺជាសកម្មភាពត្រូវបានហាមឃាត់។ ដោយសារផលិតផលចំណីអាហារ និងអាហារបំប៉នដែលមិនបានចុះបញ្ជីទាំងនេះ មិនទាន់បានឆ្លងកាត់ដំណើរការវាយតម្លៃរបស់រដ្ឋបាលចំណីអាហារ និងឱសថហ្វីលីពីន ស្ថាប័ននេះមិនអាចធានាបានអំពីគុណភាព និងសុវត្ថិភាពរបស់ផលិតផលទាំងនោះឡើយ។ ស្ថាប័នមានសមត្ថកិច្ចត្រូវបានស្នើឱ្យធានាថា ផលិតផលនេះមិនត្រូវបានដាក់លក់ ឬផ្គត់ផ្គង់នៅក្នុងដែនសមត្ថកិច្ចរបស់ខ្លួនឡើយ។ ជាមួយគ្នានេះ ការិយាល័យគយហ្វីលីពីន ក៏ត្រូវបានស្នើឱ្យទប់ស្កាត់ការនាំចូល ឬនាំចេញផលិតផលនេះ ព្រមទាំងផលិតផលចំណីអាហារផ្សេងទៀតដែលមិនបានចុះបញ្ជី៕ (ផាន់ អាណា)
News & ជាតិ & ព័ត៌មានថ្មីៗ
photo_2026-09-11_17-50-49 (3)
ARDB រួមចំណែកជំរុញការនាំចេញស្រូវអង្ករ រហូតបំបែកកំណត់ត្រាជាប្រវត្តិសាស្ត្រ នូវបរិមាណជាង១លានតោន នៅឆ្នាំ២០២៦
ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជន​បទ​ និងកសិកម្ម បានបញ្ជាក់ថា ធនាគារ ARDB គឺជាធនាគារអនុវត្តគោលនយោបាយ នៅពេលរាជរដ្ឋាភិបាលដាក់ចេញនូវគោលនយោបាយណាមួយ ធនាគារត្រូវតែរត់ទៅតាមគោលនយោ​បាយ​នេះ ហើយត្រូវផ្ដល់​ហិរញ្ញប្បទាន ដើម្បីអនុវត្តគោលនយោបាយឱ្យទទួលបានជោគជ័យ។ ឯកឧត្តមបណ្ឌិតប្រតិភូ បានលើកឡើងដូច្នេះថា​ «​ARDB ចូលរួមជ្រោមជ្រែងតាំងពីឆ្នាំ២០១០រហូតមក កាលលើកមុន Portfolio របស់ ARDB សឹងតែ៨០ភាគរយ ទៅលើស្រូវអង្ករ ក្រោយមកមានកំណែទម្រង់ ដោយយើងធ្វើពិពិធកម្មទៅលើវិស័យផ្សេង ដែលមានការចញ្ចឹមសត្វ ត្រី ការដាំបន្លែ»។ ឯកឧត្តមបណ្ឌិត កៅ ថាច បានបន្ថែមទៀតថា «យើងមិនមែនត្រឹមតែផ្ដល់ហិរញ្ញប្បទានទេ គឺមានការថែទាំ ទាំងជំនួយស្មារតី ទាំងបច្ចេសទេស ផ្ដល់យោបល់ ជាពិសេសក្នុងឆ្នាំ២០១៦ ពេលដែលស្រូវធ្លាក់ថ្លៃខ្លាំង ARDB ក៏បានចូលរួមវាយតម្លៃពីមូលហេតុនៃការធ្លាក់តម្លៃ ដែលនាំឱ្យរដ្ឋាភិបាលទម្លាក់ទុន សាងសង់ឡសម្ងួតស្រូវជាដើម ដែលធ្វើឱ្យវិស័យស្រូវអង្កកើនឡើងនៅតាមបណ្ដារោងង​ម៉ាស៊ីន​»។ នៅក្នុងឆ្នាំ២០២៦នេះ ប្រទេសកម្ពុជាបានបំបែកកំណត់ត្រាជាប្រវត្តិសាស្ត្រ ក្នុងការនាំចេញអង្ករជាង១លានតោន ទៅ​កាន់​គោលដៅទីផ្សារអន្តរជាតិ ​​និងជាការបំបែកកំណត់ត្រាឆ្នាំចាស់ដោយជោគជ័យ និងជាសមិទ្ធផលដ៏ត្រចះត្រចង់សម្រាប់ជាតិ និងវិស័យកសិកម្មនៅកម្ពុជា។ ទីផ្សារអង្កររបស់កម្ពុជា មានបណ្ដាប្រទេសនៅទ្វីបអឺរ៉ុប ចិន […]
News & ព័ត៌មានថ្មីៗ & អន្តរជាតិ
image_2026-10-22_13-13-03
វៀតណាមបង្ក្រាបបណ្តាញលក់សាច់ជ្រូកងាប់ដោយជំងឺ រឹបអូសសាច់ជិត៤០០តោន
ហាណូយ៖ នគរបាលវៀតណាម ក្នុងខេត្តដុងណៃ (Dong Nai) កាលពីថ្ងៃទី២១ ខែតុលា ឆ្នាំ២០២៦ បានផ្សព្វផ្សាយថា បានបង្ក្រាបបណ្តាញផ្គត់ផ្គង់សាច់ជ្រូកដ៏ធំមួយ ដែលសង្ស័យថា បានលក់សាច់ចែកចាយសាច់ជ្រូកងាប់ដោយសារជំងឺឆ្លង ព្រមទាំងរឹបអូសបានសាច់ជ្រូកជិត៤០០តោន។ នគរបាលខេត្តដុងណៃ ដែលមានព្រំប្រទល់ជាប់ខេត្តក្រចេះ និងខេត្តត្បូងឃ្មុំរបស់កម្ពុជា បានឱ្យដឹងថា ក្រុមស៊ើបអង្កេតបានរកឃើញបណ្តាញឈ្មួញទុច្ចរិតនេះនៅដើមខែកញ្ញា ឆ្នាំ២០២៦នេះ ដោយកំណត់អត្តសញ្ញាណសកម្មភាពជួញដូរ ទីតាំងកុងស៊ីកាប់ជ្រូក និងរក្សាទុកសាច់ជ្រូកងាប់ ព្រមទាំងចាប់ខ្លួនមនុស្សជិត១០នាក់ថែមទៀត។ នៅដើមខែតុលា មន្ត្រីនគរបាលបានឆ្មក់ចូលឆែកឆេរទីតាំង៥កន្លែង ដែលជាប់ពាក់ព័ន្ធនឹងបណ្តាញនេះ រួមមានទីតាំងប្រមូលទិញ កុងស៊ីកាប់ជ្រូក រោងចក្រផលិតសាច់កែច្នៃសាច់ជ្រូក និងតូបលក់សាច់ជ្រូក នៅក្បែរសាលាខេត្តដុងណៃតែម្តង។ លទ្ធផលស៊ើបអង្កេតបឋមបានរកឃើញថា ចាប់តាំងពីឆ្នាំ២០២៤ រហូតមក ក្រុមឈ្មួញទុច្ចរិតទាំងនេះបានប្រមូលទិញជ្រូកឈឺ និងជ្រូកងាប់ពីឈ្មួញកណ្តាល និងពីទីតាំងប្រមូលទិញជ្រូកនានា ហើយបានលក់សាច់ដោយផ្ទាល់ទៅឱ្យអ្នកបរិភគ ឬផ្គត់ផ្គង់ទៅឱ្យអាជីវកម្មផលិតសាច់ក្រកជ្រូកនៅក្នុងប្រទេសវៀតណាម។ នគរបាលបានប៉ាន់ប្រមាណថា ចាប់ពីឆ្នាំ២០២៤ រហូតដល់ខែតុលា ឆ្នាំ២០២៦ ក្រុមនេះបានជួញដូរ និងលក់ចែកចាយសាច់ជ្រូកឈឺ និងជ្រូកងាប់ដោយជំងឺជិត៤០០តោន ដោយទទួលបានប្រាក់ចំណេញខុសច្បាប់ជិត១លានដុល្លារ។ បច្ចុប្បន្ន ជនសង្ស័យទាំងអស់ត្រូវបានចោទប្រកាន់ និងឃុំខ្លួនបណ្តោះអាសន្ន ដើម្បីរង់ចាំថ្ងៃកាត់ទោសពីតុលាការវៀតណាម ពាក់ព័ន្ធនឹងការរំលោភច្បាប់ព្រហ្មទណ្ឌវៀតណាម ស្តីពីសុវត្ថិភាពចំណីអាហារ។ ករណីដូចគ្នានេះ កាលពីចុងឆ្នាំ២០២៥ […]

កាលវិភាគផ្សព្វផ្សាយ