អន្តរជាតិ

ប៉េកាំង៖ ប្រធានាធិបតីចិន លោក ស៊ី ជីនភីង (Xi Jinping) បានយកចិត្តទុកដាក់លើការផ្តល់អាទិភាពដល់ការអភិរក្សប្រព័ន្ធអេកូឡូស៊ី និងការជំរុញការអភិវឌ្ឍបៃតង នៅក្នុងប្រទេសចិន ដើម្បីនិរន្តរភាពផ្នែកបរិស្ថាន។ លោកប្រធានាធិបតីចិន បានលើកឡើងដូច្នេះ ក្នុងឱកាសពិនិត្យការងារនៅទីក្រុងអ៊ូឡានឆាប (Ulanqab) ក្នុងតំបន់ស្វយ័តម៉ុងហ្គោលីខាងក្នុង ស្ថិតនីភាគខាងជើងប្រទេសចិន កាលពីថ្ងៃទី១៦ ខែតុលា ឆ្នាំ២០២៦។ បឹងហួងឈីហៃ (Huangqihai) ដែលស្ថិតនៅទីក្រុងអ៊ូឡានឆាប ធ្លាប់ប្រឈមនឹងការរីងស្ងួតស្ទើរទាំងស្រុង ក្នុងដំណើរពិនិត្យមើលនេះ លោក ស៊ី ជីនភីង បានទៅទស្សនាតំបន់អភិរក្សធម្មជាតិបឹងធម្មជាតិដ៏ធំមួយ​ដោយស្តាប់របាយការណ៍ស្តីពីកិច្ចខិតខំប្រឹងប្រែងរបស់ថ្នាក់ដឹកនាំតំបន់ម៉ុងហ្គោលីខាងក្នុង ក្នុងការពង្រឹងការអភិរក្សប្រព័ន្ធអេកូឡូស៊ី។ លោកក៏បានពិនិត្យមើលតំបន់មាត់បឹង និងតំបន់ដីល្បាប់  ព្រមទាំងសង្កេតមើលសត្វស្លាបដ៏សម្បុរបែប ដែលរស់នៅក្នុងតំបន់នោះផងដែរ។ លោក ស៊ី ជីនភីង បានសង្កត់ធ្ងន់ថា ចាំបាច់ត្រូវអនុវត្តឱ្យបានពេញលេញនូវច្បាប់ ស្តីពីការការពារតំបន់ដីសើមរបស់ប្រទេសចិន ប្រកាន់ខ្ជាប់យ៉ាងម៉ឺងម៉ាត់នូវខ្សែបន្ទាត់ក្រហមសម្រាប់ការការពារប្រព័ន្ធអេកូឡូស៊ី និងថែរក្សាជីវចម្រុះ។ ចំពោះប្រព័ន្ធអេកូឡូស៊ីតំបន់ដីសើម ដែលរងការខូចខាត លោកបានអំពាវនាវឱ្យផ្តល់អាទិភាពដល់ការស្តារឡើងវិញតាមបែបធម្មជាតិ ព្រមទាំងធានាថា ការស្តារបរិស្ថានត្រូវអនុវត្តដោយផ្អែកលើមូលដ្ឋានវិទ្យាសាស្ត្រ និងវិធីសាស្ត្រសមស្រប។ បន្ទាប់មក លោកប្រធានាធិបតី បានទៅទស្សនាតំបន់អភិវឌ្ឍន៍បច្ចេកវិទ្យាជាន់ខ្ពស់ ក្នុងទីក្រុងអ៊ូឡានឆាប ដើម្បីស្វែងយល់អំពីវឌ្ឍនភាពរបស់តំបន់ម៉ុងហ្គោលីខាងក្នុង ក្នុងការសាងសង់មជ្ឈមណ្ឌលដ៏សំខាន់មួយ និងការអភិវឌ្ឍឧស្សាហកម្មបៃតង។ […]

បាលី៖ រដ្ឋមន្ត្រីកិច្ចការសមុទ្រ និងនេសាទឥណ្ឌូណេស៊ី លោក សាកទី វ៉ះយូ ត្រឹងហ្គូណូ (Sakti Wahyu Trenggono) បានមានប្រសាសន៍ថា ទីតាំងនេះត្រូវបានរៀបចំឡើង មិនត្រឹមតែជាមជ្ឈមណ្ឌលសម្រាប់វិស័យនេសាទបែបពាណិជ្ជកម្មប៉ុណ្ណោះទេ ប៉ុន្តែថែមទាំងគាំទ្រដល់វិស័យឧស្សាហកម្ម និងទេសចរណ៍របស់កោះបាលីផងដែរ។ លោករដ្ឋមន្ត្រីបានមានប្រសាសន៍ក្នុងពិធីបញ្ចុះបឋមសិលាំ បើកការដ្ឋានសាងសង់គម្រោងនៅកោះបាលី កាលពីថ្ងៃទី ២៩ ខែកញ្ញា ឆ្នាំ២០២៦ថា ថវិកាបញ្ចេញនៅពេលនេះ មិនតិចជាង១,២ទ្រីលានរូពីឥណ្ឌូណេស៊ីស ឬស្មើនឹងជាង៦៦លានដុល្លារទេ ដើម្បីធ្វើឱ្យកំពង់ផែកាន់តែទំនើប និងមានការរៀបចំយ៉ាងល្អប្រសើរជាងមុន​។ លោកបានសង្កត់ធ្ងន់ថា គម្រោងដ៏ទំហំធំបែបនេះ ត្រូវការថវិកាឱ្យច្រើនគ្រប់គ្រាន់ និងមានលក្ខណៈទូលំទូលាយ មិនមែនអភិវឌ្ឍជាដំណាក់កាលតូចៗដាច់ដោយឡែកពីគ្នានោះទេ ដើម្បីធានាថា ហេដ្ឋារចនាសម្ព័ន្ធ និងសំណង់ទាំងអស់អាចដំណើរការរួមគ្នាបានយ៉ាងរលូន។ លោកបាននិយាយថា «ខ្ញុំមិនចង់ឱ្យថវិកាអភិវឌ្ឍកំពង់ផែមានត្រឹម៥០០ពាន់លានរូពី ឬជិត២៨លានដុល្លារ ហើយបន្ថែម៦០០ពាន់លានរូពី ឬជាង៣៣លានដុល្លារនោះទេ។ ខ្ញុំចង់សាងសង់វាឱ្យបានរួចរាល់តែម្តង ហើយយើងចង់ឱ្យមានប្រព័ន្ធច្របាច់បញ្ចូលគ្នាច្បាស់លាស់»។ លោកបានពន្យល់ថា តំបន់នេះត្រូវបានជ្រើសរើសសម្រាប់ការពង្រីកកំពង់ផែជាទ្រង់ទ្រាយធំ ដោយសារកំពង់ផែ ដែលជាច្រកផ្លូវសមុទ្រដ៏សំខាន់របស់កោះបាលីភាគខាងត្បូង។ រដ្ឋាភិបាលឥណ្ឌូណេស៊ី បានជ្រើសរើទីតាំងកំពង់ផែនេសាទបែបពាណិជ្ជកម្ម ដោយយកគំរូប្លង់កំពង់ផែទំនើបៗ ដូចជាកំពង់ផែនេសាទអន្តរជាតិ នៅអូស្ត្រាលី ជប៉ុន តួកគី អេស្ប៉ាញ និងតំបន់ផ្សេងៗក្នុងទ្វីបអឺរ៉ុប។ ក្រៅពីការជំរុញវិស័យជលផលរបស់ឥណ្ឌូណេស៊ី […]

ញូវដែលី៖ ការខ្វះទឹកភ្លៀងនៅទូទាំងប្រទេសឥណ្ឌា ធ្វើឱ្យស្ថានភាពគ្រោះរាំងស្ងួតកាន់តែធ្ងន់ធ្ងរនៅតាមរដ្ឋមួយចំនួន ហើយចោទជាសំណួរថា តើការវិនិយោគលើការអភិរក្សទឹកអស់ជាច្រើនទសវត្សរ៍កន្លងមក បានបង្កើតសមត្ថភាពទប់ទល់នឹងគ្រោះរាំងស្ងួតប្រកបដោយប្រសិទ្ធភាពពិតប្រាកដហើយឬនៅ។ នៅថ្ងៃទី២៩ ខែកញ្ញា ឆ្នាំ២០២៦ នៅពេលបរិមាណទឹកភ្លៀងរដូវមូសុងទូទាំងប្រទេសឥណ្ឌាចុះខ្សោយប្រមាណ១២ភាគរយ ប៉ុន្តែរដ្ឋមន្ត្រីក្រសួងកសិកម្មសហព័ន្ធឥណ្ឌា បានថ្លែងថា មិនមានវិបត្តិធំដុំនៅកម្រិតថ្នាក់ជាតិទេ ទោះជាលោកទទួលស្គាល់ថា តំបន់មួយចំនួនកំពុងជួបប្រទះបញ្ហាគ្រោះរាំងស្ងួតក៏ដោយ។ ប៉ុន្តែ នៅតាមរដ្ឋមួយចំនួនផ្សេងទៀត ស្ថានភាពជាក់ស្តែងមានសភាពធ្ងន់ធ្ងរជាងនេះឆ្ងាយ ណាស់ ដោយសារគ្មានភ្លៀងយូរពេក ធ្វើឱ្យសំណើមក្នុងដីថយចុះ និងធ្វើឱ្យដំណាំខូច។ បញ្ហាទាំងនេះបានជំរុញឱ្យមានការប្រកាសជាផ្លូវការថា ពិតជាមានគ្រោះរាំងស្ងួត ចាប់តាំងពីចុងខែសីហាមក។ បញ្ហាខ្វះទឹកភ្លៀងនៅទូទាំងប្រទេសឥណ្ឌា នាឆ្នាំ២០២៦នេះ មានកម្រិតទាបជាងបណ្ដា​ឆ្នាំ ដែលឥណ្ឌាធ្លាប់ជួបគ្រោះរាំងស្ងួតដ៏អាក្រក់បែបនេះ។ នៅឆ្នាំ១៩៨៧ និងឆ្នាំ២០០២ បរិមាណទឹកភ្លៀងរដូវមូសុងវស្សា បានធ្លាក់ចុះទាបជាងកម្រិតធម្មតា១៩ភាគករយ ក្នុងឆ្នាំនីមួយៗ។ ទោះជាយ៉ាងណា នៅឆ្នាំ២០២៦នេះ ស្ថានភាពគ្រោះរាំងស្ងួតធ្ងន់ធ្ងរ បានកើតឡើងនៅតំបន់មួយចំនួននៃរដ្ឋជាច្រើន ទោះបីកម្រិតទឹកភ្លៀងជាមធ្យម នៅទូទាំងប្រទេស បានធ្លាក់ចុះត្រឹមប្រមាណ១៣ភាគរយក៏ដោយ។ គិតត្រឹមសប្ដាហ៍នេះ ស្ថានភាពគ្រោះរាំងស្ងួតនៅតែបន្តកើតមាននៅតំបន់មួយចំនួននៃរដ្ឋមហារាស្ត្រ​ រដ្ឋកាណាតាកា រដ្ឋរាជស្ថាន រដ្ឋអន្តរប្រទេស និងរដ្ឋតេឡាន់ហ្គាណា។ យោងតាមប្រព័ន្ធតាមដានគ្រោះរាំងស្ងួតរបស់ឥណ្ឌា បានឱ្យដឹងថា ផ្ទៃដីជាង៧០ភាគរយ កំពុងស្ថិតក្នុងស្ថានភាពស្ងួតហួតហែង។ រហូតមកដល់ពេលនេះ មានសេចក្តីការរាយការណ៍ថា រដ្ឋចំនួនបីបានប្រកាសអំពីគ្រោះរាំងស្ងួតជាផ្លូវការ រួមមាន […]

បាងកក៖ គ្រោះទឹកជំនន់ដ៏ធ្ងន់ធ្ងរនៅក្នុងសប្តាហ៍មុន បានធ្វើឱ្យថៃខាតបង់ផ្នែកសេដ្ឋកិច្ចរាប់ពាន់លានដុល្លារ ព្រោះសហគ្រាស រោងចក្រ​ កសិដ្ឋានចិញ្ចឹមសត្វ និងចម្ការដំណាំ ត្រូវទឹកជន់លិចយ៉ាងជ្រៅ។ គិតត្រឹមថ្ងៃទី៩ ខែតុលា ឆ្នាំ២០២៦នេះ​សារព័ត៌មានរបស់ថៃ បានចេញផ្សាយទិន្នន័យបឋមនៃទំហំផ្ទៃដីដាំដំណាំ​ ដែលរងផលប៉ះពាល់ដោយគ្រោះទឹកជំនន់នៅក្នុងប្រទេសថៃ​ យ៉ាងហោចណាស់មានទំហំជិត២៨ម៉ឺនហិកតា នៅក្នុង៤៩ខេត្ត ធ្វើឱ្យខាតបង់ក្នុងខ្សែសង្វាក់កសិកម្មថៃ ​ប្រមាណ២ពាន់លានដុល្លារ។ នៅខេត្តចន្ទបុរី ដែលជាតំបន់ផលិតទុរេនសំខាន់មួយរបស់ថៃ មានផ្ទៃដីសរុបជាង៣ ២០០ហិកតា ត្រូវទឹកជំនន់ជន់លិចងាប់ដើមទុរេនអស់រាប់ពាន់ដើម។ តាមសេចក្តីរាយការណ៍នានា បានឱ្យដឹងថា ដើមទុរេនភាគច្រើនមានអាយុយ៉ាងហោចណាស់៥ឆ្នាំ និងកំពុងតែឱ្យផល។ កសិករដាំទុរេនម្នាក់ នៅខេត្តសាមុតសុងក្រាម កាលពីថ្ងៃទី៨ ខែតុលា ឆ្នាំ២០២៦ថា ដើមទុរេនរបស់គាត់ជិត៥០០ដើម ត្រូវលង់ទឹកងាប់ស្តើរអស់ ដោយនៅសល់ត្រឹមតែជាង២០ដើមប៉ុណ្ណោះ បន្ទាប់ពីទឹកជំនន់បានលិចចម្ការរបស់គាត់អស់រយៈពេលជិត១០ថ្ងៃកន្លងមកហើយ។ កសិកររូបនេះបានឱ្យដឹងថា ទឹកជំនន់បានចាប់ផ្ដើមហូរចូលចម្ការរបស់លោកនៅថ្ងៃទី២៧ ខែកញ្ញា ហើយបន្តកើនឡើងជាលំដាប់រហូតដល់ចុងដើមទុរេនតែម្តង។ ចំណែកដំណាំល្ហុងឆាប់ងាប់ជាងគេ បន្ទាប់មកដើមទុរេន និងដើមក្រូចថ្លុង ក៏ចាប់ផ្ដើមមានស្លឹកពណ៌លឿង និងជ្រុះស្លឹក មុននឹងស្វិតងាប់បន្តិចម្ដងៗ។ លោកបាននិយាយថា បញ្ហាធំបំផុត គឺកម្ពស់ទឹកនៅក្នុងចម្ការនៅតែខ្ពស់ដដែល ទោះបីទឹកជំនន់នៅតំបន់ក្បែរនោះ បានចាប់ផ្ដើមស្រកចុះក៏ដោយ។ ក្នុងចំណោមខេត្តរងគ្រោះដោយទឹកជំនន់ទាំង៤៩ខេត្ត មានខេត្តសមុទ្រសុងក្រាម​ សមុទ្រសាខន​ សមុទ្រប្រកាន ចន្ទបុរី […]

ហ្សាការតា៖ រដ្ឋមន្ត្រីពាណិជ្ជកម្មឥណ្ឌូណេស៊ី លោក ប៊ូឌី​ សាន់តូសូ (Budi Santoso) បានជំរុញឱ្យសហគ្រាសខ្នាតមីក្រូ តូច និងមធ្យម ឱ្យប្រើបាកូដលើផលិតផល ដើម្បីធ្វើឱ្យប្រតិបត្តិការកាន់តែងាយស្រួល និងអាចទទួលបានកន្លែងដាក់លក់ផលិតផលនៅតាមបណ្ដាបណ្តាញហាងទំនើបៗលក់រាយ។ ក្នុងពិធីចាប់ផ្តើមកម្មវិធីជួយសម្រួលការទទួលស្គាល់បាកូដ សម្រាប់ផលិតផលម្ហូបអាហារវេចខ្ចប់ កាលពីថ្ងៃទី៦​ ខែតុលា​ ឆ្នាំ២០២៦ លោករដ្ឋមន្ត្រី បាននិយាយថា បាកូដ គឺជាជំហានសំខាន់មួយក្នុងដំណើរការឌីជីថលូបនីយកម្ម ដោយជួយឱ្យផលិតផលក្នុងស្រុកអាចចូលទីផ្សារតាមរយៈហាងលក់រាយទំនើបៗ។ ក្រសួងពាណិជ្ជកម្ម បានសហការជាមួយ ជីអេសអាយ​វ័ន​ ឥណ្ឌូណេស៊ី (GS1 Indonesia) ដែលជាស្ថាប័នមានសិទ្ធិចេញលេខសម្គាល់ផលិតផលតាមស្តង់ដារអន្តរជាតិ ដើម្បីផ្តល់វិញ្ញាបនបត្របាកូដ សម្រាប់ផលិតផលម្ហូបអាហារវេចខ្ចប់ និងផលិតផលថែរក្សាសម្រស់ក្នុងស្រុក ដែលដំណាក់កាលដំបូងមានគោលដៅជួយ៥០ក្រុមហ៊ុន។ ទោះបីជាបាកូដ មានសារៈសំខាន់សម្រាប់ធ្វើឱ្យការគ្រប់គ្រងស្តុក និងការចែកចាយផលិតផលកាន់តែងាយស្រួលក៏ដោយ លោក Santoso បានសង្កត់ធ្ងន់ថា ការបំពេញតាមលក្ខខណ្ឌរដ្ឋបាលត្រូវតែភ្ជាប់ជាមួយគុណភាពផលិតផលខ្ពស់ផងដែរ។ លោក ប៊ូឌី​ សាន់តូសូ បាននិយាយថា «ប្រសិនបើផលិតផលមួយមិនអាចប្រកួតប្រជែងបាន ឬខ្វះគុណភាព វាមិនអាចចូលទីផ្សារបានទេ។ អ្នកប្រើប្រាស់មានស្តង់ដាររបស់ពួកគេ ហើយហាងលក់រាយក៏មានស្តង់ដាររបស់ពួកគេដែរ»។ ការប្រើប្រាស់បាកូដ គឺជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលឥណ្ឌូណេស៊ី ដើម្បីបង្កើនសមត្ថភាពប្រកួតប្រជែងរបស់ផលិតផលក្នុងស្រុក និងពង្រីកការចូលដល់ទីផ្សារក្នុងប្រទេសសម្រាប់អាជីវកម្មខ្នាតតូច។ លោកបានកត់សម្គាល់ថា […]

ឡុងដ៍៖ ត្រីប្រហែល៧៧លានក្បាល ត្រូវបានសម្លាប់ជារៀងរាល់ឆ្នាំនៅក្នុងប្រទេសអង់គ្លេស ដោយមិនមានការត្រួតពិនិត្យច្បាស់លាស់តាមកំណត់ឡើយ។ អស់រយៈរាប់សិបឆ្នាកន្លងមកហើយ រដ្ឋាភិបាលអង់គ្លេសបានសម្តែងក្តីព្រួយបារម្ភ អំពីវិធីសាស្ត្រសម្លាប់ត្រី នៅតាមរោងសត្តឃាតត្រីវ។ ទោះជាយ៉ាងណា ស្ថាប័នផ្លូវការទាំងអស់ ដែលទទួលខុសត្រូវលើសុខុមាលភាពសត្វ និងស្តង់ដារសុវត្ថិភាពម្ហូបអាហារនៅអង់គ្លេស បានបញ្ជាក់ថា ពួកគេមិនអបានត្រួតពិនិត្យជាប្រចាំលើរោងសត្តឃាតត្រីឡើយ។ ទីភ្នាក់ងារស្តង់ដារម្ហូបអាហារ និងត្រួតពិនិត្យសុខភាពត្រី បាននិយាយថា ពួកគេក៏មិនបានត្រួតពិនិត្យជាប្រចាំលើរោងសត្តឃាតត្រីដែរ។ លោកស្រី អាប៊ីហ្គេល​ ផែន្នី​​ (Abigail Penny) នាយកប្រតិបត្តិអង្គការសមភាពសត្វរបស់អង់គ្លេស (Animal Equality UK) បាននិយាយថា «ត្រីគឺជាសត្វ ដែលអាចចេះគិត មានអារម្មណ៍ និងចេះឈឺចាប់។ វាជារឿងគួរឱ្យអាម៉ាស់ណាស់​ ដែលគ្មានស្ថាប័នណាមួយទទួលខុសត្រូវក្នុងការត្រួតពិនិត្យសុខុមាលភាពរបស់ពួកវានៅពេលគេសម្លាប់។ នេះគឺជាចន្លោះខ្វះខាតដ៏ធំមួយ ហើយធ្វើឱ្យសត្វទាំងនេះងាយរងគ្រោះកាន់តែខ្លាំងនៅពីក្រោយទ្វារបិទ»។ កាលពីឆ្នាំ១៩៩៦ ឆ្នាំ២០១៤ និងនៅឆ្នាំ២០២៤ ស្ថាប័នប្រឹក្សាអ្នកជំនាញរបស់រដ្ឋាភិបាលអង់គ្លេស បានសំណូមពរឱ្យមានច្បាប់គ្រប់គ្រងការសម្លាប់ត្រីចិញ្ចឹម។​ ក្នុងលើកចុងក្រោយ គណៈកម្មាធិការបានជំរុញឱ្យរដ្ឋាភិបាលអង់គ្លេសចេញច្បាប់តម្រូវឱ្យអ្នកសម្លាប់ត្រីត្រូវធ្វើឱ្យត្រីសន្លប់សិន ទើបសម្លាប់ ដើម្បីកុំឱ្យត្រីមានការឈឺចាប់។ នៅក្នុងយុទ្ធសាស្ត្រការពារសុខុមាលភាពសត្វ សម្រាប់ប្រទេសអង់គ្លេសដែលបានចេញផ្សាយ កាលពីខែធ្នូ ឆ្នាំ២០២៥ រដ្ឋាភិបាលបានប្តេជ្ញាដាក់ចេញនូវលក្ខខណ្ឌ ស្តីពីការសម្លាប់ត្រីចិញ្ចឹមប្រកបដោយមនុស្សធម៌ មិនប្រើអំពើឃោរឃៅ។ ទោះជាយ៉ាងណា រហូតមកដល់ឆ្នាំ២០២៦នេះ សេចក្តីព្រាងច្បាប់នៅមិនទាន់អនុម័តនៅឡើយ៕ […]

តៃប៉ិ៖ អាជ្ញាធរកោះតៃវ៉ាន់នឹងបញ្ជូនត្រឡប់ទៅប្រទេសដើមវិញ ឬបំផ្លាញចោលតែម្តងនូវស្ពៃបូកគោស្រស់ជិត ២០ តោន ដែលនាំចូលពីប្រទេសវៀតណាម បន្ទាប់ពីត្រួតពិនិត្យនៅព្រំដែនបានរកឃើញសំណល់ថ្នាំសម្លាប់សត្វល្អិតក្នុងកម្រិតខ្ពស់លើសកម្រិតអនុញ្ញាតជាងពីរដង។រដ្ឋបាលចំណីអាហារ និងឱសថរបស់តៃវ៉ាន់ បានរកឃើញសារធាតុទ្រីក្លរហ្វុន (Trichlorfon) ក្នុងកំហាប់ ០,០២ ក្នុងមួយលាន នៅក្នុងស្ពៃបូកគោចំនួន ១៨ ៩០០ គីឡូក្រាម ខណៈកម្រិតអនុញ្ញាតរបស់តៃវ៉ាន់គឺ ០,០១ ក្នុងកំហាប់ ០,០២ ក្នុងមួយលាន។ ស្ពៃបូកគោនេះដាំដុះដោយក្រុមហ៊ុនវៀតណាម ឈ្មោះ បារៀ ធីធីអិន (Ba Ria TTN Company Limited) ហើយត្រូវបានប្រកាសនាំចូលដោយក្រុមហ៊ុន ជូចាងពាណិជ្ជ (Zhuchang Trading Co.,) របស់តៃវ៉ាន់។ការត្រួតពិនិត្យនេះធ្វើឡើងក្រោយមានការព្រួយបារម្ភអំពីខ្សែសង្វាក់ផ្គត់ផ្គង់ស្ពៃបូកគោ បន្ទាប់ពីអាជ្ញាធរចិនបានបញ្ជាក់កាលពីខែសីហា ឆ្នាំ២០២៦នេះថា ឫសស្ពៃបូកគោត្រូវជ្រលក់ក្នុងសូលុយស្យុងសារធាតុហ្វ័រម៉ាល់ដេអ៊ី (Formaldehyde) ឬហៅថា ហ្វ័រម៉ុល ដើម្បីឱ្យស្ពៃនៅស្រស់បានយូរ។ករណីនៅប្រទេសចិននេះ ត្រូវបានលាតត្រដាង នាថ្ងៃទី២២ ខែសីហា ឆ្នាំ២០២៦ បន្ទាប់ពីមានការផ្សព្វផ្សាយវីដេអូពីទីតាំងប្រមូលទិញស្ពៃបូកគោមួយកន្លែង នៅក្នុងខេត្តហឺប៉ី ប្រទេសចិន ដែលបង្ហាញកម្មករកំពុងជ្រលក់ឫសស្ពៃបូកគោក្នុងទឹកមានសារធាតុហ្វ័រម៉ុល មុនពេលដាក់ស្ពៃបូកគោទាំងនោះលើរថយន្តដឹកទំនិញ។ នៅក្បែររថយន្តមួយគ្រឿង គេបានឃើញធុងមួយ […]

ម៉ានីល៖ ប្រទេសហ្វីលីពីនគ្រោងទិញអង្ករពីអាម៉េរិករហូតដល់២០ម៉ឺនតោនក្នុងមួយឆ្នាំ ព្រមទាំងស្វែងរកប្រភពផ្គត់ផ្គង់បន្ថែម ដើម្បីឆ្លើយតបតាមតម្រូវការអង្កររបស់ប្រជាជនហ្វីលីពីន។ ហ្វីលីពីនបានចុះហត្ថលេខាលើអនុស្សរណៈនៃការយោគយល់គ្នា ជាមួយសហព័ន្ធស្រូវអង្ករអាម៉េរិក កាលពីទី៧ ខែតុលា ឆ្នាំ២០២៦​ដើម្បីស្តារការនាំចេញអង្ករពីសហរដ្ឋអាម៉េរិកមកកាន់ហ្វីលីពីនឡើងវិញ។ ក្រោមអនុស្សរណៈនេះ ការទិញអង្ករនឹងត្រូវធ្វើឡើងតាមរយៈការដេញថ្លៃបើកចំហ និងទិញផ្ទាល់ពីសមាជិកសហព័ន្ធអាម៉េរិក។ កិច្ចព្រមព្រៀងនេះ បានកំណត់គោលដៅទិញអង្ករអាម៉េរិកចំនួន១០ម៉ឺនតោន ត្រឹមឆ្នាំ២០២៧ មុននឹងបង្កើនបរិមាណទិញកើនឡើងពីរដងដល់២០ម៉ឺនតោនក្នុងមួយឆ្នាំ គិតចាប់ពីឆ្នាំ២០២៨តទៅ។ ជាប្រវត្តិសាស្ត្រ ចាប់តាំងពីទសវត្សរ៍ឆ្នាំ១៩៦០ ដល់ទសវត្សរ៍ឆ្នាំ១៩៨០ សហរដ្ឋអាម៉េរិកធ្លាប់ជាប្រទេសផ្គត់ផ្គង់អង្ករដ៏សំខាន់មួយ ដើម្បីធានាសន្តិសុខស្បៀងរបស់ហ្វីលីពីន។ ទំនាក់ទំនងពាណិជ្ជកម្មនេះ កាន់តែរីកចម្រើនពីឆ្នាំ១៩៩៧ ដល់ឆ្នាំ២០០៧ នៅពេលសហរដ្ឋអាម៉េរិកបង្កើនការនាំចេញអង្ករទៅកាន់ហ្វីលីពីន។ តាមរយៈអនុស្សរណៈនេះនឹងផ្តល់ទីផ្សារដ៏សំខាន់មួយដល់កសិករដាំស្រូវ និងរោងម៉ាស៊ីនកិនស្រូវអាម៉េរិក នៅពេលឧស្សាហកម្មអង្កររបស់សហរដ្ឋអាម៉េរិកកំពុងត្រូវការទីផ្សារសម្រាប់រកស៊ីយូរអង្វែង។ កិច្ចព្រមព្រៀងនេះធ្វើឡើង នៅពេលប្រទេសហ្វីលីពីន កំពុងពង្រីកស្តុកអង្ករបម្រុង ដើម្បីត្រៀមទប់ទល់នឹងការធ្លាក់ចុះផលិតកម្មបង្កឡើងដោយបាតុភូតអែលនីញ៉ូដ៏ខ្លាំងក្លា ដែលព្យាករណ៍ថា នឹងអូសបន្លាយរហូតដល់ជិតពាក់កណ្តាលឆ្នាំ២០២៧។ ដើម្បីពង្រឹងការផ្គត់ផ្គង់ក្នុងស្រុក ហ្វីលីពីនត្រូវបានព្យាករថា នឹងនាំចូលអង្ករក្នុងបរិមាណច្រើនបំផុត ដែលមិនធ្លាប់មានក្នុងប្រវត្តិសាស្ត្ររបស់ខ្លួន គឺជាង៥លានតោន នៅក្នុងឆ្នាំ២០២៦នេះ៕ (ផាន់ អាណា)

បាងកក៖​ អាជ្ញាធរថៃកំពុងតែក្រពុលមុខនឹងខ្មោចជ្រូកលង់ទឹកងាប់​ ក្នុងគ្រោះមហន្តរាយទឹកជំនន់ដ៏អាក្រក់ ក្នុងប្រវត្តិសាស្ត្ររបស់ថៃ។ មន្ត្រីពេទ្យសត្វថៃរាប់រយនាក់​ ត្រូវបានបញ្ជូនឱ្យប្រមូលខ្មោចជ្រូកងាប់អណ្តែតទឹកនៅតាមកសិដ្ឋាន និងតាមទឹកហូរ ​ជាពិសេសនៅក្នុងខេត្តប្រាជីន បូរី ដែលគិតត្រឹមថ្ងៃទី៧​ ខែតុលា ឆ្នាំ២០២៦នេះ មានជ្រូកលង់ទឹកងាប់ជ្រូកជាង២០០០ក្បាល។ មន្ត្រីថៃទាំងនោះត្រូវប្រមូលខ្មោចជ្រូកកប់ក្នុងដី ដោយគ្រឿងចក្រកាយដី ដើម្បីការពារកុំឱ្យធំក្លិនស្អុយ និងផ្ទុះជំងឺឆ្លងផ្សេងៗ។ មន្ត្រីថ្នាក់ខេត្តប្រាជិន​ បូរី របស់ថៃ​បានជួបជាមួយម្ចាស់កសិដ្ឋានចិញ្ចឹមជ្រូក និងអាជ្ញាធរមូលដ្ឋាន ដើម្បីសម្របសម្រួលប្រតិបត្តិការប្រមូលខ្មោចជ្រូក និងត្រូវបានចាត់ចែងយ៉ាងឆាប់រហ័ស និងមានសុវត្ថិភាព កុំឱ្យប៉ះពាល់ដល់សុខភាពសាធារណៈ។ ក្រោយមកពួកគេក៏បានជួបម្ចាស់កសិដ្ឋាន និងត្រួតពិនិត្យទីតាំងកប់ខ្មោចជ្រូកលង់ទឹក ដើម្បីធានាថា ការងារត្រូវបានអនុវត្តតាមស្តង់ដារបសុពេទ្យ និងមានអនាម័យ។ កាលពីថ្ងៃទី៦ ខែតុលា មន្ត្រីបានបញ្ជូនបុគ្គលិកបន្ថែមពីការិយាល័យចិញ្ចឹមសត្វខេត្តប្រាជិន បូរី ទទួលបន្ទុកផ្នែកត្រួតពិនិត្យ និងធ្វើចត្តាឡីស័ក ឱ្យប្រើគ្រឿងចក្រធុនធ្ងន់ និងទូក ដើម្បីដឹកខ្មោចជ្រូកចេញពីតំបន់លិចទឹក។ មន្ត្រីថៃបានផ្តល់អាទិភាពដល់ការជម្លៀសសត្វជ្រូកនៅរស់ចេញពីតំបន់គ្រោះថ្នាក់ ប៉ុន្តែនៅតាមកសិដ្ឋានខ្លះ ទឹកជំនន់ជ្រៅពេកធ្វើឱ្យពួកគេមិនអាចចូលទៅជួយជ្រូកបានឡើយ។ ដោយសារគ្រោះទឹកជំនន់ដ៏មហន្តរាយនេះ​ ដ្ឋាភិបាលថៃបានអង្វរក្រុមហ៊ុនឯកជនឱ្យកាត់បន្ថយនាំចេញស៊ុត បន្ទាប់ពីមេមាន់លង់ទឹកងាប់រាប់លានក្បាល ​ព្រមទាំងពន្យាកំណើតមេមាន់ចាស់ឱ្យនៅរស់បន្តផលិតពងទៀត មុននឹងសម្លាប់យកសាច់ថែមទៀត៕ (ផាន់​ អាណា)

កង់បេរ៉ា៖ ការធ្វើតេស្តនៅក្នុងប្រទេសអូស្ត្រាលី បានរកឃើញសំណល់ថ្នាំគីមីសម្លាប់សត្វល្អិតចំនួន២០១ករណី ក្នុងសំណាកបន្លែ និងផ្លែឈើ ចំនួន៧៨មុខ ដែលលក់តាមផ្សារទំនើបនៅក្នុងទីក្រុងធំៗរបស់អូស្ត្រាលី។ របាយការណ៍ស្តីពីសំណល់ថ្នាំគីមីសម្លាប់សត្វល្អិត នៅអូស្ត្រាលី ឆ្នាំ២០២៦ បានគ្របដណ្ដប់លើបន្លែផ្លែឈើមួយចំនួន ដូចប៉ោម ប័រ ចេក ប្ល៊ូបឺរី ប្រូខូលី ម្ទេសប្លោក ត្រសក់ ទំពាំងបាយជូរ សាឡាត់ ដំឡូងបារាំង ត្រសក់ស្រូវ ស្ត្របឺរី និងផ្លែប៉េងប៉ោះ។ ការធ្វើតេស្តបានរកឃើញសំណល់សារធាតុថ្នាំគីមីសម្លាប់សត្វល្អិតចំនួន៥៤ ប្រភេទផ្សេងៗគ្នា។ ផ្សារទំនើបៗលក់បន្លែផ្លែឈើ ដែលមានផ្ទុកសំណល់ថ្នាំគីមីទាំងនេះ មាននៅក្នុងទីក្រុង អាដេឡែដ (Adelaide) ប្រ៊ីសបេន (Brisbane) ស៊ីដនី (Sydney) ភើស (Perth) និងទីក្រុង ម៉ែលប៊ន (Melbourne) ហើយត្រូវបានយកសំណាកមកធ្វើតេស្ត កាលពីខែមិថុនា ឆ្នាំ២០២៦។ យោងតាមរបាយការណ៍ បានឱ្យដឹងថា​ សំណាកចំនួន៤៤ភាគរយ មានសារធាតុមួយ ឬច្រើនប្រភេទក្នុងក្រុមភីអេហ្វអេអេស (PFAS) ដែលគេស្គាល់ថា ជាសារធាតុគីមី ភើរអែនប៉ូលីហ្វ្លូអូរ៉ូអាល់គីល (per- and polyfluoroalkyl […]

ម៉ានីល៖ ក្រសួងកសិកម្មហ្វីលីពីនកំពុងស្នើសុំកញ្ចប់ថវិកាប្រមាណ៥លានដុល្លារសម្រាប់ពង្រីកការដាំដំឡូងឈាមមាន់ ឱ្យកើនឡើងទ្វេដង សម្រាប់នាំចេញទៅកាន់ទីផ្សារក្រៅប្រទេស។ ថវិកានេះនឹងត្រូវប្រើដើម្បីបពង្រីកផ្ទៃដីដាំដុះ​ ឱ្យកើនឡើងដល់១​ ០០០ហិកតា ក្នុងឆ្នាំដំបូង។ ក្រសួងកសិកម្មហ្វីលីពីន​​​ គ្រោងចំណាយថវិកាប្រហែល១៣ ០០០ដុល្លារ ក្នុងមួយហិកតា សម្រាប់អនុវត្តជំហ៊ានដំបូង ដែលរួមមានការអភិវឌ្ឍកសិដ្ឋាន ការរៀបចំហេដ្ឋារចនាសម្ព័ន្ធ និងការដាំដុះ ដោយកំណត់ពេលឱ្យស្របនឹងរដូវប្រមូលផល និងបណ្ដុះពូជ ក្នុងខែវិច្ឆិកា ឆ្នាំ២០២៦។ រដ្ឋមន្ត្រីក្រសួងកសិកម្មហ្វីលីពីន លោក ហ្វ្រែនស៊ីស្កូ​​ ធៀវ ឡូរ៉ែល​​ (Francisco Tiu Laurel)បានមានប្រសាសន៍ថា រដ្ឋាភិបាលចង់អភិវឌ្ឍឧស្សាហកម្មដំណាំដំឡូងឈាមមាន់ ឱ្យកាន់តែចាប់អារម្មណ៍នៅទីផ្សារបរទេស។ ដូច្នេះ រដ្ឋាភិបាលចងឱ្យដំណើរការផ្គត់ផ្គង់ និងការដាំដុះមានស្ថិរភាពល្អ។ ក្រសួងកសិកម្មមានផែនការពន្លឿនការបណ្ដុះកូនដំឡូង ព្រមទាំងការបណ្តុះជាលិកាដំឡូងផងដែរ។ កូនដំឡូងសម្រាប់ដាំនឹងត្រូវមានគ្រប់គ្រាន់ ដើម្បីផ្គត់ផ្គង់តម្រូវការដាំដុះ និងទប់ស្កាត់មិនឱ្យប្រទេសដទៃយក ពូជដំឡូងឈាមមាន់របស់ហ្វីលីពីន ទៅដាំបន្ត រួចហើយលក់ប្រកួតជាមួយហ្វីលីពីន។ លោករដ្ឋមន្ត្រីបានបញ្ជាក់ថា គោលនយោបាយ ដែលរដ្ឋាភិបាលហ្វីលីពីន ទើបចេញដើម្បីហាមឃាត់ដោយគ្មានពេលកំណត់ចំពោះការនាំចេញមើមដំឡូងឈាមមាន់ស្រស់ មិនមែនមានន័យថា ហាមឃាត់ការនាំចេញ ផលិតផលដំឡូងនោះទេ ប៉ុន្តែដើម្បីការពារពូជដំឡូងរបស់ខ្លួនកុំឱ្យប្រទេសដទៃយកពូជទៅដាំដែរ៕​​​ (ផាន់​​ អាណា)

ហ្សាការតា៖ រដ្ឋាភិបាលឥណ្ឌូណេស៊ីមើលឃើញថា ខ្លួនមិនមានតម្រូវការបន្ថែមក្នុងការកាប់បំផ្លាញតំបន់ព្រៃឈើ ដើម្បីបង្កើតវាលស្រែថ្មីទៀតទេ ទោះបីខ្លួនព្យាយាមបង្កើនផលិតកម្មស្បៀង ដោយមិនបន្តបំផ្លាញព្រៃឈើ។ លោក ហាហ្សីម ចូចូហាឌីគូស៊ូម៉ូ (Hashim Djojohadikusumo) ប្រេសិតពិសេសរបស់ប្រធានាធិបតីឥណ្ឌូណេស៊ី ទទួលបន្ទុកផ្នែកអាកាសធាតុ និងថាមពល បានប្រកាសដូច្នេះកាលពីថ្ងៃទី៦ ខែតុលា​ ឆ្នាំ២០២៦ ក្នុងវេទិកានិរន្តរភាពអន្តរជាតិ នៅទីក្រុងហ្សាការតា។ លោកបាននិយាយថា ការសម្រេចចិត្តនេះផ្អែកលើលទ្ធផលនៃកម្មវិធីស្បៀងអាហាររបស់រដ្ឋ ដែលសម្រេចបានគោលដៅផលិតស្បៀង ដោយមិនចាំបាច់កាប់ព្រៃឈើចំនួន២លានហិកតា យកទៅធ្វើជាដីកសិកម្មឡើយ។ ជំនួសឱ្យការកាប់ព្រៃឆើវិញ រដ្ឋាភិបាលឥណ្ឌូណេស៊ី នឹងព្យាយាមប្រើប្រាស់ដីវាលទំនាបលិចទឹក ដែលមានស្រាប់នៅក្នុងខេត្តប៉ាពូ (Papua) និងខេត្តកាលីម៉ាន់តាន់ (Kalimantan) សម្រាប់បង្កបង្កើនផលស្រូវ។ លោកប្រេសិតពិសេស ក៏បាននិយាយថា កម្មវិធីទាំងនេះបានជួយឱ្យប្រទេសឥណ្ឌូណេស៊ីអាចផលិតអង្ករបានគ្រប់គ្រាន់សម្រាប់តម្រូវការក្នុងប្រទេស ដូច្នេះការពង្រីកវាលស្រែចូលទៅក្នុងតំបន់ព្រៃឈើលែងចាំបាច់ទៀតហើយ។ ចាប់ពីខែមករា ដល់ខែកញ្ញា ឆ្នាំ២០២៦នេះ ប្រទេសឥណ្ឌូណេស៊ីរំពឹងថា អាចប្រមូលផលស្រូវសម្រាប់ការប្រើប្រាស់ក្នុងស្រុកបានប្រហែល២៨,៧១លានតោន កើនឡើងតិចតួច បើប្រៀបធៀបនឹងរយៈពេលដូចគ្នា កាលពីឆ្នាំ២០២៥។ សម្រាប់ពីខែកក្កដា ដល់ខែកញ្ញា ឆ្នាំ២០២៦ គេរំពឹងថា ឥណ្ឌណេស៊ី អាចប្រមូលផលស្រូវបានប្រហែល៩,៣៦ លានតោន តិចជាងឆ្នាំមុនបន្តិច។ ទោះជាយ៉ាងណា តួលេខទាំងនេះអាចប្រែប្រួលដោយសារតែគ្រោះរាំងស្ងួត ទឹកជំនន់ […]