អន្តរជាតិ

តៃប៉ិ៖ កោះតៃវ៉ាន់បាននាំចេញផ្លែឈើស្រស់ជាលើកដំបូងក្នុងទ្រង់ទ្រាយធំទៅកាន់ប្រទេសបារាំង បន្ទាប់ពីបានបំពេញតាមលក្ខខណ្ឌតម្រូវនៃការនាំចូល និងការដាក់ឱ្យនៅដាច់ពីគេរបស់សហភាពអឺរ៉ុប។ ផ្លែឈើត្រូវបាននាំចេញនេះមានបរិមាណសរុបចំនួនប្រាំមួយតោន រួមមានស្វាយ ផ្លែគូលេន និងផ្លែស្រកានាគ ដោយដឹកទៅឱ្យផ្សារលក់ដុំមួយកន្លែង ស្ថិតនៅក្បែរទីក្រុងប៉ារីស ប្រទេសបារាំង។ ថ្លែងក្នុងពិធីជូនដំណើរនាំចេញនេះ រដ្ឋមន្ត្រីក្រសួងកសិកម្ម បានឱ្យដឹងថា ការនាំចេញផ្លែឈើស្រស់របស់កោះតៃវ៉ាន់ទៅកាន់តំបន់អឺរ៉ុបនាពេលកន្លងមក មានបរិមាណតិចតួចនៅឡើយ តែការនាំចេញលើកនេះបង្ហាញពីការចាប់ផ្តើមពង្រីកលទ្ធភាពនាំផ្លែឈើស្រស់ចូលទៅកាន់ទីផ្សារអឺរ៉ុប។ ចំណែកក្រុមហ៊ុននាំចេញ បាននិយាយថា ការដឹកជញ្ជូននេះ ដើម្បីផ្គត់ផ្គង់តាមការបញ្ជាទិញរបស់ផ្សារលក់ដុំផលិតផលស្រស់ៗធំជាងគេរបស់ប្រទេសបារាំង។ ទីផ្សារនេះរួមមានអាជីវកម្ម និងការផ្គត់ផ្គង់ភោជនីយដ្ឋាន សណ្ឋាគារ និងអ្នកលក់រាយជាង១ ២០០កន្លែង។ យោងតាមអ្នកនាំចេញ បានឱ្យដឹងថា ការដឹកជញ្ជូនផ្លែឈើស្រស់ទៅកាន់ប្រទេសបារាំងតម្រូវឱ្យមានកិច្ចសហប្រតិបត្តិការរវាងអ្នកដាំដុះ និងអ្នកប្រមូលទិញ ដើម្បីអនុលោមតាមស្តង់ដារផលិតកម្មរបស់សហភាពអឺរ៉ុប និងការដាក់ឱ្យនៅដាច់ពីគេ ដើម្បីពិនិត្យមើលសត្វល្អិត។ កោះតៃវ៉ាន់ក៏បានបង្កើតមជ្ឈមណ្ឌលភស្តុភារកម្មសម្រាប់ខ្សែសង្វាក់ត្រជាក់អន្តរជាតិ ដើម្បីគាំទ្រដល់ការនាំចេញទៅកាន់ទីផ្សារក្រៅប្រទេស។ ក្រសួងកសិកម្មតៃវ៉ាន់ បាននិយាយថា កាលពីខែមិថុនាឆ្នាំមុន សហភាពអឺរ៉ុបបានឯកភាពចំពោះការនាំចូលផ្លែត្របែក និងផ្លែស្វាយរបស់តៃវ៉ាន់ទៅកាន់រដ្ឋជាសមាជិកសហភាពអឺរ៉ុបទាំងអស់ បន្ទាប់ពីការចរចា និងការរៀបចំបច្ចេកទេស។ ការនាំចូលផ្លែគូលេន និងផ្លែស្រកានាគរបស់តៃវ៉ាន់ ត្រូវបានសហភាពអឺរ៉ុបឯកភាពកាលពីខែកុម្ភៈ ឆ្នាំ២០២៦។ យោងតាមក្រសួងដដែលនេះ បទប្បញ្ញត្តិរបស់សហភាពអឺរ៉ុបរួមមានលក្ខខណ្ឌតម្រូវ ដែលគ្របដណ្ដប់លើការគ្រប់គ្រងចម្ការ ការគ្រប់គ្រងសត្វល្អិត និងការដឹកជញ្ជូនតាមខ្សែចង្វាក់ត្រជាក់បន្ទាប់ប្រមូលផលរួច។ កាលពីដើមឆ្នាំ២០២៦នេះ កោះតៃវ៉ាន់បាននាំចេញផ្លែក្រូចថ្លុង ផ្លែក្រូចឃ្វិច និងផ្លែពុទ្រាស្រស់ […]

តាស្កិន៖ ទីភ្នាក់ងារការពារ និងចត្តាឡីស័ករុក្ខជាតិ បានរាយការណ៍ថា ប្រទេសអ៊ូសបេគីស្ថានទទួលបានការអនុញ្ញាតឱ្យនាំចូលបន្លែស្ងួតចំនួនដប់ប្រភេទទៅកាន់ទីផ្សារប្រទេសចិន។ កិច្ចព្រមព្រៀងឱ្យនាំចូលនេះ ត្រូវបានសម្រេចក្នុងអំឡុងពេលដំណើរទស្សនកិច្ចរបស់តំណាងនៃប្រទេសអ៊ូសបេគីស្ថាន ទៅកាន់ប្រទេសចិន នៅដើមខែឧសភា ឆ្នាំ២០២៦នេះ។ ឥឡូវនេះ ក្រុមហ៊ុននាំចេញរបស់ប្រទេស អ៊ូសបេគីស្ថាន អាចផ្គត់ផ្គង់បន្លែស្ងួត មានដូចជាខ្ទឹមស ខ្ទឹមបារាំង មើមយ៉េន ការ៉ុត ប៉េងប៉ោះ ឆៃថាវ និងបន្លែផ្សេងៗទៀត សម្រាប់នាំចូលទៅកាន់ទីផ្សារប្រទេសចិន។ ដើម្បីនាំចូលផលិតផលកសិកម្មទៅក្នុងប្រទេស ក្រុមហ៊ុនអ៊ូសបេគីស្ថានត្រូវតែចុះបញ្ជីឈ្មោះទំនិញ នៅក្នុងប្រទេសចិន។ លើសពីនេះ ទំនិញត្រូវតែបំពេញតាមលក្ខខណ្ឌចាំបាច់ ស្តីពីសុវត្ថិភាពចំណីអាហារ មានវិញ្ញាបនបត្រភូតគាមអនាម័យ និងមិនមានសត្វល្អិតចង្រៃ។ ក្រុមហ៊ុនអ៊ូសបេគីស្ថានអាចទាក់ទងភ្នាក់ងារ ដើម្បីដាក់បញ្ចូលក្នុងបញ្ជីឈ្មោះនេះ។ យោងតាមគណៈកម្មាធិការស្ថិតិ បានឱ្យដឹងថា ចំណូលពាណិជ្ជកម្មរវាងអ៊ូសបេគីស្ថាន និងចិន បានកើនលើសពី៤,៦ពាន់លានដុល្លារ នៅក្នុងត្រីមាសទីមួយនៃឆ្នាំ២០២៦នេះ។ បើគិតពីក្នុងខែមករា ដល់ខែមីនា ឆ្នាំ២០២៥ តួលេខទឹកប្រាក់នាំចេញនេះមានចំនួនត្រឹមតែ៣ ០០០លានដុល្លារ។ គិតត្រឹមដើមខែមេសា ឆ្នាំ២០២៦ ប្រទេសអ៊ូសបេគីស្ថាន បាននាំចេញផ្លែឈើ និងបន្លែចំនួន៣៤០ ០០០តោន ហើយបើគិតជាទឹកប្រាក់នៃការនាំចេញ មានចំនួនជាង៣១៧លានដុល្លារ។ ការនាំចេញភាគច្រើនមានបន្លែចំនួន១៤៨,២ពាន់តោន ផ្លែឈើមានចំនួន៧៥,២ពាន់តោន និងផលិតផលកសិកម្មប្រភេទផ្សេងទៀត មានចំនួន៨៨ពាន់តោន។ […]

តូក្យូ៖ រដ្ឋាភិបាលជប៉ុន កាលចុងខែឧសភា ឆ្នាំ២០២៦ បានទទួលស្គាល់ថា ការវាយតម្លៃខុសចំពោះការផ្គត់ផ្គង់ស្រូវអង្ករ និងការឆ្លើយតបយឺតយ៉ាវក្នុងការគ្រប់គ្រងស្ថានការណ៍ និងការបញ្ចេញស្តុកអង្ករសម្រាប់សង្គ្រោះបន្ទាន់ គឺជាកំហុសត្រូវស្តីបន្ទោសចំពោះវិបត្តិស្រូវអង្ករនាពេលថ្មីៗនេះ។ បើយោងតាមរដ្ឋាភិបាល បានឱ្យដឹងថា កង្វះខាតស្រូវអង្ករនៅក្នុងប្រទេសជប៉ុនបានកើតឡើង នារដូវក្តៅ ឆ្នាំ២០២៤ ដែលបណ្តាលមកពីកត្តាផ្គត់ផ្គង់ និងតម្រូវការខ្ពស់ពេក រួមទាំងការប្រមូលផលមិនទទួលបានទិន្នផលល្អដោយសារតែអាកាសធាតុក្តៅពេក ក៏ដូចជាការកើនឡើងនៃការប្រើប្រាស់អង្ករដោយសារមានភ្ញៀវទេសចរចូលមកច្រើនពេក និងការស្តុកទុកដោយខ្លះ ដើម្បីត្រៀមខ្លួនសម្រាប់ការរញ្ជួយដី។  យោងតាមសៀវភៅស ឬសំណើស្តីពីគោលនយោបាយរបស់រដ្ឋាភិបាលបាននិយាយថា “ផ្អែកលើការសន្មតថា ផលិតកម្មស្រូវអង្ករ គឺគ្រប់គ្រាន់ (រដ្ឋាភិបាល) មិនប្រញាប់ប្រញាល់ក្នុងការប្រមូលព័ត៌មានអំពីស្ថានភាពចែកចាយអង្ករ ដែលជាលទ្ធផលនាំឱ្យមានការឡើងថ្លៃ”។ កង្វះខាតបែបនេះបានបង្ខំឱ្យរដ្ឋាភិបាលជប៉ុនបញ្ចេញអង្ករក្នុងស្តុក ដែលបានបម្រុងទុកសម្រាប់ការប្រើប្រាស់បន្ទាន់ ដើម្បីជួយបន្ធូរបន្ថយការព្រួយបារម្ភរបស់សាធារណជន និងកាត់បន្ថយតម្លៃលក់រាយនៃផលិតផលសំខាន់ៗរបស់ជប៉ុន។ ប៉ុន្តែរដ្ឋាភិបាលជប៉ុនក៏បានទទួលស្គាល់ផងដែរថា ការសម្រេចចិត្តនេះយឺតយ៉ាងបែបនេះ គឺជារឿងបរាជ័យក្នុងការលុបបំបាត់សេចក្តីព្រួយបារម្ភក្នុងចំណោមអ្នកលក់ដុំអង្ករ។ តាមរយៈការនាំចូលអង្ករដោយវិស័យឯកជន ក្នុងឆ្នាំ២០២៥ កើនឡើង៩៥ដង បើធៀបនឹងឆ្នាំ២០២៥ គឺកើនដល់បរិមាណ៩៦ ៨៣៤តោន រដ្ឋាភិបាលជប៉ុនបានព្រមាននៅក្នុងសៀវភៅសប្រចាំឆ្នាំថា ការនាំចូលនេះនឹងបង្កផលប៉ះពាល់ដល់ផលិតកម្មស្រូវក្នុងស្រុក។ ចំណែកក្រសួងកសិកម្ម រុក្ខាប្រមាញ់ និងនេសាទរបស់ជប៉ុនវិញ បែរបានប៉ាន់ប្រមាណថា តម្រូវការអង្ករនៅក្នុងប្រទេសនឹងថយចុះចំពេលចំនួនប្រជាជនជប៉ុនធ្លាក់ចុះ។ ការប៉ាន់ប្រមាណនេះ គឺមិនត្រឹមត្រូវទេ ដោយសារការកើនឡើងនៃភ្ញៀវទេសចរណ៍បរទេស ដូច្នេះមានន័យថា អង្ករកាន់តែច្រើនត្រូវបានប្រើប្រាស់ ស្របពេលការព្រមានបឋមរបស់រដ្ឋាភិបាល នៅក្នុងរដូវក្តៅឆ្នាំ២០២៤ថា […]

ហ្សាការតា៖ កសិករដាំស្រូវនៅខេត្តជ្វាកណ្តាល របស់ប្រទេសឥណ្ឌូណេស៊ី កំពុងសាកល្បងវិធីសាស្ត្រថ្មីនៃការដាំស្រូវ ព្រមទាំងអាចបង្កើនទិន្នផល និងកាត់បន្ថយការបំភាយឧស្ម័ន ដែលធន់នឹងការប្រែប្រួលអាកាសធាតុ។ ការធ្វើពិសោធន៍ដំបូង ដែលដឹកនាំដោយមន្ទីរពិសោធន៍វិទ្យាសាស្ត្រជីវិតរបស់ប្រទេសសិង្ហបុរី បានបង្ហាញថា ការបំភាយឧស្ម័នមេតានពីការធ្វើកសិកម្មស្រូវអាចត្រូវបានកាត់បន្ថយរហូតដល់៥០ភាគរយ។ អ្នកស្រាវជ្រាវបានប្រើវិធីសាស្រ្តប្រកបដោយភាពច្នៃប្រឌិត ដែលរួមបញ្ចូលគ្នានូវការប្រើប្រព័ន្ធធារាសាស្រ្តបទបែន ការលាយជីបែបពិសេស និងពូជស្រូវធន់នឹងអាកាសធាតុ។ លទ្ធផលស្រដៀងគ្នានេះ ក៏ត្រូវបានកត់ត្រានៅក្នុងការសាកល្បងដូចគ្នា នៅក្នុងប្រទេសឥណ្ឌា និងប្រទេសឡាវផងដែរ។ ខេត្តជ្វាកណ្តាល គឺជាខេត្តមួយក្នុងចំណោមខេត្តផលិតស្រូវច្រើនជាងគេបំផុតរបស់ប្រទេសឥណ្ឌូណេស៊ី ដែលបានចូលរួមចំណែកជាង១៦ភាគរយនៃទិន្នផលស្រូវសរុបរបស់ប្រទេស។ កសិករអាយុ៥៥ឆ្នាំម្នាក់បាននិយាយថា កសិករជាច្រើនដំបូងឡើយមានការស្ទាក់ស្ទើរក្នុងការទទួលយកវិធីសាស្រ្តកសិកម្មថ្មី ដែលមិនប៉ះពាល់ដល់ការប្រែប្រួលអាកាសធាតុ។ កសិករឥណ្ឌូណេស៊ីសរុបចំនួន១៧២នាក់ បានចូលរួមក្នុងគម្រោងដាំស្រូវបញ្ចេញកាបូនតិច។ ពួកគេមានការព្រួយបារម្ភថា គម្រោងបែបនេះប្រហែលជាមិនទទួលបានជោគជ័យ ឬអាចនាំឱ្យស្រូវមិនមានផ្កាផ្លែល្អ។ ប៉ុន្តែបន្ទាប់ពីបានស្តាប់ការពន្យល់ពីវិធីសាស្រ្ត និងរបៀបត្រូវធ្វើ កសិករចាប់ផ្តើមយល់បន្តិចម្តងៗ។ កសិករអាយុ៥៥ឆ្នាំខាងលើនេះ បាននិយាយទៀតថា មុនពេលចូលរួមក្នុងគម្រោងនេះ ជាធម្មតាគាត់ធ្លាប់ប្រមូលផលស្រូវប្រហែលពី៦ ទៅ៧ តោន ក្នុងមួយហិកតា។ បន្ទាប់ពីអនុវត្តវិធីសាស្រ្តទាំងនេះ ទិន្នផលរបស់គាត់បានកើនឡើងដល់ប្រហែល៨ ទៅ៩តោន ក្នុងមួយហិកតា។ ចំណែកប្រាក់ចំណេញរបស់គាត់បានកើនឡើងប្រហែល៣០ភាគរយ។ កសិករ ដែលបានចូលរួមក្នុងការសាកល្បងនេះ ទទួលបានគ្រាប់ពូជស្រូវ ជី និងថ្នាំសម្លាប់សត្វល្អិត។ រដូវដាំដុះដំបូងបានចាប់ផ្តើមកាលពីខែកញ្ញា ឆ្នាំ២០២៥ ហើយបានបញ្ចប់នៅខែកុម្ភៈ ឆ្នាំ២០២៦នេះ ដែលគ្របដណ្ដប់លើផ្ទៃដីដាំស្រូវទំហំជិត១០០ហិកតា។ […]

ម៉ានីល៖ ការិយាល័យឧស្សាហកម្មដំណាំរបស់ប្រទេសហ្វីលីពីន កំពុងបង្កើនកិច្ចខិតខំប្រឹងប្រែងដើម្បីពង្រីកវត្តមានផ្លែឈើរបស់ខ្លួន នៅក្នុងពាណិជ្ជកម្មកសិកម្មសកល ដោយបើកទីផ្សារនាំចេញបន្ថែម នៅក្នុងប្រទេសអ៊ូសបេគីស្ថាន។ ប្រធានការិយាល័យឧស្សាហកម្មដំណាំ ហ្វីលីពីន​ លោក ជេរ៉ាល់ គ្លេន ប៉ានហ្គានីបាន (Gerald Glenn Panganiban) បាននិយាយថា ទីភ្នាក់ងារកំពុងបញ្ចប់កិច្ចព្រមព្រៀងជាមួយប្រទេសអ៊ូសបេគីស្ថាន ដើម្បីផ្គត់ផ្គង់ផ្លែឈើតមបន់ត្រូពិច ដែលមិនមាននៅក្នុងប្រទេសអាស៊ីកណ្តាលមួយនេះ ដូចជាផ្លែចេក និងផ្លែស្វាយ។ លោកបានមានប្រសាសន៍ថា យើងកំពុងញាប់ដៃញាប់ជើង។ យើងកំពុងបញ្ចប់កិច្ចព្រមព្រៀងពិធីសារ ហើយទីបំផុតយើងអាចនាំចេញ។ វាប្រៀបដូចជាកិច្ចព្រមព្រៀងដ៏ល្អមួយ ដែលអ្វីៗគ្រប់យ៉ាងអាចដំណើរការ។ នៅខ្វះតែឯកសារបន្តិចបន្តួចប៉ុណ្ណោះ។ លោកបាននិយាយថា ប្រទេសអ៊ូសបេគីស្ថានកំពុងស្វែងរកលទ្ធភាពនៃការនាំចេញផ្លែឈើរីរបស់ខ្លួនទៅកាន់ប្រទេសហ្វីលីពីនវិញផងដែរ ទោះបីជាមានការពន្យារពេលចុះហត្ថលេខាលើកិច្ចព្រមព្រៀងពាណិជ្ជកម្ម ដោយសារតែមានបញ្ហាដឹកជញ្ជូនក៏ដោយ។ ឥឡូវនេះ វាហាក់ដូចជានៅសល់បញ្ហាតែមួយគត់ គឺការដឹកជញ្ជូននាំចេញ។ អ្វីៗបានដំណើរល្អ ដូច្នេះប្រហែលជាមានការពន្យារពេលបន្តិចបន្តិច។ ប៉ុន្តែវាជាឱកាសដ៏ល្អសម្រាប់ប្រទេសហ្វីលីពីនវិញទេ។ ទន្ទឹមនឹងនេះដែរ ក្រុមការងារនៃការិយាល័យឧស្សាហកម្មដំណាំ របស់ប្រទេសហ្វីលីពីន កំពុងធ្វើការងារលើការពង្រីកការនាំចេញផ្លែទុរេន ទៅកាន់ប្រទេសអូស្ត្រាលី នូវែលសេឡង់ និងប្រទេសមួយចំនួនទៀតនៅក្នុងតំបន់មជ្ឈិមបូព៌ា។ ក្រៅពីការពង្រីកទីផ្សាររបស់យើងទៅកាន់ប្រទេសផ្សេងទៀត អ្វីដែលយើងកំពុងធ្វើ គឺដើម្បីបង្កើតតម្លៃបន្ថែម ចំពោះការនាំចេញកសិផលរបស់យើង។ ឧទាហរណ៍ ការជំរុញនាពេលបច្ចុប្បន្ននេះ គឺការផ្គត់ផ្គង់ទុរេនក្លាសេ ព្រោះវាកាន់តែងាយស្រួលក្នុងការរកទីផ្សារ។ នៅពេលផលិតផលនាំចេញ គឺជាផលិតផលមានតម្លៃបន្ថែម […]

ក្រុងដេវហ្គាដ៖ នៅរដ្ឋមហារាស្ត្រ ស្ថិតភាគខាងលិចប្រទេសឥណ្ឌា កសិករដាំស្វាយកំពុងប្រញាប់ប្រញាល់បំពេញបែបបទបញ្ជាទិញពីអ្នកលក់គ្រឿងទេសអនឡាញ នៅក្នុងប្រទេសឥណ្ឌា បន្ទាប់ពីចម្ការស្វាយពូជអាល់ហ្វូសូ (Alphonso) ទំហំបីហិកតារបស់គ្រួសារនាង ស្ទើរតែគ្មានផ្លែល្អសោះក្នុងឆ្នាំនេះ។ ស្ត្រីកសិករ អាយុ២៦ឆ្នាំរូបនេះ គឺជាអ្នកតស៊ូម្នាក់នៅទីក្រុងឆ្នេរសមុទ្រឈ្មោះ ដេវហ្គាដ (Devgad) ត្រូវបង្ខំចិត្តដើរប្រមូលទិញផ្លែស្វាយពីកសិដ្ឋានធំៗ ដើម្បីរក្សាអាជីវកម្មរបស់ឪពុកនាងឱ្យដំណើរការ។ អ្នកស្រីបានមានប្រសាសន៍ថា “ប្រសិនបើយើងមិនចែកចាយតាមការបញ្ជាទិញទេ នៅឆ្នាំក្រោយទេអតិថិជនធំៗនឹងមិនមករកយើងវិញទេ “។ យោងតាមទិន្នន័យពីទីភ្នាក់ងារស្រាវជ្រាវ និងវាយតម្លៃរបស់ឥណ្ឌាបានបង្ហាញថា ប្រទេសឥណ្ឌា គឺជាប្រទេសដាំស្វាយច្រើនជាងគេបំផុតនៅលើពិភពលោក ហើយបានផលិតផ្លែស្វាយចំនួន២៨លានតោន រវាងឆ្នាំ២០២៤ និងឆ្នាំ២០២៥។ រដ្ឋមហារាស្ត្រ មានភាពល្បីល្បាញដោយសារផ្លែស្វាយពូជ អាល់ហ្វុនសូ ប៉ុន្តែមន្ត្រីពាក់ព័ន្ធបាននិយាយថា អាកាសធាតុក្តៅខ្លាំងពេកបានបំផ្លាញ ទិន្នផលស្វាយ ដែលគេស្គាល់ថា ជា “ស្តេចស្វាយ”។ មន្ត្រីកសិកម្ម នៅទីក្រុងដេវហ្គាដ ដែលជាតំបន់មួយក្នុងចំណោមតំបន់ដាំដំណាំស្វាយ ពូជអាល់ផុនសូ បាននិយាយថា ភាពខុសគ្នាខ្លាំងពេកនៃសីតុណ្ហភាពពេលថ្ងៃ និងពេលយប់ នៅក្នុងខែធ្នូ និងខែមករា បានបង្កផលប៉ះពាល់ដល់ការចេញផ្កា និងការកាន់ផ្លែ ខណៈពេលអាកាសធាតុក្តៅជាងធម្មតា នៅក្នុងខែមេសា និងឧសភា ដែលប្រហែលជាដោយសារបាតុភូតអាកាសធាតុ អែល នីណូ (El Nino) […]

សានទុង៖ កំពង់ផែធំៗជាច្រើនរបស់ប្រទេសចិន បានបើកដំណើរការដឹកជញ្ជូនតាមផ្លូវទឹកត្រង់ជាមួយបណ្តាប្រទេសក្នុងទ្វីបអាហ្វ្រិក ស្របពេលទំនាក់ទំនងពាណិជ្ជកម្មរវាងចិន និងអាហ្វ្រិកកាន់តែស៊ីជម្រៅ ដោយវិធានការពន្ធសូន្យសម្រាប់ប្រទេសអាហ្វ្រិកចំនួន៥៣ ដែលមានទំនាក់ទំនងការទូតជាមួយប្រទេសចិន បានចូលជាធរមាន នៅថ្ងៃទី១ ខែឧសភា ឆ្នាំ២០២៦នេះ។ អ្នកវិភាគបាននិយាយថា ការដាក់ឱ្យដំណើរការផ្លូវដឹកជញ្ជូនត្រង់បន្ថែមទៀត នឹងជំរុញពាណិជ្ជកម្មទ្វេភាគីបន្ថែមទៀត ដោយផ្តល់ឱកាសកាន់តែច្រើនសម្រាប់ប្រទេសពាក់ព័ន្ធ។ កាលពីដើមខែកឧសភានេះ នៅចំណតកំពង់ផែ ឈីងតាវ (Qingdao) ខេត្តសានទុង (Shandong) ភាគខាងកើតប្រទេសចិន នាវាផ្ទុកទំនិញផលិតនៅប្រទេសចិន រួមមានគ្រឿងបន្លាស់រថយន្ត សំបកកង់ និងបន្ទះសូឡា បានបញ្ចប់ការផ្ទុកទំនិញរបស់ខ្លួន ហើយបានចេញដំណើរទៅកាន់កំពង់ផែសំខាន់ៗ នៅអាហ្វ្រិកខាងលិច។ ផ្លូវនេះមាននាវាធ្វើដំណើរទៅមកចំនួន១៣គ្រឿង និងចេញដំណើរតាមកាលវិភាគថេរប្រចាំសប្តាហ៍។ ក្នុងនាមជាកំពង់ផែដ៏សំខាន់មួយនៅភាគខាងជើងប្រទេសចិន កំពង់ផែឈីងតាវ ផ្តល់ការតភ្ជាប់ដោយផ្ទាល់ទៅកាន់មជ្ឈមណ្ឌលពាណិជ្ជកម្មសំខាន់ៗនៅអាហ្វ្រិកខាងលិច ដែលធ្វើឱ្យពេលវេលាដឹកជញ្ជូនរវាងខេត្តសានទុង និងតំបន់ដីគោក និងរវាងតំបន់អាហ្វ្រិកខាងលិចកាន់តែខ្លី។ នៅក្នុងត្រីមាសទី១ នៃឆ្នាំ២០២៦ ការនាំចេញសរុបពីកំពង់ផែ ឈីងតាវ ទៅកាន់ទ្វីបអាហ្រ្វិក ទទួលបានប្រាក់ចំណូលពី៤៣,៥៦ពាន់លានយន់ ឬស្មើនឹង៦,៣៧ពាន់លានដុល្លារ កើនឡើង២៦,៣ភាគរយពីមួយឆ្នាំទៅមួយឆ្នាំ។ ក្នុងនេះដែរ ការនាំចេញផលិតផលមេកានិច និងអគ្គិសនី បានកើនឡើង៣៧,៤ភាគរយ និងផលិតផលបច្ចេកវិទ្យាខ្ពស់ បានកើនឡើង២៥,៧ភាគរយ។ ដូចគ្នានេះផងដែរ នៅក្នុងខេត្ត សានទុង ក៏មានកំពង់ផែផ្សេងទៀត […]

ម៉ុមបៃ៖ ការនាំចេញអង្កររបស់ឥណ្ឌាក្នុងរយៈពេលបួនខែដំបូងនៃឆ្នាំ២០២៦ បានធ្លាក់ចុះបន្តិច បើធៀបទៅនឹងរយៈពេលដូចគ្នា កាលពីឆ្នាំមុន ដោយសារសង្គ្រាមអ៊ីរ៉ង់រំខានដល់ការនាំចេញអង្ករប្រភេទ បាស្មាទី ទៅកាន់ទីផ្សារឈូងសមុទ្រ។ យោងតាមមន្ត្រីរដ្ឋាភិបាលឥណ្ឌា បានឱ្យដឹងថា ឥណ្ឌា ដែលជាប្រទេសនាំចេញអង្ករច្រើនជាងគេលើពិភពលោកបានធ្លាក់ចុះជាង៥ភាគរយ នៅឆ្នាំ២០២៦នេះ បន្ទាប់ពីការប្រមូលផលស្រូវប្រចាំឆ្នាំ។ មន្ត្រីដដែលបាននិយាយថា ការនាំចេញអង្កររបស់ប្រទេសឥណ្ឌា ពីខែមករា ដល់ខែមេសា បានធ្លាក់ចុះ១,៣ភាគរយ កាលមួយឆ្នាំមុន មកនៅត្រឹម៨,៣៩លានតោន។ ចំណែកការនាំចេញអង្ករ បាស្មាទី បានធ្លាក់ចុះ៧ភាគរយក្នុងរយៈពេលនេះ មកនៅត្រឹម២,៣លានតោន ស្របពេលការនាំចេញទៅកាន់ទីផ្សារនៅតំបន់មជ្ឈឹមបូព៌ា រួមទាំងប្រទេសអ៊ីរ៉ង់ បានធ្លាក់ចុះ។ រីឯការនាំចេញអង្ករមិនមែនប្រភេទ​ បាស្មាទី បានកើនឡើងដល់បរិមាណ៦,០៩លានតោន ​ច្រើនជាងកាលពីឆ្នាំ២០២៥ ដែលនាំចេញបានត្រឹមតែ៦,០៣លានតោន។ អ្នកនាំចេញអង្ករម្នាក់នៅទីក្រុងញូវដែលី បាននិយាយថា ការនាំចេញត្រូវគេរំពឹងទុកថា នឹងនៅតែទាបជាងកម្រិតធម្មតា ប្រសិនបើសង្គ្រាមអ៊ីរ៉ង់មិនទាន់បញ្ចប់។ អ្នកនាំចេញអង្កររូបនេះ បានបន្តឲ្យដឹងទៀតថា ការដឹកជញ្ជូនអង្ករតាមយន្តហោះទៅកាន់ប្រទេសអ៊ីរ៉ង់ អ៊ីរ៉ាក់ កាតា និងអារ៉ាប៊ីសាអ៊ូឌីត នៅតែពន្យារពេល ដោយសារសង្គ្រាមនេះធ្វើឱ្យអ្នកទិញ និងក្រុមហ៊ុននាំចេញ ត្រូវធ្វើកិច្ចព្រមព្រៀងថ្មី។ ឥណ្ឌាភាគច្រើនដឹកជញ្ជូនអង្ករមិនមែនបាស្មាទីទៅកាន់ទីផ្សារក្រៅប្រទេស មានដូចជា ប្រទេសបង់ក្លាដែស បេណាំង កូតឌីវ័រ ហ្គីណេ និងប្រទេសកាមេរូន […]

សេអ៊ូល៖ ក្រសួងកសិកម្ម ស្បៀងអាហារ និងកិច្ចការជនបទ កូរ៉េខាងត្បូង បាននិយាយកាលពីថ្ងៃទី៧ ខែឧសភា ឆ្នាំ២០២៦ថា ប្រទេសកូរ៉េខាងត្បូង ប្រមូលពលករចំណាកស្រុកឱ្យបានចំនួន១០៤ ០០០នាក់ ដែលជាកំណត់ត្រាខ្ពស់បំផុត ឱ្យចូលរួមក្នុងវិស័យកសិកម្ម នៅឆមាសទីមួយ នៃឆ្នាំ២០២៦នេះ ដោយគូសបញ្ជាក់ពីការពឹងផ្អែកកាន់តែខ្លាំងឡើងលើកម្លាំងពលកម្មមកពីបរទេស។ ក្នុងនេះ មានពលករចំនួន៩៤​ ០០០នាក់ នឹងក្លាយជាអ្នកធ្វើតាមរដូវកាលកាន់ទិដ្ឋាការ E-8 ដែលមានសុពលភាពរហូតដល់ប្រាំបីខែ។ ក្រៅពីនេះ ត្រូវបានបម្រុងទុកសម្រាប់ពលករកាន់ទិដ្ឋាការ E-9 ដែលអាចស្នាក់នៅបានរយៈពេលរហូតបីឆ្នាំ ព្រមទាំងអាចស្វែងរកឱកាសនៅក្នុងវិស័យឧស្សាហកម្មផងដែរ ដូចជាផ្នែកចិញ្ចឹមសត្វជាដើម។ នៅក្នុងឆ្នាំ២០២៦នេះ គ្រាន់តែចំនួនអ្នកធ្វើការតាមរដូវកាលបានកើនឡើង៥៣ភាគរយ ពីចំនួន៦១ ២៤៨នាក់ ក្នុងឆមាសទី១ កាលពីឆ្នាំ២០២៥។ យោងតាមតួលេខរបស់ក្រសួងកសិកម្ម ស្បៀងអាហារ និងកិច្ចការជនបទ កូរ៉េខាងត្បូង បានឱ្យដឹងថា ចំនួនពលករចំណាកស្រុកក្នុងវិស័យកសិកម្មមានចំនួន២០ ៧៣៨នាក់ ក្នុងឆ្នាំ២០២០ ប៉ុន្តែបានកើនឡើងយ៉ាងឆាប់រហ័សដល់៨៥ ២៩២នាក់ ក្នុងឆ្នាំ២០២៤ និងកើនដល់១៣០ ២៥៩នាក់ ក្នុងឆ្នាំ២០២៥ ដែលកើនឡើងជាងប្រាំមួយដង។ តាមរយៈតួលេខសម្រាប់ឆមាសទីមួយនៃឆ្នាំនេះលើសពី១០០ ០០០នាក់ហើយ ចំនួនសរុបប្រចាំឆ្នាំត្រូវបានគេរំពឹងថា នឹងឈានដល់ ១៤០ ០០០នាក់នៅឆ្នាំ២០២៦នេះ […]

ហាណូយ៖ ប្រទេសវៀតណាមបានចំណាយប្រាក់ជាង២០០លានដុល្លារ ក្នុងត្រីមាសទី១ ឆ្នាំ២០២៦  សើម្បីនាំចូលសាច់ក្របីពីប្រទេសឥណ្ឌា ដែលកំពុងតែក្លាយជាអ្នកផ្គត់ផ្គង់សាច់ដ៏សំខាន់មួយ ទៅកាន់ទីផ្សារវៀតណាម។ យោងតាមទិន្នន័យពីនាយកដ្ឋានគយ វៀតណាម បានឱ្យដឹងថា ការនាំចូលសាច់ក្របី និងផលិតផលសាច់សត្វ មានបរិមាណចំនួន១៣១ ១០០តោន ដែលមានតម្លៃជាង២៩៥លានដុល្លារ ក្នុងរយៈពេលពីរខែដំបូងនៃឆ្នាំ២០២៦។ ប្រទេសឥណ្ឌា គឺជាអ្នកផ្គត់ផ្គង់ធំជាងគេ ដែលស្មើនឹងជាង២២ភាគរយនៃការនាំចូលសាច់ក្របីសរុប ឬស្មើនឹងជាង២៩ ១០០តោន ព្រមទាំងរកចំណូលបានជិត១១៦លានដុល្លារ។ បើធៀបនឹងរយៈពេលដូចគ្នា កាលពីឆ្នាំ២០២៥ បរិមាណនាំចូលសាច់ក្របីពីឥណ្ឌាបានកើនឡើង៣,៧ភាគរយ ខណៈតម្លៃនាំចូលបានកើនឡើង២១,៥ភាគរយ។ និន្នាការកើនឡើងនេះបានបន្តរហូតដល់ខែមីនា នៅពេលប្រទេសវៀតណាមបាននាំចូលសាច់ ក្របី និងផលិតផលសាច់ចំនួន៥១ ៦០០តោនពីប្រទេសឥណ្ឌា ដែលមានតម្លៃជាង២០៨លានដុល្លារ ស្មើនឹងជាង២៣ភាគរយនៃការនាំចូលសរុប។ ពីមួយឆ្នាំទៅមួយឆ្នាំ តួលេខនេះតំណាងឱ្យការកើនឡើងជិត២២ភាគរយនៃបរិមាណ និងជាង៤៣ភាគរយនៃតម្លៃនាំចូលសាច់សត្វ។ យោងតាមនាយកដ្ឋានផលិតកម្មបសុសត្វ វៀតណាម បានឱ្យដឹងថា សាច់ក្របីរបស់ប្រទេសឥណ្ឌា បានលេចធ្លោកាន់តែខ្លាំងឡើងនៅក្នុងប្រទេសវៀតណាម ដោយសារកត្តាសំខាន់ពីរ។ ទីមួយ តម្លៃសាច់ក្របីនៅទាប បានធ្វើឱ្យផលិតផលសាច់របស់ឥណ្ឌា អាចប្រកួតប្រជែងបានយ៉ាងខ្លាំងនៅលើទីផ្សារក្នុងប្រទេសវៀតណាម។ លើសពីនេះ ការផ្គត់ផ្គង់សាច់ក្របីនៅក្នុងប្រទេសវៀតណាម បានធ្លាក់ចុះក្នុងរយៈពេលប៉ុន្មានឆ្នាំចុងក្រោយនេះ ដោយសារការចិញ្ចឹមក្របីមិនសូវបានល្អ ហើយតំបន់វាលស្មៅសម្រាប់ក្របីក៏បានរួមកាន់តែតូច។ ទន្ទឹមនឹងនោះដែរ តម្រូវការផលិតផលសាច់ក្របី និងសាច់គោ នៅតែមានកម្រិតខ្ពស់។ […]

ទីក្រុងវីយែន៖ ក្រុមកសិករវ័យក្មេងរបស់ប្រទេសអូទ្រីស នាំគ្នាបានរិះគន់បណ្តាសាខារបស់ផ្សារទំនើបអន្តរជាតិ ចំពោះការលក់ស៊ុតនាំចូលពីបរទេស ហើយមិនព្រមដាក់តាំងលក់ផលិតផលស៊ុតមាន់ក្នុងស្រុក។ អ្នកចិញ្ចឹមមាន់ម្នាក់ ដែលជាសមាជិកសមាគមកសិករវ័យក្មេងអូទ្រីស បាននិយាយថា នេះគឺជាសញ្ញាខុសទាំងស្រុងសម្រាប់កសិករចិញ្ចឹមមាន់របស់យើង។ មានស៊ុតអូទ្រីសគ្រប់គ្រាន់ហើយ ដូច្នេះស៊ុតនាំចូលពីបរទេសគួរឈប់ឱ្យដាក់តាំងលក់តាមផ្សារទំនើបរបស់យើងទេ។ ក្នុងរយៈពេលប៉ុន្មានឆ្នាំចុងក្រោយនេះ កសិករចិញ្ចឹមមាន់យកស៊ុតនៅប្រទេសអូទ្រីស បានវិនិយោគទឹកប្រាក់យ៉ាងច្រើន ដើម្បីពង្រឹងលើគុណភាព ការគ្រប់គ្រង ការតាមដាន ព្រមទាំងសាងសង់ទ្រុងមាន់បែបទំនើបៗ។ ពួកកសិករប្រឹងធ្វើកសិកម្មចិញ្ចឹមមាន់យកស៊ុត ដោយសារតែពួកគេអាចជឿជាក់យ៉ាងច្បាស់ថា អ្នកលក់រាយគ្រឿងទេសនៅក្នុងប្រទេសអូទ្រីសនឹងលក់តែស៊ុតអូទ្រីសប៉ុណ្ណោះ។ សមាគនកសិករវ័យក្មេងអូទ្រីស បាននិយាយនៅក្នុងសេចក្តីថ្លែងការណ៍ថា “កសិកររបស់យើងបានចែកចាយស៊ុតមាន់គ្រប់គ្រាន់តាមតម្រូវការ។ ពួកគេបានវិនិយោគ  ដើម្បីអភិវឌ្ឍខ្លួនបន្ថែមទៀត និងបង្កើតបានតាមស្តង់ដារ ដែលអាចធ្វើឱ្យប្រទេសអូទ្រីសមានមោទនភាពចំពោះលទ្ធផលនេះ។ ស្រាប់តឺហេតុអ្វីបានផ្សារលក់រាយដ៏ធំនេះ បែរជាដាក់តាំងលក់ស៊ុតមាន់បរទេស ដែលទង្វើមិនអាចទទួលយកបានសោះតែម្តង”។ សេចក្តីថ្លែងការណ៍ដដែលនេះ បានសង្កត់ធ្ងន់ថា សមាគមកសិករវ័យក្មេងត្រូវការភាពជឿជាក់ ការរៀបចំផែនការជាក់លាក់ ឆន្ទៈក្នុងការវិនិយោគ និងការរំពឹងទុកដោយយុត្តិធម៌ ព្រោះការវិនិយោគលើកសិដ្ឋានចិញ្ចមមាន់នេះ ត្រូវទទួលខុសត្រូវក្នុងរយៈពេលវែង។ កសិករវ័យក្មេងត្រូវតែអាចជឿជាក់ថា ផលិតផលស៊ុតមាន់របស់ពួកគេ នឹងមានលក់នៅតាមសាខាផ្សារក់រាយនៅក្នុងប្រទេសអូទ្រីស។ បើយោងតាមតួលេខក្រសួងកសិកម្មអូទ្រីស បានឱ្យនៅដឹងថា នៅក្នុងឆ្នាំ២០២៤ ការផលិតស៊ុតរបស់ប្រទេសអូទ្រីសមានចំនួនប្រហែល២,២ពាន់លានស៊ុតនេះ។ ជាង៥៦ភាគរយនៃមេមាន់ចិញ្ចឹមនៅក្នុងទ្រុងបានផ្តល់ស៊ុតប្រហែល៣១ភាគរយ ចំណែក១៣ភាគរយ គឺជាស៊ុតបានមកពីមេមាន់ចិញ្ចឹមតាមបែបធម្មជាតិ។ ចំណែករបាយការណ៍ស្ថិតិ បាននិយាយថា ប្រទេសអូទ្រីសអាចផ្គត់ផ្គង់ស៊ុតមានដោយខ្លួនឯងបាន៩៥ភាគរយ។ សម្រាប់ស៊ុតមាន់ប្រហែល៩០ភាគរយសុទ្ធសឹងតែចិញ្ឋឹមនៅក្នុងស្រុក។ ប្រទេសអូទ្រីសនាំចូលស៊ុតពីប្រទេសជិតខាង ដើម្បីបំពេញបន្ថែមនូវតម្រូវការក្នុងស្រុក […]

កូឡាឡាំពួរ៖ សមាគមកសិករដាំដំណាំហូបផ្លែ នៅក្នុងរដ្ឋប៉េណាំងរបស់ប្រទេសម៉ាឡេស៊ី បានចាប់ផ្តើមផ្ទៀងផ្ទាត់ភាពត្រឹមត្រូវតាមប្រព័ន្ធឌីជីថល ដើម្បីការពារកុំឱ្យផ្លែទុរេនមកពីរដ្ឋផ្សេង ឬប្រទេសផ្សេង បន្លំដាក់លក់ក្នុងទីផ្សារផ្លែឈើ ខណៈពេលតម្រូវការផ្លែទុរេនលំដាប់ពិភពលោកកំពុងកើនឡើង។ ផ្លែទុរេននីមួយៗ មានបិទស្លាកសម្គាល់ ឃ្យូអ កូដ (QR Code) ដែលដាក់នៅជាប់នឹងទងរបស់វា បន្ទាប់មកកសិករបញ្ចូលព័ត៌មានលម្អិតរបស់ផ្លែទុរេននៅលើប្រព័ន្ធអនឡាញ។ ប្រធានសមាគមកសិករដាំដំណាំហូបផ្លែ បាននិយាយថា អ្នកប្រើប្រាស់គ្រាន់តែស្កេនលេខកូដដោយប្រើកាមេរ៉ាស្មាតហ្វូន ដើម្បីទាញយកព័ត៌មានភ្លាមៗអំពីផ្លែទុរេន រួមទាំងប្រភពដើម និងព័ត៌មានលម្អិតនៃការផ្ទៀងផ្ទាត់។ លោកបានមានប្រសាសន៍ថា លេខកូដនីមួយៗមានសុពលភាពរយៈពេលប្រាំពីរថ្ងៃ ចាប់តាំងពីការស្កេនដំបូង ហើយកសិករអាចរកប្រភពស្លាកសម្គាល់តាមរយៈសមាគម។ លោកប្រធានសមាគមបានមានប្រសាសន៍ដូច្នេះថា “យើងមានក្រុមហ៊ុនបច្ចេកវិទ្យាមួយ ដែលបញ្ចូលទិន្នន័យអនឡាញ ដើម្បីតាមដានផ្លែទុរេន ហើយថែមទាំងផ្តល់ដំណឹងភ្លាមប្រសិនបើរកឃើញថា មានការលូចបន្លំលេខកូដផ្លែទុរេន។ លោកបាននិយាយទៀតថា “នេះជួយធានាបាននូវភាពត្រឹមត្រូវនៃផ្លែទុរេនដាំក្នុងរដ្ឋប៉េណាំង។ អតិថិជនក៏អាចផ្ទៀងផ្ទាត់ផ្លែទុរេនដោយផ្ទាល់នៅតាមតូបលក់ផងដែរ។” សមាគមកសិករដាំដំណាំហូបផ្លែ ម៉ាឡេស៊ីមានសមាជិកប្រមា២៥០នាក់ ដែលរួមមានម្ចាស់ចម្ការខ្នាតតូច និងមធ្យមនៅទូទាំងរដ្ឋប៉េណាំង ក្នុងនោះប្រហែល២០០នាក់បានចូលរួមយ៉ាងសកម្មក្នុងការដាំដុះទុរេន។ រដ្ឋមន្ត្រីក្រសួងកសិកម្ម និងសន្តិសុខស្បៀង លោក មូហាម៉ាដ សាប៊ូ (Mohamad Sabu) បានសម្តែងការគាំទ្រចំពោះគំនិតផ្តួចផ្តើមនេះ ដោយមានប្រសាសន៍ថា ប្រព័ន្ធ ឃ្យូអកូដ ឆ្លុះបញ្ចាំងពីការយកចិត្តទុកដាក់ខ្ពស់លើគុណភាព។ ផ្លែទុរេនម៉ាឡេស៊ីមានភាពល្បីល្បាញដោយសារគុណភាពពិសេសរបស់វា ហើយនេះជាមូលហេតុ ដែលប្រទេសមួយចំនួនមានករណីក្លែងបន្លំផ្លែទុរេន […]