អន្តរជាតិ

កូឡាឡាំពួរ៖ វិទ្យាស្ថានស្រាវជ្រាវ និងអភិវឌ្ឍន៍កសិកម្មម៉ាឡេស៊ី បានកំណត់គោលដៅកាត់បន្ថយឱ្យបាន៣០ភាគរយនូវការពឹងផ្អែករបស់ខ្លួនលើខ្ទឹមបារាំងក្រហមនាំចូល នៅឆ្នាំ២០៣០ ដោយប្រើកម្មវិធីផលិតកម្មគ្រាប់ពូជក្នុងស្រុក ដែលមានរចនាសម្ព័ន្ធត្រឹមត្រូវ។ អគ្គនាយកវិទ្យាស្ថានស្រាវជ្រាវ បាននិយាយថា គំនិតផ្តួចផ្តើមនេះគាំទ្រដល់គោលដៅសន្តិសុខស្បៀងជាតិ ស្របពេលប្រទេសម៉ាឡេស៊ី នាពេលបច្ចុប្បន្នបាននាំចូលស្ទើរតែទាំងអស់នូវខ្ទឹមបារាំងក្រហម​ ដើម្បីឆ្លើយតបតាមតម្រូវការក្នុងប្រទេស ដែលមានតម្លៃជាទឹកប្រាក់ជាង ៥៥៥លានដុល្លារក្នុងមួយឆ្នាំ។ គម្រោងដាំដុះសាកល្បងនៅក្នុងប្រទេសម៉ាឡេស៊ីបានបង្ហាញពីការរីកចម្រើនគួរឱ្យកត់សម្គាល់ ដោយសហគ្រិនទីវ័យក្មេងម្នាក់បានពង្រីកពីគ្រាប់ពូជចំនួន២០គីឡូក្រាម ដាំនៅលើថ្នាលតូចៗ រហូតបង្កើនគ្រាប់ពួជបានយ៉ាងច្រើន ដែលអាចដាំបានលើផ្ទៃដីកន្លះហិកតា និងទទួលបានទិន្នផលរហូតដល់ប្រាំតោនក្នុងមួយរដូវ។ លោកអគ្គនាយកវិទ្យាស្ថានស្រាវជ្រាវ បាននិយាយក្នុងដំណើរទស្សនកិច្ចពិនិត្យមើលគម្រោងផលិតគ្រាប់ពូជខ្ទឹមបារាំងក្រហម ដែលបង្ហាញថា ខ្ទឹមបារាំងក្រហមអាចដាំដុះបានជាលក្ខណៈពាណិជ្ជកម្មនៅក្នុងប្រទេសម៉ាឡេស៊ី។ សព្វថ្ងៃនេះ វិទ្យាស្ថានស្រាវជ្រាវ និងអភិវឌ្ឍន៍កសិកម្មម៉ាឡេស៊ី កំពុងផ្តោតលើការអភិវឌ្ឍគ្រាប់ពូជក្នុងស្រុកសម្រាប់ចែកចាយដល់ប្រជាកសិករនៅក្រោមនាយកដ្ឋានកសិកម្ម ស្របពេលសហគ្រិនគំរូ នឹងដើរតួជាអ្នកផលិតគ្រាប់ពូជសម្រាប់ចែកចាយបន្ត តាមរយៈប្រព័ន្ធដាំឡើងវិញ គ្រាប់មួយកញ្ចប់អាចបង្កើតបានគ្រាប់ថ្មីបីកញ្ចប់ ដែលអាចពង្រីកការដាំដុះតាមគ្រប់រដូវនីមួយៗ។ យោងតាមអាកាសធាតុក្នុងប្រទេសម៉ាឡេស៊ី ខ្ទឹមបារាំងក្រហមអាចដាំបាននៅនៅក្នុងខែសីហា និងប្រមូលផលនៅក្នុងខែតុលា។  ការដាំដុះនឹងពង្រីកឱ្យបានកាន់តែធំនៅឆ្នាំ២០២៦ ដែលអ្នកជំនាញសង្ឃឹមថា នឹងទទួលបានទិន្នផលគ្រាប់ចំនួន១៥ ០០០ គីឡូក្រាមក្នុងមួយរដូវដាំដុះ។  ចំណែកនៅកសិដ្ឋាផលិតកម្មចំណីអាហារផ្សេងទៀត​ អាចផលិតគ្រាប់ពូជបានឈានដល់ ២ ៤០០គីឡូក្រាមក្នុងមួយរដូវ ដែលអ្នកជំនាញបានព្យាករណ៍ថា នឹងទទួលបានទិន្នផលគ្រាប់ពូជកើនឡើងរហូតដល់៥០ ០០០គីឡូក្រាម នៅឆ្នាំ២០២៦។ លោកប្រធានវិទ្យាស្ថានបានជ្រើសរើសកំណត់សម្រាប់ដាំដុះខ្ទឹមបារាំងក្រហម ដែលអាចផ្តល់ទិន្នផលពី៨ ០០០ ទៅ៩០ ០០០គីឡូក្រាម […]

ហ្សាការតា៖ រដ្ឋាភិបាលឥណ្ឌូណេស៊ី បានចាប់ផ្តើមសម្អាតសារធាតុវិទ្យុសកម្ម សេស្យូម​១៣៧ (Cesium-137) នៅតាមទីតាំងចំនួនពីរ ក្នុងតំបន់ឧស្សាហកម្មមួយកន្លែងស្ថិតនៅក្នុងខេត្តបានតេន ភាគខាងលិចទីក្រុងហ្សាការតា និងបន្តបោសសម្អាតនៅតាមទីតាំងផ្សេងទៀត។ អនុប្រធានផ្នែកគ្រប់គ្រងការបំពុល និងការខូចខាតបរិស្ថាននៃក្រសួងបរិស្ថាន បាននិយាយថា ទីតាំងចំនួន១០ ត្រូវបានគេកំណត់ថា មានជាតិពុលដោយវិទ្យុសកម្ម សេស្យូម​១៣៧ ដែលគិតត្រឹមថ្ងៃទី២ ខែតុលា ឆ្នាំ២០២៥ ក្រុមការងាររដ្ឋាភិបាលឥណ្ឌូណេស៊ីទទួលបន្ទុកគ្រោះថ្នាក់វិទ្យុសកម្ម បានដកហូតធុងជ័រចំនួន២០ និងថង់ប្លាស្ទិកចំនួន១៧ថង់ ព្រមទាំងសម្ភារៈសម្រាប់បំពុលមួយចំនួនទៀត។ ការកម្ចាត់មេរោគកំពុងត្រូវបានអនុវត្តក្រោមការត្រួតពិនិត្យរបស់ទីភ្នាក់ងារគ្រប់គ្រងថាមពលនុយក្លេអ៊ែរ ដើម្បីធានាសុវត្ថិភាពកម្មករ និងពារការការប៉ះពាល់នឹងវិទ្យុសកម្មបន្ថែមទៀត។ វត្ថុធាតុកខ្វក់មានផ្ទុកកម្រិតវិទ្យុសកម្មខ្ពស់​ ត្រូវបានជីកកកាយដោយប្រើឧបករណ៍ធុនធ្ងន់ ហើយបានផ្លាស់ប្តូរទៅកន្លែងរក្សាទុកជាបណ្តោះអាសន្នរបស់ក្រុមហ៊ុន។ លោកបាននិយាយថា «រដ្ឋាភិបាលបានប្តេជ្ញាអនុវត្តយ៉ាងខ្លាំងក្លានូវកិច្ចខិតខំប្រឹងប្រែងកាត់បន្ថយ និងគ្រប់គ្រងការចម្លងរោគ»។ យោងតាមរដ្ឋបាលចំណីអាហារ និងឱសថសហរដ្ឋអាមេរិក បានឱ្យដឹងថា ដំបូងឡើយបានរកឃើញការចម្លងរោគវិទ្យុសកម្ម សេស្យូម ១៣៧ ត្រូវបានគេរាយការណ៍ថា បានរកឃើញនៅក្នុងផលិតផលបង្គាបង្កក ដែលនាំចេញពីឥណ្ឌូណេស៊ីទៅកាន់ទីផ្សារសហរដ្ឋអាម៉េរិក។ ចំណែកក្រោយមកអាជ្ញាធរឥណ្ឌូណេស៊ីបានបិទទីតាំងក្រុមហ៊ុនកែច្នៃវេចខ្ចប់ ដែលសង្ស័យថា ជាប្រភពនៃការចម្លងរោគវិទ្យុសកម្មនៅក្នុងផលិតផលបង្គា។ កាលពីចុងខែកញ្ញា​ ឆ្នាំ២០២៥ រដ្ឋមន្ត្រីក្រសួងសម្របសម្រួលសម្រាប់ម្ហូបអាហារ បានបញ្ជាក់ថា ការចម្លងរោគវិទ្យុសកម្ម សេស្យូម ១៣៧ ត្រូវបានរក្សាទុកនៅក្នុងបរិវេណឧស្សាហកម្ម ហើយមិនប៉ះពាល់ដល់ខ្សែសង្វាក់ផ្គត់ផ្គង់ជាតិ ឬការនាំចេញឡើយ។ ក្រសួង​សុខាភិបាលឥណ្ឌូណេស៊ី […]

កាលីហ្វ័រញ៉ា៖ យោងតាមនាយកដ្ឋានចំណីអាហារ និងកសិកម្ម រដ្ឋកាលីហ្វ័រញ៉ា សហរដ្ឋអាម៉េរិក បានឱ្យដឹងថា កសិដ្ឋាននៅក្នុងរដ្ឋកាលីហ្វ័រញ៉ា បានកត់ត្រាទឹកប្រាក់បានមកពីការលក់ទំនិញសរុបលើសពី ៦១ពាន់លានដុល្លារ ក្នុងឆ្នាំ២០២៤ ខណៈពេលតម្លៃសរុបខ្ពស់ជាង តម្លៃដើមសម្រាប់អ្នកដាំដុះ។ ក្នុងចំណោមកសិផលស្រស់ៗ មានដូចជាគ្រាប់អាល់ម៉ុននៅតែជាទំនិញឈានមុខគេដែលមានតម្លៃសរុប៥,៦៦ពាន់លានដុល្លារ។  ទោះបីជាយ៉ាងណាក៏ដោយ តម្លៃលក់ផលិតផលបន្លែ និងផ្លែឈើ ក្នុងឆ្នាំ២០២៤ បានធ្លាក់ថ្លៃមិនអាចរកប្រាក់ចំណេញ ដែលនាំឱ្យអ្នកដាំដំណាំមួយចំនួនបោះបង់ចោលចម្ការ។  ចម្ការ​​បោះ​បង់​ចោលចម្ការ​បាន​ក្លាយជាជម្រក​ពងកូនសម្រាប់សត្វ​ល្អិតចង្រៃ ដែលឆ្លងទៅបំផ្លាញផលដំណាំ​លើ​ចម្ការ​ឈើ​​ជិត​ខាង។ ការលក់ផលិតផលផ្លែទំពាំងបាយជូរអាចរកប្រាក់ចំណួលបានចំនួន៥,៦៤ពាន់លានដុល្លារ។  បន្លែសាឡាត់លក់បានប្រាក់ចំនួន៣,៦៧ពាន់លានដុល្លារ និងផ្លែស្ត្របឺរី លក់បានប្រាក់ចំនួន៣,៤៦ពាន់លានដុល្លារ។  ការលក់គ្រាប់សណ្តែករីករាយរកចំណូលបានចំនួន២,០៥ពាន់លានដុល្លារ ចំណែកផលិតកែច្នៃប៉េងប៉ោះរកចំណូលបានចំនួន១,៦៤ពាន់លានដុល្លារ។  ការ៉ុតលក់បាន​ប្រាក់​ចំនួន១,៥៧ពាន់​លាន​ដុល្លារ។ ទិន្នន័យនាំចេញថ្មីៗបំផុត ពីឆ្នាំ២០២៣ បង្ហាញពីចំណូលលក់ផលិតផលកសិកម្មបានប្រាក់ចំនួន២២,៤ពាន់លានដុល្លារ ដោយការនាំចេញទៅកាន់ទីផ្សារក្រៅប្រទេស ធ្លាក់ចុះ៥,៩ភាគរយធៀបនឹងឆ្នាំ២០២៤។ គ្រាប់ផ្លែអាល់ម៉ុន និងសណ្តែករីករាយ គឺជាផលិតផលនាំចេញបានច្រើនជាងគេ។ នាយកដ្ឋានចំណីអាហារ និងកសិកម្ម រដ្ឋកាលីហ្វ័រញ៉ា ក៏បានរាយការណ៍ផងដែរថា ការលក់ជីសរីរាង្គបានកើនឡើងជិត២២ភាគរយ នៅចន្លោះឆ្នាំ២០១៩ និង២០២៣ ដែលទទួលបានប្រាក់ចំណូលឈានដល់ចំនួន១១,៨ពាន់លានដុល្លារ។ ទោះបីជារបាយការណ៍បានបង្ហាញពីចំនួនទឹកប្រាក់ច្រើន កើនឡើង៣,៦ភាគរយ ក្នុងឆ្នាំ២០២៤ក៏ដោយ​ ក៏អត្រាអតិផរណា និងការកើនឡើងនៃការចំណាយថ្លៃដើមផលិត បានធ្វើឱ្យប្រាក់ចំណេញមានកម្រិតនៅឡើយ។  អ្នកដាំដុះប្រឈមមុខនឹងបញ្ហាតម្លៃពលកម្ម ពន្ធគយ និងការចំណាយលើធាតុចូល ខណៈពេលតម្លៃទំនិញលក់ចេញនៅតែទាប […]

ហ្សាការតា៖ សមាគមអ្នកចិញ្ចឹមបង្គារបស់ប្រទេសឥណ្ឌូណេស៊ី បាននិយាយកាលពីចុងសប្តាហ៍មុនថា ឧស្សាហកម្មបង្គារបស់ប្រទេសឥណ្ឌូណេស៊ី បានកាត់បន្ថយការកែច្នៃបង្គាពី៣០ ទៅ៣៥ភាគរយ បន្ទាប់ពីរកឃើញមេរោគវិទ្យុសកម្មនៅក្នុងបង្គា ដែលបាននាំចេញទៅកាន់ទីផ្សារសហរដ្ឋអាម៉េរិក​ កាលពីខែសីហា ឆ្នាំ២០២៥។ បង្គា​ត្រូវ​បាន​គេ​កែច្នៃ​នៅ​តំបន់​ឧស្សាហកម្ម​មួយ ​នៅ​ជិត​ទីក្រុង​ហ្សាកាតា ដែល​ក្រោយ​មក​ត្រូវ​បាន​រក​ឃើញ​ថា ​មានផ្ទុក​មេរោគវិទ្យុសកម្ម សេស្យូម ១៣៧ (Cesium 137) ហើយ​ទីភ្នាក់ងារ​នុយក្លេអ៊ែរ​របស់​ប្រទេសឥណ្ឌូណេស៊ី ​កំពុង​កំណត់​ទំហំ​នៃ​តំបន់​​រង​ផលប៉ះពាល់។ ប្រទេសឥណ្ឌូណេស៊ី គឺជាប្រទេសនាំចេញផលិតផលបង្គាធំជាងគេទី៥ របស់ពិភពលោក ដែលមានបរិមាណបង្គាប្រមាណចំនួនប្រាំមួយភាគរយនៃការនាំចេញលើពិភពលោក។ ប្រហែលពីរភាគបីផលិតផលបង្គាទាំងនេះត្រូវបាននាំចេញទៅកាន់ទីផ្សារសហរដ្ឋអាម៉េរិក។  ប្រធានសមាគមអ្នកចិញ្ចឹមបង្គារបស់ប្រទេសឥណ្ឌូណេស៊ី បាននិយាយថា ស្របពេលរកឃើញវិទ្យុសកម្ម អ្នកនាំចេញបង្គាទៅសហរដ្ឋអាម៉េរិក និងអ្នកទិញផ្សេងទៀត ឥឡូវនេះកំពុងតែរង់ចាំដើម្បីកំណត់ហេតុថា តើបង្គាទាំងអស់នាំចេញពីប្រទេសឥណ្ឌូណេស៊ី មានសុវត្ថិភាព ឬយ៉ាងណា? លោក​បាន​បន្ត​ថា តម្លៃ​បង្គាបាន​ធ្លាក់​ចុះ​រហូត​ដល់៣៥ភាគរយ​នៅ​ក្នុង​តំបន់​មួយ​ចំនួន​បន្ទាប់ពីគេបញ្ចូលឈ្មោះក្រុមហ៊ុននាំចេញទៅក្នុងបញ្ជីក្រហមរបស់រដ្ឋបាលចំណីអាហារ និងឱសថសហរដ្ឋអាម៉េរិក។ យោងតាមទិន្នន័យ បានឱ្យដឹងថា  ប្រទេសឥណ្ឌូណេស៊ីបាននាំចេញបង្គាប្រហែល២១៥ ០០០តោន ដែលមានតម្លៃប្រហែល១,៧ពាន់លានដុល្លារ។ សហរដ្ឋអាម៉េិក គឺជាទីផ្សារចម្បងសម្រាប់បង្គាឥណ្ឌូណេស៊ីដែលមានចំនួន៦៣,៧ភាគរយនៃការនាំចេញសរុប បន្ទាប់មក គឺប្រទេសជប៉ុន។ លោកបាននិយាយថា ប្រសិនបើរឿងនេះនៅតែបន្តកើតមាន គ្រួសាររាប់លាន ដែលពឹងផ្អែកលើឧស្សាហកម្មនេះ ចាប់ពីដើមទឹកដល់ចុងទឹក នឹងប្រឈមមុខបាត់បង់ការងារធ្វើ។  ព្រោះឧស្សាហកម្មបង្គាបានក្លាយជាជនរងគ្រោះនៃការធ្វេសប្រហែស ហើយឧបទ្ទវហេតុនេះ បានធ្វើឱ្យមានការរង្គោះរង្គើដល់ទំនុកចិត្តសាធារណៈ។  […]

ហ្សាការតា៖ ក្រុមហ៊ុនកសិកម្មរបស់រដ្ឋ ដែលទើបនឹងបើកដំណើរការថ្មីៗរបស់ប្រទេសឥណ្ឌូណេស៊ី គ្រោងនឹងវិនិយោគទឹកប្រាក់ចំនួន៤៧៩លានដុល្លារ រហូតដល់ដំណាច់ឆ្នាំ២០២៦ ដើម្បីកសាងសមត្ថភាពផលិតស្រូវឱ្យបានច្រើន ដោយការទិញឧបករណ៍កសិកម្មទំនើបៗ និងបន្ថែមម៉ាស៊ីនកិនស្រូវថ្មីៗ។ យោងតាមទីភ្នាក់ងារព័ត៌មាន រ៉យទ័រ របស់អង់គ្លេស បានឱ្យដឹងថា​ ក្រុមហ៊ុនរដ្ឋគ្រប់គ្រងនេះ​ត្រូវបានបើកដំណើរការក្នុងខែឧសភា ឆ្នាំ២០២៥ ដោយមានភារកិច្ចបង្កើនទិន្នផលស្រូវ ឱ្យសម្រេចតាមផែនការរបស់ប្រធានាធិបតីឥណ្ឌូណេស៊ី លោក ប្រាបូវ៉ូ ស៊ូប៊ីយ៉ាន់តូ (Prabowo Subianto) ដើម្បីធ្វើឱ្យប្រទេសឥណ្ឌូណេស៊ី មានស្បៀងផ្គត់ផ្គង់គ្រប់គ្រាន់ដោយខ្លួនឯង។ ក្រុមហ៊ុនថ្មីថ្មោងនេះ បានកំណត់គោលដៅថា នៅត្រឹមចុងឆ្នាំ២០២៦ ក្រុមហ៊ុននឹងបង្កើតមជ្ឈមណ្ឌលផលិតកម្មស្បៀង ឱ្យបានចំនួន២០កន្លែង នៅទូទាំងប្រទេសឥណ្ឌូណេស៊ី ដែលមជ្ឈមណ្ឌលនីមួយៗបំពាក់ដោយម៉ាស៊ីនសម្ងួតស្រូវសើម រោងម៉ាស៊ីនកិនស្រូវ ម៉ាស៊ីនកិនកែច្នៃចំណីសត្វ និងឃ្លាំងស្តុកស្រូវផងដែរ។ ប្រធានក្រុមហ៊ុនបាននិយាយថា ដើម្បីធ្វើឱ្យបានសម្រេចតាមគោលដៅ ក្រុមហ៊ុននឹងចាប់ដៃគូជាមួយកសិករខ្នាតតូច ដើម្បីជួលដីដាំស្រូវ ឬបង្កើតកសិដ្ឋានផ្ទាល់ខ្លួនតែម្តង ព្រោះក្រុមហ៊ុននឹងទទួលបានដីទំហំជាង២២៥ ០០០ហិកតា ពីក្រសួងកសិកម្ម នៅចុងឆ្នាំ២០២៥នេះ។ លោកប្រធានក្រុមហ៊ុនបានបន្ថែមថា រដ្ឋាភិបាលឥណ្ឌូណេស៊ីនឹងផ្តល់ទុនប្រមាណ៤៧៩លានដុល្លារ ដូច្នេះការវិនិយោគដោយប្រើលុយរដ្ឋ ក្រុមហ៊ុនត្រូវធ្វើឱ្យប្រព័ន្ធគ្រប់គ្រងដំណើរការល្អ និងទទួលបានជោគជ័យ។  ចំណែកក្រុមហ៊ុនសង្ឃឹមថា នឹងអាចបង្កើនសមត្ថភាពផលិតស្រូវរបស់ខ្លួនឱ្យបានចំនួនបួនលានតោនក្នុងមួយឆ្នាំ ខណៈ​ទិន្នផល​ស្រូវសរុប មាន​ចំនួន៣០,៦លាន​តោន ​ក្នុង​ឆ្នាំ២០២៤។ លោកបាននិយាយបញ្ជាក់ថា ក្រុមហ៊ុនបានចាប់ផ្តើមអភិវឌ្ឍមជ្ឈមណ្ឌលផលិតកម្មដោយចំណាយទឹកប្រាក់ប្រមាណ២៤លានដុល្លារ នៅលើផ្ទៃដីទំហំ១២ […]

វ៉ាស៊ីនតោន៖ តម្លៃសាច់គោអាម៉េរិក បានឡើងថ្លៃខ្ពស់បំផុត បន្ទាប់ពីជួបគ្រោះរាំងស្ងួតធ្វើឱ្យបរិំមាណគោរស់នៅសល់ចំនួនតិចបំផុតក្នុងប្រវត្តិសាស្ត្ររយៈពេល៧០ឆ្នាំកន្លងមកនេះ ស្របគ្នានឹងការដំឡើងពន្ធនាំចូលរបស់សហរដ្ឋអាម៉េរិក។ របាយការណ៍សន្ទស្សន៍តម្លៃទំនិញប្រើប្រាស់របស់ការិយាល័យស្ថិតិការងារ សម្រាប់ខែសីហា ឆ្នាំ២០២៥ បានបង្ហាញពីតម្លៃសាច់គោកើនឡើងលើតម្លៃកាលពីឆ្នាំមុន។  តម្លៃសាច់គោកិនល្អិតបានកើនឡើង១២,៨ភាគរយ ពីមួយឆ្នាំទៅមួយឆ្នាំ ខណៈតម្លៃសាច់គោដុំបានកើនឡើង១៣,៦ភាគរយ ហើយតម្លៃសាច់គោដុំល្អបំផុត គឺតម្លៃឡើងខ្ពស់ជាង១៦​,៦ភាគរយ។  តួលេខអតិផរណាទាំងនេះ គឺខ្ពស់ជាងការកើនឡើង៣,២ភាគរយ ពីមួយឆ្នាំទៅមួយឆ្នាំ នៅក្នុងប្រភេទចំំណីអាហារទាំងអស់ ក៏ដូចជាការកើនឡើង៥,៤ភាគរយនៃតម្លៃសាច់ កាលពីឆ្នាំ២០២៤។ អ្នកចិញ្ចឹមគោនៅក្នុងរដ្ឋអីល្លីណាយ សហរដ្ឋអាម៉េរិក បាននិយាយថា ចំនួនគោរស់បានធ្លាក់ចុះក្នុងរយៈពេលប៉ុន្មានឆ្នាំថ្មីៗកន្លងនេះ ដោយសារគ្រោះរាំងស្ងួតប៉ះពាល់ដល់តំបន់ចិញ្ចឹមសំខាន់ៗមួយចំនួន ។ លោកបាននិយាយថា «បញ្ហាពិតនៅទីនេះ គឺគ្រោះរាំងស្ងួត ដែលបានកើតឡើងកាលពីប៉ុន្មានឆ្នាំមុន ហើយរដ្ឋតិចសាស់ អូក្លាហូម៉ា និងរដ្ឋកាន់សាស ស្ថិតនៅភាគអាគ្នេយ៍ក៏លែងមានស្មៅដុះទៀតដែរ ដូច្នេះទើបគ្មានចំណីឱ្យគោស៊ី។  យើងមានស្តុកគោតិចបំផុត ចាប់តាំងពីឆ្នាំ១៩៥១ ដូច្នេះហើយទើបសាច់គោឡើងថ្លៃ»។ ចំណែកការចំណាយរបស់អ្នកចិញ្ចឹមគោវិញ ក៏បានកើនឡើងផងដែរ រាប់ទាំងការចំណាយលើចំណីគោ កម្លាំងពលកម្ម ប្រេងឥន្ធនៈ និងតម្លៃគ្រឿងចក្រក៏កំពុងកើនឡើងជាបន្តបន្ទាប់។ រីឯការនាំចូលសាច់គោ និងគោរស់ ត្រូវបានហាមឃាត់ដោយសារបញ្ហាជំងឺឆ្លង ដូចជាការដឹកជញ្ជូនសត្វគោរស់ពីប្រទេសម៉ិកស៊ិក ត្រូវក្រសួងកសិកម្មសហរដ្ឋអាម៉េរិក ផ្អាកចាប់តាំងពីក្នុងខែឧសភា ឆ្នាំ២០២៥ ដោយសារករណីជំងឺដង្កូវក្នុងសាច់គោ ដែលប៉ះពាល់ដល់គោចិញ្ចឹមនៅក្នុងស្រុក។ អត្រាពន្ធនាំចូលខ្ពស់ក៏បានបង្កឱ្យតម្លៃសាច់គោឡើងកាន់តែខ្ពស់ ដែលប៉ះពាល់ដល់អ្នកប្រើប្រាស់ទូទៅ […]

តែប៉ិ៖ នៅចុងខែកញ្ញានេះ កោះតៃវ៉ាន់​បាន​នាំចេញ​ផ្លែក្រូចថ្លុង​ជាលើកដំបូង​​ទៅ​ប្រទេសម៉ាឡេស៊ី​បន្ទាប់ ​ពី​មាន​ការ​យល់ព្រម​លើ​ទីផ្សារ​ កាលពី​ឆ្នាំ​២០២៤​ ដោយផ្លែក្រូចថ្លុងសរុបចំនួន៣,៦តោនត្រូវបានគយម៉ាឡេស៊ីត្រួតពិនិត្យ និងអនុញ្ញាតឱ្យនាំចូល។ យោងតាមទីភ្នាក់ងារត្រួតពិនិត្យសុខភាពសត្វ និងរុក្ខជាតិ របស់ក្រសួងកសិកម្មតៃវ៉ាន់ បានឱ្យដឹងថា​ ផ្លែក្រូចថ្លុងដាំដុះនៅក្នុងកោះតៃវ៉ាន់ ត្រូវបាននាំចេញទៅកាន់ប្រទេសជប៉ុន កាណាដា ហុងកុង សិង្ហបុរី និងប្រទេសហ្វីលីពីនរួចហើយ។ ទីភ្នាក់ងារដដែលនេះ បានឱ្យដឹងទៀតថា កោះតៃវ៉ាន់ចាប់ផ្តើមដាក់ពាក្យសុំនាំចូលទីផ្សារម៉ាឡេស៊ី កាលពីក្នុងឆ្នាំ២០២៣  ដោយផ្តល់ទិន្នន័យលម្អិតស្តីពីភាពសមស្របនៃអាកាសធាតុ សត្វល្អិត និងជំងឺ និងការរក្សាទុកក្រោយពេលប្រមូលផល។  ជិតពីរឆ្នាំនៃការចរចា រួមទាំងតម្រូវ​ការឯកសារចាំបាច់ជាច្រើន ទើបអាជ្ញាធរម៉ាឡេស៊ី យល់ព្រមឱ្យនាំចូល។ នៅខែវិច្ឆិកា ឆ្នាំ២០២៤ ម៉ាឡេស៊ីបានអនុញ្ញាតឲ្យនាំចូលផ្លែក្រូចថ្លុងតៃវ៉ាន់ក្រោមលក្ខខណ្ឌ ដែលការដឹកជញ្ជូនត្រូវមានលិខិតអនុញ្ញាតនាំចូល និងវិញ្ញាបនបត្រផ្សេងទៀតចេញដោយទីភ្នាក់ងារភួតគាមអនាម័យ។  ផ្លែក្រូចថ្លុងជើងទីមួយទទួលបានបញ្ជាក់ទីភ្នាក់ងារនៅថ្ងៃទី៧ ខែកញ្ញា ឆ្នាំ២០២៥នេះ​ ទើបចាប់ផ្តើមដឹកជញ្ជូនតាមសមុទ្រ ទៅដល់ប្រទេសម៉ាឡេស៊ី នៅថ្ងៃទី២៦ ខែកញ្ញា។  ​បន្ទាប់​​ពី​អ្នក​ត្រួត​ពិនិត្យ​បាន​បញ្ជាក់​ថា ​ផ្លែ​ឈើ​ទាំងនេះ​គ្មាន​សត្វល្អិត និង​ជំងឺឆ្លង ​ដែល​គួរ​ឲ្យ​ព្រួយបារម្ភ ទើបភ្នាក់ងារគយម៉ាឡេស៊ីអនុញ្ញាតឱ្យចូលប្រកបដោយជោគជ័យ។ ដោយឡែក ទីភ្នាក់ងារកសិកម្ម និងចំណីអាហាររបស់កោះតៃវ៉ាន់ បានរៀបចំការប្រកួតប្រជែងភេសជ្ជៈផលិតពីផ្លែឈើ ដើម្បីលើកកម្ពស់ផលិតផលក្នុងស្រុក។ ម្ចាស់ហាងលក់ភេសជ្ជៈផលិតពីផ្លែឈើ តម្រូវឱ្យលក់យ៉ាងហោចណាស់ផលិតផលផ្លែឈើមួយក្នុងចំណោមផលិតផលផ្លែឈើចំនួនបួន ដែលត្រូវបានកំណត់ មានដូចជាផ្លែត្របែក […]

ហាណូយ៖ តម្លៃបន្លែស្រស់ នៅក្រុងហាណូយ ប្រទេសវៀតណាម បានកើនឡើងថ្លៃមួយគុណនឹងពីរបន្ទាប់ពីព្យុះភ្លៀង ឈ្មោះ បួឡយ (Bualoi) បានបោកបក់លើវៀតណាមភាគខាងជើង ហើយនៅតាមផ្សារជាច្រើនអាចប្រឈមមុខនឹងបញ្ហាខ្វះខាតបន្លែ ក្នុងរយៈពេលប៉ុន្មានថ្ងៃខាងមុខនេះ ដោយការផ្គត់ផ្គង់ត្រូវបានកាត់បន្ថយព្រោះរភ្លៀងធ្លាក់ខ្លាំងពេក និងទឹកជំនន់នៅតាមតំបន់ដាំដុះ។ យោងតាមសារព័ត៌មានវៀតណាម បានឱ្យដឹងថា នៅតាមបណ្តាផ្សារមួយចំនួនធំ​ ក្នុងក្រុងហាណូយ ត្រកួនមួយបាច់មានតម្លៃពី១៥ ០០០ ទៅ២០ ០០០ដុង ឬស្មើពី០,៥៩ ទៅ០,៧៨ដុល្លារ, ស្ពៃខ្មៅមួយបាច់មានតម្លៃពី១២ ០០០ ទៅ១៥ ០០០ដុង ឬស្មើពី០,៤៧ ទៅ០,៥៩ដុល្លារ ឬស្មើនឹង១០,១០ដុល្លារ ក្នុងមួយគីឡូក្រាម គឺឡើងថ្លៃជិតពីរដង បើធៀបនឹងតម្លៃបន្លែលក់ក្នុងថ្ងៃធម្មតា។ អាជីវករ​លក់បន្លែ​បាន​ពន្យល់​ថា ព្យុះភ្លៀង​ធ្លាក់​ខ្លាំងជាបន្តបន្ទាប់ និងទឹកជំនន់បានបំផ្លាញ​ដំណាំស្ទើរគ្មានសល់ ​ទើបធ្វើឱ្យអ្នកលក់បង្ខំចិត្ត​​ឡើង​ថ្លៃ។ នៅ​តាមផ្សារខ្លះទៀត តម្រូវការបន្លែ​មាន​ការកើនឡើងយ៉ាង​ខ្លាំង ដោយ​មាន​មនុស្ស​ឈរ​តម្រង់​ជួរ​តាំង​ពី​ព្រឹក​ព្រលឹម ដើម្បី​រងចាំទិញបន្លែ។ ជីរនាងវងមានតម្លៃពី២៥ ០០០ ទៅ៣០ ០០០ដុង ឬស្មើពី០,៩៧ ទៅ១,១៧ដុល្លារក្នុងមួយគីឡូក្រាម, ស្ពៃខ្មៅមានតម្លៃ១៥ ០០០ដុង ឬស្មើនឹង០,៥៩ដុល្លារ ក្នុងមួយបាច់ ចំណែកផ្កាខាត់ណាមានតម្លៃរហូតដល់៥០ ០០០ដុង ឬស្មើនឹង១​,៩៥ដុល្លារ ក្នុងមួយគីឡូក្រាម។ […]

ប៉េកាំង៖​ រដ្ឋមន្ត្រីក្រសួងធនធានទឹករបស់ប្រទេសចិន បាននិយាយកាលពីថ្ងៃទី២៩ ខែកញ្ញាថា ប្រទេសចិនបានសាងសង់ទំនប់ស្ទាក់ទឹកដ៏ធំបំផុតរបស់ពិភពលោក ក្នុងផែនការប្រាំឆ្នាំរំកិល លើកទី១៤ សម្រាប់ឆ្នាំ២០២១-២០២៥ ត្រូវបានព្យាករណ៍ថា នឹងមានទំហំទឹកប្រាក់វិនិយោគជិត៧៥៧ពាន់លានដុល្លារ ដើម្បីផ្តល់អត្ថប្រយោជន៍ដល់ប្រជាជនកាន់តែច្រើន។ សារព័ត៌មាន គ្លូបល ថែមស៍ (Global Times) របស់ចិន បានចេញផ្សាយថា ក្នុងឆ្នាំ២០២២ ការវិនិយោគរបស់ចិនក្នុងការសាងសង់ទំនប់ស្ទាក់ទឹក មានទឹកប្រាក់កើនជិតដល់១ ៥០០ពាន់លានដុល្លារ ហើយបានបង្កើតកំណត់ត្រាថ្មីសម្រាប់រយៈពេលបីឆ្នាំបន្តបន្ទាប់ រហូតមានទឹកប្រាក់កើនជិតដល់១ ១៩០ពាន់លានដុល្លារ ក្នុងឆ្នាំ២០២៤។ ការវិនិយោគសរុបក្នុងអំឡុងពេលអនុវត្តផែនការប្រាំឆ្នាំរំកិល លើកទី១៣ ត្រូវបានគេរំពឹងថា នឹងមានចំនួន១,៦ដងនៃផែនការ ឆ្នាំ២០១៦-២០២០។ សាស្ត្រាចារ្យនៃបណ្ឌិត្យសភាសិក្សាសេដ្ឋកិច្ចបើកទូលាយរបស់ប្រទេសចិន នៅសាកលវិទ្យាល័យពាណិជ្ជកម្មអន្តរជាតិ និងសេដ្ឋកិច្ច បានមានប្រសាសន៍ថា ការវិនិយោគលើគម្រោងរក្សាទុកទឹកមានទំហំធំ និងយូរអង្វែង ប៉ុន្តែវាអាចជំរុញការវិនិយោគក្នុងសង្គមប្រកបដោយប្រសិទ្ធភាព និងផ្តល់ការគាំទ្រដល់និរន្តរភាពនៃការអភិវឌ្ឍសេដ្ឋកិច្ចប្រកបដោយ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​គុណភាពខ្ពស់។ ចាប់តាំងពីឆ្នាំ២០២១ គម្រោងសាងសង់ប្រពន្ធធារាសាស្ត្រសំខាន់ៗសរុបចំនួន១៧២គម្រោង ត្រូវបានដាក់ឱ្យដំណើរការ ដើម្បីពន្លឿនការគូរប្លង់ និងរចនាសម្ព័ន្ធ។  នៅចុងឆ្នាំ២០២៤ ប្រទេសចិនបានសាងសង់អាងស្តុកទឹកចំនួន៩៥​ ០០០ រួមទាំងទ្វារបង្វែរទឹកតូចធំ និងមធ្យមចំនួន២០០ ប្រព័ន្ធធារាសាស្ត្រចំនួន៦ ៩២៤ និងទំនប់ទឹកប្រវែង៣១៨ ០០០គីឡូម៉ែត្រ ដោយបានបញ្ចប់នូវហេដ្ឋារចនាសម្ព័ន្ធស្ទាក់ទឹកឈានមុខគេ លើពិភពលោក […]

សេអ៊ូល៖ រដ្ឋាភិបាលកូរ៉េខាងត្បូង កាលពីពេលថ្មីៗកន្លងមកនេះ បានប្រកាសផែនការកាត់បន្ថយការប្រែប្រួលតម្លៃផលិតផលកសិកម្ម ត្រឹមពាក់កណ្តាលត្រឹមឆ្នាំ២០៣០ តាមរយៈការធ្វើឌីជីថលនៃខ្សែសង្វាក់ចែកចាយ។  យុទ្ធសាស្ត្រនេះនឹងកាត់បន្ថយពេលវេលាដឹកជញ្ជូនពីកសិដ្ឋានទៅកាន់អ្នកប្រើប្រាស់ ដោយមានបំណងធានាបាននូវផលចំណេញសមរម្យសម្រាប់អ្នកផលិត និងការចំណាយទាបសម្រាប់អ្នកទិញ។ គោលបំណងសំខាន់នៃផែនការកែលម្អរចនាសម្ព័ន្ធការចែកចាយផលិតផលកសិកម្ម គឺជាការលក់ដុំផលិតផលកសិកម្មតាមអ៊ីនធឺណិត។  ជំនួសឱ្យការប្រមូលផ្តុំលំហូរតាមរយៈទីផ្សារលក់ដុំ ផែនការតភ្ជាប់រវាងកសិករ និងអ្នកប្រើប្រាស់ដោយផ្ទាល់តាមរយៈវេទិកាអនឡាញ។ បច្ចុប្បន្ននេះ តម្លៃចែកចាយមានចំនួនជិតពាក់កណ្តាលនៃតម្លៃអ្នកប្រើប្រាស់។  នៅឆ្នាំ ២០២៣ តម្លែចែកចាយតំណាងឱ្យ៤៩,២ភាគរយនៃតម្លៃសរុប។  អស្ថិរភាពតម្លៃក៏ត្រូវបានផ្សារភ្ជាប់ទៅនឹងអាកាសធាតុមិនប្រក្រតីផងដែរ។  ជាឧទាហរណ៍ ការផលិតផ្លែប៉ោមបានធ្លាក់ចុះ ៣០ភាគរយ កាលពីឆ្នាំមុន ដោយសារការខូចខាតក្នុងអាកាសធាតុត្រជាក់ពេក និងកើតជំងឺ ដែលនាំឱ្យតម្លៃផ្លែប៉ោមលក់ដុំកើនឡើង៦២ភាគរយ។ អ្នក​នាំពាក្យ​រដ្ឋាភិបាល​កូរ៉េខាងត្បូង បាន​និយាយ​ថា​ «​យើង​បាន​វិនិច្ឆ័យ​ថា ​ការ​បង្កើន​ប្រសិទ្ធភាព​ការ​ចែកចាយ ​គឺ​ចាំបាច់​ព្រោះ​អាកាសធាតុ​មិន​ប្រក្រតី​ក្លាយ​ជា​ទម្លាប់​»។ រដ្ឋាភិបាលកូរ៉េខាងត្បូងមានគោលបំណងពង្រីកទីផ្សារលក់ដុំតាមអ៊ីនធឺណិត ដែលបានចាប់ផ្តើមក្នុងខែវិច្ឆិកា ឆ្នាំ២០២៣ ពីទំហំទឹកប្រាក់៧៣០លានដុល្លារ ក្នុងប្រតិបត្តិការបានកើនទៅដល់៥,១ពាន់លានដុល្លារ នៅឆ្នាំ២០៣០។ វានឹងស្មើនឹងពាក់កណ្តាលនៃការចែកចាយលក់ដុំទាំងអស់។  ការរឹតបន្តឹងការចូលនឹងត្រូវបានអនុវត្ត ដើម្បីអនុញ្ញាតឱ្យមានការចូលរួមពីកសិដ្ឋានខ្នាតតូច ហើយប័ណ្ណបញ្ចុះតម្លៃនឹងត្រូវបានផ្តល់ជូនសម្រាប់គ្របដណ្តប់លើផ្នែកដឹកជញ្ជូន និងទីផ្សារ។  ទម្រង់ប្រតិបត្តិការនឹងធ្វើពិពិធកម្មដើម្បីរួមបញ្ចូលការដេញថ្លៃផងដែរ។ ដើម្បីគាំទ្រការចែកចាយឌីជីថល មជ្ឈមណ្ឌលចែកចាយផលិតផលកសិកម្មឆ្លាតវៃចំនួន៣០០នឹងត្រូវបានបង្កើតឡើង ដែលមជ្ឈមណ្ឌលទាំងនេះនឹងប្រើប្រាស់បញ្ញាសិប្បនិម្មិត ដើម្បីវិភាគទិន្នន័យផលិតកម្ម និងដឹកជញ្ជូន និងស្លាកសម្គាល់ផលិតផល ដើម្បីតាមដានចលនារបស់ផលិតផល។  នៅឆ្នាំ២០៣០ រដ្ឋាភិបាលមានបំណងកាត់បន្ថយការប្រែប្រួលតម្លៃប្រចាំថ្ងៃសម្រាប់ដំណាំសំខាន់ៗ មានដូចជា ស្ពៃក្តោប […]

ហាណូយ៖ យោងតាមការប៉ាន់ស្មានដោយកម្មវិធីអភិវឌ្ឍន៍អង្គការសហប្រជាជាតិ បានឱ្យដឹងថា ពន្ធគយរបស់សហរដ្ឋអាម៉េរិក ដែលចូលធរមានក្នុងខែសីហា ឆ្នាំ២០២៥នេះ បានកាត់បន្ថយចំណូលរហូតដល់មួយភាគប្រាំនៃការនាំចេញរបស់វៀតណាម ទៅកាន់សហរដ្ឋអាម៉េរិក ដោយធ្វើឱ្យវៀតណាមក្លាយជាប្រទេសរងគ្រោះខ្លាំងជាងគេ នៅក្នុងតំបន់អាស៊ីអាគ្នេយ៍។ ទីភ្នាក់ងារព័ត៌មាន រ៉យទ័ររបស់អង់គ្លេស បានផ្សាយថា ទិន្នន័យពាណិជ្ជកម្មរបស់សហរដ្ឋអាម៉េរិក បង្ហាញឱ្យដឹងថា វៀតណាម គឺជាប្រទេសនាំចេញធំជាងគេទីប្រាំមួយ ទៅកាន់សហរដ្ឋអាម៉េរិក កាលពីឆ្នាំ២០២៤ ដែលនាំចេញទំនិញមានតម្លៃជាទឹកប្រាក់ចំនួន១៣៦,៥ពាន់លានដុល្លារ។  ទំនិញទាំងនោះភាគច្រើនត្រូវបានផលិតនៅក្នុងរោងចក្រ ដែលគ្រប់គ្រងដោយសហរដ្ឋអាម៉េរិក និងក្រុមហ៊ុនពហុជាតិបរទេស។ ប្រធានអ្នកសេដ្ឋកិច្ចរបស់កម្មវិធីអភិវឌ្ឍន៍អង្គការសហប្រជាជាតិ (UNDP) ប្រចាំតំបន់អាស៊ីប៉ាស៊ីហ្វិកបាននិយាយថា​ នៅក្នុងសេណារីយ៉ូដ៏អាក្រក់បំផុតនៃអតិផរណារបស់សហរដ្ឋអាម៉េរិក ដែលបង្កឡើងដោយអត្រាពន្ធគយខ្ពស់រហូតដល់២០ភាគរយ ដែលបង់លើទំនិញវៀតណាមអាចបណ្តាលឱ្យការនាំចេញរបស់សហរដ្ឋអាម៉េរិក ធ្លាក់ចុះលើសពី២៥ពាន់លានដុល្លារ ឬសើជិតមួយភាគប្រាំនៃចំណូលសរុបប្រចាំឆ្នាំ។ យោងតាមនាយកដ្ឋានគយរបស់វៀតណាម​ បានឱ្យដឹងថា  ទិន្នន័យវៀតណាម ដែលចេញផ្សាយចាប់តាំងពីពន្ធអាម៉េរិកចូលជាធរមាន កាលពីថ្ងៃទី៧ ខែសីហា ឆ្នាំ២០២៥ បានបង្ហាញថា ការនាំចេញរបស់វៀតណាមទៅកាន់សហរដ្ឋអាម៉េរិកបានធ្លាក់ចុះពីរភាគរយ រវាងខែកក្កដា​ និងខែសីហា ពីខែកក្កដា ដោយធ្លាក់ចុះ ៥,៥ភាគរយសម្រាប់ផលិតផលស្បែកជើង ដែលក្នុងនោះប្រទេសវៀតណាម គឺជាអ្នកផ្គត់ផ្គង់ធំទីពីររបស់ពិភពលោក។ របាយការណ៍របស់កម្មវិធីអភិវឌ្ឍន៍អង្គការសហប្រជាជាតិ ដែលចេញផ្សាយកាលពីសប្តាហ៍មុន អំពីការប៉ាន់ប្រមាណជាសាធារណៈលើកដំបូងនៃផលប៉ះពាល់លើលំហូរពាណិជ្ជកម្ម ចាប់តាំងពីពន្ធអាម៉េរិកចូលជាធរមាន បានបង្ហាញថា ការធ្លាក់ចុះច្រើនបំផុត១៩,២ភាគរយនៃការនាំចេញរបស់វៀតណាម ទៅកាន់អាម៉េរិក នឹងកើនឡើងជិតពីរដង […]

កូឡាឡាំពួរ៖ មន្ត្រីជាន់ខ្ពស់ម៉ាឡេស៊ី បានបញ្ចាក់កាលពីពេលថ្មីៗកន្លងមកនេះថា ប្រទេសម៉ាឡេស៊ីបានយល់ព្រមជាគោលការណ៍ ដើម្បីលើកលែងពន្ធខ្លះលើផលិតផលកសិកម្ម និងម្ហូបអាហារសម្រាប់ប្រជាជនប៉ាឡេស្ទីន ដើម្បី​ជួយ​កសាង​សេដ្ឋកិច្ច​​ឡើង​វិញ។ យោងតាមទីភ្នាក់ងារព័ត៌មានប៊ើណាម៉ា (Bernama) របស់ម៉ាឡេស៊ី បានឱ្យដឹងថា រដ្ឋមន្ត្រីក្រសួងវិនិយោគ ពាណិជ្ជកម្ម និងឧស្សាហកម្ម បានបញ្ជាក់ពីការចុះអនុស្សរណៈនៃការយោគយល់គ្នារវាងម៉ាឡេស៊ី និងប៉ាឡេស្ទីន ស្តីពីកិច្ចសហប្រតិបត្តិការពាណិជ្ជកម្ម និងសេដ្ឋកិច្ច កាលពីថ្ងៃទី១៩ ខែកញ្ញា ឆ្នាំ២០២៥ ដើម្បីបង្កើនទំនាក់ទំនង និងលើកលែងពន្ធមួយចំនួនលើផលិតផលកសិកម្មនាំចូលពីប៉ាឡេស្ទីន។ លោកបានមានប្រសាសន៍ដូច្នេះថា «យើងទន្ទឹងរង់ចាំធ្វើការយ៉ាងជិតស្និទ្ធជាមួយដៃគូប៉ាឡេស្ទីនរបស់យើង ដើម្បីផ្តល់ផលប្រយោជន៍ឱ្យគ្នាទៅវិញទៅមក ជាពិសេសសម្រាប់ប្រជាជនរបស់យើង»។ លោករដ្ឋមន្ត្រី បានលើកឡើងទៀតថា អនុស្សរណៈនៃការយោគយល់គ្នានេះ គឺជាសក្ខីភាពមួយចំពោះចក្ខុវិស័យរួមគ្នារបស់ប្រជាជនម៉ាឡេស៊ី និងប្រជាជនប៉ាឡេស្ទីន ដើម្បីបង្កើតទំនាក់ទំនងពាណិជ្ជកម្ម និងការវិនិយោគប្រកបដោយនិរន្តរភាព ជាពិសេសក្នុងវិស័យដ៏មានសក្តានុពលខ្ពស់ ដូចជាឧស្សាហកម្មហាឡាល សេដ្ឋកិច្ចឌីជីថល និងសហគ្រាសធុនតូច និងមធ្យម។ អនុស្សរណៈនៃការយោគយល់គ្នានេះ ត្រូវបានចុះហត្ថលេខាងដោយអគ្គលេខាធិការនៃក្រសួងវិនិយោគ ពាណិជ្ជកម្ម និងឧស្សាហកម្មរបស់ម៉ាឡេស៊ី  និងឯកអគ្គរដ្ឋទូតប៉ាឡេស្ទីន ប្រចាំប្រទេសម៉ាឡេស៊ី ក្រោមអធិបតីនាយករដ្ឋមន្ត្រីម៉ាឡេស៊ី លោក អានវ៉ា អ៊ីប្រាហីម (Anwar Ibrahim)។ ប្រទេសម៉ាឡេស៊ី និងអាជ្ញាធរប៉ាឡេស្ទីន បានព្រមព្រៀងគ្នាបង្កើនទំនាក់ទំនងទ្វេភាគីទាំងផ្នែកវិស័យការទូត និងសេដ្ឋកិច្ច […]