សាច់គោជប៉ុន នៅវៀតណាម ផលិតពីសាច់ក្របីឥណ្ឌា, ឈ្មួញខិលខូចជាប់គុកជាបន្តបន្ទាប់

image_2026-10-01_16-00-11

ភ្នំពេញ៖ ចាប់ពីចុងឆ្នាំ២០២៥ រហូតដល់ខែកញ្ញា ឆ្នាំ២០២៦នេះ សារព័ត៌មានវៀតណាម​ បានចេញផ្សាយរឿងអាស្រូវជាហូរហែពាក់ព័ន្ធនឹងគុណភាព និងសុវត្ថិភាពចំណីអាហារនៅក្នុងប្រទេសវៀត ជាពិសេសតាមបណ្តាខេត្តក្បែរៗទីក្រុងហាណូយ។

រឿងអាស្រូវទាំងនោះ ភាគច្រើនជាប់ពាក់ព័ន្ធនឹងការប្រើសារធាតុគីមីហាមឃាត់នៅលើផលិតចំណីអាហារ ជាផលិតផលស្រស់ៗ មានបន្លែផ្លែឈើ ដូចជាសណ្តែកបណ្ដុះ ស្ពៃ ផ្លែទុរេន ផលិតសាច់ ដូចជាសាច់គោ សាច់ក្របី ឬសាច់ជ្រូកងាប់ដោយសារជំងឺប៉េសជ្រូកជាដើម។

យោងតាមសារព័ត៌តវៀតណាម អំពើខុសច្បាប់បែបនោះ​ប្រព្រឹត្តិដោយជនជាតិវៀតណាម មានមុខរបរជាពាណិជ្ជករ អាជីវករ​ កសិករ រហូតតារាល្បីល្បាញលើបណ្តាញទំនាក់ទំនងសង្គមថែមទៀត ហើយត្រូវសមត្ថកិច្ចវៀតណាមបង្ក្រាបបានជាបន្តបន្ទាប់។

កាលពីថ្ងៃទី២៥ ខែសីហា ឆ្នាំ២០២៦ សារព័ត៌មានវៀតណាម ឈ្មោះ ហ្សឹនជី (DANTRI) បានចេញផ្សាយអំពីតារាល្បីល្បាញលើហ្វេសប៊ុក និងពូកែខាងបរិភោគសាច់ឆ្កែអួតគេ ត្រូវនគរបាលវៀតណាមចាប់ខ្លួន ពីបទបំពាលច្បាប់ពាក់ព័ន្ធនឹងសុវត្ថិភាពចំណីអាហាររបស់វៀតណាម។

នគរបាលខេត្តឡៅកាយ (Lao Cai) មានព្រំប្រទល់ជាប្រទេសចិន បានចាប់ខ្លួនបុរសម្នាក់ វូ ហួងហាយ (Vu Hoang Hai) ដែលតែងតែលេចមុខលើគណនីហ្វេសប៊ុក ឈ្មោះ សាប៉ា ធីវី “Sapa TV” ពីបទឧក្រិដ្ឋក្លែងបន្លំអតិថិជន ដោយយកងៀតសាច់ក្របីឥណ្ឌាថា ជា”ងៀតសាច់ក្របីពិសេ” មកពីភូមិភាគពាយព្យនៃប្រទេសវៀតណាម ហើយលក់ក្នុងតម្លៃថោក ​ត្រឹមតែ ៦៥ ០០០ដុង ឬស្មើនឹង១០ ០០០រៀល ក្នុងមួយគីឡូក្រាម។

ចំណែកប្រពន្ធរបស់គាត់ គឺនាយកក្រុមហ៊ុនបោកប្រាសើលក់សាច់ក្របីខុសច្បាប់ ក៏ត្រូវតុលាការវៀតណាមចោទប្រកាន់ និងឃុំខ្លួនបណ្តោះអាសន្នក្នុងពន្ធនាគារផងដែរ។

ករណីសាច់ក្របីនេះដែរ បណ្តាញព័ត៌មានវៀតណាម ចេញផ្សាយព្រោងព្រាតថា សាច់ក្របីនាំចូលពីប្រទេសឥណ្ឌា កំពុងបង្កើត «អព្ភូតហេតុក្រឡាប់ចាក់» នៅបណ្តាខេត្តក្បែរៗគ្នានោះ ក្នុងតំបន់ភាគពាយ័ព្យនៃប្រទេសវៀតណាម។

ចាប់តាំងពីខែឧសភា ឆ្នាំ២០២៥មក ជនសង្ស័យរូបនេះបានទិញសាច់ក្របីកកប្រហែល១៣០តោន ដែលមានប្រភពដើមនៅប្រទេសឥណ្ឌា ក្នុងតម្លៃប្រហែល៦សែនដុល្លារ ដើម្បីកែច្នៃជាងៀតសាច់គោ បានប្រហែល៦៥តោន ដោយលក់ក្នុងតម្លៃជាមធ្យម១៣ដុល្លារ ក្នុងមួយគីឡូក្រាម។

ក្រោយមកនៅក្នុងខែសីហា ឆ្នាំ២០២៥ នៅខេត្តភូថូ នគរបាលវៀតណាមក៏បានបង្ក្រាបករណីក្រុមហ៊ុនផលិតចំណីអាហារមួយទៀត ពីបទល្មើសដូចគ្នា បន្ទាប់ពីអាជ្ញាធរវៀតណាមរកឃើញរោងចក្រកែច្នែងៀតសាច់ក្របីរាប់រយតោន។

ប្រទេសឥណ្ឌា គឺជាអ្នកផ្គត់ផ្គង់សាច់ក្របី និងផលិតផលសាច់ធំជាងគេទៅកាន់ប្រទេសវៀតណាម ហើយសាច់ក្របីភាគច្រើន ត្រូវឈ្មួញវៀតណាមមួយចំនួន នៅក្នុងតំបន់ក្បែរៗទីក្រុងហាណៅយ កែច្នៃជាសាច់គោជប៉ុនផងដែរ។

នៅឆ្នាំ២០២៣ វៀតណាមបាននាំចូលសាច់ក្របីប្រហែលជាង១៣ម៉ឺនតោន។  នៅឆ្នាំ២០២៤ ជាង១៩ម៉ឺនតោន។ នៅឆ្នាំ២០២៥ ជិត១៩ម៉ឺនតោន ដែលមានតម្លៃជាង៦៨១លានដុល្លារ។

កាលពីពាក់កណ្តាលខែតុលា ឆ្នាំ២០២៥ នគរបាលវៀតណាមក្នុងទីក្រុងហាណូយ បានចាប់ខ្លួនឈ្មួញវៀតណាមទុច្ចរិតបួននាក់ និងរឹបអូសបានសាច់គោជប៉ុនក្លែងក្លាយជាង៦៥តោន ដែលកែច្នែពីសាច់ក្របីតាមរយៈការចាក់បញ្ចូលសារធាតុគីមី។

នាយកប្រតបត្តិក្រុមវៀតណាម ឈ្មោះ ហីដា ហ្វូដ ជេអេសស៊ី (HIDA FOOD JSC) និងបុគ្គលិកជាន់ខ្ពស់របស់ក្រុមហ៊ុនបីនាក់ផ្សេងទៀត ពីបទផលិត និងចែកចាយផលិតផលអាហារក្លែងក្លាយ។

សាច់គោជប៉ុនផលិតពីសាច់ក្របីឥណ្ឌា ដោយការចាក់បញ្ចូលសារធាតុគីមីបង្កើតជាសាច់មានជាប់ខ្លាញ់ គឺលក់ក្នុងតម្លៃ ១២០ ០០០ដុង ឬស្មើនឹង៤,៧ដុល្លារ ក្នុងមួយគីឡូក្រាម៕ (ផាន់ អាណា)


photo_2026-11-13_13-49-41
ស្វាយចន្ទីខ្មែរ កំពុងទាក់ចិត្តក្រុមហ៊ុនជប៉ុនមួយទៀត មកកែច្នៃគ្រាប់ និងចម្រាញ់ប្រេង

ភ្នំពេញ៖ ក្រុមហ៊ុនជប៉ុន ជេ អេហ្វ អ៊ី ស៊ូជី (JFE Shoji) កំពុងស្វែងរកឱកាសវិនិយោគនៅកម្ពុជា លើការបង្កើតរោងចក្រកែច្នៃគ្រាប់ស្វាយចន្ទី និងចម្រាញ់ប្រេងពីសំបកស្វាយចន្ទី ដែលអាចមានសមត្ថភាពកែច្នៃគ្រាប់ស្វាយចន្ទីឆៅ ៣០ ០០០តោន និងផលិតប្រេង CNSL ៥ ០០០តោនក្នុងមួយឆ្នាំ។ គម្រោងនេះគ្រោងចាប់ផ្តើមដំណើរការវិនិយោគ និងសាងសង់នៅឆ្នាំ២០២៧ ប្រសិនបើការសាកល្បងបច្ចេកទេសទទួលបានជោគជ័យ។ ក្រុមហ៊ុន ជេ អេហ្វ អ៊ី ស៊ូជី (JFE Shoji) របស់ជប៉ុន កំពុងស្វែងរកឱកាសវិនិយោគ និងកិច្ចសហការដើម្បីបង្កើតរោងចក្រកែច្នៃគ្រាប់ស្វាយចន្ទី និងរោងចក្រចម្រាញ់ប្រេងពីសំបកស្វាយចន្ទីនៅកម្ពុជា ដែលអាចមានសមត្ថភាពកែច្នៃគ្រាប់ស្វាយចន្ទីឆៅ៣០​ ០០០តោនក្នុងមួយឆ្នាំ។ យោងតាមសមាគមស្វាយចន្ទីកម្ពុជា (CAC) គម្រោងនេះត្រូវបានលើកយកមកពិភាក្សាក្នុងជំនួបរវាងសមាគម និងលោក កិស៊ូកិ សាតូ (Keisuke Satoh) អនុប្រធានក្រុមហ៊ុន ជេ អេហ្វ អ៊ី ស៊ូជី វៀតណាម ដើម្បីស្វែងយល់ពីលទ្ធភាពវិនិយោគលើគម្រោងនេះ។ តាមផែនការ រោងចក្រកែច្នៃគ្រាប់ស្វាយចន្ទីនឹងមានសមត្ថភាពកែច្នៃគ្រាប់ស្វាយចន្ទីឆៅ ៣០.០០០តោនក្នុងមួយឆ្នាំ និងទទួលបានសំបកស្វាយចន្ទីប្រមាណ២០ ០០០តោន ក្នុងមួយឆ្នាំ […]

photo_2026-11-13_10-10-24
ទិន្នន័យកសិកម្មឆ្នាំ២០២៥ ត្រូវបានប្រកាសឱ្យប្រើសម្រាប់គាំទ្រគោលនយោបាយអភិវឌ្ឍសេដ្ឋកិច្ច និងសង្គម

ភ្នំពេញ៖ កម្ពុជាបានប្រកាសដាក់ឱ្យប្រើប្រាស់ជាផ្លូវការរបាយការណ៍អង្កេតកសិកម្មឆ្នាំ២០២៥ ដើម្បីផ្តល់ទិន្នន័យស្ថិតិសំខាន់ៗសម្រាប់គាំទ្រការរៀបចំគោលនយោបាយ និងផែនការអភិវឌ្ឍវិស័យកសិកម្ម ខណៈរបាយការណ៍នេះគ្របដណ្តប់លើការដាំដុះដំណាំ ការចិញ្ចឹមសត្វ វារីវប្បកម្ម និងការនេសាទ។ កម្ពុជាបានប្រកាសដាក់ឱ្យប្រើប្រាស់ជាផ្លូវការនូវរបាយការណ៍អង្កេតកសិកម្មកម្ពុជា ឆ្នាំ២០២៥ ដើម្បីផ្តល់ទិន្នន័យស្ថិតិដល់ក្រសួង ស្ថាប័នពាក់ព័ន្ធ ដៃគូអភិវឌ្ឍន៍ និងអ្នកប្រើប្រាស់ផ្សេងទៀត សម្រាប់គាំទ្រការរៀបចំគោលនយោបាយ ផែនការ និងការសម្រេចចិត្តក្នុងការអភិវឌ្ឍសេដ្ឋកិច្ច និងសង្គមកម្ពុជា។ ពិធីប្រកាសនេះធ្វើឡើងនៅថ្ងៃទី១២ ខែវិច្ឆិកា ឆ្នាំ២០២៦ នៅសណ្ឋាគារភ្នំពេញ ក្រោមកិច្ចសហការរវាងវិទ្យាស្ថានជាតិស្ថិតិ នៃក្រសួងផែនការ ក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្មនៃសហប្រជាជាតិ។ ក្នុងឱកាសនោះ លោក ប៊ិន ត្រឈៃ រដ្ឋមន្ត្រីក្រសួងផែនការ បានថ្លែងថា ការប្រកាសដាក់ឱ្យប្រើប្រាស់របាយការណ៍នេះ គឺជាសមិទ្ធផលសំខាន់មួយក្នុងការលើកកម្ពស់ការប្រើប្រាស់ទិន្នន័យស្ថិតិផ្លូវការ ដើម្បីគាំទ្រការរៀបចំផែនការ និងគោលនយោបាយ ការតាមដាន និងវាយតម្លៃសមិទ្ធកម្ម ព្រមទាំងការសម្រេចចិត្តលើការអភិវឌ្ឍវិស័យកសិកម្ម និងសេដ្ឋកិច្ចជាតិ។ លោកបានបញ្ជាក់ថា របាយការណ៍នេះផ្តល់នូវទិន្នន័យសំខាន់ៗពាក់ព័ន្ធនឹងការប្រើប្រាស់ និងការគ្រប់គ្រងដីកសិកម្ម ការដាំដុះដំណាំតាមរដូវ និងដំណាំអចិន្ត្រៃយ៍ ការចិញ្ចឹមសត្វ និងបសុបក្សី វារីវប្បកម្ម និងការនេសាទ កម្លាំងពលកម្ម សកម្មភាពសេដ្ឋកិច្ចរបស់គ្រួសារកសិកម្ម ព្រមទាំងផលប៉ះពាល់ពីគ្រោះធម្មជាតិ […]

image_2026-11-13_13-25-52
ក្រុមហ៊ុនក្នុងស្រុកមួយចុះកុងត្រាជាមួយចិន ដើម្បី​ទិញ​​​ដំឡូងមីស្ងួត២០ម៉ឺនតោន នាំចេញទៅចិន

ដោយ​ ហៃ ស៊ីណា ភ្នំពេញ៖ ក្រុមហ៊ុន ហង់ ហាវ៉េស (Hang Harvest) បានចុះកុងត្រាជាមួយក្រុមហ៊ុនចិន ដើម្បីទិញដំឡូងមីស្ងួត ចំនួន២០ម៉ឺនតោន សម្រាប់នាំចេញទៅកាន់ទីផ្សារប្រទេសចិន។ លោក គឹម លាស់ ប្រធានក្រុមហ៊ុន HANG HARVEST បាន​​ឲ្យដឹងថា ក្រុមហ៊ុនបាន​​ចុះអនុស្សា​រណៈ​នៃ​ការ​យោគ​យល់គ្នា ជាមួយក្រុមហ៊ុន កូហ្វកូ បាយអូ អេនើជី (COFCO BIO-ENERGY CO., LTD) ជាជំហានទី២ នៅកំពង់ផែក្នុងទីក្រុងប៉ីហៃ នៃតំបន់​ស្វយ័​ត​ ជនជាតិជាំងក្វាងស៊ីប្រទេសចិន ដើម្បីទិញដំឡូងមី ចំនួន២០ម៉ឺនតោនពីឆ្នាំ២០២៥ ដល់ ឆ្នាំ២០២៦។​ លោកបាន​​លើកឡើងថា ​​​​កិច្ចព្រមព្រៀងនេះនឹងជួយពង្រឹង និងពង្រីកកិច្ចសហប្រតិបត្ដិការពាណិជ្ជកម្មរវាង​កម្ពុជា និងសាធារណៈរដ្ឋប្រជាមានិតចិន ក៏ដូចជាជួយជំរុញការនាំចេញ​វិស័យដំឡូងមី​របស់កម្ពុជាទៅកាន់ទីផ្សារប្រទេសចិន។ លើសពីនេះ លោកបានពន្យល់ថា ​​ចិនជាទីផ្សារដ៏ធំសម្រាប់​ដំឡូងមីកម្ពុជា ហើយ​​ក្រុមហ៊ុនបាននិងកំពុងប្រមូលទិញដំឡូងមីក្រៀមក្នុងរង្វង់២០ម៉ឺនតោនទៅកាន់ទីផ្សារប្រទេសចិនផងដែរ​​​។ ប្រទេសកម្ពុជាជាប់ចំណាត់ថ្នាក់ជាប្រទេសនាំចេញដំឡូងមីធំជាងគេទី៤ នៅអាស៊ី និងទី១០នៅលើពិភពលោក ជាមួយផ្ទៃដីដាំដុះប្រមាណ៦០ ទៅ៨០ម៉ឺនហិកតា។ ក្នុងរយៈពេល៨ ខែដើមឆ្នាំ២០២៦នេះ កម្ពុជាបាន​​នាំចេញដំឡូងមីក្រៀម និងចំណិតដំឡូងមីទៅកាន់ទីផ្សារចិន […]

photo_2026-11-13_10-35-01 (4)
ក្រុមអ្នកចិញ្ចឹមសត្វ គួរ​​បន្ថែមការកែច្នៃសាច់ – CDC ថានេះជាការ​បោះជំហានឆ្ពោះទៅការនាំចេញ

ដោយ​ នៅ ស៊ីវុត្ថា ភ្នំពេញ៖ មន្ត្រីជាន់ខ្ពស់ នៃក្រុមប្រឹក្សាអភិវឌ្ឍន៍កម្ពុជា បានជំរុញឱ្យអ្នកចិញ្ចឹមសត្វនៅ​កម្ពុជាកែ​ច្នៃផលិតផល ដើម្បីឈានទៅរកការនាំចេញទៅទីផ្សារអន្តរជាតិ។ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) បានមានប្រសាសន៍ថា សមាគមអ្នកចិញ្ចឹមសត្វកម្ពុជា គួរបន្តអភិវឌ្ឍវិស័យចិញ្ចឹមសត្វ ដោយមិនត្រឹមតែបំពេញតម្រូវការទីផ្សារក្នុងស្រុកប៉ុណ្ណោះទេ ប៉ុន្តែត្រូវពង្រឹងការកែច្នៃផលិតផល សម្រាប់ការនាំចេញផងដែរ។ ក្នុងជំនួបជាមួយនឹង​សមាគម​អ្នកចិញ្ចឹមសត្វកម្ពុជា លោក ជា វុទ្ធី បានបញ្ជាក់ថា គណៈកម្មាធិការវិនិយោគកម្ពុជា នឹងជួយ​សម្របសម្រួល និងសហការជាមួយក្រសួង-ស្ថាប័នពាក់ព័ន្ធ ដើម្បីជំរុញការអភិវឌ្ឍវិស័យចិញ្ចឹមសត្វ។ ជាការឆ្លើយតប លោក ស្រ៊ុន ពៅ បានបង្ហាញការគាំទ្រចំពោះការលើកទឹកចិត្តនេះ ហើយថា សមាគមនឹង​ត្រៀមរៀបចំកែច្នៃសាច់ ដើម្បីនាំចេញទៅកាន់ទីផ្សារបរទេស។ ជាមួយគ្នានេះលោក ស្រ៊ុន ពៅ ក៏បានលើកឡើងពីបញ្ហាប្រឈម និងសំណូមពរមួយចំនួន ដើម្បីស្វែងរកដំណោះស្រាយសមស្របសម្រាប់កសិករ​អ្នកចិញ្ចឹមសត្វ ឱ្យមានការរីកចម្រើន និងមានចីរភាព៕

កាលវិភាគផ្សព្វផ្សាយ