ជាតិ

ភ្នំពេញ៖ ឧកញ៉ា សុង សារ៉ន អគ្គនាយកក្រុមហ៊ុន អេមរូ រ៉ាយ បាន​បញ្ជាក់ថា បច្ចុប្បន្ន ទីផ្សារសហភាពអឺរ៉ុបមានចំណែកប្រមាណត្រឹម២៧ភាគរយ នៃការនាំចេញអង្ករកម្ពុជា ខណៈទីផ្សារចិនបានស្ដារកំណើនឡើងវិញយ៉ាងខ្លាំង ដោយកាន់កាប់ចំណែកជាង២៨ភាករយបន្ទាប់ពីធ្លាក់ចុះអស់រយៈពេលជាច្រើនឆ្នាំ។ នៅលើបណ្តាញសង្គមហ្វេសប៊ុក ឧកញ៉ា សុង សារ៉ន បាន​លើកឡើងទៀតថា អ្វីដែលគួរឱ្យចាប់អារម្មណ៍បន្ថែមទៀតនោះ គឺទីផ្សារអាស៊ានកំពុងកើនឡើងដល់ជិត៣៨ភាករយ ដឹកនាំដោយប្រទេសហ្វីលីពីន ម៉ាឡេស៊ី សិង្ហបុរី និងវៀតណាម។ នេះបង្ហាញថា ការនាំចេញអង្ករកម្ពុជាមិនពឹងផ្អែកជាចម្បងលើទីផ្សារសហភាពអឺរ៉ុប និងចិន ដូចមុនឆ្នាំ២០២៤ ទៀតឡើយ។ រចនាសម្ព័ន្ធទីផ្សារកំពុងវិវត្តទៅជាសសរស្តម្ភសំខាន់៣ គឺសហភាពអឺរ៉ុប ចិន និងអាស៊ាន។ ឧកញ៉ាបានសម្តែងនូវសុទិដ្ឋិនិយមថា សម្រាប់ឆ្នាំ២០៣០ខាងមុខ ការនាំចេញអង្ករកម្ពុជានឹងកាន់តែមានភាពសកម្ម ចម្រុះ និងមានការតភ្ជាប់តំបន់កាន់តែខ្លាំង ជាពិសេសការពង្រីកទៅកាន់ទីផ្សារសហរដ្ឋអាមេរិក និងកាណាដា និងទីផ្សារអាហ្វ្រិក ដែលនឹងបង្កើនភាពធន់ និងបង្កើតឱកាសកាន់តែទូលំទូលាយសម្រាប់វិស័យស្រូវអង្ករកម្ពុជា។ ក្នុងរយៈពេល៤ខែ នៃឆ្នាំ២០២៦ កម្ពុជាបាននាំចេញអង្ករបានចំនួន៤៦៩ ៩០៩តោន​ តាមរយៈក្រុមហ៊ុននាំចេញអង្ករចំនួន ៦១ក្រុមហ៊ុន ទៅកាន់គោលដៅចំនួន៦០ ដែលគិតជាទឹកប្រាក់​បានចំនួន២៦៦,៣៨លានដុល្លារ។ ក្នុងនោះនាំចេញទៅកាន់បណ្តាប្រទេសនៅក្នុងតំបន់អឺរ៉ុបចំនួន៣១ ​បានបរិមាណអង្ករចំនួន១២៦ ១០៨តោន គិតជាទឹកប្រាក់ចំនួន៨៥,៤៤​ […]

ដោយ នៅ ស៊ីវុត្ថា សៀមរាប៖ សហគមន៍កសិកម្មទំនើបស្រូវនាងអំដែលមានទីតាំងស្ថិតនៅឃុំកន្ទួត ស្រុកស្វាយលើ ខេត្តសៀមរាប មានលទ្ធភាពអាចផ្គត់ផ្គង់បន្លែសុវត្ថិភាពទៅកាន់ទីផ្សារបានចន្លោះ ពី៧០០ ដល់ ៨០០គីឡូក្រាម ក្នុងមួយថ្ងៃ។ អ្នកស្រី ឈិន សុភាសី ប្រធានសហគមន៍កសិកម្មទំនើបស្រូវនាងអំ បានប្រាប់ទូរទស្សន៍អនឡាញ ARDB ថា ទិន្នផលបន្លែនៅក្នុងសហគមន៍ ត្រូវបានប្រមូលយកទៅផ្គត់ផ្គង់ និងលក់បោះដុំនៅតាមទីផ្សារនានា ក្នុងខេត្តសៀមរាប ក្នុងតម្លៃមួយសមរម្យ ហើយបានរួមចំណែកយ៉ាងសំខាន់ដល់ការលើកកម្ពស់ជីវភាពរបស់កសិករ ដែលសមាជិករបស់សហគមន៍។ លោកស្រីបានបន្តថា ក្រោយពីផលិតបាន គឺសហគមន៍មិនមានការព្រួយបារម្ភនោះទេ ព្រោះមានទីផ្សារស្រាប់ មានអ្នកចាំទទួលទិញពីសហគមន៍។ ដូច្នេះ សហគមន៍មិនមានការលំបាកក្នុងការស្វែងរកទីផ្សារនោះទេ ដោយខិតខំប្រឹងប្រែងក្នុងការផលិត និងផ្គត់ផ្គត់ឱ្យបានគ្រប់គ្រាន់តែប៉ុណ្ណោះ ។ ទាក់ទិននឹងបញ្ហានេះមន្ទីរព័ត៌មានខេត្តសៀមរាបរាប បានឱ្យដឹងថា បច្ចុប្បន្នសហគមន៍មានសមាជិកសរុប១០៨គ្រួសារ កំពុងដាំដុះដំណាំចំនួនប្រាំប្រភេទ រួមមាន ស្ពៃក្រញាញ់ ស្ពៃតឿ ស្ពៃចង្កឹះ ត្រប់ និងល្ពៅ នៅក្នុងផ្ទះសំណាញ់ចំនួន៥១ខ្នង សរុបផ្ទៃដីជិត៣ហិកតាប្រកបដោយបច្ចេកទេស និងស្ដង់ដារកម្រិតខ្ពស់។ ប្រភពដដដែលបន្តថា សមិទ្ធផលនេះមិនត្រឹមតែជួយបង្កើនចំណូលដល់គ្រួសារកសិករប៉ុណ្ណោះទេ ប៉ុន្តែថែមទាំងផ្ដល់នូវបន្លែ ដែលមានគុណភាពសម្រាប់អ្នកបរិភោគផងដែរ។ សហគមន៍កសិកម្មទំនើបស្រូវនាងអំ ត្រូវបានបង្កើតឡើងនៅក្នុងឆ្នាំ២០២៤ […]

ដោយ អៀវ ឈៀងនី ភ្នំពេញ៖ ស្របពេលបច្ចុប្បន្នគោលនយោបាយស្តីពីស្រូវអង្ករ ស្វាយចន្ទី និងដំឡូងមីជាដើម កំពុងដើរតួនាទីយ៉ាងសំខាន់ ក្នុងការលើកកម្ពស់កសិករនោះ វិស័យឯកជន ក៏ចង់ឱ្យមានគោលនយោបាយស្តីពីកៅស៊ូផងដែរ ដើម្បីគាំទ្រវិស័យនេះឱ្យកាន់តែល្អទៅអនាគត ខណៈគោលនយោបាយស្តីពីវិស័យកសិកម្ម បានរួមចំណែកដល់ការជំរុញផលិតកម្មកសិកម្ម លើកកម្ពស់ជីវភាពកសិករ ធានាសន្តិសុខស្បៀង និងអភិវឌ្ឍន៍សេដ្ឋកិច្ចជាតិ។ អនុប្រធានសភាពាណិជ្ជកម្មកម្ពុជា អ្នកឧកញ៉ា លឹម ហេង បានប្រាប់ទូរទស្សន៍អនឡាញ ARDB នៅថ្ងៃនេះថា បច្ចុប្បន្ន កម្ពុជាមានតែគោលនយោបាយ ស្តីពីស្រូវអង្ករ និងស្វាយចន្ទីជាដើម ហើយអាចមានគោលនយោបាយស្តីពីផ្លែស្វាយផងដែរ ប៉ុន្តែគោលនយោបាយ ស្តីពីកៅស៊ូមិនទាន់មាននៅឡើយទេ ដូច្នេះ អ្នកឧកញ៉ាចង់ឱ្យមានគោលនយោបាយស្តីពីកៅស៊ូ ដើម្បីគាំទ្រវិស័យនេះទៅអនាគត។ អ្នកឧកញ៉ាបានមានប្រសាសន៍ថា “សព្វថ្ងៃយើងមានឧស្សាហកម្មកែច្នៃសំបកកង់រថយន្តជិត១០ក្រុមហ៊ុន ដែលមិនត្រឹមតែផលិតកៅស៊ូកង់ឡានប៉ុណ្ណោះទេ ប៉ុន្តែក៏មានផលិតបិរក្ខា និងឧបករណ៍ជាច្រើនពីកៅស៊ូ ដូច្នេះ ខ្ញុំគិតថា ដោយសារយើងមានទីផ្សារក្នុងស្រុក គួបផ្សំនិងទីផ្សារនាំចេញ ដែលធ្វើឱ្យការកែច្នៃកៅស៊ូបង្កក ឥឡូវយើងចាប់ផ្តើមឱ្យមានការកែច្នៃកៅស៊ូទឹក កៅស៊ូរាវ ហៅថា ឡាកតិច ជាផលិតផលពាក់កណ្តាលសម្រេចដូចគ្នាទេ ប៉ុន្តែយើងផលិតបានដូចជា ស្រោមដៃ ស្រោមអនាម័យ ឬកៅស៊ូសារធាតុល្អ ដែលអាចបម្រើឱ្យវិស័យឧស្សាហកម្មគ្រឿងអេឡិចត្រូនិក ដូច្នេះ […]

ដោយ នៅ ស៊ីវុត្ថា ភ្នំពេញ៖ ឆ្លើយតបទៅនឹងក្តីកង្វល់ និងកង្វះខាតទុនពង្រីកអាជីវកម្មរបស់កសិករនៅក្នុងប្រទេសកម្ពុជា រដ្ឋមន្ត្រីក្រសួងពាណិជ្ជកម្ម បានអះអាងថា កសិករអាចស្វែងរកកម្ចីពីធនាគាររបស់រដ្ឋ ដែលមានអត្រាកាប្រាក់ទាប និងធនាគារដែលជាដៃគូរបស់ក្រសួងយកទៅពង្រីកអាជីកម្មរបស់ខ្លួនដោយងាយស្រួល បើទោះជាកសិកររូបនោះគ្មានទ្រព្យបញ្ចាំក៏ដោយ។ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម នៅក្នុងកិច្ចសម្ភាសជាមួយក្រុមអ្នកសារព័ត៌មានកាលពីពេលថ្មីៗនេះ បានថ្លែងថា បច្ចុប្បន្ននេះ កសិករនៅក្នុងប្រទេសកម្ពុជាភាគច្រើន គឺខ្វះទុនក្នុងការពង្រីកអាជីវកម្មកសិកម្មរបស់ខ្លួន។ ដូច្នេះ កសិករអាចស្វែងរកទុនពីធនាគារអភិវឌ្ឍន៍ជនបទ និងកសិកម្ម (ARDB ) និងធនាគារ SMEs ដែលបានមានអត្រាការប្រាក់ទាប ដើម្បីយកទៅពង្រីកអាជីវកម្មបាន។ លោកជំទាវបានបន្ថែមថា មួយវិញទៀត បើទោះបីជាកសិករមិនមានទ្រព្យបញ្ចាំដើម្បីទទួលបានកម្ចី ឱ្យតែមានអាជីកម្ម ដែលទទួលស្គាល់ និងចុះបញ្ជីអាជីកម្មជាមួយក្រសួងពាណិជ្ជកម្ម គឺអាចខ្ចីកម្ចីបាន គឺតាមរយៈការដឹងលឺ និងកិច្ចសន្យាពីក្រសួងដោយយកចំណូលអាជីកម្មមកសងទៅធនាគារវិញ ក្រោយពេលប្រមូលផល។ រាជរដ្ឋាភិបាលកម្ពុជា បានអនុវត្តគោលនយោបាយ និងកម្មវិធីជាច្រើន ដើម្បីជួយកសិករដែលខ្វះខាតទុនក្នុងការពង្រីកអាជីវកម្មកសិកម្ម និងបង្កើនផលិតភាព។ វិធានការទាំងនេះរួមមានការផ្តល់ហិរញ្ញប្បទាន ដែលមានអត្រាការប្រាក់ទាប ការគាំទ្របច្ចេកទេស ការអភិវឌ្ឍទីផ្សារ និងការពង្រឹងហេដ្ឋារចនាសម្ព័ន្ធជនបទ។ ការគាំទ្ររបស់រដ្ឋាភិបាលកម្ពុជាដល់កសិករខ្វះទុន មិនត្រឹមតែផ្តោតលើការផ្តល់កម្ចីប៉ុណ្ណោះទេ ប៉ុន្តែរួមបញ្ចូលទាំងបច្ចេកទេស ទីផ្សារ ជំនួយបន្ទាន់ […]

កណ្តាល៖ ឯកឧត្តមបណ្ឌិត កៅ ថាច សមាជិកគណកម្មាការកណ្តាល, សមាជិកយុវជនគណបក្សថ្នាក់កណ្តាល, អនុប្រធានក្រុមការងារគណបក្សចុះមូលដ្ឋានស្រុកខ្សាច់កណ្តាល និងជាប្រធានទទួលបន្ទុកចលនាយុវជនស្រុកខ្សាច់កណ្តាល និងឯកឧត្តម នុត ពុធដារ៉ា សមាជិកគណៈកម្មាធិការកណ្តាលគណ បក្សប្រជាជនកម្ពុជា និងអនុប្រធានគណ:កម្មាធិការគណបក្សខេត្តកណ្តាល បានអញ្ជើញចូលរួមជាអធិបតីក្នុងពិធីបោះឆ្នោត ជ្រើសរើសថ្នាក់ដឹកនាំយុវជនគណបក្ស ឃុំព្រែកតាមាក់ ស្ថិតក្នុងស្រុកខ្សាច់កណ្តាល ខេត្តកណ្តាល។ នៅក្នុងពិធីបោះឆ្នោតជ្រើសរើសថ្នាក់ដឹកនាំយុវជនគណបក្សប្រជាជនកម្ពុជា នៅឃុំព្រែកតាមាក់នេះ គឺមានការចូលរួមពីលោក ចេង ឌីណា ប្រធានគណ:អចិន្ត្រៃយ៍គណបក្សស្រុក ,សមាជិកគណៈកម្មាធិការបក្សខេត្ត គណៈកម្មការបក្សឃុំព្រែកតាមាក់ រួមទាំងសមាជិកយុវជនគណបក្សបក្សឃុំសរុបចំនួន៣២៥នាក់។ កម្មវិធីបោះឆ្នោតជ្រើសរើសថ្នាក់ដឹកនាំ យុវជនគណបក្សឃុំព្រែកតាមាក់ គឺមានបេក្ខជនឈរឈ្មោះចំនួន ១០រូប ស្រី៦រូប និងប្រុស៤ រូប។ ក្នុងឱកាសនេះ ឯកឧត្តម នុត ពុធដារ៉ា អនុប្រធានគណកម្មាធិការខគណបក្សខេត្តកណ្តាល បានថ្លែងបញ្ជាក់ថា គោលបំណងសំខាន់នៃការរៀបចប់បោះឆ្នោតជ្រើសរើសថ្នាក់ដឹកនាំយុវជនគណបក្សបក្សឃុំព្រែកតាមាក់នេះជាលើកទីមួយហើយ ដែលគណបក្សចង់បានយុវជនមានសមត្ថភាព ក្លាហាន និងមានប្រសិទ្ធភាព ដែលប្តូរផ្តាច់ជាមួយគណបក្សប្រជាជនកម្ពុជា។ ជាមួយគ្នានេះ ឯកឧត្តម បានមានប្រសាសន៍បន្ថែមថា បន្ទាប់ពីជ្រើសរើសបានថ្នាក់ដឹកនាំយុវជននៅឃុំព្រែកតាមាក់ហើយនឹងយកបទពិសោធន៍នេះសម្រាប់រៀបចំការបោះឆ្នោតជ្រើសរើសយុវជននៅប្រាំឃុំទៀត នៅក្នុងស្រុកខ្សា់ខេត្តកណ្តាល ខេត្តកណ្តាល។ សម្រាប់ឯកឧត្តមបណ្ឌិត កៅ ថាច […]

ដោយ នៅ ស៊ីវុត្ថា ភ្នំពេញ៖ ក្រសួងពាណិជ្ជកម្មកម្ពុជាបាននឹងកំពុងជំរុញការចុះបញ្ជីម៉ាកទំនិញសម្គាល់ភូមិសាស្ត្រទំនិញ (GI) លើដំណាំ និងមុខទំនិញសំខាន់ៗជាច្រើនមុខថែមទៀត ដើម្បីបង្កើនទំនុកចិត្តដល់អ្នកបរិភោគនៅក្នុងស្រុក និងគាំទ្រដល់ការនាំចេញកាន់ទីផ្សារក្រៅប្រទេស ជាពិសេសរក្សាបាននូវតម្លៃខ្ពស់សម្រាប់ប្រជាកសិករ។ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានផ្តល់កិច្ចសម្ភាសជាមួយក្រុមអ្នកសារព័ត៌មានកាលពីពេលថ្មីៗនេះដោយបានបញ្ជាក់ថា ការចុះបញ្ជីម៉ាកសម្គាល់ភូមិសាស្ត្រទំនិញ គឺជាឧបករណ៍មួយដ៏មានសារៈសំខាន់ ក្នុងការលើកកម្ពស់សេដ្ឋកិច្ចសហគមន៍តាមរយៈការបង្កើនតម្លៃបន្ថែមលើផលិតផលដែលមានលក្ខណៈពិសេសប្លែកពីគេ ដែលជាតំណាងឱ្យភូមិសាស្ត្រណាមួយនៅក្នុងប្រទេស។ លោកជំទាវបន្ថែមថា ការចុះបញ្ជីការពារម៉ាកសម្គាល់ភូមិសាស្ត្រទំនិញ មិនត្រឹមតែជួយថែរក្សាកេរ្តិ៍ឈ្មោះ និងគុណភាពផលិតផលនៅក្នុងតំបន់ប៉ុណ្ណោះទេ ហើយថែមទាំងបានចូលរួមចំណែកដល់ការអភិវឌ្ឍសង្គម សេដ្ឋកិច្ច និងទេសចរណ៍ថែមទៀតផង ជាពិសេសបានផ្តល់ទំនុកចិត្ត និងសុវត្ថិភាពដល់អ្នកប្រើប្រាស់ទាំងក្នុង និងក្រៅប្រទេស ព្រមទាំងការនាំចេញ។ ទាក់ទិននឹងបញ្ហានេះ លោក ស៊ុយ កុកធាន ប្រធានសមាគមអ្នកដាំស្វាយចន្ទីកំពង់ធំ បានគាំទ្រនៃការលើកឡើងរបសលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មកម្ពុជាខាងលើនេះ។ លោកថា បណ្តាប្រទេសជឿនលឿនជាច្រើសនៅលើពិភពលោក បានគាំទ្រនូវការប្រើប្រាស់នូវការចុះបញ្ជីការពារម៉ាកសម្គាល់ភូមិសាស្ត្រនេះ ពីព្រោះនៅក្នុងសៀវភៅបន្ទុកបានចែងយ៉ាងច្បាស់ពីការប្រើប្រាស់ជី ការក្សាទុកនៅទីតាំងមានសុវត្ថិភាព និងអនាម័យខ្ពស់។ លោកបន្ថែមទៀតថា សូម្បីតែ លោកជំទាវ Bridget Collier ភារធារីស្ថានទូតអូស្ត្រាលីបានលើឡើងក្នុងពិធីបើកទិវាកម្មសិទ្ធិបញ្ញាពិភពលោក ឆ្នាំ២០២៦ ដោយទទួលស្គាល់ពីសារៈសំខាន់នៃកម្មសិទ្ធិបញ្ញា ក្នុងការជំរុញភាពច្នៃប្រឌិត […]

ភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ឯកឧត្តម បាន លឹម អគ្គនាយករងនៃធនាគារ ARDB បានអនុញ្ញាតឱ្យគណៈប្រតិភូគ្រឹះស្ថានប្រព័ន្ធទូទាត់អន្តរធនាគារឆ្លងដែន (Cross-Border Interbank Payment System-CIPS) នៃសាធារណៈរដ្ឋប្រជាមានិតចិន ដែលដឹកនាំដោយ លោក ថៃឡី វ៉ាន (Tailei Wan) អនុប្រធាននាយកប្រតិបត្តិ CIPS ចូលជួបសម្តែងការគួរសម និងពិភាក្សាការងារ ដោយមានការចូលរួមពី ឯកឧត្ដម ប៉ិច សានី អគ្គនាយករងនៃធនាគារ ARDB និងប្រធាននាយកដ្ឋានពាក់ព័ន្ធមួយចំនួនផងដែរ។ កិច្ចពិភាក្សានេះ ត្រូវបានរៀបចំឡើងក្នុងគោលបំណងជំរុញការអនុវត្តអនុស្សរណៈនៃការយោគយល់គ្នា (MOU) កាលពីឆ្នាំ២០២៥ និងដើម្បីលើកកម្ពស់កិច្ចសហប្រតិបត្តិការចូលរួមបង្កើនទំហំពាណិជ្ជកម្មកម្ពុជា-ចិន ដោយទូទាត់ជារូបិយប័ណ្ណ ផ្លូវការរបស់ចិន Renminbi- RBM តាមរយៈប្រព័ន្ធទូទាត់ប្រាក់ឆ្លងដែន (CIPS) ដោយមានធនាគារពាណិជ្ជកម្ម និងឧស្សាហកម្មចិន សាខាភ្នំពេញ (Industrial and Commercial Bank of […]

ភ្នំពេញ៖  បន្ទាប់ពីមើលឃើញកម្ពុជាគឺជាប្រទេសផលិតគ្រាប់ស្វាយចន្ទីឆៅធំជាងគេលំដាប់ទី២ លើពិភពលោក ប៉ុន្តែមានតិចជាង១០ភាគរយនៃផលិតផលសរុបបានកែច្នៃនៅក្នុងស្រុក ប្រទេសអូស្ត្រាលីប្តេជ្ញាសហការជាមួយកសិ-ពាណិជ្ជកម្មកម្ពុជា ដើម្បីពង្រឹងសមត្ថភាពរបស់ពួកគេ ទាក់ទាញវិនិយោគ និងអភិវឌ្ឍវិស័យកសិ-ចំណីអាហារឲ្យកាន់តែរឹងមាំ និងមានចីរភាព។ ស្ថានទូតអូស្ត្រាលីប្រចាំកម្ពុជា បញ្ជាក់ថា អូស្ត្រាលីកំពុងសហការជាមួយរោងចក្រកែច្នៃគ្រាប់ស្វាយចន្ទីចំនួន២ ដើម្បីគាំទ្រក្នុងការសាងសង់ទីធ្លាសម្ងួត បំពាក់ម៉ាស៊ីនចាត់ថ្នាក់ និងកន្លែងស្តុកទុក ព្រមទាំងផ្តល់ការបណ្តុះបណ្តាលបន្ទាប់ពីការប្រមូលផលដល់កសិករដាំស្វាយចន្ទី។ បើតាមប្រភពដដែល  គម្រោងនេះនឹងបង្កើតការងារថ្មីប្រហែល១០០ កន្លែង និងជួយបង្កើន ឬរក្សាស្ថិរភាពប្រាក់ចំណូលសម្រាប់គ្រួសាររហូតដល់១ ០០០ នៅខេត្តកំពង់ធំ និងខេត្តព្រះវិហារ។ ទាក់ទិននឹងបញ្ហានេះ លោកស្រី អ៊ិន ឡៃហួត ម្ចាស់សិប្បកម្មកែច្នៃគ្រាប់ស្វាយចន្ទី ជ័យ សំបូរ ដែលបាននឹងកំពុងទទួលកញ្ចប់ថវិកាអនុវត្តគម្រោងរបស់អូស្រ្តាលី បានប្រាប់ទូរទស្សន៍ ARDB ថា កញ្ចប់ថវិកាប្រទេសអូស្ត្រាលី ត្រូវបានអនុវត្តទៅលើការពង្រឹងគុណភាពគ្រាប់ស្វាចន្ទី និងពង្រីកផលិតកម្ម ដើម្បីងាយស្រួលក្នុងការស្វែងរកដៃគូ។ លោកស្រីបន្ថែមថា ដោយក្នុងគម្រោងនោះ គឺមានការសាងសង់រានហាលគ្រាប់ស្វាយចន្ទី ៥០០០ម៉ែត្រការ៉េ និងឃ្លាំងសិប្បកម្មសម្រាប់ប្រមូលគ្រាប់ស្វាយចន្ទីពីសហគមន ប្រមាណ ២១០០ម៉ែត្រការ៉េ វគ្គបណ្តុះបណ្តាលដល់កសិករមុនប្រមូលផល និងក្រោយប្រមូលផល និងពង្រឹងវគ្គបណ្តុះបណ្តាលផ្សេងៗ។ ទីផ្សារស្វាយចន្ទីកម្ពុជានៅដើមឆ្នាំ២០២៦ មានសញ្ញាណវិជ្ជមាន និងរក្សាបានស្ថិរភាពតម្លៃល្អ ទោះបីជាមានបញ្ហាប្រឈមអាកាសធាតុ។ ជាមួយគ្នានេះ កម្ពុជាកំពុងពង្រីកទីផ្សារនាំចេញទៅអឺរ៉ុប […]

ដោយ ឡុង សារេត ភ្នំពេញ៖ ស្វាយកែវរមៀតបានដាំដុះនៅតាមបណ្តោយជួរភ្នំដងរ៉ែកក្នុងខេត្តឧត្តរមានជ័យ ដែលក្រសួងពាណិជ្ជកម្មប្រកាសចុះបញ្ជីទទួលស្គាល់ជាផ្លូវការថាជាម៉ាកសម្គាល់ភូមិសាស្ត្រទំនិញ “GI” រួមនិងមុខទំនិញ៣មុខផ្សេងទៀតកាលថ្មីៗនេះ ខាងសមាគមអ្នកដាំស្វាយឧត្តរមានជ័យបានដាក់ក្តីរំពឹង ក៏ដូចជាសង្ឃឹមថានឹងមានការចាប់អារម្មណ៍ពីទីផ្សារ ពិសេសជួយឱ្យកសិករអាចលក់បានតម្លៃល្អប្រសើរក្នុងរដូវប្រមូលផលនៅពេលបន្ទាប់។ បើតាមលោក ហេង ពៅ ប្រធានសមាគមអ្នកដាំស្វាយឧត្តមានជ័យបានចាត់ទុកថា ស្វាយឧត្តរមានជ័យទទួលបានការទទួលស្គាល់ពីក្រសួងពាណិជ្ជកម្ម ចុះបញ្ជីជាម៉ាកសម្គាល់ភូមិសាស្ត្រទំនិញ“GI”នេះវាជាមោទនភាពមួយសម្រាប់ខេត្តឧត្តរមានជ័យទាំងមូល។ លោក ហេង ពៅ បន្តទៀតថាស្វាយឧត្តរមានជ័យកសិករចាប់ផ្តើមដាំតាំងនៅចន្លោះពីឆ្នាំ២០០៥-២០០៦ រហូតមកដល់ពេលនេះមានរយៈពេល២០ឆ្នាំ ហើយទម្រាំស្វាយឧត្តរមានជ័យអាចចុះបញ្ជីជាម៉ាកសម្គាល់ភូមិសាស្ត្រទំនិញបាននៅពេលនេះ ខាងក្រសួង មន្ទីរពាក់ព័ន្ធ រួមនិងគម្រោងពាក់ព័ន្ធផ្សេងៗ បានចុះសិក្សាជាច្រើនលើកច្រើនសារ ដោយសារនៅក្នុងខេត្តមានការដាំដុះស្វាយច្រើន។ បន្ទាប់ពីស្វាយឧត្តរមានជ័យទទួលស្គាល់ជាម៉ាកសម្គាល់ភូមិសាស្ត្រទំនិញ សម្រាប់ការងារសំខាន់ដែល សមាគមត្រូវធ្វើ គឺត្រូវការពារឬរក្សាកេរ្តិ៍ឈ្មោះ រក្សាគុណភាព រសជាតិស្វាយឱ្យកាន់តែល្អដើម្បីយកផលិតផលទាំងនេះ ចែកចាយឱ្យពលរដ្ឋក្នុងស្រុកនិងក្រៅស្រុកបានស្វែងយល់ពីរសជាតិ ស្វាយឧត្តរមានជ័យ។ បើតាមប្រធានសមាគមខាងលើ បច្ចុប្បន្នខេត្តឧត្តរមានជ័យមានផ្ទៃដីសម្រាប់ដាំស្វាយមានជាង១៤ម៉ឺនហិកតា ក្នុងនោះសម្រាប់សមាគម ដែលមានសមាជិកជាសហគមន៍ចំនួន១៦ មានដាំដុះស្វាយជាង៤ពាន់ហិកតា ហើយនៅក្នុងរដូវប្រមូលក្នុងពេលបច្ចុប្បន្ននេះក្នុងមួយថ្ងៃអាចផ្គត់ផ្គង់ទៅដល់រោចក្រកែច្នៃក្នុងស្រុកបានប្រមាណ២០តោន ហើយលក់បានតម្លៃទាប ។ ប៉ុន្តែទោះជាយ៉ាងនេះក្តី លោកមានទំនុកចិត្តថា ស្វាយឧត្តរមានជ័យនឹងមានតម្លៃល្អប្រសើរ បន្ទាប់ពីក្លាយជាផលិតផលម៉ាកសម្គាល់ភូមិសាស្ត្រទំនិញនេះតទៅ៕  

ភ្នំពេញ៖ មោទនភាពផលិតផលខ្មែរ! គីរីកាហ្វេ (Kiri Coffee) គឺជាគ្រាប់កាហ្វេដែលដាំដុះ និងប្រមូលផលដោយផ្ទាល់ពីទឹកដីខ្ពង់រាបខេត្តមណ្ឌលគិរី។ គិរីកាហ្វេ ប្រើប្រាស់គ្រាប់កាហ្វេក្នុងស្រុកសុទ្ធ ១០០% មិននាំចូលពីក្រៅប្រទេស (ជាដាច់ខាត់) ធានាបាននូវភាពស្រស់ថ្មី ឈ្ងុយឆ្ងាញ់ និងផ្តល់នូវរសជាតិដើមដ៏មានសក្ដានុពល។ ដើម្បីពង្រីកមហិច្ឆតាកាហ្វេខ្មែរ គិរីកាហ្វេ កំពុងផ្តល់ឱកាសពិសេសសម្រាប់បងប្អូន ដែលចង់ក្លាយជាម្ចាស់អាជីវកម្ម៖ 1-ផ្តល់ម៉ាស៊ីនឆុងកាហ្វេប្រើប្រាស់ដោយឥតគិតថ្លៃ! * ជួយសម្រាលបន្ទុកដើមទុន (សម្រាប់ផ្នែកម៉ាស៊ីន) ដើម្បីឱ្យបងប្អូនចាប់ផ្តើមអាជីវកម្មបានភ្លាមៗ។ គិរីកាហ្វេ ប្រើប្រាស់គ្រាប់កាហ្វេក្នុងស្រុក (មិននាំចូល) * ធានាបាននូវគុណភាពស្រស់ៗពីចម្ការ បង្កើនទំនុកចិត្តដល់អតិថិជន ដែលចូលចិត្តរសជាតិកាហ្វេធម្មជាតិពិតៗ។ 2-បណ្តុះបណ្តាលបច្ចេកទេសឥតគិតថ្លៃ * បង្រៀនពីរបៀបឆុង (Barista Training) ឱ្យមានរសជាតិស្តង់ដារ ទាក់ទាញអតិថិជនបានច្រើន។ 3- ការពិគ្រោះយោបល់ និងការរៀបចំហាង * យើងនៅក្បែរលោកអ្នកជានិច្ច តាំងពីការចាប់ផ្តើមរហូតដល់ដំណើរការលក់ជាក់ស្តែង។ * ជ្រើសរើស គិរីកាហ្វេ គឺជ្រើសរើសគុណភាពខ្មែរ និងជួយដល់កសិករខ្មែរ * ចំនួនមានកំណត់ ជាមួយលក្ខខណ្ឌងាយៗ!

ដោយ ឡុង សារេត ភ្នំពេញ៖  ប្រធានសមាគមអ្នកដាំស្វាយចន្ទីកំពង់ធំ និងជាអ្នកជំនាញខាងផ្នែកដំណាំស្វាយចន្ទី  បានរំពឹងនិងជឿជាក់ថាការកសិករក្នុងស្រុកងាកមកដាំដុះស្វាយចន្ទីតាមសៀវភៅបន្ទុកបែបម៉ាកសម្គាល់ភូមិសាស្ត្រទំនិញ “GI” នឹងមានការកើនឡើងនៅពេលខាងមុខ បន្ទាប់ស្វាយចន្ទីកំពង់ធំ ត្រូវបានក្រសួងពាណិជ្ជកម្មចុះបញ្ជីទទួលស្គាល់ជាផលិតផល “GI”។ បើតាមលោក ស៊ុយ កុកធាន ប្រធានសមាគមអ្នកដាំស្វាយចន្ទីកំពង់ធំបានឱ្យដឹងថា បច្ចុប្បន្នសមាគមស្វាយចន្ទីកំពង់ធំ មិនទាន់បានធ្វើការជ្រើសរើសចំម្ការ ឬសហគ្រាសកែច្នៃផលិតផលម៉ាកសម្គាល់ភូមិសាស្ត្រទំនិញធ្វើជាសមាជិកសមាគមនៅឡើយនោះទេ ដោយសារមិនទាន់មានការអនុញ្ញាតឱ្យប្រើប្រាស់ជាផ្លូវការនូវ វិញ្ញាបនបត្រម៉ាក GI និងលិខិតអនុញ្ញាតពីក្រសួងមហាផ្ទៃឱ្យបង្កើតសមាគមស្វាយចន្ទីកំពង់ធំដែលផ្តោតលើផលិតផល GI ។  តែទោះជាបែបនេះក្តី លោករំពឹងថាលិខិតស្នើសុំពីក្រសួងមហាផ្ទៃនឹងចេញជាផ្លូវការនាពេលខាងមុខនេះ ងាយស្រួលក្នុងការធ្វើការងារ ឱ្យស្របទៅតាមផ្លូវច្បាប់។ លោក ស៊ុយ កុកធាន បានឱ្យដឹងថា ដើម្បីឱ្យស្វាយចន្ទីក្លាយជា ម៉ាកសម្គាល់ភូមិសាស្ត្រទំនិញ(GI)មានលក្ខខណ្ឌកំណត់ ដូចជាទីតាំង ដីធ្លី ការប្រើប្រាស់ជីនិងថ្នាំផ្សេងៗ ហើយបើទោះបីនៅក្នុងដំណាក់កាលចាប់ផ្តើមដំបូងៗ មិនមានអ្នកចូលរួមផលិតស្វាយចន្ទី GI ច្រើន ប៉ុន្តែជាការបោះជំហ៊ានដ៏ល្អមួយ ព្រោះស្វាយចន្ទីមិនអាចធ្វើតែមួយមុខទេ ត្រូវធ្វើពិពិធកម្មវាឱ្យសំបូរបែប មានចន្ទីបែបបុរាណ ចន្ទីធម្មតា ចន្ទីសរីរាង្គ និងចន្ទី GIជាដើម។ លោកបានសង្កត់ធ្ងន់ដូច្នេះថា “យើងធ្វើបែបនេះ ដើម្បីទីផ្សារចន្ទីកម្ពុជាសំបូរបែប។ យើងធ្វើឱ្យស្របទៅតាមតម្រូវការទីផ្សាររបស់ពិភពលោក។ សម្រាប់ប្រទេសអ្នកមានគេត្រូវការចន្ទីដែលមានស្តង់ដា […]

ខេត្តកណ្តាល៖ នាថ្ងៃទី៥ ខែឧសភា ឆ្នាំ២០២៦ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) បានអញ្ជើញជាអធិបតីក្នុងពិធីបើកការប្រកួតកីឡាបាល់ទាត់ “ពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន” ប្រចាំស្រុកខ្សាច់កណ្តាល ខេត្តកណ្តាល។ កម្មវិធីនេះមានការអញ្ជើញចូលរួមពីសំណាក់ថ្នាក់ដឹកនាំអាជ្ញាធរមូលដ្ឋាន លោកគ្រូ អ្នកគ្រូ សិស្សានុសិស្ស និងយុវជនមកពីបណ្តាឃុំនានា សរុបប្រមាណ៦៤៦នាក់។ ​ក្នុងឱកាសនោះ ឯកឧត្តមបណ្ឌិត បានមានប្រសាសន៍លើកឡើងពីគោលបំណងសំខាន់ៗ រួមមាន៖ -​ការពង្រឹងសាមគ្គីភាព៖ ការបង្កើតឱ្យមានការប្រកួតកីឡានេះឡើង គឺដើម្បីជំរុញឱ្យយុវជនមានស្មារតីសាមគ្គីភាព ភាតរភាព និងបង្កើនភាពស្និទ្ធស្នាលរវាងយុវជននៅក្នុងមូលដ្ឋាន។ -​កីឡានាំមកនូវសុខភាព និងមិត្តភាព៖ កីឡាមិនត្រឹមតែផ្តល់នូវសុខភាពមាំមួនប៉ុណ្ណោះទេ ប៉ុន្តែថែមទាំងជាស្ពានចម្លងនៃមិត្តភាព និងការរៀនសូត្រពីគ្នាទៅវិញទៅមកក្នុងស្មារតី “កីឡារស់ក្នុងសន្តិភាព”។ -​តួនាទីយុវជនក្នុងសង្គម៖ ឯកឧត្តមបណ្ឌិតបានរំលឹកដល់យុវជនដែលជាសសរទ្រូងនៃប្រទេសជាតិ ត្រូវបន្តខិតខំអភិវឌ្ឍសមត្ថភាព និងរក្សាសាមគ្គីភាពផ្ទៃក្នុងឱ្យបានរឹងមាំ ដើម្បីចូលរួមចំណែកក្នុងការអភិវឌ្ឍសេដ្ឋកិច្ច និងសង្គមជាតិ ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ​ទោះបីស្ថិតក្នុងកាលៈទេសៈណាក៏ដោយ ស្ថិរភាពសង្គម និងការរីកចម្រើននៃសេដ្ឋកិច្ចជាតិ នៅតែបន្តបោះជំហានទៅមុខយ៉ាងរឹងមាំ ដែលទាមទារឱ្យយុវជនទាំងអស់ជឿជាក់ និងចូលរួមជាមួយរាជរដ្ឋាភិបាល ដើម្បីការពារ […]