All Program

ដោយ ឡុង សារេត​ ភ្នំពេញ៖  ធនាគារអភិវឌ្ឍន៍អាស៊ីហៅកាត់ ADBបានអនុម័តវិធីសាស្រ្តកម្មវិធី និងកម្ចីផ្អែកលើគោលនយោបាយចំនួន ៥០ លានដុល្លារ ដើម្បីពង្រឹងវិស័យហិរញ្ញវត្ថុរបស់កម្ពុជាដោយផ្តោតលើទាំងគ្រឹះស្ថានធនាគារនិងគ្រឹះស្ថានដែលមិនមែនជាធនាគារព្រមទាំងហេដ្ឋារចនាសម្ព័ន្ធហិរញ្ញវត្ថុឌីជីថល និងសមត្ថភាពហិរញ្ញវត្ថុប្រកបដោយនិរន្តរភាព។ យោងតាមការចេញផ្សាយរបស់ធនាគារអភិវឌ្ឍន៍អាស៊ីមួយនេះបានគូសបញ្ជាក់ថាកម្មវិធីអភិវឌ្ឍន៍ហិរញ្ញវត្ថុប្រកបដោយបរិយាបន្ននិងនិរន្តរភាពនេះ មានគោលបំណងលើកកម្ពស់សមត្ថភាព ស្ថិរភាព និង ការអនុវត្តប្រតិបត្តិការរបស់វិស័យនេះ សំដៅជំរុញកំណើនសេដ្ឋកិច្ចរបស់កម្ពុជា ប្រកបដោយបរិយាបន្ន និងភាពធន់។ នាយកស្តីទីរបស់ ADB ប្រចាំប្រទេសកម្ពុជា លោក Anthony Gill មានប្រសាសន៍ថា “ដំណើររបស់កម្ពុជា ឆ្ពោះទៅរកកំណើនប្រកបដោយបរិយាបន្ននិងនិរន្តរភាពបានចាក់ឫសក្នុងចក្ខុវិស័យរបស់ប្រទេសដើម្បីក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និង ជាប្រទេសដែលមានចំណូលខ្ពស់នៅឆ្នាំ២០៥០។ តាមរយៈការវិនិយោគលើកម្មវិធីនេះ ADB គាំទ្រកម្ពុជាក្នុងការពង្រឹងសមត្ថភាព ស្ថិរភាព និងការអនុវត្តប្រតិបត្តិការវិស័យហិរញ្ញវត្ថុរបស់ប្រទេសកសាងមូលដ្ឋានគ្រឹះសម្រាប់កំណើនដែលធន់ ពង្រីកបរិយាបន្នហិរញ្ញវត្ថុ និង ជំរុញសក្តានុពលវិស័យឯកជន។ តាមរយៈការពង្រឹងប្រព័ន្ធអេកូហិរញ្ញវត្ថុប្រកបដោយថាមពល និង បរិយាបន្ន ADB មានគោលបំណងផ្តល់អំណាចដល់ ស្ថានប័នអាជីវកម្ម ទាក់ទាញការវិនិយោគ និងធានាថាវិបុលភាពគ្របដណ្តប់គ្រប់ជ្រុងនានាក្នុងសង្គម”។ បើយោងតាម ADB,ស្របពេលដែលវិស័យហិរញ្ញវត្ថុរបស់កម្ពុជាមានការរីកចម្រើនគួរឱ្យកត់សម្គាល់ការអភិវឌ្ឍបន្ថែមគឺចាំបាច់ដើម្បីជំរុញសក្តានុពលពេញលេញរបស់ប្រទេស។ បញ្ហាប្រឈមដូចជា សកម្មភាពទីផ្សារមិនទាន់ខ្លាំងក្លា ការទទួលបានសេវានៅមានកម្រិត និង ចន្លោះប្រហោងក្នុងការការពារអ្នកវិនិយោគនៅតែមាន ទន្ទឹមនឹងក្របខ័ណ្ឌបទប្បញ្ញត្តិដែលមិនទាន់បានអភិវឌ្ឍពេញលេញ ចំណេះដឹងផ្នែកហិរញ្ញវត្ថុទាប […]

ក្រុងបាហ្គីយ៉ូ – ក្រសួងកសិកម្មហ្វីលីពីន បានលើកឡើងថា ការបង្រៀនកុមារ ដែលជាក្តីសង្ឃឹមរបស់ប្រទេសជាតិ ដោយផ្តល់ព័ត៌មានសមស្របទាក់ទងនឹងវិស័យកសិកម្ម នឹងជំរុញនិរន្តរភាពស្បៀងអាហារ។ មន្ត្រីក្រសួងកសិកម្ម បានប្រាប់សិស្សថ្នាក់ទី៥ និងថ្នាក់ទី៦ មកពីសាលាបឋមសិក្សាក្នុងអំឡុងពេលទស្សនកិច្ចនៅការិយាល័យរុក្ខជាតិ និងឧស្សាហកម្ម កាលពីសប្តាហ៍មុនថា «យើងកំពុងប្រារព្ធទិវាកុមារ ហើយយើងដឹងថា កុមារមានសារៈសំខាន់យ៉ាងណាចំពោះប្រទេសជាតិ ដូច្នេះហើយទើបយើងបានបបួលមកលេងទីនេះ ដើម្បីយើងប្រាប់អំពីប្រភពអាហាររបស់អ្នក»។ លោកស្រីបានមានប្រសាសន៍ទៀតថា កុមារត្រូវតែរៀនពីអ្វីដែលពួកគេត្រូវរៀន ដើម្បីឱ្យពួកគេអាចចាប់ផ្តើមឱ្យតម្លៃតាំងពីក្មេង។ លោកស្រីបានមានប្រសាសន៍ថា «យើងគិតថា ប្រហែលជាដោយការបង្ហាញពួកគេឱ្យស្គាល់វិស័យកសិកម្មនៅពេលពួកគេនៅក្មេង ពួកគេនឹងឱ្យតម្លៃអាហារ ដែលយកមកដាក់លើតុ ហើយមិនខ្ជះខ្ជាយអាហារទេ ព្រោះពួកគេបានឃើញពីការលំបាកក្នុងការផលិតអាហារ»។ លោកស្រីបានពន្យល់ថា «សំខាន់ជាងនេះទៅទៀត យើងសង្ឃឹមថា តាមរយៈការបង្ហាញពួកគេពីរបៀបដែលអាហារត្រូវបានផលិត ពួកគេនឹងចូលរួមក្នុងការថែសួនដើម្បីផលិតបន្លែ ឬថែទាំសត្វជាអាហារ»។ អាជ្ញាធរស្ថិតិហ្វីលីពីន បាននិយាយថា អាយុជាមធ្យមរបស់កសិករនៅក្នុងប្រទេសពីមុនមានអាយុ៥៧ ឆ្នាំ ប៉ុន្តែក្រសួងកសិកម្ម បាននិយាយថា ទិន្នន័យថ្មីៗនៃប្រព័ន្ធចុះបញ្ជីសម្រាប់កសិកម្មជាមូលដ្ឋាននៅក្នុងតំបន់បង្ហាញថា អាយុបានធ្លាក់ចុះមកត្រឹម៤៥ឆ្នាំ។ លោកស្រីបានមានប្រសាសន៍ថា «អ្នកចូលរួមស្វែងយល់បញ្ហារបស់កសិករវ័យក្មេងកំពុងកើនឡើង ហើយយើងកំពុងឃើញយុវជនកាន់តែច្រើនកំពុងចូលរួមផលិតចំណីអាហារ ឬកែច្នៃចំណីអាហារ»។ លើសពីនេះ សាលារៀនគ្រប់កម្រិតកំពុងបង្កើតក្លឹប ដែលទាក់ទាញយុវជនឱ្យចូលរួមក្នុងវិស័យកសិកម្ម ដោយសង្ឃឹមថា ពួកគេនឹងពង្រឹងជំនាញរបស់ខ្លួន និងអនុវត្តដូចគ្នា ឬចូលរៀនវគ្គសិក្សាកសិកម្ម។ អ្នកគ្រូបង្រៀនថ្នាក់ទី៥ម្នាក់ […]

ក្រុមហ៊ុននាំចេញផ្លែក្រូចអាហ្វ្រិកខាងត្បូង បន្តពង្រីកវត្តមានផលិតផលរបស់ខ្លួន នៅក្នុងទីផ្សារអាស៊ី បន្ទាប់ពីមើលឃើញកំណើនតម្រូវការក្នុងតំបន់ ក្រោយពីប្រទេសវៀតណាមបានចុះកិច្ចព្រមព្រៀងទ្វេភាគី កាលពីឆ្នាំ២០២៤ ដើម្បីបើកទីផ្សារសម្រាប់ផលិតផលផ្លែក្រូចឃ្វិចអាហ្វ្រិកខាងត្បូង។ នៅក្នុងឆ្នាំ២០២៥នេះ ប្រទេសអាហ្វ្រិកខាងត្បូងបានដឹកជញ្ជូនផ្លែក្រូចឃ្វិចចំនួន៥៣ ៣១១កេស ដែលក្នុងមួយកេសទម្ងន់១៥គីឡូក្រាម ទៅកាន់ប្រទេសវៀតណាម គឺកើនឡើងចំនួន២០៩ ៥៦៩កេស កើនលើសឆ្នាំ២០២៤។ ស្ថាប័នឧស្សាហកម្មផ្លែក្រូចឃ្វិច​ បានកត់សម្គាល់ថា កំណើននេះឆ្លុះបញ្ចាំងពីឱកាសកាន់តែទូលំទូលាយនៅទូទាំងទ្វីបអាស៊ី ដែលក្រៅពីវៀតណាម ទីផ្សារដូចជាជប៉ុន កូរ៉េខាងត្បូង ឥណ្ឌា និងចិនត្រូវបានគេមើលឃើញថា មានសក្តានុពលខ្លាំងសម្រាប់ផ្លែក្រូចឃ្វិចអាហ្វ្រិកខាងត្បូងផងដែរ។ ប្រជាជនវណ្ណៈកណ្តាល ដែលកំពុងតែកើនឡើងនៅក្នុងប្រទេសវៀតណាម ចាប់ផ្តើមពេញនិយមផលិតផលផ្លែក្រូចឃ្វិចស្រស់ៗរបស់អាហ្វ្រិកខាងត្បូង ដែលអាចផ្គត់ផ្គង់ទីផ្សារចាប់ពីខែមិថុនា ដល់ខែតុលា។ ក្នុងរដូវប្រមូលក្រូចឃ្វិច ឆ្នាំ២០២៥ ទទួលបានទិន្នផលចំនួន ៥៣,៥លានប្រអប់ ដែលត្រូវបានវេចខ្ចប់សម្រាប់នាំចេញទៅកាន់ទីផ្សារអន្តរជាតិ គឺកើនឡើង២ ភាគរយពីមួយឆ្នាំទៅមួយឆ្នាំ។ ទិន្នផលដ៏ល្អនេះ បានជួយពង្រឹងតម្រូវការក្នុងការធានាទីផ្សារ ដែលមានសក្តានុពលខ្ពស់ ដូចជាវៀតណាមសម្រាប់ប្រភេទក្រូចឃ្វិច។ ក្នុងដំណើរទស្សនកិច្ចនៅក្នុងប្រទេសវៀតណាម នាពេលថ្មីៗកន្លងមកនេះ ប្រធានាធិបតិអាហ្វ្រិកខាងត្បូង បានពិភាក្សាអំពីការនាំចូលក្រូចអាហ្រិកផងដែរ។ រដ្ឋមន្ត្រីអាហ្វ្រិកខាងត្បូងបានជួបប្រជុំជាមួយសមភាគីវៀតណាម ដើម្បីជំរុញការចូលប្រើប្រាស់ទីផ្សារសម្រាប់ប្រភេទក្រូចបន្ថែម និងដោះស្រាយលក្ខខណ្ឌពាណិជ្ជកម្ម ដែលនៅសេសសល់។ វៀតណាមត្រូវបានពិពណ៌នាថា ជាគោលដៅមួយ ស្របពេលប្រទែសអាហ្វ្រិកខាងត្បូង កំពុងធ្វើពិពិធកម្មទីផ្សារ និងកាត់បន្ថយអត្រាពន្ធនាំចូលផងដែរ។ អ្នកតំណាងឧស្សាហកម្មផ្លែក្រូច បាននិយាយថា […]

ខេត្តកោះកុង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ជាសមាជិកគណៈកម្មាធិការកណ្តាល និងជាសមាជិកយុវជនគណបក្សប្រជាជនគម្ពុជាថ្នាក់កណ្តាល បានអញ្ជើញបើកសិក្ខាសាលា និងធ្វើជាវាគ្មិនស្តីពីកាលានុវត្តភាព និងទិសដៅវិនិយោគសម្រាប់អនាគត នាព្រឹកថ្ងៃទី២៦ ខែវិច្ឆិកា ឆ្នាំ២០២៥នេះ ដែលរៀបចំឡើងដោយសមាគមសហគ្រិនវ័យក្មេងកម្ពុជា។ ពិធីនេះក៏មានការអញ្ជើញចូលរួមពីឯកឧត្តម កាយ សំរួម សមាជិកគណៈកម្មាធិការកណ្តាល និងជាអនុប្រធានគណៈកម្មាធិការគណបក្សខេត្ត ជាតំណាងដ៏ខ្ពង់ខ្ពស់របស់ លោកជំទាវ ឈី វ៉ា អភិបាលនៃគណៈអភិបាលខេត្តកោះកុង លោក ហៀន សូប៉ូលីន ប្រធាននាយកដ្ឋានប្រតិបត្តិការ និងគ្រប់គ្រងតំបន់សេដ្ឋកិច្ចពិសេស គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា និងឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា។ ក្នុងឱកាសនេះ ឯកឧត្តមបណ្ឌិត កៅ ថាច បានមានប្រសាសន៍បង្ហាញពីសារៈសំខាន់ ចំពោះសរសរស្តម្ភនៃប្រព័ន្ធហិរញ្ញវត្ថុ នៅលើសកលលោក និងនៅកម្ពុជាផងដែរ ក្នុងនោះ គឺផ្តោតលើប្រព័ន្ធហិរញ្ញវត្ថុទាំងមូល ត្រូវបានទ្រទ្រង់ដោយសរសរស្តម្ភចំនួនបី រួមមាន៖ វិស័យធនាគារ វិស័យមូលបត្រ និងវិស័យធានារ៉ាប់រង ដែលជាប្រភពហិរញ្ញវត្ថុសម្រាប់អាជីវកម្ម សេដ្ឋកិច្ច និងសង្គម។ ក្នុងន័យនេះ ឯកឧត្តមចង់សំដៅថា […]

វៀងច័ន្ទន៍៖​ កាលថ្ងៃទី១៣ ខែវិច្ឆិកា ឆ្នាំ២០២៥ ឡាវ និងចិន បានពង្រីកកិច្ចសហប្រតិបត្តិការផ្នែកកសិកម្មរបស់ប្រទេសទាំងពីរបន្ទាប់ពីការពិភាក្សានៅទីក្រុងឆុងឈីង ក្នុងអំឡុងពេលកិច្ចប្រជុំសហប្រតិបត្តិការ រដ្ឋមន្ត្រីអាស៊ាន-ចិន លើកទី៩។ យោងតាមការផ្សាយរបស់សារព័ត៌មានឡាវ បានឱ្យដឹងថា ពិធីសារថ្មីស្តីពីអនាម័យ និងភូតគាមអនាម័យ ត្រូវបានចុះហត្ថលេខា រវាងអនុរដ្ឋមន្ត្រីក្រសួងកសិកម្ម និងបរិស្ថានឡាវ និងអនុរដ្ឋមន្ត្រីរដ្ឋបាលគយចិន។ កិច្ចព្រមព្រៀងនេះអនុញ្ញាតឱ្យនាំចេញផ្លែមៀនឡាវ ដែលជាកសិផលឡាវទី៤០ ត្រូវបានអនុញ្ញាតឱ្យនាំចូលទៅកាន់ទីផ្សារប្រទេសចិន។ មន្ត្រីជាន់ខ្ពស់ឡាវ​ និងចិន ក៏បានឯកភាពគ្នាបើកទីផ្សារចិនសម្រាប់នាំចូលផ្លែទុរេនឡាវផងដែរ ដែល អាជ្ញាធរឡាវ បានកត់សម្គាល់ថា កិច្ចព្រមព្រៀងទាំងនេះនឹងគាំទ្រឡាវក្នុងការធ្វើពិពិធកម្មផលិតផលនាំចេញរបស់ខ្លួនទៅកាន់ទីផ្សារចិន និងបង្កើនការចូលរួមនៅក្នុងវិស័យពាណិជ្ជកម្មក្នុងតំបន់ ស្របពេលអ្នកនាំចេញរបស់ឡាវត្រូវតែបំពេញតាមតម្រូវការគុណភាព និងសុវត្ថិភាពរបស់ប្រទេសចិន។ ឡាវ និងចិន បានសហការគ្នារួចហើយតាមរយៈគំនិតផ្តួចផ្តើមកសិកម្មជាច្រើន រួមទាំងកម្មវិធីរយៈពេល២៥ឆ្នាំ ដែលផ្តោតលើការដាំដុះ ការកែលម្អទិន្នផល ការកាត់បន្ថយថ្លៃដើម និងការប្រកួតប្រជែង ដើម្បីគាំទ្រដល់គោលបំណងរបស់ប្រទេសឡាវ ក្នុងការនាំចេញផ្លែទុរេន ចំនួន៤០០តោនទៅកាន់ប្រទេសចិន នៅឆ្នាំ២០២៦។ មន្ត្រីកសិកម្មឡាវ ក៏បានពិនិត្យឡើងវិញនូវការងារ ដែលកំពុងដំណើរការដើម្បីពង្រីការធ្វើកសិពាណិជ្ជកម្ម និងធ្វើឱ្យនីតិវិធីទាក់ទងនឹងការចូលទីផ្សារចិន មានភាពងាយស្រួល។ បច្ចុប្បន្ននេះ មានពិធីសារចំនួន៣៩ ដែលអនុញ្ញាតឱ្យនាំចេញផល​ អនុផលព្រៃឈើចំនួន៣៥មុខ និងផលិតផលសត្វចំនួន៤មុខ ពីប្រទេសឡាវទៅកាន់ប្រទេសចិន។ ការចរចានៅតែបន្តសម្រាប់ប្រភេទផលិតផលផ្សេងទៀត […]

ហ្សាការតា៖ រដ្ឋមន្ត្រីក្រសួងកសិកម្មឥណ្ឌូណេស៊ី បានប្រកាសថា រដ្ឋាភិបាលឥណ្ឌូណេស៊ី បានរៀបចំជំនួយឥតសំណង ជាទឹកប្រាក់ជិត៦០០លានដុល្លារ ដើម្បីបង្កបង្កើនផលលើផ្ទៃដីទំហំជិតមួយលានហិកតា ដើម្បីបបង្កើនផលិតកម្ម និងពង្រឹងសន្តិសុខស្បៀងនៅក្នុងប្រទេស។ ក្នុងអំឡុងពេលសន្និសីទជាតិ លើកទី១១ កាលពីថ្ងៃទី២១ ខែវិច្ឆិកា ឆ្នាំ២០២៥ លោក អេនឌី អាំរ៉ាន ស៊ូឡៃម៉ាន (Andi Amran Sulaiman) រដ្ឋមន្ត្រីក្រសួងកសិកម្ម បានមានប្រសាសន៍ថា គំនិតផ្តួចផ្តើមនេះ គឺជាផ្នែកមួយនៃការដឹកនាំរបស់លោកប្រធានាធិបតីឥណ្ឌូណេស៊ី ដើម្បីបង្កើនទិន្នផលកសិកម្មឱ្យកើនឡើងខ្ពស់ តាមរយៈការកែច្នៃគុណភាពដីទំនេរនៅទូទាំងប្រទេស។ លោករដ្ឋមន្ត្រី បានសង្កត់ធ្ងន់ថា ក្នុងរយៈពេលពីរឆ្នាំខាងមុខនេះ រដ្ឋាភិបាលនឹងយកចិត្តទុកដាក់លើ ដីណា ដែលត្រូវបានពិនិត្យរួចរាល់សម្រាប់ការដាំដុះ ដោយកត់សម្គាល់ថា កម្មវិធីពង្រីកផ្ទៃដីកសិកម្មនេះ គឺមានសារៈសំខាន់ក្នុងការរក្សាស្ថេរភាពតម្លៃស្បៀងអាហារ ដែលជាសសរស្តម្ភយ៉ាងសំខាន់នៃភាពធន់របស់ជាតិ។ លោករដ្ឋមន្ត្រី បានមានប្រសាសន៍ដូច្នេះថា «សន្តិសុខស្បៀងអាហារមានទំនាក់ទំនងយ៉ាងជិតស្និទ្ធទៅនឹងភាពធន់របស់រដ្ឋ ពីព្រោះបញ្ហានៅក្នុងវិស័យស្បៀងអាហារ អាចបង្កផលប៉ះពាល់យ៉ាងធ្ងន់ធ្ងរដល់ប្រទេសជាតិ»។ លោក អេនឌី អាំរ៉ាន ស៊ូឡៃម៉ាន បានបន្ថែមថា រដ្ឋាភិបាលបើកចំហចំពោះកិច្ចសហការជាមួយសហគមន៍កសិកម្ម អង្គការ និងម្ចាស់ដី ដើម្បីប្រើប្រាស់ដីនៅសល់ទំនេរសម្រាប់ផលិតកម្មដំណាំ។ លោកបានមានប្រសាសន៍ដូច្នេះថា​ «យើងត្រៀមខ្លួនរួចជាស្រេច ដើម្បីធ្វើឱ្យដីរបស់យើងមានគុណភាពកាន់តែល្អប្រសើរ។ ក្រសួងរបស់យើងត្រៀមខ្លួនរួចជាស្រេច […]

ខេត្តកំពង់ស្ពឺ ៖ ឯកឧត្តមបណ្ឌិត កៅ ថាច ប្រតិភូរាជ រដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម នៅព្រឹកថ្ងៃទី២៥ ខែវិច្ឆិកា ឆ្នាំ ២០២៥នេះ បានចាត់ទុកសហគ្រិនមិនមែនគ្រាន់តែជាពាណិជ្ជករ ឬអ្នកវិនិយោគនោះទេ ប៉ុន្តែសហគ្រិនថែមទាំងជាអ្នកដាំគ្រាប់ពូជនៃក្តីសង្ឃឹមនិងជាស្ថាបត្យករសម្រាប់អនាគត អញ្ជើញបើកសិក្ខាសិលានឹងធ្វើជាវាគ្មិនលើកិច្ចពិភាក្សាស្តីអំពីកាលានុវត្តភាព និងទិសដៅវិនិយោគសម្រាប់អនាគតពោល គឺសហគ្រិនមើលឃើញនូវកាលានុវត្តភាព ខណៈដែលអ្នកដទៃមើលឃើញថាជាឧបសគ្គ។ ការថ្លែងដូច្នេះរបស់ឯកឧត្តមបណ្ឌិត កៅ ថាច នៅក្នុងសិក្ខាសិលាមួយ ដែលរៀបចំឡើងដោយសមាគមសហគ្រិនវ័យក្មេងកម្ពុជា នៅទីស្នាក់ការគណបក្សប្រជាជន ខេត្តកំពង់ស្ពឺ ដែលក្នុងនេះក៏មានការអញ្ជើញចូលរួមផងដែរពីឯកឧត្តម សម សាមួន អនុប្រធានគណបក្សខេត្ត ដែលជាតំណាងឱ្យឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ និងជាប្រធានគណបក្សខេត្ត, ឯកឧត្តម នុត អ៊ុនវ័ណរ៉ា អគ្គលេខាធិការរង គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា និងជាសមាជិកគណៈកម្មាធិការកណ្តាលយុវជនគណបក្សថ្នាក់កណ្តាល និងឧកញ៉ា ស គីណាល់ អនុប្រធានប្រតិបត្តិសមាគមសហគ្រិនវ័យក្មេងកម្ពុជា ព្រមទាំងសមាជិកសមាគមសហគ្រិនវ័យក្មេងកម្ពុជានៃផែនសហគ្រិនវ័យក្មេងរបស់គណបក្សមកពីខេត្តកំពង់ស្ពឺ ដែលមានអ្នកចូលរួមសរុបជាង២០០នាក់។ នៅក្នុងឱកាសសិក្ខាសិលានេះ ឯកឧត្តមបណ្ឌិត កៅ ថាច បានថ្លែងថា កម្មវិធីនាថ្ងៃនេះមិនមែនត្រឹមតែជាវេទិកាពិភាក្សាអំពីសហគ្រិនភាព, កសិកម្ម […]

ដោយ ឡុង សារេត ខេត្តកំពង់ឆ្នាំង៖ ធនាគារជាតិនៃកម្ពុជា និងរដ្ឋបាលខេត្តកំពង់ឆ្នាំង នៅរសៀលថ្ងៃទី២៤ ខែវិច្ឆិកា ឆ្នាំ២០២៥ សហការគ្នារៀបចំសិក្ខាសាលាស្តីពី “ចំណេះដឹងផ្នែកហិរញ្ញវត្ថុ និងកិច្ចការពារអតិថិជន” ជូនដល់ភាគីពាក់ព័ន្ធប្រមាណជាង២០០នាក់។ លោកស្រី ប៊ន សុភី អភិបាលរងនៃគណៈអភិបាលខេត្តកំពង់ឆ្នាំង មានប្រសាសន៍ថា ការបង្កើតកម្មវិធីសិក្ខាសាលានេះ ត្រូវបានរៀបចំឡើងក្នុងគោលបំណងចែករំលែកចំណេះដឹងការប្រើប្រាស់សេវាហិរញ្ញវត្ថុផ្លូវការ និងសិទ្ធទទួលបានការគាំពារដោយច្បាប់ចំពោះអ្នកប្រើប្រាស់ឱ្យបានទូលំទូលាយដល់អាជ្ញាធរពាក់ព័ន្ធដើម្បីចូលរួមអនុវត្ត និងផ្សព្វផ្សាយបន្តនៅក្នុងមូលដ្ឋានរបស់ខ្លួន។ លោកស្រីលើកឡើងថា ទន្ទឹមនិងវិស័យហិរញ្ញវត្ថុមានដំណើការល្អ នៅក្នុងខេត្តមានធនាគារពាណិជ្ជ និងសាខាធនាគារពាណិជ្ជចំនួន១៣ ធនាគារឯកទេសមួយ គ្រឹះស្ថានមិនទាន់ទទួលបានប្រាក់កម្ចីចំនួន១០ ក្រុមហ៊ុន ឬគ្រឹះស្ថានភតិសន្យាហិរញ្ញវត្ថុចំនួន១ និងប្រតិបត្តិករឥណទាន សមាគម និងអង្គការចំនួនបួន ដោយគ្រឹះស្ថានទាំងនោះបានចូលរួមចណែកដល់ការងារជូនប្រជាជន ពិសេសផ្តល់សេវាហិរញ្ញវត្ថុចាំបាច់ និងជំនួញដល់ប្រជាជននៅក្នុងខេត្តផងដែរ។ តាមរយៈនៃការដាក់ចេញនូវគោលនយោបាយអភិវឌ្ឍន៍ ដែលត្រូវបានដាក់ចេញនៅពេលកន្លងមក ខេត្តកំពង់ឆ្នាំងបានទទួលនូវវឌ្ឍនភាពលើគ្រប់វិស័យ ក្នុងនោះវិស័យធនាគារនិងហិរញ្ញវត្ថុ ក៏មានការរីកចម្រើនគួរឱ្យកត់សម្គាល់។ តួយ៉ាងបច្ចុប្បន្ននេះ គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ ដែលកំពុងធ្វើប្រតិបត្តិការក្នុងខេត្តកំពង់ឆ្នាំង បានចូលរួមចំណែកគាំទ្រដល់ការអភិវឌ្ឍខេត្តប្រកបដោយបរិយាបន្ន តាមរយៈការផ្តល់សេវាហិរញ្ញវត្ថុផ្លូវការ រួមមានសេវាឥណទាន សន្សំ និងទូទាត់ ជូនប្រជាពលរដ្ឋ និងក្រុមហ៊ុន សហគ្រាសនៅគ្រប់ទីកន្លែងក្នុងខេត្តកំពង់ឆ្នាំង។ ដើម្បីធានាបាននិរន្តរភាពប្រើប្រាស់សេវាហិរញ្ញវត្ថុផ្លូវការ និងការអភិវឌ្ឍ […]

ហាណូយ៖ អ្នកគ្រប់គ្រងជាន់ខ្ពស់របស់ហាងកាហ្វេ ​ អាម៉ាហ្សូន (Café Amazon) សាខារបស់ថៃបើកនៅក្នុងប្រទេសវៀតណាម បានបញ្ជាក់ថា គ្រប់ហាងទាំងអស់នៅក្នុងប្រទេសវៀតណាម បានបិទទ្វារឈប់ធ្វើអាជីវកម្ម​ នៅសប្តាហ៍នេះ​ ហើយបានដកផ្លាកសញ្ញាចេញអស់ ដើម្បីប្រគល់ទីតាំងជួលឱ្យទៅម្ចាស់ដើមវិញ ចំណែកនៅទីតាំងខ្លះត្រូវបានជំនួសដោយឈ្មោះអាជីវកម្មថ្មី។ យោងតាមសារព័ត៌មានវៀតណាម​ បានឱ្យដឹថា នៅក្នុងសេចក្តីជូនដំណឹង​ប្រកាសជូនទៅផ្សារភាគហ៊ុននៅក្នុងប្រទេសថៃ កាលដើមខែតុលា ឆ្នាំ២០២៥ ក្រុមហ៊ុនធំ​ ដែលម្ចាស់សាខាងហាងកាហ្វេយីហោ​ អាម៉ាហ្សូន​ របស់ប្រទេសថៃ​ បានប្រកាសរំលាយក្រុមហ៊ុន ដែលជាអង្គភាពប្រតិបត្តិការហាងកាហ្វេ អាម៉ាហ្សូន នៅក្នុងប្រទេសវៀតណាម។ ក្រុមហ៊ុនបាននិយាយថា ខ្លួនកំពុងដកខ្លួនចេញពីអាជីវកម្មនៅក្នុងប្រទេសវៀតណាម ដើម្បីផ្តោតការយកចិត្តទុកដាក់ឡើងវិញនូវអាជីវកម្មអាទិភាពផ្សេង និងសម្របខ្លួនទៅនឹងបញ្ហាប្រឈមនៃទីផ្សារ។ គិតត្រឹមថ្ងៃទី៣១ ខែសីហា ឆ្នាំ២០២៥ ក្រុមហ៊ុនថៃម្ចាស់ហាងកាហ្វេ អាម៉ាហ្សូន​​  បានបោះទុនវិនិយោគក្នុងទឹកប្រាក់១,៧២លានដុល្លារ​ នៅក្នុងការបណ្តាក់ទុនរកស៊ីលក់កាហ្វេនៅក្នុងប្រទេសវៀតណាម។ សាខាហាងកាហ្វេ អាម៉ាហ្សូន បានបោះទុនចូលរកស៊ីនៅក្នុងប្រទេសវៀតណាម​ ក្នុងខែវិច្ឆិកា ឆ្នាំ២០២០ ដោយបើកហាងដំបូង នៅទីក្រុងហូជីមិញ​ ដោយរៀបចំរចនាបថហាងដូចគ្នានៅក្នុងប្រទេសថៃ ប៉ុន្តែ ដើម្បីឱ្យសម្របខ្លួនទៅនឹងចំណង់ចំណូលចិត្តជនជាតិវៀតណាម បញ្ជីមុខភេសជ្ជៈ និងម្ហូប ត្រូវបានកែសម្រួល មានជាកាហ្វេ និងតែទឹកដោះគោបែបថៃ និងភេសជ្ជៈតាមរដូវបែបវៀតណាមផងដែរ។ ហាងកាហ្វេ […]

ដោយ ឡុង សារេត​ ភ្នំពេញ៖ ​ នៅទីស្នាក់ការកណ្តាលនៃធនាគារអភិវឌ្ឍន៍ជនបទ និងកសិកម្ម ​កាល​ពីព្រឹកថ្ងៃទី២៥ ខែវិច្ឆិកាឆ្នាំ​២០២៥ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ទទួលជួបពិភាក្សាការងារជាមួយគណៈប្រតិភូធនាគារអភិវឌ្ឍន៍កសិកម្មប្រទេសចិន (ADBC) ​ដែលដឹកនាំដោយលោក LIU Junbiao ប្រធានការិយាល័យនៃនាយកដ្ឋានស្តារជនបទ។ ​ ក្នុងឱកាសនេះ​ ឯកឧត្តមបណ្ឌិតប្រតិភូ​ និងលោក LIU Junbiao​ បានចែករំលែកនូវបច្ចុប្បន្នភាពវិស័យហិរញ្ញវត្ថុ ដោយបានផ្តោតទៅលើកាលានុវត្តន៍ភាពនៃការផ្តល់ហិរញ្ញប្បទានក្នុងវិស័យកសិកម្ម កសិឧស្សាហកម្ម និងអាជីវកម្មបៃតង។ ជំនួបពិភាក្សាការងារនេះ ត្រូវបានធ្វើឡើងស្របពេលធនាគារ  ADBC មកបំពេញទស្សនកិច្ចសិក្សាជាផ្លូវការនៅធនាគារ  ARDB រយៈពេលបីថ្ងៃ ចាប់ពីថ្ងៃទី២៥ ដល់ថ្ងៃទី២៧ ខែវិច្ឆិកា ឆ្នាំ២០២៥ ដែលផ្តោតសំខាន់លើការចែករំលែកបទពិសោធន៍ លើនវានុវត្តន៍ហិរញ្ញប្បទានកសិកម្ម ហិរញ្ញប្បទានបៃតង សេវាប្រតិបត្តិការធនាគារ និងការសិក្សាស្រាវជ្រាវ។ បន្ថែមពីការចែករំលែកព័ត៌មាននេះ, ធនាគារ  ARDB និងធនាគារ  ADBC ក៏បានយល់ឃើញដូចគ្នាក្នុងការពង្រីកលទ្ធភាពកិច្ចសហប្រតិបត្តិការលើការផ្តល់ហិរញ្ញប្បទានរួមគ្នា និងការតភ្ជាប់សេវាទូទាត់អន្តរធនាគារ  ជាពិសេសអាជីវកម្មបៃតង និងហិរញ្ញប្បទានបៃតង។ […]

ដោយ ឡុង សារេត ភ្នំពេញ៖ កសិករនៅស្រុកវាលវែង ខេត្តពោធិ៍សាត់ ក្រោយពីសាកល្បងដាំខ្ញីចិន លើកដំបូងលើផ្ទៃដីទំហំជាង១០ហិកតា ទទួលបានការគាំទ្រ និងប្រើប្រាស់ពីប្រជាពលរដ្ឋ ក៏បានបង្កើនផ្ទៃដីដាំដុះបន្ថែមឱ្យកើនដល់ជាង៥០ហិកតា នៅក្នុងឆ្នាំ២០២៥ ដើម្បីឆ្លើយតបទៅនិងតម្រូវការទីផ្សារបច្ចុប្បន្ន ក៏ដូចចង់ប្រែក្លាយតំបន់អូរសោមទៅជាតំបន់ដាំខ្ញីម៉ាកសម្គាល់ភូមិសាស្ត្រទំនិញនាពេលអនាគត។ អ្នកស្រី លៀង ស៊ុយហ៊ួរ នាយកគ្រប់គ្រងទូទៅនៃកសិដ្ឋានខ្ញីអូរសោម បានឱ្យដឹងថា គិតមកដល់ឆ្នាំ២០២៥នេះ អ្នកស្រីបានដាំ​ និងប្រមូលផលខ្ញីបានចំនួនពីរលើក។ លើកទីមួយសាកល្បងដាំខ្ញីលើផ្ទៃដីជាង១០ហិកតា  ហើយក្នុងមួយហិកតាប្រមូលផលខ្ញីជាមធ្យមប្រមាណ៧០តោន។ សម្រាប់លើកទីពីរ ក៏បានចាប់ផ្តើមប្រមូលផល កាលពីខែកក្កដា ឆ្នាំ២០២៥ រហូតមកដល់ខែវិច្ឆិកានេះ ការប្រមូលផលសម្រេចបានប្រហែល៦០ភាគរយនៃផ្ទៃដីសរុប។ អ្នកស្រី បានឱ្យដឹងទៀតថា ខ្ញីអូរសោមឆ្នាំនេះ បើប្រៀបធៀបជាមួយឆ្នាំកន្លងទៅ យើងឃើញថា ឆ្នាំនេះ ការគាំទ្រមានសន្ទុះខ្លាំង ស្របពេលប្រជាជនខ្មែរធ្វើពហិការឈប់ប្រើប្រាស់ផលិតនាំចូលពីប្រទេសជិតខាង ហើយខ្ញីដែលកសិដ្ឋានប្រមូលផលបានផ្គត់ផ្គង់ទៅទីផ្សារ នៅផ្សារក្នុងខេត្តបាត់ដំបងក្នុងមួយថ្ងៃជាមធ្យម១០តោន និងនៅខេត្តផ្សេងរួមនិងក្រុងភ្នំពេញផងដែរ។ អ្នកស្រីបន្ថែមថា ​«បើសិនប្រជាជនរបស់យើងបន្តព្យាយាមគាំទ្រខ្ញីអូរសោម បែបដូចសព្វថ្ងៃនេះជារៀងរហូត ខ្ញុំគិតថា នៅថ្ងៃក្រោយ យើងនឹងបន្តធ្វើការដាំដុះឱ្យបានច្រើនលើសនេះបន្ថែមទៀត ដើម្បីចូលរួមកាត់បន្ថយការនាំចូលមកពីប្រទេសខាងក្រៅ»។ បើតាមម្ចាស់កសិដ្ឋានខ្ញីអូរសោម ក្រៅពីមានផែនការបង្កើនការដាំខ្ញី អ្នកស្រីចង់ឃើញប្រជាពលរដ្ឋក្នុងតំបន់ ងាកមកធ្វើការដាំខ្ញីឱ្យកើនឡើងច្រើនថែមទៀតក្នុងគោលបំណងចង់ប្រែក្លាយតំបន់មួយនេះទៅជាតំបន់ដាំខ្ញីម៉ាកសម្គាល់ភូមិសាស្ត្រទំនិញនាពេលអនាគតផងដែរ៕

ក្រុងប៉េតាលីងចាយ៉ា៖ ផ្លែទុរេន ដែលជាស្តេចផ្លែឈើ គឺជាពាក្យមានន័យដូចគ្នា ស្របពេលប្រជាជនម៉ាឡេស៊ីគ្រប់រូបនឹងយល់ស្របដូច្នេះដែរ ប៉ុន្តែសម្រាប់ប្រជាជនឥណ្ឌូណេស៊ីវិញ កំពុងតវ៉ាប្រឆាំងម៉ាឡេស៊ីក្នុងការចុះបញ្ជីផ្លែទុរេន ជាផ្លែឈើជាតិរបស់ខ្លួន។ កាលពីដើមសប្តាហ៍នេះ រដ្ឋមន្ត្រីទទួលបន្ទុកកិច្ចការស្បៀងអាហាររបស់ប្រទេសឥណ្ឌូណេស៊ី មិនឯកភាពតាមសំណើរបស់ម៉ាឡេស៊ីទេ ដោយលើកហេតុផលថា ប្រទេសឥណ្ឌូណេស៊ីមានចម្ការទុរេនច្រើនជាងប្រទេសម៉ាឡេស៊ី ដូច្នេះគួរតែចុះបញ្ជីជាផ្លែឈើជាតិរបស់ឥណ្ឌូណេស៊ី។ លោកបានមានប្រសាសន៍ថា «ប្រទេសឥណ្ឌូណេស៊ី បានផលិតផ្លែទុរេនជិតពីរលានតោន ក្នុងឆ្នាំ ២០២៤ គឺខ្ពស់ជាងប្រទេសម៉ាឡេស៊ីឆ្ងាយណាស់។ ជាមួយនឹងការពិតបែបនេះ ខ្ញុំជឿថា ផ្លែទុរេន គឺជាផ្លែឈើជាតិរបស់ប្រទេសឥណ្ឌូណេស៊ី»។ លោកបានគូសបញ្ជាក់ពីទិន្នន័យ ដែលបង្ហាញថា ទិន្នផលផ្លែទុរេនរបស់ឥណ្ឌូណេស៊ី បានឈានដល់ ១,៩៦លានតោន កាលពីឆ្នាំ២០២៤ ដែលជាបរិមាណខ្ពស់បំផុតក្នុងរយៈពេលប្រាំឆ្នាំកន្លងមកនេះសម្រាប់ចម្ការទុរេនដាំនៅកោះជ្វា កោះស៊ូម៉ាត្រា កាលីម៉ាន់តាន់ និងកោះស៊ូឡាវេស៊ី។ លោករដ្ឋមន្ត្រីបានបន្ថែមថា «ផ្ទុយទៅវិញ ការផលិតរបស់ប្រទេសម៉ាឡេស៊ី គឺទាបជាង ទោះបីជាតម្លៃនាំចេញបានកើនឡើងដោយសារពូជល្អៗ ដូចជាពូជទុរេន មូសាង ឃ់ីង (Musang King) ក៏ដោយ»។ កាលពីថ្ងៃទី១០ ខែវិច្ឆិកា ឆ្នាំ២០២៥នេះ សមាគមអ្នកផលិតទុរេនរបស់ម៉ាឡេស៊ី បានស្នើសុំឱ្យក្រសួងកសិកម្ម និងសន្តិសុខស្បៀងម៉ាឡេស៊ី​​ ទទួលស្គាល់ទុរេន មូសាង ឃីង ជាផ្លែឈើជាតិ […]