អន្តរជាតិ

កង់បេរ៉ា៖ អ្នកដំាដំណាំហូបផ្លែនៅភាគខាងជើងប្រទេសអូស្ត្រាលី បានបង្ហាញការព្រួយបារម្ភយ៉ាងខ្លាំងចំពោះការអនុញ្ញាតឱ្យមានការនាំចូលផ្លែក្រូចថ្លុងពីប្រទេសវៀតណាម ដែលអាចដាក់សម្ពាធលើទីផ្សារ និងប៉ះពាល់ដល់ផលិតកម្មក្នុងស្រុក។ ក្រសួងកសិកម្ម រុក្ខាប្រមាញ់ និងនេសាទរបស់ប្រទេសអូស្ត្រាលី កាលពីឆ្នាំមុនបានផ្តល់យោបល់ឱ្យមានការនាំចូលផ្លែក្រូចថ្លុងពីប្រទេសវៀតណាម ដោយត្រូវអនុវត្តតាមតម្រូវការសុវត្ថិភាពជីវសាស្ត្រ។ ទោះបីជាយ៉ាងណា សំណើនេះបានជំរុញឱ្យមានការឆ្លើយតបពីអ្នកដាំដុះនៅដែនដីភាគខាងជើង ដែលមានការផលិតក្រូចថ្លុងដូចគ្នាដែរ។ អ្នកគ្រប់គ្រងកសិដ្ឋានក្រូចថ្លុងនៅតំបន់ជុំវិញទីក្រុង ដាវីន (Darwin) បាននិយាយថា ការកើនឡើងនៃការនាំចូលផ្លែក្រូចថ្លុងនេះ អាចធ្វើឱ្យក្រូចក្នុងស្រុកធ្លាក់ថ្លៃ និងខូចទឹកចិត្តអ្នកដាំដុះដូចគ្នា នៅក្នុងប្រទេសអូស្ត្រាលី។ លោកបាននិយាយថា «យើងព្រួយបារម្ភថា ការនាំចូលផ្លែក្រូចថ្លុងពីប្រទេសវៀតណាមនឹងជន់ពន្លិចឧស្សាហកម្មដាំដុះរបស់យើង»។ យោងតួលេខនៃឧស្សាហកម្មក្រូចអូស្ត្រាលី ឆ្នាំ២០២៣ បានប៉ាន់ប្រមាណថា ការផលិតផ្លែក្រូចថ្លុងប្រចាំឆ្នាំរបស់អូស្ត្រាលី មានបរិមាណប្រហែល១ ០០០តោន នៅក្នុងរដ្ឋ ហ្វាណដ ឃ្វីនឡែន (Far North Queensland) រដ្ឋញូវសោទ វ៉េល (New South Wales) និងរដ្ឋវិចតូរីយ៉ា (Victoria) រដ្ឋសោត អូស្ត្រាលី រីវើឡែន (South Australian Riverland) និងរដ្ឋណរឌើន ធើរីតធើរី (Northern Territory)។ ទិន្នន័យរបស់រដ្ឋាភិបាលបានបង្ហាញថា អូស្ត្រាលីបាននាំចូលផ្លែក្រូចថ្លុង […]

ហាណូយ៖ ការផ្លាស់ប្តូរនៃការប្រើប្រាស់ភេសជ្ជៈជាសកល និងការកើនឡើងនៃការប្រើប្រាស់គ្រឿងផ្សំមានប្រភពពីផ្លែឈើតំបន់ត្រូពិច កំពុងផ្តល់ផលជាវិជ្ជមានលើខ្សែសង្វាក់ផ្គត់ផ្គង់ និងផ្តល់ឱកាសសម្រាប់ប្រទេសវៀតណាម ដែលមានផលិតផលផ្លែឈើពេញមួយឆ្នាំ។ ក្នុងបរិបទនេះ ផលិតផលកសិកម្មនៅតំបន់ត្រូពិចរបស់វៀតណាម កាន់តែមានតម្លៃក្នុងខ្សែសង្វាក់ផលិតកម្មភេសជ្ជៈលើសកលលោក។ យោងតាមអង្គការស្បៀងអាហារ និងកសិកម្មរបស់អង្គការសហប្រជាជាតិ បានឱ្យដឹងថា ការប្រើប្រាស់ផលិតផលដែលមានប្រភពពីរុក្ខជាតិ ដូចជាផ្លែឈើ នៅតែបន្តកើនឡើងនៅតាមបណ្តាប្រទេសមួយចំនួនក្នុងតំបន់មជ្ឈិមបូព៌ា។ ង្វះខាតធនធានសម្រាប់ដាំដុះ និងមិនសម្បូរប្រភពទឹកនៅស្រោចស្រព មានន័យថា តំបន់មជ្ឈឹមបូព៌ា ត្រូវនាំចូលជាង៨០ភាគរយនៃតម្រូវការស្បៀងអាហាររបស់ខ្លួន ដោយពឹងផ្អែកភាគច្រើនលើអ្នកផ្គត់ផ្គង់ពីខាងក្រៅប្រទេស។ ប្រទេសវៀតណាម កំពុងពង្រីកតួនាទីរបស់ខ្លួននៅក្នុងបរិយាកាសបែបនេះ ដែលគាំទ្រដោយអាកាសធាតុត្រូពិច និងមានមូលដ្ឋានផលិតកម្មរឹងមាំ។ ទិន្នន័យពីក្រសួងកសិកម្ម និងបរិស្ថានវៀតណាម បានបង្ហាញថា ប្រាក់ចំណូលបានមកពីការនាំចេញផលិតផលកសិកម្ម រុក្ខាប្រមាញ់ និងនេសាទ បានកើនឡើងលើសពី៥៣ពាន់លានដុល្លារ ក្នុងឆ្នាំ២០២៤។ ចំណែកផ្លែឈើ និងផលិតផលផ្លែឈើកែច្នៃ មានកំណើនពីរខ្ទង់ ដែលនេះឆ្លុះបញ្ចាំងពីការផ្លាស់ប្តូរឆ្ពោះទៅរកការកែច្នៃជាភេសជ្ជៈ។ អាកាសធាតុមូសុងត្រូពិចរបស់ប្រទេសវៀតណាម បានផ្តល់អំណោយផលដល់ការផលិតផ្លែឈើពេញមួយឆ្នាំនៅទូទាំងតំបន់ដាំដុះសំខាន់ៗ ដូចជានៅតាមតំបន់ដីសណ្តទន្លេមេគង្គ។ នៅឆ្នាំ២០២៤ ផ្ទៃដីដាំផ្លែឈើរបស់វៀតណាម មានទំហំលើសពី១,២លានហិកតា និងផ្តល់ទិន្នផលប្រចាំឆ្នាំជាង១៣លានតោន។ ដំណាំផ្លែឈើសំខាន់ៗ រួមមានស្វាយ ម្នាស់ ផាសិន ចេក និងដូង គឺជាវត្ថុធាតុដើមយ៉ាងសំខាន់នៅក្នុងការផលិតទឹកផ្លែឈើ ទឹកក្រឡុក និងភេសជ្ជៈ។ ផ្អែកតាមតម្រូវការ កំណើនភេសជ្ជៈមិនមានជាតិអាល់កុល […]

ហ្សាការតា៖ ប្រទេសឥណ្ឌូនេស៊ីបានចុះហត្ថលេខាលើអនុស្សរណៈនៃការយោគយល់គ្នា (MOU) ជាមួយប្រទេសអាល់ហ្សេរី ដើម្បីលើកកម្ពស់គុណភាពជី និងលទ្ធភាពទទួលបានជីសម្រាប់កសិករក្នុងស្រុក ដែលជាផ្នែកមួយនៃកិច្ចខិតខំប្រឹងប្រែងដើម្បីពង្រឹងសន្តិសុខស្បៀង តាមរយៈការលើកកម្ពស់ផលិតភាពកសិកម្ម។ យោងតាមសេចក្តីថ្លែងការណ៍មួយ ដែលបានចេញផ្សាយកាលពីសប្តាហ៍មុន បានឱ្យដឹងថា អនុស្សរណៈនៃការយោគយល់គ្នានេះត្រូវបានចុះហត្ថលេខា នៅទីក្រុងអាល់ហ្សេរី កាលពីថ្ងៃទី២០ ខែមករា ឆ្នាំ២០២៦ រវាងមេដឹកនាំនៃក្រុមហ៊ុនផលិតជីរបស់រដ្ឋ ឈ្មោះ ភីធី ពូពុក ឥណ្ឌណេស៊ី (PT Pupuk Indonesia) និងក្រុមហ៊ុនរុករករ៉ែផូស្វាត អាល់ហ្សេរី ឈ្មោះ សូមីផុស (Somiphos)។ ទាក់ទិននឹងបញ្ហានេះ លោក ស៊ូដារីយ៉ូណូ (Sudaryono) អនុរដ្ឋមន្ត្រីក្រសួងកសិកម្មឥណ្ឌូនេស៊ី ដែលបានធ្វើជាសាក្សីក្នុងពិធីការចុះហត្ថលេខា បានមានប្រសាសន៍ថា កិច្ចសហប្រតិបត្តិការផូស្វាត ដែលគាំទ្រដោយអាល់ហ្សេរីនេះ គឺជំហានជាក់ស្តែងឆ្ពោះទៅរកការពង្រឹងផ្នែកឧស្សាហកម្មផលិតជីសម្រាប់ប្រទេសជាតិ ដើម្បីធ្វើឱ្យជីកាន់តែមានតម្លៃសមរម្យសម្រាប់ប្រជាជនឥណ្ឌូនេស៊ី។ លោកបានកត់សម្គាល់ទៀតថា អនុស្សរណៈនៃការយោគយល់គ្នានេះផ្តល់នូវមូលដ្ឋានគ្រឹះសម្រាប់ប្រទេសឥណ្ឌូណេស៊ីក្នុងការទទួលបានផូស្វាតរបស់ប្រទេសអាល់ហ្សេរី ដែលជាវត្ថុធាតុដើមដ៏សំខាន់សម្រាប់ឧស្សាហកម្មផលិតជី។ ក្រោមគម្រោងកិច្ចសហប្រតិបត្តិការថ្មីនេះ ប្រទេសទាំងពីរក៏បានបើកឱកាសវិនិយោគលើការជីកយករ៉ែ និងការកែច្នៃផូស្វាតផងដែរ។ លោក ស៊ូដារីយ៉ូណូ បានឱ្យដឹងទៀតដូច្នេះថា « តាមរយៈការពង្រីកលទ្ធភាពទទួលបានប្រភពវត្ថុធាតុដើម និងការលើកកម្ពស់ភាពជាដៃគូយុទ្ធសាស្ត្រ ដែលមានផ្តល់ផលប្រយោជន៍ទៅវិញទៅមក យើងមិនត្រឹមតែគាំទ្រនិរន្តរភាពនៃឧស្សាហកម្មផលិតជីជាតិប៉ុណ្ណោះទេ ប៉ុន្តែថែមទាំងអនុវត្តសេចក្តីណែនាំរបស់លោកប្រធានាធិបតី […]

ការ៉ាជី៖ ការនាំចេញផ្លែក្រូចឃ្វិចរបស់ប្រទេសប៉ាគីស្ថានបានបន្តកើនឡើងយ៉ាងខ្លាំង ទោះបីជាទីផ្សារអាហ្វហ្គានីស្ថានបានបិទក៏ដោយ ព្រមទាំងទទួលបានប្រាក់ចំណូលពីការនាំចេញប្រមាណ៤០លានដុល្លារ ក្នុងរយៈពេលត្រឹមតែ៤៥ថ្ងៃប៉ុណ្ណោះ ដែលគ្របដណ្ដប់លើរយៈពេលនាំចេញខ្ពស់បំផុតក្នុងខែធ្នូ ឆ្នាំ២០២៥ និងពាក់កណ្តាលខែមករា ឆ្នាំ២០២៦។ នៅក្នុងសេចក្តីប្រកាសព័ត៌មានចេញផ្សាយកាលពីសប្តាហ៍មុន ក្រសួងពាណិជ្ជកម្មរបស់ប៉ាគីស្ថាន បានលើកឡើងថា ទោះបីជាមានការរំខានខ្លះចំពោះគោលដៅនាំចេញមួយចំនួនក៏ដោយ តាមរយៈការសម្របសម្រួលយ៉ាងជិតស្និទ្ធជាមួយអាជ្ញាធរអភិវឌ្ឍន៍ពាណិជ្ជកម្មប៉ាគីស្ថាន ក្រសួងបានផ្លាស់ប្តូរយ៉ាងលឿន ដើម្បីជួយសម្រួលដល់អ្នកនាំចេញ និងបង្វែរទំនិញទៅកាន់គោលដៅទីផ្សារផ្សេងទៀត។ កិច្ចខិតខំប្រឹងប្រែងទាំងនេះធានាបាននូវនិរន្តរភាពក្នុងការដឹកជញ្ជូន ព្រមទាំងការពារអ្នកដាំដុះ និងអ្នកនាំចេញឱ្យរួចផុតពីការខាតបង់។ យោងតាមទិន្នន័យរបស់ក្រសួងបានបង្ហាញថា ការនាំចេញបានរក្សាល្បឿនថេរពេញមួយខែធ្នូ ឆ្នាំ២០២៥ បន្ទាប់មកមានសន្ទុះថេរក្នុងរយៈពេល១៥ថ្ងៃដំបូងនៃខែមករា​ ឆ្នាំ២០២៦។ រដ្ឋមន្ត្រីក្រសួងពាណិជ្ជកម្មប៉ាគីស្ថាន លោក ចាំ កាម៉ាល់ខាន់ (Jam Kamal Khan) បានកោតសរសើរចំពោះកិច្ចខិតខំប្រឹងប្រែងរួមគ្នារបស់ក្រុមការងារក្រសួងពាណិជ្ជកម្ម អាជ្ញាធរអភិវឌ្ឍន៍ពាណិជ្ជកម្មប៉ាគីស្ថាន បេសកកម្មពាណិជ្ជកម្មរបស់ប៉ាគីស្ថាននៅបរទេស អ្នកនាំចេញ អ្នកដាំដុះ និងដៃគូផ្នែកដឹកជញ្ជូន ដោយទទួលស្គាល់ថា សមិទ្ធផលដ៏ត្រចះត្រចង់នេះ គឺជាលទ្ធផលនៃការសម្របសម្រួលយ៉ាងជិតស្និទ្ធ និងការប្តេជ្ញាចិត្តរួមគ្នា។ លោករដ្ឋមន្ត្រីបានសង្កត់ធ្ងន់ទៀតថា ការយកឈ្នះលើផលប៉ះពាល់នៃការបិទទីផ្សារនៅក្នុងប្រទេសអាហ្វហ្គានីស្ថាន តម្រូវឱ្យមានដំណោះស្រាយរួមរបស់រដ្ឋាភិបាល និងគ្រប់វិស័យពាក់ព័ន្ធទាំងអស់ ហើយបានកោតសរសើរចំពោះការលះបង់របស់មន្ត្រី និងអ្នកពាក់ព័ន្ធ ដែលបានខិតខំប្រឹងប្រែងដោយមិនខ្លាចនឿយហត់ ដើម្បីរក្សាច្រកនាំចេញឱ្យបើកចំហ និងប្រកបដោយការប្រកួតប្រជែង។ មន្ត្រីរបស់ប៉ាគីស្ថានបានសន្មតថា ការអនុវត្តនេះ គឺផ្តោតលើការផ្សព្វផ្សាយទីផ្សារ ការលើកកម្ពស់កិច្ចសម្រួលពាណិជ្ជកម្ម […]

ប៉ារីស៖ ការចេញបទប្បញ្ញត្តិថ្មីជាផ្លូវការរបស់បារាំង ដែលដាក់កម្រិតលើការនាំចូល និងលក់ផលិតផលបន្លែ និងផ្លែឈើ មានសំណល់សារធាតុថ្នាំគីមីលើសកម្រិតមួយចំនួន បានបង្កផលប៉ះពាល់ដល់ទីផ្សារ នៅក្នុងប្រទេសបារាំងនៅដើមឆ្នាំ២០២៦នេះ។ បទប្បញ្ញត្តិថ្មី ដែលបានបោះពុម្ពផ្សាយនៅក្នុងសៀវភៅរដ្ឋកិច្ចផ្លូវការរបស់រដ្ឋាភិបាលបារាំង កាលពីថ្ងៃទី៥ ខែមករា និងចូលជាធរមាននៅថ្ងៃទី៨ ខែកុម្ភៈ ឆ្នាំ២០២៦ បានកំណត់កម្រិតសំណល់អតិបរមាសម្រាប់សារធាតុថ្នាំគីមីពុល មានឈ្មោះដូច កាបង់ដាហ្សីម (Carbendazim) ត្យូផាណាត-មេទីល  (Thiophanate-methyl) គ្លុយហ្វូស៊ីណាត (Glufosinate) និងសារធាតុគីមីឈ្មោះ ម៉ង់កូហ្សែប (Mancozeb) ដែលប្រើធ្វើឱ្យផ្លែឈើស្រស់ៗ និងសម្រាប់កែច្នៃបន្លែជាច្រើនប្រភេទ។ ជាការឆ្លើយតបចំពោះបទប្បញ្ញត្តិថ្មីជាផ្លូវការរបស់បារាំង ក្រុមហ៊ុននាំចូលបន្លែ និងផ្លែឈើដ៏ធំនៅអឺរ៉ុប ឈ្មោះ ម៉ុងតូសា (Montosa) បាននិយាយថា ផលិតផលរបស់ខ្លួនពិតជាបានអនុលោមតាមតម្រូវការ ដែលសហភាពអឺរ៉ុបកំណត់ឡើងនាពេលថ្មីៗនេះ។ ចំណែកសារធាតុគីមីឈ្មោះ ម៉ង់កូហ្សែប ត្រូវបានរាប់បញ្ចូលក្នុងកម្មវិធីត្រួតពិនិត្យផ្ទៃក្នុងរបស់សហភាពអឺរ៉ុបអស់រយៈពេលជាច្រើនឆ្នាំកន្លងមកហើយ។ នាយកផ្នែកគ្រប់គ្រងគុណភាពរបស់ក្រុមហ៊ុនម៉ុងតូសា បាននិយាយថា កាលពីក្នុងឆ្នាំ២០១៧ មន្ទីរពិសោធន៍មីក្រូជីវសាស្រ្តបានអនុញ្ញាតឱ្យប្រើលើផលិតផលបន្លែ និងផ្លែឈើរបស់ខ្លួន ហើយត្រូវបានអនុញ្ញាតឱ្យប្រើ ដើម្បីអនុវត្តការវិភាគសំណល់សារធាតុគីមីផងដែរ។ លោកស្រីបាននិយាយថា សារធាតុគីមីឈ្មោះ ម៉ង់កូហ្សែប គឺស្ថិតក្នុងចំណោមសារធាតុសកម្ម ដែលត្រូវបានវិភាគជាផ្នែកមួយនៃផែនការត្រួតពិនិត្យរបស់ក្រុមហ៊ុន ហើយផលិតផលបន្លែ និងផ្លែឈើរបស់ក្រុមហ៊ុនមិនមានសំណល់នៃសារធាតុនេះទេ។ ស្ត្រីតំណាងក្រុមហ៊ុន […]

មានីល៖ ប្រទេសហ្វីលីពីន និងអេមីរ៉ាត់អារាប់រួម បានចុះហត្ថលេខាលើកិច្ចព្រមព្រៀងពាណិជ្ជកម្មភាពជាដៃគូសេដ្ឋកិច្ចគ្រប់ជ្រុងជ្រោយ ក្នុងគោលបំណងធ្វើឱ្យប្រសើរឡើងនូវដំណើរការទីផ្សារទំនិញ និងសេវាកម្ម ព្រមទាំងផលិតផលកសិកម្មផងដែរ។ ប្រធានាធិបតីហ្វីលីពីន និងប្រធានាធិបតីអេមីរ៉ាត់អារាប់រួម បានធ្វើជាសាក្សីនៃការចុះហត្ថលេខានេះ នៅខាងក្រៅនៃពិធីសប្តាហ៍និរន្តរភាពនៃទីក្រុង អាប៊ូ ដាប៊ី (Abu Dhabi) សម្រាប់ឆ្នាំ២០២៦ នៅក្នុងមជ្ឃមណ្ឌលតាំងពិព័រណ៍ជាតិ អាប៊ូ ដាប៊ី កាលពីថ្ងៃទី១៣ ខែមករា ឆ្នាំ២០២៦។ កិច្ចព្រមព្រៀងពាណិជ្ជកម្មនេះត្រូវបានចុះហត្ថលេខាដោយលោកស្រី ម៉ា គ្រីស្ទីណា រូហ្គេ (Ma. Cristina Roque) រដ្ឋមន្ត្រីក្រសួងពាណិជ្ជកម្មហ្វីលីពីន និងរដ្ឋមន្រ្តីក្រសួងពាណិជ្ជកម្មក្រៅប្រទេសរបស់អេមីរ៉ាតអារ៉ាប់រួម លោក ថានី ប៊ីន អះម៉េដ អាល់ ហ្សេយូឌី (Thani bin Ahmed Al Zeyoudi) ក្នុងអំឡុងពេលដំណើរទស្សនកិច្ចការងាររយៈពេលពីរថ្ងៃរបស់ប្រធានាធិបតីហ្វីលីពីន លោក ហ្វើឌីណេន ម៉ាកុស (Ferdinand Marcos) ទៅកាន់ប្រទេសអេមីរ៉ាតអារ៉ាប់រួម។ យោងតាមមន្រ្តីទំនាក់ទំនងសាធារណៈរបស់លោកប្រធានាធិបតីហ្វីលីពីន បានឱ្យដឹងថា កិច្ចព្រមព្រៀងនេះក៏បានកាត់បន្ថយពន្ធនាំចូល និងធ្វើឱ្យប្រសើរឡើងវិញនូវដំណើរការទីផ្សារសម្រាប់ទំនិញ និង សេវាកម្មរបស់ប្រទេសហ្វីលីពីន […]

ប៉េកាំង៖ យោងតាមអ្នកវិភាគទីផ្សារបន្លែ ផ្លែឈើ បានឱ្យដឹងថា តម្លៃផ្លែប៉េងប៉ោះនៅប្រទេសចិន បានកើនឡើងយ៉ាងខ្លាំងក្នុងរយៈពេលប៉ុន្មានសប្តាហ៍កន្លងមកថ្មីៗនេះ ដោយសារតែអាកាសធាតុមិនអំណោយផល នៅដើមរដូវប្រមូលផល និងធ្វើឱ្យការផ្គត់ផ្គង់មិនគ្រប់គ្រាន់ ក្នុងអំឡុងពេលទីផ្សារមានតម្រូវការខ្ពស់។ តម្លៃផ្លែប៉េងប៉ោះបានចាប់ផ្តើមធ្លាក់ចុះបន្តិច នៅពាក់កណ្តាលខែមករា ឆ្នាំ២០២៦នេះ ហើយត្រូវគេរំពឹងថា នឹងបន្តធ្លាក់ចុះតាមរដូវកាល និងបន្ទាប់ពីពិធីបុណ្យចូលឆ្នាំចិន នាពាក់កណ្តាលខែកុម្ភៈខាងមុខនេះ។ កាលពីចុងខែធ្នូ ឆ្នាំ២០២៤ តម្លៃផ្លែប៉េងប៉ោះរបស់ចិនលក់រាយនៅក្នុងផ្សារទំនើបមួយចំនួន នៅទីក្រុងប៉េកាំង មានតម្លៃជិត២០យន់ ស្មើនឹង២,៨៧ដុល្លារ ក្នុងមួយគីឡូក្រាម ដោយផ្លែប៉េងប៉ោះពូជខ្លះមានតម្លៃខ្ពស់ជាង។ ចំណែកទិន្នន័យពីទីផ្សារលក់ដុំ បានបង្ហាញថា នៅថ្ងៃទី៣០ ខែធ្នូ ឆ្នាំ២០២៥ តម្លៃផ្លែប៉េងប៉ោះមួយប្រអប់ ជាមធ្យមមានតម្លៃដល់៦,៧យន់ ឬប្រហែលនឹង០,៩៦ដុល្លារ ក្នុងមួយគីឡូក្រាម គឺឡើងពី២,៥យន់ ឬប្រហែលនឹង០,៣៦ដុល្លារ ក្នុងមួយគីឡូក្រាម កាលពីមួយឆ្នាំមុន។ ចំណែកនៅទូទាំងប្រទេសចិនវិញ បើយោងតាមទិន្នន័យតាមដានរបស់ក្រសួងកសិកម្ម និងកិច្ចការជនបទ របស់ចិន បានឱ្យដឹងថា កាលពីក្នុងខែធ្នូ ឆ្នាំ២០២៥ តម្លៃផ្លែប៉េងប៉ោះលក់ដុំជាមធ្យម បានឡើងថ្លៃដល់៨,៥៩យន់ ឬប្រហែល១.២៣ដុល្លារ ក្នុងមួយគីឡូក្រាម។ តម្លៃនេះគឺខ្ពស់ជាងកាលពីខែមុនចំនួន២៣,៤ភាគរយ និងខ្ពស់ជាងឆ្នាំមុនចំនួន៧៦,៤ភាគរយ។ តម្លៃផ្លែប៉េងប៉ោះបានឡើងខ្ពស់បំផុត នៅថ្ងៃទី២៦ ខែធ្នូ ឆ្នាំ២០២៥ […]

វែលីងតោន៖ អាជ្ញាធរនូវែលសេឡង់កំពុងតែចាតវិធានការការពារសន្តិសុខជីវសាស្រ្ត បន្ទាប់ពីរកឃើញសត្វរុយឈ្មោលទិចផ្លែមួយក្បាល នៅទីក្រុងអូក្លែន​(Auckland) រួមទាំងបង្កើនការត្រួតពិនិត្យអន្ទាក់ឱ្យបានញឹកញាប់ និងត្រួតពិនិត្យផ្លែដំណាំដាំដុះក្នុងស្រុកឱ្យបានជាប្រចាំ។ លោក ម៉ៃ អីងគ្លីស (Mike Inglis) ប្រធានជីវសុវត្ថិភាពនូវែលសេឡង់ បានបញ្ជាក់ថា មន្ត្រីជំនាញរបស់លោកកំពុងខិតខំប្រឹងប្រែងតាមដាន ព្រមទាំងដំឡើងអន្ទាក់បន្ថែមទៀត និងធ្វើតេស្តលើផ្លែដំណាំ។ លោកបានមានប្រសាសន៍ថា ក្រុមការងាររបស់លោកកំពុងតែមមាញឹក ដើម្បីបញ្ចប់ការដំឡើងផ្លាកសញ្ញា និងដាក់អន្ទាក់បន្ថែមទៀត ព្រមទាំងរៀបចំធុងដាក់បន្លែផ្លែឈើ និងចែករំលែកព័ត៌មានជាមួយសហគមន៍នៅតាមទីផ្សារក្នុងមូលដ្ឋាន។ វិធានការត្រួតពិនិត្យគ្រប់គ្រងការបោះចោលកាកសំណល់បន្លែផ្លែឈើ ត្រូវបានអនុវត្តនៅក្នុងតំបន់រងផលប៉ះពាល់​ ដោយដាក់ពង្រាយធុងសំរាមពិសេស ដើម្បីគ្រប់គ្រងការចោលកាកសំណល់បន្លៃ និងផ្លែឈើ។ សម្រាប់គ្រួសារនីមួយៗនៅក្នុងតំបន់ A ទទួលបានធុងសំរាមពិសេសមួយ ហើយធុងសំរាមអាចរកបានជាសាធារណៈនៅទូទាំងតំបន់ B។ ចំណែកក្រុមជំនាញកំពុងប្រើមន្ទីរពិសោធន៍ចល័តនៅក្នុងតំបន់នោះ ដើម្បីពិនិត្យលើបន្លែ និងផ្លែឈើ រកមុខសញ្ញាសត្វរុយទិចផ្លែ ដែលមានប្រភពពីរដ្ឋឃ្វីនឡែន (Queensland) ស្ថិតនៅភាគខាងជើងប្រទេសអូស្ត្រាលី។ លោកប្រធានជីវសុវត្ថិភាពនូវែលសេឡង់ បានបញ្ជាក់ដូច្នេះថា ក្រុមជំនាញធ្វើការនៅក្នុងមន្ទីរពិសោធន៍ចល័ត នៅក្នុងតំបន់នេះ ដោយប្រមូល និងត្រួតពិនិត្យមើលបន្លែផ្លែឈើ ដើម្បីរកមេរោគសត្វរុយទិចផ្លែ។ ពួកគេបានចិតបន្លែផ្លែឈើជាចំណិតៗ និងពិនិត្យមើលបន្លែផ្លែឈើជិត៥៥គីឡូក្រាម ប៉ុន្តែពួកគេរកមិនទាន់ឃើញពងកូនសត្វល្អិតចង្រៃនេះនៅលើបន្លែផ្លែឈើនៅឡើយ។ ចំណែកការត្រួតពិនិត្យតាមផ្លូវច្បាប់វិញ ត្រូវបានប្រកាសកាលពីសប្តាហ៍មុន ដើម្បីរឹតត្បិតការដឹកជញ្ជូនបន្លែ និងផ្លែឈើនៅក្នុង និងទៅក្រៅតំបន់គ្រប់គ្រង ដោយមានគោលបំណងការពារការរីករាលដាលនៃរុយទិចផ្លែ។ […]

ហ្សាការតា៖ រដ្ឋមន្ត្រីក្រសួងពាណិជ្ជកម្មឥណ្ឌូណេស៊ី លោក ប៊ូឌី សាន់តូសូ (Budi Santoso) បានប្រកាសកាលពីថ្ងៃចទី៩ ខែមករា ឆ្នាំ២០២៦នេះថា ប្រទេសឥណ្ឌូណេស៊ីកំពុងខិតខំប្រឹងប្រែង ដើម្បីក្លាយខ្លួនជាមជ្ឈមណ្ឌលចែកចាយកាហ្វេនៅលើពិភពលោក។ សេចក្តីថ្លែងការណ៍នេះត្រូវបានធ្វើឡើងជាការឆ្លើយតបទៅនឹងសំណើរបស់សភាពាណិជ្ជកម្ម និងឧស្សាហកម្មឥណ្ឌូណេស៊ី ដែលបានលើកឡើងថា ប្រទេសឥណ្ឌូណេស៊ី ដែលជាប្រទេសផលិតកាហ្វេធំជាងគេរបស់ពិភពលោក ដូច្នេះគួរដើរតួនាទីកាន់តែធំថែមទៀតចំពោះឥទ្ធិពលតម្លៃកាហ្វេលើទីផ្សារពិភពលោក។ រដ្ឋមន្ត្រីក្រសួងពាណិជ្ជកម្មឥណ្ឌូណេស៊ី បានមានប្រសាសន៍ថា យើងនឹងចាត់វិធានការ ដើម្បីជំរុញឱ្យប្រទេសឥណ្ឌូណេស៊ីអាចក្លាយជាមជ្ឈមណ្ឌលចែកចាយកាហ្វេ បន្ទាប់ពីសម្ពោធការិយាល័យក្រុមប្រឹក្សាពាណិជ្ជកម្ម ទេសចរណ៍ និងសេដ្ឋកិច្ចអាស៊ី នាទីក្រុងហ្សាការតា។ ដោយសារគំនិតរបស់ឥណ្ឌូណេស៊ីក្នុងការកំណត់តម្លៃកាហ្វេលើពិភពលោក លោក ប៊ូឌី សាន់តូសូ បានកត់សម្គាល់ថា រដ្ឋាភិបាលឥណ្ឌូណេស៊ីនឹងពិនិត្យមើលសំណើនេះដោយប្រុងប្រយ័ត្ន ដោយសារយន្តការទីផ្សារកាហ្វេរបស់ឥណ្ឌូណេស៊ីធ្លាប់មានជាយូរយាណាស់មកហើយ។ លោកបានសង្កត់ធ្ងន់ថា គោលគំនិតណាមួយត្រូវតែបង្កើតឡើងក្នុងគោលបំណងសម្របសម្រួលជាមួយសមាគមអន្តរជាតិ ជាមួយប្រទេសប្រើកាហ្វេ និងប្រទេសផលិតកាហ្វេដូចគ្នា។ លោក ប៊ូឌី សាន់តូសូ បានទទួលស្គាល់ថា ការផ្លាស់ប្តូរមជ្ឈមណ្ឌលសម្រាប់កំណត់តម្លៃកាហ្វេលើសកលលោក មិនអាចធ្វើឡើងក្នុងរយៈពេលខ្លីនោះទេ។ ជាជំហានដំបូង ប្រទេសឥណ្ឌូណេស៊ីនឹងពង្រឹងកិច្ចសហការជាមួយវេទិកាកាហ្វេអន្តរជាតិ ដើម្បីកសាងភាពជឿជាក់ និងពង្រីកឥទ្ធិពលរបស់ខ្លួន។ លោកសង្ឃឹមថា គំនិតផ្តួចផ្តើមនេះនឹងលើកកម្ពស់គោលជំហររបស់ឥណ្ឌូណេស៊ីក្នុងខ្សែសង្វាក់ផ្គត់ផ្គង់កាហ្វេលើទីផ្សារពិភពលោក ព្រមទាំងជំរុញឱ្យមានការប្រកួតប្រជែងនៃផលិតផលជាតិ។ លោករដ្ឋមន្ត្រីក្រសួងពាណិជ្ជ បានមានប្រសាសន៍ដូច្នេះថា «តាមរយៈវិធីនេះ កាហ្វេឥណ្ឌូណេស៊ីនឹងមានការទទួលស្គាល់កាន់តែច្បាស់នៅបរទេស។ យើងមានពូជកាហ្វេជាច្រើន […]

ហាណូយ៖ ប្រទេសវៀតណាមគ្រោងនឹងនាំចេញអង្ករក្នុងបរិមាណ៧លានតោន នៅឆ្នាំ២០២៦ ដោយធ្លាក់ចុះពី៨លានតោន នាំចេញកាលពីឆ្នាំមុន ដោយកាត់បន្ថយបន្តិចម្តងៗមកនៅត្រឹម៤លានតោន នៅឆ្នាំ២០៣០ នេះបើយោងតាមសមាគមស្បៀងអាហារវៀតណាម។ ប្រធានសមាគមស្បៀងអាហារវៀតណាម បានលើកឡើងថា ឆ្នាំ២០២៦ បង្ហាញពីការលំបាក និងបញ្ហាប្រឈមជាច្រើន ហើយការផ្គត់ផ្គង់ជាសកលមានផលប៉ះពាល់យ៉ាងខ្លាំងដល់អ្នកនាំចេញអង្ករទាំងអស់ រួមទាំងប្រទេសវៀតណាមផងដែរ។ យោងតាមសេចក្តីសម្រេចរបស់នាយករដ្ឋមន្ត្រីវៀតណាម កាលពីខែឧសភា ឆ្នាំ២០២៣ បានឱ្យដឹងថា នេះមិនមែនដោយសារតែលក្ខខណ្ឌទីផ្សារលើសកលលោកប៉ុណ្ណោះទេ ប៉ុន្តែជាផ្នែកមួយនៃការផ្លាស់ប្តូរយុទ្ធសាស្ត្រសម្រាប់ឧស្សាហកម្មស្រូវអង្ករនេះតែម្តង។​ ទន្ទឹមនឹងការកាត់បន្ថយនេះ ប្រទេសវៀតណាមនឹងផ្តោតលើការកែលម្អគុណភាព និងការបង្កើនតម្លៃបន្ថែម ដោយផ្តោតលើការផលិតអង្ករមានគុណភាពខ្ពស់ជាងមុន។ ទោះបីជាយ៉ាងណាក៏ដោយ លោកបានទទួលស្គាល់ថា ឆ្នាំ២០២៦បង្ហាញពីបញ្ហាប្រឈមមួយចំនួន។ នៅដើមខែមករា ឆ្នាំ២០២៦នេះ ប្រទេសវៀតណាមបាននាំចេញអង្ករប្រហែល២៥០,០០០តោន ទៅកាន់ប្រទេសហ្វីលីពីន ប៉ុន្តែតម្លៃមិនបានប្រែប្រួលខ្លាំងនោះទេ ដោយសារអង្ករក្នុងស្តុកឆ្នាំ២០២៥ របស់ហ្វីលីពីននៅសល់ច្រើន។ លើសពីនេះ ប្រព័ន្ធកូតានាំចូលអង្កររបស់ហ្វីលីពីន បានធ្វើឱ្យវៀតណាមពិបាកក្នុងការនាំចេញ ជាពិសេសក្នុងអំឡុងពេលប្រមូលផលស្រូវរបស់កសិករវៀតណាម។ លោកប្រធានសមាគមស្បៀងអាហារវៀតណាម បានមានប្រសាសន៍ទៀតថា ដូច្នេះ ដើម្បីដោះស្រាយបញ្ហាតម្លៃស្រូវសម្រាប់កសិករក្នុងរដូវប្រមូលផលខាងមុខនេះ រដ្ឋាភិបាល និងក្រសួងពាក់ព័ន្ធរបស់វៀតណាម គួរតែបង្កើតលក្ខខណ្ឌអំណោយផលសម្រាប់អាជីវកម្មក្នុងការស្តុកស្រូវជាបណ្តោះអាសន្នក្នុងរដូវប្រមូលផល។ លើសពីនេះ ការលើកកម្ពស់កិច្ចសន្យារវាងថ្នាក់រដ្ឋាភិបាល និងរដ្ឋាភិបាលជាមួយបណ្តាប្រទេសត្រូវការអង្ករ ដូចជាប្រទេសហ្គាណា និងប្រទេសសិង្ហបុរី ដើម្បីផ្តល់ប្រយោជន៍ដល់កសិករវៀតណាម។ កាលពីឆ្នាំ២០២៤ ការនាំចេញអង្កររបស់វៀតណាមបានឈានដល់កំណត់ត្រា៩,២លានតោន ដែលបង្កើតប្រាក់ចំណូលបាន៥,៨ពាន់លានដុល្លារ។ […]

តៃប៉ិ៖ ផ្លែពុទ្រាស្រស់ ដែលដាំដុះនៅកោះតៃវ៉ាន់ បានឈានជើងចូលទីផ្សាររបស់ប្រទេសសឹង្ហបុរី ជាលើកដំបូង តាមរយៈការដឹកចេញតាមកប៉ាល់ កាលពីដើមសប្តាហ៍មុន។ យោងតាមរដ្ឋបាលក្រុងតៃណាន (Tainan) របស់កោះតៃវ៉ាន់ បានបញ្ជាក់ថា ការនាំចេញផ្លែពុទ្រាស្រស់នេះកំពុងត្រូវបានសម្របសម្រួល ដោយមានកិច្ចសហការជាមួយសហគមន៍ផលិតបន្លែ និងផ្លែឈើក្នុងស្រុក។  ចំពោះ ការផ្គត់ផ្គង់ផ្លែពុទ្រាស្រស់ដ៏សំខាន់នេះ បានមកពីការដាំដុះដោយផ្ទាល់របស់កសិករតៃវ៉ាន់។ កម្មវិធីនាំចេញផ្លែពុទ្រាស្រស់នេះ នឹងរួមបញ្ចូលទាំងផ្លែផាស្សិនផងដែរ ដោយមានការផ្គត់ផ្គង់ពីសមាគមកសិករតៃវ៉ាន់។ ចំណែកផ្លែត្របែកបានមកពីសហគមន៍កសិករក្នុងស្រុកផ្សេងទៀត ដែលទទួលបន្ទុកចាត់ចំណាត់ថ្នាក់ និងដោះស្រាយតម្រូវការនាំចេញ។ ការិយាល័យកសិកម្ម នៃក្រុង​តៃណាន បានឱ្យដឹងថា ផ្លែឈើស្រស់ ដែលនាំចូលក្នុងទីផ្សាររបស់ប្រទេសសឹង្ហបុរីនេះ គឺធ្វើតាមរយៈបណ្តាញហាងលក់ទំនិញជប៉ុន ដែលមានការដាក់តាំងលក់នូវផលិតផលស្រស់ៗលំដាប់ខ្ពស់។ ប្រភពដដែល បានរៀបរាប់ទៀតថា ការដឹកជញ្ជូនផ្លែពុទ្រាស្រស់តាមកប៉ាល់ ចូលក្នុងទីផ្សារសឹង្ហបុរីនេះ គឺជាកិច្ចខិតខំប្រឹងប្រែងរវាងអ្នកដាំដុះ សហគមន៍ និងអាជ្ញាធរមូលដ្ឋាននៅកោះតៃវ៉ាន់។ ប្រភពដដែល បានសង្កត់ធ្ងន់ទៀតថា ការនាំចេញផ្លែពុទ្រាស្រស់តាមផ្លូវអាកាស ស្ថិតក្រោមប្រព័ន្ធខ្សែសង្វាក់ត្រជាក់ ជាមួយនឹងផែនការដឹកជញ្ជូនតាមកប៉ាល់ ដើម្បីរក្សាគុណភាព និងភាពនៅស្រស់។ ចំណែកការដឹកជញ្ជូនដូចគ្នានេះ ត្រូវបានប្រើសម្រាប់នាំចេញផលិតផលផ្លែឈើផ្សេងទៀតផងដែរ។ អភិបាលក្រុងតៃណាន បាននិយាយថា ការវេចខ្ចប់ដាក់ក្នុងកន្ត្រកនាំចេញតាមរដូវកាលរួមមាន ផ្លែពុទ្រា ផ្លែត្របែក ផ្លែផាស្សិន និងផ្លែត្រសក់ផ្អែម។ លោកបានកត់សម្គាល់ថា ទីក្រុងតៃណាន […]

ស៊ូវ៉ា៖ អាជ្ញាធរជីវសុវត្ថិភាពនៃប្រទេសហ្វីជី បានបញ្ជាក់ពីការរកឃើញប្រភេទសត្វរុយផ្លែ នៅក្នុងប្រទេសជាលើកដំបូង ដែលសង្ស័យថា សត្វល្អិតចង្រៃនេះមានដើមកំណើតនៅប្រទេសកោះតុងហ្គា ដែលស្ថិតនៅក្បែរគ្នានោះ ហើយបង្កការគំរាមកំហែងដល់វិស័យកសិកម្មរបស់ខ្លួន។ យោងតាមអាជ្ញាធរជីវសុវត្ថិភាពនៃប្រទេសហ្វីជី បានឱ្យដឹងថា​ សត្វរុយទិចផ្លែ ដែលឈ្មោះវិទ្យាសាស្ត្រហៅថា បាក់ត្រូសេរ៉ា ហ្វាស្យ៉ាលីស (Bactrocera Facialis) ត្រូវបានកំណត់អត្តសញ្ញាណជាលើកដំបូងក្នុងអំឡុងពេលតាមដានជាប្រចាំ នៅលើកោះមួយក្នុងប្រជុំកោះយ៉ាសាវ៉ា (Yasawa) ស្ថិតនៅភាគខាងលិចប្រទេសហ្វីជី។ រីឯការតាមដាន និងការដាក់អន្ទាក់ បានបញ្ជាក់ពីវត្តមានរបស់សត្វល្អិតចង្រៃនេះ នៅលើកោះបីផ្សេងទៀត។ សត្វរុយទិចផ្លែ ដែលឈ្មោះវិទ្យាសាស្ត្រហៅថា បាក់ត្រូសេរ៉ា ហ្វាស្យ៉ាលីស ដែលហើរត្រាច់ចររកចំណីតាមចម្ការដំណាំជាច្រើនប្រភេទ។ ដំណាំហូមផ្លែ ដែលប្រឈមនឹងហានិភ័យជាងគេដោយសារសត្វល្អិតចង្រៃនេះ រួមមាន ផ្លែសាកេ ផ្លែស្វាយ ផ្លែជម្ពូ ផ្លែប័រ ផ្លែត្របែក ផ្លែម្ទេស ផ្លែម្ទេសផ្លោក និងផ្លែល្ហុងជាដើម។ សត្វល្អិតចង្រៃនេះបំផ្លាញផ្លែ តាមរយៈការទិច រួចពងដាក់ទៅខាងក្នុងផ្លែ​ ក្រោយមកពងរវាក៏ញាស់ជាដង្កូវ ហើយស៊ីសាច់ក្នុងផ្លែជាចំណី ទើបបណ្តាលឱ្យផ្លែជាំ និងរលួយខាងក្នុងតែម្តង។ ចំណែកនៅលើសំបកផ្លែវិញ ដែលត្រូវសត្វរុយនេះទិចហើយ  ឃើញមានស្នាមទិច ប្រែពណ៌ ជាំទឹក ផ្លែលែងធំ និងជ្រុះតែម្តង ហើយមិនអាចលក់ […]