អន្តរជាតិ

ហូជីមិញ៖ ក្រសួងកសិកម្ម និងបរិស្ថានវៀតណាម បានបញ្ជាឱ្យមន្ត្រីរបស់ខ្លួនចាត់វិធានការជាបន្ទាន់ ដើម្បីគាំទ្រដល់ការនាំចេញផ្លែទុរេន ចំពេលមានការរំខានបណ្តាលមកពីឧបសគ្គនៃការធ្វើតេស្ត និងតម្រូវការលក្ខខណ្ឌរបស់ទីផ្សារនាំចូលកាន់តែតឹងរ៉ឹង។ ក្រសួងបាននិយាយថា ការលំបាកនេះបានប៉ះពាល់ដោយផ្ទាល់ដល់ការប្រើប្រាស់ផលិតផល ប្រាក់ចំណូល និងអាជីវកម្មរបស់កសិករ។ អនុរដ្ឋមន្ត្រីក្រសួងកសិកម្ម និងបរិស្ថានវៀតណាម លោក វ៉ូ វ៉ាន់ហ៊ុង (Vo Van Hung) បានប្រាប់ឱ្យអាជ្ញាធរខេត្ត ក្រុង សហការឱ្យបានជិតស្និទ្ធជាមួយម្ចាស់អាជីវកម្ម និងសហគមន៍ ដើម្បីគាំទ្រការលក់ ការតភ្ជាប់ទីផ្សារ និងដោះស្រាយបញ្ហាឱ្យបានឆាប់រហ័ស ទាក់ទងនឹងផលិតកម្ម ការប្រមូលផល ការកែច្នៃ ការវេចខ្ចប់ និងការដឹកជញ្ជូន។ ចំណែកអាជ្ញាធរមូលដ្ឋានក៏ត្រូវបានណែនាំឱ្យរឹតបន្តឹងការត្រួតពិនិត្យតំបន់ដាំដុះ និងកន្លែងវេចខ្ចប់ ដើម្បីធានាបាននូវការអនុលោមតាមលេខកូដតំបន់ដាំដុះ ច្បាប់តាមដាន និងស្តង់ដារសុវត្ថិភាពម្ហូបអាហារ ដែលត្រូវការដោយទីផ្សារនាំចូល។ រីឯកន្លែងធ្វើតេស្តត្រូវបន្ថែមបុគ្គលិក ឧបករណ៍ និងបង្កើនសមត្ថភាពធ្វើប្រតិបត្តិការ ដើម្បីពន្លឿននីតិវិធីសម្រាប់ផ្លែទុរេន និងផលិតផលកសិកម្មផ្សេងទៀត និងការពារការកកស្ទះយូរ។ លោកអនុរដ្ឋមន្ត្រីបានស្នើសុំមជ្ឈមណ្ឌលធ្វើតេស្ត ដើម្បីបង្កើនធនធានឱ្យបានច្រើន និងរៀបចំកាលវិភាគការងារដែលអាចបត់បែនបាន រួមទាំងបន្ថែមម៉ោងធ្វើការនៅពេលចាំបាច់ ដើម្បីកាត់បន្ថយពេលវេលាធ្វើតេស្ត ដោយធានាបាននូវភាពត្រឹមត្រូវ។ ក្រសួងកសិកម្ម និងបរិស្ថានវៀតណាម បាននិយាយថា នីតិវិធីនៃការធ្វើតេស្ត ពេលវេលា និងការចំណាយត្រូវតែមានតម្លាភាព […]

ម៉ានីល៖ ក្រសួងកសិកម្មហ្វីលីពីន បាននិយាយថា ប្រទេសហ្វីលីពីនកំពុងស្វែងរកការបញ្ចុះពន្ធឱ្យនៅទាបលើការនាំចេញចេកស្រស់ទៅកាន់ប្រទេសជប៉ុន នៅក្នុងការពិភាក្សាផ្នែកពាណិជ្ជកម្មកសិកម្មរវាងរដ្ឋាភិបាលប្រទេសទាំងពីរ។ យោងតាមរដ្ឋមន្ត្រីក្រសួងកសិកម្ម លោក ហ្វ្រេនស៊ីស្កូ ធៀវ ឡូរ៉េល (Francisco Tiu Laurel) បានលើកឡើងថា បញ្ហានេះនឹងក្លាយជាប្រធានបទមួយក្នុងកិច្ចពិភាក្សា នាអំឡុងដំណើរទស្សនកិច្ចផ្លូវរដ្ឋរបស់ប្រធានាធិបតីហ្វីលីពីន លោក ហ្វេឌីណាន ម៉ាកូស (Ferdinand Marcos) ទៅកាន់ប្រទេសជប៉ុន ចាប់ពីថ្ងៃទី២៦ ដល់ថ្ងៃទី២៩ ខែឧសភា ឆ្នាំ២០២៦នេះ។ ការពិភាក្សាអំពីពន្ធគយនេះ ស្ថិតនៅក្រោមកិច្ចព្រមព្រៀងភាពជាដៃគូសេដ្ឋកិច្ចរវាងជប៉ុន និងហ្វីលីពីន ដែលជប៉ុនអនុវត្តពន្ធគយត្រឹមប្រាំបីភាគរយលើចេករបស់ហ្វីលីពីន ដោយគិតចាប់ពីខែតុលា ដល់ខែមីនា និង១៨ភាគរយ គិតពីខែមេសា ដល់ខែកញ្ញា។ ក្រសួងកសិកម្មបានប្រកាសថា ចេកហ្វីលីពីនបន្តកាន់កាប់ចំណែកដ៏ធំនៃទីផ្សារក្នុងប្រទេសជប៉ុន។ ទោះបីជាយ៉ាងណាក៏ដោយ ការប្រកួតប្រជែងអាចកើនឡើងនៅពេលហ្វីលីពីនទទួលបានអត្រាពន្ធទាប ដើម្បីបន្តពង្រីកការនាំចេញផ្លែចេកទៅកាន់ប្រទេសជប៉ុន។ ទន្ទឹមនឹងការពិភាក្សាអំពីអត្រាពន្ធគយ ប្រទេសហ្វីលីពីន និងជប៉ុន ក៏កំពុងធ្វើវិសោធនកម្មលើអនុស្សរណៈនៃកិច្ចសហប្រតិបត្តិការលើវិស័យកសិកម្មផងដែរ។ ការផ្លាស់ប្តូរដែលត្រូវបានស្នើឡើង រួមមាន ការពង្រីកកិច្ចសហប្រតិបត្តិការលើវិស័យជលផល កសិកម្មឆ្លាតវៃ ប្រព័ន្ធឌីជីថល កសិកម្មច្បាស់លាស់ និងផលិតកម្មជី។ កិច្ចព្រមព្រៀង ដែលត្រូវបានកែសម្រួលនេះ ក៏ត្រូវបានគេរំពឹងថា នឹងបង្កើតគណៈកម្មការចម្រុះមួយ […]

កូឡុំបូ៖ ប្រទេសស្រីលង្កាបានចាប់ផ្តើមស្តារឡើងវិញនូវកសិដ្ឋានដាំបន្លែរបស់ខ្លួន ដែលរងការខូចខាតពីព្យុះស៊ីក្លូន ដោយគ្រោងចំណាយថវិកាប្រហែល១,៤លានដុល្លារ ក្រោមការគាំទ្រពីរដ្ឋាភិបាលអូស្ត្រាលី និងអង្គការស្បៀងអាហារ និងកសិកម្មនៃអង្គការសហប្រជាជាតិ (FAO)។ ការដាក់ឱ្យអនុវត្តគម្រោងជាផ្លូវការនេះ តាមរយៈការចុះហត្ថលេខាលើកិច្ចព្រមព្រៀងផ្តល់ជំនួយរវាងតំណាងឧត្តមស្នងការអូស្ត្រាលីប្រចាំប្រទេសស្រីលង្កា និងតំណាងអង្គការស្បៀងអាហារ និងកសិកម្ម ប្រចាំប្រទេសស្រីលង្កា និងកោះម៉ាល់ឌីវ។ គំនិតផ្តួចផ្តើមស្តារកសិដ្ឋានដាំបបន្លែនេះ បន្ទាប់ពីរងការបំផ្លិចបំផ្លាញយ៉ាងធ្ងន់ធ្ងរពីព្យុះស៊ីក្លូន ឌីតវ៉ាស (Ditwah) កាលពីខែវិច្ឆិកា ឆ្នាំ២០២៥ ដែលបង្កផលប៉ះពាល់យ៉ាងខ្លាំងដល់ផលិតកម្មកសិកម្ម និងជីវភាពរស់នៅទូទាំងប្រទេសស្រីលង្កា។ តំបន់ខ្ពង់រាបរបស់ស្រីលង្កា ដែលគេស្គាល់ថា ជាទីតាំងដាំដំណាំបន្លែ ដូចជា សណ្តែក ការ៉ុត ខ្ទឹមបារាំង ស្ពៃក្តោប ប៉េងប៉ោះ និងដំឡូង បានរងផលប៉ះពាល់ខ្លាំងបំផុត ធ្វើឱ្យកសិករខ្នាតតូចរាប់ពាន់នាក់នៅក្នុងតំបន់ទាំងនេះ បានបាត់បង់ផលដំណាំ ខ្វះគ្រាប់ពូជ និងអស់ទ្រព្យសម្បត្តិជាច្រើន។ គម្រោងស្តារឡើងវិញនេះត្រូវបានរៀបចំជាកម្មវិធីអន្តរាគមន៍រយៈពេល១២ខែ ក្នុងគោលបំណងស្តារ និងពង្រឹងការធ្វើកសិកម្មដាំបន្លែ ដែលធន់នឹងអាកាសធាតុ ដោយផ្តោតជាពិសេសលើការផ្តល់សិទ្ធិអំណាចដល់កសិករស្ត្រី និងគាំទ្រជនពិការ។ កសិករខ្នាតតូចជាង២៤០០នាក់នឹងទទួលបានអត្ថប្រយោជន៍ដោយផ្ទាល់តាមរយៈការកែលម្អផលិតកម្មគ្រាប់ពូជ និងបន្តុះពូជដំណាំ ព្រមទាំងទទួលបានជំនួយជាគ្រឿងចក្រខ្នាតតូច ការបណ្តុះបណ្តាល និងការពង្រឹងការតភ្ជាប់ទីផ្សារ។ សមាសធាតុសំខាន់ៗនៃគំនិតផ្តួចផ្តើមនេះ រួមមានការស្ដារឡើងវិញ នូវប្រព័ន្ធគ្រាប់ពូជរបស់កសិករ ដូចសណ្តែក និងដំឡូងជាដើម រួមទាំងការគាំទ្រទាំងប្រព័ន្ធដាំដុះនៅទីវាល និងនៅក្នុងផ្ទះសំណាញ់ […]

ក្វាងទុង៖ កាលពីចុងសប្តាហ៍មុនផ្លែទុរេនស្រស់ជាង៦ ៣០០តោន បាននាំចូលមកដល់កំពង់ផែក្នុងទីក្រុងក្វាងចូវ ខេត្តក្វាងទុង ដោយផ្ទុកលើនាវាដឹកទំនិញចំនួនបីគ្រឿង ប្រើពេល២៤ម៉ោងទើបដឹកមកដល់ ខណៈពេលរដូវប្រមូលផលធំចាប់ផ្តើម​ ក្នុងពេលឆាប់ៗខាងមុខនេះ។ ផ្លែទុរេនទាំងអស់នេះផ្ទុកក្នុងកុងតឺន័រចំនួន៣៥៦ទូ ទទួលបានការអនុញ្ញាតពីគយ និងចាប់ផ្តើមចែកចាយពាសពេញបណ្តាខេត្តតាមឈូងសមុទ្រ ក្រុងហុងកុង និងក្រុងម៉ាកាវ។ ការដឹកជញ្ជូនផ្លែទុរេនខាងលើនេះ ទទួលបានការអនុញ្ញាតដោយគ្មានការត្រួតពិនិត្យឡើយ ហើយលើកដាក់ទៅលើរថយន្តដឹកទំនិញ ដែលចតរងចាំនៅចំណតសម្រាប់ដឹកចេញភ្លាមៗ ខណៈពេលអ្នកការត្រួតពិនិត្យត្រូវធ្វើតាខ្សែសង្វាក់ត្រជាក់ ដែលប្រតិបត្តិការចាប់ផ្តើមក្នុងរយៈពេលដប់នាទីនៃការមកដល់។ ទូផ្លែទុរេនណា ដែលទទួលបានការអនុញ្ញាតពីគយ អាចដឹកចេញទៅដល់ទីផ្សារលក់ដុំ នាក្រុងក្វាងចូវ ក្នុងរយៈពេលយ៉ាងយូរពីរម៉ោង។ ចាប់តាំងពីថ្ងៃទី១៥ ខែមេសា ឆ្នាំ២០២៦​ មន្ត្រីនៅគយកំពង់ផែក្នុងទីក្រុងក្វាងចូវ បានត្រួតពិនិត្យផ្លែទុរេនស្រស់ដែលនាំចូលជាង៩ ៥០០តោន។ កំពង់ផែនេះបន្តពង្រីកតួនាទីរបស់ខ្លួនជាមជ្ឈមណ្ឌលភាគខាងត្បូងប្រទេសចិន សម្រាប់ផ្លែឈើនាំចូល ខណៈពេលបរិមាណនាំចូលចាប់ផ្តើម ក្នុងអំឡុងពេលប្រមូលផលនៅតាមបណ្តាប្រទេសក្នុងភូមិភាគអាស៊ីអាគ្នេយ៍។ ការនាំចូលផ្លែទុរេនក្នុងបរិមាណធំ ក៏កំពុងដឹកតាមផ្លូវដែកផងដែរ។ ផ្លូវដែកចិន-ឡាវ បានដឹកជញ្ជូនផ្លែទុរេននាំចូលចំនួន៥០ ៣០០តោន ចាប់តាំងពីថ្ងៃទី១ ខែមករា គឺកើនឡើងជាង៩៤ភាគរយ បើធៀបនឹងឆ្នាំ២០២៥។ នៅថ្ងៃទី២៣ ខែមេសា ផ្លែទុរេនចំនួន៣ ៦៦១តោន បានដឹកមកដល់កំពង់ផែផ្លូវដែក បន្ទាប់ពីបានឆ្លងកាត់ការត្រួតពិនិត្យនៅច្រកព្រំដែន។ ចំណែកនៅទីក្រុង​ ឆេងទូ (Chengdu) មជ្ឈមណ្ឌលចែកចាយផ្លែទុរេនមួយបានបើកដំណើរការ ដើម្បីគាំទ្រដល់ការដឹកជញ្ជូនតាមផ្លូវគោក […]

ញូវដេលី៖ ប្រទេសឥណ្ឌាបានអនុញ្ញាតឱ្យនាំចេញអង្ករបាស្មាទី និងអង្ករក្រៅពីអង្ករបាស្មាទី ទៅកាន់ប្រទេសក្នុងសហភាពអឺរ៉ុបមួយចំនួន ដោយមិនចាំបាច់មានវិញ្ញាបនបត្រត្រួតពិនិត្យជាកាតព្វកិច្ច ជាពិសេសទីភ្នាក់ងារត្រួតពិនិត្យការនាំចេញត្រូវអនុវត្តក្នុងរយៈពេលប្រាំមួយខែ។ យោងតាមសេចក្តីជូនដំណឹងរបស់រដ្ឋាភិបាលឥណ្ឌា កាលពីសប្តាហ៍មុនបានបញ្ជាក់ថា លក្ខខណ្ឌតម្រូវនៃវិញ្ញាបនបត្រត្រូវបានកំណត់ចំពោះរដ្ឋជាសមាជិកសហភាពអឺរ៉ុបមួយចំនួន ដូចជាចក្រភពអង់គ្លេស អ៊ីស្លង់ លិចតិនស្តាញ ន័រវែស និងប្រទេសស្វីស ដោយបន្ថែមថា ប្រទេសអឺរ៉ុបផ្សេងទៀតទាំងអស់ ត្រូវបានលើកលែងចំពោះលក្ខខណ្ឌតម្រូវនេះសម្រាប់រយៈពេល ប្រាំមួយខែ។ កាលពីដើមខែកក្កដា ឆ្នាំ២០២៥ ក្រសួងហិរញ្ញវត្ថុរបស់ឥណ្ឌា បានសម្រេចដំឡើងពន្ធ២០ភាគរយលើអង្ករនាំចេញទៅក្រៅប្រទេស ក្នុងគោលបំណងគ្រប់គ្រងអង្ករ និងធានាបាននូវសន្តិសុខស្បៀងក្នុងប្រទេស។ យោងតាមសារាចរណែនាំ​ ដែលចេញដោយក្រសួងសេដ្ឋកិច្ចឥណ្ឌា បានឱ្យដឹងថា ពន្ធលើការនាំចេញត្រូវអនុវត្តចំពោះអង្ករសម្រិត រួមទាំងអង្ករសម្គាល់ភូមិសាស្ត្រ និងប្រភេទអង្ករផ្សេងទៀត ដែលស្ថិតក្នុងចំណាត់ថ្នាក់ត្រូវជាប់ពន្ធរបស់អាជ្ញាធរគយ ដូចជាអង្ករសម្រិត ឬអង្ករសម្រូប។ ការកែប្រែអត្រាពន្ធលើអង្ករនាំចេញនេះ កើតឡើងប៉ុន្មានខែបន្ទាប់ពីរដ្ឋាភិបាលឥណ្ឌាបានបន្ធូរបន្ថយការរឹតបន្តឹងកាលពីពេលមុន ដែលកាលពីក្នុងខែតុលា ឆ្នាំ២០២៣ រដ្ឋាភិបាលឥណ្ឌាបានលុបចោលបម្រាមនាំចេញអង្ករ ដែលបានអនុវត្តចាប់តាំងពីខែកញ្ញា ឆ្នាំ២០២២ ខណៈពេលបន្តហាមឃាត់លើការនាំចេញអង្ករបាក់។  នៅថ្ងៃដដែលនោះ បម្រាមក៏បានកាត់បន្ថយពន្ធគយលើអង្ករសម្រិតពី១ភាគរយ មកនៅត្រឹមកម្រិតសូន្យភាគរយ ហើយថែមទាំងបានដកការកម្រិតតម្លៃអប្បបរមាត្រូវតែមានតម្លៃ៤៩០ដុល្លារក្នុងមួយតោន លើការនាំចេញអង្ករសម្រិត។  ការផ្លាស់ប្តូរទាំងនេះត្រូវបានអនុម័តបន្ទាប់ពីកិច្ចប្រជុំកម្រិតខ្ពស់ថ្នាក់អន្តរក្រសួងរបស់ប្រទេសឥណ្ឌា។ ការកែប្រែបម្រាមនាពេលនោះ ត្រូវបានគេរាយការណ៍ថា ដើម្បីបន្ធូរបន្ថយបញ្ហាលើការខ្វះឃ្លាំងសម្រាប់រក្សាទុកអង្កររបស់ឥណ្ឌា។ ប្រទេសឥណ្ឌាបានកែប្រែបម្រាមជាលើកដំបូង នៅក្នុងខែកញ្ញា ឆ្នាំ២០២២ ដែលបានរឹតបន្តឹងការនាំចេញអង្ករសម្រិត ហើយហាមឃាត់ការនាំចេញអង្ករបាក់។  […]

រ៉ាបាត៖ ការរឹតត្បិតលើការនាំចេញផ្លែប៉េងប៉ោះ ជាពិសេសទៅកាន់ទីផ្សារអាហ្វ្រិក រួមជាមួយនឹងការបញ្ចប់នៃរយៈពេលកូតានាំចូលរបស់សហភាពអឺរ៉ុប បានធ្វើឱ្យតម្លៃធ្លាក់ចុះយ៉ាងខ្លាំងនៅក្នុងទីផ្សារក្នុងស្រុករប ស់ប្រទេសម៉ារ៉ុក ដែលការសម្រេចចិត្តនេះ ដើម្បីធ្វើឱ្យទីផ្សារក្នុងស្រុកមានស្ថិរភាព បន្ទាប់ពីផុតរដូវប្រមូលផល។ កសិករដាំដំណាំប៉េងប៉ោះ បាននិយាយថា ការរឹតបន្តឹងលើការនាំចេញផ្លែប៉េងប៉ោះរបស់ប្រទេសម៉ារ៉ុកក្នុងរយៈពេលប៉ុន្មានថ្ងៃថ្មីៗនេះ បានធ្វើឱ្យតម្លៃធ្លាក់ចុះនៅក្នុងទីផ្សារក្នុងស្រុក។ កសិករដាំប៉េងប៉ោះបាននិយាយថា ថ្ងៃនេះ ប៉េងប៉ោះមួយប្រអប់មានទម្ងន់៣០គីឡូក្រាម មានតម្លៃប្រហែល១០ដុល្លារ ឬប្រហែល០,៣៥ដុល្លារ ក្នុងមួយគីឡូក្រាម ដែលបង្ហាញឱ្យឃើញពីការធ្លាក់ចុះតម្លៃជិតពាក់កណ្តាល។ កាលពី១៥ ថ្ងៃមុនមានបម្រាម តម្លៃប៉េងប៉ោះកំពុងកើនឡើងរហូតដល់មួយដុល្លារ ក្នុងមួយគីឡូក្រាម ហើយលក់ដុំបានតម្លៃ០,៩៧ដុល្លារ ក្នុងមួយគីឡូក្រាម។ ការធ្លាក់ចុះយ៉ាងខ្លាំងនេះ ដោយសារការបញ្ឈប់ជាបណ្តោះអាសន្ននូវការនាំចេញផ្លែប៉េងប៉ោះទៅកាន់ប្រទេសក្នុងតំបន់អាហ្វ្រិក ដែលជាវិធានការមួយគេជូនដំណឹងដោយផ្ទាល់មាត់ប្រាប់អ្នកដាំ  ហើយទន្ទឹមនឹងនោះដែរ ការនាំចេញទៅកាន់សហភាពអឺរ៉ុបក៏បានធ្លាក់ចុះ បន្ទាប់ពីបញ្ចប់រយៈពេលនាំចូលតាមកូតាអនុគ្រោះ។ ជាធម្មតា ក្នុងអំឡុងពេលនេះ កូតាសម្រាប់នាំចូលផ្លែប៉េងប៉ោះម៉ារ៉ុក នៅទីផ្សារអឺរ៉ុប គឺអស់ហើយ។ ចាប់ពីពេលនោះមក រាល់ការនាំចេញផ្លែប៉េងប់ោះទៅកាន់សហភាពអឺរ៉ុប គឺត្រូវបង់ពន្ធគយទាំងអស់។ សហភាពអឺរ៉ុបអនុវត្តប្រព័ន្ធកូតាអត្រាពន្ធ ដែលការនាំចេញលើសពីកម្រិតកូតាកំណត់ត្រូវបង់ពន្ធបន្ថែម។ ក្រៅពីសក្ដានុពលនៃការនាំចេញ ផលិតកម្មប៉េងប៉ោះរបស់ប្រទេសម៉ារ៉ុក ក៏បានរងផលប៉ះពាល់ដោយជំងឺ និងលក្ខខណ្ឌអាកាសធាតុអាក្រក់ រួមជាមួយនឹងភ្លៀងធ្លាក់យូរ ដែលបង្កឱ្យមានជំងឺផ្សិតធ្វើឱ្យដំណាំប៉េងប៉ោះផ្តល់ទិន្នផលទាប។ ចំណែកកសិករម្នាក់ទៀត បានបញ្ជាក់ពីការបញ្ឈប់ការនាំចេញទៅកាន់ទីផ្សារអាហ្វ្រិក រីឯការនាំចេញទៅកាន់អឺរ៉ុបមិនទាន់ផ្អាកនោះទេ។ អាជ្ញាធរមូលដ្ឋានបានណែនាំអ្នកដាំប៉េងប៉ោះមិនឱ្យនាំចេញទៅកាន់ទីផ្សារអាហ្វ្រិក ដើម្បីរក្សាស្ថិរភាពតម្លៃក្នុងស្រុក និងធានាសន្តិសុខស្បៀង។ លោកក៏បានចង្អុលបង្ហាញពីផលប៉ះពាល់យូរអង្វែងដោយសារព្យុះ […]

ហូជីមិញ៖ ក្រុមហ៊ុនមីសឿ (Mixue) របស់ប្រទេសចិន ដែលជាម្ចាស់ខ្សែសង្វាក់ហាងអាហារ និងភេសជ្ជៈដ៏ធំបំផុតរបស់ពិភពលោក កាលពីឆ្នាំ២០២៥ បានសម្រេចបិទទ្វារហាងរបស់ខ្លួនចំនួន៤២៨ហាង ហើយហាងបានបិទភាគច្រើន មានទីតាំងនៅក្នុងប្រទេសឥណ្ឌូនេស៊ី និងប្រទេសវៀតណាម ដោយសារក្រុមហ៊ុននេះព្យាយាមកែលម្អប្រតិបត្តិការ និងប្រសិទ្ធភាពអាជីវកម្មរបស់ខ្លួនឡើងវិញ។ ក្រុមហ៊ុនតែទឹកដោះគោនេះ មិនបានបង្ហាញពីចំនួនហាងត្រូវបានបិទនៅក្នុងប្រទេសទាំងពីរខាងលើនេះទេ ប៉ុន្តែបាននិយាយនៅក្នុងរបាយការណ៍ហិរញ្ញវត្ថុចុងក្រោយរបស់ខ្លួនថា ខ្លួនបានផ្តោតលើ “ការធ្វើឱ្យប្រសើរឡើងនូវប្រតិបត្តិការរបស់ហាងមានស្រាប់” ដើម្បីគាំទ្រដល់ប្រតិបត្តិការប្រកបដោយនិរន្តរភាព និងមានស្ថិរភាពក្នុងរយៈពេលវែង។” ប៉ុន្តែ ក្រុមហ៊ុនបានពង្រីកអាជីវកម្មនៅក្នុងប្រទេសមួយចំនួនទៀតដូចជា សហរដ្ឋអាមេរិក និងកាហ្សាក់ស្ថាន ហើយបានបើកហាងដំបូងរបស់ខ្លួននៅក្នុងប្រទេសម៉ាឡេស៊ី និងប្រទេសថៃ ទោះបីជាស្ថិតនៅក្រោមម៉ាកផ្សេងគ្នា គឺឡាក់គី ខាប់ (Lucky Cup) ក៏ដោយ។ គិតត្រឹមចុងឆ្នាំ២០២៥ ហាងមីសឿមានសាខាសរុបចំនួន៥៩ ៨២៣កន្លែង នៅទូទាំងពិភពលោក សាខាចំនូន៥៥​ ៣៥៦កន្លែងមានទីតាំងស្ថិតនៅក្នុងប្រទេសចិនដីគោក។ គិតត្រឹមខែកញ្ញា ឆ្នាំ២០២៤ ប្រទេសឥណ្ឌូនេស៊ី និងវៀតណាម គឺជាទីផ្សារក្រៅប្រទេសធំជាងគេពីររបស់ហាងមីសឿ ដែលក្នុងនោះមានហាងចំនួន១ ៣០៤ ស្ថិតនៅក្នុងប្រទេសវៀតណាម។ នៅក្នុងប្រទេសវៀតណាម ហាងមីសឿ កំពុងតែប្រឹងកែទម្រង់ពីហាងតូចបែបប្រពៃណីទៅជាហាងធំៗ។ ទីតាំងថ្មីមានបញ្ជររៀបចំធំទូលាយ ហាងបែរមុខទៅផ្លូវធំ ហើយខ្សែសង្វាក់ក៏កំពុងផ្តល់អាទិភាពដល់ទីតាំងសំខាន់ៗផងដែរ។ ហាងមីសឿ បានចូលរកស៊ីក្នុងប្រទេសវៀតណាម នាឆ្នាំ២០១៨ […]

តៃប៉ិ៖ ទីភ្នាក់ងារត្រួតពិនិត្យសុខភាពសត្វ និងរុក្ខជាតិ កោះតៃវ៉ាន់ បានឲ្យដឹងថា ស្តង់ដារចត្តាឡីស័កសម្រាប់ដំឡូងបារាំងនាំចូល ដែលត្រូវបានប្រើប្រាស់សម្រាប់ការកែច្នៃ គឺដូចគ្នានឹងការគ្រប់គ្រងដំឡូងបារាំងក្នុងស្រុកដែរ ហើយប្រសិនបើរកឃើញដំឡូងណាមានសញ្ញាដុះពន្លក រលួយ ឬដុះផ្សិត ត្រូវតែបោះចោល និងបំផ្លាញចោលទាំងស្រុង។ របាយការណ៍ប៉ាន់ប្រមាណផ្នែកពាណិជ្ជកម្មជាតិឆ្នាំ២០២៦ របស់អ្នកតំណាងពាណិជ្ជកម្មអាម៉េរិក  ដែលបានចេញផ្សាយនៅថ្ងៃទី៣១ ខែមីនា បាននិយាយអំពីបទប្បញ្ញត្តិនាំចូលដំឡូងរបស់តៃវ៉ាន់។ យោងតាមរបាយការណ៍នេះ ចាប់តាំងពីឆ្នាំ២០១៨រហូតមក កោះតៃវ៉ាន់បានច្រានចោលការដឹកជញ្ជូនទាំងអស់ ដែលមានដំឡូងបារាំងដុះពន្លក។ ច្បាប់វិសោធនកម្មថ្មីបានអនុម័តក្នុងខែកុម្ភៈ ឆ្នាំ២០២៦ អនុញ្ញាតឱ្យការដឹកជញ្ជូន ដែលមានដំឡូងបារាំងដុះពន្លក ឬដុះផ្សិត អាចនាំចូលបាន លុះត្រាតែដំឡូងរងផលប៉ះពាល់ត្រូវបានបែងចែក និងបោះចោលនៅកន្លែងកែច្នៃ។ គោលនយោបាយថ្មីនេះ ត្រូវបានគេរាយការណ៍ថា បានបង្កឱ្យមានការព្រួយបារម្ភពីសមាជិកសភា និងមន្ត្រីរដ្ឋាភិបាលតៃវ៉ាន់ ដោយភ័យខ្លាចថា ដំឡូងបារាំងដុះពន្លូត ដែលមានផ្ទុកសារធាតុពុល គ្លីកូលកាឡយ (Glycoalkaloids)  រួមទាំងសារធាតុសូឡានីន (Solanine) អាចត្រូវបានកែច្នៃទៅជាផលិតផលម្ហូបអាហារ ហើយបង្កឱ្យអ្នកបរិភោគពុលបាន។ ទីភ្នាក់ងារត្រួតពិនិត្យសុខភាពសត្វ និងរុក្ខជាតិ កោះតៃវ៉ាន់ បាននិយាយថា បន្ថែមពីលើការហាមឃាត់នាំចូលដំឡូងបារាំងមានសត្វល្អិត និងជំងឺណាមួយ ក្នុងចំណោមទំនិញប្រាំបីប្រភេទ ពិធីសារថ្មីតម្រូវឱ្យអ្នកនាំចេញអាម៉េរិក ត្រូវពង្រឹងកម្មវិធីទប់ស្កាត់ពន្លក ដើម្បីធានាថា ដំឡូងនាំចូលមិនមានដុះពន្លក​ និងមិនមានដីឡើយ។ […]

អឺរ៉ុប៖ ក្រុមទំនាក់ទំនងផ្នែកខ្ទឹមសអឺរ៉ុប បានដាក់ចេញនូវក្នុងឯកសារមួយផ្ញើទៅកាន់សមាជិកសភាអឺរ៉ុប ដោយទាមទារឱ្យមានវិធានការការពារកាន់តែខ្លាំងប្រឆាំងនឹងការនាំចូលដ៏ច្រើនខ្ទឹមសពីប្រទេសអេហ្ស៊ីប និងចិន ដែលជាគ្រឿងផ្សំ និងការការពារប្រឆាំងនឹងការកើនឡើងនៃថ្លៃដើម ដូចជាថាមពល និងកម្លាំងពលកម្ម។ ក្រុមទំនាក់ទំនងផ្នែកខ្ទឹមសអឺរ៉ុប (European Garlic Contact Group) គឺជាសម្ព័ន្ធភាពក្រុមជំនាញវិជ្ជាជីវៈ ដែលមានសមាសភាពមកពីអ្នកដាំ និងអ្នកធ្វើទីផ្សារខ្ទឹមសមកពីប្រទេសអេស្ប៉ាញ បារាំង និងអ៊ីតាលី។ ក្រុមនេះត្រូវបានបង្កើតឡើងក្នុងគោលបំណងចម្បង ដើម្បីការពារផលប្រយោជន៍របស់វិស័យខ្ទឹមសអឺរ៉ុបទប់ទល់នឹងសម្ពាធទីផ្សារខាងក្រៅ និងធានាបាននូវការរស់រានមានជីវិតនៃផលិតកម្មខ្ទឹមសក្នុងស្រុក។ ឯកសារនេះបានសរសេរថា ខណៈពេលវិបត្តិផ្ទៃក្នុង គឺជាការគំរាមកំហែងដល់ការរស់រានមានជីវិតនៃខ្ទឹមស ស្ថានភាពកាន់តែធ្ងន់ធ្ងរឡើងដោយការនាំចូលពីខ្ទឹមសពីប្រទេសអេហ្ស៊ីប និងចិន ដែលលក្ខខណ្ឌនៃការផលិត និងការចូលទៅកាន់ទីផ្សារអឺរ៉ុប គឺអយុត្តិធម៌ណាស់។ ឯកសារដដែលបានលើកឡើងទៀតថា ការនាំចូលខ្ទឹមសរបស់ចិន គឺចាំបាច់ត្រូវតែជាប់កាតព្វកិច្ចពន្ធកម្រិត១ ២០០អឺរ៉ូ ក្នុងមួយតោន ប៉ុន្តែការបង់ពន្ធនេះមិនដែលអនុវត្តឱ្យបានត្រឹមត្រូវទេ ហើយបច្ចុប្បន្នបានបាត់បង់អំណាចការពារខ្លួន។ លើសពីនេះ កាតព្វកិច្ចនេះត្រូវបានគេចវេះជាប្រព័ន្ធតាមរយៈការអនុវត្តត្រីកោណ ការប្រកាសប្រភពដើមកំណើតមិនពិត ការបំបែកច្រកដឹកជញ្ជូន និងបង់ពន្ធទាបជាងតម្លៃលើវិក្កយបត្រ។ យោងតាមក្រុមទំនាក់ទំនងផ្នែកខ្ទឹមសនេះ បានរៀបរាប់ថា ការគំរាមកំហែងមួយទៀតចំពោះផលិតផលអឺរ៉ុប គឺខ្ទឹមសអេហ្ស៊ីប ដែលក្នុងរយៈពេលពីរឆ្នាំកន្លងមកនេះ ការនាំចូលខ្ទឹមសពីអេហ្ស៊ីបបានកើនឡើងយ៉ាងខ្លាំង។ ក្រុមនេះបានទទូចថា ប្រទេសអេហ្ស៊ីបទទួលបានអត្ថប្រយោជន៍ពីការចំណាយលើថាមពលទាប ចំណែកច្បាប់ការងារធូររលុងជាង បើប្រៀបធៀបទៅនឹងស្តង់ដារអឺរ៉ុប ស្តីពីសុខុមាលភាពកម្មករ ការប្រើប្រាស់ថ្នាំសម្លាប់សត្វល្អិត ដែលត្រូវបានហាមឃាត់ក្នុងសហភាពអឺរ៉ុប […]

គីតូ៖ តំណាងក្រុមហ៊ុននាំចេញផ្លែរបស់អេក្វាឌ័រ បានឱ្យដឹងថា កាលពីឆ្នាំមុនដំណាំចេកមានបញ្ហាប្រឈមយ៉ាងខ្លាំង ទាក់ទងការធ្លាក់ចុះគួរឱ្យគត់សម្គាល់នៃទិន្នផលផ្លែចេក នៅទូទាំងប្រទេស ធ្វើឱ្យទិន្នផលផ្លែចេកបានធ្លាក់ចុះពី៣០ភាគរយ ទៅ៣៥ភាគរយ ខណៈក៏មានធ្លាក់ចុះរហូត ៥០ភាគរយម្ដងម្កាលផងដែរ។ បញ្ហាទាំងនោះ បណ្តាលមកពីភ្លៀងធ្លាក់យូរពេក សីតុណ្ហភាពត្រជាក់ពេក និងបង្កឱ្យចេកមានជំងឺបានរំខានដល់ខ្សែសង្វាក់ផ្គត់ផ្គង់សកល និងបានផ្លាស់ប្តូរសក្ដានុភាពទីផ្សារ។ តំណាងក្រុមហ៊ុនរូបនេះ បានលើកឡើងថា សម្រាប់ដំណាំចេកនាពេលបច្ចុប្បន្នកំពុងជួបប្រទះនឹងសញ្ញានៃការងើបឡើងវិញ ដែលជំរុញដោយតម្រូវការអន្តរជាតិដ៏រឹងមាំ។ តម្រូវការត្រូវបានគេរំពឹងថា នឹងលើសពីការផ្គត់ផ្គង់ក្នុងពេលឆាប់ៗនេះ ដែលនាំឱ្យមានការកើនឡើងតម្លៃ។ សហភាពអឺរ៉ុប និងសហរដ្ឋអាម៉េរិក នៅតែជាទីផ្សារសម្រាប់នាំចេញចេករបស់ប្រទេសអេក្វាឌ័រ ដោយប្រទេសក្នុងទ្វីបអាស៊ី ជាពិសេសប្រទេសចិន កំពុងតែក្លាយជាទីផ្សារដ៏ល្អផងដែរ។ ការផ្លាស់ប្តូរដ៏សំខាន់មួយ គឺស្ថេរភាពនៃការប្រើប្រាស់។ ការប្រើប្រាស់នៅតែមានស្ថេរភាព ខុសពីបណ្តាឆ្នាំមុនៗ ដោយការប្រែប្រួលតាមរដូវប្រមូលផល។ ការផ្លាស់ប្តូរនេះ គឺដោយសារតែការថយចុះនៃលទ្ធភាពរកទិញផ្លែចេក និងការលេចចេញនូវអ្នកទិញថ្មី នៅក្នុងទីផ្សារផ្លែចេកសរីរាង្គ។ ទោះបីជាយ៉ាងណាក៏ដោយ ការកើនឡើងនៃតម្រូវការមិនបានដោះស្រាយភាពតានតឹងរចនាសម្ព័ន្ធមូលដ្ឋាននៅក្នុងវិស័យនេះទេ សម្ពាធយូរអង្វែងលើតម្លៃទីផ្សារទំនើបចាត់ទុកជាផ្លែឈើ ដែលអាចបាត់បង់ប្រាក់ចំណេញខ្លះ ដើម្បីផ្តល់ជូនផលិតផល។ លើសពីនេះ ថ្លៃដើមផលិតកម្មកំពុងកើនឡើងដោយសារតែតម្រូវការតឹងរ៉ឹងជាងមុនសម្រាប់វិញ្ញាបនបត្រ និរន្តរភាព និងលក្ខខណ្ឌការងារ។ តម្រូវការកំពុងតែកើនឡើងកាន់តែខ្លាំងឡើង ដែលធ្វើឱ្យការផលិតកាន់តែថ្លៃ ហើយទីផ្សារមិនទាន់ឆ្លុះបញ្ចាំងពីការកើនឡើងពេញលេញនៅឡើយទេ។ ទោះបីជាយ៉ាងណាក៏ដោយ ការផ្គត់ផ្គង់ថយចុះបានបណ្តាលឱ្យតម្លៃកើនឡើង ដែលធ្វើឱ្យឆ្នាំ២០២៦ នឹងក្លាយជាឆ្នាំដ៏ល្អរបស់អ្នកដាំចេក។ ទន្ទឹមនឹងនេះដែរ ការធ្វើពិពិធកម្មទីផ្សារនាំមកនូវបញ្ហាប្រឈមថ្មីៗ។ […]

ក្វាងទុង៖ កាលពីចុងសប្តាហ៍មុនផ្លែទុរេនស្រស់ជាង៦ ៣០០តោន បាននាំចូលមកដល់កំពង់ផែក្នុងទីក្រុងក្វាងចូវ ខេត្តក្វាងទុង ដោយផ្ទុកលើនាវាដឹកទំនិញចំនួនបីគ្រឿង ប្រើពេល២៤ម៉ោងទើបដឹកមកដល់ ខណៈពេលរដូវប្រមូលផលធំចាប់ផ្តើម​ ក្នុងពេលឆាប់ៗខាងមុខនេះ។ ផ្លែទុរេនទាំងអស់នេះផ្ទុកក្នុងកុងតឺន័រចំនួន៣៥៦ទូ ទទួលបានការអនុញ្ញាតពីគយ និងចាប់ផ្តើមចែកចាយពាសពេញបណ្តាខេត្តតាមឈូងសមុទ្រ ក្រុងហុងកុង និងក្រុងម៉ាកាវ។ ការដឹកជញ្ជូនផ្លែទុរេនខាងលើនេះ ទទួលបានការអនុញ្ញាតដោយគ្មានការត្រួតពិនិត្យឡើយ ហើយលើកដាក់ទៅលើរថយន្តដឹកទំនិញ ដែលចតរងចាំនៅចំណតសម្រាប់ដឹកចេញភ្លាមៗ ខណៈពេលអ្នកការត្រួតពិនិត្យត្រូវធ្វើតាខ្សែសង្វាក់ត្រជាក់ ដែលប្រតិបត្តិការចាប់ផ្តើមក្នុងរយៈពេលដប់នាទីនៃការមកដល់។ ទូផ្លែទុរេនណា ដែលទទួលបានការអនុញ្ញាតពីគយ អាចដឹកចេញទៅដល់ទីផ្សារលក់ដុំ នាក្រុងក្វាងចូវ ក្នុងរយៈពេលយ៉ាងយូរពីរម៉ោង។ ចាប់តាំងពីថ្ងៃទី១៥ ខែមេសា ឆ្នាំ២០២៦​ មន្ត្រីនៅគយកំពង់ផែក្នុងទីក្រុងក្វាងចូវ បានត្រួតពិនិត្យផ្លែទុរេនស្រស់ដែលនាំចូលជាង៩ ៥០០តោន។ កំពង់ផែនេះបន្តពង្រីកតួនាទីរបស់ខ្លួនជាមជ្ឈមណ្ឌលភាគខាងត្បូងប្រទេសចិន សម្រាប់ផ្លែឈើនាំចូល ខណៈពេលបរិមាណនាំចូលចាប់ផ្តើម ក្នុងអំឡុងពេលប្រមូលផលនៅតាមបណ្តាប្រទេសក្នុងភូមិភាគអាស៊ីអាគ្នេយ៍។ ការនាំចូលផ្លែទុរេនក្នុងបរិមាណធំ ក៏កំពុងដឹកតាមផ្លូវដែកផងដែរ។ ផ្លូវដែកចិន-ឡាវ បានដឹកជញ្ជូនផ្លែទុរេននាំចូលចំនួន៥០ ៣០០តោន ចាប់តាំងពីថ្ងៃទី១ ខែមករា គឺកើនឡើងជាង៩៤ភាគរយ បើធៀបនឹងឆ្នាំ២០២៥។ នៅថ្ងៃទី២៣ ខែមេសា ផ្លែទុរេនចំនួន៣ ៦៦១តោន បានដឹកមកដល់កំពង់ផែផ្លូវដែក បន្ទាប់ពីបានឆ្លងកាត់ការត្រួតពិនិត្យនៅច្រកព្រំដែន។ ចំណែកនៅទីក្រុង​ ឆេងទូ (Chengdu) មជ្ឈមណ្ឌលចែកចាយផ្លែទុរេនមួយបានបើកដំណើរការ ដើម្បីគាំទ្រដល់ការដឹកជញ្ជូនតាមផ្លូវគោក […]

ណៃពិដោ៖ យោងតាមសហព័ន្ធស្រូវអង្ករមីយ៉ាន់ម៉ា បានឱ្យដឹងថា ការនាំចេញអង្កររបស់ប្រទេសភូមា ក្នុងឆ្នាំហិរញ្ញវត្ថុ ២០២៥-២០២៦ ដោយគិតចាប់ផ្តើមពីថ្ងៃទី០១ ខែមេសា ឆ្នាំ២០២៥ មានចំនួនជាង២,៧លានតោន គិតទឹកប្រាក់ជាង៨៦១លានដុល្លារ។ នៅក្នុងឆ្នាំ២០២៥ ប្រទេសភូមាបាននាំចេញអង្ករជាង១៤២ ៧០០តោន គិតជាទឹកប្រាក់៥២លានដុល្លារ ក្នុងខែមេសា, អង្ករជាង៥២៩ ០០ តោន គិតជាទឹកប្រាក់៩០លានដុល្លារ ក្នុងខែឧសភា, អង្ករជាត២១០ ០០០ តោន គិតជាទឹកប្រាក់៧១លានដុល្លារ ក្នុងខែមិថុនា, អង្ករជាង ២៣០ ០០០តោន គិតជាទឹកប្រាក់៧៧លានដុល្លារ ក្នុងខែកក្កដា, អង្ករជាង១៩០ ០០០តោន គិតជាទឹកប្រាក់៦៥លានដុល្លារ ក្នុងខែសីហា, អង្ករជាង១៦៨ ០០០ តោន គិតជាទឹកប្រាក់៥២លានដុល្លារ ក្នុងខែកញ្ញា, អង្ករជាង៣១០ ០០០តោន គិតជាទឹកប្រាក់៩២លានដុល្លារ ក្នុងខែតុលា, អង្ករជាង២៦៣ ៨១៥តោន គិតជាទឹកប្រាក់៧៦លានដុល្លារ ក្នុងខែវិច្ឆិកា, អង្ករជាង៣៣១ ៨៦៩តោន គិតជាទឹកប្រាក់៩៩លានដុល្លារ ក្នុងខែធ្នូ។ ចំណែកនៅក្នុងឆ្នាំ២០២៦ នាំចេញអង្ករជាង២០៨ ៨៤៧តោន […]