អន្តរជាតិ

ឥណ្ឌា៖ កំពង់ផែសមុទ្រក្នុងប្រទេសឥណ្ឌមួយកន្លែង បានចាប់ផ្តើមប្រតិបត្តិការនាំចេញ-នាំចូល កាលថ្ងៃទី១៨ ខែសីហា ដោយបើកផ្លូវដឹកជញ្ជូនតាមកប៉ាល់ផ្ទាល់សម្រាប់អ្នកនាំចេញ ដែលពីមុនតែងតែប្រើប្រាស់កំពង់ផែរបស់ស្រីលង្កា និងកំពង់ផែសិង្ហបុរី ឬកំពង់ផែប្រទេសកាតា ដើម្បីដឹកទំនិញទៅកាន់ទីផ្សារលោកខាងលិច។ ដោយស្ថិតនៅចម្ងាយជាង១៨គីឡូម៉ែត្រពីផ្លូវនាវាចរណ៍អន្តរជាតិតភ្ជាប់ភូមិភាគបូព៌ាទៅកាន់បច្ចឹមប្រទេស កំពង់ផែបើកថ្មី ឈ្មោះវីហ្ស៊ីនចាំ(Vizhinjam) ស្ថិតនៅភាគត្បូងប្រទេសឥណ្ឌា ក្នុងរដ្ឋការ៉ាឡា  ត្រូវវាងតិចតួចប៉ុណ្ណោះសម្រាប់នាវាដឹកកុងតឹន័រខ្នាតយក្ស។ ប៉ុន្តែទំនិញឆ្ពោះទៅកាន់ទីផ្សារអឺរ៉ុបអាចទៅដល់គោលដៅក្នុងរយៈពេល២៤ថ្ងៃ ដែលលឿនជាងផ្លូវបច្ចុប្បន្ននេះ រហូតដល់១០ថ្ងៃ។ ក្រុមហ៊ុននាវាចរណ៍ធំៗ បានបញ្ចូលកំពង់ផែនេះទៅក្នុងសេវាកម្មដឹកជញ្ជូនផ្ទាល់ខ្លួន ដែលភ្ជាប់ទំនាក់ទំនងផ្លូវទឹករវាងតំបន់អឺរ៉ុប និងទ្វីបអាស៊ី ដែលផលិតផលកសិកម្ម និងគ្រាប់ស្វាយចន្ទី នឹងជាមុខទំនិញចម្បងជាងគេសម្រាប់នាំចេញ។ ក្រុមហ៊ុនមួយរបស់ឥណ្ឌា បានកក់កុតឹន័រដំបូងគេ សម្រាប់ដឹកជញ្ជូនផលិតផលអាហារឆ្អិនស្រាប់ និងអាហារក្លាស្ស មានទម្ងន់ជាងបួនតោន។ នាវាទី១នេះ នឹងដឹកកុងតឹន័ររហូតដល់២០គ្រឿង រួមទាំងទូកុងតឹន័រត្រជាក់សម្រាប់ដឹកបន្លែ និងផ្លែឈើ ដោយគេរំពឹងថា នឹងផ្ទេរទំនិញនៅពេលនាវាមកដល់ត្រឹមថ្ងៃទី៣១ ខែសីហា ឆ្នាំ២០២៦នេះ។ ចំណែកសមាគមភ្នាក់ងារនាវាចរណ៍ក្នុងរដ្ឋកេរ៉ាឡា ក៏នឹងបើកសាខានៅលើកំពង់ផែនេះផងដែរ ដើម្បីគ្រប់គ្រងប្រតិបត្តិការនាំចេញ-នាំចូល។ នាយកប្រតិបត្តិក្រុមហ៊ុននាំចេញបាននិយាយថា ក្រុមហ៊ុនរបស់លោកទទួលបានការសួរនាំពីអ្នកនាំចេញក្នុងស្រុក។ ព្រមជាមួយគ្នានេះដែរ ក៏មានតម្រូវការពីបរទេស ដែលកំពុងរកផលិតផលទ្វីមួយពីកំពង់ផែនេះ ដោយលោកបានបន្ថែមថា អតិថិជននៅបរទេសកំពុងបង្ហាញការចាប់អារម្មណ៍ជាពិសេសលើគ្រាប់ស្វាយចន្ទី និងម្ទេសផ្លោកបៃតង។ ការចាប់ផ្តើមសេវាកម្មនាំចេញ-នាំចូលនេះ ត្រូវគេរំពឹងថា នឹងជួយគាំទ្រដល់ការអភិវឌ្ឍប្រព័ន្ធឃ្លាំងស្តុកទំនិញ ឃ្លាំងស្តុកត្រជាក់ ស្ថានីយទំនិញកុងតឹន័រ […]

កូរ៉េ៖ អាជ្ញាធរចិនកំពុងញាប់ដៃញាប់ជើងចាតិវិធានការត្រួតពិនិត្យសុវត្ថិភាពចំណីអាហារនៅទូទាំងប្រទេស បន្ទាប់ពីអ្នកលក់ស្ពៃបូគោនៅភាគខាងជើងប្រទេសចិន បានជ្រលក់ថ្នាំហ្វ័រម៉ូល កុំឱ្យបន្លែឆាប់រលួយពេក ដែលធ្វើឱ្យប្រជាជនកូរ៉េខាងត្បូងភ័យអំពីសុខភាព ក្រោយបរិភោគស្ពៃបូគោ និងគីមជី នាំចូលពីប្រទេសចិន។ សារធាតុ ហ្វ័រម៉ាល់ដេអីដ (Formaldehyde) ឬហៅខ្មែរដឹងជាទូទៅថា ជាហ្វ័រម៉ុលសម្រាប់ចាក់សាកសពមនុស្ស កុំឱ្យស្អុយ ត្រូវបានចាត់ថ្នាក់ជាសារធាតុបង្កមហារីកក្រុមទី១ ដូច្នេះបើសារធាតុនេះចូលតាមចំណីអាហារ វាអាចស្រូបចូលតាមប្រព័ន្ធរំលាយអាហារ។​ ចំណែកផលប៉ះពាល់ធ្ងន់ធ្ងរភ្លាមៗ អាចបង្កឱ្យមនុស្សក្អួតចង្អោរ ឈឺពោះ រលាក ឬខូចស្រទាប់ក្រពះ និងបំពង់អាហារ ព្រមទាំងអាចហូរឈាមក្នុងប្រព័ន្ធរំលាយអាហារ។ ប្រសិនបើធ្ងន់ធ្ងរ វាអាចធ្វើមនុស្សមានបញ្ហាផ្លូវដង្ហើម និងអាចបង្កឱ្យស្ថានភាពអាស៊ីតក្នុងឈាមកើនឡើង និងខូចតម្រងនោម។ រដ្ឋបាលគ្រប់គ្រងទីផ្សាររបស់ចិន បាននិយាយកាលពីថ្ងៃទី២៣ ខែកក្កដា ឆ្នាំ២០២៦ថា ខ្លួនបានបញ្ជាឱ្យអាជ្ញាធរមូលដ្ឋានស៊ើបអង្កេត និងចាត់វិធានការយ៉ាងឆាប់រហ័សចំពោះការប្រើប្រាស់សារធាតុ​ ហ្វ័រម៉ុល លើស្ពៃបូគោ នៅក្នុងខេត្តហឺប៉ី (Hebei) នេះបើយោងតាមទីភ្នាក់ងារព័ត៌មានរដ្ឋចិន ស៊ីនហួរ។ ការិយាល័យសុវត្ថិភាពចំណីអាហារនៃក្រុមប្រឹក្សារដ្ឋរបស់ចិន កំពុងសហការជាមួយក្រសួងកសិកម្ម និងកិច្ចការជនបទរបស់កូរ៉េខាងត្បូង ដើម្បីតាមរកអ្នកចែកចាយស្ពៃបូគោ និងទប់ស្កាត់មិនឱ្យចូលទៅក្នុងទីផ្សារ។ អាជ្ញាធរចិន ក៏បានបញ្ជាឱ្យយកសំណាកបន្លែ និងត្រួតពិនិត្យទីផ្សារនៅទូទាំងប្រទេស ដោយផ្តោតសំខាន់លើស្ពៃបូគោ ដែលប្រជាជនកូរ៉េពេញនិយមកែច្នៃធ្វើជាជ្រក់ គីមជី។ ជ្រក់ គីមជី នៅក្នុងទីផ្សារកូរ៉េខាងត្បូងមួយចំនួនត្រូវបាននាំចូលពីប្រទេសចិន […]

ហ្សាការតា៖ ភាគីពាក់ព័ន្ធក្នុងវិស័យជលផលមឹកពីងពាង របស់ឥណ្ឌូណេស៊ី កាលពីពេលថ្មីៗនេះ បានជួបប្រជុំគ្នាដើម្បីចរចាលើផែនការគ្រប់គ្រងមឹកពីងពាងនៅទូទាំងប្រទេស ដោយបន្តអនុវត្តអស់រយៈពេលជាច្រើនឆ្នាំកន្លងមកហើយ។ យោងតាមសេចក្តីប្រកាសរបស់មូលនិធិ លីនី (LINI Foundation) ដែលជាអង្គការមិនមែនរដ្ឋាភិបាលផ្នែកអភិរក្សធនធានធម្មជាតិរបស់ឥណ្ឌូណេស៊ី បានឱ្យដឹងថា ការចរចាលើឯកសារនេះបានចាប់ផ្តើមជាលើកដំបូងនៅឆ្នាំ២០២៤ ដើម្បីឆ្លើយតបទៅនឹងបញ្ហាប្រឈមថ្នាក់ជាតិ ក្នុងការគ្រប់គ្រងសត្វមឹកពីងពាងប្រកបដោយចីរភាព។ ឯកសារនេះមានគោលបំណងធ្វើជាក្របខណ្ឌផ្លូវការ ដែលមន្ត្រីរដ្ឋាភិបាល និងភាគីពាក់ព័ន្ធផ្សេងទៀត អាចយកមកធ្វើជាឯកសារយោង ដើម្បីអភិរក្សសត្វមឹកពីងពាងឱ្យបានត្រឹមត្រូវ។ មឹកប្រភេទនេះត្រូវគេនេសាទបានច្រើននៅតំបន់សមុទ្រ ក្បែរកោះស៊ូឡាវេស៊ី (Sulawesi) ស្ថិតនៅភាគខាងកើតរបស់ឥណ្ឌូណេស៊ី។ អង្គការមូលនិធិ លីនី បាននិយាយថា «ឯកសារនេះកំណត់គោលនយោបាយ យុទ្ធសាស្ត្រគ្រប់គ្រង និងតួនាទីរបស់ភាគីពាក់ព័ន្ធនានា ក្នុងការអភិរក្សសត្វមឹកពីពាង ព្រមទាំងគាំទ្រជីវភាពរស់នៅរបស់អ្នកនេសាទខ្នាតតូច និងលើកកម្ពស់ការនេសាទប្រកបដោយការទទួលខុសត្រូវ»។ កិច្ចប្រជុំថ្មីៗនេះ ដែលធ្វើឡើងនៅទីក្រុងបូគ័រ (Bogor) ស្ថិតនៅខាងត្បូងប្រទេសឥណ្ឌូណេស៊ី បានប្រព្រឹត្តទៅតែប៉ុន្មានខែប៉ុណ្ណោះ បន្ទាប់ពីសេចក្តីព្រាងផែនការត្រូវបានដាក់ឱ្យធ្វើពិភាក្សាពិគ្រោះយោបល់ជាសាធារណៈ។ ដំណើរការពិគ្រោះយោបល់នេះ បានប្រមូលផ្តុំភាគីពាក់ព័ន្ធជាង១០០នាក់ ដែលតំណាងឱ្យស្ថាប័នរដ្ឋាភិបាលថ្នាក់ជាតិ និងមូលដ្ឋាន សហគមន៍អ្នកនេសាទ ឧស្សាហកម្មអាហារសមុទ្រ សាកលវិទ្យាល័យ និងអង្គការមិនមែនរដ្ឋាភិបាល ដែលធ្វើការពាក់ព័ន្ធនឹងការគ្រប់គ្រងជលផលមឹកពីងពាង នៅទូទាំងប្រទេសឥណ្ឌូណេស៊ី។ អ្នកចូលរួមបានពិនិត្យ និងវាយតម្លៃមតិយោបល់ ដែលទទួលបានពីសាធារណជន ហើយមានគោលបំណងធ្វើឱ្យឯកសារនេះមានខ្លឹមសារស្របគ្នាជាមួយផែនការគ្រប់គ្រងជលផលរបស់ប្រទេសឥណ្ឌូណេស៊ី។ ផែនការគ្រប់គ្រងជលផលត្រូវបានធ្វើឡើងក្នុងគោលដៅសំខាន់ៗ រួមមានលើកកម្ពស់ការធ្វើនេសាទប្រកបដោយចីរភាព […]

ហាណូយ៖ សារព័ត៌មានវៀតណាម បានចេញផ្សាយថា វិស័យចិញ្ចឹមបង្កងនាគ (Green Lobster) របស់វៀតណាម ដែលមានសក្តានុពលក្នុងការក្លាយជាឧស្សាហកម្មសម្រាប់មានទំហំទឹកប្រាក់រាប់ពាន់លានដុល្លារ ប៉ុន្តែមានបញ្ហាបច្ចេកទេស ដើម្បីទាញយកការអភិវឌ្ឍប្រកបដោយចីរភាព។ តំណាងសមាគមអ្នកផលិត និងនាំចេញគ្រឿងសមុទ្រវៀតណាម បានឱ្យដឹងថា ការនាំចេញគ្រឿងសមុទ្រក្នុងរយៈពេល៦ខែដំបូងនៃឆ្នាំ២០២៦ សម្រេចបានលទ្ធផលវិជ្ជមានជាច្រើន។ ផលទុនសរុបនៃការនាំចេញក្នុងវិស័យនេះ សម្រេចទឹកប្រាក់ជិត ៦៥ ពាន់លានដុល្លារ បើប្រៀបធៀបនឹងរយៈពេលដូចគ្នាក្នុងឆ្នាំ២០២៥។ ក្នុងនោះការនាំចេញបង្កងនាគនៅតែបន្តដើរតួនាទីយ៉ាងសំខាន់ ដែលមានទំហំទឹកប្រាក់ជាង២ពាន់លានដុល្លារ នៃតម្លៃនាំចេញគ្រឿងសមុទ្រសរុប។ អ្វីដែលគួរឱ្យកត់សម្គាល់ដែរនោះ គឺផលិតផលបង្កងសម្រេចបានទឹកប្រាក់ជាង៥៨៤លានដុល្លារ បើធៀបនឹងរយៈពេលដូចគ្នា។ ប្រសិនបើពិនិត្យមើលលើរចនាសម្ព័ន្ធផលិតកម្មបង្កងនាគ នៅតែជាមុខទំនិញ ដែលក្តោបក្តាប់តម្លៃនាំចេញភាគច្រើន ចាប់ពីឆ្នាំ២០២៥ រហូតមកដល់បច្ចុប្បន្ន។ ប្រភេទបង្កងនាគនេះ មានបិរមាណរហូតដល់ជាង៩៨ភាគរយ នៃផលទុនសរុបក្នុងវិស័យនេះ ក្នុងឆ្នាំ២០២៥។ និន្នាការនេះបានបន្តកើតមានក្នុងរយៈពេល៦ខែដំបូងនៃឆ្នាំ២០២៦ ដោយបង្កងនាគមានទំហំទឹកប្រាក់ជាង៥៧៣លានដុល្លារ នៃទំហំនាំចេញបង្កងនាគសរុបទៅកាន់ប្រទេសចិន មានទំហំទឹកប្រាក់ចំនួន៥៧៦លានដុល្លារ។ ពាក់ព័ន្ធនឹងទីផ្សារប្រើប្រាស់ ប្រទេសចិននៅតែជាគោលដៅចម្បងសម្រាប់បង្កងនាគវៀតណាម។ ចាប់ពីឆ្នាំ២០២២ ដល់ឆ្នាំ២០២៥ ផលទុននៅក្នុងទីផ្សារនេះបានកើនឡើងពីជាង២៥៧លានដុល្លារ ដល់ជាង៨៤១លានដុល្លារ នៃតម្លៃនាំចេញបង្កងនាគសរុបរបស់ប្រទេសវៀតណាម។ ក្នុងឆមាសទីមួយនៃឆ្នាំ២០២៦ តួលេខនេះបានកើនឡើងស្មើនឹង៥៧៦លានដុល្លារ ធៀបនឹងរយៈពេលដូចគ្នា។ រីឯទីផ្សារផ្សេងទៀត ដូចជា ហុងកុង សហរដ្ឋអាម៉េរិក និងតៃវ៉ាន់ មានបរិមាណតិចតួចប៉ុណ្ណោះ៕ […]

ភ្នំពេញ៖ ទីភ្នាក់ងារជំរុញពាណិជ្ជកម្មក្រៅប្រទេសរបស់ម៉ាឡេស៊ី កំពុងជំរុញឱ្យពាណិជ្ជករម៉ាឡេស៊ី ពង្រីកទីកន្លែងរកស៊ីរបស់ខ្លួន ចូលទៅក្នុងតំបន់ទន្លេមេគង្គក្រោម បន្ទាប់ពីមានការដាក់ទុនវិនិយោគនៅកម្ពុជា ដោយទទួលបានទឹកប្រាក់រហូតដល់ជាង១៨៦លានរីងហ្គិត ឬស្មើនឹងប្រមាណជាង៤០លានដុល្លារ។ លោក រីហ្សាល មេរីកាន់ (Reezal Merican) ប្រធានទីភ្នាក់ងារជំរុញពាណិជ្ជកម្មក្រៅប្រទេសរបស់ម៉ាឡេស៊ី បានឱ្យដឹងថា ប្រាក់ចំណូលរកបានពីការធ្វើពាណិជ្ជកម្មនៅកម្ពុជានេះ គឺលើសពីផែនការគ្រោងទុកដំបូងត្រឹមតែ១០០លានរីងហ្គិតទៅទៀត ដែលនេះបង្ហាញថា ការនាំចេញទៅកាន់ទីផ្សារអាស៊ាន គឺពិតជាមានសារៈសំខាន់ខ្លាំងណាស់។ លោកបានថ្លែងក្នុងសន្និសីទកាសែតនៅ រាជធានីភ្នំពេញថា​ “ប្រទេសកម្ពុជា គឺជាទីតាំងយុទ្ធសាស្ត្រដ៏ល្អឥតខ្ចោះ ដែលជួយឱ្យធុរកិច្ចម៉ាឡេស៊ី ងាយស្រួលចូលទៅកាន់ទីផ្សារឥណ្ឌូចិន និងតំបន់មេគង្គ។ ​ ពួកយើងមើលឃើញកម្ពុជាថា ជាច្រកទ្វារដ៏សំខាន់សម្រាប់ទំនិញម៉ាឡេស៊ី ដើម្បីបោះជំហានចូលទៅកាន់តំបន់មេគង្គ ដោយសារកម្ពុជាមានទីតាំងល្អ ដែលអាចដើរតួនាទីជាស្ពានចម្លង ឆ្ពោះទៅកាន់ប្រទេសកម្ពុជា ឡាវ ភូមា និងវៀតណាម។ តំបន់ទន្លេមេគង្គក្រោម រួមមាន កម្ពុជា ចិន មានដូចជាខេត្តយូណាន និងខេត្តក្វាងស៊ី ឡាវ ភូមា និងវៀតណាម ដែលមានប្រជាជនសរុបជាង៣០០លាននាក់ គឺជាទីផ្សារប្រើប្រាស់ដ៏ធំសម្បើមសម្រាប់ផលិតផលម៉ាឡេស៊ី។ ម្យ៉ាងវិញទៀត តំបន់តាមដងទន្លេមេគង្គនេះ ក៏សម្បូរទៅដោយផលិតផលកសិកម្ម ធនធានជលផល និងរ៉ៃផ្សេងៗ ដូចជា មាស […]

ឥណ្ឌូណេស៊ី៖ ដោយសារមានស្តុកអង្ករគ្រប់គ្រាន់ ប្រទេសឥណ្ឌូណេស៊ី គ្រោងនាំអង្ករចូលទីផ្សារនាំចេញ នូវប្រភេទអង្ករល្អលេខចំនួន ១ ពាន់តោន ទៅកាន់ប្រទេសម៉ាឡេស៊ី។ នេះបើយោងតាមទីភ្នាក់ងាររដ្ឋទទួលបន្ទុកផ្នែកភស្តុភារស្បៀងអាហាររបស់ឥណ្ឌូណេស៊ី។ កាលពីពេលថ្មីៗនេះ មានការចុះហត្ថលេខាលើអនុស្សរណៈនៃការយោគយល់ រវាងទីភ្នាក់ងាររដ្ឋទទួលបន្ទុកផ្នែកភស្តុភារស្បៀងអាហាររបស់ឥណ្ឌូណេស៊ី និងក្រុមហ៊ុនមួយរបស់ប្រទេសម៉ាឡេស៊ី នៅទីក្រុងហ្សាការតា។ តាមទីភ្នាក់ងាររដ្ឋខាងលើ ការនាំចេញអង្ករដំបូងនឹងមានបរិមាណចំនួន១ ពាន់តោន ដែលនឹងក្លាយជាការដឹកជញ្ជូនលើកដំបូងក្រោមភាពជាដៃគូនេះ។ ចំណែកការនាំចេញប្រចាំឆ្នាំ ត្រូវគេរំពឹងថា នឹងកើនឡើងជាបន្តបន្ទាប់រហូតដល់ បរិមាណអង្ករ ២ ពាន់តោនក្នុងមួយឆ្នាំ។ រដ្ឋមន្ត្រីកសិកម្មឥណ្ឌូណេស៊ី លោក​ អានឌី អាំរ៉ាន ស៊ូឡៃម៉ាន (Andi Amran Sulaiman) បានមាមប្រសាសន៍ថា ប្រទេសឥណ្ឌូណេស៊ីមានស្តុកអង្ករជាង ៥ លានតោន ហើយការនាំចេញអង្ករនឹងមិនធ្វើឱ្យប៉ះពាល់ដល់ការផ្គត់ផ្គង់ក្នុងស្រុកឡើយ។ នេះបើយោងតាមទីភ្នាក់ងារព័ត៌មាន អាន់តារ៉ា (ANTARA) របស់ឥណ្ឌូណេស៊ី។ យោងតាមភា្នក់ងារកសិកម្មបរទេស (Foreign Agricultural Service) របស់សហរដ្ឋអាម៉េរិក បានឱ្យដឹងថា ការអង្កររបស់ឥណ្ឌូណេស៊ី ត្រូវគេព្យាករណ៍ថា នឹងមានបរិមាណេះជិត៣៤លានតោន សម្រាប់ឆ្នាំទីផ្សារ ២០២៦ -២០២៧។ ភា្នក់ងារកសិកម្មបរទេសរបស់សហរដ្ឋអាម៉េរិក បានឱ្យដឹងថា […]

ហ្សាកាតា​៖  ក្នុងឆ្នាំ ២០២៥ ការទទួលទានមីឆុងនៅប្រទេស​ឥណ្ឌូនេស៊ី មានរហូតដល់ទៅ ១៤,៥ ពាន់លាន​កញ្ចប់ និងកំប៉ុង ប៉ុន្តែ ចំនួននេះ មានការធ្លាក់ចុះ ១% បើធៀបនឹង​ឆ្នាំ ២០២៤។ បច្ចុប្បន្ន ​ឥណ្ឌូនេស៊ីជាប្រទេស​ ដែលទទួលទានមីច្រើនជាងគេលំដាប់ទីពីរក្នុងពិភពលោក បន្ទាប់ពីប្រទេស​ចិនបូកជាមួយនឹង​ហុងកុង ដែលទទួលទានមីឆុងរហូតដល់ទៅ៤៣ពាន់លានកញ្ចប់ និងកំប៉ុង ។ ការ​ធ្លាក់ចុះ នៃតម្រូវ​ការ​មីឆុង​នៅប្រទេសឥណ្ឌូនេស៊ីនេះ គឺដោយសារតែតម្លៃកើនឡើង វត្ថុធាតុដើមក្នុងការ​ផលិតខ្ពស់ គួបផ្សំនិង​សមត្ថភាពចំណាយរបស់ប្រជាជនធ្លាក់ចុះ។ នេះបើយោងតាមរបាយការណ៍ថ្មីមួយ ដែលចេញផ្សាយ​ដោយសមាគម​មីឆុង​ពិភពលោក។​ ទោះជាបែបនេះក្ដី មីឆុង​ប្រភេទកំប៉ុង​បានបន្តពង្រីកទីផ្សាររបស់ខ្លួន​ក្នុងប្រទេស​ឥណ្ឌូនេស៊ី ហើយគេរំពឹងថា ទីផ្សារ​មីឆុងជារួមនឹងកើនឡើងមកវិញ។ គួរបញ្ជាក់ថា នៅឆ្នាំ២០២៥ តម្រូវការ​មីឆុង​បានកើនឡើងរហូតដល់ទៅ១២៤ពាន់លានកញ្ចប់ និងកំប៉ុង ហើយទីផ្សារធំៗសម្រាប់មីឆុង និងមីកញ្ចប់នេះ មានដូចជាចិននិងហុងកុង ឥណ្ឌូនេស៊ី ឥណ្ឌា វៀតណាម និង​ប្រទេសជប៉ុន ។ ប្រទេសដែល​ទទួលទានមីឆុង​ច្រើនជាងគេ​បន្ទាប់មកទៀត រួមមាន សហរដ្ឋអាម៉េរិក ហ្វីលីពីន ថៃ កូរ៉េ​ខាង​ត្បូង និង​នីហ្សេរីយ៉ាជាដើម៕ (ផាន់ អាណា)

ឥណ្ឌា៖ ត្រីអណ្ដែង​ពូជ​ថៃ ចំនួន៣៦តោន ត្រូវបានអាជ្ញាធរ​ប្រទេស​ឥណ្ឌា​បំផ្លាញចោល ព្រោះជា​ពូជត្រី​ដែលគេ​ហាម​មិន​ឲ្យចិញ្ចឹម និងជា​ប្រភព​មេរោគ មហារីក ។ មន្ត្រីឥណ្ឌាបានបង្កើនការបង្ក្រាបលើការចិញ្ចឹមត្រីអណ្ដែងពូជកូនកាត់នាំចូលពីប្រទេសថៃនេះ​ ដោយបានបំផ្លាញចោលអស់ជាង៣៦តោន កាលពីពេលថ្មីៗ ។ មន្ត្រីជំនាញរបស់ឥណ្ឌាបានកំណត់ទីតាំងស្រះចិញ្ចឹមទាំងនេះដោយប្រើផែនទីហ្គូហ្គល (Google Maps) ហើយបន្ទាប់មកបានផ្ទៀងផ្ទាត់ព័ត៌មានអំពីការចិញ្ចឹម និងការលក់ត្រីអណ្ដែងថៃហាមខាត់ តាមរយៈ  ​គិញ​បន្លំជាអតិថិជន។ ក្រុមបង្ក្រាប រួមជាមួយមន្ត្រីជលផល បានប្រើសំណាញ់កៀរយកត្រីអណ្ដែងថៃខុសច្បាប់ជាង៣៦តោន ចេញពីកន្លែងចិញ្ចឹមទាំង១១ស្រះ។ បន្ទាប់មកកប់ត្រីទាំងរស់ទៅក្នុងរណ្តៅដ៏ធំមួយ ដើម្បីកម្ទេចចោលទាំងស្រុងតែម្តង។ មន្ត្រីនាយកដ្ឋានជលផលរបស់ឥណ្ឌា​ បានឱ្យដឹងទៀតថា ត្រីអណ្ដែងថៃ​ខុសច្បាប់ប្រហែល៥១តោន ត្រូវបានកម្ទេចចោលក្នុងអំឡុងប្រតិបត្តិការបង្ក្រាបរយៈពេលបីខែកន្លងមកនេះ។ មន្ត្រីពាក់ព័ន្ធបាននិយាយថា ការត្រួតពិនិត្យស្រះ និងទីតាំងសង្ស័យចិញ្ចឹមត្រីខុសច្បាប់ នឹងត្រូវបន្តធ្វើនៅទូទាំងរដ្ឋមហារាស្ត្ររបស់ឥណ្ឌា ។ បណ្ដាញសារព័ត៌មានឥណ្ឌា​ បានលើកឡើងថា ពូជត្រីអណ្ដែងកូនកាត់របស់ថៃ គឺជាប្រភេទត្រីបង្កាត់ពូជម្យ៉ាង ដែលដើមឡើយគេបង្កាត់ពូជវា ដើម្បីឱ្យឆាប់លូតលាស់ធំធាត់ និងអាចសម្របខ្លួនបាននៅស្ទើរគ្រប់ទីកន្លែង។ ពូជត្រីប្រភេទនេះ បាននាំឱ្យពូជត្រីធម្មជាតិរបស់ឥណ្ឌាបាត់បង់រហូតដល់៧០ភាគរយ ហើយក៏ជាប្រភពបង្កឱ្យកើតជំងឺមហារីកផងដែរ ប្រសិនបើខ្វះអនាម័យនៅក្នុងការចិញ្ចឹម។ មន្ត្រីប្រទេសឥណ្ឌាបានព្រមានថា អ្នកបរិភោគត្រីអណ្ដែងថៃកូនកាត់អាចកើតជំងឺមហារីកលឿនណាស់ ដោយសារត្រីនេះគេច្រើនតែចិញ្ចឹមដោយគ្មានអនាម័យ និងឱ្យវាស៊ីចំណីធ្វើពីសាច់ស្អុយរលួយលាយជាមួយស្ពៃ ដែលបំពុលទឹកឱ្យស្អុយកខ្វក់ និងបង្កើតមេរោគ៕ (ផាន់ អាណា)

ហ្សាការតា៖ ប្រទេសឥណ្ឌូណេស៊ី បាននាំចេញត្រីប្រាប្រឡាក់អំបិលទម្ងន់ ជាង១០តោន ទៅកាន់កោះតៃវ៉ាន់ជាលើកដំបូង ក្នុងទំហំទឹកប្រាក់ប្រហែល២៥ ០០០ដុល្លារ។ នេះបើយោងតាមការ​ប្រកាស​របស់​ក្រសួងកិច្ចការសមុទ្រ និងជលផល។ ត្រីប្រាប្រឡាក់អំបិលសម្រាប់ការនាំចេញនេះ ផលិតដោយក្រុមហ៊ុនឥណ្ឌូណេស៊ី ដែលមានស្នាក់នៅទីក្រុងបានឌុង ។ លោកស្រី អ៊ីហ្សាទីនី (Ishartini) ប្រធានភ្នាក់ងារត្រួតពិនិត្យ និងគ្រប់គ្រងគុណភាព បានឱ្យដឹងថា ការនាំចេញនេះត្រូវបានឆ្លងកាត់ និងបំពេញតាមស្តង់ដារសុវត្ថិភាពយ៉ាងហ្មត់ចត់ ព្រមទាំងទទួលបានវិញ្ញាបនបត្រ​បញ្ជាក់ពីការវិភាគ និងពិនិត្យ​គ្រោះថ្នាក់ ដែលតម្រូវដោយអាជ្ញាធរតៃវ៉ាន់ផងដែរ។ លោកស្រីបានប្រាប់ថា កត្តានេះអនុញ្ញាតឱ្យអាជ្ញាធរមានសមត្ថកិច្ចនៅប្រទេសគោលដៅទទួលស្គាល់គុណភាពផលិតផល និងអនុញ្ញាតឱ្យនាំចូលទីផ្សារបាន ព្រោះត្រីប្រា និងត្រីទីឡាព្យ៉ាប្រឡាក់អំបិល កំពុងទទួលបានការចាប់អារម្មណ៍ខ្លាំងនៅទីផ្សារបរទេស។ ចំណែកការនាំចេញលើកទីពីរ ត្រូវបានគ្រោងធ្វើឡើងនៅខែកញ្ញា ឆ្នាំ២០២៦ ដោយរំពឹងថា នឹងមានបរិមាណរហូតដល់២០តោន ព្រមទាំងមានត្រីទីឡាព្យ៉ាផងដែរ។ គួរបញ្ជាក់ថា នៅក្នុងឆ្នាំ២០២៥ ខេត្តជ្វាខាងលិចរបស់​ឥណ្ឌូនេស៊ី បាននាំចេញផលិតផលជលផលចំនួន ១​ ៨០០តោន ទៅកាន់ទីផ្សារសំខាន់ៗ រួមមានសហរដ្ឋអាម៉េរិក ជប៉ុន ចិន និងប្រទេសមួយចំនួនទៀតនៅក្នុងតំបន់អាស៊ីអាគ្នេយ៍។ កាលពីពេលថ្មីៗកន្លងមកនេះ ប្រទេសឥណ្ឌូណេស៊ីបាននាំចេញត្រីទៅកាន់ទីផ្សារអឺរ៉ុបឡើងវិញ បន្ទាប់ពីត្រូវបានលុបឈ្មោះចេញពីបញ្ជីអនុញ្ញាតឱ្យនាំចេញផលិតផលវារីវប្បកម្ម កាលពីខែមិថុនា ឆ្នាំ២០២៦៕ (ផាន់ អាណា)

បេកាំង៖ នៅឆ្នាំ២០២៥ ចិននាំចេញផ្លែទំពាំងបាយជូរស្រស់ទៅកាន់ទីផ្សារពិភពលោកច្រើនជាងប្រទេសណាណាទាំងអស់ គឺ​រហូតដល់ទៅជិត៨៦ម៉ឺនតោន ​ ដែលស្មើនឹង១៧% នៃបរិមាណទំពាំងបាយជូរនាំចេញ​ក្នុងពិភពលោក ។ គួរបញ្ជាក់ថា ក្នុងឆ្នាំ ២០២៥ ការ​នាំចេញផ្លែទំពាំងបាយជូសរុបមានចំនួន ជាង៥លានតោន គិតជា​ទឹកប្រាក់ប្រមាណជាង១០ពាន់លានដុល្លារ ។​ នេះបើយោងតាមឯកសារផ្លូវការអំពីទីផ្សារអន្តរជាតិសម្រាប់ផ្លែទំពាំងបាយជូរស្រស់ ឆ្នាំ២០២៦ ។ ប្រទេសចិនបានពង្រឹងកិត្តិនាមរបស់ខ្លួនជាប្រទេសនាំចេញផ្លែទំពាំងបាយជូរច្រើនជាងគេបង្អស់ ដោយតាមពីក្រោយដោយប្រទេសប៉េរូ ដែល​នាំចេញបានជិត៧០ម៉ឺនតោន និងប្រទេសឈីលី នាំចេញបាន៥៦ម៉ឺនតោន ។ ការដែលប្រទេសចិនអាចនាំចេញបានច្រើនបែបនេះ គឺដោយសារកំណើនឥតឈប់ឈរនៃផលិតកម្មក្នុងស្រុក ក្នុងរយៈពេលជាង១០ឆ្នាំកន្លងមកនេះ ដែលបានកាត់បន្ថយការពឹងផ្អែកលើការនាំចូល ។ ចិនបានកាត់បន្ថយការនាំចូលផ្លែទំពាំងបាយជូរស្រស់ពី១២ភាគរយ ក្នុងឆ្នាំ២០១៦ មកនៅត្រឹមបួនភាគរយ​ប៉ុណ្ណោះ​ ក្នុងឆ្នាំ២០២៥ ដែលនេះជាការឆ្លុះបញ្ចាំងឱ្យឃើញពីការពង្រឹងសមត្ថភាពផលិតកម្មក្នុងស្រុករបស់ចិន។ ផ្អែកលើតម្រូវការទីផ្សារ សហរដ្ឋអាម៉េរិកនៅតែជាប្រទេសនាំចូលផ្លែទំពាំងបាយជូរ​ស្រស់ច្រើនជាងគេ​បំផុត​លើ​ពិភពលោក ហើយ​បន្ទាប់មក គឺប្រទេសអាល្លឺម៉ង់ ប្រទេសហូឡង់ និងចក្រភពអង់គ្លេស៕ (ផាន់ អាណា)

ម៉ានីល៖ សហរដ្ឋអាម៉េរិកបានផ្តល់ថវិកាសម្រាប់បង្កើតមជ្ឈមណ្ឌលត្រួតពិនិត្យសកម្មភាពនេសាទតាមសមុទ្រ នៅប្រទេសហ្វីលីពីន ដែលនឹងប្រមូលព័ត៌មានទាន់ពេលវេលាពីអ្នកនេសាទហ្វីលីពីន ជុំវិញបទល្មើសនេសាទខុសច្បាប់ និងចលនាគួរឱ្យសង្ស័យរបស់នាវា។  នេះបើយោងតាមការប្រកាស​របស់​ស្ថានទូតសហរដ្ឋអាម៉េរិកប្រចាំទីក្រុងម៉ានីល ។ មជ្ឈមណ្ឌលរាយការណ៍បទល្មើសនេសាទខុសច្បាប់នេះ ត្រូវបានបំពាក់ដោយប្រព័ន្ធអ៊ីនធឺណិតពីផ្កាយរណប ស្តារលីង (Starlink) និងកម្មវិធីទិន្នន័យ អឺសរ៉េនជឺ (EarthRanger) ដើម្បីប្រមូលព័ត៌មានទាន់ពេលវេលាពីអ្នកនេសាទក្នុងតំបន់ និងអំពីការសង្ស័យថា មានការនេសាទខុសច្បាប់ សកម្មភាពមិនធម្មតារបស់នាវា និងសកម្មភាពខុសច្បាប់ផ្សេងៗទៀត។ ស្ថានទូតអាម៉េរិក បានប្រកាសថា ព័ត៌មានទាំងនេះនឹងត្រូវបញ្ជូនបន្តទៅកាន់ណការិយាល័យជលផល និងធនធានទឹក (Bureau of Fisheries and Aquatic Resources)នៃមជ្ឈមណ្ឌលជាតិសម្រាប់កិច្ចការសមុទ្រ (National Maritime Center)។​ មជ្ឈមណ្ឌលនេះនឹងរាយការណ៍អំពីការនេសាទខុសច្បាប់ ការនេសាទ​ដោយមិនបានរាយការណ៍ និងគ្មានការត្រួតពិនិត្យ ក្រោមកិច្ចសហការរវាងសហរដ្ឋអាម៉េរិក និងក្រុមប្រឹក្សាខេត្តប៉ាឡាវ៉ាន ប្រទេសហ្វីលីពីនសម្រាប់ការអភិវឌ្ឍប្រកបដោយចីរភាព។ ប៉ាឡាវ៉ាន គឺជាខេត្តប្រជុំកោះរបស់ប្រទេសហ្វីលីពីន ដែលល្បីល្បាញទូទាំងពិភពលោក និងត្រូវបានគេចាត់ទុកថា ជាដែនអេកូឡូស៊ីចុងក្រោយរបស់ប្រទេសហ្វីលីពីណ (Last Ecological Frontier)។ ខេត្តនេះរួមមានកោះប៉ាឡាវ៉ាន ដែលជាកោះធំ និងកោះតូចៗប្រមាណ១​ ៧៨០កោះ។ តំបន់នេះមានទឹកសមុទ្រពណ៌ខៀវបៃតងថ្លាស្អាត ជួរភ្នំថ្មកំបោរដ៏ខ្ពស់ និងមានព្រៃត្រូពិចដ៏ក្រាស់។ កាលពីខែមិថុនា […]

ឡុងដ៍៖ កសិករនៅទូទាំងប្រទេសអង់គ្លេសនឹងទទួលបានជំនួយថ្មីបន្ថែមទៀត ដើម្បីជួយគ្រប់គ្រងផលប៉ះពាល់ពីគ្រោះរាំងស្ងួតអូសបន្លាយពេលយូរ ព្រមទាំងថវិកាចំនួន៦៥លានផោន ឬប្រហែល៨៨លានដុល្លារ​ពីរដ្ឋាភិបាល ដើម្បីឆ្លើយតបចំពោះគ្រោះរាំងស្ងួត។ បច្ចុប្បន្ននេះ ទឹកដីប្រទេសអង់គ្លេសមួយភាគធំ កំពុងស្ថិតក្នុងស្ថានភាពគ្រោះរាំងស្ងួត។ ទោះជាយ៉ាងណា រដ្ឋាភិបាលបាននិយាយថា អាកាសធាតុរាំងស្ងួតនេះនឹងមិនប៉ះពាល់ដល់សន្តិសុខស្បៀងទេ។ ទន្ទឹមនឹងនេះ ការងារកែលម្អហេដ្ឋារចនាសម្ព័ន្ធទឹក ការសាងសង់អាងស្តុកទឹកថ្មីៗ និងការពង្រឹងសមត្ថភាពទប់ទល់នឹងគ្រោះរាំងស្ងួតរយៈពេលវែង។ កញ្ចប់ថវិកាជំនួយពីរដ្ឋាភិបាល​នេះ រួមមានបង្កើនភាពបត់បែនក្នុងកម្មវិធីការពារបរិស្ថាន​ លើកទឹកចិត្តដល់ការធ្វើកសិកម្មប្រកបដោយចីរភាព ដោយជួយសាងសង់អាងស្តុកទឹកនៅក្នុងកសិដ្ឋាន និងធ្វើឱ្យកសិករអាចទទួលបានទឹកប្រើប្រាស់កាន់តែងាយស្រួល នៅពេលជួបគ្រោះរាំងស្ងួត។ រដ្ឋាភិបាលអង់គ្លេស បាននិយាយថា វិធានការទាំងនេះនឹងជួយកសិករអាចការពារដំណាំ និងការពារសត្វចិញ្ចឹម ស្របតាមបរិស្ថាន។ រដ្ឋាភិបាលនឹងផ្តល់ថវិកាបន្ថែមចំនួន ៦៨ លានដុល្លារ សម្រាប់កម្មវិធីលើកទឹកចិត្តកសិកម្មប្រកបដោយចីរភាព ឆ្នាំ២០២៦ ។ ចំណែកថវិកាចំនួន ២០ លានដុល្លារ​ទៀត នឹងត្រូវប្រើសម្រាប់គាំទ្រការសាងសង់អាងស្តុកទឹកនៅក្នុងកសិដ្ឋាន។ កម្មវិធីនេះក៏នឹងមានការកែសម្រួលគោលការណ៍ណែនាំស្តីពីការរៀបចំផែនការ ដើម្បីធ្វើឱ្យការសាងសង់អាងស្តុកទឹកកាន់តែងាយស្រួលផងដែរ។ រដ្ឋាភិបាលក៏នឹងធ្វើឱ្យការរៀបចំទទួលយកទឹកសម្រាប់ប្រើប្រាស់ កាន់តែងាយស្រួលនៅពេលមានគ្រោះរាំងស្ងួត ដោយមានការគាំទ្រពីភ្នាក់ងារបរិស្ថានថែមទៀតផង។ ទោះជាយ៉ាងណា ការបូមទឹកពីប្រភពធម្មជាតិសម្រាប់កសិកម្មត្រូវគោរពតាមអាជ្ញាបណ្ណ និងកម្រិតលំហូរទឹកអប្បបរមា ដែលត្រូវរក្សាទុកក្នុងអាងស្តុកទឹក គឺនៅពេលបរិមាណទឹកធ្លាក់ចុះដល់កម្រិតកំណត់ កសិករមិនអាចបូមទឹកបន្តទៀតឡើយ។ កសិករដែលទទួលប្រាក់តាមរយៈកម្មវិធីលើកទឹកចិត្តកសិកម្មប្រកបដោយចីរភាព និងកិច្ចព្រមព្រៀងគ្រប់គ្រងដី នឹងទទួលបានភាពបត់បែនកាន់តែច្រើន ក្នុងអំឡុងពេលរាំងស្ងួត។ ឧទាហរណ៍ ប្រសិនបើមិនមានស្មៅដុះលូតលាស់កសិករអាចឱ្យសត្វចិញ្ចឹមរបស់ខ្លួនចូលទៅស៊ីស្មៅ ឬកាត់ស្មៅនៅក្នុងតំបន់ដែនជម្រកសត្វព្រៃបាន […]