អន្តរជាតិ

ហាណូយ៖ ការនាំចេញត្រីទីឡាព្យាក្រហមរបស់វៀតណាម ទៅកាន់ប្រទេសអ៊ីស្រាអែល កាន់តែអំណោយផល បន្ទាប់ពីក្រសួងសុខាភិបាលអ៊ីស្រាអែល បានឯកភាពចំពោះការដាក់ឈ្មោះជាវិទ្យាសាស្ត្រ របស់ប្រទេសវៀតណាម។ យោងតាមការិយាល័យពាណិជ្ជកម្មវៀតណាម ប្រចាំប្រទេសអ៊ីស្រាអែល កាលពីដើមខែមីនា ឆ្នាំ២០២៦ បានបញ្ជូនលិខិតផ្លូវការមួយច្បាប់ពីក្រសួងសុខាភិបាល អ៊ីស្រាអែល ទៅកាន់ក្រសួងកសិកម្ម និងបរិស្ថានវៀតណាម ដោយបញ្ជាក់ពីការទទួលយកឈ្មោះវិទ្យាសាស្ត្រសម្រាប់ ត្រីទីឡាព្យាក្រហម ស្របតាមសំណើរបស់ភាគីវៀតណាម។ ការឯកភាពនេះត្រូវបានចាត់ទុកថា ជាករណីលើកលែងមួយក្នុងការអនុវត្តបទប្បញ្ញត្តិច្បាប់ អ៊ីស្រាអែល ដែលមានគោលបំណងសម្រួលដល់ការនាំចេញត្រីទីឡាព្យាក្រហមពីប្រទេសវៀតណាមទៅកាន់ប្រទេសអ៊ីស្រាអែល។ យោងតាមក្រសួងសុខាភិបាលអ៊ីស្រាអែល ឈ្មោះវិទ្យាសាស្ត្ររបស់ត្រីទីឡាព្យាក្រហម ត្រូវតែបង្ហាញឱ្យច្បាស់លាស់នៅលើវិញ្ញាបនបត្រនាំចេញសម្រាប់ការដឹកជញ្ជូនម្តង ចូលទៅកាន់ទីផ្សារអ៊ីស្រាអែល។ ការិយាល័យពាណិជ្ជកម្មវៀតណាមប្រចាំនៅអ៊ីស្រាអែល បានវាយតម្លៃថា ការវិវត្តនេះបានជួយលុបបំបាត់ឧបសគ្គ បើកទីផ្សារ និងបង្កើតលក្ខខណ្ឌអំណោយផលសម្រាប់សហគ្រាសវៀតណាមក្នុងការចាប់យកឱកាស និងជំរុញការនាំចេញត្រីទីឡាព្យាក្រហមទៅកាន់អ៊ីស្រាអែល ព្រមទាំងអាចបង្ហាញពីភាពរឹងមាំនូវកិច្ចសហប្រតិបត្តិការពាណិជ្ជកម្មអាហារសមុទ្រទ្វេភាគីរវាងប្រទេសទាំងពីរ។ ការនាំចេញត្រីទីឡាព្យារបស់ប្រទេសវៀតណាម រួមទាំងត្រីទីឡាព្យាក្រហមផងដែរ បានកើនឡើងយ៉ាងខ្លាំង។ យោងតាមសមាគមអ្នកនាំចេញ និងផលិតផលអាហារសមុទ្រវៀតណាម បានឱ្យដឹងថា ក្នុងខែមករា ដើមឆ្នាំ២០២៦នេះ ការនាំចេញត្រីទីឡាព្យារបស់ប្រទេសវៀតណាម មានទឹកប្រាក់សរុប១៥លានដុល្លារ គឺកើនឡើងចំនួន៣៤ភាគរយ បើប្រៀបធៀបទៅនឹងរយៈពេលដូចគ្នា ក្នុងឆ្នាំ២០២៥៕

កូឡាឡាំពួរ៖ ប្រទេសម៉ាឡេស៊ីគ្រោងពង្រីកកិច្ចសហការលើកម្មវិធីដាំម្នាស់ពូជ អឹមអេស១៦ (MS16) ដោយសហការជាមួយភ្នាក់ងារក្រោមបង្គាប់ក្រសួងកសិកម្ម និងសន្តិសុខស្បៀង រួមទាំងវិទ្យាស្ថានស្រាវជ្រាវ និងអភិវឌ្ឍន៍កសិកម្មម៉ាឡេស៊ី និងអង្គការក្រៅរដ្ឋាភិបាលមួយចំនួនទៀតផងដែរ។ លោក ឡុកម៉ាន អះម៉ាដ (Luqman Ahmad) អគ្គលេខាធិការរងទទួលបន្ទុកអភិវឌ្ឍន៍ បានមានប្រសាសន៍ថា ការពង្រីកដាំដុះនេះត្រូវបានធ្វើឡើងបន្ទាប់ពីគម្រោងសាកល្បងអនុវត្តដោយជោគជ័យនៅក្នុងរដ្ឋមួយចំនួនរបស់ប្រទេសម៉ាឡេស៊ី។ រហូតមកដល់ពេលនេះ រដ្ឋជាច្រើនរបស់ម៉ាឡេស៊ី រួមទាំងរដ្ឋ ចូហោ (Johor) និងរដ្ឋសេឡាំងគ័រ (Selangor) បានអនុវត្តកិច្ចសហប្រតិបត្តិការដាំម្នាស់ពូជអឹមអេស១៦ ហើយពួកគេបានបង្ហាញពីភាពជោគជ័យគួរពេញចិត្ត។ លោកបានមានប្រសាសន៍ថា “រហូតមកដល់ពេលនេះ ដំណាំម្នាស់ប្រភេទពូជអឹមអេស១៦ ជាង ១០ ០០០ដើម ត្រូវបានដាំដុះនៅក្នុងរដ្ឋជាច្រើន ដែលគ្របដណ្តប់លើផ្ទៃដីសរុបប្រាំពីរហិកតា ហើយគម្រោងនេះមានសក្តានុពលក្នុងការជួយរដ្ឋាភិបាលធានាបាននូវការផ្គត់ផ្គង់ស្បៀងអាហារ ដែលមានសុវត្ថិភាព”។ លោក ឡុកម៉ាន អះម៉ាដ បានថ្លែងថា ពូជម្នាស់នេះ នឹងត្រូវការពេលប្រហែលមួយឆ្នាំដើម្បីប្រមូលផលផ្លែ។ គម្រោងនេះរួមបញ្ចូលដំណាំរយៈពេលខ្លី មានដូចជាដំឡូងជ្វា ដែលអាចប្រមូលផលបានក្នុងរយៈពេលប្រហែលបីខែ ដើម្បីបង្កើតប្រាក់ចំណូលពីផលិតផលដំណាំវិលជុំ។ លោកបានមានប្រសាសន៍ដូច្នេះថា ម្នាស់ស្ថិតក្នុងចំណោមដំណាំយុទ្ធសាស្ត្រ ដែលយើងចង់ផ្សព្វផ្សាយ។ ទោះបីជាយ៉ាងណា យើងក៏ដាំដំឡូងជ្វាគួបផ្សំផងដែរ ព្រោះវាអាចប្រមូលផលបានច្រើនដងក្នុងមួយឆ្នាំ។ ចំណែកម្នាស់ដាំក្នុងគម្រោងនៅរដ្ឋកេឡាន់តាន់ (Kelantan) ដែលដាំសាកល្បងខ្នាតពាណិជ្ជកម្មដំបូងគេសម្រាប់ពូជម្នាស់ […]

ភ្នំពេញ៖ ប្រជាជននៅអាស៊ីអាគ្នេយ៍ កំពុងក្លាយជាអ្នកបរិភោគដំឡូងបារាំងដ៏ធំគួរឱ្យភ្ញាក់ផ្អើល នៅពេលទីក្រុងត្រូវបានពង្រីក និងរបៀបរស់នៅកាន់តែវិវត្តន៍ ហើយឱ្យដំឡូងបារាំងចាប់ផ្តើមពេញនិយមនៅតាមផ្ទះបាយ និងតូបលក់អាហារតាមដងផ្លូវនានាទូទាំងតំបន់ ដែលមិនធ្លាប់មានពីមុនមក។ ដំឡូងបារាំង ឥឡូវនេះបានក្លាយជាចំណូលចិត្តក្នុងចំណោមមនុស្សរាប់លាននាក់នៅអាស៊ីអាគ្នេយ៍ ដែលមានប្រជាជនជិត៦៨០លាននាក់។ មជ្ឈមណ្ឌលដំឡូងបារាំងអន្តរជាតិ ស៊ិនត្រូ អ៊ីនធើណេសិនណល ដឺឡា ប៉ាប៉ា (Centro Internacional de la Papa) ដែលមានមូលដ្ឋាននៅប្រទេសប៉េរូ បាននិយាយថា ការប្រើប្រាស់ដំឡូងបារាំងក្នុងមនុស្សម្នាក់ៗ បានកើនឡើងក្នុងរយៈពេលមួយទសវត្សរ៍កន្លងមកនេះ ដែលបង្ហាញថា ដំឡូងបារាំងបានកំពុងក្លាយជាមុខម្ហូបធម្មតា នៅក្នុងរបបអាហារនៃប្រជាជននៅអាស៊ីអាគ្នេយ៍។ ប្រទេសប៉េរូ ត្រូវបានគេនិយាយថា ជាកន្លែងកំណើតនៃដំឡូងបារាំង ដែលកសិករជនជាតិដើមភាគតិច បានដាំដុះមើមនេះ អស់រយៈពេលរាប់ពាន់ឆ្នាំមកហើយ។ ក្នុងមនុស្សម្នាក់ៗ ការប្រើប្រាស់ដំឡូងបារាំង ប្រចាំឆ្នាំនៅអាស៊ីអាគ្នេយ៍ បានកើនឡើងពី៤,៣៣ គីឡូក្រាម ក្នុងឆ្នាំ២០១៣ ដល់៥,២០ គីឡូក្រាម ក្នុងឆ្នាំ២០២៣ ដែលជាការកើនឡើង២០ភាគរយ។ ស្របពេលតម្រូវការសកលហាក់មានស្ថិរភាព នៅតំបន់អាស៊ីអាគ្នេយ៍ បានបង្ហាញពីកំណើនមធ្យម ប៉ុន្តែមានភាពស៊ីសង្វាក់គ្នានៅក្នុងតម្រូវការដំឡូងបារាំង ដែលឆ្លុះបញ្ចាំងពីការផ្លាស់ប្តូររបបអាហារ និងការពង្រីកទីផ្សារ។ លោកបណ្ឌិត នីរាច ហ្សាម៉ា (Neeraj Sharma) […]

អង់ការ៉ា៖ ការបិទច្រកសមុទ្រហ័រមុស (Hormuz) មិនឱ្យវានាឆ្លងកាត់ក្នុងអំឡុងសង្គ្រាមអ៊ីរ៉ង់ កំពុងធ្វើឱ្យការផ្គត់ផ្គង់ជីលើពិភពលោកធ្លាក់ចុះ ហើយជំរុញឱ្យតម្លៃអ៊ុយរ៉េកើនឡើង៥៦ភាគរយ ក្នុងមួយខែ និងដាក់សម្ពាធដោយផ្ទាល់លើតម្លៃម្ហូបអាហារ ខណៈពេលតម្លៃធាតុចូលកសិកម្មកាន់តែឡើងខ្ពស់ បង្ខំឱ្យកសិករចំណាយ​កាន់តែច្រើន ឬកាត់បន្ថយការប្រើប្រាស់ជីសម្រាប់ដំំណាំរបស់ខ្លួន។ តម្លៃជីអ៊ុយរ៉េបានឡើងពី៤៨២ដុល្លារ ក្នុងមួយតោន កាលពីថ្ងៃទី២៧ ខែកុម្ភៈ ដល់៧៥០ដុល្លារ នៅចុងខែមីនា ខណៈពេលការដឹកជញ្ជូនឆ្លងកាត់ច្រកសមុទ្រហ័រមុស ដែលជាសរសៃឈាមយ៉ាងសំខាន់សម្រាប់ពាណិជ្ជកម្មជី ត្រូវបានផ្អាកទាំងស្រុង។ ប្រហែលមួយភាគបីនៃពាណិជ្ជកម្មជីដឹកតាមសមុទ្រ និងជិតពាក់កណ្តាលនៃការនាំចេញជីអ៊ុយរ៉េ ពឹង​​​ផ្អែកលើផ្លូវទឹកនេះ ត្រូវប្រែប្រួលភ្លាមនៅក្នុងតម្លៃ និងដំណើរការផ្គត់ផ្គង់។ តួនាទីស្នូលរបស់ឈូងសមុទ្រក្នុងការផ្គត់ផ្គង់ជី បានរងផលប៉ះពាល់គឺភ្លាមៗ និងកាន់តែរីករាលដាល។ បើយោងតាមទិន្នន័យ បានឱ្យដឹងថា ឧបសគ្គនៃការដឹកជញ្ជូនជីតាមច្រកហ័រមុស ត្រូវបានគេប៉ាន់ប្រមាណថា បានកាត់បន្ថយខ្សែសង្វាក់ផ្គត់ផ្គង់ជីលើសកលលោកចំនួន៣៣ភាគរយ។ ការនាំចេញប្រចាំឆ្នាំមានបិរមាណចំនួន២២លានតោន នៃជីអ៊ុយរ៉េពីតំបន់មជ្ឈឹមបូព៌ា ត្រូវផ្អាកទាំងស្រុង ខណៈពេលប្រហែល ៤៦ភាគរយនៃការផ្គត់ផ្គង់ជីលើសកលលោក អាស្រ័យលើអ្នកផលិតនៅតំបន់ឈូងសមុទ្រ។ ជាមួយនឹងប្រហែល២០ភាគរយ នៃពាណិជ្ជកម្មជីឆ្លងកាត់ច្រកសមុទ្រ ការរាំងស្ទះកំពុងរំខានដល់ចំណែកដ៏ធំនៃលំហូរជាសកល ខណៈពេលមានការដំឡើងថ្លៃដើមដឹកជញ្ជូន និងពេលវេលាដឹកជញ្ជូនផងដែរ។ វិបត្តិនៃការផ្គត់ផ្គង់កំពុងប៉ះពាល់ទាំងការដឹកជញ្ជូន និងការផលិត។ ការផលិតជីពឹងផ្អែកយ៉ាងខ្លាំងលើឧស្ម័នធម្មជាតិ ដែលមានរហូតដល់៩០ភាគរយ នៃថ្លៃដើមផលិតកម្ម។ នៅពេលដំណើរការផ្គត់ផ្គង់ឧស្ម័នត្រូវបានរំខាន រោងចក្រនៅទូទាំងតំបន់សំខាន់ៗត្រូវបង្ខំឱ្យបិទទ្វារឈប់ផលិតជី។ ក្រុមហ៊ុននៅប្រទេសកាតា បានផ្អាកដំណើរការផលិតឧស្ម័ន និងបានបញ្ឈប់ប្រតិបត្តិការនៅរោងចក្រផលិតជីអ៊ុយរ៉េ ដែលផ្គត់ផ្គង់១៤ភាគរយនៃតម្រូវការពិភពលោក។ […]

ម៉ានីល៖ យោងតាមរបាយការណ៍របស់នាយកដ្ឋានកសិកម្មប្រចាំតំបន់របស់ប្រទេសហ្វីលីពីន បានឱ្យដឹងថា កសិករហ្វីលីពីនជាងពីរសែននាក់នឹងទទួលបានអត្ថប្រយោជន៍ពីឃ្លាំងស្តុកត្រជាក់ថ្មីមួយនៅសម្រាប់រក្សាទុកផលិតផលរបស់ខ្លួនឱ្យបានយូរ។ នាយកប្រតិបត្តិប្រចាំតំបន់ បាននិយាយថា ឃ្លាំងត្រជាក់ ដែលផ្តល់មូលនិធិដោយក្រសួងកសិកម្ម និងការិយាល័យរបស់ប្រធានាធិបតីហ្វីលីពីន នឹងជួយកសិករសរុបចំនួន២០៤ ០៨៩នាក់ នៅក្នុងតំបន់ភាគកណ្តាលប្រទេសហ្វីលីពីន។ លោកបានមានប្រសាសន៍ថា ការខាតបង់នៅក្រោយពេលប្រមូលផលរបស់កសិករម្នាក់ក៏នឹងត្រូវកាត់បន្ថយប្រហែល៣៥០ដុល្លារក្នុងមួយឆ្នាំ ហើយកសិករនឹងមិនត្រូវបង្ខំចិត្តលក់ផលិតផលរបស់ខ្លួនក្នុងតម្លៃទាបបំផុត នារដូវប្រមូលផលខ្ពធំ ព្រោះកសិផលមានបរិមាណច្រើនលើសតម្រូវការ ប៉ុន្តែចាប់ពីពេលនេះតទៅ ពួកគាត់នឹងមានឃ្លាំងស្តុកទុកផលិតផលរបស់ពួកគាត់ឱ្យនៅបានយូរ។ ឃ្លាំងស្តុកកសិផលនេះ មានទីតាំងនៅលើផ្ទៃដីទំហំ២ ៣០០ម៉ែត្រការ៉េ និងជាគម្រោងសាងសង់ចប់សព្វគ្រប់ជាលើកដំបូងក្រោមកម្មវិធីពង្រីកឃ្លាំងស្តុកទុកត្រជាក់របស់ក្រសួងកសិកម្ម ដែលដឹកនាំដោយរដ្ឋមន្ត្រីក្រសួងកសិកម្ម លោក ហ្វ្រេនស៊ីស្កូ ធៀវ ឡូរ៉ែល (Francisco Tiu Laurel)។ ប្រធានាធិបតីហ្វីលីពីន លោក ហ្វេឌីណេន ម៉ាកូស (Ferdinand Marcos) បានអញ្ជើញសម្ពោធដាក់ឱ្យប្រើប្រាស់ឃ្លាំងត្រជាក់នេះ កាលពីថ្ងៃទី២៣ ខែមីនា ឆ្នាំ២០២៦។ ឃ្លាំងនេះរួមមានបន្ទប់គ្រប់គ្រងសីតុណ្ហភាពចំនួនប្រាំមួយ សម្រាប់រក្សាទុកសាច់ជ្រូក សាច់គោ សាច់មាន់ ត្រី បន្លែ និងផ្លែឈើព្រមទាំងមានទូបង្កករហ័ស កន្លែងវេចខ្ចប់ និងកន្លែងកែច្នៃ រោងចក្រទឹកកក រថយន្តដឹកជញ្ជូនទូរទឹកកក និកំពង់លើកដាក់ទំនិញផងដែរ។ នៅឱកាសនោះ លោកប្រធានបានមានប្រសាសន៍ថា […]

ហាណូយ៖ រដ្ឋាភិបាលនៃប្រទេសជប៉ុន គ្រោងផ្តល់ជំនួយ ក្រោមកម្មវិធីអភិវឌ្ឍន៍ផ្លូវការជំនាន់ថ្មីរបស់ខ្លួន សរុបជាថវិកា​ចំនួន៥០ពាន់លានយ៉េន ឬស្មើនឹងជាង៣១៦លានដុល្លារ ដើម្បីគាំទ្រដល់ប្រទេសវៀតណាមក្នុងការផ្លាស់ប្តូរទៅរកកំណើន​បៃតង និងការបន្សាំនឹងការប្រែប្រួលអាកាសធាតុ។ គម្រោងផ្តល់កញ្ចប់ថវិកានេះ ត្រូវបានធ្វើឡើងកាលថ្ងៃទី១៨ ខែមីនា ឆ្នាំ២០២៦ ក្នុងគ្រាដែលទីភ្នាក់ងារសហប្រតិបត្តិការ​អន្តរជាតិជប៉ុន (JICA) និងក្រសួងហិរញ្ញវត្ថុវៀតណាម បានរួមគ្នារៀបចំសិក្ខាសាលាមួយ នៅទីក្រុងហាណូយ ដើម្បី​ពិភាក្សា​អំពីកម្មវិធីប្រាក់កម្ចីសម្រាប់គាំទ្រដល់កិច្ចខិតខំប្រឹងប្រែងក្នុងការអនុវត្តគោលនយោបាយពាក់ព័ន្ធនឹងបរិស្ថាន និងការប្រែប្រួលអាកាសធាតុ។ គំនិតផ្តួចផ្តើមនេះ គឺជាគំរូនៃ «កម្មវិធីអភិវឌ្ឍន៍ផ្លូវការជំនាន់ថ្មី» ដែលមានគោលបំណងកាត់បន្ថយពេលវេលារៀបចំ និងបង្កើនល្បឿននៃការបញ្ចេញថវិកា។ ក្នុងពេលដំណាលគ្នានេះដែរ ក៏ធានាបាននូវប្រសិទ្ធភាពតាមរយៈការរៀបចំគោល​នយោបាយ និងការប្រើប្រាស់ធនធានឱ្យមានប្រសិទ្ធភាពផងដែរ។ បច្ចុប្បន្នទីភ្នាក់ងារសហប្រតិបត្តិការអន្តរជាតិជប៉ុន កំពុងអនុវត្តគម្រោងបច្ចេកទេសជាច្រើននៅក្នុងប្រទេសវៀតណាម ដូចជាការអភិរក្សព្រៃឈើ ការកាត់បន្ថយហានិភ័យគ្រោះមហន្តរាយ ការឆ្លើយតបនឹងបញ្ហាប្រែប្រួលអាកាសធាតុ និងការ​លើក​កម្ពស់សេដ្ឋកិច្ចចក្រា។ ក្នុងឱកាសនេះ លោក អ៊ីតូ ណាអូគី (Ito Naoki) ឯកអគ្គរាជទូតជប៉ុន ប្រចាំប្រទេសវៀតណាម បានលើកឡើងថា ប្រាក់កម្ចីនេះជាចំណុចចាប់ផ្តើមនៃគំនិតផ្តួចផ្តើមថ្មីៗ ដែលផ្តោតលើកំណើនបៃតង ការកាត់បន្ថយការបំភាយឧស្ម័ន​ឲ្យដល់​សូន្យ និងការកសាងសហគមន៍បំភាយឧស្ម័នសូន្យនៅអាស៊ី។ លោកបានបន្ថែមថា ជប៉ុននឹងបន្តគាំទ្រតាមរយៈថវិកា និងការអនុវត្តគោល​នយោបាយ។ ចំណែកខាងភាគីវៀតណាមវិញ លោក ចាន កួកភួង (Tran Quoc […]

តៃប៉ិះ ៖ ប្រភពឧស្សាហកម្មបាននិយាយថា ប្រទេសចិនកំពុងរឹតបន្តឹងការនាំចេញជី ដើម្បីការពារទីផ្សារក្នុងស្រុករបស់ខ្លួន ដោយដាក់សម្ពាធបន្ថែមលើទីផ្សារពិភពលោក ដែលកំពុងប្រឈមមុខនឹងការខ្វះជីរួចទៅហើយ ដោយសារសង្គ្រាមរវាង សហរដ្ឋអាមេរិក និងអ៊ីស្រាអែលលើប្រទេសអ៊ីរ៉ង់។ ប្រទេសចិនស្ថិតក្នុងចំណោមប្រទេសនាំចេញជីធំៗ ដែលបានដឹកជញ្ជូនជីច្រើនជាង១៣ពាន់លានដុល្លារ កាលពី ឆ្នាំមុន ហើយប្រទេសចិនមានប្រវត្តិគ្រប់គ្រងការនាំចេញ ដើម្បីរក្សាតម្លៃទាបសម្រាប់កសិករ។ ការដឹកជញ្ជូនតាមច្រក សមុទ្រហ័រមុស ( Hormuz) ត្រូវបានរារាំងដោយសង្គ្រាម ធ្វើឱ្យការដឹកជញ្ជូនតាមសមុទ្រត្រូវជាប់គាំង។ ប្រភពដដែលបាននិយាយថា នៅក្នុងខែមីនា​ ឆ្នាំ២០២៦នេះ រដ្ឋាភិបាលទីក្រុងប៉េកាំងបានហាមឃាត់ការនាំចេញ ជីលាយអាសូត-ប៉ូតាស្យូម និងជីផូស្វាតមួយចំនួន។ ទោះបីបម្រាមនេះ មិនទាន់ប្រកាសជាផ្លូវការនៅឡើយ ប៉ុន្តែត្រូវបានចេញផ្សាយលើបណ្តាញព័ត៌មាន កាលពីដើមសប្តាហ៍នេះ។ ចំណែកប្រភពចំនួនទៀត បាននិយាយថា បន្ថែមលើការហាមឃាត់មានស្រាប់ និងកូតាកំណត់នាំចេញជីអ៊ុយរ៉េ មានតែប្រភេទជីមួយចំនួនតូចប៉ុណ្ណោះ ដែលអាចនាំចេញបាន ជាពិសេសជីអាម៉ូញ៉ូមស៊ុលហ្វាត គឺត្រូវបានហាមឃាត់ដាច់ខាត។ បើយោងតាមការប៉ាន់ប្រមាណ បានឱ្យដឹងថា ការបន្ថយនាំចេញជីរបស់ចិននេះ មានកម្រិតជិតពាក់កណ្តាលនៃការនាំចេញជី កាលពីឆ្នាំ២០២៥ ដែលមានបរិមាណរហូតដល់៤០លានតោន។ អ្នកវិភាគបាននិយាយថា ប្រទេសចិនរឹតត្បិតការផ្គត់ផ្គង់ជីទៅក្រៅប្រទេសជាជាងជួយសង្គ្រោះក្នុងអំឡុងពេលមានការរឹតត្បិតជាសកល។ ការរឹតត្បិតការនាំចេញជីរបស់ចិនដោយសារតែតម្រូវការក្នុងស្រុក ដើម្បីការពារដល់សន្តិសុខ ស្បៀងអាហារ និងការពារទីផ្សារក្នុងស្រុកឱ្យរួចផុតពីការឡើងថ្លៃ។ វិធានការទប់ស្កាត់របស់រដ្ឋាភិបាលទីក្រុងប៉េកាំង ដូចគ្នានឹងវិធានការ កាលពីសប្តាហ៍មុនក្នុងការហាមឃាត់ការនាំចេញប្រេងឥន្ធដោយសាររងការរំខានពីសង្គ្រាមក្នុងការនាំចូលវត្ថុធាតុដើម […]

ប៉េកាំង៖ តម្លៃសាច់ជ្រូកនៅក្នុងប្រទេសចិន កំពុងធ្លាក់ចុះយ៉ាងខ្លាំង បន្ទាប់ពីកសិករចិញ្ចឹមជ្រូកបានពង្រីកផលិតកម្មសាច់ជ្រូកយ៉ាងគំហុក ដែលជាទំនិញធំបំផុតតែមួយ នៅក្នុងសេដ្ឋកិច្ច ដែលប្រធានាធិបតីចិន លោក ស៊ី ជីនភីង បានអំពាវនាវឱ្យមានស្បៀងអាហារគ្រប់គ្រាន់។ តម្លៃជ្រូកនៅប្រទេសចិនកំពុងធ្លាក់ចុះដល់កម្រិតទាបបំផុត កាលពីឆ្នាំ២០១០ ដោយសារការផលិតហួសកម្រិតនៅក្នុងទីផ្សារដ៏ធំបំផុតរបស់ពិភពលោក បានបន្ថែមទៅលើសម្ពាធអតិផរណា ដែលកំពុងរីករាលដាលលើសេដ្ឋកិច្ច។ យោងតាមទិន្នន័យពីក្រុមហ៊ុនប្រឹក្សាកសិកម្ម សៀងហៃ បានឱ្យដឹងថា តម្លៃជ្រូករស់បានធ្លាក់ចុះដល់កម្រិតទាបបំផុតត្រឹម៩,៥៩យន់ ឬស្មើនឹង១,៤ដុល្លារ ក្នុងមួយគីឡូក្រាម ដែលជាកម្រិតទាបបំផុតក្នុងរយៈពេល១៦ឆ្នាំ និងទាបជាងថ្លៃដើមផលិតកម្ម។ បើយោងតាមទិន្នន័យផ្លូវការប្រចាំសប្តាហ៍ ដែលបានចេញផ្សាយកាលពីថ្ងៃទី២៥​ ខែមីនា ឆ្នាំ២០២៦ បានឱ្យដឹងថា ចំណែកតម្លៃសាច់ជ្រូកមានតម្លៃ២២យន់ ឬស្មើ៣,១៨ដុល្លារ ក្នុងមួយគីឡូក្រាម គឺបានធ្លាក់ចុះដល់កម្រិតទាបបំផុត ចាប់តាំងពីខែតុលា ឆ្នាំ២០២១។ សាច់ជ្រូក ដែលជាអាហារចម្បង និងជាទំនិញសំខាន់នៅក្នុងទំនិញរបស់ចិន ដែលបង្កើតជាសន្ទស្សន៍តម្លៃទំនិញប្រើប្រាស់របស់ប្រទេសចិន គឺជាទំនិញដ៏សំខាន់នៅក្នុងសេដ្ឋកិច្ចមួយ ដែលលោកប្រធានាធិបតីចិន បានសង្កត់ធ្ងន់លើតម្រូវការសម្រាប់ភាពគ្រប់គ្រាន់នៃអាហារកាន់តែច្រើន។ ប៉ុន្តែ រដ្ឋាភិបាលទីក្រុងប៉េកាំងកំពុងជម្នះនឹងបញ្ហាជ្រូក បន្ទាប់ពីការលើកទឹកចិត្តដល់កសិករចិញ្ចឹមជ្រូកជាច្រើនឆ្នាំ ឱ្យពង្រីកផលិតកម្ម ដែលនាំឱ្យមានសមត្ថភាពថ្មី រហូតដល់សាងសង់អគារកសិដ្ឋានចិញ្ចឹមជ្រូកមានកម្ពស់ជាច្រើនជាន់។ តម្លៃសាច់ជ្រូកបានបន្តធ្លាក់ចុះ ទោះបីជាក្រសួងកសិកម្ម និងគណៈកម្មាធិការអភិវឌ្ឍន៍ និងកំណែទម្រង់ជាតិ ដែលជាអ្នករៀបចំផែនការសេដ្ឋកិច្ចកំពូលរបស់ប្រទេសចិន កាលពីសប្តាហ៍មុន បាននិយាយថា […]

ហ្សាការតា៖ រដ្ឋាភិបាលឥណ្ឌូណេស៊ី បានចេញបញ្ជាឱ្យអ្នកកាន់កាប់គ្រឿងចក្រកសិកម្មទូទាំងប្រទេស ត្រូវយកចិត្តទុកដាក់ថែរក្សាជំនួយរបស់រដ្ឋាភិបាល សម្រាប់ប្រើប្រាស់ឧបករណ៍ទាំងនេះ ដើម្បីគាំទ្រដល់ការប្រឹងប្រែងបង្កើនទិន្នផលស្បៀងអាហារឱ្យបានគ្រប់គ្រាន់តាមតម្រូវរបស់ប្រទេសជាតិ។ រដ្ឋមន្ត្រីក្រសួងកសិកម្ម លោក​ អានឌី អាំរ៉ាន ស៊ូឡៃម៉ាន (Andi Amran Sulaiman) បានមានប្រសាសន៍នៅក្នុងសេចក្តីថ្លែងការណ៍មួយកាលពីសប្តាហ៍មុន​ ដោយលើកឡើងថា “គ្រឿងយន្តកសិកម្មទាំងអស់ ដែលជាជំនួយរបស់រដ្ឋាភិបាលត្រូវតែប្រើប្រាស់ឱ្យបានល្អដើម្បីបង្កើនទិន្នផលកសិកម្ម”។ លោកបានណែនាំដល់ការិយាល័យនៅតាមបណ្តាខេត្តនៃទីភ្នាក់ងារស្តង់ដារឧបករណ៍កសិកម្មរបស់ក្រសួងកសិកម្ម ឱ្យបញ្ជូនរបាយការណ៍លម្អិត​ ស្តីពីការចែកចាយ និងការប្រើប្រាស់ត្រាក់ទ័រ ម៉ាស៊ីនច្រូតស្រូវ និងឧបករណ៍ផ្សេងៗទៀត ដែលរដ្ឋាភិបាលឥណ្ឌូណេស៊ីនបានចែកឱ្យនាពេលកន្លងមក ដើម្បីឱ្យដឹងច្បាស់ថា គ្រឿងចក្រទាំងនោះនៅល្អ និងផ្តល់ផលប្រយោជន៍ដល់វិស័យកសិកម្ម។ លោករដ្ឋមន្ត្រីក្រសួងកសិកម្ម បានបញ្ជាថា រាល់របាយការណ៍ត្រូវតែបង្ហាញពីស្ថានភាពរបស់គ្រឿងចក្រ ទីកន្លែងរក្សាទុក និងលទ្ធផលនៃការចូលរួមចំណែកលើកកម្ពស់ទិន្នផលកសិដ្ឋាននៅក្នុងប្រទេស។ លោក​ អានឌី អាំរ៉ាន ស៊ូឡៃម៉ាន ដែលកាន់តំណែងជាប្រធានទីភ្នាក់ងារស្បៀងអាហារជាតិឥណ្ឌូណេស៊ី បានព្រមានថា ឧបករណ៍ដែលមិនទាន់បានប្រើប្រាស់ត្រូវបែងចាយឡើងវិញ ទៅកាន់តំបន់មានតម្រូវការតែច្រើន។ លោកបានមានប្រសាសន៍ថា “យើងនឹងចាត់វិធានការផ្លូវច្បាប់ប្រឆាំងនឹងអ្នកណា ដែលលក់គ្រឿងចក្រ ដោយផ្សំគំនិតជាមួយអ្នកអនុវត្តច្បាប់” ដោយសង្កត់ធ្ងន់ថា ការប្រើប្រាស់ខុសគោលដៅនឹងមិនត្រូវបានអត់ឱនឡើយ។ លោកបញ្ជាក់យ៉ាងច្បាស់ថា គ្រឿងចក្រមិនមែនជាជំនួយឥតគិតថ្លៃនោះទេ។ កសិករអាចជួលគ្រឿងចក្រក្នុងអត្រាតម្លៃប្រកួតប្រជែង ស្របតាមគោលនយោបាយរបស់រដ្ឋាភិបាល ក្នុងគោលបំណងលើកកម្ពស់ការបង្កបង្កើនផល ដោយហាមមិនឱ្យប្រើប្រាស់ ដើម្បីធ្វើអាជីវកម្មជួលជាឯកជនឡើយ។ លោកបានមានប្រសាសន៍ថា […]

ហាណូយ៖ យោងតាមក្រសួងកសិកម្ម និងបរិស្ថានវៀតណាម បានឱ្យដឹងថា វិស័យកសិកម្មរបស់វៀតណាម នៅតែរក្សា​បាននូវកំណើនថេរ ក្នុងអំឡុងឆ្នាំ២០២១-២០២៥ ដែលលើសពីមធ្យមភាគជាសកល ដោយសារតម្រូវការ​ក្នុងស្រុក និងអន្តរជាតិ​បានបន្តកើនឡើង។ ការចូលរួម និងការអនុវត្តកិច្ចព្រមព្រៀងពាណិជ្ជកម្មសេរីជាច្រើនរបស់ប្រទេសវៀតណាម បានជួយពង្រីកខ្លួនចូល​ទៅកាន់​​ទីផ្សារ ដែលធ្វើឱ្យផលិតផលកសិកម្មវៀតណាម កាន់តែស៊ីជម្រៅនៅក្នុងទីផ្សារដ៏សក្តានុពលនៅលើពិភពលោក។ ក្រសួងបានកត់សម្គាល់ថា វិស័យនេះ នៅតែមានឱកាសច្រើនសម្រាប់ការអភិវឌ្ឍ ជាពិសេស ស៊ីជម្រៅនៅក្នុង​ផលិតផល​កែច្នៃទំនិញ ដែលមានតម្លៃបន្ថែមខ្ពស់ និងការអនុវត្តបច្ចេកវិទ្យាទំនើបអាចជួយបង្កើនការប្រកួតប្រជែង​ជាសកល​របស់កសិផលវៀតណាម។ ឥឡូវនេះ ផលិតផលកសិកម្មវៀតណាម មានវត្តមាននៅលើទីផ្សារភាគច្រើន​ទូទាំងពិភពលោក។ ក្រសួងកសិកម្ម និងបរិស្ថាន បានឱ្យដឹងនៅក្នុងសន្និសីទសារព័ត៌មាន នាទីក្រុងហូជីមិញ កាលពីថ្ងៃទី២៣ ខែមករាថា ប្រទេសវៀតណាម កំពុងកំណត់គោលដៅសម្រាប់ការនាំចេញកសិផល ផលព្រៃឈើ និងជលផល ឱ្យទទួលបានចំណូលសរុបពី៧៣ ទៅ៧៤ពាន់លានដុល្លារ នៅឆ្នាំ២០២៦នេះ។ ទោះបីជាមានការប្រែប្រួលជាសកល ដែលបណ្តាលមកពីជំងឺរាតត្បាត ភាពតានតឹងផ្នែកភូមិសាស្ត្រនយោបាយ និងការប្រែប្រួលអាកាសធាតុក៏ដោយ ក៏ការនាំចេញកសិផល ផលព្រៃឈើ និងជលផលរបស់ប្រទេសវៀតណាម នៅតែរក្សាបាននូវសន្ទុះកំណើនក្នុងប៉ុន្មានឆ្នាំថ្មីកន្លងមកៗនេះ ដោយបន្តដើរតួជាសសរស្តម្ភដ៏សំខាន់នៃសេដ្ឋកិច្ចជាតិ និងរួមចំណែកដល់កំណើនសេដ្ឋកិច្ច ស្ថិរភាពជញ្ជីងពាណិជ្ជកម្ម និងការលើកកម្ពស់ប្រាក់ចំណូលនៅតាមជនបទ។ ទាក់ទងនឹងអាទិភាពសម្រាប់ឆ្នាំ២០២៦ អនុរដ្ឋមន្ត្រីក្រសួងកសិកម្ម និងបរិស្ថាន វៀតណាម បានមានប្រសាសន៍ថា […]

អ៊ីស្លាមបាដ៖ ធនាគារអភិវឌ្ឍន៍អាស៊ី (ADB) ត្រូវបានគេរំពឹងថា នឹងពង្រីកហិរញ្ញប្បទាន​ជាទឹកប្រាក់​ប្រហែល​១០ពាន់​លាន​ដុល្លារដល់ប្រទេសប៉ាគីស្ថានក្នុងរយៈពេលប្រាំឆ្នាំខាងមុខ ក្រោមយុទ្ធសាស្ត្រភាពជាដៃគូប្រចាំប្រទេស ឆ្នាំ២០២៦-២០៣០ ដែលបានចាប់ផ្តើមកាលសប្តាហ៍មុន។ ធានាគារបានប្រកាសថា ផែនទីបង្ហាញផ្លូវដើម្បីគាំទ្រដល់ការផ្លាស់ប្តូររបស់ប្រទេសប៉ាគីស្ថានឆ្ពោះទៅរកកំណើន​ប្រកប​ដោយចីរភាព និងបរិយាបន្ន តាមរយៈការអភិវឌ្ឍន៍ដោយវិស័យឯកជន។ យុទ្ធសាស្ត្ររយៈពេលប្រាំឆ្នាំ នឹងផ្តោតលើមាគាចំនួនបី គឺការជំរុញការអភិវឌ្ឍវិស័យឯកជន ការជំរុញបរិយាបន្ន និងការពង្រឹងភាពធន់ និងមាននិរន្តរភាព ដោយអាទិភាពទាំងនេះនឹងត្រូវជួយពង្រឹងបញ្ហាអន្តរវិស័យ រួមមាន អភិបាល​កិច្ចល្អ និងការពង្រឹងស្ថាប័ន សមភាពយេនឌ័រ និងបរិយាបន្នសង្គម បរិវត្តកម្មឌីជីថល និងកិច្ចសហប្រតិបត្តិការ និងសមា​ហរណកម្មក្នុងតំបន់។ លោកស្រី អេម៉ា ហ្វាន (Emma Fan) នាយកប្រចាំប្រទេសប៉ាគីស្ថាននៃធនាគារអភិវឌ្ឍន៍អាស៊ី បានមាន​ប្រសាសន៍ថា យុទ្ធសាស្ត្រភាពជាដៃគូប្រចាំប្រទេសថ្មីនេះត្រូវបានរៀបចំឡើង​ដើម្បីដោះស្រាយបញ្ហាប្រឈមផ្នែក​រចនា​សម្ព័ន្ធ​របស់ប្រទេសប៉ាគីស្ថាន និងលើកកម្ពស់កំណើនដ៏រឹងមាំ និងយូរអង្វែង ដែលផ្តល់អត្ថប្រយោជន៍ដល់ប្រទេសទាំងមូល ជាពិសេសប្រជាជនក្រីក្រ និងងាយរងគ្រោះ។ ក្រោមយុទ្ធសាស្ត្រនេះក៏ជួយលើកកម្ពស់ការវិនិយោគជាយុទ្ធសាស្ត្រ និងកំណែទម្រង់នៅទូទាំងវិស័យសំខាន់ៗ ដើម្បី​ជំរុញ​កំណើន​សេដ្ឋកិច្ច និងបង្កើតការងារធ្វើ។ ធនាគារអភិវឌ្ឍន៍អាស៊ីនឹងគាំទ្រវិស័យសាធារណៈ និងឯកជនរបស់ប៉ាគីស្ថាន ក្នុងការអនុវត្តតាមរបៀបវារៈដ៏មានមហិច្ឆតានេះ។ យុទ្ធសាស្ត្រភាពជាដៃគូប្រចាំប្រទេស បានកត់សម្គាល់ថា ប៉ាគីស្ថានបានធ្វើឱ្យស្ថានភាពម៉ាក្រូសេដ្ឋកិច្ច​របស់ខ្លួន​មានស្ថិរភាព បន្ទាប់ពីមានវិបត្តិខាងក្រៅជាបន្តបន្ទាប់ ហើយបានផ្តួចផ្តើមកំណែទម្រង់រចនាសម្ព័ន្ធសំខាន់ៗ។ យុទ្ធសាស្ត្ររយៈពេលប្រាំឆ្នាំឆ្លើយតបទៅនឹងបរិបទប្រទេសកំពុងវិវឌ្ឍ ដោយសង្កត់ធ្ងន់លើកំណើននៃការនាំចេញ និងការវិនិយោគ […]

ណៃពិដោ៖ ក្រសួងកសិកម្ម រុក្ខាប្រមាញ់ និងនេសាទ និងសហព័ន្ធស្រូវអង្ករភូមា កំពុងខិតខំប្រឹងប្រែងក្នុងការនាំចេញពូជស្រូវរបស់ខ្លួនទៅកាន់បរទេស រួមមានប្រទេសហ្វីលីពីន បង់ក្លាដែស និងប្រទេសឥណ្ឌូណេស៊ី។ ក្រសួងកសិកម្ម សហការជាមួយសហព័ន្ធស្រូវអង្ករភូមា បាននិងកំពុងរៀបចំផែនការនាំចេញពូជស្រូវទៅកាន់ប្រទេសបង់ក្លាដែស ហ្វីលីពីន និងឥណ្ឌូណេស៊ី។ ប្រធានសហពន្ធស្រូវអង្ករភូមា បានមានប្រសាសន៍ថា «ស្រូវមានតម្លៃខ្លាំងណាស់។ នៅពេលស្រូវស្រស់សម្រាប់កិនជាអង្ករមានតម្លៃប្រហែល៣០០ ទៅ៤០០ដុល្លារ ក្នុងមួយតោន ចំណែកគ្រាប់ពូជអាចទទួលបានតម្លៃរហូតដល់៧០០ ទៅ៨០០ដុល្លារ ក្នុងមួយតោន។ ដូច្នេះ កសិករភូមាត្រូវគិតពីប្រាក់ចំណេញក្នុងមួយហិកតា និងកំណត់ផែនការផលិតស្រូវ ឬផលិតគ្រាប់ស្រូវពូជឱ្យបានល្អ»។ ប្រទេសហូឡង់ និងប្រទេសបែលហ្ស៊ិក គឺជាប្រទេសឈានមុខគេក្នុងការផលិតគ្រាប់ពូជស្រូវ និងការបង្កាត់ពូជរុក្ខជាតិ ដោយកាន់តំណែងកំពូលក្នុងការនាំចេញគ្រាប់ពូជនៅលើឆាកអន្តរជាតិ។ រីឯប្រទេសភូមាបានផលិតគ្រាប់ពូជស្រូវគ្រប់គ្រាន់ដោយខ្លួនឯង។ ហេតុដូច្នេះហើយ ប្រទេសភូមាកំពុងរៀបចំផែនការនាំចេញគ្រាប់ពូជស្រូវមួយចំនួន។ ប៉ុន្តែគ្រាប់ពូជស្រូវមួយចំនួននៅតែត្រូវបាននាំចូល។ លើសពីនេះទៀត ប្រទេសភូមាក៏កំពុងផលិតគ្រាប់ពូជសណ្តែកផងដែរ។ ប៉ុន្តែគ្រាប់ពូជសណ្តែក និងគ្រាប់ពូជពោតមួយចំនួនត្រូវបាននាំចូល។ ពូជពោតភូមាមានពីរប្រភេទ គឺពូជពោតយកគ្រាប់ទុំ និងពោតផ្អែម។ ពោតយកគ្រាប់ទុំ គឺសម្រាប់ផលិតជាចំណីសត្វ និងអាហារកែច្នៃ មានតម្លៃត្រឹមតែ២០០ដុល្លារ ក្នុងមួយតោន ខណៈពោតផ្អែមមានតម្លៃរហូតដល់៥០០ ទៅ៦០០ ដុល្លារ ក្នុងមួយតោន។ ដូច្នេះ កសិករចាំបាច់ត្រូវដាំដុះទាំងពោតគ្រាប់យកគ្រាប់ទុំ និងពោតផ្អែម […]