អន្តរជាតិ

ម៉ានីល៖ ក្រសួងកសិកម្មរបស់ប្រទេសហ្វីលីពីន កាលពីសប្តាហ៍មុន បានបញ្ជាឱ្យមានការស៊ើបអង្កេតភាពមិនប្រក្រតីក្នុងការទិញ និងចែកចាយជី រួមទាំងគ្រឿងចក្រកសិកម្ម នៅក្នុងប្រទេស បន្ទាប់ពីអង្គការការពារកសិករជាច្រើន បានដាក់ពាក្យបណ្តឹងទៅទីភ្នាក់ងារស៊ើបអង្កេត ជាប់សង្ស័យពីភាពមិនប្រក្រតី នៅក្នុងនាយកដ្ឋាននេះ។ នៅក្នុងសេចក្តីថ្លែងការណ៍មួយ រដ្ឋមន្ត្រីក្រសួងកសិកម្មហ្វីលីពីន លោក ហ្វ្រេនស៊ីស្កូ ធៀវ ឡូរ៉ែល (Francisco Tiu Laurel) បានមានប្រសាសន៍ថា ការស៊ើបអង្កេតថ្មីនេះនឹងស៊ីជម្រៅជាងការត្រួតពិនិត្យតាមស្តង់ដារ ដើម្បីការពារប្រាក់របស់អ្នកបង់ពន្ធពីសកម្មភាពខុសច្បាប់ ឬអំពើពុករលួយ។ លោកបានមានប្រសាសន៍ថា​ “យើងសូមអញ្ជើញក្រុមកសិករទាំងនេះ និងអង្គការផ្សេងទៀតឱ្យជួយយើងកម្ចាត់អំពើពុករលួយនៅក្នុងចំណោមពួកយើង”។ លោករដ្ឋមន្ត្រីបានបញ្ជាក់ថា នាយកដ្ឋានច្បាប់របស់ក្រសួងកសិកម្មនឹងបើកការស៊ើបអង្កេតលើសេចក្តីរាយការណ៍អំពីការពន្យារពេលនាំចូលជី។ ក្រសួងកសិកម្មបាននិយាយថា អ្នកផ្គត់ផ្គង់ណា ដែលខកខានមិនបានផ្តល់ ឬមិនបំពេញកាតព្វកិច្ចរបស់ខ្លួន ឱ្យទាន់រដូវដាំដុះខិតជិតមកដល់ នឹងត្រូវដាក់ពិន័យ ឬដាក់ក្នុងបញ្ជីខ្មៅ។ កាលពីនៅ២០២៥ ក្រសួងកសិកម្មបានស៊ើបអង្កេតបណ្តឹងស្រដៀងគ្នានេះ ដែលនាំឱ្យមានការដាក់ទណ្ឌកម្មលើអ្នកផ្គត់ផ្គង់ និងអ្នកពាក់ព័ន្ធមួយចំនួនទៀត។ ទន្ទឹមនឹងនេះដែរ ក្រសួងកសិកម្មហ្វីលីពីនគ្រោងសាកល្បងជីគីមី ដើម្បីវាយតម្លៃប្រសិទ្ធភាពរបស់វាក្នុងការជំរុញទិន្នផលក្នុងស្រុក រួមជាមួយការអនុវត្តសាកល្បងនូវប្រព័ន្ធលទ្ធកម្មថ្មីសម្រាប់ជីគីមី។ ក្រោមប្រព័ន្ធលទ្ធកម្មថ្មីនេះ កសិករហ្វីលីពីននឹងត្រូវបានអនុញ្ញាតឱ្យទិញជី ដែលបានចុះបញ្ជីតាមរយៈកាតតាមដានអន្តរាគមន៍របស់ពួកគេ។ ទន្ទឹមនឹងនេះ មជ្ឈមណ្ឌលហ្វីលីពីនសម្រាប់ការអភិវឌ្ឍក្រោយការប្រមូលផល និងគ្រឿងចក្រកសិម្ម បានបដិសេធការចោទប្រកាន់ថា ការពិគ្រោះយោបល់របស់ខ្លួនជាមួយអ្នកទទួលផលពីកសិករ គឺជាមុខសញ្ញា។ ជារៀងរាល់ឆ្នាំ មជ្ឈមណ្ឌលហ្វីលីពីនសម្រាប់ការអភិវឌ្ឍក្រោយការប្រមូលផល […]

តៃប៉ិ៖ កសិករចិញ្ចឹមជ្រូកនៅកោះតៃវ៉ាន់កំពុងជំរុញឱ្យរដ្ឋាភិបាលរបស់ខ្លួនអនុម័តច្បាប់ ស្តីពីការដាក់ស្លាកសញ្ញាសម្គាល់ដើមកំណើតផលិតផលកែច្នៃពីជ្រូក និងសាច់ជ្រូក ជាពិសេសចំពោះកិច្ចព្រមព្រៀងពាណិជ្ជកម្មថ្មីជាមួយសហរដ្ឋអាម៉េរិក ដែលនឹងកាត់បន្ថយពន្ធលើការនាំចូលសាច់ជ្រូកពីសហរដ្ឋអាម៉េរិក។ ប្រធានសមាគមចិញ្ចឹមជ្រូកនៅកោះតៃវ៉ាន់ បានសង្កត់ធ្ងន់លើតម្រូវការនៃការដាក់ស្លាកសញ្ញាសម្គាល់ឱ្យបានច្បាស់លាស់ ដើម្បីការពារទីផ្សារសាច់ជ្រូកក្នុងស្រុក ដោយសារផលិតផលសាច់ជ្រូកមួយចំនួនត្រូវគេបន្លៃថា ជាសាច់ជ្រូកតៃវ៉ាន់។ កាលពីសប្តាហ៍មុន ដោយសារតែព្រួយបារម្ភបែបនេះ ទើបកសិករចិញ្ចឹមជ្រូកក្នុងកោះតៃវ៉ាន់ បានអំពាវនាវឱ្យមានការអនុម័តច្បាប់ ស្តីពីការដាក់ស្លាកសញ្ញាសម្គាល់លើដើមកំណើតផលិតផលរបស់ខ្លួន ប្រសិនបើទីផ្សារក្នុងស្រុករបស់តៃវ៉ាន់ ត្រូវបើកឱ្យនាំចូលផលិតផលសាច់ជ្រូករបស់សហរដ្ឋអាម៉េរិក តាមរយៈកិច្ចព្រមព្រៀងពាណិជ្ជកម្មទ្វេភាគី។ កាលពីថ្ងៃទី១២ ខែកុម្ភៈ ឆ្នាំ២០២៦ កោះតៃវ៉ាន់បានចុះហត្ថលេខាលើកិច្ចព្រមព្រៀងពាណិជ្ជកម្មទ្វេភាគី ដោយប្តេជ្ញាកាត់បន្ថយអត្រាពន្ធនាំចូលសាច់ជ្រូករបស់សហរដ្ឋអាម៉េរិក។ ជាពិសេស អត្រាពន្ធលើជើងជ្រូក និងពោះវៀនជ្រូករបស់សហរដ្ឋអាម៉េរិក នឹងត្រូវកាត់បន្ថយពីអត្រាបច្ចុប្បន្ន១២,៥ភាគរយ មកនៅចន្លោះពី៦,៣ ទៅ១០ភាគរយ ក្នុងរយៈពេលបីឆ្នាំខាងមុខ បន្ទាប់ពីកិច្ចព្រមព្រៀងនេះចូលធរមាន។ ទន្ទឹមនឹងនេះដែរ ពន្ធគយលើការនាំចូលជើងជ្រូក និងគ្រឿងក្នុងជ្រូក ពីសហរដ្ឋអាម៉េរិកនឹងធ្លាក់ចុះភ្លាមៗ ពី១៥ភាគយ មកនៅត្រឹមតែ៧,៥ភាគរយ ដោយសារទំនិញទាំងនេះមិនស្ថិតក្រោមការអនុគ្រោះរយៈពេលបីឆ្នាំឡើយ។ ប្រធានសមាគមអ្នកចិញ្ចឹកជ្រូកកោះតៃវ៉ាន់ បាននិយាយថា លោកមិនបារម្ភអំពីការប្រកួតប្រជែងសាច់ជ្រូកតៃវ៉ាន់ទេ ដរាបណារដ្ឋាភិបាលអនុវត្តច្បាប់ ស្តីពីការដាក់ស្លាកសម្គាល់ដើមកំណើតផលិតផល។ លោកបាននិយាយទៀតថា ស្លាកសញ្ញាសម្គាល់ត្រូវដាក់លើផលិតផលធ្វើពីសាច់ជ្រូក និងសាច់ជ្រូក ដែលនាំចូលពីសហរដ្ឋអាម៉េរិក ដោយកត់សម្គាល់ថាផលិតផលសាច់ជ្រូកមួយចំនួនដែលលក់នៅតៃវ៉ាន់ត្រូវបានដាក់ស្លាកថាមកពីតៃវ៉ាន់ ប៉ុន្តែតាមពិតវាជាល្បាយនៃសាច់ជ្រូកគ្មានខ្លាញ់របស់តៃវ៉ាន់ និងសាច់ជ្រូកខ្លាញ់ដែលនាំចូលពីបរទេស។ លោកបានបញ្ជាក់ថា កោះតៃវ៉ាន់នាំចូលពីសហរដ្ឋអាម៉េរិកភាគច្រើន មានដូចជាជើងជ្រូក និងពោះវៀនជ្រូក […]

កង់បេរ៉ា៖ កសិករចិញ្ចឹមគោនៅប្រទេសអូស្ត្រាលី អាចព្រួយបារម្ភចំពោះផលប៉ះពាល់ពីការសម្រេចចិត្តភ្លាមៗរបស់ប្រទេសចិន ក្នុងការដំឡើងពន្ធនាំចូលសាច់គោអូស្ត្រាលីរហូតដល់៥៥ភាគរយ ដែលជាវិធានការថ្មីមួយធ្វើឱ្យឧស្សាហកម្មសាច់គោរបស់អូស្ត្រាលី មានការព្រួយបារម្ភ និងធ្វើឱ្យពាណិជ្ជកម្មមានតម្លៃទឹកប្រាក់រាប់ពាន់លានដុល្លារប្រឈមនឹងហានិភ័យ។ រដ្ឋាភិបាលចិនបានប្រកាសថា ខ្លួននឹងអនុវត្តវិធានការការពារកសិករក្នុងស្រុក តាមរយៈយកពន្ធបន្ថែមលើការនាំចូលសាច់គោពីប្រទេសនានា រួមទាំងអូស្ត្រាលី នៅពេលសាច់នាំចូលនោះច្រើនលើសពីកូតាកំណត់។ ការសម្រេចចិត្តនេះមានគោលបំណងដើម្បីការពារកសិករ និងអ្នកផលិតក្នុងស្រុករបស់ចិន ប៉ុន្តែក្រុមឧស្សាហកម្មសាច់គោអូស្ត្រាលី បានព្រមានថា ការដំឡើងពន្ធនេះអាចធ្វើឱ្យផលិតកម្មសាច់គោរបស់ប្រទេសអូស្ត្រាលីធ្លាក់ចុះ និងធ្វើឱ្យតម្លៃគោរស់ក្នុងកសិដ្ឋានចុះថោកផងដែរ។ ក្រោមការរៀបចំកូតាថ្មីនេះ ប្រទេសអូស្រ្តាលីបានរៀនចំបែងចែកសាច់គោចំនួន២០៥ ០០០តោន ក្រោមកូតានាំចូលសរុប២,៧លានតោនរបស់ចិនសម្រាប់ឆ្នាំ២០២៦។ ការនាំចេញលើសពីកម្រិតកូតាកំណត់នេះនឹងត្រូវបង់ពន្ធគយរហូតដល់៥៥ភាគរយសម្រាប់រយៈពេលបីឆ្នាំខាងមុខ។ ការប៉ាន់ប្រមាណរបស់ឧស្សាហកម្មសាច់គោបង្ហាញថា ការរឹតបន្តឹងនេះអាចកាត់បន្ថយការនាំចេញសាច់គោរបស់អូស្រ្តាលីទៅកាន់ប្រទេសចិនប្រហែលមួយភាគបី បើធៀបនឹងឆ្នាំ២០២៥ ដែលស្មើនឹងការខាតបង់ពាណិជ្ជកម្មប្រចាំឆ្នាំជាង១ ០០០លានដុល្លារ។ អ្នកផលិតសាច់គោប្រណីតប្រភេទ អែងហ្គឹស (Angus) និងសាច់គោជប៉ុន វ៉ែកគ្យូ (Wagyu) ត្រូវបានគេរំពឹងថា នឹងរងផលប៉ះពាល់ខ្លាំងបំផុត ដែលមានន័យថា កសិករចិញ្ចឹមសាច់គោនៅអូស្ត្រាលីជាច្រើននឹងរងផលប៉ះពាល់។ ប្រទេសចិននៅតែជាទិសដៅនាំចេញសាច់គោដ៏មានតម្លៃបំផុតមួយរបស់អូស្ត្រាលី ជាពិសេសសម្រាប់ការកាត់បន្ថយតម្លៃបន្ថែមខ្ពស់ ហើយការរអាក់រអួលណាមួយ ត្រូវបានគេរំពឹងថា នឹងកើតមាននៅក្នុងខ្សែសង្វាក់ផ្គត់ផ្គង់។ វិធានការដំឡើងពន្ធនេះ ក៏បានបង្កឱ្យមានការសង្ស័យចំពោះកិច្ចព្រមព្រៀងពាណិជ្ជកម្មសេរីរវាងអូស្ត្រាលី និងចិន ដែលត្រូវបានចុះហត្ថលេខា ក្នុងឆ្នាំ២០១៥។ ខណៈពេលប្រទេសនាំចេញសាច់គោផ្សេងទៀត ក៏ត្រូវជាប់កូតាផងដែរ ក្រុមឧស្សាហកម្ម និងសម្ព័ន្ធបក្សប្រឆាំងនៅក្នុងប្រទេសអូស្ត្រាលី បានអះអាងថា វិធានការការពារនេះបំពានលើស្មារតីនៃកិច្ចព្រមព្រៀងនេះ។ ប៉ុន្តែ […]

ហ្សាកាតា៖ ក្រសួងកិច្ចការសមុទ្រ និងនេសាទរបស់ប្រទេសឥណ្ឌូណេស៊ី បានប្រកាសដាក់ចេញយុទ្ធសាស្ត្រសម្រាប់ឆ្នាំ២០២៦ ដើម្បីជំរុញ និងពង្រឹងការនាំចេញគ្រឿងសមុទ្រ តាមរយៈការជួយអាជីវករក្នុងស្រុកឱ្យអនុវត្តតាមតម្រូវការវិញ្ញាបនបត្រថ្មីៗរបស់សហរដ្ឋអាម៉េរិក និងសហភាពអឺរ៉ុប  និងការពង្រីកទីផ្សារទៅក្រៅប្រទេសផ្សេងៗទៀតនៅជុំវិញពិភពលោក។ ប្រធានផ្នែកទីផ្សារនៃអគ្គនាយកដ្ឋានពង្រឹងភាពប្រកួតប្រជែងផលិតផលសមុទ្រ និងជលផល បានឲ្យដឹងថា ក្រសួងនឹងជួយសម្របសម្រួលអ្នកនាំចេញ ដើម្បីឱ្យអនុលោមតាមវិញ្ញាបនបត្របញ្ជាក់ប្រភពត្រី (Catch Certification) របស់សហភាពអឺរ៉ុប និងក្រមប្រតិបត្តិនេសាទ ព្រមទាំងលក្ខខណ្ឌវិញ្ញាបនបត្រនាំចូលរបស់សហរដ្ឋអាម៉េរិក។ លោកបានថ្លែងថា «យើងកំពុងលើកទឹកចិត្តឲ្យអាជីវកម្មគ្រឿងសមុទ្ររក្សាគុណភាព និងសុវត្ថិភាពផលិតផលឲ្យបានខ្ពស់ ព្រមទាំងជំរុញការអភិវឌ្ឍប្រកបដោយនិរន្តរភាព និងបង្កើនសមត្ថភាពប្រកួតប្រជែងនៅលើទីផ្សារអន្តរជាតិ»។។ លោកសង្កត់ធ្ងន់ទៀតថា ជាមួយគ្នានេះក្រសួងក៏កំពុងចរចាជាមួយភាគីសហរដ្ឋអាម៉េរិកឱ្យមានការអនុម័តយល់ព្រមសម្រាប់ការនាំចេញក្តាមពីប្រទេសឥណ្ឌូណេស៊ី ក្រោមសេចក្តីសម្រេចអំពីភាពអាចប្រៀបធៀបបាន របស់រដ្ឋបាលជាតិមហាសមុទ្រ និងបរិយាកាសអាមេរិក (NOAA) ដើម្បីបញ្ជៀសការពន្យារពេលនាំចេញក្រោមបទប្បញ្ញត្តិថ្មី។ លោកប្រធានផ្នែកទីផ្សារនៃអគ្គនាយកដ្ឋានពង្រឹងភាពប្រកួតប្រជែងផលិតផលសមុទ្រ និងជលផល បានឱ្យដឹងថា គម្រោងផ្សេងៗទៀត ដែលក្រសួងបាននឹងកំពុងគិតគូរួមមាន ការរៀបចំបេសកកម្មពាណិជ្ជកម្ម ការផ្សព្វផ្សាយផលិតផលនៅលើឆាកអន្តរជាតិ និងការរៀបចំព្រឹត្តិការណ៍ផ្គូផ្គងអាជីវកម្ម (​Business Matching)។ ជាមួយគ្នានេះ អ្នកនាំចេញត្រូវបានលើកទឹកចិត្តឲ្យប្រើប្រាស់អត្ថប្រយោជន៍ពន្ធអត្រាសូន្យភាគរយ ក្រោមកិច្ចព្រមព្រៀងភាពជាដៃគូសេដ្ឋកិច្ចរវាងឥណ្ឌូណេស៊ី និងជប៉ុន សម្រាប់ផលិតផលត្រីធូណាទំហំតូច និងធំ ដែលនឹងមានប្រសិទ្ធភាពចាប់ពីត្រីមាសទី១ ឆ្នាំ២០២៦ តទៅ។ លោកបន្ថែមថា ជាមួយគ្នានេះ កិច្ចពិភាក្សាអំពីការកាត់បន្ថយពន្ធក៏កំពុងបន្តធ្វើជាមួយដៃគូពាណិជ្ជកម្មនៅតំបន់អាម៉េរិកខាងជើង អាស៊ីខាងត្បូង មជ្ឈិមបូព៌ា […]

យ៉ាឡៃ៖ ជម្លោះក្បាត់កិច្ចសន្យារវាងអ្នកដាំ និងអ្នកទិញ​ នៅតំបន់ខ្ពង់រាបកណ្តាលប្រទេសវៀតណាម បានធ្វើឱ្យផ្លែឪឡឹកជាង២០០តោន និងមានតម្លៃជាទឹកប្រាក់ជាង៣៣ម៉ឺនដុល្លារ ត្រូវទុកចោលឱ្យស្អុយរលួយនៅតាមចម្ការ ដោយសារភាគីទាំងពីរផ្លាស់ប្តូរចិត្តក្នុងរដូវលក់ដាច់បំផុត នាឱកាសបុណ្យចូលឆ្នាំវៀតណាម។ ផ្លែឪឡឹកដាំដុះលើផ្ទៃដីជួលទំហំជិត២៥ហិកតា នៅខេត្តយ៉ាឡៃ (Gia Lai) ភាគកណ្តាលវៀតណាម ដែលមានព្រំប្រទល់ជាប់ខេត្តរតនគិរីរបស់កម្ពុជា ត្រូវបានគេរំពឹងថា នឹងផ្តល់ទិន្នផលប្រហែល១ ២៥០តោន និងអាចលក់បានប្រាក់ប្រហែល៨,៥ពាន់លានដុង ឬស្មើនឹង៣៣៦ ០០០ដុល្លារ ក្រោមកិច្ចសន្យាលក់ទិញ ដែលត្រូវបានចុះហត្ថលេខានៅក្នុងខែធ្នូ ឆ្នាំ២០២៥។ ប៉ុន្តែការខ្វែងគំនិតគ្នា លើទិន្នផលផ្លែឪឡឹកជាក់ស្តែងធៀបនឹងអ្វីដែលអ្នកដាំបានសន្យា បានឈានដល់ផ្ទុះវិវាទលុបចោលកិច្ចសន្យាលក់ទិញទៅវិញ ហើយនៅពេលផ្លែឪឡឹកល្មមប្រមូលផល នៅក្នុងខែមករា ឆ្នាំ២០២៦នេះ បែរជាភាគីទាំងពីរទុកចោលឱ្យរលួយស្អុយទៅវិញ។ គិតត្រឹមថ្ងៃទី២៥ ខែកុម្ភៈ ឆ្នាំ២០២៦នេះ ផ្លែឪឡឹកទុំមានទម្ងន់ពីបួន ទៅប្រាំមួយគីឡូក្រាម ចាប់ផ្តើមប្រេះបែក និងរលួយនៅពាសពេញចម្ការ បន្ទាប់ផ្ទុះជម្លោះរវាងទិន្នផលរំពឹងទុក និងទិន្នផលជាក់ស្តែងរបស់ដំណាំឪឡឹក។ ប្រធានក្រុមកសិករដាំឪឡឹកតាមកិច្ចសន្យា បាននិយាយថា គាត់ និងសាច់ញាតិ បានឯកភាពជួលដីធ្វើចម្ការឪឡឹកទំហំ២៥ហិកតា នៅខែវិច្ឆិកា ឆ្នាំ២០២៥ ក្នុងតម្លៃលក់ម៉ៅ២១លានដុង ក្នុងមួយហិកតា ឬស្មើនឹង៨០៤,៧៥ដុល្លារ ដើម្បីដាំឪឡឹកសម្រាប់លក់ផ្គត់ផ្គង់ទីផ្សារក្នុងឱកាសបុណ្យចូលឆ្នាំវៀតណាម ដែលជាវេលារកប្រាក់ចំណូលបានច្រើន។ នៅថ្ងៃទី១៣ ខែធ្នូ ឆ្នាំ២០២៥ […]

ចិន៖ វិស័យផ្លែឈើរបស់ប្រទេសចិន កំពុងប្រឈមមុខនឹងការផ្គត់ផ្គង់លើសលប់យ៉ាងច្រើនសម្បើម ដោយអ្នកដាំដុះ និងពាណិជ្ជករ បានរាយការណ៍ពីការលំបាកក្នុងការផ្លាស់ប្តូរបរិមាណ ទោះបីជាមានការកាត់បន្ថយតម្លៃយ៉ាងច្រើនក៏ដោយ។ នៅទូទាំងផ្សារបោះដុំ តូបលក់តាមដងផ្លូវ និងតំបន់ផលិតកែច្នៃ បានឱ្យដឹងថា ផ្លែឈើជាច្រើនប្រភេទ រួមមានផ្លែឈើរី ម្នាស់ ស្ត្របឺរី ទំពាំងបាយជូរ ឪឡឹក និងផ្លៃក្រូច នៅតែមិនទាន់លក់ចេញនៅឡើយដោយសារអ្នកប្រើប្រាស់កាន់តែមិនសូវចង់ទិញ។ ក្រុមផលិតករ និងពាណិជ្ជករ បានរាយការណ៍ថា ស្តុកកំពុងប្រមូលផ្លែឈើ ទោះបីជាមានការកាត់បន្ថយតម្លៃម្តងហើយម្តងទៀតក៏ដោយ។ អ្នកដាំខ្លះ បាននិយាយថា តំបន់ដែលធ្លាប់ដាំដុះក្នុងតម្លៃខ្ពស់ បែរជាទទួលបានប្រាក់ចំណេញទាប ដោយសារខ្វះការស្រូបយកពីទីផ្សារ។ កសិករម្នាក់ បាននិយាយថា “ផ្លែក្រូចពោធិសាត់ មួយឡានទម្ងន់៣៣តោន មិនមានតម្លៃស្មើនឹងទូរស័ព្ទស្មាតហ្វូនពីរគ្រឿងផង”។ ចំណែកកសិករម្នាក់ទៀត បានលើកឡើងពីសម្ពាធតម្លៃ ដែលកំពុងកើនឡើង ដោយកត់សម្គាល់ថា ការថែទាំងដើមឈើហូបផ្លែចាស់ៗចំនួន៥០០ដើម ត្រូវចំណាយលុយជាង៣០ ០០០យន់ ក្នុងមួយឆ្នាំ ឬប្រហែល៤ ២០០ដុល្លារ ហើយត្រូវការកម្មករពេញម៉ោងយ៉ាងហោចណាស់ចំនួនបីនាក់។ លោកបាននិយាយទៀតថា “យើងមិនអាចរកប្រាក់ចំណេញបានទេ សូម្បីថ្លៃដើមក៏ស្រង់មិនបានផង។ យើងនៅតែខាតលុយទេ”។ រីឯអ្នកលក់ផ្លែឈើម្នាក់ បាននិយាយថា អ្នកចូលរួមក្នុងទីផ្សារបង្ហាញថា រដូវកាលបច្ចុប្បន្នបានកំណត់តម្លៃ ដែលមិនធ្លាប់មានពីមុនមក។ មិនដែលមានមួយឆ្នាំបែបនេះទេ។ […]

ហាណូយ៖ សមាគមអ្នកនាំចេញ និងអ្នកផលិតអាហារសមុទ្រវៀតណាម ដោយដកស្រង់ទិន្នន័យពីអគ្គរដ្ឋបាលគយរបស់ប្រទេសចិន បានឱ្យដឹងថា ការនាំចូលបង្កងពីប្រទេសវៀតណាមចូលទៅក្នុងផ្សារចិន មានបិរមាណចំនួន៦៩ ៧៧៤តោន ក្នុងឆ្នាំ២០២៥ គឺកើនឡើងពី៦០ ៨៣៤តោន ក្នុងឆ្នាំ២០២៤។ សារព័ត៌មាន បានចេញផ្សាយថា លំនាំនៃការផ្គត់ផ្គង់បង្កងវៀតណាមទៅកាន់ទិផ្សារប្រទេសចិន បានផ្លាស់ប្តូរគួរឱ្យកត់សម្គាល់។ នៅឆ្នាំ២០២៤ ប្រទេសកាណាដា គឺជាអ្នកផ្គត់ផ្គង់បង្កងដ៏ធំបំផុត​ មានបរិមាណ២៦ ៩២០តោន ឬប្រហែល៤៤ភាគរយនៃការនាំចូលសរុបរបស់ប្រទេសចិន ខណៈប្រទេសវៀតណាមជាប់ចំណាត់ថ្នាក់ទីពីរ ដែលមានបិរមាណបង្កងចំនួន១០ ៨៦៥តោន ប្រហែល១៨ភាគរយ។ នៅឆ្នាំ២០២៥ ការនាំចេញបង្កងរបស់វៀតណាមបានឡើងដល់ចំណាត់ថ្នាក់លេខ១ ដោយមានបរិមាណ២៤ ០៦៧តោន ស្មើនឹង៣៤,៥ភាគរយ។ ការនាំចេញរបស់កាណាដាបានធ្លាក់ចុះមកត្រឹម១៥ ៣៥៥តោន ឬប្រហែល២២ភាគរយ។ សហរដ្ឋអាម៉េរិកបាននាំចេញចំនួន៩ ៩៣១តោន ប្រហែល១៤,២ភាគរយ ខណៈការនាំចេញបង្កងរបស់អូស្ត្រាលី បានកើនឡើងយ៉ាងខ្លាំងដល់៦ ៩៥០តោន ដែលស្មើនឹងជិត១០ភាគរយ។ ចំណែកយោងតាមទិន្នន័យគយវៀតណាម បានឱ្យដឹងថា ឆ្នាំ២០២៥ គឺជាឆ្នាំដែលបង្កងវៀតណាមដណ្តើមបានចំណែកទីផ្សារប្រទេសចិនច្រើនជាងគេ។ តម្លៃសរុបនៃការនាំចេញបង្កងរបស់វៀតណាមទៅកាន់ប្រទេសចិន​ គិតជាទឹកប្រាក់ចំនួន១,៣ ពាន់លានដុល្លារ កើនឡើង៥៥ភាគរយ បើធៀបនឹងឆ្នាំ២០២៤។ សមាគមអ្នកនាំចេញ និងអ្នកផលិតអាហារសមុទ្រវៀតណាម បាននិយាយទៀតថា បង្កងវៀតណាមពេញចិត្តនឹងការប្រកួតប្រជែងកាន់តែខ្លាំងជាមួយគូប្រជែងទីផ្សារ ដោយសារពេលវេលាដឹកជញ្ជូនខ្លីជាង […]

សេអ៊ូល៖  ក្រុមហ៊ុន និងសហគមន៍កសិកម្មរបស់ប្រទេសកូរ៉េខាងត្បូង បានចាប់ផ្តើមនាំចេញផ្លែស្ត្របឺរី ដែលមានគុណភាពខ្ពស់ ចំនួន៣០តោន ទៅកាន់ប្រទេសសិង្ហបុរី កាលពីចុងសប្តាហ៍មុន នៅឯពិធីនាំចេញជាលើកដំបូង នៅក្នុងឆ្នាំ២០២៦នេះ សម្រាប់តែផ្លែស្ត្របឺរី ដែលដាំដុះនៅខេត្ត ហ្គីយឿងសាង ភាគខាងត្បូងប្រទេសកូរ៉េ។ យោងតាមសារព័ត៌មានក្នុងស្រុក បានឱ្យដឹងថា ការនាំចេញនេះត្រូវបានធ្វើឡើង ដោយសារការកើនឡើងនៃឥទ្ធិពលប្រជាប្រិយភាពរបស់ជនជាតិកូរ៉េ នៅលើឆាកអន្តរជាតិ ក៏ដូចជាការកើនឡើងនៃប្រជាប្រិយភាពម្ហូបអាហារកូរ៉េ នៅទីផ្សារក្រៅប្រទេសផងដែរ។ ប្រភពដដែល បានបន្តថា សហគមន៍កសិកម្មនៅក្នុងខេត្តនេះ បានសហការជាមួយស្ថាប័ននាំចេញផ្លែស្ត្របឺរីកូរ៉េ ដោយចុះកិច្ចសន្យាប្រចាំឆ្នាំ ដើម្បីនាំចេញផ្លែស្ត្របឺរី ប្រមាណ៣០តោន ទៅកាន់ប្រទេសសិង្ហបុរី ព្រមទាំងសហរដ្ឋអាម៉េរិក និងក្រុងហុងកុង។ ផ្លែស្ត្របឺរី ដែលមានឈ្មោះជាភាសាកូរ៉េថា ជឿមស៊ីល (Geumsil) ត្រូវបានដឹកជញ្ជូននាំចេញលើកនេះ មានលក្ខណៈពិសេសដោយមានសាច់រឹង និងមានផ្ទុកសារជាតិផ្អែមច្រើន។ ជាពិសេស ផ្លែឈើប្រភេទនេះ ត្រូវបានវាយតម្លៃថា សមស្របខ្លាំងសម្រាប់ការនាំចេញ និងដឹកជញ្ជូនរយៈចម្ងាយឆ្ងាយ ព្រោះអាចរក្សាបាននូវភាពស្រស់ និងគុណភាពល្អរបស់វា ទោះបីជាត្រូវរក្សាទុករយៈពេលវែងក៏ដោយ។ រដ្ឋបាលមូលដ្ឋានរបស់ប្រទេសកូរ៉េខាងត្បូង គ្រោងពន្លឿនកិច្ចខិតខំប្រឹងប្រែងក្នុងការពង្រីកទីផ្សារក្រៅប្រទេស ដោយយកការនាំចេញលើកនេះជាចំណុចចាប់ផ្តើម។ ក្នុងដំណាក់កាលបន្ទាប់ រដ្ឋបាលមូលដ្ឋាននឹងផ្តោតលើការនាំចូលទៅកាន់ទីផ្សារកម្រិតខ្ពស់ ជាមួយពូជស្ត្រប៊ើរីផ្សេងទៀត ដែលមានគុណភាពខ្ពស់ដូចគ្នា។ ក្នុងបរិបទនេះ អាជ្ញាធរមូលដ្ឋានរបស់កូរ៉េ […]

កូឡាឡាំពូរ៖ ម្ចាស់កសិដ្ឋានចិញ្ចឹមជ្រូកចំនួន១១៤កន្លែង នៅក្នុងរដ្ឋសេឡាំងគ័រ (Selangor) ប្រទេសម៉ាឡេស៊ី កំពុងសម្តែងការភ័យខ្លាចចំពោះអនាគតដ៏អាក្រក់បំផុតសម្រាប់អាជីវកម្មរបស់ខ្លួន ស្របពេលរដ្ឋាភិបាលមូលដ្ឋានកំពុងពន្លឿនសកម្មភាពបិទចោលកសិដ្ឋានចិញ្ចឹមជ្រូកឱ្យអស់ពីក្នុងរដ្ឋនេះ។ សារព័ត៌មានរបស់ម៉ាឡេស៊ី បានចេញផ្សាយថា កសិដ្ឋានចិញ្ចឹមជ្រូកទាំងនេះ ភាគច្រើនមានទីតាំងនៅក្បែរតំបន់ឆ្នេរសមុទ្រម៉ាឡាកា និងមានចម្ងាយប្រហែល១០០គីឡូម៉ែត្រ ភាគនិរតីនៃរដ្ឋធានីគូឡាឡាំពួរ ត្រូវបានព្រះចៅស៊ុលតង់អ្នកគ្រប់គ្រងរដ្ឋសេឡាំងគ័រ ព្រះនាម ហ្សារ៉ាហ្វូឌីន អ៊ីទ្រីស ហ្សាស (Sultan Sharafuddin Idris Shah) ចេញព្រះរាជក្រឹតបង្គាប់ឱ្យបិទចោលទ្រុងទាំងអស់ ដោយលើកហេតុផលធំក្លិនមិនល្អមកលើប្រជាជនប្រកាន់សាសនាឥស្លាម។ កសិដ្ឋានចិញ្ចឹមជ្រូក ដែលប្រឈមនឹងការបិទចោលទាំង១១៤កន្លែងនេះ គឺជាកម្មសិទ្ធិរបស់សហគមន៍ម៉ាឡេ ដើមកំណើតចិន នៅក្នុងប្រទេសម៉ាឡេស៊ី។ ម្ចាស់កសិដ្ឋានម្នាក់ បានត្អូញត្អែរថា ការខិតខំប្រឹងប្រែងរបស់គាត់ក្នុងការដំឡើងរោងចក្រប្រព្រឹត្តកម្មលាមកជ្រូក នឹងក្លាយជាការចំណាយឥតន័យ បន្ទាប់ពីគាត់បានទទួលប្រាក់កម្ចីពីធនាគារចំនួនមួយលានរីងហ្គីត ឬស្មើនឹង២៥៥ ៩៦០ដុល្លារអាមេរិក។ បុរសវ័យ៤០ឆ្នាំរូបនេះ បាននិយាយកាលពីថ្ងៃទី១២ ខែកុម្ភៈ ឆ្នាំ២០២៦ថា​ “រដ្ឋាភិបាលបាននិយាយថា យើងអាចខ្ចីប្រាក់សម្រាប់ផលិតកម្មស្បៀងអាហារ។ យើងគិតថា រដ្ឋាភិបាលកំពុងគាំទ្រការចិញ្ចឹមជ្រូក។ ឥឡូវនេះយើងនឹងលែងមានអាជ្ញាប័ណ្ណសម្រាប់ការចិញ្ចឹមជ្រូកទៀតហើយ។ ប្រសិនបើខ្ញុំមិនអាចសងប្រចាំខែចំនួន៣០ ០០០រីងហ្គីត ឬស្មើនឹង៧ ៦៩២ដុល្លារទេ ខ្ញុំអាចនឹងក្ស័យធនហើយ”។ បច្ចុប្បន្នកសិកររូបនេះ រស់នៅដោយពឹងផ្អែកលើមុខរបរដាំបន្លែបង្ការ បន្ទាប់ពីជំងឺប៉េស្តជ្រូកអាហ្វ្រិកដ៏កាចសាហាវបានបំផ្លាញមុខរបរចិញ្ចឹមជ្រូករបស់គាត់ និងបានបង្ខំឱ្យគាត់សម្លាប់ចោលជ្រូករបស់គាត់អស់ចំនួន១ ០០០ក្បាល […]

ហាណូយ ៖ ប្រទេសវៀតណាម នៅដើមឆ្នាំ២០២៦នេះ បានជាប់ចំណាត់ថ្នាក់លេខរៀងទី៤ នៅលើពិភពលោក សម្រាប់តម្រូវការសាច់ជ្រូកក្នុងចំណោមប្រជាជនវៀតណាម យកទៅធ្វើជាម្ហូបអាហារប្រចាំថ្ងៃ ដែលប្រជាជនវៀតណាមម្នាក់បរិភោគសាច់ជ្រូកកាន់តែច្រើនឡើងៗ ក្នុងរយៈពេលបីឆ្នាំជាប់ៗគ្នា។ យោងតាមសន្ទស្សន៍តម្លៃអ្នកប្រើប្រាស់របស់ប្រទេសវៀតណាម បានឱ្យដឹងថា តម្រូវការសាច់ជ្រូករបស់ពលរដ្ឋវៀតណាមបានកើនឡើងជាបន្តបន្ទាប់រៀងរាល់ឆ្នាំ ដែលជាមធ្យមក្នុងមនុស្សម្នាក់បរិភោគសាច់ជ្រូលរហូតដល់៣០គីឡូក្រាម ក្នុងឆ្នាំ២០២១ និងកើនដល់៣៧គីឡូក្រាម ក្នុងឆ្នាំ២០២៤ និងកើនដល់៣៩គីឡូក្រាម ក្នុងឆ្នាំ២០២៥។ ចំណែករបាយការណ៍ចេញថ្មីរបស់ក្រសួងឧស្សាហកម្ម និងពាណិជ្ជកម្មវៀតណាម បាន​ឱ្យដឹងថា បច្ចុប្បន្ន បរិមាណសាច់ជ្រូកនៅក្នុងប្រទេសវៀតណាមស្មើនឹង៦៣ភាគរយ ក្នុងចំណោមផលិតផលសាច់សត្វសរុប ដែលប្រជាជនវៀតណាមបរិភោគ។ ប្រការនេះ បានធ្វើឱ្យប្រទេសវៀតណាម ជាប់ចំណាត់ថ្នាក់លេខរៀងទី៤ នៅលើពិភពលោក និងនាំមុខគេក្នុងតំបន់អាស៊ីអាគ្នេយ៍ ខាងយកសាច់ជ្រូកធ្វើជាអាហារ។ បើតាមប្រភពដដែល នៅក្នុងអំឡុងពេលបុណ្យចូលឆ្នាំថ្មីប្រពៃណីវៀតណាម ត្រូវបានគេរំពឹងថា  តម្រូវការសាច់ជ្រូកបានកើនឡើងប្រហែលពី១០ ទៅ១៥ ភាគរយ។ ទាក់ទិននឹងបញ្ហានេះ ក្រសួងកសិកម្ម និងបរិស្ថានវៀតណាម បានឱ្យដឹងថា វិស័យចិញ្ចឹមសត្វនៅក្នុងប្រទេសវៀតណាម ក្នុងរយៈពេលប៉ុន្មានឆ្នាំកន្លងមកនេះ មានអត្រាកំណើនដ៏រឹងមាំ និងអាចផលិតសាច់សរុប៨,៦លានតោន ក្នុងនោះសាច់ជ្រូកមានចំនួន៥,៤លានតោន ដែលគ្រប់គ្រាន់សម្រាប់បំពេញតម្រូវការក្នុងអំឡុងពេលបុណ្យចូលឆ្នាំថ្មី។ លោក ផាម គឹមសាង (Pham Kim Dang) អនុប្រធាននាយកដ្ឋានបសុព្យាបាល […]

វ៉ាស៊ីនតោន៖ ប្រធានាធិបតីឥណ្ឌូណេស៊ី បានមកសហរដ្ឋអាម៉េរិក ដើម្បៅចូលរួមកិច្ចប្រជុំលើកដំបូងនៃ “ក្រុមប្រឹក្សាសន្តិភាព” ដែលដឹកនាំដោយប្រធានាធិបតីអាម៉េរិក ហើយរដ្ឋាភិបាលឥណ្ឌូណេស៊ី បាននិយាយថា ពួកគេបានបញ្ចប់កិច្ចព្រមព្រៀងដើម្បីកាត់បន្ថយពន្ធរបស់សហរដ្ឋអាម៉េរិកមពី៣២ភាគរយ មកនៅត្រឹម១៩ភាគរយ។ មន្ត្រីសេតវិមានបាននិយាយកាលពីថ្ងៃព្រហស្បតិ៍ថា ប្រទេសឥណ្ឌូណេស៊ីនឹងកាត់បន្ថយរបាំងពាណិជ្ជកម្មលើការនាំចូលរបស់សហរដ្ឋអាម៉េរិកជាង៩៩ភាគរយ និងជួយសម្រួលដល់ការទិញទំនិញអាម៉េរិកជាង៣០ពាន់លានដុល្លារ។ រដ្ឋាភិបាលក្រុងទីក្រុងវ៉ាស៊ីនតោនបាននិយាយថា ខ្លួនបានលើកលែងពន្ធលើទំនិញឥណ្ឌូណេស៊ីមួយចំនួន រួមទាំងសម្លៀកបំពាក់ និងគ្រឿងវាយនភ័ណ្ឌផលិតពីកប្បាស និងធ្វើពីវត្ថុធាតុដើមផ្សេងទៀត។ លោក ជេមីសុន ហ្គ្រា (Jamieson Greer) តំណាងពាណិជ្ជករអាម៉េរិក បាននិយាយថា កិច្ចព្រមព្រៀងនេះនឹងបំបែករបាំងពាណិជ្ជកម្ម ហើយជួយលើកកម្ពស់ផលប្រយោជន៍របស់ប្រជាជនអាម៉េរិក។ កិច្ចព្រមព្រៀងនេះបានកើតឡើងក្នុងអំឡុងពេលដំណើរទស្សនកិច្ចមកកាន់ទីក្រុងវ៉ាស៊ីនតោន ដោយប្រធានាធិបតីឥណ្ឌូណេស៊ី លោក ប្រាបូវ៉ូ ស៊ូប៊ីយ៉ានតូ (Prabowo Subianto) ដើម្បីចូលរួមកិច្ចប្រជុំលើកដំបូងនៃក្រុមប្រឹក្សាសន្តិភាព (Board of Peace) ដែលផកតួចផកតើមដឹកនាំដោយប្រធានាធិបតីអាម៉េរិក លោក ដូណាល់ ត្រាំ (Donald Trum) ដើម្បីពិភាក្សាអំពីការកសាងឡើងវិញនូវតំបន់ហ្គាហ្សា។ រដ្ឋមន្ត្រីសម្របសម្រួលកិច្ចការសេដ្ឋកិច្ចរបស់ឥណ្ឌូណេស៊ី លោក អ៊ាឡាងហ្គា ហាតាតូ (Airlangga Hartarto) បានលើកឡើងថា កិច្ចព្រមព្រៀងនេះ គឺមានអត្ថប្រយោជន៍ទាំងសងខាង ហើយនឹងទាក់ទាញការវិនិយោគកាន់តែច្រើននៅក្នុងប្រទេសឥណ្ឌូណេស៊ី។ […]

ហូជីមិញ៖ សេចក្តីជូនដំណឹងអំពីភូតគាមអនាម័យ និងភូតគាមអនាម័យ នៃក្រសួងកសិកម្ម និងបរិស្ថានវៀតណាម បានឱ្យដឹងថា អគ្គរដ្ឋបាលគយចិន បានដាក់ចេញនូវបទប្បញ្ញត្តិថ្មី ស្តីពីការគ្រប់គ្រងប្រកាសសម្រាប់សហគ្រាសបរទេស ដែលនាំចេញផលិតផលកសិកម្មទៅកាន់ទីផ្សារប្រទេសចិន។ សារព័ត៌មានវៀតណាម បានចេញផ្សាយថា ដូច្នោះហើយ ផលិតផលចំនួន២ ៥៨៩មុខ ដែលស្ថិតក្នុងផលិតផលចំនួន២០ក្រុម ត្រូវតែចុះបញ្ជី និងមានលិខិតបញ្ជាក់ពីអាជ្ញាធរមានសមត្ថកិច្ច នៅពេលនាំចេញទៅកាន់ទីផ្សារប្រទេសចិន។ ក្នុងនោះរួមមាន ផលិតផលជលផល ផ្លែឈើស្រស់ បន្លែស្រស់ គ្រឿងទេស ឱសថបុរាណ កាហ្វេ គ្រាប់ដំណាប់ គ្រាប់ពូជ គ្រាប់ធញ្ញជាតិ ស្លឹកថ្នាំជក់ ចំណីសត្វ និងផលិតផល ដែលមានដើមកំណើតពីសត្វ។ បញ្ជីនេះត្រូវបានបង្កើតឡើងដោយផ្អែកលើការវាយតម្លៃហានិភ័យនៃការធ្វើចត្តាឡីស័កលើផលិតផលកសិកម្មនាំចូល និងស្របតាមការអនុវត្តជាអន្តរជាតិ។ អាជ្ញាធរគយរបស់ប្រទេសចិនឥឡូវនេះ តម្រូវឱ្យមានការចុះបញ្ជីផលិតផលកសិកម្មជិត២៦០០មុខ ពីសហគ្រាសបរទេស ដែលជាវិធានការមួយក្នុងគោលបំណងពង្រឹងតម្លាភាព និងតាមដានការនាំចូលទៅកាន់ទីផ្សាររបស់ខ្លួន។ យោងតាមលោក ថ៉ោ សួនណាម (Ngo Xuan Nam) អនុប្រធានការិយាល័យ ភូតគាមអនាម័យ និងភូតគាមអនាម័យវៀតណាម បានឱ្យដឹងថា សម្រាប់ផលិតផលកសិកម្ម ដែលមានឈ្មោះក្នុងបញ្ជីជាប់កាតព្វកិច្ច ដូច្នេះអាជីវកម្មនាំចេញទៅកាន់ប្រទេសចិនត្រូវតែប្រកាសលេខចុះបញ្ជីនៅប្រទេសចិនឱ្យបានពេញលេញ និងត្រឹមត្រូវ ឬលេខចុះបញ្ជីរបស់សហគ្រាសបរទេសនៅលើទម្រង់ប្រកាសគយនៅប្រទេសចិន។ […]