ជាតិ
News & ជាតិ & ព័ត៌មានថ្មីៗ
កម្ពុជានាំចេញផ្លែឈើពីរមុខ មានបរិមាណជាង៧៦០តោន ឆ្លងកាត់ឡាវឆ្ពោះទៅទីផ្សារប្រទេសចិន
ដោយ ឡុង សារេត ភ្នំពេញ៖ កម្ពុជាបាននាំចេញផ្លែឈើចំនួន២ប្រភេទ មានផ្លែទុរេន និងផ្លែមៀនឆ្លងកាត់ប្រទេសឡាវ ឆ្ពោះទៅទីផ្សារប្រទេសចិនប្រមាណ៧៦៣តោន។នេបើយោងតាមរបាយការណ៍ដែលផ្តល់ដោយក្រសួងពាណិជ្ជកម្ម។ សូមជម្រាបជូនផងដែរថា កាលពីថ្ងៃទី២២ខែមិថុនាឆ្នាំ២០២៦កន្លងមកនេះ កម្ពុជា ឡាវបានរៀបំពិធីសម្ពោធជាផ្លូវការនៃការដឹកជញ្ជូនកសិផលឆ្លងកាត់ (Transit) ពីកម្ពុជា ទៅកាន់ទីផ្សារប្រទេសចិន ដោយឆ្លងកាត់ប្រទេសឡាវ។ បើតាមរបាយការណ៍ ក្នុងបរិមាណផ្លែឈើសរុបជាង៧៦៣តោនក្នុងនោះផ្លែទុរេនមានចំនួន៦៣៦តោន និងផ្លែមៀនមានចំនួន១២៧តោន តាមរយៈក្រុមហ៊ុននាំចេញចំនួន៤ គិតជាទឹកប្រាក់ប្រមាណ២,២លានដុល្លារ។ ទាក់ទងនិងការនាំចេញផ្លែទុរេនទៅទីផ្សារប្រទេសចិននេះដែរ តំណាងសមាគមទុរេនកម្ពុជាមើលឃើថាបរិមាណផ្លែទុរេនដែលបានដឹកជញ្ជូនឆ្លងកាត់ប្រទេសឡាវ ឆ្ពោះទៅទីផ្សារចិននេះជាចំនួនមួយតិចតួចប៉ុណ្ណោះ។ ប៉ុន្តែពេលនៅពេលការនាំចេញកសិផលសក្តានុពលរបស់កម្ពុជានឹងកើនឡើងច្រើនថែមទៀត តាមរយៈការដឹកជញ្ជូនប្រើពេលវេលាខ្លីនិងថ្លៃដឹកជញ្ជូនមានតម្លៃសមរម្យ។ លោក រឿន រតនា លេខាប្រតិបត្តិនៃសមាគមទុរេនកម្ពុជាមានប្រសាសន៍ “តាមទស្សនៈរបស់ខ្ញុំ បរិមាណទុរេននាំចេញបានជាង៦៣៦តោននេះ មិនទាន់គ្រប់និងតម្រូវការរបស់ទីផ្សារប្រទេសចិនទេ។ ព្រោះនៅឆ្នាំនេះគេមានគម្រោងបញ្ជាទិញរហូតដល់១ ០០០ទូកុងតឺន័រ។ ដូចនេះវាមិនទាន់គ្រប់ទៅនិងតម្រូវការរបស់គេនៅឡើយ។ ក្នុងនាមសមាគមទុរេនកម្ពុជា លើកទឹកដល់កសិករត្រូវពង្រឹងនូវគុណភាព រួមនិងបច្ចេកទេសប្រើប្រាស់ថ្នាំ ជីគីមី ដើម្បីកុំឱ្យមានការរឹតបណ្តឹងដូចទៅនិងប្រទេសជិតខាង”។ លោក រឿន រតន បន្តទៀតថានៅពេលខាងមុខការនាំចេញផ្លែទុរេនរួមនិងកសិផលសក្តានុពេលផ្សេងទៀតរបស់កម្ពុជាដឹកជញ្ជូនឆ្លងកាត់ប្រទេសប្រទេសឆ្ពោះទៅទីផ្សារប្រទេសចិននាពេលខាងមុខវានឹងមានការកើនឡើងច្រើនដោយសាររយៈចំម្ងាយនៃការដឹកជញ្ជូនប្រើពេលខ្លី និងចំណាយផ្សេងៗមិនច្រើនដូចនាំចេញតាមវៀតណាម។ ស្រដៀងគ្នានេះដែរ, អ្នកឧកញ៉ាបណ្ឌិត សួរ វីរៈ នាយកប្រតិបត្តិនិងជាប្រធានក្រុមប្រឹក្សាភិបាលនៃក្រុមហ៊ុន វីរៈ ប៊ុនថាំ អេចប្រេសបានឱ្យដឹងថា តាមការសង្កេតជាក់ស្តែងចំពោះការនាំចេញផ្លែទុរេននឹងកើនឡើងខ្ពស់ព្រោះសន្ទុះនៃការគាំទ្រគុណភាពទុរេនខ្មែរនៅលើទីផ្សារប្រទេសចិន។ […]
News & ជាតិ & ព័ត៌មានថ្មីៗ
កសិផលកម្ពុជាជាង១ ០០០តោន នាំចេញទៅទីផ្សារចិនកាត់តាមឡាវ
ដោយ ឡុង សារេត ភ្នំពេញ៖ កសិផលរបស់កម្ពុជា ប្រមាណ៦០កុងតឺន័រ ឬស្មើប្រមាណជាង១ ០០០តោន ត្រូវបានដឹកជញ្ជូនដោយក្រុមហ៊ុន វីរៈ ប៊ុនថាំ ទៅកាន់ទីផ្សារប្រទេសចិន គិតចាប់តាំងពីថ្ងៃទី២២ ខែមិថុនា កន្លងមក។ ការដឹកជញ្ជូនកសិផលរបស់កម្ពុជាទៅកាន់ទីផ្សារចិនតាមផ្លូវគោកនេះអាចធ្វើឡើងទៅបានបន្ទាប់ពីកម្ពុជា-ឡាវ ប្រកាសទទួលស្គាល់ជាផ្លូវការនៃការដឹកជញ្ជូនកសិផលឆ្លងកាត់ពីកម្ពុជាទៅកាន់ទីផ្សារប្រទេសចិន។ ក្រុមហ៊ុន វីរៈ ប៊ុនថា រំពឹងថា ការដឹកជញ្ជូនកសិផលរបស់កម្ពុជាឆ្លងកាត់ប្រទេសឡាវទៅកាន់ប្រទេសចិននឹងកើនឡើងថែមទៀតនៅរដូវកាលប្រមូលផលខាងមុខ។ អ្នកឧកញ៉ា សួរ វីរៈ នាយកប្រតិបត្តិក្រុមហ៊ុន វីរៈ ប៊ុនថាំ អេចប្រេសបានឱ្យដឹងថា តាំងពីមានអនុស្សរណៈយោគយល់គ្នារវាងក្រសួងកសិកម្មកម្ពុជា ជាមួយប្រទេសឡាវ រួចមក គឺក្រុមហ៊ុន វីរៈ ប៊ុនថាំ បានដឹកជញ្ជូនកសិផលឆ្លងកាត់បានប្រមាណ៦០កុងតឺន័រ ឬស្មើប្រមាណជាង១ ០០០តោនរួចហើយ។ បើយោងតាមនាយកប្រតិបត្តិ និងជាប្រធានក្រុមប្រឹក្សាភិបាលនៃក្រុមហ៊ុន វីរៈ ប៊ុនថាំ បានឱឱ្យដឹងថា កសិផលដែលក្រុមហ៊ុនបានដឹកជញ្ជូនឆ្លងកាត់ប្រទេសឡាវទៅទីផ្សារប្រទេសចិនក្នុងរយៈពេលប្រហែល៣ខែកន្លងមកនេះមានដូចជាទុរេន ស្វាយ មៀនប៉ៃលិន និងអង្ករ ដោយចំណាយពេលវេលាពី៦ទៅ៧ថ្ងៃ។ អ្នកឧកញ៉ាបណ្ឌិត សួរ វីរៈ មានប្រសាសន៍ថា “ក្នុងរយៈពេលប្រហែល៣ខែយើង បានដឹកជញ្ជូនកសិផលឆ្លងកាត់ឡាវទៅប្រទេសចិនបាន៦០កុងតឺន័រនេះ។ តែអ្វីដែលយើងរំពឹងនៅរដូវកាលក្រោយនេះ […]
News & ជាតិ & ព័ត៌មានថ្មីៗ
ស្រូវ៣ម៉ឺនហិកតារងផលប៉ះពាល់ ខូចទាំងស្រុង១៥៦ហិកតា នៅកំពង់ស្ពឺ ខណៈប្រភពទឹកសង្គ្រោះមានតិច
ដោយ ហៃ ស៊ីណា កំពង់ស្ពឺ៖ ដំណាំស្រូវជាង៣ម៉ឺនហិកតា ក្រុងស្រុកចំនួន៧ នៃខេត្តកំពង់ស្ពឺ កំពុងរងផលប៉ះពាល់ដោយគ្រោះរាំងស្ងួត បណ្ដាលមកពីខ្វះប្រភពទឺក ហើយភ្លៀងធ្លាក់នៅមានតិចតួចនៅឡើយ។ ក្នុងនោះស្រូវដែលខូចទាំងស្រុងលែងអាចសង្គ្រោះបាន គឺមាន១៥៦ហិកតា ខណៈពេលភាពរាំងស្ងួតកំពុងតែប៉ះពាល់មកលើស្រុកចំនួន៧ក្នុងចំណោមស្រុកទាំង៩ របស់ខេត្តកំពង់ស្ពឺ។ ខេត្តកំពង់ស្ពឺមានផែនការបង្កបង្កើនផលស្រូវរដូវវស្សា ឆ្នាំ២០២៦ លើផ្ទៃដីចំនួនជាង១២ម៉ឺនហិកតា ដោយរំពឹងទទួលទិន្នផលបានជាង៤០ម៉ឺនតោន។ លោក យឹម ណន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ស្ពឺ បានបញ្ជាក់នៅថ្ងៃទី៣១ ខែសីហា ឆ្នាំ២០២៦នេះថា ស្ថានភាពរាំងស្ងួតនៅខេត្តកំពង់ស្ពឺ អូសបន្លាយពេលយូរធ្វើឲ្យប៉ះពាល់ដំណាំស្រូវរបស់ប្រជាកសិករ ហើយប្រភពទឹកនៅក្នុងខេត្តនេះមានតិចតួចសម្រាប់ជួយសង្រ្គោះ។ ទោះជាយ៉ាងណា នៅចុងខែសីហានេះ មានភ្លៀងខ្សោយស្ទើរគ្រប់ឃុំ សង្កាត់ និងស្រុក ដែលបានប្រែស្ថានភាពស្រូវពីស្វិតមកខៀវខ្លះៗ ប៉ុន្តែមិនទាន់មានទឹកក្នុងស្រែនៅឡើយទេ។ ស្រុកដែលស្ថិតក្នុងក្ដីបារម្ភខ្លាំងជាងគេ មានចំនួនបី នៅប៉ែកខាងជើងខេត្ត គឺទី១ ស្រុកថ្ពង ទី២ស្រុកសាមគ្គីមុនីជ័យ និងទី៣ នៅក្រុងឧដុង្គម៉ែជ័យ ដែលមិនទាន់ទទួលបានទឹកភ្លៀងនៅឡើយទេ។ អាជ្ញាធរខេត្តបញ្ជាក់ថា កូនរដូវប្រាំងបានបន្តអូសបន្លាយ និងកំពុងបង្កផលប៉ះពាល់ទៅដល់ដំណាំស្រូវកសិករយើង ហើយមន្រ្តីយើង និងមន្ទីរធនធានទឹក កំពុងមមាញឹកក្នុងការជួយអន្តរាគមន៍នាំទឹកទៅជួយសង្គ្រោះស្រូវកសិករ។ ដំណាំស្រូវពលរដ្ឋនៅក្នុងស្រុក ក្រុង […]
News & ជាតិ & ព័ត៌មានថ្មីៗ
ក្រុមហ៊ុន អេមរូរ៉ាយស៍ ប្រមូលទិញស្រូវពីកសិករនៅខេត្តកំពង់ធំ ប្រមាណ៤ ០០០តោន តាមកិច្ចសន្យាកសិកម្ម
កំពង់ធំ៖ ក្រុមហ៊ុន អេមរូរ៉ាយស៍ ដែលជាក្រុមហ៊ុននាំចេញអង្ករដ៏ធំមួយនៅកម្ពុជាចាប់ផ្តើមប្រមូលទិញស្រូវពីកសិករនៅខេត្តកំពង់ធំពីថ្ងៃទី២៩ដល់ថ្ងៃទី៣០ខែសីហាឆ្នាំ២០២៦នេះ ក្នុងបរិមាណប្រមាណ៤,០០០តោន តាមកិច្ចសន្យាកសិកម្មផលិតកម្មកសិកម្ម។ ក្រៅពីហ៊ុន អេមរូរ៉ាយស៍ នៅមានរោងម៉ាស៊ីនកិនស្រូវជាច្រើនទៀតកំពុងតែធ្វើសកម្មភាពចុះទិញស្រូវផ្ទាល់ពីកសិករនៅតាមបណ្តាខេត្ត តាមការអំពាវនាវរបស់សហព័ន្ធអង្ករកម្ពុជានិងក្រសួងកសិកម្មរុក្ខាប្រមាញ់និងនេសាទ។ ឧកញ៉ា សុង សារ៉ន អគ្គនាយកក្រុមហ៊ុន អេមរូរ៉ាយស៍បានមានប្រសាសន៍ថា នៅសប្តាហ៍ក្រោយទៀតក្រុមហ៊ុនលោកនឹងត្រៀមទិញស្រូវប្រមាណ ៨,០០០តោនទៀត តាមកិច្ចសន្យាផលិតកម្មកសិកម្ម ដើម្បីចូលឡសម្ងួតសម្រាប់កិនជាអង្ករខ្មែរដែលមានគុណភាពសម្រាប់ទីផ្សារ។ឧកញ៉ា សុង សារ៉ន បានឲ្យដឹងថា នៅកំពង់ធំ អេមរូរ៉ាយស៍ កំពុងមមាញឹក ក្នុងការទិញស្រូវពីកសិករពីតំបន់មួយចំនួនក្នុងខេត្ត ហើយការទិញពីវាលស្រែទៅរោងចក្រ ដើម្បីកិនជាអង្ករសម្រាប់លក់លើទីផ្សារដែលគ្រប់ជំហានគឺ ជាការខិតខំរួមគ្នារបស់កសិករ និងក្រុមហ៊ុន មិនមែនជាហេតុផលដែលយើងត្រូវទុកកសិករចោលនោះទេ។ឧកញ៉ា សុង សារ៉ន បានបញ្ចាក់ថា យើងបានឈានជើងទៅដល់ទីនោះ ដោយបង្កើត ឡសម្ងួត ឃ្លាំងស្រូវ និងម៉ាស៊ីនកិន ដើម្បីឱ្យកសិករនៅតំបន់ដាច់ស្រយាល អាចមានទីតាំងប្រមូលទិញ និងកែច្នៃនៅជិតពួកគាត់ផងដែរ។ ប្រធានសហព័ន្ធស្រូវអង្ករកម្ពុជាបានអំពាវនាវដល់សមាជិករបស់សហ័ន្ធស្រូវអង្ករកម្ពុជាដែលជាម្ចាស់រោងម៉ាស៊ីនកិនស្រូវក្នុងស្រុក ចូលរួមជួយប្រមូលទិញស្រូវពីប្រជាកសិករនៅរដូវច្រូតកាត់នាខែសីហានេះឲ្យអស់លទ្ធភាពនិងមានតម្លៃល្អលើទីផ្សារ ដើម្បីរក្សាស្ថេរភាពថ្លៃ។ ការអំពាវនាវរបស់ប្រធានសហព័ន្ធស្រូវអង្ករកម្ពុជាដូច្នោះ ខណៈពេលនៅចុងខែសីហាឆ្នាំ២០២៦នេះ តម្លៃស្រូវមិនប្រកាន់រដូវមានដូចជា ស្រូវសែនក្រអូប ស្រូវស្រងែ និងស្រូវ OM 5451 បានធ្លាក់ចុះតម្លៃ គិតត្រឹមថ្ងៃទី២៦ […]
News & ជាតិ & ព័ត៌មានថ្មីៗ
ភ្នំពេញមានសហគ្រាសជាង៦ ៨០០ និងផ្តល់ការងារដល់ពលរដ្ឋ១២ម៉ឺននាក់
ដោយ ឡុង សារេត ភ្នំពេញ៖ ស្របពេលសហគ្រាសក្នុងស្រុកក្លាយជាចលករសំខាន់ក្នុងការជំរុញដល់កំណើនសេដ្ឋកិច្ច នៅក្រុងភ្នំពេញមានសហគ្រាសធុនមីក្រូ តូច និងមធ្យម ប្រមាណ៦ ៨០០មូលដ្ឋាន និងបានផ្តល់ការងារដល់ពលរដ្ឋប្រមាណ១២ម៉ឺននាក់ ខណៈពេលសហគ្រាសនៅទូទាំងប្រទេស មានប្រមាណ៧៥ម៉ឺនកន្លែង។ លោកជំទាវ តិមា វិច្ឆិកាល អភិបាលរងនៃគណៈអភិបាលរាជធានីភ្នំពេញ បានឱ្យដឹងកាលថ្មីៗនេះថា រដ្ឋបាលរាជធានីភ្នំពេញ បាននិងកំពុងបន្តផ្តល់សេវាចុះបញ្ជីពិនិត្យគុណភាពទំនិញ ស្វែងរកទីផ្សារ សម្របសម្រួល និងការលើកលែងលិខិតមួយចំនួនឱ្យម្ចាស់អាជីវកម្ម មានភាពងាយស្រួល និងត្រៀមបង្កើតសេវាចុះបញ្ជីនៅកន្លែងតែមួយជូនម្ចាស់សហគ្រាសក្នុងស្រុក។ លោកជំទាវបានមានប្រសាសន៍ថា “សម្រាប់រាជធានីភ្នំពេញ បើគិតត្រឹមឆមាសទី១ ឆ្នាំ២០២៦នេះ យើងមានសហគ្រាសធុនមីក្រូ តូច និងមធ្យមចំនួន៦ ៨១៦មូលដ្ឋាន ហើយកំម្លាំងពលកម្ម ដែលបម្រើដល់មូលដ្ឋានមានប្រហែល១២ម៉ឺននាក់ ហើយថ្លៃសរុបមានប្រមាណ៥៤ម៉ឺនដុល្លារ។ តែបើយើងមើលទៅការជំរឿនសេដ្ឋកិច្ច កាលឆ្នាំ២០២២ទំហំប្រាក់ចំណូល ដែលបានមកពីសហគ្រាសមីក្រូ តូច និងមធ្យម សម្រាប់រាជធានីភ្នំពេញ មានប្រមាណពីរម៉ឺនដុល្លារដុល្លារ។ អ៊ីចឹងច្រើន បើយើងប្រៀបធៀប ពីឆ្នាំ២០២២មកដល់សព្វថ្ងៃនេះ ខ្ញុំគិតថា វាមានសន្ទុះកើនឡើង”។ លោកជំទាវបានបន្តទៀថា បើយោងតាមជំរឿនសេដ្ឋកិច្ច កាលពីឆ្នាំ២០២២ មូលដ្ឋានសេដ្ឋកិច្ចនៅក្នុងព្រះរាជាណាចក្រកម្ពុជា មានប្រមាណ៧៥ម៉ឺនមូលដ្ឋាន។ បើប្រៀបធៀបឆ្នាំ២០២២ និងឆ្នាំ២០១១ […]
News & ជាតិ & ព័ត៌មានថ្មីៗ
ឯកឧត្តមបណ្ឌិត កៅ ថាច និងលោកជំទាវ សួរ សុខគីម អញ្ជើញប្រគេនទៀនព្រះវស្សា ទេយ្យទាន និងបច្ច័យ ដល់ព្រះសង្ឃគង់ចាំព្រះវស្សា ក្នុងវត្តបទុមវត្តី រាជធានីភ្នំពេញ
ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងលោកជំទាវ សួរ សុខគីម នាព្រឹកថ្ងៃទី២៩ ខែសីហា ឆ្នាំ២០២៦នេះ បានអញ្ជើញនាំយកទៀនព្រះវស្សា សម្ភារៈជាទេយ្យទាន និងបច្ច័យទៅប្រគេនព្រះសង្ឃគង់ចាំព្រះវស្សា នៅក្នុងវត្តបទុមវត្តី ក្នុងខណ្ឌដូនពេញ រាជធានីភ្នំពេញ។ នៅក្នុងឱកាសប្រគេនទៀនព្រះវស្សា សម្ភារៈជាទេយ្យទាន និងបច្ច័យខាងលើនេះ ក៏មានការអញ្ជើញចូលរួមពីឯកឧត្តម ចាន់ សីហា អគ្គនាយករងធនាគារ ARDB ព្រមទាំងថ្នាក់ដឹកនាំ បុគ្គលិកធនាគារជាច្រើនរូបទៀត។ ក្រៅពីប្រគេនទៀនព្រះវស្សានាព្រឹកនេះ ឧត្តមបណ្ឌិត កៅ ថាច និងលោកជំទាវ សួរ សុខគីម ក៏មានសទ្ទាជ្រះថ្លាប្រគេនព្រះសង្ឃ រួមមាន ទឹកបរិសុទ្ធ ទឹកក្រូច, ទឹកផ្លែឈើ, អង្ករ២តោន ព្រមទាំងបច្ច័យប្រគេនព្រះសង្ឃ និងតម្កល់ទុកសម្រាប់កសាងសមិទ្ធផលនានាក្នុងវត្តសរុបចំនួន២៦លានរៀន។ សូមរំឭកថា ឯកឧត្តមបណ្ឌិតប្រតិភូ និងលោកជំទាវ តែងតែអញ្ជើញនាំយកសម្ភារៈជាទេយ្យទាន និងបច្ច័យទៅប្រគេនព្រះសង្ឃគង់ចាំព្រះវស្សា និងក្នុងរដូវភ្ពុំបិណ្ឌ នៅវត្តបទុមវត្តី រាជធានីភ្នំពេញជាហូរហែ ដើម្បីឧទ្ទិសកុសលផលបុណ្យដល់ដួងវិញ្ញាណក្ខន្ធបុព្វការីជន និងវីរកងទ័ព វីរនគរបាលជាតិ […]
News & ជាតិ & ព័ត៌មានថ្មីៗ
តំណាងធនាគារអភិវឌ្ឍន៍ជនបទ និងកសិកម្ម ចូលរួមជាវាគ្មិនក្នុងវេទិកាថ្នាក់ជាតិ ស្ដីពី “សុវត្ថិភាពចំណីអាហារសម្រាប់ផលិតផលសហគមន៍កសិកម្ម ដើម្បីទទួលបានលទ្ធភាពចូលទៅកាន់ទីផ្សារ”
ភ្នំពេញ៖ ដោយមានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) លោក សួរ សុខចំរើន អនុប្រធាននាយកដ្ឋានឥណទាននៃធនាគារARDB បានចូលរួមជាវាគ្មិនក្នុងវេទិកាថ្នាក់ជាតិស្ដីពី “សុវត្ថិភាពចំណីអាហារសម្រាប់ផលិតផលសហគមន៍កសិកម្ម ដើម្បីទទួលបានលទ្ធភាពចូលទៅកាន់ទីផ្សារ” ក្រោមអធិបតីភាពលោក ប្រាក់ ជាតិថូ អគ្គនាយករងនៃអគ្គនាយកដ្ឋានក្សេត្រសាស្រ្តនៃក្រសួងកសិកម្ម រុក្ខាប្រមាញ់ និងនេសាទ។ ក្នុងពិធីក៏មានការអញ្ជើញចូលរួមពីលោកជំទាវបណ្ឌិត ឆាយគីម សុទ្ធាវី ប្រធាននាយកដ្ឋានសុខភាពសិក្សា នៃក្រសួងអប់រំ យុវជន និងកីឡា, លោក វង់ តុន មន្រ្តីគម្រោងអភិបាលកិច្ចសហភាពអឺរ៉ុប ប្រចាំកម្ពុជា និងលោក មិន សោភ័ន តំណាងប្រចាំប្រទេសអង្គការអ្នកក្សេត្រសាស្ត្រ និងពេទ្យសត្វគ្មានព្រំដែន ((Agronomes et Vétérinaires Sans Frontières – AVSF) សរុបមានអ្នកចូលរួមចំនួន៧៩នាក់ ដែលអញ្ជើញមកពីថ្នាក់ដឹកនាំក្រសួង ស្ថាប័នពាក់ព័ន្ធ វិស័យឯកជន ដៃគូអភិវឌ្ឍន៍ និងសហគមន៍កសិកម្មក្នុងតំបន់គោលដៅរបស់គម្រោង ”សហគមន៍ឆ្នើម” ដែលប្រព្រឹត្តទៅថ្ងៃទី២៧ ខែសីហា ឆ្នាំ២០២៦ នៅរាជធានីភ្នំពេញ។ […]
News & ជាតិ & ព័ត៌មានថ្មីៗ
ធនាគារអភិវឌ្ឍន៍ជនបទ និងកសិកម្ម ពិធីចុះអនុស្សរណៈនៃការយោគយល់គ្នា ជាមួយក្លិបអ្នកកាសែតកម្ពុជា ដើម្បីពង្រឹងកិច្ចសហប្រតិបត្តិការលើវិស័យកសិកម្ម
ដោយ ហៃ ស៊ីណា ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB)នៅថ្ងៃទី២៨ ខែសីហា ឆ្នាំ២០២៦នេះ បានអញ្ជើញជាអធិបតីភាព ក្នុងពិធីចុះអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការរវាងធនាគារអភិវឌ្ឍន៍ជនបទ និងកសិកម្ម និងក្លិបអ្នកកាសែតកម្ពុជា ដឹកនាំដោយលោក ពុយ គា ប្រធានក្លិបអ្នកកាសែតកម្ពុជា។ នៅក្នុងពិធីចុះអនុស្សរណៈនៃការយោគយល់គ្នានោះ គឺឯកឧត្តម ចាន់ ស៊ីហា អគ្គនាយករងធនាគារ ARDB ធ្វើជាតំណាងធនាគារ និងលោក លាង ដឺលុច នាយកប្រតិបត្តិក្លិបអ្នកកាសែតកម្ពុជា ជាអ្នកចុះហត្ថលេខាផ្ទាល់ ហើយពិធីនឹះ ក៏មានការចូលរួមផងដែរពីថ្នាក់ដឹកនាំធនាគារ និងសមាជិកក្លិបអ្នកកាសែតកម្ពុជា ព្រមទាំងបងប្អូនអ្នកសារព័ត៌មានមកពីអង្គភាពមួយចំនួន។ ឯកឧត្តមបណ្ឌិត កៅ ថាច បានមានប្រសាន៍ចាត់ទុកថា កិច្ចសហប្រតិបត្តិការនេះនឹងមិនត្រឹមតែជួយបង្កើនការផ្សព្វផ្សាយអំពីវិស័យកសិកម្ម ការកែច្នៃកសិផល និងវិស័យបៃតង ប៉ុណ្ណោះទេ ប៉ុន្តែនឹងជួយបង្កើតបរិយាកាសមួយដែលព័ត៌មាន ចំណេះដឹង ហិរញ្ញវត្ថុ និងទីផ្សារអាចតភ្ជាប់គ្នាកាន់តែប្រសើរ។ ឯកឧត្តមបណ្ឌិតប្រតិភូបានសម្តែងនូវសុទិដ្ឋិនិយមថា កិច្ចសហប្រតិបត្តិការរវាងធនាគារអភិវឌ្ឍន៍ជនបទ និងកសិកម្ម និងក្លិបអ្នកកាសែតកម្ពុជា មានតម្លៃជាងការផ្សព្វផ្សាយអំពីស្ថាប័ន ពោលនេះជាកិច្ចសហប្រតិបត្តិការ […]
News & ជាតិ & ព័ត៌មានថ្មីៗ
ក្រុមហ៊ុនជប៉ុនគ្រោងដំឡើងរោងចក្រចម្រាញ់ប្រេងពីសំបកស្វាយចន្ទី នៅចុងឆ្នាំ២០២៦
ដោយ នៅ ស៊ីវុត្ថា កំពង់ធំ៖ ក្រុមហ៊ុនមួយរបស់ប្រទេសជប៉ុនគ្រោងនឹងដំឡើងរោងចក្រសាកល្បងចម្រាញ់ប្រេងសំបកគ្រាប់ស្វាយចន្ទី និងកែច្នៃកាកសំណល់សំបកគ្រាប់ស្វាយចន្ទី ដែលនៅសេសសល់ឱ្យទៅជាប្រេងឥន្ធនៈ នៅក្នុងខេត្តកំពង់ធំ នាចុងឆ្នាំ២០២៦នេះ។ លោក អួន ស៊ីឡុត ប្រធានសមាគមស្វាយចន្ទីកម្ពុជា បានប្រាប់ទូរទស្សន៍អនឡាញ ARDB TV នៅថ្ងៃទី២៧ ខែសីហា ឆ្នាំ២០២៦ថា ការដំឡើងរោងចក្រសាកល្បងចម្រាញ់ប្រេងចេញពីសំបកគ្រាប់ស្វាយចន្ទីនេះ គឺជាគម្រោងទី២ នៅក្នុងខេត្តកំពង់ធំ បន្ទាប់ពីរោងចក្រខ្នាតមធ្យមមួយវិនិយោគដោយក្រុមហ៊ុនចិន ដែលកំពុងដំឡើង ប៉ុន្តែមិនទាន់ដាក់ឱ្យដំណើរការនៅឡើយទេ។ លោកសង្កត់ធ្ងន់ថា រោងចក្រសាកល្បងចម្រាញ់ប្រេងសំបកគ្រាប់ស្វាយចន្ទីនេះនឹងត្រូវដាក់ឱ្យដំណើរការនៅក្នុងរោងចក្រកែច្នៃគ្រាប់ស្វាយចន្ទី មីរ៉ាត (Mirarth) ដែលជាក្រុមហ៊ុនជប៉ុនដូចគ្នា។ លោកបានបន្ថែមថា ប្រសិនបើការសាកល្បងទទួលបានជោគជ័យ គម្រោងនេះនឹងបើកផ្លូវសម្រាប់ការប្រមូលទុនវិនិយោគបន្ថែម និងការប្រើប្រាស់បច្ចេកវិទ្យានេះក្នុងឧស្សាហកម្មស្វាយចន្ទីកម្ពុជា។ ទោះជាយ៉ាងណា លោកក៏បានសម្តែងក្តីបារម្ភខ្លះៗចំពោះបរិមាណសំបកស្វាយចន្ទី ដែលអាចនឹងប្រមូលបានតិចតួច មិនគ្រប់គ្រាន់សម្រាប់ការកែច្នៃ។ ទាក់ទិននឹងគម្រោងនេះ នៅក្នុងជំនួបពិភាក្សាការងារជាមួយ លោក អួន ស៊ីឡុត នាថ្ងៃទី២៦ ខែសីហា ឆ្នាំ២០២៦ លោកបណ្ឌិត កាហ្សូអូ អូកាម៉ូរ៉ា (Kazuo Okamura) តំណាងមជ្ឈមណ្ឌលសហប្រតិបត្តិការជប៉ុនសម្រាប់ប្រេង និងថាមពលប្រកបដោយចីរភាព (Japan Cooperation […]
News & ជាតិ & ព័ត៌មានថ្មីៗ
សហព័ន្ធស្រូវអង្ករកម្ពុជាអំពាវនាវដល់រោងម៉ាស៊ីនកិនស្រូវ ឱ្យជួយទិញស្រូវកសិករឲ្យអស់លទ្ធភាព និងមានតម្លៃល្អ
ដោយ ហៃ ស៊ីណា ភ្នំពេញ៖ ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជាបានអំពាវនាវដល់សមាជិករបស់សហ័ន្ធស្រូវអង្ករកម្ពុជាដែលជាម្ចាស់រោងម៉ាស៊ីនកិនស្រូវក្នុងស្រុក ចូលរួមជួយប្រមូលទិញស្រូវពីប្រជាកសិករនៅរដូវច្រូតកាត់នាខែសីហានេះឲ្យអស់លទ្ធភាពនិងមានតម្លៃល្អលើទីផ្សារ ដើម្បីរក្សាស្ថេរភាពថ្លៃ។ ការអំពាវនាវរបស់ប្រធានសហព័ន្ធស្រូវអង្ករកម្ពុជាដូច្នោះ ខណៈពេលនៅចុងខែសីហាឆ្នាំ២០២៦នេះ តម្លៃស្រូវមិនប្រកាន់រដូវមានដូចជាស្រូវសែនក្រអូប ស្រូវស្រងែ និងស្រូវអូអឹម៥៤៥១ (OM 5451) បានធ្លាក់ចុះតម្លៃ គិតត្រឹមថ្ងៃទី២៦ ខែសីហា ឆ្នាំ២០២៦ ប៉ុន្តែមិនធ្លាក់ចុះខ្លាំងនោះដែរ។ ឧកញ៉ា ឡាយ ឈុនហួ បានមានប្រសាសន៍ថា «ក្នុងរយៈពេលមួយសប្តាហ៍នេះ ប្រទេសជិតខាងយើងបានទម្លាក់តម្លៃខ្លាំង ដោយសារតែទីផ្សារអន្តរជាតិមានការថយចុះ ហើយការបញ្ជាទិញមានតិចតួច ដែលពីរសប្តាហ៍មុន តម្លៃស្រូវឡើងខ្ពស់ បើធៀបនិងឆ្នាំមុនៗ ព្រមទាំងថ្លៃដឹកជញ្ជូនខ្ពស់ផងដែរ។ បញ្ហានេះធ្វើឲ្យអ្នកប្រមូលទិញមួយចំនួនត្រូវការទិញ ក៏បានផ្អាកសិន ជាពិសេស ក្នុងរដូវកាលនេះ។ កាលឆ្នាំមុនអង្ករយើងមានតម្លៃថោក រួមមានវៀតណាម ថៃ និងភូមា បណ្តាលមកពីឈ្មួញនាំចូល និងឃ្លាំងធំៗនៅបរទេសទិញចូលច្រើន រហូតដល់នៅសល់ក្នុងស្តុកចាស់។ ប្រធានសហព័ន្ធស្រូវអង្ករកម្ពុជាបានអំពាវនាវដល់គ្រប់រោងម៉ាស៊ីនកិនស្រូវជាសមាជិក និងក្រុមហ៊ុននាំចេញអង្ករធំៗ ជំរុញការលក់អង្ករចេញ នឹងជួយទិញស្រូវរបស់ប្រជាកសិករឲ្យអស់លទ្ធភាព ក្នុងតម្លៃសមរម្យលើទីផ្សារ ឬក៏លើសតម្លៃទីផ្សារបន្តិច ដើម្បីជួយទប់តម្លៃកុំឲ្យធ្លាក់ចុះថែមទៀត។ ឧកញ៉ា […]
News & ជាតិ & ព័ត៌មានថ្មីៗ
មុខរបរចិញ្ចឹមត្រី និងមាន់ស្រែខ្នាតគ្រួសារជួយឱ្យជីវភាពធូរធារ និងទ្រទ្រង់ការសិក្សារបស់កូនៗ
ដោយ នៅ ស៊ីវុត្ថា ព្រៃវែង៖ ការចាប់របរតូចតាច ដូចជាការចិញ្ចឹមត្រី និងការចិញ្ចឹមមាន់ស្រែ មិនត្រឹមតែជួយបង្កើតការងារ និងបង្កើនប្រាក់ចំណូលសម្រាប់គ្រួសារប៉ុណ្ណោះទេ ប៉ុន្តែថែមទាំងរួមចំណែកយ៉ាងសំខាន់ក្នុងការលើកកម្ពស់កម្រិតជីវភាពប្រជាពលរដ្ឋនៅមូលដ្ឋានឱ្យកាន់តែប្រសើរឡើងផងដែរ។ លោក ឈន ខាន វ័យជាង៤០ឆ្នាំ ដែលបច្ចុប្បន្នរស់នៅក្នុងសង្កាត់កំពង់លាវ ក្រុងព្រៃវែង ខេត្តព្រៃវែង បានប្រកបមុខរបរចិញ្ចឹមត្រី និងមាន់ស្រែអស់រយៈពេលប្រមាណ៥ឆ្នាំមកហើយ។ មុខរបរនេះបានក្លាយជាប្រភពចំណូលសំខាន់មួយសម្រាប់ទ្រទ្រង់ជីវភាពគ្រួសារ ព្រមទាំងអាចបែងចែកថវិកាមួយផ្នែកសម្រាប់ផ្គត់ផ្គង់ការសិក្សារបស់កូនៗផងដែរ។ លោកបានរៀបរាប់ថា ផ្តើមចេញពីមុខរបរខ្នាតតូចដែលអាស្រ័យលើកម្លាំងពលកម្ម និងការខិតខំប្រឹងប្រែងរបស់សមាជិកគ្រួសារ ការចិញ្ចឹមត្រីអណ្ដែង ត្រីឆ្ពិន និងមាន់ស្រែ បានជួយបង្កើតចំណូលប្រមាណ១លាន៥សែនរៀល ជាប្រចាំខែ សម្រាប់សម្រាលបន្ទុកចំណាយប្រចាំថ្ងៃ និងការសិក្សារបស់កូនៗ។ កសិកររូបនេះបានឱ្យដឹងទៀតថា បច្ចុប្បន្ន លោកមានស្រះចិញ្ចឹមត្រីសរុបចំនួន៦ស្រះ ក្នុងនោះ៣ស្រះបានដាក់កូនត្រីចិញ្ចឹមរួចរាល់ហើយ ដោយក្នុងមួយស្រះដាក់កូនត្រីប្រមាណ២០គីឡូក្រាម ខណៈ៣ស្រះទៀតកំពុងរៀបចំ និងត្រៀមដាក់កូនត្រីបន្ថែម។ ក្រៅពីការចិញ្ចឹមត្រី កសិករ ឈន ខាន ក៏បានចាប់មុខរបរបន្ថែមដោយចិញ្ចឹមមាន់ស្រែប្រមាណពី៥០ ទៅ៦០ក្បាល ដោយប្រើប្រាស់ពូជក្នុងស្រុក។ លោកបន្ថែមថា មាន់ដែលចិញ្ចឹមបាន គឺមានអតិថិជនមកទិញជាបន្តបន្ទាប់ដល់ទីកន្លែង ដែលធ្វើឱ្យលោកមានប្រភពចំណូលបន្ថែមមួយផ្នែកទៀតចូលមកក្នុងគ្រួសារ។ លោក ឈន ខាន បានបញ្ជាក់ដោយក្តីរីករាយថា ការប្រកបមុខរបរនេះអស់រយៈពេលជាច្រើនឆ្នាំមកនេះ បានផ្លាស់ប្តូរជីវភាពគ្រួសាររបស់លោកឱ្យមានភាពធូរធារ […]
News & ជាតិ & ព័ត៌មានថ្មីៗ
តំណាងធនាគារ ARDB អញ្ជើញចូលរួមក្នុងវេទិកាធុរកិច្ច និងនវានុវត្តន៍ឆ្នាំ២០២៦
ដោយ ឡុង សារេត ភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពង់ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម( ARDB) នៅរសៀលថ្ងៃទី២៦ ខែសីហា ឆ្នាំ២០២៦នេះ លោក គិត ខេមរារិទ្ធ ប្រធាននាយកដ្ឋានផ្នែកលក់ និងទីផ្សារ និងសហការី បានអញ្ជើញចូលរួមក្នុងកម្មវិធីវេទិកាធុរកិច្ច និងនវានុវត្តន៍ ឆ្នាំ២០២៦ ដែលរៀបចំដោយសភាពាណិជ្ជកម្មកម្ពុជា។ វេទិកានេះធ្វើឡើងនៅមណ្ឌលសន្និបាត អូស៊ីអាយស៊ី ជ្រោយចង្វារ ក្រោមអធិបតីភាពដ៏ខ្ពង់ខ្ពស់ឯកឧត្តមអ្នកឧកញ៉ា ហ៊ឺ បាវី ប្រតិភូរាជរដ្ឋាភិបាលទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាភិបាលពិគ្រោះយោបល់ធុរកិច្ចអាស៊ាន សម្រាប់កម្ពុជា រួមនិងភ្ញៀវកិក្តិយសផ្សេងទៀតប្រមាណ៥០០នាក់។ ឧកញ៉ា លឹម សុជាតិ អនុប្រធានសភាពាណិជ្ជកម្មកម្ពុជា បានមានប្រសាសន៍ថា លទ្ធផលទទួលបានពីការរៀបចំវេទិកាធុរកិច្ច និងនវានុវត្តន៍ កាលពីឆ្នាំ២០២៥កន្លងទៅ បានក្លាយទៅជាបទពិសោធន៍ដ៏ល្អសម្រាប់ម្ចាស់អាជីវកម្មយកទៅកែលម្អអាជីវកម្មរបស់ខ្លួន និងអនុវត្តបានចំគោលដៅសំដៅកាត់បន្ថយហានិភ័យ និងសម្រេចបានការវិវត្តន៍សេដ្ឋកិច្ចទាំងនៅក្នុងក្រុមហ៊ុន ក្នុងតំបន់ និងសកលលោក។ ឧកញ៉ាបន្តទៀតថា វេទិកាធុរកិច្ច និងនវានុវត្តន៍ ឆ្នាំ២០២៦នេះ ក៏មិនខុសពីឆ្នាំកន្លងទៅដែរ […]