ជាតិ
News & ជាតិ & ព័ត៌មានថ្មីៗ
ឆ្នាំ២០២៦ ទំហំសេដ្ឋកិច្ចកម្ពុជាអាចដល់៧០ពាន់លានដុល្លារ ខណៈនាំចេញតិចជាងនាំចូល
ដោយ ឡុង សារេត ភ្នំពេញ៖ នៅក្នុងឆ្នាំ២០២៦ នេះ សេដ្ឋកិច្ចកម្ពុជាត្រូវបានរំពឹងថា នឹងមានទំហំជាទឹកប្រាក់៧០ពាន់លានដុល្លារ បន្ទាប់ពីរយៈពេល៨ខែកន្លងមក សម្រេចបាន៥២ពាន់លានដុល្លារទៅហើយ។ នេះបើយោងតាមរដ្ឋមន្ត្រីក្រសួងពាណិជ្ជកម្ម លោកជំទាវ ចម និម្មល។ ទោះជាយ៉ាងណា ការនាំចេញក្នុងរយៈកាល៨ខែមកនេះ នៅតែតិចជាងការនាំចូល ដោយក្នុងនោះការនាំចេញមានទឹកប្រាក់២៤ពាន់លានដុល្លារ ហើយការនាំចូលមានទំហំទឹកប្រាក់ប្រមាណ២៧ពាន់លានដុល្លារ ។ លោកជំទាវគូសបញ្ជាក់ថា ទំហំសេដ្ឋកិច្ចរបស់កម្ពុជាក្នុងឆ្នាំ២០២៥ សម្រេចបានជាង៦៥ពាន់លានដុល្លារ ដែលមានកំណើនប្រមាណ១៨ភាគរយ បើប្រៀបធៀបនិងឆ្នាំ២០២៤។ ពាក់ព័ន្ធនិងទំហំពាណិជ្ជកម្មកម្ពុជានេះ លោក លឹម ហេង អនុប្រធានសភាពាណិជ្ជកម្មកម្ពុជា យល់ឃើញថានៅឆ្នាំ២០២៦នេះ ទំហំពាណិជ្ជកម្មសរុបរបស់កម្ពុជាអាចនឹងសម្រេចបានរង្វង់៧០ពាន់លានដុល្លារ តាមរយៈកំណើននៃការនាំចេញអង្ករ ការនាំចេញផលិតផលសក្តានុពេល និងការទទួលបានគម្រោងវិនិយោគនានាកាលពីឆ្នាំមុនៗ ចូលរួមគាំទ្រដល់ឱ្យមានកំណើន។ លោក លឹម ហេង មានប្រសាសន៍ថា កម្ពុជាសព្វថ្ងៃនេះមានស្ទើគ្រប់វិស័យដែលចូលរួមជំរុញទំហំពាណិជ្ជកម្ម និងការវិនិយោគខុសពីពេលកន្លងមក ដែលពឹងផ្អែកតែទៅលើវិស័យកាត់ដេរ និងកាមន្តសាលភាគច្រើន ។ ដូច្នេះផ្អែកលើអនុវិស័យផ្សេងៗ ផ្គួបផ្សំជាមួយច្បាប់វិនិយោគល្អ ការការពារដល់អ្នកវិនិយោគ ជាពិសេសកម្ពុជាមានស្ថិរភាពនយោបាយ វានឹងធ្វើមានកំណើនសម្រាប់សេដ្ឋកិច្ចជាតិ៕
News & ជាតិ & ព័ត៌មានថ្មីៗ
ត្រចៀកកាំ អាចឱ្យអ្នកចិញ្ចឹមខ្នាតតូចល្មមរកចំណូលបាន២ ទៅ៣ម៉ឺនដុល្លារ ក្នុងមួយឆ្នាំ – សហគមជំរុញឱ្យបង្កើនស្តង់ដារសម្រាប់ការនាំចេញ
ភ្នំពេញ៖ អ្នកចិញ្ចឹមត្រចៀកកាំខ្នាតតូចល្មម អាចរកប្រាក់កម្រៃរហូតដល់រង្វង់២ ទៅ៣ម៉ឺនដុល្លារ ក្នុងមួយឆ្នាំ ប្រសិនបើមានបច្ចេកទេសចិញ្ចឹមត្រឹមត្រូវ ខណៈកម្ពុជាកំពុងជំរុញការនាំចេញ ជាពិសេសទៅប្រទេសចិន តាមរយៈក្រុមហ៊ុនចំនួន៥។ នេះបើយោងតាមសមាគមត្រចៀកកាំកម្ពុជា។ វិស័យចិញ្ចឹមត្រចៀកកាំនៅកម្ពុជាអាចមានក្នុងរង្វង់ពី៥ ០០០ ទៅ៧ ០០០ខ្នងអគារ ដែលអាចផ្តល់ផលទឹកមាត់ត្រចៀកកាំ ប្រមាណ១០០តោន ក្នុងមួយឆ្នាំ។ ក្នុងចំណោមនេះ មានផ្ទះត្រចៀកកាំជិត១ ០០០កន្លែង បានចុះបញ្ជីជាមួយក្រសួងកសិកម្ម រុក្ខាប្រមាញ់ និងនេសាទ។ ប្រធានសមាគមត្រចៀកកាំកម្ពុជា លោក ស៊ុយ កុកធាន បានបញ្ជាក់ថាអ្នកចិញ្ចឹមត្រចៀកកាំនៅកម្ពុជាមកដល់ឆ្នាំ២០២៦នេះ មានសន្ទុះកើនឡើង ដោយសារតម្លៃរក្សាបានខ្ពស់ ស្របពេលដែលកម្ពុជាទើបសម្រេចបានការនាំចេញសំបុកត្រចៀកកាំជាផ្លូវការលើកដំបូងទៅកាន់ទីផ្សារប្រទេសចិន។ ទោះជាយ៉ាងណាសមាគម មិនគាំទ្រការចិញ្ចឹមខ្នាតតូចខ្លាំងពេកទេ ព្រោះអាចប៉ះពាល់ដល់ស្តង់ដារ និងគុណភាពសំបុក។ លោក ស៊ុយ កុកធាន បានពន្យល់ប្រាប់ថាទំហំផ្ទះត្រចៀកកាំដែលតូចជាងគេនោះគឺក្នុងទម្រង់ផ្ទះ៨គុណ ១៦ម៉ែត្រ ចំណាយថវិការប្រមាណខ្ទង់៥ម៉ឺនដុល្លារ។ ទំហំផ្ទះត្រចៀកកាំមធ្យមគឺ១០គុណ២០ម៉ែត្រ ឬ១០គុណ២៤ម៉ែត្រ ដែលមានកម្ពស់២ទៅ៣ជាន់។ចំណែកផ្ទះត្រចៀកកាំធន់ធំ ជាងនេះគេអាចចំណាយចាប់ពីជាង១០ម៉ឺនដុល្លារឡើង។ ផ្ទះសំបុកត្រចៀកកាំកម្ពុជាភាគច្រើន ស្ថិតនៅខេត្តជាប់មាត់សមុទ្រ ដូចជាកោះកុង និង ខេត្តកំពត ប៉ុន្តែក៏បានប្ដូរមកខេត្តភូមិភាគកណ្ដាលច្រើនផងដែរ ដូចជាបណ្ដាខេត្តជុំវិញបឹងទន្លេសាប ខេត្តស្ទឹងត្រែង និងខេត្តព្រះវិហារជាដើម៕
News & ជាតិ & ព័ត៌មានថ្មីៗ
ក្រោយខាតច្រើនឆ្នាំ កៅស៊ូឡើងថ្លៃដល់២ ០០០ដុល្លារវិញ – កសិករ និងអ្នកវិនិយោគបានប្រាក់ចំណេញខ្លះ
ដោយ ឡុង សារេត ភ្នំពេញ៖ ក្រោយរងការខាតបង់អស់រយៈពេលជាច្រើនឆ្នាំ កសិករកៅស៊ូលក្ខណៈគ្រួសារ និងអ្នកវិនិយោគក្នុងស្រុកហាក់កំពុងស្ដារប្រាក់ចំណេញមកវិញ ក្រោយតម្លៃកៅស៊ូនៅទៅលើទីផ្សារអន្តរជាតិប៉ុន្មានខែកន្លងមកនេះមានតម្លៃខ្ពស់។ លោក លឹម ហេង អនុប្រធានសភាពាណិជ្ជកម្មកម្ពុជា បានឱ្យដឹងថាបរិមាណនៃការនាំចេញផលិតកៅស៊ូនៅប៉ុន្មានខែកន្លងមកនេះមានការកើនឡើង ហើយតម្លៃល្អជាងឆ្នាំមុនៗ។ ពាក់ព័ន្ធនិងតម្លៃកៅស៊ូនេះ នៅពេលកន្លងមក លោករងការខាតបង់ប្រាក់ជាច្រើនឆ្នាំ ដោយសារតម្លៃកៅស៊ូក្នុងមួយតោនលក់ថ្លៃតែ១ ១០០ ទៅ ១ ២០០ដុល្លារប៉ុណ្ណោះ។ ប៉ុន្តែនៅតាមចំម្ការកៅស៊ូធំៗត្រូវការចំណាយថ្លៃដើមផលិតរហូតដល់ ១ ៥០០ដុល្លារក្នុងមួយតោន។ ទោះជាយ៉ាងណាពេលនេះ កៅស៊ូ ឬផលិតផលកៅស៊ូពាក់កណ្តាលសម្រេចលក់បានថ្លៃជាង២០០០ដុល្លារ ជួយឱ្យកសិករដាំកៅស៊ូលក្ខណៈគ្រួសារនិងក្រុមហ៊ុនរកបានប្រាក់ចំណេញត្រឡប់មកវិញ។ បើយោងតាមលោក លឹម ហេង, តម្លៃផលិតផលកៅស៊ូពាក់កណ្តាលសម្រេចនៅពេលខាងមុខនេះលោក រំពឹងថានូវតែលក់បានល្អ ព្រោះនៅលើទីផ្សារអន្តរជាតិកំពុងមានតម្រូវការ តួយ៉ាងបណ្តាប្រទេសនៅមជ្ឈឹមបូព៌ា និងប្រទេសស្ថិតនៅក្នុងតំបន់ដែលកំពុងមានសង្គ្រាម។ លោក ផៃ សុផល អនុប្រធានសមាគមកៅស៊ូប៉ៃលិនបានឱ្យដឹងថាតម្លៃកៅស៊ូ ពិតជាមានការឡើងថ្លៃ បើធៀបនឹងខែកញ្ញា ឆ្នាំ២០២៥។ តួយ៉ាងតម្លៃជ័រកៅកកកាលពីដើមខែកញ្ញានេះសមាគមលក់បានថ្លៃ១ ២០០ ទៅ១ ២៥០ដុល្លារក្នុងមួយតោន បើប្រៀបនិងពេលមុនៗ លក់បានថ្លៃប្រមាណ៩៥០ដុល្លារប៉ុណ្ណោះ។ ដូចនេះកសិករគួរតែពង្រឹងគុណភាពជ័រកៅស៊ូ ធ្វើឱ្យជ័រស្អាត និងចូលរួមលក់រួមគ្នា ដើម្បីទទួលបានតម្លៃខ្ពស់។ លោកបន្តថា […]
News & ជាតិ & ព័ត៌មានថ្មីៗ
ឯកឧត្តមបណ្ឌិត កៅ ថាច អញ្ជើញជាអធិបតី និងថ្លែងសុន្ទរកថាបើកកិច្ចពិភាក្សាតុមូល ស្តីពីការជំរុញសកម្មភាពហិរញ្ញប្បទានបៃតង និងហិរញ្ញប្បទានអាកាសធាតុ នៅតំបន់អាស៊ី និងប៉ាស៊ីហ្វិក
ភ្នំពេញ៖ នាថ្ងៃទី៧ ខែកញ្ញា ឆ្នាំ២០២៦, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម និងជាប្រធានសមាគមស្ថាប័នហិរញ្ញវត្ថុអភិវឌ្ឍន៍នៅតំបន់អាស៊ី និងប៉ាស៊ីហ្វិក (Association of Development Financing Institution in Asia and the Pacific – ADFIAP) បានអញ្ជើញចូលរួមជាអធិបតី និងថ្លែងសុន្ទរកថាបើកកិច្ចពិភាក្សាតុមូលនៃ Special Interest Group 2 តាមប្រព័ន្ធអនឡាញ ស្តីពី «ការជំរុញសកម្មភាពហិរញ្ញប្បទានបៃតង និងហិរញ្ញប្បទានអាកាសធាតុនៅតំបន់អាស៊ី និងប៉ាស៊ីហ្វិក» ។ កិច្ចពិភាក្សានេះមានការចូលរួមពី លោក Enrique I. Florencio អគ្គលេខាធិការ ADFIAP, លោក Hemant Mandal នាយកប្រចាំតំបន់អាស៊ីប៉ាស៊ីហ្វិក នៃមូលនិធិអាកាសធាតុបៃតង (Green Climate Fund – GCF), លោក Masayoshi Tatewaki […]
News & ជាតិ & ព័ត៌មានថ្មីៗ
តម្លៃស្រូវបីខេត្តជាប់ព្រំដែនវៀតណា,កសិករលក់ក្នុងខែកញ្ញា មិនធ្លាក់ចុះខ្លាំង តាមតម្លៃស្រូវវៀតណាមនោះទេ
ដោយ ហៃ ស៊ីណា ភ្នំពេញ៖ ក្នុងរយៈពេលមួយសប្តាហ៍ដើមខែកញ្ញា ឆ្នាំ២០២៦នេះ តម្លៃស្រូវនៅតាមបណ្តាខេត្តជាប់ព្រំដែនកម្ពុជាវៀតណាម ដូចជា ខេត្តស្វាយរៀង ព្រៃវែង និងខេត្តតាកែវ រោងម៉ាស៊ីនមួយចំនួននៅបន្តប្រមូលទិញស្រូវពីកសិករ ក្នុងតម្លៃមិនថោកពេក ឬថ្លៃពេកនោះទេ បើធៀបនឹងតម្លៃឆ្នាំមុន។ លោកឧកញ៉ា ឈិត ប៊ុនថន ម្ចាស់រោងម៉ាស៊ីនកិនស្រូវ ឈិត ប៊ុនថន នៅស្រុកស្វាយអន្ទរ ខេត្តព្រៃវែង បានបញ្ជាក់នៅថ្ងៃទី៧ ខែកញ្ញា ឆ្នាំ២០២៦នេះថា តម្លៃស្រូវក្នុងឆ្នាំ២០២៦នេះ នៅរក្សាបានស្ថេរភាពល្អ ក្នុងនោះខេត្តព្រៃវែងកសិករផលិតស្រូវភាគច្រើន ប្រភេទ OM5451 ហើយរោងម៉ាស៊ីនលោកបានទិញស្រូវក្នុងមួយថ្ងៃចន្លោះពី៦០០ ទៅ៧០០តោន តម្លៃចន្លោះពី៨៨០រៀល ទៅ៨៩០រៀលក្នុង១ គីឡូក្រាមថ្លៃដឹកមកដល់រោងម៉ាស៊ីន ។ ម្ចាស់រោងម៉ាស៊ីនកិនស្រូវ ឈិត ប៊ុនថន បានបញ្ជាក់ថា តម្លៃស្រូវឆ្នាំ២០២៦នេះ ខេត្តព្រៃវែងមានតម្លៃល្អបន្តិច បើធៀបទៅនិងឆ្នាំ២០២៥ មានតម្លៃចន្លោះ៨៥០ទៅ៩០០រៀល ដែលមិនខុសត្រូវគ្នាឆ្ងាយប៉ុន្មាននោះទេ នៅរយៈពេល២សប្តាហ៍នេះ តម្លៃមិនធ្លាក់ខ្លាំង តាមតម្លៃស្រូវនៅប្រទេសវៀតណាមនោះដែរ។ សូមជម្រាបថា តម្លៃស្រូវសើមដែលកសិករបានលក់នៅតាមវាលស្រែ តាមស្រុកនៃ ខេត្តមួយចំនួនគិតត្រឹម ថ្ងៃទី០៤ ខែកញ្ញា […]
News & ជាតិ & ព័ត៌មានថ្មីៗ
រដ្ឋមន្ត្រីក្រសួងពាណិជ្ជកម្មចង់ឱ្យវេទិកាខ្សែច្រវាក់ផ្តត់ផ្គង់ ឆ្នាំ២០២៦ កម្ពុជាក្លាយជាមជ្ឈមណ្ឌលតភ្ជាប់ពាណិជ្ជកម្មក្នុងតំបន់
ដោយ ឡុង សារេត ភ្នំពេញ៖ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ចង់ប្រែក្លាយវេទិកាខ្សែច្រវាក់ផ្គត់ផ្គង់ដែលរៀបចំលើកដំបូងកាលពីថ្ងៃទី៦ខែកញ្ញាឆ្នាំ២០២៦ ឱ្យទៅជាមូលដ្ឋានគ្រឹះសម្រាប់ក្រសួងពាណិជ្ជកម្មក្នុងការពិនិត្យលទ្ធភាពពង្រីកវិសាលភាពកម្មវិធីនេះ ឱ្យក្លាយជាពិព័រណ៍ខ្សែច្រវាក់ផ្គត់ផ្គង់កម្រិតថ្នាក់ជាតិនៅឆ្នាំបន្តបន្ទាប់ ដើម្បីសំដៅដល់ការតភ្ជាប់ខ្សែច្រវាក់ផ្គត់ផ្គង់ប្រកបដោយបរិយាបន្ន័ និងនិរន្តរភាពរហូតឈានទៅកែប្រែកម្ពុជាជាមជ្ឈមណ្ឌលនៃការតភ្ជាប់ពាណិជ្ជកម្មនៅក្នុងតំបន់។ លោកជំទាវបន្តទៀតថា ប្រទេសកម្ពុជានូវតែរក្សាបានភាពធន់ និងរឹងមាំ បើទោះបីត្រូវប្រឈមនិងពហុវិបត្តិរួមមាន ការផ្លស់ប្តូររបបពាណិជ្ជិកម្មសកល ដែលប៉ះពាល់ដល់លំហូរពាណិជ្ជកម្ម និងការវិនិយោគ, ការកើនឡើងនៃភូមិសាស្ត្រនយោបាយបង្កឱ្យមានភាពមិនប្រាកដប្រជា, បញ្ហាសង្គ្រាមនៅមជ្ឈឹមបូព៌ា, ការឈ្លានពាន និងការរំលោភបំពានលើបូរណភាព និងអធិបតីភាពរបស់កម្ពុជា និងបញ្ហាសន្តិសុខ ដែលមិនមែនជាប្រពៃណី ពាក់ព័ន្ធនិងការឆបោកតាមប្រព័ន្ធបច្ចេកវិទ្យា។ ចំណុចទាំងនេះបានបង្កជាភាពស្មុគស្មាញ ជាឧបសគ្គដល់ការរីកចម្រើនដល់ផែនការសកម្មភាពរបស់ខ្លួននាំកម្ពុជាដើរដល់គោលដៅឆ្នាំ២០៣០ និង២០៥០។ លោកជំទាវមានប្រសាសន៍ទៀតថា “ប៉ុន្តែអ្វីដែលយើងនៅទីនេះបង្ហាញជាសក្ខីភាពយ៉ាងច្បាស់ថា យើងមិនបានឈរនៅស្ងៀមទេ។ យើងមិនបានអនុញ្ញាតឱ្យបញ្ហាទាញយើងឱ្យថយក្រោយ ឱ្យយើងទ្រុឌទ្រោម ឱ្យយើងចុះចាញ់ ឱ្យយើងសុញបានទេ។ កម្ពុជានៅតែមានភាពធន់របស់ខ្លួន និងមានភាពខ្លាំងក្លារបស់ខ្លួន ហើយក្នុងនេះ ខ្ញុំឃើញថា ចំណុចនៃការចូលរួមក្នុងវេទិកាលើកទីមួយ ឬវេទិកាសាកល្បងរបស់យើង ក៏ដូចជាវេទិកាផ្សេងទៀត ដែលបានបង្ហាញថា យើងមិនដេកដួលទេ”។ ចំណែកអ្នកស្រី ណោម ប៊ុនណាក់ នាយិកាប្រតិបត្តិនៃសហគ្រាស Villageworks Cambodia បានឱ្យដឹងថាវេទិកានេះពិតជាមានសារៈសំខាន់ខ្លាំងណាស់ក្នុងការបង្កើតបណ្តាញទំនាក់ទំនង ការផ្លាស់ប្តូរជំនួញ […]
News & ជាតិ & ព័ត៌មានថ្មីៗ
ធនាគារអភិវឌ្ឍន៍ជនបទ និងកសិកម្ម (ARDB) ត្រៀមបញ្ចេញទុនបង្វិល ដើម្បីគាំទ្រដល់វិស័យស្រូវអង្កររបស់កម្ពុជា
ដោយ ហៃ ស៊ីណា ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានមានប្រសាសន៍ឱ្យដឹងថា ធនាគារបានត្រៀមទុនបម្រុងជាង២០០លានដុល្លារ ផ្តោតជាពិសេសសម្រាប់គាំទ្រវិស័យស្រូវអង្ករ ដើម្បីជួយបំពេញតម្រូវការហិរញ្ញប្បទានរបស់អ្នកពាក់ព័ន្ធក្នុងខ្សែសង្វាក់ផលិតកម្មស្រូវអង្ករ។ ឯកឧត្តមបណ្ឌិតប្រតិភូបានលើកឡើងថា ទោះបីធនាគារ ARDB បានត្រៀមទុនជាង២០០លានដុល្លារក៏ដោយ ក៏តម្រូវការទុនសរុបសម្រាប់វិស័យស្រូវអង្កររបស់កម្ពុជាត្រូវបានប៉ាន់ស្មានថា មានរហូតដល់ប្រមាណ៦០០លានដុល្លារក្នុងមួយឆ្នាំ។ ដូច្នេះ ការចូលរួមពីធនាគារពាណិជ្ជ និងស្ថាប័នហិរញ្ញវត្ថុឯកជន ព្រមទាំងប្រភពទុនរបស់វិនិយោគិនក្នុងស្រុក គឺមានសារៈសំខាន់ក្នុងការបំពេញតម្រូវការហិរញ្ញប្បទាន ដែលនៅសល់។ ការបង្កើនប្រភពទុន និងការចូលរួមពីគ្រប់ភាគី គឺជាកត្តាសំខាន់ក្នុងការពង្រឹងខ្សែសង្វាក់តម្លៃស្រូវអង្ករ ចាប់ពីកសិករ រោងម៉ាស៊ីនកិនស្រូវ រហូតដល់អ្នកនាំចេញ ដើម្បីបង្កើនតម្លៃបន្ថែម និងជំរុញសក្តានុពលអង្ករកម្ពុជានៅលើទីផ្សារអន្តរជាតិ។ ឯកឧត្តមបណ្ឌិត កៅ ថាច បានគូសបញ្ជាក់ថា «បច្ចុប្បន្នមានធនាគារ និងស្ថាប័នហិរញ្ញវត្ថុឯកជនជាច្រើនបានចូលរួមផ្តល់ហិរញ្ញប្បទានដល់វិស័យកសិកម្ម ដែលជាកត្តាសំខាន់ក្នុងការជំរុញការផលិត និងបង្កើនសមត្ថភាពប្រកួតប្រជែងរបស់ផលិតផលកសិកម្មកម្ពុជា»។ ឯកឧត្តមបណ្ឌិតប្រតិភូ បានបន្ថែមថា ធនាគារអភិវឌ្ឍន៍ជនបទ និងកសិកម្ម បានត្រៀមបញ្ចេញទុនបង្វិលនេះ ដើម្បីគាំទ្រដល់វិស័យស្រូវអង្កររបស់កម្ពុជា ក្នុងគោលដៅរួមចំណែកសម្រេចចក្ខុវិស័យរបស់កម្ពុជា ក្នុងការលើកកម្ពស់អង្ករជាផលិតផលសក្តានុពល និងជំរុញការនាំចេញទៅកាន់ទីផ្សារអន្តរជាតិ។ ក្នុងនោះគោលដៅសំខាន់មួយ គឺការជំរុញការនាំចេញអង្ករឱ្យបាន ១លានតោនក្នុងមួយឆ្នាំ។ អគ្គនាយកធនាគារអភិវឌ្ឍន៍ជនបទ […]
News & ជាតិ & ព័ត៌មានថ្មីៗ
ឯកឧត្តមបណ្ឌិត កៅ ថាច ពិនិត្យមើលខ្សែសង្វាក់អាជីវកម្មរោងម៉ាស៊ីនកិនស្រូវ៦កន្លែង ក្នុងខេត្តព្រៃវែង និងខេត្តកំពង់ចាម
ដោយ នៅ ស៊ីវុត្ថា ព្រៃវែង-កំពង់ចាម៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) នៅថ្ងៃទី៥ ខែកញ្ញា ឆ្នាំ២០២៦ បានដឹកនាំសហការី និងថ្នាក់ដឹកនាំនៃសហព័ន្ធស្រូវអង្ករកម្ពុជា (CRF)ចុះតាមដានពិនិត្យសកម្មភាព និងជំរុញខ្សែង្វាក់អាជីវកម្មរបស់រោងម៉ាស៊ីនកិនស្រូវចំនួន៣ ទីតាំង ស្ថិតនៅស្រុកស្វាយអន្ទរ ខេត្តព្រៃវែងឱ្យមានប្រសិទ្ធភាព និងនិរន្តភាព។ រោងម៉ាស៊ីនកិនស្រូវទាំង៣ មាន ទី១ រោងម៉ាស៊ីនកិនស្រូវ ឈិត ប៊ុនថន ស្ថិតនៅភូមិក្រចាប៣ ឃុំព្រៃខ្លា ស្រុកស្វាយអន្ទរ ខេត្តព្រៃវែង,ទី២ រោងម៉ាស៊ីនកិនស្រូវ រស់ ណេង និងទី៣ រោងមាស៊ីនកិនស្រូវ ឈុន ធំ ស្ថិតនៅភូមិស្វាយអន្ទរ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង ដែលមានសកម្មភាពសំខាន់ជាច្រើនចាប់ពីការស្តុកទុក ការកិនកែច្នៃ ការវេចខ្ចប់ រហូតដល់ការចែកចាយអង្ករទៅកាន់ទីផ្សារក្នុងស្រុក និងការនាំចេញ។ បន្ទាប់មកនៅថ្ងៃដដែលនេះ ឯកឧត្តមបណ្ឌិត កៅ ថាច និងសហការី បានចុះពិនិត្យមើលរោងម៉ាស៊ីនកិនស្រូវ៣ ទីតាំងផ្សេងទៀត ស្ថិតនៅក្នុងខេត្តកំពង់ចាម […]
News & ជាតិ & ព័ត៌មានថ្មីៗ
ទីផ្សារស៊ុតទានៅតែមានតម្លៃល្អ បើទោះបីចំណីសត្វឡើងថ្លៃ ខណៈតម្រូវការមាន១០លានគ្រាប់ក្នុងមួយថ្ងៃ
ដោយ ហៃ ស៊ីណា ភ្នំពេញ៖ លោក សៀវ វិសុទ្ធ ម្ចាស់កសិដ្ឋាន ខ្មែររីករាយ ស្ថិតនៅស្រុកខ្សាច់កណ្ដាល ខេត្តកណ្ដាលបានលើកឡើងថា បច្ចុប្បន្ននេះ តម្លៃទីផ្សារស៊ុតហាក់នៅមានស្ថេរភាពល្អ បើទោះបីជាតម្លៃចំណីសត្វសម្រេចដែលកំពុងធ្វើចរាចរណ៍ក្នុងប្រទេសមានតម្លៃកើនឡើងជាបន្តបន្ទាប់ក៏ពិតមែន ប៉ុន្តែប្រជាកសិករនិងម្ចាស់កសិដ្ឋានផ្សេងៗនៅបន្តពង្រីកការចិញ្ចឹម ដើម្បីឆ្លើយតបនឹងទីផ្សារ។លោក សៀវ វិសុទ្ធ បានអះអាងទៀតថា ចំពោះតម្លៃទីផ្សារស៊ុតក្នុងស្រុកវិញ គិតត្រឹមចុងខែសីហាឆ្នាំ២០២៦និងដើមខែកញ្ញាឆ្នាំ២០២៦នេះ តម្លៃនៅតែល្អចន្លោះពី៤០០រៀទៅ៤២០រៀល ដែលកសិករលក់ចេញអាចទទួលយកបានហើយសម្តែងការត្រេកអរយ៉ាងខ្លាំងផងដែរ។ម្ចាស់កសិដ្ឋានចិញ្ចឹមទាយកពង ខ្មែររីករាយបានទទួលស្គាល់ថា ដោយសារតែការជួយជ្រោមជ្រែងពីរាជរដ្ឋាភិបាល ក្នុងការរឹតបន្តឹងការនាំចូល ធ្វើឲ្យពីតម្លៃស៊ុតងើបឡើងវិញ ហើយកសិករសព្វថ្ងៃនេះ បញ្ហាប្រឈមមួយចំនួនគឺ លើបច្ចេកទេស ការចិញ្ចឹមសត្វ ដោយសារនៅខែវស្សាជារើយៗសត្វងាយឆ្លងនិងជំងឺផ្សេងៗនៅតាមកសិដ្ឋាន ប៉ុន្តែឆ្លងកាត់ការប្រជុំបើកវគ្គបណ្តុះបណ្តាលនិងផ្តល់ព័ត៌មានឲ្យគ្នាទៅវិញទៅមកនោះ គឺអាចដោះស្រាយបញ្ហាខាងលើបាន។ បន្ថែមពីនេះ លោក សៀវ វិសុទ្ធ បានលើកឡើងថា បច្ចុប្បន្នកសិដ្ឋានចិញ្ចឹមទាយកស៊ុតរបស់លោកកំពុងមានទីផ្សារខ្ពស់ ខណៈពងទាកំពុងមានតម្រូវការកើនឡើងជារៀងរាល់ថ្ងៃ ហើយការរីកចម្រើនលើការចិញ្ចឹមសត្វនេះគឺ លោកមិនភ្លេចទេ ពីការជួយជ្រោមជ្រែងដ៏សំខាន់បំផុត ពីធនាគារ ARDB ដែលបានជួយដល់កសិករឲ្យមានការរីកចម្រើន។ ដើម្បីការពារកសិករអ្នកចិញ្ចឹមសត្វក្នុងស្រុក ថ្មីៗនេះ រាជរដ្ឋាភិបាលកម្ពុជាមានគោលការណ៍រឹតបន្តឹង និងមិនលើកទឹកចិត្តឱ្យនាំចូលស៊ុតសម្រាប់បរិភោគការលួចលាក់នាំចូលខុសច្បាប់ពីប្រទេសជិតខាង ដូចជាវៀតណាមជាដើមដែលឈ្មួញលួចរត់ពន្ធតាមព្រំដែន។ ប្រធាន សមាគមអ្នកចិញ្ចឹមសត្វកម្ពុជា លោក […]
News & ជាតិ & ព័ត៌មានថ្មីៗ
ការដាំដំឡូងមីខ្មែរថយចុះ កសិករថា មកពីបញ្ហាអាកាសធាតុ ហើយខាតទាំងចំណាយត្រូវដាំឡើងវិញ
ដោយ ឡុង សារេត ភ្នំពេញ៖ ផ្ទៃដីដាំដំឡូងមីរបស់កម្ពុជា នៅឆ្នាំ២០២៦នេះ បានធ្លាក់ចុះជាខ្លាំង ខណៈកសិករមួយចំនួននិយាយថា អាកាសធាតុញាំញីដល់ការដាំ ហើយត្រូវខាតទាំងប្រាក់កាសក្នុងការដាំឡើងវិញថែមទៀត។ លោក អិល ឈិញ ប្រធានសមាគមកសិករដំឡូងមីខ្មែរ បានឱ្យដឹងថា ការដាំដំឡូមី នៅឆ្នាំ២០២៦នេះ មានការថយចុះប្រមាណ៣០ភាគរយ បើប្រៀបធៀបនឹងឆ្នាំ២០២៥ ប៉ុន្តែរំពឹងថា ផ្ទៃដីដាំដុះនឹងកើនឡើងមកវិញនៅឆ្នាំបន្ទាប់។ លោកបានឱ្យដឹងថា ទោះបីលោកមិនបានស្រាវជ្រាវឱ្យបានលម្អិតថា នៅក្នុងខេត្តណាមានចំនួនប៉ុន្មាន ប៉ុន្តែតាមរយៈការជជែកនៅក្នុងក្រុមការងារជាមួយកសិករដាំដុះដំឡូងមី លោកបានវាយតម្លៃថា ការដាំរបស់កសិករមានការថយចុះ។ ចំណែកលោក ហូយ ហេន កសិករដាំដំឡូងមីនៅខេត្តត្បូងឃ្មុំ បានឱ្យដឹងថា នៅឆ្នាំ២០២៦នេះ ចាប់ផ្តើមដាំដំឡូងនៅដើមខែមិថុនា នៅលើផ្ទៃដីជិត៣០ហិកតា ប៉ុន្តែការលូតលាស់របស់ដំឡូងមីមិនបានល្អឡើយ ទាមទារឱ្យដាំឡើងវិញប្រមាណ៨០ភាគរយនៃផ្ទៃសរុប ដោយសារតែអាកាសធាតុប្រែប្រួល។ កសិករប្រកបរបរដាំដំឡូងមីអស់រយៈ១៥ឆ្នាំរូបនេះ បានឱ្យដឹងថា កសិករត្រូវការចំណាយទៅលើការដាំដុះឡើងវិញជាថ្មី ក្នុងមួយហិកតា អស់ប្រាក់ប្រមាណ៤០ម៉ឺនរៀល។ លោក ហូយ ហេន បានបន្តថា កាលពីឆ្នាំ២០២៥កន្លងទៅ លោកប្រមូលផលដំឡូងមីបានប្រមាណ៩០០តោន ហើយលក់បានថ្លៃ៥៧៥រៀលក្នុងមួយគីឡូក្រាម ហើយតម្លៃដំឡូងមីកន្លងទៅនេះ បានជួយកសិករទទួលបានប្រាក់ចំណេញច្រើន និងរំពឹងថា នៅរដូវប្រមូលផលនៅឆ្នាំ២០២៦នេះ នឹងរក្សាបានតម្លៃល្អដែរ។ […]
News & ជាតិ & ព័ត៌មានថ្មីៗ
ប្រាំបីខែ ឆ្នាំ២០២៦ កម្ពុជានាំចេញស្រូវអង្ករជិត៨០ម៉ឺនតោន គិតជាទឹកប្រាក់ជិត៥០លានដុល្លារ
ដោយ ផាន់ អាណា ភ្នំពេញ៖ ក្នុងរយៈពេល៨ខែនៃ ឆ្នាំ២០២៦ ប្រទេសកម្ពុជាបាននាំចេញអង្ករបានចំនួន៧៩២ ២១២តោន តាមរយៈក្រុមហ៊ុននាំចេញចំនួន៦១ក្រុមហ៊ុន ទៅកាន់គោលដៅចំនួន៦៦ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ៣៣ បានបរិមាណអង្ករចំនួន២៣២ ៣១៩តោន គិតជាទឹកប្រាក់ចំនួន ១៧៥,៥៧ លានដុល្លារ។ ការនាំចេញទៅកាន់ប្រទេសចិន និងហុងកុង ចំនួន១៧៧ ៧៨៣តោន គិតជាទឹកប្រាក់ចំនួន១០៥,៣៤លានដុល្លារ ទៅកាន់ប្រទេសក្នុងសហគមន៍អាស៊ានចំនួន៥ប្រទេស បានបរិមាណចំនួន ៣១៥ ០៨៨តោន គិតជាទឹកប្រាក់ចំនួន១២២,៩៣លានដុល្លារ និងទៅកាន់គោលដៅ២៥ប្រទេសផ្សេងទៀត មានទ្វីបអាហ្វ្រិក តំបន់មជ្ឈឹមបូព៌ា អាម៉េរិក កាណាដា អូស្ត្រាលី នូវែលសេឡង់ បានចំនួន៦៧ ០២២តោន គិតជាទឹកប្រាក់ចំនួន៦០,៣៣លានដុល្លារ។ ចំពោះប្រភេទអង្ករ ដែលត្រូវបាននាំចេញ មានអង្ករក្រអូប៥៧,៩៦ភាគរយ ប្រភេទអង្ករសគ្រាប់វែង២៤,៤០ភាគរយ អង្ករចំហុយ១,៩១ភាគរយ អង្ករសរីរាង្គ១,២៨ភាគរយ អង្ករបាក់គ្រប់ប្រភេទ១៤,២៦ភាគរយ និងអង្ករផ្សេងៗចំនួន ០,១៩ភាគរយ។ ប្រទេសកម្ពុជាក៏បាននាំចេញស្រូវសើមចំនួន៣ ៣៥៦ ៩៦៩តោន ដែលគិតជាទឹកប្រាក់ប៉ាន់ប្រមាណបានចំនួន៧៥៣,៤១លានដុល្លារ៕
News & ជាតិ & ព័ត៌មានថ្មីៗ
ឯកឧត្តមបណ្ឌិត កៅ ថាច ប្រាប់កសិករនូវគន្លឹះសំខាន់ៗ ស្តីអំពីការគ្រប់គ្រងហិរញ្ញវត្ថុគ្រួសារឲ្យចំគោលដៅកុំឲ្យក្លាយជាអន្ទាក់បំណុល
ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB បានមានប្រសាសន៍រំលឹកដល់កសិករនូវគន្លឹះសំខាន់ៗស្តីអំពីការគ្រប់គ្រងហិរញ្ញវត្ថុគ្រួសារមួយដែលមានគោលដៅច្បាស់គឺ នឹងនាំមកផលចំណេញ ប៉ុន្តែបើប្រាស់លុយឬកម្ចីមិនចំទិសដៅនឹងនាំឲ្យគ្រួសារក្លាយជាអន្ទាក់បំណុល។ ប្រសាសន៍គន្លឹះស្តីអំពីការគ្រប់ហិរញ្ញវត្ថុរបស់ អគ្គនាយកធនាគារ ARDB ក្នុងពិធីចុះអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាងធនាគារអភិវឌ្ឍន៍ជនបទនិងកសិកម្មនិងក្លិបអ្នកកាសែតកម្ពុជានាពេលថ្មីៗនេះ ដើម្បីផ្តល់ព័ត៌មាន ចំណេះដឹង ហិរញ្ញវត្ថុ និងទីផ្សារអាចតភ្ជាប់គ្នាកាន់តែប្រសើរ។ ឯកឧត្តមបណ្ឌិត កៅ ថាច បានបញ្ជាក់ថា ការគ្រប់គ្រងហិរញ្ញវត្ថុគ្រួសារយើងនៅមានកម្រិតទាប ការប្រើប្រាស់លុយដែលខ្ចីពីគេមកអាចខុសគោលដៅច្រើន ដែលធ្វើឲ្យបំណុលគ្រួសារកើនឡើង ដោយសារតែការប្រើប្រាស់ខុសនូវ ឥណទានឬក៏ប្រាក់គ្រួសារពួកគាត់តែម្តងនេះ គឺជាអន្ទាក់បំណុលមួយធំណាស់ ដែលយល់ខុសពីការគិតថា លុយដែលខ្ចីមកជាលុយឬជាទ្រព្យរបស់គាត់ ដោយមិនបានគិតដល់ការសងត្រឡប់ទៅគេវិញ។ ដោយសារតែការប្រើប្រាស់និងគ្រប់គ្រងហិរញ្ញវត្ថុខុសគោលដៅនេះហើយដែលគ្រួសារកសិករមួយចំនួនធំកំពុងតែជួបប្រទះ បញ្ហានេះ អគ្គនាយកធនាគារ ARDB បានចែករំលែកថា មកពីមិនមានអ្នកជួយបង្រៀន ឬណែនាំ និងផ្តល់ព័ត៌មានជូនពួកគាត់ ដែលកត្តាទាំងអស់នេះ ជាអន្ទាក់បំណុល ហើយមិនត្រឹមតែការផ្តល់ព័ត៌មានបច្ចេកទេសដាំដុះ ទីផ្សារ និងការនាំចេញទេ មានន័យថា ការគ្រប់គ្រងហិរញ្ញវត្ថុ គឺជារឿងសំខាន់បំផុត។ ដោយឡែកសម្រាប់ ការធ្វើកសិកម្ម បើសិនជាកសិករយើងមិនចេះសន្សំ និងខិតខំកាត់បន្ថយថ្លៃដើមផលិតទេ លំហូរលុយចូលគ្រួសារកាន់តែតិចឬអាចមានបំណុលកាន់តែកើនឡើង។ ដូច្នោះកង្វះការទទួលបានព័ត៌មានដល់កសិករ ងាយនឹងត្រូវបានគេបោកបញ្ឆោត ដូចជាព័ត៌មានស្តីអំពីធាតុចូលកសិកម្ម និងទីផ្សារកសិផល […]