News

រាជធានីភ្នំពេញ៖ ប្រធានកម្មវិធីខ្សែច្រវាក់តម្លៃកសិកម្ម និងប្រព័ន្ធស្បៀងនៃសហភាពអឺរ៉ុប(EU)ប្រចាំនៅកម្ពុជាថ្មីៗនេះបានបង្ហាញពីការយកចិត្តទុកដាក់ជាខ្លាំងរបស់ខ្លួនទៅលើដំណាំម្រេច និងដំណាំស្វាយចន្ទី ដើម្បីជំរុញការកែច្នៃ ការផលិតកម្ពុជាសម្រាប់ធ្វើការនាំចេញទៅទីផ្សារអឺរ៉ុប ក៏ដូចជាទីផ្សារប្រទេសផ្សេងទៀតនៅលើពិភពលោក។ នៅក្នុងកម្មវិធី យុវកសិករ និងកសិ-ឡាពិកកម្ពុជាលើកទី១ដែលរៀបចំនៅវិទ្យាស្ថានជាតិកសិកម្ម ព្រែកលៀបកន្លងទៅថ្មីៗនេះ , អ្នកស្រី ប៊ី សុគន្ធា ប្រធានកម្មវិធី ខ្សែច្រវាក់តម្លៃកសិកម្មនិងប្រព័ន្ធស្បៀងនៃសហភាពអឺរ៉ុបប្រចាំកម្ពុជា(EU)បានលើកឡើងថានៅក្នុងតំបន់យើងបាននិយាយកន្លងមកស្រូវជាដំណាំសំខាន់ទីមួយរបស់កសិករកម្ពុជា ។ ប៉ុន្តែស្ថិតក្នុងដំណាក់ការសេដ្ឋកិច្ចកម្ពុជាមានការអភិវឌ្ឍ យើងមិនគួរផ្តោតតែទៅលើដំណាំតែមួយមុខនោះទេ។ យើងគួរតែធ្វើការដាំដុះចម្រុះ។  យើងឃើញមានដំណាំពីរប្រភេទសំខាន់ៗដែលជួយដល់សេដ្ឋកិច្ចជាតិ ក៏ដូចជាជួយដល់សេដ្ឋកិច្ចររបស់ប្រជាកសិករនៅក្នុងប្រទេសកម្ពុជា មានដំណាំម្រេចនិងស្វាយចន្ទី  ទោះបីមិនត្រូវការហូបចុកជាប្រចាំ ប៉ុន្តែវាជួយដល់សេដ្ឋកិច្ចកសិកនៅក្នុងប្រទេសកម្ពុជា។ អ្នកស្រី ប៊ី សុគន្ធា បានគូសបញ្ជាក់ថា “សម្រាប់ដំណាំទាំងពីរប្រភេទនេះ ខាងសហភាពអឺរ៉ុបបានផ្តោតការយកចិត្តទុកដាក់ និងជួយជំរុញក្នុងការផលិតនិងការកែច្នៃដើម្បីធ្វើការនាំចេញទៅទីផ្សារអឺរ៉ុបនិងទីផ្សារសកលលោក”។ បើតាមអ្នកស្រី ប៊ី សុគន្ធា ការលើកឡើងអំពីដំណាំម្រេច និងស្វាយចន្ទី គឺចង់បង្ហាញទៅដល់យុវកសិករជំនាន់ក្រោយបានដឹងអំពីសក្តានុពលនៃដំណាំកសិកម្មនៅក្នុងប្រទេសកម្ពុជា ។ តួយ៉ាងម្រេចជាដំណាំមួយដែលតំណាងឱ្យផលិតផលដែលល្បីត្រូវបានគេទទួលស្គាល់នៅទូទាំងពិភពលោក រួមទាំងទីផ្សារនៅអឺរ៉ុប។ ស្វាយចន្ទីជាដំណាំសេដ្ឋកិច្ចដែលផ្តល់ចំណូលដល់កម្ពុជារហូតដល់១ពាន់លានដុល្លារ ហើយគេរំពឹងទុកថា កម្ពុជាអាចរកប្រាក់ចំណូលកើនឡើងដល់២ពាន់លានដុល្លារនៅឆ្នាំ២០៣៥។ អ្នកស្រីបន្តថា សហភាពអឺរ៉ុបនៅក្នុងរយៈពេល២០ឆ្នាំកន្លងមកនេះ បានធ្វើការយ៉ាងជិតស្និទ្ធជាមួយនិងក្រសួងកសិកម្ម រុក្ខាប្រមាញ់និងនេសាទ ក្រសួងពាណិជ្ជកម្ម ក្រសួងអភិវឌ្ឍន៍ជនបទ និងក្រសួងឧស្សាហកម្ម បច្ចេកវិទ្យា វិទ្យាសាស្ត្រនិងនវានុវតន៍ មើលទៅលើលក្ខណៈគោលនយោបាយ […]

ម៉ានីល៖ អ្នកនេសាទត្រីក្នុងបឹង តាល់ (Taal) ដែលជាបឹងទឹកសាបដ៏ធំមួយរបស់ប្រទេសហ្វីលីពីន កំពុងតែត្អូញត្អែរពីផលប៉ះពាល់នៃប្រាក់ចំណូលប្រចាំថ្ងៃ ដោយសារត្រីនេសាទបានពីបឹងនេះ​ បានធ្លាក់ថ្លៃយ៉ាងខ្លាំង បន្ទាប់ពីក្រុមនគរបាលស៊ើបអង្កេត បានរកឃើញឆ្អឹងមនុស្សច្រកក្នុងបាវទម្លាក់ចូលក្នុងទឹកបឹង។ នៅក្នុងសេចក្តីថ្លែងការណ៍មួយ បានលើកឡើងថា កាលពីថ្ងៃទី១៣ ខែកក្កដា ឆ្នាំ២០២៥ ក្រុមអ្នកនេសាទត្រីបានអះអាងថា តម្លៃត្រីរបស់ខ្លួន ដែលនេសាទបានពីបឹងធម្មជាតិនេះ បានធ្លាក់ថ្លៃជាងពាក់កណ្តាល មកនៅត្រឹម១០០ប៉េសូហ្វីលីពីន ឬស្មើប្រមាណ១,៨ដុល្លារប៉ុណ្ណោះក្នុងមួយគីឡូក្រាម គឺធ្លាក់ចុះពីតម្លៃធម្មតាលក់បាន២៥០ប៉េសូហ្វីលីពីន ឬ ប្រមាណ៤,៥៥ដុលា្លរក្នុងមួយគីឡូក្រាម។ យោងតាមក្រុមនេសាទដដែលនេះ បានឱ្យដឹងទៀតថា ការធ្លាក់ចុះតម្លៃត្រី គឺបង្កឡើងដោយសារការរកឃើញសាកសពមនុស្សជាបន្តបន្ទាប់ ដែលត្រូវបានក្រុមនគរបាលស៊ើបអង្កេតរកឃើញក្នុងបាវនៅបាតបឹងដ៏សម្បូរត្រីនេះ។ នាពេលកន្លងមកក្រុមអ្នកនេសាទរស់នៅតាមទីប្រជុំជនជុំវិញបឹង តាល់  បានសម្តែងក្តីព្រួយបារម្ភយ៉ាងខ្លាំងពីផលប៉ះពាល់ធ្ងន់ធ្ងរមកលើសេដ្ឋកិច្ចគ្រួសាររបស់ខ្លួន បន្ទាប់ពីមានការចេញ​ផ្សាយ​ព័ត៌មាន​លើកឡើងអំពីការ​ប្រហារ​ជីវិតក្រុមអ្នកលេងល្បែងបញ្ជល់មាន់ប្រមាណ១០០នាក់ រួចក្រុមឧក្រិដ្ឋជនបាន​បោះសាកសពចោល​ក្នុង​បឹង ហើយដំណឹងនេះធ្វើឱ្យមហា។ ចាប់តាំងពីថ្ងៃទី១១ ខែកក្កដារហូតមក ក្រុមឆ្មាំឆ្នេរសមុទ្រហ្វីលីពីន បានមុជទឹកស្វែងរកនៅបាតបឹង ហើយបានប្រទះឃើញបាវសរុបចំនួនប្រាំបាវ ដែលសុទ្ធតែមានច្រកឆ្អឹងមនុស្សនៅស្រស់ៗនៅឡើយ។ ពាក់ព័ន្ធនឹងបញ្ហាត្រីធ្លាក់ថ្លៃនេះ យោងតាមការិយាល័យជលផល និងធនធានវារីវប្បកម្មរបស់ហ្វីលីពីន បានបញ្ជាក់ថា ប្រភេទត្រីចង្វាម្យ៉ាងនេសាទបានពីបឹងនេះ គឺជាត្រីវដ៏ពេញនិយម និងធ្លាប់តែមានតម្លៃខ្ពស់លើទីផ្សារ នៅតែមានសុវត្ថិភាពដល់អ្នកបរិភោគដដែល ដោយសារត្រីចង្វារស់នៅក្នុងទឹករាក់ និងស៊ីចំណីនៅលើផ្លេកតុន។ បឹង តាល់ គឺជាបឹងទឹកសាប កើតឡើងដោយបន្ទុះភ្នំភ្លើង […]

កណ្តាល៖ ផ្សារចុងសប្តាហ៍ខេត្តកណ្តាល ស្ថិតនៅសង្កាត់តាខ្មៅ ក្រុងតាខ្មៅ ដែលបានដាក់ឱ្យដំណើរក្នុងឆ្នាំ២០០០ រហូតមកទល់សព្វថ្ងៃនេះបាននិងកំពុងចូលរួមយ៉ាងសកម្មក្នុងការជំរុញឱ្យកសិករបង្កើនការដាំដុះ និងចូលរួមផ្តល់ទំនុកចិត្តខ្ពស់ទៅដល់ប្រជាពលរដ្ឋក្នុងតំបន់ ដែលជាអ្នកទទួលទានបន្លែ ផ្លែឈើ និងផលិតផលកសិកម្មផ្សេង ដែលបានដាក់លក់រៀងរាល់ថ្ងៃសៅរ៍ និងថ្ងៃអាទិត្យ។ អ្នកស្រី យ៉ែម ណារី អាជីវករលក់ដូរនៅផ្សារចុងសប្តាហ៍ ខេត្តកណ្តាល បានឱ្យដឹងថា បច្ចុប្បន្ននេះនៅរៀងរាល់ចុងសប្តាហ៍ មានថ្ងៃសៅរ៍ និងថ្ងៃអាទិត្យ អ្នកស្រីតែងតែប្រមូលបន្លែ និងផ្លែឈើ ដែលទិញពីកសិកក្នុងតំបន់ និងក្រៅតំបន់ យកមកដាក់លក់នៅទីនេះមានច្រើនប្រភេទ ហើយការលក់មានកំណើនកើនឡើងជាប្រចាំ បើប្រៀបធៀបទៅនិងពេលមុនៗ។ ជាពិសេសនៅពេលមានការបិទច្រកព្រំដែនរវាងកម្ពុជា-ថៃ បានធ្វើឱ្យមានអ្នកទិញកើនឡើងបន្ថែមប្រមាណ៣០ភាគរយ។ តាមអាជីវករខាងលើ ស្របពេលប្រជាពលរដ្ឋក្នុងស្រុកងាកមកគាំទ្រ និងប្រើប្រាស់បន្លែ ផ្លែឈើ ដែលអាជីវករដាក់លក់នៅចុងសប្តាហ៍ តែងតែមានមន្ត្រីជំនាញចុះមកត្រួតពិនិត្យគុណភាពផលិតផលជាប់ប្រចាំ ហើយអាជីវករលក់ដូរនៅទីនេះ តែងតែទទួលបានការណែនាំពីប្រធានមន្ទីរពាណិជ្ជកម្មខេត្ត ឱ្យប្រកាន់ភ្ជាប់នូវក្រមសីលធម៌ល្អ។ តួយ៉ាងនៅចុងសប្តាហ៍ទី៣ នៃខែកក្កដាកន្លងទៅនេះ អ្នកស្រីលក់បន្លែ និងផ្លែឈើប្រមាណ១០០គីឡូក្រាម។ អ្នកស្រីបានបន្តឱ្យដឹងទៀតថា ផ្សារចុងសប្តាហ៍ខេត្តកណ្តាលនេះ នាពេលសព្វថ្ងៃនេះ បាននិងកំពុងចូលរួមផ្តល់អត្ថប្រយោជន៍ទៅដល់អ្នកពាក់ព័ន្ធ ដែលសម្រាប់កសិករអាចចាប់យកការដាំដុះធ្វើជាមុខរបរចិញ្ចឹមជីវិត ចំណែកអាជីវករមានភាពងាយស្រួលក្នុងការស្វែងរកសិផលយកមកផ្គត់ផ្គង់លើទីផ្សារ និងសម្រាប់អ្នកប្រើប្រាស់ អាចរកទិញបានផលិតផលមានគុណភាព និងមានតម្លៃសមរម្យ។ ចំណែក លោក ប៉ុន […]

ញូវដេលី៖ ក្រុមហ៊ុននាំចេញខ្ទឹមក្រហមរបស់ឥណ្ឌា បាននិយាយថា​ ការនាំចេញខ្ទឹមក្រហមរបស់ឥណ្ឌា ចាប់ផ្តើមមានស្ថិរភាពល្អនៅក្នុងរដូវប្រមូលផល ​ឆ្នាំ២០២៥នេះ ដោយមានខ្សែសង្វាក់ផលិតកម្មយ៉ាងរឹងមាំ ក្រោមគោលនយោបាយបន្ធូរបន្ថយពន្ធរបស់រដ្ឋាភិបាលឥណ្ឌា ស្របពេលមានតម្រូវការនាំចេញកាន់តែច្រើនឡើងនៅក្នុងទីផ្សារអាស៊ី។ គេហទំព័របន្លែ និងផ្លែឈើ ហ្វ្រេសផ្លាស្សា (Freshplaza) បានចេញផ្សាយដោយដកស្រងសម្តីអ្នកនាំចេញ​ ដែលបាន​លើក​ឡើង​ថា​ «​រហូត​មក​ដល់​ពេល​នេះ ចូលដល់​​​រដូវ​ប្រមូលផល​ប្រកបដោយសេចក្តីសង្ឃឹមថា ខ្ទឹមនឹងផ្តល់ទិន្នផលខ្ពស់ជាងឆ្នាំមុន ជា​ពិសេស​បន្ទាប់​ពី​រដ្ឋាភិបាល​បាន​ទន្ទាបពន្ធនាំចេញ ​និង​​បន្ធូរបន្ថយ​ការរឹត្បិតលើការ​នាំ​ចេញ»។ ពាណិជ្ជកររូបនេះ បានពន្យល់ថា កាលពីក្នុងខែឧសភា ឆ្នាំ២០២៤ រដ្ឋាភិបាលឥណ្ឌាបានកំណត់ពន្ធនាំចេញខ្ទឹមក្រហមចំនួន៤០ភាគរយ និងកម្រិតតម្លៃនាំចេញអប្បបរមាចំនួន៥៥០ដុល្លារក្នុងមួយតោន។ ក្រោយមកទៀត អត្រាពន្ធនេះត្រូវបានបន្ធូរបន្ថយនៅក្នុងខែកញ្ញា ដោយបានទម្លាក់មកនៅត្រឹមតែ២០ភាគរយប៉ុណ្ណោះ ចំណែកតម្លៃនាំចេញអប្បបរមាវិញក៏ត្រូវបានបន្ធូរបន្ថយផងដែរ។ ឥឡូវនេះ ហាក់ដូចជាគ្មានពន្ធលើការនាំចេញ និងគ្មានការកម្រិតតម្លៃអប្បបរមាទាល់តែសោះ ដែលបានធ្វើឱ្យខ្ទឹមក្រហមឥណ្ឌាកាន់តែមានលទ្ធភាពប្រកួតប្រជែងនៅលើទីផ្សារ។ ចំណែកការផ្គត់ផ្គង់ឱ្យតម្រូវការលើទីផ្សារវិញ លោកកត់សម្គាល់ថា ប្រទេសឥណ្ឌាកំពុងមើលឃើញតម្រូវការកើនឡើងយ៉ាងខ្លាំងនៃផលិតកម្មខ្ទឹមក្រហមនៅឆ្នាំ២០២៥នេះ បើប្រៀបធៀបទៅនឹងរដូវប្រមូលផល កាលពីឆ្នាំមុន ដោយផលិតកម្មខ្ទឹមក្រហមកើនឡើងប្រហែល២៥ភាគរយ  គួបផ្សំនឹងការខិតខំប្រឹងប្រែងបង្កបង្កើនផលរបស់កសិករ បានកើនឡើងជិត៦០ភាគរយ។ ការកើនឡើងនៃទិន្នផលខ្តឹមក្រហមបានជួយថែរក្សាស្ថិរភាពតម្លៃ និងបង្កើនបរិមាណនាំចេញ ខុសពីផលិតកម្មទាប កាលពីឆ្នាំមុន និងការរឹតបន្តឹងនៅលើទីផ្សារ។ ស្របពេលការប្រមូលរដូវផលកំពុងដំណើរការយ៉ាងល្អស្ទើរគ្រប់ទីកន្លែង អ្នកនាំចេញខ្ទឹមក្រហមនៅតែបន្តប្រឈមមុខនឹងបញ្ហាមួយចំនួនដែរ ដោយអាកាសធាតុធ្លាក់ទឹកភ្លៀងមិនទៀងទាត់បានបង្កជាឧបសគ្គដល់ខ្សែសង្វាក់ផ្គត់ផ្គង់ និងប៉ះពាល់ដល់គុណភាពខ្ទឹមក្រហម ក្នុងអំឡុងពេលវាយតម្លៃសរុប។ លើសពីនេះ តម្លៃដឹកជញ្ជូនឡើងខ្ពស់ ក៏បានធ្វើឱ្យមានសម្ពាធលើការនាំចេញទៅកាន់បណ្តាប្រទេសនៅតាមតំបន់ឈូងសមុទ្រថែមទៀត។ […]

ហាណូយ៖ ការនាំចេញកសិផលវៀតណាមទៅកាន់សហភាពអឺរ៉ុប កំពុងតែជួបប្រទះនឹងការពន្យារពេលជាបន្តទៀតដោយសារបញ្ហាទាក់ទងនឹងនីតិវិធីនៃការបញ្ជាក់គុណភាព ដែលទាមទារឱ្យអនុលោមតាមស្តង់ដារសុវត្ថិភាពចំណីអាហាររបស់សហភាពអឺរ៉ុប។ ចាប់តាំងពីដើមខែកក្កដា ឆ្នាំ២០២៥នេះ ការនាំចេញផ្លែឈើ និងបន្លែ ជាពិសេសផ្លែស្រកានាគ ផ្លែម្ទេស និងពោតបារាំង ត្រូវបានរារាំងដោយសារខ្វះវិញ្ញាបនបត្របញ្ជាក់ពីសុវត្ថិភាពរបស់ចំណីអាហារ ដែលអនុលោមតាមស្តង់ដាររបស់សហភាពអឺរ៉ុប។  កត្តានេះ នាំឱ្យផលិតផលរបស់វៀតណាម​ ត្រូវបានរក្សាទុកក្នុងឃ្លាំងរយៈពេលយូរ បណ្តាលឱ្យមានការចំណាយបន្ថែម និងស្ល្អុយរលួយខូច ឬបំពានកិច្ចសន្យាដោយសារតែការពន្យាពេលការដឹកជញ្ជូននាំចេញម្តងហើយម្តងទៀត។ អ្នកនាំចេញកសិផលវៀតណាម កំពុងតែច្របូកច្របល់អំពីភ្នាក់ងារណាមួយ ដែលគួរដោះស្រាយបញ្ហាចេញវិញ្ញាបនប័ត្របញ្ជាក់គុណភាព បើទោះបីជាមានឯកសារគ្រប់គ្រាន់ក៏ដោយ។  សហភាពអឺរ៉ុបអនុវត្តស្តង់ដារតឹងរ៉ឹងលើសុវត្ថិភាពចំណីអាហារ។ ចំណែកប្រធានសមាគមអ្នកដាំស្រកានាគវៀតណាម បាននិយាយថា តាមការកត់សម្គាល់ពីអសមត្ថភាពក្នុងការនាំចេញផ្លែស្រកានាគទៅកាន់ទីផ្សារក្នុងសហភាពអឺរ៉ុប ដោយសារតែខ្វះស្ថាប័នច្បាស់លាស់ណាមួយរបស់រដ្ឋាភិបាលវៀតណាម សម្រាប់បញ្ជាក់ឱ្យបានសមស្របតាមលក្ខខណ្ឌថ្មីរបស់សហភាពអឺរ៉ុប។ ចាប់តាំងពីថ្ងៃទី០១ ខែកក្កដា ឆ្នាំ២០២៥នេះ បទប្បញ្ញត្តិថ្មីរបស់រដ្ឋាភិបាលវៀតណាម បានតម្រូវឱ្យអាជ្ញាធរមូលដ្ឋានជាជាងម្ចាស់សហគ្រាស ឬភាគីទីបី ជាអ្នកត្រួវចេញវិញ្ញាបនបត្របញ្ជាក់ពីសុវត្ថិភាពផលិតផលចំណីអាហារ។ លោកប្រធានសមាគមន៍ផ្លែស្រកានាគវៀតណាម បានគូសបញ្ជាក់ទៀតថា ការផ្ទេរអំណាចដល់ថ្នាក់មូលដ្ឋាននៅក្នុងប្រទេសវៀតណាម កាន់តែធ្វើឱ្យមានភាពស្មុគស្មាញដល់ដំណើរការចេញវិញ្ញាបនបត្រថែមទៀត ទោះបីជាការផ្លាស់ប្តូរនេះ ជាប់ពាក់ព័ន្ធច្រើនជាងគេលើអាជ្ញាធរចេញវិញ្ញាបណបត្រក៏ដោយ។ ក្រុមសមាគមន៍វៀតណាម បាន​អំពាវនាវ​ឱ្យ​អាជ្ញាធរជួយ​ដោះស្រាយ​បញ្ហារាំង​ស្ទះ​នេះ​ឱ្យ​បាន​ឆាប់រហ័ស និង​អនុវត្ត​វិធីសាស្ត្រ​បញ្ជាក់គុណភាព ​ដែល​ដឹកនាំ​ដោយ​រដ្ឋាភិបាល។ យោងតាមនាយកដ្ឋានផលិតកម្ម និងការពាររុក្ខជាតិ របស់ក្រសួងកសិកម្ម និងបរិស្ថានវៀតណាម បានឱ្យដឹងថា បញ្ហាដែលមានស្រាប់ គឺផ្តើមចេញពីសេចក្តីសម្រេចចូលជាធរមាន កាលពីថ្ងៃទី០១ ខែកក្កដា […]

តេអ៊ីរ៉ង់៖ ទោះបីជាប្រឈមមុខនឹងការដាក់ទណ្ឌកម្មសេដ្ឋកិច្ចក៏ដោយ ធម្មជាតិអំណោយផលរបស់អ៊ីរ៉ង់ និងតំបន់កសិអេកូឡូស៊ីចម្រុះផ្តល់នូវមូលដ្ឋានគ្រឹះសម្រាប់ការអភិវឌ្ឍវិស័យកសិកម្មដ៏រឹងមាំ និងធានាបាននូវសន្តិសុខស្បៀងក្នុងប្រទេស ព្រមទាំងអាចបង្ហាញឱ្យឃើញឡើងវិញ នូវតួនាទីរបស់ប្រទេសអ៊ីរ់ង់ នៅក្នុងប្រព័ន្ធស្បៀងអាហារក្នុងតំបន់ និងលើពិភពលោក។ សារព័ត៌មាន អ៊ីរ៉ង់ បានចេញផ្សាយថា ក្នុងចំណោមផ្ទៃដីសរុបជាង១៦៤លានហិកតារបស់ប្រទេសអ៊ីរ៉ង់ ផ្ទៃដីទំហំប្រមាណ១៩លានហិកតា គឺជាដីកសិកម្ម ដែលស្មើនឹង១២ភាគរយនៃផ្ទៃដីសរុបរបស់ប្រទេស។ ក្នុង​ចំណោម​នោះ ផ្ទៃដី​ប្រមាណ១៨,៥លាន​ហិកតា ​បច្ចុប្បន្ន​ត្រូវ​បាន​ប្រើប្រាស់​សម្រាប់​ដំណាំ​សាកវប្បកម្ម និង​ដំណាំ​កសិកម្ម។ ខណៈពេលប្រហែលមួយភាគបីនៃផ្ទៃដីសរុបរបស់ប្រទេសអ៊ីរ៉ង់ ត្រូវបានចាត់ទុកជាដីល្អសមរម្យសម្រាប់ធ្វើស្រែចម្ការបាន។ អាកាសធាតុល្អនៅក្នុងប្រទេសអ៊ីរ៉ង់ គឺជាអំណោយផលឱ្យកសិករអាចដាំដុះដំណាំជាច្រើនប្រភេទ ពេញមួយឆ្នាំ ដែលធ្វើឱ្យអ៊ីរ៉ង់អាចផលិតធញ្ញជាតិសំខាន់ៗ បន្លែផ្លែឈើ រុក្ខជាតិឱសថ និងផលិតផលសត្វដែលសម្របខ្លួនទៅនឹងបរិស្ថានផ្សេងៗគ្នា លើផ្ទៃដីលាតសន្ធឹងពីភាគអាគ្នេយ៍ដ៏ស្ងួតហួតហែងទៅតំបន់ភាគខាងជើងដ៏ខៀវស្រងាត់ នៅជាប់ព្រំដែនសមុទ្រកាសព្យែន។ ចំណែកចំណុចខ្លាំងជាយុទ្ធសាស្ត្រមួយទៀតរបស់ប្រទេសអ៊ីរ៉ង់មួយទៀត គឺការធ្វើកសិកម្មមានទឹកភ្លៀងគ្រប់គ្រាន់ ដែលបច្ចុប្បន្នគ្របដណ្តប់លើផ្ទៃដីប្រមាណ៦លានហិកតា។ ទោះបីជាយ៉ាងណាក៏ដោយ ជាមួយនឹងភាពជឿនលឿនក្នុងការគ្រប់គ្រងទឹក និងការអនុវត្តកសិកម្មបែបទំនើប ផ្ទៃដីដាំដុះដ៏សក្តានុពលអាចកើនឡើងចំនួនបួនដង ដែលនាំមកនូវផ្ទៃដីកសិកម្មរហូតដល់ទំហំ១៤ លានហិកតា ក្រោមការប្រើប្រាស់ប្រកបដោយផលិតភាព។ កត្តានេះអាចជំរុញផលិតកម្មស្បៀងក្នុងស្រុកកើនឡើងយ៉ាងច្រើនដោយមិនពឹងផ្អែកខ្លាំងពេកលើធនធានធារាសាស្ត្រ។ ម្យ៉ាងវិញទៀត ការធ្វើកសិកម្មក្នុងផ្ទះសំណាញ់កំពុងបង្ហាញពីភាពជោគជ័យថ្មីមួយទៀត។  ទោះបីជាផ្ទៃដីផ្ទះសំណាញ់មានទំហំសរុបប្រហែល១៨ ០០០ហិកតា ក្នុងរយៈប៉ុន្មានឆ្នាំចុងក្រោយនេះក៏ដោយ ក៏ផែន ការអភិវឌ្ឍន៍នឹងពង្រីករហូតដល់៦៤ ០០០ហិកតា នៅក្នុងឆ្នាំ២០២៥នេះ។ ការធ្វើកសិកម្មក្នុងផ្ទះសំណាញ់របស់អ៊ីរ៉ង់អាចបង្កើនទិន្នផលយ៉ាងច្រើន ហើយជួយកាត់បន្ថយការប្រើប្រាស់ទឹកច្រើនផងដែរ ដែលជួយសម្រាលបន្ទុករបស់ប្រទេសប្រឈមនឹងបញ្ហាខ្វះខាតទឹក ដែលជាតម្រូវការសម្រាប់ផលិតកម្មដាំបន្លែផ្លែឈើឱ្យបានពេញមួយឆ្នាំ។ […]

ហុងកុង៖ នៅពេលព្យុះទីហ្វុង វីផា (Wipha) កាន់តែមានឥទ្ធិពលកម្លាំងខ្លាំង ហើយក្រុមឃ្លាំមើលអាកាសធាតុហុងកុង បានប្រកាសថា ទំនងជាមានខ្យល់បក់ខ្លាំង និងភ្លៀងធ្លាក់ខ្លាំងចូលមកដល់នាពេលខាងមុខ ភ្លាមនោះប្រជាជនហុងកុង ក៏ផ្អើលនាំគ្នាសម្រុកទីទៅទិញគ្រឿងឧបភោគបរិភោគមកស្តុកទុកសម្រាប់ថ្ងៃក្រោយ។ យោងតាមការផ្សាយរបស់គេហទំព័រលក់បន្លែផ្លែឈើ កាលពីថ្ងៃទី២២ ខែកក្កដា ឆ្នាំ២០២៥ បានលើកឡើងថា ដោយគិតទុកជាមុនអំពីព្យុះចូលមកដល់ ប្រជាជនហុងកុងក៏ផ្អើលសម្រុកចូលបណ្តាផ្សារទំនើបក្នុងទីក្រុងហុងកុង ដូចជាផ្សារ វ៉ែលខាំ ( Wellcome) និងផ្សារអ៊ីអន (Aeon) ជាដើម​ ដោយនាំគ្នាទិញរបស់របរហូបចុកបន្លែបន្លុកស្ទើរគ្មានសល់។ សេចក្តីការណ៍ប្លែកនៅលើប្រព័ន្ធផ្សព្វផ្សាយសង្គម ក្នុងទីក្រុងហុងកុង បានបង្ហាញរូបភាព និងឃ្លីបវីដេអូអំពីធ្នើដាក់តាំងទំនិញ នៅទទេស្អាត ខណៈអ្នកខ្លះទិញបានរបស់របរសំខាន់ៗ។ ចំណែក រូបភាពខ្លះ​បង្ហោះ​តាម​ហ្វេ​ស​ប៊ុ​ក​ បាន​ផ្ទុះចំណាប់អារម្មណ៍​ដោយ​កត់​សម្គាល់​ថា រហូត​ដល់​ម៉ោង​៦​ល្ងាច ថ្ងៃទី២២ ខែកក្កដា ឆ្នាំ២០២៥ ទូ​ដាក់​នំប៉័ង​នៅ​ផ្សារ​ទំនើប​អ៊ី​អន គឺ​គ្មាននៅសល់នំប៉័ងឡើយ។ រីអ្នក​អត្ថាធិប្បាយ​បាន​សង្កេត​ឃើញបែបនេះ ហើយបញ្ចេញយោបល់​ថា «ប្រជាជន​ហុងកុង​ពិតចម្លែក​ណាស់ រាល់​ពេល​មាន​ខ្យល់ព្យុះភ្លៀងម្តងៗ ពួកគេផ្អើលឈូឆរ​ប្រញាប់ប្រញាល់​ទិញស្តុក​គ្រឿង​ហូបចុក។ ប៉ុន្តែ តាមពិត​ភោជនីយដ្ឋាន​ភាគច្រើន​នៅហុងកុង កំពុងតែ​បើកទ្វារ​ដដែល មិន​ចាំបាច់​ភ័យ​ស្លន់ស្លោ​ឡើយ»។ ទោះបីជាភោជនីយដ្ឋាននៅបើកទ្វារក្តី រឿងចម្លែកមួយទៀតគួរឱ្យកត់សម្គាល់ គឺមានតែបន្លែភ្លៅកង្កែបប៉ុណ្ណោះ ដែលសល់លើធ្នើ ចំណែកបន្លែផ្សេងទៀតគេទិញអស់គ្មានសល់។ […]

បាត់ដំបង៖ ដើម្បីអភិវឌ្ឍសហគមន៍មូលដ្ឋាន និងក៏ដូចជាលើកស្ទួយជីវភាពប្រជាពលរដ្ឋឱ្យកាន់តែប្រសើរឡើងថែមទៀតនោះសហគមន៍មួយមានឈ្មោះថា សហគមន៍សំឡូត រតនផល បានកំពុងដាំដុះដំណាំច្រើនមុខក្នុងនេះរួមមានទាំង ដំណាំហូបផ្លែ ពិសេសដំណាំទុរេន សាម៉ាវ ប៊័រ មង្ឃុត និងបន្លែបង្ការ ដែលមានគុណភាពល្អសម្រាប់លក់លើទីផ្សារ។ ក្នុងចំណោមដំណាំទាំងនេះ ដំណាំទុរេន គឺជាដំណាំយុទ្ធសាស្រ្តរបស់សហគមន៍មួយផងដែរ។ សហគមន៍សំឡូតរតនផល ស្ថិតនៅក្នុងភូមិស៊ុង ឃុំស៊ុង ស្រុកសំឡូត ខេត្តបាត់ដំបង។ សហគមន៍នេះមានសមាជិក១៩៤នាក់ ដែលម្នាក់ៗកំពុងមមាញឹកនឹងការដំណាំកសិកម្មចម្រុះច្រើនមុខ ហើយកំពុងហុចផលជាបន្តបន្ទាប់សម្រាប់លក់លើទីផ្សារ។ព្រមជាមួយគ្នានេះសហគមន៍ក៏កំពុងពង្រីកទីផ្សាររបស់ខ្លួន ក៏ដូចជាស្វះស្វែងរកដៃគូដើម្បីរៀបចំផែនការអាជីវកម្មសម្រាប់ឆ្នាំ២០២៦ខាងមុខផងដែរ។ លោក កង មុំ ប្រធានសហគមន៍សំឡូតរតនផល បានឱ្យដឹងថា មកដល់ពេលនេះសហគមន៍កំពុងសម្របសម្រួលកសិករក្រុមផលិតក្នុងផ្ទះសំណាញ់ និងដំណាំទីវាលឱ្យចូលរួមជាបណ្ដុំជាមួយនឹងសហគមន៍ ហើយសហគមន៍កំពុងតែស្វែងរកដៃគូដើម្បីកសាងឃ្លាំងសម្រាប់ប្រមូលផ្ដុំកសិផលទៅលើមុខរបរទីផ្សារ។ កន្លងមកសហគមន៍បានប្រកាន់នូវគោលការណ៍ចំនួនបី គឺ ផ្គត់ផ្គង់វត្ថុធាតុដើមផ្នែកកសិកម្ម សេវាកម្មប្រមូលសំរាម និងផ្តល់ឥណទានកសិកម្ម។ លោកបានបន្តឱ្យដឹងថា សហគមន៍បានចាប់ផ្តើមកកើតឡើងតាំងតែពីឆ្នាំ២០១៤មកម្ល៉េះ។ ដំណាំជាច្រើនមុខត្រូវបានដាំដុះ និងលក់លើទីផ្សារ។ សម្រាប់ដំណាំដែលសហគមន៍កំពុងតែគ្រោងនឹងបង្កើត ហើយក៏ជាដំណាំយុទ្ធសាស្រ្តទៅថ្ងៃខាងមុខនេះ គឺបានផ្តោទៅលើដំណាំស្វាយចន្ទី និងបន្លែសុវត្ថិភាព។ សម្រាប់ឆ្នាំ២០២៦ខាងមុខ សហគមន៍នឹងស្វែងរកដៃគូសម្រាប់ពង្រីកការដាំដុះដំណាំ និងក៏ដូចជាការរកទីផ្សារមួយជាក់លាក់។ អ្នកស្រី ណម ភ័ណ្ឌ សមាជិកនៃសហគមន៍សំឡូតរតនផល បានឱ្យដឹងថា ដំណាំទុរេននាឆ្នាំនេះបានហុចផលច្រើនតោន […]

កំពង់ឆ្នាំង៖ លោក កាន់ គន្ធី នាយកក្រុមហ៊ុនសាជីវកម្មសហគមន៍កសិកម្មកម្ពុជា បាន​​លើកឡើងថា កាលពីថ្ងៃទី១៨ ខែកក្កដានេះ បានចុះហត្ថលេខាលើកិច្ចសន្យាកសិកម្មជាមួយសហគមន៏ចំនួនបួន ស្ដីពីផលិតកម្ម និងការផ្គត់ផ្គង់ស្រូវសរីរាង្គផ្ការំដួល ដែលបានប្តូរពូជសុទ្ធល្អ ក្នុងខេត្តកំពង់ឆ្នាំង ក្នុងបរិមាណជាង១៣០០តោន។ ពិធីចុះហត្ថលេខានេះ ក្រោមកិច្ចសម្របសម្រួលរបស់សមាគមបណ្ដាញកសិករ និងធម្មជាតិ និងសហការជាមួយមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង។ សហគមន៍កសិកម្មទាំងបួននេះ មានសមាជិកសរុបចំនួន៤០២រូប និងមានផ្ទៃដីដាំដុះសរុបប្រមាណ៩៥០ហិកតា។ លោក កាន់ គន្ធី នាយកក្រុមហ៊ុនសាជីវកម្មសហគមន៍កសិកម្មកម្ពុជា មានប្រសាសន៍បញ្ជាក់ថា ការចុះកិច្ចសន្យាកសិកម្មរបស់ក្រុមហ៊ុននៅក្នុងឆ្នាំ២០២៥នេះ ក៏បានចូលរួមចំណែកផ្តល់ជាឥណទានពូជស្រូវផ្ការំដួល ដែលចុះបញ្ជី ដើម្បីចូលរួមចំណែកក្នុងការបង្កើនទិន្នផល និងគុណភាពអង្ករសម្រាប់ការនាំចេញទៅកាន់ទីផ្សារអន្តរជាតិ។ ចំណែកលោក ឆុង សុផល អ្នកសម្របសម្រួលគម្រោងបណ្តាញកសិករ និងធម្មជាតិ បានលើកឡើងអំពីវឌ្ឍនភាពសហគមន៍កសិកម្ម ក្នុងខេត្តកំពង់ឆ្នាំង ដែលមានការគាំទ្រពីគម្រោងនានា។ រីឯលោក យ៉ានូ នាយកអង្កការឌីស៊ីអេ ប្រចាំប្រទេសកម្ពុជាបានលើកឡើងពីការគាំទ្រថវិកា ទៅលើអង្គការក្នុងប្រទេសកម្ពុជាចំនួន២២ និងបានរំលេចអំពីសារៈសំខាន់នកិច្ចសន្យាកសិកម្ម។ កញ្ញា ហេង គឹមស្រ៊ាង អនុប្រធានមន្ទីរកសិកម្មខេត្តកំពង់ឆ្នាំងក៏បានលើកឡើងអំពីផលប្រយោជន៍នៃកិច្ចសន្យាកសិកម្មសម្រាប់សហគមន៍នៅក្នុងខេត្តកំពង់ឆ្នាំង សម្រាប់ការរៀបចំនូវផែនការផលិតដើម្បីឆ្លើយតបទៅនឹងតម្រីវការទីផ្សារដោយធានាបាននូវប្រសិទ្ធភាព គុណភាព និងសុវត្ថិភាព […]

ភ្នំពេញ៖ វិទ្យាស្ថានជាតិកសិកម្ម ព្រែកលៀប និងអង្គការជាតិ អង្គការអន្តរជាតិប្រមាណ១០ស្ថាប័ន នៅថ្ងៃទី២៣​ ខែកក្កដា ឆ្នាំ២០២៥នេះ បានរៀបចំកម្មវិធីយុវកសិករ និងកសិ-ឡាំពិកកម្ពុជា លើកទី១ ដោយផ្តោតលើប្រធានបទ ការពង្រឹងនិរន្តរភាពអភិវឌ្ឍន៍ជនបទ។ កម្មវិធីនេះ មានការអញ្ចើញចូលរួមជាកិត្តិយសពីលោកជំទាវ ចាន់ ផលលឿន អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ, ឯកឧត្តមបណ្ឌិត ឈុន តូរី នាយកវិទ្យាស្ថានជាតិកសិកម្មព្រែកលៀប, លោក អាមីរុល អ៊ីស្លាម (AMIRUL ISLAM) តំណាងសមាគមកសិករអាស៊ីសម្រាប់ការអភិវឌ្ឍជនបទ ប្រកបដោយនិរន្តរភាព (AFA) លោកស្រី ប៊ី សុគន្ធា ប្រធានកម្មវិធីខ្សែច្រវាក់តម្លៃកសិកម្ម និងប្រព័ន្ធស្បៀង នៃសហភាពអឺរ៉ុបប្រចាំកម្ពុជា,លោក សួស ពិនរក្ស អ្នកជំនាញកម្មវិធី និងបរិស្ថាននៃមូលនិធិអន្តរជាតិ សម្រាប់អភិវឌ្ឍន៍កសិកម្ម (IFAD) លោកស្រី Rebekah Bell នាយិកា អង្គការស្បៀង និងកសិកម្មប្រចាំកម្ពុជា (FAO) រួមនិងតំណាងអង្គការដៃគូជាច្រើនទៀត។ លោកជំទាវ ចាន់ ផលលឿន […]

ប៉េកាំង៖ វាលស្រូវសាលីទំហំជាង១៧៣ហិកតា ត្រូវបានចាប់ផ្តើមប្រមូលផលជាលើកដំបូងនៅចុងតំបន់វាលខ្សាច់ដ៏ធំបំផុតរបស់ប្រទេសចិន ដែលត្រូវបានដាំតាមបច្ចេកទេសកសិកម្ម​ច្នៃប្រឌិតថ្មី ធ្វើដំណាំស្រូវសាលីធន់នឹងគ្រោះរាំងស្ងួតហួតហែង។ ស្រូវសាលីទាំងនេះ ត្រូវបានដាំតាមបច្ចេកទេសដ៏អស្ចារ្យ នៅលើមហាវាលខ្សាច់ឈ្មោះ តាក់ឡាម៉ាកាន់​  (Taklamakan) ដ៏ធំល្វឹងល្វើយរបស់ប្រទេសចិន ដែលត្រូវបានគេស្គាល់ជាទូទៅថា ជា «សមុទ្រមរណៈ»។ យោងតាមទីភ្នាក់ងារព័ត៌មាន​ ស៊ីនហួ របស់ចិនចេញផ្សាយកាលពីថ្ងៃទី១៩ ខែកក្កដា ឆ្នាំ២០២៥ បានឱ្យដឹងថា រដូវប្រមូលផលស្រូវសាលីដាំលើសមុទ្រខ្សាច់នេះ កសិករ ចិនបានចាប់ផ្តើមប្រើគ្រឿងចក្រច្រូតកាត់លើផ្ទៃទំហំជាង១៧៣ហិកតា ប៉ុន្តែមិនទាន់មានរបាយការណ៍បញ្ជាក់ពីទិន្នផលនៅឡើយទេ ដោយសារស្ថិតក្នុងដំណាក់កាលទើបចាប់ផ្តើម។ ប៉ុន្តែយោងតាមការប៉ាន់ស្មានរបស់អ្នកជំនាញកសិកម្មចិន បានឱ្យដឹងថា ស្រូវសាលីដាំលើវាលខ្សាច់នៅក្នុងឆ្នាំ២០២៥នេះ អាចផ្តល់ទិន្នផលខ្ពស់ជាងឆ្នាំមុន ដែលជាឆ្នាំចាប់ផ្តើមដាំសាកល្បងដំណាំកសិអាហារមួយនេះ។ កាលពីចុងខែមិថុនា ឆ្នាំ២០២៤ វាលស្រូវសាលីដ៏ធំល្វឹងល្វើយ ត្រូវបានកសិករចិនសាកល្បងដាំដោយជោគជ័យ នៅចុងឆ្នេរខ្សាច់នៅភាគនិរតីនៃសមុទ្រខ្សាច់ ស្ថិតនៅក្នុងតំបន់ស្វយ័ត ស៊ីនជាំង អ៊ុយហ្គួរ (Xinjiang Uygur) ដោយដាំនៅឆ្នាំ២០២៤នោះ​ មានទំហំផ្ទៃដីជាង៤០០ហិកតា ដែលធ្វើឱ្យវាលខ្សាច់ក្លាយជាវាលស្រែដ៏ធំបំផុតរបស់ប្រទេសចិន និងត្រូវបានកត់សម្គាល់ជាកសិកម្មច្នៃប្រឌិតថ្មីនេះ គឺជាវិធីសាស្ត្រប្រយុទ្ធប្រឆាំងនឹងការរីករាលដាលរបស់វាលខ្សាច់ តាមរយៈកសិកម្មប្រកបដោយនិរន្តរភាព។ លោក វ៉ាង ជៀនជុន (Wang Jianjun) អគ្គនាយករងនៃក្រុមហ៊ុនធ្វើអាជីវកម្មផ្នែកកសិកម្មនៅតំបន់ ស៊ីនជាំង​ ធ្លាប់បាននិយាយថា ដំណាំស្រូវសាលីដាំនៅលើវាលខ្សាច់ […]

វៀងចន្ទន៍៖ ក្រសួងឧស្សាហកម្ម និងពាណិជ្ជកម្មឡាវ និងវៀតណាម បានរួមគ្នារៀបចំពិព័រណ៍ពាណិជ្ជកម្ម ឡាវ -វៀតណាម ឆ្នាំ២០២៥ នៅទីក្រុងវៀងចន្ទន៍ នាថ្ងៃទី១៧ ខែកក្កដា ឆ្នាំ២០២៥នេះ ដើម្បីពង្រឹងកិច្ចសហប្រតិបត្តិការសេដ្ឋកិច្ច និងវិបុលភាពរួមគ្នារបស់ប្រទេសទាំងពីរ។ ថ្លែងក្នុងពិធីនេះ រដ្ឋមន្ត្រីក្រសួងឧស្សាហកម្ម និងពាណិជ្ជកម្មឡាវ លោក ម៉ាឡៃធុង កុំម៉ាសិត (Malaythong Kommasith) បានមានប្រសាសន៍ថា ព្រឹត្តិការណ៍ពិព័រណ៍នៅពេលនេះ គឺជាលើកទី១៥ ដែលបានក្លាយជាពិព័រណ៍ពាណិជ្ជកម្មថ្នាក់ជាតិរវាងប្រទេសឡាវ និងវៀតណាម ដែលរួមចំណែកដល់ការពង្រឹងកិច្ចសហប្រតិបត្តិការលើគ្រប់វិស័យរវាងរដ្ឋាភិបាល និងប្រជាជននៃប្រទេសទាំងពីរ។ លោក​បាន​បន្ថែម​ថា ពិព័រណ៍​នេះបាន​ដើរ​តួនាទី​យ៉ាង​សំខាន់​ក្នុង​ការ​លើក​កម្ពស់​ពាណិជ្ជកម្ម វិនិយោគ និង​ទេសចរណ៍ ព្រម​ទាំង​ជួយ​ដល់​ការ​អភិវឌ្ឍ​សេដ្ឋកិច្ច​សង្គម​នៃ​ប្រទេស​ទាំង​ពីរ។ លោករដ្ឋមន្ត្រីបានកោតសរសើរចំពោះការចាប់អារម្មណ៍យ៉ាងខ្លាំង និងការចូលរួមយ៉ាងសកម្មរបស់សហគ្រាសឡវ និងវៀតណាម នៅក្នុងពិព័រណ៍ឆ្នាំ២០២៥នេះ ដែលឆ្លុះបញ្ចាំងពីទំហំនៃចំនួនស្តង់តាំងពិព័រណ៍ និងភាពសម្បូរបែបនៃផលិតផលដាក់តាំងបង្ហាញ។ លោកបានសម្តែងការជឿជាក់ថា ព្រឹត្តិការណ៍នេះនឹងជំរុញពាណិជ្ជកម្មទ្វេភាគីបន្ថែមទៀត និងជួយឱ្យសម្រេចបាននូវគោលដៅសហប្រតិបត្តិការ ដែលបានកំណត់ដោយមេដឹកនាំនៃប្រទេសទាំងពីរ។ យោងតាមលោក ម៉ាឡៃធុង កុំមា៉សិត ពាណិជ្ជកម្មទ្វេភាគីឈានដល់២,២៥ពាន់លានដុល្លារ ក្នុងឆ្នាំ ២០២៥ កើនឡើងចំនួន៣៨,២ភាគរយធៀបនឹងឆ្នាំមុន។  ជាពិសេស ចំណូលពាណិជ្ជកម្មសរុបក្នុងរយៈពេលប្រាំខែដំបូងនៃឆ្នាំ២០២៥បានកើនឡើងដល់១,៦ពាន់លានដុល្លារ ដែលកើនឡើងចំនួន១០០,៤ភាគរយពីមួយឆ្នាំទៅមួយឆ្នាំ។ ពិព័រណ៍ពាណិជ្ជកម្មឡាវ […]