News

ម៉ានីល៖ ប្រទេសហ្វីលីពីនកំពុងងាកទៅរកកោះតៃវ៉ាន់ ដែលជាទីផ្សារកំពុងតែរីកធំសម្រាប់ការនាំចេញកសិផលហ្វីលីពីនក្នុងគោលបំណងដើម្បីធ្វើពិពិធកម្មដៃគូពាណិជ្ជកម្ម និងបន្ធូរបន្ថយសម្ពាធពីភាពតានតឹងពិភពលោក។ នៅក្នុងសេចក្តីថ្លែងការណ៍មួយកាលពីថ្ងៃទី៩ ខែកញ្ញា​ ឆ្នាំ២០២៥ ក្រសួងកសិកម្ម បាននិយាយថា ប្រទេសហ្វីលីពីន បានចូលរួមក្នុងកម្មវិធី «សប្តាហ៍កសិកម្មឆ្លាតរបស់តៃវ៉ាន់ (Taiwan Smart Agri-Week 2025) ដើម្បីបង្ហាញបន្ថែមនូងផលិតផលកសិកម្មរបស់ហ្វីលីពីន និងចាប់យកឱកាសនាំចេញកាន់តែទូលំទូលាយ។ ជំនួយការរដ្ឋមន្ត្រីក្រសួងកសិកម្មហ្វីលីពីន បាននិយាយថា ការចូលរួមក្នុងព្រឹត្តិការណ៍នេះ គឺឆ្លុះបញ្ចាំងពីចក្ខុវិស័យរបស់ប្រធានាធិបតីហ្វីលីពីន លោក ហ្វឺឌីណេនដ៍ ម៉ាកូស (Ferdinand Marcos Jr.) ដែលបានគូសបញ្ជាក់នៅក្នុងសេចក្តីថ្លែងការណ៍ ឆ្នាំ២០២៥ ដើម្បីពង្រីកឧស្សាហកម្មសំខាន់ៗរបស់ខ្លួន មានដូចជាវិស័យកសិកម្ម និងកសិពាណិជ្ជកម្មជាដើម។ ពិព័រណ៍ពាណិជ្ជកម្ម ដែលធ្វើឡើងចាប់ពីថ្ងៃទី៣ ដល់ថ្ងៃទី៥ ខែកញ្ញា ឆ្នាំ២០២៥ នៅទីក្រុងតៃប៉ិ បានដាក់តាំងបង្ហាញផលិតផលបង្កើតឡើយដោយកសិករវ័យក្មេង សហគ្រាសខ្នាតតូច និងអ្នកនាំចេញ។ ការដាក់តាំងបង្ហាញនៅក្នុងពន្លារបស់ប្រទេសហ្វីលីពីន រួមមានទំនិញដែលមានប្រភពចេញពីផ្លែវ៉ានីឡា កាហ្វេផ្សំ ផ្លែចេក និងផលិតផលធ្វើពីដូង ចំណិតស្វាយ សូកូឡា ត្រីសាឌីនដប និងតែរមៀត។ ក្រុមហ៊ុនដឹកជញ្ជូនក៏បានបង្ហាញពីតួនាទីរបស់ខ្លួនក្នុងការធានារាល់ការដឹកជញ្ជូនទំនិញទៅកាន់កោះតៃវ៉ាន់ប្រកបដោយប្រសិទ្ធភាពផងដែរ។ លោកស្រីប្រធានការិយាល័យសេដ្ឋកិច្ច និងវប្បធម៌ប្រចាំទីក្រុងម៉ានីល បានពណ៌នាកោះតៃវ៉ាន់ […]

សិង្ហបុរី៖ ប្រទេសតូចៗ១៤ ជាសមាជិកអង្គការពាណិជ្ជកម្មពិភពលោក កាលពីថ្ងៃទី១៦ ខែកញ្ញា ឆ្នាំ២០២៥ បានប្រមូលផ្តុំគ្នាបង្កើតភាពជាដៃគូថ្មី នៅក្នុងប្រទេសសិង្ហបុរី ដើម្បីជំរុញទំនាក់ទំនងពាណិជ្ជកម្មរបស់ខ្លួន ចំពេលមានភាពតានតឹងចំពោះប្រព័ន្ធពាណិជ្ជកម្មប្រកាន់ច្បាប់តឹងតែងពេក។​ សមាជិកផ្សេងទៀតនៃភាពជាដៃគូ «អនាគតនៃការវិនិយោគ និងពាណិជ្ជកម្ម The Future Investment and Trade» ដែលបានចាប់ផ្តើមនៅក្នុងប្រទេសសិង្ហបុរី តាមរយៈកិច្ចប្រជុំថ្នាក់រដ្ឋមន្ត្រីមកពីប្រទេសតូចៗទាំង១៤ រួមមានប្រទេសប្រ៊ុយណេ ឈីលី កូស្តារីកា អ៊ីស្លង់ លីចតេនស្ទីន ម៉ារ៉ុក នូវែលសេឡង់ ន័រវែស ប៉ាណាម៉ា រវ៉ាន់ដា ស្វីស អារ៉ាប់រួម និងប្រទេសអ៊ុយរូហ្គាយ។ ឧបនាយករដ្ឋមន្ត្រី និងជារដ្ឋមន្ត្រីក្រសួងពាណិជ្ជកម្ម និងឧស្សាហកម្ម លោក ហ្គាន គឹមយ៉ុង (Gan Kim Yong) ដែលតំណាងឱ្យប្រទេសសិង្ហបុរី នៅក្នុងកិច្ចប្រជុំនេះ បានមានប្រសាសន៍ថា ភាពជាដៃគូឆ្លុះបញ្ចាំងពីគោលបំណងរួមរបស់ប្រទេសជាសមាជិក ដើម្បីគាំទ្រដល់ប្រព័ន្ធពាណិជ្ជកម្មពហុភាគី ដែលផ្អែកលើច្បាប់ និងដោះស្រាយបញ្ហាប្រឈមនាពេលបច្ចុប្បន្ន និងថ្ងៃអនាគត។ លោកបានបញ្ជាក់នៅក្នុងសេចក្តីថ្លែងការណ៍ថា «យើងសង្ឃឹមថា ភាពជាដៃគូអនាគតនៃការវិនិយោគ និងពាណិជ្ជកម្ម នឹងក្លាយជាកត្តាជំរុញឱ្យមានការច្នៃប្រឌិត […]

រដ្ឋាភិបាលប្រទេសអាឡឺម៉ង់ និងនីហ្សេរីយ៉ា សហការជាមួយសហភាពអឺរ៉ុប បានចាប់ផ្តើមគម្រោងផ្លាស់ប្តូរប្រព័ន្ធកសិកម្មសម្រាប់ការអភិវឌ្ឍន៍សេដ្ឋកិច្ចជនបទ ដោយគ្រោងចំណាយថវិកាអស់ចំនួន១៩,៧លានដុល្លារ សម្រាប់បង្កើតខ្សែសង្វាក់តម្លៃប៉េងប៉ោះ និងខ្ញី នៅក្នុងប្រទេសនីហ្សេរីយ៉ា។ យោងតាមគេហទំព័របន្លែផ្លែឈើ បានឱ្យដឹងថា កម្មវិធីនេះនឹងត្រូវបានអនុវត្តក្រោមកម្មវិធីសហប្រតិបត្តិការអន្តរជាតិរបស់អាឡឺម៉ង់ ដោយសហការជាមួយស្ថាប័នជាតិធំៗពីររបស់នីហ្សេរីយ៉ា គឺក្រសួងថវិកា និងផែនការជាតិ រួមជាមួយក្រសួងកសិកម្ម និងសន្តិសុខស្បៀង ដោយគ្រោង ចាប់ផ្តើមចាប់ពីខែតុលា ឆ្នាំ២០២៤ ដល់ខែកញ្ញា ឆ្នាំ២០២៨។ តំណាងកម្មវិធីសហប្រតិបត្តិការអន្តរជាតិរបស់អាឡឺម៉ង់ បាននិយាយថា គំនិតផ្តួចផ្តើមនេះ មានគោលបំណងបង្កើត ឬបង្កើនការងារថ្មីចំនួន១០ ០០០កន្លែង និងផ្តល់ប្រាក់ហិរញ្ញប្បទានចំនួន២​,១៥លានដុល្លារ។ លោកស្រីតំណាងបានមានប្រសាសន៍ដូច្នេះថា «យើងមានបំណងធ្វើការជាមួយអ្នកទទួលផលប្រយោជន៍ចំនួន២៥ ០០០នាក់ ភាគច្រើនជាស្ត្រី និងយុវជន។ យើងនឹងធ្វើការជាមួយអ្នកពាក់ព័ន្ធខ្សែសង្វាក់តម្លៃសំខាន់ៗផ្សេងទៀត ដើម្បីធានាថា ពួកគេយល់ច្បាស់អំពីគោលការណ៍នៃការលើកកម្ពស់ខ្សែសង្វាក់តម្លៃ»។ គម្រោងនេះកំណត់គោលដៅកាត់បន្ថយ១៥ភាគរយនៃការខាតបង់ ក្រោយការប្រមូលផល នៅទូទាំងខ្សែសង្វាក់តម្លៃ ដែលបានជ្រើសរើស។  គម្រោងនេះក៏ប្រឹងបង្កើនប្រាក់ចំណូលដល់កសិករ និងប្រាក់ចំណូលអាជីវកម្មចំនួន១៥ភាគរយផងដែរ។ លោកស្រីបានបន្ថែមទៀតថា គម្រោងនេះនឹងលើកសំណើវិនិយោគយ៉ាងហោចណាស់ ២៥គម្រោង ដោយ១៥គម្រោងនឹងទទួលបានការគាំទ្រ និងសម្រាប់អ្នកទទួលផលចំនួន១៥ ០០០នាក់ ដើម្បីទទួលយកគម្រោងទៅអនុវត្តប្រកបដោយភាពឆ្លាតវៃ ឬបរិយាបន្ន។ ចំណែកអនុប្រធានគម្រោងប្រចាំប្រទេសនីហ្សេរីយ៉ា និងសហគមន៍សេដ្ឋកិច្ចនៃរដ្ឋអាហ្រ្វិកខាងលិច បាននិយាយថា កម្មវិធីនេះត្រូវអនុវត្តវិធីសាស្រ្តខ្សែសង្វាក់តម្លៃប្រកបដោយបរិយាបន្ន ដើម្បីដោះស្រាយបញ្ហាប្រឈមមួយចំនួន […]

ហាណូយ៖ រដ្ឋាភិបាលវៀតណាមបានស្នើឱ្យសហរដ្ឋអាម៉េរិកពិចារណាឡើងវិញនូវការសម្រេចហាមឃាត់ការនាំចេញអាហារសមុទ្រវៀតណាមមួយចំនួនទៅកាន់ទីផ្សារអាម៉េរិក ដែលនឹងចាប់ផ្តើមនៅឆ្នាំក្រោយ គឺជាផលប៉ះពាល់ដ៏ខ្លាំងដល់សេដ្ឋកិច្ច ដែលបានរងគ្រោះដោយពន្ធរបស់សហរដ្ឋអាម៉េរិករួចទៅហើយ។ ក្រសួងបាននិយាយនៅក្នុងសេចក្តីថ្លែងការណ៍មួយថា រដ្ឋមន្ត្រីក្រសួងឧស្សាហ៍កម្ម និងពាណិជ្ជកម្មវៀតណាម លោក ង្វៀន ហុងឌៀន (Nguyen Hong Dien) កាលពីថ្ងៃទី១៥ ខែកញ្ញា បានផ្ញើលិខិតមួយច្បាប់ទៅរដ្ឋមន្ត្រីក្រសួងពាណិជ្ជកម្មអាម៉េរិក លោក ហាវវើដ លូតនិក (Howard Lutnick) ដើម្បីសុំឱ្យ “ពិចារណាឡើងវិញ” នៃការសម្រេចចិត្តកាលពីខែសីហា ដោយរដ្ឋបាលមហាសមុទ្រ និងបរិយាកាសជាតិអាម៉េរិក បានកំណត់ថាវិធីសាស្រ្តនេសាទមួយចំនួនរបស់វៀតណាម បង្កហានិភ័យដល់ថនិកសត្វសមុទ្រ។ យោងតាមទិន្នន័យគយវៀតណាម បានឱ្យដឹងថា សហរដ្ឋអាម៉េរិក គឺទីផ្សារអាហារសមុទ្រដ៏ធំបំផុតរបស់វៀតណាម ដែលការនាំចេញចាប់ពីខែមករា​ ដល់ខែសីហា ឆ្នាំ២០២៥ កើនឡើងចំនួន៦,៩ភាគរយធៀបនឹងឆ្នាំមុន គឺកើនដល់១,២៤ពាន់លានដុល្លារ ស្មើនឹង១៧,៣ភាគរយនៃការនាំចេញអាហារសមុទ្រសរុបរបស់ប្រទេសវៀតណាម។ កាលពីខែមុន រដ្ឋបាលមហាសមុទ្រ និងបរិយាកាសជាតិអាម៉េរិក បានជូនដំណឹងដល់ក្រសួងកសិកម្មវៀតណាម ដោយបានប្រាប់យ៉ាងច្បាស់ថា សហរដ្ឋអាម៉េរិកបានបដិសេធមិនផ្តល់ការរកឃើញជាក់ស្តែងរបស់ខ្លួន ស្តីពីការការពារថនិកសត្វសមុទ្រ ចំពោះវិធីសាស្រ្តនេសាទរបស់វៀតណាមចំនួន១២យ៉ាងនោះទេ។ ប្រភពដដែលបានបញ្ជាក់ថា៖ ប្រទេសដែលជលផលសមុទ្ររបស់ខ្លួនត្រូវបានបដិសេធបន្ទាប់ពីការរកឃើញជាក់ស្តែង គឺត្រូវបានហាមឃាត់មិនឱ្យនាំចេញត្រី និងផលិតផលត្រីពីជលផលទាំងនោះទៅកាន់សហរដ្ឋអាម៉េរិក ចាប់ពីថ្ងៃទី១ ខែមករា ឆ្នាំ២០២៦។ សេចក្តីថ្លែងការណ៍របស់ក្រសួងឧស្សាហ៍កម្ម […]

ព្រះវិហារ៖ ឧកញ៉ា ឡាយ ឈុនហួ ប្រធានសហព័ន្ធសហស្រូវអង្ករកម្ពុជា កាលពីថ្ងៃទី១៦ ខែកញ្ញា ឆ្នាំ២០២៥នេះ បានចូលរួមជាភ្ញៀវកិត្តិយស ក្នុងពិធីចុះហត្ថលេខានៃកិច្ចសន្យាកសិកម្ម រវាងក្រុមហ៊ុនឯកជនចំនួនពីរ រួមមានក្រុមហ៊ុនអេមរុរ៉ាយស៍ និងក្រុមហ៊ុនសាជីវកម្មសហគមន៍កសិកម្មកម្ពុជា ដែលជាសមាជិកសហព័ន្ធស្រូវអង្ករកម្ពុជា លើការបញ្ជាទិញកសិផលចំនួនពីរមុខ រួមមានស្រូវសរីរាង្គ និងដំឡូងមីសរីរាង្គ លើបរិមាណសរុប៧៣ ៨០០តោន ពីកសិករមកពីសហគមន៍កសិកម្មចំនួន៣២នៅក្នុងខេត្តព្រះវិហារ។ ការចុះកិច្ចព្រមព្រៀងទិញ-លក់ស្រូវ និងដំឡូងមីសរីរាង្គនេះ បានធ្វើឡើងតាមរយ:ការអនុវត្តផលិតកម្មកសិកម្មតាមកិច្ចសន្យា ដែលរៀបចំឡើងនៅរសៀលថ្ងៃទី១៦ ខែកញ្ញា ឆ្នាំ២០២៥ នៅសាលប្រជុំភោជនីយដ្ឋាន លី ហួត ក្រុងព្រះវិហារ ក្រោមអធិបតីភាព លោក អ៊ុក គឹមសាន្ដ អភិបាលរងខត្តព្រះវិហារ ព្រមទាំងមានការចូលរួមពីក្រុមហ៊ុនបញ្ជាទិញ មន្ទីរជំនាញពាក់ព័ន្ធ អង្គការដៃគូ ថ្នាក់ដឹកនាំ និងតំណាងសហគមន៍កសិកម្មទាំង៣២ផងដែរ ។ នៅក្នុងកម្មវិធីនេះដែរ ឧកញ៉ាប្រធានសហព័ន្ធស្រូវអង្ករកម្ពុជា បានលើកអំពីការសម្រេចបាននូវការនាំចេញអង្ករក្នុងរយៈពេលប្រាំបីខែ នៃឆ្នាំ២០២៥ បានចំនួន៤៧២ ៨០៣តោន ដែលគិតជាទឹកប្រាក់បានចំនួន៣៤៨,១៨លានដុល្លារ ដែលមានកំណើនជិត២០ភាគរយ និងការនាំចេញស្រូវសើមបានចំនួន៤ ៨៤៨ ៨៣៥តោន ដែលគិតជាទឹកប្រាក់បានប្រមាណជា១ ១១៤,២៥លានដុល្លារ ដែលមានកំណើនប្រមាណជា៥៤ភាគរយ។ […]

ស៊ីដនី៖ វិស័យសាកវប្បកម្មរបស់ប្រទេសអូស្ត្រាលីត្រូវបានព្យាករណ៍ថា នឹងរក្សាបាននូវកំណើនប្រកបដោយស្ថិរភាព ដោយសារមានតម្រូវការក្នុងស្រុក និងការនាំចេញទៅកាន់ទីផ្សារអាស៊ី។ ការិយាល័យសេដ្ឋកិច្ច និងវិទ្យាសាស្ត្រកសិកម្ម និងធនធានអូស្ត្រាលី ប៉ាន់ប្រមាណតម្លៃសរុបនៃផលិតកម្មសាកវប្បកម្ម បានចំណូល១១,៩ពាន់លានដុល្លារ រវាងចុងឆ្នាំ២០២៤ និងដើមឆ្នាំ២០២៥ នឹងកើនឡើងដល់១២,៤ពាន់លានដុល្លារ រវាងចុងឆ្នាំ២០២៥ និងដើមឆ្នាំ២០២៦។ ចំណូលមានមកពីផ្លែឈើ និងគ្រាប់ដំណាប់មានបរិមាណប្រហែល៤០ភាគរយ បន្លែ ស្រស់មាន៣៣ភាគរយ បណ្តុះកូនឈើ និងបណ្តុះដើមផ្កាមានចំនួន១៩ភាគរយ រួមជាមួយនឹងប្រភេទរុក្ខជាតិក្នុងតូចៗជាច្រើនទៀត។ ចំណែកបរិមាណផលិតកម្មវិញ ទទួលបានអំណោយផលលក្ខខណ្ឌលូតលាស់ ទោះបីជារាតត្បាតពីសត្វចង្រៃនៅតំបន់ភាគខាងត្បូង និងមានកម្ដៅខ្លាំងនៅក្នុងរដ្ឋឃ្វីនឡែន ដែលបង្កផលប៉ះពាល់ដល់ទិន្នផលខ្លះក៏ដោយ។  រីឯទិន្នផលផ្លែទំពាំងបាយជូ ក្រូចឆ្មារ និងផ្លែអាល់ម៉ុន អាចផ្គត់ផ្គង់ការនាំចេញបានគ្រប់គ្រាន់។  ផ្លែស្វាយនៅភាគខាងជើងរដ្ឋឃ្វីនឡែន និងផ្លែគូលែន ការ៉ុត ខ្ទឹមបារាំង និងក្រូចឆ្មាររបស់ប្រទេសអូស្ត្រាលីនៅភាគខាងលិច និងផ្លែ ឈើរី និងផ្លែប៊ឺរីដាំដុះនៅក្នុងតាស្មានា គឺសម្រាប់នាំចេញទៅកាន់គោលដៅទីផ្សារអាស៊ី។ ភាពសម្បូរហូរហៀសនៃទិន្នផលដំណាំអូស្ត្រាលី បានកើនឡើងតាមរយៈគ្រោងការណ៍ កម្លាំងពលកម្មចល័តប៉ាស៊ីហ្វីកអូស្ត្រាលី (Pacific Australia Labour Mobility) ទោះបីជាតម្លៃប្រាក់ឈ្នួលនៅតែកើនឡើងក៏ដោយ។  ចំណែកតម្លៃជី និងថាមពល បានធូរស្រាលបន្តិចតាំងពីឆ្នាំ ២០២២ ប៉ុន្តែនៅតែខ្ពស់កម្រិតមុនការរាតត្បាតនៃជំងឺកូវីដ១៩។ ការនាំចេញកសិផលរបស់អូស្ត្រាលី ត្រូវបានព្យាករណ៍ថា […]

ទីក្រុងហ្សឺណែវៈ កិច្ចព្រមព្រៀងដ៏សំខាន់មួយដើម្បីទប់ស្កាត់ការឧបត្ថម្ភធនជាទឹកប្រាក់រាប់ពាន់លានដុល្លារ ដែលរួមចំណែកដល់ការនេសាទហួសកម្រ​​​​​​ិត ត្រូវចូលជាធរមានកាលពីថ្ងៃទី១៥ ខែកញ្ញា ឆ្នាំ២០២៥ អង្គការពាណិជ្ជកម្មពិភពលោកបាននិយាយថា សកម្មភាពរបស់សកម្មជនការពារជលផលចាត់ទុកជាជំហានឆ្ពោះទៅរកការជួយឱ្យបរិមាណត្រីលើសកលលោកកើនឡើងវិញ។  យោងតាមទីភ្នាក់ងារព័ត៌មាន រ៉យទ័រ បានឱ្យដឹងថា នេះគឺជាកិច្ចព្រមព្រៀងដំបូង ដែលចូលជាធរមាននៅអង្គការពាណិជ្ជកម្មពិភពលោក ចាប់តាំងពីឆ្នាំ២០១៧ បន្ទាប់ពីការជជែកដេញដោលគ្នាជាច្រើនឆ្នាំ និងការប៉ះទង្គិចគ្នានៅលើ ការដំឡើងពន្ធគយថ្មីៗនេះរបស់សហរដ្ឋអាមេរិក ដែលបានធ្វើឱ្យអ្នករិះគន់មួយចំនួនចោទសួរថា តើអង្គការពាណិជ្ជកម្មពិភពលោកអាចនៅមានជីវិតបន្តទៀតដែរឬទេ។ អ្នកនាំពាក្យរបស់អង្គការពាណិជ្ជកម្មពិភពលោក បាននិយាយថា ការផ្តល់សច្ចាប័នជាផ្លូវការដោយប្រទេសប្រេស៊ីល កេនយ៉ា តុងហ្គា និងប្រទេសវៀតណាម កាលពីថ្ងៃទី១៥ ខែកញ្ញា ឆ្នាំ២០២៥ មានន័យថា កិច្ចព្រមព្រៀងដែលបានឯកភាពគ្នាជាលើកដំបូង តាំងពីឆ្នាំ២០២២ ឥឡូវនេះទទួលបានការគាំទ្រពីសមាជិកចំនួនពីរភាគបី។ ឥឡូវនេះរដ្ឋាភិបាលនៃរដ្ឋជាសមាជិកអង្គការពាណិជ្ជកម្មពិភពលោក ត្រូវបានហាមឃាត់មិនឱ្យផ្តល់ការឧបត្ថម្ភធនសម្រាប់សកម្មភាពនេសាទត្រីហួសកម្រិត និងហាមការនេសាទនៅក្នុងដែនទឹកអន្តរជាតិលើសពីដែនសមត្ថកិច្ចរបស់ខ្លួន។  រដ្ឋក្រីក្រតូចតាចនឹងអាចទទួលបានមូលនិធិខ្លះ ដើម្បីជួយសម្រួលដល់ពួកគេក្នុងការអនវត្តតាមកិច្ចព្រមព្រៀងនេះ។ តំណាងក្រុមអង្កការការពារជលផល បាននិយាយថា បរិមាណត្រីនៅជុំវិញពិភពលោកនឹងមានឱកាសកើនឡើងវិញ ដើម្បីផ្តល់អត្ថប្រយោជន៍ដល់អ្នកនេសាទក្នុងស្រុក ដែលពឹងផ្អែកលើមហាសមុទ្រដ៏សម្បូរត្រី។ តាមការសិក្សានៅឆ្នាំ២០១៩ នៅក្នុងគោលនយោបាយការពារសមុទ្រ បានបង្ហាញថា រដ្ឋាភិបាលនៅជុំវិញពិភពលោកចំណាយប្រាក់ប្រហែល៣៥,៤ពាន់លានដុល្លារក្នុងមួយឆ្នាំ ជួយដល់កងនាវានេសាទរបស់ពួកគេ រួមទាំងការផ្តល់ប្រេងឥន្ធនៈ ដើម្បីឱ្យពលរដ្ឋរបស់ខ្លួនអាចចូលទៅនេសាទនៅក្នុងមហាសមុទ្រឆ្ងាយៗពីប្រទេសរបស់ខ្លួន។ របាយការណ៍អំពីការសិក្សានោះ បានរាប់ក្រុមហ៊ុនឧបត្ថម្ភធនច្រើនជាងគេមកពីប្រាំប្រទេស មានដូចជាប្រទេសចិន សហភាពអឺរ៉ុប សហរដ្ឋអាមេរិក កូរ៉េខាងត្បូង […]

ប៉ារីស៖ ផ្សារទំនើបដ៏ល្បីឈ្មោះមួយកន្លែងនៅក្នុងប្រទេសបារាំង បានទទួលរងការផាកពិន័យពីអគ្គនាយកដ្ឋានការពារការប្រកួតប្រជែង កិច្ចការអ្នកប្រើប្រាស់ និងការត្រួតពិនិត្យការក្លែងបន្លំ សម្រាប់ការដាក់តាំងបង្ហាញកសិផលនាំចូលពីក្រៅប្រទេស ដោយកុហក់អ្នកទិញថា ជាកសិផលផលិតក្នុងស្រុកបារាំង។ ការស៊ើបអង្កេត ដែលធ្វើឡើងដោយអង្គភាពត្រួតពិនិត្យការក្លែងបន្លំ បានបង្ហាញថា បន្លែស្រស់ និងផ្សិតស្ងួត ចំនួន១៩មុខ ត្រូវបានបង្ហាញនៅក្នងផ្សារទំនើបរបស់បារាំងឈ្មោះ ការ៉េហ្វួរ (Carrefour) បានសរសេរថា «ផលិតនៅក្នុងប្រទេសបារាំង» ដែលតាមពិតផលិតផលទាំងនោះសុទ្ធតែនាំចូលពីបរទេស។  ការអនុវត្តនេះត្រូវបានពិពណ៌នាថាជា “ការបំភាន់អំពីប្រភពដើម” ហើយត្រូវបានចាត់ទុកថា ជាបទល្មើសធ្វើពាណិជ្ជកម្មដោយបំភាន់ភ្នែក បំពានលើច្បាប់ការពារអ្នកប្រើប្រាស់បារាំង ដែលត្រូវផ្តន្ទាទោសដាក់ពន្ធនាគាររហូតដល់រយៈពេលពីរឆ្នាំ និងពិន័យជាប្រាក់ចំនួន៣០០​ ០០០អឺរ៉ូ ឬស្មើនឹង៣៥២ ០៣៥ដុល្លារ។ យោងតាលលទ្ធផលស៊ើបអង្កេត បានបង្ហាញថា ផ្សារទំនើប និងអ្នកគ្រប់គ្រងរបស់ខ្លួន បានបំភាន់ភ្នែកអ្នកប្រើប្រាស់អំពីប្រភពដើមនៃបន្លែ និងផ្លែឈើមួយចំនួន ដោយដាក់តាំងបង្ហាញក្លែងក្លាយថា កសិផលផលិតនៅក្នុងប្រទេសបារាំង។ ការជំនួសប្រភពដើមរបស់បារាំងសម្រាប់បន្លែ និងផ្សិតស្ងួត ដែលនាំចូលទាំង១៩មុខនេះ ដើម្បីបំប៉ោងតម្លៃនៃផលិតផលនៅក្នុងភ្នែកអ្នកប្រើប្រាស់ ដោយធ្វើឱ្យពួកគេយល់ច្រឡំថា ជាប្រភពដើមពិតប្រាកដ ដែលជាលក្ខណៈវិនិច្ឆ័យសំខាន់សម្រាប់ការទិញក្នុងចំណោមអ្នកប្រើប្រាស់នៅក្នុងប្រទេសបារាំង។ រដ្ឋអាជ្ញាសាធារណៈនៃតុលាការយុត្តិធម៌ នៅក្នុងប្រទេសបារាំង បានសុំឱ្យផាកពិន័យផ្សារទំនើបនេះ គិតជាទឹកប្រាក់ចំនួន២១ ០០០អឺរ៉ូ ឬស្មើនឹង២៤ ៦៤២ដុល្លារ។  យោងតាមច្បាប់ការពារអ្នកប្រើប្រាស់របស់បារាំង ក្រៅពីការពិន័យជាអតិបរមា ជនល្មើសអាចប្រឈមមុខការជាប់ពន្ធនាគាររហូតដល់រយៈពេលពីរឆ្នាំ […]

ដោយ៖ឡុង សារេត រាជធានីភ្នំពេញ៖ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៦ ខែកញ្ញា ឆ្នាំ២០២៥នេះ បានរៀបចំពិធីប្រគល់សញ្ញាបត្រដល់និស្សិតមកពីសាកលវិទ្យាល័យភូមិន្ទកសិកម្ម, វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម សរុបប្រមាណ១ ៤៨៧នាក់។ តាមរយៈគ្រឹះស្ថានឧត្តមសិក្សាទាំងបីនេះ ក្នុងរយៈពេល៤០ឆ្នាំមកនេះបានបង្កើតនូវធនធានមនុស្សក្នុងវិស័យកសិកម្មជាង៣ម៉ឺននាក់។ ពិធីនេះមានការអញ្ចើញជាអធិបតីភាពដ៏ខ្ពង់ខ្ពស់ ដោយឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួង អប់រំ យុវជន និងកីឡា និងជាតំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា រយៈពេល៤០ឆ្នាំកន្លងមកនេះ គ្រឹះស្ថានឧត្តមសិក្សាកសិកម្មទាំងបីខាងលើបានរួមចំណែកកសាងធនធានមនុស្សសរុបចំនួ៣១ ៨៤១នាក់ នារីមាន៨ ៤២២ នាក់ ឬស្មើប្រមាណ២៤ភាគរយ ក្នុងនោះមកពីសាកលវិទ្យាល័យភូមិន្ទកសិកម្មចំនួន១៤ ៩៨១នាក់, វិទ្យាស្ថានជាតិកសិកម្មព្រែកលៀបចំនួន១១ ៦៥១នាក់ និង វិទ្យាស្ថានជាតិកសិកម្មកំពង់ចាមចំនួន៥ ២០៩នាក់។ ជាមួយនឹងអត្រានិស្សិតបញ្ចប់ការសិក្សាជាមធ្យមចំនួនប្រមាណ៨០០នាក់ ក្នុងមួយឆ្នាំ ខណៈគ្រឹះស្ថានទាំងបីកំពុងបន្តបណ្តុះបណ្តាលនិស្សិតចំនួន៥ ៨៦២នាក់ ក្នុងឆ្នាំសិក្សា២០២៤- […]

យូណាន៖ ផលិតបន្លែផ្លែឈើស្រស់ៗក្នុងខេត្តយូណាន ស្ថិតនៅភាគនិរតីនៃប្រទេសចិន ដែលទើបប្រមូលផលថ្មីៗត្រូវបានដឹកជញ្ជូនឆ្លងកាត់ព្រំដែនតាមរយៈគម្រោងបណ្តាញបៃតង សំដៅទៅទីផ្សារក្នុងប្រទេសជិតខាង ដែលមាន​តម្រូវការផលិតផលបន្លែរបស់កសិករចិន មានដូចជា​​ប្រទេសភូមាជាដើម។ ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ ផលិតផលបន្លែ​ផ្លែឈើ​ស្រស់ៗពី​ខេត្ត​យូណាន​បាន​កើន​ឡើង​នៅ​ទូទាំង​ទីផ្សារ​អាស៊ាន មានដូចជាផ្លែទំពាំងបាយជូ ក្រូចឆ្មា ផ្សិត និងផលិតផលផ្សេងទៀត កំពុងនាំមុខក្នុងការនាំចេញទៅកាន់ទីផ្សារក្រៅប្រទេស។ យោងតាមគយចិន ប្រចាំទីក្រុងគុនមីង បានឱ្យដឹងថា ពាណិជ្ជកម្មកសិកម្មរបស់ខេត្តយូណានជាមួយប្រទេសជាសមាជិកអាស៊ាន បានឈានដល់ទំហំទឹកប្រាក់ចំនួន២,៦២ពាន់លានដុល្លារក្នុងឆមាសទីមួយនៃឆ្នាំ២០២៥ គឺកើនឡើងចំនួន២៣,៥ភាគរយពីមួយឆ្នាំទៅមួយឆ្នាំ ដែលគ្រាន់តែផ្លែឈើតែមួយមុខប៉ុណ្ណោះ បានកើនឡើងចំនួន៤៤,៣ភាគរយក្នុងរយៈពេលដូចគ្នានេះ។ លោក ចាង សេងភីង (Zhang Shengping) នាយករងវិទ្យាស្ថានបន្លែ និងផ្កានៃបណ្ឌិត្យសភាវិទ្យាសាស្ត្រកសិកម្មចិន បានពន្យល់ថា ទឹកដីខ្ពង់រាបនៃខេត្តយូណានមានពន្លឺថ្ងៃគ្រប់គ្រាន់ និងសម្បូរជីវចម្រុះ ដែលអាកាសធាតុល្អអំណោយផលដល់ផលិតកម្មផ្លែឈើត្រូពិចពេញមួយឆ្នាំ។  ការប្រមូលផលពីខេត្តយូណាន បំពេញបន្ថែមសង្វាក់វិលជុំនៃផលិតកម្មសម្រាប់ទីផ្សារអាស៊ាន ព្រមទាំងបង្កើតការផ្គត់ផ្គង់ក្នុងអំឡុងពេលផុតរដូវប្រមូលផល។ ខេត្ត​យូណាន គឺ​ជា​តំបន់ផលិត​បន្លែ​ដ៏​សំខាន់​ផង​ដែរ​។  ជ្រលងភ្នំភាគខាងត្បូងអាចផលិតបន្លែដាំក្នុងរដូវក្តៅ សម្រាប់ផ្គត់ផ្គង់តម្រូវការក្នុងរដូវរងារ ខណៈតំបន់ខ្ពង់រាបអាចផលិតបន្លែក្នុងរដូវរងា សម្រាប់ផ្គត់ផ្គង់តម្រូវការនៅរដូវក្តៅ។ ដូច្នេះ តំបន់ដាំដុះក្នុងខេត្តយូណាន អាច​ផ្គត់ផ្គង់​បន្លែផ្លែឈើវិលជុំបាន​ពេញ​មួយ​ឆ្នាំ។ ចំណែកបណ្តាញដឹកជញ្ជូន បានគាំទ្រដល់កំណើននៃការនាំចេញ។  ផ្លូវដែកចិន-ឡាវ និងនីតិវិធីងាយស្រួលរបស់គយចិន បានជួយកាត់បន្ថយពេលវេលាដឹកជញ្ជូន បើធៀបនឹងការដឹកជញ្ជូនតាមផ្លូវគោក។ កាលពីខែសីហា ឆ្នាំ២០២៥នេះ រថភ្លើងខ្សែសង្វាក់ទូត្រជាក់សម្រាប់ដឹកបន្លែផ្លែឈើ បានដឹកផលិតផលស្រស់ៗ […]

ដោយ៖ឡុង សារេត ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាតំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី១៦ ខែកញ្ញានេះ បានផ្តល់អនុសាសន៍សំខាន់ៗចំនួនបីចំណុច ដល់គ្រឹះស្ថានឧត្តមសិក្សា សាកលវិទ្យាល័យភូមិន្ទកសិកម្ម, វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម ឱ្យបន្តជំរុញលើកកម្ពស់គុណភាពការសិក្សា និងបង្កើនការស្រាវជ្រាវ។ នៅក្នុងពិធីចែកសញ្ញាបត្រដល់និស្សិតចំនួន ១,៤៨៧នាក់ ឯកឧត្តមបណ្ឌិតសភាចារ្យ  បានចាត់ទុកការចែកសញ្ញាបត្រថ្ងៃនេះ គឺជាសក្ខីភាពមួយទៀតនៃជោគជ័យរបស់គ្រឹះស្ថានឧត្តមសិក្សាទាំងបី ក្រោមការគ្រប់គ្រងរបស់ក្រសួងកសិកម្ម រុក្ខាប្រមាញ់ និងនេសាទ។ នៅក្នុងពេលនេះដែរ ឯកឧត្តមបានផ្តល់អនុសាសន៍សំខាន់ៗចំនួនបីចំណុចដល់គ្រឹះស្ថានឧត្តមសិក្សាទាំងបីខាងលើផងដែរ។ (ទី១)-ត្រូវបន្តជំរុញលើកកម្ពស់គុណភាពការសិក្សា ដោយធ្វើទំនើបកម្មកម្មវិធីសិក្សាឆ្ពោះទៅកាន់ការធ្វើកសិកម្មទំនើបឌីជីថល និងបច្ចេកវិទ្យាសិប្បនិម្មិត (AI), បង្កើនសមត្ថភាពសាស្ត្រាចារ្យ និងលោកគ្រូ អ្នកគ្រូ, បំពាក់សម្ភារៈឧបករណ៍ចាំបាច់ និងទាញយកសក្តានុពលឱ្យអស់ពីលទ្ធភាពពីគម្រោងកែលម្អការអប់រំឧត្តមសិក្សាទី២ ដែលរាជរដ្ឋាភិបាលបានចូលរួមថវិកា វិនិយោគ លើការកែលម្អការអប់រំឧត្តមសិក្សានៅកម្ពុជា ដើម្បីអប់រំបណ្តុះបណ្តាលនិស្សិត ឱ្យស្របទៅនឹងតម្រូវការទីផ្សារការងារ។ (ទី២)- ត្រូវបង្កើនការស្រាវជ្រាវ និងអនុវត្តផ្ទាល់ឱ្យបានកាន់តែច្រើនថែមទៀតសម្រាប់និស្សិត និងដោយអភិវឌ្ឍមាតិកាស្រាវជ្រាវល្អៗលើមុខជំនាញឯកទេស ដើម្បីផ្សារភ្ជាប់ទ្រឹស្តី និងការអនុវត្តជាក់ស្តែង និងបង្កើតជាកញ្ចប់បច្ចេកវិទ្យា […]

ហ្សាក្រេប៖ នគរបាលរដ្ឋក្នុងប្រទេសអាល់បានី បានប្រកាសថា មនុស្សបីនាក់ត្រូវបានចាប់ខ្លួន បន្ទាប់ពីការរារាំង និងបំផ្លាញផ្លែប៉េងប៉ោះអស់ប្រហែលប្រាំបីតោនដោយអាជ្ញាធរក្រូអាស៊ី។  ផ្លែប៉េងប៉ោះនាំចូលពីប្រទេសអាល់បានី ត្រូវបានរកឃើញមានផ្ទុកសារធាតុកាកសំណល់ថ្នាំពុលសម្លាប់សត្វល្អិត ឈ្មោះក្ល័រហ្វេណាពៀ (Chlorfenapyr) កម្រិតខ្ពស់ខុសពីច្បាប់កំណត់។ យោងតាមសេចក្តីថ្លែងការណ៍របស់នគរបាលប្រទេសក្រូអាស៊ី បានឱ្យដឹងថា អ្នកគ្រប់គ្រងអង្គភាពផលិត និងនាំចូលបន្លែ ដែលដឹកជញ្ជូនប៉េងប៉ោះត្រូវបានចាប់ខ្លួន រួមជាមួយនឹងអធិការពីរនាក់មកពីទីភ្នាក់ងារត្រួតពិនិត្យសុវត្ថិភាពចំណីអាហារជាតិ។  ការចាប់ខ្លួននេះធ្វើឡើងក្រោមការដឹកនាំរបស់ការិយាល័យព្រះរាជអាជ្ញាប្រចាំតុលាការ។ សេចក្តីប្រកាសបានពន្យល់ថា អ្នកឯកទេសមកពីផ្នែកស៊ើបអង្កេតឧក្រិដ្ឋកម្មសេដ្ឋកិច្ច និងហិរញ្ញវត្ថុ សហការជាមួយកម្លាំងប្រតិបត្តិការពិសេស បានអនុវត្តប្រតិបត្តិការបង្ក្រាបម្តងទៀត បន្ទាប់ពីទទួលបានព័ត៌មានអំពីភាពមិនប្រក្រតីនៃការនាំចូលបន្លែ។ ការចាប់ខ្លួននេះ រួមមាន បុរសម្នាក់អាយុ៤០ឆ្នាំ ត្រូវបានគេស្គាល់ថា ជាអ្នកគ្រប់គ្រងក្រុមហ៊ុនប្រមូលទិញ និងនាំចូលបន្លែស្រស់ៗ។  បុរសរូបនេះបាននាំចូលផ្លែប៉េងប៉ោះចំនួនប្រាំបីតោនទៅកាន់ប្រទេសក្រូអាត ដែលបន្លែទាំងនេះត្រូវបានវិភាគរកឃើញកម្រិតខ្ពស់សារធាតុគីមី ក្ល័រហ្វេណាពៀ។ ផលិតផលបន្លែទាំងនេះត្រូវបានអាជ្ញាធរក្រូអាស៊ីបំផ្លាញចោល ចំណែកអ្នកគ្រប់គ្រងក្រុមហ៊ុននាំចូលបន្លែក៏ត្រូវតុលាការចោទប្រកាន់ថា បានប្រើប្រាស់វិក្កយបត្រទិញក្លែងក្លាយពីកសិករផ្សេងទៀត ដើម្បីជៀសវាងការទទួលខុសត្រូវតាមផ្លូវច្បាប់។ មនុស្សពីរនាក់ផ្សេង​ទៀត ​ដែល​ត្រូវ​បាន​ចាប់​ខ្លួន​ មានបុរសអាយុ២៧ឆ្នាំ និងម្នាក់ទៀតអាយុ២៥ឆ្នាំ ជា​អ្នកត្រួតពិនិត្យមើលទំនិញ។  សេចក្តីថ្លែងការណ៍រាយការណ៍ថា ក្នុងអំឡុងពេលត្រួតពិនិត្យសំណាក ម្ចាស់ក្រុមហ៊ុននាំចូលមិនអាចយកសំណាកប៉េងប៉ោះណាមួយនៅក្នុងកន្លែងលើកដាក់ទំនិញឡើយ ព្រមទាំងប្រើវិក្កយបត្រទិញក្លែងក្លាយដូចគ្នា។ កំណត់ត្រារបស់ក្រុមត្រួតពិនិត្យត្រូវបានគេរាយការណ៍ថា បានបញ្ចប់ដោយមិនបានអនវត្តតាមនីតិវិធីឱ្យបានត្រឹមត្រូវ ដោយបកស្រាយខុសអំពីស្ថានភាពជាក់ស្តែងទាក់ទងនឹងផ្លែប៉េងប៉ោះ ដែលរកឃើញមានសារធាតុថ្នាំសម្លាប់សត្វល្អិតខ្ពស់ហួសកម្រិតអនុញ្ញាត។ ក្នុងអំឡុងពេលឆែកឆេរឃ្លាំងស្តុកបន្លែផ្សេងទៀត អាជ្ញាធរក្រូអាស៊ី ក៏ត្រូវបានរឹបអូស ហើយយកសំណាកមកធ្វើតេស្តនៅមន្ទីរពិសោធន៍ ដោយសង្ស័យថា […]