អន្តរជាតិ

អន្តរជាតិ៖ ​ទីភ្នាក់ងារព័ត៌មានបរទេស បានធ្វើសេចក្តីរាយការណ៍ពីទីក្រុង ហ្សូរីក ប្រទេស​ស្វីស កាលពី​​ចុងសប្តាហ៍កន្លងមកពីថា រដ្ឋាភិបាល​ស្វីស​បាន​ចេញ​សេចក្តី​ថ្លែងការណ៍មួយដោយបញ្ជាក់ថា ទោះបីជាផលិតកម្មស៊ុតក្នុងស្រុក បានកើនឡើង២,៨ភាគរយនៅក្នុងចន្លោះឆ្នាំ ២០២៣ និងឆ្នាំ២០២៤ក៏ដោយ ក៏គ្រប់គ្រាន់សម្រាប់តម្រូវការក្នុងស្រុកឡើយ។ ចំពោះបរិមាណនៃតម្រូវការស៊ុតមាន់ នៅក្នុងប្រទេសស្វីស អំឡុងឆ្នាំកន្លងមក គឺ១៩៨គ្រាប់​សម្រាប់មនុស្សម្នាក់ គឺកើនឡើងប្រហែល៥ភាករយ បើធៀបនឹងរយៈពេលដូចគ្នា កាលពីឆ្នាំមុន។ ដូច្នេះ ដើម្បី​មាន​ស៊ុតមាន់​គ្រប់គ្រាន់​សម្រាប់​ធ្វើម្ហូប ប្រទេស​ស្វីស​គ្រោង​នឹង​បង្កើន​ការ​នាំ​ចូល​ស៊ុត​ចំនួន​១ម៉ឺនតោន ឬ​ប្រមាណ ១៥៨​លានគ្រាប់​នៅ​ដំណាច់​ឆ្នាំ​នេះ ។ ទោះបីយ៉ាង​ណា​ក៏ដោយ ប្រទេស ស្វីសក៏​ត្រូវ​ប្រកួតប្រជែង​ជាមួយសហរដ្ឋអាមេរិក ដែល​កំពុង​នាំ​ចូល​ស៊ុត​មាន់​មួយ​ចំនួន​ធំ​ផង​ដែរ។ ដោយសារតែការផ្ទុះឡើងនៃជំងឺផ្តាសាយបក្សី ដែលកំពុងបន្តកើតមាននៅក្នុងសហរដ្ឋអាមេរិក អស់រយៈពេលជាច្រើនឆ្នាំកន្លងមក រដ្ឋាភិបាលអាមេរិកបានបង្កើនការនាំចូលស៊ុតមាន់ពីបណ្តាប្រទេសក្នុងទ្វីបអ៊ឺរ៉ុបជាច្រើន ហើយព្រមជាមួយគ្នានេះ ក៏បានបញ្ជាទិញស៊ុតមាន់ពីប្រទេសកូរ៉េខាងត្បូង និងទួរគីផងដែរ។ បញ្ហាកង្វះខាតស៊ុតមាន់ និងស៊ុតឡើងថ្លៃនៅក្នុងទីផ្សារសហរដ្ឋអាមេរិក បានកើតឡើងដោយសារតែការឆ្លងរាតត្បាតនៃជំងឺផ្តាសាយបក្សី​ ដែលបង្ខំឱ្យអាជ្ញាធរអាមេរិកត្រូវសម្លាប់សត្វមាន់ចោលអស់ជាង៣០លានក្បាល និងបិទកសិដ្ឋានចិញ្ចឹមមាន់យកពងទ្រង់ទ្រាយធំមួយចំនួនជាបណ្តោះអាសន្នផងដែរ។ អង្គការពិភពលោកសម្រាប់សុខភាពសត្វ បានចេញសេចក្តីថ្លែងការណ៍មួយដោយដកស្រង់ព័ត៌មានពីរដ្ឋាភិបាលសហរដ្ឋអាមេរិកថា មានការផ្ទុះឡើងនៃជំងឺផ្តាសាយបក្សី H7N9 នៅកសិដ្ឋានចិញ្ចឹមមាន់ ក្នុងរដ្ឋម៊ីសស៊ីស៊ីបពី (Mississippi) កាលពីពាក់កណ្តាលខែមីនា ឆ្នាំ២០២៥នេះ។ ក្រសួងកសិកម្មសហរដ្ឋអាម៉េរិក និងការិយាល័យបសុសត្វ នៅតែបដិសេធមិនផ្តល់ការអត្ថាធិប្បាយជាផ្លូវការ អំពីស្ថានភាពជំងឺបក្សីនេះ​ ផ្ទុះឡើងចាប់តាំងពីឆ្នាំ២០១៧។ […]

អន្តរជាតិ៖ មន្ត្រី​សុខាភិបាល​សាធារណៈ ​នៅ​រដ្ឋ​កាលីហ្វ័រញ៉ា សហរដ្ឋ​អាមេរិក បានចេញសារព្រមានដល់ប្រជាពលរដ្ឋ ​កុំ​ឲ្យ​បរិភោគ​អាហារគ្រឿងសមុទ្រ អម្បូរសិប្បីសត្វ ដែលនេសាទបានពីឆ្នេរសមុទ្រ បន្ទាប់ពីការរីករាលដាលយ៉ាងឆាប់រហ័សនៃស្លៃពុល។ ទីភ្នាក់ងារព័ត៌មាន ស៊ីនហួរ របស់ចិន បានរាយការណ៍ពីទីក្រុង ឡូស​ អ៊ែនជើលេស សហរដ្ឋអាមេរិកកាលពីថ្ងៃទី៣ ខែឧសភា ឆ្នាំ២០២៥ថា មន្ត្រីក្រសួងសុខភាពសាធារណៈ នៃរដ្ឋកាលីហ្វ័រញ៉ា បានប្រកាសវិធានការដាក់ឱ្យនៅដាច់ពីគេសម្រាប់អម្បូរសិប្បីសត្វ​ មានដូចជា​ ងាវ គ្រុំ​ ខ្យង អយស្ទើ ជាដើម​ ដែលត្រូវគេនេសាទបានពីឆ្នេរសមុទ្រ​ ចាប់ពីថ្ងៃទី១ ខែឧសភា ដល់ថ្ងៃទី៣១ ខែតុលា ឆ្នាំ២០២៥ ដោយមូលហេតុនៃការកើនឡើងនូវកម្រិតជាតិពុល​ និងអាស៊ីត ដូម៉ូអិក​ (Domoic Acid) មាននៅក្នុងសត្វ ងាវ គ្រុំ​​ ខ្យង​​​ អយស្ទើ​​។ គួរបញ្ជាក់ថា​ សារជាតិពុលនៅក្នុងសត្វទាំងនេះ មានឥទ្ធិពលយ៉ាងខ្លាំងលើប្រព័ន្ធសរសៃប្រសាទ  ជាពិសេស សារជាតិ សាក្ស៊ីថក់ស៊ីន (Saxitoxin) ដែលមាននៅក្នុងប្រភេទសិប្បីសត្វជាច្រើនប្រភេទ ដូចជា ងាវ​ គ្រុំ ខ្យ​ […]

ទីក្រុងខេប៖​ ប្រទេសអាហ្វ្រិកខាងត្បូង​ និងប្រទេសតង់ហ្សានី​​ កាលពីដើមសប្តាហ៍នេះ​ បានបញ្ឆេះជាកូនជម្លោះពាណិជ្ជកម្មតូច​មួយ មានរយៈពេលពីរបីថ្ងៃ​ដោយចោទប្រកាន់គ្នាទៅវិញទៅមក ជុំវិញការនាំផ្លែចេកចូលទៅក្នុងទីផ្សាររបស់ខ្លួន។ យោងតាមចេញផ្សាយរបស់គេហទំព័រកសិកម្មអាហ្វ្រិកខាងត្បួង​ បានដកស្រង់សម្តីលោក​ វ៉ានឌីឡេ ស៊ីឡូបូ (Wandile Sihlobo)​ សេដ្ឋវិទូកសិកម្មរបស់អាហ្វ្រិកខាងត្បូង​ ដែលបាននិយាយបដិសេទថា​​ រដ្ឋាភិបាលប្រទេសតង់ហ្សានី​ ក៏មិនដែលដាក់សំណើរសុំនាំផ្លែចេកចូលទីផ្សារអាហ្វ្រិកខាងត្បូង ឱ្យបានត្រឹមត្រូវតាមច្បាប់នោះទេ។​​​ ចំណែករដ្ឋាភិបាលប្រទេសអាហ្រ្វិកខាងត្បូងវិញ​ ក៏មិនដែលដាក់កម្រិតលើការនាំផ្លេចេកពីប្រទេសតង់ហ្សានីដែរ គឺផ្ទុយស្រឡះពីការលើកឡើងនៅក្នុង ជម្លោះពាណិជ្ជកម្មខ្លីមួយរវាងប្រទេសទាំងពីរ។ លោកបាននិយាយប្រកែកទៀតថា​​ រដ្ឋាភិបាលអាហ្រ្វិកខាងត្បូងមិនដែលដាក់កម្រិតលើការនាំចូលផ្លែចេកពីប្រទេសតង់ហ្សានី បើទោះបីជាមានការអះអាងនាពេលថ្មីៗនេះ ដោយរដ្ឋមន្ត្រីក្រសួងកសិកម្មតង់ហ្សានី លោក​​ ហ៊ូសេន​​ បាសេ (Hussein Bashe) ក៏ដោយ។ កាលពីថ្ងៃទី២៣​ ខែមេសា​ ឆ្នាំ២០២៥ លោក ហ៊ូសេន​​ បាសេ បានបញ្ឆេះជម្លោះពាណិជ្ជកម្មមួយចម្អិនកំពឹស​ជាមួយមន្ត្រីអាហ្វ្រិកខាងត្បូង ដែលលោកបានចោទប្រកាន់ថា អាហ្រ្វិកខាងត្បូង រួមគំនិតគ្នាជាមួយប្រទេសម៉ាឡាវី អស់រយៈពេលជាច្រើនឆ្នាំកន្លងមកហើយ​ ដើម្បីដាក់កម្រិតលើការនាំចូលផ្លែចេកពីប្រទេសតង់ហ្សានី ។ ជា​វិធានការ​សងសឹក ប្រទេសតង់ហ្សានី​បាន​ហាមប្រាម​ការ​នាំ​ចូលផលិតផល​កសិកម្ម​របស់​ប្រទេសអាហ្វ្រិក​ខាង​ត្បូង ​ជា​បណ្ដោះអាសន្ន​ កាលពីថ្ងៃទី២៣ ខែ​មេសា។  ទោះបីជាយ៉ាង​ណា​ក៏​ដោយ បម្រាម​នេះ​ត្រូវ​បាន​ដក​ចេញវិញ ក្នុងរយៈ​ពេល​ពីរ​ថ្ងៃ​ ​បន្ទាប់​ពី​មាន​ការ​ចរចាផ្នែក​ការ​ទូត​រវាង​ប្រទេស​ទាំង​ពីរ។ បន្ទាប់ពីបានពិគ្រោះជាមួយអាជ្ញាធរអាហ្រ្វិកខាងត្បូង […]

ទីក្រុងប៉េកាំង៖ យោងតាមប្រព័ន្ធផ្សព្វផ្សាយរបស់ចិន បានឱ្យដឹងថា នៅក្នុងខែមេសា ឆ្នាំ២០២៥នេះ យ៉ាងហោចមានកប៉ាល់ដឹកសណ្តែកសៀងប្រេស៊ីល ប្រហែល៤០គ្រឿង គ្រោងនឹងចូលចតនៅកំពង់ផែ ក្នុងខេត្ត ជឺជាំង (Zhejiang) ស្ថិតនៅភាគខាងកើតប្រទេសចិន ដោយកើនឡើង៤៨ភាគរយ ពីមួយឆ្នាំទៅមួយឆ្នាំ ដែលកាលពីខែមេសា​ ឆ្នាំ២០២៤ មានកប៉ាលដឹកជញ្ជូនសណ្តែកសៀងពីប្រេស៊ីលចំនួន២៧គ្រឿងប៉ុណ្ណោះ។ សេចក្តីការណ៍ដដែលនេះ បានលើកឡើងថា គ្រាន់តែនៅក្នុងខែមេសា ឆ្នាំ២០២៥នេះ កប៉ាល់ចិនដឹកសណ្តែកសៀងពីប្រទេសប្រេស៊ីល ជាច្រើនគ្រឿងទៀត បានចូលចតជារៀងរាល់ថ្ងៃ ដោយមានផ្ទុកសណ្តែកសៀងប្រេស៊ីលប្រមាណប្រាំពីរសែនតោន គឺកើនឡើង៣២ភាគរយ ខណៈឆ្នាំមុននាំចូលបានចំនួនប្រាំសែនបីម៉ឺនតោន។ អ្នកជំនាញចិនម្នាក់ បាននិយាយថា នេះជាការបង្ហាញឱ្យឃើញផ្ទាល់ភ្នែកនៃរបៀបដោះស្រាយបញ្ហាប្រឈមចំពោះការដំឡើងពន្ធបដិកា ដែលបង្កើតឡើងដោយសហរដ្ឋអាម៉េរិក​ គឺកំពុងធ្វើឱ្យប៉ះពាល់ដល់ឧស្សាហកម្មសំខាន់ៗរបស់ខ្លួន រួមទាំងប្រជាពលរដ្ឋសាមញ្ញ នៅក្នុងសហរដ្ឋអាម៉េរិកផងដែរ ហើយនេះក៏បង្ហាញឱ្យឃើញផងដែរថា ផលិតផលភាគច្រើន ដែលចិនធ្លាប់តែនាំចូលពីសហរដ្ឋអាម៉េរិក ក៏ចិនអាចរកជំនួសបានដែរ ដោយនាំពីប្រទេសផ្សេងៗ នៅទូទាំងពិភពលោក។ យោងតាមទិន្នន័យរបស់ក្រសួងកសិកម្មសហរដ្ឋអាម៉េរិក បានបង្ហាញថា ពីថ្ងៃទី១១ ដល់ថ្ងៃទី១៧ ខែមេសា ឆ្នាំ២០២៥នេះ ការនាំចេញផលិតផលកសិកម្មរបស់អាម៉េរិក រួមទាំងសណ្តែកសៀង និងសាច់ជ្រូក បាននិងកំពុងធ្លាក់ចុះយ៉ាងខ្លាំង បន្ទាប់ពីការដំឡើងពន្ធរបស់សហរដ្ឋអាម៉េរិក មកលើប្រទេសចិន។ នៅក្នុងទិន្នន័យនេះ បង្ហាញទៀតថា ការលក់សណ្តែកសៀងអាម៉េរិក […]

ទីក្រុងខេប៖ យោងតាមប្រព័ន្ធផ្សព្វផ្សាយរបស់ប្រទេសអាហ្វ្រិកខាងត្បូង បានឱ្យដឹងថា កាលពីពេលថ្មីៗកន្លងមកនេះ សត្វគោប្រហែល១០០ក្បាល ត្រូវបានគេប្រទះឃើញងាប់រណូករណែល​ នៅក្នុងកសិដ្ឋានមួយកន្លែង ស្ថិតនៅភាគខាងត្បូងប្រទេស។ យោងតាមការចេញផ្សាយរបស់គេហទំព័រ កសិករប្រចាំសប្តាហ៍ (Farmer’s Weekly) របស់អាហ្វ្រិកខាងត្បូង បានធ្វើសេចក្តីរាយការណ៍ថា សត្វគោទាំងអស់ត្រូវបានគេឃើញងាប់នៅក្នុងកសិដ្ឋាន ដោយមានរោគសញ្ញាហូរទឹកមាត់ និងហើមពោះ។ ក្រុម​ពេទ្យសត្វ​ឯកជនបានធ្វើកោសល្យវិច័យ​ ហើយដាក់ការសង្ស័យជាបឋម​ថា គោ​​​អាចងាប់​ដោយសារ​ស៊ី​ស្មៅ​ពុល បង្កឡើងដោយហ្វូង​ដង្កូវ​។  ប៉ុន្តែទោះបីជាយ៉ាងណាក៏ដោយ សំណាកគោងាប់ត្រូវបានប្រមូល និងបញ្ជូនទៅកាន់ក្រុមពេទ្យសត្វរបស់រដ្ឋ ដើម្បីវិភាគបន្ថែមឱ្យបានច្បាស់លាស់។ ក្រោយពីមានករណីគោងាប់ច្រើនបែបនេះ អាជ្ញាធរមូលដ្ឋាន​ បានអំពាវនាវឱ្យកសិករ​ចិញ្ចឹម​គោ ​បង្កើន​ការ​ប្រុង​ប្រយ័ត្ន ​ព្រោះ​ហ្វូងដង្កូវ​បានសម្រុកចូលស៊ី​​ស្មៅ​ នៅក្នុងកសិដ្ឋានចិញ្ចឹមគោ ហើយធ្វើ​ឲ្យ​ស្មៅ​បញ្ចេញ​សារធាតុ​គីមីម្យ៉ាង ឈ្មោះ ​ស៊ីយ៉ាន (Cyanide) ​ដែល​ធ្វើ​ឲ្យ​មានសារធាតុពុលនៅលើស្មៅ​។ គីមី ស៊ីយ៉ាន គឺជាសារធាតុពុលខ្លាំង ដែលធ្វើឱ្យសមត្ថភាពរាងកាយចុះខ្សោយក្នុងការស្រូបយកអុកស៊ីហ្សែន។ ការពុលដោយគីមី ស៊ីយ៉ាន អាចបណ្តាលមកពីស៊ីវា ការដកដង្ហើមចូល ឬស្រូបចូលតាមស្បែក។ រោគសញ្ញាបង្កឡើងដោយសារធាតុគីមីប្រភេទនេះ រួមមានអាការៈក្អួត រាគ វិលមុខ និងពិបាកដកដង្ហើម។ ក្នុង​ករណី​ធ្ងន់ធ្ងរ ​អាចបណ្តាល​នាំ​ឱ្យ​សន្លប់ និង​អាច​ស្លាប់​បាន។ ប្រព័ន្ធផ្សព្វផ្សាយដដែល បានលើកឡើងទៀតថា […]

រាជធានីភ្នំពេញ៖ ប្រធានធនាគារអភិវឌ្ឍន៍អាស៊ី ហៅកាត់ថា ADB ប្រចាំកម្ពុជា បានឱ្យដឹងថា វិស័យកសិកម្មកម្ពុជាមានការរីកចម្រើន និងមានលំនឹងល្អ ហើយធនាគារបានគាំទ្រដល់វិស័យកសិកម្មកម្ពុជាអស់រយៈពេលជាច្រើនឆ្នាំ និងបានបញ្ចេញថវិកាចូលរួមអភិវឌ្ឍន៍កម្ពុជាប្រមាណ២,២ពាន់លានដុល្លារ ក្នុងនោះមានប្រមាណ៣០ភាគរយ បានវិនិយោគក្នុងវិស័យកសិកម្មនិងប្រព័ន្ធធារាសាស្ត្រ។ លោកស្រី Jyotsana Varma នាយិកាធនាគារអភិវឌ្ឍន៍អាស៊ី បានប្រាប់ក្រុមអ្នកសារព័ត៌មានក្នុងស្រុកកន្លងទៅថ្មីៗនេះថា គិតត្រឹមឆ្នាំ២០២៥នេះ ធនាគារបានចូលរួមចំណែកអភិវឌ្ឍន៍វិស័យកសិក្មរបស់កម្ពុជាមានទឹកប្រាក់ប្រមាណ២,២ពាន់លានដុល្លារ សម្រាប់គាំទ្រដល់គម្រោងចំនួន៣៥ រួមមានការវិនិយោគទៅលើវិស័យកសិកម្ម និងប្រព័ន្ធធារាសាស្ត្រផង។ នៅក្នុងវិស័យកសិកម្ម ធនាគារអភិវៃ្ឍន៍អាស៊ី មានគម្រោងចំនួនប្រាំមួយ ដែលបានកំពុងបន្តអនុវត្ត និងនៅក្នុងរយៈពេល៣ឆ្នាំបន្ទាប់ ធនាគារនឹងមានគ្រោងវិនិយោគបន្ថែមទៀត នៅក្នុងវិស័យកសិកម្ម ដែលមានទឹកប្រាក់សរុបប្រហែល៤០០លានដុល្លារ ថែមទៀត ដោយសារធនាគារចាត់ទុកវិស័យកសិកម្ម មានសំខាន់សារៈសំខាន់សម្រាប់បង្កើនប្រាក់ចំណូលដល់ប្រជាជននៅតាមជនបទ។ លោកស្រីបានសង្កត់ធ្ងន់ថា «វិស័យកសិកម្មកម្ពុជាមានភាពរឹងមាំ ហើយយើងមានមោទនភាពធ្វើជាដៃគូជាមួយរាជរដ្ឋាភិបាលនៅក្នុងវិស័យកសិកម្ម  ហើយនៅក្នុងវិស័យកសិកម្ម (ធនាគារ) បានវិនិយោគនៅក្នុងប្រព័ន្ធធារាសាស្ត្រ និងផ្សារភ្ជាប់តំបន់ជនបទ ក៏ដូចជាការកែច្នៃ ការផ្សព្វផ្សាយកសិកម្ម ឱ្យមានការចូលរួមពីវិស័យឯកជន។ ដូច្នេះ ខ្ញុំជឿថាវិស័យនេះនឹងចូលរួមដល់កំណើនសេដ្ឋកិច្ចកម្ពុជាច្រើននៅគ្រាបន្ទាប់»។ ទាក់ទងនិងវិស័យកសិកម្មកម្ពុជានេះផងដែរ បើយោងតាមរបាយករណ៍ទស្សនវិស័យអាស៊ី ចេញផ្សាយក្នុងខែមេសាឆ្នាំ២០២៥ របស់ធនាគារអភិវឌ្ឍន៍អាស៊ី បានបង្ហាញថា វិស័យកសិកម្មរបស់ប្រទេសកម្ពុជា ក្នុងឆ្នាំ២០២៤ មានអត្រាកំណើន០,៩ភាគរយ ហើយក្នុងឆ្នាំ២០២៥នេះ ត្រួវបានបានព្យាករណ៍ថា […]

ទីក្រុងហ្សាការតា៖ រដ្ឋាភិបាលឥណ្ឌូនេស៊ី បានបដិសេធសំណើសុំទិញអង្ករពីសំណាក់ប្រទេសម៉ាឡេស៊ី ដោយរដ្ឋមន្ត្រីក្រសួងកសិកម្ម ពន្យល់ប្រាប់ទៅវិញថា ឥណ្ឌូណេស៊ីមិនអាចនាំចេញគ្រាប់ធញ្ញជាតិនៅពេលនេះបានទេ ដោយសារប្រទេសរបស់លោកត្រូវការរក្សាទុកអង្ករសម្រាប់បម្រុងក្នុងស្រុក។ លោក អានឌី អំរ៉ាន់ ស៊ូឡៃម៉ាន (Andi Amran Sulaiman) រដ្ឋមន្ត្រីក្រសួងកសិកម្ម ឥណ្ឌូនេស៊ី បាននិយាយថា រដ្ឋាភិបាលម៉ាឡេស៊ី បានស្នើសុំនាំចូលអង្ករពីប្រទេសឥណ្ឌូនេស៊ី ដើម្បីបំពេញតម្រូវការនៅក្នុងប្រទេស ខណៈតម្លៃស្បៀងអាហារនៅក្នុងប្រទេសម៉ាឡេស៊ី ឡើងថ្ងៃជាបន្តបន្ទាប់។ លោកបានថ្លែងក្នុងសន្និសីទសារព័ត៌មានមួយ បន្ទាប់ពីកិច្ចប្រជុំជាមួយរដ្ឋមន្ត្រីក្រសួងកសិកម្ម និងសន្តិសុខស្បៀង ម៉ាឡេស៊ី លោក មូហាម៉ាដ ប៊ីន សាបូ​ (Mohamad Bin Sabu) ក្នុងទីក្រុងហ្សាកាតា កាលពីដើមសប្តាហ៍មុនថា “គួរឱ្យចាប់អារម្មណ៍ណាស់ ដែលម៉ាឡេស៊ី បានសួរមុនថា តើអាចនាំចូលអង្ករពីប្រទេសឥណ្ឌូនេស៊ីបានដែរឬទេ?”។ លោកបានមានប្រសាសន៍ថា “ខ្ញុំបាននិយាយប្រាប់ថា សម្រាប់ពេលនេះ យើងនឹងរក្សាក្នុងស្តុកសិន។ យើងរងចាំមើលស្ថានភាពអាកាសធាតុសិន។ លោករដ្ឋមន្ត្រីកសិកម្ម បាននិយាយទៀតថា ស្តុកអង្ករបម្រុងរបស់រដ្ឋាភិបាល នៅទីភ្នាក់ងារភស្តុភាររដ្ឋរបស់ឥណ្ឌូនេស៊ី នាពេលបច្ចុប្បន្នមានបរិមាណចំនួន៣,៣លានតោន ដោយលោករដ្ឋមន្ត្រីបានបន្ថែមថា គោលដៅរបស់រដ្ឋាភិបាល គឺដើម្បីបង្កើនបរិមាណអង្ករឱ្យបានដល់បួនលានតោននៅក្នុងខែឧសភា ឆ្នាំ២០២៥នេះ។ លោកបានមានប្រសាសន៍ថា កង្វះខាតការផ្គត់ផ្គង់បានជំរុញឱ្យតម្លៃអង្ករកើនឡើងនៅក្នុងប្រទេសម៉ាឡេស៊ី […]

ទីក្រុងសេអ៊ូល៖ ការឡើងថ្លៃអង្ករឥតចុះឈប់ឈរ នៅក្នុងប្រទេសជប៉ុន បានផ្តល់ឱកាសដ៏កម្រមួយសម្រាប់កសិករដាំស្រូវនៅក្នុងប្រទេសកូរ៉េខាងត្បូង ដើម្បីបើកផ្លូវនាំចេញផលិតផលអង្កររបស់ខ្លួនទៅកាន់ប្រទេសជប៉ុន។ មន្ត្រីឧស្សាហកម្មកូរ៉េខាងត្បូង បាននិយាយកាលពីដើមសប្តាហ៍នេះថា នៅក្នុងខែមេសា ឆ្នាំ២០២៥នេះ ប្រទេសជប៉ុនបាននាំចូលអង្ករកូរ៉េខាងត្បូងជាលើកដំបូងចាប់តាំងពីឆ្នាំ១៩៩៩ ដោយសារការកើនឡើងនៃតម្លៃគ្រាប់ធញ្ញជាតិក្នុងប្រទេសជប៉ុនបានជំរុញឱ្យមានតម្រូវការសម្រាប់កសិផលរបស់កសិករកូរ៉េ បើទោះបីជាមានការដំឡើងពន្ធធ្ងន់ក៏ដោយ។ ការនាំចូលអង្ករនេះត្រូវបានធ្វើឡើងតាមរយៈការិយាល័យជប៉ុនប្រចាំសហព័ន្ធសហគមន៍កសិកម្មជាតិរបស់កូរ៉េខាងត្បូង ដែលបាននិយាយថា ខ្លួនបាននាំចូល និងលក់អង្ករកូរ៉េចំនួនពីរតោន តាមអ៊ីនធឺណិត និងនៅតាមបណ្តាផ្សារទំនើបមួយចំនួនក្នុងប្រទេសជប៉ុន នៅក្នុងខែមេសា ឆ្នាំ២០២៥នេះ។ បរិមាណអង្ករនាំចូលប្រទេសជប៉ុន វាបានបង្ហាញនូវចំណុចខ្លាំងសម្រាប់ការនាំចេញរបស់ប្រទេសកូរ៉េខាងត្បូង ដែលត្រូវបានប្រធានាធិបតីអាម៉េរិក លោក ដូណាល់ ត្រាំ និយាយរិះគន់ កាលពីខែមេសា។ ការនាំចូលអង្កររបស់ប្រទេសជប៉ុន កើតឡើងព្រមគ្នាននៅពេលបណ្តាប្រទេសក្នុងទ្វីបអាស៊ី កំពុងតែប្រឹងប្រែងកែលម្អទំនាក់ទំនងពាណិជ្ជកម្មជាមួយគ្នាទៅវិញទៅមក ដើម្បីយកឈ្នះលើលោក ដូណាល់​ ត្រាំ ក្នុងការលើកកម្ពស់ពាណិជ្ជកម្មពិភពលោក។ កាលពីខែមុន រដ្ឋមន្ត្រីក្រសួងពាណិជ្ជកម្មនៃប្រទេសកូរ៉េខាងត្បូង ចិន និងជប៉ុន បានជួបប្រជុំគ្នានៅទីក្រុងសេអ៊ូល ដើម្បីនាំគ្នាពង្រឹង និងថែរក្សាយន្តការពាណិជ្ជកម្មសេរី។ មន្ត្រីកូរ៉េម្នាក់ ប្រចាំនៅក្នុងទីក្រុងតូក្យូ បាននិយាយថា នាពេលកន្លងមក អង្ករកូរ៉េមិនមានតម្លៃប្រកួតប្រជែងជាមួយអង្ករជប៉ុនទេ ដោយសារតែពន្ធច្រើនបេក ធ្វើឱ្យអង្ករនេះមានការប្រកួតប្រជែងនៅពេលនេះ។ មន្ត្រីដដែលនេះបាននិយាយទៀតថា ការនាំចូលដំបូងចំនួនពីរតោន ត្រូវបានលក់អស់ហើយ ចំណែកអង្ករ២០តោនបន្ថែមទៀត នឹងដឹកមកដល់នៅសប្តាហ៍ក្រោយ ដោយត្រូវបង់ពន្ធលើអង្ករនាំចូលប្រហែល៣៤០យ៉េន […]

ទីក្រុង​ហាណូយ ៖ ទុរេនមកពីខេត្តដីសណ្តទន្លេមេគង្គរបស់វៀតណាម តម្លៃកំពុងធ្លាក់ចុះយ៉ាងខ្លាំង ដោយតំបន់មួយចំនួនបានធ្លាក់ចុះចំនួនបីដងធៀបនឹងតួលេខកាលពីឆ្នាំមុន បន្ទាប់ពីប្រទេសចិនបានរឹតបន្តឹងនីតិវិធីត្រួតពិនិត្យគុណភាព និងការពន្យារពេលក្នុងនីតិវិធីគយរួចមក។ ទីភ្នាក់ងារ​ព័ត៌មាន AFP រាយការណ៍​ពី​ទីក្រុង​ហាណូយ ប្រទេស​វៀតណាម កាលពី​ថ្ងៃ​ទី​២៣ ខែ​មេសា ថា នៅ​ក្នុង​តំបន់​ដាំ​ទុរេន​សំខាន់ៗ​របស់​ប្រទេស​វៀតណាម ​ដូច​ជាខេត្តដៀងសាង កឺនថឺ ប៊េនជេ ដែល​សុទ្ធ​តែ​ស្ថិត​នៅ​តំបន់​ដីសណ្ត​ទន្លេ​មេគង្គ ពូជទុរេន “Ri6” ឬរីសាវ ត្រូវបានលក់ក្នុងតម្លៃត្រឹមតែ៣៥,០០០-៤០,០០០ ដុង (ប្រមាណ១,១៦-១,៥៤ដុល្លារ) ក្នុងមួយគីឡូក្រាម បើធៀបនឹងកាលពីឆ្នាំមុន តម្លៃ១០ ម៉ឺន-១២ ម៉ឺនដុង (ប្រមាណជិត៤-៦ដុល្លារ) ក្នុងមួយគីឡូក្រាម ។ ដូចគ្នា​នឹង​ទុរេន​ម៉ាន់ថង​ពី​ប្រទេស​ថៃដែរ តម្លៃ​បានធ្លាក់​ចុះ​មក​នៅ​ត្រឹម​តែ៦0,000-៧0,000ដុង (ប្រមាណ២-៣ដុល្លារ) ក្នុង​មួយ​គីឡូក្រាម។ ឥឡូវនេះប្រទេសចិនទាមទារការត្រួតពិនិត្យ១០០ភាគរយ នៃការដឹកជញ្ជូនទុរេន រួមទាំងការធ្វើតេស្តរកសំណល់ថ្នាំសម្លាប់សត្វល្អិត លោហធាតុធ្ងន់ និងអ៊ុយរ៉ាមីនអូ (Auramine O) ឬថ្នាំម្សៅពណ៌លឿង ដែលជាថ្នាំជ្រលក់ ជាសារធាតុហាមឃាត់នាំឱ្យកើតមហារីកដល់អ្នកបរិភោគ. ដោយសារតែការរឹតបន្តឹងកាន់តែខ្លាំងនៃការនាំចូលទុរេន ទៅកាន់ប្រទេសចិនបែបនេះហើយ ទើបនាំឱ្យទុរេនជាច្រើនកកស្ទះនៅលើទផ្សារក្នុងស្រុក។ យោង​តាម​នីតិវិធី​គយ​ចិន បានឱ្យដឹង​ថា ទុរេនវៀតណាម​មួយ​ចំនួន​ធំ​ត្រូវ​ទុក​ចោលក្នុង​ឃ្លាំង​នៅ​តាម​ព្រំដែនរហូត​ដល់ស្អុយរលួយ​ចោលតែម្តង។ នៅក្នុងឆ្នាំ២០២៤ វៀតណាមបាននាំចេញទុរេន […]

អន្តរជាតិ៖ អ្នកវិទ្យាសាស្ត្រព្រមានថា ព្រិលធ្លាក់នៅតំបន់ភ្នំ ហ៊ីនដូ កូស(Hindu Kush) បានឈានដល់កម្រិតទាបបំផុតក្នុងរយៈពេល២៣ឆ្នាំកន្លងមកនេះ បង្កឱ្យប៉ះពាល់ដល់មនុស្សជិត២ពាន់លាននាក់ដែលពឹងផ្អែកលើទឹក មានប្រភពមកពីជួរភ្នំនេះ។ ទីភ្នាក់ងារព័ត៌មាន AFP រាយការណ៍ពីទីក្រុងអ៊ីស្លាម៉ាបាត់( Islamabad) ប្រទេសប៉ាគីស្ថាន នៅថ្ងៃទី២២ ខែមេសា ដោយយោងតាមរបាយការណ៍របស់មជ្ឈមណ្ឌលអន្តរជាតិសម្រាប់អភិវឌ្ឍន៍ភ្នំរួមបញ្ចូលគ្នា បានបញ្ជាក់ថា “ភ្នំហិណ្ឌូ គូស ហិមាល័យ” ដែលលាតសន្ធឹងពីប្រទេសអាហ្វហ្គានីស្ថានដល់ប្រទេសមីយ៉ាន់ម៉ា បរិមាណព្រិលដែលបានធ្លាក់មកលើដីគឺទាបជាងធម្មតា២៣,៦ភាគរយ ជាកម្រិតទាបបំផុតមិនធ្លាប់មានអស់កាលជាង២០ឆ្នាំកន្លងមក។ របាយការណ៍ដដែល បាននិយាយថា និន្នាការនេះបានបន្តសម្រាប់ឆ្នាំទី៣ និងគំរាមកំហែងដល់សន្តិសុខទឹករបស់ប្រជាជនជិត២ពាន់លាននាក់ ហើយក៏នាំឱ្យមានការថយចុះនៃបរិមាណទឹកទន្លេផងដែរ។ ដែលការណ៍នេះនាំឱ្យមានការពឹងផ្អែកលើទឹកក្រោមដី និងការកើនឡើងនៃហានិភ័យគ្រោះរាំងស្ងួត។ ប្រទេសជាច្រើននៅក្នុងតំបន់ បានចេញការព្រមានអំពីគ្រោះរាំងស្ងួត ជាពិសេសនឹងប៉ះពាល់ដល់ការប្រមូលផលលើវិស័យកសិកម្ម និងការទទួលបានទឹកនាពេលអនាគត នេះរួមបញ្ចូលទាំងហានិភ័យនៃរលកកំដៅយូរ កាន់តែក្តៅ និងញឹកញាប់ជាងមុន។ ប្រទេស​វៀតណាម​បង្កើន​គោលដៅផលិតថាមពលដើរដោយ​ខ្យល់ និង​ថាមពល​ព្រះអាទិត្យ ដើម្បីឆ្លើយតប​នឹង​តម្រូវការ​អគ្គិសនី ដែលរួមមានសមាជិកមកពីរដ្ឋាភិបាលអាហ្វហ្គានីស្ថាន បង់ក្លាដែស ប៊ូតាន ចិន ឥណ្ឌា មីយ៉ាន់ម៉ា នេប៉ាល់ និងប៉ាគីស្ថាន កំពុងអំពាវនាវដល់សមាជិករបស់ខ្លួនដែលពឹងផ្អែកលើអាងទន្លេសំខាន់ៗចំនួន១២ ក្នុងតំបន់ឱ្យសហការគ្នាដើម្បីអភិវឌ្ឍការគ្រប់គ្រងទឹក រៀបចំសម្រាប់ការពារគ្រោះរាំងស្ងួត បង្កើតប្រព័ន្ធព្រមានជាមុន និងពង្រឹងកិច្ចសហប្រតិបត្តិការក្នុងតំបន់។ របាយការណ៍​ក៏​បាន​ព្រមាន​ដែរ​ថា […]

អន្តរជាតិ៖ រដ្ឋាភិបាលវៀតណាមបានបង្កើនការយកចិត្តទុកដាក់យ៉ាងខ្លាំងនូវគោលដៅសម្រាប់ប្រើប្រាស់ថាមពលដើរដោយកម្លាំងខ្យល់ និងពន្លឺព្រះអាទិត្យ ព្រមទាំងមានគោលបំណងបង្កើនការផលិតថាមពលនៅឆ្នាំ២០៣០ ដើម្បីបំពេញតម្រូវការកើនឡើងនៃការប្រើប្រាស់ពិសេសទៅលើវិស័យកសិកម្ម។ គម្រោងប្រើប្រាស់ថាមពលដើរដោយកម្លាំងខ្យល់ និងពន្លឺព្រះអាទិត្យនេះដែរ គឺឆ្លើយតបទៅនឹងការកើនឡើងនៃតម្រូវការអគ្គិសនី និងស្របតាមគោលដៅរបស់រដ្ឋាភិបាលក្នុងការកាត់បន្ថយថ្លៃដើមសម្រាប់ទាំងការវិនិយោគ និងការប្រើប្រាស់របស់ប្រជាពលរដ្ឋ។ ទីភ្នាក់ងារព័ត៌មាន AFP រាយការណ៍ពីទីក្រុងហាណូយ ប្រទេសវៀតណាម បាននិយាយកាលពីដើមសប្តាហ៍កន្លងមកថា ប្រទេសវៀតណាមបានប្តេជ្ញាសម្រេចឱ្យបាននូវការបំភាយកាបូនឌីអុកស៊ីតត្រឹមឆ្នាំ​២០៥០ ហើយផែនការអភិវឌ្ឍន៍ថាមពលជាតិលើកទី៨ ដែលជាផែនការអភិវឌ្ឍន៍ថាមពលជាតិចុងក្រោយបង្អស់បានបញ្ជាក់ពីវិធីសាស្រ្តដើម្បីសម្រេចបាននូវគោលដៅនេះ។ ផែនការអភិវឌ្ឍន៍ថាមពលជាតិលើកទី៨ បានចែងបានថា “វៀតណាមពឹងផ្អែកយ៉ាងខ្លាំងលើធ្យូងថ្ម ដើម្បីបំពេញតម្រូវការថាមពល ដែលកំពុងកើនឡើងយ៉ាងឆាប់រហ័ស ប៉ុន្តែក្នុងពេលបច្ចុប្បន្ននេះ រដ្ឋាភិបាលចង់អភិវឌ្ឍយ៉ាងយកចិត្តទុកដាក់នូវប្រភពថាមពលកកើតឡើងវិញ”។ លោក អាន់ឌ្រីប្រាសេត ​ឡូយូ អ្នកស្រាវជ្រាវជាន់ខ្ពស់ប្រចាំនៅ Zenic Center Asia បាននិយាយថា ផែនការរបស់វៀតណាម “មើលទៅមានមហិច្ឆតាខ្លាំងណាស់” ជាមួយនឹងគោលដៅនៃការបង្កើតអគ្គិសនីពីថាមពលពន្លឺព្រះអាទិត្យ និងថាមពលដើរដោយខ្យល់នៅលើគោកជាមួយថាមពល៧៣ ជីហ្គាវ៉ាត់(GW)និង៣៨ ជីហ្គាវ៉ាត់ នៅឆ្នាំ២០៣០ និងកើនឡើងយ៉ាងខ្លាំងដល់២៩៦ជីហ្គាវ៉ាត់ និង ២៣០ជីហ្គាវ៉ាត់ នៅឆ្នាំ២០៥០។ លើសពីនេះ ផែនការអភិវឌ្ឍន៍ថាមពលជាតិលើកទី៨  សម្រាប់ឆ្នាំ២០២៣ កំណត់ទិសដៅផលិតអគ្គិសនីពីថាមពលពន្លឺព្រះអាទិត្យ និងថាមពលដើរដោយកម្លាំងខ្យល់១២.៨ ជីហ្គាវ៉ាត់ និង២១ជីហ្គាវ៉ាត់ នៅចុងទសវត្សរ៍នេះ។ លោក អាន់ឌ្រីប្រាសេត ឡូយូ […]

ប៉េកាំង៖ មុខម្ហូបសាច់គោ​របស់ភោជនីយដ្ឋានមួយ ដែលកាល​ពីមុន ​សាច់គោសុទ្ធតែនាំចូល​​ពី​សហរដ្ឋ​អាម៉េរិកទាំងអស់ ប៉ុន្តែចាប់តាំងពីផ្ទុះសង្គ្រាមពាណិជ្ជកម្មមក សាច់គោនៅក្នុងហាងនេះ គឺ​នាំចូលពី​ប្រទេស​អូស្ត្រាលី​វិញម្តង។ ភោជនីយដ្ឋាននេះ ប្រើសាច់គោប្រហែលប្រាំពីរ ទៅប្រាំបីតោនក្នុងមួយខែ ហើយជាសាច់គោរបស់អាម៉េរិក ដែលត្រូវបាននាំចូល និងត្រូវបានរក្សាទុកនៅក្នុងទូរបង្កករហូតដល់ពីរបីសប្តាហ៍ ដើម្បីធ្វើម្ហូបជូនភ្ញៀវ ប៉ុន្តែដល់ពេលឥឡូវនេះ ហាងនេះប្រើតែសាច់គោពីប្រទេសអូស្ត្រាលីប៉ុណ្ណោះ។ សាច់គោអាម៉េរិក បានរងគ្រោះមុនគេនៅប្រទេសចិន ក្នុងសង្គ្រាមពាណិជ្ជកម្មរវាងដៃគូពាណិជ្ជកម្មដ៏ធំបំផុតរបស់ពិភពលោក។  ​មុនពេលសង្គ្រាម​ចាប់​ផ្ដើម​ សាច់គោ​អាម៉េរិក​​​ ដូចជាសាច់ស្មា សាច់ជាប់ឆ្អឹងជំនី និងសាច់ចំឡកជាដើម មាន​តម្លៃ​ថ្លៃណាស់រួចទៅហើយ លុះពន្ធបដិការបស់ទីក្រុងប៉េកាំង ឡើងដល់១២៥ភាគរយ ដើម្បីតបទៅអាម៉េរិកវិញ ធ្វើឱ្យសាច់គោលែងមានអ្នកទិញហូប ព្រោះវាថ្លៃខ្លាំងពេក។ លោក ឆាល ឌឺប៉េឡែត (Charles de Pellette) នាយកប្រតិបត្តិការរបស់ហាងសាច់គោអាំងនេះ បាននិយាយថា “វាពិតជាធ្វើឱ្យពិបាកដល់ពួកយើងខ្លាំងណាស់ ក្នុងការបន្តលក់សាច់គោសហរដ្ឋអាម៉េរិក” ។ សាច់គោអាម៉េរិក ត្រូវបាននាំចូលទីផ្សារប្រទេសចិនក្នុងតម្លៃទឹកប្រាក់១២៥លានដុល្លារក្នុងមួយខែ ឥឡូវការធ្វើពាណិជ្ជកម្មមុខទំនិញនេះ ការលុបឈ្មោះសាច់គោចេញពីម៉ឺបញ្ជីមុខម្ហូប នៅតាមហាងក្នុងទីក្រុងប៉េកាំង គឺជាការបង្ហាញឱ្យឃើញពីជោគវាសនាអាក្រក់នៃទំនិញរាប់ពាន់មុខរបស់ប្រទេសទាំងពីរ គឺចិន និងអាម៉េរិក។ លោក ឆាល ឌឺប៉េឡែត បាននិយាយថា “នៅពេលយើងអស់ពីស្តុក យើងឈប់កុម្ម៉ង់ចូលទៀតហើយ […]