All Program

ហូជីមិញ៖ នាយកប្រតិបត្តិក្រុមហ៊ុនចិញ្ចឹមត្រីដ៏ធំរបស់សហរដ្ឋអាម៉េរិក ដែលមានសាខានៅក្នុងប្រទេសវៀតណាម បានប្រកាសដកខ្លួនចេញពីអាជីវកម្មចិញ្ចឹមត្រីនៅក្នុងប្រទេសវៀតណាម ដោយសារប្រកួតប្រជែងមិនឈ្នះក្រុមហ៊ុនក្នុងស្រុក។ លោកនាយកប្រតិបត្តិ បាននិយាយថា ការដកខ្លួនចេញនេះ គឺជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុន ខាហ្គីល (Cargill) ដើម្បីប្រមូលដើមទុនរបស់ខ្លួនងាកទៅជិតទីផ្សារ និងប្រភេទសត្វចិញ្ចឹម ដែលមានសក្ដានុពលកើនឡើងសម្រាប់រយៈពេលវែងនាពេលខាងអនាគត។ លោកបាននិយាយបន្ថែមថា ក្រុមហ៊ុនយក្សរបស់សហរដ្ឋអាម៉េរិកកំពុងខ្នះខ្នែងប្រមូលទ្រព្យសម្បត្តិ សម្រាប់អាជីវកម្មចិញ្ចឹមត្រីនៅក្នុងប្រទេសវៀតណាម រួមទាំងទ្រព្យសម្បត្តិពាក់ព័ន្ធផ្សេងទៀត​ ដើម្បីដាក់ទុននៅកន្លែងផ្សេង។ សារព័ត៌មានវៀតណាម កាលពីសប្តាហ៍មុន បានចេញផ្សាយព្រោងព្រាត ដោយលើកឡើងថា​​ តាមរយៈការសម្រេចចិត្តដកខ្លួននេះ ក្រុមហ៊ុន​ ខាហ្គីល នឹងបិទកសិដ្ឋានចិញ្ចឹមត្រីចំនួនពីរកន្លែង នៅក្នុងខេត្ត ដុងថាប់ និងនៅក្នុងខេត្ត ឡុងអាន ភាគខាងត្បូងប្រទេសវៀតណាម រួមទាំងជាមជ្ឈមណ្ឌលកម្មវិធីបច្ចេកទេសបង្កាត់ពូជ​ និងចិញ្ចឹមត្រី នៅក្នុងខេត្ត ទៀនយ៉ាង ផងដែរ។ ទោះបីជាយ៉ាងណាក៏ដោយ ចំណាត់ការនេះមិនប៉ះពាល់ដល់អាជីវកម្មអាហារូបត្ថម្ភ និងសុខភាពត្រីរបស់ ខាហ្គីល នៅក្នុងប្រទេសវៀតណាមនោះទេ ដោយលោកនាយកប្រតិបត្តិបានកត់សម្គាល់ថា ប្រទេសវៀតណាមនៅតែជាទីផ្សារដ៏សំខាន់សម្រាប់សាជីវកម្មចិញ្ចឹមត្រីរបស់ខ្លួន។ កាលពីខែធ្នូ ឆ្នាំ២០២៤ ក្រុមហ៊ុន ខាហ្គីល បានប្រកាសកាត់បន្ថយកម្លាំងពលកម្មសកលចំនួនប្រាំភាគរយ ដើម្បីបម្រើយុទ្ធសាស្រ្តរកស៊ីរយៈពេលវែង។ ក្រុមហ៊ុន​ ខាហ្គីឡ របស់អាម៉េរិក បានបណ្តាក់ទុនវិនិយោគជាទឹកប្រាកើប្រហែល១៦០លានដុល្លារនៅក្នុងប្រទេសវៀតណាម ដោយប្រតិបត្តិការរោងចក្រផលិតចំណីសត្វចំនួន១២កន្លែង […]

ភ្នំពេញ៖ ប្រជាកសិករមកខេត្តបាត់ដំបងជាង៣០នាក់ កាលពីសប្តាហ៍មុន បានធ្វើទស្សនកិច្ចសិក្សាស្វែងយល់ពីបច្ចេកទេសដាំដំណាំ និងអត្ថប្រយោជន៍ដាំដុះដំណាំវិលជុំ​ស្របតាមស្តង់ដាអនុវត្តកសិកម្មល្អ នៅក្នុងកសិដ្ឋានដ៏លេចធ្លោមួយកន្លែង ស្ថិតនៅក្នុងស្រុកពញាឮ ខេត្តកណ្តាល។ យោងតាមផេកហ្វេសប៊ុកផ្លូវការរបស់កសិដ្ឋានប្រសិទ្ធ បានឱ្យដឹងថា សិក្ខាកាមទាំងអស់មានចំនួន៣១នាក់ បានអញ្ជេញមកធ្វើទស្សនកិច្ចសិក្សាក្រោមការសម្របសម្រួល និងដឹកនាំដោយអង្គការមនុស្សចាស់កម្ពុជា ខេត្តបាត់ដំបង។ ក្រោយពីបានដើរមើលបច្ចេកទេសដាំនៅក្នុងផ្ទះសំណាញ់រួច ប្រជាកសិករទាំងនេះបានសម្តែងការស្ងើចសរសើរចំពោះបច្ចេទេសសម្រាប់ដំណើរការដាំដុះនៅក្នុងផ្ទះសំណាញ់របស់កសិដ្ឋាន ដើម្បីទទួលបានផលិតផលបន្លែមានគុណភាពល្អ និងមានសុវត្ថិភាពសម្រាប់ទទួលទាន។ នៅក្នុងដំណើរទស្សនកិច្ចនេះ លោកស្រី កៅ លីនដា ប្រធានកសិដ្ឋានប្រសិទ្ធ បានមានប្រសាសន៍ចែករំលែកបទពិសោធ​ និងចំណេះដឹងក្នុងការដាំដំណាំបន្លែវិលជុំក្នុងផ្ទះសំណាញ់របស់លោកស្រី ដើម្បីពួកគាត់យកទៅអនវុត្តពេលវិលត្រឡប់ទៅកាន់លំនៅឋានវិញ។ កសិដ្ឋានប្រសិទ្ធ គឺជាថ្នាលដាំបន្លែវិលជុំគ្រប់មុខសម្រាប់ផ្តល់ជូនអតិថិជន និងទីផ្សារដៃគូនានា ដោយប្រមូលផលផ្ទាល់ពីកសិដ្ឋាន ដែលដាំដុះក្នុងបរិស្ថានស្អាតស្របតាមស្តង់ដាអនុវត្តកសិកម្មល្អ (Good Agricultural Practices-GAP)  របស់ក្រសួងកសិកម្ម រុក្ខាប្រមាញ់ និងនេសាទនៃព្រះរាជាណាចក្រកម្ពុជា។ កសិដ្ឋាននេះមានទីតាំងស្ថិតនៅស្របផ្លូវជាតិលេខ៥១ ភូមិតាគោក ឃុំឃ្លាំង ស្រុកពញាឮ​ ខេត្តកណ្តាល៕

ភ្នំពេញ៖ ក្រុមហ៊ុន វីរៈប៊ុនថាំ អេចប្រេស របស់ អ្នកឧកញ៉ា សួរ វីរៈ បានបញ្ជូនរថយន្តក្រុមហ៊ុន វីរៈ ប៊ុនថាំ ជាច្រើនគ្រឿងទៅជួយដឹកផ្លែល្ពៅ ចំនួន ២០តោន របស់ប្រជាកសិករនៅខេត្តព្រះវិហារ ដែលកំពុងមានបញ្ហាកង្វះទីផ្សារ ដើម្បីយកមកលក់នៅរាជធានីភ្នំពេញ។ កាលពីពេលថ្មីៗនេះ បងប្អូនប្រជាកសិករនៅខេត្តព្រះវិហារ បាននិងកំពុងជួបបញ្ហាទីផ្សារក្នុងការលក់ផ្លែល្ពៅ ដែលជាកសិផលខ្មែរសំខាន់មួយផងដែរ។ ពាក់ព័ន្ធនឹងបញ្ហានេះ ក្រសួងកសិកម្ម រុក្ខាប្រមាញ់ និងនេសាទ និងក្រសួងពាណិជ្ជកម្ម ក្នុងនាមជាសេនាធិការរបស់រាជរដ្ឋាភិបាល ក៏បានអំពាវនាវឱ្យភាគីពាក់ព័ន្ធមេត្តារួមគ្នាជួយតាមលទ្ធភាពដល់ប្រជាកសិករ។ អ្នកឧកញ៉ា សួរ វីរៈ បានលើកឡើងលើទំព័រហ្វេសប៊ុក កាលពីថ្ងៃទី២១ ខែមិថុនា បែបនេះថា “តបតាមការស្នើរសុំរបស់ក្រសួងពាណិជ្ជកម្ម លោកបាទបានបញ្ជូនរថយន្តដឹកទំនិញ ដើម្បីជួយដល់កសិករនៅខេត្តព្រះវិហារ ដែលកំពុងជួបបញ្ហាទីផ្សារលក់ផ្លែល្ពៅចំនួន ២០តោន ទៅកាន់រាជធានីភ្នំពេញ និង ចំនួនជាច្រើនតោនបន្ថែមទៀត ក្នុងពេលឆាប់ៗនេះ។ បើប្អូនត្រូវការទិញអាចទាក់ទងបានដឹកជញ្ជូន ១២៥០ទីតាំងរបស់សាខាវីរ:ប៊ុនថាំ។ ខ្មែរជួយខ្មែរ ខ្មែរគាំទ្រផលិតផលខ្មែរ”។ ក្រោមកិច្ចសហការជាមួយក្រសួងពាណិជ្ជកម្ម ក្នុងការគាំទ្រប្រជាកសិករក្នុងខេត្តព្រះវិហារ បណ្តាផ្សារទំនើបធំៗមួយចំនួននៅកម្ពុជា ក៏បាននាំយកផ្លែល្ពៅមកដាក់លក់ក្នុងតម្លៃសមរម្យដល់បងប្អូនប្រជាពលរដ្ឋនៅរាជធានីភ្នំពេញជាពិសេសនៅផ្សារទំនើបអ៊ីអនម៉ល និងផ្សារជីពម៉ុង ក៏ដូចជាផ្សារទំនើបផ្សេងៗទៀត​៕

ភ្នំពេញ៖ កសិករដាំបន្លែ និងជាប្រធានសហគមន៍កសិកម្មទំនប “បន្លែផ្ទះសំណាញ់ត្រាំកក់”បានសម្តែងការគាំទ្រ និងពេញជាខ្លាំងចំពោះរាជរដ្ឋាភិបាលកម្ពុជា ដែលបង្កើតឱ្យមានសហគមន៍កសិកម្មទំនើបឡើង ហើយតាមរយៈវត្តមានសហគមន៍ថ្មីនេះ បានជួយឱ្យកសិករមានការផ្តាស់ប្តូរឥរិយាបទលើមុខរបរដាំបន្លែរបស់ខ្លួន ពីការដាំបន្លែតាមគ្នា ងាកមកដាំតាមផែនការ ឬដាំបន្លែឆ្លាស់គ្នាចៀសវាងជួបបញ្ហាទីផ្សារ។  លោក អ៊ុន អឿន ប្រធានសហគមន៍កសិកម្មទំនើប លើកឡើងបែបនេះនៅក្នុងឱកាសអញ្ចើញចូលរួមជាវាគ្មិនក្នុងកម្មវិធីបទសម្ភាសពិសេសរបស់ទូរទស្សន៍អនឡាញ ARDB កាលពីពេលថ្មីៗកន្លងមកនេះ។ លោកបានឱ្យដឹងថា ក្នុងនាមជាប្រធានសហគមន៍ ដែលធ្វើការផ្ទាល់ជាមួយគម្រោងដៃគូ ក៏ដូចជារាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ ដែលបានរៀបចំបង្កើតឱ្យមានសហគមន៍កសិកម្មទំនើប បន្លែផ្ទះសំណាញ់ត្រាំកក់នេះ បង្ហាញឱ្យឃើញថា រាជរដ្ឋាភិបាលបានយកចិត្តទុកដាក់មកលើកសិករ។ លោកប្រធានសហគមន៍បានបន្តថា បន្ទាប់ពីសហគមន៍កសិកម្មកសិកម្មទំនើប បន្លែផ្ទះសំណាញ់បានដំណើរការជាផ្លូវការ យើងមើលឃើញថា មានភាពប្រសើរឡើង ដោយកសិករដាំបន្លែមិនមានផែនការច្បាស់លាស់ ដាំបន្លែតែមួយមុខដូចគ្នាជាហេតុធ្វើឱ្យមានបញ្ហាទីផ្សារកើតឡើងនៅពេលប្រមូលផល។ ប៉ុន្តែក្រោយពីមានសហគមន៍ថ្មីនេះកើតឡើង យើងសង្កេតឃើញថា ប្រជាកសិករប្រកបរបរដាំបន្លែមានការផ្លាស់ប្តូរឥរិយាបទរបស់ខ្លួន និងទទួលយកបច្ចេកទេសថ្មីៗដូចជាការដាំដំណាំឆ្លាស់, ដាំដំណាំឱ្យបានច្រើនមុខ មិនដាំតែមួយមុខៗនាំឱ្យកកស្ទះលើទីផ្សារដូចមុនទៀតឡើយ។ លោកបានបន្តថា “រាជរដ្ឋាភិបាលបង្កើតឱ្យមានសហគមន៍កសិកម្មទំនើបនេះឡើង  ខ្ញុំអបអរសាទរ និងសូមគាំទ្រទាំងស្រុងនូវលទ្ធផល ដែលរាជរដ្ឋាភិបាលសម្រេចកន្លងមក។ ការបង្កើតឱ្យមានសហគមន៍កសិកម្មទំនើប ខ្ញុំគិតថា ជាការផ្តល់លទ្ធភាពដល់សហគមន៍ទទួលបានប្រភពទុនជួយឱ្យកសិករងើបឈរឡើងដើម្បីបង្កបង្កើនផល សម្រាប់អភិវឌ្ឍន៍គ្រួសារនិងសហគមន៍ផងដែរ”។ លោកលើកឡើងថា តាមរយៈសហគមន៍កសិកម្មទំនើបថ្មីនេះ សង្ឃឹមថា ប្រជាកសិករនឹងរួមគ្នា […]

ប៉េកាំង៖ យោងតាមរបាយការណ៍ដែលចេញផ្សាយដោយសមាគមកប្បាសចិន បានឱ្យដឹងថា ផ្ទៃដីដាំកប្បាសនៅតំបន់ស្វយ័តស៊ីនជាំងអ៊ុយហ្គ័រ ស្ថិតនៅភាគពាយព្យនៃប្រទេសចិន បានកើនឡើងដល់ទំហំ២,៧៣លានហិកតា ក្នុងឆ្នាំ២០២៥ គឺកើនឡើង៣,៣ភាគរយ ពីមួយឆ្នាំទៅមួយឆ្នាំ។ របាយការណ៍ដដែល បានឱ្យដឹងទៀតថា សរុបទំហំផ្ទៃដីដាំកប្បាសនៅក្នុងប្រទេសចិន បានកើនឡើងដល់២,៩៩លានហិកតា ដោយរក្សាបាននូវសន្ទុះវិជ្ជមានជានិច្ច ដោយបានកត់សម្គាល់ថា តំបន់ដាំកប្បាសរបស់ប្រទេសចិននៅតែមានស្ថេរភាព ហើយលក្ខខណ្ឌអាកាសធាតុនាពេលបច្ចុប្បន្ននៅក្នុងតំបន់ស្វយ័តស៊ីនជាំង គឺអំណោយផលល្អសម្រាប់ផលិតកម្មកប្បាស។ យោងតាមនាយកដ្ឋានកសិកម្ម និងកិច្ចការជនបទ ក្នុងតំបន់ស៊ីនជាំង បានឱ្យដឹងថា ស៊ីនជាំង គឺជាតំបន់ផលិតកប្បាសដ៏ធំបំផុតរបស់ប្រទេសចិន ដែលរួមចំណែក៩២,២ភាគរយនៃទិន្នផលកប្បាសសរុបក្នុងស្រុក នៅក្នុងឆ្នាំ២០២៤ ដែលឈានដល់កម្រិតខ្ពស់បំផុត។  សំឡីកប្បាសតំបន់ស៊ីនជាំង ឥឡូវនេះត្រូវបានប្រើប្រាស់ជាចម្បងដើម្បីបំពេញតម្រូវការដ៏ច្រើននៅក្នុងស្រុក ដោយអនុញ្ញាតឱ្យនាំចេញខ្លះៗប៉ុណ្ណោះ ព្រោះតម្រូវការសំឡីកប្បាសនៅក្នុងស្រុកកាន់តែកើនឡើងជាប្រចាំ។ ភាពរឹងមាំនៃឧស្សាហកម្មកប្បាសរបស់តំបន់ស្វយ័តស៊ីនជាំង មិនមែនដោយសារតម្រូវការក្នុងស្រុកដ៏រឹងមាំប៉ុណ្ណោះទេ ប៉ុន្តែដោយសារកប្បាស់ដាំក្នុងតំបន់នេះផ្តល់ទិន្នផលខ្ពស់ និងមានគុណភាពល្អជាងគេផងដែរ។ ចំណែករបាយការណ៍ឧស្សាហកម្មដាច់ដោយឡែកមួយទៀត ដែលបានចេញផ្សាយនៅក្នុងខែឧសភា ឆ្នាំ២០២៥នេះ បានបង្ហាញថា នៅឆ្នាំ២០២៤ តំបន់ស្វយ័តស៊ីនជាំងមិនត្រឹមតែរក្សាបាននូវផលិតកម្មកប្បាស ដែលមានស្ថេរភាពប៉ុណ្ណោះទេ ប៉ុន្តែថែមទាំងមើលឃើញគុណភាពកើនឡើងជាបន្តបន្ទាប់ ដែលសំឡីកប្បាសមួយសរសៃមានប្រវែងលើសពី២៨មីលីម៉ែត្រ មានបរិមាណស្មើនឹង៩៨,១ភាគរយនៃទិន្នផលសរុប។ មានកត្តាជាច្រើនជួយបានពង្រឹងតួនាទីរបស់តំបន់ស្វយ័តស៊ីនជាំង ឱ្យក្លាយជាតំបន់ផលិតកប្បាសឈានមុខគេរបស់ប្រទេសចិន រួមទាំងលក្ខខណ្ឌធម្មជាតិអំណោយផល ផ្តល់ទិន្នផលខ្ពស់ និងគុណភាពខ្ពស់ ជាពិសេសផ្លែកប្បាសសម្បូរសំឡីសរសៃវែងៗ។ លើសពីនេះ គម្រោងលើកកម្ពស់ប្រសិទ្ធភាព និងគុណភាពនៃឧស្សាហកម្មកប្បាសកំពុងតែរីកចម្រើនជាលំដាប់។ ជាឧទាហរណ៍ […]

ញូវដេលី៖ ការផ្ទុះសង្គ្រាមរវាងអ៊ីស្រាអែល និងអ៊ីរ៉ង់ កំពុងធ្វើឱ្យតម្លៃអង្ករគ្រាប់វែងបាស្មាទីរបស់ឥណ្ឌា នាពេលថ្មីៗនេះបានធ្លាក់ថ្លៃមកវិញ ដោយសារការនាំចេញទៅកាន់ប្រទេសអ៊ីរ៉ង់ ដែលជាអ្នកនាំចេញអង្ករឥណ្ឌាធំបំផុតមួយដែរ មានបញ្ហាផ្នែកដឹកជញ្ជូនតាមសមុទ្រព្រោះតែមានភាពតានតឹងផ្នែកភូមិសាស្ត្រនយោបាយ។ តម្លៃអង្ករបាស្មាទី ដែលបានកើនឡើងពី១៥ ទៅ២០ភាគរយក្នុងរយៈពេលពីរខែចុងក្រោយនេះ ដោយសារតែការនាំចេញកាន់តែខ្ពស់ ត្រូវបានគេរំពឹងថា នឹងថយចុះនៅក្នុងសប្តាហ៍ខាងមុខនេះវិញ ដោយសារការនាំចេញទៅកាន់ប្រទេសអ៊ីរ៉ង់អាចនឹងធ្លាក់ចុះ ចំពេលកំពុងមានជម្លោះជាមួយអ៊ីស្រាអែល។ យោងតាមទីភ្នាក់ងារអភិវឌ្ឍន៍ការនាំចេញ និងកែច្នៃផលិតផលកសិកម្មរបស់ឥណ្ឌា បានឱ្យដឹងថា ប្រទេសអ៊ីរ៉ង់ជាប់ចំណាត់ថ្នាក់ជាអ្នកទិញអង្ករបាស្មាទីរបស់ឥណ្ឌាធំជាងគេទីបី បន្ទាប់ពីប្រទេសអារ៉ាប៊ីសាអូឌីត និងប្រទេសអ៊ីរ៉ាក់។  ក្នុងអំឡុងឆ្នាំ២០២៤-២០២៥ ការនាំចេញអង្ករបាស្មាទី របស់ឥណ្ឌាទៅកាន់ប្រទេសអ៊ីរ៉ង់មានតម្លៃទឹកប្រាក់ចំនួណ៧៣៦លានដុល្លារ ស្មើនឹង១២,៦ភាគរយនៃការនាំចេញអង្ករបាស្មាទីសរុបរបស់ឥណ្ឌា។ ប្រទេសនាំចូលអង្ករឥណ្ឌាមួយចំនួន ដូចជាប្រទេសអ៊ីរ៉ង់ ធ្លាប់បានបង្កើនការបញ្ជាទិញរបស់ខ្លួន បន្ទាប់ពីតម្លៃអង្ករបាស្មាទី របស់ឥណ្ឌាបានធ្លាក់ថ្លៃ ដែលការបញ្ជាទិញនាពេលនោះ បានជួយធ្វើឱ្យតម្លៃអង្ករឡើងថ្លៃវិញបន្តិចផងដែរ។ កាលពីក្នុងខែមេសា ឆ្នាំ២០២៥នេះ តម្លៃ​អង្ករបាស្មាទី របស់​ឥណ្ឌា​បាន​ធ្លាក់ថ្លៃយ៉ាងខ្លាំង ដោយសារ​តម្រូវការ​នាំ​ចេញ​លើពិភពលោក​មាន​ចំនួន​តិច​ដោយសារ​កត្តា​ជាច្រើន។ ប៉ុន្តេទោះជាយ៉ាងណាក៏ដោយ តម្រូវការនាំចេញបានកើនឡើងវិញ ដោយសារមានអ្នកចង់ទិញស្តុកទុកក្នុងតម្លៃទាប ដែលនាំមកនូវការកើនឡើងនៃបរិមាណនាំចេញ នៅក្នុងខែឧសភា និងការកើនឡើងជាបន្តទៀតប្រហែល២០ភាគរយ។ ទោះបីជាតម្លៃទំនងជានៅតែមានស្ថិរភាពសម្រាប់ពេលនេះក៏ដោយ កត្តាដូចជាអត្រាពន្ធខ្ពស់ពេគរបស់អាមេរិក ឬបណ្តាលមកពីសង្រ្គាមអ៊ីរ៉ង-អ៊ីស្រាអែល នឹងបង្កផលប៉ះពាល់ដល់តម្លៃអង្ករនេះ នាពេលអនាគត។ ចំណែកប្រទេសជាច្រើនមានទំនោរចង់ទិញអង្ករបាស្មាទីបន្ថែមទៀត ដើម្បីធានាសន្តិសុខស្បៀងរបស់ខ្លួន ប្រសិនបើសង្រ្គាមអ៊ីរ៉ង់-អ៊ីស្រាអែលរីករាលដាលកាន់តែធំឡើង។ ប្រធាន​សហព័ន្ធ​អ្នក​នាំ​ចេញ​អង្ករ​ឥណ្ឌា បាន​សម្តែង​ការ​ព្រួយ​បារម្ភ​ទាក់ទង​នឹង​ការ​ដឹក​ជញ្ជូន​តាម​សមុទ្រនាពេល​បច្ចុប្បន្ននេះ និង​បញ្ហា​ទូទាត់​ប្រាក់នៅក្នុងពេលផ្ទុះសង្គ្រាម។ […]

សេអ៊ូល៖​ ទោះបីជារដ្ឋាភិបាលកូរ៉េខាងត្បូង បានចំណាយលុយដើម្បីទិញអតិរេកស្រូវ ដែលកសិករផលិតបានលើសពីតម្រូវការលើទីផ្សារក៏ដោយ រដ្ឋាភិបាលកូរ៉េខាងត្បូងឥឡូវនេះកំពុងតែប្រឈមមុខនឹងការរិះគន់កាន់តែខ្លាំងឡើង នៅពេលតម្លៃស្រូវឡើងជាបន្តបន្ទាប់។ រដ្ឋាភិបាលបានព្យាយាមរក្សាស្ថិរភាពតម្លៃស្រូវនេះ ដើម្បីទប់ទល់នឹងការធ្លាក់ថ្លៃ ដែលបណ្តាលមកពីការជន់ជោរស្រូវនៅលើទីផ្សារ រដ្ឋាភិបាលបានប្រមូលទិញស្រូវមកស្តុកទុក ប៉ុន្តែការទិញរបស់រដ្ឋាភិបាលក្នុងទ្រង់ទ្រាយធំចាប់តាំងពីពេលនោះមក បាននាំឱ្យមានង្វះខាតស្រូវនៅលើទីផ្សារទៅវិញ ដែលជំរុញឱ្យតម្លៃកើនឡើង។ ខណៈពេលការអន្តរាគមន៍របស់រដ្ឋាភិបាល ដើម្បីជួយរក្សាស្ថិរភាពតម្លៃស្រូវក្នុងរដូវប្រមូលផល បរិមាណទិន្នផលស្រូវលើសពីតម្រូវការ ត្រូវបានរដ្ឋាភិបាលទិញមកស្តុកទុក ដែលផែនការនេះបណ្តាលឱ្យមានការខ្វះស្រូវនៅក្នុងបណ្តាញចែកចាយរបស់ឯកជន។ យោងតាមវិទ្យាស្ថានសេដ្ឋកិច្ចជនបទកូរ៉េ បានឱ្យដឹងថា ស្តុកស្រូវរបស់វិស័យឯកជនមានចំនួន៧១២​ ០០០តោន នៅចុងខែមេសា ឆ្នាំ២០២៥ ដោយធ្លាក់ចុះចំនួន២៣០ ០០០តោន ឬស្មើនិង២៣ភាគរយ បើធៀបនឹងឆ្នាំមុន និងមានចំនួនប្រាំបីភាគរយទាបជាងប្រវត្តិមធ្យមភាគកន្លងមក។ ក្រុមហ៊ុន​កិនស្រូវ​ឯកជន​មួយចំនួន​បាន​ដក​ស្តុក​ទុក​ហើយ ហើយ​ឥឡូវនេះ​កំពុង​ទិញ​ស្រូវ​មកវិញ​ពី​រោងម៉ាស៊ីនកិន​ស្រូវ​​ធំៗ ដែល​ដំណើរការ​ដោយ​សហព័ន្ធ​សហគមន៍​កសិកម្ម​ជាតិ​។ នៅពេលដែលតម្រូវការប្រមូលផ្តុំជុំវិញរោងម៉ាស៊ីនកិន​ស្រូវ​​ធំៗទាំងនេះ តម្លៃស្រូវកំពុងឡើងបន្តទៀត ផ្តល់ចំណេញដល់ឈ្នួញប្រមូលទិញស្តុកទុក ប៉ុន្តែកសិករមិនបានចំណេញពី អគ្គលេខាធិការសហព័ន្ធកសិករដាំស្រូវកូរ៉េ បានកត់សម្គាល់ថា “កសិករបានលក់ស្រូវទើបប្រមូលផលរួចហើយនៅចន្លោះខែតុលា ដល់ខែធ្នូ ដូច្នេះពួកគេមិនទទួលបានផលចំណេញពីការកើនឡើងថ្លៃនាពេលថ្មីៗនេះទេ។ អ្នកបានចំណេញ គឺអ្នកទិញស្រុវស្តុកទុកដូចជា​រោងម៉ាស៊ីនកិន​ស្រូវ​​ធំៗជាដើម។ ទោះបីជាមានការបញ្ចេញស្តុកស្រូវរបស់រដ្ឋាភិបាល ដើម្បីជួយបន្ធូរបន្ថយសម្ពាធកើនឡើងលើតម្លៃក៏ដោយ រដ្ឋបាលនៅតែប្រុងប្រយ័ត្ន។  រាល់សកម្មភាពបែបនេះ ប្រថុយប្រថាននឹងប្រតិកម្មពីអ្នកលក់រាយ ដែលខ្លាចការធ្លាក់ថ្លៃ និងកសិករ ដែលសង្ឃឹមថា នឹងឡើងថ្លៃក្នុងរដូវប្រមូលផលនាពេលខាងមុខ។ កាលពីខែកញ្ញា ឆ្នាំ២០២៤ មុនការប្រមូលផលចាប់ផ្តើម […]

កូឡាឡាំពួរ៖អាជ្ញាធរម៉ាឡេស៊ី កំពុងចាប់ផ្តើមប្រតិបត្តិការដើម្បីទប់ស្កាត់សកម្មភាពលក់ក្លែងបន្លំនៅតាមទីផ្សារ និងលក់ផ្លែទុរេននាំចូលពីតំបន់ផ្សេងៗ ឬទុរេននាំចូលពីប្រទេសថៃ បន្លំថា ជាពូជទុរេនដ៏ល្បីល្បាញរបស់ប្រទេសម៉ាឡេស៊ី ដាំនៅក្នុងរដ្ឋប៉េណាំង។ ទីភ្នាក់ងារព័ត៌មានរបស់ម៉ាឡេស៊ី​ ប៊ើណាម៉ា បានធ្វើសេចក្តីរាយការណ៍ថា ប្រធានគណៈកម្មាធិការអភិវឌ្ឍន៍កសិកម្ម សន្តិសុខស្បៀង និងសហគមន៍ នៅក្នុងរដ្ឋប៉េណាំង​នៃរដ្ឋ បានមានប្រសាសន៍កាលពីដើមសប្តាហ៍នេះថា ប្រតិបត្តិការរួមគ្នានេះនឹងមានការចូលរួមពីកម្លាំងនគរបាលសហការជាមួយនាយកដ្ឋានកសិកម្ម និងអាជ្ញាធរទីផ្សារកសិកម្មសហព័ន្ធរបស់ប្រទេសម៉ាឡេស៊ី។ លោកបាននិយាយថា «យើងបានរកឃើញចំណុចក្តៅចំនួនពីបីកន្លែង ដែលរក្សាទុកផ្លែទុរេននាំចូលតាមរថយន្តពីប្រទេសថៃ ប៉ុន្តែបានបន្លំលក់ជាផលិតផលក្នុងស្រុក។ ឥឡូវនេះអាជ្ញាធរកំពុងរង់ចាំពេលវេលាវេលាសមស្របដើម្បីឆ្មក់ចូលឆេកឆេតែម្តង»។ លោក​ពន្យល់​ថា ការ​បង្ក្រាប​នេះ​ធ្វើ​ឡើង​ដើម្បី​ឆ្លើយ​តប​តាមបណ្តឹង​របស់​សាធារណជន និង​ដំណើរ​ត្រួត​ពិនិត្យ​ជា​បន្តបន្ទាប់។  ថ្មីៗនេះ ភ្នាក់ងារទប់ស្កាត់បទល្មើសបានដាក់បារ៉ាស់បិទផ្លូវ ដើម្បីស្ទាក់ចាប់ផលិតផលកសិកម្មផ្សេងៗ ដែលមិនអនុលោមតាមច្បាប់ ជាពិសេសពិនិត្យមើលការដឹកជញ្ជូនផ្លែទុរេនតែម្តង។ លោកប្រធានគណៈកម្មាធិការ បានកត់សម្គាល់ថា ផ្លែទុរេនមកពីតំបន់ផ្សេងទៀតមិនត្រូវបានហាមឃាត់ទេ ប៉ុន្តែមិនត្រូវភ្លេចពូជទុរេនដ៏ល្បីល្បាញ ដាំនៅក្នុងតំបន់បាលីក ពូឡៅ (Balik Pulau) នោះទេ។ ដើម្បីការពារផ្លែធុរេនរបស់ខ្លួន​ អាជ្ញាធររដ្ឋប៉េណាំង កាលពីដើមខែមិថុនា ឆ្នាំ២០២៥នេះ បានដាក់ឱ្យដំណើរការប្រព័ន្ធ “តាមដាន និងតាមចាប់”  ដែលដាក់ស្លាកផ្លែទុរេននីមួយៗដោយមានបង់លេខ QR កូដ ដែលនៅពេលស្កេនរួចភ្លាមចេញប្រវត្តិពូជផ្លែទុរេន រួមទាំងអាសយដ្ឋានទីតាំងកសិដ្ឋានដើមដាំដំណាំនេះផងដែរ។ ប្រព័ន្ធតាមដាន​ និងតាមចាប់នេះ ត្រួតពិនិត្យគ្រប់ជំហាននៃសង្វាក់ផ្គត់ផ្គង់ផ្លែទុរេន ដោយមានលេខកូដសម្គាល់ […]

ហ្សាការតា៖ រដ្ឋាភិបាលឥណ្ឌូនេស៊ី បានលុបចោលកូតានាំចូលគោរស់ពីប្រទេសអូស្ត្រាលី ដើម្បីធានាបាននូវការផ្គត់ផ្គង់សាច់គោ និងទឹកដោះគោ ដើម្បីពង្រឹងសន្តិសុខស្បៀងនៅក្នុងប្រទេស។ រដ្ឋមន្ត្រីសម្របសម្រួលស្បៀងអាហារឥណ្ឌូណេស៊ី បានប្រកាសអំពីគោលការណ៍លុបចោលកូតានេះ ក្នុងអំឡុងពេលនៃការប្រារព្ធទិវាទឹកដោះគោ ឆ្នាំ២០២៥ នៅទីក្រុងហ្សាកាតា កាលពីចុងសប្តាហ៍មុន។ លោក​បាន​បន្ត​ថា ឥឡូវ​នេះ​អ្នក​នាំ​ចូល​ត្រូវ​បាន​អនុញ្ញាត​ឱ្យ​នាំ​គោ​​រស់​ដោយ​គ្មាន​កំណត់​កូតា​ទៀតទេ ក្នុង​គោល​បំណង​ដើម្បី​ជួយ​ដល់​ឧស្សាហកម្ម​បសុសត្វ និង​បំពេញ​តម្រូវ​ការ​​សាធារណៈចំពោះសាច់គោ។ លោករដ្ឋមន្ត្រីបានបន្ថែមថា តាមរយៈការលុបចោលចំនួនកូតានាំចូលគោរស់នេះ រដ្ឋាភិបាលឥណ្ឌូណេស៊ីមានគោលបំណងផ្តល់ឱកាសដល់ឧស្សាហកម្មកែច្នៃទឹកដោះគោជាតិ ដើម្បីបង្កើនបរិមាណផលិតកម្ម កែលម្អគុណភាពផលិតផល និងបង្កើនភាពធន់នៃខ្សែសង្វាក់ផ្គត់ផ្គង់។ ទោះបីជា​យ៉ាង​ណាក៏ដោយ លោក​រដ្ឋមន្ត្រីសម្របសម្រួលស្បៀងអាហារឥណ្ឌូណេស៊ី​ មិន​បាន​ផ្តល់​ព័ត៌មាន​លម្អិតផ្នែក​បច្ចេកទេស​អំពី​គោលការណ៍​ថ្មី​នេះ​ទេ។ ចំណែកអនុរដ្ឋមន្ត្រីក្រសួងកសិកម្មឥណ្ឌូណេស៊ីវិញ ធ្លាប់បានថ្លែងថា ប្រទេសឥណ្ឌូណេស៊ីគ្រោងនឹងនាំចូលសត្វគោរស់ចំនួនពីរលានក្បាលក្នុងរយៈពេលប្រាំឆ្នាំខាងមុខ រួមទាំងគោយកទឹកដោះគោចំនួន១,២លានក្បាលផងដែរ។ លោក​បញ្ជាក់​ថា ការ​នាំ​ចូល​គោរស់ត្រូវ​បានរដ្ឋាភិបាលចាត់​ទុក​ជា​ការ​វិនិយោគ ហើយ​នឹង​មិន​ប្រើ​លុយ​ពីក្នុង​កញ្ចប់ថវិកា​របស់រដ្ឋ​ឡើយ។ លោកបានបន្ថែមថា រដ្ឋាភិបាលឥណ្ឌូណេស៊ី កំពុងលើកទឹកចិត្តសហគ្រិនក្នុងស្រុក សហគមន៍កសិករ រូបវន្តបុគ្គល និងក្រុមហ៊ុនបរទេស ឱ្យដាក់ទុនវិនិយោគលើការបង្កាត់ពូជសត្វគោ និងចិញ្ចឹមគោនៅក្នុងប្រទេសឥណ្ឌូនេស៊ី។ គិតត្រឹមខែមីនា ឆ្នាំ២០២៥នេះ ពូជមេគោយកទឹកដោះចំនួន១​ ២៥០ក្បាល ត្រូវបាននាំចូលពីប្រទេសអូស្ត្រាលី បានមកដល់កោះជ្វា ភាគខាងកើតឥណ្ឌូណេស៊ី តាមរយៈកិច្ចខិតខំប្រឹងប្រែងរបស់រដ្ឋាភិបាល ដើម្បីជំរុញការវិនិយោគក្នុងឧស្សាហកម្មផលិតទឹកដោះគោជាតិ។ កាលពីពេលថ្មីៗកន្លងមកនេះ​ រដ្ឋាភិបាលឥណ្ឌូណេស៊ី បានពិនិត្យឡើងវិញអំពីអាជ្ញាបណ្ណនាំចូលប្រចាំឆ្នាំសម្រាប់ចំណីអាហារសំខាន់ៗមួយចំនួន ដូចជាសាច់គោបង្កក គោរស់ អង្ករ […]

ប៉េកាំង៖ ទីភ្នាក់ងារព័ត៌មានចិនស៊ិនហួ បានចេញផ្សាយថា ប្រទេសចិនបានអនុញ្ញាតឱ្យរោងចក្រផលិតកែច្នៃសាច់ជ្រូក និងសាច់បសុបក្សីចំនួន១០៦កន្លែងរបស់សហរដ្ឋអាម៉េរិក អាចនាំចេញផលិតផលរបស់ខ្លួន ដែលមានលក្ខណៈសម្បត្តិគ្រប់គ្រាន់ និងជាទំនិញផលិតនៅថ្ងៃទី១២ ខែមិថុនា ឬក្រោយថ្ងៃទី១២ ខែមិថុនា​ ឆ្នាំ២០២៥។ ទីភ្នាក់ព័ត៌មានដដែល បានលើកយកសេចក្តី​ជូន​ដំណឹង​របស់អាជ្ញាធរគយចិន ដែលបានសម្រេចអនុញ្ញាតឱ្យនាំចូលសាច់សត្វ បន្ទាប់ពីប្រទេសចិន និងសហរដ្ឋអាម៉េរិកបានព្រមព្រៀងគ្នាលើក្របខណ្ឌមួយចំនួន នៅក្នុងកិច្ចប្រជុំនាទីក្រុងហ្សឺណែវ ប្រទេសស្វីស ព្រមទាំងបានបន្ធូរបន្ថយភាពតានតឹងក្នុងសង្គ្រាមពាណិជ្ជកម្ម។ អគ្គនាយកដ្ឋានគយចិន បានបញ្ជាក់ថា ការអនុញ្ញាតឱ្យនាំចូលសាច់របស់អាម៉េរិកនេះ​ មានរោងចក្រផលិតកែច្នៃសាច់ជ្រូកចំនួន២៣កន្លែង និងរោងចក្រផលិតកែច្នៃបសុបក្សីចំនួន៨៣កន្លែង ដែលទីតាំងនៅក្នុងសហរដ្ឋអាម៉េរិក។ កាលពីខែមីនា ឆ្នាំ២០២៥ ប្រទេសចិនបានដំឡើងពន្ធរហូតដល់១៥ភាគរយ គ្របដណ្តប់លើផលិតផលកសិកម្ម និងចំណីអាហាររបស់អាម៉េរិក ដែលមានតម្លៃជាទឹកប្រាក់ចំនួន២១ពាន់លានដុល្លារ ដើម្បីតបតនឹងការដំឡើងពន្ធរបស់ប្រធានាធិបតីអាម៉េរិក លោក ដូណាល់ ​ត្រាំ​ លើទំនិញនាំចូលពីប្រទេសចិន។ តាមរយៈការបញ្ចុះបញ្ចូលពីលោក ដូណាល់ ​ត្រាំ​ កាលពីឆ្នាំ២០២០ រោងចក្រផលិតកែច្នៃសាច់រាប់រយរបស់សហរដ្ឋអាម៉េរិក ទទួលបានសិទ្ធិនាំចូលផលិតផលរបស់ខ្លួនទៅកាន់ទីផ្សារក្នុងប្រទេសចិន ក្រោមកិច្ចព្រមព្រៀងពាណិជ្ជកម្មដំណាក់កាលទី១ ប៉ុន្តែក្រុមហ៊ុនជាច្រើនបានបាត់បង់សិទ្ធិរបស់ពួកគេ តាំងពីដើមឆ្នាំ២០២៥នេះ ដោយសារអាជ្ញាបណ្ណផុតសុពលភាព។  ខណៈពេលការចុះបញ្ជីសុំបន្តសុពលភាពឡើងវិញ​សម្រាប់រោងចក្រសាច់ជ្រូក និងរោងចក្រសាច់បក្សី ត្រូវបានអាជ្ញាធរគយចិនអនុញ្ញាតបន្តអាជ្ញាបណ្ណនាំចូល ប៉ុន្តែសម្រាប់អាជ្ញាបណ្ណនាំចូលសាច់គោរបស់អាម៉េរិកវិញ នៅតែមិនទាន់ទទួលបានសុពលភាពដដែល។ កាលពីពេលថ្មីៗកន្លងមកនេះ សារព័ត៌មាន គ្លូបល […]

មូស្គូ៖ ប្រទេសរុស្ស៊ីបានជាប់ចំណាត់ថ្នាក់ថ្មីលើពិភពលោកក្នុងការនាំចេញគ្រាប់ធញ្ញជាតិ ដោយនៅក្នុងឆ្នាំ២០២៤ បាននាំចេញស្រូវសាលីជាង១០លានតោន ចូលទៅកាន់ប្រទេសអេហ្ស៊ីប ដែលជាបរិមាណមិនធ្លាប់មានពីមុនមក ដែលបញ្ជាក់ពីការពង្រីកឥទ្ធិពលរបស់ទីក្រុងម៉ូស្គូ នៅក្នុងខ្សែសង្វាក់ផ្គត់ផ្គង់ស្បៀងអាហារពិភពលោក និងទំនាក់ទំនងពាណិជ្ជកម្មកាន់តែស៊ីជម្រៅជាមួយអាហ្វ្រិកខាងជើង។ យោងតាមឯកអគ្គរដ្ឋទូតរុស្សីប្រចាំនៅទីក្រុងគែរ ប្រទេសអេហ្ស៊ីប លោក ចចជី បូរីសែនកូ (Georgy Borisenko) បានឱ្យដឹងថា ប្រទេសរុស្ស៊ីបាននាំលេចគេជាអ្នកផ្គត់ផ្គង់គ្រាប់ធញ្ញជាតិឈានមុខគេរបស់អេហ្ស៊ីប នៅក្នុងឆ្នាំ២០២៤ ដោយបាននាំចេញស្រូវសាលីជាង១០លានតោន ដែលល្អបំផុត សម្រាប់ប្រទេសទាំងពីរ។ លោកឯកអគ្គរដ្ឋទូតបានសង្កត់ធ្ងន់ថា រុស្ស៊ីជាអ្នកនាំចេញស្រូវសាលីដ៏ធំបំផុតទៅកាន់ប្រទេសអេហ្ស៊ីប ហើយបានផ្គត់ផ្គង់ស្រូវសាលីច្រើនជាងដប់លានតោន កាលពីឆ្នាំមុន។ នេះគឺជាតួលេខដែលមិនធ្លាប់មានពីមុនមក ពីព្រោះគ្មានប្រទេសណាមួយក្នុងពិភពលោក បានទិញស្រូវសាលីរុស្ស៊ីក្នុងបរិមាណច្រើនបែបនេះទេ ហើយរុស្ស៊ីក៏មិនបានលក់ស្រូវសាលីដ៏ច្រើនបែបនេះទៅឱ្យប្រទេសផ្សេងទៀតដែរ។ ទំហំពាណិជ្ជកម្មដ៏ធំនេះត្រូវបានគូសបញ្ជាក់បន្ថែមទៀតនៅក្នុងសេចក្តីរបាយការណ៍នានារបស់ទីភ្នាក់ងារព័ត៌មានរុស្ស៊ី ដែលបានលើកឡើងពីការកត់សម្គាល់របស់ប្រធានសាខាប្រចាំតំបន់នៃមជ្ឈមណ្ឌលសហព័ន្ធសម្រាប់ការវាយតម្លៃសុវត្ថិភាព និងគុណភាពផលិតផលកសិកម្ម របស់រុស្ស៊ី។ ថ្លែងនៅក្នុងវេទិការុស្ស៊ី-អ៊ីស្លាម ប្រធានសាខាប្រចាំតំបន់បានបង្ហាញថា នៅឆ្នាំ២០២៤ រុស្ស៊ីបាននាំចេញគ្រាប់ធញ្ញជាតិ និងផលិតផលកែច្នៃពីគ្រាប់ធញ្ញជាតិសរុបចំនួន៦៤លានតោន ទៅកាន់ប្រទេសចំនួន៤០ ដែលភាគច្រើនកាន់សាសនាឥស្លាម។ ជាពិសេស ប្រទេសអេហ្ស៊ីប ឥឡូវនេះបានក្លាយទៅជាប្រទេសនាំចូលស្រូវសាលីពីរុស្ស៊ីធំជាងគេលើពិភពលោក ដែលជាការនាំចេញគ្រាប់ធញ្ញជាតិប្រចាំឆ្នាំខ្ពស់បំផុតសម្រាប់រុស្ស៊ីនាំចូលទៅកាន់ប្រទេសតែមួយ។ ការរីកចម្រើផ្នែកនាំការចេញកសិផលនេះ បង្ហាញតួលេខពាណិជ្ជកម្មដ៏រឹងមាំរបស់រុស្ស៊ី ព្រមទាំងឆ្លុះបញ្ចាំងពីភាពជាដៃគូយុទ្ធសាស្ត្ររវាងរដ្ឋាភិបាលអេហ្ស៊ីប និងរដ្ឋាភិបាលរុស្ស៊ី ដែលទំនងជាកាន់តែស៊ីជម្រៅថែមទៀត នៅពេលរុស្ស៊ីផ្លាស់ប្តូរគោលដៅឆ្ពោះទៅរកទីផ្សារក្នុងទ្វិបអាហ្រិក ស្របពេលប្រទេសក្នុងទ្វីបអាហ្វ្រិកជាច្រើន កំពុងតែស្វែងអ្នកផ្គត់ផ្គង់អាចទុកចិត្តបាន និងមានប្រសិទ្ធភាពក្នុងការនាំចូលស្រូវសាលីមកក្នុងប្រទេសរបស់ខ្លួន។ ទំនាក់ទំនងពាណិជ្ជកម្មរបស់រុស្ស៊ីជាមួយទ្វីបអាហ្រ្វិក […]

ភ្នំពេញ​៖ ក្រោយពីមានភ្លៀងធ្លាក់​ជាបន្តបន្ទាប់នៅដើមខែមិថុនា​រហូតដល់ពេលសព្វថ្ងៃ។ ​នៅតំបន់តាមបណ្តាខេត្តមួយចំនួន​ ​កសិករ ,វារីវប្បករ​ បាននិងកំពុងចាប់ផ្តើម​ចិញ្ចឹម​ត្រីរបស់ខ្លួន​ជាប​ណ្តើរៗហើយនៅក្នុង​គ្រាដែលដំបូងៗនេះដែរគេសង្កេតឃើញ​តម្រូវការកូនត្រី​ពូជមានសន្ទុះកើនឡើង​ខ្ពស់​ ពិសេស​កូនត្រីប្រាពូជ​។​ ​អ្នកស្រី ខ្លូត ស្រីនាង ម្ចាស់កសិដ្ឋាន​ ហង់ ហ៊ាង បង្កាត់ពូជនៅ​ភូមិចក សង្កាត់រកាក្នុង ​ក្រុងដូនកែវ ខេត្តតាកែវ​ បានឱ្យដឹង​ថា ចាប់ពីខែមករារហូតដល់ខែឧសភា​កន្លងមកនេះ​មានកសិករខ្លះបានដាក់កូនត្រីចិញ្ចឹមត្រីរបស់ខ្លួន​រួចហើយ តែ​​​កសិករមួយចំនួនផ្សេងទៀត​ទាន់​មិនទាន់បានធ្វើការចាប់ផ្តើម​នោះទេ ដោយសារ​មិនមានទឹកគ្រប់គ្រាន់​ ។ ​ដូចនេះការផ្គត់ផ្គង់កូនត្រីពូជ​ដល់កសិករនៅមានចំនួន​តិចតួច​​។ ប៉ុន្តែចូលដល់ខែមិថុនា​មកនេះ បន្ទាប់ពីមានទឹកភ្លៀង​ធ្លាក់ជាបន្តបន្ទាប់​ឃើញថាកសិករ​មានការកំម៉្មង់កូនត្រីពូជ​​មានសន្ទុះកើនឡើងច្រើន​ ​​ដោយពេលខ្លះ​ការផ្គត់ផ្គង់កូនត្រីពូជ​ស៊ឹងតែមិនទាន់​ ព្រោះតម្រូវការមានច្រើនពេក​។​ ​អ្នកស្រីបន្តទៀតថា បច្ចុប្បន្ន​កសិដ្ឋានមាន​កូនត្រីពូជបានមានច្រើនប្រភេទ ដូចជាកូនត្រីអណ្តែង, កូនត្រីឆ្ពិន,​ កូនត្រីទីឡាព្យា,​ កូនត្រីក្រាញ់យក្ស និងកូនត្រីប្រា ហើយនៅក្នុងចំណោមកូនត្រីពូជទាំងនេះ​ សម្រាប់កូនត្រីប្រាមានតម្រូវការច្រើនជាងគេ។  ជាក់ស្តែង​គិតមកទល់ខែមិថុនា​ឆ្នាំ​២០២៥នេះ កសិករ​មានតម្រូវការ​កូនត្រីប្រាពូជ​ជាង​១លានកូននិងប្រភេទកូនម្សៅ​ឬ កូនត្រីទើបភ្ញាស់​បាន​​​​​ប្រហាក់ប្រហែល​១លានកូនត្រីផងដែរ​។ ​ ​បើតាម​អ្នកស្រី ខ្លូត ស្រីនាង តម្លៃកូនត្រីប្រាពូជតម្លៃរបស់វា​ផ្អែកទៅលើទំហំឬខ្នាត​របស់កូនត្រី​។ ​កូនត្រីប្រាមាន​ទំហំ​៧លីថ្លៃ​៧០រៀល ​, ទំហំ៨លីថ្លៃ​៨០រៀល និងទំហំ​១០លីថ្លៃ​ ១០០រៀល​នៅក្នុងកូនត្រីមួយក្បាល​។ អ្នកស្រីលើកឡើងថា “ការចិញ្ចឹម​ត្រី​ជាមុខរបរ​សំខាន់​សម្រាប់​កសិករ។​​​ ​ចំពោះខាងកសិដ្ឋាន​ខ្ញុំវិញ ដែលជាអ្នកផលិត​ក្រៅពីផលិតបានគ្រប់គ្រាន់ឆ្លើយតបទៅនិងទីផ្សារ​  យើងអាចចូលរួមកាត់បន្ថយការនាំចូល​កូនត្រីពូជ​មកពីខាងក្រៅបានផងដែរ”​​។ ​ […]