News

អន្តរជាតិ៖ ទីភ្នាក់ងារ ស៊ីនហួរ បានរាយការណ៍ពីទីក្រុងតូក្យូ ប្រទេសជប៉ុននៅថ្ងៃទី១៨ ខែមីនា ឆ្នាំ២០២៥ថា ក្រសួងកសិកម្ម រុក្ខាប្រមាញ់ និងនេសាទជប៉ុន បានឱ្យដឹងថា តម្លៃអង្ករជាមធ្យមនៅផ្សារទំនើបទូទាំងប្រទេសគឺ៤០៧៧ យ៉េន ឬប្រមាណ២៧ដុល្លារអាមេរិកក្នុងទម្ងន់៥គីឡូក្រាម កាលពីថ្ងៃទី៩ ខែមីនា ឆ្នាំ២០២៥កន្លងមក ដែល​ក្នុង​ឆ្នាំ​២០២៤ អង្ករបានឡើងថ្លៃខ្ពស់ ហើយបង្កការព្រួយបារម្ភចំពោះអ្នកបរិភោគ។​ តម្លៃអង្ករជាមធ្យមនាពេលថ្មីៗនេះបានកើនឡើងចំនួន១២៥យ៉េន ឬប្រមាណ០,៨ដុល្លារអាមេរិក ពីសប្តាហ៍មុន ដែលនេះ​បានធ្វើឲ្យ​តម្លៃ​អង្ករ​ឡើង​ថ្លៃ​ក្នុង​សប្តាហ៍​ទី​១០​ជាប់ៗ​គ្នា។ វាជាលើកទីមួយនៅក្នុងប្រទេសជប៉ុន ដែលតម្លៃអង្ករជាមធ្យមបានឡើងលើសពី៤០០០យ៉េន ឬប្រមាណជាង២៦ដុល្លារអាមេរិក។ រដ្ឋាភិបាល​ជប៉ុន​បាន​បញ្ចប់​ការ​ដេញ​ថ្លៃអង្ករ​បម្រុងទុក ​លើក​ដំបូង​របស់​ខ្លួននាសប្តាហ៍មុន ដោយគ្រោងនឹងបញ្ចេញទុនអង្ករបម្រុងទៅកាន់ផ្សារទំនើបទូទាំងប្រទេសក្នុងខែមីនា ឆ្នាំ២០២៥នេះ។ ដោយសារ​តែតម្លៃ​អង្ករក្នុង​ស្រុកនៅប្រទេស​ជប៉ុន​ឡើងថ្លៃធ្វើឱ្យភោជនីយដ្ឋាន និងហាងកាន់​តែច្រើន​នៅ​ជប៉ុន កំពុង​ងាក​ទៅទិញ​អង្ករដែល​នាំចូល​ពីបរទេស​វិញ​។ តម្លៃស្រូវជប៉ុនឡើងថ្លៃដោយមូលហេតុ​ការផលិត​ស្រូវ​នៅក្នុងប្រទេសជប៉ុន បានថយចុះ​យ៉ាងគំហុក។ ការថយចុះ​នៃការផលិត​នេះ បាន​កើតមានឡើង​បន្ទាប់ពី​រដ្ឋាភិបាល​ជប៉ុន បានបញ្ចប់​ជំនួយជា​ថវិកាលើការ​ដាំស្រូវកាលពីឆ្នាំ​២០១៣ និងបាន​លើកទឹកចិត្ត​ឱ្យកសិករ​ដាំស្មៅជា​ចំណីគោ​វិញ​ ព្រមនឹងការកើនឡើងខ្លាំងនៃចំនួនភ្ញៀវទេសចរបរទេស និងស្របពេល​ដែលរដ្ឋាភិបាល​ជប៉ុនផ្តល់​កូតា​នាំចូលស្រូវចំនួន​១សែនតោន​ក្នុង១​ឆ្នាំ នាំឱ្យក្រុមហ៊ុន​ផ្សារទំនើប បានចាប់ផ្តើម​នាំចូលអង្ករ​ពីប្រទេស​អូស្ត្រាលី ចាប់តាំងពីខែ​មីនាមក ដោយ​បានចាប់​ផ្តើមលក់អង្ករ​នេះ នៅតាម​ហាងជាង១៤០​កន្លែង​ទូទាំង​ប្រទេស​ជប៉ុន​។ គួរបញ្ជាក់ថា រដ្ឋាភិបាលជប៉ុនមានស្តុកអង្ករចំនួន៩១០,០០០តោន ស្មើនឹងជាង២០ភាគរយនៃទុនបម្រុង៕ ​        

អន្តរជាតិ៖ ចក្រភពអង់គ្លេសគ្រោងនឹងចាប់ផ្តើមកិច្ចចរចាពាណិជ្ជកម្មជាមួយហ្វីលីពីន បន្ទាប់ពីប្រជាជាតិអាស៊ីបានយល់ព្រមដកបម្រាមនាំចូលសាច់គោ និងផលិតផលបសុបក្សីរបស់អង់គ្លេស។ យោងតាមការផ្សាយរបស់ The Edge Malaysia បានឲ្យដឹងថា រដ្ឋមន្ត្រីក្រសួងពាណិជ្ជកម្មចក្រភពអង់គ្លេសលោក ឌូក្លាស អាឡិចសាន់ឌឺ  (Douglas Alexander) នឹងជួបជាមួយអនុរដ្ឋលេខាធិការក្រសួងពាណិជ្ជកម្មហ្វីលីពីន លោក អាឡែន ហ្គោតធី (Allan Gepty) នៅទីក្រុងឡុងដ៍ ដើម្បីចាប់ផ្តើមកិច្ចសន្ទនាស្តីពីការពង្រឹងទំនាក់ទំនងពាណិជ្ជកម្មរបស់ប្រទេសទាំងពីរ ដោយផ្តោតលើហេដ្ឋារចនាសម្ព័ន្ធថាមពលកកើតឡើងវិញ កសិកម្ម និងបច្ចេកវិទ្យាក្នុងទំហំទឹកប្រាក់ប្រហែល២,៨ពាន់លានផោន ស្មើនឹង៣,៦ពាន់លានដុល្លារអាមេរិក ។ កិច្ចសន្ទនានេះកើតឡើងបន្ទាប់ពីប្រទេសហ្វីលីពីន បានយល់ព្រមលុបចោលការហាមឃាត់ការនាំចូលសាច់គោរបស់ចក្រភពអង់គ្លេស បន្ទាប់ពីរកឃើញជំងឺលើសត្វគោនៅក្នុងកសិដ្ឋានរបស់ចក្រភពអង់គ្លេស កាលពីឆ្នាំ២០២៤។ ការសម្រេចចិត្តលុបចោលការហាមឃាត់នេះត្រូវបានគេប៉ាន់ស្មានថា មានតម្លៃ៨០លានផោនដល់ឧស្សាហកម្មសាច់របស់ចក្រភពអង់គ្លេសក្នុងរយៈពេលប្រាំឆ្នាំ។ រដ្ឋមន្ត្រីពាណិជ្ជកម្មចក្រភពអង់គ្លេស បាននិយាយថា កិច្ចពិភាក្សានេះនឹងបង្ហាញពីជំពូកថ្មីដ៏សំខាន់មួយនៅក្នុងទំនាក់ទំនងពាណិជ្ជកម្មជាមួយប្រទេសហ្វីលីពីន ដែលជាប្រទេសមានសេដ្ឋកិច្ចរីកចម្រើនលឿនបំផុតនៅអាស៊ី។ នេះ​ជា​កិច្ចពិភាក្សា​ចុងក្រោយ​បង្អស់​ក្នុង​ការ​ចរចា​ជា​បន្តបន្ទាប់ ​ដែល​បាន​ចាប់​ផ្តើម​ឡើង​ដោយ​ក្រសួង​ពាណិជ្ជកម្ម​ ​។ សហរដ្ឋអាម៉េរិក នៅតែជាដៃគូពាណិជ្ជកម្មដ៏ធំបំផុតរបស់ចក្រភពអង់គ្លេស ពន្ធលើការការពារនិយម ដែលធ្វើឡើងដោយប្រធានាធិបតី ដូណាល់ ត្រាំ (Donald Trump) បានបង្ខំឱ្យរដ្ឋាភិបាលចក្រភពអង់គ្លេស សម្លឹងមើលការពង្រីកទំនាក់ទំនងបន្ថែមទៀតជាមួយនឹងប្រទេសចិន កូរ៉េខាងត្បូង និងប្រទេសម៉ាឡេស៊ី។ ចក្រភពអង់គ្លេសក៏កំពុងបន្តកំណត់ឡើងវិញ ក្រោយចាកចេញពីសហភាពអឺរ៉ុប ហើយកំពុងពិភាក្សាជាមួយរដ្ឋបាលរបស់លោក Trump ដើម្បីយល់ព្រមលើ […]

ភ្នំពេញ៖ លោកឧកញ៉ា សុង សារ៉ន និងសហការីនៃក្រុមហ៊ុនអេមរុរ៉ាយស៍ នៅថ្ងៃទី១៤ ខែមីនា ឆ្នាំ២០២៥ ក្នុងខេត្តកំពង់ធំ បានពិនិត្យពូជស្រូវស្រងែក្រអូបជំនាន់ទី២ ដែលជាពូជបន្សុទ្ធថ្មី នៅថ្នាលបន្សុទ្ធពូជរបស់រោងចក្រកែច្នៃអង្ករ សាខាអេមរុរ៉ាយស៍កំពង់ធំ និងពិនិត្យការប្រមូលផលស្រូវពូជស្រងែក្រអូប ដែលអាចផ្ដល់ទិន្នផលខ្ពស់ចន្លោះប្រាំ ទៅប្រាំមួយតោនក្នុងមួយហិកតា នៅស្ថានីយបល្ល័ង្ក ដែលមានទីតាំងនៅនៅភូមិបល្ល័ង្ក ឃុំដំរីជាន់ខ្លា ក្រុងស្ទឹងសែន ខេត្តកំពង់ធំ។ ក្រុមហ៊ុនអេមរុរ៉ាយស៍ បានបន្សុទ្ធពូជស្រូវប្រពៃណីចំនួន៨ប្រភេទ រួមមានពូជនាងអុក ពូជនាងអំសំបកក្រហម ពូជនាងអំសំបកខ្មៅ ពូជដំណើបខ្មៅ ពូជស្រងែ ពូជនាងកែវ ពូជរំបើស និងពូជម្លិះក្រហម ដែលជាពូជបុរាណខ្មែរ និងមានភាពធន់ទៅនឹងការប្រែប្រួលអាកាសធាតុ។ ពូជស្រូវស្រងែក្រអូប គឺជាពូជបន្សុទ្ធ ស្ថិតក្រោមកម្មវិធីបន្សុទ្ធគ្រាប់ពូជស្រូវ ដែលមានភាពធន់នឹងអាកាសធាតុ និងកំពុងរៀបចំបន្សុទ្ធដោយក្រុមហ៊ុនអេមរុរ៉ាយស៍ ដែលជាពូជមានសក្តានុពលក្នុងការផលិត និងកែច្នៃអង្ករ ប្រកបដោយគុណភាពសម្រាប់នាំចេញទៅកាន់ទីផ្សារអន្តរជាតិ។ កម្មវិធីនេះត្រូវបានបង្កើតឡើងក្នុងគោលដៅសម្រេចឱ្យបាននូវពូជស្រូវ ដែលមានប្រភពច្បាស់លាស់ និងមានគុណភាពល្អ ជាពិសេស ក្រុមហ៊ុនអេមរុរ៉ាយស៍ ប្តេជ្ញាចូលរួមចំណែករក្សានូវពូជប្រពៃណីបុរាណខ្មែរ ដើម្បីអាចគាំទ្រដល់កសិករក្នុងការពង្រីកការដាំដុះ និងបង្កើនប្រាក់ចំណូលក្នុងស្រុក និងដើម្បីរក្សាបាននូវកេរ្តិ៍ឈ្មោះពូជស្រូវអង្ករល្អ និងមានតម្លៃនៅលើទីផ្សារក្នុងស្រុក និងអន្ដរជាតិ៕

រាជធានីភ្នំពេញ៖ ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុថ្ងៃទី១៧ ខែមីនា ឆ្នាំ២០២៥ បានដឹកនាំកិច្ចប្រជុំគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ ដើម្បីពិនិត្យ និងពិភាក្សាលើសេចក្តីព្រាងផែនការយុទ្ធសាស្ត្រអភិវឌ្ឍន៍ជាតិ ដោយមានការអញ្ជើញចូលរួមពីឯកឧត្តមឧបនាយករដ្ឋមន្ត្រី, ឯកឧត្តមទេសរដ្ឋមន្ត្រី, ឯកឧត្តមរដ្ឋមន្ត្រី, និងឯកឧត្តម លោកជំទាវ ជាថ្នាក់ដឹកនាំ អមដោយមន្ត្រីជំនាញមកពីក្រសួងស្ថាប័នពាក់ព័ន្ធ។ យោងតាមសេចក្តីប្រកាសព័ត៌មានស្តីពីលទ្ធផលប្រជុំរបស់ក្រសួងសេដ្ឋកិច្ច និងហិរញ្ញវត្ថុបានឱ្យដឹងថា សេចក្តីព្រាងផែនការយុទ្ធសាស្ត្រអភិវឌ្ឍន៍ជាតិ របស់រាជរដ្ឋាភិបាលនីតិកាលទី៧ នៃរដ្ឋសភា ឬហៅកាត់ថា “ផ.យ.អ.ជ”ត្រូវបានរៀបចំឡើងបន្តពីផែនការយុទ្ធសាស្ត្រអភិវឌ្ឍជាតិ២០១៩-២០២៣ ដើម្បីអនុវត្តក្នុងនីតិកាលទី៧នៃរដ្ឋសភា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ សេចក្តីព្រាងផែនការយុទ្ធសាស្ត្រអភិវឌ្ឍន៍ជាតិ ដែលមានឋានានុក្រមទី៣ បន្ទាប់ពីកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១, បំប្លែងការតម្រង់ទិសគោលនយោបាយយុទ្ធសាស្ត្រធំៗ ដែលមានចែងនៅក្នុងយុទ្ធសាស្ត្របញ្ចកោណ ដំណាក់កាលទី១ ឱ្យក្លាយទៅជាសកម្មភាព ដែលអាចអនុវត្តបាន និងមានចរិតជាការកែទម្រង់ស៊ីជម្រៅ។ សេចក្តីព្រាងផែនការយុទ្ធសាស្ត្រអភិវឌ្ឍន៍ជាតិ ដាក់ចេញនូវសកម្មភាព និងកម្មវិធីអាទិភាពទាំងឡាយជាលក្ខណៈវិស័យ និងអន្តរវិស័យ ដែលជាមគ្គុទេសក៍ជាយុទ្ធសាស្ត្រដល់ក្រសួង-ស្ថាប័នពាក់ព័ន្ធទាំងអស់ ធ្វើជាមូលដ្ឋានសម្រាប់ការរៀបចំផែនការយុទ្ធសាស្ត្ររបស់ខ្លួន។ សេចក្តីព្រាងផែនការយុទ្ធសាស្ត្រអភិវឌ្ឍន៍ជាតិ ផ្តល់នូវក្របខ័ណ្ឌរួមមួយសម្រាប់ការធ្វើអាទិភាវូបនីយកម្ម […]

អន្តរជាតិ៖ រោងចក្រផលិតស្ករសឥណ្ឌា បានចុះកិច្ចសន្យានាំចេញស្ករសចំនួនប្រាំមួយសែនតោន ទៅកាន់ទីផ្សារពិភពលោក ក្នុងឆ្នាំ២០២៥ ប៉ុន្តែមានការស្ទាក់ស្ទើរក្នុងការចុះហត្ថលេខាលើកិច្ចព្រមព្រៀងនាំចេញបន្ថែមទៀតដោយសារតែតម្លៃស្ករសក្នុងស្រុកបានកើនឡើង។ យោងតាមការចេញផ្សាយរបស់ទីភ្នាក់ងារព័ត៌មាន Reuters បានឱ្យដឹងថា ​ការ​នាំ​ចេញ​ស្ករសរបស់​ប្រទេស​ឥណ្ឌា ​ដែល​ជា​ប្រទេស​ផលិត​ស្ករ​ធំ​ជាង​គេ​ទី​ពីរ​របស់​ពិភពលោក ​នឹង​ជួយគាំទ្រ​ដល់​តម្លៃ​ស្ករសពិភពលោក​។ បន្ទាប់ពីបានបញ្ឈប់ការនាំចេញកាលពីឆ្នាំមុនដើម្បីឱ្យតម្លៃស្ករសក្នុងស្រុកមានលំនឹង ប្រទេសឥណ្ឌា កាលពីខែមករា ឆ្នាំ២០២៥ បានអនុញ្ញាតឱ្យនាំចេញស្ករសចំនួនមួយលានតោន ដើម្បីជួយដល់រោងចក្រផលិតស្ករសក្នុងស្រុក។ ប៉ុន្តែដោយសារតម្លៃស្ករសក្នុងស្រុកកើនឡើង ហើយត្រូវបានគេរំពឹងថា នឹងកើនឡើងបន្ថែមទៀតព្រោះតែផលិតកម្មទាប និងតម្រូវការនារដូវក្ដៅ ឈ្មួញកណ្តាលនៅទីក្រុងបុមបៃ និងក្រុមហ៊ុននាំចេញ បាននិយាយថា ការនាំចេញស្ករសបានធ្លាក់ចុះក្នុងខែមីនានេះបន្ទាប់ពីការកើនឡើងកាលពីខែមុន។ ទិន្នផលស្ករសរបស់ឥណ្ឌាសម្រាប់ទីផ្សារក្នុងស្រុក ឆ្នាំ២០២៤-២០២៥ ត្រូវបានគេរំពឹងថា នឹងធ្លាក់ចុះមកនៅត្រឹម២៥,៨លានតោន បើធៀបនឹងឆ្នាំមុន ដែលមានចំនួន២៩លានតោន។ ចំណែកឈ្មួញផ្សេងទៀត នៅទីក្រុងញូវដេលី បាននិយាយថា រោងចក្រផលិតស្ករសបានផ្គត់ផ្គង់ស្ករសប្រហែលពីរសែនប្រាំម៉ឺនតោននៃ ប្រាំមួយសែនតោន ដែលមាននៅក្នុងកិច្ចសន្យានាំចេញ ចុះហត្ថលេខាចាប់តាំងពីខែមករា ឆ្នាំ២០២៥មក។ ប្រទេសឥណ្ឌាលក់ស្ករសទៅកាន់ប្រទេសមួយចំនួនរួមមាន អាហ្វហ្គានីស្ថាន បង់ក្លាដែស ឥណ្ឌូណេស៊ី ស្រីលង្កា និងអេមីរ៉ាត់អារ៉ាប់រួម ហើយក៏ជាអ្នកនាំចេញស្ករសលំដាប់ទី២ របស់ពិភពលោកក្នុងរយៈពេលប្រាំឆ្នាំចុងក្រោយ ជាមួយនឹងបរិមាណជាមធ្យមចំនួន៦,៨លានតោនក្នុងមួយឆ្នាំ៕

អន្តរជាតិ៖ កសិករដាំកាកាវរាប់ពាន់នាក់នៅទូទាំងប្រទេសឥណ្ឌូនេស៊ី បានសហការជាមួយម្ចាស់អាជីវកម្ម និងអង្គការមិនមែនរដ្ឋាភិបាលដើម្បីការពារដំណាំរបស់ពួកគេពីផលប៉ះពាល់ នៃការប្រែប្រួលអាកាសធាតុ និងជំរុញឱ្យតម្លៃកាកាវឡើងដល់កម្រិតកំណត់ត្រា។ ដើមកាកាវមានការថែទាំខ្ពស់ ដោយត្រូវការសីតុណ្ហភាព សំណើម និងពន្លឺព្រះអាទិត្យជាក់លាក់។ ត្រូវចំណាយពេលប្រមាណ ៥ឆ្នាំ ទើបអាចប្រមូលផលយកទៅកែច្នៃធ្វើជាសូកូឡា និងអាហារផ្សេងៗទៀត។ ប៉ុន្តែទោះជាយ៉ាងណាក៏ដោយបម្រែបម្រួលអាកាសធាតុបង្កើនហានិភ័យចំពោះកសិករ នៅពេលដែលអាកាសធាតុក្តៅធ្វើឱ្យប៉ះពាល់ដល់ទិន្នផល ហើយរដូវភ្លៀងកាន់តែយូរបង្កឱ្យមានការរីករាលដាលនៃជំងឺផ្សិត និងសត្វល្អិត។ កសិករដាំកាកាវឥណ្ដូនេស៊ី បានផ្លាស់ប្តូរទៅដាំដំណាំផ្សេងទៀត ដោយកាត់បន្ថយការផ្គត់ផ្គង់កាកាវ និងជំរុញឱ្យតម្លៃកាន់តែខ្ពស់។ នៅឆ្នាំ២០២៤ តម្លៃកាកាវកើនឡើងជិតបីដង ឈានដល់ប្រហែល១២ ០០០ដុល្លារក្នុងមួយតោន ដែលជំរុញឱ្យតម្លៃសូកូឡាឡើងថ្លៃ និងអ្នកផលិតសូកូឡាមួយចំនួនឱ្យសាកល្បងដាំកាកាវនៅក្នុងមន្ទីរពិសោធន៍។ យោងតាមអង្គការស្បៀងអាហារ និងកសិកម្មរបស់អង្គការសហប្រជាជាតិ (FAO) បានឱ្យដឹងថា ប្រទេសឥណ្ឌូនេស៊ី គឺជាប្រទេសផលិតកាកាវធំជាងគេទី៣ នៅលើពិភពលោក បន្ទាប់ពីកូតឌីវ័រ និងហ្គាណា។ លោក អាមីន ហារី (Armin Hari) អ្នកគ្រប់គ្រងផ្នែកទំនាក់ទំនងភាពជាដៃគូដើម្បីនិរន្តភាពនៃដំណាំកាកាវ( Cocoa Sustainability Partnership) ដែលជាវេទិកាសម្រាប់កិច្ចសហប្រតិបត្តិការសាធារណៈ និងឯកជនសម្រាប់ការអភិវឌ្ឍន៍កាកាវនៅក្នុងប្រទេសឥណ្ឌូនេស៊ី បាននិយាយថា កសិករដាំកាកាវដែលត្រូវការប្រាក់កម្ចីពីធនាគារ ដែលគ្រប់គ្រងដោយរដ្ឋាភិបាលក៏ទទួលបានអត្ថប្រយោជន៍ពីការចាប់ដៃគូជាមួយម្ចាស់អាជីវកម្មផងដែរ ដោយសារកិច្ចព្រមព្រៀងអ្នកទិញ មានការធានាអាចផ្តល់វត្ថុបញ្ចាំ ដែលត្រូវការដើម្បីទទួលបានប្រាក់កម្ចី។ លោកបាននិយាយថា រដ្ឋាភិបាល […]

ទីក្រុងប៉ីហៃ, ខេត្តក្វាងស៊ី៖ នៅថ្ងៃទី១៤ ខែមីនា ឆ្នាំ២០២៥, ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ឯកឧត្តម បាន លឹម អគ្គនាយករងនៃធនាគារអភិវឌ្ឍន៍ជនបទ និងកសិកម្ម បានដឹកនាំសហការីចូលរួមពិធីទទួលដំឡូងមីស្ងួតកម្ពុជាលើកដំបូង នាំចូលដោយក្រុមហ៊ុន COFCO BIO-TECHNOLOGY CO.,LTD។ នៅក្នុងឱកាសនេះ ក៏មានពិធីចុះកិច្ចព្រមព្រៀងផងដែរ ស្តីពី ការទិញ-លក់ដំឡូងមីស្ងួតកម្ពុជា រវាងក្រុមហ៊ុន HANG HARVEST AGRICULTURE CO.,Ltd និងក្រុមហ៊ុន COFCO BIO-TECHNOLOGY CO.,Ltd ដែលសហការរៀបចំឡើងដោយការិយាល័យទំនាក់ទំនងពាណិជ្ជកម្មកម្ពុជាប្រចាំទីក្រុងណានីង, រដ្ឋាភិបាលប្រជាជនប៉ីហៃ, មន្ទីរពាណិជ្ជកម្មនៃតំបន់ស្វ័យតក្វាងស៊ី ព្រមទាំងសម្របសម្រួលដោយការិយាល័យពាណិជ្ជកម្មនៃទីក្រុងប៉ីហៃ និងគណៈកម្មការគ្រប់គ្រងតំបន់អភិវឌ្ឍន៍បច្ចេកទេសសេដ្ឋកិច្ចប៉ីហៃ។ ឆ្លៀតក្នុងឱកាសនៃពិធីទទួលដំឡូងមីស្ងួតកម្ពុជាលើកដំបូង និងពិធីចុះកិច្ចព្រមព្រៀងស្តីពី ការទិញ-លក់ដំឡូងមីស្ងួតកម្ពុជានេះ ដែលមានការចូលរួមពីអភិបាលនិងអភិបាលរងក្រុងប៉ីហៃ, តំណាងក្រសួងពាណិជ្ជកម្មនៃព្រះរាជាណាចក្រកម្ពុជា, តំណាងមន្ទីរពាណិជ្ជកម្មនៃប្រទេសកម្ពុជាប្រចាំទីក្រុងណានីង, មន្ទីរពាណិជ្ជកម្មនៃតំបន់ស្វ័យតក្វាងស៊ី, និងក្រុមហ៊ុនវិនិយោគមួយចំនួនទៀត, ឯកឧត្តម បាន លឹម បានណែនាំអំពីតួនាទីរបស់ធនាគារអភិវឌ្ឍន៍ជនបទ និងកសិកម្ម (ARDB) ជាពិសេសការគាំទ្រដល់វិស័យកសិកម្មកម្ពុជាតាមរយៈការផ្តល់ហិរញ្ញប្បទាន សេវាកម្មហិរញ្ញប្បទានពាណិជ្ជកម្ម […]

សៀមរាប៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្មនៅថ្ងៃទី១៤ ខែមីនាឆ្នាំ២០២៥នេះ បានអញ្ជើញចុះសាកសួរសុខទុក្ខ និងសំណេះសំណាលជាមួយបងប្អូនសហគមន៍ដាំដុះបន្លែក្នុងផ្ទះសំណាញ់នៅសហគមន៍ចំនួន២កន្លែង ស្ថិតក្នុងស្រុកបន្ទាយស្រី ខេត្តសៀមរាប ដែលទទួលបានឥណទានពីធនាគារ ARDB សម្រាប់ពង្រីកអាជីវកម្មដាំដុះបន្លែ ផ្គត់ផ្គង់ដល់ទីផ្សារក្នុងស្រុក។ នៅក្នុងការអញ្ជើញចុះសំណេះសំណាល និងពិនិត្យមើលវឌ្ឍនភាពដាំដុះ របស់ឯកឧត្តមបណ្ឌិត កៅ ថាច នៅក្នុងសហគមន៍២ខាងលើ គឺទី១ សហគមន៍សម្ព័ន្ធកសិករខ្មែអង្គរ លោក យិប ប្រេង មាន៣ផ្ទះសំណាញ់ ដែលមានសមាជិក៤៩គ្រួសារ កំពុងតែដាំដុះស្ពៃក្រញាញ់ និងបន្លែខាត់ណា ចិញ្ចឹមសត្វ សម្រាប់ផ្គត់ផ្គង់ទៅផ្សារលើ និងផ្សារចាស់ ក្នុងទីរួមខេត្តសៀមរាប។ ក្រោយជួបជាមួយសហគមន៍ដាំដុះបន្លែខាងលើរួចមក ឯកឧត្តមបណ្ឌិត កៅ ថាច និងសហការីបានអញ្ជើញជួបផ្ទាល់ទីតាំងសហគមន៍កសិកម្មទំនើប ស សី ស្ថិតនៅស្រុកបន្ទាយស្រី ខេត្តសៀមរាប ដែលកំពុងដាំដុះបន្លែសុវត្ថិភាព វគ្គទី២ លើផ្ទៃដី២៧ហិកតា ក្រោមការគាំទ្រឥណទានពីធនាគារ ARDB មានដាំបន្លែ ផ្ទះសំណាញ់ចំនួន៩ខ្នង ដាំប្រភេទបន្លែខាត់ណាដើម ស្ពៃក្រញាញ់ និងស្ពៃជើងទាផងដែរ។ ជាមួយនេះដែរ ឯកឧត្តមបណ្ឌិត […]

ឧត្តរមានជ័យ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម នាថ្ងៃទី១៣ ខែមីនានេះ បានអញ្ជើញជួបប្រជុំជាមួយតំណាងសហគមន៍ព្រះប្រឡាយ ដាំដុះស្វាយចន្ទី, ទីលានហាល និងឃ្លាំងស្តុក ព្រមទាំងចុះពិនិត្យមើលទីតាំងសិប្បកម្មកែច្នៃស្វាយកែវរមៀតស្ថិតនៅឃុំត្រពាំងតាវ និងឃុំត្រពាំងប្រាសាទ ស្រុកអន្លង់វែង ខេត្តឧត្តរមានជ័យ។ សហគមន៍ដាំដំណាំស្វាយចន្ទីនេះ មានផ្ទៃដីដាំដុះ ប្រមាណ៩០០ហិកតា ក្នុងនោះមានសមាជិកសរុបចំនួន១៦០គ្រួសារ ហើយបច្ចុប្បន្នសមាជិកមួយចំនួនកំពុងទទួលបាន និងប្រើប្រាស់ឥណទានពីធនាគារ ARDB ដើម្បីពង្រីក និងដាំដុះស្វាយចន្ទីបន្ថែមទៀត។ បន្ទាប់ពីបានជួបពិភាក្សាផ្ទាល់ជាមួយសហគមន៍ និងស្តាប់មតិលើកឡើងរបស់ប្រជាពលរដ្ឋអ្នកដាំដុះស្វាយចន្ទីរួចមក ឯកឧត្តមបណ្ឌិតប្រតិភូ ក៏បានលើកជាអនុសាសន៍ណែនាំបន្ថែមដល់សហគមន៍ដាំស្វាយចន្ទី ការគិតគូរថ្លៃដើមផលិត និងប្រើប្រាស់បច្ចេកទេសបន្ថែមលើដំណំាស្វាយចន្ទី ដើម្បីឲ្យទទួលបានផលកាន់តែច្រើន ពោលគឺអាចទាញផលចន្លោះពី២តោន ទៅ២,៥តោនក្នុង១ហិកតា ជាមួយនិងការរៀបចំឃ្លាំងស្តុកទុក ឬទីលានហាលគ្រាប់ចន្ទី នៅពេលតម្លៃធ្លាក់ចុះ ព្រោះនេះជាមធ្យោបាយដ៏ល្អដល់កសិករ ដើម្បីរក្សាតម្លៃបន្ថែម។ នៅក្នុងថ្ងៃដដែលនេះដែរ ឯកឧត្តមបណ្ឌិត កៅ ថាច ក៏បានអញ្ជើញចុះពិនិត្យការស្តុក និងហាលទុកគ្រាប់ស្វាយចន្ទីមួយកន្លែងទៀត ស្ថិតក្នុងស្រុកអន្លង់វែង របស់លោក សាន ឡុងហាក់ ដែលកំពុងប្រមូលទិញគ្រាប់ស្វាយចន្ទី ដំឡូងមី សណ្តែកសៀងពីកសិកររាប់សិបតោន សម្រាប់នាំចេញទៅប្រទេសវៀតណាម និងថៃ ព្រមទាំងបង្ហាញពីស្ថានភាពទិញគ្រាប់ស្វាយចន្ទីពីកសិករ […]

ទីក្រុងណានីង-ខេត្តក្វាងស៊ី៖ នៅថ្ងៃទី១៣ ខែមីនា ឆ្នាំ២០២៥, ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម, ឯកឧត្តម បាន លឹម អគ្គនាយករងនៃធនាគារអភិវឌ្ឍន៍ជនបទ និងកសិកម្ម បានដឹកនាំសហការី រួមមាន ប្រធាននាយកដ្ឋានប្រតិបត្តិការ និងកិច្ចការរតនាគារ, ប្រធាននាយកដ្ឋានអភិវឌ្ឍន៍យុទ្ធសាស្រ្តអាជីវកម្ម និងទីប្រឹក្សាជាន់ខ្ពស់ ជួបពិភាក្សាជាមួយតំណាងធនាគារសាខាខេត្តក្វាងស៊ីរបស់ចិន ដើម្បីពិនិត្យមើលលទ្ធភាពក្នុងការធ្វើកិច្ចសហប្រតិបត្តិការពិសេស លើការផ្តល់សេវាទូទាត់ឆ្លងប្រទេស និងសេវាហិរញ្ញប្បទានពាណិជ្ជកម្ម។ តំំណាងថ្នាក់ដឹកនាំធនាគារសាខាខេត្តខ្វាងស៊ី ដែលចូលរួមក្នុងកិច្ចពិភាក្សាជាមួយតំណាងធនាគារអភិវឌ្ឍន៍ជនបទ និងកសិកម្ម រួមមាន ធនាគារឧស្សាហកម្ម និងពាណិជ្ជកម្មចិន (Industrial and Commercial Bank of China-ICBC), ធនាគារចិន (Bank of China -BoC), ធនាគារកសិកម្មចិន (Agricultural Bank of China- ABC) និងធនាគារសាងសង់ចិន (China Construction Bank-CCB) ដោយមានការសម្របសម្រួលពីអគ្គកុងស៊ុល និងមន្ទីរ […]

កំពង់ធំ-ព្រះវិហារ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម ព្រមទាំងសហការីនៅថ្ងៃទី១២ ខែមីនានេះ បានអញ្ជើញពិនិត្យមើលតម្លៃលក់ស្វាយចន្ទី និងការប្រមូលផលរបស់កសិករ នៅតាមសមាគម និងចម្ការនានា ស្ថិតក្នុងឃុំជ័យ ស្រុកកំពង់ស្វាយ ខេត្តកំពង់ធំ និងមួយកន្លែងទៀត ស្ថិតក្នុងឃុំរមទម ស្រុករវៀង ខេត្តព្រះវិហារ។ ក្នុងឱកាសនេះ ឯកឧត្តមបណ្ឌិត កៅ ថាច ក៏បានពិនិត្យផ្ទាល់នូវកន្លែកស្តុកទុកហាល និងកែច្នៃរបស់សហគ្រាសក្នុងស្រុក  ហើយបានជួបជាមួយលោក អួន ស៊ីឡុត ប្រធានសមាគមស្វាយចន្ទីកម្ពុជា, លោកស្រី អ៉ិន ឡៃហួត ម្ចាស់សិប្បកម្មកែច្នៃគ្រាប់ស្វាយចន្ទី ជ័យ សំបូរ និងកសិករជាម្ចាស់ចម្ការជាច្រើនគ្រួសារផងដែរ ។ ការអញ្ជើញជួបកសិករ និងប្រធានសមាគមខាងលើរបស់ឯកឧត្តមបណ្ឌិតប្រតិភូ គឺដើម្បីតាមដានសភាពការណ៍នៃការធ្លាក់ចុះតម្លៃគ្រប់ស្វាយចន្ទីនៅក្នុងខែមីនានេះ និងសកម្មភាពទិញរបស់រោងចក្រ សហគ្រាសកែច្នៃនានា ព្រមទាំងការទិញពីឈ្មួញក្នុងស្រុកផងដែរ។ ជាការឆ្លើយតប លោក អួន ស៊ីឡុត ប្រធានសមាគមស្វាយចន្ទីកម្ពុជា និងលោកស្រី អ៉ិន ឡៃហួត ម្ចាស់សិប្បកម្មកែច្នៃគ្រាប់ស្វាយចន្ទី ជ័យ សំបូរ បានលើកឡើងថា […]

ពលរដ្ឋមួយចំនួនដែលបានជ្រើសរើសមុខរបរចិញ្ចឹមមាន់ មិនត្រឹមតែជាការងារមួយនៅក្បែរផ្ទះសម្បែងមិនចំាបាច់ចេញទៅធ្វើការក្រៅផ្ទះ និងខ្លះទៀតត្រូវចំណាកស្រុកឆ្ងាយទេ តែមុខរបរកសិកម្មបែបបុរាណមួយនេះថែមទាំងអាចជួយរកចំណូលគ្រួសារមួយផ្នែកធំផងដែរ។ ក្នុងរយៈពេលជាង២ឆ្នាំមកនេះកសិករដែលបានជ្រើសរើសមុខរបរចិញ្ចឹមមាន់ស្រុកបានលើកឡើងថាជីវភាពផ្លាស់ប្តូរមួយកម្រិត ក្នុងនេះអាចជួយជួសជុលផ្ទះ ទិញម៉ូតូ និងអាចឱ្យកូនចៅទៅរៀនមិនជួបការលំបាកដូចដែលពួកគាត់ធ្លាប់ជួបប្រទះកាលពីមុននេះទៀតផង។ អ្នកស្រី ញ៉ែម ខាត់ណារស់នៅភូមិឆាយលុក ឃុំ អូរសោម ស្រុក វាលវែង ខេត្តពោធិ៍សាត់បានលើកឡើងថា មុនចាប់មុខរបរចិញ្ចឹមមានជាអាជីពនេះគាត់ និង ស្វាមីជាអ្នកដើរស៊ីឈ្នួលគេ តាមចំការ ហើយឃើញថាជីវភាពខ្វះខាតច្រើន។កាលនោះមុខរបរស្ទើររកស៊ីព្រឹកខ្វះល្ងាចតែបន្ទាប់ពីគម្រោងរេដបូកចូលមកក្នុងអំឡុងចុងឆ្នាំ២០២២អ្នកស្រីក៏ស្ម័គ្រចិត្តចូលគម្រោងនេះ ហើយសម្រេចចិត្តជ្រើសរើសមុខរបរចិញ្ចឹមមាន់។ ស្រ្តីដែលធ្លាប់តែស៊ីឈ្នួលគេហើយបានផ្លាស់ប្តូរមុខរបរចិញ្ចឹមមាន់រូបនេះបានរំលឹកថា កាលពីកកើតដំបូងឡើយ អ្នកស្រីមិនមានអ្វីទាំងអស់គឺបានអង្គការសម្ព័ន្ធមិត្ត សត្វព្រៃជួយបណ្តុះបណ្តាលលើបច្ចេកទេសចិញ្ចឹមមាន់ ជួយរៀបចំ និងសាងសង់ទ្រុង ផ្តល់មាន់ជិត៨០ក្បាល និងផ្តល់ចំណី៦បាវ។ក្នុងរយៈពេលត្រឹមតែ៣ខែមាន់ដែលអង្គការផ្តល់ជាមេពងស្រាប់ៗនោះធ្វើឱ្យអ្នកស្រីអាចយកពងលក់ និងភ្ញាស់កូនមាន់អាចលក់បានប្រាក់ចំណូលជាបន្តបន្ទាប់ ធ្វើឱ្យអ្វីៗដែលធ្លាប់តែជួបការលំបាកអាចផ្លាស់ប្តូរមកល្អប្រសើរយ៉ាងខ្លីប៉ុណ្ណោះ។ ស្រ្តីដែលបានប្រកាន់យកមុខរបរចិញ្ចឹមមាន់តាមរយៈគម្រោងរេដបូកនេះបានប្រាប់បន្ថែមថា”គម្រោងគេអត់លែងដៃយើងទេ។គេបានជួយយើងរហូតមកដល់សព្វថ្ងៃ។ដោយសារតែការជួយនេះហើយទើបធ្វើឱ្យមុខរបរចេះតែលូតលាស់ ហើយពុំមានឧបសគ្កច្រើនរឿងមាន់ឈឺងាប់ដូចអ្នកដទៃទេ។មកដល់ពេលនេះខ្ញុំមានថវិការធ្វើផ្ទះ ទិញម៉ូតូ មានថវិការឱ្យកូនរៀន និងការចាយវាយប្រចាំថ្ងៃនេះគឺតាមរយៈការចិញ្ចឹមមាន់នេះឯង”។ ដោយឡែកលោក ភ្ញាំង ភាព អ្នកជ្រើសរើសចិញ្ចឹមមាន់មួយរូបទៀតដែលចាប់ផ្តើមចិញ្ចឹមមាន់ក្នុងអំឡូងចុងឆ្នាំ២០២២រហូតមកដល់បច្ចុប្បន្ននេះបានប្រាប់ថាការចិញ្ចឹមមាន់ក៏ជាមុខរបរមួយជួយឱ្យក្រុមគ្រួសាររបស់លោកបានផ្លាស់ប្តូរមកល្អប្រសើរជាងមុន។គាត់ធ្លាប់តែដើរស៊ីឈ្នួល និងពេលខ្លះនៅតែផ្ទះដែលគ្មានមុខរបរអ្វីសោះនោះបានជួយឱ្យលោកមានអាជីពមួយរឹងមាំគួរសម។ បុរសវ័យ២៣ឆ្នាំរូបនេះបានរៀបរាប់ថា មុខរបរនេះបានជួយឱ្យគាត់មានលំនឹងក្នុងគ្រួសារ មើលទៅវាហាក់ពុំមានអ្វីធំដុំតែនៅពេលយើងចិញ្ចឹមមានបច្ចេកទេសត្រឹមត្រូវពោលគឺមាន់មិនឈឺងាប់វាពិតជាមុខរបរមួយអាចជួយឱ្យយើងអាចរកចំណូលបានសម្រាប់ចិញ្ចឹមគ្រួសារ។ ដោយឡែកកញ្ញា ផេង សោភា អ្នកទទួលខុសត្រូវមួយរូបរបស់អង្គការសម្ព័ន្ធមិត្ត សត្វព្រៃ ដល់សមាជិកក្រុមគ្រួសារពលរដ្ឋនៅឃុំអូរសោម បានឱ្យដឹងថា ចាប់ពីខែវិច្ឆិកា ឆ្នាំ ២០២២ […]