អន្តរជាតិ

អន្តរជាតិ៖​ សត្វត្រី ប្លប ហ្វីស( Blobfish) ត្រូវបានគេចាត់ទុកថា ជាសត្វដែលមានមុខមាត់អាក្រក់បំផុតនៅក្នុងពិភពលោក​ ដោយសារវាមានមុខមាត់គួរឱ្យ ភ្ញាក់ផ្អើល​ ប៉ុន្តែត្រីនេះបានឈ្នះពានរង្វាន់ “ត្រីប្រចាំឆ្នាំ២០២៥” ពីអង្គការអភិរក្សបរិស្ថានណូវែលសេឡង់។ ក្នុងការប្រកួតប្រជែងប្រចាំឆ្នាំនេះ បានរៀបចំឡើងដោយសមាគមអភិរក្សសត្វព្រៃ និងសត្វសមុទ្រ (Mountain to Sea Conservation Trust)​ របស់ប្រទេសណូវែលសូឡង់ ក្នុងគោលបំណងលើកកម្ពស់ការយល់ដឹងអំពីសត្វទឹកសាប និងប្រភេទសត្វរស់នៅក្នុងសមុទ្រទឹកប្រៃ។ លទ្ធផលការប្រកួតនៅឆ្នាំនេះ ត្រីប្លប ហ្វីស បានឈ្នះតំណែងដ៏មានកិត្យានុភាព ដោយ​មាន​សំឡេង​ឆ្នោត​ជាង១​ ៣០០ លើ​សំឡេង​ឆ្នោត​សរុប​ជាង៥ ៥០០។ វា​ជា​ជ័យ​ជម្នះ ​ដែល​មិន​នឹក​ស្មាន​ដល់​សម្រាប់​ត្រី​មុខអាក្រក់ ដែលគេមិនចង់ឃើញពួកវាបែរជាឈ្នះ ដោយបានទទួលការចាប់អារម្មណ៍ និងក្លាយជាត្រីល្បីឈ្មោះមួយរំពេច។ កាលពីមុននេះ ត្រី ប្លប ហ្វីស ធ្លាប់ល្បីថា ជាត្រីល្បីឈ្មោះមានមុខមាត់អាក្រក់ របស់សមាគមអភិរក្សសត្វព្រៃ និងសត្វសមុទ្រ ក្នុងឆ្នាំ២០១៣ ម្តងរួចមកហើយ។ គួរបញ្ជាក់ថា ត្រី ប្លប ហ្វីស រស់នៅក្នុងបាតសមុទ្រ ហើយអាចលូតលាស់ដល់ប្រវែងប្រមាណ៣០ សង់ទីម៉ែត្រ។ គេអាចរកឃើញត្រី ប្លប […]

អាម៉េរិក៖​ មន្ត្រីគយ និងឆ្មាំការពារព្រំដែនរបស់សហរដ្ឋអាម៉េរិក ក្នុងមួយថ្ងៃៗ បានឆ្មក់ចាប់រឹបអូសពងមាន់ពងទាខុសច្បាប់​រាប់លានគ្រាប់​ ដែលក្រុមឈ្មួញបានរត់ពន្ធឆ្លងដែនចូលពីប្រទេសជិតខាង គឺសកម្មជាងការបង្ក្រាបគ្រឿងញៀនខុសច្បាប់។ យោងតាមការផ្សាយរបស់​ទូរទស្សន៍​​ CNBC បានឲ្យដឹងថា នៅក្នុងខែមីនា ដើមឆ្នាំ២០២៥នេះ ភ្នាក់ងារល្បាតតាមព្រំដែន បានរាយការណ៍ពីករណីរត់ពន្ធស៊ុតមាន់ទាដោយខុសច្បាប់ បានកើនឡើងរហូត១៥៨ភាគរយ គឺជាអត្រាកើនឡើងយ៉ាងខ្លាំង​បើធៀបនឹងរយៈពេលដូចគ្នា កាលពីក្នុងឆ្នាំ២០២៤​។ ការកើនឡើងនៃការឆ្មក់ចាប់រឹបអូសស៊ុតមាន់ទារត់ពន្ធខុសច្បាប់ទាំងអស់នេះ​ កើតឡើងនៅពេលសហរដ្ឋអាម៉េរិកកំពុងតែប្រយុទ្ធប្រឆាំងនឹងការផ្ទុះជំងឺផ្តាសាយបក្សី ដែលបានបំផ្លិចបំផ្លាញឧស្សាហកម្មបសុបក្សី និងបណ្តាលឱ្យមានការកើនឡើងនៃតម្លៃស៊ុត និងការខ្វះស៊ុតនៅក្នុងហាងមួយចំនួន។ ភ្នាក់ងារគយ និងឆ្មាំព្រំដែន​ បាននិយាយថា អ្នកធ្វើដំណើរឆ្លងដែនត្រូវបានហាមឃាត់មិនឱ្យនាំយកស៊ុតស្រស់ សាច់មាន់ឆៅ ឬសត្វស្លាបរស់ពីប្រទេសម៉ិកស៊ិក ចូលទៅក្នុងទឹកដីសហរដ្ឋអាម៉េរិកបានឡើយ ​ដោយសារខ្លាចឆ្លងជំងឺផ្តាសាយបក្សី។ ពួកមន្ត្រីបានព្រមានថា ការនាំចូលផលិតផលបុសសក្សី បើទោះបីជាមានតម្លៃថោកក៏ដោយ វាមានហានិភ័យផ្នែកសុខភាព ដែលអាចនាំឆ្លងជំងឺផ្តាសាយបក្សី និងអាចធ្វើឱ្យមានបញ្ហាកាន់តែធ្ងន់ធ្ងរ។ យោងតាមស្ថិតិរបស់ក្រសួងកសិកម្មរបស់សហរដ្ឋអាម៉េរិក បានឱ្យដឹងថា​ ការផ្ទុះឡើងនៃជំងឺផ្តាសាយបក្សីបានបង្កផលប៉ះពាល់ដល់បក្សីរាប់លានក្បាលនៅក្នុងសហរដ្ឋអាម៉េរិក ដែលធ្វើឱ្យតម្លៃស៊ុត និងសាច់បក្សីឡើងថ្លៃកប់ពពក។ តម្លៃជាមធ្យមស៊ុតមាន់ទាមួយសាក់ចំនួន១០គ្រាប់ បានកើនឡើងរហូតដល់៨,៦៤ដុល្លារ ចំណែកទីផ្សារខ្លះឡើងថ្លៃដល់១០ដុល្លារ នៅដើមខែមីនានេះ គឺឡើងថ្លៃច្រើនជាងបួនដង។ ចាប់តាំងពីស៊ុតឡើងថ្លៃ សកម្មភាពរត់ពន្ធស៊ុតឆ្លងដែនពីប្រទេសម៉ិកស៊ិក និងពីប្រទេសកាណាដា បានផ្ទុះឡើងយ៉ាងខ្លាំង ខណៈប្រទេសផ្សេងទៀត បានស្នើសុំឱ្យបង្កើនការនាំចេញស៊ុតចូលទៅក្នុងទឹកដីអាម៉េរិក រហូតក្រសួងយុត្តិធម៌អាម៉េរិក ចាប់ផ្តើមបើកការស៊ើបអង្កេតជុំវិញករណីរត់ពន្ធឆ្លងដែននេះ។ ចាប់តាំងពីផ្ទុះជំងឺផ្តាសាយបក្សី […]

សៅប៉ូឡូ៖ ក្រុមអង្គការក្រៅរដ្ឋាភិបាលនៅក្នុងប្រទេសប្រេស៊ីល កាលពីថ្ងៃទី២០ ខែមីនា​ ឆ្នាំ២០២៥ បានចាប់ផ្តើមបង្កើតមូលនិធិមួយតាមរយៈការរៃអង្គាសប្រាក់ឲ្យបានយ៉ាងហោចណាស់ចំនួន១៧៦​លានដុល្លារ​ នៅត្រឹមឆ្នាំ២០៣០ ដើម្បីបម្រុងទុកជាប្រាក់កម្ចីដល់អ្នកដាំកាកាវខ្នាតតូច​​​ អាចយកទៅជួយក្នុងការពង្រីកការដាំដុះរបស់ពួកគេ។ មូលនិធិនេះត្រូវបានផ្តួចផ្តើមឡើងដោយវិទ្យាស្ថានស្រាវជ្រាវ​ សហការជាមួយអង្គការសប្បុរសធម៌ ក្រុមតស៊ូមតិ និងអ្នកវិនិយោគ ដែលធ្លាប់ផ្តល់ប្រាក់កម្ចីលើកដំបូងចំនួនជាងបីលានដុល្លារដល់កសិករដាំដំណាំកាកាវខ្នាតតូចចំនួន១២០០នាក់​ នៅក្នុងប្រទេសប្រេស៊ីល។ អ្នកគ្រប់គ្រងសេដ្ឋកិច្ចកសិកម្ម​ប្រេស៊ីល បាននិយាយថា ជាទូទៅ​​ កសិករដាំដំណាំកាកាវខ្នាតតូចទាំងនេះ តែងតែជួបការលំបាកក្នុងការទទួលបានឥណទានសម្រាប់ជួយទ្រទ្រង់របរកសិកម្មដាំដុះរបស់ពួកគេ រួមទាំងខ្វះចំណេះដឹងក្នុងការបង្កើនផលិតភាពផងដែរ។ លោកបាននិយាយថា «ភាគច្រើននៃផលិតកម្មកាកាវ គឺស្ថិតនៅក្នុងដៃរបស់ផលិតករតូចតាច ហើយអ្នកផលិតទទួលបានផលប្រយោជន៍តូចតាចដែរ ដោយសារពួកគេមិនមានលទ្ធភាពវិនិយោគបន្ថែម ហើយពួកគេថែមទាំងមិនមានលទ្ធភាពទទួលបានជំនួយផ្នែកបច្ចេកទេស​ទាល់តែសោះ»។ ក្រុមអ្នកជំនាញផ្នែកដំណាំកាកាវ បានលើកឡើងថា ការចាប់ផ្តើមបង្កើតមូលនិធិសម្រាប់ជួយកសិករតូចតាចនេះ គឺធ្វើឡើងក្នុងពេលវេលាដ៏លំបាកសម្រាប់ឧស្សាហកម្មនេះ ដោយសារតែប្រទេសផលិតកាកាវធំជាងគេលើពិភពលោក​ មានដូចជាប្រទេសកូតឌីវ័រ និងប្រទេសហ្គាណា បានទទួលរងការខាតបង់ដំណាំកាកាវនេះយ៉ាងធ្ងន់ធ្ងរដោយសារតែអាកាសធាតុមិនល្អ ព្រមទាំងដំដាំសណ្ដែកសៀងមានជំងឺ ការរត់ពន្ធខុសច្បាប់ និងការកាត់បន្ថយផ្ទៃដីដាំដំណាំកាកាវ ដើម្បីរក្សាទុកដីឲ្យនៅទំនេរសម្រាប់ជីកយករ៉ែមាសដោយខុសច្បាប់ទៅវិញ។ ចំណែកប្រធានសមាគមឧស្សាហកម្មកែច្នៃកាកាវរបស់ប្រទេសប្រេស៊ីល បានមានប្រសាសន៍ថា កាលពីឆ្នាំ២០២៤ ការផលិតកាកាវរបស់ប្រទេសប្រេស៊ីលបានធ្លាក់ចុះប្រមាណ២០ភាគរយ ហើយនៅឆ្នាំ២០២៥មេះ បញ្ហាខ្វះជំនួយដល់កសិករដាំដំណាំកាកាវកំពុងក្លាយជាការប្រឈមរបស់ពួកគេ។ យោងតាមសេចក្តីថ្លែងការណ៍របស់មូលនិធិនេះ បានឱ្យដឹងថា មូលនិធិនឹងផ្តល់ប្រាក់កម្ចីដល់កសិករដាំកាកាវរយៈពេលបីឆ្នាំ ដើម្បីសងប្រាក់កម្ចីមកវិញ រួមជាមួយនឹងរយៈពេលអនុគ្រោះជាមធ្យមប្រាំមួយខែ។  ប្រាក់កម្ចីខាងលើនេះ​ ត្រូវយកទៅប្រើដើម្បីទិញជី កសាងប្រព័ន្ធធារាសាស្រ្ត និងទិញឧបករណ៍ប្រើប្រាសផ្សេងៗ ដោយគិតការប្រាក់ចំនួន១២ភាគរយក្នុងមួយឆ្នាំ។ […]

ទីក្រុងប៉េកាំង៖ ចិននាំចូលសណ្តែកសៀងពីសហរដ្ឋអាមេរិក កើនឡើង៨៤,១ភាគរយ ក្នុងរយៈពេលពីរខែដំបូងនៃដើមឆ្នាំ២០២៥ បើធៀបនឹងឆ្នាំមុន ប៉ុន្តែតម្លៃប្រកួតប្រជែងលើទីផ្សារ និងការប្រឈមមុខដាក់គ្នាក្នុងសង្គ្រាមពាណិជ្ជកម្មជាមួយសហរដ្ឋអាមេរិក​ ត្រូវបានគេរំពឹងទុកថា​ ចិនងាកទៅទិញសណ្តែកសៀងពីប្រទេសប្រេស៊ីល នៅក្នុងប៉ុន្មានខែខាងមុខទៀត។ ក្នុងនាមជាអ្នកទិញសណ្តែកសៀងលំដាប់កំពូលរបស់ពិភពលោក ប្រទេសចិនបាននាំចូលសណ្តែកសៀងចំនួន៩,១៣លានតោនពីសហរដ្ឋអាមេរិក​ គិតក្នុងខែមករា ដល់ខែកុម្ភៈ ឆ្នាំ២០២៥ គឺកើនឡើងពី៤,៩៦លានតោន នៅក្នុងរយៈពេលដូចគ្នាកាលពីឆ្នាំ២០២៤។ អ្នកវិភាគផ្នែកកសិកម្មនៅទីក្រុងសៀងហៃ​ ប្រទេសចិន បាននិយាយថា «ការកើនឡើងនៃការសម្រុកនាំចូលសណ្តែកសៀងរបស់សហរដ្ឋអាមេរិក គឺដោយសារតែឥទ្ធិពលនៃឱសានវាទរបស់ប្រធានាធិបតីអាមេរិក​ លោក ដូណាល់ ត្រាំ ដែលធ្វើឲ្យមានការព្រួយបារម្ភអំពីពន្ធឡើងខ្ពស់ ទើបនាំឱ្យមានការប្រញាប់ទិញសណ្តែកសៀងនាំចូល»។ អ្នកវិភាគរូបនេះបានបន្ថែមថា ការពន្យារពេលដាំដុះរបស់កសិករប្រេស៊ីល​ ក៏អាចចាត់ទុកជាការប្រមូលផលយឺតយ៉ាវ ដែលនាំឱ្យមានការបញ្ជាទិញសណ្តែកសៀងរបស់អាមេរិកកាន់តែច្រើនឡើង​ ដើម្បីបំពេញតម្រូវការទីផ្សារក្នុងប្រទេសចិន។ ការនាំចូលសណ្តែកសៀងពីប្រទេសប្រេស៊ីលរបស់ចិន ក្នុងខែមករា ដល់ខែកុម្ភៈ ឆ្នាំ២០២៥ បានធ្លាក់ចុះពី៦,៩៦លានតោន​ កាលពីដើមឆ្នាំ២០២៤ ​មកនៅត្រឹម៣,៥៩លានតោន​ប៉ុណ្ណោះ។ យោងតាមទិន្នន័យរបស់អាជ្ញាធរគយចិន បានបង្ហាញនៅដើមខែមីនានេះថា ការនាំចូលសណ្តែកសៀងសរុបក្នុងអំឡុងខែមករា ដល់ខែកុម្ភៈ ឆ្នាំ២០២៥ បានកើនឡើងដល់១៣,៦១លានតោន ខណៈទំនិញរបស់សហរដ្ឋអាមេរិក​​ ដែលត្រូវបានបញ្ជាក់ឱ្យនាំចេញមុនពេលលោកប្រធានាធិបតី​ ដូណាល់ ត្រាំ ចូលកាន់តំណែងម្លេះ ប៉ុន្តែពាណិជ្ជករនាំចេញសណ្តែកសៀងរំពឹងទុកថា នឹងមានការធ្លាក់ចុះទៅវិញ​ នៅចុងខែមីនា​​ ឆ្នាំ២០២៥នេះ។ កាលពីដើមខែនេះ […]

អន្តរជាតិ៖​ ចំពេលមានការធ្លាក់ចុះនៃតម្លៃខ្ទឹមបារាំង និងសណ្តែកសៀងនៅក្នុងប្រទេសឥណ្ឌា ក្រុមឧស្សាហករ និងកសិករបានជំរុញឱ្យរដ្ឋាភិបាលឥណ្ឌសដាក់ចេញនូវវិធានការគាំទ្រ ដូចជាការកាត់បន្ថយពន្ធលើការនាំចេញខ្ទឹមបារាំង និងការផ្តល់នូវការលើកទឹកចិត្តសម្រាប់ការនាំចេញសណ្តែកសៀង។ ទោះបីជាមានការដំឡើងពន្ធនាំចូលពីមុនជិត២០ភាគរយលើប្រេងឆា​ ដើម្បីគាំទ្រតម្លៃសណ្តែកសៀងក្នុងស្រុកក៏ដោយ អត្រាតម្លៃសណ្តែកសៀងនៅតែទាបជាងតម្លៃគាំទ្រអប្បបរមារបស់រដ្ឋាភិបាល ដែលធ្វើឱ្យប៉ះពាល់ដល់ប្រាក់ចំណេញរបស់កសិករឥណ្ឌា។  ចំណែកការ​នាំ​ចេញ​ខ្ទឹមបារាំងវិញ​​ ក៏​បាន​ធ្លាក់​ចុះ​យ៉ាង​ខ្លាំង​ដល់​ទៅ​៥២ភាគរយ នៅ​ឆ្នាំ​២០២៥នេះ​។ លោក ដេវិន្ត្រា​​ ហ្វាដណាវិស​ (Devendra Fadnavis)​អភិបាលរដ្ឋមហារាស្ត្រ បានគូសបញ្ជាក់នៅក្នុងលិខិតមួយ​ ចុះថ្ងៃទី១២​ ខែមីនា​ ផ្ញើទៅកាន់រដ្ឋមន្ត្រីក្រសួងមហាផ្ទៃថា​ កសិករដាំំដំណាំសណ្តែកសៀងនៅក្នុងរដ្ឋមហារាស្ត្រកំពុងប្រឈមមុខនឹងការខាតបង់ដោយសារតែតម្លៃធ្លាក់ចុះយ៉ាងខ្លាំង។ លោកបានចាត់ទុកថា ការធ្លាក់ថ្លៃនេះគឺបណ្តាលមកពីការអនុញ្ញាតរបស់រដ្ឋាភិបាលដល់អាជីវកម្មផលិតអាកុលអេតាណុលចេញពីពោត និងចេញពីស្រូវ ដែលព្រមជាមួយគ្នានេះដែរ​​​​  បានផលិតចេញប្រេងឆាប្រមាណ២០លានតោនបន្ថែមទៀត​​ ដែលធ្វើតម្លៃប្រេងឆាជាន់ជោរ៍នៅលើទីផ្សារ រហូតបណ្តាលឲ្យតម្លៃសណ្តែកសៀងធ្លាក់ចុះតម្លៃថែមទៀត។ លោកអភិបាលរដ្ឋបានគាំទ្រសំណើរទាមទារការឧបត្ថម្ភធនសម្រាប់នាំចេញសណ្តែកសៀង ដើម្បីធ្វើឱ្យទីផ្សារមានស្ថិរភាព។  ចំណែកប្រធានគណៈកម្មការលើកកម្ពស់តម្លៃកសិផលរបស់រដ្ឋ មហារាស្ត្រ បានសង្កត់ធ្ងន់ថា ការឧបត្ថម្ភធនលើការលើកកម្ពស់ការនាំចេញអាចជាជំនួយសង្គ្រោះបន្ទាន់មួយ ដែលជាតម្រូវការចាំបាច់សម្រាប់កសិករដាំសណ្តែកសៀង ខណៈពួកគេកំពុងតែជួបការលំបាក។ យោងតាមទិន្នន័យពីសមាគចម្រាញ់ប្រេងធញ្ញជាតិ​ បានឱ្យដឹងថា  ការនាំចេញប្រេងឆានៅក្នុងខែកុម្ភៈ ឆ្នាំ២០២៥នេះ​ មានបរិមាណចំនួន៣,៣០លានតោន ដែលជាការថយចុះប្រមាណ៣៦ភាគរយ បើប្រៀបធៀបទៅនឹងឆ្នាំមុន។  ចំណែកបរិមាណនៃការនាំចេញសណ្តែកសៀងក្នុងអំឡុងពេលប្រាំខែដំបូង បានធ្លាក់ចុះ២៣ភាគរយ គឺមកនៅត្រឹមតែ១៣,៤៧លានតោន។ ទន្ទឹមនឹងនេះដែរ ក្រុមកសិករ និងអ្នកនាំចេញ​​ ខ្ទឹមបារំាង ​និងសណ្តែកសៀង បានជូនដំណឹងដល់អាជ្ញាធរអំពីការកើនឡើងនៃទិន្នផលខ្ទឹមបារាំងរបស់ពួកគេនៅចុងឆ្នាំនេះ។ […]

អន្តរជាតិ៖ ប្រជាជនថៃនៅក្នុងខេត្តចំនួន១៩ បាននាំគ្នាដឹកត្រីទីឡាព្យ៉ាថ្ពាល់ខ្មៅយកមកចាក់គរនៅខាងមុខវិមានរដ្ឋាភិបាល ដើម្បីជាការតវ៉ាទៅនឹងអ្វីដែលពួកគេនិយាយថា ជាជំហានអណ្តើករបស់រដ្ឋាភិបាលក្នុងការកម្ចាត់ពូជត្រី មានប្រភពមកពីប្រទេសក្រៅមួយប្រភេទនេះ ដែលកំពុងបំផ្លាញធនធានមច្ឆាជាតិក្នុងស្រុកយ៉ាងធ្ងន់ធ្ងរនាពេលកន្លងមក។ សារព័ត៌មានរបស់ថៃបានរាយការណ៍នាដើមសប្តាហ៍នេះថា ក្រុម​ប្រជាពលរដ្ឋ​រងគ្រោះ​ដោយ​ត្រី​ទីឡា​ព្យ៉ាថ្ពាល់​ខ្មៅ​ក្នុង​ខេត្ត​ចំនួន១៩ បានរៀបចំ​ប្រមូលផ្តុំ​នៅមុខ​ក្រសួងកសិកម្ម និង​សហករណ៍ រួច​ដើរ​ទៅ​មុខ​វិមាន​រដ្ឋាភិបាលរបស់ថៃ ដោយនាំយក​ត្រី​ទី​ឡា​ព្យ៉ាថ្ពាល់​ខ្មៅ​ប្រមាណ​ប្រាំតោន ទៅ​ចាក់​គរនៅ​មុខ​វិមាន​រដ្ឋាភិបាល​ ដើម្បីទាមទារឲ្យការបញ្ជាក់ពិតប្រាកដអំពីការដោះស្រាយបញ្ហា  និងទាមទារចម្លើយចំនួនបួនពីលោកស្រី ផេថងថាន ស៊ីណាវ៉ាត់ នាយករដ្ឋមន្ត្រី។ ចំពោះលក្ខណខណ្ឌទាំងបួន ដែលពលរដ្ឋថៃទាំងនេះទាមទារ រួមមានដូចជា៖ ១. បញ្ហាត្រីទីឡាព្យ៉ាថ្ពាល់ខ្មៅកំពុងរាតត្បាតលើសពីអ្វី ដែលប្រជាពលរដ្ឋក្នុងស្រុកអាចដោះស្រាយបានដោយខ្លួនឯង រួមទាំងផលប៉ះពាល់លើប្រព័ន្ធអេកូឡូស៊ីជាទូទៅ។ ២. ប្រតិបត្តិការរបស់រដ្ឋាភិបាល ដែលត្រូវបានប្រកាសនាពេលកន្លងមកថា ជាបញ្ហា​របស់ជាតិ ប៉ុន្តែ​មិនដែល​មាន​សកម្មភាពកម្ចាត់ត្រីទាំងនេះទៀតឡើយ។ កាលពីពេលថ្មីៗនេះ ក្រសួងកសិកម្ម និងសហករណ៍ បានចំណាយថវិការត្រឹមតែ១២លានបាតប៉ុណ្ណោះ ដើម្បីចាប់ត្រីទីឡាយ៉ាថ្ពាល់ខ្មៅ ចេញពីប្រភពទឹកធម្មជាតិ ប៉ុន្តែ​នៅ​មាន​ត្រី​ទីឡាព្យ៉ាថ្ពាល់​ខ្មៅ​រាប់​សិប​លាន​តោន​ ​មិន​ត្រូវ​បាន​គេ​លុប​បំបាត់​ចោល ហើយកន្លងមកការអនុវត្តគ្រាន់តែធ្វើក្នុងលក្ខណៈភ្លើងចំបើង ហើយស្ងាត់ស្ងៀមទៅវិញតែប៉ុណ្ណោះ។ ៣. ប្រជាពលរដ្ឋ​បានព្យាយាមដាក់​ពាក្យ​បណ្ដឹង​នៅ​តុលាការ​រដ្ឋប្បវេណី ប៉ុន្តែ​វា​គ្រាន់​តែ​ជា​បណ្តឹង​ចាត់​ការ​ថ្នាក់តំបន់​ប៉ុណ្ណោះ។ ប្រសិនបើតុលាការដំណើរការ ត្រូវ​ប្រើ​ពេល​យ៉ាង​ហោច​ណាស់បីទៅបួនឆ្នាំ ហើយ​ពាក្យ​បណ្ដឹង​នេះ​ គឺ​ប្រឆាំង​នឹង​មនុស្ស​នៅ​ខេត្ត​តែមួយប៉ុណ្ណោះ ហេតុនេះ​ប្រជាពលរដ្ឋ​នៅ​ខេត្ត​១៨-១៩​ផ្សេង​ទៀត​ ដែល​ទទួល​រង​ផល​ប៉ះពាល់​ដែរ បានយល់ឃើញថា​ រដ្ឋាភិបាលមិន​ទាន់​មាន​វិធានការ​អ្វី​សោះឡើយ។ បណ្តឹងទាំងនេះមិនដឹង​ថា​ តុលាការ​សម្រេច​ឱ្យ​ក្រុមហ៊ុន​ឯកជន​ត្រូវ​សង​សំណង​ ឬ​អត់ […]

អន្តរជាតិ៖ ទីភ្នាក់ងារ ស៊ីនហួរ បានរាយការណ៍ពីទីក្រុងតូក្យូ ប្រទេសជប៉ុននៅថ្ងៃទី១៨ ខែមីនា ឆ្នាំ២០២៥ថា ក្រសួងកសិកម្ម រុក្ខាប្រមាញ់ និងនេសាទជប៉ុន បានឱ្យដឹងថា តម្លៃអង្ករជាមធ្យមនៅផ្សារទំនើបទូទាំងប្រទេសគឺ៤០៧៧ យ៉េន ឬប្រមាណ២៧ដុល្លារអាមេរិកក្នុងទម្ងន់៥គីឡូក្រាម កាលពីថ្ងៃទី៩ ខែមីនា ឆ្នាំ២០២៥កន្លងមក ដែល​ក្នុង​ឆ្នាំ​២០២៤ អង្ករបានឡើងថ្លៃខ្ពស់ ហើយបង្កការព្រួយបារម្ភចំពោះអ្នកបរិភោគ។​ តម្លៃអង្ករជាមធ្យមនាពេលថ្មីៗនេះបានកើនឡើងចំនួន១២៥យ៉េន ឬប្រមាណ០,៨ដុល្លារអាមេរិក ពីសប្តាហ៍មុន ដែលនេះ​បានធ្វើឲ្យ​តម្លៃ​អង្ករ​ឡើង​ថ្លៃ​ក្នុង​សប្តាហ៍​ទី​១០​ជាប់ៗ​គ្នា។ វាជាលើកទីមួយនៅក្នុងប្រទេសជប៉ុន ដែលតម្លៃអង្ករជាមធ្យមបានឡើងលើសពី៤០០០យ៉េន ឬប្រមាណជាង២៦ដុល្លារអាមេរិក។ រដ្ឋាភិបាល​ជប៉ុន​បាន​បញ្ចប់​ការ​ដេញ​ថ្លៃអង្ករ​បម្រុងទុក ​លើក​ដំបូង​របស់​ខ្លួននាសប្តាហ៍មុន ដោយគ្រោងនឹងបញ្ចេញទុនអង្ករបម្រុងទៅកាន់ផ្សារទំនើបទូទាំងប្រទេសក្នុងខែមីនា ឆ្នាំ២០២៥នេះ។ ដោយសារ​តែតម្លៃ​អង្ករក្នុង​ស្រុកនៅប្រទេស​ជប៉ុន​ឡើងថ្លៃធ្វើឱ្យភោជនីយដ្ឋាន និងហាងកាន់​តែច្រើន​នៅ​ជប៉ុន កំពុង​ងាក​ទៅទិញ​អង្ករដែល​នាំចូល​ពីបរទេស​វិញ​។ តម្លៃស្រូវជប៉ុនឡើងថ្លៃដោយមូលហេតុ​ការផលិត​ស្រូវ​នៅក្នុងប្រទេសជប៉ុន បានថយចុះ​យ៉ាងគំហុក។ ការថយចុះ​នៃការផលិត​នេះ បាន​កើតមានឡើង​បន្ទាប់ពី​រដ្ឋាភិបាល​ជប៉ុន បានបញ្ចប់​ជំនួយជា​ថវិកាលើការ​ដាំស្រូវកាលពីឆ្នាំ​២០១៣ និងបាន​លើកទឹកចិត្ត​ឱ្យកសិករ​ដាំស្មៅជា​ចំណីគោ​វិញ​ ព្រមនឹងការកើនឡើងខ្លាំងនៃចំនួនភ្ញៀវទេសចរបរទេស និងស្របពេល​ដែលរដ្ឋាភិបាល​ជប៉ុនផ្តល់​កូតា​នាំចូលស្រូវចំនួន​១សែនតោន​ក្នុង១​ឆ្នាំ នាំឱ្យក្រុមហ៊ុន​ផ្សារទំនើប បានចាប់ផ្តើម​នាំចូលអង្ករ​ពីប្រទេស​អូស្ត្រាលី ចាប់តាំងពីខែ​មីនាមក ដោយ​បានចាប់​ផ្តើមលក់អង្ករ​នេះ នៅតាម​ហាងជាង១៤០​កន្លែង​ទូទាំង​ប្រទេស​ជប៉ុន​។ គួរបញ្ជាក់ថា រដ្ឋាភិបាលជប៉ុនមានស្តុកអង្ករចំនួន៩១០,០០០តោន ស្មើនឹងជាង២០ភាគរយនៃទុនបម្រុង៕ ​        

អន្តរជាតិ៖ ចក្រភពអង់គ្លេសគ្រោងនឹងចាប់ផ្តើមកិច្ចចរចាពាណិជ្ជកម្មជាមួយហ្វីលីពីន បន្ទាប់ពីប្រជាជាតិអាស៊ីបានយល់ព្រមដកបម្រាមនាំចូលសាច់គោ និងផលិតផលបសុបក្សីរបស់អង់គ្លេស។ យោងតាមការផ្សាយរបស់ The Edge Malaysia បានឲ្យដឹងថា រដ្ឋមន្ត្រីក្រសួងពាណិជ្ជកម្មចក្រភពអង់គ្លេសលោក ឌូក្លាស អាឡិចសាន់ឌឺ  (Douglas Alexander) នឹងជួបជាមួយអនុរដ្ឋលេខាធិការក្រសួងពាណិជ្ជកម្មហ្វីលីពីន លោក អាឡែន ហ្គោតធី (Allan Gepty) នៅទីក្រុងឡុងដ៍ ដើម្បីចាប់ផ្តើមកិច្ចសន្ទនាស្តីពីការពង្រឹងទំនាក់ទំនងពាណិជ្ជកម្មរបស់ប្រទេសទាំងពីរ ដោយផ្តោតលើហេដ្ឋារចនាសម្ព័ន្ធថាមពលកកើតឡើងវិញ កសិកម្ម និងបច្ចេកវិទ្យាក្នុងទំហំទឹកប្រាក់ប្រហែល២,៨ពាន់លានផោន ស្មើនឹង៣,៦ពាន់លានដុល្លារអាមេរិក ។ កិច្ចសន្ទនានេះកើតឡើងបន្ទាប់ពីប្រទេសហ្វីលីពីន បានយល់ព្រមលុបចោលការហាមឃាត់ការនាំចូលសាច់គោរបស់ចក្រភពអង់គ្លេស បន្ទាប់ពីរកឃើញជំងឺលើសត្វគោនៅក្នុងកសិដ្ឋានរបស់ចក្រភពអង់គ្លេស កាលពីឆ្នាំ២០២៤។ ការសម្រេចចិត្តលុបចោលការហាមឃាត់នេះត្រូវបានគេប៉ាន់ស្មានថា មានតម្លៃ៨០លានផោនដល់ឧស្សាហកម្មសាច់របស់ចក្រភពអង់គ្លេសក្នុងរយៈពេលប្រាំឆ្នាំ។ រដ្ឋមន្ត្រីពាណិជ្ជកម្មចក្រភពអង់គ្លេស បាននិយាយថា កិច្ចពិភាក្សានេះនឹងបង្ហាញពីជំពូកថ្មីដ៏សំខាន់មួយនៅក្នុងទំនាក់ទំនងពាណិជ្ជកម្មជាមួយប្រទេសហ្វីលីពីន ដែលជាប្រទេសមានសេដ្ឋកិច្ចរីកចម្រើនលឿនបំផុតនៅអាស៊ី។ នេះ​ជា​កិច្ចពិភាក្សា​ចុងក្រោយ​បង្អស់​ក្នុង​ការ​ចរចា​ជា​បន្តបន្ទាប់ ​ដែល​បាន​ចាប់​ផ្តើម​ឡើង​ដោយ​ក្រសួង​ពាណិជ្ជកម្ម​ ​។ សហរដ្ឋអាម៉េរិក នៅតែជាដៃគូពាណិជ្ជកម្មដ៏ធំបំផុតរបស់ចក្រភពអង់គ្លេស ពន្ធលើការការពារនិយម ដែលធ្វើឡើងដោយប្រធានាធិបតី ដូណាល់ ត្រាំ (Donald Trump) បានបង្ខំឱ្យរដ្ឋាភិបាលចក្រភពអង់គ្លេស សម្លឹងមើលការពង្រីកទំនាក់ទំនងបន្ថែមទៀតជាមួយនឹងប្រទេសចិន កូរ៉េខាងត្បូង និងប្រទេសម៉ាឡេស៊ី។ ចក្រភពអង់គ្លេសក៏កំពុងបន្តកំណត់ឡើងវិញ ក្រោយចាកចេញពីសហភាពអឺរ៉ុប ហើយកំពុងពិភាក្សាជាមួយរដ្ឋបាលរបស់លោក Trump ដើម្បីយល់ព្រមលើ […]

អន្តរជាតិ៖ រោងចក្រផលិតស្ករសឥណ្ឌា បានចុះកិច្ចសន្យានាំចេញស្ករសចំនួនប្រាំមួយសែនតោន ទៅកាន់ទីផ្សារពិភពលោក ក្នុងឆ្នាំ២០២៥ ប៉ុន្តែមានការស្ទាក់ស្ទើរក្នុងការចុះហត្ថលេខាលើកិច្ចព្រមព្រៀងនាំចេញបន្ថែមទៀតដោយសារតែតម្លៃស្ករសក្នុងស្រុកបានកើនឡើង។ យោងតាមការចេញផ្សាយរបស់ទីភ្នាក់ងារព័ត៌មាន Reuters បានឱ្យដឹងថា ​ការ​នាំ​ចេញ​ស្ករសរបស់​ប្រទេស​ឥណ្ឌា ​ដែល​ជា​ប្រទេស​ផលិត​ស្ករ​ធំ​ជាង​គេ​ទី​ពីរ​របស់​ពិភពលោក ​នឹង​ជួយគាំទ្រ​ដល់​តម្លៃ​ស្ករសពិភពលោក​។ បន្ទាប់ពីបានបញ្ឈប់ការនាំចេញកាលពីឆ្នាំមុនដើម្បីឱ្យតម្លៃស្ករសក្នុងស្រុកមានលំនឹង ប្រទេសឥណ្ឌា កាលពីខែមករា ឆ្នាំ២០២៥ បានអនុញ្ញាតឱ្យនាំចេញស្ករសចំនួនមួយលានតោន ដើម្បីជួយដល់រោងចក្រផលិតស្ករសក្នុងស្រុក។ ប៉ុន្តែដោយសារតម្លៃស្ករសក្នុងស្រុកកើនឡើង ហើយត្រូវបានគេរំពឹងថា នឹងកើនឡើងបន្ថែមទៀតព្រោះតែផលិតកម្មទាប និងតម្រូវការនារដូវក្ដៅ ឈ្មួញកណ្តាលនៅទីក្រុងបុមបៃ និងក្រុមហ៊ុននាំចេញ បាននិយាយថា ការនាំចេញស្ករសបានធ្លាក់ចុះក្នុងខែមីនានេះបន្ទាប់ពីការកើនឡើងកាលពីខែមុន។ ទិន្នផលស្ករសរបស់ឥណ្ឌាសម្រាប់ទីផ្សារក្នុងស្រុក ឆ្នាំ២០២៤-២០២៥ ត្រូវបានគេរំពឹងថា នឹងធ្លាក់ចុះមកនៅត្រឹម២៥,៨លានតោន បើធៀបនឹងឆ្នាំមុន ដែលមានចំនួន២៩លានតោន។ ចំណែកឈ្មួញផ្សេងទៀត នៅទីក្រុងញូវដេលី បាននិយាយថា រោងចក្រផលិតស្ករសបានផ្គត់ផ្គង់ស្ករសប្រហែលពីរសែនប្រាំម៉ឺនតោននៃ ប្រាំមួយសែនតោន ដែលមាននៅក្នុងកិច្ចសន្យានាំចេញ ចុះហត្ថលេខាចាប់តាំងពីខែមករា ឆ្នាំ២០២៥មក។ ប្រទេសឥណ្ឌាលក់ស្ករសទៅកាន់ប្រទេសមួយចំនួនរួមមាន អាហ្វហ្គានីស្ថាន បង់ក្លាដែស ឥណ្ឌូណេស៊ី ស្រីលង្កា និងអេមីរ៉ាត់អារ៉ាប់រួម ហើយក៏ជាអ្នកនាំចេញស្ករសលំដាប់ទី២ របស់ពិភពលោកក្នុងរយៈពេលប្រាំឆ្នាំចុងក្រោយ ជាមួយនឹងបរិមាណជាមធ្យមចំនួន៦,៨លានតោនក្នុងមួយឆ្នាំ៕

អន្តរជាតិ៖ កសិករដាំកាកាវរាប់ពាន់នាក់នៅទូទាំងប្រទេសឥណ្ឌូនេស៊ី បានសហការជាមួយម្ចាស់អាជីវកម្ម និងអង្គការមិនមែនរដ្ឋាភិបាលដើម្បីការពារដំណាំរបស់ពួកគេពីផលប៉ះពាល់ នៃការប្រែប្រួលអាកាសធាតុ និងជំរុញឱ្យតម្លៃកាកាវឡើងដល់កម្រិតកំណត់ត្រា។ ដើមកាកាវមានការថែទាំខ្ពស់ ដោយត្រូវការសីតុណ្ហភាព សំណើម និងពន្លឺព្រះអាទិត្យជាក់លាក់។ ត្រូវចំណាយពេលប្រមាណ ៥ឆ្នាំ ទើបអាចប្រមូលផលយកទៅកែច្នៃធ្វើជាសូកូឡា និងអាហារផ្សេងៗទៀត។ ប៉ុន្តែទោះជាយ៉ាងណាក៏ដោយបម្រែបម្រួលអាកាសធាតុបង្កើនហានិភ័យចំពោះកសិករ នៅពេលដែលអាកាសធាតុក្តៅធ្វើឱ្យប៉ះពាល់ដល់ទិន្នផល ហើយរដូវភ្លៀងកាន់តែយូរបង្កឱ្យមានការរីករាលដាលនៃជំងឺផ្សិត និងសត្វល្អិត។ កសិករដាំកាកាវឥណ្ដូនេស៊ី បានផ្លាស់ប្តូរទៅដាំដំណាំផ្សេងទៀត ដោយកាត់បន្ថយការផ្គត់ផ្គង់កាកាវ និងជំរុញឱ្យតម្លៃកាន់តែខ្ពស់។ នៅឆ្នាំ២០២៤ តម្លៃកាកាវកើនឡើងជិតបីដង ឈានដល់ប្រហែល១២ ០០០ដុល្លារក្នុងមួយតោន ដែលជំរុញឱ្យតម្លៃសូកូឡាឡើងថ្លៃ និងអ្នកផលិតសូកូឡាមួយចំនួនឱ្យសាកល្បងដាំកាកាវនៅក្នុងមន្ទីរពិសោធន៍។ យោងតាមអង្គការស្បៀងអាហារ និងកសិកម្មរបស់អង្គការសហប្រជាជាតិ (FAO) បានឱ្យដឹងថា ប្រទេសឥណ្ឌូនេស៊ី គឺជាប្រទេសផលិតកាកាវធំជាងគេទី៣ នៅលើពិភពលោក បន្ទាប់ពីកូតឌីវ័រ និងហ្គាណា។ លោក អាមីន ហារី (Armin Hari) អ្នកគ្រប់គ្រងផ្នែកទំនាក់ទំនងភាពជាដៃគូដើម្បីនិរន្តភាពនៃដំណាំកាកាវ( Cocoa Sustainability Partnership) ដែលជាវេទិកាសម្រាប់កិច្ចសហប្រតិបត្តិការសាធារណៈ និងឯកជនសម្រាប់ការអភិវឌ្ឍន៍កាកាវនៅក្នុងប្រទេសឥណ្ឌូនេស៊ី បាននិយាយថា កសិករដាំកាកាវដែលត្រូវការប្រាក់កម្ចីពីធនាគារ ដែលគ្រប់គ្រងដោយរដ្ឋាភិបាលក៏ទទួលបានអត្ថប្រយោជន៍ពីការចាប់ដៃគូជាមួយម្ចាស់អាជីវកម្មផងដែរ ដោយសារកិច្ចព្រមព្រៀងអ្នកទិញ មានការធានាអាចផ្តល់វត្ថុបញ្ចាំ ដែលត្រូវការដើម្បីទទួលបានប្រាក់កម្ចី។ លោកបាននិយាយថា រដ្ឋាភិបាល […]

អន្តរជាតិ៖ តម្លៃអង្ករនាំចេញពីប្រទេសឥណ្ឌា បានបន្តធ្លាក់ចុះក្នុងសប្តាហ៍នេះដល់កម្រិតទាបបំផុត ចាប់តាំងពីខែមិថុនា ឆ្នាំ២០២៣ ដោយសារតម្រូវការខ្សោយ និងការផ្គត់ផ្គង់ច្រើន ខណៈអង្ករវៀតណាម មានតម្រូវការកើនឡើងទៅវិញ។ យោងតាមការចេញផ្សាយរបស់សារព័តមានឥណ្ឌ បានឲ្យដឹងថា ពូជល្អលេខ១របស់ឥណ្ឌា គ្រាប់អង្ករបាក់៥ភាគរយ មានតម្លៃពី៤០៩ដុល្លារ ទៅ៤១៥ដុល្លារក្នុង មួយតោន គឺធ្លាក់ចុះពី៤១៣ដុល្លារ និង៤២០ដុល្លារ កាលពីសប្តាហ៍មុន។ អ្នកនាំចេញអង្ករ នៅទីក្រុងញូវដែលី ប្រទេសឥណ្ឌា បាននិយាយថា ប្រទេសវៀតណាមបានលក់អង្ករយ៉ាងគំហ៊ុកនៅលើទីផ្សារពិភពលោក បានបន្តផលប៉ះពាល់លើតម្លៃរបស់ប្រទេសដទៃទៀត។ ក្រសួងពាណិជ្ជកម្មវៀតណាម បានឲ្យដឹងកាលពីថ្ងៃ០៥ ខែមីនា ឆ្នាំ២០២៥នេះថា ខ្លួននឹងអនុវត្តកិច្ចសន្យានាំចេញអង្ករក្នុងបរិមាណចំនួន១សែនតោនទៅកាន់ប្រទេសបង់ក្លាដែស ខណៈតម្លៃអង្ករក្នុងប្រទេសបង់ក្លាដែសបន្តកើនឡើង ទោះបីជាមានការខិតខំប្រឹងប្រែងក្នុងការជំរុញទុនបម្រុងតាមរយៈការនាំចូល ក៏ដោយ។ អ្នកនាំចេញអង្ករវៀតណាមត បាននិយាយថា «តម្រូវការផ្គត់ផ្គង់មានច្រើននៅពេលនេះ រាប់ទាំងតម្រូវការនៅក្នុងប្រទេសវៀតណាម និងតម្រូវការពីពីប្រទេសផ្សេងទៀត ។  ទោះ​បី​ជាមាន​តម្រូវ​ការ​ក្នុងស្រុកច្រើនក៏​ដោយ ប៉ុន្តែ​តម្លៃ​នៅ​តែ​ធ្លាក់​ចុះ»។ កាលពីថ្ងៃទី០៥ ខែមីនា ឆ្នាំ២០២៥ អង្ករបាក់៥ភាគរយរបស់វៀតណាម លក់ក្នុងតម្លៃ៣៨៩ដុល្លារក្នុងមួយតោន គឺធ្លាក់ចុះពី៣៩៣ដុល្លារ ក្នុងមួយតោន។ ទន្ទឹមនឹងនេះដែរ អ្នកនាំចេញអង្ករថៃ បាននិយាយថា តម្រូវការនាំចេញរបស់ថៃហាក់ដូចជានៅដដែល។ អង្ករ​បាក់​៥ភាគរបស់​ថៃ​ លក់ក្នុង​តម្លៃ​៤១៥​ដុល្លារ​ក្នុង​មួយ​តោន ​ […]

ទីក្រុងប៉េកាំង៖ រដ្ឋាភិបាលចិននៅក្នុងសប្តាហ៍នេះ បានព្យួរអាជ្ញាប័ណ្ណនាំចូលផលិតផលកសិកម្មរបស់ក្រុមហ៊ុនធំៗចំនួនបី របស់សហរដ្ឋអាម៉េរិក និងបញ្ឈប់ទាំងស្រុងនូវការនាំចូលផលិតផលឈើពីសហរដ្ឋអាម៉េរិក ដើម្បីជាការសងសឹកបន្ទាប់ពីរដ្ឋាភិបាលលោក ដូណាល់ ត្រាំ បានបន្ថែមពន្ធនាំចូលលើទំនិញរបស់ចិន។ យោងតាមការផ្សាយរបស់ភ្នាក់ងារព័ត៌មាន រ៉យទ័រ បានឲ្យដឹងថា ព្រមជាមួយគ្នានេះដែរ ប្រទេសចិនក៏បានដំឡើងពន្ធលើការនាំចូលផ្នែកផលិតផលកសិកម្ម និងម្ហូបអាហាររបស់សហរដ្ឋអាម៉េរិក ដែលមានតម្លៃទឹកប្រាក់២១ពាន់លានដុល្លារ រួមមានសណ្តែកសៀង ស្រូវសាលី សាច់ និងសំឡីកប្បាស។ នាយកដ្ឋានគយរបស់ប្រទេសចិន បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនអាម៉េរិកចំនួនបីរងផលប៉ះពាល់ដោយការព្យួរអាជ្ញាប័ណ្ណនាំចូលនេះ ក្រោយពីភ្នាក់ងារគយចិន បានរកឃើញសារធាតុបាក់តេរី នៅក្នុងសណ្តែកសៀង នាំចូលពីសហរដ្ឋអាម៉េរិក ចំណែកការផ្អាកការនាំចូលឈើពីសហរដ្ឋអាម៉េរិក គឺដោយសារតែគយចិនរកឃើញដង្កូវតូចៗ និងសត្វល្អិតដទៃទៀត មាននៅក្នុងផលិតផលឈើ។ វិធានការសងសឹករបស់រដ្ឋាភិបាលចិន គឺជាឆ្លើយតបទៅនឹងការសម្រេចចិត្តរបស់ប្រធានាធិបតីអាម៉េរិក លោក ដូណាល់ ត្រាំ ដែលបានដំឡើងពន្ធនាំចូលលើផលិតផលរបស់ប្រទេសចិនរហូតដល់២០ភាគរយ ដោយយកលេសថា រដ្ឋាភិបាលចិនព្រងើយកន្តើយមិនព្រមទប់ស្កាត់ការចរចរណ៍គ្រឿងញៀនចូលក្នុងទឹកដីអាម៉េរិក។ យោងតាមការិយាល័យស្ថិតិរបស់សហរដ្ឋអាម៉េរិក បានឲ្យដឹងថា ប្រហែលពាក់កណ្តាលនៃការនាំចេញផលិតផលសណ្តែកសៀងរបស់សហរដ្ឋអាម៉េរិក គឺនាំទៅកាន់ប្រទេសចិន ដែលសរុបជាទឹកប្រាក់ជិត១២,៨ពាន់លានដុល្លារ នៅក្នុងឆ្នាំ២០២៤។ ការផ្អាកនាំឈើចូលពីសហរដ្ឋអាម៉េរិក គឺជាការឆ្លើយតបដោយផ្ទាល់ទៅនឹងបទបញ្ជាឱ្យមានការស៊ើបអង្កេតលើឈើនាំចូល បន្ទាប់ពីលោកបានប្រាប់អ្នកសារព័ត៌មានថា លោកកំពុងគិតអំពីការដំឡើងពន្ធលើការនាំចូលឈើពីប្រទេសចិនរហូតដល់២៥ភាគរយ។ អ្នកវិភាគផ្នែកកសិកម្ម បាននិយាយថា ការប្រកាសរឹតបន្តឹងរបស់ចិន លើការនាំចូលឈើ និងសណ្តែកសៀង ពីសហរដ្ឋអាម៉េរិក […]