អន្តរជាតិ

វ៉ាស៊ីនតោន៖ ការផ្លាស់ប្តូរអត្រាពន្ធ ដែលបានចូលជាធរមាននៅសហរដ្ឋអាម៉េរិក កាលថ្ងៃទី១៣ ខែវិច្ឆិកា ឆ្នាំ២០២៥ កំពុងតែកែប្រែតម្លៃដើមនាំចូល និងគំរូប្រភពបន្លែ ដែលត្រូវបានលុបចោលពន្ធលើការនាំចូលផលិតផលជាច្រើនប្រភេទ រួមទាំងម្ទេស ខ្ទឹមបារាំង ខ្ទឹមស បន្លែកែច្នៃ និងទំនិញកក ឬទំនិញកែច្នៃបន្ថែមតម្លៃផ្សេងៗ ពាក់ព័ន្ធនឹងផលិតផលកសិកម្មជាង២០០មុខ។ សេចក្តីសម្រេចនេះ មានសុពលភាពធាក់ថយក្រោយផងដែរ ចំពោះការចូលបន្លែណានៅក្រោយថ្ងៃទី១៣ ខែវិច្ឆិកា ដោយអនុញ្ញាតឱ្យអ្នកនាំចូលអាចទាមទារសងពន្ធ ដែលបានបង់រួចហើយ។ អ្នកទីផ្សារបានបញ្ជាក់ថា ការលើកលែងទាំងនេះត្រូវបានភ្ជាប់ទៅនឹងកិច្ចព្រមព្រៀងក្របខ័ណ្ឌពាណិជ្ជកម្មថ្មី ដែលពាក់ព័ន្ធនឹងអ្នកនាំចូលបន្លែមកពីប្រទេសអេក្វាឌ័រ ហ្គាតេម៉ាឡា អែលសាល់វ៉ាឌ័រ និងប្រទេសអាហ្សង់ទីន។ ប្រទេសទាំងនេះត្រូវគេរំពឹងថា នឹងទទួលបានអត្ថប្រយោជន៍ក្នុងការប្រកួតប្រជែង ដោយសារការនាំចូលបន្លែមិនជាប់ពន្ធ ដូច្នេះវាជួយកាត់បន្ថយថ្លៃដើមនាំចូលបន្លែ។ ចំណែកបន្លែប៉េងប៉ោះនៅតែជាប់ពន្ធដដែល សម្រាប់ពន្ធផ្លែប៉េងប៉ោះនាំចូលពីប្រទេសម៉ិកស៊ិក។ អ្នក ទីផ្សារ បានរាយការណ៍ទៀតថា ពន្ធនេះធ្វើឱ្យតម្លៃផ្លែប៉េងប៉ោះរបស់សហរដ្ឋអាម៉េរិកនៅតែឡើងខ្ពស់ ហើយបង្កការលំបាកលើប្រភពបន្លែ និងយុទ្ធសាស្ត្រកំណត់តម្លៃ។  អ្នកទិញមួយចំនួនកំពុងតែពិចារណាអំពីប្រភពដើមរបស់ផ្លែប៉េងប៉ោះ ហើយចង់នាំចូលផ្លែប៉េងប៉ោះពីតំបន់អាម៉េរិកឡាទីន ដែលស្ថិតនៅក្រោមការលើកលែងពន្ធនាំចូល ប៉ុន្តែបរិមាណផ្លែប៉េងប៉ោះមិនសូវមានច្រើន ហើយលក្ខណៈបច្ចេកទេសរបស់ផលិតផលក៏មិនទាន់កំណត់ឱ្យបានច្បាស់លាស់ដែរុ។ ដោយសារពន្ធត្រូវបានលើកលែងសម្រាបបន្លែផ្សេងទៀត អ្នកនាំចូលកំពុងរៀបចំសម្រាប់ការចំណាយឱ្យធ្លាក់មកទាប ដែលអាចបង្កើនបរិមាណ និងបន្ធូរបន្ថយសម្ពាធពីអតិផរណាមួយចំនួន នៅក្នុងការលក់រាយ។ ក្រុមពាណិជ្ជករ​ បានកត់សម្គាល់ថា អ្នកផ្គត់ផ្គង់ផ្លែប៉េងប៉ោះ ដែលមិនស្ថិតក្រោមកិច្ចព្រមព្រៀងលើកលែងពន្ធថ្មីនេះ អាចប្រឈមមុខនឹងការប្រកួតប្រជែងខ្លាំងជាងគេ […]

ម៉ានីល៖ ដើម្បីទប់ស្កាត់ការកើនឡើងនៃតម្លៃខ្ទឹមបារាំងក្នុងរដូវបុណ្យណូអែល ឆ្នាំ២០២៥នេះ ក្រសួងកសិកម្មហ្វីលីពីន បានចាប់ផ្តើមលក់រាយក្នុងតម្លៃទាបបំផុត ត្រឹម១២០ប៉េសូ ឬស្មើនឹង២ដុល្លារ ​ក្នុងមួយគីឡូក្រាម សម្រាប់ខ្ទឹមបារាំងក្រហម និងខ្ទឹមបារាំងស។ រដ្ឋមន្ត្រីក្រសួងកសិកម្ម លោក ហ្វ្រែនស៊ីស្កូ ធៀវ លួរ៉ែល​​​ (Francisco Tiu Laurel) ក៏បានសង្កត់ធ្ងន់ផងដែរថា ការផ្អាកនាំចូលអង្ករ ដែលដាក់ចេញកាលក្នុងខែកញ្ញា នៅតែមានប្រសិទ្ធភាពរហូតដល់ថ្ងៃទី៣១ ខែធ្នូ ឆ្នាំ ២០២៥។ តម្លៃលក់រាយទាបបំផុតសម្រាប់ខ្ទឹមបារាំង គឺធ្វើឡើងបន្ទាប់ពីទទួលបានរបាយការណ៍អំពីការត្រួតពិនិត្យទីផ្សារ ដែលបង្ហាញថា តម្លៃខ្ទឹមបារាំងលក់រាយ​បានកើនឡើងខ្ពស់រហូតដល់៣០០ប៉េសូ ឬស្មើនឹង៥,១២ដុល្លារ​ ក្នុងមួយគីឡូក្រាម ដោយនៅតាមផ្សារខ្លះ បានឡើងថ្លៃរហូតដល់ជិត៤០០ប៉េសូ ឬស្មើ៦,៨៣ដុល្លារ ​ក្នុងមួយគីឡូក្រាម។ លោករដ្ឋមន្ត្រីបានទទួលស្គាល់ថា ការនាំចូលខ្ទឹមបារាំងយឺតយ៉ាវពេក បានធ្វើឱ្យការផ្គត់ផ្គង់មានការខ្្វះខាត និងបង្កឱ្យតម្លៃខ្ទឹមបារាំងកើនឡើងខ្ពស់។ ខ្ទឹមបារាំងនាំចូលពីបរទេសនាពេលបច្ចុប្បន្ននេះ​ មានតម្លៃប្រហែល៦០ប៉េសូ ឬស្មើនឹង១ដុល្លារ ក្នុងមួយគីឡូក្រាម ដោយធ្វើឱ្យតម្លៃធ្លាក់មកនៅទាបសមរម្យតាមខ្សែសង្វាក់ផ្គត់ផ្គង់​ គឺ១២០ប៉េសូ ឬស្មើនឹង២ដុល្លារ ក្នុងមួយគីឡូក្រាម។ ម៉្យាងវិញទៀត ខណៈពេលផ្អាកការនាំចូលអង្ករពីបរទេសរយៈពេលពីរខែ បានជួយឱ្យតម្លៃស្រូវ ក្នុងរដូវប្រមូលផលកន្លងផុតទៅ អាចរក្សាបានតម្លៃទាប ដូច្នេះក្រសួងកសិកម្មបានសម្រេចចិត្តបន្តហាមឃាត់ការនាំចូលរហូតដល់ចុងឆ្នាំ២០២៥ ស្របតាមការណែនាំរបស់លោកប្រធានាធិបតី ដើម្បីរក្សាស្ថិរភាពតម្លៃស្រូវ-អង្ករ […]

ហាណូយ៖ យោងតាមក្រសួងកសិកម្ម និងបរិស្ថាន​ បានឱ្យដឹងថា វៀតណាម និងចិន​​ បានចុះហត្ថលេខាលើពិធីសារមួយ ដែលអនុញ្ញាតឱ្យនាំចេញផ្លែខ្នុរស្រស់របស់វៀតណាមទៅកាន់ទីផ្សារចិន។ ពិធីសារនេះត្រូវបានចុះហត្ថលេខានៅថ្ងៃទី២៧ ខែវិច្ឆិកា ឆ្នាំ២០២៥ ក្នុងអំឡុងពេលកិច្ចប្រជុំរវាងរដ្ឋមន្ត្រីក្រសួងកសិកម្ម និងបរិស្ថាន វៀតណាម និងអនុប្រធានរដ្ឋបាលគយចិន។ កិច្ចព្រមព្រៀងនេះ ប្រារព្ធឡើងបន្ទាប់ពីពិធីសារចំនួនបួនផ្សេងទៀត ត្រូវបានចុះហត្ថលេខានៅក្នុងឆ្នាំ២០២៥នេះ ដែលគ្របដណ្តប់លើការនាំចេញផ្លែម្ទេស និងផ្លែប៉ាសិន ទៅកាន់ទីផ្សារប្រទេសចិន។ ក្នុងអំឡុងកិច្ចពិភាក្សាទ្វេភាគី រដ្ឋបាលគយចិន បានបញ្ជាក់ជាថ្មីនូវការប្តេជ្ញាចិត្តរបស់ខ្លួនក្នុងការបើកទីផ្សារសម្រាប់ផលិតផលកសិកម្មវៀតណាម ស្របពេលវៀតណាមបានបញ្ជាក់ពីចេតនារបស់ខ្លួនក្នុងការពង្រឹងកិច្ចសហប្រតិបត្តិការក្នុងវិស័យកសិកម្ម និងបរិស្ថាន។ កន្លងមក ផ្លែខ្នុរស្រស់វៀតណាម ត្រូវបាននាំចេញទៅកាន់ប្រទេសចិនតាមរយៈបណ្តាញផ្សេងៗ។ ចំណែកក្រោមពិធីសារថ្មីនេះ ការនាំចេញនឹងត្រូវធ្វើឱ្យមានស្តង់ដារត្រឹមត្រូវដើម្បីបំពេញតាមភូតគាមអនាម័យ និងគុណភាពរបស់ប្រទេសចិន។ យោងតាមក្រសួងកសិកម្មវៀតណាម គេរំពឹងថា ពិធីសារថ្មីនេះនឹងកាត់បន្ថយហានិភ័យផ្នែកពាណិជ្ជកម្ម និងគាំទ្រដល់ការពង្រីកផលិតកម្មផ្លែខ្នុរ ក្រោមការអនុវត្តកសិកម្មល្អ។ កិច្ចព្រមព្រៀងនេះក៏ត្រូវបានគេរំពឹងថានឹងជួយដល់ការអភិវឌ្ឍដំណើរការកែច្នៃ​ ដើម្បីបង្កើនតម្លៃបន្ថែម និងធ្វើឱ្យប្រាក់ចំណូលរបស់អ្នកដាំខ្នុរមានស្ថេរភាពផងដែរ។ ការនាំចេញផ្លែឈើ និងបន្លែរបស់ប្រទេសវៀតណាម ទទួលបានចំនួនជិតដល់៧,១ ពាន់លានដុល្លារ ​ក្នុងរយៈពេលដប់ខែដំបូងនៃឆ្នាំ២០២៥ ដែលកើនឡើងចំនួន១៥,១ភាគរយពីមួយឆ្នាំទៅមួយឆ្នាំ។ ប្រទេសចិននៅតែជាច្រកនាំចេញផលិតផលកសិកម្មធំជាងគេសម្រាប់វៀតណាម ដែលមានបរិមានផ្គត់ផ្គង់ចំនួន៦២,៩ភាគរយ។ ក្រសួងកសិកម្មវៀតណាមរំពឹងថា ពិធីសារថ្មីនេះនឹងជួយពង្រឹងសន្ទុះនាំចេញនាពេលបច្ចុប្បន្ន និងគាំទ្រដល់គោលដៅនាំចេញផ្លែឈើ និងបន្លែរបស់ប្រទេសវៀតណាមឱ្យបានចំណូលចំនួន៨,៥ពាន់លានដុល្លារ សម្រាប់រយៈពេលមួយឆ្នាំ។ នៅក្នុងឆ្នាំ២០២៥នេះ ឧស្សហកម្មនាំចេញផ្លែឈើរបស់វៀតណាមទៅកាន់ប្រទេសចិន […]

ទិន្នផលខ្ទឹមសរបស់ប្រទេសប៉េរូ បានកើនឡើងនៅរដូវប្រមូលផលចុងឆ្នាំ២០២៥​នេះ ប៉ុន្តែប្រឈមមុខនឹងសម្ពាធយ៉ាងខ្លាំងចំពោះតម្លៃនៅលើទីផ្សារអន្តរជាតិ​​ ដោយសារខ្ទឹមសរបស់ប្រទេសចិន និងការផ្លាស់ប្តូរច្បាប់ទម្លាប់នៅក្នុងទីផ្សារផងដែរ។ យោងតាមអ្នកគ្រប់គ្រងកសិពាណិជ្ជកម្មក្នុងប្រទេសប៉េរូ​ បានឱ្យដឹងថា ទិន្នផលខ្ទឹមសបានកើនឡើងប្រហែល២៥ភាគរយ បើប្រៀបធៀបទៅនឹងទិន្នផលក្នុងឆ្នាំ២០២៤ ដោយសារអាកាសធាតុត្រជាក់ល្អ​ផ្តល់អំណោយផល។ លោកបានមានប្រសាសន៍ថា «តម្លៃខ្ទឹមសនៅដើមរដូវប្រមូលផលក្នុងខែកញ្ញា និងខែតុលា នៅតែល្អសោះ។ ប៉ុន្តែ ទោះបីជាយ៉ាងណាក៏ដោយ អ្វីៗបានផ្លាស់ប្តូរយ៉ាងឆាប់រហ័ស។ ចាប់ពីចន្លោះខែវិច្ឆិកា និងខែធ្នូ តម្លៃខ្ទឹមសបានធ្លាក់ចុះយ៉ាងខ្លាំងដោយសារតែការផ្គត់ផ្គង់លើសតម្រូវការនៅក្នុងប្រទេសអាហ្សង់ទីន និងប្រទេសឈីលី ដែលប្រទះអាកាសធាតុអំណោយផល និងផ្តល់ទិន្នផលខ្ពស់។ ការកើនឡើងនៃបរិមាណនេះ បានដាក់សម្ពាធលើទីផ្សារក្នុងតំបន់ ខណៈពេលខ្ទឹមសនាំចូលពីប្រទេសចិនកំពុងតែបញ្ចុះតម្លៃឱ្យកាន់តែទាបថែមទៀត»។ កសិពាណិជ្ជករដដែលនេះ បានមានប្រសាសន៍ទៀតថា​ «ខ្ទឹមសរបស់ប្រទេសចិនបានក្លាយជាតួអង្គបង្ខូចតម្លៃទីផ្សារខ្ទឹម។ ខណៈពេលខ្ទឹមសរបស់ប្រទេសប៉េរូ អាហ្សង់ទីន និងប្រទេសឈីលី អាចលក់ខ្ទឹមសមួយកញ្ចប់ទម្ងន់១០គីឡូក្រាម ក្នុងតម្លៃ២៨ដុល្លារ ២៣ដុល្លារ និង២២ដុល្លារ ស្រាប់តែខ្ទឹមសនាំចូលពីប្រទេសចិនបែរជាលក់ក្នុងតម្លៃត្រឹមតែ១១ដុល្លារប៉ុណ្ណោះ។ គម្លាតតម្លៃដ៏ធំនេះ បានជំរុញឱ្យតម្លៃខ្តឹមលើទីផ្សារអន្តរជាតិធ្លាក់ចុះ និងធ្វើឱ្យប៉ះពាល់ដល់ការប្រកួតប្រជែងរបស់ទីផ្សារអាម៉េរិកឡាទីនទាំងមូល។ ប្រទេសប្រេស៊ីល គឺជាទីផ្សារមួយក្នុងចំណោមទីផ្សារ ដែលរងផលប៉ះពាល់ខ្លាំងបំផុតដោយខ្ទឹមសរបស់ចិននេះ។ ប្រទេសអាហ្សង់ទីន ដែលមានផ្ទៃដីដាំខ្ទឹមសប្រហែល១៧ ០០០ហិកតា គឺសម្រាប់លក់ឱ្យទីផ្សារប្រេស៊ីល។ ទោះបីជាយ៉ាងណាក៏ដោយ វិធានការថ្មីមួយ ដែលអនុវត្តដោយរដ្ឋាភិបាលប្រេស៊ីល នៅចុងឆ្នាំ២០២៥នេះ បានអនុគ្រោះដល់ខ្ទឹមសរបស់ចិនតាមរយៈការកាត់បន្ថយពន្ធ និងកំណត់តម្លៃប្រហែល១៧ដុល្លារ ក្នុងមួយកញ្ចប់។ ចំណែកខ្ទឹមសនាំចូលពីប្រទេសចិន […]

ទីក្រុងឈីកាហ្គូ៖​ អនាគតសណ្តែកសៀងរបស់សហរដ្ឋអាម៉េរិក អាចនឹងធ្លាក់ចុះ បន្ទាប់ពីបានកើនឡើងដល់កម្រិតខ្ពស់បំផុត ចាប់តាំងពីខែមិថុនា ឆ្នាំ២០២៤ ដោយពាណិជ្ជករកំពុងមើលថា តើរលកនៃការទិញរបស់ចិននឹងបន្តដែរឬទេ បន្ទាប់ពីមានកិច្ចព្រមព្រៀងពាណិជ្ជកម្មរវាងទីក្រុងប៉េកាំង និងទីក្រុងវ៉ាស៊ីនតោន។ ទីភ្នាក់ងារព័ត៌មាន រ៉យទ័រ​ បានធ្វើសេចក្តីរាយការណ៍ ក្រុមហ៊ុនរដ្ឋចិន COFCO ដែលបានទិញសណ្តែកសៀងអាម៉េរិកប្រហែល ៨៤ម៉ឺនតោន សម្រាប់ការដឹកជញ្ជូននៅក្នុងខែធ្នូ ឆ្នាំ២០២៥ និងខែមករា ឆ្នាំ២០២៦។ នេះគឺជាការទិញដ៏ធំបំផុតរបស់ប្រទេសចិន ចាប់តាំងពីខែមករា និងសំខាន់បំផុតចាប់តាំងពីកិច្ចប្រជុំកំពូលរវាងប្រធានាធិបតីអាម៉េរិក លោក ដូណាល់ ត្រាំ (Donald Trump) និងប្រធានាធិបតីចិន​ លោក ស៊ី ជីនភីង  (Xi Jinping) កាលពីចុងខែតុលា ឆ្នាំ២០២៥ នៅក្នុងប្រទេសកូរ៉េខាងត្បូង។ ក្រសួងកសិកម្មអាម៉េរិក បានបញ្ជាក់ថា ប្រទេសចិនបានទិញសណ្តែកសៀងអាម៉េរិកចំនួនជាង៧៩ម៉ឺនតោន កាលពីថ្ងៃទី២៥ ខែវិច្ឆិកា។ ដោយបានរាយការណ៍ពីការលក់សណ្តែកសៀង អាម៉េរិកចំនួន ៣៣ម៉ឺនតោនផ្សេងទៀត ទៅកាន់ប្រទេសចិន។ កាលពីខែតុលា ឆ្នាំ២០២៥ រដ្ឋាភិបាលទីក្រុងវ៉ាស៊ីនតោន បាននិយាយថា ប្រទេសចិននឹងបញ្ជាទិញសណ្តែកសៀងអាម៉េរិកចំនួន ១២លានតោន នៅចុងឆ្នាំ២០២៥នេះ។ អ្នក​វិភាគ​មួយ​ចំនួន​បាន​សង្ស័យ​ថា ប្រទេស​ចិននឹង​បំពេញ​តាម​កាល​កំណត់តាមកិច្ចព្រមព្រៀងថ្មីៗនេះ ប៉ុន្តែបរិមាណបញ្ជាទិនៅតែទាបជាងមុនដដែល។ កិច្ចព្រមព្រៀងទិញសណ្តែកសៀង នៅលើក្រុមប្រឹក្សាពាណិជ្ជកម្មទីក្រុងឈីកាហ្គោ បានបង្ហាញពីការធ្លាក់ចុះ […]

ណៃពិដោ៖ ប្រធានសមាគមអ្នកផលិត និងនាំចេញផ្លែទុរេនភូមា បាននិយាយកាលពីសប្តាហ៍មុនថា ដំណើរការចុះបញ្ជីជាមួយអគ្គរដ្ឋបាលគយចិនកំពុងតែដំណើរការក្នុងកិច្ចខិតខំប្រឹងប្រែងអភិវឌ្ឍផលិតផលផ្លែទុរេនស្រស់ និងកែច្នៃ ដោយគ្រោងចាប់ផ្តើមនាំចេញផ្លែទុរេននៅឆ្នាំក្រោយ ឬនៅឆ្នាំ២០២៧ ដើម្បីបង្កើនប្រាក់ចំណូលពីបរទេស និងអភិវឌ្ឍឧស្សាហកម្មផ្លែឈើនៅក្នុងស្រុកប្រទេស។ លោកបានមានប្រសាសន៍ថា សមាគមរបស់លោកមានគោលបំណងទាក់ទាញការវិនិយោគិនបរទេស អ្នកជំនាញ និងដៃគូអាជីវកម្ម ដើម្បីគាំទ្រដល់ការកែច្នៃផ្លែទុរេន និងបង្កើនតម្លៃបន្ថែមនៅក្នុងប្រទេស។ លោកប្រធានសមាគមបានកត់សម្គាល់ថា ឧស្សាហកម្មទុរេនរបស់ភូមាត្រៀមខ្លួនរួចជាស្រេច​ ដើម្បីជំរុញកំណើនឱ្យបានលឿនតាមការនាំចេញទៅកាន់ទីផ្សារអន្តរជាតិ ដែលត្រូវបានគេរំពឹងថា នឹងបង្កើតប្រាក់ចំណូលថ្មីពីបរទេស ជាពិសេសទីផ្សារប្រទេសចិន ដែលជាអ្នកទិញផ្លែទុរេនធំជាងគេបំផុតនៅលើពិភពលោក។ កាលពីឆ្នាំ២០២៤ ចិនបាននាំចូលផ្លែទុរេនក្នុងបរិមាណចំនួន១៥,៦លានតោន ដែលមានតម្លៃទឹកប្រាក់ចំនួន៦,៩៩ពាន់លានដុល្លារ ភាគច្រើនមកពីប្រទេសវៀតណាមប្រមាណ៤១,៥ភាគរយ និងទិញនាំចូលពីប្រទេសហ្វីលីពីន និងប្រទេសម៉ាឡេស៊ី។ ប៉ុន្តែ បើយោងតាមទិន្នន័យគយរបស់ប្រទេសចិន​ បានឱ្យដឹងថា តម្រូវការផ្លែទុរេននៅក្នុងប្រទេសចិន បានធ្លាក់ចុះទៅវិញ នៅឆ្នាំ២០២៥នេះ គឺធ្លាក់ចុះ១៥ភាគរយធៀបនឹងឆ្នាំ២០២៤ ដោយមកនៅត្រឹមបិរមាណ៧០៨,១៩០តោន។ ចំណែកទីផ្សារផ្លែទុរេននៅក្នុងប្រទេសចិន ក៏មានការប្រកួតប្រជែងថ្មីៗផងដែរ រួមទាំងប្រទេសកម្ពុជា ដែលបានដឹកជញ្ជូនផ្លែទុរេនដំបូងរបស់ខ្លួន ចូលទៅក្នុងទីផ្សារប្រទេស កាលពីខែកក្កដា ឆ្នាំ២០២៥។ រីឯប្រទេសឡាវ ក៏បានបង្ហាញថា ខ្លួនមានបំណងចូលរួមការប្រណាំងប្រជែងក្នុងទីផ្សារផ្លែទុរេននេះដែរ ខណៈប្រទេសឥណ្ឌូនេស៊ី បានប្រកាសពីផែនការនាំចេញផ្លែទុរេនដោយផ្ទាល់ទៅកាន់ប្រទេសចិន។ ប្រទេសភូមាមានផ្ទៃដីដាំដុះដំំណាំទុរេនប្រហែល២៤,២៨១ហិកតា ដោយមានផ្ទៃដីដាំដុះជាង៤,០០០ ហិកតានៅក្នុងទីក្រុងយ៉ាងហ្គោន ដែលជាតំបន់ដាំដុះទុរេនធំជាងគេបំផុតរបស់ប្រទេសភូមា។ យោងតាមសារព័ត៌ភូមារបស់ភូមា បានចេញផ្សាយថា […]

ហូជីមិញ៖ ផ្លែស្វាយនាំចូលពីប្រទេសអូស្ត្រាលី កំពុងតែលក់ក្នុងតម្លៃខ្ពស់នៅក្នុងប្រទេសវៀតណាម ដោយមានតម្លៃប្រហែល៦០០,០០០ដុងក្នុងមួយគីឡូក្រាម ស្មើនឹង២២,៨ ដុល្លារ ដែលខ្ពស់ជាងតម្លៃផ្លែស្វាយដាំដុះក្នុងប្រទេសវៀតណាមជិតប្រាំបីដង។ គេហទំព័របន្លែ និងផ្លែឈើ បានរាយការណ៍ថា អ្នកលក់រាយម្នាក់នៅតាមដងផ្លូវ ក្នុងទីក្រុងហូជីមិញ បាននិយាយថា ផ្លែស្វាយអូស្ត្រាលីមួយប្រអប់ទម្ងន់ប្រាំពីរគីឡូក្រាម អាចមានតម្លៃដល់៣,៧លានដុង ឬស្មើនឹង១៤០ដុល្លារ។ អ្នកលក់រាយនៅក្នុងប្រទេសវៀតណាម បានចាប់ផ្តើមនាំចូលផ្លែស្វាយអូស្ត្រាលី នៅចុងខែតុលា ឆ្នាំ២០២៥ ក្នុងបរិមាណតិចតួចប៉ុណ្ណោះ ដោយសារតែថ្លៃដឹកជញ្ជូន និងថ្លៃទូត្រជាក់ខ្ពស់ពេក។ ផ្លែស្វាយមួយផ្លែ អាចមានទម្ងន់ប្រហែលប្រាំ ទៅប្រាំមួយខាំ ហើយត្រូវបានគេពិពណ៌នាថា មានសាច់រឹង និងមានជាតិស្ករខ្ពស់។ ពូជស្វាយអូស្ត្រាលី ត្រូវបាននាំចូលតាមការដឹកជញ្ជូនតាមផ្លូវអាកាស។ ពូជស្វាយអូស្ត្រាលីនេះ ក៏មានដាំនៅក្នុងប្រទេសវៀតណាមផងដែរ ជាពិសេសនៅក្នុងខេត្ត ទៀនយ៉ាង​ និងខេត្តដុងថាប់ ដែលជាតំបន់ដីសណ្តទន្លេមេគង្គ។ ប៉ុន្តែ ផ្លែស្វាយពូជអូស្ត្រាលីនេះដាំនៅក្នុងប្រទេសវៀតណាម ​គេលក់ដុំក្នុងតម្លៃ ពី២០​ ០០០ ទៅ២៥​ ០០០ដុង ក្នុងមួយគីឡូក្រាម ឬពីប្រហែល០,៧៦ដុល្លារ ទៅ០,៩៦ដុល្លារ ហើយលក់រាយក្នុងតម្លៃប្រហែល៨០ ០០០ដុង ក្នុងមួយគីឡូក្រាម ឬស្មើនឹង៣ដុល្លារ។ នៅប្រទេសអូស្ត្រាលី ផ្លែស្វាយពូជនេះគេដាំនៅក្នុងតំបន់ក្តៅស្ងួតនៃរដ្ឋ ឃ្វីនឡែន​ (Queensland) […]

ញូវដេលី៖ កសិករដាំចេកនៅរដ្ឋម៉ាឌីយ៉ាប្រាដេស កំពុងរាយការណ៍ពីការខាតបង់ប្រាក់ចំណួលរបស់ខ្លួន ដោយសារតម្លៃផ្លែចេកនៅតាមទីផ្សារធ្លាក់ចុះទាប នាំឱ្យអ្នកដំាចេកមួយចំនួនបង្ខំចិត្តឈូសបំផ្លាញចោលដើមចេក ដោយសារគ្មានអ្នកទិញ ព្រមទាំងមានតម្លៃថោកជាងថ្លៃដើមធាតុ ដែលបណ្តាលឱ្យកម្លាំងពលកម្ម និងការវិនិយោគរាប់ខែគ្មានផលចំណេញ។ តាមរយៈឃ្លីបវីដេអូបង្ហាញពីកសិករឥណ្ឌាប្រើត្រាក់ឈូសចោលដើមចេក ដែលគេបានថែរក្សាអស់រយៈពេលជាច្រើនខែកន្លងមក។ កសិករដាំចេក បាននិយាយរអ៊ូរទាំថា ពួកគេបានរង់ចាំពេលប្រមូលផលជាយូរមកហើយ ប៉ុន្តែទីបំផុតគ្មានជម្រើសអ្វីក្រៅពីឈូសចោលឱ្យស្រឡះដូចវាលស្រែឡើយ។ អ្នកដាំចេកខ្លះរៀបរាប់ថា ពួកគេបានវិនិយោគអស់ទឹកប្រាក់រាប់ម៉ឺនដុល្លារ បែរជាលក់បានប្រាក់បន្តិចបន្តួច មិនអាចទូទាត់សងថ្លៃដើមបានឡើយ។ ពួកកសិករបានពិពណ៌នាអំពីផលលំបាកផ្នែកហិរញ្ញវត្ថុ និងបញ្ហាផ្លូវចិត្ត ក្នុងការសម្រេចចិត្ត ឈូសបំផ្លាញចោលដំណាំចេក ដែលកំពុងពេញវ័យចេញត្រយូង។ ស្ថានភាពឈូសបំផ្កាញចោលចម្ការចេកនេះ កើតឡើងបន្ទាប់ពីអភិបាលរដ្ឋម៉ាឌីយ៉ាប្រាដេស បានលើកឡើងទាក់ទងនឹងគម្រោងកែច្នៃសរសែរបាចេក ធ្វើជាវត្ថុប្រើប្រាស់នាពេលអនាគត។ លោកអភិបាលរដ្ឋបានមានប្រសាសន៍ថា «យើងកំពុងរៀបចំបង្កើតរោងចក្រកែច្នៃយកសរសៃពីដើមចេកមកធ្វើជាអំបោះ។ សរសៃចេកនឹងត្បាញជាក្រណាត់»។ ចំណេកកសិករវិញ បានកត់សម្គាល់ឃើញថា គំនិតផ្តួចផ្តើមបែបនេះអាចបង្កើតឱកាសនាពេលអនាគត ប៉ុន្តែ ស្ថានភាពទីផ្សារនាពេលបច្ចុប្បន្នកំពុងធ្វើឱ្យកសិករជួបការលំបាក។ រដ្ឋម៉ាឌីយ៉ាប្រាដេស គឺជារដ្ឋមានដំណាំចេកធំជាងគេទីប្រាំពីរនៅក្នុងប្រទេសឥណ្ឌា ដែលមានទិន្នផលផ្លែចេកប្រចាំឆ្នាំជិត២,៥លានតោន ដែលស្មើជាង៦,៥ភាគរយនៃផលិតកម្មចេកសរុបរបស់ប្រទេសឥណ្ឌា។  កសិករដាំចេកបាននិយាយថា តួលេខផលិតកម្មខ្ពស់មិនប្រាកដថា តម្លៃមានស្ថេរភាព ឬយុត្តិធម៌នោះទេ ដែលធ្វើឱ្យកសិករងាយរងគ្រោះដោយសារការប្រែប្រួលទីផ្សារ។ ការឈូសបំផ្លាញចោលដើមចេកនៅក្នុងតំបន់នេះ បង្ហាញពីការប្រែប្រួលជាបន្តបន្ទាប់នៅក្នុងខ្សែសង្វាក់ផ្គត់ផ្គង់ផ្លែចេក និងទាមទារឱ្យមានដំណោះស្រាយចំពោះការខាតបង់របស់កសិករក្នុងអំឡុងពេលទីផ្សារមានតម្រូវការទាប និងតម្លៃចុះថោក៕

ក្រុងបាហ្គីយ៉ូ – ក្រសួងកសិកម្មហ្វីលីពីន បានលើកឡើងថា ការបង្រៀនកុមារ ដែលជាក្តីសង្ឃឹមរបស់ប្រទេសជាតិ ដោយផ្តល់ព័ត៌មានសមស្របទាក់ទងនឹងវិស័យកសិកម្ម នឹងជំរុញនិរន្តរភាពស្បៀងអាហារ។ មន្ត្រីក្រសួងកសិកម្ម បានប្រាប់សិស្សថ្នាក់ទី៥ និងថ្នាក់ទី៦ មកពីសាលាបឋមសិក្សាក្នុងអំឡុងពេលទស្សនកិច្ចនៅការិយាល័យរុក្ខជាតិ និងឧស្សាហកម្ម កាលពីសប្តាហ៍មុនថា «យើងកំពុងប្រារព្ធទិវាកុមារ ហើយយើងដឹងថា កុមារមានសារៈសំខាន់យ៉ាងណាចំពោះប្រទេសជាតិ ដូច្នេះហើយទើបយើងបានបបួលមកលេងទីនេះ ដើម្បីយើងប្រាប់អំពីប្រភពអាហាររបស់អ្នក»។ លោកស្រីបានមានប្រសាសន៍ទៀតថា កុមារត្រូវតែរៀនពីអ្វីដែលពួកគេត្រូវរៀន ដើម្បីឱ្យពួកគេអាចចាប់ផ្តើមឱ្យតម្លៃតាំងពីក្មេង។ លោកស្រីបានមានប្រសាសន៍ថា «យើងគិតថា ប្រហែលជាដោយការបង្ហាញពួកគេឱ្យស្គាល់វិស័យកសិកម្មនៅពេលពួកគេនៅក្មេង ពួកគេនឹងឱ្យតម្លៃអាហារ ដែលយកមកដាក់លើតុ ហើយមិនខ្ជះខ្ជាយអាហារទេ ព្រោះពួកគេបានឃើញពីការលំបាកក្នុងការផលិតអាហារ»។ លោកស្រីបានពន្យល់ថា «សំខាន់ជាងនេះទៅទៀត យើងសង្ឃឹមថា តាមរយៈការបង្ហាញពួកគេពីរបៀបដែលអាហារត្រូវបានផលិត ពួកគេនឹងចូលរួមក្នុងការថែសួនដើម្បីផលិតបន្លែ ឬថែទាំសត្វជាអាហារ»។ អាជ្ញាធរស្ថិតិហ្វីលីពីន បាននិយាយថា អាយុជាមធ្យមរបស់កសិករនៅក្នុងប្រទេសពីមុនមានអាយុ៥៧ ឆ្នាំ ប៉ុន្តែក្រសួងកសិកម្ម បាននិយាយថា ទិន្នន័យថ្មីៗនៃប្រព័ន្ធចុះបញ្ជីសម្រាប់កសិកម្មជាមូលដ្ឋាននៅក្នុងតំបន់បង្ហាញថា អាយុបានធ្លាក់ចុះមកត្រឹម៤៥ឆ្នាំ។ លោកស្រីបានមានប្រសាសន៍ថា «អ្នកចូលរួមស្វែងយល់បញ្ហារបស់កសិករវ័យក្មេងកំពុងកើនឡើង ហើយយើងកំពុងឃើញយុវជនកាន់តែច្រើនកំពុងចូលរួមផលិតចំណីអាហារ ឬកែច្នៃចំណីអាហារ»។ លើសពីនេះ សាលារៀនគ្រប់កម្រិតកំពុងបង្កើតក្លឹប ដែលទាក់ទាញយុវជនឱ្យចូលរួមក្នុងវិស័យកសិកម្ម ដោយសង្ឃឹមថា ពួកគេនឹងពង្រឹងជំនាញរបស់ខ្លួន និងអនុវត្តដូចគ្នា ឬចូលរៀនវគ្គសិក្សាកសិកម្ម។ អ្នកគ្រូបង្រៀនថ្នាក់ទី៥ម្នាក់ […]

ក្រុមហ៊ុននាំចេញផ្លែក្រូចអាហ្វ្រិកខាងត្បូង បន្តពង្រីកវត្តមានផលិតផលរបស់ខ្លួន នៅក្នុងទីផ្សារអាស៊ី បន្ទាប់ពីមើលឃើញកំណើនតម្រូវការក្នុងតំបន់ ក្រោយពីប្រទេសវៀតណាមបានចុះកិច្ចព្រមព្រៀងទ្វេភាគី កាលពីឆ្នាំ២០២៤ ដើម្បីបើកទីផ្សារសម្រាប់ផលិតផលផ្លែក្រូចឃ្វិចអាហ្វ្រិកខាងត្បូង។ នៅក្នុងឆ្នាំ២០២៥នេះ ប្រទេសអាហ្វ្រិកខាងត្បូងបានដឹកជញ្ជូនផ្លែក្រូចឃ្វិចចំនួន៥៣ ៣១១កេស ដែលក្នុងមួយកេសទម្ងន់១៥គីឡូក្រាម ទៅកាន់ប្រទេសវៀតណាម គឺកើនឡើងចំនួន២០៩ ៥៦៩កេស កើនលើសឆ្នាំ២០២៤។ ស្ថាប័នឧស្សាហកម្មផ្លែក្រូចឃ្វិច​ បានកត់សម្គាល់ថា កំណើននេះឆ្លុះបញ្ចាំងពីឱកាសកាន់តែទូលំទូលាយនៅទូទាំងទ្វីបអាស៊ី ដែលក្រៅពីវៀតណាម ទីផ្សារដូចជាជប៉ុន កូរ៉េខាងត្បូង ឥណ្ឌា និងចិនត្រូវបានគេមើលឃើញថា មានសក្តានុពលខ្លាំងសម្រាប់ផ្លែក្រូចឃ្វិចអាហ្វ្រិកខាងត្បូងផងដែរ។ ប្រជាជនវណ្ណៈកណ្តាល ដែលកំពុងតែកើនឡើងនៅក្នុងប្រទេសវៀតណាម ចាប់ផ្តើមពេញនិយមផលិតផលផ្លែក្រូចឃ្វិចស្រស់ៗរបស់អាហ្វ្រិកខាងត្បូង ដែលអាចផ្គត់ផ្គង់ទីផ្សារចាប់ពីខែមិថុនា ដល់ខែតុលា។ ក្នុងរដូវប្រមូលក្រូចឃ្វិច ឆ្នាំ២០២៥ ទទួលបានទិន្នផលចំនួន ៥៣,៥លានប្រអប់ ដែលត្រូវបានវេចខ្ចប់សម្រាប់នាំចេញទៅកាន់ទីផ្សារអន្តរជាតិ គឺកើនឡើង២ ភាគរយពីមួយឆ្នាំទៅមួយឆ្នាំ។ ទិន្នផលដ៏ល្អនេះ បានជួយពង្រឹងតម្រូវការក្នុងការធានាទីផ្សារ ដែលមានសក្តានុពលខ្ពស់ ដូចជាវៀតណាមសម្រាប់ប្រភេទក្រូចឃ្វិច។ ក្នុងដំណើរទស្សនកិច្ចនៅក្នុងប្រទេសវៀតណាម នាពេលថ្មីៗកន្លងមកនេះ ប្រធានាធិបតិអាហ្វ្រិកខាងត្បូង បានពិភាក្សាអំពីការនាំចូលក្រូចអាហ្រិកផងដែរ។ រដ្ឋមន្ត្រីអាហ្វ្រិកខាងត្បូងបានជួបប្រជុំជាមួយសមភាគីវៀតណាម ដើម្បីជំរុញការចូលប្រើប្រាស់ទីផ្សារសម្រាប់ប្រភេទក្រូចបន្ថែម និងដោះស្រាយលក្ខខណ្ឌពាណិជ្ជកម្ម ដែលនៅសេសសល់។ វៀតណាមត្រូវបានពិពណ៌នាថា ជាគោលដៅមួយ ស្របពេលប្រទែសអាហ្វ្រិកខាងត្បូង កំពុងធ្វើពិពិធកម្មទីផ្សារ និងកាត់បន្ថយអត្រាពន្ធនាំចូលផងដែរ។ អ្នកតំណាងឧស្សាហកម្មផ្លែក្រូច បាននិយាយថា […]

វៀងច័ន្ទន៍៖​ កាលថ្ងៃទី១៣ ខែវិច្ឆិកា ឆ្នាំ២០២៥ ឡាវ និងចិន បានពង្រីកកិច្ចសហប្រតិបត្តិការផ្នែកកសិកម្មរបស់ប្រទេសទាំងពីរបន្ទាប់ពីការពិភាក្សានៅទីក្រុងឆុងឈីង ក្នុងអំឡុងពេលកិច្ចប្រជុំសហប្រតិបត្តិការ រដ្ឋមន្ត្រីអាស៊ាន-ចិន លើកទី៩។ យោងតាមការផ្សាយរបស់សារព័ត៌មានឡាវ បានឱ្យដឹងថា ពិធីសារថ្មីស្តីពីអនាម័យ និងភូតគាមអនាម័យ ត្រូវបានចុះហត្ថលេខា រវាងអនុរដ្ឋមន្ត្រីក្រសួងកសិកម្ម និងបរិស្ថានឡាវ និងអនុរដ្ឋមន្ត្រីរដ្ឋបាលគយចិន។ កិច្ចព្រមព្រៀងនេះអនុញ្ញាតឱ្យនាំចេញផ្លែមៀនឡាវ ដែលជាកសិផលឡាវទី៤០ ត្រូវបានអនុញ្ញាតឱ្យនាំចូលទៅកាន់ទីផ្សារប្រទេសចិន។ មន្ត្រីជាន់ខ្ពស់ឡាវ​ និងចិន ក៏បានឯកភាពគ្នាបើកទីផ្សារចិនសម្រាប់នាំចូលផ្លែទុរេនឡាវផងដែរ ដែល អាជ្ញាធរឡាវ បានកត់សម្គាល់ថា កិច្ចព្រមព្រៀងទាំងនេះនឹងគាំទ្រឡាវក្នុងការធ្វើពិពិធកម្មផលិតផលនាំចេញរបស់ខ្លួនទៅកាន់ទីផ្សារចិន និងបង្កើនការចូលរួមនៅក្នុងវិស័យពាណិជ្ជកម្មក្នុងតំបន់ ស្របពេលអ្នកនាំចេញរបស់ឡាវត្រូវតែបំពេញតាមតម្រូវការគុណភាព និងសុវត្ថិភាពរបស់ប្រទេសចិន។ ឡាវ និងចិន បានសហការគ្នារួចហើយតាមរយៈគំនិតផ្តួចផ្តើមកសិកម្មជាច្រើន រួមទាំងកម្មវិធីរយៈពេល២៥ឆ្នាំ ដែលផ្តោតលើការដាំដុះ ការកែលម្អទិន្នផល ការកាត់បន្ថយថ្លៃដើម និងការប្រកួតប្រជែង ដើម្បីគាំទ្រដល់គោលបំណងរបស់ប្រទេសឡាវ ក្នុងការនាំចេញផ្លែទុរេន ចំនួន៤០០តោនទៅកាន់ប្រទេសចិន នៅឆ្នាំ២០២៦។ មន្ត្រីកសិកម្មឡាវ ក៏បានពិនិត្យឡើងវិញនូវការងារ ដែលកំពុងដំណើរការដើម្បីពង្រីការធ្វើកសិពាណិជ្ជកម្ម និងធ្វើឱ្យនីតិវិធីទាក់ទងនឹងការចូលទីផ្សារចិន មានភាពងាយស្រួល។ បច្ចុប្បន្ននេះ មានពិធីសារចំនួន៣៩ ដែលអនុញ្ញាតឱ្យនាំចេញផល​ អនុផលព្រៃឈើចំនួន៣៥មុខ និងផលិតផលសត្វចំនួន៤មុខ ពីប្រទេសឡាវទៅកាន់ប្រទេសចិន។ ការចរចានៅតែបន្តសម្រាប់ប្រភេទផលិតផលផ្សេងទៀត […]

ហ្សាការតា៖ រដ្ឋមន្ត្រីក្រសួងកសិកម្មឥណ្ឌូណេស៊ី បានប្រកាសថា រដ្ឋាភិបាលឥណ្ឌូណេស៊ី បានរៀបចំជំនួយឥតសំណង ជាទឹកប្រាក់ជិត៦០០លានដុល្លារ ដើម្បីបង្កបង្កើនផលលើផ្ទៃដីទំហំជិតមួយលានហិកតា ដើម្បីបបង្កើនផលិតកម្ម និងពង្រឹងសន្តិសុខស្បៀងនៅក្នុងប្រទេស។ ក្នុងអំឡុងពេលសន្និសីទជាតិ លើកទី១១ កាលពីថ្ងៃទី២១ ខែវិច្ឆិកា ឆ្នាំ២០២៥ លោក អេនឌី អាំរ៉ាន ស៊ូឡៃម៉ាន (Andi Amran Sulaiman) រដ្ឋមន្ត្រីក្រសួងកសិកម្ម បានមានប្រសាសន៍ថា គំនិតផ្តួចផ្តើមនេះ គឺជាផ្នែកមួយនៃការដឹកនាំរបស់លោកប្រធានាធិបតីឥណ្ឌូណេស៊ី ដើម្បីបង្កើនទិន្នផលកសិកម្មឱ្យកើនឡើងខ្ពស់ តាមរយៈការកែច្នៃគុណភាពដីទំនេរនៅទូទាំងប្រទេស។ លោករដ្ឋមន្ត្រី បានសង្កត់ធ្ងន់ថា ក្នុងរយៈពេលពីរឆ្នាំខាងមុខនេះ រដ្ឋាភិបាលនឹងយកចិត្តទុកដាក់លើ ដីណា ដែលត្រូវបានពិនិត្យរួចរាល់សម្រាប់ការដាំដុះ ដោយកត់សម្គាល់ថា កម្មវិធីពង្រីកផ្ទៃដីកសិកម្មនេះ គឺមានសារៈសំខាន់ក្នុងការរក្សាស្ថេរភាពតម្លៃស្បៀងអាហារ ដែលជាសសរស្តម្ភយ៉ាងសំខាន់នៃភាពធន់របស់ជាតិ។ លោករដ្ឋមន្ត្រី បានមានប្រសាសន៍ដូច្នេះថា «សន្តិសុខស្បៀងអាហារមានទំនាក់ទំនងយ៉ាងជិតស្និទ្ធទៅនឹងភាពធន់របស់រដ្ឋ ពីព្រោះបញ្ហានៅក្នុងវិស័យស្បៀងអាហារ អាចបង្កផលប៉ះពាល់យ៉ាងធ្ងន់ធ្ងរដល់ប្រទេសជាតិ»។ លោក អេនឌី អាំរ៉ាន ស៊ូឡៃម៉ាន បានបន្ថែមថា រដ្ឋាភិបាលបើកចំហចំពោះកិច្ចសហការជាមួយសហគមន៍កសិកម្ម អង្គការ និងម្ចាស់ដី ដើម្បីប្រើប្រាស់ដីនៅសល់ទំនេរសម្រាប់ផលិតកម្មដំណាំ។ លោកបានមានប្រសាសន៍ដូច្នេះថា​ «យើងត្រៀមខ្លួនរួចជាស្រេច ដើម្បីធ្វើឱ្យដីរបស់យើងមានគុណភាពកាន់តែល្អប្រសើរ។ ក្រសួងរបស់យើងត្រៀមខ្លួនរួចជាស្រេច […]