អន្តរជាតិ

តូក្យូ៖ ដោយសារការបោះពុម្ពផ្សាយរបស់កាសែតបាននឹងកំពុងធ្លាក់ចុះយ៉ាងខ្លាំង ហើយប្តូរទៅរកប្រព័ន្ធផ្សព្វផ្សាយបែបឌីជីថលវិញ ធ្វើឱ្យរោងបោះពុម្ព តូនីជី (Tonichi Printing Co.) ដែលជាក្រុមហ៊ុនបោះពុម្ពកាសែតដ៏ធំមួយនៅទីក្រុងតូក្យូ ចាប់ផ្តើមប្តូរអាជីវកម្មថ្មី គឺបណ្តុះផ្សិតត្រចៀកកណ្តុរវិញម្តង។ យោងតាមគេហទំព័រដំណឹងកសិកម្មជប៉ុន (The Japan Agri News) បានចេញផ្សាយថា ក្រុមហ៊ុនបោះពុម្ពកាសែត បានចាប់ផ្តើមអាជីវកម្មដាំផ្សិតក្នុងអាគាររោងបោះពុម្ពរបស់កាសែត ម៉ៃនីជី (Mainichi Newspaper) ដែលជាសាខារបស់ក្រុមហ៊ុនបោះពុម្ព តូនីជី មានទីតាំងស្ថិតនៅក្រុងកាវ៉ាហ្គូជី ( Kawaguchi) ខេត្តសៃតាម៉ា (Saitama) ដែលដំណើរការរោងចក្របោះពុម្ពកាសែតដ៏ធំរបស់ប្រទេសជប៉ុន។ ក្រុមហ៊ុនសង្ឃឹមថា អាជីវកម្មបង្កើតថ្មីនេះអាចជួយរកប្រាក់ចំណូលសម្រាប់ទ្រទ្រង់ជីវភាពប្រចាំថ្ងៃដល់បុគ្គលិករបស់ខ្លួន ដោយកែច្នៃកន្លែងទំនេរ ​​​ដូចជាបន្ទប់​សម្រាប់​​បោះពុម្ព​កាសែត ​ត្រូវកែ​ទៅ​ជា​កន្លែង​បណ្តុះ​ផ្សិត​ត្រចៀកកណ្ដុរ​ ​ដែល​មាន​ទំហំ​ប្រហែល៨១ម៉ែត្រការ៉េ។ ក្រុមហ៊ុនបានទទួលយកប្រព័ន្ធគ្រប់គ្រងបរិស្ថានរួមបញ្ចូលគ្នាបន្ទាប់ពីការដាំដុះសាកល្បងលើកដំបូង។ ការងារបេះផ្សិតត្រូវធ្វើ​ពេញ​២៤ម៉ោង​ ដោយមាន​បុគ្គលិក​ខ្លះ​ធ្វើការ​វេន​យប់។ បុគ្គលិក​ក្រុមហ៊ុន​ម្នាក់ បាន​និយាយ​​ពន្យល់​ពី​សក្តានុពល​របស់​គម្រោងនេះថា​ «​ផ្សិត​ត្រចៀក​កណ្ដុរ ដែល​ដាំដុះ​ក្នុង​ស្រុក ​អាចផ្គត់ផ្គង់តម្រូវការទីផ្សារនៅទូទាំងប្រទេសជប៉ុន បានត្រឹមតែ​ប្រហែល១០ភាគរយ​ប៉ុណ្ណោះ​»​។ បុគ្គលិករូបនេះ បាននិយាយទៀតថា រោងចក្របោះពុម្ព្កកាសែតរបស់ក្រុមហ៊ុន គឺស័ក្តិសមសម្រាប់ការដាំដុះផ្សិតត្រចៀកកណ្ដុរណាស់ ដោយមានការត្រួតពិនិត្យសីតុណ្ហភាព និងសំណើមយ៉ាងហ្មត់ចត់ នៅក្នុងរោងបណ្ដុះ ដើម្បីរក្សាគុណភាពដូចបោះពុម្ពកាសែតដែរ។ កម្មករភាគច្រើនធ្វើនៅក្នុងរោងពុម្ពកាសែតនេះ ធ្លាប់មានបទពិសោធន៍ក្នុងការគ្រប់គ្រងគ្រឿងចក្រ […]

មូស្គូៈ ទីភ្នាក់ងារព័ត៌មានរដ្ឋរបស់រុស្ស៊ី បានធ្វើសេចក្តីរាយការណ៍ កាលពីចុងសប្តាហ៍មុនថា ក្រសួងកសិកម្មរុស្ស៊ី បានកាត់បន្ថយអត្រាពន្ធនាំចេញស្រូវសាលីដល់សូន្យ ចាប់ពីដើមខែកក្កដា ឆ្នាំ២០២៥នេះ ដើម្បីការពារទីផ្សារក្នុងស្រុកពីការឡើងថ្លៃ និងដើម្បីរារាំងការនាំចេញលើសចំនួនកំណត់។ កាត់បន្ថយអត្រាពន្ធនាំចេញដល់កម្រិតសូន្សនេះ ត្រូវបានគេគណនា មានភាពខុសគ្នា៧០ភាគរយចំពោះតម្លៃកំណត់ ដែលបានមកពីទិន្នន័យកិច្ចសន្យានាំចេញ និងគណនាលើមូលដ្ឋានប្រចាំសប្តាហ៍ ព្រមទាំងតម្លៃមូលដ្ឋានកំណត់ដោយក្រសួងកសិកម្ម។ យោងតាមតារាងតម្លៃ បានឱ្យដឹងថា តម្លៃកំណត់នាំចេញឱ្យនៅត្រឹម២២៨,៧ដុល្លារ ក្នុងស្រូវសាលីមួយតោន ដោយជាប់កាតព្វកិច្ចបង់ពន្ធ នៅត្រឹមកម្រិតសូន្យ ដែលកាលពីនៅក្នុងខែមករា ឆ្នាំ២០២៥នេះ ​កាតព្វកិច្ចជាប់ពន្ធនាំចេញបានឡើងដល់កម្រិតខ្ពស់បំផុត រហូតមកដល់បច្ចុប្បន្ន គឺនៅ៥៩,៨៧ដុល្លារ ក្នុងមួយតោន។ កសិកររុស្ស៊ីបានអំពាវនាវម្ត្តងហើយម្តងទៀតទៅរដ្ឋាភិបាលឱ្យលុបចោល ឬកាត់បន្ថយកាតព្វកិច្ចពន្ធដោយនិយាយថា វាធ្វើឱ្យប៉ះពាល់ដល់ប្រាក់ចំណេញនៃការធ្វើកសិកម្មស្រូវសាលី ហើយថាមានតែផ្នែកតូចមួយនៃមូលនិធិ ដែលប្រមូលបានតាមរយៈពន្ធត្រូវបានប្រគល់ទៅលើវិស័យនេះ។ ការសម្រេចចិត្តបែបនេះ ធ្វើឱ្យប៉ះពាល់ដល់ស្រូវសាលីទាំងអស់ ដែលត្រូវបាននាំចេញពីប្រទេសរុស្ស៊ី កាលពីពេលថ្មីកន្លងមកនេះ  ដែលកាតព្វកិច្ចសូន្យនឹងត្រូវចូលជាធរមាននៅថ្ងៃទី៩ ខែកក្កដា ឆ្នាំ២០២៥ ក្នុងគោលបំណងធ្វើឱ្យស្រូវសាលីរបស់រុស្ស៊ី កាន់តែមានការប្រកួតប្រជែងជាសកល និងបង្កើនបរិមាណនាំចេញឱ្យបានយ៉ាងច្រើនទៅកាន់ទីផ្សារក្រៅប្រទេស។ ទោះយ៉ាងណាក៏ដោយ ប្រព័ន្ធនោះនឹងលែងប្រើចាប់ពីថ្ងៃទី៩ ខែកក្កដា​ ដែលជាលទ្ធផល អ្នកនាំចេញនឹងលែងត្រូវបង់ពន្ធនេះទៀតហើយ។  អាស្រ័យហេតុនេះ វានឹងកាត់បន្ថយបន្ទុកហិរញ្ញវត្ថុ​ ហើយនឹងអនុញ្ញាតឱ្យពួកគេផ្តល់ជូននូវតម្លៃទាបនៅក្នុងទីផ្សារអន្តរជាតិ។ ការដកកាតព្វកិច្ចនាំចេញស្រូវសាលី ឱ្យធ្លាក់មកដល់កម្រិតសូន្សនេះ ត្រូវបានគេរំពឹងថានឹងមានផលវិជ្ជមានសម្រាប់បង្កើនការប្រកួតប្រជែងលើផ្សារស្រូវសាលីរបស់រុស្ស៊ី ខណ​ៈទីផ្សារស្រូវសាលីពិភពលោកកំពុងប្រឈមមុខនឹងការប្រកួតប្រជែងកាន់តែខ្លាំង។ […]

ដាក្កា៖ ការស្ទង់មតិរបស់ការិយាល័យស្ថិតិបង់ក្លាដែស បាននិយាយថា ស្ទើរតែ៥៦ភាគរយនៃផ្ទៃដីកសិកម្មរបស់ប្រទេសបង់ក្លាដែស ត្រូវបានចាត់ថ្នាក់ថា មិនមាននិរន្តរភាពនៅក្នុងលក្ខខណ្ឌនៃដីផ្តល់ទិន្នផលដោយគិតជាហិកតា ដែលបង្ហាញថា ជាងពាក់កណ្តាលនៃផ្ទៃដីកសិកម្មរបស់ប្រទេស មិនផ្តល់ផលចំណេញល្អប្រសើរផ្នែកសេដ្ឋកិច្ចយូរអង្វែងនោះទេ។ ក្នុងចំណោមផ្ទៃដីកសិកម្មជាង៤៤ភាគរយ ដែលត្រូវបានចាត់ថ្នាក់ជាដីប្រកបដោយផលិតភាព និងមាននិរន្តរភាពនេះ មានតែផ្ទៃដីចំនួន១,២០ភាគរយប៉ុណ្ណោះ ដែលជាដីគួរឱ្យចង់បានបំផុត ខណៈផ្ទៃដីចំនួន៤៣,១៧ភាគរយ ត្រូវបានវាយតម្លៃថា ជាដីអាចទទួលយកបានក្នុងលក្ខខណ្ឌផ្តល់ទិន្នផលប្រកបដោយនិរន្តរភាព។ លទ្ធផលនេះមានន័យថា ត្រូវតែខិតខំប្រឹងប្រែងបន្ថែមទៀត ដើម្បីកែប្រែផ្ទៃដីកសិកម្មដ៏ច្រើនរបស់ប្រទេសបង់ក្លាដែស ឱ្យក្លាយជាដីកសិកម្មប្រកបដោយនិរន្តរភាព ​ដោយគិតចាប់ពីកម្មសិទ្ធិដីធ្លី ទិន្នផលកសិកម្ម ប្រាក់ចំណូលសុទ្ធរបស់កសិដ្ឋាន រហូតដល់ការប្រើប្រាស់ជី ថ្នាំសម្លាប់សត្វល្អិត និងទឹកស្រោចស្រព ព្រមទាំងការរិចរិលរបស់ដីផងដែរ។ ការស្ទង់មតិឆ្នាំ២០២៥ ស្តីពីដីកសិកម្មប្រកបដោយទិន្នផល និងមាននិរន្តរភាព គឺជាការស្រាវជ្រាវទីមួយ ដែលធ្វើឡើងក្នុងកំឡុងខែមករា ដល់ខែមីនា ដើម្បីវាស់វែងថា តើសមាមាត្រនៃផ្ទៃដីកសិកម្មរបស់ប្រទេសបង់ក្លាដែស ត្រូវបានប្រើប្រាស់សម្រាប់ធ្វើកសិកម្មប្រកបដោយនិរន្តរភាព និងផ្តល់ទិន្នផលយូរអង្វែង គឺជាធាតុផ្សំដ៏សំខាន់នៃគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ ដែលជាគម្រោងលុបបំបាត់គ្រោះទុរភិក្ស តាមរយៈការធ្វើកសិកម្មប្រកបដោយភាពធន់ និងទទួលបានទិន្នផលខ្ពស់។ ការរកឃើញនៅក្នុងការស្ទង់មតិ ចេញផ្សាយនៅចុងខែមិថុនា ឆ្នាំ២០២៥ បាននិយាយអំពីផលប៉ះពាល់យ៉ាងធ្ងន់ធ្ងរចំពោះផលិផលស្បៀង ជីវភាពប្រចាំថ្ងៃរបស់កសិករ និងអភិវឌ្ឍន៍ជនបទ បើទោះបីជាមានទិដ្ឋភាពលើកទឹកចិត្តមួយចំនួន មានដូចជា កសិករមិនសូវមានបញ្ហាអសន្តិសុខស្បៀង មានប្រាក់ឈ្នួលជាមធ្យមខ្ពស់ជាងនៅថ្នាក់ជាតិ ខណៈផ្ទៃដីកសិកម្មជិត៨២ភាគរយមានប្រព័ន្ធធារាសាស្រ្តគ្រប់គ្រាន់។ ការស្ទង់មតិបានរកឃើញបទពិសោធន៍ជួបបញ្ហាអសន្តិសុខស្បៀង​នៅក្នុងចំណោមគ្រួសារកសិករចំនួន៩៨,៨៣ភាគរយ គឺមិនដែលបានជួបប្រទះបញ្ហាខ្វះស្បៀងអាហារ […]

វ៉ាស៊ីនតោន៖ រដ្ឋាភិបាលសហរដ្ឋអាមេរិកកំពុងរៀបចំបង្កាត់សត្វរុយថ្មិរាប់លានក្បាល ហើយដឹកតាមយន្តហោះទៅលែងនៅពីលើប្រទេសម៉ិកស៊ិក និងលែនៅភាគខាងត្បូងរដ្ឋតិចសាស់ ដើម្បីឱ្យពួកចេញទៅកម្ចាត់ហ្វូងសត្វរុយចាស់ស៊ីសាច់ជញ្ជក់ឈាមគោក្របី។ សារព័ត៌មានអាម៉េរិកបានចេញផ្សាយថា ដំណឹងនេះស្តាប់ទៅហាក់ដូចជារឿងនៅក្នុងខ្សែភាពយន្តភ័យរន្ធត់របស់ហូលីវូដ ប៉ុន្តែវាជាការពិតនៃផែនការរបស់រដ្ឋាភិបាលសម្រាប់ការពារសហរដ្ឋអាម៉េរិកឱ្យរួចផុតពីមេរោគរាតត្បាត ដែលអាចបំផ្លិចបំផ្លាញឧស្សាហកម្មគោរស់របស់កសិករអាម៉េរិក ព្រមទាំងបំផ្លាញជីវិតសត្វព្រៃ និងថែមទាំងសម្លាប់សត្វចិញ្ចឹមក្នុងផ្ទះទៀតផង។ លោក អេដវីន ប៊ើហ្គេស (Edwin Burgess) សាស្រ្តាចារ្យជំនួយនៅសាកលវិទ្យាល័យរដ្ឋ ហ្វ្ល័រីដា សហរដ្ឋអាម៉េរិក ដែលជាស្ថាប័នសិក្សាអំពីប៉ារ៉ាស៊ីតនៅក្នុងសត្វចតុប្បាត បាននិយាយថា «វាជាបច្ចេកវិទ្យាដ៏ល្អពិសេសមួយ។  វា​ជា​រឿង​ដ៏​អស្ចារ្យបំផុត​ក្នុង​ទ្រឹស្តី​វិទ្យាសាស្ត្រ ​ដើម្បី​ដោះស្រាយ​បញ្ហា​ធំៗ​ជាច្រើន។ សត្វល្អិតចង្រៃ​ ដែលជាគោលដៅត្រូវកម្ចាត់ចោលនេះ គឺជាពូជរុយព្រៃម្យ៉ាងជាភ្នាក់ងារបង្កើតដង្កូវស៊ីសាច់គោទាំងរស់ ដែលកំពុងតែបំផ្លាញសត្វចតុប្បាតនៅក្នុងសហរដ្ឋអាម៉េរិក។  ក្រសួងកសិកម្មសហរដ្ឋអាម៉េរិក គ្រោងបង្កាត់ពូជរុយថ្មី និងការចែកចាយសត្វរុយឈ្មោលពេញវ័យ ដែលត្រូវបានក្រៀវដោយវិទ្យុសកម្មឱ្យទៅពាក់គ្នាជាមួយហ្វូងមេរុយព្រៃ។  ក្រោយពីពួក​វា​ពាក់គ្នា​ជា​មួយ​មេរុយ​ព្រៃរួចហើយ​ ពងរបស់មេរុយ​ព្រៃមិនអាច​ញាស់​បានទេ ដូច្នេះដង្កូវនឹងលែងសូវមានច្រើន ដែលយូរៗទៅចំនួនសត្វរុយព្រៃស៊ីសាច់គោទាំងរស់នេះនឹងងាប់ផុតពូជតែម្តង។ ពូជរុយបង្កាត់ថ្មីនេះអាចកម្ចាត់ពូជរុយចាស់ប្រកបដោយប្រសិទ្ធភាព និងមិនប៉ះពាល់ដល់បរិស្ថានឡើយ ព្រមទាំងល្អប្រសើរជាងការបាញ់ថ្នាំសម្លាប់សត្វល្អិត ហើយវាគឺជារបៀបដែលសហរដ្ឋអាម៉េរិក និងប្រទេសដទៃទៀតនៅខាងជើងប្រទេសប៉ាណាម៉ា ធ្លាប់បានប្រើដើម្បីកម្ចាត់សត្វរុយចង្រៃ កាលពីជាង១០ឆ្នាំមុន។ ក្រសួងកសិកម្មសហរដ្ឋអាម៉េរិក បានរំពឹងថា រោងចក្របង្កាត់ពូជរុយថ្មីនេះ នឹងសាងសង់នៅក្នុងខែកក្កដា ឆ្នាំ២០២៦ ដោយមានទីតាំងស្ថិតនៅភាគខាងត្បូងសហរដ្ឋអាម៉េរិក​ ជាប់ព្រំដែនប្រទេសម៉ិកស៊ិក ព្រមទាំងមានគម្រោងបើកមជ្ឈមណ្ឌលចែកចាយរុយ នៅភាគខាងត្បូងរដ្ឋតិចសាស់ នៅចុងឆ្នាំ២០២៥នេះ ដូច្នេះពូជរុយនេះអាចនាំចូល និងចែកចាយរុយពីប៉ាណាម៉ា ជាមុន ប្រសិនបើមានការចាំបាច់ខ្លាំង។ យោងតាមក្រសួងកសិកម្មអាម៉េរិក […]

ហូជីមិញ៖ តម្លៃផ្លែទុរេនស្រស់របស់វៀតណាមដំាតាមតំបន់ដីសណ្ដទន្លេមេគង្គ បន្តចុះថោកមកនៅត្រឹម៣០,០០០ដុង ឬស្មើនឹង១,១៥ ដុល្លារ ក្នុងមួយគីឡូក្រាម ប៉ុន្តែការចំណាយលើការថែទាំដើមទុរេននៅតែខ្ពស់ដដែល ធ្វើឱ្យកសិករវៀតណាមមិនសប្បាយចិត្តព្រោះពិបាករកប្រាក់ចំណេញពេក។ កសិករវៀតណាមម្នាក់ ចំណាយពេលដាំទុរេនអស់ជិត៣០ឆ្នាំ លើដីទំហំ៣០អា ក្នុងស្រុកកៃឡាយ ខេត្តទៀនយ៉ាង បាននិយាយថា នាពេលថ្មីៗកន្លងមកនេះ លោកបានលក់ផ្លែទុរេនពូជ អ៉ែអ៊ី៦ (Ri6) និងពូជម៉ាន់ថង ចំនួនប្រាំបួនតោន ដោយទទួលបានប្រាក់ចំណេញសុទ្ធប្រមាណ៣០លានដុង ឬស្មើនឹង១ ១៤៥ដុល្លារ។ លោកបាននិយាយត្អូញត្អែរថា «តម្លៃ​គឺ​ថោក​ពេកហើយ​ រីឯប្រាក់​ចំណូល ​គឺ​មិន​សម​នឹង​ការងារ​ពេញ​មួយ​ឆ្នាំ​សោះ»។ កសិកររូបនេះ បាននិយាយរៀបរាប់ថា បន្ទាប់ពីការប្រមូលផលរួចហើយ ក្នុងមួយសប្តាហ៍ ខ្លួនបានចំណាយអស់ប្រាក់ប្រហែលមួយលានដុង ឬស្មើនឹង៣៨ដុល្លារទៀត សម្រាប់ទិញសារធាតុគីមីបំប៉នដើមទុរេន និងចំណាយពីរដងទៀត ដើម្បីសារធាតុគីមីថែទាំផ្លែ និងស្លឹក នៅពេលទុរេនកំពុងចេញផ្កា។ លោកបាននិយាយទៀតថា «ប្រសិនបើខ្ញុំឈប់ចំណាយលើការថែទាំ ដើមទុរេនអាចនឹងចុះខ្សោយ ឬងាប់តែម្តង ហើយខ្ញុំនឹងបាត់បង់អ្វីៗទាំងអស់»។ លោក​បាន​បន្ថែម​ថា តាមធម្មតាជាមធ្យមផ្លែ​ទុរេន ​មានតម្លៃពី២៨ ០០០ ឬស្មើនឹង១,០៧ដុល្លារ ទៅ៣៨ ០០០ដុង ឬស្មើនឹង១,៤៥ដុល្លារ ​ក្នុង​មួយ​គីឡូក្រាម។ ចំណែកកសិករម្នាក់ទៀត ដែលមានចម្ការទុរេនទំហំកន្លះហិកតា នៅក្នុងខេត្តដុងថាប់ […]

តូក្យូ៖ រដ្ឋាភិបាឡទីក្រុងតូក្យូ បានទទូចថា ផលប្រយោជន៍វិស័យកសិកម្មរបស់ប្រទេសជប៉ុនគឺ «មិនអាចចរចាបានទេ» នៅក្នុងកិច្ចចរចាផ្នែកពាណិជ្ជកម្មជាមួយសហរដ្ឋអាម៉េរិក បន្ទាប់ពីលោកប្រធានាធិបតី ដូណាល់ណា ត្រាំ (Donald Trump) បានជំរុញឱ្យរដ្ឋាភិបាលជប៉ុនបង្កើនការនាំចូលអង្ករពីអាម៉េរិក។ ទីភ្នាក់ងារសារព័ត៌មានបរទេស បានរាយការណ៍ពីទីក្រុងតូក្យូប្រទេសជប៉ុន កាលពីថ្ងៃទី០១ ខែកក្កដា ឆ្នាំ២០២៥ថា លោក រីអូសី អាកាសាវ៉ា (Ryosei Akazawa) រដ្ឋមន្ត្រីក្រសួងសេដ្ឋកិច្ចជប៉ុន និងជាប្រធានគណៈប្រតិភូចរចាពាណិជ្ជកម្មជាមួយសហរដ្ឋអាម៉េរិក បាននិយាយអំពីការគំរាមកំហែងរបស់ប្រធានាធិបតីអាម៉េរិក លោក ដូណាល់​ ត្រាំ ចំពោះការដាក់សម្ពាធពន្ធខ្ពស់ពេក លើប្រទេសជប៉ុន ដោយសារតែប្រទេសជប៉ុននាំចូលអង្ករតិចតួចពេកពីសហរដ្ឋអាម៉េរិក។ ជុំវិញបញ្ហានេះលោករដ្ឋមន្រ្តីក្រសួងសេដ្ឋកិច្ចជប៉ុន បាននិយាយថា «ប្រទេសជប៉ុននឹងមិនយល់ព្រមចំពោះការចរចាណាមួយ ដែលនឹងដាក់សម្ពាធដល់ប្រទេសជប៉ុននោះឡើយ»។ លោក រីអូសី អាកាសាវ៉ា បានបញ្ជាក់បន្ថែមថា កិច្ចចរចាពាណិជ្ជកម្មរវាងសហរដ្ឋអាម៉េរិក និងជប៉ុន សម្រាប់ប្រទេសជប៉ុនគឺអំពីការការពារផលប្រយោជន៍របស់ប្រទេសជប៉ុន។ ជាក់ស្តែង ប្រទេសជប៉ុនបាននិងកំពុងនាំចូលអង្ករកាន់តែច្រើនពីសហរដ្ឋអាម៉េរិក ក្នុងរយៈពេលប៉ុន្មានខែថ្មីៗកន្លងមកនេះ ខណៈពេលប្រទេសជប៉ុនកំពុងតែជួបវិបត្តតម្លៃស្រូវអង្ករ។ ទោះជាយ៉ាងណាក៏ដោយ រដ្ឋាភិបាលជប៉ុនបានកំណត់បរិមាណអង្ករ ដែលត្រូវនាំចូលសម្រាប់ប្រើប្រាស់ជាអាហារ មិនមែនសម្រាប់ជាចំណីសត្វ ឬគ្រឿងផ្សំផ្សេងទៀត ដែលត្រូវបានលើកលែងពន្ធ គឺមួយសែនតោនក្នុងមួយឆ្នាំ ហើយប្រសិនបើនាំចូលលើសពីចំនួននេះ នឹងត្រូវចាប់ពន្ធប្រមាណ២,៧០ដុល្លារ […]

ញូវដេលី៖ ទោះបីជាមានការហាមឃាត់របស់រដ្ឋាភិបាលឥណ្ឌាតាំងពីឆ្នាំ២០០០ក៏ដោយ ក៏ប្រភេទពូជត្រីអណ្ដែងកូនកាត់របស់ថៃ នៅតែបន្តចិញ្ចឹមតាមបណ្ដាកសិដ្ឋាន និងលក់ដោយខុសច្បាប់ នៅក្នុងប្រទេសឥណ្ឌា ដែលជាកត្តាបង្កគ្រោះថ្នាក់ដល់សុខភាពអ្នកបរិភោគ និងប៉ះពាល់ដល់បរិស្ថានធ្ងន់ធ្ងរ។ យោងតាមសារព័ត៌មានរបស់ឥណ្ឌា បានចេញផ្សាយហូរហែថា ដោយសារវត្តមាននៃពូជត្រីប្រភេទនេះ បាននាំឱ្យពូជត្រីធម្មជាតិរបស់ឥណ្ឌា ចាប់ផ្តើមបាត់បង់រហូតដល់៧០ភាគរយ ហើយពូជត្រីប្រភេទនេះ​ក៏ជាប្រភពបង្កឱ្យកើតជំងឺមហារីកផងដែរ ប្រសិនបើខ្វះអនាម័យនៅក្នុងការចិញ្ចឹម។ នៅតំបន់មាត់សមុទ្រ និងតាមដងទន្លេ ដែលត្រីជាអាហារសំខាន់ ជាធម្មតាម្ហូបធ្វ់ពីត្រីត្រូវគេបរិភោគជាមួយបាយ ដូច្នេះការជ្រើសរើសពូជត្រី ដែលមានសុវត្ថិភាព និងមាននិរន្តរភាព គឺមានសារៈសំខាន់ខ្លាំងណាស់។ ទោះបីជាយ៉ាងណាក៏ដោយ ខណៈពេលប្រភេទត្រីភាគច្រើនមានសុវត្ថិភាពសម្រាប់ទទួលទាន និងមានជីវជាតិល្អសម្រាប់សុខភាព ប្រភេទពូជត្រីមួយប្រភេទ គឺត្រីអណ្ដែងថៃកូនកាត់ បែរជាបង្កសេចក្តីព្រួយបារម្ភដល់សុខភាពមនុស្សយ៉ាងធ្ងន់ធ្ងរ និងប៉ះពាល់ដល់បរិស្ថានថែមទៀត។ បណ្ដាញសារព័ត៌មានបានលើកឡើងថា ពូជត្រីអណ្ដែងកូនកាត់របស់ថៃ គឺជាប្រភេទត្រីបង្កាត់ពូជម្យ៉ាង ដែលដើមឡើយគេបង្កាត់ពូជវាដើម្បីឱ្យឆាប់លូតលាស់ធំធាត់ និងអាចសម្របខ្លួនបាននៅស្ទើរទីកន្លែងរស់នៅ។ ត្រីអណ្ដែងថៃកូនកាត់នេះ  គឺជា​ប្រភេទ​ត្រីស៊ីសាច់ ដែល​បង្ក​គ្រោះថ្នាក់​ដល់ពូជ​ត្រី​ផ្សេងទៀតនៅ​ក្នុង​ប្រទេស​ឥណ្ឌា។ ខណៈពេលត្រីអណ្ដែងថៃកូនកាត់ទទួលបានការពេញនិយមក្នុងកាតចិញ្ចឹមដោយសារវាឆាប់ធំ និងងាយស្រួសថែទាំ ត្រីនេះបានបង្កក្តីព្រួយបារម្ភអំពីសុខភាពសាធារណៈ និងផលប៉ះពាល់បរិស្ថានយ៉ាងឆាប់រហ័ស។  នៅក្នុងប្រទេសឥណ្ឌា ពូជត្រីអណ្ដែងថៃនេះ​ មានចិញ្ចឹមនៅតាមកសិដ្ឋានច្រើនណាស់ និងកំពុងធ្វើចរាចរលក់ស្ទើរគ្រប់ទិសទី ប៉ុន្តែឥឡូវនេះ ត្រូវបានហាមឃាត់មិនឱ្យធ្វើអាជីវកម្មនៅក្នុងប្រទេសឥណ្ឌាឡើយ។ យោងតាមសារព័ត៌មាន រដ្ឋាភិបាលឥណ្ឌា និងស្ថាប័ននិយតកម្មផ្សេងៗទៀត បានចេញបម្រាមហាមឃាត់រាល់ការចិញ្ចឹម លក់ចែកចាយ និងបរិភោគ ដោយសារតែបង្កគ្រោះថ្នាក់ធ្ងន់ធ្ងរដល់សុខភាព […]

ប៉េកាំង៖ ទីភ្នាក់ងារព័ត៌មានរ៉យទ័រ (Reuters) របស់អង់គ្លេស បានធ្វើរាយការណ៍ថា អ្នកធ្វើអាជីវកម្មចិញ្ចឹមជ្រូកខ្នាតតូចតាច និងកសិករចិញ្ចឹមជ្រូកបែបគ្រួសារ នៅក្នុងប្រទេសចិន បានសម្រុកទិញជ្រូករស់នៅតាមផ្សារនានា ពីអ្នកចិញ្ចឹមជ្រូកខ្នាតធំៗ ដើម្បីយកជ្រូកទៅចិញ្ចឹមបំប៉នឱ្យធាត់បន្ថែមទៀត ដោយសង្ឃឹមថា ក្នុងរយៈពេលពីរបីខែខាងមុខតម្លៃជ្រូកសាច់នឹងឡើងខ្ពស់។ ក្រុមអ្នកចិញ្ចឹមជ្រូកខ្នាតតូចតាច នៅក្នុងប្រទេសចិន​ នាំគ្នាប្រមូលទិញជ្រូករស់មានទម្ងន់ពី៤០គីឡូក្រាម ទៅ៥០គីឡូក្រាម ក្នុងមួយក្បាលយកទៅចិញ្ចឹមបំប៉នឡើងវិញរហូតដល់មានទម្ងន់ជាង១០០គីឡូក្រាម ទើបយកមកលក់វិញ។ ទោះបីជាយ៉ាងណាក៏ដោយ អ្នកជំនាញខាងឧស្សាហកម្មជ្រូក បានព្រមានថា ការប្រមូលទិញបែបនេះអាចបណ្តាលឱ្យមានការប្រែប្រួលតម្លៃដ៏ធំនៅលើទីផ្សារសាច់ជ្រូក ប៉ុន្តែមិនមានផលប៉ះពាល់យូរអង្វែងឡើយ។ ចំណែកអ្នកជំនាញផ្នែកសុខមាលភាពសត្វជ្រូក នៅក្នុងប្រទេសចិន បាននិយាយថា «វាអាចនាំឱ្យមានការខ្វះជ្រូកក្នុងរយៈពេលខ្លី រួមជាមួយនឹងបរិមាណជ្រូកជោរជាន់នៅលើទីផ្សារសាប់ផងនោះ វានឹងធ្វើឱ្យមានការប្រែប្រួលតម្លៃយ៉ាងច្រើន និងធ្វើឱ្យទីផ្សារច្របូកច្របល់ថែមទៀតផង»។ ទីភ្នាក់ងារព័ត៌មានរ៉យទ័រ បានធ្វើសេចក្តីរាយការណ៍ទៀតថា ទោះជាយ៉ាងណាក៏ដោយ ក្រុមអ្នកតាក់តែងច្បាប់របស់ចិន បានចាត់វិធានការអនុវត្តឱ្យច្បាប់ថ្មី ដើម្បីទប់ស្កាត់សកម្មភាពទិញជ្រូករបៀបនេះ ជាពិសេសនៅក្នុងខេត្តក្វាងទុង ស្ថិតនៅខាងជើងទីក្រុងហុងកុង។ ជាលទ្ធផល ក្រុមហ៊ុនចិញ្ចឹមជ្រូកលំដាប់លេខ១របស់ប្រទេសចិន គឺក្រុមហ៊ុន មួយួន ហ្វូដ​​ ( Muyuan Foods) កាលពីពេលថ្មីៗកន្លងមកនេះ បានបញ្ជាក់ថា ខ្លួនបានឈប់លក់ជ្រូករស់ទៅឱ្យអ្នកចិញ្ចឹមបំប៉នឱ្យធំទៀតហើយ។ សកម្មភាពប្រមូលទិញជ្រូករស់ ត្រូវបានគេរាយការណ៍ថា កំពុងតែធ្វើឱ្យស្ថានភាពផ្គត់ផ្គង់ជ្រូករស់នៅលើទីផ្សារកាន់តែជោរជាន់អាក្រក់ទៅៗ ហើយបណ្តាលឱ្យតម្លៃសាច់ជ្រូកធ្លាក់ចុះយ៉ាងខ្លាំងតែម្តង។ កាលពីក្នុងខែសីហា […]

ម៉ានីល៖ ក្រុមអ្នកស្រាវជ្រាវ បានលើកឡើងថា រដ្ឋាភិបាលហ្វីលីពីនត្រូវតែបែងចែកយ៉ាងហោចណាស់មួយភាគរយនៃតម្លៃបន្ថែមសរុបរបស់ឧស្សាហកម្មស្រូវអង្ករ សម្រាប់គាំទ្រការស្រាវជ្រាវ និងអភិវឌ្ឍន៍ ដើម្បីបង្កើនទិន្នផល និងកែលម្អដំណើរការផ្គត់ផ្គង់ផលិតផលស្រូវអង្ករ។ យោងតាមសារព័ត៌មានរបស់ហ្វីលីពីន បានឱ្យលើកអំពីរបាយការណ៍សង្ខេបនៃគោលនយោបាយរៀបចំដោយវិទ្យាស្ថានស្រាវជ្រាវអង្ករហ្វីលីពីន ដោយបានកំណត់យកការស្រាវជ្រាវ និងអភិវឌ្ឍន៍ គឺជាកត្តាដ៏ធំបំផុត ដែលជួយជំរុញឱ្យមានកំណើនផលិតកម្មស្រូវ នៅក្នុងប្រទេសហ្វីលីពីន កើនឡើងក្នុងអត្រា២៧ភាគរយ។ វិទ្យាស្ថានស្រាវជ្រាវរបស់ហ្វីលីពីន បានកត់សម្គាល់ថា កំណើនទិន្នផលស្រូវពីឆ្នាំ២០០៤ ដល់ឆ្នាំ២០១៣ ដែលមានកំណើនចំនួន១,០៦ភាគរយ ប៉ុន្តែនៅទីបំផុតវាបានធ្លាក់ចុះមកត្រឹម០,៤១ភាគរយប៉ុណ្ណោះ នៅក្នុងឆ្នាំ២០១៤​ ដល់ឆ្នាំ២០២៣។ វិទ្យាស្ថានដដែល  បានលើកឡើងទៀតថា អត្រាធ្លាក់ចុះនេះ គឺជាលទ្ធផលនៃឱនភាពនៅក្នុងតំបន់ប្រមូលផលស្រូវ ដែលបានធ្លាក់ចុះពី១,៥ភាគរយ ពីឆ្នាំ២០០៤ ដល់ឆ្នាំ២០១៣ និងកើនឡើង០,១៦ភាគរយ នៅក្នុងឆ្នាំ២០២៤ ដល់ឆ្នាំ២០២៣។ ការកើនឡើងភាគរយនៃកំណើនផលិតកម្មស្រូវហ្វីលីពីន រវាងឆ្នាំ២០០៤ និងឆ្នាំ២០១៣ គឺមានចំនួន២៧ភាគរយ បើធៀបនឹងការកើនឡើងចំនួនប្រាំមួយភាគរយ ដែលត្រូវបានកត់ត្រាពីក្នុងឆ្នាំ២០១៤ ដល់ឆ្នាំ២០២៣។ វិទ្យាស្ថានស្រាវជ្រាវ បាននិយាយទៀតថា ការធ្លាក់ចុះនៃទំហំផ្ទៃដីដាំស្រូវ ដែលធ្លាប់តែប្រមូលផលនាពេលកន្លងមក គឺជាសញ្ញាបង្ហាញថា ផលិតកម្មដំណាំស្រូវនាពេលអនាគត នឹងបានមកពីសមត្ថភាពផលិតអាចផ្តល់ទិន្នផលខ្ពស់ មិនមែនដោយសារទំហំផ្ទៃដីដាំដុះឡើយ។ វិទ្យាស្ថានស្រាវជ្រាវនេះ បាននិយាយថា បច្ចេកវិទ្យាភាគច្រើន ដែលយើងអនុវត្តនាពេលបច្ចុប្បន្ននេះ គឺជាផលិតផលនៃការវិនិយោគរបស់វិទ្យាស្ថានស្រាវជ្រាវ និងអភិវឌ្ឍន៍ពីមុន។ […]

កដ្ឋមណ្ឌូ៖ ប្រសិនបើអ្វីៗដំណើរការដូចការគ្រោងទុក ប្រទេសនេប៉ាល់នឹងចាប់ផ្តើមនាំចេញសាច់ក្របីទៅកាន់ប្រទេសចិន នៅពាក់កណ្កាលឆ្នាំក្រោយ ក្នុងគោលដៅនាំសាច់ក្របីចេញប្រចាំថ្ងៃចំនួន៥ ០០០តោន​។ យោងតាមបណ្តាញព័ត៌មានអាស៊ី (Asia News Network) បានដកស្រងសម្តីប្រធានក្រុមហ៊ុននាំចេញសាច់ក្របីរបស់នេប៉ាល់ ដែលបាននិយាយថា ក្រុមហ៊ុនរបស់លោកទទួលបានការយល់ព្រមសម្រាប់ការវិនិយោគរបស់ចិន ដែលមានតម្លៃទឹកប្រាក់ជិត៧០លានដុល្លារ។ លោកប្រធានក្រុមហ៊ុន បាននិយាយដូច្នេះថា «យើងគួរចាប់ផ្តើមសាងសង់រោងចក្ររួចយូរមកហើយ ប៉ុន្តែដោយមានការពន្យារពេលរបស់រដ្ឋាភិបាលនេប៉ាល់ ក្នុងការប្រកាសតំបន់គ្មានជំងឺចំពោះសម្រាប់សត្វពាហនៈ។  ភាគីចិនរង់ចាំការប្រកាសជាផ្លូវការមុននឹងអនុម័តកញ្ចប់ថវិកាវិនិយោគ»។ លោកប្រធានក្រុមហ៊ុន បានលើកឡើងថា​ ទោះបីរដ្ឋាភិបាលនេប៉ាល់ មានគម្រោងបញ្ជូនឯកសារចាំបាច់លើកដំបូង​ នៅក្នុងខែធ្នូ ឆ្នាំ២០២៤ក៏ដោយ ប៉ុន្តែឯកសារទាំងនោះត្រូវបានបញ្ជូននៅក្នុងខែមិថុនា ឆ្នាំ២០២៥វិញ។ ក្នុងរយៈពេលមួយសប្តាហ៍ក្រោយពីដាក់ពាក្យស្នើសុំ នោះប្រទេសចិន នឹងយល់ព្រមលើការវិនិយោគនៅបរទេស។ រោងចក្រកែច្នៃវេចខ្ចប់សាច់ក្របីនេះ មានទីតាំងនៅក្នុងទីប្រជុំជនមួយកន្លែង​ក្នុងខេត្ត បាកម៉ាទី ស្ថិតនៅភាគខាងកើតរាជធានី កដ្ឋមណ្ឌូ។ ចំណែកសត្វក្របីនឹងត្រូវបានចិញ្ចឹមនៅតាមតំបន់ជនបទនានា នៅក្នុងខេត្តនេះ។ ទោះបីជាតំបន់ទាំងនេះមិនត្រូវបានទទួលស្គាល់ជាផ្លូវការថា ជាតំបន់គ្មានជំងឺឆ្លងក៏ដោយ ប៉ុន្តែសត្វក្របីនឹងត្រូវបានដឹកជញ្ជូនទៅកាន់សត្តឃាតដ្ឋាន ដោយដាក់ឱ្យនៅដាច់ដោយឡែករយៈពេលបីសប្តាហ៍ជាមុនសិន ទើបសម្លាប់យកសាច់វេចខ្ចប់នាំចេញទៅប្រទេសចិន។ លោកប្រធានក្រុមហ៊ុន បានមានប្រសាសន៍ថា ក្នុង​ចំណោម​ដី​ជួលទំហំ៥០ហិកតា ដែល​បាន​ចុះកិច្ចសន្យា​សម្រាប់​គម្រោងវិនិយោគ​នេះ ក្រុមហ៊ុន​បាន​ឈួសសម្អាត​បានត្រឹម​តែ១០ហិកតា​ប៉ុណ្ណោះ ខណៈដីនៅសល់៣០ហិកតាទៀត ត្រូវរងចាំការអនុញ្ញាតពីអាជ្ញាធរមូលដ្ឋាន។ ចំណែកក្រុមហ៊ុនសំណង់ចិនបានមកដល់ប្រទេសនេប៉ាល់រួចរាល់ហើយ ដើម្បីចាប់ផ្តើមសាងសង់ទីតាំងសត្តឃាតដ្ឋាន ដោយសង្ឃឹមថា នឹងចាប់ផ្តើមការសាងសង់ នៅខែកញ្ញា […]

ហាណូយ៖ សកម្មភាពក្លែងបន្លំអង្ករវៀតណាម ដែលធ្លាប់ឈ្នះក្នុងការប្រកួតប្រជែងអង្ករល្អបំផុតរបស់ពិភពលោក ក្នុងឆ្នាំ២០១៩ ពេលនេះអង្ករច្រកថង់ទម្ងន់ប្រាំគីឡូក្រាម កំពុងតែចែកចាយពេញផ្ទៃប្រទេសវៀតណាម ដោយលក់ក្នុងតម្លៃទាបជាងអង្ករពិតប្រាកដ។ យោងតាមការចេញផ្សាយព្រោងព្រាតរបស់សារព័ត៌មានវៀតណាម បានឱ្យដឹងថា នៅតាមផ្សារក្នុងទីក្រុងហូជីមិញ អង្ករក្លែងក្លាយមានស្លាកយីហោ ធីអេស២៥ “ST25” មានដាក់តាំងលក់ក្នុងតម្លៃប្រហែល១៤​ ០០០ដុង ឬស្មើនឹង៥,៣៧ដុល្លារ ក្នុងមួយថង់ទម្ងន់ប្រាំគីឡូក្រាម ធៀបនឹងតម្លៃ២២៥ ៥០០ដុង ឬស្មើនឹង៨,៦០ដុល្លារ ​សម្រាប់ផលិតផលអង្ករពិត។ ស្ត្រីអ្នកលក់ក្លែងក្លាយម្នាក់បាននិយាយថា គាត់ទិញអង្ករក្លែងក្លាយពីអ្នកលក់នៅតំបន់ដីសណ្តទន្លេមេគង្គ ហើយមិនដែលចាប់អារម្មណ៍អំពីប្រភពដើមនៃអង្ករឡើយ។ អ្នកស្រីមិនអាចផ្តល់ភស្តុតាងនៃប្រភពដើមរបស់អង្ករក្លែងក្លាយនេះឡើយ។ ចំណែកអ្នកលក់មួយចំនួនទៀត នៅក្នុងទីក្រុងហូជីមិញ ក៏និយាយដូចៗគ្នាដែរ ដោយមិនអាចបញ្ជាក់ពីប្រភពអង្កររបស់ខ្លួនថា ជាអង្ករពិតប្រាកដ ឬក្លែងក្លាយនោះដែរ។ នៅតាមបណ្តាហាងលក់អង្ករផ្សេងទៀត ដែលមានលក់អង្ករច្រកថង់ទម្ងន់ប្រាំគីឡូក្រាម ​មានស្លាកយីហោ អេសធី២៥ ស្ទើរតែដូចគ្នាបេះបិទទៅនឹងអង្ករពិតដោយប្លែកតែអក្សរមួយតួប៉ុណ្ណោះ ដែលគេដូរសម្រាប់បោកអ្នកទិញ។ ថង់​អង្ករ​ក្លែងក្លាយ​ក៏​មាន​ត្រា​ប្រឆាំងនឹង​ការ​ក្លែង​បន្លំ និង​មានលេខ QR កូដ សម្រាប់សម្គាលើផលិតផលស្រដៀង​នឹង​របស់​ពិត​ដែរ។ ដើម្បីទាក់ទាញចំណាប់អារម្មណ៍អំពីភាពត្រឹមត្រូវ ចំណែកថង់អង្ករផ្សេងទៀតមានប្រើស្លាកសម្គាល់ភូមិសាស្ត្រ ដូចជាឈ្មោះ សុកចាង “Soc Trang” – សំដៅទៅលើទីតាំងប្រភពអង្ករ អេសធី២៥ ពិតប្រាកដ ដែលត្រូវបានដាំ ​​និងជាប្រភេទអង្ករល្អបំផុតរបស់ពិភពលោក។ ចំណែកនៅទីក្រុងហាណូយវិញ […]

តូក្យូ៖ ការស្ទាបស្ទង់មតិឯកជនមួយ បានបង្ហាញកាលពីថ្ងៃទី៣០ ខែមិថុនាថា គ្រប់គ្រួសារជនជាតិជប៉ុន នឹងបន្តជួបបញ្ហាចំណាយច្រើនក្នុងជីវភាពរស់នៅប្រចាំថ្ងៃ ដោយសារអតិផរណាស្បៀងអាហារឡើងថ្លៃចំនួនប្រាំដង នៅក្នុងខែកក្កដា ឆ្នាំ២០២៥នេះ។ លទ្ធផលនៃការរកឃើញនេះ បានគូសបញ្ជាក់ពីអតិផរណានៅក្នុងសេដ្ឋកិច្ចរបស់ប្រទេសជប៉ុន ដែលចាត់ទុកជាសញ្ញាឡើងតម្លៃទំនិញជាលំដាប់ រួមទាំងអត្រាការប្រាក់បន្ថែមផងដែរ។ ការស្ទង់មតិនេះត្រូវបានធ្វើឡើងតាមរយៈព័ត៌មានទទួលបានពីក្រុមហ៊ុនផលិតម្ហូបអាហារធំៗរបស់ជប៉ុនចំនួន១៩៥ក្រុមហ៊ុន ដោយបានបង្ហាញថា ពួកគេនឹងដំឡើងថ្លៃសម្រាប់មុខទំនិញចំនួន២​ ១០៥មុខ នៅក្នុងខែកក្កដានេះ ពោលគឺកើនឡើងប្រាំដង បើធៀបនឹងតម្លៃទំនិញ នៅក្នុងឆ្នាំ២០២៤ ដោយជាមធ្យមត្រូវឡើងថ្លៃ១៥ភាគរយ។ របាយការណ៍បានបង្ហាញថា ក្រៅពីការកើនឡើងតម្លៃរបស់វត្ថុធាតុដើម និងវិក្កយបត្រតម្លៃប្រើប្រាស់តាមផ្ទះ ក្រុមហ៊ុនបានលើកឡើងពីការកើនឡើងនៃថ្លៃការដឹកជញ្ជូន និងថ្លៃពលកម្ម ដែលជាហេតុផលសម្រាប់ការដំឡើងថ្លៃ។ របាយការណ៍នេះបាននិយាយថា «សន្ទុះនៃការដំឡើងថ្លៃលើម្ហូបអាហារ និងភេសជ្ជៈ នៅឆ្នាំ២ឥ២៥នេះ គឺឡើងខ្លាំងណាស់លើសពីឆ្នាំ២០២៤»។ តម្លៃ​ត្រូវ​បាន​កំណត់ឱ្យ​ឡើងថែម មាន​សម្រាប់​មុខ​ទំនិញ​ជា​ច្រើនមុខ​ ដែល​រួម​មានផលិផលធ្វើពី​អង្ករ ព្រម​ទាំង​សូកូឡា ស្ករ​កៅស៊ូ ដំឡូង​បារាំង និង​ទឹកជ្រលក់​ប៉ាស្តា។ នៅក្នុង​ចំណោម​ក្រុមហ៊ុន​ ដែល​បាន​ប្រកាស​ពី​គម្រោង​ដំឡើង​តម្លៃទំនិញ ​ចាប់ពី​ថ្ងៃ​ទី០១ ខែ​កក្កដា មានក្រុមហ៊ុនផលិតប៊ីចេង​ អាជីណូម៉ូតុ ដោយគ្រោង​នឹង​ដំឡើង​តម្លៃ​ផលិតផល​កាហ្វេ ​ប្រហែល២៥ ទៅ៥៥ភាគរយ ចំណែក​ក្រុមហ៊ុនផលិតទឹកដោះគោ ម៉ីជី នឹង​ដំឡើង​តម្លៃ​ឈីស និង​តម្លៃទឹកដោះគោ​រហូត​ដល់១១ភាគរយ។ របាយការណ៍ស្ទង់មតិ បាននិយាយទៀតថា […]