Tag: trending

ម៉ានីល៖ ក្រុមអ្នកវិភាគបាននិយាយថា អ្នកផលិតស្បៀអាហារមួយចំនួនអាចនឹងប្រឈមមុខនឹងការប្រកួតប្រជែងកាន់តែខ្លាំងជាមួយផលិតផលកសិកម្មរបស់អាម៉េរិក បន្ទាប់ពីការបើកទីផ្សារក្នុងស្រុក ដែលជាផ្នែកមួយនៃកិច្ចព្រមព្រៀងពាណិជ្ជកម្មនាពេលខាងមុខរវាងសហរដ្ឋអាម៉េរិក និងហ្វីលីពីន។ លោក ហ្វឺមីន អាឌ្រីយ៉ាណូ (Fermin Adriano) សេដ្ឋវិទូ និងជាអតីតទីប្រឹក្សារដ្ឋមន្ត្រីក្រសួងកសិកម្មហ្វីលីពីន បាននិយាយថា ការនាំចូលស្រូវសាលីកាន់តែច្រើនអាចប្រកួតប្រជែងជាមួយកសិករដាំពោត ដែលបំផ្លាញចំណែករបស់ពួកគេនៅក្នុងទីផ្សារចំណីសត្វ។ ការទិញសណ្តែកសៀងច្រើន ផ្តល់ផលល្អសម្រាប់ឧស្សាហកម្មបសុសត្វ ដោយសារវាជាវត្ថុធាតុដើមដ៏សំខាន់សម្រាប់ប្រូតេអ៊ីននៅក្នុងចំណីសត្វ។ បើតាមការចុះផ្សាយរបស់សារព័ត៌មាន ហ្វីលស្តារ (Phil Star) របស់ហ្វីលីពីន បានឱ្យដឹងថា ប្រសិនបើសាច់ជ្រូក សាច់មាន់ និងផលិតផលសាច់ផ្សេងទៀតនឹងក្លាយជាចំណែកនៃការធ្វើសម្បទានរបស់ប្រទេសហ្វីលីពីន លោកបានព្រមានថា វាអាច “បំផ្លិចបំផ្លាញ” ឧស្សាហកម្មជ្រូក និងបសុបក្សីក្នុងស្រុក ដោយសារការប្រកួតប្រជែង។ ប្រធានាធិបតី​អាម៉េរិក លោក ដូណាល់ ត្រាំ បាន​ប្រកាស​​តាម​បណ្តាញ​សង្គម​ថា ប្រទេសហ្វីលីពីន​កំពុង​បើក​ទីផ្សារ​របស់​ខ្លួន​ចំពោះ​ទំនិញ​អាម៉េរិក​ ដោយយក​ពន្ធ​សូន្យ​ភាគរយ។ ទោះជាយ៉ាងណាក៏ដោយ ប្រធានាធិបតីហ្វីលីពីន លោក ម៉ាកូស (Marcos) បានបញ្ជាក់ថា មានតែទំនិញមួយចំនួន ដូចជា រថយន្តរបស់សហរដ្ឋអាម៉េរិកប៉ុណ្ណោះ ដែលនឹងទទួលបានពន្ធសូន្យភាគរយ។ លោកប្រធានាធិបតី ក៏បានលាតត្រដាងផងដែរថា ប្រទេសហ្វីលីពីនកំពុងទិញផលិតផលសណ្តែកសៀង និងស្រូវសាលីរបស់អាម៉េរិកបន្ថែមទៀត […]

អ៊ីស្លាម៉ាបាដ៖ រដ្ឋាភិបាលអាហ្វហ្គានីស្ថាន និងរដ្ឋាភិបាលប៉ាគីស្ថាន បានផ្តួចផ្តើមបង្កើតកិច្ចព្រមព្រៀងពាណិជ្ជកម្មអនុគ្រោះពន្ធទ្វេភាគីមួយ ដើម្បីកាត់បន្ថយពន្ធនាំចេញសម្រាប់ទំនិញកសិកម្មសំខាន់ៗចំនួនប្រាំបីមុខ ដែលប្រទេសទាំងពីរតែងតែលក់ឱ្យគ្នាទៅវិញទៅមក។ យោងតាមការផ្សាយរបស់គេហទំព័របន្លែ និងផ្លែឈើ បានឱ្យយដឹងថា កិច្ចព្រមព្រៀងនេះមានគោលបំណងកាត់បន្ថយអត្រាពន្ធគយលើការនាំចេញកសិផលរបស់ប្រទេសអាហ្វហ្គានីស្ថានចំនួនបួនមុខទៅកាន់ប្រទេសប៉ាគីស្ថាន មានដូចជា ផ្លែទំពាំងបាយជូ ផ្លែទទឹម ផ្លែប៉ោម និងផ្លែប៉េងប៉ោះ ចំណែកកសិផលនាំចេញរបស់ប្រទេសប៉ាគីស្ថានចំនួនមុខ ទៅកាន់ប្រទេសអាហ្វហ្គានីស្ថាន មានដូចជាផ្លែស្វាយ ផ្លែក្រូច ផ្លែចេក និងដំឡូង។ អត្រា​ពន្ធលើទំនិញកសិផលទាំងប្រាំបីមុខខាងលើនេះ ​កាល​ពីមុន​ត្រូវ​បាន​កំណត់​ត្រឹមជាង៦០ភាគរយ  ប៉ុន្តែក្រោមកិច្ចព្រមព្រៀងពាណិជ្ជកម្មមី ត្រូវបានទម្លាក់មក​នៅ​ត្រឹម២៧ភាគរយប៉ុណ្ណោះ។ កិច្ចព្រមព្រៀងពាណិជ្ជកម្ម ដែលគាំទ្រដោយមន្ត្រីជាន់ខ្ពស់ផ្នែកពាណិជ្ជកម្មអាហ្វហ្គានីស្ថាន និងមន្ត្រីជាន់ខ្ពស់ផ្នែកពាណិជ្ជកម្មប៉ាគីស្ថាន ត្រូវបានចូលជាធរមាន កាលពីថ្ងៃទី០១ ខែសីហា ឆ្នាំ២០២៥ ដោយមានសុពលភាពរយៈពេលមួយឆ្នាំ ប៉ុន្តែមានជម្រើសអាចបន្តទៀតបាន។ គំនិតផ្តួចផ្តើមនេះ ត្រូវបានបង្កើតឡើងចំពេលមានភាពតានតឹងផ្នែកនយោបាយ និងសន្តិសុខតាមព្រំដែន ដែលកំពុងតែបន្តកើតមានរវាងប៉ាគីស្ថាន និងអាហ្វហ្គានីស្ថាន ប៉ុន្តែរដ្ឋាភិបាលប្រទេសទាំងពីរ​ បានទទួលស្គាល់ការពឹងពាក់គ្នាទៅវិញទៅមកផ្នែកពាណិជ្ជកម្មផ្លូវគោក  ជាពិសេសពាក់ព័ន្ធនឹងការនាំចេញផ្លែឈើឡើងវិញ ក្នុងរដូវប្រមូលផលនីមួយៗ។ យោងតាមតួលេខពាណិជ្ជកម្មរវាងប្រទេសទាំងពីរ សម្រាប់ឆមាសទីមួយនៃឆ្នាំ២០២៥នេះ បានបង្ហាញពីការផ្លាស់ប្តូរទំនិញទ្វេភាគី ក្នុងទំហំទឹកប្រាក់ជិតមួយពាន់លានដុល្លារ ដោយការនាំចេញកសិផលរបស់ប្រទេសអាហ្វហ្គានីស្ថាន មានទឹកប្រាក់ចំនួន២៧៧លានដុល្លារ ចំណែកការនាំចេញកសិផលរបស់ប៉ាគីស្ថានវិញ មានទឹកប្រាក់ចំនួន៧១២លានដុល្លារ។ ការកើនឡើងនៃទំហំពាណិជ្ជកម្មនេះ ត្រូវបានផ្សារភ្ជាប់មួយផ្នែកទៅនឹងការកើនឡើងនៃការនាំចេញរបស់ប៉ាគីស្ថាន មានដូចជាការផ្គត់ផ្គង់ផ្នែកវេជ្ជសាស្រ្ត អង្ករសម្រូប […]

ម៉ានីល៖ នៅក្នុងរបាយការណ៍ត្រួតពិនិត្យទីផ្សារផ្លែឈើដាំនៅតំបន់ត្រូពិច អង្គការស្បៀងអាហារ និងកសិកម្មនៃអង្គការសហប្រជាជាតិ បាននិយាយថា ប្រទេសហ្វីលីពីន នៅតែជាអ្នកនាំចេញផ្លែម្នាស់ធំជាងគេទីពីររបស់ពិភពលោក ដែលកាលពីឆ្នាំ២០២៤ បានបង្កើនការផ្គត់ផ្គង់ទៅកាន់ទីផ្សារធំៗ។ របាយការណ៍នេះ បាននិយាយថា ប្រទេសហ្វីលីពីនបានផ្គត់ផ្គង់ផ្លែម្នាស់កាន់តែច្រើនទៅកាន់ទីផ្សារសំខាន់ៗ មានដូចជាប្រទេសចិន ជប៉ុន និងប្រទេសកូរ៉េខាងត្បូង ដោយបានលក់ផ្លែម្នាស់សរុបប្រហែល៦៨០ ០០០តោន ក្នុងឆ្នាំ២០២៤  គឺកើនឡើងចំនួន១៤,១ភាគរយ។ ការ​នាំ​ចេញ​ផ្លែម្នាស់​ទៅ​កាន់ទីផ្សារប្រទេស​ចិន ​ដែល​ជា​ទិសដៅ​នាំ​ចេញ​ធំបំផុត​របស់​ប្រទេស​ហ្វីលីពីន ​បាន​កើន​ឡើង៩,៤ ភាគរយ ដោយមានចំណែកទីផ្សារ៤០ភាគរយនៅក្នុងប្រទេសចិន។  ចំណែកបន្ទាប់មក គឺទីផ្សារប្រទេសជប៉ុន​​ មាន៣៣ភាគរយ និង​ទីផ្សារប្រទេសកូរ៉េខាងត្បូងចំនួន១៦ភាគរយ។ អង្គការស្បៀងអាហារ និងកសិកម្ម បាននិយាយដូច្នេះថា «ការនាំចេញផ្លែម្នាស់របស់ហ្វីលីពីន ទៅកាន់គោលដៅទាំងពីរ បានពង្រីកយ៉ាងខ្លាំងចាប់តាំងពីឆ្នាំមុន ដោយមានរាយការណ៍ថា កើនឡើងចំនួន២០ភាគរយ នាំចេញទៅប្រទេសជប៉ុន និង២០ភាគរយទៀត នាំចេញទៅសាធារណរដ្ឋកូរ៉េ»។ ទីភ្នាក់ងារអង្គការសហប្រជាជាតិ ក៏បានកត់សម្គាល់ផងដែរថា ពូជម្នាស់ អេមឌីធូ (MD2) គឺជាពូជម្នាស់ ដែលគេចង់ទិញបំផុតពីប្រទេសហ្វីលីពីន។ អង្គការស្បៀងអាហារ និងកសិកម្មដដែលនេះ បាននិយាយបន្តថា តម្លៃឯកតានាំចេញជាមធ្យមរាប់ទាំងថ្លៃដឹកជញ្ជូនពីប្រទេសហ្វីលីពីន ទៅកាន់ទីផ្សារពិភពលោក បានកើនឡើង៦,៣ភាគរយ គឺស្មើនឹងតម្លៃ៦៣០ដុល្លារក្នុងមួយតោន។ ប្រទេសហ្វីលីពីន មានចំណែកផ្គត់ផ្គង់ចំនួន១៩ភាគរយនៃបរិមាណនាំចេញផ្លែម្នាស់នៅទូទាំងពិភពលោក […]

តាកែវ​៖ កសិដ្ឋានមុន្នី មានទីតាំង​ស្ថិតនៅភូមិ​ព្រៃដកពរ ឃុំសំបួរ ស្រុកទ្រាំង ខេត្តតាកែវ​ ដែល​បាន​បង្កើតឡើង​ក្នុងកំឡុង​ពេល​កម្ពុជា និងពិភពលោក​ជួបវិបត្តិជំងឺកូវីដ១៩ ​បច្ចុប្បន្ន​​បាននិងកំពុងចូលរួម​យ៉ាងសកម្ម​ក្នុងការផលិត នៅផលិតផលក្នុងវិស័យវារីវប្បកម្ម​ដើម្បីឆ្លើយតប​ទៅនិងតម្រូវការបរិភោគ​របស់ប្រជាពលរដ្ឋនៅក្នុងស្រុក​ និងក្លាយជាទីតាំងមួយ​​ផ្តល់ឱកាស​ទៅដល់និស្សិត ក៏ដូចជា​ក្រុមវារីវប្បករ​ក្នុងតំបន់​​ ឱ្យ​ទទួលបាននូវ​បទពិសោធន៍ ​និងការអនុវត្ត​ផ្ទាល់ពីបច្ចេកទេស​ផ្តល់ចំណី គ្រប់គ្រងទឹក និងការគ្រប់គ្រងកសិដ្ឋាន។​ លោក ថាយ សុមុន្នី ម្ចាស់កសិដ្ឋាន​ខាងលើ​បានឱ្យដឹង​ថា​​ ក្តីស្រម៉ៃ ក៏ដូចជាគោលបំណង​សំខាន់​ក្នុងការបង្កើតកសិដ្ឋាន​ មុន្នី​នេះឡើង​ គឺដើម្បីចូលរួម​ផលិតនូវផលិតផលក្នុងវិស័យវារីវប្បកម្ម​ក្នុងស្រុក ឱ្យមានត្រី បង្កង​សម្រាប់ឆ្លើយតប​តម្រូវការ​បរិភោគ​របស់ប្រជាពលរដ្ឋ​នៅក្នុងស្រុក​។ កសិដ្ឋានមុន្នីរៀបចំបង្កើតឡើង​​ជា​គំរូកសិដ្ឋាន​ចម្រុះ ឬ​កសិវារីវប្បកម្ម​  ដោយប្រើប្រាស់ដីស្រែ​​ ប្រែក្លាយ​ទៅ​ជាកន្លែងចិញ្ចឹមបង្កងបែបធម្មជាតិ​ ត្រី​ និងដំណាំដូងក្រអូប​ និងដាំ​ប្រភេទដើមឈើ​មានតម្លៃ។​ ​លោកបន្តថា «យើងបានរៀបចំ​កែច្នៃទី​កន្លែងនេះ​ តាំងពីមិនទាន់មានអ្វីសោះ​ ​រហូតមកដល់សព្វថ្ងៃនេះ​ យើងដាំដូងក្រអូប​បានជាង​៣០០ដើម​ យើងបាន​ផ្សាំកូនត្រីប្រា ​ឱ្យក្លាយជាកូនត្រីពូជ​ដើម្បីលក់ជូនអតិថិជន​ ដែលចូលចិត្តចិញ្ចឹមត្រីប្រា​នៅក្នុងស្រុក​ ឱ្យទទួលបានកូនត្រី​មានគុភាព​ និងសុវត្ថិភាព​ល្អ​ យកទៅចិញ្ចឹមបន្ត​ឆាប់ធំ និងមិនមានជំងឺ​។​ យើងធ្វើការផ្សាំកូនបង្កងឈ្មោល​ សម្រាប់ផ្គត់ផ្គង់ជូនដល់បងប្អូនវារីវប្បករ​យើង ដែលមានបំណងចង់ចិញ្ចឹមបង្កងសាច់​។ ទន្ទឹមនិងនេះ កសិដ្ឋានយើងក៏​​ចិញ្ចឹមបង្កងសាច់​ផងដែរ​ដើម្បីបម្រើដល់អតិថិជននៅក្នុងប្រទេស»។​ ​បើតាម​ម្ចាស់កសិដ្ឋាន​ខាងលើ​, ​​​នៅឆ្នាំ២០២៥សង្ឃឹមថា ការផ្សាំកូនត្រីប្រារបស់ខ្លួន​​នឹងកើនឡើង​៣០ភាគរយបើប្រៀបធៀបនិងឆ្នាំ​២០២៤​។ ដូច្នេះ​​​ការផ្សាំកូនត្រីប្រា​រំពឹងថា នឹងកើនពី​​២,៥លានកូនទៅ​៣លានកូន […]

ឧត្តរមានជ័យ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងលោកជំទាវ ព្រមទាំងសហការី សប្បុរសជនក្នុង មនិងក្រៅប្រទេស នាថ្ងៃទី៤ ខែកក្កដា ឆ្នាំ២០២៥ បានចុះសួរសុខទុក្ខបងប្អូនប្រជាពលរដ្ឋ ដែលកំពុងភៀសសឹកពីតំបន់មានជម្លោះព្រំដែនកម្ពុជា-ថៃ និងកំពុងស្នាក់អាស្រ័យបណ្តោះអាសន្ននៅមណ្ឌលសុវត្ថិភាព។ ក្នុងថ្ងៃដដែលនេះដែរ ឯកឧត្តមបណ្ឌិតប្រតិភូ បានរៀបចំនូវសម្ភារប្រើប្រាស់ចាំបាច់មួយចំនួន និងគ្រឿងឧបភោគបរិភោគ ចែកជូនដល់វីរកងទ័ពនៅជួរមុខ ដោយការដឹងគុណចំពោះវីរភាព និងការលះបង់យ៉ាងធំធេងមិនអាចកាត់ថ្លៃបាន ដើម្បីការពារជាតិមាតុភូមិឱ្យរួចផុតពីការឈ្លានពានរបស់យោធាថៃ។ ក្នុងស្មារតីសាមគ្គីជាតិខ្មែរ ខ្មែរជួយខ្មែរ និងការចូលរួមចំណែកជាមួយរាជរដ្ឋាភិបាលកម្ពុជា, ឯកឧត្តមបណ្ឌិត កៅ ថាច និងលោកជំទាវព្រមទាំងសហការី សប្បុរសជនក្នុង និងក្រៅប្រទេស បាននាំយកស្បៀងអាហារនិងសម្ភារៈ ជូនដល់ប្រជាជនភៀសសឹកចំនួន២​ ៦៥០គ្រួសារ, ឧបត្ថមជូនក្រុមគ្រូទេព្យស្ម័គ្រចិត្តប្រចាំមណ្ឌលសុវត្ថិភាព និងបានយកសម្ភារសំខាន់ៗមួយចំនួន ទៅចែកជូនដល់វីរកងទ័ពកម្ពុជាជួរមុខ គិតជាទឹកប្រាក់សរុបរួមចំនួន៧៣ ៥០៨,២៩ដុល្លារអាមេរិក ដោយក្នុងនោះថវិកាទទួលបានការចូលរួមពី៖ ទី១ -ឯកឧត្តមបណ្ឌិត កៅ ថាច និងលោកជំទាវ ព្រមទាំងថ្នាក់ដឹកនាំ និងបុគ្គលិក ធនាគារ ARDB ថវិកាចំនួន៣៩ ៩០១,២៩ដុល្លារ។ ទី២ […]

ណៃពិដោរ៖ ប្រធានសមាគមអ្នកផលិត និងអ្នកនាំចេញបន្លែផ្លែឈើភូមា បាននិយាយថា ម្ចាស់កសិដ្ឋានដាំប៊ឺរនៅក្នុងប្រទេសភូមា ត្រូវតែសហការគ្នាក្នុងការត្រួតពិនិត្យមើលមេរោគ ឬសំណល់ថ្នាំពុលនៅលើផ្លែប៊ឺរ ដែលជាចាំបាច់សម្រាប់ការនាំចេញទៅកាន់ទីផ្សារប្រទេសចិន។ យោងតាមគេហទំព័របន្លែ និងផ្លែឈើ បានឱ្យដឹងថា សមាគមអ្នកផលិត និងអ្នកនាំចេញបន្លែផ្លែឈើភូមា បាននិយាយថា ភាគីពាក់ព័ន្ធគួរតែធ្វើការរួមគ្នាសម្រាប់ការនាំចេញផ្លែប៊ឺរទៅកាន់ប្រទេសចិន នៅក្នុងខែតុលា ឆ្នាំ២០២៥នេះ ប៉ុន្តែមិនបានបញ្ជាក់ពីបរិមាណនាំចេញ និងតម្លៃរបស់ផ្លែប៊ឺរនៅឡើយ។ ចំណែកប្រធាននាយកដ្ឋានកសិកម្មប្រចាំរដ្ឋសានរបស់ភូមា បានផ្តល់ព័ត៌មានលម្អិតអំពីការនាំចេញផ្លែប៊ឺរប្រចាំឆ្នាំរបស់ប្រទេសភូមា និងបានគូសបញ្ជាក់ពីតម្រូវការនាំចូលសម្រាប់ទីផ្សារសំខាន់ៗដូចជាប្រទេសចិន ឥណ្ឌា រុស្ស៊ី និងបណ្តាប្រទេសផ្សេងទៀតនៅក្នុងតំបន់មជ្ឈិមបូព៌ា។ កាលពីថ្ងៃទី១៩ ខែកក្កដា ឆ្នាំ២០២៥ នាយកដ្ឋានកសិកម្មនៅភាគខាងត្បូងរដ្ឋសាន បានបើកសិក្ខាសាលាមួយ ដើម្បីស្វែងយល់ពីតម្រូវការត្រួតពិនិត្យ និងបទដ្ឋានសុវត្ថិភាពរបស់អគ្គនាយកដ្ឋានគយចិន។  ដូច្នេះ ការងារនេះត្រូវតែសហការគ្នារវាងសមាគមអ្នកផលិត និងអ្នកនាំចេញផ្លែប៊ឺរភូមា ដើម្បីពង្រឹងស្តង់ដារផ្លែប៊ឺររបស់ខ្លួនឱ្យស្របនឹងស្តង់ដារនាំចេញ។ ប្រធានសមាគមអ្នកផលិត និងអ្នកនាំចេញបន្លែផ្លែឈើភូមា បានបង្កើតក្រុមហ៊ុនសាធារណៈសម្រាប់កសិករមួយ ដែលមានទិសដៅសម្រាប់នាំចេញផលិតផលកសិកម្មទៅកាន់ប្រទេសសិង្ហបុរី ម៉ាឡេស៊ី និងប្រទេសថៃ នៅក្នុងពេលខាងមុខនេះ  ដោយខិតខំគាំទ្រឱ្យមានការនាំចូលជីកសិកម្ម និងថ្នាំសម្លាប់សត្វល្អិតផងដែរ ដើម្បីផ្គត់ផ្គង់ដល់អ្នកដាំដុះ។ ចំណែកប្រធាន​នាយកដ្ឋាន​កសិកម្ម​ប្រចាំរដ្ឋសាន បាន​ពិភាក្សាលម្អិត​បន្ថែមទៀត ​អំពី​លក្ខខណ្ឌ​ចាំបាច់សម្រាប់នាំ​ចូល​ទៅ​កាន់ទីផ្សារ​ប្រទេសចិន។ រីឯអ្នកដាំដំណាំ បានលើកឡើងពីយុទ្ធសាស្ត្រក្នុងការគ្រប់គ្រងសារធាតុចិញ្ចឹមរបស់ដើមប៊ឺរ ហើយបានប្តេជ្ញាចិត្តក្នុងការពង្រឹងយុទ្ធសាស្ត្រនាំចេញរបស់ខ្លួន។ សមាគមអ្នកផលិត និងនាំចេញបន្លែផ្លែឈើភូមា បានប្រកាសកាលពីថ្ងៃទី២៤ […]

ភ្នំពេញ៖ ឯកឧត្តម ហ៊ុន​ ម៉ានី​ ឧបនាយករដ្ឋមន្រ្តី​ រដ្ឋមន្រ្តីក្រសួងមុខងារសាធារណៈ​ និងឯកឧត្តម ឌិត​ ទីណា​ រដ្ឋមន្រ្តី​ក្រសួងកសិកម្ម​ រុក្ខាប្រមាញ់​ និងនេសាទ​ បានអញ្ជើញកាត់វិញ្ញាសាប្រលងជ្រើសរើស​មន្រ្តីកសិកម្មឃុំ​ ឆ្នាំ២០២៥​ ចំនួន​៣៧២នាក់នៅព្រឹកថ្ងៃទី​២ ខែសីហា ឆ្នាំ​២០២៥​។ ក្រសួងមុខងារសាធារណៈ បានសហការយ៉ាងជិតស្និទ្ធជាមួយក្រសួងកសិកម្ម រុក្ខាប្រមាញ់ និងនេសាទ ក្នុងការរៀបចំការប្រឡងជ្រើសរើសមន្ត្រីកសិកម្មឃុំ ដោយជោគជ័យចំនួនពីរលើក ដោយលើកទី១ ទទួលបានមន្ត្រីកសិកម្មឃុំចំនួន២៥០នាក់ និងលើកទី២ ទទួលបានមន្ត្រីកសិកម្មឃុំចំនួន១០០០នាក់ ប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព «ជាប់ដោយមោទនៈ ធ្លាក់ដោយអស់ចិត្ត៕ សូមរមឭកថា កាលពីថ្ងៃទី១៣ ខែកុម្ភៈ ឆ្នំា២០២៤ ក្រសួងកសិកម្ម​ រុក្ខាប្រមាញ់​ និងនេសាទ បានបើកវគ្គបណ្តុះបណ្តាលតម្រង់ទិសដល់មន្ត្រីកសិកម្មឃុំសង្កាត់ចំនួន២៥០នាក់ មានរយៈពេល៤ថ្ងៃ មុននឹងបញ្ជូនទៅបម្រើការងារផ្នែកកសិកម្មជាមួយប្រជាពលរដ្ឋនៅតាមខេត្តគោលដៅចំនួន១៧ ក្នុងគោលបំណងជួយមន្ត្រីកសិកម្មបានត្រៀមខ្លួនឱ្យបានល្អប្រសើរ ក្នុងការបំពេញតួនាទីទទួលខុសត្រូវដូចបានចែងនៅក្នុងកម្មវិធីគោលនយោបាយអាទិភាពរបស់រាជរដ្ឋាភិបាលនីតិកាលទី៧ នៃរដ្ឋសភា។ មន្ត្រីជាន់ខ្ពស់​ក្រសួងកសិកម្ម​ រុក្ខាប្រមាញ់​ និងនេសាទ បានមានប្រសាសន៍ថាការរៀបចំវគ្គបណ្តុះបណ្តាលតម្រង់ទិសដំបូងសម្រាប់មន្ត្រីឃុំសង្កាត់នៅពេលនេះគឺ ឆ្លើយតបនឹងស្នូលរបស់យុទ្ធសាស្ត្រចតុកោណទីមួយ មុំទីពីរ ស្តីពីការលើកកម្ពស់សមត្ថភាពធនធានមនុស្ស និងការពង្រឹងប្រសិទ្ធភាពនៃការអនុវត្តការងារសំដៅកសាងធនធានមនុស្សប្រកបដោយសមត្ថភាព […]

ខេត្តត្បូងឃ្មុំ៖ ​បច្ចុប្បន្ន​ការដាំបន្លែនៅតាមទីវាល មិន​សូវជា​អំណោយផលសម្រាប់កសិករនៅតាមតំបន់​​ប៉ុន្មានទេ មិនថានៅក្នុងរដូវប្រាំង ឬនៅរដូវវស្សា​​ឡើយ ដោយតែងតែជួបប្រទះ​ការប្រែប្រួលអាកាសធាតុ​ និងការផ្ទុះឡើងនៃសត្វល្អិតចង្រៃស៊ីបំផ្លាញបន្លែ​​ ទោះបីកសិករមានការថែទាំ​យកចិត្តទុកដាក់បែបណាក៏ដោយ ជាពិសេស​​នៅក្នុងរដូវវស្សាកសិករ​​ពិបាក​ទទួលបានប្រាក់ចំណេញ​សម្រាប់ទ្រទ្រង់ជីវភាព​នៅក្នុងគ្រួសារ។ លោក លីម ផេង ម្ចាស់កសិដ្ឋាន​ត្រសក់ផ្អែម​ត្បូងឃ្មុំ បានសង្កេតឃើញថា​ តាមការកត់សម្គាល់ និងផ្អែកតាម​​បទពិសោ​ធ​​ន៍​ដាំបន្លែក្នុងរយៈ​ពេល​បីឆ្នាំចុងក្រោយនេះ​ ការ​​ដាំបន្លែទៅតាមទីវាល​នៅក្នុងរដូវប្រាំង​​ កសិករជួបបញ្ហា​​សត្វល្អិត​ចង្រៃ​​តិចជាង​នៅក្នុងរដូវវស្សា​។ ​​ក្នុងរដូវវស្សា​ជួបបញ្ហាច្រើន​ បើមាន​ភ្លៀង​ញឹកញាប់វាធ្វើឱ្យដំណាំ​លូតលាស់មិនល្អ​ ទោះបីកសិករមានការថែទាំ​បានដិតដល់ក៏ដោយ​។ លោក លីម ផេង បានឱ្យដឹងថា «កសិករដាំបន្លែនៅក្នុងរដូវប្រាំង​ ពួកគាត់អាច​ទទួលបានប្រាក់ចំណូលមួយសមស្រប​ ប៉ុន្តែ​បន្លែមិនសូវជាល្អ​ ​ស្លឹក​បន្លែ​ប្រៀបដូចជាសត្វដង្កូវស៊ី​ មិនស្អាតដូច​ដាំនៅក្នុងផ្ទះសំណាញ់​ ហើយលក់បាន​តម្លៃទាប​​ ក្នុងមួយគីឡូ​​កសិករ​អាចខាតបង់ប្រាក់​២០០ទៅ​៣០០រៀល​ បើបន្លែដាំក្នុងផ្ទះសំណាញ់​លក់បានថ្លៃ​១៨០០រៀល សម្រាប់បន្លែដាំនៅទីវាល​លក់បាន​ថ្លៃតែ​១៥០០រៀល​ប៉ុណ្ណោះ​»។​ បើតាម​ម្ចាស់កសិដ្ឋាន​ត្រសក់ផ្អែម​ត្បូងឃ្មុំខាងលើ កសិករក្នុងតំបន់​មួយចំនួន​នៅពេល​​ប្រមូលផលស្រូវរួចរាល់ហើយ​ ​ប្រើប្រាស់ដីស្រែរបស់ខ្លួន​សម្រាប់ដាំបន្លែ​ ចាប់ពីពីរទៅបីដង​ ទើបត្រឡប់មកធ្វើស្រែ​វិញ​។ ការ​ដាំបន្លែនៅតាមទីវាល​ តាមបែប​យថាកម្ម​បែបនេះ​​ វានិងធ្វើឱ្យ​​បន្លែ​ជួបបញ្ហាខ្វះខាតទឹក​នៅពេលអាកាសធាតុក្តៅខ្លាំង​​ និងមាន​សត្វល្អិត​កើតច្រើន​ ជាហេតុធ្វើឱ្យប៉ះពាល់ទិន្នផល ​​និងប្រាក់​ចំណូល។​ លោកបន្តថា​​ «សព្វថ្ងៃការដាំបន្លែនៅតាមទីវាល​នៅក្នុងទីតាំងកសិដ្ឋាន​មាន​ម្ទេសដៃនាង ម្ទេសចិន ត្រប់ ពោតបារាំង​ តែ​ខូចខាតអស់ច្រើននៅមួយរយៈកន្លងមកនេះ​ព្រោះភ្លៀងញឹកញាប់ ​នៅពេល​ជិតដល់ថ្ងៃប្រមូលផល។ តែយើងដាំនៅក្នុងផ្ទះសំណាញ់​​យើងនៅប្រមូលផលបានទិន្នផលខ្ពស់​ពី​៨០ទៅ​៩០ភាគរយ​ តែ​ដាំនៅក្រៅផ្ទះសំណាញ់ ឬនៅតាមទីវាល​ប្រមូលផលបាន​ប្រមាណ​៣០ទៅ​៤០ភាគរយ​ប៉ុណ្ណោះ​​​»។​ […]

ហៃណាន៖ នាយកផ្នែកលក់ផលិតផលក្រុមហ៊ុនចិន ដែលគ្រប់គ្រងចម្ការទុរេនជាង៨៦៦ហិកតា នៅក្នុងខេត្ត ហៃណាន ប្រទេសចិន បាននិយាយថា ក្រុមហ៊ុននឹងយកចិត្តទុកដាក់លើការផ្សព្វផ្សាយ និងរៀបចំព្រឹត្តិការណ៍ភ្លក្សរស់ជាតិ ផ្លែទុរេនខេត្តហៃណាន ដែលត្រូវចាប់ពីចុងខែមិថុនា ដល់ដើមខែកក្កដា ឆ្នាំ២០២៥នេះ ទោះបីមិនទាន់ចាប់ផ្តើមលក់ជាលក្ខណៈពាណិជ្ជកម្មក៏ដោយ។ លោកបានពន្យល់ថា «ដូចឆ្នាំមុនដែរ យើងបន្តអនុវត្តយុទ្ធសាស្ត្រ​ លាក់ទុកសារធាតុចិញ្ចឹមផ្លែឈើនៅក្នុងដីក្នុងគោលបំណងកំណត់ទិន្នផលផ្លែ ដើម្បីរក្សាសារធាតុចិញ្ចឹមនៅក្នុងដីឱ្យនៅបានយូរអង្វែងសម្រាប់ដើមទុរេនលូតលាស់ល្អថែមទៀត។  បច្ចុប្បន្ន ដើមទុរេនលើផ្ទៃដីទំហំប្រហែល២៦៦ហិកតាកំពុងចេញផ្លែ ហើយយើងរំពឹងថា នឹងកើនឡើងដល់៤០០ ទៅ៤៦៦ហិកតា នៅឆ្នាំក្រោយ ជាមួយនឹងទិន្នផលប៉ាន់ស្មានពី ៨០ ០០០ដើម ទៅ១០០ ០០០ដើម ដែលអាចឱ្យយើងបង្កើនទិន្នផលយ៉ាងច្រើន»។ លោកបានបញ្ជាក់ថា ក្នុងចំណោមដើមទុរេនទាំងអស់នេះ ពូជបច្ចុប្បន្ននេះ រួមមាន ម៉ាន់ថង មូសាងឃីង កានយ៉ៅ និងពូជប្លែកថន។ លោកបានមានប្រសាសន៍ទៀតថា ក្រុមបានបណ្តុះបណ្តាលក្រុមដាំដុះទុរេននៅក្រៅប្រទេស ហើយបាននាំយកពួកគេមកគ្រប់គ្រងចម្ការរបស់ក្រុមហ៊ុន។ ចម្ការបានអនុវត្តតាមស្តង់ដារគ្រប់គ្រង និងប្រើប្រាស់ជីសរីរាង្គដែលមានអាជ្ញាប័ណ្ណអនុញ្ញាតត្រឹមត្រូវ។ ផ្លែធុរេននឹងមានពណ៌លឿងស្រស់ មានរសជាតិផ្អែមមុត ដែលកម្ររកបានក្នុងចំណោមផ្លែទុរេននាំចូល។ ចំណែកចម្ការវិញបានទទួលវិញ្ញាបនប័ត្រសម្គាល់ការអនុវត្តកសិកម្មល្អ  (Good Agricultural Practices) រួចហើយ ព្រមទាំងរំពឹងថា នឹងទទួលបានវិញ្ញាបនប័ត្របញ្ជាក់កសិកម្មសរីរាង្គផងដែរ នៅឆ្នាំ២០២៦។ទាក់ទងនឹងបញ្ហាប្រឈមផ្នែកអាកាសធាតុព្យុះទីហ្វុង […]

កូឡាឡាំពួរ៖ កាលពីពេលថ្មីៗកន្លងមកនេះ រដ្ឋមន្ត្រីក្រសួងកសិកម្មម៉ាឡេស៊ី បានអំពាវនាវដល់បណ្តាម្ចាស់សណ្ឋាគារ ក្នុងប្រទេសម៉ាឡេស៊ី គួរអនុញ្ញាតឱ្យភ្ញៀវអាចយកទុរេនចូលទៅហូបក្នុងបរិវេណកន្លែងស្នាក់នៅ ដើម្បីជួយលើកកម្ពស់កេរ្តីឈ្មោះផ្លែទុរេនរបស់ខ្លួន់។ លោក ម៉ូហាម៉ាដ សាប៊ូ (Mohamad Sabu) រដ្ឋមន្ត្រីក្រសួងកសិកម្មម៉ាឡេស៊ី ថ្លែងនៅក្នុងព្រឹត្តិការណ៍ប្រកួតពានរង្វាន់ពិភពទុរេនប្រចាំឆ្នាំ២០២៥ បានលើកឡើងថា វិធីនេះល្អលើសពីយុទ្ធសាស្ត្រផ្សព្វផ្សាយពាណិជ្ជកម្មទៅទៀត ព្រោះវាជាការប្រារព្ធកម្មវិធីវប្បធម៌មួយ ដែលប្រែក្លាយសណ្ឋាគារឱ្យទៅជាគោលដៅបង្ហាញពីអត្តសញ្ញាណរបស់ប្រទេសម៉ាឡេស៊ី។ សណ្ឋាគារក៏អាចជាកន្លែងសម្រាប់លក់ផលិតផលកែច្នៃពីផ្លែទុរេនបានដែរ ដើម្បីភ្ញៀវអាចទិញទទួលទានបាន ដូចជាការ៉េមរសជាតិទុរេនជាដើម។ លោករដ្ឋមន្ត្រីក៏បានសម្តែងក្តីសង្ឃឹមសម្រាប់កិច្ចសហការបន្ថែមទៀតរវាងម្ចាស់ចម្ការ សណ្ឋាគារ និងអ្នកនាំភ្ញៀវទេសចរណ៍ ដើម្បីជួយលើកកម្ពស់ទម្រង់របស់ប្រទេសម៉ាឡេស៊ី នៅលើឆាកអន្តរជាតិ តាមរយៈទេសចរណ៍ទុរេន។ ការ​អំពាវនាវ​របស់​លោក​រដ្ឋមន្ត្រី​ បាន​កើត​ឡើង​ខណៈ​ផ្លែ​ទុរេនម៉ាឡេស៊ី ​ជាពិសេសពូជ មូសាងឃីង កំពុង​ក្លាយ​ជា​កត្តា​សំខាន់សម្រាប់ជួយជំរុញកំណើន​សេដ្ឋកិច្ច​របស់ប្រទេសម៉ាឡេស៊ី ដោយសារផ្លែទុរេនរបស់ខ្លួនត្រូវបានគេទទួលស្គាល់ថា ពិតជាមានរសជាតិឆ្ងាញ់ដាច់គេនៅក្នុងតំបន់។ ការនាំចេញផ្លែទុរេនរបស់ម៉ាឡេស៊ី បានកើនឡើងជាង២៥ភាគរយ ពីទំហំទឹកប្រាក់ប្រមាណ៨២២,៨លានរីងគីត ឬស្មើនឹង១៩៤លានដុល្លារ ក្នុងឆ្នាំ២០១៨ បានកើនដល់១,៥១ពាន់លានរីងគីត ឬស្មើនឹង២៤៧លានដុល្លារ ក្នុងឆ្នាំ២០២៣។ កាលពីឆ្នាំ២០២៤ ប្រទេសម៉ាឡេស៊ី បានចុះកិច្ចព្រមព្រៀងមួយក្នុងការអនុញ្ញាតឱ្យនាំចេញផលិផលផ្លែទុរេនស្រស់ទៅកាន់ប្រទេសចិន ដែលកាលពីមុនអនុញ្ញាតចំពោះតែផ្លែទុរេនបង្កកប៉ុណ្ណោះ។ ផ្លែទុរេន​ មូសាងឃីង របស់ប្រទេសម៉ាឡេស៊ី ក៏​កំពុង​តែជួយ​ទាក់ទាញភ្ញៀវ​ទេសចរណ៍យ៉ាងខ្លាំង​ផង​ដែរ ដែលនៅក្នុងកម្មវិធីផ្សព្វផ្សាយទេសចរណ៍ម៉ាឡេស៊ី ឆ្នាំ២០២៤-២០២៥ បានរាប់បញ្ចូលការលើកទឹកចិត្តភ្ញៀវឱ្យទទួលទានផ្លែទុរេនដោយមិនគិតថ្លៃផងដែរ។ ចំណែកកាលពីពេលថ្មីៗកន្លងមកនេះ ក្រសួងទេសចរណ៍ […]

រាជធានីភ្នំពេញ៖ សិប្បកម្មកែច្នៃត្រីងៀត យីហោ ធឿន ស្រីនី នៅក្នុងរយៈពេល៣ឆ្នាំចុងក្រោយនេះ បានងាកមកផ្តោតលើការកែច្នៃផលិតផលកម្រិតស្តង់ដារជាចម្បងដើម្បីឆ្លើយតបទៅនិងទីផ្សារទំនើបធំៗនៅក្រុងភ្នំពេញ ដោយរំពឹងថាអាជីវកម្មនឹងមានភាពល្អប្រសើរចាប់ពីឆ្នាំ២០២៦តទៅ។ សិប្បកម្មកែច្នៃត្រីងៀត យីហោ ធឿន ស្រីនី ស្ថិតនៅភូមិថ្មី ឃុំសូទិព្វ ស្រុកជើងព្រៃ ខេត្តកំពង់ចាមដែលបានបង្កើតនៅឆ្នាំ២០០៤ ធ្លាប់តែផ្តោតទៅលើការបោះដុំ និងលក់រាយប្រភេទត្រីរស់នៅក្នុងតំបន់ បានកែចៃធ្វើជាត្រីងៀតលក់នៅក្នុងតំប់បែបលក្ខណៈធម្មតា មិនបានវេចខ្ចប់ឬមិនមានម៉ាកសញ្ញាច្បាស់លាស់នោះទេ។ អ្នកស្រី លីម ប៉ុននី ម្ចាស់សិកម្មកែច្នៃត្រីងៀតមាន យីហោ ធឿន ស្រីនីបានឱ្យដឹងថានៅក្នុងរយៈពេល៣ឆ្នាំចុងក្រោយនេះមុខរបរកែច្នៃត្រីងៀត គឺចាប់ផ្តើមពីចំណុចសូន្យរហូតមកដល់សព្វថ្ងៃនេះមានការផ្គត់ផ្គង់និងទីផ្សារឡើងវិញជាសន្សឹមៗ។ តួយ៉ាងនៅឆ្នាំទី១និងឆ្នាំទី២ការកែច្នៃត្រីងៀតមិនសូវជាមានសកម្មភាពអាជីវកម្មនោះទេ ទើបតែនៅក្នុងឆ្នាំទី៣នេះ ការកែច្នៃនិងការផ្គត់ផ្គង់ត្រីងៀតទៅលើទីផ្សារប្រមាណ៥០ភាគរយ ពោលនៅក្នុងមួយខែខាងសិប្បកម្មលក់ចេញត្រីងៀតបានចន្លោះពី២០០ទៅ៣០០គីឡូក្រាម និងផលិតផលគ្រឿងផ្អាប់ផ្សេងទៀតបានប្រមាណ៣តោនក្នុងរយៈពេល៣ខែ។ អ្នកស្រីបានឱ្យដឹងទៀតថា “ដំណើរការអាជីវកម្មទៅថ្ងៃខាងមុខ ខ្ញុំរំពឹងថានិងបានល្អ ព្រោះយើងមានផែនការកែច្នៃនិងទីផ្សារជាបន្តបន្ទាប់នៅពេលខាងមុខ។ តួយ៉ាងនៅឆ្នាំនេះ ខ្ញុំត្រូវចេញផលិតផលថ្មីចូលទីផ្សារទំនើបអ៊ីអននៅគ្រប់សាខា និងនៅផ្សារទំនើបជីពម៉ុងទាំង៤សាខា ដែលបានធ្វើកុងត្រាជាមួយគ្នា”។ បើតាមអ្នកស្រី លីម ប៉ុននី ថាបច្ចុប្បន្ននេះផលិតផលកែច្នៃរបស់ខ្លួនទទួលបានការគាំទ្រកើនឡើងពីអតិថិជនក្នុងស្រុក ដោយសារពលរដ្ឋបានស្គាល់ច្បាស់អំពីផលិតផល និងមានការយល់ដឹងអំពីការប្រើប្រាស់ផលិតផលសម្រាប់គ្រួសារ។ អ្នកស្រីបញ្ជាក់ថា “បន្ទាប់ពី ងាកមកកែច្នៃផលិតផលមានស្តង់ដារ ដើម្បីឆ្លើយតបតម្រូវការរបស់ផ្សារទំនើបនេះ វាបានជួយឱ្យផែនការអាជីវកម្មរបស់យើងទទួលបានជោគជ័យ ដោយសារប្រជាពលរដ្ឋខ្មែរសព្វថ្ងៃ ពួកគាត់មានការគិតគូទៅលើសុខភាពជាសំខាន់។ គាត់មានការយល់ដឹងច្រើនមុននិងទិញផលិតផលយកពិសារនៅតាមគ្រួសារ  […]

ភ្នំពេញ៖ អនុវត្តន៍ការអំពាវនាវរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី និងការណែនាំរបស់ធនាគារជាតិនៃកម្ពុជា, ធ​នាគារអភិវឌ្ឍន៍ជនបទនិងកសិក្ម (ARDB)កាលពីថ្ងៃទី៣០ ខែកក្កដា ឆ្នាំ២០២៥នេះ បាន​​ប្រកាសលុបចោលបំណុលទាំងស្រុង ដល់គ្រួសារយោធិនពលីជីវិត និងយោធិនរងរបួសពិការ ក្នុងសមរភូមិការពារបូរណភាពទឹកដីកម្ពុជា។ យោងតាមសេចក្តីណែនាំរបស់ធនាគារជាតិនៃកម្ពុជា គឺក្នុងស្មារតីសាមគ្គីភាព មនុស្សធម៌ ព្រមទាំងរួមគ្នាដើម្បីជួយសម្រាលបន្ទុកដល់យោធិន ដែលធ្វើប្រតិបត្តិការដោយផ្ទាល់ក្នុងសមរភូមិប្រយុទ្ធ ដោយជម្លោះប្រដាប់អាវុធព្រំដែនកម្ពុជា-ថៃ ធនាគារអភិវឌ្ឍន៍ជនបទ និងកសិកម្ម ប្រកាសលុបចោលបំណុលទាំងស្រុង ជូនដល់គ្រួសារយោធិនពលីជីវិត និងអ្នករួមខ្ចី ព្រមទាំងយោធិនរងរបួសធ្លាក់ខ្លួនពិការ ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។ ធនាគារ ARDB សូមជម្រាបជូនដល់អតិថិជន និងសាច់ញាតិយោធិនពលីទាំងអស់ ដែលរងនូវផលប៉ះពាល់ ដូចបានប្រកាសខាងលើ សូមទំនាក់ទំនងមកកាន់ធនាគារ ARDB។ ដោយឡែកនៅលើផេកហ្វេសប៊ុករបស់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា សូមអរគុណធនាគារអភិវឌ្ឍន៍ជនបទ និងកសិកម្ម ដែលបានប្រកាសលុបបំណុលទាំងស្រុងជូនដល់យោធិនពលីជីវិត និងអ្នករួមខ្ចី ព្រមទាំងយោធិនរងរបួសធ្លាក់ខ្លួនពិការ ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។ ចំណែកសមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា នៅថ្ងៃទី៣០ ខែកក្កដា ឆ្នាំ២០២៥ ក៏បានចេញសេចក្តីប្រកាសព័ត៌មានរួម បង្ហាញអំពីចូលរួមគាំទ្រយ៉ាងពេញទំហឹងស្របតាមសារអំពាវនាវរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា […]