All Program

ញូវដេលី៖ ប្រធានាធិបតីអាម៉េរិក លោក ដូណាល់ ត្រាំ  (Donald Trump) បាននិយាយកាលពីថ្ងៃទី៣០ ខែកក្កដាថា សហរដ្ឋអាម៉េរិក នឹងដាក់ពន្ធ២៥ភាគរយ លើទំនិញឥណ្ឌា ចាប់ពីថ្ងៃទី១ ខែសីហា ឆ្នាំ២០២៥ ដោយលើកឡើងពីពន្ធខ្ពស់របស់ទីក្រុងញូវដែលី និងរបាំងពាណិជ្ជកម្មមិនមែនរូបិយវត្ថុដ៏តឹងរឹង។ ទីភ្នាក់ងារព័ត៌មានរ៉យទ័ររបស់អង់គ្លេស បានផ្សាយថា បញ្ហា​សំខាន់ៗ ​ដែល​ទំនង​ជា​បាន​បង្អាក់​កិច្ច​ចរចា​ពាណិជ្ជកម្ម​រវាង​សហរដ្ឋ​អាម៉េរិក ដែល​ជា​ប្រទេស​សេដ្ឋកិច្ច​ធំ​ជាង​គេ​របស់​ពិភពលោក និង​ប្រទេស​ឥណ្ឌាដែល​ធំ​ជាង​គេ​ទី​ប្រាំ​របស់​ខ្លួន។ ប្រទេសឥណ្ឌាបានទប់ទល់នឹងការទាមទាររបស់សហរដ្ឋអាម៉េរិកក្នុងការបើកទីផ្សារកសិកម្ម និងទឹកដោះគោរបស់ខ្លួន ដោយនិយាយថា វិធានការបែបនេះនឹងប៉ះពាល់ដល់កសិករក្រីក្ររាប់លាននាក់នៅក្នុងប្រទេសឥណ្ឌា។ ការកាត់បន្ថយពន្ធលើពោត សណ្តែកសៀង ស្រូវសាលី និងអេតាណុល មិនមានរាប់បញ្ចូលឡើយ ដោយមន្ត្រីឥណ្ឌាបានលើកឡើងពីហានិភ័យពីផលិតផលកសិកម្ម ដែលឧបត្ថម្ភធនរបស់សហរដ្ឋអាម៉េរិក។ ក្រុមហ៊ុនផលិតរថយន្តក្នុងស្រុក ក្រុមហ៊ុនឱសថ និងឧស្សាហកម្មខ្នាតតូច ក៏បានបញ្ចុះបញ្ចូលឱ្យមានការបើកជាបណ្តើរៗផងដែរ ដោយខ្លាចមានការរំខានពីការនាំចូលពីសហរដ្ឋអាម៉េរិក។ បើ​តាម​របាយការណ៍​របស់​សេតវិមាន​ បានឱ្យដឹងថា ប្រទេសឥណ្ឌាដាក់ពន្ធជាមធ្យម ៣៩ភាគរយ លើទំនិញកសិកម្មនាំចូល បើធៀបនឹងប្រាំភាគរយ នៅសហរដ្ឋអាម៉េរិក ជាមួយនឹងពន្ធមួយចំនួនខ្ពស់រហូតដល់៥០ភាគរយ។ រដ្ឋបាលរបស់លោក ដូណាល់ ត្រាំ បានដាក់ពន្ធម្តងហើយម្តងទៀត នូវពន្ធគយទាំងនេះថា ជាឧបសគ្គដ៏សំខាន់ចំពោះទំនាក់ទំនងពាណិជ្ជកម្មកាន់តែស៊ីជម្រៅជាមួយឥណ្ឌា។ ទីក្រុងវ៉ាស៊ីនតោនកំពុងជំរុញឱ្យមានលទ្ធភាពកាន់តែប្រសើរឡើងទៅកាន់ទីផ្សាររបស់ប្រទេសឥណ្ឌា សម្រាប់វិស័យកសិកម្ម […]

ហៃណាន៖ នាយកផ្នែកលក់ផលិតផលក្រុមហ៊ុនចិន ដែលគ្រប់គ្រងចម្ការទុរេនជាង៨៦៦ហិកតា នៅក្នុងខេត្ត ហៃណាន ប្រទេសចិន បាននិយាយថា ក្រុមហ៊ុននឹងយកចិត្តទុកដាក់លើការផ្សព្វផ្សាយ និងរៀបចំព្រឹត្តិការណ៍ភ្លក្សរស់ជាតិ ផ្លែទុរេនខេត្តហៃណាន ដែលត្រូវចាប់ពីចុងខែមិថុនា ដល់ដើមខែកក្កដា ឆ្នាំ២០២៥នេះ ទោះបីមិនទាន់ចាប់ផ្តើមលក់ជាលក្ខណៈពាណិជ្ជកម្មក៏ដោយ។ លោកបានពន្យល់ថា «ដូចឆ្នាំមុនដែរ យើងបន្តអនុវត្តយុទ្ធសាស្ត្រ​ លាក់ទុកសារធាតុចិញ្ចឹមផ្លែឈើនៅក្នុងដីក្នុងគោលបំណងកំណត់ទិន្នផលផ្លែ ដើម្បីរក្សាសារធាតុចិញ្ចឹមនៅក្នុងដីឱ្យនៅបានយូរអង្វែងសម្រាប់ដើមទុរេនលូតលាស់ល្អថែមទៀត។  បច្ចុប្បន្ន ដើមទុរេនលើផ្ទៃដីទំហំប្រហែល២៦៦ហិកតាកំពុងចេញផ្លែ ហើយយើងរំពឹងថា នឹងកើនឡើងដល់៤០០ ទៅ៤៦៦ហិកតា នៅឆ្នាំក្រោយ ជាមួយនឹងទិន្នផលប៉ាន់ស្មានពី ៨០ ០០០ដើម ទៅ១០០ ០០០ដើម ដែលអាចឱ្យយើងបង្កើនទិន្នផលយ៉ាងច្រើន»។ លោកបានបញ្ជាក់ថា ក្នុងចំណោមដើមទុរេនទាំងអស់នេះ ពូជបច្ចុប្បន្ននេះ រួមមាន ម៉ាន់ថង មូសាងឃីង កានយ៉ៅ និងពូជប្លែកថន។ លោកបានមានប្រសាសន៍ទៀតថា ក្រុមបានបណ្តុះបណ្តាលក្រុមដាំដុះទុរេននៅក្រៅប្រទេស ហើយបាននាំយកពួកគេមកគ្រប់គ្រងចម្ការរបស់ក្រុមហ៊ុន។ ចម្ការបានអនុវត្តតាមស្តង់ដារគ្រប់គ្រង និងប្រើប្រាស់ជីសរីរាង្គដែលមានអាជ្ញាប័ណ្ណអនុញ្ញាតត្រឹមត្រូវ។ ផ្លែធុរេននឹងមានពណ៌លឿងស្រស់ មានរសជាតិផ្អែមមុត ដែលកម្ររកបានក្នុងចំណោមផ្លែទុរេននាំចូល។ ចំណែកចម្ការវិញបានទទួលវិញ្ញាបនប័ត្រសម្គាល់ការអនុវត្តកសិកម្មល្អ  (Good Agricultural Practices) រួចហើយ ព្រមទាំងរំពឹងថា នឹងទទួលបានវិញ្ញាបនប័ត្របញ្ជាក់កសិកម្មសរីរាង្គផងដែរ នៅឆ្នាំ២០២៦។ទាក់ទងនឹងបញ្ហាប្រឈមផ្នែកអាកាសធាតុព្យុះទីហ្វុង […]

កូឡាឡាំពួរ៖ កាលពីពេលថ្មីៗកន្លងមកនេះ រដ្ឋមន្ត្រីក្រសួងកសិកម្មម៉ាឡេស៊ី បានអំពាវនាវដល់បណ្តាម្ចាស់សណ្ឋាគារ ក្នុងប្រទេសម៉ាឡេស៊ី គួរអនុញ្ញាតឱ្យភ្ញៀវអាចយកទុរេនចូលទៅហូបក្នុងបរិវេណកន្លែងស្នាក់នៅ ដើម្បីជួយលើកកម្ពស់កេរ្តីឈ្មោះផ្លែទុរេនរបស់ខ្លួន់។ លោក ម៉ូហាម៉ាដ សាប៊ូ (Mohamad Sabu) រដ្ឋមន្ត្រីក្រសួងកសិកម្មម៉ាឡេស៊ី ថ្លែងនៅក្នុងព្រឹត្តិការណ៍ប្រកួតពានរង្វាន់ពិភពទុរេនប្រចាំឆ្នាំ២០២៥ បានលើកឡើងថា វិធីនេះល្អលើសពីយុទ្ធសាស្ត្រផ្សព្វផ្សាយពាណិជ្ជកម្មទៅទៀត ព្រោះវាជាការប្រារព្ធកម្មវិធីវប្បធម៌មួយ ដែលប្រែក្លាយសណ្ឋាគារឱ្យទៅជាគោលដៅបង្ហាញពីអត្តសញ្ញាណរបស់ប្រទេសម៉ាឡេស៊ី។ សណ្ឋាគារក៏អាចជាកន្លែងសម្រាប់លក់ផលិតផលកែច្នៃពីផ្លែទុរេនបានដែរ ដើម្បីភ្ញៀវអាចទិញទទួលទានបាន ដូចជាការ៉េមរសជាតិទុរេនជាដើម។ លោករដ្ឋមន្ត្រីក៏បានសម្តែងក្តីសង្ឃឹមសម្រាប់កិច្ចសហការបន្ថែមទៀតរវាងម្ចាស់ចម្ការ សណ្ឋាគារ និងអ្នកនាំភ្ញៀវទេសចរណ៍ ដើម្បីជួយលើកកម្ពស់ទម្រង់របស់ប្រទេសម៉ាឡេស៊ី នៅលើឆាកអន្តរជាតិ តាមរយៈទេសចរណ៍ទុរេន។ ការ​អំពាវនាវ​របស់​លោក​រដ្ឋមន្ត្រី​ បាន​កើត​ឡើង​ខណៈ​ផ្លែ​ទុរេនម៉ាឡេស៊ី ​ជាពិសេសពូជ មូសាងឃីង កំពុង​ក្លាយ​ជា​កត្តា​សំខាន់សម្រាប់ជួយជំរុញកំណើន​សេដ្ឋកិច្ច​របស់ប្រទេសម៉ាឡេស៊ី ដោយសារផ្លែទុរេនរបស់ខ្លួនត្រូវបានគេទទួលស្គាល់ថា ពិតជាមានរសជាតិឆ្ងាញ់ដាច់គេនៅក្នុងតំបន់។ ការនាំចេញផ្លែទុរេនរបស់ម៉ាឡេស៊ី បានកើនឡើងជាង២៥ភាគរយ ពីទំហំទឹកប្រាក់ប្រមាណ៨២២,៨លានរីងគីត ឬស្មើនឹង១៩៤លានដុល្លារ ក្នុងឆ្នាំ២០១៨ បានកើនដល់១,៥១ពាន់លានរីងគីត ឬស្មើនឹង២៤៧លានដុល្លារ ក្នុងឆ្នាំ២០២៣។ កាលពីឆ្នាំ២០២៤ ប្រទេសម៉ាឡេស៊ី បានចុះកិច្ចព្រមព្រៀងមួយក្នុងការអនុញ្ញាតឱ្យនាំចេញផលិផលផ្លែទុរេនស្រស់ទៅកាន់ប្រទេសចិន ដែលកាលពីមុនអនុញ្ញាតចំពោះតែផ្លែទុរេនបង្កកប៉ុណ្ណោះ។ ផ្លែទុរេន​ មូសាងឃីង របស់ប្រទេសម៉ាឡេស៊ី ក៏​កំពុង​តែជួយ​ទាក់ទាញភ្ញៀវ​ទេសចរណ៍យ៉ាងខ្លាំង​ផង​ដែរ ដែលនៅក្នុងកម្មវិធីផ្សព្វផ្សាយទេសចរណ៍ម៉ាឡេស៊ី ឆ្នាំ២០២៤-២០២៥ បានរាប់បញ្ចូលការលើកទឹកចិត្តភ្ញៀវឱ្យទទួលទានផ្លែទុរេនដោយមិនគិតថ្លៃផងដែរ។ ចំណែកកាលពីពេលថ្មីៗកន្លងមកនេះ ក្រសួងទេសចរណ៍ […]

រាជធានីភ្នំពេញ៖ សិប្បកម្មកែច្នៃត្រីងៀត យីហោ ធឿន ស្រីនី នៅក្នុងរយៈពេល៣ឆ្នាំចុងក្រោយនេះ បានងាកមកផ្តោតលើការកែច្នៃផលិតផលកម្រិតស្តង់ដារជាចម្បងដើម្បីឆ្លើយតបទៅនិងទីផ្សារទំនើបធំៗនៅក្រុងភ្នំពេញ ដោយរំពឹងថាអាជីវកម្មនឹងមានភាពល្អប្រសើរចាប់ពីឆ្នាំ២០២៦តទៅ។ សិប្បកម្មកែច្នៃត្រីងៀត យីហោ ធឿន ស្រីនី ស្ថិតនៅភូមិថ្មី ឃុំសូទិព្វ ស្រុកជើងព្រៃ ខេត្តកំពង់ចាមដែលបានបង្កើតនៅឆ្នាំ២០០៤ ធ្លាប់តែផ្តោតទៅលើការបោះដុំ និងលក់រាយប្រភេទត្រីរស់នៅក្នុងតំបន់ បានកែចៃធ្វើជាត្រីងៀតលក់នៅក្នុងតំប់បែបលក្ខណៈធម្មតា មិនបានវេចខ្ចប់ឬមិនមានម៉ាកសញ្ញាច្បាស់លាស់នោះទេ។ អ្នកស្រី លីម ប៉ុននី ម្ចាស់សិកម្មកែច្នៃត្រីងៀតមាន យីហោ ធឿន ស្រីនីបានឱ្យដឹងថានៅក្នុងរយៈពេល៣ឆ្នាំចុងក្រោយនេះមុខរបរកែច្នៃត្រីងៀត គឺចាប់ផ្តើមពីចំណុចសូន្យរហូតមកដល់សព្វថ្ងៃនេះមានការផ្គត់ផ្គង់និងទីផ្សារឡើងវិញជាសន្សឹមៗ។ តួយ៉ាងនៅឆ្នាំទី១និងឆ្នាំទី២ការកែច្នៃត្រីងៀតមិនសូវជាមានសកម្មភាពអាជីវកម្មនោះទេ ទើបតែនៅក្នុងឆ្នាំទី៣នេះ ការកែច្នៃនិងការផ្គត់ផ្គង់ត្រីងៀតទៅលើទីផ្សារប្រមាណ៥០ភាគរយ ពោលនៅក្នុងមួយខែខាងសិប្បកម្មលក់ចេញត្រីងៀតបានចន្លោះពី២០០ទៅ៣០០គីឡូក្រាម និងផលិតផលគ្រឿងផ្អាប់ផ្សេងទៀតបានប្រមាណ៣តោនក្នុងរយៈពេល៣ខែ។ អ្នកស្រីបានឱ្យដឹងទៀតថា “ដំណើរការអាជីវកម្មទៅថ្ងៃខាងមុខ ខ្ញុំរំពឹងថានិងបានល្អ ព្រោះយើងមានផែនការកែច្នៃនិងទីផ្សារជាបន្តបន្ទាប់នៅពេលខាងមុខ។ តួយ៉ាងនៅឆ្នាំនេះ ខ្ញុំត្រូវចេញផលិតផលថ្មីចូលទីផ្សារទំនើបអ៊ីអននៅគ្រប់សាខា និងនៅផ្សារទំនើបជីពម៉ុងទាំង៤សាខា ដែលបានធ្វើកុងត្រាជាមួយគ្នា”។ បើតាមអ្នកស្រី លីម ប៉ុននី ថាបច្ចុប្បន្ននេះផលិតផលកែច្នៃរបស់ខ្លួនទទួលបានការគាំទ្រកើនឡើងពីអតិថិជនក្នុងស្រុក ដោយសារពលរដ្ឋបានស្គាល់ច្បាស់អំពីផលិតផល និងមានការយល់ដឹងអំពីការប្រើប្រាស់ផលិតផលសម្រាប់គ្រួសារ។ អ្នកស្រីបញ្ជាក់ថា “បន្ទាប់ពី ងាកមកកែច្នៃផលិតផលមានស្តង់ដារ ដើម្បីឆ្លើយតបតម្រូវការរបស់ផ្សារទំនើបនេះ វាបានជួយឱ្យផែនការអាជីវកម្មរបស់យើងទទួលបានជោគជ័យ ដោយសារប្រជាពលរដ្ឋខ្មែរសព្វថ្ងៃ ពួកគាត់មានការគិតគូទៅលើសុខភាពជាសំខាន់។ គាត់មានការយល់ដឹងច្រើនមុននិងទិញផលិតផលយកពិសារនៅតាមគ្រួសារ  […]

ភ្នំពេញ៖ អនុវត្តន៍ការអំពាវនាវរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី និងការណែនាំរបស់ធនាគារជាតិនៃកម្ពុជា, ធ​នាគារអភិវឌ្ឍន៍ជនបទនិងកសិក្ម (ARDB)កាលពីថ្ងៃទី៣០ ខែកក្កដា ឆ្នាំ២០២៥នេះ បាន​​ប្រកាសលុបចោលបំណុលទាំងស្រុង ដល់គ្រួសារយោធិនពលីជីវិត និងយោធិនរងរបួសពិការ ក្នុងសមរភូមិការពារបូរណភាពទឹកដីកម្ពុជា។ យោងតាមសេចក្តីណែនាំរបស់ធនាគារជាតិនៃកម្ពុជា គឺក្នុងស្មារតីសាមគ្គីភាព មនុស្សធម៌ ព្រមទាំងរួមគ្នាដើម្បីជួយសម្រាលបន្ទុកដល់យោធិន ដែលធ្វើប្រតិបត្តិការដោយផ្ទាល់ក្នុងសមរភូមិប្រយុទ្ធ ដោយជម្លោះប្រដាប់អាវុធព្រំដែនកម្ពុជា-ថៃ ធនាគារអភិវឌ្ឍន៍ជនបទ និងកសិកម្ម ប្រកាសលុបចោលបំណុលទាំងស្រុង ជូនដល់គ្រួសារយោធិនពលីជីវិត និងអ្នករួមខ្ចី ព្រមទាំងយោធិនរងរបួសធ្លាក់ខ្លួនពិការ ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។ ធនាគារ ARDB សូមជម្រាបជូនដល់អតិថិជន និងសាច់ញាតិយោធិនពលីទាំងអស់ ដែលរងនូវផលប៉ះពាល់ ដូចបានប្រកាសខាងលើ សូមទំនាក់ទំនងមកកាន់ធនាគារ ARDB។ ដោយឡែកនៅលើផេកហ្វេសប៊ុករបស់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា សូមអរគុណធនាគារអភិវឌ្ឍន៍ជនបទ និងកសិកម្ម ដែលបានប្រកាសលុបបំណុលទាំងស្រុងជូនដល់យោធិនពលីជីវិត និងអ្នករួមខ្ចី ព្រមទាំងយោធិនរងរបួសធ្លាក់ខ្លួនពិការ ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។ ចំណែកសមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា នៅថ្ងៃទី៣០ ខែកក្កដា ឆ្នាំ២០២៥ ក៏បានចេញសេចក្តីប្រកាសព័ត៌មានរួម បង្ហាញអំពីចូលរួមគាំទ្រយ៉ាងពេញទំហឹងស្របតាមសារអំពាវនាវរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា […]

ប៉េកាំង៖ សន្ទស្សន៍តម្លៃអ្នកប្រើប្រាស់ទំនិញរបស់ប្រទេសចិន ដែលជារង្វាស់អតិផរណាដ៏សំខាន់ បានកើនឡើងចំនួន០,១ភាគរយ ពីមួយឆ្នាំទៅមួយឆ្នាំ នៅក្នុងខែមិថុនា ឆ្នាំ២០២៥នេះ បើធៀបនឹងការធ្លាក់ចុះចំនួន០,១ភាគរយ កាលពីខែមុន ដោយសារវិធានការរបស់ប្រទេសចិន ដែលមានបំណងពង្រីកតម្រូវការក្នុងស្រុក និងការងើបឡើងវិញនៃតម្លៃអ្នកប្រើប្រាស់ទំនិញឧស្សាហកម្ម ដើម្បីគាំទ្រដល់ការកើនតម្លៃឡើងវិញ។ យោងតាមសារព័ត៌មាន គ្លូបល ថែមស៍ របស់ចិន បានចេញផ្សាយកាលដើមខែកក្កដា ឆ្នាំ២០២៥ ដោយដកស្រង់ទិន្នន័យរបស់ការិយាល័យស្ថិតិជាតិចិន បានឱ្យដឹងថា សន្ទស្សន៍តម្លៃអ្នកប្រើប្រាស់ទំនិញនៅក្នុងតំបន់ទីក្រុង បានកើនឡើងចំនួន០,១ភាគរយ កាលពីឆ្នាំ២០២៤ ខណៈពេលតម្លៃអ្នកប្រើប្រាស់ទំនិញ នៅតាមតំបន់ជនបទ បានធ្លាក់ចុះចំនួន០,២ភាគរយ។ ចំណែកអ្នកដឹកនាំការងារស្ថិតិវិញ បាននិយាយថា «ការកើនឡើង០,១ភាគរយពីមួយឆ្នាំទៅមួយឆ្នាំ នៅក្នុងតម្លៃអ្នកប្រើប្រាស់ទំនិញ នៅក្នុងខែមិថុនា ឆ្នាំ២០២៥នេះ ក៏បានមាននិន្នាការធ្លាក់ចុះរបស់សន្ទស្សន៍សម្រាប់រយៈពេលបួនខែជាប់គ្នា»។ លោកបានសន្មតថា តម្លៃកើនឡើងជាចម្បងចំពោះការស្ទុះងើបឡើងវិញនៃតម្លៃទំនិញឧស្សាហកម្មប្រើប្រាស់ ដែលឃើញការធ្លាក់ចុះតម្លៃរបស់ពួកគេបន្តរួមតូចក្នុងខែមិថុនា ដែលបណ្តាលឱ្យមានសម្ពាធធ្លាក់ចុះសម្រាប់។ ជាឧទាហរណ៍ ការងើបឡើងវិញនៃតម្លៃប្រេង កាលពីខែមិថុនា ឆ្នាំ២០២៥ បានកាត់បន្ថយសម្ពាធធ្លាក់ចុះនៃតម្លៃថាមពល។ចំណែកទិន្នន័យ បានបង្ហាញថា ការស្ទុះងើបឡើងវិញនៃតម្លៃប្រេងតែមួយមុខបានមើលឃើញផលប៉ះពាល់របស់វាទៅលើសន្ទស្សន៍តម្លៃអ្នកប្រើប្រាស់  ដោយកាត់បន្ថយបន្ថែមទៀត ចំនួន០,០៨ភាគរយនៅក្នុងខែមិថុនា។ លោកបាននិយាយថា ឥទ្ធិពលនៃគោលនយោបាយរបស់រដ្ឋាភិបាលក្នុងការជំរុញការប្រើប្រាស់បានបន្តបង្ហាញ​ ដោយលើកឡើងពីការកើនឡើងតម្លៃអ្នកប្រើប្រាស់ផ្នែកវិស័យវប្បធម៌ និងការកម្សាន្តយូរអង្វែង និងឧបករណ៍ប្រើប្រាស់ក្នុងផ្ទះ ដែលឃើញតម្លៃ កើនឡើងចំនួនពីរភាគរយ និងមួយភាគរយពីមួយឆ្នាំទៅមួយឆ្នាំ […]

ភ្នំពេញ៖ សហរដ្ឋអាម៉េរិក សម្តែងការអបអរសាទរយ៉ាងខ្លាំងចំពោះកិច្ចព្រមព្រៀងរបស់ប្រទេសអូស្ត្រាលីក្នុងការបើកទីផ្សារសាច់គោ នាំចូលពីសហរដ្ឋអាម៉េរិក និងបានបង្ហាញពីការកាត់បន្ថយពន្ធខ្លះដល់រដ្ឋាភិបាលប្រទេសអូស្រា្តលី។ ប្រទេសអូស្ត្រាលី បាននិយាយថា សហរដ្ឋអាម៉េរិក មានប្រព័ន្ធត្រួតពិនិត្យប្រសើរជាងមុនក្នុងការតាមដាន និងគ្រប់គ្រងសុខភាពសត្វពាហនៈ ដូច្នេះពួកគេនឹងទទួលទិញសាច់គោ ដែលធ្លាប់មានប្រភពចេញពីប្រទេសកាណាដា ឬម៉ិកស៊ិក ផងដែរ។ ទីភ្នាក់ងារសារព័ត៌មានបរទេស បានរាយការណ៍ពីទីក្រុងវ៉ាស៊ីនតោន សហរដ្ឋអាម៉េរិក នាចុងសប្តាហ៍កន្លងមកបានឱ្យដឹងថា ប្រធានាធិបតីអាម៉េរិក លោក​​ ដូណាល់ ត្រាំ (Donald Trump) បានបង្ហាញការអបអរសាទរប្រទេសអូស្ត្រាលីចំពោះការបើកទីផ្សារសាច់គោរបស់ខ្លួន និងបញ្ជាក់ថា អ្នកផលិតសាច់គោអាម៉េរិកនឹងនាំចេញផលិតផលទៅកាន់ប្រទេសអូស្ត្រាលី ក្នុងបរិមាណច្រើន និងជាបន្តបន្ទាប់គ្នា។ តំណាងពាណិជ្ជកម្មអាម៉េរិក លោក ជេមីសាន់ គ្រៀំ  (Jamison Greer) បាននិយាយថា ការសម្រេចចិត្តរបស់អូស្ត្រាលី គឺជាជំហានដ៏សំខាន់មួយឆ្ពោះទៅរកការកាត់បន្ថយពន្ធ ដែលកាលពីមុនប្រទេសអូស្ត្រាលីប្រឈមនឹងការជាប់ពន្ធ១០ភាគរយ។ បន្ទាប់ពីរដ្ឋាភិបាលអូស្ត្រាលី បានបន្ធូរបន្ថយច្បាប់នាំចូល ដែលមានចាប់តាំងពីឆ្នាំ២០០៣ ដោយកាលនោះអូស្ត្រាលីបានដាក់កម្រិតលើផលិតផលសាច់គោអាម៉េរិក ដោយសារតែការភ័យខ្លាចអំពីជំងឺឆ្លងពីក្នុងសត្វគោ។ វាជំងឺកាចសាហាវមួយ ដែលក្រៅពីឆ្លងរវាងគោក្របី វាក៏អាចឆ្លងរវាងគោក្របី និងមនុស្សផងដែរ។ ទោះបីជាប្រទេសអូស្ត្រាលី បានបន្ធូរបន្ថយការរឹតបន្តឹងជាច្រើន កាលពីក្នុងឆ្នាំ២០១៩ ក៏ដោយ ក៏វិធានការមួយចំនួននៅតែមានសម្រាប់គោក្របី ដែលមានប្រភពមកពីកន្លែងផ្សេង ប៉ុន្តែត្រូវបានដំណើរការនៅក្នុងកន្លែងសត្តឃាតរបស់អាម៉េរិក។ […]

អន្តរជាតិ៖ ផ្លែ​ប៉ោម​​មាន​ប្រភព​មក​ពីប្រទេស​កូរ៉េ​ខាង​ជើង​ ឥឡូវ​នេះ​ចាប់ផ្តើមមានលក់​នៅ​ក្នុង​ផ្សារ​ទំនើបរបស់​រុស្ស៊ី ស្របទៅនឹងកិច្ចខិតខំប្រឹងប្រែង ដើម្បីបង្កើនការចាប់អារម្មណ៍ចំពោះផលិតផលរបស់កូរ៉េខាងជើង​ នៅក្នុងសេដ្ឋកិច្ចរុស្ស៊ី។ យោងតាមគេហទំព័រលក់បន្លែ ផ្លែឈើ បានឱ្យដឹងថា ការកើនឡើងនៃវត្តមានទំនិញកសិផលរបស់កូរ៉េខាងជើងនៅក្នុងប្រទេសរុស្ស៊ី ស្របពេលមានកិច្ចព្រមព្រៀងជាយុទ្ធសាស្ត្រ ដែលត្រូវបានបង្កើតឡើងកាលពី២០២៣ រវាងប្រធានាធិបតីរុស្ស៊ី លោក វ្ល៉ាឌីមៀ ពូទីន និងមេដឹកនាំកូរ៉េខាងជើង លោក គីម ជុងអ៊ុន។ ការចរាចរណ៍ទំនិញនាំចេញពីប្រទេសកូរ៉េខាងជើង នាពេលថ្មីៗនេះ ឃើញមាននាវានេសាទកូរ៉េខាងជើងនៅជិតដែនទឹកចុងបូព៌ារបស់រុស្ស៊ី និងការចុះបញ្ជីស្លាកសញ្ញាពាណិជ្ជសម្រាប់ផលិតផលផ្សេងៗទៀតរបស់ប្រទេសកូរ៉េខាង។ កាលពីខែកក្កដា ឆ្នាំ២០២៤ ប្រទេសរុស្ស៊ីបានចុះកិច្ចព្រមព្រៀងទិញផ្លែប៉ោមរបស់កូរ៉េខាងជើង ដើម្បីបំពេញតម្រូវការរបស់ខ្លួនសម្រាប់ឆ្នាំ២០២៥នេះ តាមរយៈការពង្រឹងទំនាក់ទំនងផ្នែកពាណិជ្ជកម្មរវាងទីក្រុងម៉ូស្គូ និងទីក្រុងព្យុងយ៉ាង។ កិច្ចព្រមព្រៀងនេះបានកើតឡើងក្រោយពេលមានការការព្យាករណ៍ថា ផលិតកម្មផ្លែប៉ោមរបស់រុស្ស៊ី សម្រាប់ឆ្នាំ២០២៥ អាចធ្លាក់មកនៅត្រឹម១,៥លានតោន ដោយថយចុះពីមុនបរិមាណ១,៨លានតោន ដែលបណ្តាលមកពីលក្ខខណ្ឌអាកាសធាតុមិនល្អ។  តាមរយៈការនាំចូលផ្លែប៉ោមរបស់កូរ៉េខាងជើងនេះ រដ្ឋាភិបាល​រុស្ស៊ី​ ក៏ចង់ឱ្យមានការ​ផ្គត់ផ្គង់​ផ្លែ​ប៉ោម​បន្ថែមទៀត ​តាម​រយៈ​សម្ព័ន្ធភាព​ជាមួយ​ប្រទេស​ជា​មិត្ត។ ប្រទេសរុស្ស៊ី និងប្រទេសកូរ៉េខាងជើង កំពុងតែកសាងហេដ្ឋារចនាសម្ព័ន្ធផ្លូវថ្នល់ ដើម្បីបង្កើនទំនាក់ទំនងពាណិជ្ជកម្មរវាងប្រទេសទាំងពីរ។   ក្នុងនោះ ការអភិវឌ្ឍគួរឱ្យកត់សម្គាល់ជាងគេ គឺការសាងសង់ស្ពានល្បឿនលឿនក្នុងគម្រោងទឹកប្រាក់ជាង១០០លានដុល្លារ​ តភ្ជាប់ប្រទេសទាំងពីរ​ ដោយឆ្លងកាត់ទន្លេដ៏ធំមួយ ជាពិសេសការស្តារឡើងវិញនូវការតភ្ជាប់ផ្លូវដែករវាងទីក្រុងម៉ូស្កូ និងទីក្រុងព្យុងយ៉ាង ដែលមានចម្ងាយសរុបជា១០ ០០០គីឡូម៉ែត្រ។ លើសពីនេះ ក៏មានកម្មវិធីផ្លាស់ប្តូរផ្នែកមនុស្សធម៌ […]

ភ្នំពេញ៖ អនុវត្តន៍តាមសេចក្តីអំពាវនាវរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងសេចក្តីណែនាំរបស់ធនាគារជាតិនៃកម្ពុជា និងក្នុងស្មារតីសាមគ្គីភាព មនុស្សធម៌ ព្រមទាំងរួមគ្នាដើម្បីជួយសម្រាលបន្ទុកដល់គ្រួសារយោធិន ដែលធ្វើប្រតិបត្តិការដោយផ្ទាល់ក្នុងសមរភូមិប្រយុទ្ធ ដោយជម្លោះប្រដាប់អាវុធព្រំដែនកម្ពុជា-ថៃ ធនាគារអភិវឌ្ឍន៍ជនបទ និងកសិកម្ម (ARDB) ប្រកាសលុបចោលបំណុលទាំងស្រុង ជូនដល់គ្រួសារយោធិនពលីជីវិត និងអ្នករួមខ្ចី ព្រមទាំងយោធិនរងរបួសធ្លាក់ខ្លួនពិការ ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។ ធនាគាររដ្ឋ ARDB សូមជម្រាបជូនដល់អតិថិជន និងសាច់ញាតិយោធិនពលីទាំងអស់ ដែលរងនូវផលប៉ះពាល់ ដូចបានប្រកាសខាងលើ សូមទំនាក់ទំនងមកកាន់ធនាគារតាមរយៈលេខទូរស័ព្ទ៖ 077 759 159/012 881 969៕

រាជធានីភ្នំពេញ៖ ប្រធានកម្មវិធីខ្សែច្រវាក់តម្លៃកសិកម្ម និងប្រព័ន្ធស្បៀងនៃសហភាពអឺរ៉ុប(EU)ប្រចាំនៅកម្ពុជាថ្មីៗនេះបានបង្ហាញពីការយកចិត្តទុកដាក់ជាខ្លាំងរបស់ខ្លួនទៅលើដំណាំម្រេច និងដំណាំស្វាយចន្ទី ដើម្បីជំរុញការកែច្នៃ ការផលិតកម្ពុជាសម្រាប់ធ្វើការនាំចេញទៅទីផ្សារអឺរ៉ុប ក៏ដូចជាទីផ្សារប្រទេសផ្សេងទៀតនៅលើពិភពលោក។ នៅក្នុងកម្មវិធី យុវកសិករ និងកសិ-ឡាពិកកម្ពុជាលើកទី១ដែលរៀបចំនៅវិទ្យាស្ថានជាតិកសិកម្ម ព្រែកលៀបកន្លងទៅថ្មីៗនេះ , អ្នកស្រី ប៊ី សុគន្ធា ប្រធានកម្មវិធី ខ្សែច្រវាក់តម្លៃកសិកម្មនិងប្រព័ន្ធស្បៀងនៃសហភាពអឺរ៉ុបប្រចាំកម្ពុជា(EU)បានលើកឡើងថានៅក្នុងតំបន់យើងបាននិយាយកន្លងមកស្រូវជាដំណាំសំខាន់ទីមួយរបស់កសិករកម្ពុជា ។ ប៉ុន្តែស្ថិតក្នុងដំណាក់ការសេដ្ឋកិច្ចកម្ពុជាមានការអភិវឌ្ឍ យើងមិនគួរផ្តោតតែទៅលើដំណាំតែមួយមុខនោះទេ។ យើងគួរតែធ្វើការដាំដុះចម្រុះ។  យើងឃើញមានដំណាំពីរប្រភេទសំខាន់ៗដែលជួយដល់សេដ្ឋកិច្ចជាតិ ក៏ដូចជាជួយដល់សេដ្ឋកិច្ចររបស់ប្រជាកសិករនៅក្នុងប្រទេសកម្ពុជា មានដំណាំម្រេចនិងស្វាយចន្ទី  ទោះបីមិនត្រូវការហូបចុកជាប្រចាំ ប៉ុន្តែវាជួយដល់សេដ្ឋកិច្ចកសិកនៅក្នុងប្រទេសកម្ពុជា។ អ្នកស្រី ប៊ី សុគន្ធា បានគូសបញ្ជាក់ថា “សម្រាប់ដំណាំទាំងពីរប្រភេទនេះ ខាងសហភាពអឺរ៉ុបបានផ្តោតការយកចិត្តទុកដាក់ និងជួយជំរុញក្នុងការផលិតនិងការកែច្នៃដើម្បីធ្វើការនាំចេញទៅទីផ្សារអឺរ៉ុបនិងទីផ្សារសកលលោក”។ បើតាមអ្នកស្រី ប៊ី សុគន្ធា ការលើកឡើងអំពីដំណាំម្រេច និងស្វាយចន្ទី គឺចង់បង្ហាញទៅដល់យុវកសិករជំនាន់ក្រោយបានដឹងអំពីសក្តានុពលនៃដំណាំកសិកម្មនៅក្នុងប្រទេសកម្ពុជា ។ តួយ៉ាងម្រេចជាដំណាំមួយដែលតំណាងឱ្យផលិតផលដែលល្បីត្រូវបានគេទទួលស្គាល់នៅទូទាំងពិភពលោក រួមទាំងទីផ្សារនៅអឺរ៉ុប។ ស្វាយចន្ទីជាដំណាំសេដ្ឋកិច្ចដែលផ្តល់ចំណូលដល់កម្ពុជារហូតដល់១ពាន់លានដុល្លារ ហើយគេរំពឹងទុកថា កម្ពុជាអាចរកប្រាក់ចំណូលកើនឡើងដល់២ពាន់លានដុល្លារនៅឆ្នាំ២០៣៥។ អ្នកស្រីបន្តថា សហភាពអឺរ៉ុបនៅក្នុងរយៈពេល២០ឆ្នាំកន្លងមកនេះ បានធ្វើការយ៉ាងជិតស្និទ្ធជាមួយនិងក្រសួងកសិកម្ម រុក្ខាប្រមាញ់និងនេសាទ ក្រសួងពាណិជ្ជកម្ម ក្រសួងអភិវឌ្ឍន៍ជនបទ និងក្រសួងឧស្សាហកម្ម បច្ចេកវិទ្យា វិទ្យាសាស្ត្រនិងនវានុវតន៍ មើលទៅលើលក្ខណៈគោលនយោបាយ […]

ម៉ានីល៖ អ្នកនេសាទត្រីក្នុងបឹង តាល់ (Taal) ដែលជាបឹងទឹកសាបដ៏ធំមួយរបស់ប្រទេសហ្វីលីពីន កំពុងតែត្អូញត្អែរពីផលប៉ះពាល់នៃប្រាក់ចំណូលប្រចាំថ្ងៃ ដោយសារត្រីនេសាទបានពីបឹងនេះ​ បានធ្លាក់ថ្លៃយ៉ាងខ្លាំង បន្ទាប់ពីក្រុមនគរបាលស៊ើបអង្កេត បានរកឃើញឆ្អឹងមនុស្សច្រកក្នុងបាវទម្លាក់ចូលក្នុងទឹកបឹង។ នៅក្នុងសេចក្តីថ្លែងការណ៍មួយ បានលើកឡើងថា កាលពីថ្ងៃទី១៣ ខែកក្កដា ឆ្នាំ២០២៥ ក្រុមអ្នកនេសាទត្រីបានអះអាងថា តម្លៃត្រីរបស់ខ្លួន ដែលនេសាទបានពីបឹងធម្មជាតិនេះ បានធ្លាក់ថ្លៃជាងពាក់កណ្តាល មកនៅត្រឹម១០០ប៉េសូហ្វីលីពីន ឬស្មើប្រមាណ១,៨ដុល្លារប៉ុណ្ណោះក្នុងមួយគីឡូក្រាម គឺធ្លាក់ចុះពីតម្លៃធម្មតាលក់បាន២៥០ប៉េសូហ្វីលីពីន ឬ ប្រមាណ៤,៥៥ដុលា្លរក្នុងមួយគីឡូក្រាម។ យោងតាមក្រុមនេសាទដដែលនេះ បានឱ្យដឹងទៀតថា ការធ្លាក់ចុះតម្លៃត្រី គឺបង្កឡើងដោយសារការរកឃើញសាកសពមនុស្សជាបន្តបន្ទាប់ ដែលត្រូវបានក្រុមនគរបាលស៊ើបអង្កេតរកឃើញក្នុងបាវនៅបាតបឹងដ៏សម្បូរត្រីនេះ។ នាពេលកន្លងមកក្រុមអ្នកនេសាទរស់នៅតាមទីប្រជុំជនជុំវិញបឹង តាល់  បានសម្តែងក្តីព្រួយបារម្ភយ៉ាងខ្លាំងពីផលប៉ះពាល់ធ្ងន់ធ្ងរមកលើសេដ្ឋកិច្ចគ្រួសាររបស់ខ្លួន បន្ទាប់ពីមានការចេញ​ផ្សាយ​ព័ត៌មាន​លើកឡើងអំពីការ​ប្រហារ​ជីវិតក្រុមអ្នកលេងល្បែងបញ្ជល់មាន់ប្រមាណ១០០នាក់ រួចក្រុមឧក្រិដ្ឋជនបាន​បោះសាកសពចោល​ក្នុង​បឹង ហើយដំណឹងនេះធ្វើឱ្យមហា។ ចាប់តាំងពីថ្ងៃទី១១ ខែកក្កដារហូតមក ក្រុមឆ្មាំឆ្នេរសមុទ្រហ្វីលីពីន បានមុជទឹកស្វែងរកនៅបាតបឹង ហើយបានប្រទះឃើញបាវសរុបចំនួនប្រាំបាវ ដែលសុទ្ធតែមានច្រកឆ្អឹងមនុស្សនៅស្រស់ៗនៅឡើយ។ ពាក់ព័ន្ធនឹងបញ្ហាត្រីធ្លាក់ថ្លៃនេះ យោងតាមការិយាល័យជលផល និងធនធានវារីវប្បកម្មរបស់ហ្វីលីពីន បានបញ្ជាក់ថា ប្រភេទត្រីចង្វាម្យ៉ាងនេសាទបានពីបឹងនេះ គឺជាត្រីវដ៏ពេញនិយម និងធ្លាប់តែមានតម្លៃខ្ពស់លើទីផ្សារ នៅតែមានសុវត្ថិភាពដល់អ្នកបរិភោគដដែល ដោយសារត្រីចង្វារស់នៅក្នុងទឹករាក់ និងស៊ីចំណីនៅលើផ្លេកតុន។ បឹង តាល់ គឺជាបឹងទឹកសាប កើតឡើងដោយបន្ទុះភ្នំភ្លើង […]

កណ្តាល៖ ផ្សារចុងសប្តាហ៍ខេត្តកណ្តាល ស្ថិតនៅសង្កាត់តាខ្មៅ ក្រុងតាខ្មៅ ដែលបានដាក់ឱ្យដំណើរក្នុងឆ្នាំ២០០០ រហូតមកទល់សព្វថ្ងៃនេះបាននិងកំពុងចូលរួមយ៉ាងសកម្មក្នុងការជំរុញឱ្យកសិករបង្កើនការដាំដុះ និងចូលរួមផ្តល់ទំនុកចិត្តខ្ពស់ទៅដល់ប្រជាពលរដ្ឋក្នុងតំបន់ ដែលជាអ្នកទទួលទានបន្លែ ផ្លែឈើ និងផលិតផលកសិកម្មផ្សេង ដែលបានដាក់លក់រៀងរាល់ថ្ងៃសៅរ៍ និងថ្ងៃអាទិត្យ។ អ្នកស្រី យ៉ែម ណារី អាជីវករលក់ដូរនៅផ្សារចុងសប្តាហ៍ ខេត្តកណ្តាល បានឱ្យដឹងថា បច្ចុប្បន្ននេះនៅរៀងរាល់ចុងសប្តាហ៍ មានថ្ងៃសៅរ៍ និងថ្ងៃអាទិត្យ អ្នកស្រីតែងតែប្រមូលបន្លែ និងផ្លែឈើ ដែលទិញពីកសិកក្នុងតំបន់ និងក្រៅតំបន់ យកមកដាក់លក់នៅទីនេះមានច្រើនប្រភេទ ហើយការលក់មានកំណើនកើនឡើងជាប្រចាំ បើប្រៀបធៀបទៅនិងពេលមុនៗ។ ជាពិសេសនៅពេលមានការបិទច្រកព្រំដែនរវាងកម្ពុជា-ថៃ បានធ្វើឱ្យមានអ្នកទិញកើនឡើងបន្ថែមប្រមាណ៣០ភាគរយ។ តាមអាជីវករខាងលើ ស្របពេលប្រជាពលរដ្ឋក្នុងស្រុកងាកមកគាំទ្រ និងប្រើប្រាស់បន្លែ ផ្លែឈើ ដែលអាជីវករដាក់លក់នៅចុងសប្តាហ៍ តែងតែមានមន្ត្រីជំនាញចុះមកត្រួតពិនិត្យគុណភាពផលិតផលជាប់ប្រចាំ ហើយអាជីវករលក់ដូរនៅទីនេះ តែងតែទទួលបានការណែនាំពីប្រធានមន្ទីរពាណិជ្ជកម្មខេត្ត ឱ្យប្រកាន់ភ្ជាប់នូវក្រមសីលធម៌ល្អ។ តួយ៉ាងនៅចុងសប្តាហ៍ទី៣ នៃខែកក្កដាកន្លងទៅនេះ អ្នកស្រីលក់បន្លែ និងផ្លែឈើប្រមាណ១០០គីឡូក្រាម។ អ្នកស្រីបានបន្តឱ្យដឹងទៀតថា ផ្សារចុងសប្តាហ៍ខេត្តកណ្តាលនេះ នាពេលសព្វថ្ងៃនេះ បាននិងកំពុងចូលរួមផ្តល់អត្ថប្រយោជន៍ទៅដល់អ្នកពាក់ព័ន្ធ ដែលសម្រាប់កសិករអាចចាប់យកការដាំដុះធ្វើជាមុខរបរចិញ្ចឹមជីវិត ចំណែកអាជីវករមានភាពងាយស្រួលក្នុងការស្វែងរកសិផលយកមកផ្គត់ផ្គង់លើទីផ្សារ និងសម្រាប់អ្នកប្រើប្រាស់ អាចរកទិញបានផលិតផលមានគុណភាព និងមានតម្លៃសមរម្យ។ ចំណែក លោក ប៉ុន […]