ប៉េកាំង៖ សន្ទស្សន៍តម្លៃអ្នកប្រើប្រាស់ទំនិញរបស់ប្រទេសចិន ដែលជារង្វាស់អតិផរណាដ៏សំខាន់ បានកើនឡើងចំនួន០,១ភាគរយ ពីមួយឆ្នាំទៅមួយឆ្នាំ នៅក្នុងខែមិថុនា ឆ្នាំ២០២៥នេះ បើធៀបនឹងការធ្លាក់ចុះចំនួន០,១ភាគរយ កាលពីខែមុន ដោយសារវិធានការរបស់ប្រទេសចិន ដែលមានបំណងពង្រីកតម្រូវការក្នុងស្រុក និងការងើបឡើងវិញនៃតម្លៃអ្នកប្រើប្រាស់ទំនិញឧស្សាហកម្ម ដើម្បីគាំទ្រដល់ការកើនតម្លៃឡើងវិញ។
យោងតាមសារព័ត៌មាន គ្លូបល ថែមស៍ របស់ចិន បានចេញផ្សាយកាលដើមខែកក្កដា ឆ្នាំ២០២៥ ដោយដកស្រង់ទិន្នន័យរបស់ការិយាល័យស្ថិតិជាតិចិន បានឱ្យដឹងថា សន្ទស្សន៍តម្លៃអ្នកប្រើប្រាស់ទំនិញនៅក្នុងតំបន់ទីក្រុង បានកើនឡើងចំនួន០,១ភាគរយ កាលពីឆ្នាំ២០២៤ ខណៈពេលតម្លៃអ្នកប្រើប្រាស់ទំនិញ នៅតាមតំបន់ជនបទ បានធ្លាក់ចុះចំនួន០,២ភាគរយ។
ចំណែកអ្នកដឹកនាំការងារស្ថិតិវិញ បាននិយាយថា «ការកើនឡើង០,១ភាគរយពីមួយឆ្នាំទៅមួយឆ្នាំ នៅក្នុងតម្លៃអ្នកប្រើប្រាស់ទំនិញ នៅក្នុងខែមិថុនា ឆ្នាំ២០២៥នេះ ក៏បានមាននិន្នាការធ្លាក់ចុះរបស់សន្ទស្សន៍សម្រាប់រយៈពេលបួនខែជាប់គ្នា»។
លោកបានសន្មតថា តម្លៃកើនឡើងជាចម្បងចំពោះការស្ទុះងើបឡើងវិញនៃតម្លៃទំនិញឧស្សាហកម្មប្រើប្រាស់ ដែលឃើញការធ្លាក់ចុះតម្លៃរបស់ពួកគេបន្តរួមតូចក្នុងខែមិថុនា ដែលបណ្តាលឱ្យមានសម្ពាធធ្លាក់ចុះសម្រាប់។
ជាឧទាហរណ៍ ការងើបឡើងវិញនៃតម្លៃប្រេង កាលពីខែមិថុនា ឆ្នាំ២០២៥ បានកាត់បន្ថយសម្ពាធធ្លាក់ចុះនៃតម្លៃថាមពល។ចំណែកទិន្នន័យ បានបង្ហាញថា ការស្ទុះងើបឡើងវិញនៃតម្លៃប្រេងតែមួយមុខបានមើលឃើញផលប៉ះពាល់របស់វាទៅលើសន្ទស្សន៍តម្លៃអ្នកប្រើប្រាស់ ដោយកាត់បន្ថយបន្ថែមទៀត ចំនួន០,០៨ភាគរយនៅក្នុងខែមិថុនា។
លោកបាននិយាយថា ឥទ្ធិពលនៃគោលនយោបាយរបស់រដ្ឋាភិបាលក្នុងការជំរុញការប្រើប្រាស់បានបន្តបង្ហាញ ដោយលើកឡើងពីការកើនឡើងតម្លៃអ្នកប្រើប្រាស់ផ្នែកវិស័យវប្បធម៌ និងការកម្សាន្តយូរអង្វែង និងឧបករណ៍ប្រើប្រាស់ក្នុងផ្ទះ ដែលឃើញតម្លៃ កើនឡើងចំនួនពីរភាគរយ និងមួយភាគរយពីមួយឆ្នាំទៅមួយឆ្នាំ និងរៀងរាល់ក្នុងខែមិថុនា។
សន្ទស្សន៍តម្លៃអ្នកប្រើប្រាស់រួម ដែលមិនរាប់បញ្ចូលតម្លៃម្ហូបអាហារ និងថាមពលបានកើនឡើងចំនួន០,៧ភាគរយពីមួយឆ្នាំទៅមួយឆ្នាំ ដោយក្នុងខែមិថុនា កើនឡើងចំនួន០,១ភាគរយ បើធៀបនឹងការកើនឡើង កាលពីក្នុងខែឧសភា ឆ្នាំ២០២៥នេះ។
អ្នកធ្វើស្ថិតិដដែលនេះ បាននិយាយថា ទិន្នន័យតម្លៃអ្នកប្រើប្រាស់រួម ក៏បានកើនដល់កម្រិតខ្ពស់បំផុតនៅក្នុងរយៈពេល១៤ខែកន្លងមកនេះដែរ។
ការវិភាគទិន្នន័យ តម្លៃអ្នកប្រើប្រាស់ បានបង្ហាញថា តម្លៃម្ហូបអាហារនៅក្នុងប្រទេសចិន បានធ្លាក់ចុះចំនួន០,៣ភាគរយ កាលពីឆ្នាំ២០២៤ តម្លៃមិនមែនម្ហូបអាហារ បានកើនឡើងចំនួន០,១ភាគរយ តម្លៃទំនិញប្រើប្រាស់បែរជាបានធ្លាក់ចុះចំនួន០,២ភាគរយ ខណៈតម្លៃសេវាកម្ម បានកើនឡើងចំនួន០,៥ភាគរយ។
ចំណែកនៅក្នុងឆមាសទីមួយនៃឆ្នាំ២០២៥ សន្ទស្សន៍តម្លៃអ្នកប្រើប្រាស់របស់ប្រទេសបានធ្លាក់ចុះចំនួន០,១ភាគរយ បើធៀបនឹងរយៈពេលដូចគ្នា កាលពីឆ្នាំ២០២៤។ ប៉ុន្តែ យោងតាមទិន្នន័យប្រចាំខែ បានឱ្យដឹងថា តម្លៃអ្នកប្រើប្រាស់ បានធ្លាក់ចុះចំនួន០,១ភាគរយ នៅក្នុងខែមិថុនា ដែលជាការធ្លាក់ចុះបន្ថែមទៀតបើធៀបនឹងខែឧសភា ឆ្នាំ២០២៥នេះ៕
