ផ្សារចុងសប្តាហ៍ខេត្តកណ្តាលកំពុងជំរុញឱ្យកសិករបង្កើនការដាំដុះនិងផ្តល់ទំនុកចិត្តខ្ពស់ដល់អ្នកប្រើប្រាស់

IMG_1684

កណ្តាល៖ ផ្សារចុងសប្តាហ៍ខេត្តកណ្តាល ស្ថិតនៅសង្កាត់តាខ្មៅ ក្រុងតាខ្មៅ ដែលបានដាក់ឱ្យដំណើរក្នុងឆ្នាំ២០០០ រហូតមកទល់សព្វថ្ងៃនេះបាននិងកំពុងចូលរួមយ៉ាងសកម្មក្នុងការជំរុញឱ្យកសិករបង្កើនការដាំដុះ និងចូលរួមផ្តល់ទំនុកចិត្តខ្ពស់ទៅដល់ប្រជាពលរដ្ឋក្នុងតំបន់ ដែលជាអ្នកទទួលទានបន្លែ ផ្លែឈើ និងផលិតផលកសិកម្មផ្សេង ដែលបានដាក់លក់រៀងរាល់ថ្ងៃសៅរ៍ និងថ្ងៃអាទិត្យ។

អ្នកស្រី យ៉ែម ណារី អាជីវករលក់ដូរនៅផ្សារចុងសប្តាហ៍ ខេត្តកណ្តាល បានឱ្យដឹងថា បច្ចុប្បន្ននេះនៅរៀងរាល់ចុងសប្តាហ៍ មានថ្ងៃសៅរ៍ និងថ្ងៃអាទិត្យ អ្នកស្រីតែងតែប្រមូលបន្លែ និងផ្លែឈើ ដែលទិញពីកសិកក្នុងតំបន់ និងក្រៅតំបន់ យកមកដាក់លក់នៅទីនេះមានច្រើនប្រភេទ ហើយការលក់មានកំណើនកើនឡើងជាប្រចាំ បើប្រៀបធៀបទៅនិងពេលមុនៗ។ ជាពិសេសនៅពេលមានការបិទច្រកព្រំដែនរវាងកម្ពុជា-ថៃ បានធ្វើឱ្យមានអ្នកទិញកើនឡើងបន្ថែមប្រមាណ៣០ភាគរយ។

តាមអាជីវករខាងលើ ស្របពេលប្រជាពលរដ្ឋក្នុងស្រុកងាកមកគាំទ្រ និងប្រើប្រាស់បន្លែ ផ្លែឈើ ដែលអាជីវករដាក់លក់នៅចុងសប្តាហ៍ តែងតែមានមន្ត្រីជំនាញចុះមកត្រួតពិនិត្យគុណភាពផលិតផលជាប់ប្រចាំ ហើយអាជីវករលក់ដូរនៅទីនេះ តែងតែទទួលបានការណែនាំពីប្រធានមន្ទីរពាណិជ្ជកម្មខេត្ត ឱ្យប្រកាន់ភ្ជាប់នូវក្រមសីលធម៌ល្អ។ តួយ៉ាងនៅចុងសប្តាហ៍ទី៣ នៃខែកក្កដាកន្លងទៅនេះ អ្នកស្រីលក់បន្លែ និងផ្លែឈើប្រមាណ១០០គីឡូក្រាម។

អ្នកស្រីបានបន្តឱ្យដឹងទៀតថា ផ្សារចុងសប្តាហ៍ខេត្តកណ្តាលនេះ នាពេលសព្វថ្ងៃនេះ បាននិងកំពុងចូលរួមផ្តល់អត្ថប្រយោជន៍ទៅដល់អ្នកពាក់ព័ន្ធ ដែលសម្រាប់កសិករអាចចាប់យកការដាំដុះធ្វើជាមុខរបរចិញ្ចឹមជីវិត ចំណែកអាជីវករមានភាពងាយស្រួលក្នុងការស្វែងរកសិផលយកមកផ្គត់ផ្គង់លើទីផ្សារ និងសម្រាប់អ្នកប្រើប្រាស់ អាចរកទិញបានផលិតផលមានគុណភាព និងមានតម្លៃសមរម្យ។

ចំណែក លោក ប៉ុន វណ្ណា បានទទួលស្គាល់ថា ការលក់បន្លែនៅផ្សារចុងសប្តាហ៍ខេត្តកណ្តាល នាពេលបច្ចុប្បន្ននេះ ទទួលបានការគាំទ្រពីប្រជាពលរដ្ឋក្នុងស្រុក ព្រោះពលរដ្ឋដឹងច្បាស់ពីការផលិតបន្លែសុវត្ថិភាព មិនប្រើប្រាស់សារធាតុគីមីធ្វើឱ្យប៉ះពាល់ទៅដល់សុខភាព។ ដូច្នេះហើយនៅរៀងរាល់ចុងសប្តាហ៍ម្តងៗ តែងមានប្រជាពលរដ្ឋចូលមកទិញជាប់ជាប្រចាំ។

ស្រដៀងគ្នានេះដែរ អ្នកស្រី ហ៊ឹម សំណាង បានឱ្យដឹងថា «បើគិតពីរយៈពេលពីមុនរហូតមកដល់សព្វថ្ងៃនេះ ការលក់ដូរនៅផ្សារចុងសប្តាហ៍នេះ  គឺមានការកើនឡើង ដោយសារមានបងប្អូនគាត់ជួយគាំទ្រប្រភេទបន្លែសុវត្ថិភាព ហើយបន្លែ ដែលយើងយកមកដាក់លក់នៅទីនេះ មានប្រភពច្បាស់លាស់ ពេលគាត់បានដឹង គាត់ប្រាប់តគ្នាឱ្យមកទិញនៅទីនេះ»។

រីឯអ្នកស្រី ជា សុភាព ប្រជាពលរដ្ឋរស់នៅក្រុងតាខ្មៅ បានឱ្យដឹងថា «ក្នុងនាមជាស្ត្រីមេផ្ទះមួយរូប កាលពីមុនមិនសូវមានទំនុកចិត្តក្នុងការទិញបន្លែ ផ្លែឈើ យកមកប្រើប្រាស់ក្នុងគ្រួសារ ដោយសារអត់ដឹងពីប្រភពច្បាស់លាស់។ តែនៅពេលបង្កើតឱ្យមានផ្សារចុងសប្តាហ៍នៅទីនេះ ខ្ញុំមានទំនុកចិត្តច្រើនក្នុងការទិញយកទៅធ្វើម្ហបប្រចាំគ្រួសារ ហើយពលរដ្ឋផ្សេងទៀត ក៏មានទំនុកចិត្តច្រើនដូចគ្នា ដោយសារផលិតផលដាក់លក់នៅទីនេះតែងមានការត្រួតពិនិត្យគុណភាពជាប្រចាំពីមន្ត្រីបច្ចេកទេស»។

អ្នកស្រីបានបន្តទៀតថា  «មេផ្ទះអ្នកធ្វើម្ហូបសំខាន់ណាស់ ជាឫសគល់មួយសម្រាប់គ្រួសារ និងសម្រាប់សង្គមជាតិ។ កាលណាចំណីអាហារ ដែលយើងបរិភោគចូលទៅក្នុងខ្លួនប្រាណយើងមិនល្អ វាធ្វើឱ្យប៉ះពាល់ដល់សុខភាពយើង។ ដូច្នេះស្ត្រីមេផ្ទះនេះ ត្រូវគិតអំពីសុខភាពជាចម្បង កុំមើលរំលងសុខភាពខ្លួនឯង និងគ្រួសារ។ យើងត្រូវយកចិត្តទុកដាក់ឱ្យខ្ពស់ចំពោះចំណីអាហារ ដែលយើងបរិភោគរាល់ថ្ងៃ ត្រូវប្រាកដថា វាជួយដល់សុខភាព មិនមែនហូបដើម្បីបំផ្លាញសុខភាពរបស់យើងទេ»។

បើតាមអ្នកស្រី បានឱ្យដឹងទៀតថា ផ្សារចុងសប្តាហ៍ខេត្តកណ្តាលនេះ ក្រៅពីបានចូលរួមផ្តល់ភាពងាយស្រួលច្រើនសម្រាប់អ្នកស្រី ក៏ដូចជាប្រជាពលរដ្ឋក្នុងតំបន់ផ្សេងទៀត ផ្សារចុងសប្តាហ៍នេះអាចជួយកាត់បន្ថយការព្រួយបារម្ភលើផលិតផលមិនដឹងប្រភពច្បាស់លាស់  ជួយឱ្យពលរដ្ឋមានទំនុកចិត្តច្រើន និងទិញយកទៅធ្វើម្ហូបអាហារសម្រាប់បរិភោគនៅតាមក្រុមគ្រួសារ៕


image_2026-11-06_16-14-17
ប៉េស្តជ្រូកអាហ្វ្រិកផ្ទុះនៅវៀតណាម អ្នកចិញ្ចឹមសត្វនៅកម្ពុជាសុំទប់ស្កាត់ការនាំចូល

ដោយ នៅ ស៊ីវុត្ថា ភ្នំពេញ៖ ប្រធានសមាគមអ្នកចិញ្ចឹមសត្វកម្ពុជា អំពាវនាវដល់អាជ្ញាធរខេត្តជាប់ព្រំដែនវៀតណាម ឱ្យរឹតបន្តឹងការត្រួតពិនិត្យ និងទប់ស្កាត់ការនាំចូលជ្រូកខុសច្បាប់ ខណៈជំងឺប៉េស្តជ្រូកអាហ្វ្រិកកំពុងផ្ទុះនៅខេត្តកាម៉ៅ ភាគខាងត្បូងប្រទេសវៀតណាម ដោយមានជ្រូកជាង១ ០០ក្បាល ត្រូវបានសម្លាប់ចោល។ ប្រធានសមាគមអ្នកចិញ្ចឹមសត្វកម្ពុជា អំពាវនាវដល់អាជ្ញាធរខេត្តជាប់ព្រំដែនវៀតណាម ឱ្យចាត់វិធានការទប់ស្កាត់ការនាំចូលជ្រូកខុសច្បាប់ និងបង្កើនការត្រួតពិនិត្យឱ្យបានម៉ត់ចត់ ខណៈជំងឺប៉េស្តជ្រូកអាហ្វ្រិកកំពុងផ្ទុះឡើងនៅខេត្តកាម៉ៅ ស្ថិតនៅភាគខាងត្បូងប្រទេសវៀតណាម ដែលជាអតីតខេត្តទឹកខ្មៅនៃកម្ពុជាក្រោម។ លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជា បានអំពាវនាវដល់អាជ្ញាធរខេត្តទាំងអស់ដែលមានព្រំដែនជាប់ប្រទេសវៀតណាម ឱ្យដាក់ចេញវិធានការទប់ស្កាត់ និងរឹតបន្តឹងការត្រួតពិនិត្យ ដើម្បីការពារផលប្រយោជន៍អ្នកចិញ្ចឹមសត្វក្នុងស្រុក ក៏ដូចជាការពារសុខភាពអ្នកប្រើប្រាស់។ ជុំវិញបញ្ហានេះ លោក វ៉ី សំណាង អភិបាលខេត្តតាកែវ បានថ្លែងថា លោកមិនទាន់ទទួលបានព័ត៌មានអំពីការផ្ទុះជំងឺប៉េស្តជ្រូកអាហ្វ្រិកនៅប្រទេសវៀតណាមនៅឡើយទេ។ ទោះជាយ៉ាងណា លោកនឹងណែនាំដល់ប្រធានមន្ទីរកសិកម្ម រុក្ខាប្រមាញ់ និងនេសាទខេត្តតាកែវ រួមទាំងការិយាល័យផលិតកម្ម និងបសុព្យាបាលខេត្ត ឱ្យចាត់វិធានការចុះត្រួតពិនិត្យតាមតំបន់ព្រំដែន និងណែនាំដល់ប្រជាពលរដ្ឋឱ្យចូលរួមបង្ការ និងទប់ស្កាត់ការឆ្លងរាលដាលជំងឺនេះចូលក្នុងប្រទេសកម្ពុជា។ យោងតាមមន្ទីរកសិកម្ម និងបរិស្ថានខេត្តកាម៉ៅ បានឱ្យដឹងថា ខេត្តកាម៉ៅ បានរកឃើញការផ្ទុះជំងឺចំនួន២៣ករណី ដែលប៉ះពាល់ដល់គ្រួសារកសិករចិញ្ចឹមជ្រូកចំនួន ១៣៨គ្រួសារ នៅក្នុងឃុំចំនួន ១៨។ ជ្រូកសរុបចំនួន […]

image_2026-11-06_16-00-43
ឥណ្ឌូណេស៊ី និងចិន ឯកភាពពង្រឹងកិច្ចសហប្រតិបត្តិការវិស័យកសិកម្ម

ហ្សាការតា៖ រដ្ឋមន្ត្រីក្រសួងកសិកម្មឥណ្ឌូណេស៊ី លោក អាន់ឌី អាំរ៉ាន ស៊ូឡៃម៉ាន់ (Andi Amran Sulaiman) និងរដ្ឋមន្ត្រីក្រសួងកសិកម្មចិនលោក ចាង ជូ (Zhang Zhu)បានឯកភាពពង្រឹងកិច្ចសហប្រតិបត្តិការក្នុងវិស័យកសិកម្ម ដើម្បីជំរុញផលិតកម្ម សម្រួលការផ្ទេរបច្ចេកវិទ្យា និងការវិនិយោគ ព្រមទាំងអភិវឌ្ឍដំណាំ និងផលិតផលកសិកម្មយុទ្ធសាស្ត្រ ដើម្បីបង្កើនសមត្ថភាពផលិតកម្មរបស់ប្រទេសទាំងពីរ។ លោករដ្ឋមន្ត្រីបានមានប្រសាសន៍ក្នុងសេចក្ដីថ្លែងការណ៍មួយ កាលពីថ្ងៃទី៤ ខែវិច្ឆិកាថា កិច្ចសហប្រតិបត្តិការនេះ មានគោលបំណងពង្រឹងសមត្ថភាពផលិតកម្មក្នុងស្រុក បង្កើនផលិតភាព និងបង្កើតឱកាសពាណិជ្ជកម្ម និងវិនិយោគឱ្យកាន់តែទូលំទូលាយសម្រាប់ប្រទេសទាំងពីរ។ កិច្ចព្រមព្រៀងនេះ ត្រូវបានសម្រេចឡើងក្នុងជំនួបពិភាក្សាទ្វេភាគី រវាងលោក អាន់ឌី អាំរ៉ាន ស៊ូឡៃម៉ាន់ និងលោក ចាង ជូ កាលពីថ្ងៃទី២ ខែវិច្ឆិកា ឆ្នាំ២០២៦។ ជំនួបនេះបានពិភាក្សាអំពីការអភិវឌ្ឍវិស័យផលិតកម្មខ្ទឹមស ចាប់ពីដំណាក់កាលដាំរហូតដល់ដំណាក់កាលកែច្នៃ និងទីផ្សារ កិច្ចសហការស្រាវជ្រាវ និងបច្ចេកវិទ្យាកសិកម្មទំនើប ការពង្រឹងពាណិជ្ជកម្មលើផលិតផលកសិកម្មសំខាន់ៗ ព្រមទាំងឱកាសវិនិយោគក្នុងឧស្សាហកម្មកែច្នៃកសិផល។ លោករដ្ឋមន្ត្រីកសិកម្មឥណ្ឌូណេស៊ី បានមានប្រសាសន៍ថា កិច្ចសហប្រតិបត្តិការជាមួយចិន ត្រូវតែផ្ដល់ផលប្រយោជន៍ជាក់ស្ដែងដល់វិស័យកសិកម្មរបស់ឥណ្ឌូណេស៊ី។ លោកបានសង្កត់ធ្ងន់ថា ភាពជាដៃគូនេះមិនគួរផ្ដោតតែលើការរក្សាលំហូរពាណិជ្ជកម្មឱ្យដំណើរការរលូនប៉ុណ្ណោះទេ ប៉ុន្តែត្រូវជួយពង្រឹងសមត្ថភាពផលិតកម្មជាតិ ពន្លឿនទំនើបកម្មកសិកម្ម […]

image_2026-11-06_15-54-17
ហ្វីលីពីនរកចំណូលបានជិត១៦២លានដុល្លារ ពីការនាំចេញផ្លែចេក ឆ្នាំ២០២៦

ម៉ានីល៖ គិតត្រឹមខែតុលា​ ឆ្នាំ២០២៦ ហ្វីលីពីន នាំចេញផ្លែចេកស្រស់ៗចំនួន៥ពូជផ្សេងៗគ្នា ដោយរកលុយបានជាង១៦២លានដុល្លារ បង្កើនប្រាក់ចំណូលដល់កសិករក្នុងស្រុក។ ការនាំចេញផ្លែចេកប្រចាំឆ្នាំរបស់ប្រទេសហ្វីលីពីន បានកើនទឹកប្រាក់ដល់ជិត១៦២លានដុល្លារ គិតខែកញ្ញា ឆ្នាំ២០២៦ បើធៀបនឹងទឹកប្រាក់១១៣លានដុល្លារ ក្នុងរយៈពេលដូចគ្នា កាលពីឆ្នាំមុន។ នេះបើយោងតាមអាជ្ញាធរស្ថិតិហ្វីលីពីន។ បរិមាណនាំចេញបានកើនឡើងដល់ជិត២៨ម៉ឺនតោន ពីចំនួនជាង២១ម៉ឺនតោន ក្នុងខែកញ្ញា ឆ្នាំ២០២៥។ កំណើនតម្លៃនាំចេញខ្ពស់ជាងកំណើនបរិមាណនាំចេញ បង្ហាញថា តម្លៃផ្លែចេកនាំចេញជាមធ្យមក្នុងមួយតោនបានឡើងថ្លៃ។ ប្រទេសជប៉ុន នៅតែជាទីផ្សារនាំចេញធំបំផុត ដោយមានទឹកប្រាក់ជាង១១៥លានដុល្លារ។ ប្រទេសចិនឈរនៅលំដាប់ទី២ ដោយមានទឹកប្រាក់ជាង២៣លានដុល្លារ ខណៈប្រទេសកូរ៉េខាងត្បូងមានទឹកប្រាក់ជាង១៤លានដុល្លារ។ ចំណែកទីផ្សារនាំចេញផ្សេងទៀត រួមមាន ប្រទេសនូវែលសេឡង់ ដែលមានទឹកប្រាក់ជាង៣លានដុល្លារ និងប្រទេសអេមីរ៉ាតអារ៉ាប់រួម ដែលមានទឹកប្រាក់ជិត៣លានដុល្លារ។ ចំណែកទឹកប្រាក់ជាង២លានដុល្លារ បានមកពីការនាំចេញផ្លែចេកទៅកាន់ ហុងកុង សិង្ហបុរី ម៉ាឡេស៊ី អារ៉ាប៊ីសាអូឌីត ម៉ុងហ្គោលី កោះម៉ារីយ៉ាណាខាងជើង ប៊្រុយណេ ចក្រភពអង់គ្លេស គុយវ៉ែត ស៊ុយអែត និងប្រទេសស្វីស។ ទិន្នន័យរបស់អាជ្ញាធរស្ថិតិហ្វីលីពីន គឺគ្របដណ្ដប់លើការនាំចេញផ្លែចេកស្រស់ៗចំនួន៥ពូជផ្សេងៗគ្នា៕ (ផាន់ អាណា)

image_2026-11-06_15-49-52
ហ្វីលីពីនគ្រោងចំណាយថវិកា១៥លានដុល្លារ ដើម្បីចាក់វ៉ាក់សាំងជំងឺប៉េស្តជ្រូកអាហ្វ្រិក

ម៉ានីល៖ ក្រសួងកសិកម្មហ្វីលីពីនកំពុងស្នើសុំថវិកាជាង១៥លានដុល្លារ សម្រាប់ឆ្នាំ២០២៧ ដើម្បីទិញវ៉ាក់សាំងប្រឆាំងនឹងជំងឺប៉េស្តជ្រូកអាហ្វ្រិក សម្រាប់ជួយអ្នកចិញ្ចឹមជ្រូកក្នុងស្រុក ខណៈករណីជំងឺប៉េស្តជ្រូកអាហ្វ្រិកកំពុងរាតត្បាតនៅក្នុងខេត្តចំនួន២៣ របស់ប្រទេសហ្វីលីពីន។ អនុរដ្ឋមន្ត្រីក្រសួងកសិកម្មហ្វីលីពីន បានមានប្រសាសន៍ថា សំណើមួយក្នុងចំណោមសំណើរសម្រាប់ឆ្នាំ២០២៧ គឺការបែងចែកថវិកាសម្រាប់ទិញវ៉ាក់សាំងប្រឆាំងនឹងជំងឺប៉េស្តជ្រូកអាហ្វ្រិក ដើម្បីផ្តល់ជូនកសិករចិញ្ចឹមជ្រូកខ្នាតតូច។ លោកបានឱ្យដឹងទៀតថា កម្មវិធីចាក់វ៉ាក់សាំងដែលគ្រោងអនុវត្តនេះ នឹងផ្តល់អាទិភាពដល់អ្នកចិញ្ចឹមជ្រូកខ្នាតតូច និងអ្នកចិញ្ចឹមជ្រូកតាមលក្ខណៈគ្រួសារនៅទូទាំងប្រទេសហ្វីលីពីន។ កាលពីខែកញ្ញា ឆ្នាំ២០២៦ ការិយាល័យឧស្សាហកម្មសត្វ បានអនុម័តឱ្យដាក់លក់ជាលក្ខណៈពាណិជ្ជកម្មនូវវ៉ាក់សាំងប្រឆាំងនឹងជំងឺប៉េស្តជ្រូកអាហ្វ្រិក ដែលធ្វើឱ្យវ៉ាក់សាំងដំបូងនេះ អាចរកទិញបានជាលក្ខណៈពាណិជ្ជកម្មនៅក្នុងប្រទេសហ្វីលីពីន។ ការអនុម័តនេះ ធ្វើឡើងស្ទើរតែ៧ឆ្នាំ បន្ទាប់ពីប្រទេសហ្វីលីពីនបានជួបការផ្ទុះជំងឺប៉េស្តជ្រូកអាហ្វ្រិកជាលើកដំបូងក្នុងឆ្នាំ២០១៩។ ជំងឺនេះបានបង្កការខាតបង់ទឹកប្រាក់រាប់ពាន់លានដុល្លារ ប៉ះពាល់ដល់ទិន្នផលផលិតកម្មជ្រូកក្នុងស្រុក និងធ្វើឱ្យចំនួនជ្រូកនៅទូទាំងប្រទេសធ្លាក់ចុះមកនៅត្រឹមប្រមាណ៨លានក្បាល។ លោកអនុរដ្ឋមន្ត្រី បានឱ្យដឹងទៀតថា សំណើសុំអនុម័តវ៉ាក់សាំងមួយប្រភេទទៀតរបស់ក្រសួងកសិកម្ម គឺវ៉ាក់សាំង  ឈ្មោះ ប្រូវ៉ាក់ (PROVAC) ដែលផលិតដោយក្រុមហ៊ុនមួយនៅប្រទេសកូរ៉េខាងត្បូង កំពុងស្ថិតក្នុងដំណាក់កាលចុងក្រោយនៃការវាយតម្លៃ។ វ៉ាក់សាំងពីប្រទេសកូរ៉េខាងត្បូងនេះត្រូវបានរំពឹងថា នឹងអាចប្រើប្រាស់បន្តបន្ទាប់ក្នុងរយៈពេលប៉ុន្មានខែខាងមុខ។ កន្លងមក ក្រសួងកសិកម្មហ្វីលីពីន បានបញ្ជាក់ថា កម្មវិធីចាក់វ៉ាក់សាំងនេះ គឺជាផ្នែកមួយនៃយុទ្ធសាស្ត្រ សម្រាប់ស្ដារចំនួនជ្រូកឡើងវិញ ដើម្បីទប់ស្កាត់ការរីករាលដាលនៃជំងឺប៉េសជ្រូកអាហ្វ្រិក និងបង្កើនចំនួនជ្រូកក្នុងស្រុកឱ្យច្រើនមុនពេលជំងឺនេះផ្ទុះឡើង។ ទន្ទឹមនឹងនេះ វិធានការផ្សេងទៀតរួមមាន ការតាមដានជំងឺ ការពង្រឹងជីវសុវត្ថិភាព ការគ្រប់គ្រងចលនាសត្វ និងការនាំកូនជ្រូកចូល ដើម្បីចិញ្ចឹមឡើងវិញតាមតំបន់គោលដៅ។ គិតត្រឹមថ្ងៃទី២២ […]

កាលវិភាគផ្សព្វផ្សាយ