News

  ភ្នំពេញ៖យោងតាម​លោកឧកញ៉ា សុង សារ៉ន អគ្គនាយកក្រុមហ៊ុន​ឲ្យដឹងថា ក្រុមហ៊ុននាំចេញអង្ករអេមរុរ៉ាយស៍ បាន​​ឈ្នះពានអាស៊ានលើការចូលរួមអភិវឌ្ឍជនបទ និងកាត់បន្ថយភាពក្រីក្រ ជាមួយនឹងបទពិសោធន៍ជាងមួយទសវត្សនៅក្នុងវិស័យស្រូវអង្ករនៅក្នុងប្រទេសកម្ពុជា។ ជាមួយគ្នានេះដែរ អេមរុរ៉ាយស៍បាននិងកំពុងបន្តឈរជើងនៅជួរមុខគេមួយ ក្នុងការលើកកម្ពស់សហគមន៍ក្នុងតំបន់ តាមរយៈកិច្ចសហការជាមួយកសិករខ្នាតតូចជាង២ម៉ឺនគ្រួសារ និងគាំទ្រពួកគេឱ្យផ្លាស់ប្តូរនូវការអនុវត្តការដាំដុះស្រូវតាមបែបប្រពៃណីនិងគ្រួសារ មកជាបែបពាណិជ្ជកម្មប្រកបដោយនិរន្តរភាព។ លោកឧកញ៉ា សុង សារ៉ន លើកឡើងថា តាមរយៈកិច្ចសន្យាកសិកម្មជាមួយសហគមន៍កសិកម្ម តាំងពីឆ្នាំ២០១៤មក អេមរុរ៉ាយស៍មិនត្រឹមតែជាក្រុមហ៊ុនដែលលធ្វើការលើការប្រមូលទិញស្រូវពីកសិករមួយមុខទេ តែយើងផ្តល់ឱ្យកសិករនូវការអភិវឌ្ឍប្រកបដោយនិរន្តរភាព ដែលរួមមានការអភិវឌ្ឍសមត្ថភាពតាមរយៈការបណ្តុះបណ្តាលដែលចាំបាច់នានា ការគាំទ្រផ្នែកហិរញ្ញវត្ថុ និងបច្ចេកទេសនៃការដាំដុះស្រូវដែលមិនប៉ះពាល់ដល់បរិស្ថាន និងសហគមន៍ជាដើម។ បន្ថែមពីនេះលោកឧគញ៉ាលើកឡើងថា នេះគឺ គំរូអាជីវកម្មរបស់អេមរុរ៉ាយស៍ មិនត្រឹមតែផ្តោតសំខាន់លើការផលិតនិងផ្គត់ផ្គង់អង្ករដែលមានគុណភាពខ្ពស់ដល់អ្នកទទួលទានប៉ុណ្ណោះទេ តែថែមទាំងចូលរួមកាត់បន្ថយភាពក្រីក្ររបស់សហគមន៍នៅតាមទីជនបទដាច់ស្រយាល ដោយកសិករអាចទទួលបានចំណូលខ្ពស់ជាងមុន និងស្ថេរភាពសេដ្ឋកិច្ចរយៈពេលយូរអង្វែង។ សមិទ្ធផលនៃការទទួលបានពានរង្វាន់នេះ ពិតជាមិនអាចកើតឡើងបានទេបើសិនជាមិនមានការគាំទ្រពីក្រសួងអភិវឌ្ឍន៍ជនបទ ដែលបានបញ្ចូលឈ្មោះក្រុមហ៊ុនអេមរុរ៉ាយស៍ទៅក្នុងការប្រកួតនិងបានទទួលស្គាល់នូវការរួមចំណែករបស់អេមរុរ៉ាយស៍លើកសិកម្មប្រកបដោយនិរន្តរភាព ការអភិវឌ្ឍតំបន់ជនបទ និងការរួមចំណែកកាត់បន្ថយភាពក្រីក្រ។ ឧកញ៉ា សុង សារ៉ន ក្នុងនាម​អេមរុរ៉ាយស៍សូមថ្លែងអំណរគុណយ៉ាងក្រៃលែងដល់ការគាំទ្ររបស់ក្រសួងអភិវឌ្ឍន៍ជនបទ និងជឿជាក់ថា យើងទាំងអស់គ្នានឹងបន្តឈរលើឆន្ទៈកសាងនូវអនាគតកសិកម្មកម្ពុជាដែលប្រកបដោយនិរន្តរភាព និងកសាងនូវបរិស្ថានដែលប្រកបដោយសុខុមាលភាព។ សូមជម្រាបថា កាលពីថ្ងៃទី១២ ខែវិច្ឆិកា ឆ្នាំ២០២៤ក្រុមហ៊ុនអេមរុរ៉ាយស៍ បានសម្ពោធដាក់ឱ្យប្រើប្រាស់ជាផ្លូវការនូវឃ្លាំងថ្មី និងឡសម្ងួតស្រូវ ដែលមានទីតាំងនៅឃុំរយ៉ ស្រុកកោះញែក ខេត្តមណ្ឌលគិរី។គ្រឿងបរិក្ខារថ្មីរបស់អេមរុរ៉ាយស៍ […]

  ភ្នំពេញ៖ យោងតាម​ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានបង្ហាញថា ​តម្លៃស្រូវរាយការណ៍ដោយមន្រ្តីកសិកម្មឃុំនៅថ្ងៃទី 17 វិច្ឆិកា 2024 នៅបណ្តាឃុំនិងខេត្តមួយចំនួនជាទូទៅតម្លៃស្រូវរាងល្អជាងថ្ងៃ 16 វិច្ឆិកា 2024 ។ជាក់ស្តែង តម្លៃស្រូវនៅឃុំស្ពានត្នោត ស្រុកជីក្រែង​ ខេត្តសៀមរាប ស្រូវផ្ការំដួលមិនសុទ្ធ 1250៛/គក ស្រូវផ្ការំដួលសុទ្ធល្អ តម្លៃពី1280៛-1320៛ អាស្រ័យ​លើស្ថានភាពស្រូវធៀបនឹងថ្ងៃទី16 តម្លៃស្រូវរំដួលកើនឡើង20៛ក្នុង1គីឡូក្រាម។​ ចំណែក តម្លៃស្រូវនៅឃុំកៀនសង្កែ ស្រុកសូទ្រនិគម ខេត្តសៀមរាប ស្រូវផ្ការំដួល 1315៛ (ស្រូវល្អ) តម្លៃស្រូវនៅឃុំអូរសណ្ដាន់ ស្រុកក្រគរ ខេត្តពោធិ៍សាត់  ស្រូវផ្ការំដួល 1280៛/គក ស្រូវក្រសាំងទាប 980៛/គក ធៀបនឹងថ្ងៃទី ១៦ វិច្ឆិកា ២០២៤ តម្លៃកើនឡើងមួយលេខទាំងផ្ការំដួល និងក្រសាំងទាប។​ តម្លៃស្រូវ(សើម)ក្នុងឃុំឆ្នាល់មាន់ ស្រុកគាស់ក្រឡ ខេត្តបាត់ដំបង ស្រង៉ែ = ១០៧០៛/kg- OM […]

  ប្រទេសប៉េរូ៖ បន្ទាប់ពីការ​​អញ្ជើញថ្លែងសុន្ទរកថាបើកកម្មវិធីកិច្ចប្រជុំអន្តរជាតិនៃធនាគារអភិវឌ្ឍន៍សម្រាប់តំបន់ឡាទីនអាមេរិក -តំបន់ខារីប៊ែន និងតំបន់អាស៊ីប៉ាស៊ីហ្វិក ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារ ARDBនិងជាប្រធានសមាគមគ្រឹះស្ថានហិរញ្ញវត្ថុអភិវឌ្ឍន៍តំបន់អាស៊ី និងប៉ាស៊ីហ្វិក (ADFIAP) បានអញ្ជើញទទួលជួបពិភាក្សាការងារជាមួយលោក Edgardo Alvarez អគ្គលេខាធិការ សមាគមគ្រឹះស្ថានហិរញ្ញវត្ថុអភិវឌ្ឍន៍តំបន់ឡាទីនអាមេរិក និងខារីប៊ែន (ALIDE) ព្រមទាំងថ្នាក់ដឹកនាំគ្រឹះស្ថានហិរញ្ឋ្ញវត្ថុអភិវឌ្ឍន៍មួយចំនួនដែលជាសមាជិកនៃសមាគមនេះផងដែរ។ លោក Edgardo Alvarez តំណាង អោយសមាគមគ្រឹះស្ថានហិរញ្ញវត្ថុ អភិវឌ្ឍន៍តំបន់ឡាទីនអាមេរិក និងខារីប៊ែន បានសំដែងសេចក្តីអរគុណ ចំពោះ ឯកឧត្តមបណ្ឌិត កៅ ថាច អគ្គនាយកធនាគារ ARDB និងជាប្រធានក្រុមប្រឹក្សាភិបាលសមាគម ADFIAP ដែលបានចំណាយពេលវេលា អញ្ជើញមកពីប្រទេសកម្ពុជា ចូលរួមថ្លែងសុន្ទរកថាគន្លឹះបើកកម្មវិធីប្រជុំដ៏មានសារៈសំខាន់នេះ ហើយក៏បានបង្ហាញនូវសញ្ញាវិជ្ជមាន ចំពោះកិច្ចសហប្រតិបត្តិការដ៏ល្អរវាង របស់សមាគម ALIDE និងសមាគម ADFIAP។ ឯកឧត្តមបណ្ឌិត កៅ ថាច ក្នុងនាមធនាគារអភិវឌ្ឍន៍នៅកម្ពុជា និងក្នុងនាមសមាគម ADFIAP បានថ្លែងអំណរគុណដល់ភាគី សមាគម ALIDE  សម្រាប់ការទទួលស្វាគមន៍គណៈប្រតិភូ […]

  ភ្នំពេញ៖ផលិតផលកសិកម្មដែលជាគ្រឿងផ្សំផលិតឡើងនៅក្នុងស្រុកម្រាប់ធ្វើជាម្ហូបអាហារឱ្យមានរសជាតិឆ្ងាញ់មួយចំនួនស ត្រូវបានជ្រើសយកមកធ្វើជាគ្រឿងទេសសំខាន់នៅក្នុងព្រឹត្តិការណ៍ប្រកួតប្រជែងធ្វើម្ហូបអាហារប្រចាំឆ្នាំ២០២៤  ដែលធ្វើឡើងនៅមជ្ឈមណ្ឌលសន្និបាទនិងពិព័រណ៍កោះពេជ្រកាលថ្មីៗនេះ។ ក្នុងពិព័រណ៍វិស័យផ្គត់ផ្គង់ម្ហូបអាហារ ភេសជ្ជៈ សណ្ឋាគារ និងបដិសណ្ឋារកិច្ចលំដាប់អន្តរជាតិ  ផ្សារភ្ជាប់ជាមួយនិងព្រឹត្តិការណ៍ប្រកួតធ្វើម្ហូបនិងបដិសណ្ឋាកិច្ចប្រចាំឆ្នាំ២០២៤, លោក តុង សេង ប្រធានសមាគមចុងភៅនៅកម្ពុជាបានឱ្យដឹងថា”គ្រឿងផ្សំដែលយើងជ្រើសយកមកធ្វើជាម្ហូបអាហារនៅពេលនេះមាន ប្រហុក ទឹកត្រី គ្រាប់ស្វាយចន្ទី ទឹកសាអ៊ីវ ទឹកម្ទេស ប្រេងខ្យង  ហើយនៅក្នុងគ្រឿងផ្សំទាំងនេះ យើងយកប្រហុកខ្មែរឱ្យចុងភៅដែលបានចូលរួមប្រកួតច្នៃប្រឌិតធ្វើម្ហូបអឺរ៉ុបពាក់កណ្តាល ម្ហូបខ្មែរពាក់កណ្តាលលាយចូលគ្នាផងដែរ”។ លោកបញ្ជាក់ថា “ព្រឹត្តិការណ៍ប្រកួប្រជែងធ្វើម្ហូបអាហារនិងបដិសណ្ឋារកិច្ចរៀបចំជាលើកទី១១ ដែលមានចុងភៅចាប់អារម្មណ៍ចូលរួមប្រកួតធ្វើម្ហូបអាហារច្រើនជាងពេលមុនៗ ដោយសារសមាគមបានផ្សព្វផ្សាយយកបន្លែផ្លែឈើឆ្លាក់ជារូបផ្សេងៗ។ នៅក្នុងវិស័យផ្គត់ផ្គង់ម្ហូបអាហារនេះ បើចុងភៅចេះយកផលិតផលខ្មែរមកធ្វើ ជាមុខម្ហូបថ្មីហើយប្លែកៗដែលមានរសជាតិឆ្ងាញ់ ខ្ញុំយល់ថាវាអាចទាក់ទាញភ្ញៀវបានច្រើនឱ្យ ចង់មកសាកល្បងភ្លក្សម្ហូបអាហារខ្មែរយើង”។ តែទោះជាបែបនេះក្តី លោក តុង សេង ប្រធានសមាគមចុងភៅកម្ពុជា បានទទួលស្គាល់ថា បច្ចុប្បន្នការកែច្នៃម្ហូបខ្មែរ មានការរីកចម្រើនច្រើនពីមួយឆ្នំាំទៅមួយឆ្នាំ តាមរយៈចុងភៅដែលបានចូលរួមប្រកួតប្រជែងម្តងៗ ខាងសមាគមតម្រូវឱ្យមានការបង្កើតមុខម្ហូបថ្មីមានរសជាតិឆ្ងាញ់ ហើយប្លែក។ លោកលើកឡើង ចុងភៅដែលបានចូលរួមប្រកួតប្រជែងធ្វើម្ហូបអាហារប្រចាំឆ្នាំ២០២៤នេះបើទទួលបានការវាយតម្លៃជាប់ជាជ័យលាភី នឹងទទួលបាននូវប្រាក់រង្វាន់លើកទឹកចិត្ត កាដូ និង បណ្ណ័សរសើរមួយ ហើយបណ្ណសរសើរដែលខាងសមាគមចុងភៅកម្ពុជាផ្តល់ជូននេះ អាចជួយលើកស្ទួយអាជីបចុងភៅរបស់គាត់បាន បើគាត់ចង់ទៅធ្វើការងារនៅកន្លែងផ្សេង  គ៏អាចទទួលបានប្រាក់ខែច្រើនគួរសមផងដែរ។ អ្នកស្រី ថុល ស្រីហាន […]

ភ្នំពេញ៖ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ​​បញ្ជាក់ថា ទីផ្សារនិងតម្លៃល្អសម្រាប់ស្រូវផ្ការំដួល បើគិតតាំងពីរសៀលថ្ងៃទី 9 វិច្ឆិកា 2024 ហើយថ្មីៗនេះបានទៅជួបកសិករប្រើប្រាស់ពូជសុទ្ធផ្ការំដួលតាមរយៈការសម្របសម្រួលដោយមន្រ្តីកសិកម្មឃុំនៅស្រុកជើងព្រៃដែលកំពុងច្រូតកាត់ស្រូវដោយទទួលបានផលល្អ និងមានទីផ្សារល្អដោយមានអ្នកត្រូវការទិញច្រើននិងហ៊ានឲ្យតម្លៃខ្ពស់គឺជាង 1300 រៀលក្នុងមួយគីឡូក្រាមតម្លៃនៅតាមវាលស្រែ។ ឯកឧត្តមបណ្ឌិត បានលើកឡើងថា តម្លៃនេះអាចនឹងកើនថែមទៀតដោយសារបរិមាណស្រូវផ្ការំដួលពូជសុទ្ធមានតិច តែតម្រូវការមានច្រើន នៅទូទាំងស្រុកជើងព្រៃនៅឆ្នាំនេះមានកសិករចំនួន 618 គ្រួសារបានប្រើគ្រាប់ពូជសុទ្ធផ្ការំដួល ហើយចំនួននេះនឹងកើនឡើងកាន់តែច្រើនថែមទៀតនៅឆ្នាំខាងមុខដោយកសិករកាន់តែយល់ពីផលចំណេញពីការប្រើពូជសុទ្ធ។ បន្ថែមពីនេះឯកឧត្តមបណ្ឌិត បញ្ជាក់ថា នេះអាច​​ចាត់ទុកជាការចាប់ផ្តើមដ៏ល្អរបស់មន្រ្តីកសិកម្មក្នុងការធ្វើការបម្រើកសិករ។ខ្ញុំបានណែនាំឲ្យមន្រ្តីកសិកម្មឃុំចាប់ផ្តើមចុះឈ្នោះកសិករដើម្បីចូលរួមក្រុមផលិតស្រូវផ្ការំដួលផ្សារភ្ជាប់មកទីផ្សារនៅរដូវក្រោយ។ រោងម៉ាស៊ីនក្នុងស្រុកទិញស្រូវផ្ការំដួលដឹកដល់ឃ្លាំងដោយឲ្យតម្លៃពី ១៣៥០ ទៅ ១៤០០ រៀលក្នុងមួយគីឡួទៅតាមគុណភាព ។ ជាពិសេសនោះ កាលពីនៅថ្ងៃទី 6 វិច្ឆិកា 2024នេះ រោងម៉ាស៊ីន City Rice បាន​​​ទិញចូលចំនួន 600 តោន ហើយ​​តម្លៃស្រូវផ្ការំដួលគុណភាពល្អគឺ 1380រៀល ក្នុងមួយគីឡូក្រាមតម្លៃស្រូវស្រង៉ែ 1220 រៀលមួយគីឡូក្រាម។ បន្ថែមពីនេះ រោងម៉ាស៊ីនកិនស្រូវ City Rice ថ្មគោលបាត់ដំបង ត្រូវការទិញស្រូវផ្ការំដួល 50000 តោនក្នុងខែវិច្ឆិកា និងខែធ្នូខាងមុខនេះ។ […]

ភ្នំពេញ៖បើសិនដំណើរការរៀបចំឯកសារផ្នែកបច្ចេកទេស ក៏ដូចជានីតិវិធីចរចារស្តីពីការនាំចេញផ្លែទុរេនទៅប្រទេសចិនអាចប្រព្រឹត្តិទៅដោយរលូនដោយពុំមានការរាំងស្ទះណាមួយកើតឡើង ផ្លែទុរេនកម្ពុជារំពឹងថា នឹងធ្វើការនាំចេញដោយផ្ទាល់ទៅកាន់ប្រទេសចិនបាននៅឆ្នំាំ២០២៥ ហើយដល់ពេលនោះវានឹងផ្តល់អត្ថប្រយោជន៍ឱ្យគ្នាទៅវិញទៅមកបានច្រើន។ សម្រាប់កម្ពុជាមានទីផ្សារជាក់លាក់ ហើយចំណែកភាគីចិននិងទទួលបាននូវផលិតដែលមានគុណភាពល្អ និងមានតម្លៃសមរម្យបើប្រៀបធៀបទៅនិងការនាំចូលផ្លែទុរេនរបស់ខ្លួនកាលពីពេលមុនៗ។ ឯកឧត្តម ងិន ឆាយ ប្រតិភូរាជរដ្ឋាភិបាលទទួលបន្ទុកជា អគ្គនាយកនៃអគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់និងនេសាទ បានប្រាប់ក្រុមអ្នកសារព័ត៌មានក្នុងស្រុក កាលពីថ្ងៃទី២៥ខែតុលាថា “អគ្គនាយកដ្ឋានកសិកម្មបាននិងកំពុងរៀបចំឯកសារប្រូតូកូលសម្រាប់ដំណាំទុរេន ហើយយើងសង្ឃឹមថានៅឆ្នាំក្រោយនេះអាចនាំចេញផ្លែទុរេនទៅប្រទេសចិន។ បច្ចុប្បន្នខាងភាគីចិនកំពុងតែពិនិត្យលើឯកសារនេះ ក្រោយពីពិនិត្យរួចហើយ យើងនឹងឈានទៅពិនិត្យលើពិធីសារបច្ចេកទេស ពេលត្រួតពិនិត្យហើយ ខាងភាគីចិននឹងចុះមកត្រួតពិនិត្យនៅតាមចំការទុរេនដែលយើងបានដាំដុះនិងទីតាំងវេចខ្ចប់សម្រាប់ធ្វើការនាំចេញ”។ លោក ឃឹម ប៊ុនឡែន ស្ថាបនិកសហគមន៍ចម្ការស្តេចទុរេន ក្រៅពីសម្តែងនូវការគាំទ្រនិងសាទរ លោកថែមទាំងបានចាត់ទុកជារឿងមួយដ៏ល្អសម្រាប់អ្នកផលិតនិងអ្នកប្រមូលទិញទុរេនសម្រាប់នាំចេញ ហើយនៅពេលកន្លងមក លោកថែមទាំងបានជំរុញការនាំចេញផ្លែទុរេនទៅប្រទេសចិនតាមរយៈអ្នកបញ្ជាទិញ និងបានផ្តល់ព័ត៌មានទៅក្រសួងពាក់ព័ន្ធអំពីភាពជាក់ស្តែងនៃចំការទុរេន ព្រមទាំងផលលំបាកនៃការនាំចេញ ឆ្លងកាត់ប្រទេសវៀតណាម និងប្រទេសថៃផងដែរ។ លោក ឃឹម ប៊ុនឡែន លើកឡើងថា “បើចិនទិញផ្លែទុរេនផ្ទាល់ពីកម្ពុជា ចិននឹងទទួលបានតម្លៃល្អជាងទិញបន្តពីវៀតណាមនិងថៃ ដែលបច្ចុប្បន្នវៀតណាមក៏ដូចជាថៃ គេទទួលបានប្រាក់ចំណេញចន្លោះពី៣០ទៅ៥០% ។ ផ្ទុយទៅវិញបើឈ្មួញចិនទិញផ្លែទុរេនពីកម្ពុជាផ្ទាល់ គេចំណេញបានតម្លៃ និងផលិតផលមានគុណភាព ហើយខ្មែរយើងចំណេញបានទីផ្សារមានស្ថិរភាពនិងតម្លៃល្អ និងមានឱកាសទាក់ទាញអ្នកវិនិយោគមកបណ្តាក់ទុននៅកម្ពុជា ពេលដែលកម្ពុជាបើកទីផ្សារបាននៅប្រទេសចិន” ។ ទាក់ទងនិងការនាំចេញផ្លែទុរេនទៅកាន់ទីផ្សារចិន លោកធ្លាប់ឡើងថា បើកម្ពុជាអាចបើកទីផ្សារទៅប្រទេសចិនបាន អាចរកចំណូលរាប់ពាន់លានដុល្លារអាម៉េរិកចាក់ចូលមកប្រទេសកម្ពុជា […]

(សៀងហៃ, ចិន)៖ ក្រសួងពាណិជ្ជកម្មនៃព្រះរាជាណាចក្រកម្ពុជា បាននាំយកផលិតផលដែលមានគុណភាពខ្ពស់របស់កម្ពុជាជាង ១០០មុខ រួមមាន៖ អង្ករ គ្រាប់ស្វាយចន្ទី សម្ភារធ្វើដំណើរនិងការបូប ផលិតផលសម្គាល់ភូមិសាស្រ្តទំនិញ ទឹកឃ្មុំ កាហ្វេ ដំណាប់ស្វាយ តែម្រេច តែ ទឹកជ្រលក់ម្រេច ម្សៅប្រហុក ស្ករត្នោត ទឹកស្ករត្នោត ស្ករគ្រាប់ត្នោត មីកញ្ចប់ មីជាតិ សម្ភារកែច្នៃសំណល់ប្លាស្ទិក។ ការដាក់តាំងបង្ហាញនេះធ្វើ​ឡើងរសៀលនៅទី៥ ខែវិច្ឆិកា ឆ្នាំ២០២៤ នេះ ដើម្បីចូលរួមដាក់តាំងបង្ហាញក្នុងព្រិត្តិការណ៍ពិព័រណ៍កម្រិតអន្តរជាតិនៅទីក្រុងសៀងហៃ សាធារណរដ្ឋប្រជាមានិតចិន។ ការនាំយកផលិតផលកម្ពុជាទៅចូលរួមដាក់តាំងបង្ហាញក្នុងពិព័រណ៍កម្រិតអន្តរជាតិនេះ ធ្វើឡើងនាឱកាសសម្ពោធពន្លាជាតិកម្ពុជា ក្រោមអធិបតីភាព ឯកឧត្តម ណាំ លីណាល់ អនុរដ្ឋលេខាធិការក្រសួងពាណិជ្ជកម្ម ក្នុងព្រឹត្តិការណ៍ “ពិព័រណ៍ទំនិញនាំចូលអន្តរជាតិចិន លើកទី៧” ក្រោមមូលបទ “យុគសម័យថ្មី អនាគតរួម – New Era, Shared Future” ដែលប្រព្រឹត្តទៅពីថ្ងៃទី៥ ដល់១០ ខែវិច្ឆិកា ឆ្នាំ២០២៤ នៅមជ្ឈមណ្ឌលសន្និបាត និងពិព័រណ៍ជាតិ ក្នុងទីក្រុងសៀងហៃសាធារណរដ្ឋប្រជាមានិតចិន ដែលមានប្រទេសចូលរួមសរុបចំនួន […]

  ឥណ្ឌូនេស៊ី ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់អាស៊ី និងប៉ាស៊ីហ្វិក (ADFIAP) បានអញ្ជើញចូលរួម ថ្លែងសុន្ទរកថាបើក វេទិកាអន្តរជាតិថ្នាក់ដឹកនាំជាន់ខ្ពស់របស់សមាគមគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់អាស៊ី និងប៉ាស៊ីហ្វិក លើកទី ១៧ (ADFIAP International CEO Forum XVII) នាព្រឹកថ្ងៃទី៦ ខែវិច្ឆិកា ឆ្នាំ២០២៤ នៅកោះបាលីនៃប្រទេសឥណ្ឌូនេស៊ី ” ។ វេទិកាអន្តរជាតិនេះ សមាសភាពអញ្ជើញចូលរួម ពីថ្នាក់ដឹកនាំជាន់ខ្ពស់របស់ធនាគារ និងស្ថាប័នហិរញ្ញវត្ថុចំនួន ៤០ប្រទេស សរុប ៩៤ ស្ថាប័ន ជាសមាជិករបស់សមាគម ADFIAP ដែល ក្រោមប្រធានបទ “ការកសាងអនាគតប្រកបដោយចីរភាព តួនាទីដ៏សំខាន់របស់គ្រឹះស្ថានហិរញ្ញវត្ថុអភិវឌ្ឍន៍នៅក្នុងរបៀបវារៈនៃការអភិវឌ្ឍដែលបញ្ចេញកាបូនតិច” ។ ឆ្លៀតក្នុងឱកាសនោះ ឯកឧត្តមបណ្ឌិត កៅ ថាច បានរំលេចថា គ្រឹះស្ថានហិរញ្ញវត្ថុអភិវឌ្ឍន៍គឺជាកាតាលីករសម្រាប់ការបោះជំហានប្រកបដោយសមធម៌ ឆ្ពោះទៅរកការអភិវឌ្ឍសេដ្ឋកិច្ច ដែលបញ្ចេញកាបូនតិចហើយជាវេទិកាមិនត្រឹមតែសម្រាប់ការផ្លាស់ប្តូរគំនិតប៉ុណ្ណោះទេ ប៉ុន្តែថែមទាំងសម្រាប់បង្កើតភាពជាដៃគូដែលនឹងកំណត់អនាគតរួមរបស់យើង។ ឯកឧត្តមបណ្ឌិត […]

  ខេត្តកំពត៖ ក្រុមប្រជានេសាទនៃសមាជិកសហគមន៍នេសាទទេសចរណ៍ត្រពាំងសង្កែ ស្ថិតនៅភូមិកំពង់កេះឃុំត្រពាំងសង្កែ ស្រុកទឹកឈូខេត្តកំពតបានងាកមកចាប់ផ្តើមធ្វើការចិញ្ចឹមត្រីឆ្ពុងនៅក្នុងបែរជាបណ្តើរៗ ហើយដោយទទួល​​បានប្រាក់ចំណូលខ្ពស់សម្រាប់ផ្គត់ផ្គង់ជីវភាពគ្រួសារជាងធ្វើការនេសាទ។​​ លោក ស៊ីម ហ៊ីម ប្រធានសហគមន៍នេសាទទេសចរណ៍ត្រពាំងសង្កែ បានឱ្យដឹងថា ក្រុមប្រជានេសាទដែលជាសមាជិកសហគមន៍ត្រពាំងសង្កែបានងាកមកចិញ្ចឹមត្រីឆ្ពុងក្នុងបែរនេះ នៅដើមឆ្នំាំ២០០៣រហូតមកដល់សព្វថ្ងៃនេះ បានចំនួន៩គ្រួសារ នៅក្នុងមួយគ្រួសារចិញ្ចឹមត្រីចំនួន៣បែរ ហើយទើបប្រមូលផលត្រីបានមួយលើក ទទួលបានប្រាក់ចំណូលពី៥ទៅ៦លានរៀលក្នុងមួយគ្រួសារ។ លោកលើកឡើងថា ការចិញ្ចឹមត្រីឆ្ពុងកាលលើកដំបូងៗ ក្រុមប្រជានេសាទម្នាក់ៗមិនហ៊ានចិញ្ចឹមត្រីនោះទេ ព្រោះខ្លាចខាតបង់ប្រាក់ដោយសារគ្មានបទពិសោធន៍ ប៉ុន្តែនៅពេលបានឃើញអ្នកចិញ្ចឹមត្រីទាំង៩គ្រួសារបានផលចំណេញច្រើន ឥឡូវនេះ បែរមកដណ្តើមគ្នាចិញ្ចឹមត្រីដែរ ហើយនៅថ្ងៃអនាគតអ្នកនេសាទនៅតំបន់នឹងពង្រីកការចិញ្ចឹមត្រីក្នុងបែថែមទៀត ព្រោះការនេសាទវាប្រឈមនឹងបញ្ហាច្រើន នៅពេលដែលអាកាសធាតុមានការប្រែប្រួល។ ទាក់ទងនិងការចិញ្ចឹមត្រីឆ្ពុងនៅក្នុងបែរនៅឃុំត្រពាំងសង្កែ បើយោងតាមប្រធានសហគមន៍ ខាងលើ គ្រោងពង្រីកអ្នកចិញ្ចឹមត្រីជូនដល់ប្រជានេសាទនៅក្នុងជំហានទី១មានចំនួន១០០គ្រួសារ តែពេលនេះទើបបានចំនួន៩គ្រួសារ នៅខែធ្នូខាងមុខនឹងថែម១០គ្រួសារឬស្មើ៣០០បែរទៀត។លើសពីនេះនៅឆ្នំាំ២០២៥ខាងមុនសហគមន៍ត្រៀមឱ្យអ្នកនេសាទក្នុងតំបន់របស់ខ្លួនធ្វើការចិញ្ចឹមត្រីឆ្ពុងក្នុងបែរ១០០គ្រួសារផ្សេងទៀតផងដែរ។ លោក ស៊ីម ហ៊ីម បានគូសបញ្ជាក់ថា “កាលពីមុនមកអ្នកនេសាទនៅក្នុងតំបន់ ពួកគាត់ពឹងផ្អែកជាចម្បងទៅលើមុខរបរនេសាទតាមបែបប្រពៃណីពីដូនតា ប៉ុន្តែមកដល់ឥឡូវនេះគាត់បានផ្អាកការនេសាទ យកការចិញ្ចឹមត្រីធ្វើជាមុខរបរចម្បងប្រចំាំគ្រួសារវិញ តែមុខរបរមួយនេះនូវជួបបញ្ហាប្រឈមជាមួយទីផ្សារនៅក្នុងរដូវវស្សា មិនសូវមានអ្នកកំម្ម៉ង់ទិញ ដូចនៅរដូវប្រាំង។តែទោះជាបែបនេះក្តី ខ្ញុំកំពុងព្យាយាម ទាក់ទងនិងជាមួយខាងសហគ្រិន សមាគម ក៏ដូចជាខាងសណ្ឋាគារក្នុងស្រុកដែលប្រមូលទិញត្រីឆ្ពុង”។ នៅថ្ងៃអនាគតក្រុមប្រជានេសាទដែលចាប់យកការចិញ្ចឹមត្រីឆ្ពុងធ្វើជាមុខរបរចម្បងប្រចាំគ្រួសារ លោកមានសុទិដ្ឋិនិយមថា ជីវភាពរបស់អ្នកចិញ្ចឹមត្រីក្នុងបែមានជីវភាពប្រសើរជាងអ្នកនេសាទ ដោយសារអ្នកនេសាទ ពេលខ្លះទៅនេសាទបានប្រាក់ត្រឹមស្មើថ្លៃដើម ហើយពេលខ្លះក្នុង១សប្តាហ៍ចេញមិនអាចទៅនេសាទមិនបានទៀតផង។ ប៉ុន្តែសម្រាប់អ្នកចិញ្ចឹមត្រីវិញ […]

  ភ្នំពេញ៖ តាមរយៈការផ្តល់ជំនួយបច្ចេកទេសរបស់គម្រោងអភិវឌ្ឍន៍ជលផលក្រោយប្រមូលផល (CAPFISH-Capture) បានជំរុញឱ្យមន្ទីរពិសោធន៍បរិស្ថាន និង សុវត្ថិភាពចំណីអាហារ របស់វិទ្យាស្ថានប៉ាស្ទ័រកម្ពុជាទទួលបានជោគជ័យពីការវាយតម្លៃទទួលស្គាល់ ប្រព័ន្ធ គ្រប់គ្រង គុណភាព មន្ទីរពិសោធន៍ (ISO/IEC 17025/2017) ដើម្បីពង្រីកវិសាលភាពលើការពិនិត្យគុណភាពក្នុងការលក់លើទីផ្សារទាំងក្នុង និងក្រៅប្រទេស។ សេចក្តីប្រកាសព័ត៌មាននៅថ្ងៃទី៤ ខែ វិច្ឆិកា ឆ្នាំ ២០២៤នេះបង្ហាញថា​​ តាមរយៈជំនួយបច្ចេកទេសពីគម្រោង CAPFISH-Capture មន្ទីរពិសោធន៍បរិស្ថាន និង សុវត្ថិភាពចំណីអាហាររបស់វិទ្យាស្ថានប៉ាស្ទ័រកម្ពុជា ទទួលបានស្តង់ដារ ISO/IEC 17025/2017 ក្នុងខែកញ្ញា ឆ្នាំ២០២២ ពីស្ថាប័នផ្តល់សេវាកម្មវាយតម្លៃទទួលស្គាល់ប្រព័ន្ធគ្រប់គ្រងគុណភាពជាអន្តរជាតិ (IAS) លើសមត្ថភាពធ្វើតេស្តប៉ារ៉ាម៉ែត្រមីក្រូជីវសាស្រ្តនៃម្ហូបអាហារ។ ការវាយតម្លៃទទួលស្គាល់ប្រព័ន្ធគ្រប់គ្រងគុណភាពជាអន្តរជាតិនៃមន្ទីរពិសោធន៍នេះ ពិតជាមានសារៈសំខាន់បំផុតក្នុងការធានាឱ្យសេវាកម្មដែលផ្តល់ដោយមន្ទីរពិសោធន៍របស់វិទ្យាស្ថានប៉ាស្ទ័រកម្ពុជា អាចទទួលបានការជឿជាក់ និង មាន សុក្រិតភាព សម្រាប់លទ្ធផលវិភាគផ្នែកគុណភាព និង សុវត្ថិភាពនៃម្ហូបអាហារក្នុងវិស័យជលផលនិងវិស័យឧស្សាហកម្មម្ហូបអាហារផ្សេងទៀតនៅកម្ពុជា។ លោក សាស្ត្រាចាររ្យ André SPIEGEL នាយកវិទ្យាស្ថានប៉ាស្ទ័រកម្ពុជាបានឱ្យដឹងថា ចំពោះកិច្ចសហការល្អជាមួយគម្រោង CAPFISH-Capture ហើយទទួលបានលទ្ធផលដែលសម្រេចបាននេះ បង្កើនសមត្ថភាពរបស់យើងក្នុងការគាំទ្រសុខភាពសាធារណៈតាមរយៈការពង្រឹងសុវត្ថិភាពម្ហូបអាហារនិងជួយឱ្យវិស័យជលផលនិងវិស័យឧស្សាហកម្មម្ហូបអាហាររបស់កម្ពុជាអាចឆ្លើយតបទៅនឹងបទដ្ឋានជាតិនិងអន្តរជាតិ ដែលចុងក្រោយផ្តល់អត្ថប្រយោជន៍ដល់ម្ចាស់អាជីវកម្មនិងអ្នកបរិភោគ។ លោកបានបញ្ជាក់ថា គម្រោងដែលបានបន្តកិច្ចគាំទ្រផ្នែកបច្ចេកទេសដល់វិទ្យាស្ថានប៉ាស្ទ័រកម្ពុជាក្នុងគោលដៅសម្រេចឱ្យបាននូវការទទួលស្គាល់គុណភាពជាអន្តរជាតិនៃប្រព័ន្ធគ្រប់គ្រងមន្ទីរពិសោធន៍សម្រាប់ការផ្តល់សេវាកម្មធ្វើតេស្តផ្នែកគីមីសាស្រ្តនាពេលដ៏ខ្លីខាងមុខបន្ថែមទៀត។ […]

(ភ្នំពេញ)៖ឯកឧត្តម ងិន ឆាយ ប្រតិភូរាជរដ្ឋាភិបាល ទទួល បន្ទុកជា អគ្គនាយក នៃ អគ្គនាយកដ្ឋាន កសិកម្ម បានថ្លែងថា ក្នុងរយៈពេល៩ខែដើមឆ្នាំ២០២៤នេះ ផលិតផលដំណាំកសិកម្មកម្ពុជាបាននិងកំពុង ដំណើរការល្អ ពោលទាំងការដាំដុះ ដំណាំស្រូវ ដំណាំសាកវប្បកម្ម និងដំណាំឧស្សាហកម្មគឺកម្ពុជាទទួលបានលើសផែនការ។ ការលើកឡើងរបស់ឯកឧត្តម ងិន ឆាយ គឺ ក្រោយបញ្ចប់ពិធីប្រកាសដាក់ឱ្យប្រើប្រាស់នូវឯកសារស្តីពី តំបន់ ដាំដុះដំណាំស្វាយចន្ទីនៅកម្ពុជាកាលពីថ្ងៃទី២៥ខែតុលាឆ្នាំ២០២៤នេះ។ ឯកឧត្តមបានមានប្រសាសន៍ថា ដោយសារ កត្តាអាកាសធាតុអំណោយផលមានភ្លៀងធ្លាក់គ្រប់គ្រាន់ ឃើញថាដំណាំស្រូវឆ្នាំនេះទទួលបានលទ្ធផលល្អ និងក្រៅពីនេះដំណាំជាផលិតផលកសិករដទៃទៀតក៏ទទួលបានទិន្នផលល្អដូចគ្នា”។ ឯកឧត្តម បញ្ជាក់បន្ថែមថា ដំឡូងមីកម្ពុជាដែលនាំចេញមាន២ប្រភេទគឺ ដំឡូងមីស្រស់ និងដំឡូងមីក្រៀម។ដំឡូងមីស្រស់ដែលនាំចេញធំជាងគេគឺទៅកាន់ទីផ្សារ ប្រទេសវៀតណាម និង ប្រទេសថៃ។ ក្រៅពីនេះកម្ពុជាក៏មានកសិផលជាច្រើនទៀត ដូចជាស្វាយកែវរមៀត មានប៉ៃលិន ចេកអំបូងពណ៌លឿងក៏កម្ពុជានាំចេញច្រើនផងដែរ។ ផលិតកម្មដំណាំស្រូវក្នុងឆ្នាំ២០២៣ កន្លងមកកម្ពុជាផលិតបានប្រមាណ១២,៥លានតោនដោយក្នុងនោះការនាំចេញអង្ករបានជាង៦៥ ម៉ឺនតោន គិតជា ទឹកប្រាក់ ជាង៤៦៦លានដុល្លារ និងស្រូវប្រមាណជាង ៤លាន តោន គិតជាទឹកប្រាក់ជាង១,៣ពាន់លានដុល្លារ ។ ប្រទេសចិននិងសហភាពអឺរ៉ុបគឺជាទីផ្សារធំបំផុតរបស់ប្រទេសកម្ពុជា។ឯកឧត្តមបន្តថាសម្រាប់ដំណាំស្វាយចន្ទីវិញ ក៏ផលិតលើសផែនការផងដែរដោយផលិតបានប្រមាណជាង […]

ភ្នំពេញ៖ លោកឧកញ៉ា សុង សារ៉ន អគ្គនាយកក្រុមហ៊ុន Amru Rice Cambodia  បាន​ថ្លែងថា បច្ចុប្បន្ននេះ ពូជស្រូវសែនក្រអូប ស្រូវស្រង៉ែ មាន​ភាពសុទ្ធ ជាង ៩០% សូមបងប្អូនដាំពូជខ្មែរដើម្បីងាយស្រួលរកទីផ្សារ ហើយ​​សូមកាត់បន្ថយប្រើ​​​ពូជស្រូវ OM5451 ដោយ​​កុំប្រើថ្នាំពុល ថ្នាំសំលាប់សត្វល្អិត ឬជីគីមីច្រើនពេក (Pesticides and Insecticide)នៅក្នុងស្រែ។ ឧកញ៉ា សុង សារ៉ន លើកឡើងទៀតថា ​​ពូជចំនូន២ប្រភេទខាងលើ​នេះគឺជាពូជ ផលិតបាន​ក្នុងស្រុក​​ ជាពិសេស ពូជ ស្រង៉ែ​វិញគឺអាចជំនួស ពូជស្រូវ OM5451ពីវៀតណាមបាន ​​ហើយពូជខាងលើនេះគឺជាជម្រើសល្អ ដែលកសិករអាចពិចារណា ព្រោះមានទីផ្សារ មិនដូចពូជនាំចូលនោះទេ។​​ សម្រាប់ លោក ឈិត ប៊ុនថន ម្ចាស់រោងម៉ាស៊ីនកិនស្រូវ ឈិត ប៊ុនថន នៅក្នុងស្រុកស្វាយអន្ទរ ខេត្តព្រៃវែងបាន​លើក​ឡើងថា កន្លងទៅនៅខេត្តព្រៃវែងប្រជាកសិករ​តែងនិយមដាំស្រូវពូជប្រភេទ OM5451 នៅពេលប្រមូលផល​​ គឺពួកគាត់លក់​ឲ្យឈ្មួញវៀតណាមមក​ទិញដល់​វាលស្រែតែម្តង​​​​ ។ លោក​បាន​​លើក​ឡើងទៀត​​​​ថា បើសិន​ជារាជរដ្ឋាភិបាល​ចង់​ឲ្យ​ប្រជាកសិករ​​​ប្តូទម្លាប់​មក​ដាំពូជ […]