អន្តរជាតិ

ក្រុងឆុងឈីង៖ រថភ្លើងដឹកទំនិញមួយគ្រឿង ដែលដឹកផ្លែចេកនាំចេញពីប្រទេសឡាវ បានមកដល់ទីក្រុងឆុងឈីង(Chongqing) កាលពីពេលថ្មីៗនេះ ដែលជាការដឹកជញ្ជូនផ្លែចេកនាំចូលលើកដំបូង ដោយដឹកជញ្ជូនតាមផ្លូវដែកបិទជិត ទៅកាន់ផ្លូវដែកអន្តរមធ្យោបាយ។ ការដឹកជញ្ជូនផ្លែចេករបស់ឡាវនេះ តាមរយៈទូកុងតឺន័រទំហំ៤០ហ្វីត ចំនួនប្រាំគ្រឿង ដែលមានទម្ងន់សរុប៨៥,៥តោន ទៅកាន់ទីក្រុងឆុងឈីង ភាគកណ្តាលប្រទេសចិន ដោយចេញដំណើរពីទីក្រុងវៀងចន្ទន៍ ប្រទេសឡាវ ឆ្លងតាមកំពង់ផែផ្លូវដែកម៉ូហាន (Mohan Railway Port) ក្នុងខេត្តយូណាន មុនពេលបន្តដំណើរតាមផ្លូវដែកទៅកាន់ទីក្រុងឆុងឈីងតែម្តង។ បន្ទាប់ពីបំពេញបែបបទបញ្ចេញទំនិញរបស់ភ្នាក់ងារគយ ផ្លែចេកទាំងនេះត្រូវបានចែកចាយទៅកាន់ទីផ្សារលក់ដុំផ្លែឈើ នៅក្នុងខេត្តឆុងឈីង និងតំបន់ជុំវិញ។ យោងតាមក្រុមហ៊ុននាំចូល បានឱ្យដឹងថា តម្រូវការផ្លែចេកដាំក្នុងតំបន់អាស៊ីអាគ្នេយ៍ បានកើនឡើងក្នុងប៉ុន្មានឆ្នាំថ្មីៗកន្លងមកនេះ។ ផ្លែចេកឡាវ មានទីផ្សារនៅក្នុងប្រទេសចិន ដោយសារតែលក្ខខណ្ឌផ្គត់ផ្គង់មានស្ថេរភាព គុណភាពល្អជាប់លាប់ និងរចនាសម្ព័ន្ធថ្លៃដើមសមរម្យ ដែលរួមចំណែកដល់បរិមាណនាំចូលផ្លែចេកកាន់តែខ្ពស់ឡើងៗ។ ការដឹកជញ្ជូនបានប្រើគំរូនៃការដឹកជញ្ជូនតភ្ជាប់ពីផ្លូវដែកមួយទៅផ្លូវដែកមួយទៀត ដែលអាចគ្រប់គ្រងសីតុណ្ហភាពបានជាប្រចាំ ក្រោមការតាមដានពីដើមទីដល់ចុងទី និងការត្រួតពិនិត្យទិន្នន័យក្នុងពេលវេលាជាក់ស្តែង។ ក្រុមហ៊ុនបានរាយការណ៍ថា ថ្លៃដើមដឹកជញ្ជូនសរុប រួមទាំងថ្លៃលើកដាក់ និងថ្លៃដាក់ចុះទំនិញ បានធ្លាក់ចុះប្រហែល១៦ភាគរយ បើធៀបនឹងវិធីដឹកជញ្ជូនមុនៗ។ ដើម្បីគាំទ្រដល់ពាណិជ្ជកម្មនាំចូលផ្លែចេកឆ្លងដែន ភ្នាក់ងារគយចិន បានដាក់ចេញនូវកម្មវិធីសាកល្បងសម្រាប់ការត្រួតពិនិត្យគោលដៅ និងការដាក់ឱ្យនៅដាច់ពីគេ ក្រោមក្របខ័ណ្ឌច្រករបៀងពាណិជ្ជកម្មដីគោកអន្តរជាតិថ្មី។ ការសម្របសម្រួលត្រូវបានពង្រឹងជាមួយភ្នាក់ងារគយគុនមីង និងភ្នាក់ងារដឹកជញ្ជូននៅកំពង់ផែឆុងឈីង ជាមួយនឹងយន្តការការងាររួមគ្នា ដែលបានបង្កើតឡើង […]

ហ្សាកាតា៖ មន្ត្រីកសិកម្មឥណ្ឌូណេស៊ី បាននិយាយថា ក្នុងសប្តាហ៍នេះ ប្រទេសឥណ្ឌូណេស៊ីបាននាំចូលគោរស់ចំនួន ១,៣៨៣ក្បាលបន្ថែមទៀតពីប្រទេសអូស្ត្រាលី ដែលជាផ្នែកមួយនៃផែនការចំណាយ៣ពាន់លានដុល្លារ ដើម្បីលើកចិត្តកសិករខ្នាតតូចឱ្យចូលរួមក្នុងកិច្ចខិតខំប្រឹងប្រែង ដើម្បីបង្កើនទិន្នផលទឹកដោះគោឱ្យកើនឡើងកាន់តែច្រើន។ សេចក្តីការណ៍កាលពីឆ្នាំមុន បានលើកឡើងថា ដោយសារប្រឈមនឹងបញ្ហាមូលនិធិមានកម្រិត ទើបរដ្ឋាភិបាលឥណ្ដូណេស៊ីជំរុញឱ្យក្រុមហ៊ុនឯកជនជួយផ្តល់មូលនិធិដល់ការទិញគោនេះ ដែលជាជម្រើសមិនសូវល្អធ្វើឱ្យមានការព្រួយបារម្ភយ៉ាងខ្លាំងក្នុងចំណោមអាជីវកម្មចិញ្ចឹមគោក្នុងប្រទេសឥណ្ឌូណេស៊ី។ ចំណែកលោក​ អាគុង ស៊ូហ្គានដា (Agung Suganda) អគ្គនាយកទីភ្នាក់ងារបសុសត្វ និងសុខមាលភាពសត្វ របស់ក្រសួងកសិកម្ម បាននិយាយនៅក្នុងសេចក្តីថ្លែងការណ៍មួយថា «គោទាំងនេះមិនត្រឹមតែជាការបន្ថែមលើចំនួនគោមានស្រាប់ប៉ុណ្ណោះទេ។ វាជាការវិនិយោគបែបយុទ្ធសាស្ត្រដើម្បីពង្រឹងមូលដ្ឋានគ្រឹះនៃការផលិតទឹកដោះគោជាតិពីកសិដ្ឋានខ្នាតតូច»។ ចំណុចសំខាន់នៃកម្មវិធីអាហារឥតគិតថ្លៃ ដែលផ្តោតសំខាន់លើកុមារ និងស្ត្រីមានផ្ទៃពោះប្រមាណ៨៣លាននាក់ នៅទូទាំងប្រទេស បានអំពាវនាវឱ្យមានការនាំចូលគោទឹកដោះយកគោចំនួនមួយលានក្បាលក្នុងរយៈពេលប្រាំឆ្នាំ ដើម្បីបង្កើនចំនួនគោយកទឹកដោះ ដែលសព្វថ្ងៃត្រឹម២២ម៉ឺនក្បាល។ ក្រសួងកសិកម្មឥណ្ឌូណេស៊ី បាននិយាយថា ការនាំចូលគោរស់នាពេលកន្លងមក រួមមានការដឹកជញ្ជូនរួមគ្នា និងការបង្កាត់ពូជ ដែលពាក់ព័ន្ធនឹងគោរបស់សហគមន៍ និងកសិករ ចាប់តាំងពីឆ្នាំមុន ដោយទិន្នផលទឹកដោះគោរបស់ពួកគាត់ នឹងបញ្ជូនទៅឱ្យឧស្សាហកម្មកែច្នៃទឹកដោះគោ ដើម្បីធានាឱ្យបាននូវនិរន្តរភាពនៃការផ្គត់ផ្គង់ទឹកដោះគោ។ មន្ត្រីផ្នែកសុខភាពសត្វនៅក្រសួងកសិកម្មឥណ្ឌូណេស៊ី បាននិយាយថា ការនាំចូលគោយកទឹកដោះគោ ក្នុងពេលថ្មីៗនេះ បានជួបបញ្ហាប្រឈមនឹងការធ្វើចត្តាឡីស័ក្ត និងការត្រួតពិនិត្យរកជំងឺឆ្លងផ្សេងៗ បន្ទាប់ពីបានដឹកមកដល់ខេត្តជ្វាកណ្តាល កាលពីថ្ងៃទី១ ខែកុម្ភៈ ឆ្នាំ២០២៦នេះ។ ដើម្បីធានាដល់សុវត្ថិភាពសត្វ ការធ្វើចត្តាឡីស័ក្តមានរយៈពេល១៤ថ្ងៃ […]

ទីក្រុងកាណាវុន៖ ផលប៉ះពាល់នៃរលកកម្តៅ កាលពីសប្តាហ៍មុន នៅក្នុងតំបន់ភាគខាលិចប្រទេសអូស្ត្រាលី ត្រូវបានគេរំពឹងថា មិនមែនតែក្តៅខ្លាំងនៅតាមវាលប៉ុណ្ណោះទេ ដោយអ្នកដាំដំណាំហូបផ្លែនៅទីក្រុងកាណាវុន បានវាយតម្លៃអំពីទំហំខូចខាតដោយសារសីតុណ្ហភាពឡើងកម្តៅខុសពីធម្មតា។ កាលពីដើមសប្តាហ៍មុន សីតុណ្ហភាពបានកើនឡើងលើសពី៤០អង្សាសេ ដោយទីក្រុងកាណាវុន មានកម្តៅខ្លាំងបំផុតរហូត៤៧,៩អង្សាសេ កាលពីថ្ងៃទី២១ ខែមករា ឆ្នាំ២០២៦ ដែលជាកម្រិតកម្តៅខ្ពស់បំផុតលើសកាលពីឆ្នាំ២០១៥។ កសិករដាំស្វាយនៅក្នុងតំបន់ម្នាក់ បាននិយាយថា រលកកម្តៅបានបង្កផលប៉ះពាល់ដល់ផ្លែស្វាយរបស់គាត់ ដែលជិតដល់ពេលប្រមូលផល និងធ្វើឱ្យខាងបង់ថវិកាប្រហែល៦៦ ០០០ដុល្លារ ចំណែកវិស័យផ្លែឈើផ្សេងទៀត ជាពិសេសផ្លែទំពាំងបាយជូរ និងចេក ទំនងជាប្រឈមនឹងការខាតបង់ច្រើនដែរ។ កាលពីថ្ងៃទី២៣ ខែមករា ឆ្នាំ២០២៦ សីតុណ្ហភាពនៅតំបន់កាណាវុន បានធ្លាក់ចុះមកវិញដល់កម្រិតអតិបរមា២៨អង្សាសេ ប៉ុន្តែកសិករបាននិយាយថា សីតុណ្ហភាពចុះត្រជាក់យឺតពេលបន្តិចហើយ ព្រោះដំណាំរបស់ពួកគាត់បានខូចដោយសាររលកកម្តៅរួចទៅហើយ។ មន្ត្រីទីក្រុងកាណាវុន និងជាអ្នកដាំស្វាយម្នាក់ បាននិយាយថា ផ្លែស្វាយរបស់លោកបានខូចខាតច្រើនណាស់ ដោយសាររលកកម្តៅកើតឡើងតែបីថ្ងៃសោះ។ ចំណែកអ្នកវិទ្យាសាស្ត្រ ដែលធ្លាប់ធ្វើការជាមួយក្រសួងឧស្សាហកម្ម និងការអភិវឌ្ឍន៍ក្នុងតំបន់ និងជាអ្នកធ្លាប់បានស្រាវជ្រាវលក្ខខណ្ឌផលិតកម្ម នៅក្នុងតំបន់នោះ បាននិយាយថា កត្តានៅក្នុងតំបន់ក៏មានចំណែកបង្កឱ្យមានគ្រោះឡើងកម្តៅផងដែរ។ លោកស្រីបានមានប្រសាសន៍ថា យុទ្ធសាស្ត្រសំខាន់មួយនៅក្នុងទីក្រុងកាណាវុន គឺត្រូវស្រោចទឹកដំណាមឱ្យបានច្រើនបំផុតក្នុងអំឡុងពេលរលកកម្តៅ។ ប៉ុន្តែ ទឹកនៅតំបន់នេះ​មានជាតិប្រៃច្រើនណាស់ ដូច្នេះធ្វើឱ្យរុក្ខជាតិពិបាកលូតលាស់។ ជាពិសេស នៅពេលសីតុណ្ហភាពក្តៅខ្លាំងបែបនេះ ទឹកប្រៃនឹងធ្វើឱ្យដំណាំរឹតតែពិបាកលូតលាស់កាន់តែខ្លាំង។ […]

តៃប៉ិ៖ ផ្លែក្រូចឃ្វិចតៃវ៉ាន់ បានត្រឡប់ចូលទីផ្សារម៉ាឡេស៊ីឡើងវិញ នៅឱកាសមុនពិធីបុណ្យចូលឆ្នាំចិន ដោយក្រូចនេះត្រូវបានផ្គត់ផ្គង់ចេញពីទីក្រុងតៃជុង (Taichung) ជាតំបន់ផលិតផលក្រូចឃ្វិចតាមរដូវកាល របស់កោះតៃវ៉ាន់ ក្នុងឱកាសបុណ្យចូលឆ្នាំថ្មីប្រពៃណីចិន។ កម្មវិធីនាំចេញនេះ ត្រូវបានរៀបចំឡើងដោយសមាគមកសិករក្នុងស្រុក ដោយមានការគាំទ្រពីក្រសួងកសិកម្មតៃវ៉ាន់ និងការិយាល័យកសិកម្មទីក្រុងតៃជុង និងផ្តោតលើការរក្សាវត្តមាននាំចេញផលិតផលផ្លែក្រូចឃ្វិច ទៅកាន់ទីផ្សារក្នុងតំបន់អាស៊ីអាគ្នេយ៍ រួមមានប្រទេសម៉ាឡេស៊ី សិង្ហបុរី និងប្រទេសប្រ៊ុយណេ។ យោងតាមអ្នករៀបចំកម្មវិធីនាំចេញ បានឱ្យដឹងថា ការដឹកជញ្ជូននាំចេញផ្លែក្រូចឃ្វិចលើកដំបូងក្នុងបរិមាណប្រហែល១៥តោន បានមកដល់ប្រទេសម៉ាឡេស៊ីរួចរាល់ហើយ។ ផ្លែក្រូចឃ្វិចទាំងនេះ ត្រូវបានចែកចាយនៅទូទាំងប្រទេស តាមរយៈបណ្តាញលក់រាយ និងផ្សារទំនើបនៅក្នុងប្រទេសម៉ាឡេស៊ី។ ចំណែកការនាំចូលផលិតផលផ្លែក្រូចនេះ ត្រូវបានគ្រប់គ្រងដោយក្រុមហ៊ុនម៉ាឡេស៊ី។ ការិយាល័យកសិកម្មក្រុងតៃជុង បាននិយាយថា ផលិតកម្មក្រូចឃ្វិចក្នុងស្រុកឆ្នាំនេះ ផ្តល់ទិន្នផលល្អ ដោយសារកម្រិតទឹកភ្លៀងគ្រប់គ្រាន់ អាកាសធាតុអំណោយផល និងស្ថានភាពដីល្អសមស្របសម្រាប់ការដាំដុះដំណាំក្រូចឃ្វិច។ ទោះបីជាមានបញ្ហាអាកាសធាតុខ្លះក៏ដោយ ដូចជាសីតុណ្ហភាពទាប និងព្យុះទីហ្វុងក៏ដោយ ក៏បរិមាណផ្គត់ផ្គង់ និងគុណភាពផ្លែក្រូចនៅតែល្អដដែល។ លោក ចេម ចាង (James Chang) នាយកផ្នែកសេដ្ឋកិច្ចនៅការិយាល័យសេដ្ឋកិច្ច និងវប្បធម៌តៃប៉ិ ក្នុងប្រទេសម៉ាឡេស៊ី បានថ្លែងថា តម្រូវការក្រូចឃ្វិចក្នុងអំឡុងពិធីបុណ្យចូលឆ្នាំថ្មីប្រពៃណីចិន​ នៅឆ្នាំនេះ មានបរិមាណច្រើនលើសពីបរិមាណអាចរកបាន ដែលបង្ហាញពីការស្រូបយកការលក់រាយប្រកបដោយស្ថិរភាព។ ដោយសារតែការពេញនិយមទទួលទាននេះ ទើបធ្វើឱ្យផ្លែក្រូចឃ្វិចតៃវ៉ាន់ត្រូវដាក់លក់នៅលើទីផ្សារ […]

ខេត្តឡាំដុង៖  ក្រសួងសន្តិសុខសាធារណៈវៀតណាម បានឱ្យដឹងថា ក្រុមមន្ត្រីនគរបាលរបស់ខ្លួនបានបើកការស៊ើបអង្កេតបទល្មើសព្រហ្មទណ្ឌលើឃ្លាំងមួយកន្លែង ក្នុងខេត្តឡាំដុង បន្ទាប់ពីនគរបាលឆ្មក់ឆែកឆេ កាលពីសប្តាហ៍មុន ហើយរកឃើញសកម្មភាពផលិតកាហ្វេក្លែងក្លាយធ្វើពីសណ្តែកសៀង។ សារព័ត៌មានវៀតណាម បានចុះផ្សាយដោយយោងតាមសេចក្តីថ្លែងការណ៍របស់ក្រសួងសន្តិសុខសាធារណៈវៀតណាម បញ្ជាក់ថា ក្នុងអំឡុងពេលឆ្មក់ចូលក្នុងឃ្លាំងនេះ ក្រុមមន្ត្រីនគរបាលបានរឹបអូសកាហ្វេក្លែងក្លាយចំនួន៤,១តោន និងវត្ថុធាតុដើមសម្រាប់ផលិតកាហ្វេក្លែងក្លាយប្រមាណបីតោន។ បើតាមប្រភពដដែល វៀតណាម គឺជាប្រទេសផលិតកាហ្វេ រ៉ូប៊ូស្តា ដ៏ធំបំផុតមួយក្នុងពិភពលោក ដែលកាហ្វេប្រភេទនេះមានរសជាតិល្វីង និងត្រូវបានប្រើប្រាស់ជាចម្បងសម្រាប់ផលិតកាហ្វេកញ្ចប់។ ចំណែកខេត្តឡាំដុង គឺតំបន់ខ្ពង់រាបភាគកណ្ដាលវៀតណាម ដែលជាទីតាំងដាំដុះកាហ្វេដ៏សំខាន់បំផុតរបស់ប្រទេសវៀតណាម។ ក្រសួងសន្តិសុខសាធារណៈវៀតណាម បានបញ្ជាក់ទៀតថា នៅពេលឆ្មក់ចូលម្ចាស់ឃ្លាំង បានសារភាពចំពោះមុចនគរបាលថា លោកបានលាយសណ្តែកសៀងជាមួយគ្រាប់កាហ្វេ និងបន្ថែមរសជាតិ ដើម្បីផលិតកាហ្វេកិន សម្រាប់ចែកចាយនៅទីផ្សារក្នុងប្រទេសវៀតណាម។ ប្រភពដដែលបន្តថា  ការឆ្មក់ចូលឆែកឆេរក្នុងឃ្លាំងនេះ ត្រូវបានអនុវត្តបន្ទាប់ពីនគរបាលត្រួតពិនិត្យរថយន្តមួយគ្រឿង កាលពីថ្ងៃអង្គារ សប្តាហ៍មុន និងរកឃើញកាហ្វេកិនចំនួន១ ០៥៦បាវ ទម្ងន់សរុប ៥២៨គីឡូក្រាម ដែលមិនមានឯកសារផ្លូវការភ្ជាប់មកជាមួយ។ នគរបាលបានបញ្ជាក់ថា ការស៊ើបអង្កេតបន្ថែមទៀតនៅតែបន្ត ដើម្បីស្វែងរកបណ្ដាញពាក់ព័ន្ធផ្សេងទៀត។ បុរសជាពាណិជ្ជករកាហ្វេមួយរូប នៅក្នុងខេត្តដាក់ឡាក់ (Dak Lak) បាននិយាយថា ករណីកាហ្វេក្លែងក្លាយនេះមិនមែនជារឿងចម្លែកនោះទេ ហើយជាញឹកញាប់ត្រូវបានជនទុច្ចរិតផលិតពីសណ្តែកសៀង និងពោត ឬលាយសណ្តែកសៀងជាមួយពោតតែម្តង។ លោកបានបន្ថែមថា […]

ម៉ានីល៖ ក្រសួងកសិកម្មហ្វីលីពីន កាលពីថ្ងៃទី២៩​ ខែមករា ឆ្នាំ២០២៦នេះ បានធានាថា នឹងមិនមានការនាំចេញអង្ករលើសកម្រិតតម្រូវការក្នុងប្រទេសឡើយ ទោះបីជាមានការពង្រីកទំនាក់ទំនងពាណិជ្ជកម្មក្រៅប្រទេសថែមទៀតក៏ដោយ។ រដ្ឋមន្ត្រីក្រសួងកសិកម្ម លោក ហ្វ្រេនស៊ីស្កូ ធៀវ ឡូរ៉ែល (Francisco Tiu Laurel) បានធានាបែបនេះ បន្ទាប់ពីប្រទេសហ្វីលីពីនបានបើកទ្វារទទួលការនាំចូលអង្ករពីប្រទេសប៉ាគីស្ថាន បន្ទាប់ពីកិច្ចប្រជុំរវាងមន្ត្រីជាន់ខ្ពស់របស់ប្រទេសទាំងពីរ។ ក្នុងសេចក្តីថ្លែងការណ៍មួយ លោករដ្ឋមន្ត្រីក្រសួងកសិកម្ម បានមានប្រសាសន៍ថា ការនាំចូលអង្កររបស់ប្រទេសហ្វីលីពីននឹងត្រូវបរិមាណពិតប្រាកដ ដើម្បីបំពេញបន្ថែមចំពោះកង្វះខាតអង្ករក្នុងស្រុក។ ប្រទេសហ្វីលីពីនស្វាគមន៍អង្ករនាំចូលពីប៉ាគីស្ថាន ប៉ុន្តែបានកំណត់ការនាំចូលយ៉ាងតឹងរ៉ឹងនូវបរិមាណពិតប្រាកដ ដែលប្រទេសហ្វីលីពីនត្រូវការ ដោយមិនឱ្យនាំចូលហួសច្រើនលើសកម្រិត ដែលអាចបង្កបញ្ហាដល់សន្តិសុខស្បៀងក្នុងប្រទេស។ លោកបានបញ្ជាក់ជាថ្មីថា ភាពគ្រប់គ្រាន់ដោយខ្លួនឯងនៅតែជាអាទិភាពតាមរយៈការគាំទ្រផលិតកម្មក្នុងស្រុក សកម្មភាពដោះស្រាយការរំខានដោយបញ្ហាអាកាសធាតុ ការកើនឡើងនៃតម្រូវការ និងបញ្ហាប្រឈមផ្នែករចនាសម្ព័ន្ធក្នុងការផលិតស្រូវនៅប្រទេសហ្វីលីពីន។ នាពេលថ្មីកន្លងមកនេះ រដ្ឋាភិបាលប៉ាគីស្ថានបានដាក់សំណើនេះទៅក្រសួងកសិកម្មហ្វីលីពីន ដោយសារផលិតកម្មស្រូវរបស់ខ្លួនកើលើសតម្រូវការក្នុងប្រទេសប៉ាគីស្ថាន។ សំណើរបស់ប៉ាគីស្ថាន ត្រូវបានធ្វើឡើងនៅពេលក្រសួងកសិកម្មហ្វីលីពីន ធ្វើពិពិធកម្មប្រភពអង្ករនាំចូល ដើម្បីទប់ស្កាត់ការពឹងផ្អែកលើអ្នកផ្គត់ផ្គង់តែមួយ។ លោក ហ្វ្រេនស៊ីស្កូ ធៀវ ឡូរ៉ែល បានសង្កត់ធ្ងន់ថា ទោះបីជាយ៉ាងណា អង្ករនាំចូលនឹងនៅតែជា ការផ្គត់ផ្គង់ និងមិនមែនជាការជំនួស សម្រាប់ការបង្កបង្កើនផលក្នុងប្រទេសហ្វីលីពីនឡើយ។ លោកបានមានប្រសាសន៍ទៀតថា វិធានការនេះមានគោលបំណងបង្ហាញពីកិច្ចខិតខំប្រឹងប្រែងរបស់រដ្ឋាភិបាលហ្វីលីពីន ក្នុងការពង្រីកពាណិជ្ជកម្មអន្តរជាតិ និងជួយសម្រេចបាននូវសន្តិសុខស្បៀងជាមួយសមភាគីរបស់ខ្លួន។ […]

ហាណូយ៖ សមាគមកាហ្វេ និងកាកាវវៀតណាម បាននិយាយថា តម្លៃនៅតែខ្ពស់ក្នុងរយៈពេលយូរដោយសារកត្តាជាច្រើន។ ការប្រែប្រួលអាកាសធាតុបានកាត់បន្ថយទិន្នផល ឬរុញច្រានការផលិតឱ្យទាបជាងការរំពឹងទុកនៅក្នុងប្រទេសផលិតកាហ្វេសសំខាន់ៗមួយចំនួន។ ប៉ុន្តែចំពោះកាហ្វេ រ៉ូប៊ូស្តា ដែលវៀតណាមផ្គត់ផ្គង់បានច្រើនជាងគេនៅលើសកល បែរជាលែងសូវមានច្រើនទៀតហើយ ស្របពេលតម្រូវការនៅតែមានស្ថេរភាព និងមាននិន្នាការកើនឡើង។ ការប្រើប្រាស់កាហ្វេនៅលើសកលលោកក៏កំពុងតែកើនឡើងផងដែរ ជាពិសេសនៅក្នុងទីផ្សារអាស៊ី ដែលសេដ្ឋកិច្ចកំពុងអភិវឌ្ឍរីកចម្រើន។ ការប្រើប្រាស់កាហ្វេ រ៉ូប៊ូស្តា កាន់តែច្រើនសម្រាប់លាយបញ្ចូលគ្នាជំនួសកាហ្វេ អារ៉ាប៊ីកា និងការកាត់បន្ថយថ្លៃដើមផលិត​ បានជំរុញឱ្យមានតម្រូវការកាហ្វេវៀតណាមកាន់តែច្រើនថែមទៀត។ ក្រៅពីការផ្គត់ផ្គង់ និងតម្រូវការ ការលក់ដោយប្រុងប្រយ័ត្ន បានជួយរក្សាតម្លៃកាហ្វេ រ៉ូប៊ូស្តា។ ចំណែកកសិករវៀតណាមលែងប្រញាប់លក់កាហ្វេស្រស់ភ្លាមៗបន្ទាប់ពីប្រមូលផលទៀតហើយ ស្របពេលក្រុមហ៊ុននាំចេញកាហ្វេកំពុងកំណត់តម្លៃដោយប្រុងប្រយ័ត្ន។ ទីផ្សារកាហ្វេវៀតណាមមានភាពរឹងមាំ ខណៈពេលតម្លៃនៅតែខ្ពស់ក្នុងរដូវប្រមូលផល ដោយការនាំចេញរកចំណូលបានប្រហែល៤៣៣លានដុល្លារ ក្នុងរយៈពេល១៥ថ្ងៃដំបូង នៃឆ្នាំ២០២៦។ នៅតំបន់ខ្ពង់រាបកណ្តាល ដែលជាតំបន់ដាំដុះកាហ្វេធំបំផុតរបស់ប្រទេសវៀតណាម គ្រាប់កាហ្វេឆៅមានតម្លៃចាប់ពី៩៨ ០០០ ទៅ១០១ ០០០ដុង ឬប្រហែលពី៣,៧៥ ទៅ៣,៨៦ដុល្លារ ក្នុងមួយគីឡូក្រាម។ នៅខេត្តឡាំដុង គ្រាប់កាហ្វេមានតម្លៃប្រហែល១០០ ៥០០ដុង ឬស្មើនឹង៣,៨៥ដុល្លារ ក្នុងមួយគីឡូក្រាម ខណៈពេលតម្លៃកាហ្វេនៅខេត្តដាក់ណុង មានតម្លៃជិត១០១ ០០០ដុង ឬស្មើនឹង៣,៨៦ដុល្លារ  ក្នុងមួយគីឡូក្រាម។ ចំណែកនៅក្នុងខេត្តដាក់ឡាក់ ដែលជាខេត្តផលិតកាហ្វេធំជាងគេបង្អស់របស់ប្រទេសវៀតណាម […]

ប៉ារីស៖ ចាប់ពីថ្ងៃទី៨ ខែកុម្ភៈ ឆ្នាំ២០២៦នេះ ប្រទេសបារាំងនឹងផ្អាកការនាំចូល និងលក់ចែកចាយនៅលើទឹកដីរបស់ខ្លួននូវផលិតផលម្ហូបអាហារមួយចំនួន នាំចូលពីបណ្តាប្រទេសខាងក្រៅសហភាពអឺរ៉ុប ដោយចោទថា​ មានសំណល់សារធាតុសកម្មប្រភេទ ដែលផ្ទុយពីការអនុញ្ញាតនៅក្នុងសហភាពអឺរ៉ុប។ ក្នុងបរិបទនេះ ក្រសួងកសិកម្ម និងឧស្សាហកម្មម្ហូបអាហារបារាំង កំពុងណែនាំដល់អ្នកនាំចូលផលិតផលម្ហូបអាហារ និងពាណិជ្ជករឱ្យពិនិត្យផ្ទៀងផ្ទាត់ភាពត្រឹមត្រូវខ្ពស់បំផុត រួមទាំងការធ្វើតេស្តរកសំណល់ថ្នាំពុលសម្លាប់សត្វល្អិតផងដែរ។ វិធានការបន្ទាន់ត្រូវអនុវត្តចំពោះផលិតផលកសិកម្ម ដែលមានសំណល់សារធាតុថ្នាំពុលហាមឃាត់របស់សហភាពអឺរ៉ុប មានដូចជា​ ឈ្មោះសារធាតុគីមី ម៉ង់កូហ្សែប (Mancozeb) គ្លុយហ្វូស៊ីណាត (Glufosinate) ត្យូផាណាត-មេទីល  (Thiophanate-methyl) និងសារធាតុគីមីឈ្មោះ កាបង់ដាហ្សីម (Carbendazim) ដែលមាននៅលើផលិតផលផ្លែ មានដូចជា ផ្លែប៉ោម, ផ្លែសារី, ផ្លែទន្លាប់, ផ្លែអាព្រីកូត, ផ្លែឈើរី, ផ្លែប៉េស, ផ្លែព្រូន, ទំពាំងបាយជូរ, កូរ៉ានខ្មៅ, ស្ត្រប៊ើរី។ ចំណែកបន្លែ មានដូចជា ប៉េងប៉ោះ, ផ្លែត្រប់វែង, ស្ពៃក្តោម, សណ្តែកសៀង, សណ្តែកបារាំង, ផ្សិត, ដំឡូងបារាំង, ម្រេច, ត្រសក់ និងសាឡាត់។ វិធានការដដែលនេះ ក៏អនុវត្តចំពោះទាំងផលិតផលស្រស់ […]

រដ្ឋកាណាតាកា៖ កសិករដាំស្វាយចន្ទីនៅក្នុងរដ្ឋកាណាតាកា (Karnataka) ស្ថិតនៅភាគនិរតីនៃប្រទេសឥណ្ឌាកំពុងប្រឈមមុខនឹងវិបត្តិយ៉ាងធ្ងន់ធ្ងរ បន្ទាប់ពីទិន្នផលដំណាំស្វាយចន្ទីរបស់ខ្លួនធ្លាក់ចុះយ៉ាងខ្លាំង ដោយសារអាកាសធាតុមិនទៀងទាត់ និងកង្វះការគាំទ្រពីទីផ្សារ ទើបបញ្ហានេះជំរុញឱ្យកសិករឥណ្ឌាជាច្រើនគ្រួសារបោះបង់ចោលការដាំដុះដំណាំប្រភេទនេះ។ តាមប្រភពព័ត៌មានក្នុងរដ្ឋកាណាតាកា បានឱ្យដឹងថា​ កសិករក្នុងរដ្ឋនេះតែងតែផលិតគ្រាប់ស្វាយចន្ទីបានប្រមាណ៥០០ ០០០តោនក្នុងមួយឆ្នាំ ប៉ុន្តែសម្រាប់ឆ្នាំ២០២៥កន្លងមកថ្មីៗនេះ ការផលិតគ្រាប់ស្វាយចន្ទីរបស់ពួកគាត់បានត្រឹមតែប្រហែល៥០ ០០០តោនប៉ុណ្ណោះ ដែលនេះមានន័យថា ប្រហែល៩០ភាគរយនៃតម្រូវការគ្រាប់ស្វាយចន្ទីរនៅក្នុងប្រទេសឥណ្ឌាត្រូវពឹងផ្អែកលើការនាំចូល។ ស្ថានភាពនេះបានបង្ហាញយ៉ាងច្បាស់ពីការរងគ្រោះនៃវិស័យកសិកម្មក្នុងបរិបទនៃការប្រែប្រួលអាកាសធាតុពិភពលោក។ ទោះបីជាស្វាយចន្ទីជាដំណាំសំខាន់មួយនៅតំបន់ឆ្នេរភាគនិរតីនៃប្រទេសឥណ្ឌាក៏ដោយ កសិករនៅរដ្ឋកាណាតាកា កំពុងជួបការលំបាកយ៉ាងខ្លាំង ដោយសារទិន្នផលទាប ប្រាក់ចំណេញមិនប្រាកដប្រជា និងខ្វះទីផ្សារទិញ-លក់ ដែលមានស្ថិរភាពយូរអង្វែង។ បើតាមអ្នកជំនាញ កត្តាសំខាន់ៗដែលបណ្ដាលឱ្យទិន្នផលស្វាយចន្ទីធ្លាក់ចុះ រួមមានរលកកំដៅ សីតុណ្ហភាពខ្ពស់ និងការប្រែប្រួលរដូវភ្លៀង។ ទាក់ទិននឹងបញ្ហានេះ អង្គការឧតុនិយមពិភពលោក បានព្រមានថា បាតុភូតនៃការប្រែប្រួលអាកាសធាតុកំពុងបង្កផលប៉ះពាល់យ៉ាងធ្ងន់ធ្ងរដល់ជីវភាពកសិករ និងប្រព័ន្ធស្បៀងអាហារពិភពលោក។ វិបត្តិនេះមិនត្រឹមតែប៉ះពាល់ដល់កសិករប៉ុណ្ណោះទេ ប៉ុន្តែអាចនាំឱ្យតម្លៃគ្រឿងទេសកើនឡើង និងធ្វើឱ្យការផ្គត់ផ្គង់អាហារខ្វះខាត។ លើសពីនេះ សត្វព្រៃមួយចំនួន ដូចជាស្វា ដែលពឹងផ្អែកលើគ្រាប់ស្វាយចន្ទីជាអាហារ ក៏អាចរងផលប៉ះពាល់ និងធ្វើឱ្យប្រព័ន្ធអេកូឡូស៊ីរងការរំខានផងដែរ។ ដើម្បីដោះស្រាយបញ្ហានេះ មជ្ឈមណ្ឌលស្រាវជ្រាវស្វាយចន្ទី (Cashew Research Centre) របស់ឥណ្ឌា បានចាប់ផ្តើមផ្គត់ផ្គង់ដល់កសិករឥណ្ឌានូវពូជស្វាយចន្ទីថ្មីៗ ដែលមានទិន្នផលខ្ពស់ និងធន់នឹងសត្វល្អិត។ ព្រមទាំងលើកទឹកចិត្តឱ្យកសិករប្រើប្រាស់ពូជស្វាយចន្ទីថ្មីនេះ ដែលអាចបរិភោគបាន […]

អូតាវ៉ា៖ ប្រទេសចិន បានសម្រេចលុបចោលបម្រាមនាំចូលសាច់គោរបស់កាណាដា ដែលត្រូវបានហាមឃាត់អស់រយៈពេលមួយឆ្នាំកន្លងមកហើយ ដោយមន្ត្រីឧស្សាហកម្មសាច់គោសង្ឃឹមថា នឹងរួមចំណែកដល់កំណើនរបស់វិស័យនេះ និងគាំទ្រដល់ការធ្វើពិពិធកម្មទីផ្សារនាពេលអនាគត។ រដ្ឋមន្ត្រីក្រសួងកសិកម្មកាដាណា លោក ហៀត ម៉ាដូណាល់ (Heath MacDonald) បានមានប្រសាសន៍ថា ប្រកាសដកបម្រាមនេះ បានកើតឡើងកាលពីដើមសប្តាហ៍មុន បន្ទាប់ពីលោកបានធ្វើដំណើរទៅកាន់ទីក្រុងប៉េកាំង កាលពីពេលថ្មីៗកន្លងមកនេះ ដោយបន្ថែមថា លោកបានដឹងពីក្រុមហ៊ុនកាណាដា ដែលគ្រោងដឹកជញ្ជូនសាច់គោទៅកាន់ប្រទេសចិន នៅសប្តាហ៍ក្រោយ។ ចំណែកលោក ដេនីស ឡេក្រាហ្វ (Dennis Laycraft) អនុប្រធានប្រតិបត្តិនៃសមាគមចិញ្ចឹកគោកាណាដា បានមានប្រសាសន៍ថា ការដកចេញនូវបម្រាមនេះ គឺជាពេលវេលាដ៏វែងឆ្ងាយ ដែលអ្នកផលិត និងអ្នកកែច្នៃសាច់គោ កំពុងខ្នះខ្នែងវិលត្រលប់ចូលទៅក្នុងទីផ្សារប្រទេសចិនឡើងវិញ។ លោកបានមានប្រសាសន៍បន្ថែមថា ឥឡូវនេះយើងមានសិទ្ធិចូលទីផ្សារចិនម្តងទៀត យើងទន្ទឹងរង់ចាំមើលការលក់របស់យើងកើនឡើងដូចមុនការផ្អាកនាំចូល។ ប្រទេសចិន បានបិទការនាំចូលសាច់គោពីរោងចក្រកែច្នៃរបស់កាណាដា ចាប់តាំងពីខែធ្នូ ឆ្នាំ២០២១មកម្លេះ បន្ទាប់ពីមានករណីផ្ទុះជំងឺរលាកខួរក្បាលគោ (Bovine Spongiform Encephalopathy) នៅក្នុងកសិដ្ឋានចិញ្ចឹមគោមួយកន្លែងនៅក្នុងខេត្តអាល់ប៊ើតា (Alberta)​ ភាគខាងលិចកាណាដា។ ព្រមជាមួយគ្នានោះ ប្រទេសកូរ៉េខាងត្បូង និងហ្វីលីពីន ក៏បានហាមឃាត់ដូចគ្នានេះផងដែរ ប៉ុន្តែពីរខែក្រោយមកបានលុបបម្រាមនោះទៅវិញ។ ចំណែកប្រទេសចិន ដែលនៅឆ្នាំ២០២១ […]

ណៃពិដោ ៖ ប្រទេសភូមាកំពុងរៀបចំផែនការនាំចេញផលិតផលទំពាំង ទៅកាន់ទីផ្សារអន្តរជាតិ ដោយផ្តោតជាពិសេសលើសហព័ន្ធរុស្ស៊ី និងសហភាពអឺរ៉ុប។ បច្ចុប្បន្នប្រទេសភូមាកំពុងត្រៀមនាំចេញទំពាំងស្រស់ចំនួនបីប្រភេទទៅកាន់ទីផ្សារសហព័ន្ធរុស្ស៊ី ខណៈដែលការធ្វើតេស្តគុណភាពក៏កំពុងដំណើរការដែរ ដើម្បីអាចនាំចេញទំពាំងស្រស់ ដែលគ្មានក្លិនទៅកាន់ទីផ្សារសហភាពអឺរ៉ុប។ សមាគមអ្នកដាំ និងអ្នកកែច្នៃទំពាំងរបស់ភូមា បានឲ្យដឹងថា សហព័ន្ធរុស្ស៊ីបានលើកសំណើទិញទំពាំងស្រស់ចំនួនបីប្រភេទ រួមទាំងទំពាំងស្ងោរ។ ជាមួយគ្នានេះដែរ ក៏មានសំណើសម្រាប់ចែកចាយទំពាំងស្រស់ ដែលគ្មានក្លិនទៅកាន់ទីផ្សារបណ្ដាប្រទេសក្នុងសហភាពអឺរ៉ុប ដោយបច្ចុប្បន្នកំពុងអនុវត្តការសាកល្បងគុណភាព និងស្តង់ដារនាំចេញ ។ ក្រៅពីនេះ ប្រទេសជប៉ុនក៏បានបញ្ជាទិញទំពាំងក្រៀមភូមារហូតដល់២០០តោន សម្រាប់ឆ្នាំ២០២៦នេះ ទោះបីជាមានតែប្រមាណ១០ភាគរយនៃបរិមាណ ដែលបានបញ្ជាទិញត្រូវបាននាំចេញរួចមកហើយក្តី។ សម្រាប់ការដឹកជញ្ជូនលើកដំបូង ទំពាំងក្រៀមចំនួនប្រាំតោន គ្រោងនឹងនាំចេញទៅកាន់ប្រទេសជប៉ុន នៅក្នុងខែកុម្ភៈ ខណៈបរិមាណនៅសល់នឹងត្រូវដឹកជញ្ជូនជាបន្តបន្ទាប់។ សម្រាប់ដំណើរការផលិតទំពាំងក្រៀម ទំពាំងស្រស់ត្រូវបានប្រមូលទិញជារៀងរាល់ឆ្នាំ ចាប់ពីខែកក្កដា ដល់ខែកញ្ញា ហើយត្រូវដំណើរការសម្ងួតចាប់ពីខែវិច្ឆិកា រហូតដល់ចុងខែមីនា មុននឹងនាំចេញទៅកាន់ទីផ្សារបរទេស។ សមាគមអ្នកដាំ និងអ្នកកែច្នៃទំពាំងរបស់ភូមា បានបញ្ជាក់ថា ក្នុងការនាំចេញទំពាំងស្រស់ និងទំពាំងក្រៀមទៅកាន់ទីផ្សារអន្តរជាតិ ទំពាំងក្រៀមផលិតពីប្រភេទទំពាំងមួយចំនួន ដែលអាចឆ្លើយតបទៅនឹងស្តង់ដារទីផ្សារអន្តរជាតិ។ ទោះបីជាយ៉ាងណា ក្នុងដំណើរការកែច្នៃទៅជាផលិតផលសម្រេច គេត្រូវយកចិត្តទុកដាក់យ៉ាងខ្លាំង ដើម្បីធានាថា ទំពាំងមិនមានការប្រើប្រាស់សារធាតុគីមី ព្រោះសំណល់គីមីអាចបណ្តាលឱ្យបាត់បង់ឱកាសនាំចូលទីផ្សារអន្តរជាតិ៕ អ្នកឯកទេសសិប្បកម្មទំពាំងភូមា បានរាយការណ៍ថា តម្រូវការក្នុងស្រុកដ៏រឹងមាំបានរារាំងអ្នកនាំចេញមិនអាចបំពេញការបញ្ជាទិញពីអន្តរជាតិ ទោះបីជាមានការចាប់អារម្មណ៍ពីបរទេសលើផលិតផលទំពាំងភូមាក៏ដោយ។ […]

ម៉ានីល៖ ក្រសួងកសិកម្មហ្វីលីពីន កាលពីថ្ងៃទី២៦ ខែមករា ឆ្នាំ១២០២៦ បានឱ្យដឹងថា កសិករ និងអ្នកនេសាទ ហ្វីលីពីនជិតបីលាននាក់ នឹងទទួលបានអត្ថប្រយោជន៍ពីការធានារ៉ាប់រងរបស់រដ្ឋាភិបាល ក្រោមកញ្ចប់ថវិកាច្រើនជាងមុន។ យោងតាមច្បាប់ស្តីពីការអនុគ្រោះទូទៅ ឆ្នាំ២០២៦ ក្រុមហ៊ុនសាជីវកម្មធានារ៉ាប់រងដំណាំហ្វីលីពីន (Philippine Crop Insurance Corp.) បានធានាការទូទាត់ចំនួន៦,៥ពាន់លានប៉េសូ ឬស្មើនឹង១១០លានដុល្លារ ដោយកើនឡើង៤៥ ភាគរយ ធៀបនឹងទឹកប្រាក់ទំហំ៤,៥ពាន់លានប៉េសូ ឬស្មើនឹង៧៦លានដុល្លារ កាលពីឆ្នាំ២០២៥។ តាមរយៈកញ្ចប់ថវិកាដ៏ច្រើនសម្រាប់ឆ្នាំ២០២៦នេះ ក្រុមហ៊ុនធានារ៉ាប់រងអាចការពារកសិករ និងអ្នកនេសាទ ក្នុងស្រុកបានប្រហែល២,៩៣លាននាក់ ដែលខ្ពស់ជាង២៥ភាគរយ បើធៀបនឹងអ្នកផលិតស្បៀងអាហារ ដែលមានធានារ៉ាប់រងចំនួន២,៣៥លាននាក់ នៅឆ្នាំ២០២៥។ ក្រសួងកសិកម្មហ្វីលីពីន បាននិយាយនៅក្នុងសេចក្តីប្រកាសព័ត៌មានថា ថវិកាបង្កើនឡើងនេះនឹងប្រែក្លាយទៅជាការធានារ៉ាប់រងខ្ពស់សម្រាប់ដំណាំស្រូវ និងពោត និងការឈានទៅបង្កើតកម្មវិធីធានារ៉ាប់រងដោយឥតគិតថ្លៃ នៅទូទាំងប្រទេសហ្វីលីពីន។ ចំណែកការទូទាត់ប្រាក់សំណងច្រើនបំផុតសម្រាប់ការខូចខាតដំណាំស្រូវ និងពោត បានកើនឡើងដល់២៥ ០០០ប៉េសូ ឬស្មើនឹង៤២៣ដុល្លារ ក្នុងមួយហិកតា ដែលខ្ពស់ជាងប្រាក់សំណងចំនួន២០ ០០០ប៉េសូ ឬស្មើនឹង៣៣៨ដុល្លារ កាលពីឆ្នាំ២០២៥។ ក្រោមការធានារ៉ាប់រងដល់ផលដំណាំនេះ ក្រុមហ៊ុននឹងទទួលខុសត្រូវសងរាល់ការខូចខាតផលដំណាំដោយសារគ្រោះធម្មជាតិ សត្វល្អិតបំផ្លាញ និងជំងឺឆ្លងរាតត្បាត។ រីឯផលិតផលផ្សេងទៀត ដែលទទួលបានការធានារ៉ាប់រងដែរ […]