អន្តរជាតិ

ហ្សាកាតា៖  យោងតាមទិន្នន័យរបស់រដ្ឋាភិបាល បានឱ្យដឹងថា ស្តុកអង្កររបស់ប្រទេសឥណ្ឌូណេស៊ី បានកើនដល់ដំណាក់កាលជាប្រវត្តិសាស្ត្រមិនធ្លាប់មាន គឺមានបរិមាណលើសតម្រូវការចំនួន៣,៥លានតោន បើគិតត្រឹមថ្ងៃទី៣​ ខែឧសភា ឆ្នាំ២០២៥ ដែលជាបរិមាណអង្ករនៅក្នុងឃ្លាំងច្រើនបំផុត ក្នុងប្រវត្តិសាស្ត្រ។ រដ្ឋមន្ត្រីក្រសួងកសិកម្ម ឥណ្ឌូណេស៊ី​ លោក អានឌី អំរ៉ាន់ ស៊ូឡៃម៉ាន (Andi Amran Sulaiman) បានសាទរចំពោះសមិទ្ធិផលនេះថា ជាចំណុចសំខាន់មួយក្នុងកិច្ចខិតខំប្រឹងប្រែងរក្សាសន្តិសុខស្បៀងរបស់ប្រទេសឥណ្ឌូណេស៊ី និងជាសក្ខីភាពមួយចំពោះការយកចិត្តទុកដាក់របស់កសិករ និងប្រសិទ្ធភាពនៃគោលនយោបាយរដ្ឋាភិបាល។ លោករដ្ឋមន្ត្រី​ បានមានប្រសាន៍ថា នេះជាលើកដំបូងហើយ ក្នុងរយៈពេល៥៧ឆ្នាំ ដែលស្តុកស្រូវរបស់រដ្ឋាភិបាលមានលើសពី៣,៥លានតោន នៅចន្លោះខែមករា ដល់ខែឧសភា ឆ្នាំ២០២៥។ បរិមាណអង្ករក្នុងស្តុកសម្រាប់រយៈពេលប្រាំខែ ដើមឆ្នាំនេះ គឺចំនួនច្រើនជាងការគ្រោងទុក ក្នុងឆ្នាំ២០២៥ ព្រមទាំងបានបំបែកកំណត់ត្រាជាប្រវត្តិសាស្ត្រផងដែរ ដោយចាប់ផ្តើមសន្សំពីចំនួន១,៧លានតោន ក្នុងខែមករា គឺកើនឡើងលើសពីឆ្នាំ២០២៤ ដែលអង្ករក្នុងស្តុក​មានត្រឹមតែ១,៨លានតោនប៉ុណ្ណោះ ប៉ុន្តេដល់ឆ្នាំ២០២៥នេះ អង្ករ​នៅក្នុងស្តុកមានបរិមាណរហូតដល់៣,៥លានតោន​ ដោយគ្មានការនាំចូល។ ដោយផ្អែកលើកំណត់ត្រាប្រវត្តិសាស្ត្រ ដែលរក្សាទុកដោយទីភ្នាក់ងារភស្តុភាររដ្ឋ បានឱ្យដឹងថា ចាប់តាំងពីស្ថាប័ននេះបង្កើតឡើងក្នុងឆ្នាំ១៩៦៩​ ក្រោមការដឹកនាំរបស់ប្រធានាធិបតី ស៊ូហារតូ (Soeharto)​ បរិមាណអង្ករនៅក្នុងស្តុក នេះ គឺជាបរិមាណអង្ករនៅសល់ច្រើនបំផុតមិនធ្លាប់មាន រាប់ពីខែមករា […]

វៀងច័ន្ទ៖ ​ក្រសួងកសិកម្ម និងរុក្ខាប្រមាញ់ ប្រទេសឡាវ បានឱ្យមន្រ្តីរបស់ខ្លួនមានការ​ប្រុង​ប្រយ័ត្ន​ខ្ពស់ និង ​មាន​ការ​យល់​ដឹង​អំពី​គ្រោះថ្នាក់នៃ​រោគជំងឺ អង់ត្រាក់ (Anthrax) បន្ទាប់​ពី​មាន​ការ​ផ្ទុះ​ឡើង​នៅ​ក្នុង​ខេត្ត​មុដាហាន និងបានឆ្លងពីសត្វទៅមនុស្សយ៉ាងហោចណាស់៣នាក់ហើយ ដែលកំពុងសម្រាកព្យាបាលនៅក្នុងមន្ទីរពេទ្យ ក្នុងខេត្តមុដាហាន ប្រទេសថៃ។ ទីភ្នាក់ងារព័ត៌មានស៊ីនហួរ របស់ចិន បានរាយការណ៍ពីទីក្រុងវៀងច័ន្ទ ប្រទេសឡាវ នៅថ្ងៃទី៦ ខែឧសភា ឆ្នាំ២០២៥ថា ក្រសួងកសិកម្ម និងរុក្ខាប្រមាញ់ឡាវ បានចេញមកព្រមាន និងបានជំរុញឱ្យគ្រប់វិស័យពាក់ព័ន្ធ  រួម​ទាំង​ប្រជាពលរដ្ឋ និង​អាជីវកម្មសាច់​ផ្អាក​ការ​នាំ​ចូល និង​ដឹក​ជញ្ជូន​សត្វ​ពាហនៈ ​ដែល​រួម​មាន គោ ក្របី ចៀម ពពែ ជ្រូក សេះ និង​ផលិតផល​សត្វ​ ​មក​ពី​ប្រទេស​ថៃ ដើម្បីទប់ស្កាត់ការរីករាលដាលនៃជំងឺអាង់ត្រាក់នេះ។ ព្រមជាមួយគ្នានេះដែរ មន្ត្រី​មូលដ្ឋាន ជាពិសេសមន្ត្រីឈរជើងតាម​តំបន់​ព្រំដែន​ត្រូវតែ​អនុវត្ត​វិធានការ​ទប់ស្កាត់​ជំងឺ​យ៉ាង​តឹងរ៉ឹង ក្នុងនេះមានទាំងការត្រួតពិនិត្យលម្អិត ហាមនាំចូលសត្វពីប្រទេសថៃ និងបាញ់ថ្នាំសម្លាប់មេរោគលើយានយន្តទាំងអស់ ដែលធ្វើដំណើរពីប្រទេសថៃ ចូលមកកាន់ប្រទេសឡាវ។ ក្រៅពីនេះម្ចាស់បសុសត្វគួរតែតាមដានយ៉ាងដិតដល់នូវសុខភាពសត្វរបស់ខ្លួន ហើយត្រូវរាយការណ៍ពីរោគសញ្ញាគួរឲ្យសង្ស័យប្រាប់មកស្ថាប័នពាក់ព័ន្ធរបស់រដ្ឋាភិបាលជាបន្ទាន់។ ចំណែកសាធារណជនគួរតែតាមដានព័ត៌មានពីហានិភ័យនៃជំងឺ អង់ត្រាក់ ដោយត្រូវត្រៀម​ខ្លួន​ជា​ស្រេច​ក្នុង​ការ​ពន្លឿន​គម្រោង​ចាក់​វ៉ាក់សាំងការពារ ជា​ពិសេស​សម្រាប់ប្រជាជននៅតំបន់​ដែល​មាន​ហានិភ័យ​ខ្ពស់។ ជំងឺអង់ត្រាក់បង្កឡើងដោយបាក់តេរីម្យ៉ាងឈ្មោះ​ បាស៊ីលុស ​​អង់ត្រាស៊ីស​ […]

អន្តរជាតិ៖ អង្គការស្បៀងអាហារ និងកសិកម្មនៃអង្គការសហប្រជាជាតិ (FAO) បានរាយការណ៍ថា តម្លៃស្បៀអាហារជាសកលបានកើនឡើងក្នុងខែមេសា ឆ្នាំ២៩២៥នេះ​ ដែលមួយផ្នែកកើតឡើងដោយសារការដំឡើងពន្ធនាំចូលរបស់សហរដ្ឋអាមេរិក។ ក្នុងនេះគេឃើញតម្លៃគ្រាប់ធញ្ញជាតិ ផលិតផលទឹកដោះគោ និងសាច់បានកើនឡើងមួយភាគរយ នៃសន្ទស្សន៍តម្លៃម្ហូបអាហារស្តង់ដាររបស់អង្គការ FAO បើប្រៀបធៀបទៅនឹងខែមីនា និងបើទោះបីជាតម្លៃស្ករ និងប្រេងឆាបានធ្លាក់ថ្លៃក៏ដោយចុះ។​ ​ទីភ្នាក់ងារ​ព័ត៌មាន ស៊ីនហួរ របស់ចិន បាន​រាយការណ៍​ពី​ទីក្រុង​រ៉ូម ប្រទេស ​អ៊ីតាលី ​កាលពី​ថ្ងៃ​ទី​៥ ខែឧសភា ឆ្នាំ២០២៥ ដោយបានដកស្រង់របាយការណ៍របស់អង្គការស្បៀងអាហារ និងកសិកម្មនៃអង្គការសហប្រជាជាតិ ដែលបាន​និយាយ​ថា គ្រាប់​ធញ្ញជាតិ​ ដែល​រង​ការ​ប៉ះពាល់​ខ្លាំង​បំផុត​ ដោយ​សារគោលនយោបាយ​ផ្លាស់ប្តូរ​ពន្ធ​របស់​សហរដ្ឋអាមេរិក។ ស្របពេលជាមួយគ្នានេះដែរ ​តម្រូវការ​តាម​រដូវ​កាល ការ​ធ្លាក់​ចុះ​ការ​នាំ​ចេញ​ស្រូវ​សាលី​របស់​រុស្ស៊ី និង​ការ​ធ្លាក់ថ្លៃ​ប្រាក់​ដុល្លារ​អាមេរិក ទាំង​អស់នេះបានបង្កផលប៉ះពាល់យ៉ាងខ្លាំងធ្វើឱ្យតម្លៃស្បៀងអាហារកើនឡើង​ផង​ដែរ។ ​​របាយការណ៍ប្រចាំខែរបស់អង្គការ FAO បាននិយាយទៀតថា ការដំឡើងប្តូរពន្ធនាំចូលរបស់សហរដ្ឋអាមេរិក និងរួមបញ្ចូលទាំងការលើកលែងពន្ធសម្រាប់អ្នកនាំចូលពោតរបស់សហរដ្ឋអាមេរិក ដូចជាម៉ិកស៊ិក ហើយការផ្អាកការលើកទឹកចិត្តពន្ធរយៈពេល ៩០ ថ្ងៃរហូតដល់ថ្ងៃទី៩ ខែកក្កដា បានបណ្តាលឱ្យមានសម្ពាធតម្លៃកាន់តែច្រើនឡើងជាបន្តបន្ទាប់។ យោងតាមស្តិតិបានបង្ហាញថា តម្លៃផលិតផលទឹកដោះគោ បានកើនឡើង ២,៤ភាគរយ ពីមួយខែទៅមួយខែ។ ចំណែកតម្លៃសាច់បានកើនឡើង ៣,២ភាគរយ ខណៈពេលតម្លៃ […]

បាងកក៖ នាយកដ្ឋាន​បសុសត្វ​ថៃ បានព្រមាន​កសិករ ឱ្យ​ប្រយ័ត្ន​ប្រយែង​ជំងឺ​អង់​ត្រាក់ ឬហៅថា ពិសធ្យូង ក្រោយ​រក​ឃើញ​អ្នក​ជំងឺ​ទី​១ ​នៅ​ខេត្តមុដាហាន រួមទាំងត្រៀម​ផ្តល់​ការណែនាំ​ការពារ​ជំងឺ និង​ដាក់​វិធានការ​ទប់ស្កាត់​ជំងឺ​អង់​ត្រាក់​លើ​សត្វ​ក្នុង​តាមតំបន់សហគមន៍។ គួរបញ្ជាក់ថា មេរោគអង់ត្រាក់ (Anthrax) រឺហៅម្យ៉ាងទៀតថា ពិសធ្យូង  គឺជាជំងឺឆ្លងពីសត្វគោ ក្របី ពពែ​ និងចៀម។ វាជាជំងឺឆ្លងដ៏ធ្ងន់ធ្ងរពីសត្វទៅមនុស្ស ដែលបង្កឡើងដោយបាក់តេរី ឈ្មោះ​ បាស៊ីលុស ​​អង់ត្រាស៊ីស​ (Bacillus anthracis) ក្រោយពីអ្នកដែលបរិភោគសាច់គោឆៅមានផ្ទុកជំងឺនេះ ហើយបន្ទាប់ពីឆ្លងមេរោគនេះ បានប្រហែល១ ទៅ៥ថ្ងៃ អ្នកជំងឺនឹងមានរោគសញ្ញាគ្រុនក្តៅ ក្អួត ចង្អោរ ឈឺពោះធ្ងន់ធ្ងរ ដកដង្ហើមខ្លី ពិបាកដកដង្ហើម។ ចំណែកក្នុងករណីរោគសញ្ញាមានសភាពធ្ងន់ធ្ងរ នោះ៨០ភាគរយនៃអ្នកជំងឺអាចស្លាប់ថែមទៀតផង។ បសុពេទ្យ លោក ប៊ុនយ៉ាក្រីត ពីនប្រាក់ស៊ុង (Boonyakrit Pinprasong) អគ្គនាយករង នៃនាយកដ្ឋានអភិវឌ្ឍន៍បសុសត្វថៃ បាននិយាយថា បច្ចុប្បន្នមានរបាយការណ៍បញ្ជាក់អំពីអ្នកជំងឺ អង់ត្រាក់ នៅក្នុងស្រុកដនតាន ខេត្តមុដាហាន បន្ទាប់ពីអ្នកជំងឺបាន​មក​ព្យាបាល​នៅ​មន្ទីរពេទ្យ​។ ​រោគ​សញ្ញា​របស់អ្នកជំងឺមាន​របួស​នៅ​ដៃ​ស្តាំ រីក​កូនកណ្តុរ​នៅ​ក្លៀក​ខាងស្តាំ បន្ទាប់ពីអ្នកជំងឺ​បានបរិភោគសាច់គោ​ឆៅ។ […]

អាម៉េរិក៖ និរន្តរភាពនៅតែជាពាក្យ ដែលគេប្រើយ៉ាងទូលំទូលាយនៅក្នុងឧស្សាហកម្មចិញ្ចឹមគោ ប៉ុន្តែមានន័យខុសគ្នាចំពោះអ្នកផលិតគ្រប់រូប។  ការបង្កើតកម្មវិធីផលិតចំណីប្រកបដោយនិរន្តរភាព អាចមានការផ្តោតអារម្មណ៍ខុសៗគ្នា ថាតើនេះជាការថែរក្សាបរិស្ថាន បង្កើនភាពធន់បានយូរនៃប្រតិបត្តិការ ឬគ្រាន់តែថែទាំសត្វគោឱ្យមានសុខភាពល្អ។ យោងតាមការចេញលើទស្សនាវដ្តីសាច់គោ របស់សហរដ្ឋអាម៉េរិក កាលពីថ្ងៃទី០១ ខែឧសភា ឆ្នាំ២០២៥ បានឱ្យដឹងថា គ្រាប់កប្បាសកំពុងតែទទួលបានចាប់អារម្មណ៍ក្នុងការកែច្នៃជាចំណីគោ។ គ្រាប់កប្បាសត្រូវបានគេស្គាល់ជាយូរមកហើយចំពោះតម្លៃផ្នែកអាហារូបត្ថម្ភដល់សត្វ ដោយសារគ្រាប់កប្បាសឥឡូវនេះ គេកំពុងតែយកចិត្តទុកដាក់ចំពោះសក្តានុពលរបស់វាក្នុងការកាត់បន្ថយផលប៉ះពាល់ផ្នែកបរិស្ថាន និងមិនប៉ះពាល់ដល់សុខភាពសត្វ ឬប្រសិទ្ធភាពប្រតិបត្តិការចិញ្ចឹមគោយកសាច់។ ខាងក្រោមនេះ គឺជាអត្ថប្រយោជន៍របស់គ្រាប់កប្បាស សម្រាប់ធ្វើឱ្យគោមានសុខភាពល្អ និងឆាប់ធំធាត់៖ ១- សម្បូរសារធាតុបំប៉ន និងបន្សល់កាកសំណល់តិចតួច តាមរយៈកម្មវិធីផ្តល់ចំណីគោប្រកបដោយនិរន្តរភាព គឺចាប់ផ្តើមជាមួយនឹងប្រភពឆ្លាតវៃ និងងាយរកថែមទៀត។  នៅពេលបង្កើតរបបអាហារ អ្នកចិញ្ចឹមគោយកសាច់ ចាប់ផ្តើមយកចិត្តទុកដាក់លើអាហារូបត្ថម្ភសំខាន់ៗចំនួនបី គឺប្រូតេអ៊ីន ថាមពល និងជាតិសរសៃ ដែលគ្រាប់កប្បាសអាចផ្តល់អត្ថប្រយោជន៍ទាំងបីខាងយ៉ាងនេះ។ លោកសាស្ត្រាចារ្យ ប្លែក វីលសុន (Blake Wilson) មកពីសាកលវិទ្យាល័យ Oklahoma State University បានមានប្រសាសន៍ថា «គ្រាប់កប្បាសទាំងមូល គឺជាចំណីតែមួយគត់ គឺប្រូតេអ៊ីន ខ្លាញ់ និងជាតិសរសៃរបស់វាផ្តល់អត្ថប្រយោជន៍នៅក្នុងរបបចំណីរបស់គោ ដែលជាអាហារបំប៉នសម្រាប់គោមិនសូវធំធាត់។ លើសពីតម្លៃអាហារូបត្ថម្ភ គ្រាប់កប្បាសជួយកាត់បន្ថយកាកសំណល់ ដោយផ្តល់អត្ថប្រយោជន៍ថ្មីដល់អនុផលកសិកម្ម។  វា​ជា​លក្ខណៈ​ធម្មជាតិ​សុទ្ធសាធសម្រាប់​ប្រតិបត្តិការ​ចិញ្ចឹម […]

កូឡាឡាំពួរ៖ ប្រទេសម៉ាឡេស៊ីកំពុងរៀបចំយ៉ាងហ្មត់ចត់សម្រាប់ចរចាររឿងពន្ធគយ​ ជាមួយសហរដ្ឋអាម៉េរិក ដោយក្រសួងស្រែចម្ការ និងទំនិញ បានសង្កត់ធ្ងន់លើតម្រូវការដើម្បីការពារផលប្រយោជន៍នៃវិស័យទំនិញរបស់ប្រទេស ជាពិសេសប្រេងដូង។ រដ្ឋមន្ត្រីក្រសួងស្រែចម្ការ​ និងទំនិញ លោក ចូហារី អាប់ឌុល ហ្គានី (Johari Abdul Ghani) បាននិយាយថា ទោះបីជាសហរដ្ឋអាម៉េរិក មិនមែនជាអ្នកទិញផលិតផលដូងប្រេងធំជាងគេរបស់ម៉ាឡេស៊ីក៏ដោយ ការនាំចេញផលិតផលដូងប្រេងទៅកាន់សហរដ្ឋអាម៉េរិក​​ មានសារៈសំខាន់ និងមានតម្លៃជាយុទ្ធសាស្ត្រ។ លោក ចូហារី បានបញ្ជាក់ថា៖ “យើងបានផ្តល់ព័ត៌មាន និងការពិតពាក់ព័ន្ធទាំងអស់ដល់ក្រសួងវិនិយោគ ពាណិជ្ជកម្ម និងឧស្សាហកម្ម ដើម្បីប្រើប្រាស់ក្នុងការចរចានាពេលខាងមុខ។ ឧទាហរណ៍ ទាក់ទងនឹងដូងប្រេង ទោះបីជាសហរដ្ឋអាម៉េរិកមិនមែនជាអ្នកទិញធំក៏ដោយ យើងនៅតែនាំចេញជិត ១,០៩ពាន់លានដុល្លារ  ជារៀងរាល់ឆ្នាំទៅកាន់ទីផ្សារនោះ”។ លោកបាននិយាយថា ទីផ្សារនាំចេញដូងប្រេងដ៏ធំបំផុតរបស់ម៉ាឡេស៊ី នាពេលបច្ចុប្បន្ន គឺអឺរ៉ុប ឥណ្ឌា និងចិន ដែលរួមចំណែកជាង៤០ភាគរយនៃការនាំចេញសរុប។ ប៉ុន្តែយើងមិនអាចមើលរំលងសហរដ្ឋអាម៉េរិកបានទេ ពីព្រោះក្រៅពីផលិតដូងប្រេង យើងក៏នាំចេញកៅស៊ូច្រើនជាង១,៧៨ពាន់លានដុល្លារក្នុងមួយឆ្នាំ ផលិតផលឈើជិត១,៤៤ ពាន់លានដុល្លារ  និងកាកាវ ប្រហែល៣៦០លានដុល្លារ។ ការនាំចេញទំនិញសរុបទៅកាន់សហរដ្ឋអាមេរិក មានប្រហែលពី៤,៤៤ពាន់លានដុល្លារ ទៅ៤,៦៧ពាន់លានដុល្លារ។ លោកបានបន្ថែមថា តួលេខទាំងនេះបានគូសបញ្ជាក់ពីសារៈសំខាន់នៃការចរចាសម្រាប់វិស័យទំនិញជាតិ […]

អន្តរជាតិ៖ ​ទីភ្នាក់ងារព័ត៌មានបរទេស បានធ្វើសេចក្តីរាយការណ៍ពីទីក្រុង ហ្សូរីក ប្រទេស​ស្វីស កាលពី​​ចុងសប្តាហ៍កន្លងមកពីថា រដ្ឋាភិបាល​ស្វីស​បាន​ចេញ​សេចក្តី​ថ្លែងការណ៍មួយដោយបញ្ជាក់ថា ទោះបីជាផលិតកម្មស៊ុតក្នុងស្រុក បានកើនឡើង២,៨ភាគរយនៅក្នុងចន្លោះឆ្នាំ ២០២៣ និងឆ្នាំ២០២៤ក៏ដោយ ក៏គ្រប់គ្រាន់សម្រាប់តម្រូវការក្នុងស្រុកឡើយ។ ចំពោះបរិមាណនៃតម្រូវការស៊ុតមាន់ នៅក្នុងប្រទេសស្វីស អំឡុងឆ្នាំកន្លងមក គឺ១៩៨គ្រាប់​សម្រាប់មនុស្សម្នាក់ គឺកើនឡើងប្រហែល៥ភាករយ បើធៀបនឹងរយៈពេលដូចគ្នា កាលពីឆ្នាំមុន។ ដូច្នេះ ដើម្បី​មាន​ស៊ុតមាន់​គ្រប់គ្រាន់​សម្រាប់​ធ្វើម្ហូប ប្រទេស​ស្វីស​គ្រោង​នឹង​បង្កើន​ការ​នាំ​ចូល​ស៊ុត​ចំនួន​១ម៉ឺនតោន ឬ​ប្រមាណ ១៥៨​លានគ្រាប់​នៅ​ដំណាច់​ឆ្នាំ​នេះ ។ ទោះបីយ៉ាង​ណា​ក៏ដោយ ប្រទេស ស្វីសក៏​ត្រូវ​ប្រកួតប្រជែង​ជាមួយសហរដ្ឋអាមេរិក ដែល​កំពុង​នាំ​ចូល​ស៊ុត​មាន់​មួយ​ចំនួន​ធំ​ផង​ដែរ។ ដោយសារតែការផ្ទុះឡើងនៃជំងឺផ្តាសាយបក្សី ដែលកំពុងបន្តកើតមាននៅក្នុងសហរដ្ឋអាមេរិក អស់រយៈពេលជាច្រើនឆ្នាំកន្លងមក រដ្ឋាភិបាលអាមេរិកបានបង្កើនការនាំចូលស៊ុតមាន់ពីបណ្តាប្រទេសក្នុងទ្វីបអ៊ឺរ៉ុបជាច្រើន ហើយព្រមជាមួយគ្នានេះ ក៏បានបញ្ជាទិញស៊ុតមាន់ពីប្រទេសកូរ៉េខាងត្បូង និងទួរគីផងដែរ។ បញ្ហាកង្វះខាតស៊ុតមាន់ និងស៊ុតឡើងថ្លៃនៅក្នុងទីផ្សារសហរដ្ឋអាមេរិក បានកើតឡើងដោយសារតែការឆ្លងរាតត្បាតនៃជំងឺផ្តាសាយបក្សី​ ដែលបង្ខំឱ្យអាជ្ញាធរអាមេរិកត្រូវសម្លាប់សត្វមាន់ចោលអស់ជាង៣០លានក្បាល និងបិទកសិដ្ឋានចិញ្ចឹមមាន់យកពងទ្រង់ទ្រាយធំមួយចំនួនជាបណ្តោះអាសន្នផងដែរ។ អង្គការពិភពលោកសម្រាប់សុខភាពសត្វ បានចេញសេចក្តីថ្លែងការណ៍មួយដោយដកស្រង់ព័ត៌មានពីរដ្ឋាភិបាលសហរដ្ឋអាមេរិកថា មានការផ្ទុះឡើងនៃជំងឺផ្តាសាយបក្សី H7N9 នៅកសិដ្ឋានចិញ្ចឹមមាន់ ក្នុងរដ្ឋម៊ីសស៊ីស៊ីបពី (Mississippi) កាលពីពាក់កណ្តាលខែមីនា ឆ្នាំ២០២៥នេះ។ ក្រសួងកសិកម្មសហរដ្ឋអាម៉េរិក និងការិយាល័យបសុសត្វ នៅតែបដិសេធមិនផ្តល់ការអត្ថាធិប្បាយជាផ្លូវការ អំពីស្ថានភាពជំងឺបក្សីនេះ​ ផ្ទុះឡើងចាប់តាំងពីឆ្នាំ២០១៧។ […]

អន្តរជាតិ៖ មន្ត្រី​សុខាភិបាល​សាធារណៈ ​នៅ​រដ្ឋ​កាលីហ្វ័រញ៉ា សហរដ្ឋ​អាមេរិក បានចេញសារព្រមានដល់ប្រជាពលរដ្ឋ ​កុំ​ឲ្យ​បរិភោគ​អាហារគ្រឿងសមុទ្រ អម្បូរសិប្បីសត្វ ដែលនេសាទបានពីឆ្នេរសមុទ្រ បន្ទាប់ពីការរីករាលដាលយ៉ាងឆាប់រហ័សនៃស្លៃពុល។ ទីភ្នាក់ងារព័ត៌មាន ស៊ីនហួរ របស់ចិន បានរាយការណ៍ពីទីក្រុង ឡូស​ អ៊ែនជើលេស សហរដ្ឋអាមេរិកកាលពីថ្ងៃទី៣ ខែឧសភា ឆ្នាំ២០២៥ថា មន្ត្រីក្រសួងសុខភាពសាធារណៈ នៃរដ្ឋកាលីហ្វ័រញ៉ា បានប្រកាសវិធានការដាក់ឱ្យនៅដាច់ពីគេសម្រាប់អម្បូរសិប្បីសត្វ​ មានដូចជា​ ងាវ គ្រុំ​ ខ្យង អយស្ទើ ជាដើម​ ដែលត្រូវគេនេសាទបានពីឆ្នេរសមុទ្រ​ ចាប់ពីថ្ងៃទី១ ខែឧសភា ដល់ថ្ងៃទី៣១ ខែតុលា ឆ្នាំ២០២៥ ដោយមូលហេតុនៃការកើនឡើងនូវកម្រិតជាតិពុល​ និងអាស៊ីត ដូម៉ូអិក​ (Domoic Acid) មាននៅក្នុងសត្វ ងាវ គ្រុំ​​ ខ្យង​​​ អយស្ទើ​​។ គួរបញ្ជាក់ថា​ សារជាតិពុលនៅក្នុងសត្វទាំងនេះ មានឥទ្ធិពលយ៉ាងខ្លាំងលើប្រព័ន្ធសរសៃប្រសាទ  ជាពិសេស សារជាតិ សាក្ស៊ីថក់ស៊ីន (Saxitoxin) ដែលមាននៅក្នុងប្រភេទសិប្បីសត្វជាច្រើនប្រភេទ ដូចជា ងាវ​ គ្រុំ ខ្យ​ […]

ទីក្រុងខេប៖​ ប្រទេសអាហ្វ្រិកខាងត្បូង​ និងប្រទេសតង់ហ្សានី​​ កាលពីដើមសប្តាហ៍នេះ​ បានបញ្ឆេះជាកូនជម្លោះពាណិជ្ជកម្មតូច​មួយ មានរយៈពេលពីរបីថ្ងៃ​ដោយចោទប្រកាន់គ្នាទៅវិញទៅមក ជុំវិញការនាំផ្លែចេកចូលទៅក្នុងទីផ្សាររបស់ខ្លួន។ យោងតាមចេញផ្សាយរបស់គេហទំព័រកសិកម្មអាហ្វ្រិកខាងត្បួង​ បានដកស្រង់សម្តីលោក​ វ៉ានឌីឡេ ស៊ីឡូបូ (Wandile Sihlobo)​ សេដ្ឋវិទូកសិកម្មរបស់អាហ្វ្រិកខាងត្បូង​ ដែលបាននិយាយបដិសេទថា​​ រដ្ឋាភិបាលប្រទេសតង់ហ្សានី​ ក៏មិនដែលដាក់សំណើរសុំនាំផ្លែចេកចូលទីផ្សារអាហ្វ្រិកខាងត្បូង ឱ្យបានត្រឹមត្រូវតាមច្បាប់នោះទេ។​​​ ចំណែករដ្ឋាភិបាលប្រទេសអាហ្រ្វិកខាងត្បូងវិញ​ ក៏មិនដែលដាក់កម្រិតលើការនាំផ្លេចេកពីប្រទេសតង់ហ្សានីដែរ គឺផ្ទុយស្រឡះពីការលើកឡើងនៅក្នុង ជម្លោះពាណិជ្ជកម្មខ្លីមួយរវាងប្រទេសទាំងពីរ។ លោកបាននិយាយប្រកែកទៀតថា​​ រដ្ឋាភិបាលអាហ្រ្វិកខាងត្បូងមិនដែលដាក់កម្រិតលើការនាំចូលផ្លែចេកពីប្រទេសតង់ហ្សានី បើទោះបីជាមានការអះអាងនាពេលថ្មីៗនេះ ដោយរដ្ឋមន្ត្រីក្រសួងកសិកម្មតង់ហ្សានី លោក​​ ហ៊ូសេន​​ បាសេ (Hussein Bashe) ក៏ដោយ។ កាលពីថ្ងៃទី២៣​ ខែមេសា​ ឆ្នាំ២០២៥ លោក ហ៊ូសេន​​ បាសេ បានបញ្ឆេះជម្លោះពាណិជ្ជកម្មមួយចម្អិនកំពឹស​ជាមួយមន្ត្រីអាហ្វ្រិកខាងត្បូង ដែលលោកបានចោទប្រកាន់ថា អាហ្រ្វិកខាងត្បូង រួមគំនិតគ្នាជាមួយប្រទេសម៉ាឡាវី អស់រយៈពេលជាច្រើនឆ្នាំកន្លងមកហើយ​ ដើម្បីដាក់កម្រិតលើការនាំចូលផ្លែចេកពីប្រទេសតង់ហ្សានី ។ ជា​វិធានការ​សងសឹក ប្រទេសតង់ហ្សានី​បាន​ហាមប្រាម​ការ​នាំ​ចូលផលិតផល​កសិកម្ម​របស់​ប្រទេសអាហ្វ្រិក​ខាង​ត្បូង ​ជា​បណ្ដោះអាសន្ន​ កាលពីថ្ងៃទី២៣ ខែ​មេសា។  ទោះបីជាយ៉ាង​ណា​ក៏​ដោយ បម្រាម​នេះ​ត្រូវ​បាន​ដក​ចេញវិញ ក្នុងរយៈ​ពេល​ពីរ​ថ្ងៃ​ ​បន្ទាប់​ពី​មាន​ការ​ចរចាផ្នែក​ការ​ទូត​រវាង​ប្រទេស​ទាំង​ពីរ។ បន្ទាប់ពីបានពិគ្រោះជាមួយអាជ្ញាធរអាហ្រ្វិកខាងត្បូង […]

ទីក្រុងប៉េកាំង៖ យោងតាមប្រព័ន្ធផ្សព្វផ្សាយរបស់ចិន បានឱ្យដឹងថា នៅក្នុងខែមេសា ឆ្នាំ២០២៥នេះ យ៉ាងហោចមានកប៉ាល់ដឹកសណ្តែកសៀងប្រេស៊ីល ប្រហែល៤០គ្រឿង គ្រោងនឹងចូលចតនៅកំពង់ផែ ក្នុងខេត្ត ជឺជាំង (Zhejiang) ស្ថិតនៅភាគខាងកើតប្រទេសចិន ដោយកើនឡើង៤៨ភាគរយ ពីមួយឆ្នាំទៅមួយឆ្នាំ ដែលកាលពីខែមេសា​ ឆ្នាំ២០២៤ មានកប៉ាលដឹកជញ្ជូនសណ្តែកសៀងពីប្រេស៊ីលចំនួន២៧គ្រឿងប៉ុណ្ណោះ។ សេចក្តីការណ៍ដដែលនេះ បានលើកឡើងថា គ្រាន់តែនៅក្នុងខែមេសា ឆ្នាំ២០២៥នេះ កប៉ាល់ចិនដឹកសណ្តែកសៀងពីប្រទេសប្រេស៊ីល ជាច្រើនគ្រឿងទៀត បានចូលចតជារៀងរាល់ថ្ងៃ ដោយមានផ្ទុកសណ្តែកសៀងប្រេស៊ីលប្រមាណប្រាំពីរសែនតោន គឺកើនឡើង៣២ភាគរយ ខណៈឆ្នាំមុននាំចូលបានចំនួនប្រាំសែនបីម៉ឺនតោន។ អ្នកជំនាញចិនម្នាក់ បាននិយាយថា នេះជាការបង្ហាញឱ្យឃើញផ្ទាល់ភ្នែកនៃរបៀបដោះស្រាយបញ្ហាប្រឈមចំពោះការដំឡើងពន្ធបដិកា ដែលបង្កើតឡើងដោយសហរដ្ឋអាម៉េរិក​ គឺកំពុងធ្វើឱ្យប៉ះពាល់ដល់ឧស្សាហកម្មសំខាន់ៗរបស់ខ្លួន រួមទាំងប្រជាពលរដ្ឋសាមញ្ញ នៅក្នុងសហរដ្ឋអាម៉េរិកផងដែរ ហើយនេះក៏បង្ហាញឱ្យឃើញផងដែរថា ផលិតផលភាគច្រើន ដែលចិនធ្លាប់តែនាំចូលពីសហរដ្ឋអាម៉េរិក ក៏ចិនអាចរកជំនួសបានដែរ ដោយនាំពីប្រទេសផ្សេងៗ នៅទូទាំងពិភពលោក។ យោងតាមទិន្នន័យរបស់ក្រសួងកសិកម្មសហរដ្ឋអាម៉េរិក បានបង្ហាញថា ពីថ្ងៃទី១១ ដល់ថ្ងៃទី១៧ ខែមេសា ឆ្នាំ២០២៥នេះ ការនាំចេញផលិតផលកសិកម្មរបស់អាម៉េរិក រួមទាំងសណ្តែកសៀង និងសាច់ជ្រូក បាននិងកំពុងធ្លាក់ចុះយ៉ាងខ្លាំង បន្ទាប់ពីការដំឡើងពន្ធរបស់សហរដ្ឋអាម៉េរិក មកលើប្រទេសចិន។ នៅក្នុងទិន្នន័យនេះ បង្ហាញទៀតថា ការលក់សណ្តែកសៀងអាម៉េរិក […]

ទីក្រុងខេប៖ យោងតាមប្រព័ន្ធផ្សព្វផ្សាយរបស់ប្រទេសអាហ្វ្រិកខាងត្បូង បានឱ្យដឹងថា កាលពីពេលថ្មីៗកន្លងមកនេះ សត្វគោប្រហែល១០០ក្បាល ត្រូវបានគេប្រទះឃើញងាប់រណូករណែល​ នៅក្នុងកសិដ្ឋានមួយកន្លែង ស្ថិតនៅភាគខាងត្បូងប្រទេស។ យោងតាមការចេញផ្សាយរបស់គេហទំព័រ កសិករប្រចាំសប្តាហ៍ (Farmer’s Weekly) របស់អាហ្វ្រិកខាងត្បូង បានធ្វើសេចក្តីរាយការណ៍ថា សត្វគោទាំងអស់ត្រូវបានគេឃើញងាប់នៅក្នុងកសិដ្ឋាន ដោយមានរោគសញ្ញាហូរទឹកមាត់ និងហើមពោះ។ ក្រុម​ពេទ្យសត្វ​ឯកជនបានធ្វើកោសល្យវិច័យ​ ហើយដាក់ការសង្ស័យជាបឋម​ថា គោ​​​អាចងាប់​ដោយសារ​ស៊ី​ស្មៅ​ពុល បង្កឡើងដោយហ្វូង​ដង្កូវ​។  ប៉ុន្តែទោះបីជាយ៉ាងណាក៏ដោយ សំណាកគោងាប់ត្រូវបានប្រមូល និងបញ្ជូនទៅកាន់ក្រុមពេទ្យសត្វរបស់រដ្ឋ ដើម្បីវិភាគបន្ថែមឱ្យបានច្បាស់លាស់។ ក្រោយពីមានករណីគោងាប់ច្រើនបែបនេះ អាជ្ញាធរមូលដ្ឋាន​ បានអំពាវនាវឱ្យកសិករ​ចិញ្ចឹម​គោ ​បង្កើន​ការ​ប្រុង​ប្រយ័ត្ន ​ព្រោះ​ហ្វូងដង្កូវ​បានសម្រុកចូលស៊ី​​ស្មៅ​ នៅក្នុងកសិដ្ឋានចិញ្ចឹមគោ ហើយធ្វើ​ឲ្យ​ស្មៅ​បញ្ចេញ​សារធាតុ​គីមីម្យ៉ាង ឈ្មោះ ​ស៊ីយ៉ាន (Cyanide) ​ដែល​ធ្វើ​ឲ្យ​មានសារធាតុពុលនៅលើស្មៅ​។ គីមី ស៊ីយ៉ាន គឺជាសារធាតុពុលខ្លាំង ដែលធ្វើឱ្យសមត្ថភាពរាងកាយចុះខ្សោយក្នុងការស្រូបយកអុកស៊ីហ្សែន។ ការពុលដោយគីមី ស៊ីយ៉ាន អាចបណ្តាលមកពីស៊ីវា ការដកដង្ហើមចូល ឬស្រូបចូលតាមស្បែក។ រោគសញ្ញាបង្កឡើងដោយសារធាតុគីមីប្រភេទនេះ រួមមានអាការៈក្អួត រាគ វិលមុខ និងពិបាកដកដង្ហើម។ ក្នុង​ករណី​ធ្ងន់ធ្ងរ ​អាចបណ្តាល​នាំ​ឱ្យ​សន្លប់ និង​អាច​ស្លាប់​បាន។ ប្រព័ន្ធផ្សព្វផ្សាយដដែល បានលើកឡើងទៀតថា […]

រាជធានីភ្នំពេញ៖ ប្រធានធនាគារអភិវឌ្ឍន៍អាស៊ី ហៅកាត់ថា ADB ប្រចាំកម្ពុជា បានឱ្យដឹងថា វិស័យកសិកម្មកម្ពុជាមានការរីកចម្រើន និងមានលំនឹងល្អ ហើយធនាគារបានគាំទ្រដល់វិស័យកសិកម្មកម្ពុជាអស់រយៈពេលជាច្រើនឆ្នាំ និងបានបញ្ចេញថវិកាចូលរួមអភិវឌ្ឍន៍កម្ពុជាប្រមាណ២,២ពាន់លានដុល្លារ ក្នុងនោះមានប្រមាណ៣០ភាគរយ បានវិនិយោគក្នុងវិស័យកសិកម្មនិងប្រព័ន្ធធារាសាស្ត្រ។ លោកស្រី Jyotsana Varma នាយិកាធនាគារអភិវឌ្ឍន៍អាស៊ី បានប្រាប់ក្រុមអ្នកសារព័ត៌មានក្នុងស្រុកកន្លងទៅថ្មីៗនេះថា គិតត្រឹមឆ្នាំ២០២៥នេះ ធនាគារបានចូលរួមចំណែកអភិវឌ្ឍន៍វិស័យកសិក្មរបស់កម្ពុជាមានទឹកប្រាក់ប្រមាណ២,២ពាន់លានដុល្លារ សម្រាប់គាំទ្រដល់គម្រោងចំនួន៣៥ រួមមានការវិនិយោគទៅលើវិស័យកសិកម្ម និងប្រព័ន្ធធារាសាស្ត្រផង។ នៅក្នុងវិស័យកសិកម្ម ធនាគារអភិវៃ្ឍន៍អាស៊ី មានគម្រោងចំនួនប្រាំមួយ ដែលបានកំពុងបន្តអនុវត្ត និងនៅក្នុងរយៈពេល៣ឆ្នាំបន្ទាប់ ធនាគារនឹងមានគ្រោងវិនិយោគបន្ថែមទៀត នៅក្នុងវិស័យកសិកម្ម ដែលមានទឹកប្រាក់សរុបប្រហែល៤០០លានដុល្លារ ថែមទៀត ដោយសារធនាគារចាត់ទុកវិស័យកសិកម្ម មានសំខាន់សារៈសំខាន់សម្រាប់បង្កើនប្រាក់ចំណូលដល់ប្រជាជននៅតាមជនបទ។ លោកស្រីបានសង្កត់ធ្ងន់ថា «វិស័យកសិកម្មកម្ពុជាមានភាពរឹងមាំ ហើយយើងមានមោទនភាពធ្វើជាដៃគូជាមួយរាជរដ្ឋាភិបាលនៅក្នុងវិស័យកសិកម្ម  ហើយនៅក្នុងវិស័យកសិកម្ម (ធនាគារ) បានវិនិយោគនៅក្នុងប្រព័ន្ធធារាសាស្ត្រ និងផ្សារភ្ជាប់តំបន់ជនបទ ក៏ដូចជាការកែច្នៃ ការផ្សព្វផ្សាយកសិកម្ម ឱ្យមានការចូលរួមពីវិស័យឯកជន។ ដូច្នេះ ខ្ញុំជឿថាវិស័យនេះនឹងចូលរួមដល់កំណើនសេដ្ឋកិច្ចកម្ពុជាច្រើននៅគ្រាបន្ទាប់»។ ទាក់ទងនិងវិស័យកសិកម្មកម្ពុជានេះផងដែរ បើយោងតាមរបាយករណ៍ទស្សនវិស័យអាស៊ី ចេញផ្សាយក្នុងខែមេសាឆ្នាំ២០២៥ របស់ធនាគារអភិវឌ្ឍន៍អាស៊ី បានបង្ហាញថា វិស័យកសិកម្មរបស់ប្រទេសកម្ពុជា ក្នុងឆ្នាំ២០២៤ មានអត្រាកំណើន០,៩ភាគរយ ហើយក្នុងឆ្នាំ២០២៥នេះ ត្រួវបានបានព្យាករណ៍ថា […]