អន្តរជាតិ

ហាណូយ៖ សមាគមន៍អ្នកនាំចេញអង្កររបស់ថៃ បាននិយាយថា​ ប្រទេសវៀតណាមបានវ៉ាដាច់ប្រទេសថៃ ដែលធ្លាប់ជាអ្នកនាំចេញអង្ករធំជាងគេទីពីរ របស់ពិភពលោក នៅក្នុងឆមាសទីមួយនៃឆ្នាំ២០២៥នេះ។ សមាគមបានកត់សម្គាល់ថា ចាប់ពីខែមករាដល់ខែមិថុនា ឆ្នាំ២០២៥នេះ ប្រទេសឥណ្ឌាបាននាំចេញអង្ករចំនួន១១,៦៨68 លានតោន កើនឡើងចំនួន៣៦,៥ភាគរយពីមួយឆ្នាំទៅមួយឆ្នាំ តាមពីក្រោយដោយប្រទេសវៀតណាម ដែលបាននាំចេញអង្ករចំនួន៤,៧២លានតោន កើនឡើងចំនួន៣,៦ភាគរយ។ ទន្ទឹមនឹងនេះ ប្រទេសថៃបាននាំចេញះអង្ករចំនួន៣,៧៣លានតោន ធ្លាក់ចុះចំនួន២៧,៣ភាគរយ ខណៈប្រទេសប៉ាគីស្ថាន​ បាននាំចេញអង្ករចំនួន២,៧៦លានតោន ធ្លាក់ចុះចំនួន២០,២ភាគរយ។  ចំណែកសហរដ្ឋអាម៉េរិក បាននាំចេញអង្ករចំនួន១,៤លានតោន ធ្លាក់ចុះចំនួន២៣,៥ភាគរយ។ យោងតាមក្រសួងកសិកម្ម និងបរិស្ថានវៀតណាម បានឱ្យដឹងថា ប្រទេសវៀតណាមបាននាំចេញអង្ករប្រមាណ៧៥០ ០០០តោនក្នុងខែកក្កដា ឆ្នាំ២០២៥ ជាមួយនឹងប្រាក់ចំណូលចំនួន៣៦៦,១លានដុល្លារ។  តួលេខនេះបាននាំឱ្យការនាំចេញអង្ករសរុបសម្រាប់រយៈពេលប្រាំពីរខែដំបូងនៃឆ្នាំ២០២៥នេះ មានចំនួនរហូតដល់ប្រហែល៥,៥លានតោន ដែលបង្កើតប្រាក់ចំណូលបានចំនួន២,៨១ពាន់លានដុល្លារ​ គឺកើនឡើងចំនួន៣,១ភាគរយ ប៉ុន្តែតម្លៃបានធ្លាក់ចុះគួរឱ្យកត់សម្គាល់មកត្រឹម១៥,៩ភាគរយ បើប្រៀបធៀបទៅនឹងរយៈពេលដូចគ្នា ក្នុងឆ្នាំ២០២៤។ ការ​ធ្លាក់​ចុះ​នៃ​ប្រាក់​ចំណូល​ត្រូវ​បាន​គេ​សន្មត់​ថា ដោយសារ​ការ​ធ្លាក់​ចុះ​តម្លៃ​នាំ​ចេញ​ជា​មធ្យម។  ក្នុងរយៈពេលប្រាំពីរខែដំបូង តម្លៃនាំចេញជាមធ្យមរបស់វៀតណាម បានធ្លាក់ចុះមកនៅត្រឹម៥១៤ដុល្លារក្នុងមួយតោន គឺធ្លាក់ចុះចំនួណ១៨,៤ភាគរយ បើប្រៀបធៀបនឹងឆ្នាំ២០២៤។ ចំណែកប្រទេសហ្វីលីពីននៅតែជាអ្នកទិញអង្ករធំជាងគេបំផុតរបស់វៀតណាម ដែលស្មើនឹង៤២,៦ភាគរយនៃទំហំនាំចេញសរុប ទោះបីជាតម្លៃនាំចេញទៅកាន់ទីផ្សារនេះបានធ្លាក់ចុះចំនួន១៣,៥ភាគរយនៅក្នុងឆមាសទីមួយនៃឆ្នាំ២០២៥នេះ។ ផ្ទុយទៅវិញ ទីផ្សារអាហ្រ្វិកជាច្រើនបានកត់ត្រាកំណើនគួរឲ្យចាប់អារម្មណ៍។  ការ​នាំ​ចេញ​អង្ករទៅ​កាន់ប្រទេស​ហ្គាណា​ បាន​កើន​ឡើង៥៣,៥ភាគរយ ខណៈ​ការ​នាំ​ចេញ​ទៅកាន់​ប្រទេស​កូតឌីវ័រ​ បាន​កើន​ឡើង​ជិត​ពីរ​ដង […]

ប៉េកាំង៖ ក្រសួងពាណិជ្ជកម្ម របស់ប្រទេសចិន បានប្រកាសកាលពីថ្ងៃទី៦ ខែសីហា​ ឆ្នាំ២០២៥ថា ខ្លួននឹងបន្តការស៊ើបអង្កេតលើការនាំចូលសាច់គោរយៈពេលបីខែ ដើម្បីជួយកាត់បន្ថយក្តីកង្វល់ពីអ្នកផ្គត់ផ្គង់ពីបរទេស ខណៈឧស្សាហកម្មសាច់គោក្នុងស្រុកជួបបញ្ហាលើការផ្គត់ផ្គង់នាពេលកន្លងមក។ ទីភ្នាក់ងារសារព័ត៌មាន​អាម៉េរិក AFP បានរាយការណ៍ពីទីក្រុងប៉េកាំង ប្រទេសចិន នៅថ្ងៃទី៧ ខែសីហា ឆ្នាំ២០២៥ថា ការស៊ើបអង្កេតបានចាប់ផ្តើមនៅក្នុងខែធ្នូ ឆ្នាំ២០២៤ ក្នុងអំឡុងពេលនៃការធ្លាក់ចុះតម្រូវការសាច់គោរួចមក។ ក្រសួងបានសង្កត់ធ្ងន់ថា ការស៊ើបអង្កេតមិនសំដៅទៅលើប្រទេសណាមួយនោះទេ ប៉ុន្តែការកាត់បន្ថយការនាំចូលអាចប៉ះពាល់ដល់ដំណើរអ្នកផ្គត់ផ្គង់សាច់ធំៗ ដូចជាប្រទេសអាហ្សង់ទីន អូស្ត្រាលី និងប្រទេសប្រេស៊ីល។ ក្រសួងពាណិជ្ជកម្មចិនក៏បាននិយាយនៅក្នុងសេចក្តីថ្លែងការណ៍របស់ខ្លួនដោយលើងឡើងថា ការស៊ើបអង្កេតនឹងបន្តរហូតដល់ថ្ងៃទី២៦ ខែវិច្ឆិកា ឆ្នាំ២០២៥ ដោយសារការងារច្រើនពេក និងមានបញ្ហាភាពស្មុគស្មាញ។ ប្រទេសចិនក៏បានសន្យាថា នឹងបង្កើតបរិយាកាសពាណិជ្ជកម្មពិភពលោកមួយប្រកបដោយស្ថិរភាព និងរឹងមាំតាមរយៈការប្រាស្រ័យទាក់ទងជាមួយគ្រប់ភាគីទាំងអស់។ លោកស្រី អ៊ីវែន រ៉ូជើសផេ​ (Ewen Rogers Pay) អ្នកវិភាគផ្នែកកសិកម្មនៃប្រទេសចិនមួយរូប បាននិយាយថា ការពន្យារពេលនេះនឹងផ្តល់ឱ្យរដ្ឋាភិបាលទីក្រុងប៉េកាំងរយៈពេលពីរបីខែ ដើម្បីធានាថា ឧស្សាហកម្មក្នុងស្រុកអាចរកប្រាក់ចំណេញឡើងវិញ ស្របពេលវិធានការពាណិជ្ជកម្មដូចជាការគ្រប់គ្រងកូតា មិនត្រូវបានដកចេញទាំងស្រុងនៅឡើយទេ។ ប្រទេសចិនទំនងជានឹងស្វែងរកដំណោះស្រាយស្ងប់ស្ងាត់ រួមទាំងការបង្កើនការគាំទ្រផ្នែកហិរញ្ញវត្ថុផងដែរ។ គួរបញ្ជាក់ថា ប្រទេសចិនបាននាំចូលសាច់គោចំនួន២,៨៧លានតោន​ ក្នុងឆ្នាំ២០២៤ ប៉ុន្តែនៅក្នុងឆមាសទីមួយនៃឆ្នាំ២០២៥ ការនាំចូលមានត្រឹមតែ១,៣ លានតោនប៉ុណ្ណោះ […]

ទីក្រុងឆាងសា៖ អ្នកដើរទិញឥវ៉ាន់នៅតាមផ្សារក្នុងប្រទេសចិន កំពុងតែចាប់ផ្តើមពេញនិយមរសជាតិផ្លែស្វាយនាំចូលពីប្រទេសបង់ក្លាដែស ដោយសារតែក្លិនក្រអូបប្លែក សម្បករលោង និងមានរសជាតិផ្អែមឆ្ងាញ ថ្វីបើ​​សម្រស់សម្បកផ្លែស្វាយភាគច្រើនមើលទៅរៀងពពាលពព្រុសបន្តិចក៏ដោយ ក៏ផ្លែសា្វយប្រភេទនេះកំពុងទទួលបានការគាំទ្រយ៉ាងខ្លាំងនៅតាមទីប្រជុំជនធំៗរបស់ចិន ដូចជាទីក្រុង​ ឆាងសា ជាដើម។ ប្រទេសបង់ក្លាដែសបានទទួលការយល់ព្រមជាផ្លូវការក្នុងការនាំចេញផ្លែស្វាយស្រស់ទៅកាន់ប្រទេសចិន កាលពីក្នុងខែកក្កដា ឆ្នាំ២០២៤។​ ចំណែក អ្នកនាំចេញបាននិយាយថា ផ្លែស្វាយរបស់បង់ក្លាដែស មានចំណុចលេចធ្លោជាងគេ ចំពោះរបៀបដាំដុះតាមបែបធម្មជាតិ ផ្លែស្វាយស្ទើរតែគ្មានជាតិសរសៃ និងការប្រមូលផល ធ្វើឡើងដោយមានសារធាតុគីមីតិចតួចបំផុត ដូច្នេះ ទើបគុណភាពជួយបង្កើនការទាក់ទាញអ្នកទិញទំនិញចិន ដែលយកចិត្តទុកដាក់ចំពោះសុខភាពរបស់ពួកគេ។ សារព័ត៌មានបង់ក្លាដែស បានផ្សាយថា ដំបូង​ឡើយ​អ្នក​នាំ​ចូល​ផ្លែស្វាយបង់ក្លាដែស ចាប់ផ្តើម​ចែក​ចាយ​ផ្លែ​ស្វាយតាមរយៈការលក់អនឡាញ​ ផ្សារ​ទំនើប និង​បណ្តាញអ្នកលក់ផ្លែឈើ​ស្រស់ប៉ុណ្ណោះ ​ដើម្បី​ផ្សព្វផ្សាយលើទីផ្សារ។​ ប៉ុន្តែក្រោយមកក៏មានការទទួលស្គាល់ពីគុណភាព រសជាតិ និងសុវត្ថិភាពរបស់ផ្លែស្វាយនេះ។ យោងតាមរបាយការណ៍ បានឱ្យដឹងថា ក្នុងមួយឆ្នាំៗ ប្រទេសបង់ក្លាដែស អាចផលិតផ្លែស្វាយបានប្រហែល២,៧លានតោន ហើយគ្រោងនាំចេញទៅកាន់ទីផ្សារក្រៅប្រទេសចំនួនប្រហែល៥ ០០០តោន នៅក្នុងឆ្នាំ២០២៥នេះ ដែលអ្នកនាំចេញជឿជាក់ថា ទីផ្សារនៅក្នុងប្រទេសចិន អាចជួយជំរុញកំណើនសម្រាប់វិស័យផ្លែឈើរបស់ប្រទេសបង់ក្លាដែស ព្រមទាំងជួយបង្កើតការងារធ្វើ និងបង្កើនប្រាក់ចំណូលដល់គ្រួសារកសិករបង់ក្លាដែសនៅតាមទីជនបទ។ ចំណែកមន្ត្រីជំនាញផ្នែកពាណិជ្ជកម្មនៅក្នុងប្រទេសចិន និងនៅក្នុងប្រទេសបង់ក្លាដែស ​បានចាត់​ទុក​ពាណិជ្ជកម្ម​នាំផ្លែស្វាយ​ចេញទៅក្រៅប្រទេស គឹជា​ផ្នែក​មួយ​នៃ​កិច្ច​ខិត​ខំ​ប្រឹង​ប្រែង​ក្នុង​ការ​ពង្រឹង​ទំនាក់ទំនង​សេដ្ឋកិច្ចរវាង​ប្រទេស​បង់ក្លាដែស និង​ប្រទេស​ចិន។ ព្រមជាមួយគ្នានេះដែរ មន្ត្រីពាក់ព័ន្ធមកពីប្រទេសទាំងពីរកំពុងតែពិភាក្សាគ្នា […]

ម៉ុងតេវីដេអូ៖ យោងតាមសេចក្តីថ្លែងការណ៍របស់ក្រសួងការបរទេសអ៊ុយរូហ្គាយ បានឱ្យដឹងថា ក្រុមហ៊ុននាំចេញផ្លែក្រូចឆ្មារអ៊ុយរូហ្គាយ បានអះអាងពីការនាំចេញផលិផលរបស់ខ្លួនទៅកាន់ទីផ្សារហ្វីលីពីន ជាផ្លូវការបន្ទាប់ពីការចុះហត្ថលេខាលើផែនការការងារទ្វេភាគី។ យោងតាមការចេញផ្សាយរបស់គេហទំព័របន្លែផ្លែឈើ បានឱ្យដឹងថា កិច្ចព្រមព្រៀងនេះ គឺជាលទ្ធផលនៃកិច្ចខិតខំប្រឹងប្រែងសម្របសម្រួលដោយក្រសួងការបរទេសរបស់អ៊ុយរូហ្គាយ ក្រសួងបសុសត្វ កសិកម្ម និងនេសាទ និងស្ថានទូតរបស់ប្រទេសអ៊ុយរូហ្គាយ ក្នុងប្រទេសឥណ្ឌូនេស៊ី ដែលជាតំណាងប្រចាំប្រទេសហ្វីលីពីន។ ការវិវឌ្ឍន៍ថ្មីនេះ គឺជាព្រឹត្តិការណ៍ដ៏សំខាន់មួយទៀតនៅក្នុងទំនាក់ទំនងផ្នែកពាណិជ្ជកម្មរវាងប្រទេសអ៊ុយរូហ្គាយ និងប្រទេសហ្វីលីពីន ដែលគេរំពឹងថា នឹងជួយពង្រឹងទំនាក់ទំនងផ្នែកសេដ្ឋកិច្ច និងជួយពង្រឹងការរីកចម្រើននៃឧស្សាហកម្មនាំចេញផ្លែក្រូចឆ្មារទៅកាន់ទីផ្សារបរទេស។ កាលពីពេលថ្មីៗកន្លងមកនេះ ប្រធានាធិបតីអ៊ុយរូហ្គាយ លោក យ៉ាម៉ានឌូ អោស៊ី (Yamandú Orsi) បានអះអាងសារជាថ្មីនូវការប្តេជ្ញាចិត្តរបស់រដ្ឋាភិបាលក្នុងការគាំទ្រវិស័យក្រូចឆ្មារ ដែលបច្ចុប្បន្នបាននាំចេញទៅកាន់ទីផ្សារបរទេសប្រហែល៨០ ០០០តោនក្នុងមួយឆ្នាំ ជាមួយនឹងការព្យាករណ៍ថា នឹងកើនដល់១៣០ ០០០តោន នៅឆ្នាំ២០២៨។ ក្នុងដំណើរអញ្ជើញបើកពិធីប្រមូលផលផ្លែក្រូចឆ្មារ លោកប្រធានាធិបតី បានគូសបញ្ជាក់ពីការចាំបាច់ដើម្បីជួយកសិករ និងកម្មករធ្វើការនៅក្នុងកសិដ្ឋានដាំក្រូចឆ្មារ ដោយលោកលើកឡើងពីតម្រូវការចាំបាច់ដើម្បីកែលម្អប្រព័ន្ធហេដ្ឋារចនាសម្ព័ន្ធ និងពង្រឹងការគ្រប់គ្រងសត្វល្អិតចង្រៃ ព្រមទាំងជួយទ្រទ្រង់ជីវភាពពួកគេក្នុងអំឡុងពេលផុតរដូវប្រមូលផលផ្លែក្រូច។ លោក យ៉ាម៉ានឌូ អោស៊ី បានសង្កត់ធ្ងន់លើសារៈសំខាន់នៃការបើកទីផ្សារនាំចេញផ្លែក្រូចឆ្មារឱ្យបានកាន់តែច្រើន និងទទួលស្គាល់សក្តានុពលរយៈពេលវែងរបស់វិស័យកសិកម្មដាំក្រូចនេះ។ ចំណែក រដ្ឋមន្ត្រីក្រសួងកសិកម្មអ៊ុយរូហ្គាយ បាននិយាយក្នុងពិធីបើករដូវប្រមូលផលនេះ ដោយស្ងើចសរសើរដល់ការវិនិយោគ ដែលកំពុងអនុវត្តបន្តទៀត ហើយបានកត់សម្គាល់ថា ៨០ភាគរយនៃចម្ការក្រូចឆ្មារនៅក្នុងតំបន់ដាំដុះនេះមានប្រព័ន្ធធារាសាស្ត្រស្រោចស្រពគ្រប់គ្រាន់ […]

កូឡាឡាំពួរ៖ ក្រុមមន្ត្រីរដ្ឋបាលព្រៃឈើរបស់ប្រទេសម៉ាឡេស៊ី ក្នុងពេលដើរល្បាតក្នុងព្រៃ កាលពីសប្តាហ៍មុន បានស្ទាក់ចាប់រឹបអូសយកផ្លែទុរេន ដែលប៉ាន់ស្មានថា មានតម្លៃប្រហែល ១ ១៨០ដុល្លារ ពីកសិករម្នាក់ ដោយសង្ឃ័យថា ជាផ្លែទុរេនខុសច្បាប់។ ប្រធាននាយកដ្ឋានរដ្ឋបាលព្រៃឈើប្រចាំរដ្ឋប៉ាហាំង បាននិយាយថា ការស៊ើបអង្កេតបឋមបង្ហាញថា ផ្លែទុរេនទាំងនេះត្រូវបានកសិករបេះពីដើមទុរេន ដែលដាំដោយខុសច្បាប់នៅក្នុងតំបន់ព្រៃបម្រុងទុករបស់រដ្ឋ។ លោក​បាន​កត់​សម្គាល់​នៅ​ក្នុង​សេចក្តី​ថ្លែងការណ៍​មួយ​ថា​ «​ផ្លែទុរេន ​ដែល​រឹប​អូស​បានទាំងនេះត្រូវ​គេ​ជឿ​ថា ​សម្រាប់លក់នៅតាម​ទីផ្សារ​ក្នុង​ស្រុក​»។ លោក​បាន​ពន្យល់​ថា ទាំង​រថយន្ត និង​ផ្លែទុរេន ​ត្រូវ​បាន​រឹបអូស​ក្រោម​ច្បាប់​ព្រៃឈើ​ជាតិ​ ឆ្នាំ១៩៨៤ ពី​បទ​ទន្ទ្រាន​យក​ដីរដ្ឋ​ធ្វើ​អាជីវកម្ម​ដោយ​ខុស​ច្បាប់។ ចំណែកកសិករ​ ដែល​​កំពុងដើរ​​លក់​ផ្លែទុរេន​ទាំងនេះ ត្រូវ​បាន​ដោះលែង​ឱ្យ​នៅ​ក្រៅ​ឃុំបណ្តោះអាសន្ន ​បន្ទាប់​ពី​បាននិយាយប្រាប់ការពិតដល់មន្ត្រីការពារព្រៃឈើ។ លោកបាននិយាយទៀតថា ព្រៃបម្រុងទុករបស់រដ្ឋ ត្រូវគេទន្ទ្រានចូលកាន់កាប់ និងដាំដើមឈើហូបផ្លែដោយខុសច្បាប់ ដូចជា ដើមទុរេន មង្ឃុត សាវម៉ាវ ចម្រៀក និងដើមកន្ទួតព្រៃ ដោយមានអ្នកមូលដ្ឋាននាំមុខធ្វើសកម្មភាពនេះ។ ចាប់តាំងពីថ្ងៃទី២១ ខែកក្កដា ឆ្នាំ២០២៥ ក្រុមមន្ត្រីរដ្ឋបាលព្រៃឈើម៉ាឡេស៊ី ចាប់ផ្តើមដើរល្បាតតាមព្រៃ ដើម្បីទប់ស្កាត់បទល្មើសលួចកាប់ទន្ទ្រានព្រៃឈើ និងសកម្មភាពលួចដាំដើមទុរេនក្នុងតំបន់ហាមឃាត់។ លោកប្រធាននាយកដ្ឋានរដ្ឋបាលព្រៃឈើ ប្រចាំរដ្ឋប៉ាហាំង បានអំពាវនាវឱ្យប្រជាជននៅក្នុង​សហគមន៍​ក្បែរ​នោះ​ កុំ​ឱ្យ​ចូល​ទៅ​ក្នុង​តំបន់​ព្រៃឈើបម្រុងទុក​ ដើម្បីបេះផ្លែទុរេន ឬ​ធ្វើ​សកម្មភាព​គ្មាន​ការ​អនុញ្ញាត​ណាមួយ​​ជាដាច់ខាត។ […]

តៃប៉ិ៖ ការវាយតម្លៃថ្មីៗនេះរបស់នាយកដ្ឋានសុខភាពកោះតៃវ៉ាន់ ទៅលើបន្លែ និងផ្លែឈើស្រស់ៗ លក់នៅក្នុងទីផ្សារនានារបស់តៃវ៉ាន់ បានបង្ហាញពីអត្រាគ្រោះថ្នាក់ដល់សុខភាព ដោយសារមិនមានអនុលោមភាពត្រឹមត្រូវតាមស្តង់ដារសុវត្ថិភាពចំណីអាហារ​ មានចំនួនរហូតដល់២៥ភាគរយថា មានសំណល់ថ្នាំពុលសម្លាប់សត្វល្អិតលើសពីកម្រិត ដែលអាចទទួលយកបាន ចំណែកផ្លែទុរេនវិញ មានកំហាប់សារធាតុគីមី​ កាតមីញ៉ូម (Cadmium) លើសពីកម្រិតសុវត្ថិភាព។ ប្រធានផ្នែកអាហារសុខភាព និងឱសថ បាននិយាយថា ការពិនិត្យជាប្រចាំលើផលិតផលស្រស់ៗ ត្រូវបានអនុវត្តនៅគ្រប់កន្លែងលក់ រួមទាំងទីផ្សារប្រពៃណី ផ្សារទំនើប និងនៅតាមភោជនីយដ្ឋាននានានៅក្នុងកោះតៃវ៉ាន់ ដោយត្រួតពិនិត្យវាយតម្លៃលើកំហាប់សំណល់ថ្នាំពុលសម្លាប់សត្វល្អិត រួមជាមួយនឹងសារធាតុគីមីផ្សេងទៀត ដែលគ្រោះថ្នាក់ដល់សុខភាពអ្នកទទួលទាន។ លោកប្រធានបានពន្យល់ថា ការត្រួតពិនិត្យនៅក្នុងខែឧសភា ឆ្នាំ២០២៥ របស់នាយកដ្ឋានពាក់ព័ន្ធនឹងការជ្រើសរើសយកសំណាកចំនួន៥២ប្រភេទពីបន្លែ និងផ្លែឈើ បានបង្ហាញលទ្ធផលថា មានទំនិញ១៣មុខមិនអនុវត្តឱ្យបានខ្ជាប់ខ្ជួននូវពិធីសារស្តីពីសុវត្ថិភាព។  ជាក់ស្តែង ទំនិញមិនអនុលោមតាមច្បាប់កំណត់ មានតែ ផ្កាខ្ទឹម ស្លឹកខ្ទឹម និងស្ពៃក្តោប មើមខ្ទឹមស។ រីឯផ្លែប៉ោម សណ្តែកបណ្តុះ និងផ្លែស្វាយ សុទ្ធតែមានសំណល់ថ្នាំពុលសម្លាប់សត្វល្អិតលើសពីកម្រិតច្បាប់អនុញ្ញាត។ ជាងនេះទៅទៀត ចំណែកទុរេន ត្រូវបានគេកត់សម្គាល់ឃើញថា មានផ្ទុកសារធាតុ កាតមីញ៉ូម ខ្ពស់ជាងស្តង់ដារអនុញ្ញាត។  រីឯផ្លែស្វាយមានសំណល់ថ្នាំពុលរើសកម្រិត ខណៈទំនិញផ្សេងទៀត ត្រូវបានចាត់ថ្នាក់ជាផលិតផលកសិកម្ម ដែលមានហានិភ័យខ្ពស់ ដែលមានសំណល់ថ្នាំពុលសម្លាប់សត្វល្អិតច្រើនហួសហេតុ […]

ម៉ានីល៖ ក្រុមអ្នកវិភាគបាននិយាយថា អ្នកផលិតស្បៀអាហារមួយចំនួនអាចនឹងប្រឈមមុខនឹងការប្រកួតប្រជែងកាន់តែខ្លាំងជាមួយផលិតផលកសិកម្មរបស់អាម៉េរិក បន្ទាប់ពីការបើកទីផ្សារក្នុងស្រុក ដែលជាផ្នែកមួយនៃកិច្ចព្រមព្រៀងពាណិជ្ជកម្មនាពេលខាងមុខរវាងសហរដ្ឋអាម៉េរិក និងហ្វីលីពីន។ លោក ហ្វឺមីន អាឌ្រីយ៉ាណូ (Fermin Adriano) សេដ្ឋវិទូ និងជាអតីតទីប្រឹក្សារដ្ឋមន្ត្រីក្រសួងកសិកម្មហ្វីលីពីន បាននិយាយថា ការនាំចូលស្រូវសាលីកាន់តែច្រើនអាចប្រកួតប្រជែងជាមួយកសិករដាំពោត ដែលបំផ្លាញចំណែករបស់ពួកគេនៅក្នុងទីផ្សារចំណីសត្វ។ ការទិញសណ្តែកសៀងច្រើន ផ្តល់ផលល្អសម្រាប់ឧស្សាហកម្មបសុសត្វ ដោយសារវាជាវត្ថុធាតុដើមដ៏សំខាន់សម្រាប់ប្រូតេអ៊ីននៅក្នុងចំណីសត្វ។ បើតាមការចុះផ្សាយរបស់សារព័ត៌មាន ហ្វីលស្តារ (Phil Star) របស់ហ្វីលីពីន បានឱ្យដឹងថា ប្រសិនបើសាច់ជ្រូក សាច់មាន់ និងផលិតផលសាច់ផ្សេងទៀតនឹងក្លាយជាចំណែកនៃការធ្វើសម្បទានរបស់ប្រទេសហ្វីលីពីន លោកបានព្រមានថា វាអាច “បំផ្លិចបំផ្លាញ” ឧស្សាហកម្មជ្រូក និងបសុបក្សីក្នុងស្រុក ដោយសារការប្រកួតប្រជែង។ ប្រធានាធិបតី​អាម៉េរិក លោក ដូណាល់ ត្រាំ បាន​ប្រកាស​​តាម​បណ្តាញ​សង្គម​ថា ប្រទេសហ្វីលីពីន​កំពុង​បើក​ទីផ្សារ​របស់​ខ្លួន​ចំពោះ​ទំនិញ​អាម៉េរិក​ ដោយយក​ពន្ធ​សូន្យ​ភាគរយ។ ទោះជាយ៉ាងណាក៏ដោយ ប្រធានាធិបតីហ្វីលីពីន លោក ម៉ាកូស (Marcos) បានបញ្ជាក់ថា មានតែទំនិញមួយចំនួន ដូចជា រថយន្តរបស់សហរដ្ឋអាម៉េរិកប៉ុណ្ណោះ ដែលនឹងទទួលបានពន្ធសូន្យភាគរយ។ លោកប្រធានាធិបតី ក៏បានលាតត្រដាងផងដែរថា ប្រទេសហ្វីលីពីនកំពុងទិញផលិតផលសណ្តែកសៀង និងស្រូវសាលីរបស់អាម៉េរិកបន្ថែមទៀត […]

អ៊ីស្លាម៉ាបាដ៖ រដ្ឋាភិបាលអាហ្វហ្គានីស្ថាន និងរដ្ឋាភិបាលប៉ាគីស្ថាន បានផ្តួចផ្តើមបង្កើតកិច្ចព្រមព្រៀងពាណិជ្ជកម្មអនុគ្រោះពន្ធទ្វេភាគីមួយ ដើម្បីកាត់បន្ថយពន្ធនាំចេញសម្រាប់ទំនិញកសិកម្មសំខាន់ៗចំនួនប្រាំបីមុខ ដែលប្រទេសទាំងពីរតែងតែលក់ឱ្យគ្នាទៅវិញទៅមក។ យោងតាមការផ្សាយរបស់គេហទំព័របន្លែ និងផ្លែឈើ បានឱ្យយដឹងថា កិច្ចព្រមព្រៀងនេះមានគោលបំណងកាត់បន្ថយអត្រាពន្ធគយលើការនាំចេញកសិផលរបស់ប្រទេសអាហ្វហ្គានីស្ថានចំនួនបួនមុខទៅកាន់ប្រទេសប៉ាគីស្ថាន មានដូចជា ផ្លែទំពាំងបាយជូ ផ្លែទទឹម ផ្លែប៉ោម និងផ្លែប៉េងប៉ោះ ចំណែកកសិផលនាំចេញរបស់ប្រទេសប៉ាគីស្ថានចំនួនមុខ ទៅកាន់ប្រទេសអាហ្វហ្គានីស្ថាន មានដូចជាផ្លែស្វាយ ផ្លែក្រូច ផ្លែចេក និងដំឡូង។ អត្រា​ពន្ធលើទំនិញកសិផលទាំងប្រាំបីមុខខាងលើនេះ ​កាល​ពីមុន​ត្រូវ​បាន​កំណត់​ត្រឹមជាង៦០ភាគរយ  ប៉ុន្តែក្រោមកិច្ចព្រមព្រៀងពាណិជ្ជកម្មមី ត្រូវបានទម្លាក់មក​នៅ​ត្រឹម២៧ភាគរយប៉ុណ្ណោះ។ កិច្ចព្រមព្រៀងពាណិជ្ជកម្ម ដែលគាំទ្រដោយមន្ត្រីជាន់ខ្ពស់ផ្នែកពាណិជ្ជកម្មអាហ្វហ្គានីស្ថាន និងមន្ត្រីជាន់ខ្ពស់ផ្នែកពាណិជ្ជកម្មប៉ាគីស្ថាន ត្រូវបានចូលជាធរមាន កាលពីថ្ងៃទី០១ ខែសីហា ឆ្នាំ២០២៥ ដោយមានសុពលភាពរយៈពេលមួយឆ្នាំ ប៉ុន្តែមានជម្រើសអាចបន្តទៀតបាន។ គំនិតផ្តួចផ្តើមនេះ ត្រូវបានបង្កើតឡើងចំពេលមានភាពតានតឹងផ្នែកនយោបាយ និងសន្តិសុខតាមព្រំដែន ដែលកំពុងតែបន្តកើតមានរវាងប៉ាគីស្ថាន និងអាហ្វហ្គានីស្ថាន ប៉ុន្តែរដ្ឋាភិបាលប្រទេសទាំងពីរ​ បានទទួលស្គាល់ការពឹងពាក់គ្នាទៅវិញទៅមកផ្នែកពាណិជ្ជកម្មផ្លូវគោក  ជាពិសេសពាក់ព័ន្ធនឹងការនាំចេញផ្លែឈើឡើងវិញ ក្នុងរដូវប្រមូលផលនីមួយៗ។ យោងតាមតួលេខពាណិជ្ជកម្មរវាងប្រទេសទាំងពីរ សម្រាប់ឆមាសទីមួយនៃឆ្នាំ២០២៥នេះ បានបង្ហាញពីការផ្លាស់ប្តូរទំនិញទ្វេភាគី ក្នុងទំហំទឹកប្រាក់ជិតមួយពាន់លានដុល្លារ ដោយការនាំចេញកសិផលរបស់ប្រទេសអាហ្វហ្គានីស្ថាន មានទឹកប្រាក់ចំនួន២៧៧លានដុល្លារ ចំណែកការនាំចេញកសិផលរបស់ប៉ាគីស្ថានវិញ មានទឹកប្រាក់ចំនួន៧១២លានដុល្លារ។ ការកើនឡើងនៃទំហំពាណិជ្ជកម្មនេះ ត្រូវបានផ្សារភ្ជាប់មួយផ្នែកទៅនឹងការកើនឡើងនៃការនាំចេញរបស់ប៉ាគីស្ថាន មានដូចជាការផ្គត់ផ្គង់ផ្នែកវេជ្ជសាស្រ្ត អង្ករសម្រូប […]

ម៉ានីល៖ នៅក្នុងរបាយការណ៍ត្រួតពិនិត្យទីផ្សារផ្លែឈើដាំនៅតំបន់ត្រូពិច អង្គការស្បៀងអាហារ និងកសិកម្មនៃអង្គការសហប្រជាជាតិ បាននិយាយថា ប្រទេសហ្វីលីពីន នៅតែជាអ្នកនាំចេញផ្លែម្នាស់ធំជាងគេទីពីររបស់ពិភពលោក ដែលកាលពីឆ្នាំ២០២៤ បានបង្កើនការផ្គត់ផ្គង់ទៅកាន់ទីផ្សារធំៗ។ របាយការណ៍នេះ បាននិយាយថា ប្រទេសហ្វីលីពីនបានផ្គត់ផ្គង់ផ្លែម្នាស់កាន់តែច្រើនទៅកាន់ទីផ្សារសំខាន់ៗ មានដូចជាប្រទេសចិន ជប៉ុន និងប្រទេសកូរ៉េខាងត្បូង ដោយបានលក់ផ្លែម្នាស់សរុបប្រហែល៦៨០ ០០០តោន ក្នុងឆ្នាំ២០២៤  គឺកើនឡើងចំនួន១៤,១ភាគរយ។ ការ​នាំ​ចេញ​ផ្លែម្នាស់​ទៅ​កាន់ទីផ្សារប្រទេស​ចិន ​ដែល​ជា​ទិសដៅ​នាំ​ចេញ​ធំបំផុត​របស់​ប្រទេស​ហ្វីលីពីន ​បាន​កើន​ឡើង៩,៤ ភាគរយ ដោយមានចំណែកទីផ្សារ៤០ភាគរយនៅក្នុងប្រទេសចិន។  ចំណែកបន្ទាប់មក គឺទីផ្សារប្រទេសជប៉ុន​​ មាន៣៣ភាគរយ និង​ទីផ្សារប្រទេសកូរ៉េខាងត្បូងចំនួន១៦ភាគរយ។ អង្គការស្បៀងអាហារ និងកសិកម្ម បាននិយាយដូច្នេះថា «ការនាំចេញផ្លែម្នាស់របស់ហ្វីលីពីន ទៅកាន់គោលដៅទាំងពីរ បានពង្រីកយ៉ាងខ្លាំងចាប់តាំងពីឆ្នាំមុន ដោយមានរាយការណ៍ថា កើនឡើងចំនួន២០ភាគរយ នាំចេញទៅប្រទេសជប៉ុន និង២០ភាគរយទៀត នាំចេញទៅសាធារណរដ្ឋកូរ៉េ»។ ទីភ្នាក់ងារអង្គការសហប្រជាជាតិ ក៏បានកត់សម្គាល់ផងដែរថា ពូជម្នាស់ អេមឌីធូ (MD2) គឺជាពូជម្នាស់ ដែលគេចង់ទិញបំផុតពីប្រទេសហ្វីលីពីន។ អង្គការស្បៀងអាហារ និងកសិកម្មដដែលនេះ បាននិយាយបន្តថា តម្លៃឯកតានាំចេញជាមធ្យមរាប់ទាំងថ្លៃដឹកជញ្ជូនពីប្រទេសហ្វីលីពីន ទៅកាន់ទីផ្សារពិភពលោក បានកើនឡើង៦,៣ភាគរយ គឺស្មើនឹងតម្លៃ៦៣០ដុល្លារក្នុងមួយតោន។ ប្រទេសហ្វីលីពីន មានចំណែកផ្គត់ផ្គង់ចំនួន១៩ភាគរយនៃបរិមាណនាំចេញផ្លែម្នាស់នៅទូទាំងពិភពលោក […]

ណៃពិដោរ៖ ប្រធានសមាគមអ្នកផលិត និងអ្នកនាំចេញបន្លែផ្លែឈើភូមា បាននិយាយថា ម្ចាស់កសិដ្ឋានដាំប៊ឺរនៅក្នុងប្រទេសភូមា ត្រូវតែសហការគ្នាក្នុងការត្រួតពិនិត្យមើលមេរោគ ឬសំណល់ថ្នាំពុលនៅលើផ្លែប៊ឺរ ដែលជាចាំបាច់សម្រាប់ការនាំចេញទៅកាន់ទីផ្សារប្រទេសចិន។ យោងតាមគេហទំព័របន្លែ និងផ្លែឈើ បានឱ្យដឹងថា សមាគមអ្នកផលិត និងអ្នកនាំចេញបន្លែផ្លែឈើភូមា បាននិយាយថា ភាគីពាក់ព័ន្ធគួរតែធ្វើការរួមគ្នាសម្រាប់ការនាំចេញផ្លែប៊ឺរទៅកាន់ប្រទេសចិន នៅក្នុងខែតុលា ឆ្នាំ២០២៥នេះ ប៉ុន្តែមិនបានបញ្ជាក់ពីបរិមាណនាំចេញ និងតម្លៃរបស់ផ្លែប៊ឺរនៅឡើយ។ ចំណែកប្រធាននាយកដ្ឋានកសិកម្មប្រចាំរដ្ឋសានរបស់ភូមា បានផ្តល់ព័ត៌មានលម្អិតអំពីការនាំចេញផ្លែប៊ឺរប្រចាំឆ្នាំរបស់ប្រទេសភូមា និងបានគូសបញ្ជាក់ពីតម្រូវការនាំចូលសម្រាប់ទីផ្សារសំខាន់ៗដូចជាប្រទេសចិន ឥណ្ឌា រុស្ស៊ី និងបណ្តាប្រទេសផ្សេងទៀតនៅក្នុងតំបន់មជ្ឈិមបូព៌ា។ កាលពីថ្ងៃទី១៩ ខែកក្កដា ឆ្នាំ២០២៥ នាយកដ្ឋានកសិកម្មនៅភាគខាងត្បូងរដ្ឋសាន បានបើកសិក្ខាសាលាមួយ ដើម្បីស្វែងយល់ពីតម្រូវការត្រួតពិនិត្យ និងបទដ្ឋានសុវត្ថិភាពរបស់អគ្គនាយកដ្ឋានគយចិន។  ដូច្នេះ ការងារនេះត្រូវតែសហការគ្នារវាងសមាគមអ្នកផលិត និងអ្នកនាំចេញផ្លែប៊ឺរភូមា ដើម្បីពង្រឹងស្តង់ដារផ្លែប៊ឺររបស់ខ្លួនឱ្យស្របនឹងស្តង់ដារនាំចេញ។ ប្រធានសមាគមអ្នកផលិត និងអ្នកនាំចេញបន្លែផ្លែឈើភូមា បានបង្កើតក្រុមហ៊ុនសាធារណៈសម្រាប់កសិករមួយ ដែលមានទិសដៅសម្រាប់នាំចេញផលិតផលកសិកម្មទៅកាន់ប្រទេសសិង្ហបុរី ម៉ាឡេស៊ី និងប្រទេសថៃ នៅក្នុងពេលខាងមុខនេះ  ដោយខិតខំគាំទ្រឱ្យមានការនាំចូលជីកសិកម្ម និងថ្នាំសម្លាប់សត្វល្អិតផងដែរ ដើម្បីផ្គត់ផ្គង់ដល់អ្នកដាំដុះ។ ចំណែកប្រធាន​នាយកដ្ឋាន​កសិកម្ម​ប្រចាំរដ្ឋសាន បាន​ពិភាក្សាលម្អិត​បន្ថែមទៀត ​អំពី​លក្ខខណ្ឌ​ចាំបាច់សម្រាប់នាំ​ចូល​ទៅ​កាន់ទីផ្សារ​ប្រទេសចិន។ រីឯអ្នកដាំដំណាំ បានលើកឡើងពីយុទ្ធសាស្ត្រក្នុងការគ្រប់គ្រងសារធាតុចិញ្ចឹមរបស់ដើមប៊ឺរ ហើយបានប្តេជ្ញាចិត្តក្នុងការពង្រឹងយុទ្ធសាស្ត្រនាំចេញរបស់ខ្លួន។ សមាគមអ្នកផលិត និងនាំចេញបន្លែផ្លែឈើភូមា បានប្រកាសកាលពីថ្ងៃទី២៤ […]

ញូវដេលី៖ ប្រធានាធិបតីអាម៉េរិក លោក ដូណាល់ ត្រាំ  (Donald Trump) បាននិយាយកាលពីថ្ងៃទី៣០ ខែកក្កដាថា សហរដ្ឋអាម៉េរិក នឹងដាក់ពន្ធ២៥ភាគរយ លើទំនិញឥណ្ឌា ចាប់ពីថ្ងៃទី១ ខែសីហា ឆ្នាំ២០២៥ ដោយលើកឡើងពីពន្ធខ្ពស់របស់ទីក្រុងញូវដែលី និងរបាំងពាណិជ្ជកម្មមិនមែនរូបិយវត្ថុដ៏តឹងរឹង។ ទីភ្នាក់ងារព័ត៌មានរ៉យទ័ររបស់អង់គ្លេស បានផ្សាយថា បញ្ហា​សំខាន់ៗ ​ដែល​ទំនង​ជា​បាន​បង្អាក់​កិច្ច​ចរចា​ពាណិជ្ជកម្ម​រវាង​សហរដ្ឋ​អាម៉េរិក ដែល​ជា​ប្រទេស​សេដ្ឋកិច្ច​ធំ​ជាង​គេ​របស់​ពិភពលោក និង​ប្រទេស​ឥណ្ឌាដែល​ធំ​ជាង​គេ​ទី​ប្រាំ​របស់​ខ្លួន។ ប្រទេសឥណ្ឌាបានទប់ទល់នឹងការទាមទាររបស់សហរដ្ឋអាម៉េរិកក្នុងការបើកទីផ្សារកសិកម្ម និងទឹកដោះគោរបស់ខ្លួន ដោយនិយាយថា វិធានការបែបនេះនឹងប៉ះពាល់ដល់កសិករក្រីក្ររាប់លាននាក់នៅក្នុងប្រទេសឥណ្ឌា។ ការកាត់បន្ថយពន្ធលើពោត សណ្តែកសៀង ស្រូវសាលី និងអេតាណុល មិនមានរាប់បញ្ចូលឡើយ ដោយមន្ត្រីឥណ្ឌាបានលើកឡើងពីហានិភ័យពីផលិតផលកសិកម្ម ដែលឧបត្ថម្ភធនរបស់សហរដ្ឋអាម៉េរិក។ ក្រុមហ៊ុនផលិតរថយន្តក្នុងស្រុក ក្រុមហ៊ុនឱសថ និងឧស្សាហកម្មខ្នាតតូច ក៏បានបញ្ចុះបញ្ចូលឱ្យមានការបើកជាបណ្តើរៗផងដែរ ដោយខ្លាចមានការរំខានពីការនាំចូលពីសហរដ្ឋអាម៉េរិក។ បើ​តាម​របាយការណ៍​របស់​សេតវិមាន​ បានឱ្យដឹងថា ប្រទេសឥណ្ឌាដាក់ពន្ធជាមធ្យម ៣៩ភាគរយ លើទំនិញកសិកម្មនាំចូល បើធៀបនឹងប្រាំភាគរយ នៅសហរដ្ឋអាម៉េរិក ជាមួយនឹងពន្ធមួយចំនួនខ្ពស់រហូតដល់៥០ភាគរយ។ រដ្ឋបាលរបស់លោក ដូណាល់ ត្រាំ បានដាក់ពន្ធម្តងហើយម្តងទៀត នូវពន្ធគយទាំងនេះថា ជាឧបសគ្គដ៏សំខាន់ចំពោះទំនាក់ទំនងពាណិជ្ជកម្មកាន់តែស៊ីជម្រៅជាមួយឥណ្ឌា។ ទីក្រុងវ៉ាស៊ីនតោនកំពុងជំរុញឱ្យមានលទ្ធភាពកាន់តែប្រសើរឡើងទៅកាន់ទីផ្សាររបស់ប្រទេសឥណ្ឌា សម្រាប់វិស័យកសិកម្ម […]

ហៃណាន៖ នាយកផ្នែកលក់ផលិតផលក្រុមហ៊ុនចិន ដែលគ្រប់គ្រងចម្ការទុរេនជាង៨៦៦ហិកតា នៅក្នុងខេត្ត ហៃណាន ប្រទេសចិន បាននិយាយថា ក្រុមហ៊ុននឹងយកចិត្តទុកដាក់លើការផ្សព្វផ្សាយ និងរៀបចំព្រឹត្តិការណ៍ភ្លក្សរស់ជាតិ ផ្លែទុរេនខេត្តហៃណាន ដែលត្រូវចាប់ពីចុងខែមិថុនា ដល់ដើមខែកក្កដា ឆ្នាំ២០២៥នេះ ទោះបីមិនទាន់ចាប់ផ្តើមលក់ជាលក្ខណៈពាណិជ្ជកម្មក៏ដោយ។ លោកបានពន្យល់ថា «ដូចឆ្នាំមុនដែរ យើងបន្តអនុវត្តយុទ្ធសាស្ត្រ​ លាក់ទុកសារធាតុចិញ្ចឹមផ្លែឈើនៅក្នុងដីក្នុងគោលបំណងកំណត់ទិន្នផលផ្លែ ដើម្បីរក្សាសារធាតុចិញ្ចឹមនៅក្នុងដីឱ្យនៅបានយូរអង្វែងសម្រាប់ដើមទុរេនលូតលាស់ល្អថែមទៀត។  បច្ចុប្បន្ន ដើមទុរេនលើផ្ទៃដីទំហំប្រហែល២៦៦ហិកតាកំពុងចេញផ្លែ ហើយយើងរំពឹងថា នឹងកើនឡើងដល់៤០០ ទៅ៤៦៦ហិកតា នៅឆ្នាំក្រោយ ជាមួយនឹងទិន្នផលប៉ាន់ស្មានពី ៨០ ០០០ដើម ទៅ១០០ ០០០ដើម ដែលអាចឱ្យយើងបង្កើនទិន្នផលយ៉ាងច្រើន»។ លោកបានបញ្ជាក់ថា ក្នុងចំណោមដើមទុរេនទាំងអស់នេះ ពូជបច្ចុប្បន្ននេះ រួមមាន ម៉ាន់ថង មូសាងឃីង កានយ៉ៅ និងពូជប្លែកថន។ លោកបានមានប្រសាសន៍ទៀតថា ក្រុមបានបណ្តុះបណ្តាលក្រុមដាំដុះទុរេននៅក្រៅប្រទេស ហើយបាននាំយកពួកគេមកគ្រប់គ្រងចម្ការរបស់ក្រុមហ៊ុន។ ចម្ការបានអនុវត្តតាមស្តង់ដារគ្រប់គ្រង និងប្រើប្រាស់ជីសរីរាង្គដែលមានអាជ្ញាប័ណ្ណអនុញ្ញាតត្រឹមត្រូវ។ ផ្លែធុរេននឹងមានពណ៌លឿងស្រស់ មានរសជាតិផ្អែមមុត ដែលកម្ររកបានក្នុងចំណោមផ្លែទុរេននាំចូល។ ចំណែកចម្ការវិញបានទទួលវិញ្ញាបនប័ត្រសម្គាល់ការអនុវត្តកសិកម្មល្អ  (Good Agricultural Practices) រួចហើយ ព្រមទាំងរំពឹងថា នឹងទទួលបានវិញ្ញាបនប័ត្របញ្ជាក់កសិកម្មសរីរាង្គផងដែរ នៅឆ្នាំ២០២៦។ទាក់ទងនឹងបញ្ហាប្រឈមផ្នែកអាកាសធាតុព្យុះទីហ្វុង […]