អន្តរជាតិ

អន្តរជាតិ៖ ប្រព័ន្ធមនុស្សយន្តសម្រាប់បេះផ្លែ និងដឹកជញ្ជូនផ្លែដោយគ្មានមនុស្សជួយ ត្រូវបានបង្កើតឡើងសម្រាប់ប្រើប្រាស់ក្នុងវិស័យកសិកម្ម ដូចជានៅក្នុងកសិដ្ឋានឆ្លាតវៃជាដើម។ ក្រុមអ្នកស្រាវជ្រាវនៅនាយកដ្ឋានស្រាវជ្រាវមនុស្សយន្តប្រើបញ្ញាសិប្បនិម្មិត (Robot AI) នៃវិទ្យាស្ថានគ្រឿងចក្រ និងសម្ភារៈរបស់ប្រទេសកូរ៉េ (Korea Intitute of Machinery and Materials) បានបង្កើតប្រព័ន្ធមនុស្សយន្តពហុមុខងារសម្រាប់ការប្រមូលផលដំណាំផ្លែឈើផ្សេងៗ។ បច្ចេកវិទ្យានេះអាចត្រូវបានប្រើដើម្បីជួយនៅកន្លែងកសិកម្ម​ ដែលមានការខ្វះកម្លាំងពលកម្មមនុស្ស ដោយប្រើឱ្យប្រមូលផលដំណាំតាមរយៈប្រព័ន្ធស្វ័យប្រវត្តិ។ ប្រព័ន្ធនេះក៏រួមបញ្ចូលផងដែរនូវមនុស្សយន្ត ដែលប្រើបច្ចេកវិជ្ជាបើកបរដោយស្វ័យភាព ដើម្បីដឹកជញ្ជូនផលដំណាំផ្លែឈើយកទៅកាន់កន្លែងរក្សាទុក។ ប្រព័ន្ធមនុស្សយន្តប្រភេទថ្មី សម្រាប់ប្រមូលផលដំណាំសាកវប្បកម្ម រួមមានមនុស្សយន្តបេះផ្លែ និងមនុស្សយន្តលើកដាក់ ផ្ទេរផ្លែឈើយកទៅទុក។ បច្ចេកវិទ្យានេះត្រូវបានគេរំពឹងថា នឹងជួយដោះស្រាយការលំបាកនៅកន្លែងកសិកម្ម ដែលកំពុងប្រឈមនឹងការខ្វះខាតកម្លាំងពលកម្មមនុស្សក្នុងការប្រមូលផលដំណាំ។ តាមរយៈការធ្វើស្វ័យប្រវត្តិកម្មយ៉ាងពេញលេញនូវដំណើរការបេះផ្លែប៉េងប៉ោះ និងដឹកជញ្ជូននៅក្នុងកសិដ្ឋានទាំងមូល បច្ចេកវិទ្យានេះ បានបង្ហាញឱ្យឃើញពីលទ្ធភាពធ្វើការដោយគ្មានមនុស្សជួយនៅពេលប្រមូលផលប៉ុណ្ណោះទេ ប៉ុន្តែក៏មានការងារផ្សេងៗទៀត ដែលពឹងផ្អែកលើកម្លាំងពលកម្ម នៅតាមកសិដ្ឋាន។ ដោយសារតែភាពស្មុគស្មាញ និងបរិស្ថានកសិកម្ម ដូច្នេះនៅពេលបញ្ចូលបច្ចេកវិទ្យាសម្រាប់ឱ្យមនុស្សយន្តដំណើរការ វាទាមទារឱ្យអនុវត្តតាមជំនាញកម្រិតខ្ពស់។ នេះហើយជាមូលហេតុ ដែលការស្រាវជ្រាវលើមនុស្សយន្តសម្រាប់ប្រើក្នុងការប្រមូលផលកសិកម្ម កន្លងមកមិនទទួលបានជោគជ័យក្នុងដំណើរការស្រាវជ្រាវឡើយ។ ដំបូងឡើយ បច្ចេកវិទ្យាមនុស្សយន្តសម្រាប់ការប្រមូលផលដំណាំ ត្រូវបានកំណត់មុខងារឱ្យប្រមូលផលដំណាំតែមួយមុខប៉ុណ្ណោះ។ ប្រព័ន្ធមនុស្សយន្តអាចប្រើបានច្រើនមុខ ដែលទើបនឹងបង្កើតថ្មីសម្រាប់ប្រមូលផលដំណាំរបស់វិទ្យាស្ថានគ្រឿងយន្ត និងសម្ភារៈបរិក្ខា មិនត្រឹមតែមានសមត្ថភាពគ្រាន់តែប្រមូលផលប៉ុណ្ណោះទេ ថែមទាំងបង្កើតបានមនុស្សយន្តប្រើបច្ចេកវិទ្យាឱ្យប្រមូលផល និងដឹកជញ្ជូនកសិផលតដោយស្វ័យប្រវត្តិ សម្រាប់កន្លែងធ្វើកសិកម្មទាំងមូល។ […]

បាងកក៖ សមាគមអ្នកនាំចេញអង្កររបស់ថៃ​ បាននិយាយថា ការនាំចេញអង្ករបានធ្លាក់ចុះ៣០ភាគរយ បើធៀបនឹងឆ្នាំមុន នៅក្នុងត្រីមាសទីមួយ ដោយធ្លាក់មកនៅត្រឹមបរិមាណជាង២,១លានតោន។ យោងតាមការចេញផ្សាយរបស់កាសែត បាងកក ប៉ុស្តិ៍ បានឱ្យដឹងថា ប្រធានសមាគមអ្នកនាំចេញអង្ករថៃ បានសន្មត់ថា ការធ្លាក់ចុះបរិមាណនាំចេញនេះដោយសារប្រទេសឥណ្ឌាចាប់ផ្តើនាំចេញអង្ករសម្រិតឡើងវិញ ចំណែកប្រទេសឥណ្ឌូនេស៊ី​ ដែលជាប្រទេសធ្លាប់នាំចូលអង្ករថៃច្រើនដែរនោះ បានផ្អាកការបញ្ជាទិញជាបណ្តោះអាសន្ន។ នៅឆ្នាំ២០២៥នេះ ប្រទេសឥណ្ឌូនេស៊ី នឹងនាំចូលអង្ករថៃតិចជាងមួយលានតោន ដែលបរិមាណតិចជាតការរំពឹងទុកនៅឆ្នាំចុងក្រោយនេះ ដោយធ្វើឱ្យធ្លាក់ចុះចំនួន៥៣ភាគរយ នៃបរិមាណនាំចេញអង្ករសម្រិត។ ទោះបីជាយ៉ាងណាក៏ដោយ ការនាំចេញអង្ករផ្កាម្លិះ និងអង្ករសម្រូបរបស់ថៃ បានហក់ឡើងវិញបន្តិច ខណៈក្រុមអ្នកនាំចេញអង្ករកំពុងតែតាមដានគោលនយោបាយរបស់ប្រធានាធិបតីអាមេរិក លោក ដូណាល់ ត្រាំ ដែលបានដំឡើងពន្ធ១០ភាគរយលើទំនិញរបស់ថៃ ដែលកាលពីមុនមិនមានជាប់ពន្ធឡើយ។ ម្យ៉ាងវិញទៀត ការពន្យារពេលរយៈពេល៩០ថ្ងៃក្នុងការអនុវត្តពន្ធគយ៣៦ភាគរយបានបណ្តាលឱ្យមានការកើនឡើងនៃការបញ្ជាទិញអង្កររបស់ប្រទេសថៃ នៅក្នុងត្រីមាសទីមួយ ក្នុងនោះការនាំចេញអង្ករផ្កាម្លិះមានបរិមាណជាងពីរសែនតោន។ សមាគមអ្នកនាំចេញអង្ករ បាននិយាយទៀតថា ប្រសិនបើពន្ធកើនឡើងដល់២០ ឬ២៥ភាគរយ វាអាចប៉ះពាល់យ៉ាងធ្ងន់ធ្ងរដល់ការនាំចេញអង្ករផ្កាម្លិះទៅកាន់សហរដ្ឋអាមេរិក ដែលជាទីផ្សារធំបំផុតសម្រាប់អង្ករផ្កាម្លិះថៃ។ កាលពីឆ្នាំមុន ប្រទេសថៃបាននាំចេញអង្ករជាងប្រាំបីសែន តោនទៅកាន់សហរដ្ឋអាមេរិក ដែលរួមមានអង្ករផ្កាម្លិះចំនួនជាងប្រាំមួយតោន និងអង្ករក្រអូបថៃចំនួនជាមួយសែនតោន។ ជារៀងរាល់ឆ្នាំ ប្រទេសថៃបាននាំចេញអង្ករផ្កាម្លិះ ក្នុងបរិមាណពី១,៣ ទៅ១,៤លានតោនទៅកាន់ទីផ្សារពិភពលោក។ សមាគមអ្នកនាំចេញអង្ករថៃ បាននិយាយថា ប្រសិនបើសហរដ្ឋអាមេរិកដំឡើងពន្ធដល់២៥ភាគរយ […]

អន្តរជាតិ៖ យោងតាមការចេញផ្សាយរបស់ទីភ្នាក់ងារព័ត៌មាន AFP ពីទីក្រុងសៀងហៃ ប្រទេសចិនកាលពីថ្ងៃទី២១ ខែមេសា បានឱ្យដឹងថា ថ្នាក់ដឹកនាំផ្នែកទីផ្សាររបស់ក្រុមហ៊ុននាំចេញផ្លែឈើស្រស់របស់ប្រទេសចិន បាននិយាយថា “ទុរេនស្រស់ត្រូវបានទទួលការពេញនិយមកាន់តែច្រើនពីសំណាក់ជនជាតិចិន ដែលជាមានទ្រព្យសម្បត្តិ ចំណែកកសិករម៉ាឡេស៊ីវិញ ក៏អាចបង្កើនការនាំចេញផ្លែឈើបាន៣០ភាគរយថែមទៀត នៅឆ្នាំនេះ”។ រហូត​មក​ដល់​ពេល​នេះ ប្រទេសវៀតណា ឡាវ ប្រទែសថៃ បាននាំមុខគេនៅក្នុងទីផ្សារទុរេនរបស់ប្រទេសចិន ប៉ុន្តែការនាំចេញទុរេនពីប្រទេសម៉ាឡេស៊ីបានកើនឡើងរហូតដល់១០ដង បើធៀបនឹងរយៈពេលដូចគ្នាកាលពីឆ្នាំមុន។ កត្តទាំងនេះដោយ​សារ​អំណោយផលលើការដឹកជញ្ជូន និងការរក្សាបានគុណភាពកាន់តែល្អប្រសើរ។ ​ជាទូទៅ ទុរេន​ម៉ាឡេស៊ី​ត្រូវ​បាន​ទុក​ឱ្យ​ទុំ​តាម​ធម្មជាតិ​នៅ​លើ​ដើម​  ដែលខុសពីពូជទុរេនថៃ និងទុរេនវៀតណាម។ ការណ៍នេះនាំឱ្យមានភាពទាក់ទាញកាន់តែខ្លាំងក្នុងចំណោមជនជាតិចិន។ យោងតាមក្រសួងកសិកម្ម និងសន្តិសុខស្បៀងរបស់ម៉ាឡេស៊ី តម្លៃនៃការនាំចេញទុរេនស្រស់ទៅកាន់ប្រទេសចិន នៅចន្លោះខែសីហា និងខែធ្នូ ឆ្នាំ២០២៤ ទទួលបានប្រាក់ចំណូលជាង៥,៦លានដុល្លារ។ កាល​ពី​ឆ្នាំ​មុន ប្រទេស​ថៃ​បាន​គ្រប់​គ្រង​ចំណែក​ទីផ្សារ​ទុរេន​នៅក្នុង​ប្រទេស​ចិន ដែល​ទទួលបានប្រាក់ចំណូលជាង៦,៩៩ពាន់​លាន​ដុល្លារ​អាមេរិក  ឬស្មើនឹង៥៧ភាគរយ តាម​ពី​ក្រោយ​ដោយ​ប្រទេស​វៀតណាម។ដោយឡែក​ប្រទេស​ម៉ាឡេស៊ី និង​ហ្វីលីពីន បាននាំទុរេនទៅកាន់ទីផ្សារប្រទេសចិន បានត្រឹមតែ៣៨ភាគរយ ដែលមានទឹកប្រាក់សរុប​ចំនួន៣៨,២ លាន​ដុល្លារអាមេរិក។ កាលពីឆ្នាំមុនេះ រដ្ឋមួយចំនួននៅក្នុងប្រទេសម៉ាឡេស៊ីកំពុងចាត់វិធានការជំរុញការដាំដុះទុរេន។ ក្នុងនេះ រដ្ឋកេឡាន់តាន់ (Kelantan)ដែលមានផ្ទៃដី៣ពាន់ហិកតា ត្រូវបានរៀបចំធ្វើចម្ការសម្រាប់ទុរេន ពូជមូសាងឃីង ដែលជាពូជទុរេនដ៏ល្បីល្បាញ និងភាគច្រើនដាំដុះនៅក្នុងប្រទេសម៉ាឡេស៊ី។ ​ក្រុមសហគមន៍របស់កសិករដាំទុរេន […]

អន្តរជាតិ៖ ឥណ្ឌាបានចាប់ផ្តើមនាំចេញផ្លែទទឹមជាលើកដំបូងចំនួន១៤តោន ដោយដឹកតាមនាវា ទៅកាន់ទីក្រុងញូវយ៉ក ដែលជាជំហានដ៏សំខាន់មួយក្នុងការពង្រីកទីផ្សារនាំចេញដំណាំសាកវប្បកម្ម ទៅកាន់សហរដ្ឋអាម៉េរិក។ យោងតាមការចេញផ្សាយរបស់សារព័ត៌មានឥណ្ឌា កាលពីថ្ងៃទី២០ ខែមេសា ឆ្នាំ២០២៥ បានឱ្យដឹងថា អាជ្ញាធរអភិវឌ្ឍន៍ការនាំចេញផលិតផលអាហារកសិកម្ម និងផលិតផលកែច្នៃ កិច្ចសម្របសម្រួលគំនិតផ្តួចផ្តើមក្នុងការផ្តល់សេវាកម្មត្រួតពិនិត្យផ្នែកសុខភាពសត្វ និងរុក្ខជាតិនៃក្រសួងកសិកម្ម សហរដ្ឋអាម៉េរិក ព្រមទាំងអង្គការជាតិការពាររុក្ខជាតិ និងមជ្ឈមណ្ឌលស្រាវជ្រាវជាតិ បានផ្តល់ការអនុញ្ញាតចំពោះការនាំចូលផ្លែទទឹមនេះ។ ការដឹកជញ្ជូនផ្លែទទឹមឥណ្ឌាទៅកាន់សហរដ្ឋអាម៉េរិកនេះ ត្រូវបានធ្វើឡើងបន្ទាប់ពីក្រុមហ៊ុននាំចេញ បានសាកល្បងនាំចេញយ៉ាងជោគជ័យ ដោយដឹកជញ្ជូនតាមយន្តហោះ កាលពីមួយសប្តាហ៍មុន។ យោងតាមអាជ្ញាធរអភិវឌ្ឍន៍ការនាំចេញផលិតផលកសិកម្ម និងផលិតផលកែច្នៃរបស់ឥណ្ឌា បានឱ្យដឹងថា ផ្លែទទឹមស្រស់អាចរក្សាទុកបានរហូតដល់៦០ថ្ងៃ ដូច្នេះការដឹកជញ្ជូនតាមនាវា ដែលមានផ្លែទទឹមចំនួន៤៦២០ប្រអប់ ដោយប្រើរយៈពេលត្រឹមប្រាំសប្តាហ៍ អាចរក្សាបានទាំងសោភ័ណភាព និងគុណភាពរបស់ផ្លៃទទឹម។ លោក​​ អាភិសែក ដេវ (Abhisekh Dev) ប្រធានអាជ្ញាធរអភិវឌ្ឍន៍ការនាំចេញផលិតផលកសិកម្ម និងផលិតផលកែច្នៃរបស់ឥណ្ឌា បានឲ្យដឹងថា ការនាំចេញនេះ គឺជាផ្នែកមួយនៃកិច្ចខិតខំប្រឹងប្រែងយ៉ាងយកចិត្តទុកដាក់ដើម្បីធ្វើឱ្យអ្នកផលិតផ្លែឈើមនៅប្រទេសឥណ្ឌា​ អាចចូលរួមប្រកួតប្រជែងកាន់តែច្រើននៅក្នុងខ្សែសង្វាក់ផ្គត់ផ្គង់ពិភពលោក។ បែបបទនៃការនាំចេញតាមសមុទ្រសម្រាប់វត្ថុ ដែលងាយរលួយខូចគុណភាពដូចជាផ្លែទទឹម ត្រូវបានអនុវត្តយ៉ាងខ្ជាប់ខ្ជួន ដើម្បីកាត់បន្ថយចំណាយលើការដឹកជញ្ជូន។ ផ្លែទទឹមទាំង១៤តោននេះ ត្រូវបាននាំចេញដោយក្រុមហ៊ុនឥណ្ឌា ដែលមានមូលដ្ឋាននៅទីក្រុងបុមបៃ ក្រោមការសម្របសម្រួលរបស់ក្រុមប្រឹក្សាទីផ្សារកសិកម្មឥណ្ឌា។ ឥណ្ឌាបច្ចុប្បន្នជាប្រទេសផលិតដំណាំហូបផ្លែធំជាងគេទីពីររបស់ពិភពលោក។ ផ្លែទទឹមល្អៗ និងមានគុណភាពខ្ពស់ […]

ក្រុងប្រ៊ុចសែល៖ ចាប់ពីសមរភូមិមុខ នៅក្នុងប្រទេសអ៊ុយក្រែន រហូតដល់តំបន់ដីសើមរបស់ប្រទេសបែលហ្ស៊ិក គឺគ្មានភ្លៀងធ្លាក់ទេនៅក្នុងខែមីនា កន្លងមកនេះ ដូច្នេះ វាបានធ្វើឱ្យបណ្តាប្រទេសក្នុងទ្វីបអឺរ៉ុបភាគច្រើន ជួបប្រទះគ្រោះរាំងស្ងួតហួតហែង នៅពាក់កណ្តាលរដូវរំហើយ ក្នុងខែមេសា ដែលអាចធ្វើឱ្យមានបញ្ហាដល់ខ្សែសង្វាក់ផ្គត់ផ្គង់ និងបង្កការលំបាកដល់កសិករ។ គ្រោះរាំងស្ងួតដំបូងបង្កបញ្ហាដល់ខ្សែសង្វាក់ផ្គត់ផ្គង់ស្បៀងអាហារ និងបង្កការលំបាក់ដល់កសិករ​។​ លើសពីនេះ វាកំពុងបង្កផលប៉ះពាល់ដល់សក្តានុពលសម្រាប់ឧស្សាហកម្ម ពាណិជ្ជកម្ម និងសន្តិសុខស្បៀងសកល ហើយកំពុងបង្កភាពវឹកវរទៅលើភាពចលាចលសេដ្ឋកិច្ច ដែលបង្កឡើងដោយការដំឡើងពន្ធរបស់ប្រធានាធិបតីអាម៉េរិក លោក ដូណាល់​ ត្រាំ។ តាមរយៈការធ្វើបច្ចុប្បន្នភាពថ្មីៗបំផុតរបស់ក្រុមឃ្លាំមើលភាពរាំងស្ងួតនៅអឺរ៉ុប បានឱ្យដឹងថា ចាប់ពីពាក់កណ្តាលខែមីនា ឆ្នាំ២០២៥នេះ ផ្នែកខ្លះនៃប្រទេសប៉ូឡូញ អ៊ុយក្រែន ក្រិក បាល់កង់ ស៊ុយអែត អៀរឡង់ និងអាល្លឺម៉ង់ ព្រមទាំងតាមតំបន់ជាច្រើនទៀត​ ត្រូវបានក្រុមអ្នកឃ្លាំមើលចាត់ចូលក្នុងសញ្ញាព្រមាន ដោយដាក់ពណ៌ទឹកក្រូច ឬពណ៌ក្រហម ស្របពេលតំបន់ឆ្នេរសមុទ្រភាគអាគ្នេយ៍នៃប្រទេសអេស្ប៉ាញ ត្រូវបានប្រកាសអាសន្ន ដោយដាក់ពណ៌ក្រហមរួចហើយ ដើម្បីបញ្ជាក់ពីភាពរាំងស្ងួត។ ព្រមជាមួយគ្នានេះដែរ អ្នកវិទ្យាសាស្ត្របាននិយាយថា ការគ្រប់គ្រងទឹកមិនបានល្អ ក៏ជាចំណែកបង្កឱ្យមានភាពរាំងស្ងួត គួបផ្សំនឹងការប្រែប្រួលអាកាសធាតុ ដែលបង្កើតឡើងដោយកត្តាមនុស្ស បង្កឱ្យមានការធ្លាក់ភ្លៀងមិនទៀងទាត់ និងធ្វើឱ្យសីតុណ្ហភាពក្តៅកាន់តែខ្លាំង ដែលនាំទៅបង្កភាពរាំងស្ងួតកាន់តែធ្ងន់ធ្ងរ និងញឹកញាប់ជាងពេលកន្លងមក។ លោក អេន្ទ្រា […]

បាងកក៖ សមាគមអ្នកចិញ្ចឹមគោរបស់ថៃ រួមជាមួយនឹងអង្គការពាក់ព័ន្ធជាង៦០ បានប្រមូលផ្តុំគ្នា នៅក្រសួងកសិកម្ម និងសហករណ៍ ដើម្បីបង្ហាញពីក្តីបារម្ភចំពោះផែនការរបស់រដ្ឋាភិបាលក្នុងការអនុញ្ញាតឱ្យមានការនាំចូលសាច់គោពីសហរដ្ឋអាម៉េរិក ដើម្បីជាថ្នូរនឹងឱនភាពពាណិជ្ជកម្មមួយចំនួនបង្កឡើងដោយអាម៉េរិក។ កសិករ​បារម្ភ​ថា ​វិធានការ​អនុញ្ញាតឱ្យនាំចូលបែប​នេះ​នឹង​ប៉ះពាល់​ដល់​ទីផ្សារ​ក្នុង​ស្រុក ដែល​កំពុង​ស្ថិត​ក្រោម​សម្ពាធ​រួច​ហើយ​ពី​ការ​នាំ​ចូលគោក្នុង​តម្លៃ​ទាប​ពីប្រទេស​អូស្ត្រាលី និង​ប្រទេសនូវែលសេឡង់។ លោក សិទ្ធិផន បូរ៉ាណាណាត់ (Sitthiporn Boorananath) អនុប្រធាន​សមាគម​​ បាន​និយាយ​ថា​ សមាជិក​សមាគម​ បាន​ដាក់ញត្តិ​តវ៉ា​ទៅ​នាយក​រដ្ឋមន្ត្រីថៃរួចហើយ។ លោកបាននិយាយថា «យើងជឿថា ការអនុញ្ញាតឱ្យមានការនាំចូលសាច់គោ និងសាច់សត្វពីសហរដ្ឋអាម៉េរិក នឹងធ្វើឱ្យការខិតខំរបស់កសិករថៃជួបបញ្ហាកាន់តែធ្ងន់ធ្ងរ។ យើងមានការលំបាករួចទៅហើយដោយឥទ្ធិពលនៃកិច្ចព្រមព្រៀងពាណិជ្ជកម្មសេរី ជាមួយអូស្ត្រាលី និងនូវែលសេឡង់»។ សមាគម​បាន​លើក​ឡើង​ថា គោលនយោបាយ​នេះ​ផ្ទុយ​នឹង​ច្បាប់​របស់​ប្រទេស​ថៃ ដែល​ហាមប្រាម​ការ​ប្រើ​អ័រម៉ូន​លូតលាស់ដល់​បសុសត្វ ដែល​នៅ​សហរដ្ឋអាម៉េរិក​ គេចាត់ទុកជា​រឿង​ធម្មតា។ លោក សិទ្ធិផន បានរិះគន់ការដោះស្រាយនាពេលថ្មីៗនេះរបស់រដ្ឋាភិបាលថៃ លើបញ្ហាស្រដៀងគ្នានេះ ដោយលោកនិយាយថា កសិករចិញ្ចឹមគោខ្នាតតូច គេមិនលើកមកនិយាយទេ។  លោក​បាន​កត់​សម្គាល់​ថា​ «​រដ្ឋាភិបាល​បាន​ផ្តល់​អាទិភាព​ដល់​អ្នក​ផលិត​សាច់​ជ្រូក​ធំៗ ដល់ពេល​ឥឡូវ​មាន​ការ​ជំរុញ​ឱ្យ​នាំ​ចូល​សាច់គោ ឬ​គ្រឿងក្នុងសាច់គោ​ថែមទៀត​»​។ លោកបានរិះគន់បន្តទៀត​ថា សមាគម​ក៏​នឹង​ដាក់​ញត្តិ​របស់​ខ្លួន​ទៅ​រដ្ឋមន្ត្រី​ក្រសួងហិរញ្ញវត្ថុ និង​ពាណិជ្ជកម្ម ដោយ​ជំរុញ​ឲ្យ​គិត​ពិចារណា​លើ​គោលការណ៍​នេះ​ឡើង​វិញ។ សមាគមអ្នកចិញ្ចឹមគោរបស់ថៃ បានអះអាងថា ការនាំចូលសាច់គោពីអាម៉េរិកនឹងបង្កផលប៉ះពាល់ដោយផ្ទាល់ដល់កសិករថៃជាង១,៤លានគ្រួសារ ដែលកំពុងជួបបញ្ហាចំពោះការធ្លាក់ចុះតម្លៃគោ។ កសិករទាំងនេះបានជួបប្រទះការលំបាកផ្នែកហិរញ្ញវត្ថុដោយសារតែការនាំចូលក្រោមកិច្ចព្រមព្រៀងពាណិជ្ជកម្មសេរីជាមួយប្រទេសអូស្ត្រាលី។ លោក […]

សិង្ហបុរី៖ អតិថិជននៅទ្វីបអាស៊ីកំពុងតែនាំគ្នាកាត់បន្ថយការបញ្ជាទិញទំនិញផ្នែកកសិកម្មរបស់សហរដ្ឋអាមេរិក បន្ទាប់ពីរដ្ឋាភិបាលអាម៉េរិក ដំឡើងថ្លៃចូលចតនាវា ចេញពីប្រទេសចិន និងដំឡើងពន្ធនាំចូលលើដៃគូពាណិជ្ជកម្មសំខាន់ៗ បង្កឱ្យមានភាពមិនប្រាកដប្រជា និងធ្វើឲ្យប្រទេសដទៃទៀងលែងចង់ទិញផលិតផលអាមេរិក។ យោងតាមការផ្សាយរបស់ទីភ្នាក់ងារព័ត៌មាន​ រ៉យទ័រ បានឱ្យដឹងថា ប្រទេសចិន ដែលបានសងសឹកនឹងការយកពន្ធ៣៤ភាគរយ លើទំនិញរបស់សហរដ្ឋអាមេរិក គឺជាអ្នកនាំចូលធំបំផុតនៃផលិតផលកសិកម្មរបស់សហរដ្ឋអាមេរិក ខណៈបណ្តាប្រទេសនៅអាស៊ីផ្សេងទៀត រួមទាំងប្រទេសជប៉ុន កូរ៉េខាងត្បូង និងប្រទេសថៃ​ ក៏អ្នកទិញបរិមាណដ៏ច្រើននូវស្រូវសាលី ពោត និងសណ្តែកសៀងរបស់សហរដ្ឋអាមេរិក។ ផែនការរបស់លោកប្រធានាធិបតី ដូណាល់​ ត្រាំ (Donald Trump) ក្នុងការស្តារឡើងវិញនូវការសាងសង់កប៉ាល់របស់សហរដ្ឋអាមេរិក ដោយប្រើថ្លៃសេវាកំពង់ផែរហូតដល់១,៥លានដុល្លារលើកប៉ាល់ដែលមានជាប់ពាក់ព័ន្ធជាមួយប្រទេសចិន​ បានបង្ខំអ្នកនាំចេញឱ្យស្វែងរកកប៉ាល់ ដែលមិនមែនជារបស់ចិន។ ផ្ទុយទៅវិញ ផែនការរបស់លោកប្រធានាធិបតី ដូណាល់​ ត្រាំ បានជំរុញឱ្យតម្លៃដឹកជញ្ជូនកើនឡើង  និងធ្វើឱ្យតម្រូវការទំនិញកសិកម្មរបស់សហរដ្ឋអាមេរិកធ្លាក់ចុះ។ លោក ជេ​ អូណែល (Jay O’Neil) ទីប្រឹក្សាផ្នែកដឹកជញ្ជូននៅរដ្ឋ កាន់សាស់ (Kansas) បាននិយាយថា ផែនការរបស់លោកប្រធានាធិបតី ដូណាល់​ ត្រាំ ធ្វើឱ្យសហរដ្ឋអាមេរិកឥឡូវនេះក្លាយជាគោលដៅ ដែលមិនគួរឱ្យទាក់ទាញសម្រាប់ជាងពាក់កណ្តាលនៃនាវាពិភពលោក។ លោកបាននិយាយថា ម្ចាស់នាវា និងប្រតិបត្តិករ មានការស្ទាក់ស្ទើរក្នុងការផ្តល់ទិន្នន័យដល់កំពង់ផែសហរដ្ឋអាមេរិកសម្រាប់ខែមេសា […]

ក្រុង​វៀងចន្ទន៍៖ ផលិតផលត្រី​​ទឹកសាប​​ ​ដែល​ប្រជាកសិករ​ឡាវចិញ្ចឹម​ត្រូវ​បាន​នាំ​ចេញ​ទៅកាន់ទីផ្សារក្នុង​ប្រទេស​ចិន​ជា​លើក​ដំបូង​ ​ដែល​ជា​ការច្រកនាំចេញ​ដ៏​សំខាន់​ក្នុងការធ្វើ​ពាណិជ្ជកម្ម​ជាមួយចិន​​ក្រោម​គំនិត​ផ្តួចផ្តើម​ខ្សែក្រវាត់ និង​ផ្លូវ។ យោងតាមការផ្សាយរបស់វិទ្យុជាតិឡាវ​ បានឱ្យដឹងថា ប្រភេទត្រីប្រាកទឹកសាប​​ ដែលចិញ្ចឹម និងកែច្នៃវេចខ្ចបក្នុងប្រទេសឡាវ ត្រូវបានចូលប្រទេសចិនជាលើកដំបូង បន្ទាប់ពីឆ្លងកាត់ការត្រួតពិនិត្យ​ និងអនុញ្ញាតឲ្យនាំចូលពីរដ្ឋបាលគយ​ចិន នៅទីក្រុង​ សេនចេន ខេត្តក្វាងទុង កាលពីថ្ងៃទី៣១​ ខែមីនា ឆ្នាំ២០២៥។ ការ​នាំ​ចេញ​នេះ​ គឺជាផលិតផលត្រីប្រា​ ​មាន​គុណភាព​ខ្ពស់​ ​ដែល​ត្រូវបានចិញ្ចឹម ​និង​កែច្នៃ​វេចខ្ចប់ នៅ​ក្នុងកសិដ្ឋានចិញ្ចឹមត្រីប្រា អមដងទន្លេ​មេគង្គ ស្ថិតនៅក្នុងខេត្ត​ចំប៉ាសាក់​ របស់ប្រទេសឡាវ។ ទិន្នផលត្រីប្រានាំចេញនេះ បានមក​ពីគម្រោងកសិដ្ឋានចិញ្ចឹមត្រី ស្ថិតនៅតាមដងទន្លេមេគង្គ ដែលផ្តល់ទិន្នផលត្រីស្រស់រហូតដល់២០ពាន់តោន​ កែច្នៃបានទិន្នផលត្រីប្រមាណ១២ពាន់តោន និងអាចរកប្រាក់ចំណូលបាន​ប្រហែល៤៤លានដុល្លារ។ ត្រីដែលមាននៅក្នុងការដឹកជញ្ជូនលើកដំបូងបានមកពីរោងចក្រកែច្នៃទឹក​ ដែលទើបសាងសង់ថ្មីនៅខាងក្នុងសួនឧស្សាហកម្ម ដែលត្រូវបានអនុញ្ញាតឱ្យលក់ត្រីទៅប្រទេសចិន និងដំណើរការដោយប្រើប្រាស់ប្រព័ន្ធសុវត្ថិភាព និងគុណភាពអាហារទំនើប។ ផលិតផលត្រី​ប្រានេះ ត្រូវបានឆ្លងកាត់ការត្រួតពិនិត្យយ៉ាងម៉ត់ចត់ពីសំណាក់អាជ្ញាអធរ​គយចិន​ ប្រចាំ​នៅ​កំពង់ផែ ហ្សេកូ ក្នុង​ទីក្រុង សេនចេន ខេត្ត ក្វាងទុង ហើយ​ឥឡូវនេះ​​ ផលិតផលត្រីនោះ បានទៅដល់ដៃប្រជាជន​ចិនទិញបរិភោគហើយ នៅក្នុង​ប្រវត្តិសាស្ត្រ​នៃពាណិជ្ជកម្ម​ជលផលរវាង​ឡាវ និង​ចិន។ នេះជាលើកទីមួយហើយ​ ដែលផលិតផលត្រី​ នាំចេញពីប្រទេសឡាវ […]

អន្តរជាតិ៖ ពិព័រណ៍ផលិតផលនាំចេញឆ្នើមរបស់វៀតណាមឆ្នា២០២៥ បានប្រមូលផ្តុំស្តង់ជាង៧០០ ស្តង់ ដែលតាំងបង្ហាញផលិតផលសំខាន់ៗដូចជា ផលិតផលកសិកម្ម ម្ហូបអាហារ សិប្បកម្ម វាយនភណ្ឌ និងបច្ចេកវិជ្ជាកែច្នៃម្ហូបអាហារ។ ពិព័រណ៍នេះរៀបចំឡើងដោយនាយកដ្ឋានឧស្សាហកម្ម និងពាណិជ្ជកម្មទីក្រុងហូជីមិញ ដែលបានប្រព្រឹត្តទៅពីថ្ងៃទី២៧ ដល់ថ្ងៃទី២៩ ខែមីនា ឆ្នាំ២០២៥។ អ្នកទិញអន្តរជាតិប្រមាណ២០០នាក់មកពីប្រទេសចិន កូរ៉េខាងត្បូង ឥណ្ឌា ម៉ាឡេស៊ី សិង្ហបុរី ថៃ សហរដ្ឋអាម៉េរិក និងជប៉ុន បានមកចូលរួមពិព័រណ៌នេះផងដែរ។ លោក ង្វៀង វ៉ាន់ដុង (Nguyen Van Dung) អនុប្រធានគណៈកម្មាធិការប្រជាជនទីក្រុងហូជីមិញបានមានប្រសាសន៍ថា ពិព័រណ៍ឆ្នាំនេះផ្តោតលើយុទ្ធសាស្ត្រនាំចេញក្នុងទិសដៅ “បៃតង – ស្អាត – ឌីជីថល” ដើម្បីសម្របទៅនឹងតម្រូវការនៃទីផ្សារពិភពលោក។ ក្នុងនោះ ផ្តោតលើការជំរុញការនាំចេញបៃតង ការលើកកម្ពស់ផលិតកម្ម និងការនាំចេញផលិតផល ដែលមិនប៉ះពាល់ដល់បរិស្ថាន និងបំពេញតាមស្តង់ដារអន្តរជាតិ។ ជំរុញការផ្លាស់ប្តូរឌីជីថលក្នុងពាណិជ្ជកម្ម ជាមួយនឹងកម្មវិធី បញ្ញាសិប្បនិម្មិត និងពាណិជ្ជកម្មអេឡិចត្រូនិច ដើម្បីបង្កើនប្រសិទ្ធភាពបណ្តាញចែកចាយ និងការចូលទៅកាន់ទីផ្សារកាន់តែលឿន។ យោងតាមអនុប្រធានគណៈកម្មាធិការប្រជាជនទីក្រុងហូជីមិញ គណៈប្រតិភូមកពីប្រទេសចិន និងកូរ៉េខាងត្បូង ដែលជាទីផ្សារសំខាន់សម្រាប់កសិផលវៀតណាម […]

អន្តរជាតិ៖ ប្រទេសឥណ្ឌូនេស៊ីកំពុងកំណត់ទិសដៅរបស់ខ្លួន ដោយយកសហរដ្ឋអាម៉េរិកជាគោលដៅនាំចេញដ៏មានសក្តានុពលសម្រាប់ផលិតកម្មស៊ុត ដែលបានកើនឡើងលើសពីចំនួន ២៨៨,៧ពាន់តោន ឬប្រហែល៥០០០លានស៊ុតក្នុងមួយខែ។ យោងតាមការចុះផ្សាយរបស់ Philippine News​ បានឱ្យដឹងថា​ ក្រសួងកសិកម្មឥណ្ឌូនេស៊ី បានប្រកាសពីការត្រៀមរបស់ខ្លួនក្នុងការនាំចេញប្រចាំខែនូវស៊ុតមាន់ចំនួន១,៦លានស៊ុត ក្នុងមួយខែទៅកាន់សហរដ្ឋអាម៉េរិក ដែលតម្លៃស៊ុតបានកើនឡើងដោយសារតែកង្វះការផ្គត់ផ្គង់ដែលបណ្តាលមកពីការផ្ទុះឡើងនៃជំងឺផ្តាសាយបក្សី។ លោក អាហ្គុង ស៊ូហ្កានដា (Agung Suganda) អគ្គនាយកការចិញ្ចឹមសត្វ និងសុខភាពសត្វ​​ បានមានប្រសាសន៍ថា ជាមួយនឹងការផលិតលើសនេះ ប្រទេសឥណ្ឌូនេស៊ី មានសក្តានុពលខ្លាំងក្នុងការផ្គត់ផ្គង់ស៊ុតដល់ប្រទេស ដែលកំពុងជួបប្រទះការរំខានដល់ការផលិតដោយសារតែការផ្ទុះឡើងនៃជំងឺផ្តាសាយបក្សី រួមទាំងសហរដ្ឋអាម៉េរិកផងដែរ។ លោកបានកត់សម្គាល់ថា សហរដ្ឋអាម៉េរិកត្រូវបានគេរាយការណ៍ថា កំពុងជួបប្រទះឱនភាពផលិតកម្ម ដែលនាំឱ្យតម្លៃស៊ុតកើនឡើង។ ចំណែកគោលដៅនាំចេញដំបូងរបស់ប្រទេសឥណ្ឌូនេស៊ីមានចំនួន១,៦លានស៊ុតក្នុងមួយខែ។ កន្លងមក​ ប្រទេសឥណ្ឌូនេស៊ី បាននាំចេញស៊ុតទៅកាន់ប្រទេសសិង្ហបុរី និងអារ៉ាប់រួម ដោយឥណ្ឌូណេស៊ីគ្រោងនឹងអនុវត្តតាមស្តង់ដារសុវត្ថិភាពចំណីអាហារដ៏តឹងរឹង ដែលកំណត់ដោយរដ្ឋបាលចំណីអាហារ និងឱសថសហរដ្ឋអាម៉េរិក។ លោក អាហ្គុង ស៊ូហ្កានដា បានឱ្យដឹងថាទៀតថា «ស៊ុតដែលត្រូវនាំចេញត្រូវតែមានគុណភាពខ្ពស់ គ្មានមេរោគ Salmonella និងគ្មានសំណល់ថ្នាំអង់ទីប៊ីយោទិច ដើម្បីអនុលោមតាមស្តង់ដារសុវត្ថិភាពចំណីអាហារ ដែលកំណត់ដោយរដ្ឋបាលចំណីអាហារ និងឱសថសហរដ្ឋអាម៉េរិក។ ការនាំចេញនឹងត្រូវបានធ្វើឡើងដោយមិនរំខានដល់ការផ្គត់ផ្គង់ និងស្ថិរភាពតម្លៃនៅក្នុងទីផ្សារក្នុងស្រុក»។ នៅឆ្នាំនេះ ផលិតកម្មស៊ុតរបស់ប្រទេសឥណ្ឌូនេស៊ី ត្រូវបានគេប៉ាន់ប្រមាណថា នឹងឈានដល់ […]

អន្តរជាតិ៖ សៀវភៅទស្សនាវដ្ថី “វិទ្យាសាស្ត្រ” បានបោះពុម្ពលទ្ធផលនៃការសិក្សា​ពី​សាកល​វិទ្យាល័យម៉ែលប៊ើន (Melbourne ​University) ប្រទេស​អូស្ត្រាលី និង​សាកល​វិទ្យាល័យ​ជាតិ​​សេអ៊ូល ​ក្នុង​ប្រទេស​កូរ៉េ​ខាង​ត្បូង ដែលសិក្សាទៅលើ​ទិន្នន័យ​សំណើម​ដី​ពី​ផ្កាយ​រណប​ជុំវិញ​ពិភពលោក។ ក្នុងនេះគេបានវាស់កម្រិតទឹកសមុទ្រ និងការសង្កេតនៃចលនាប៉ូល ដើម្បីវាយតម្លៃធនធានទឹកលើដីរបស់ពិភពលោកក្នុងរយៈពេល៤ទសវត្សរ៍កន្លងមកនេះ​ ដែលលទ្ធផលបង្ហាញថា ប្រភពទឹកជាច្រើនបានថមថយចុះ បើធៀបនឹងកាលពីមុនមកនេះ។ ទីភ្នាក់ងារព័ត៌មានស៊ីនហួរ បានរាយការណ៍ពីទីក្រុងស៊ីដនីប្រទេស​អូស្ត្រាលី​ កាលពីថ្ងៃ​ទី​២ ខែ​មេសា បាន​ឲ្យ​ដឹង​ថា ប្រភព​ទឹក​នៅ​លើ​ដី ​រួម​មានសំណើម​ដី ទឹក​ក្រោម​ដី និង​ប្រភព​ទឹក​លើ​ផ្ទៃ​ដី សំណើម​ដី​សកល​ បាន​ថយ​ចុះ​ប្រមាណ ១.៦១៤ជីហ្គាតោន នៅ​ចន្លោះ​ឆ្នាំ២០០០ ដល់២០០២។ ក្នុងលទ្ធផលការសិក្សាដដែល បានបង្ហាញឱ្យឃើញថា ការធ្លាក់ចុះយ៉ាងធ្ងន់ធ្ងរ និងមិនអាចត្រឡប់វិញបាននៃធនធានទឹកនៅលើដី ដែល​ទំនង​ជា​ជា​លទ្ធផល​នៃ​ការ​ផ្លាស់​ប្តូរ​លំនាំ​ទឹកភ្លៀង និង​សីតុណ្ហភាព​ខ្ពស់​ ដែល​បណ្តាល​ឱ្យ​មានការ​កើនឡើង​នៃ​ការ​ហួត​ទឹក​។ សំណើមដីបានធ្លាក់ចុះ ១០០៩ជីហ្គាតោនបន្ថែមទៀត នៅចន្លោះឆ្នាំ២០០៣ និង២០១៦ ដោយមិនមានសញ្ញានៃការងើបឡើងវិញរហូតដល់ឆ្នាំ២០២១ ដែលនាំឱ្យអ្នកវិទ្យាសាស្ត្រព្រមានថា លក្ខខណ្ឌអាកាសធាតុបច្ចុប្បន្នអាចនាំឱ្យមិនមានភាពល្អប្រសើរឡើងវិញទេនាពេលអនាគត ហើយសង្កត់ធ្ងន់លើតម្រូវការបន្ទាន់សម្រាប់ការកែលម្អគំរូអាកាសធាតុ ហើយពិចារណាលើកត្តាមនុស្សដូចជា កសិកម្ម និងការសាងសង់ប្រព័ន្ធធារាសាស្ត្រ និងទំនប់ធំៗជាដើម។ ក្រុមអ្នកស្រាវជ្រាវបាននិយាយទៀតថា ការថយចុះនៃធនធានទឹកនៅលើដី គឺផ្តើមឡើងមកពីកត្តានៃការផ្លាស់ប្តូរចរន្តទឹកភ្លៀង និងការហួតនៃទឹកកើនឡើងជាមួយនឹងការកើនឡើងនៃសីតុណ្ហភាពពិភពលោក។ លើសពីនេះការបាត់បង់ធនធានទឹកនៅលើដីក៏រួមចំណែកដល់ការកើនឡើងកម្ពស់ទឹកសមុទ្រផងដែរ។ បញ្ហាបាត់បង់ប្រភពទឹកលើកគោកនេះត្រូវបានគេរំពឹងថា […]

អន្តរជាតិ៖ រដ្ឋមន្ត្រីក្រសួងកសិកម្មហុងគ្រី បាននិយាយកាលពីថ្ងៃពុធថា ប្រទេសហុងគ្រីបានដាក់ពង្រាយទាហាន និងបានដាក់ចេញនូវវិធានការសម្លាប់មេរោគថ្មី ដើម្បីជួយទប់ស្កាត់ការផ្ទុះឡើងនៃជំងឺអុតក្តាម នៅក្នុងតំបន់ភាគពាយ័ព្យជាប់ព្រំដែនប្រទេសស្លូវ៉ាគី និងប្រទេសអូទ្រីស។ កាលពីដើមខែមុន ប្រទេសហុងគ្រីបានរាយការណ៍ករណីដំបូងរបស់ខ្លួនក្នុងរយៈពេលជាង៥០ឆ្នាំនៃជំងឺនេះ ដែលជារឿយៗនាំឱ្យមានការរឹតបន្តឹងពាណិជ្ជកម្មនៅលើកសិដ្ឋានចិញ្ចឹមគោ ។ ចំណែកប្រទេសស្លូវ៉ាគី ដែលជាប្រទេសភូមិរបងជាមួយប្រទេសហុងគ្រី  បានរកឃើញការផ្ទុះជំងឺអុតក្តាម នៅទីតាំងចំនួនប្រាំ បន្ទាប់ពីរាយការណ៍ករណីដំបូងរបស់ខ្លួននៅក្នុងខែមីនា។ វាក៏បានបង្កើនវិធានការទប់ស្កាត់ការរីករាលដាលនៃជំងឺនេះផងដែរ។ រដ្ឋមន្ត្រីក្រសួងកសិកម្ម ហុងគ្រី លោក អីសត្វាន ណាហ្គី (Istvan Nagy) បាននិយាយថា ជំងឺអុតក្តាម ត្រូវបានរកឃើញនៅកសិដ្ឋានចិញ្ចឹមគោពីរកន្លែងបន្ថែមទៀត ដោយឆ្លងដល់សត្វគោសរុបចំនួន៣​ ៥០០ក្បាល។ លោករដ្ឋមន្ត្រីក្រសួងកសិកម្ម បាននិយាយនៅក្នុងវីដេអូបង្ហោះលើហ្វេសប៊ុកថា «យើងកំពុងខិតខំប្រឹងប្រែងដើម្បីទប់ស្កាត់ការរីករាលដាលបន្ថែមទៀត»។ ក្រសួងការពារជាតិហុងគ្រី​ មិនបានឆ្លើយតបភ្លាមៗ ចំពោះសំណួរផ្ញើតាមអ៊ីមែលទាក់ទងនឹងចំនួនទាហាន ដែលត្រូវបានដាក់ពង្រាយដើម្បីជួយទប់ស្កាត់ការឆ្លងរាលដាលនៃជំងឺអុតក្តាមនេះទេ។ យោងតាមទិន្នន័យចេញផ្សាយកាលខែធ្នូ ឆ្នាំ២០២៤​ ប្រទេសហុងគ្រីមានគោសរុបចំនួន៨៦១ ០០០ក្បាល។ ការិយាល័យសុវត្ថិភាពខ្សែសង្វាក់អាហារជាតិរបស់ប្រទេសហុងគ្រី បានបង្ហាញថា ជំងឺអុតក្តាម បានប៉ះពាល់ដល់កសិដ្ឋានសរុបចំនួនបួនកន្លែង នៅក្នុងប្រទេសហុងគ្រី ដែលមានទីតាំងនៅភាគពាយ័ព្យរបស់ប្រទេស ខណៈការត្រួតពិនិត្យនៅកសិដ្ឋានជាង៦០០កន្លែងផ្សេងទៀត មិនឃើញមានជំងឺឆ្លងឡើយ។ រដ្ឋមន្ត្រីក្រសួងកសិកម្ម ហុងគ្រី លោក អីសត្វាន ណាហ្គី បាននិយាយថា […]