អន្តរជាតិ

ហ្សាក្រេប៖ នគរបាលរដ្ឋក្នុងប្រទេសអាល់បានី បានប្រកាសថា មនុស្សបីនាក់ត្រូវបានចាប់ខ្លួន បន្ទាប់ពីការរារាំង និងបំផ្លាញផ្លែប៉េងប៉ោះអស់ប្រហែលប្រាំបីតោនដោយអាជ្ញាធរក្រូអាស៊ី។  ផ្លែប៉េងប៉ោះនាំចូលពីប្រទេសអាល់បានី ត្រូវបានរកឃើញមានផ្ទុកសារធាតុកាកសំណល់ថ្នាំពុលសម្លាប់សត្វល្អិត ឈ្មោះក្ល័រហ្វេណាពៀ (Chlorfenapyr) កម្រិតខ្ពស់ខុសពីច្បាប់កំណត់។ យោងតាមសេចក្តីថ្លែងការណ៍របស់នគរបាលប្រទេសក្រូអាស៊ី បានឱ្យដឹងថា អ្នកគ្រប់គ្រងអង្គភាពផលិត និងនាំចូលបន្លែ ដែលដឹកជញ្ជូនប៉េងប៉ោះត្រូវបានចាប់ខ្លួន រួមជាមួយនឹងអធិការពីរនាក់មកពីទីភ្នាក់ងារត្រួតពិនិត្យសុវត្ថិភាពចំណីអាហារជាតិ។  ការចាប់ខ្លួននេះធ្វើឡើងក្រោមការដឹកនាំរបស់ការិយាល័យព្រះរាជអាជ្ញាប្រចាំតុលាការ។ សេចក្តីប្រកាសបានពន្យល់ថា អ្នកឯកទេសមកពីផ្នែកស៊ើបអង្កេតឧក្រិដ្ឋកម្មសេដ្ឋកិច្ច និងហិរញ្ញវត្ថុ សហការជាមួយកម្លាំងប្រតិបត្តិការពិសេស បានអនុវត្តប្រតិបត្តិការបង្ក្រាបម្តងទៀត បន្ទាប់ពីទទួលបានព័ត៌មានអំពីភាពមិនប្រក្រតីនៃការនាំចូលបន្លែ។ ការចាប់ខ្លួននេះ រួមមាន បុរសម្នាក់អាយុ៤០ឆ្នាំ ត្រូវបានគេស្គាល់ថា ជាអ្នកគ្រប់គ្រងក្រុមហ៊ុនប្រមូលទិញ និងនាំចូលបន្លែស្រស់ៗ។  បុរសរូបនេះបាននាំចូលផ្លែប៉េងប៉ោះចំនួនប្រាំបីតោនទៅកាន់ប្រទេសក្រូអាត ដែលបន្លែទាំងនេះត្រូវបានវិភាគរកឃើញកម្រិតខ្ពស់សារធាតុគីមី ក្ល័រហ្វេណាពៀ។ ផលិតផលបន្លែទាំងនេះត្រូវបានអាជ្ញាធរក្រូអាស៊ីបំផ្លាញចោល ចំណែកអ្នកគ្រប់គ្រងក្រុមហ៊ុននាំចូលបន្លែក៏ត្រូវតុលាការចោទប្រកាន់ថា បានប្រើប្រាស់វិក្កយបត្រទិញក្លែងក្លាយពីកសិករផ្សេងទៀត ដើម្បីជៀសវាងការទទួលខុសត្រូវតាមផ្លូវច្បាប់។ មនុស្សពីរនាក់ផ្សេង​ទៀត ​ដែល​ត្រូវ​បាន​ចាប់​ខ្លួន​ មានបុរសអាយុ២៧ឆ្នាំ និងម្នាក់ទៀតអាយុ២៥ឆ្នាំ ជា​អ្នកត្រួតពិនិត្យមើលទំនិញ។  សេចក្តីថ្លែងការណ៍រាយការណ៍ថា ក្នុងអំឡុងពេលត្រួតពិនិត្យសំណាក ម្ចាស់ក្រុមហ៊ុននាំចូលមិនអាចយកសំណាកប៉េងប៉ោះណាមួយនៅក្នុងកន្លែងលើកដាក់ទំនិញឡើយ ព្រមទាំងប្រើវិក្កយបត្រទិញក្លែងក្លាយដូចគ្នា។ កំណត់ត្រារបស់ក្រុមត្រួតពិនិត្យត្រូវបានគេរាយការណ៍ថា បានបញ្ចប់ដោយមិនបានអនវត្តតាមនីតិវិធីឱ្យបានត្រឹមត្រូវ ដោយបកស្រាយខុសអំពីស្ថានភាពជាក់ស្តែងទាក់ទងនឹងផ្លែប៉េងប៉ោះ ដែលរកឃើញមានសារធាតុថ្នាំសម្លាប់សត្វល្អិតខ្ពស់ហួសកម្រិតអនុញ្ញាត។ ក្នុងអំឡុងពេលឆែកឆេរឃ្លាំងស្តុកបន្លែផ្សេងទៀត អាជ្ញាធរក្រូអាស៊ី ក៏ត្រូវបានរឹបអូស ហើយយកសំណាកមកធ្វើតេស្តនៅមន្ទីរពិសោធន៍ ដោយសង្ស័យថា […]

ឃ្វីនឡែន៖​ ក្រុមហ៊ុនវារីវប្បកម្មដ៏ធំមួយ នៅក្នុងរដ្ឋឃ្វីនឡែន ប្រទេសអូស្ត្រាលី  ត្រូវ​តុលាការ​រក​ឃើញ​ថា​ មានទោស​ក្នុង​ការ​ធ្វើ​កសិដ្ឋានចិញ្ចឹមត្រីឆ្ពង់ ដោយ​មិន​សមស្របតាម​ប្រព័ន្ធ​បរិស្ថាន​ជា​ចាំ​បាច់ និង​ការរំលោភ​បំពាន​ផ្សេងៗ​ទៀត​ពាក់ព័ន្ធនឹង​ច្បាប់​ការពារ​បរិស្ថាន​របស់​ប្រទេសអូស្ត្រាលី។ តុលាការរដ្ឋឃ្វីនឡែនរបស់អូស្ត្រាលី បានបើកសវនាការជំនុំជម្រះសំណុំរឿងក្រុមហ៊ុនចិញ្ចឹមត្រីឆ្ពង់ និងរកឃើញថា ក្រុមហ៊ុនពិតជាបានបង្ហូរទឹកកខ្វក់មានសារធាតុពុលស្ពាន់ស៊ុលហ្វាត ដោយខុសច្បាប់ចូលទៅក្នុងព្រែកធម្មជាតិនៅជិតកសិដ្ឋានចិញ្ចឹមត្រី។ តុលាការបានបើកសវនាការ និងបានរកឃើញថា ក្រុមហ៊ុនវារីវប្បកម្ម មួយនេះបានបញ្ចេញប្រតិកម្មតបវិញនៅពេលសម្រេចចិត្តស្តុកទុកទឹកនៅក្នុងកសិដ្ឋានចិញ្ចឹមត្រីឆ្ពង់ ដោយគ្មានការយល់ព្រមពីផ្នែកបរិស្ថានឱ្យបានត្រឹមត្រូវជាមុនសិន។ នាយកដ្ឋានបរិស្ថានរបស់រដ្ឋឃ្វីនឡែន បានប្តឹងចោទប្រកាន់ចំនួនប្រាំបីបទល្មើសលើក្រុមហ៊ុនវារីវប្បកម្ម ជុំវិញសកម្មភាពរបស់ខ្លួន ដែលពីមុនជាកសិដ្ឋានចិញ្ចឹមបង្គា ប៉ុន្តែក្រុមហ៊ុនបានទិញ កាលពីឆ្នាំ២០២១​​ ហើយធ្វើជាកសិដ្ឋានចិញ្ចឹមត្រីឆ្ពង់។ ចៅក្រមតុលាការរដ្ឋឃ្វីនឡែន បានជំនុំជម្រះអំពីទីតាំងកសិដ្ឋានចិញ្ចឹមត្រីនេះ ដែលមានសិទ្ធិផ្នែកបរិស្ថានក្នុងការចិញ្ចឹមសត្វបង្គាបង្កងក្តាម នៅពេលក្រុមហ៊ុនបានចាប់ផ្តើមស្តុកទឹកក្នុងទុកស្រះសម្រាប់ចិញ្ចឹមត្រីឆ្ពង់ កាលពីឆ្នាំ២០២២។ ក្រុមហ៊ុនគ្រប់គ្រងកសិដ្ឋាន​បាន​បដិសេធថា ខ្លួនមិន​មាន​ទោស​ចំពោះ​បទ​ល្មើស​ចំនួនប្រាំបីករណី  រួម​មាន​ការ​អនុវត្ត​សកម្មភាព​ពាក់ព័ន្ធ​បរិស្ថាន​ដោយ​គ្មាន​សមត្ថកិច្ច និងពីរករណីផ្សេងទៀត ពាក់ព័ន្ធនឹងការ​មិន​គោរព​តាម​ការ​ណែនាំ​ពី​មន្ទីរ​បរិស្ថាន។ កាលពីចុងសប្តាហ៍មុន​ ចៅក្រមជំនុំជម្រះបានរកឃើញថា ក្រុមហ៊ុនមានពិរុទ្ធភាពក្នុងបទល្មើសនីមួយៗ ដែលបានកើតឡើងក្នុងរង្វង់ឆ្នាំ២០២២ និង២០២៣។ សវនាការបានពិនិត្យលើភស្តុតាងរបស់ប្រធានអ្នកវិទ្យាសាស្ត្រផ្នែកវារីវប្បកម្មប្រចាំរដ្ឋឃ្វីនឡែន រួមទាំងឃ្លីបវីដេអូនិយាយជាមួយអ្នកស៊ើបអង្កេត ដែលក្នុងនោះ ប្រធានកសិដ្ឋានបាននិយាយថា ក្រុមហ៊ុនគឺជាពលរដ្ឋធ្វើអាជីវកម្មដ៏ល្អ មិនធ្វើសកម្មភាពបំពានច្បាប់ឡើយ។ នៅក្នុងពេលជំនុំជម្រះ ក្រុមហ៊ុនបាននិយាយថា ការរំដោះទឹកចេញពីស្រះចិញ្ចឹមត្រីឆ្ពង់ គឺធ្វើឡើងដោយស្របច្បាប់ ពីព្រោះទឹកនឹងចូលទៅក្នុងស្រះសម្រាប់ចិញ្ចឹមបង្គា សិន មុននឹងបង្ហូរដោយផ្ទាល់ចូលទៅក្នុងប្រឡាយ ដែលហូរចាក់ចូលទៅក្នុងព្រែកធម្មជាតិនៅក្បែរនោះ។ លោកចៅក្រម […]

អាំស្ទែដាំ៖ ទីផ្សារខ្ញីនៅក្នុងសហភាពអឺរ៉ុបស្ថិតនៅក្រោមសម្ពាធពីការផ្គត់ផ្គង់លើសតម្រូវការ ដែលជំរុញដោយលក្ខខណ្ឌសកល និងការកើនឡើងនៃបរិមាណខ្ញីប្រេស៊ីលដែលមានតម្លៃទាប។ ដូច្នេះ តម្លៃនាំចេញខ្ញី ដែលស្តុកទុករបស់ចិនបានធ្លាក់ចុះ ស្របពេលរដូវប្រមូលផលថ្មីខិតជិតមកដល់ ធ្វឱ្យខ្វះតុល្យភាពរវាងការផ្គត់ផ្គង់ និងតម្រូវការនៅលើទីផ្សារ។ យោងតាមគេហទំព័របន្លែផ្លែឈើ បានឱ្យដឹងថា ខ្ញីនាំចូលពីប្រទេសប៉េរូ បានបាត់បង់ចំណែកទីផ្សាររបស់ខ្លួនក្នុងប្រទេសអាឡឺម៉ង់ និងប្រទេសបារាំង ដោយសារបញ្ហាគុណភាព និងទំហំ ស្របពេលការនាំចេញកាន់តែច្រើនឡើងៗចូលទៅទីផ្សារសហរដ្ឋអាមេរិក។ ការនាំចេញខ្ញីក្នុងបរិមាណខ្ពស់ និងតម្លៃទាបរបស់ប្រទេសប្រេស៊ីល ព្រមទាំងពេលវេលាដឹកជញ្ជូនលឿនជាងមុន បានធ្វើឱ្យការប្រកួតប្រជែងកាន់តែខ្លាំងជាមួយខ្ញីរបស់ចិន នៅលើទីផ្សារអឺរ៉ុប ដែលនាំឱ្យមានសម្ពាធធ្លាក់ចុះបន្ថែមទៀតលើតម្លៃ។ យោងតាមទិន្នន័យគយចិន បានបង្ហាញថា នៅចន្លោះខែមករា ដល់ខែកក្កដា ឆ្នាំ២០២៥ តម្លៃជាមធ្យមនៃការនាំចេញខ្ញីរបស់ចិនគឺ១,២៤១ដុល្លារក្នុងមួយតោន ដោយធ្លាក់ចុះ ១០,៧៩ភាគរយ ពីមួយឆ្នាំទៅមួយឆ្នាំ។ នៅប្រទេសហូឡង់ ដែលជាគោលដៅចម្បងសម្រាប់ខ្ញីរបស់ចិន តម្លៃជាមធ្យមបានធ្លាក់ចុះ១១,៧៤ភាគរយ មកនៅត្រឹមតម្លៃ១ ៤៨១ដុល្លារក្នុងមួយតោន។ តម្លៃខ្ញីនៅទីផ្សារអឺរ៉ុប នៅតែមានកម្រិតទាបដដែល ដោយប្រភពឧស្សាហកម្មបានកត់សម្គាល់ថា តម្រូវការអ្នកប្រើប្រាស់ក្នុងប៉ុន្មានខែថ្មីៗកន្លងមកនេះ បានផ្តោតលើផ្លែឈើនៅរដូវក្តៅ ខណៈពេលខ្ញីមកដល់បន្តបន្ទាប់ពីប្រទេសប្រេស៊ីល និងប្រទេសចិន ត្រូវរក្សាទុកក្នុងស្តុកទុកកាន់តែច្រើន។ យោងតាមនាយកគ្រប់គ្រងក្រុមហ៊ុននាំចេញខ្ញីចិន បានឱ្យដឹងថា លក្ខខណ្ឌអាកាសធាតុនៅក្នុងតំបន់ផលិតកម្មរបស់ប្រទេសចិន មានស្ថេរភាពល្អនៅឆ្នាំ២០២៥នេះ ដោយចង្អុលបង្ហាញពីសក្តានុពលសម្រាប់ការប្រមូលផលក្នុងបរិមាណខ្ពស់។ លោកបានកត់សម្គាល់ថា នៅពេលខ្ញីចិនរដូវកាលថ្មីចូលទីផ្សារក្នុងបរិមាណច្រើន សម្ពាធនៃការផ្គត់ផ្គង់ និងតម្រូវការអាចប៉ះពាល់ដល់តម្លៃខ្ញីលើទីផ្សារអឺរ៉ុបបន្ថែមទៀត។ […]

ហាណូយ៖ ព្យុះទីហ្វុង កាជីគី (Kajiki) ដែលជាព្យុះទី៥ បោកបក់មកលើប្រទេសវៀតណាម ក្នុងឆ្នាំ២០២៥នេះ បានបង្កការខូចខាតគិតជាទឹកប្រាក់អស់ប្រមាណ១០៩,៨លានដុល្លារ នៅតាមបណ្តាខេត្តភាគខាងជើង និងភាគកណ្តាល។ សារព័ត៌មានវៀតណាម​ អេចប្រេស បានដកស្រង់សម្តីអនុប្រធាននាយកដ្ឋានគ្រប់គ្រងទំនប់ទឹក និងបង្ការគ្រោះមហន្តរាយធម្មជាតិនៃក្រសួងកសិកម្ម និងបរិស្ថានវៀតណាម បានឱ្យដឹងថា កាលពីថ្ងៃទី២៥ ខែសីហា ខ្យល់ព្យុះ កាជីគី បានឆក់យកជីវិតមនុស្សអស់ប្រាំបីនាក់ បាត់ខ្លួនម្នាក់ និងមនុស្ស៧៧នាក់ផ្សេងទៀតរងរបួស។ ឥទ្ធិពលព្យុះទីហ្វុង កាជីគី នាំឱ្យមានភ្លៀងធ្លាក់ខ្លាំងជាបន្តបន្ទាប់រហូតបង្កឱ្យរអិលបំផ្លាញផ្ទះអស់ជាង ៣៨៦ ០០០ខ្នង ក្នុងនោះមានផ្ទះចំនួន៥១០ខ្នងបានដួលរលំ។  ចំណែកផ្ទៃដីស្រែចម្ការជាង១០៤ ០០០ហិកតា និងដំណាំជាង១៧ ២០០ហិកតាត្រូវបានជន់លិច ខណៈព្រៃឈើទំហំ១១ ៧០០ហិកតា បានដួលរលំរាបដល់ដី។ សត្វពាហនៈ និងបសុបក្សីជាង១៥៤​ ០០០ក្បាល បានបាត់ ឬងាប់នៅក្នុងទឹកជំនន់ ខណៈផ្ទៃស្រះវារីវប្បកម្មមានទំហំជាង៨ ០០០ហិកតា ត្រូវបានលិចទឹក។  ព្យុះទីហ្វុង កាជីគី​ នៅក្នុងប្រទេសវៀតណាម ក៏បានពន្លិច ឬបំផ្លាញទូក និងកប៉ាល់អស់ចំនួន១០២គ្រឿងផងដែរ។ ទឹកជំនន់បង្កឱ្យបាក់ទំនប់អស់ចំនួន១១កន្លែង បំផ្លាញច្រាំងទន្លេអស់ប្រវែង២,៧គីឡូម៉ែត្រ និងបំផ្លាញច្រាំងប្រឡាយអស់ប្រវែង៥,៣គីឡូម៉ែត្រ និងរអិលបាក់ដីចំនួន៦៦៧កន្លែង។ ភ្លៀងធ្លាក់ខ្លាំង […]

ហាណូយ៖       ទិន្នន័យពីសមាគមស្បៀងអាហារវៀតណាម​ បានបង្ហាញថា ប្រទេសវៀតណាមបាននាំចេញអង្ករជិត៥,៩លានតោន ដែលមានតម្លៃជាង៣០០០លានដុល្លារ គិតចាប់ពីដើមឆ្នាំនេះ​​ រហូតដល់ថ្ងៃទី១៥ ខែសីហា ឆ្នាំ២០២៥។ ទីភ្នាក់ងារព័ត៌មានស៊ីនហួររបស់ចិន បានរាយការណ៍ពីទីក្រុងហាណូយ ប្រទេសវៀតណាម​ កាលពីថ្ងៃទី៤ ខែកញ្ញាថា ទំហំនាំចេញអង្ករបានកើនឡើង២,៨៨ភាគរយពីមួយឆ្នាំទៅមួយឆ្នាំ ប៉ុន្តែបានធ្លាក់ចុះគិតជាមធ្យម១៦ភាគរយ បើធៀបនឹងរយៈពេលដូចគ្នាក្នុងឆ្នាំ២០២៤។ កាលពីសប្តាហ៍មុន តម្លៃនាំចេញអង្កររបស់វៀតណាមបានឡើងដល់កម្រិតខ្ពស់ក្នុងរយៈពេលប្រាំបីខែ ចំពេលការផ្គត់ផ្គង់ដ៏តឹងតែង ដោយសមាគមស្បៀងអាហារវៀតណាម បានព្យាករណ៍ថា ប្រទេសវៀតណាមអាចនាំចេញអង្ករបានជាង៨លានតោន នៅឆ្នាំ២០២៥ ដែលជំរុញដោយការកើនឡើងនៃការបញ្ជាទិញពីទីផ្សារបង់ក្លាដែស ចិន និងអាហ្វ្រិកខាងត្បូង ទោះបីជាប្រទេសហ្វីលីពីន​ បានផ្អាកការនាំចូលអង្ករជាបណ្តោះអាសន្នក៏ដោយ។ ពាណិជ្ជករនៅទីក្រុង ហូជីមិញបានកត់សម្គាល់ថា ការផ្គត់ផ្គង់កំពុងរឹតបន្តឹង ខណៈតម្រូវការនៅតែមានស្ថិរភាពដដែល។ ក្នុងនាមជាប្រទេសនាំចូលអង្ករធំជាងគេរបស់ពិភពលោក កាលពីឆ្នាំមុន ហ្វីលីពីន បានទិញអង្ករចំនួនជិតប្រាំលានតោនពីបរទេស ដែលក្នុងនោះវៀតណាម បានរួមចំណែកផ្គត់ផ្គង់ចំនួនជាង៣ ៦០០ ០០០តោន។ ក្នុងរយៈពេលប្រាំពីរខែដំបូងនៃឆ្នាំ២០២៥នេះ ប្រទេសវៀតណាម បានលក់អង្ករចំនួនជាង៥,៥លានតោនទៅក្រៅប្រទេសក្នុងតម្លៃ២ ៨០០លានដុល្លារ ដោយប្រទេសហ្វីលីពីន នៅតែបន្តជាអ្នកទិញដ៏ធំបំផុតរបស់ខ្លួន។ ទោះបីយ៉ាងណាក៏ដោយ ប្រាក់ចំណូលបានធ្លាក់ចុះចំនួន១៣ភាគរយ បើធៀបនឹងរយៈពេលដូចគ្នា កាលពីឆ្នាំ២០២៤។ ក្រសួងឧស្សាហកម្ម និងពាណិជ្ជកម្មវៀតណាម បាននិយាយថា ទន្ទឹមនឹងការផ្អាកការនាំចូលអង្កររបស់ប្រទេសហ្វីលីពីន […]

ខេត្តក្វាងស៊ី៖ យោងតាមក្រុមហ៊ុននាំចូលផ្លែឈើពីបណ្តាប្រទេសក្នុងសហគមន៍អាស៊ាន បានឱ្យដឹងថា ការនាំចូលផ្លែទុរេនតាមរយៈកំពង់ផែ ឈិនជូ (Qinzhou) ក្នុងតំបន់ស្វយ័តខេត្ត ក្វាងស៊ី ភាគខាងត្បូងប្រទេសចិន បានកើនឡើង៥០ភាគរយ នៅឆ្នាំ២០២៥នេះ ដែលឆ្លុះបញ្ចាំងពីការកើនឡើងនៃតម្រូវការផ្លែឈើក្នុងចំណោមជនជាតិចិន។ ក្រុមហ៊ុននាំចេញឈានមុខគេរបស់ប្រទេសថៃ នៅឆ្នាំ២០២៥នេះ បានដឹកជញ្ជូនទុរេនម៉ាន់ថង មានតម្លៃជាទឹកប្រាក់ជាង២,៨លានដុល្លារទៅកាន់ប្រទេសចិន តាមរយៈកំពង់ផែ ឈិនជូ ដោយការដឹកជញ្ជូនភាគច្រើនមានទិសដៅទៅកាន់តំបន់ដីសណ្ដទន្លេ យ៉ង់សេ និងតំបន់ដីសណ្ដទន្លេ ភៀល ក្នុងប្រទេសចិន ភាគខាងត្បូង។ សារព័ត៌មាន ឆាយណា ដេលី (China Daily) របស់ចិន បានចេញផ្សាយថា ក្រុមហ៊ុននាំចូលផ្លែឈើតាមដានគ្រប់ដំណាក់កាលនីមួយៗនៃមុខទំនិញ ដើម្បីរក្សាភាពស្រស់ស្រាយ របស់ផ្លែឆើ ហើយបាននិយាយថា «ដរាបណាយើងត្រូវដឹកជញ្ជូនតាមផ្លូវទឹក នោះកំពង់ផែ ឈិនជូ គឺជាជម្រើសដំបូងរបស់យើង»។ កំពង់ផែ ឈិនជូ ដើរតួនាទីយ៉ាងសំខាន់សម្រាប់ខេត្ត ក្វាងស៊ី ធ្វើពាណិជ្ជកម្មជាមួយបណ្តាប្រទេសសមាជិកសមាគមអាស៊ាន និងជាផ្នែកមួយនៃច្រករបៀងពាណិជ្ជកម្មដី-សមុទ្រអន្តរជាតិថ្មី។  កាលពី១០ឆ្នាំមុន ក្រុមហ៊ុននាំចេញផ្លែឈើ នៅក្នុងខេត្ត ក្វាងស៊ី ដែលដំបូងឡើយផ្តោតលើការនាំចេញអាហារសមុទ្រ បានបង្កើតក្រុមប្រចាំការនៅកំពង់ផែ ឈិនជូ​ ដើម្បីពង្រីកអាជីវកម្មអន្តរជាតិរបស់ខ្លួន​ ដែលនៅ​ពេល​នោះ បរិមាណ​ទំនិញ​ប្រចាំ​ឆ្នាំ​មាន​ចំនួន​ប្រមាណ១០០លាន​តោន។ […]

ញូវដេលី៖ ទិន្នន័យរបស់ក្រសួងពាណិជ្ជកម្មឥណ្ឌា បានឱ្យដឹងថា ផលិតផលអាហារសមុទ្រ គឺស្ថិតក្នុងចំណោមទំនិញសំខាន់ៗសម្រាប់នាំចេញរបស់ប្រទេសឥណ្ឌា ទៅកាន់ទីផ្សារបរទេស ដែលគិតត្រឹមខែមីនា ឆ្នាំ២០២៥  ឥណ្ឌាបាននាំចេញជិត១៧លានតោន ដែលមានតម្លៃជាទឹកប្រាក់ចំនួន៧,៤៥ពាន់លានដុល្លារ។ ដោយសារតែពឹងផ្អែកខ្លាំងលើទីផ្សារសហរដ្ឋអាម៉េរិកពេក អ្នកនាំចេញអាហារសមុទ្ររបស់ឥណ្ឌា នៅក្នុងឆ្នាំ២០២៥ កំពុងប្រឈមមុខនឹងការខាតឡុងចុង ព្រោះសហរដ្ឋអាម៉េរិក ដែលកាលពីចុងឆ្នាំ២០២៤ និងដើមឆ្នាំ២០២៥ បានទិញផលិតផលអាហារសមុទ្ររបស់ឥណ្ឌារហូតដល់ជិត៣៥ភាគរយនៃការនាំចេញអាហារសមុទ្រសរុប។ ប៉ុន្តែរហូតមកដល់ដើមខែសីហា ឆ្នាំ២០២៥ អ្នកនាំចេញគ្រឿងសមុទ្ររបស់ឥណ្ឌាបានជួបនូវការដំឡើងពន្ធ១០ភាគរយសម្រាប់ការនាំចូលទីផ្សារអាម៉េរិក។ បង្គាក្លាសេ គឺជាមុខទំនិញនាំចេញដ៏ធំបំផុតមួយទាំងក្នុងបរិមាណ ក៏ដូចជាតម្លៃ ដែលស្មើនឹងពីរភាគបីនៃការនាំចេញអាហារសមុទ្រសរុបរបស់ឥណ្ឌា។  នៅចុងឆ្នាំ២០២៤ និងដើមឆ្នាំ២០២៥ សហរដ្ឋអាម៉េរិកបាននាំចូលបង្គាពីប្រទេសឥណ្ឌាមានតម្លៃជាទឹកប្រាក់ចំនួន២,៤ពាន់លានដុល្លារ។  ពន្ធខ្ពស់បានធ្វើឱ្យបង្គាឥណ្ឌាមិនអាចប្រកួតប្រជែងនៅក្នុងទីផ្សារអាម៉េរិកទៀតឡើយ។ យោងតាមការវាយតម្លៃ បរិមាណនាំចេញបង្គារបស់ឥណ្ឌាត្រូវបានគេរំពឹងថា នឹងធ្លាក់ចុះពី១៥ភាគរយ ទៅ១៨ភាគរយ នាពេលខាងមុខ បើប្រៀបធៀបនឹងចុងឆ្នាំ២០២៤ និងដើមឆ្នាំ២០២៥ ដោយសារពន្ធរបស់សហរដ្ឋអាម៉េរិក។ ការវាយតម្លៃ បានលើកឡើងថា «ការដំឡើងពន្ធលើសពី៥០ភាគរយ ធ្វើឱ្យប្រទេសឥណ្ឌាមិនអាចប្រកួតប្រជែងជាមួយផលិផលរបស់ប្រទេសផ្សេងទៀត មានដូចជា អេក្វាឌ័រ វៀតណាម និងឥណ្ឌូនេស៊ី ដែលភាគច្រើនមានពន្ធតិចជាងឥណ្ឌាពាក់កណ្តាល។ ជាលទ្ធផល ការនាំចេញបង្គារបស់ឥណ្ឌាទៅកាន់ទីផ្សារសហរដ្ឋអាម៉េរិកនឹងដាំក្បាលធ្លាក់ចុះយ៉ាងខ្លាំងតែម្តង»។ រដ្ឋាភិបាល​ឥណ្ឌា បាន​ស្នើ​ឲ្យ​ក្រុមហ៊ុន​នាំ​ចេញ​អាហារ​សមុទ្រ ខិតខំ​ស្វែង​រក​ទីផ្សារ​ជំនួសអាម៉េរិក។  រដ្ឋាភិបាលបានកំណត់យកទីផ្សារប្រទេសរុស្ស៊ី ចក្រភពអង់គ្លេស សហភាពអឺរ៉ុប ន័រវេស […]

ម៉ានីល៖ នៅតាមបណ្តាផ្សារបន្លៃធំៗ និងក្នុងផ្សារទំនើបតាមទីក្រុងក្នុងប្រទេសហ្វីលីពីន នៅក្នុងខែកញ្ញា ឆ្នាំ២០២៥នេះ​ តម្លៃម្ទេសខ្មាំងស្រស់ៗ ដែលមានផ្លែតូចៗតែហើរខ្លាំង  និងពេញនិយមបំផុតក្នុងមុខម្ហូបប្រចាំថ្ងៃរបស់ប្រជាជនហ្វីលីពីន បានកើនឡើងដល់កម្រិតខ្ពស់បំផុត រហូតដល់៨០០ប៉េសូ ឬស្មើនឹង១៣,៦០ដុល្លារ ក្នុងមួយគីឡូក្រាម។ ក្រសួងកសិកម្ម ហ្វីលីពីន បានប្រកាសនាពេលថ្មីៗនេះថា បរិមាណភ្លៀងធ្លាក់ខ្លាំងពេក និងគ្រោះទឹកជំនន់បានធ្វើឱ្យការផ្គត់ផ្គង់ផ្លែម្ទេសខ្មាំងខ្វះខាតយ៉ាងខ្លាំង។  ក្នុងរយៈពេលប៉ុន្មានសប្តាហ៍កន្លងនេះ ម្ទេសខ្មាំងត្រូវលក់ក្នុងតម្លៃ៥៥០ប៉េសូ ឬស្មើនឹង៩,៣៥ ក្នុងមួយគីឡូក្រាម នៅពាក់កណ្តាលខែសីហា និងលក់ត្រឹមតម្លៃតែ៣៥០ប៉េសូ ឬស្មើនឹង៥,៩៥ដុល្លារ ក្នុងមួយគីឡូក្រាម កាលពីកក្ដដា។ រដ្ឋមន្ត្រីក្រសួងកសិកម្ម លោក ហ្វ្រែនស៊ីស្កូ ធៀវលូរ៉ែល (Francisco Tiu Laurel Jr.) បានមានប្រសាសន៍ថា ក្រសួងកសិកម្មកំពុងតែស្វែងរកប្រភពផ្គត់ផ្គង់ថ្មី ដើម្បីជួយរក្សាស្ថិរភាពតម្លៃម្ទេសខ្មាំង និងអាចផ្គត់ផ្គង់ម្ទេសខ្មាំងក្នុងតម្លៃទាបសមរម្យនៅតាមបណ្តាហាង​ ​និងផ្សារលក់បន្លែសំខាន់ៗនៅក្នុងប្រទេស។  ទោះបី​ជា​យ៉ាង​ណាក៏ដោយ លោក​បាន​ទទួល​ស្គាល់​ថា ការ​ផ្គត់ផ្គង់ម្ទេសខ្មាំង​សព្វថ្ងៃនេះនៅ​មាន​បរិមាណតិច​ខ្លាំង​ណាស់ មិនអាចឆ្លើយតាមតម្រូវការរបស់អ្នកចូលចិត្តម្ទេសឡើយ។ យោងតាមរបាយការណ៍របស់ក្រសួងកសិកម្ម បានបង្ហាញថា ភ្លៀងធ្លាក់ជោគជាំជាបន្តបន្ទាប់បានកាត់បន្ថយទិន្នផលផ្លែម្ទេសខ្មាំងនៅតាមតំបន់ដាំដុះសំខាន់ៗរបស់ប្រទេសហ្វីលីពីន។  នៅតាម​តំបន់​ខ្លះ កសិករ​ដាំ​ម្ទេសខ្មាំង​តិចតួច ចំណែកនៅតាម​តំបន់​ខ្លះ​ទៀត​ ដំណាំ​ម្ទេសរង​គ្រោះ​ដោយ​សារទឹក​ជំនន់​ជា​បន្តបន្ទាប់។ ដើម្បីដោះស្រាយចំពោះបញ្ហានេះសម្រាប់រយៈពេលវែង មន្ត្រីក្រសួងកសិកម្មកំពុងតែជំរុញឱ្យមានការវិនិយោគលើការសាងសង់ផ្ទះសំណាញ់ ធ្វើដំបូលការពារទឹកភ្លៀង និងរៀបប្រព័ន្ធរំដោះទឹក ឱ្យបានល្អជាងមុន […]

ប៉េកាំង៖ អ្នកនាំចេញអាហារសមុទ្រប៉ាគីស្ថាន បានជួបជាមួយរដ្ឋមន្ត្រីសហព័ន្ធសម្រាប់កិច្ចការដែនសមុទ្រ ក្នុងទីក្រុងប៉េកាំង ដោយបញ្ជាក់អំពីលទ្ធផលនៃការពិភាក្សាជាមួយសមភាគីចិន ស្របពេលរដ្ឋាភិបាលប៉ាគីស្ថាន កំពុងតែងបង្កើនកិច្ចខិតខំប្រឹងប្រែងដើម្បីពង្រីកការនាំចេញផលិតផលជលផលរបស់ខ្លួន។ រដ្ឋមន្ត្រីសហព័ន្ធរបស់ប៉ាគីស្ថាន​ បានសង្កត់ធ្ងន់ថា ការចុះហត្ថលេខាលើអនុស្សរណៈនៃការយោគយល់គ្នា និងជំរុញកិច្ចព្រមព្រៀងពាណិជ្ជកម្ម និងអាជីវកម្ម នឹងដើរតួនាទីយ៉ាងសំខាន់ក្នុងការលើកកម្ពស់ការនាំចេញផលិតផលជលផល ពង្រឹងកិច្ចសហប្រតិបត្តិការវារីវប្បកម្ម និងលើកកម្ពស់ប្រទេសប៉ាគីស្ថាន ជាមជ្ឈមណ្ឌលអាហារសមុទ្រដ៏សំខាន់នៅក្នុងតំបន់។ លោក​បាន​បញ្ជាក់​ថា​ «​ប្រទេស​ប៉ាគីស្ថាន​មាន​បំណង​នាំ​ចេញ​គ្រឿង​សមុទ្រឱ្យទទួលបានប្រាក់ចំណូល​ចំនួន៦០០លាន​ដុល្លារ ​នៅពេល​ខាង​មុខ​នេះ»។ ក្នុងចំណោមអ្នកនាំចេញផលិតផលគ្រឿងសមុកទ្រប៉ាគីស្ថាន ក៏មានប្រធានផ្នែកលក់អន្តរជាតិនៅផលិតផលសមុទ្រអារ៉ាប់ បានចែករំលែកបទពិសោធថា ក្រុមហ៊ុនរបស់លោកកំពុងបង្កើតប្រព័ន្ធវារីវប្បកម្ម និងប្រព័ន្ធចិញ្ចឹមកម្រិតខ្ពស់ ដើម្បីប្រមូលផល និងអភិរក្សសត្វក្តាមថ្ម និងបង្កងសម្រាប់នាំចេញ។ លោកបាននិយាយថា គំនិតផ្តួចផ្តើមនេះ ក្រោមភាពជាដៃគូជាមួយក្រុមហ៊ុនចិន ដើម្បីរកបច្ចេកទេសជលផលសមុទ្ររស់បានយូររហូតដល់ពីរបីសប្តាហ៍ សម្រាប់នាំចូលទៅកាន់ទីផ្សារឆ្ងាយៗ ដូចជាប្រទេសចិនជាដើម។ លោកបានគូសបញ្ជាក់ទៀតថា ភាពជោគជ័យត្រូវពឹងផ្អែកយ៉ាងខ្លាំងលើការផ្ទេរបច្ចេកវិទ្យា ការវិនិយោគ និងជំនាញផ្នែកវារីវប្បកម្មពីដៃគូចិន។ លោករដ្ឋមន្ត្រីសហព័ន្ធរបស់ប៉ាគីស្ថាន បានកត់សម្គាល់ថា វិស័យនាំចេញអាហារសមុទ្ររបស់ប្រទេសប៉ាគីស្ថាន រួមទាំងក្តាមថ្ម និងបង្កង កំពុងមានការរីកចម្រើនជាវិជ្ជមាន ដោយបានរួមចំណែកជាច្រាក់ចំណូលជាង៤៦៥លានដុល្លារ ដល់ការនាំចេញសរុបក្នុងឆ្នាំ២០២៤-២០២៥។ លោកបានបន្ថែមថា«ប្រទេសប៉ាគីស្ថានជាប់ចំណាត់ថ្នាក់ជាប្រទេសនាំចេញក្តាមថ្មច្រើនជាងគេលំដាប់ទី៣ លើពិភពលោក ដោយដឹកជញ្ជូនក្តាមថ្មរស់ជាង៣ ០០០តោនទៅកាន់ប្រទេសចិន ដែលជាអ្នកនាំចូលដ៏ធំបំផុតរបស់ខ្លួន»។ ចំណែកលោកនាយកប្រតិបត្តិនៃក្រុមហ៊ុននាំចេញផលិតផលជលផល បានស្នើសុំការបណ្តាក់ទុនរួមគ្នាជាមួយក្រុមហ៊ុនមកពីប្រទេសចិន ដោយផ្តោតលើតម្លៃបន្ថែមលើអាហារសមុទ្របង្កក និងផលិតផលបសុបក្សី ដូចជាជើងមាន់ជាដើម។  […]

ខេត្តស៊ីឈួន៖ នៅឯមជ្ឈមណ្ឌលចែកចាយផ្លែឈើ នៃកំពង់ផែផ្លូវដែកអន្តរជាតិ ក្រុងឆេងទូ គ្រឿងចក្រកំពុងតែដាក់ចុះកុងតឺន័រផ្ទុកផ្លែធុរេននាំចូលពីតំបន់អាស៊ីអាគ្នេយ៍។  បុគ្គលិកផ្នែកដឹកជញ្ជូនផ្លែឈើនៅកំពង់ផែនេះនិយាយថា ដឹកតាមរយៈផ្លូវដែកចិន-ឡាវ ដែលចាប់តាំងពីដើមឆ្នាំ២០២៥មក ខ្សែរថភ្លើងបានដឹនផ្លែទុរេនសរុបចំនួន១៧៥ជើងទៅដល់ទីក្រុង ឆេងទូ ក្នុងខេត្តស៊ីឈួន។ ប្រធានក្រុមហ៊ុនកំពង់ផែស្ងួតទីក្រុងឆេងទូ បានមានប្រសាសន៍ថា ផ្លែទុរេនស្រស់ត្រូវដឹកជញ្ជូនទៅឡើងរថភ្លើងនៅក្នុងទីក្រុងវៀងចន្ទន៍ ប្រទេសឡាវ ហើយរថភ្លើងបន្តដឹកជញ្ជូនទៅកាន់ទីក្រុង ឆេងទូ ដោយប្រើរយៈពេលត្រឹមតែ៧២ម៉ោងប៉ុណ្ណោះ។ លោកបានបន្ថែមទៀតថា បើប្រៀបធៀបជាមួយនឹងការដឹកជញ្ជូនតាមសមុទ្រ សេវាខ្សែសង្វាក់ត្រជាក់នៅលើផ្លូវដែកចិន-ឡាវ កាត់បន្ថយពេលវេលាដឹកជញ្ជូនប្រហែល៧០ភាគរយ និងកាត់បន្ថយការចំណាយប្រហែល៥០ភាគរយ បើធៀបនឹងការដឹកជញ្ជូនតាមផ្លូវអាកាស។ មជ្ឈមណ្ឌលចែកចាយ មានគ្រោងនាំចូលផ្លែទុរេនស្រស់ចំនួន៨ ០០០តោនក្នុងមួយឆ្នាំ នឹងតម្លៃជាទឹកប្រាក់លើសពី២០០លានយន់ ឬស្មើនឹង២៨លានដុល្លារ។  ក្នុងរយៈពេលពីពីរទៅប្រាំឆ្នាំខាងមុខទៀត ក្រុមហ៊ុនមានគោលបំណងចង់កែប្រែទីក្រុងឆេងទូ ដែលស្ថិតនៅភាគនិរតីនៃប្រទេសចិន ឱ្យទៅជាមជ្ឈមណ្ឌលដ៏ធំបំផុតសម្រាប់ចែកចាយផ្លែឈើនាំចូលពីអាស៊ីអាគ្នេយ៍។ ការនាំចេញផ្លែទុរេន បង្ហាញពីតួនាទីកាន់តែសំខាន់សម្រាប់កំពង់ផែផ្លូវដែកអន្តរជាតិ ឆេងទូ ក្នុងការដោះស្រាយផលិតផលខ្សែសង្វាក់ត្រជាក់។  កំពង់ផែស្ងួតនេះក៏គ្រប់គ្រងការចែកចាយផ្លែឈើអាស៊ីអាគ្នេយ៍ផ្សេងទៀតផងដែរ ដោយដោះដូរទំនិញបានយ៉ាងលឿនពីប្រទេសប្រភព នាំយកទៅកាន់ទីផ្សារប្រទេសចិន។ យោងតាមកំពង់ផែផ្លូវដែក បានឱ្យដឹងថា ខ្សែសង្វាក់ផ្គត់ផ្គង់ត្រូវបានច្របាច់រួមបញ្ចូលគ្នាយ៉ាងល្អ ដែលអាចគ្របដណ្តប់លើលទ្ធកម្មក្រៅប្រទេស ការដឹកជញ្ជូនឆ្លងកាត់ព្រំដែន និងការចែកចាយក្នុងស្រុក។  ប្រព័ន្ធ​ផ្គត់ផ្គង់នេះ​ អនុញ្ញាត​ឱ្យ​ផ្លែឈើ​នាំចូល​ដូចជា​ផ្លែទុរេន ​អាច​ទៅ​ដល់​ទីផ្សារ​ចុង​ក្រោយ ​ប្រកប​ដោយ​ប្រសិទ្ធភាព និង​មាន​តម្លៃ​ទាប​ជាង​បើ​ធៀប​នឹង​ការដឹិកជញ្ជូនតាមផ្លូវទឹក ឬផ្លូវអាកាស។ គ្រាន់តែស្រុក ឈីងប៉ៃជៀង (Qingbaijiang) […]

ហ្សាការតា៖ ក្រសួងកិច្ចការសមុទ្រ និងជលផលឥណ្ឌូណេស៊ី បានផ្អាកអាជីវកម្មចិញ្ចឹមបង្កងសហការជាមួយប្រទេសវៀតណាម ដោយលើកឡើងពីការរត់ពន្ធកូនបង្កងច្រើនពេក បើទោះបីជាមានកិច្ចព្រមព្រៀងរវាងប្រទេសទាំងពីរក៏ដោយ។ អគ្គនាយកវារីវប្បកម្មរបស់ក្រសួងកិច្ចការសមុទ្រ និងជលផល ឥណ្ឌូណេស៊ី បាននិយាយថា «នៅពេលនេះ រដ្ឋាភិបាលកំពុងបញ្ឈប់ការចិញ្ចឹមបង្កងនៅក្រៅទឹកដីប្រទេសឥណ្ឌូណេស៊ី ពីព្រោះលទ្ធផលនៃការវាយតម្លៃរបស់យើង មិនទាន់ឆ្លើយតបតាមការរំពឹងទុកឡើយ»។ ភាពជាដៃគូអាជីវកម្មជាមួយប្រទេសវៀតណាម ដែលឥឡូវនេះ មានរយៈពេលពីរឆ្នាំកន្លងមកហើយ ដំបូងឡើយមើលទៅឃើញមានការរីកចម្រើនល្អណាស់ ដើម្បីស្តារឡើងវិញនូវឧស្សាហកម្មវារីវប្បកម្មចិញ្ចឹមបង្កងរបស់ប្រទេសឥណ្ឌូនេស៊ី ដែលបានតស៊ូជាយូរមកហើយដើម្បីសម្រេចបានទិន្នផលបង្កងខ្ពស់។  នៅក្រោមកិច្ចព្រមព្រៀងនេះ អាជីវកម្មវៀតណាមត្រូវការកូនបង្កងសម្រាប់ចិញ្ចឹម នៅក្នុងប្រទេសឥណ្ឌូនេស៊ីដោយសហការជាមួយដៃគូក្នុងស្រុក។ ផែនការចិញ្ចឹមបង្កងនេះត្រូវបានរៀបចំឡើង ដើម្បីសម្រួលដល់ការផ្ទេរបច្ចេកវិទ្យា និងការវិនិយោគក្នុងការគាំទ្រហេដ្ឋារចនាសម្ព័ន្ធ ដូចជាការផលិតចំណី ដែលប្រទេសវៀតណាមបានអភិវឌ្ឍយ៉ាងទូលំទូលាយរួចហើយ។ លោកអគ្គនាយកវារីវប្បកម្មរបស់ក្រសួងកិច្ចការសមុទ្រ និងជលផល ឥណ្ឌូណេស៊ី បានពន្យល់ថា ទោះបីជាមានឧបករណ៍បច្ចេកទេសបានយល់ព្រមដោយប្រទេសទាំងពីរក៏ដោយ ក៏រដ្ឋាភិបាលធ្វើការវាយតម្លៃជាទៀងទាត់រៀងរាល់បីខែម្តងសម្រាប់ទិដ្ឋភាពមួយចំនួន ខណៈពេលអ្នកផ្សេងទៀតត្រូវបានវាយតម្លៃរៀងរាល់ប្រាំមួយខែម្តង ឬប្រចាំឆ្នាំ។ លោកអគ្គនាយកវារីវប្បកម្ម បាននិយាយថា «ទោះបីជាមានអនុស្សរណៈនៃការយោគយល់គ្នាក៏ដោយ ក៏ការរត់ពន្ធកូនបង្កងខុសច្បាប់នៅតែរីករាលដាល។  បន្ទាប់ពីការវាយតម្លៃរបស់យើង យើងបានសន្និដ្ឋានថា អ្វីៗមិនអាចដំណើរការដូចការរំពឹងទុកនោះទេ ដូច្នេះយើងសម្រេចចិត្តផ្អាកភាពជាដៃគូតែម្តង»៕

ហ្សឺណែវ៖ អង្គការសហប្រជាជាតិ បានបញ្ជាក់ក្នុងរបាយការណ៍នៃការសិក្សាស្រាវជ្រាវថា មនុស្សជាង២ ០០០លាននាក់នៅទូទាំងពិភពលោក នៅតែមិនមានលទ្ធភាពប្រើប្រាស់ទឹកស្អាតដែលមានសុវត្ថិភាព ហើយបានព្រមានថា ពិភពលោកនៅតែឃ្លាតឆ្ងាយនៅឡើយពីការសម្រេចបាននូវគោលដៅនៃលទ្ធភាពទទួលបានទឹកស្អាតជាសកល នៅឆ្នាំ២០៣០។ ទីភ្នាក់ងារព័ត័មានបារាំង AFP បានរាយការណ៍ពីទីក្រុងហ្សឺណែវ ប្រទេសស្វីស នាចុង ខែសីហាថា អង្គការសុខភាពពិភពលោក (WHO) និងមូលនិធិកុមាររបស់អង្គការសហប្រជាជាតិ (UNICEF) បាននិយាយនៅក្នុងរបាយការណ៍រួមមួយថា ភាពយឺតយ៉ាវក្នុងការទទួលបានទឹកស្អាត អនាម័យ និងសុខាភិបាល ធ្វើឱ្យមនុស្សរាប់លាននាក់ប្រឈមនឹងហានិភ័យនៃជំងឺ។ តាមរយៈការរកឃើញ របាយការណ៍របស់ក្រុមអ្នកស្រាវជ្រាវក៏បានពិចារណាលើកម្រិតសេវាទឹកស្អាតចំនួនប្រាំ ដែលកម្រិតខ្ពស់បំផុតតំណាងឱ្យការគ្រប់គ្រងទឹកប្រកបដោយសុវត្ថិភាព។ កម្រិតបន្ទាប់មកគឺកម្រិតមូលដ្ឋាន, កម្រិតមានកំណត់, កម្រិតមិនមានសុវត្ថិភាព ដូចជាទឹកអណ្តូង និងកម្រិតទឹកក្រោមដីជាដើម។ ចាប់តាំងពីឆ្នាំ២០១៥ មនុស្សចំនួន៩៦១លាននាក់បានប្រើប្រាស់ទឹកស្អាត ដែលគ្រប់គ្រងដោយសុវត្ថិភាព ក្នុងនេះមានការកើនឡើងពី៦៨ភាគរយ ទៅ៧៤ភាគរយ។ ទោះជាយ៉ាងណាក៏ដោយ ប្រជាជនចំនួន២,១ ពាន់លាននាក់នឹងនៅតែខ្វះខាតទឹកស្អាតប្រើប្រាស់នៅឆ្នាំ២០២៤ ដោយមានប្រជាជនចំនួន១០៦លាននាក់ ពឹងផ្អែកទឹកលើផ្ទៃដីសម្រាប់ប្រើប្រាស់ប្រចាំថ្ងៃ។ ចំនួនប្រទេសដែលបានលុបបំបាត់ប្រើប្រាស់ទឹកលើផ្ទៃដីសម្រាប់ផឹក បានកើនឡើងពី ១៤២ ទៅ១៥៤ កាលពីឆ្នាំ២០២៤ ហើយប្រទេសចំនួន៨៩ ឥឡូវនេះមានសិទ្ធិប្រើប្រាស់ជាសកលសម្រាប់ទឹកផឹកជាចាំបាច់ ដោយ៣១ប្រទេសមានលទ្ធភាពទទួលបានការគ្រប់គ្រងទឹកប្រកបដោយសុវត្ថិភាព។ នេះផ្ទុយពីចំនួនប្រជាជនជាងមួយភាគបួននៃចំនួនប្រជាជននៅក្នុងប្រទេសចំនួន២៨ នៅតែខ្វះខាតសេវាកម្មចាំបាច់ ដែលភាគច្រើនជាប្រទេសស្ថិតនៅក្នុងទ្វីបអាហ្វ្រិក។ ទាក់ទងនឹងអនាម័យ ប្រជាជនចំនួន១ […]