អន្តរជាតិ

កូឡាឡាំពួរ៖ ផ្លែទុរេនរបស់ប្រទេសម៉ាឡេស៊ីកំពុងទទួលបានប្រជាប្រិយភាពនៅទូទាំងទីផ្សារពិភពលោក ដោយការនាំចេញបានកើនឡើងយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ ស្របពេលតម្រូវការផ្លែឈើនៅតែបន្តកើនឡើងនៅអាស៊ី អឺរ៉ុប និងអាម៉េរិកខាងជើង។ យោងតាមរដ្ឋមន្ត្រីក្រសួងកសិកម្ម និងសន្តិសុខស្បៀង ម៉ាឡេស៊ី បានឱ្យដឹងកាលទី៣០ ខែតុលា ឆ្នាំ២០២៥នេះថា បើគិតត្រឹមចន្លោះឆ្នាំ២០២០ និង២០២៤ ការនាំចេញផ្លែទុរេនរបស់ប្រទេសម៉ាឡេស៊ីទៅកាន់ទីផ្សារក្នុងទ្វីបអឺរ៉ុប បានកើនឡើង១៦២ភាគរយ ខណៈការដឹកជញ្ជូនទៅកាន់ប្រទេសក្នុងទ្វីបអាម៉េរិកខាងជើង និងតំបន់មជ្ឈិមបូព៌ា បានកើនឡើង៥,២ភាគរយ និង៨,៨ភាគរយ។ លោកបានមានប្រសាសន៍ថា កំណើននេះកើតឡើងដោយសារកិច្ចខិតខំប្រឹងប្រែងសម្របសម្រួល ដើម្បីអភិវឌ្ឍទីផ្សារនាំចេញ និងលើកកម្ពស់ពូជទុរេនលំដាប់ខ្ពស់របស់ប្រទេសម៉ាឡេស៊ី ជាពិសេសពូជ មូសាង ឃីង ដែលនៅតែមានតម្រូវការខ្ពស់នៅលើឆាកអន្តរជាតិ។ លោករដ្ឋមន្ត្រីបានមានប្រសាសន៍ដូច្នេះថា «ប្រទេសចិននៅតែជាគោលដៅនាំចេញដ៏សំខាន់ ដោយមានការនាំចេញក្នុងតម្លៃទឹកប្រាក់ចំនួន២៤៧,៧លានដុល្លារ នៅឆ្នាំ២០២៣ បន្ទាប់មក គឺទីក្រុងហុងកុង ក្នុងទំហំទឹកប្រាក់ចំនួន២១លានដុល្លារ សិង្ហបុរី១៥,៨លានដុល្លារ ឥណ្ឌូនេស៊ី១២,១លានដុល្លារ និងសហរដ្ឋ៧,៤លានដុល្លារ»។ ជារួម ការនាំចេញផ្លែទុរេនរបស់ប្រទេសម៉ាឡេស៊ី បានកើនឡើងពី១១៩លានដុល្លារ នៅឆ្នាំ២០២០ ដល់៣១៤,៥លានដុល្លារ នៅឆ្នាំ២០២៣ មុនពេលធ្លាក់ចុះបន្តិចមកនៅត្រឹម២៤៥លានដុល្លារ កាលពីឆ្នាំ២០២៤។ ផ្លែទុរេនម៉ាឡេស៊ី ឥឡូវនេះត្រូវបាននាំចេញទៅកាន់ប្រទេសជាង៤០ រួមមានប្រទេសកាណាដា ជប៉ុន កូរ៉េខាងត្បូង កាតា អារ៉ាប់រួម អារ៉ាប៊ីសាអូឌីត ចក្រភពអង់គ្លេស […]

ការ៉ាជី៖ មន្ត្រីជាន់ខ្ពស់ប៉ាគីស្ថាន បានបញ្ជាក់ថា ប្រទេសប៉ាគីស្ថានកំពុងតែសម្លឹងមើលទីផ្សារដ៏ធំមួយ ដើម្បីនាំចេញសាច់គោក្នុងទំហំទឹកប្រាក់ចំនួន២០០លានដុល្លារ ទៅកាន់ប្រទេសម៉ាឡេស៊ី ស្របពេលរដ្ឋាភិបាលកំពុងតែពង្រឹងសមត្ថភាពនាំចេញសាច់គោ ហាឡាល់ និងបើកទីផ្សារអន្តរជាតិបន្ថែមទៀត។ គោលបំណងនេះ ត្រូវបានលើមកពិភាក្សាគ្នាក្នុងអំឡុងពេលកិច្ចប្រជុំ ស្តីពីកិច្ចសហប្រតិបត្តិការប៉ាគីស្ថាន-ម៉ាឡេស៊ី ក្នុងវិស័យសាច់គោ ដែលបានធ្វើឡើងនៅក្រសួងពាណិជ្ជកម្ម ក្រោមអធិបតីភាពមន្ត្រីជាន់ខ្ពស់របស់រដ្ឋមន្ត្រីប៉ាគីស្ថាន។ សារព័ត៌មានរបស់ប៉ាគីស្ថាន បានផ្សាយកាលពីថ្ងៃទី២៩ ខែតុលា ឆ្នាំ២០២៥ថា កិច្ចប្រជុំនេះ ប្រមូលផ្តុំដោយរដ្ឋមន្ត្រីសហព័ន្ធសន្តិសុខស្បៀងអាហារ  និងរដ្ឋមន្ត្រីក្រសួងឧស្សាហកម្ម រួមទាំងតំណាងមកពីវិស័យសាធារណៈ និងឯកជនរបស់ប៉ាគីស្ថានផងដែរ ។ រដ្ឋមន្ត្រីក្រសួងឧស្សាហកម្ម បានបង្ហាញថា ការនាំចេញសាច់គោ ហាឡាល់ ដែលដ៏ល្អរបស់ប៉ាគីស្ថាន ទៅកាន់ប្រទេសម៉ាឡេស៊ី អាចឈានដល់បិរមាណ២០០លានដុល្លារ ដរាបណាមានវិធានការជាបន្ទាន់ ដើម្បីដោះស្រាយបញ្ហាហាមឃាត់មួយចំនួន ដូចជាជំងឺអុតក្តាម និងបំរាមនាំចេញសាច់គោជាប់ឆ្អឹង។ លោករដ្ឋមន្ត្រី បានសង្កត់ធ្ងន់ថា ប្រទេសឥណ្ឌាទទួលបានអត្ថប្រយោជន៍ពីការប្រកួតប្រជែង ដោយនាំចេញសាច់ជាប់ឆ្អឹង ស្របពេលប្រទេសប៉ាគីស្ថាន ត្រូវបានកំណត់ឱ្យនាំចូលតែសាច់សុទ្ធប៉ុណ្ណោះ ដោយសារតែការព្រួយបារម្ភអំពីការឆ្លងជំងឺអុតក្តាម។ ដើម្បីដោះស្រាយបញ្ហាប្រឈមទាំងនេះ កិច្ចប្រជុំបានសម្រេចលើផែនការធ្វើរបាយការណ៍ភ្លាមៗក្នុងរយៈពេលបួនថ្ងៃ ដើម្បីកំណត់វិធានការចាំបាច់ ដើម្បីសម្រេចបានគោលដៅ នាំចេញសាច់គោក្នុងទឹកប្រាក់ចំនួន២០០លានដុល្លារ បន្ទាប់មកត្រូវកំណត់ក្របខ័ណ្ឌគោលនយោបាយដ៏ទូលំទូលាយក្នុងរយៈពេលដប់ថ្ងៃ ដើម្បីបញ្ជាក់ឱ្យច្បាស់លាស់ចំពោះការនាំចេញសាច់គោ ប្រកបដោយចីរភាព។ ចំណែករដ្ឋមន្ត្រីក្រសួងពាណិជ្ជកម្មវិញ បានចាត់ទុកប្រទេសម៉ាឡេស៊ីថា ជាដៃគូពាណិជ្ជកម្មងាយស្រួល សម្រាប់ឧស្សាហកម្មសាច់គោរបស់ប្រទេសប៉ាគីស្ថាន […]

ក្រុងសៅប៉ាវឡូ៖ យោងតាមទិន្នន័យពីក្រសួងកសិកម្មសហរដ្ឋអាម៉េរិក បានឱ្យដឹងថា ប្រទេសប្រេស៊ីល ត្រូវបានគេរំពឹងថា នឹងរក្សាតំណែងជាអ្នកនាំចេញសាច់គោធំជាងគេបំផុតរបស់ពិភពលោក នៅឆ្នាំ២០២៥។ ការព្យាករណ៍ ដែលគិតត្រឹមខែមេសា ឆ្នាំ២០២៥ បានលើឡើងថា ប្រទេសប្រេស៊ីលនឹងនាំចេញសាច់គោចំនួន៣,៧៥លានតោន នៅក្នុងឆ្នាំ២០២៥នេះ។ ចំណែកប្រទេសជាប់លំដាប់ថ្នាក់បន្ទាប់ក្នុងការនាំចេញសាច់គោ នៅឆ្នាំ២០២៥ គឺប្រទេសឥណ្ឌា ដែលនាំចេញសាច់គោទៅកាន់សហរដ្ឋអាម៉េរិក និងអូស្ត្រាលី។ ទោះបីជាអាណត្តិទីពីររបស់លោកប្រធានាធិបតី ដូណាល់ ត្រាំ (Donald Trup)បានបង្កើនអត្រាពន្ធបដិការថ្មីជាច្រើន ហើយបានចូលជាធរមានហើយក៏ដោយ ក៏ទីផ្សារពាណិជ្ជកម្មសាច់គោ មិនមានការរំខានធំដុំណាមួយទេ ក្នុងរយៈពេលមួយឆ្នាំនេះ។ សហរដ្ឋអាម៉េរិកមិនត្រឹមតែជាអ្នកផលិត និងនាំចេញសាច់គោដ៏សំខាន់ប៉ុណ្ណោះទេ ប៉ុន្តែក៏ជាអ្នកទិញសាច់គោដ៏ច្រើនពីប្រទេសអូស្ត្រាលី ប្រេស៊ីល និងនូវែលសេឡង់ផងដែរ។ ប៉ុន្តែដោយសារតែអត្រាពន្ធដិការថ្មីរបស់លោក ដូណាល់ ត្រាំ ស្របពេលមានកង្វះខាតសាច់គោក្នុងស្រុក នៅឆ្នាំ២០២៥នេះ សហរដ្ឋអាម៉េរិកបានបន្តនាំចូលសាច់គោពីក្រៅប្រទេស។ ចាប់តាំងពីការដំឡើងពន្ធលើទំនិញរបស់ប្រេស៊ីលបានកើនឡើងរហូតដល់៥០ភាគរយ នៅដើមខែសីហា ឆ្នាំ២០២៥ ធ្វើឱ្យប្រទេសប្រេស៊ីល ត្រូវស្វែងរកអ្នកទិញផ្សេងទៀត ក្រៅពីសហរដ្ឋអាមេរិក។ សព្វថ្ងៃនេះ ប្រទេសប្រេស៊ីល គឺជាប្រទេសនាំចេញសាច់គោធំជាងគេបំផុត ដោយផ្គត់ផ្គង់តម្រូវការលើពិភពលោកបាន២៣ភាគរយ ព្រមទាំងមានគោចំនួនជាង ២១៣,៦លានក្បាល។ ចំណែកការនាំចេញសាច់គោវិញ នៅតែបន្តដើរតួយ៉ាងសំខាន់ក្នុងការរក្សាតម្លៃនៅទូទាំងវិស័យចិញ្ចឹមសត្វរបស់ប្រទេសប្រេស៊ីល។ នៅក្នុងឆ្នាំ២០២៥នេះ តម្រូវការសាច់គោប្រេស៊ីលនៅទូទាំងពិភពលោក នៅតែខ្ពស់ជាងគេ […]

ទីក្រុងជឿងជូ៖ សិង្ហបុរី និងវៀតណាម កាលថ្ងៃទី៣០ ខែតុលា​ ឆ្នាំ២០២៥ បានចុះហត្ថលេខាលើកិច្ចព្រមព្រៀងមួយ ដែលវៀតណាមនឹងគាំទ្រការនាំចេញអង្ករក្នុងបិរមានគ្មានដែនកំណត់ ដែលបានព្រមព្រៀងគ្នាទៅវិញទៅមក ក្នុងការនាំចេញទៅកាន់ប្រទេសសិង្ហបុរីតាមពាក្យ នៅពេលមានការស្នើសុំពីរដ្ឋាភិបាល។ បើតាមការចុះផ្សាយរបស់សារព័ត៌មាន channel news asia បានឱ្យដឹងថា អនុស្សរណៈនៃកិច្ចសហប្រតិបត្តិការលើពាណិជ្ជកម្មអង្ករ ត្រូវបានចុះហត្ថលេខានៅក្នុងជំនួបដាច់ដោយឡែក នៅឯឱកាសកិច្ចប្រជុំកំពូលមេដឹកនៃសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក នាទីក្រុងជឿងជូ ប្រទេសកូរ៉េខាងត្បូង កាលសប្តាហ៍មុន។ នៅក្នុងសេចក្តីប្រកាសព័ត៌មានរួមរវាងក្រសួងពាក់ព័ន្ធនៃប្រទេសទាំងពីរ បាននិយាយថា អនុស្សរណៈនៃកិច្ចសហប្រតិបត្តិការ កសាង “មូលដ្ឋានគ្រឹះដ៏រឹងមាំ” សម្រាប់លើកកម្ពស់ពាណិជ្ជកម្មអង្ករប្រកបដោយស្ថិរភាព និងនិរន្តរភាព។ កិច្ចព្រមព្រៀងនេះនឹងជួយពង្រឹងសន្តិសុខស្បៀងទ្វេភាគីដោយជៀសវាងការរឹតបន្តឹងពាណិជ្ជកម្មមិនចាំបាច់។ កិច្ចព្រមព្រៀងនេះ ត្រូវបានចុះហត្ថលេខាដោយលោកស្រី ហ្គ្រេស ហ្វូ (Grace Fu) ទេសរដ្ឋមន្ត្រី រដ្ឋមន្ត្រីទទួលបន្ទុកទំនាក់ទំនងពាណិជ្ជកម្មសិង្ហបុរី លោកស្រី និងលោក ង្វៀង ហុងទៀន (Nguyen Hong Dien) រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម។ លោកស្រី ហ្គ្រេស ហ្វូ បានមានប្រសាសន៍ថា “នេះគឺជាអនុស្សរណៈនៃកិច្ចសហប្រតិបត្តិការលើកដំបូងរបស់សិង្ហបុរីលើពាណិជ្ជកម្មអង្ករ ដែលបានចុះហត្ថលេខាជាមួយដៃគូពាណិជ្ជកម្ម ហើយយើងរីករាយក្នុងការធ្វើដូច្នេះជាមួយវៀតណាម ដែលជាប្រទេសមួយក្នុងចំណោមប្រទេស ដែលមានប្រភពអង្ករធំជាងគេរបស់សិង្ហបុរី”។ […]

សៀងហៃ៖ ក្រុមហ៊ុននាំចេញផ្លែប៊ឺររបស់តង់ហ្សានី បាននិយាយថា ក្រុមហ៊ុនរបស់ខ្លួនកំពុងតែបង្កើនការដាំដុះផ្លែប៊ឺរសរីរាង្គ និងពង្រីកផ្ទៃដីដាំដុះថែមទៀត សម្រាប់ផ្គត់ផ្គង់ខ្សែសង្វាក់នាំចេញផលិតផលកសិកម្មទៅកាន់ទីផ្សារអន្តរជាតិ ជាពិសេសទីផ្សារក្នុងប្រទេសចិន។ យោងតាមសារព័ត៌មានរបស់ចិន បានឱ្យដឹងថា ក្រុមហ៊ុនមួយ ដែលបង្កើតឡើងក្នុងឆ្នាំ២០១៨ ដោយដំបូងឡើយមានចម្ការប៊ឺរទំហំជិតពីរហិកតា ប៉ុន្តែឥឡូវក្រុមហ៊ុនបានពង្រីកដល់ផ្ទៃដីដាំដុះរហូតដល់ទំហំ១១ហិកតា និងមានគម្រោងពង្រីកបន្ថែមទៀត។ ចម្ការនេះស្ថិតនៅតំបន់ខ្ពង់រាបភាគខាងត្បូងប្រទេសតង់ហ្សានី ដែលដីមានជីជាតិល្អសម្រាប់ផលិតផ្លែប៊ឺរមានគុណភាពល្អសម្រាប់នាំចេញទីក្រៅប្រទេស។ ប្រធានក្រុមហ៊ុននាំចេញផ្លែប៊ែររូបនេះ បានមានប្រសាសន៍ថា «យើងបានចាប់ផ្តើមដាំប៊ឺរតាំងពីចម្ការមានទំហំតូច ប៉ុន្តែឥឡូវនេះយើងបានពង្រីកដល់ថ្នាក់កសិដ្ឋានមានដីទំហំ១១ហិកតា ហើយកំពុងស្វែងរកដីបន្ថែមទៀត។ គោលដៅរបស់យើង គឺនាំចេញផ្លែប៊ឺរដោយផ្ទាល់ទៅកាន់ទីផ្សារពិភពលោក ជាពិសេសប្រទេសចិន ដោយមិនពឹងផ្អែកលើឈ្មួញកណ្តាលឡើយ»។ ចម្ការប៊ឺរ ដែលគ្រោងនាំចេញផ្លែទៅកាន់ទីផ្សារអន្តរជាតិនេះ ស្ថិតនៅកម្ពស់ប្រហែល ១ ៨០០ម៉ែត្រពីលើនីវ៉ូទឹកសមុទ្រ ហើយដីមានជីជាតិល្អ និងអាកាសធាតុអំណោយផលសមស្របសម្រាប់ការផលិតផ្លែប៊ឺរ។ លោកស្រីប្រធានក្រុមហ៊ុន បានអះអាងថា «ផ្លែប៊ឺរពីតំបន់នេះ គឺជាផលិតផលសរីរាង្គ១០០ភាគរយ។ យើងមិនប្រើជីគីមី ឬថ្នាំគីមីសម្លាប់សត្វល្អិតទេ។ យើងពឹងផ្អែកលើជីធម្មជាតិធ្វើពីលាមកគោរបស់យើង ដែលផ្តល់សារធាតុចិញ្ចឹមសម្រាប់ដើមប៊ែរ»។ លោកស្រីបានបន្ថែមថា ក្រុមហ៊ុនមានគោលបំណងស្វែងយល់បន្ថែម ដើម្បីបំពេញតាមចំណង់ចំណូលចិត្តទីផ្សារប្រទេសចិន។ លោកស្រីបានមានប្រសាស៍ទៀតថា «អ្នកប្រើប្រាស់ចិនមានភាពវៃឆ្លាត និងដឹងរសជាតិផ្លែប៊ែរច្បាស់លាស់។ យើងនឹងស្តាប់អ្វីដែលពួកគេចូលចិត្ត ហើយសម្របខ្លួនយើងទៅតាមតម្រូវការ»។ ក្រុមហ៊ុននេហក៏មើលឃើញសក្តានុពលសម្រាប់ផលិតផល ដែលមានតម្លៃបន្ថែមផងដែរ ដោយសង្ឃឹមថា នឹងផ្លាស់ប្តូរជំនាញ និងទាក់ទាញការវិនិយោគពីប្រទេសចិន ចូលមកបង្កើតរោងចក្រកែច្នៃ នាពេលអនាគត […]

សិង្ហបុរី៖ មន្ត្រីជាន់ខ្ពស់របស់ប្រទេសសិង្ហបុរី បានមានប្រសាសន៍ថា ប្រទេសរបស់លោករៀបចំខ្លួនទប់ទល់នឹងស្ថានភាពគ្រោះអាសន្ន ដោយស្តុកស្បៀងអាហារសំខាន់ៗ ដែលត្រូវមានតុល្យភាពរវាងការធានាសន្តិសុខស្បៀង និងការរក្សាតម្លៃស្តុកទុក}្យនៅទាប។ ទេសរដ្ឋមន្ត្រីទទួលបន្ទុកក្រសួងនិរន្តរភាព និងបរិស្ថាន លោក ហ្សាគី ម៉ូហាម៉ាត់  (Zaqy Mohamad) បានបញ្ជាក់ថា បើមិនដូច្នេះទេ ការស្តុកទុកស្បៀងអាហារច្រើនពេកអាចនាំឱ្យខ្ជះខ្ជាយ ហើយការចំណាយលើការស្តុកទុកក៏អាចកើនឡើងសម្រាប់អ្នកបង់ពន្ធផងដែរ។ លោកបាននិយាយប្រាប់អ្នកសារព័ត៌មានក្នុងអំឡុងពេលពិនិត្យមើលឃ្លាំងស្តុកទំនិញ ដែលដំណើរការដោយខ្សែសង្វាក់ផ្គត់ផ្គង់សិង្ហបុរី និងក្រុមហ៊ុនដឹកជញ្ជូនរបស់សង្ហបុរី កាលពីថ្ងៃទី២២ ខែតុលា ឆ្នាំ២០២៥នេះ។ កាលពីដើមឆ្នាំ២០២៥ ប្រទេសសិង្ហបុរីបានអនុម័តច្បាប់ស្តីពីសុវត្ថិភាពចំណីអាហារ និងសុវត្ថិភាពចំណីអាហារ ដែលបានកំណត់តម្រូវការស្តុកទុកអប្បបរមាសម្រាប់អ្នកនាំចូលអង្ករ ដើម្បីស្តុកទុក។ ច្បាប់នេះក៏អនុញ្ញាតឱ្យដំណើរការស្តុកទុករបស់សិង្ហបុរី អាចស្តុកប្រភេទអាហារបន្ថែមផ្សេងទៀត ក្រៅពីអង្ករផងដែរ ព្រោះអាហារសំខាន់ៗផ្សេងទៀត ឬផលិតផលកសិ-អាហារក៏អាចស្តុកទុកបានដែរ ប្រសិនបើតម្រូវការកើតឡើងនាពេលអនាគត។ ដោយកត់សម្គាល់ថា ស្តុកជាតិរបស់សិង្ហបុរី នាពេលឥឡូវនេះ មានលើសពីអង្ករដើម្បីរួមបញ្ចូលម្ហូបអាហារសម្បូរប្រូតេអ៊ីន និងអាហារសម្បូរជាតិសរសៃ លោកទេសរដ្ឋមន្ត្រី បានមានប្រសាសន៍ថា នៅពេលនេះប្រទេសសិង្ហបុរី កំពុងតែប្រកាន់ខ្ជាប់នូវតម្រូវការស្តុកទុកសម្រាប់តែអង្ករតែប៉ុណ្ណោះ។ លោកបានលើកយកករណីតម្រូវការសាច់មាន់ធ្វើជាឧទាហរណ៍​ ហើយបាននិយាយថា វាមិនថោកទេ ក្នុងការរក្សាទុកសាច់មាន់ឱ្យមានប្រូតេអ៊ីន ដោយសារត្រូវបង្កកទុក ទើបអាចរក្សាគុណភាពបានយូរ។ លោក​បាន​បន្ត​ទៀតថា ​មិន​ថា​ទេសាច់​មាន់ ឬម្ហូប​អាហារ​ផ្សេង​ទៀតទេ ​ត្រូវ​តែរក្សាទុកឱ្យបានត្រឹមត្រូវច្បាស់លាស់ ស្របតាមការ​វាយ​តម្លៃអំពី​ហានិភ័យ​នៃ​តម្រូវ​ការ​បច្ចុប្បន្ន។ […]

ហាណូយ៖ ផ្លែទុរេនវៀតណាមសម្រាប់នាំចេញជិត២០០០កុងតឺន័រ ត្រូវទុកចោលបន្ទាប់ពីអាជ្ញាធរសម្រេចបិទមន្ទីរពិសោធន៍ទាំងអស់ ដែលធ្លាប់ធ្វើតេស្តរកសំណល់សារធាតុថ្នាំគីមី ហើយបង្កឱ្យមានវិបត្តិនៅទូទាំងឧស្សាហកម្មនាំចេញផ្លែទុរេនរបស់ខេត្តដាក់ឡាក់ ប្រទេសវៀតណាម។ ប្រធានសមាគមអ្នកដាំទុរេន ក្នុងខេត្តដាក់ឡាក់ ប្រទេសវៀតណាម បាននិយាយនៅថ្ងៃទី២៤ ខែតុលា ឆ្នាំ២០២៥ថា ញត្តិសុំអន្តរាគមន៍ជាបន្ទាន់របស់សមាគនត្រូវបានផ្ញើជូនទៅកាន់នាយករដ្ឋមន្ត្រីវៀតណាម រួមទាំងក្រសួងកសិកម្ម និងបរិស្ថាន និងគណៈកម្មាធិការប្រជាជន ខេត្តដាក់ឡាក់ ដើម្បីសុំការគាំទ្រជួយដោះស្រាយចំពោះការរាំងស្ទះក្នុងការនាំចេញផលិតផលផ្លែទុរេន។ បណ្តាញសារព័ត៌មានរបស់វៀតណាម បានចេញផ្សាយថា ចាប់តាំងពីថ្ងៃទី១១ ខែតុលា ឆ្នាំ២០២៥រហូតមក កន្លែងធ្វើតេស្តរកសារធាតុគីមីពុលលើផ្លែទុរេនទាំងអស់ ត្រូវផ្អាកប្រតិបត្តិការទាំងអស់ ដូចជាឈប់ត្រួតពិនិត្យផ្លែទុរេន និងឈប់ចេញវិញ្ញាបនបត្រអនុញ្ញាតឱ្យនាំចេញ។ ការបិទចោលមន្ទីរពិសោធន៍នេះ បានបណ្តាលឱ្យ កកស្ទះផ្លែទុរេនយ៉ាងខ្លាំងនៅតាមឃ្លាំងស្តុក តាមបណ្តោយផ្លូវដឹកជញ្ជូន និងនៅជិតច្រកព្រំដែននាំចេញ ស្របពេលចូលពេលសម្រុកប្រមូលផលផ្លែទុរេនដើមរដូវរបស់ខេត្តដាក់ឡាក់ ដែលមានរយៈពេលពី២០ ទៅ៣០ថ្ងៃ។ ក្រុមហ៊ុនជាច្រើនបានឈប់ទិញផ្លែទុរេន ដូច្នេះធ្វើឱ្យតម្លៃបានធ្លាក់ចុះយ៉ាងខ្លាំង ហើយកសិករកំពុងតែដេកព្រួយគ្មានអ្នកទិញ ធ្វើឱ្យផ្លែទុរេនរបស់ខ្លួនត្រូវទុំរលួយចោលនៅក្នុងចម្ការរ។ ការចំណាយថ្លៃដើមសម្រាប់ឃ្លាំងស្តុក និងថ្លៃដឹកជញ្ជូន រួមទាំងថ្លៃឈ្នួលទូបង្កកក៏បានកើនឡើងយ៉ាងគំហុកផងដែរ ដែលក្លាយជាបន្ទុកយ៉ាងធ្ងន់ទៅលើអ្នកផលិត និងអ្នកនាំចេញផ្លែទុរេន។ សមាគមអ្នកកដាំទុរេនវៀតណាម បានព្រមានថា «ក្នុងស្ថានភាពបែបនេះមិនត្រឹមតែប៉ះពាល់ដល់កសិកររាប់ពាន់នាក់ប៉ុណ្ណោះទេ ប៉ុន្តែថែមទាំងអាចធ្វើឱ្យខូចកេរ្តិ៍ឈ្មោះឧស្សាហកម្មទុរេន និងមុខមាត់ជាតិរបស់វៀតណាមផងដែរ»។ សមាគមដដែលនេះ បានជំរុញឱ្យអាជ្ញាធរវៀតណាម​ សូមបន្តការធ្វើតេស្តរកសារធាតុសំណល់ថ្នាំគីមីឡើងវិញ ដោយផ្តល់អាទិភាពលើផ្លែទុរេនតាមទំបន់ខ្ពង់រាបនេះធ្វើជាគំរូ និងសូមត្រួតពិនិត្យឱ្យបានលឿន ព្រមទាំងផ្តល់សិទ្ធិជាបណ្ដោះអាសន្នដល់មន្ទីរពិសោធន៍ក្នុងស្រុក […]

ក្រុងដាកា៖ ប្រទេសបង់ក្លាដែសបានឯកភាពទិញស្រូវសាលីរបស់សហរដ្ឋអាម៉េរិក ប្រហែល២២០ ០០០តោន ក្រោមកិច្ចព្រមព្រៀងរវាងរដ្ឋាភិបាលប្រទេសទាំងពីរ ក្នុងគោលបំណងបន្ធូរបន្ថយភាពតានតឹងផ្នែកពាណិជ្ជកម្ម បន្ទាប់ពីការដំឡើងពន្ធនាំចូលរបស់ប្រធានាធិបតីសហរដ្ឋអាម៉េរិក លោក ដូណាល់ ត្រាំ (Donald Trump)។ យោងតាមឯកសារផ្លូវការបានឱ្យដឹងថា ស្រូវសាលីអាមេរិក ដែលមានតម្លៃត្រឹម៣០៨ដុល្លារក្នុងមួយតោននឹងនាំចូលតាមរយៈក្រុមហ៊ុនឯកជនមួយ នៅក្នុងប្រទេសសិង្ហបុរី ដែលទទួលបានការឯកភាពពីសមាគមស្រូវសាលីអាម៉េរិក។ កិច្ចព្រមព្រៀងនេះធ្វើឡើងបន្ទាប់ពីអនុស្សរណៈនៃការយោគយល់គ្នា ដែលបានចុះហត្ថលេខា កាលពីខែកក្កដា ឆ្នាំ២០២៥ សម្រាប់ប្រទេសបង់ក្លាដែស នាំចូលស្រូវសាលីពីសហរដ្ឋអាម៉េរិកចំនួន៧០០​ ០០០តោនក្នុងមួយឆ្នាំ ដើម្បីពង្រឹងទំនាក់ទំនងពាណិជ្ជកម្មរវាងប្រទេសទាំងពីរ។ ប្រទេសបង់ក្លាដែស នាពេលបច្ចុប្បន្ននេះកំពុងពឹងផ្អែកយ៉ាងខ្លាំងលើស្រូវសាលីមានតម្លៃថោកៗ នាំចូលពីតំបន់សមុទ្រខ្មៅ ចំណែកការនាំចូលគ្រាប់ធញ្ញជាតិពីសហរដ្ឋអាម៉េរិក និងកាណាដា សម្រាប់យកមកលាយបញ្ចូលគ្នាដើម្បីលើកកម្ពស់គុណភាព។ ក្រុមមន្ត្រីបាននិយាយថា កិច្ចព្រមព្រៀងនេះ  ធ្វើឡើងក្នុងគោលបំណងកាត់បន្ថយឱនភាពពាណិជ្ជកម្មរបស់ប្រទេសបង់ក្លាដែសចំនួន៦ ០០០លានដុល្លារ ជាមួយសហរដ្ឋអាម៉េរិក និងស្វែងរកការអនុគ្រោះបន្ថែមទៀតសម្រាប់ការនាំចេញសម្លៀកបំពាក់ទៅកាន់សហរដ្ឋអាម៉េរិក។ ប្រទេសបង់ក្លាដែសទទួលបានការកាត់បន្ថយពន្ធរបស់សហរដ្ឋអាម៉េរិកលើការនាំចេញពី៣៧ភាគរយ មកត្រឹម២០ភាគរយ ដោយផ្តល់ការអនុគ្រោះច្រើនដល់អ្នកនាំចេញសម្លៀកបំពាក់របស់ប្រទេសបង់ក្លាដែស។ ទន្ទឹមនឹងការទិញស្រូវសាលីពីសហរដ្ឋអាម៉េរិក រដ្ឋាភិបាលបង់ក្លាដែស កំពុងតែបង្កើនការនាំចូលផលិតផលកសិកម្មផ្សេងទៀត ដូចជាសណ្តែកសៀង និងកប្បាស ព្រមទាំងបានបញ្ជាទិញយន្តហោះចំនួន២៥គ្រឿងពីក្រុមហ៊ុន Boeing ផងដែរ៕

ហាណូយ៖ ការផ្លាស់ប្តូរការដាំដុះដំណាំស្រកានាគសរីរាង្គរបស់កសិករវៀតណាម គឺជាការផ្លាស់ប្តូរពីកសិកម្មតម្រង់ទិសផលិតភាព ទៅជាកសិកម្មសេដ្ឋកិច្ច ដែលទាមទារការវិនិយោគ និងហានិភ័យទាប ប៉ុន្តែផ្តល់នូវប្រសិទ្ធភាពខ្ពស់ជាងមុន។ ខណៈពេលកសិករវៀតណាមជាច្រើនជួបការលំបាកចំពោះតម្លៃកសិផល ដែលមិនស្ថិតស្ថេរចំពេលមានការប្រែប្រួលទីផ្សារ សហគមន៍ និងអ្នកដាំដំណាំស្រកានាគមួយចំនួននៅក្នុង តាយ នីញ  (Tay Ninh) ប្រទេសវៀតណាម អាចរក្សាបានប្រាក់ចំណេញជាប់លាប់ ដោយបន្តអនុវត្តតាមវិធីសាស្រ្តផលិតកម្មស្អាត ដែលបំពេញតាមស្តង់ដារតឹងរឹងនៃតម្រូវការទីផ្សារ។ នៅតំបន់ដាំដុះផ្លែស្រកានាគនេះ កសិករភាគច្រើនបានស្គាល់ដំណើរការរបស់ការអនុវត្តកសិកម្មល្អរបស់វៀតណាម (Good Agricultural Practice)។ ទោះបីជាយ៉ាងណាក៏ដោយ ដើម្បីបង្កើនតម្លៃផលិតផល និងពង្រីកទីផ្សារ គ្រួសារកសិករជាច្រើនបានបន្តផ្លាស់ប្តូរទៅរកស្តង់ដារសរីរាង្គ ដើម្បីបំពេញតម្រូវការរបស់អ្នកនាំចេញទៅកាន់ទីផ្សារប្រទេសជប៉ុន និងទីផ្សារសហភាពអឺរ៉ុប។ ជាលទ្ធផល ការយល់ដឹងរបស់កសិករវៀតណាមអំពីការអនុវត្តកសិកម្មល្អ បានធ្វើឱ្យការដាំដុះល្អប្រសើរឡើង គុណភាពផលិតផលកាន់តែស៊ីសង្វាក់គ្នា និងប្រសិទ្ធភាពសេដ្ឋកិច្ចកាន់តែមាននិរន្តរភាព។ កសិករវៀតណាមម្នាក់ ដែលធ្វើ​កសិកម្ម​សរីរាង្គអស់រយៈ​ជាង​១២ឆ្នាំកន្លង​មក​ហើយ ដែលពេលនោះមានមនុស្សជាច្រើននៅចិត្តស្ទាក់ស្ទើរ ប៉ុន្តែគាត់បានបង្កើតផែនទីបង្ហាញផ្លូវបីដំណាក់កាល គឺការពិសោធន៍ ការធ្វើតេស្តជី និងការបញ្ចប់ដំណើរការ។ តាមរយៈការដឹកនាំ និងបង្ហាញពីប្រសិទ្ធភាព គាត់បានបញ្ចុះបញ្ចូលអ្នកដទៃឱ្យផ្លាស់ប្តូរផ្នត់គំនិត និងទម្លាប់របស់ពួកគាត់។ យោងតាមកសិករម្នាក់នេះ​ បានឱ្យដឹងថា បញ្ហាប្រឈមធំបំផុតមិនស្ថិតនៅលើបច្ចេកទេសទេ ប៉ុន្តែនៅក្នុងទីផ្សារ។ កង្វះខាតទិន្នផលមានស្ថិរភាព បានធ្វើឱ្យកសិករមានការខកចិត្ត។ ទោះបីជាយ៉ាងណាក៏ដោយ បទពិសោធន៍ជាង១២ឆ្នាំ បានបង្ហាញថា […]

ហាណូយ៖ អាជ្ញាធរ​នៅ​ភាគ​ខាងជើង​ប្រទេស​វៀតណាម​ បាន​ចាប់ខ្លួន​ម្ចាស់​​សត្តឃាត​មួយកន្លែង ​ដោយ​ចោទប្រកាន់​ពី​បទ​លួចស្តុកទុកដោយខុសច្បាប់នូវសាច់​ជ្រូក​ឆ្លង​មេរោគ​ប៉េស្ត​​អាហ្វ្រិកចំនួនជិត​៣៨​តោន ​ដើម្បី​លក់​យក​ចំណេញ ដោយមិនខ្វល់ពីសុខភាពអ្នកបរិភោគ។ សារព័ត៌មានវៀតណាម អេចប្រេស​ បានផ្សាយថា នគរបាលខេត្ត ភូថក (Phu Tho) ក្បែរទីក្រុងហាណូយ ប្រទេសវៀតណាម​ កាលពីថ្ងៃទី២១ ខែតុលា ឆ្នាំ២០២៥ បាននិយាយថា ម្ចាស់សត្តឃាតជ្រូកមួយកន្លែង ឈ្មោះ ផាន់ វ៉ាន់ផុង (Phan Van Phong) អាយុ៦០ឆ្នាំ ត្រូវបានចាប់ខ្លួន និងចោទប្រកាន់ពីបទរំលោភលើច្បាប់ស្តីពីសុវត្ថិភាពចំណីអាហារ បន្ទាប់ពីអ្នកស៊ើបអង្កេតបានរកឃើញឃ្លាំងបង្កកសាច់ជ្រូកប្រាំកន្លែងពោរពេញដោយសាច់ជ្រូក ដែលមាន​មេរោគ​ប៉េស្ត​ជ្រូក​អាហ្វ្រិក។ យោងតាមភ្នាក់ងារស៊ើបអង្កេត បានបញ្ជាក់ថា ក្នុងឆ្នាំ២០២៥នេះ ​មេរោគ​ប៉េស្ត​ជ្រូក​អាហ្វ្រិកបានឆ្លងរាលដាលស្ទើរគ្រប់កសិដ្ឋានចិញ្ចឹមជ្រូក​ក្នុងប្រទេសវៀតណាម រហូតធ្វើឱ្យកសិករប្រញាប់ប្រញាល់លក់ជ្រូក រាប់ទាំងជ្រូកងាប់ដោយសារជំងឺឆ្លងផងដែរ។ ចំណែកសត្តឃាតជ្រូកខ្លះ បានទិញជ្រូកមានជំងឺមកកាប់យកសាច់លក់ក្នុងតម្លៃទាបបំផុត ឬបង្កកទុក ហើយរងចាំឱកាសល្អលក់ចេញតែម្តង។ នគរបាលវៀតណាម បានបញ្ជា់ថា ក្រុមអាជីវករ និង​ម្ចាស់សត្តឃាតមួយចំនួន រួមទាំងជនសង្ស័យខាងលើនេះ ​បានឆ្លៀតឱកាស​កេងចំណេញ​ពី​ជ្រូកងាប់ ដោយលួច​បង្កក​សាច់ទុក​លក់​បន្ត​នៅ​ពេលណាមួយ ចំណែកឈ្មួញខ្លះថែមទាំងដឹកជ្រូកឈឺពីតំបន់ផ្ទុះមេរោគឆ្លងរាលដាលទៅកាន់តំបន់ផ្សេងទៀត ដើម្បីគេចពីការបំផ្លាញចោល។ ការធ្វើតេស្តរបស់មន្ត្រីវៀតណាម បានបញ្ជាក់ថា សំណាកសាច់ជ្រូកទាំងអស់ ដែលយកចេញពីឃ្លាំងបង្កកសុទ្ធតែផ្ទុកមេរោគប៉េសជ្រូកអាហ្វ្រិក។ ជំងឺប៉េស្តជ្រូកអាហ្រ្វិក […]

ហ្សានស៊ី៖ អាជ្ញាធរគយចិន នៅក្នុងខេត្តហ្សានស៊ី បានណែនាំប្រព័ន្ធត្រួតពិនិត្យពីចម្ងាយសម្រាប់ការនាំចេញផ្លែឈើ ដោយកាត់បន្ថយពេលវេលាអនុញ្ញាតឱ្យនាំចូល និងបន្ថយថ្លៃដឹកជញ្ជូនរបស់អ្នកនាំចេញ។ ប្រព័ន្ធត្រួតពិនិត្យថ្មីនេះ អនុញ្ញាតឱ្យធ្វើប្រតិវេទ ការត្រួតពិនិត្យ និងបញ្ចេញទំនិញនៅថ្ងៃតែមួយ តាមរយៈវីដេអូដំណភ្ជាប់រវាងពាណិជ្ជករ និងមន្ត្រីគយ។ យោងតាមសារព័ត៌មាន ហ្សានស៊ី ដេលី របស់ចិន បានឱ្យដឹងថា កាលពីពេលថ្មីៗនេះ ក្រុមបច្ចេកទេសបានភ្ជាប់ទំនាក់ទំនងជាមួយមន្ត្រីគយតាមរយៈការហៅជាវីដេអូ ដើម្បីបញ្ចប់ការត្រួតពិនិត្យការនាំចូលផ្លែទំពាំងបាយជូរស្រស់ទម្ងន់ជាង១៥តោន នាំចេញទៅកាន់ប្រទេសឥណ្ឌូនេស៊ី។ នេះ​ជា​ការ​ត្រួតពិនិត្យពីចម្ងាយលើកដំបូងលើផ្លែឈើ​នាំ​ចេញពីប្រទេសចិន​ ​ដែលត្រូវ​បាន​ធ្វើ​នៅ​ខេត្តហ្សានស៊ី ដោយ​ប្រើប្រព័ន្ធ​ត្រួត​ពិនិត្យ​ពីចម្ងាយរវាងពាណិជ្ជករចិន និងភ្នាក់ងារគយឥណ្ឌូណេស៊ី។ គំរូត្រួតពិនិត្យពីចម្ងាយត្រូវបានបង្កើតឡើងដោយអគ្គរដ្ឋបាលគយចិន សម្រាប់ជួយពិនិត្យមើលដំណើរការនាំចេញតាមប្រព័ន្ធអ៊ីនធឺណិត ដែលគាំទ្រដោយអ្នកបច្ចេកទេសនៅនឹងកន្លែង និងប្រើបញ្ញាសិប្បនិម្មិតដ៏ឆ្លាតវៃ។  ជាមួយនឹងប្រព័ន្ធថ្មីនេះ អ្នកនាំចេញលែងត្រូវរង់ចាំការចុះពិនិត្យមើលជាក់ស្តែងទៀតហើយ។ គេអាចចាប់ផ្តើម និងបញ្ចប់ដំណើរការត្រួតពិនិត្យដោយផ្ទាល់ពីឧបករណ៍ចល័តនៅក្នុងថ្ងៃតែមួយ ឬរហ័សទាន់ចិត្ត។ កាលពីមុន ការកំណត់ពេល និងធ្វើអធិការកិច្ចដោយផ្ទាល់របស់មន្ត្រីគយ ជាធម្មតាត្រូវការរយៈពេលយ៉ាងឆាប់មួយថ្ងៃ ឬពីរថ្ងៃ។ ប៉ុន្តែសម្រាប់ប្រព័ន្ធត្រួតពិនិត្យតាមវីដេអូពីចម្ងាយ បានកាត់បន្ថយពេលវេលាមកត្រឹមប្រហែល២០នាទីប៉ុណ្ណោះ ដែលអនុញ្ញាតឱ្យមានការប្រកាស ត្រួតពិនិត្យ និងបញ្ចេញទំនិញក្នុងថ្ងៃតែមួយ។  ម៉ូដែលនេះជួយកាត់បន្ថយសម្ពាធផ្នែកដឹកជញ្ជូន កាត់បន្ថយការចំណាយលើការលើកដាក់ និងជួយរក្សាគុណភាពផ្លែឈើឱ្យនៅល្អក្នុងពេលដឹកជញ្ជូន។ ដើម្បីអនុវត្តប្រព័ន្ធនេះ មន្ត្រីគយបានបង្កើតក្រុមជំនាញ ដែលធ្វើតេស្តកម្មវិធី ដើម្បីធានាបាននូវស្ថេរភាពប្រតិបត្តិការ។  ភ្នាក់ងារគយចិនក៏បានជួយដល់ក្រុមបច្ចេកទេសក្នុងការដំឡើង និងកំណត់រចនាសម្ព័ន្ធកម្មវិធីទូរស័ព្ទដៃផងដែរ។ ចំណែក វិធានការសម្របសម្រួលបន្ថែម […]

កូឡុំបូ៖ ប្រទេសស្រីលង្កាកំពុងរៀបចំពង្រឹងការដាំដុះបន្លែ និងផ្លែឈើសរីរាង្គ ដើម្បីឆ្លើយតបទៅនឹងបទប្បញ្ញត្តិស្តីពីនិរន្តរភាព នាពេលខាងមុខរបស់សហភាពអឺរ៉ុបសម្រាប់ការនាំចូលផលិតផលកសិកម្មពីប្រទេសស្រីលង្កា។ សហភាពអឺរ៉ុបកំពុងតែបង្កើតច្បាប់ថ្មី ដែលនឹងតម្រូវឱ្យអ្នកនាំចេញបន្លែផ្លែឈើ ត្រូវបំពេញតាមស្តង់ដារប្រកបដោយនិរន្តរភាពកាន់តែតឹងរ៉ឹង ដើម្បីរក្សាលទ្ធភាពនាំចូលទៅកាន់ទីផ្សារអឺរ៉ុប នៅប៉ុន្មានឆ្នាំខាងមុខទៀតនេះ។ ប្រធានក្រុមប្រឹក្សាអភិវឌ្ឍន៍ការនាំចេញស្រីលង្កា បានមានប្រសាសន៍ថា ប្រទេសស្រីលង្កាកំពុងតែផ្តល់អាទិភាពដល់ផលិតកម្មសរីរាង្គ ដែលជាផ្នែកមួយនៃយុទ្ធសាស្ត្រនាំចេញរបស់ខ្លួន។ លោកបានមាប្រសាសន៍ថា «ទីផ្សារពិភពលោកបច្ចុប្បន្នសម្រាប់ផលិតផលកសិកម្មសរីរាង្គមានតម្លៃប្រហែល១៥០ពាន់លានដុល្លារ ហើយត្រូវបានគេព្យាករណ៍ថា នឹងកើនឡើងរហូតដល់៦៥០ពាន់លានដុល្លារនៅឆ្នាំ២០៣៤។ ដូច្នេះ​ ប្រសិនបើប្រទេសស្រីលង្កាចង់ចាប់យកចំណែកទីផ្សារបានខ្លះ យើងត្រូវអភិវឌ្ឍវិស័យកសិកម្មសរីរាង្គរបស់យើង។ ក្រុមប្រឹក្សាអភិវឌ្ឍការនាំចេញបានធ្វើអន្តរាគមន៍ក្នុងបញ្ហានេះរួចហើយ»។ លោកប្រធានក្រុមប្រឹក្សាអភិវឌ្ឍន៍ បានកត់សម្គាល់ថា ប្រហែលពាក់កណ្តាលនៃតម្រូវការជាសកលសម្រាប់ផលិតផលសរីរាង្គនឹងមកពីរដ្ឋជាសមាជិកសហភាពអឺរ៉ុប និងចក្រភពអង់គ្លេស។ លោក​បាន​បន្ត​ថា បច្ចុប្បន្ន​ប្រទេស​ស្រីលង្កា​មាន​កសិករ​ប្រមាណពីរម៉ឺន​នាក់​កំពុងតែ​ដាំបន្លែផ្លែឈើនៅ​លើ​ផ្ទៃដីទំហំ២៨ ៣០០ហិកតា ​ជា​លក្ខណៈ​សរីរាង្គទាំងអស់​សម្រាប់​ផ្គត់ផ្គងការ​នាំ​ចេញទៅកាន់ទីផ្សារក្រៅប្រទេស ជាពិសេសសម្រាប់ទីផ្សារសហភាពអឺរ៉ុប។ ក្រុមប្រឹក្សាអភិវឌ្ឍការនាំចេញស្រីលង្កាមានគោលបំណងបង្កើនតំបន់ដាំដុះបែបសរីរាង្គ ក្រោមផែនការសកម្មភាពអភិវឌ្ឍន៍ការនាំចេញ ដើម្បីឱ្យស្របតាមតម្រូវការរបស់សហភាពអឺរ៉ុប នាពេលអនាគត និងនិន្នាការទីផ្សារអន្តរជាតិផងដែរ។ គំនិតផ្តួចផ្តើមនេះ គឺជាផ្នែកមួយនៃការកែទម្រង់រដ៏ធំដើម្បីសម្របខ្លួនទៅនឹងគោលនយោបាយនិរន្តរភាពជាសកល និងលើកកម្ពស់កសិកម្មប្រកបដោយការទទួលខុសត្រូវចំពោះបរិស្ថាន។  កសិកម្មសរីរាង្គត្រូវបានកំណត់ថា ជាវិធីសាស្រ្តកសិកម្ម ដែលជៀសវាងធាតុចូលសំយោគ និងពឹងផ្អែកលើសារធាតុ និងដំណើរការបែបធម្មជាតិ។ ចំណែកគណៈកម្មការអឺរ៉ុប បានកំណត់គោលដៅនៃការបំប្លែង២៥ភាគរយនៃដីកសិកម្មរបស់សហភាពអឺរ៉ុប ឱ្យក្លាយទៅជាផលិតកម្មសរីរាង្គនៅឆ្នាំ២០៣០ ដែលជាគោលនយោបាយត្រូវគេរំពឹងថា នឹងមានឥទ្ធិពលលើខ្សែសង្វាក់ផ្គត់ផ្គង់នៅតាមបណ្តាប្រទេសនាំចេញ។  ដូច្នេះផែនការរបស់ប្រទេសស្រីលង្កាក្នុងការពង្រីកមូលដ្ឋានកសិកម្មសរីរាង្គរបស់ខ្លួន ដោយអនុលោមតាមស្តង់ដារនាំចូលទាំងនេះ ដើម្បីផ្តល់ឱកាសដល់ប្រទេសនាំចេញទទួលបានអត្ថប្រយោជន៍ពីកំណើនជាអន្តរជាតិសម្រាប់ផលិតផលសរីរាង្គ៕