ជាតិ

ដោយ ឡុង សារេត ភ្នំពេញ​៖ សមាគម​បណ្តាញកសិករ និងធម្មជាតិ រួមជាមួយ​ដៃគូ​​ផ្សេងទៀត នៅថ្ងៃទី​១៨ ខែវិច្ឆិកា ឆ្នាំ​២០២៥នេះ បានរៀបចំសិក្ខាសាល​​បូកសរុបលទ្ធផល “គម្រោងកម្មវិធី​កសិករអាស៊ីប៉ាស៊ីហ្វិក” រយៈពេល​ប្រាំឆ្នាំ​ (​​២០២១-​២០២៥) ដើម្បីបង្ហាញ​ពីសកម្មភាព​ និងលទ្ធផល​ ដែលសម្រេចតាមរយៈការអនុវត្តគម្រោង​​​របស់ខ្លួន​។ ពិធី​នេះធ្វើឡើងនៅសណ្ឋាគារ សាន់វេ ​ដោយមានការអញ្ចើញចូលរួមជាកិត្តិយស​ពីលោក និល សុភាព ​ប្រធានគណៈកម្មការពិគ្រោះយោបល់នៃគម្រោងកម្មវិធីកសិករអាស៊ីប៉ាស៊ីហ្វិក​ លោក តូច ប៉ូច ប្រធានការិកាល័យអភិវឌ្ឍន៍សហគមន៍ ខេត្តកំពង់ឆ្នាំង លោក លឹម ចាន់ណា ប្រធានការិយាល័យនីតិកម្មកសិកម្ម ខេត្តតាកែវ លោក ប៉ាន សុភាព នាយកប្រតិបត្តិសមាគមបណ្តាញកសិករ និងធម្មជាតិ លោក ស៊ឺ រ៉ានី ប្រធានក្រុមប្រឹក្សាភិបាលសមាគម​បណ្តាញកសិករ និងធម្មជាតិ​​។ លោក ស៊ឺ រ៉ានី ​ប្រធានក្រុមប្រឹក្សាភិបាលសមាគម​បណ្តាញកសិករ និងធម្មជាតិ​ បានឱ្យដឹង​ថា គម្រោងកម្មវិធីកសិករអាស៊ីប៉ាស៊ីហ្វិក ដែល​​មានរយៈពេល​ប្រាំឆ្នាំ​ អនុវត្តដោយ​​​អង្គការថ្នាក់ជាតិ​ចំនួន​ប្រាំមួយ គាំទ្រដល់កសិករ​ជាសមាជិក​​មានជាង​​១៤​ម៉ឺននាក់​ ​ ក្នុងនោះមានសហគមន៍កសិកម្មចំនួន​៣៤១ […]

ដោយ ឡុង សារេត​ រាជធានីភ្នំពេញ​៖ អ្នកបច្ចេកទេស​នៅក្នុងវិស័យកសិកម្ម​ក្នុងស្រុក​មួយ​​រុប បានមើលឃើញថា​ កសិករ​ដែល​ខ្វះការយល់ដឹង​ពីផលិតផល​ ក៏ដូចជាបច្ចេកទេស​ប្រើប្រាស់​​ជី និងថ្នាំគីមី​​នេះ អាចនិងធ្វើឱ្យកសិករប្រឈមការខាតបង់ប្រាក់ច្រើន​​នៅក្នុងវិស័យកសិកម្ម​នាពេលបច្ចុប្បន្ន​នេះ។​ នៅក្នុងវេទិកា និងពិព័រណ៍​កសិកម្មកម្ពុជា ​ឆ្នាំ២០២៥ កន្លងមកនេះ លោក មៀច សំណាង អគ្គនាយកប្រតិបត្តិក្រុមហ៊ុន វីហ្គើ អេហ្រ្គីបាយអូថេក​ បានឱ្យដឹង​ថា​ ក្នុងនាមលោក​​ជាអ្នកបច្ចេកទេសក្នុងវិស័យកសិកម្ម លោកមើលឃើញថា ​​ការធ្វើកសិកម្ម​​ កសិករតែងជួបបញ្ហា​​ ឬបាន​ចំណាយប្រាក់ជា​ច្រើន​ទៅលើការទិញជី និងថ្នាំគីមី​ យកទៅប្រើប្រាស់លើដំណាំរបស់ខ្លួន​។​ លោក មៀច សំណាង ​អះអាងថា ការចំណាយប្រាក់ច្រើន​ទៅលើការប្រើប្រាស់ជី និងថ្នាំគីមី របស់កសិករ​បែបនេះ​ គឺជា​មូលហេតុចម្បង​ពាក់ព័ន្ធនិងប្រសិទ្ធភាព​ជី ថ្នាំ​ និង​ខ្វះការយល់ដឹងពីបច្ចេកទេសពីការប្រើប្រាស់​។ បើកសិករ​មិនយល់ដឹង​ច្បាស់លាស់ទៅលើ​ចំណុចទាំងនេះ​តម្រូវឱ្យកសិករចំណាយប្រាក់​ច្រើន​ដង​លើការទិញជី និងថ្នាំ​។ លោកបានលើកឡើង​ទៀតថា ដើម្បីកាត់បន្ថយការចំណាយខុសលើជី និងថ្នាំ​គីមី​​ នៅក្នុងវិស័យកសិកម្ម សម្រាប់កសិករ​​៖ ទី​១)-កសិករ​​ត្រូវ​ស្វែងរក​ក្រុមហ៊ុន​ ដែលផ្តល់ទំនុកចិត្ត​ខ្ពស់សម្រាប់ខ្លួនឯងក៏ដូចកសិករផ្សេងទៀត​, ទី២)-កសិករត្រូវប្រឹក្សាជាមួយអ្នកបច្ចេកទេស​មុននឹងប្រើប្រាស់ រាប់តាំងពីពេលវេលា បរិមាណ​ និង​បច្ចេកទេសប្រើប្រាស់ជី និងថ្នាំ ​​ដើម្បីធានាបាន​ថា​ជី ក៏ដូចជា​​ថ្នាំ​គីមី​ទាំងនេះ​ប្រើទៅលើដំណាំរបស់ខ្លួន​មានប្រសិទ្ធភាពសម្រាប់ការពារសត្វល្អិត និងទី៣)-កសិករអាចស្វែងរកការប្រឹក្សាពីមន្ត្រី​ក្រសួងកសិកម្ម […]

ភ្នំពេញ៖ ផ្សារផលិតផលខ្មែរខេត្តត្បូងឃ្មុំ និងផ្សារផលិតផលខ្មែរ ខេត្តតាកែវបាននឹងកំពុងដំណើរការលក់កសិផល ផលិតផលខ្មែរ រួមមាន បន្លែ ផ្លែឈើ អង្ករ និងគ្រឿងទេសជាច្រើនមុខ ដែលបានដាំដុះ និងកែច្នៃដោយកសិករ និងផលិតករខ្មែរ នៅរៀងរាល់ថ្ងៃសុក្រ-សៅរ៍ ចាប់ពីម៉ោង៥ព្រឹក ដល់ ១១ថ្ងៃត្រង់ដែលមានទីតាំងនៅបរិវេណមន្ទីរពាណិជ្ជកម្មខេត្ត។ ផ្សារផលិតផលខ្មែរ ខេត្តត្បូងឃ្មុំ គឺស្ថិតនៅជាប់របងទីស្នាក់ការគណបក្សប្រជាជនកម្ពុជា ស្ថិតនៅភូមិសួងលិច សង្កាត់សួង ក្រុងសួង ខេត្តត្បូងឃ្មុំ។ ដោយឡែកផ្សារផលិតផលខ្មែរខេត្តតាកែវ ក៏បាននិងកំពុងដំណើរលក់កសិផល និងផលិតផលខ្មែរ ដែលបានដាំដុះ និងកែច្នៃដោយកសិករ ផលិតករ និងសិប្បករខ្មែរ នៅក្នុងខេត្តតាកែវ នៅរៀងរាល់ថ្ងៃសៅរ៍-អាទិត្យ​ចាប់ពីម៉ោង៦និង៣០នាទីព្រឹក រហូតដល់ម៉ោង៦ល្ងាច ដែលមានទីតាំងនៅបរិវេណសួនច្បារមាត់បឹងតាកែវ​ ទល់មុខមហោស្រពខេត្តតាកែវ។ សូមបញ្ជាក់ថា ក្រោមការដឹកនាំ និងការគាំទ្ររបស់ក្រសួងពាណិជ្ជកម្ម និងការសម្របសម្រួលផ្តល់ទីតាំងរបស់រដ្ឋបាលខេត្ត មន្ទីរពាណិជ្ជកម្មខេត្តត្បូងឃ្មុំ ក្រោមគម្រោងជំរុញទីផ្សារសម្រាប់កសិកម្មខ្នាតតូច (AIMS) នៃក្រសួងពាណិជ្ជកម្ម បានរៀបចំ និងដាក់ឲ្យដំណើរការផ្សារលក់ផលិតផលខ្មែរ ចាប់តាំងពីឆ្នាំ២០១៩ រហូតមកដល់បច្ចុប្បន្ន។ ផ្សារផលិតផលខ្មែរនេះ មានគោលបំណងផ្ដល់ឱកាសទីផ្សារបន្ថែមដល់កសិករ ផលិតករ អាជីវករខ្នាតតូច តំណាងពីក្រុមកសិករផលិត និងជាការតភ្ជាប់ទំនាក់ទំនងទីផ្សារឱ្យកាន់តែប្រសើរដល់ក្រុមផលិត ដែលអាចរកប្រាក់ចំណូល […]

ដោយ ឡុង សារេត រាជធានីភ្នំពេញ៖ ​ ​​ ក្នុងពិធីបើកទិវាសហគ្រិនភាព កម្ពុជា​ឆ្នាំ​២០២៥​ ដ៏មានសារៈសំខាន់ និងមានអត្ថន័យ កាលថ្ងៃទី១៤ ខែវិច្ឆិកា ឆ្នាំ២០២៥​ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនគារអភិវឌ្ឍន៍ជនបទ និងកសិកម្ម (ARDB) ​បាន​ផ្តល់ជាអនុសាសន៍គន្លឹះសំខាន់ៗ សម្រាប់សហគ្រិនអាចពិនិត្យលទ្ធភាពរបស់ខ្លួន និងពិចារណា​ក្នុងការវិនិយោគដើម្បីអនាគតសេដ្ឋកិច្ចរីកចម្រើននៅក្នុងប្រទេសកម្ពុជា។ នៅក្នុងដំណើរឆ្ពោះទៅរកចក្ខុវិស័យឆ្នាំ២០៣០ សហគ្រិនកម្ពុជា នៅតែជាចរន្តឈាមដ៏មានសារៈសំខាន់ក្នុងប្រព័ន្ធសេដ្ឋកិច្ចកម្ពុជា ពោល​ គឺសហគ្រិននឹងនៅតែជាតួអង្គ ដែលមានថាមពលគ្រប់ខ្សែច្រវាក់តម្លៃសេដ្ឋកិច្ច ដោយបង្កើនសកម្មភាពសេដ្ឋកិច្ច បង្កើនពិពិធកម្មនិងភាពធន់ បង្កើននវានុវត្តន៍ និងជំរុញបរិយាបន្ន។ បន្ថែមពីនេះ, ឯកឧត្តមបណ្ឌិតប្រតិភូ​ បានមានប្រសាសន៍ថា ការអភិវឌ្ឍមូលធនមនុស្សក៏សំដៅដល់ការអនុញ្ញាតឱ្យប្រជាជនកម្ពុជានៅតាមជនបទអាចទទទួលបានចំណេះដឹង ដែលជាធាតុចូលដ៏សំខាន់សម្រាប់កសាងសហគ្រាសឱ្យកាន់តែរឹងមាំថែមទៀត ស្របពេលបច្ចុប្បន្ននេះ, ប្រទេសកម្ពុជាមានប្រមាណជា៦៥% នៃប្រជាជនសរុប ដែលមានអាយុក្រោម៣០ឆ្នាំ គឺជាកត្តាលីករដ៏សំខាន់សម្រាប់ការផ្គត់ផ្គង់កម្លាំងពលកម្មដល់សហគ្រាស និងអាជីវកម្ម។ ប្រសិនបើមានការវិនិយោគទៅលើកម្លាំងពលកម្ម​ ដើម្បីបង្កើនផលិតភាពការងារ នោះនាពេលអនាគតប្រទេសកម្ពុជានឹងមានភាពប្រកួតប្រជែងខ្ពស់។ ដូច្នេះ​​ សម្រាប់សហគ្រិន អាចពិនិត្យលទ្ធភាពរបស់ខ្លួន និងពិចារណា​ក្នុងការវិនិយោគរបស់ ដើម្បីអនាគតសេដ្ឋកិច្ចរីកចម្រើននៅក្នុងប្រទេសកម្ពុជា​ ឯកឧត្តមបណ្ឌិត កៅ ថាច​​​ បាន​ផ្តល់ជាអនុសាសន៍គន្លឹះសំខាន់ៗ​​ […]

ភ្នំពេញ៖ នៅតាមបណ្តារោងចក្រម៉ាស៊ីនក្នុងស្រុកមួយចំនួន បាននិងកំពុងតែបង្កើនលទ្ធផលភាពប្រមូលទិញស្រូវពីកសិករ ក្នុងរដូវច្រូតកាត់ចុងឆ្នាំ២០២៥ និងដើមឆ្នាំ២០២៦នេះឱ្យបានច្រើនបំផុត ដើម្បីដោះស្រាយបញ្ហាទីផ្សារកកស្ទះស្រូវរបស់ប្រជាកសិករ ខណៈតម្លៃស្រូវប្រភេទខ្លះបាន​ងើបឡើងវិញ។ ជាក់ស្តែងនៅរោងម៉ាស៊ីនកិនស្រូវ ឡាយសែ របស់ក្រុ​មហ៊ុន​ ស៊ីធី រ៉ាយស៍កាលពីថ្ងៃទី១៣ ខែវិច្ឆិកា ឆ្នាំ២០២៥នេះ បានប្រកាសប្រមូលទិញស្រូវរំដួលពីកសិករយ៉ាងសកម្ម​ ​និងទិញឱ្យបានច្រើនបំផុត ​ដើម្បីជួយសម្រួលដល់កសិករ​មិនឲ្យប្រឈមនឹងបញ្ហាក្នុងការរកទីផ្សារលក់ស្រូវ។ ​​ទាក់ទងនិងបញ្ហានេះ ឧកញ៉ា ឡាយ ឈុនហួ ប្រធានសហព័ន្ធស្រូវអង្ករ​កម្ពុជា និងជាម្ចាស់ក្រុមហ៊ុន ​ស៊ីធី រ៉ាយស៍ បានមានប្រសាសន៍ថា ក្រុមហ៊ុន ក្រុ​មហ៊ុន​ ស៊ីធី រ៉ាយស៍បានចាប់ផ្តើមប្រមូលទិញស្រូវរំដួលពីកសិករ ចាប់តាំងពីថ្ងៃទី១ ខែវិច្ឆិកា ឆ្នាំ២០២៥ មក ដែលមកទល់ពេលនេះ ប្រមូលទិញបានប្រមាណ២ម៉ឺន៥ពាន់តោន។ ឧកញ៉ា ឡាយ ឈុនហួ លើកឡើងថា សម្រាប់បច្ចុប្បន្ននេះ ក្រុមហ៊ុនកំពុងតែផ្តោតតែលើការប្រមូលទិញស្រូវរំដួលប៉ុណ្ណោះ ដោយសារ​វាជាប្រភេទពូជស្រូវយុទ្ធសាស្រ្តរបស់កម្ពុជា និងដើម្បីរក្សាតម្លៃពូជស្រូវប្រភេទនេះ ឱ្យមានតម្លៃល្អ ​ចៀសវាងកុំឱ្យមានការធ្លាក់ចុះដូចប្រភេទស្រូវផ្សេងទៀត ដោយសម្រាប់រដូវច្រូតកាត់ឆ្នាំនេះ ក្រុមហ៊ុនមានផែនការប្រមូលទិញស្រូវផ្ការំដួល (សើម) ពី៦ម៉ឺនតោន ទៅ៧ម៉ឺន​តោន។ ឧកញ៉ាបានបន្ថែមថា បច្ចុប្បន្ននេះតម្លៃស្រូវផ្ការំដួល​ល្អប្រសើរជាងមុន ដោយកាលពីដើមរដូវមានតម្លៃក្នុងរង្វង់៩៥០ដល់៩៧០រៀល ក្នុងមួយគីឡូក្រាម […]

ភ្នំពេញ៖ តាមរយៈកម្មវិធី CAPRED អូស្ត្រាលី បាននិងកំពុងគាំទ្រក្រុមហ៊ុន HESED Agricultural Trading ដែលជាក្រុមហ៊ុនផលិតផ្លែឈើសម្ងួតនៅកម្ពុជា ដើម្បីបង្កើនគុណភាពក្នុងដំណើរការផលិត និងអភិវឌ្ឍផលិតផល ដែលមានតម្លៃបន្ថែមសម្រាប់ទីផ្សារក្នុងស្រុក និងអន្តរជាតិ។ ក្រុមហ៊ុន HESED ទើបតែបានទទួលបានពានរង្វាន់  Great Taste Awards ដ៏មានកិត្យានុភាពចំនួនបីរង្វាន់ ដែលរួមមានពានរង្វាន់ផ្កាយ៣ ដែលត្រូវបានជ្រើសរើសក្នុងចំណោមក្រុមហ៊ុនជាង១៤០០០ សម្រាប់ដំណាប់ស្វាយសម្ងួតធម្មជាតិសុទ្ធ១០០ភាគរយ។ ក្រុមហ៊ុននេះទិញវត្ថុធាតុដើមពីកសិករក្នុងស្រុកដោយផ្តល់តម្លៃសមរម្យ ហើយបានណែនាំពូជស្វាយកែវរមៀត ដែលជាពូជពិសេសរបស់កម្ពុជា ទៅកាន់ពិភពលោក។ ប្រទេសអូស្ត្រាលីប្តេជ្ញាជួយធុរកិច្ចកម្ពុជាឱ្យកាន់តែមានសមត្ថភាពប្រកួតប្រជែង ដើម្បីរួមចំណែកដល់កំណើនសេដ្ឋកិច្ចប្រកបដោយភាពធន់ បរិយាបន្ន និងនិរន្តរភាព។ កន្លងទៅថ្មីៗនេះ ប្រទេសអូស្ត្រាលី និងកម្ពុជាបានប្រារព្ធពិធីអបអរសាទរនូវកំណើនពាណិជ្ជកម្មរវាងប្រទេសទាំងពីរ ស្របពេលក្រុមហ៊ុន រ៉ូយ៉ាល់ ត្រាស់ ត្រេឌីង ខូ អិលធីឌី (RTT) របស់កម្ពុជា បានបើកការនាំចេញនូវគ្រាប់ធញ្ញជាតិ និងផ្លែឈើក្រៀមជាផ្លូវការលើកដំបូងទៅកាន់ប្រទេសអូស្ត្រាលី។ កិច្ចព្រមព្រៀងនេះ អាចសម្រេចទៅបានក្រោមកិច្ចគាំទ្រយ៉ាងខ្លាំងពីប្រទេសអូស្ត្រាលី តាមរយៈកម្មវិធីភាពជាដៃគូ កម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED)។ គម្រោង CAPRED បានគាំទ្រក្រុមហ៊ុន RTT និងអាជីវកម្មកសិកម្មផ្សេងទៀតរបស់កម្ពុជា […]

ដោយ ឡុង សារេត ភ្នំពេញ៖ ​ក្រសួងកសិកម្ម​ រុក្ខាប្រមាញ់ និងនេសាទ សហការជាមួយអង្គការដៃគូ បានរៀបចំ​វេទិកា និងពិព័រណ៍កសិកម្មកម្ពុជា ​ឆ្នាំ​២០២៥​ ​ក្នុងគោលបំណង​បង្កើតឱ្យមានការ​ពិភាក្សាកម្រិតខ្ពស់​ និងការដាក់តាំងបង្ហាញ​កសិផលសក្តានុពលរបស់កម្ពុជា​ ក៏ដូចជាផ្តល់ឱកាស​ជូនវិនិយោគិន​ស្វែងយល់​ពីកាលានុវត្តភាព​សម្រាប់ការវិនិយោគក្នុងវិស័យកសិកម្ម​ កសិពាណិជ្ជកម្ម និង​កសិស្បៀងអាហារ​។ ក្នុងពិធីបើកវេទិកា និងពិព័រណ៍​កសិកម្មកម្ពុជា នៅថ្ងៃទី​១៣ ខែវិច្ឆិកា ឆ្នាំ​២០២៥​ ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានលើកឡើង​ថា វិស័យកសិកម្មកម្ពុជាបានបោះជំហ៊ាន​មកដល់ដំណាក់កាលថ្មី​ និងកំពុងជួបប្រទះបញ្ហាប្រឈមថ្មី​មួយចំនួន​ ជាពិសេស​និរន្តរភាពនៃផលិតកម្ម​ និងតម្រូវការទីផ្សារ​។  ថ្លៃដើមផលិតខ្ពស់​ ទីផ្សារ និងការកែច្នៃផលិតផលនៅមាន​កម្រិក​ និងការប្រែប្រួលមិនអាចស្មានទុកបានជាមុន​ នៃតម្លៃកសិផលនៅលើទីផ្សារ​អន្តរជាតិ​ ដែលទាំងអស់នេះទាមទារឱ្យគ្រប់តួអង្គ​ពាក់ព័ន្ធ​ចូលរួមសហការ និងគាំទ្រថែមទៀត​ ក្នុងគោលបំណង​បន្តរួមគ្នាដោះស្រាយបញ្ហា ​និងផ្តល់ក្តីសង្ឃឹម​ដល់​ប្រជាកសិករ ដែល​បាននិងកំពុងខិតខំ​ប្រឹងប្រែងផលិតដើម្បីធានាសន្តិសុខស្បៀងផង លើកកម្ពស់ជីវភាពគ្រួសារ​ផង​ និងទ្រទ្រង់កំណើនសេដ្ឋកិច្ចជាតិផង។​ ឯកឧត្តមបន្តទៀតថា ដើម្បី​សម្រេចបាននូវគោលដៅ​នេះ​ ថ្នាក់ដឹកនាំ និងមន្ត្រីរាជការគ្រប់លំណាប់ថ្នាក់​នៃក្រសួងកសិកម្ម រុក្ខាប្រមាញ់ និងនេសាទ​ បាននិងកំពុងខិតខំប្រឹងប្រែង​អនុវត្តគោលនយោបាយរបស់រាជរដ្ឋាភិបាល​ ជាពិសេស​យុទ្ធសាស្ត្របញ្ជកោណ​ដំណាក់កាលទី​១ និងកម្មវិធីគោលនយោបាយ​អាទិភាពទី៥ និងទី​៦។​ យន្តការរក្សាលំនឹងតម្លៃកសិផលគន្លឹះ […]

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងឯកឧត្តម បាន លឹម អគ្គនាយករងធនាគារ  ARDB នៅព្រឹកថ្ងៃទី១៣ ខែវិច្ឆិកា ឆ្នាំ២០២៥នេះ បានអញ្ជើញចូលរួមជាភ្ញៀវកិត្តិយសក្នុងវេទិកា និងពិព័រណ៍កសិកម្ម ឆ្នាំ២០២៥។ វេទិកា និងពិព័រណ៍កសិកម្ម ឆ្នាំ២០២៥ រៀបចំឡើងក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជាតំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម ដេរ៉េល យីប (Derek Yip) ឯកអគ្គរដ្ឋទូតអូស្ត្រាលីប្រចាំកម្ពុជា រួមទាំងភ្ញៀវកិត្តិយសជាតិ និងអន្តរជាតិជាច្រើនទៀត។ រាជរដ្ឋាភិបាលកម្ពុជាបានចាត់ទុកវិស័យឯកជនជាក្បាលម៉ាស៊ីននៃកំណើន និងជាដៃគូសំខាន់បំផុត ក្នុងការបង្កើតការងារ គំនិតច្នៃប្រឌិត […]

សៀងហៃ៖ នៅមជ្ឈមណ្ឌលសន្និបាត និងពិព័រណ៍ជាតិសៀងហៃ ទីក្រុងសៀងហៃ សាធារណរដ្ឋប្រជាមានិតចិន ក្រសួងពាណិជ្ជកម្មកម្ពុជា បានរៀបចំពន្លាជាតិដាក់តាំងបង្ហាញផលិតផលសក្តានុពលកម្ពុជា ក្នុងព្រឹត្តិការណ៍ «ពិព័រណ៍នាំចូលអន្តរជាតិចិន លើកទី៨ – The 8th China International Import Expo» ក្រោមមូលបទ “យុគសម័យថ្មី អនាគតរួម-New Era, Shared Future” ចាប់ពីថ្ងៃទី៥ ដល់១០ ខែវិច្ឆិកា ឆ្នាំ២០២៥។ កម្មវិធីសម្ពោធពន្លាជាតិកម្ពុជាខាងលើ បានប្រព្រឹត្តទៅនារសៀលថ្ងៃពុធ ទី៥ ខែវិច្ឆិកា ឆ្នាំ២០២៥ ក្រោមអធិបតីភាព ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និង ឯកឧត្តម WANG Liping អគ្គនាយកនៃអគ្គនាយកដ្ឋានកិច្ចការអាស៊ីនៃក្រសួងពាណិជ្ជកម្មចិន ដោយមានការអញ្ជើញចូលរួមពីតំណាងអគ្គកុងស៊ុលកម្ពុជាប្រចាំទីក្រុងសៀងហៃ ក្រុមការងារក្រសួងពាណិជ្ជកម្ម និងវិស័យឯកជនជាច្រើនរូប។ ពន្លាជាតិកម្ពុជាឆ្នាំនេះ ត្រូវបានសាងសង់ឡើងតាមរចនាបទកម្ពុជាក្នុងយុគសម័យទំនើប ដោយបានចែកចេញជា ៤តំបន់ រួមមាន៖ ១. តំបន់រូបភាពបង្ហាញពីសិល្បៈ និងវប្បធម៌ខ្មែរ និងតំបន់តាំងបង្ហាញផលិតផលកម្ពុជា, ២. […]

ដោយ ឡុង សារេត​ ភ្នំពេញ៖ សមាគម​មូលនិធិ​សម្តេចតេជោដើម្បី​អភិវឌ្ឍន៍សហគ្រាសធុនតូចនិងមធ្យមនៅកម្ពុជា និង​សម្ព័ន្ធសមាគមសហគ្រាសធុនតូចនិងមធ្យមកម្ពុជា (FASMEC)​ រួមនិងដៃគូសហការបានរៀបចំការតាំងពិព័រណ៍ផលិតផលខ្មែរលើកទី២​ ក្រោមប្រធានបទ រួមគ្នាផលិត រួមគ្នា​ប្រើប្រាស់ផលិតផលជាតិ​ ក្នុងគោលបំណង​ដើម្បីពង្រឹងសារតីស្រាលាញ់ជាតិរួមគ្នា ជាសំឡេងតែមួយ​។​​ ​នៅក្នុងពិធីបើកសម្ពោធពិព័រណ៍ផលិតផលខ្មែរលើកទី​២​កាលថ្ងៃទី​៥ខែវិច្ឆិកាឆ្នាំ​២០២៥, ឧកញ៉ា តែ តាំងប៉ ប្រធានក្រុមប្រឹក្សាភិបាល​សមាគម​មូលនិធិ​សម្តេចតេជោ​ និងជា​ប្រធានសម្ព័ន្ធសមាគមសហគ្រាសធុនតូចនិងមធ្យមកម្ពុជា(FASMEC)មានប្រសាសន៍ថា ​កត្តាដែលជំរុញ​ឱ្យ​សមាគមមូលនិធិសម្តេចតេជោ និង FASMEC ធ្វើការ​រៀបចំពិព័រណ៍ផលិតផលខ្មែរលើកទី២​ គឺដោយសារព្រឹត្តិការណ៍​ពិព័រណ៍​ដែលបានរៀបចំ​លើកទី​១ទទួលបានការគាំទ្រ​ច្រើនពីបងប្អូនប្រជាពលរដ្ឋខ្មែរនៅទូទាំងប្រទេស​ ជាពិសេស​មានការសំណូមពរ​ពីម្ចាស់សហគ្រាសដែលជា SMEឱ្យមានការរៀបចំពិព័រណ៍សារជាថ្មី​ម្តងទៀត។​ ឧកញ៉ា តែ តាំងប៉ ​​មានប្រសាសន៍គូសបញ្ជាក់ថា “ការផ្តួចផ្តើមរៀបចំពិព័រណ៍ផលិតផលខ្មែរនេះឡើងក្នុងគោលបំណង​ ពង្រឹងស្មារតីស្រលាញ់​ជាតិរួមគ្នា ជាសំឡេងតែមួយ​ ព្រមទាំងជួយជំរុញ​ការគាំទ្រ ពង្រឹងសមត្ថភាពផលិតផលក្នុងស្រុក​ តាមរយៈ​រួមគ្នា​ប្រើប្រាស់ផលិតផល​​ក្នុងស្រុក ដើម្បីជំរុញ​កំណើនសេដ្ឋកិច្ចជាតិ និងផ្តល់ឱកាសដល់អាជីវករ ពាណិជ្ជករ​ សហគ្រិន និងក្រុមហ៊ុនក្នុងស្រុក​បានដាក់តាំងបង្ហាញនិងផ្សព្វផ្សាយ​ពីផលិតផលរបស់ខ្លួន​ ក៏ដូចជាទាក់ទាញ​ដៃគូអាជីវកម្មនានា”​។ ​បើតាម​ឧកញ៉ា តែ តាំងប៉​, ព្រឹត្តិការណ៍ថ្ងៃនេះ​ គឺជាយន្តការបន្ថែមសម្រាប់បង្កើនស្មារតីជាតិ​ឱ្យប្រជាជនចូលរួមប្រើប្រាស់ផលិតផលជាតិ​ឱ្យកាន់តែច្រើនឡើង​ ដែលជាផ្នែកមួយ​ក្នុងការលើកទឹកចិត្ត​បន្ថែមដល់សហគ្រាសក្នុងស្រុក​ ឱ្យខិតខំ​ ពង្រឹងនិងពង្រីកផលិតផល​ឱ្យបានកាន់តែល្អ​ មាន​គុណភាព​ មានអនាម័យ​ សុវត្ថិភាព​និងបរិមាណ​។​ ​លើសពីនេះ​បាន​អំពាវនាវ​​ដល់ម្ចាស់សហគ្រាសក្នុងស្រុកទាំងអស់​ ​លក់ផលិតផលរបស់ខ្លួនក្នុងតម្លៃសមរម្យ​ដើម្បីអាចប្រកួតប្រជែងជាមួយផលិតផលនាំចូល […]

ភ្នំពេញ៖ យោងតាមរបាយការណ៍ពីក្រសួងកសិកម្មបង្ហាញថា រោងម៉ាស៊ីនកិនស្រូវក្នុងស្រុកចំនួន ២២ ដែលជាសមាជិករបស់សហព័ន្ធស្រូវអង្ករកម្ពុជានៅក្នុងសប្តាហ៍នេះ បាន​​បញ្ចេញសកម្មភាព ស្រូបទិញស្រូវពីប្រជាកសិករយ៉ាងសកម្មនៅ​តាមបណ្តាខេត្ត បរិមាណសរុប ចំនួន៩២៧០តោន។ របាយការណ៍ខាងលើឲ្យដឹងថា សកម្មភាពនៃការទិញស្រូវរបស់រោងម៉ាស៊ីនចំនួន២២ នៅថ្ងៃទី៦  ខែវិច្ឆិកា​ ឆ្នាំ២០២៥ ក្នុងនោះរួមមាន៖ ១- រោងម៉ាស៊ីន ហ្វាងលីទិញរំដួលចូល ៥០០តោន 2.  Amru Rice ទិញចូលសរុប 1200 តោន 3. រោងម៉ាស៊ីនងួនហុង 300 តោន 4. Signature Rice ទិញចូល 170 តោន 5.រោងម៉ាស៊ីន ថន ជា 300តោន 6. 1688 Rice Mill 280តោន 7. ម៉ាស៊ីនស្រូវ យិន ម៉ាន់ 250តោន។ លើសពីនេះ រោងម៉ាស៊ីន ទី 8. រោងម៉ាស៊ីនកិនស្រូវ ហួង […]

ដោយ ឡុង សារេត​ ខេត្តតាកែវ​៖ ​​សិប្បកម្មដើមត្នោតអង្គរ​លក្ខណៈគ្រួសារមួយ​ មានទីតាំង​នៅភូមិ​ត្រពាំងតាសោម ឃុំត្រពាំង​ធំខាងត្បូង ស្រុកត្រាំកក់ ខេត្តតាកែវ​​ មានគម្រោង​បង្កើនការផលិតផល​ទឹកត្នោតផ្អែម​ធម្មជាតិ​សម្រាប់លក់នៅលើទីផ្សារឱ្យបានដល់​៣០០ដប​ក្នុងមួយថ្ងៃ​ឬបាន​​ប្រាក់ចំណូលប្រមាណ​​​​៩០ម៉ឺនរៀល​ក្នុងមួយថ្ងៃ​ដើម្បីផ្គត់ផ្គង់គ្រួសារ​ក្នុងពេលបច្ចុប្បន្ន​។​ លោក គួង សុធា ម្ចាស់សិប្បកម្មដើមត្នោតអង្គរ​បានឱ្យដឹង​ថា សិប្បកម្ម​ដើមត្នោតអង្គរចាប់ផ្តើមដំណើរការលក់ទឹកត្នោតផ្អែម​ធម្មជាតិ​នៅឆ្នាំ​២០១៣​ តែការលក់ទឹកត្នោតផ្អែមកាលនោះ ​ពេលខ្លះ​លក់បានច្រើន តែថ្លៃខ្លះទៀត​លក់បានចំនួន​តិចតួច​ ក្នុងមួយថ្ងៃ ដោយសារ​ប្រជាពលរដ្ឋនៅតាម​តំបន់ប្រជុំជន​ឆ្ងាយៗ មិនទាន់មានទំនុកចិត្ត​លើគុណភាព​ទឹក​ផ្អែម​ ជាហេតុនាំឱ្យមានការបាក់ទឹកចិត្ត​ជាច្រើនដង​​​។ ប៉ុន្តែបន្ទាប់ពីចាប់ផ្តើម​ដំណើរការលក់ឡើងវិញ​នៅ​​ពាក់កណ្តាលឆ្នាំ​២០២៤ ​មានទាំង​​មានសម្ភារៈប្រើប្រាស់​ និងដើមទុន​មួយចំនួន​សម្រាប់ធ្វើទីផ្សារ​​ឃើញថាការគាំទ្រមានសន្ទុះកើនឡើង​។​ លោក គួង សុធា ​អះអាងថា បន្ទាប់ពីចាប់ផ្តើម​ឡើងវិញ​នៅឆ្នាំ​២០២៤ រហូតមកដល់ឆ្នាំ​២០២៥​នេះ​ ផលិតផល​ទឹកត្នោតផ្អែម​ធម្មជាតិ​របស់សិប្បកម្ម​ដើមត្នោត​អង្គរ​ ទទួលបានការគាំទ្រ​ពីប្រជាពលរដ្ឋ​ អ្នកចូលចិត្តពិសារទឹកត្នោតផ្អែម​ច្រើនគួរសម​។ តួយ៉ាង​ចូលមកដល់ឆ្នាំ​២០២៥ មួយថ្ងៃ​លក់ទឹកត្នោតផ្អែម​បានប្រមាណ​២០០ដប ហើយក្នុងមួយដប​លក់បានថ្លៃ​៣០០០រៀល​​។​ ​បើតាមម្ចាស់សិប្បកម្ម​ដើមត្នោតអង្គរខាងលើ, ផ្នែកលើប្រាក់ចំណូល​ដែលទទួលបានពីការលក់ទឹកត្នោតផ្អែមធម្មជាតិ​សព្វថ្ងៃនេះ​ មិនទាន់អាចទទួលយកបាន​នោះទេ ក្រោយពីកាត់ចំណាយ​ហើយ​។ដូចនេះ​ ទាមទារឱ្យមានការ​ពង្រឹងការផលិត​ទឹកត្នោតកើនដល់​៣០០ដប​ ទើប​ឆ្លើយតបទៅនិងការចង់បាននាពេលសព្វថ្ងៃ​​។​ លោកលើកឡើងងថា “កាលពីដើមការលក់ទឹកត្នោតផ្អែម​យើងមានការពិបាក​​ ទាមទារជំរុញឱ្យការលក់ខ្លាំងជាងការផលិត​។ ប៉ុន្តែបច្ចុប្បន្ន​មានបងប្អូនខ្មែរជួយគាំទ្រ​ច្រើន ការលក់មានភាពងាយស្រួល​ តម្រូវ​ឱ្យយើងងាកមកជំរុញការផលិតឱ្យបាន​​ ច្រើន ហើយ​ធ្វើបែបនេះវានឹងជួយឱ្យយើងបានប្រាក់ចំណូលច្រើនជាង៦០ម៉ឺនរៀល​ក្នុងមួយថ្ងៃ​​​​។ ជារួមត្រូវធ្វើយ៉ាងណា​ បង្កើនការផលិតទឹកត្នោតផ្អែមធម្មជាតិ​ថ្មីៗ ឱ្យកើនដល់៣០០ដ​ប​ឬបានប្រាក់ចំណូលសរុប៩០ម៉ឺនរៀល​ក្នុងមួយថ្ងៃ​​ ដើម្បីបានចំណូលបន្ថែម​សម្រាប់ផ្គត់ផ្គង់គ្រួសារ […]