Phann

រាជធានីភ្នំពេញ៖ លោក ឡែមផូ វរិទ្ធ ប្រធានគណៈកម្មការប្រតិបត្តិសមាគមវារីវប្បករកម្ពុជា បានសម្តែងការរីករាយ និងគាំទ្រក្នុងការជំរុញឱ្យមានការបង្កើតច្បាប់ជលផលថ្មី បន្ទាប់ពីសេចក្តីព្រាងច្បាប់ស្តីពីជលផលមួយនេះ ទទួលបានការឯកភាពពីគណៈកម្មការនីតិកម្ម​ និងយុត្តិធម៌​នៃរដ្ឋសភា និងសម្រេចបញ្ជូនបន្តទៅគណៈកម្មាធិការអចិន្ត្រៃយ៍ ដើម្បីពិនិត្យបន្ថែមទៀត។ លោកបានឱ្យដឹងថា «ច្បាប់ជលផលមានសារប្រយោជន៍ខ្លាំងលើការងារជលផល ហើយក្នុងនោះក៏មានការលើកឡើងពាក់ព័ន្ធវិស័យវារីវប្បករ និងអាជីវករ ដែលធ្វើអាជីវកម្មលើការផលិតផលជលផលនេសាទ ខណៈច្បាប់ចាស់ផ្តោតច្រើនលើការនេសាទ ឬការប្រមូលផលត្រីពីធម្មជាតិ។ ដូច្នេះក្នុងនាមសមាគមវារីវប្បករកម្ពុជាយើងរីករាយស្វាគមន៍ចំពោះការជំរុញឱ្យមានការច្បាប់ថ្មីនេះកើតឡើង»។ បើតាមលោក ឡែមផូ វរិទ្ធ , ក្រៅពីសម្តែងការគាំទ្រចំពោះការរៀបចំច្បាប់ជលផលថ្មី ក៏បានអំពាវនាវដល់ភាគីពាក់ព័ន្ធឱ្យជួយជំរុញច្បាប់ជលផលថ្មីនេះឱ្យរដ្ឋសភាអនុម័តជាផ្លូវការ ព្រោះវាត្រូវការចាំបាច់ក្នុងការអនុវត្តច្បាប់នេះ ដើម្បីគាំពារ ការពារក៏ដូចជាជំរុញដល់វិស័យជលផល និងវារីវប្បកម្ម។ យោងតាមក្រសួង កសិកម្ម រុក្ខាប្រមាញ់ និងនេសាទ បានឱ្យដឹងថា ច្បាប់ជលផលចាស់​ ដែលត្រូវបានប្រកាសឱ្យប្រើដោយព្រះរាជក្រមលេខ នស/រកម/០៥០៦/០១១ ចុះថ្ងៃទី២១ ខែឧសភា ឆ្នាំ២០០៦ មានអាយុ១៩ឆ្នាំហើយ បើគិតត្រឹមឆ្នាំ២០២៥នេះ។ នៅក្នុងរយៈពេល១៩ឆ្នាំនេះ ការវិវត្តនៃកំណើនប្រជាសាស្ត្រ ការអភិវឌ្ឍសេដ្ឋកិច្ចសង្គម និងបច្ចេកវិទ្យា បានវិវត្តទៅមុខលឿនរហ័ស ដែលទាមទារឱ្យមានការកែទម្រង់វិស័យជលផលរបស់រាជរដ្ឋាភិបាលនៃព្រះរាជាណាចក្រកម្ពុជា ឱ្យស្របតាមបរិការណ៍ សេដ្ឋកិច្ចសង្គមកម្ពុជា និងសាកលលោក។ ក្នុងន័យនេះ ទើបរាជរដ្ឋាភិបាលកម្ពុជា ដែលមានក្រសួងកសិកម្ម […]

កណ្តាល៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ប្រធានក្រុមការងារចលនាយុវជនស្រុកខ្សាច់កណ្តាល ជាតំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល នៅថ្ងៃទី១៧ ខែឧសភានេះបានអញ្ជើញជាអធិបតីពិធីបើកការប្រកួតកីឡាបាល់ទាត់ពានរង្វាន់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ។ នៅក្នុងពិធីអបអរសាទរនៃការបើកការប្រគួតកីឡាបាល់ទាត់ពានរង្វាន់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី ប្រចាំស្រុកខ្សាច់កណ្តាលឆ្នាំ២០២៥ គឺ ជាលើកទី៦ហើយ ដែលកម្មវិធីថ្ងៃនេះ មានការអញ្ជើញចូលរួមពី លោក ចេង ឌីណា អភិបាល នៃគណៈអភិបាលស្រុកខ្សាច់កណ្តាល លោកប្រធាន និងសមាជិកក្រុម ប្រឹក្សាស្រុក គណៈអភិបាលស្រុក គណៈកម្មការរៀបចំការប្រកួត ក្រុមគ្រូពេទ្យ កងកម្លាំងការពារ  និងសមាជិកក្រុមការងារចលនាយុវជនស្រុក ឃុំ ភូមិ គ្រូបង្វឹក ដឹកនាំក្រុមកីឡាករ និងក្រុមកីឡាករបាល់ទាត់ទាំង ១២ឃុំ សរុបចំនួន ៤៩៦នាក់។ បន្ទាប់ពីលើកឡើងជារបាយការណ៍របស់លោក ចេង ឌីណា អភិបាលស្រុកខ្សាច់កណ្ដាលរួចមក ឯកឧត្តមបណ្ឌិត […]

ហ្សាការតា៖ រដ្ឋមន្ត្រីក្រសួងកសិកម្មឥណ្ឌូណេស៊ី លោក អានឌី អារ៉ាំ ស៊ូឡៃម៉ាន់​ (Andi Amran Sulaiman) បានអះអាងថា តាមរយៈអង្ករបម្រុងរបស់រដ្ឋាភិបាលកើនឡើងដល់បរិមាណ៣​,៧លានតោន បើគិតត្រឹមថ្ងៃទី១៣ ខែឧសភា ឆ្នាំ២០២៥ ប្រទេសឥណ្ឌូនេស៊ី ចាប់ផ្តើមនាំមុខគេក្នុងផលិតកម្មស្រូវ នៅអាស៊ីអាគ្នេយ៍។ សារព័ត៌មានអានតារ៉ា​​ (Antara News) របស់ឥណ្ឌូណេស៊ី បានដកស្រង់សម្តីលោករដ្ឋមន្ត្រី​ ដែលមានប្រសាសន៍អះអាងបែបនេះ​​ នៅក្នុងសេចក្តីថ្លែងការណ៍មួយ ដែលបានចេញផ្សាយ​កាលពីដើមសប្តាហ៍នេះថា “លទ្ធផលនេះ គឺដោយសារការប្រឹងប្រែងរបស់អ្នកពាក់ព័ន្ធទាំងអស់ រួមទាំងកសិករ រដ្ឋាភិបាលកណ្តាល និងរដ្ឋបាលតាមតំបន់ ក៏ដូចជាទីភ្នាក់ងារភស្តុភារជាតិផងដែរ” ។ លោករដ្ឋមន្ត្រី​បាន​បន្ថែម​ថា ផ្អែក​លើបរិមាណស្តុកស្រូវ​​របស់ជាតិ នាពេល​បច្ចុប្បន្ននេះ ប្រទេសឥណ្ឌូណេស៊ី​ អាចជា​ប្រទេស​ផលិត​អង្ករ​ច្រើន​ជាង​គេ​ក្នុង​តំបន់ ដោយទទួលបានទិន្នផលស្រូវ​លើស​ប្រទេស​ផលិត​អង្ករធំៗ ​ដូច​ជាប្រទេសថៃ និង​វៀតណាមជាដើម។ ចំណែករបាយការណ៍ផ្លូវការរបស់ក្រសួងកសិកម្មសហរដ្ឋអាមេរិកវិញ ក៏បានចាត់ទុកប្រទេសឥណ្ឌូនេស៊ី ស្ថិតនៅលំដាប់កំពូលនៃអ្នកផលិតកម្មស្រូវរបស់អាស៊ីអាគ្នេយ៍ផងដែរ។ ផ្អែកលើរបាយការណ៍របស់ក្រសួងកសិកម្មសហរដ្ឋអាមេរិក ចេញផ្សាយខែមេសា ឆ្នាំ២០២៥ បានឱ្យដឹងថា ផលិតកម្មស្រូវរបស់ប្រទេសឥណ្ឌូនេស៊ី ក្នុងរដូវដាំដុះ ឆ្នាំ២០២៤ ត្រូវបានគេរំពឹងថា នឹងកើនឡើងរហូតដល់៤៣,៦ លានតោន កើនឡើង៦០០ពាន់តោន ធៀបនឹងការព្យាករណ៍កន្លងមក […]

ប៉េកាំង៖ ក្រសួងពាណិជ្ជកម្មចិន បានប្រកាសថា ចាប់ពីថ្ងៃទី៧ ខែឧសភា ឆ្នាំ២០២៥នេះតទៅ ប្រទេសចិននឹងដាក់ពន្ធរយៈពេលប្រាំឆ្នាំ លើថ្នាំសម្លាប់សត្វល្អិត​នាំចូលពីប្រទេសឥណ្ឌា ឈ្មោះ សាយពើមេទ្រីន (Cypermethrin)​ ដើម្បីការពារផលប្រយោជន៍ក្រុមហ៊ុនក្នុងស្រុក ពីការលក់បង្ខូចតម្លៃ។ យោងតាមការចេញផ្សាយរបស់សារព័ត៌មានចិន ឈ្មោះ ក្លូបល ថែមស៍ (​Global Times) បានដកស្រង់សម្តីអ្នកជំនាញចិនម្នាក់ ដែលបាននិយាយថា វិធានការនេះបង្ហាញយ៉ាងច្បាស់ អំពីការតាំងចិត្តយ៉ាងម៉ឺងម៉ាត់របស់រដ្ឋាភិបាលចិន ដើម្បីការពារសិទ្ធិ និងផលប្រយោជន៍ស្របច្បាប់របស់ក្រុមហ៊ុនចិន ដោយត្រូវតែឆ្លើយតបចំពោះការធ្វើពាណិជ្ជកម្មអយុត្តិធម៌ពីសំណាក់ប្រទេសឥណ្ឌា។ ឆ្លើយតបទៅនឹងសំណើររបស់ឧស្សាហកម្មក្នុងស្រុក ក្រសួងពាណិជ្ជកម្មចិន បានចាប់ផ្តើមស៊ើបអង្កេតលើការលក់បង្ខូចថ្លៃចំពោះថ្នាំសម្លាប់សត្វល្អិត សាយពើមេទ្រីន ដែលនាំចូលពីប្រទេសឥណ្ឌា កាលពីថ្ងៃទី៧ ខែឧសភា ឆ្នាំ២០២៤​ ហើយបើគិតមកដល់ថ្ងៃត្រូវជាប់ពន្ធនេះ គឺមានរយៈពេលមួយឆ្នាំគត់។ ក្រសួងពាណិជ្ជកម្មចិន​ បានអះអាងនៅក្នុងសេចក្តីប្រកាសព័ត៌មានថា​ ក្នុងអំឡុងពេលស៊ើបអង្កេត ក្រសួងពិតបានប្រកាន់ខ្ជាប់យ៉ាងតឹងរ៉ឹងចំពោះច្បាប់របស់ចិន និងច្បាប់របស់អង្គការពាណិជ្ជកម្មពិភពលោក ដោយបានពិគ្រោះជាមួយភាគីពាក់ព័ន្ធយ៉ាងល្អិតល្អន់បំផុត ដើម្បីការពារសិទ្ធិរបស់អ្នកពាក់ព័ន្ធទាំងអស់ និងឈានដល់ការសន្និដ្ឋានដោយ យុត្តិធម៌ និងមិនលម្អៀង។ អ្នកនាំពាក្យដដែលនេះ បាននិយាយទៀតថា ការស៊ើបអង្កេតបានធ្វើសេចក្តីសន្និដ្ឋានថា ការនាំចូលសារធាតុ​​ សាយពើមេទ្រីន ពីប្រទេសឥណ្ឌា​ សម្រាប់លក់បង្ខូចតម្លៃ ដែលបណ្តាលឱ្យមានផលប៉ះពាល់យ៉ាងធ្ងន់ធ្ងរដល់ឧស្សាហកម្មក្នុងស្រុក។ អ្នក​នាំ​ពាក្យ​រូប​នេះ​ […]

ភ្នំពេញ៖ យោងតាមអ្នកជំនាញកសិកម្មបានបញ្ជាក់ថា ការដាំដុះដំណាំតាមគោលការណ៍បច្ចេកទេស និងការអនុវត្តផលិតកម្មកសិកម្មតាមកិច្ចសន្យាអាចរក្សាបាននិរន្តរភាពទីផ្សារ និងបង្កើនប្រាក់ចំណេញ សម្រាប់កសិករកម្ពជា។ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បាន​​មានប្រសាសន៍ថា ថ្មីៗនេះលោកបានដឹកនាំមន្រ្តីជំនាញ ជួបប្រជុំជាមួយកសិករដាំដុះដំណាំរំដេង និងផ្សព្វផ្សាយពីអត្ថប្រយោជន៍នៃការចងក្រងជាសហគមន៍កសិកម្ម នៅភូមិជ្រៃតាសូ ឃុំអំពិលតាពក ស្រុកអូររាំងឪ ដែលមានការចូលរួមពីមន្ត្រីកសិកម្មឃុំ ក្រុមប្រឹក្សាឃុំ ប្រធានសហគមន៍ និងកសិករដាំរំដេង សរុប២២រូប ក្នុងនោះស្រី១២រូប។ ​លោក ហេង ពិសិដ្ឋ បានបញ្ជាក់ទៀតថា នៅក្នុងខេត្តត្បូងឃ្មុំមានបីឃុំ ដែលមាន​កសិករ​ដាំរំដេងច្រើន មានផ្ទៃដីសរុបជាង១០០ហិកតា ហើយសព្វថ្ងៃនេះ ចំពោះទីផ្សាររំដេងវិញ កសិករ​មានឈ្មួញកណ្តាលចាំទទួល​ទិញបន្តចែកចាយលើទីផ្សារនៅទូទាំងប្រទេសផងដែរ។​​ កសិករដាំរំដេង បានរៀបរាប់ថា ក្នុងឃុំអំពិលតាពតឆ្នាំនេះ មានដាំដុះរំដេងលើផ្ទៃដីប្រមាណ៥០ហិកតា ដែលអាចផ្តល់ទិន្នផលប្រមាណពី២៥-៣០តោន ក្នុងមួយហិកតា។ តម្លៃរំដេងបច្ចុប្បន្នតម្លៃ២ ៥០០រៀល ទៅ៣ ០០០រៀល ក្នុងមួយគីឡូក្រាម ដែលធ្វើឲ្យកសិករ មានសេចក្តីរីករាយ សង្ឃឹមថា នឹងទទួលបានចំណូលកាន់តែប្រសើរ។ តាមការរៀបរាប់របស់កសិករ ការដាំដុះដំណាំរំដេង ទោះបីមិនសូវជួបនូវហានិភ័យខ្ពស់ តែប្រឈមបញ្ហាមួយចំនួនដូចជា ពូជ […]

ខេត្តកំពត​៖ កសិករ​ប្រកបមុខរបរដាំទុរេន​ នៅក្នុងខេត្ត បាននិយាយថា ពួកគាតើ​ចង់បាន​​ការនាំចេញ​ដោយផ្ទាល់​ ទៅកាន់ប្រទេសចិន​ ​​បន្ទាប់ពីភាគីចិន​បង្ហាញ​សចេតនា​ចង់ដឹងកាន់តែច្បាស់មកលើ​គុណភាពទុរេន​កម្ពុជា​។ ​តួយ៉ាង​​ថ្មី​ៗនេះ ឯកឧត្តម វ៉ាង វិនប៊ីន (Wang Wenbin)  ​​ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជា បានធ្វើទស្សនៈកិច្ចស្វែងយល់ពីគុណភាព ​និងការដាំដុះ​ដំណាំទុរេន​នៅក្នុងសហគមន៍​ចម្ការស្តេចទុរេន​មួយកន្លែង ស្ថិតនៅក្នុងខេត្តកំពត​ ហើយសកម្មភាព​របស់ឯកឧត្តម ត្រូវបានកសិករ និងសហគ្រិន​ក្នុងស្រុក​ យល់ឃើញថា ​វា​បានផ្តល់ក្តីសង្ឃឹម​ ក៏ដូចជាទំនុកចិត្ត​កាន់តែ​ខ្ពស់​ដល់កសិករ​លើការនាំចេញផ្លែទុរេន​ដោយផ្ទាល់​ទៅទីផ្សារប្រទេសចិន ​នៅពេលដ៏ខ្លីខាងមុខ​។​ លោក ឃឹម ប៊ុនឡែន ស្ថាបនិក និងជាប្រធាន​សហគមន៍ចម្ការស្តេចទុរេន​ នៅខេត្ត​កំពត ​បាន​យល់ឃើញថា ​សកម្ម​ភាព​​របស់​ឯកឧត្តម វ៉ាង វិនប៊ីន ធ្វើទស្សនៈកិច្ច​នៅក្នុងពេលនេះ ​វាជាឱកាសដ៏ល្អ​មួយ​សម្រាប់ដំណាំទុរេនកម្ពុជា​ ព្រោះ​ឯកឧត្តម​ទូត​ គឺជាតំណាង​ផ្លូវការរបស់ប្រទេសចិន។​ ដូច្នេះ​ដំណើរទស្សនៈកិច្ច​របស់ថ្នាក់ដឹកនាំ​ប្រចាំ​ស្ថានទូតចិន នៅសហគមន៍​ថ្ងៃនេះ​​វាជារូបភាពមួយ​មានឥទ្ធិពល និងមានប្រសិទ្ធភាព​ក្នុងការផ្សព្វផ្សាយ​អំពីទីផ្សារទុរេនរបស់​កម្ពុជា​។ ជាពិសេស​ជួយ​ផ្សព្វផ្សាយ​ឱ្យគេបានស្គាល់ពីទុរេន​​ពូជឪខាក់​។​ លោកមានប្រសាសន៍ទៀតថាថា “នៅក្នុងដំណើរទស្សនៈកិច្ច​​​ ខ្ញុំបាន​​​បង្ហាញឱ្យគាត់​​បាន​ស្គាល់ពី រសជាតិ​ទុរេនខ្មែរ​ និង​​ឱ្យគាត់បានដឹង​អំពីរបៀបរបប ​ឬលក្ខណៈពិសេស​ចំពោះការដាំដុះទុរេន​ខ្មែរ​ ។​ ព្រោះ​នេះ​ជារឿងធំ​មួយ​ ដោយ​ថ្មីៗនេះ ប្រទេសវៀតណាម​បាននាំចេញទុរេន​របស់​ខ្លួន​ធ្លាក់​​ចុះ​ និងតម្លៃ​ផ្លែទុរេនចុះថ្លៃយ៉ាង​ខ្លាំង ដោយសារបញ្ហាស្តង់ដាសុវត្ថិភាព​ គុណភាព​ទុរេន​នេះ។ […]

ហ្សាការតា៖ លោក សាម ហេរ៉ូឌៀន (Sam Herodian) ទីប្រឹក្សាពិសេសផ្នែកគោលនយោបាយកសិកម្មរបស់រដ្ឋមន្ត្រីក្រសួងកសិកម្ម ឥណ្ឌូនេស៊ី បានឱ្យដឹងថា ការព្យាករណ៍ទិន្នផលស្រូវនៅឆ្នាំនេះ មានបរិមាណឡើងពី៣២លានតោន ទៅជាង៣៤លានតោន លើសពីតម្រូវការអង្ករក្នុងស្រុក ដែល​មាន​ប្រមាណ៣១លាន​តោន សម្រាប់​នាំ​ចេញ​ទៅកាន់ទីផ្សារក្រៅប្រទេស។ ទីភ្នាក់ងារ​ព័ត៌មាន​បរទេស​ រាយការណ៍​ពី​ទីក្រុង​ហ្សាការតា ប្រទេស​ឥណ្ឌូណេស៊ី នាដើមសប្តាហ៍នេះ ឱ្យដឹងថា រដ្ឋាភិបាល​ឥណ្ឌូនេស៊ី​បាន​ព្យាករណ៍​ថា ទិន្នផលស្រូវ​​អាច​នឹង​កើន​ឡើង​បន្ថែម​ទៀត បន្ទាប់ពី​មានការ​កែលម្អ​ប្រព័ន្ធ​ធារាសាស្ត្រ ក្រោមកិច្ច​សហប្រតិបត្តិការ​ជាមួយ​ក្រសួង​សាធារណការ និង​ពង្រីក​ប្រព័ន្ធ​បូម​ទឹក​ឲ្យ​បាន​លទ្ធផល​កាន់​តែ​ប្រសើរឡើងទៀត។ ក្រៅពីនេះ ការបង្កើនផលិតភាព ដោយការប្រើប្រាស់គ្រាប់ពូជស្រូវ ដែលមានគុណភាពខ្ពស់ក៏ជាផ្នែកមួយបានជំរុញដល់លក្ខខណ្ឌរីកលូតលាស់ចម្រុះរបស់ប្រទេស ឥណ្ឌូនេស៊ី ដោយបានធ្វើឱ្យទុនបម្រុងអង្កររបស់ឥណ្ឌូនេស៊ី កើនឡើងដល់កម្រិតខ្ពស់គ្រប់ពេលវេលា។ តាមការប៉ាន់ប្រមាណ ទិន្ផស្រូវនឹងកើនឡើងពី ៣,៥លានតោន​ ទៅ៤លានតោនក្នុងរយៈពេលពីរសប្តាហ៍ខាងមុខនេះ។ ទាក់ទិនក្នុង​បញ្ហា​នាំ​ចេញអង្ករនេះវិញ លោក សាម ហេរ៉ូឌៀន ទីប្រឹក្សាពិសេស បាន​និយាយ​ថា ស្រូវនៅសល់​លើស​តម្រូវការ​ក្នុង​ស្រុក ប្រទេស​ឥណ្ឌូណេស៊ី​ អាច​នឹង​ពិចារណា​លើការ​នាំ​ចេញ​អង្ករ​ទៅ​កាន់​ប្រទេស​ម៉ាឡេស៊ី ដែល​ដាក់​សំណើ​សុំនាំ​ចេញ​អង្ករ​ពី​ប្រទេស​ឥណ្ឌូនេស៊ី​ នៅ​ដំណាច់​ឆ្នាំ​នេះ។ គួរបញ្ជាក់ថា ឥណ្ឌូនេស៊ី ជាប្រទេសដ៏ធំមួយក្នុងប្រជាជាតិអាស៊ាន ត្រូវបានគេរំពឹងថា អាចផលិតស្បៀងបានច្រើន ជាពិសេសអង្ករសម្រាប់ផ្គត់ផ្គង់ទីផ្សារដ៏ធំនៅក្រៅប្រទេស។ កាលពីឆ្នាំ២០២៤ កន្លងទៅ […]

ភ្នំពេញ៖  ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ កាលរសៀលថ្ងៃទី១០ ខែឧសភា ឆ្នាំ២០២៥នេះ បានអញ្ជើញធ្វើទស្សនកិច្ចរោងចក្រកែច្នៃគ្រាប់ស្វាយចន្ទីរបស់ក្រុហ៊ុន​ មីរ៉ាត អាហ្គ្រីតិច (MIRARTH Agritech)​​ របស់ជប៉ុន ដែលកំពុងវិនិយោគលើការកែច្នៃគ្រាប់ស្វាយចន្ទីសម្រាប់នាំចេញ មានទីតាំងស្ថិតក្នុងភូមិត្រពាំងអារ័ក្ស ឃុំជ័យ ស្រុកកំពង់ស្វាយ ខេត្តកំពង់ធំ។ ដំណើរទស្សនកិច្ចស្វែងយល់អំពីដំណើរការកែច្នៃគ្រាប់ស្វាយចន្ទី ក៏ដូចជាការជួបសំណេះសំណាលជាមួយគណៈគ្រប់គ្រងក្រុមហ៊ុន មីរ៉ាត អាហ្គ្រីតិច និងបងប្អូនកម្មករ-កម្មការិនី ដែលកំពុងបម្រើការងារ ក៏មានការចូលរួមផងដែរ ពីសំណាក់លោកជំទាវ កុយ ពិសី, លោកជំទាវ ឃួន ឃុនឌី និងឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ ព្រមទាំងប្រតិភូអមដំណើរជាច្រើនរូបទៀត។ លោក រីយ៉ូហេ តាកេសាវ៉ា (Ryohei Takesawa) អ្នកទទួលបន្ទុកគ្រប់គ្រងរោងចក្រកែច្នៃគ្រាប់ស្វាយចន្ទីរបស់ក្រុមហ៊ុន មីរ៉ាត អាហ្គ្រីតិចបានជម្រាបជូនឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត និងប្រតិភូអមដំណើរអំពីខ្សែច្រវាក់នៃការកែច្នៃគ្រប់ស្វាយចន្ទី ដោយរួមទាំងបច្ចេកទេសរបស់ក្រុមហ៊ុនមួយចំនួនទៀត។ បច្ចុប្បន្នក្រុមហ៊ុនបានទទួលទិញគ្រាប់ស្វាយចន្ទីស្រស់ពីសហគមន៍មួយចំនួន ដូចជាសហគមន៍សាលាវិស័យ សហគមន៍ឃុំក្រយា និងសហគមន៍សន្ទុក […]

រាជធានីភ្នំពេញ៖ យោងតាមក្រសួងពាណិជ្ជកម្ម កាលពីពេឡថ្មីៗបានបង្ហាញថា មានក្រុមហ៊ុនក្នុងស្រុកចំនួនពីរ ក្នុងនោះមានក្រុមហ៊ុន អ៊ែមភល អាហ្គ្រោប្រដាក់ និងក្រុមហ៊ុន គីរីរម្យ ហ្វ៊ូដ ប្រដាក់សិន បាននាំចេញគ្រាប់ស្វាយចន្ទី និងស្វាយកែវរមៀតស្ងួតលើកដំបូង ទៅកាន់ប្រទេសម៉ាឡេស៊ី បន្ទាប់ពីបានចុះអនុស្សរណៈយោគយល់គ្នាជាមួយក្រុមហ៊ុន​ ត្រាគិនតិច សូលូសិន (TRACKINTECH SOLUTIONS SND BHD) ម៉ាឡេស៊ី កាលពីថ្ងៃទី២៣ ខែមករា ឆ្នាំ២០២៥កន្លងទៅ។ ក្រសួងពាណិជ្ជកម្មបង្ហាញអំពីការនាំចេញផលិតផលរបស់ក្រុមហ៊ុនទាំងពីរខាងលើ ធ្វើឡើងក្នុងកំពុងពេលលោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម បានដឹកនាំក្រុមការងារនៃក្រសួងពាណិជ្ជកម្ម ចុះពិនិត្យលើការនាំចេញស្វាយចន្ទី និងស្វាយកែវរមៀតសម្ងួត ចេញទៅកាន់ប្រទេសម៉ាឡេស៊ី កាលថ្ងៃទី៨ ខែឧសភា ឆ្នាំ២០២៥ នៅទីតាំងផែស្ងួត អូលែរ វើលវ៉ាយដ៏ ឡូជីស្ទិក​ ក្នុងរាជធានីភ្នំពេញ ។ ក្រសួងពាណិជ្ជកម្មកម្ពុជា បានគូសបញ្ជាក់ថា “នេះជាសមិទ្ធផលដំបូងសម្រាប់ក្រុមហ៊ុនកម្ពុជាទាំងពីរ ក្នុងការនាំចេញផលិតផលស្វាយចន្ទី នៅក្នុងខែឧសភានេះ ហើយការដឹកជញ្ជូនចែកចេញជា ៤ ដំណាក់កាល ក្នុងការបញ្ជាទិញចំនួន ២០០កេស ស្មើនឹង១០ ០០០កញ្ចប់ […]

ទីក្រុងខេប៖ ឧស្សាហកម្មសាច់គោរបស់អាហ្រ្វិកខាងត្បូង បានទទួលរងគ្រោះយ៉ាងធ្ងន់ធ្ងរ បន្ទាប់ពីប្រទេសចិន បានដាក់បម្រាមឱ្យផ្អាកជាបន្ទាន់នូវការនាំចូលសាច់គោទាំងអស់ បន្ទាប់ពីរកឃើញថា មានករណីផ្ទុះជំងឺអុតក្តាម។ ការផ្លាស់ប្តូរដ៏គួរឱ្យភ្ញាក់ផ្អើលរបស់ប្រទេសចិន ​ដែលជាដៃគូពាណិជ្ជកម្មដ៏ធំបំផុតរបស់អាហ្រ្វិកខាងត្បូង ចំំពោះវិធានការហាមឃាត់បែបនេះ បើទោះបីជាមានអនុស្សរណៈនៃការយោគយល់គ្នា កាលពីឆ្នាំ២០២៤ក៏ដោយ ព្រោះកិច្ចព្រមព្រៀងអនុញ្ញាតឱ្យការនាំចេញសាច់គោពីតំបន់គ្មានជំងឺឆ្លង។ កាលពីសប្តាហ៍មុន សេវាឧស្សាហកម្មសាច់គោ បាននិយាយថា ការផ្អាកនាំចូលនេះកំពុងប៉ះពាល់ដល់ជីវភាពរបស់កសិករ ម្ចាស់សត្តឃាដ ម្ចាស់កសិដ្ឋាន និងអ្នកនាំចេញ។ សារព័ត៌មានផ្នែកកសិកម្មរបស់ប្រទេសអា្វហ្វ្រិកខាងត្បូង បានដកស្រងសម្តីរបស់នាយកប្រតិបត្តិនៃឧស្សាហកម្មសាច់គោ  ដែលបាននិយាយថា “ការវិវត្តបែបនេះ គឺជាករណីគួរឱ្យកត់សម្គាល់យ៉ាងច្បាស់ពីភាពផុយស្រួយនៃទីផ្សារនាំចេញរបស់យើង នៅពេលប្រឈមមុខនឹងការគំរាមកំហែងផ្នែកជីវសុវត្ថិភាព។  យើងគោរពពិធីសារជីវសុវត្ថិភាពរបស់ប្រទេសចិន ប៉ុន្តែផលប៉ះពាល់ផ្នែកសេដ្ឋកិច្ចដល់កសិករអាហ្រ្វិកខាងត្បូង និងខ្សែសង្វាក់តម្លៃសាច់គោកទាំងមូល គឺធ្ងន់ធ្ងរ និងគួរឱ្យខកចិត្ត។” ចំណែករដ្ឋមន្ត្រីក្រសួងកសិកម្ម បានបញ្ជាក់ពីករណីផ្ទុះជំងឺអុតក្តាមថ្មី​ នៅក្នុងកសិដ្ឋានពីរកន្លែង។​​  កសិដ្ឋានមួយទៀតត្រូវបានកំណត់អត្តសញ្ញាណតាមរយៈការស៊ើបអង្កេតជាបន្តបន្ទាប់ ហើយទោះបីជាមិនមានរោគសញ្ញា ដែលអាចមើលឃើញក៏ដោយ ប៉ុន្តែក្រោយមកមេរោគត្រូវបានរកឃើញនៅក្នុងកសិដ្ឋានជាប់គ្នានេះ។ ក្រសួងកសិកម្ម បានបង្កើនកិច្ចខិតខំប្រឹងប្រែងទប់ស្កាត់ ព្រមទាំងកោះប្រជុំបន្ទាន់ជាមួយមន្ត្រីឧស្សាហកម្ម និងបសុពេទ្យ ដើម្បីសម្របសម្រួលវិធានការត្រួតពិនិត្យ។ ការផ្អាកការនាំចូលរបស់ប្រទេសចិន គ្របដណ្តប់ទាំងស្រុងលើសាច់គោ និងផលិតផលសត្វ ដែលមានក្រចកជើង ទាំងអស់មកពីអាហ្វ្រិកខាងត្បូង។  ការហាមប្រាមនេះ គឺជាការធ្លាក់ចុះដ៏សំខាន់សម្រាប់ឧស្សាហកម្មសាច់គោក្នុងស្រុក ដែលបានបង្កើតក្តីសង្ឃឹមលើអនុស្សរណៈនៃការយោគយល់គ្នា កាលពីខែកញ្ញា ឆ្នាំ២០២៤ ដើម្បីការពារកុំឱ្យបិទការនាំចេញដោយសារករណីផ្ទុះជំងឺរាតត្បាត។ នៅក្នុងឆ្នាំ២០២៤ […]

ភ្នំពេញ ៖ ទូលព្រះបង្គំជាខ្ញុំ បណ្ឌិត កៅ​ ថាច និងភរិយា ព្រមទាំងថ្នាក់ដឹកនាំ និងបុគ្គលិកទាំងអស់ នៃធនាគារធនាគារអភិវឌ្ឍន៍ជនបទនិងកសិកម្ម (ARDB)​ សូមព្រះបរមរាជានុញ្ញាតដ៏ខ្ពង់ខ្ពស់បំផុតអំពី ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា សូមក្រាបបង្គំទូលថ្វាយនូវព្រះសព្ទសាធុការពរ បវរសួស្ដី សិរីមង្គលមហាប្រសើរថ្វាយ ព្រះករុណាជាអម្ចាស់ជីវិត តម្កល់លើត្បូង សូមព្រះអង្គមានព្រះរាជសុខភាពល្អបរិបូរណ៍ ព្រះបញ្ញាញាណភ្លឺថ្លាវាងវៃ ព្រះជន្មាយុយឺនយូរ ដើម្បីគង់ប្រថាប់នៅក្នុងព្រះបរមរាជ្យសម្បត្តិ ជាម្លប់ដ៏ត្រជាក់ត្រជុំ ភាពចម្រុងចម្រើនសម្បូរសប្បាយ ថ្កុំថ្កើន រុងរឿងដល់ជាតិមាតុភូមិ និងប្រជារាស្ត្រជានិច្ចនិរន្តរ៍តរៀងទៅ។ ទូលព្រះបង្គំជាខ្ញុំ សូមលើកហត្ថប្រណម្យបួងសួង ដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិ៍លើលោក ទេវតារក្សាព្រះមហាស្វេតច្ឆត្រ និងព្រះបារមីទេវតាឆ្នាំថ្មី ព្រមទាំងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ សូមតាមបីបាច់ថែរក្សា អភិបាលប្រោះព្រំសព្ទសាធុការពរ សិរីសួស្ដី ជ័យមង្គល វិបុលសុខ បវរមហាប្រសើរថ្វាយ ព្រះករុណាជាអម្ចាស់ជីវិតតម្កល់លើត្បូង ព្រមទាំងព្រះរាជវង្សានុវង្ស សូមទ្រង់បានប្រកបដោយពុទ្ធពរ ទាំងបួនប្រការគឺ អាយុ វណ្ណៈ សុខៈ ពលៈ ជាភិយ្យោភាពតរៀងទៅ៕

ភ្នំពេញ៖​​ ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតចិន ប្រចាំព្រះរាជាណាចក្រកម្ពុជា កាលពីថ្ងៃទី១២​ ខែឧសភា ឆ្នាំ២០២៥ បានផ្សព្វផ្សាយលើកតម្កើងផ្លែស្វាយខ្មែរ​នៅទំព័រហ្វេសប៊ុកផ្លូវការផ្ទាល់ ដើម្បីបង្ហាញជាសាធារណៈថា​ ពូជស្វាយមួយប្រភេទឈ្មោះ កែវចិន ពិតជាមានរសជាតិផ្អែមឆ្ងាញ’។ នៅក្នុងឃ្លីបវីដេអូ​ មានរយៈ៣នាទី​ និង៦០វិនាទី​ អមដោយចំណងជឿងថា «ស្វាគមន៍មកភ្លក្សស្វាយកែវចិនដ៏ឈ្ងុយឆ្ងាញ់ និងទស្សនាទេសភាពកម្ពុជាដ៏ស្រស់ស្អាត!» ឯកឧត្តមឯកអគ្គរដ្ឋទូតបានបង្ហាញអំពីចម្ការស្វាយ ផ្លែស្វាយកែវចិនមួយកន្ត្រក និងផ្លែស្វាយទុំស្រស់មួយចំណិតនៅក្នុងចាន​ ដាក់លើតុយ៉ាងស្អាត បន្ទាប់មកលោកលើកផ្លែស្វាយទុំបង្ហាញអ្នកទស្សនា។ ដៃកាន់ផ្លែស្វាយទុំ ឈរនៅពីមុខតុមួយមានដាក់តម្កល់ចម្លាក់ផ្តិលថ្មខ្មែរមួយគូ​ លោកបានមានប្រសាសន៍ជាភាសាចិន ដែលត្រូវបានបកប្រែជាភាសាខ្មែរថា​ «ខែឧសភា ជារដូវកាលប្រមូលផលផ្លែស្វាយ។ ស្វាយជាផលិតផល ដែលមានលក្ខណៈពិសេសមួយ។​ មិត្តភក្តិកម្ពជាបានប្រាប់ខ្ញុំថា នៅកម្ពុជាមានផ្លែស្វាយមួយប្រភេទ ដែលគេហៅថា​​​​ កែវចិន។​ ឆ្នាំ២០២៥ ក៏ជាឆ្នាំទេសចរណ៍ចិន-កម្ពុជាផងដែរ។ សូមស្វាគមន៍អ្នកទាំងអស់គ្នាមកកាន់កម្ពុជា​ ភ្លក្សស្វាយកែវចិនដ៏ឈ្ងុយឆ្ងាញ់​ និងទស្សនាទេសភាពដ៏ស្រស់ស្អាតក្នុងប្រទេសកម្ពុជា»។ ក្រោយពីមានប្រសាសន៍រៀបរាប់ដូច្នេះ ឃ្លីបវីដេអូ​ ចាប់ផ្តើមបង្ហាញអំពីប្រាសាទអង្គរវត្ត ទេសភាពទឹកជ្រោះ និងសត្វដំរី​ពីរក្បាល។ តាមរយៈសកម្មភាពផ្សព្វផ្សាយអំពីផ្លែឈើរបស់ខ្មែរនេះ​ ឯកឧត្តម វ៉ាង​ វិនពីន កាលពីថ្ងៃទី១០​​ ខែឧសភា […]