Phann

ដោយ នៅ ស៊ីវុត្ថា កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ នាព្រឹកថ្ងៃទី២១ ខែកក្កដា ឆ្នាំ២០២៦ បានបញ្ជាក់ជូនកសិករនៅស្រុកជលគិរី ខេត្តកំពង់ឆ្នាំងថា ការធ្វើកសិកម្មមិនងាយស្រួលនោះទេ ដែលទាមទារឱ្យកសិករត្រូវមានការខិតខំប្រឹងប្រែង ហើយត្រូវចេះគ្រប់គ្រងថ្លៃដើមផលិត បច្ចេកទេស និងរកទីផ្សារជាមុនសិន ទើបធ្វើស្រែមិនខាត និងបានផលចំណេញ។ ឯកឧត្តមបណ្ឌិតបានមានប្រសាសន៍បែបនេះ ក្នុងឱកាសអញ្ជើញជួបសំណេះសំណាល និងសួរសុខទុក្ខប្រជាកសិករប្រមាណ៣០០នាក់ នៅស្រុកជលគិរី ខេត្តកំពង់ឆ្នាំង ដែលមានការអញ្ជើញចូលរួមផងដែរ ពីសំណាក់លោក នៃ ចារី អភិបាលរងខេត្តកំពង់ឆ្នាំង តំណាងឱ្យអភិបាលខេត្ត ថ្នាក់ដឹកនាំ និងមន្ត្រីមន្ទីរកសិកម្ម រុក្ខាប្រមាញ់ និងនេសាទខេត្ត រដ្ឋបាលស្រុកជលគិរី អាជ្ញាធរមូលដ្ឋាន មន្ត្រីកសិកម្មឃុំ។ ឯកឧត្តមបណ្ឌិត កៅ ថាច បានជម្រាបជូនកសិករថា កម្មវិធីនេះមានគោលបំណងផ្សព្វផ្សាយពីអត្ថប្រយោជន៍នៃការចូលរួមក្នុងសមាគមបណ្តាញកសិករតេជោ ការអភិវឌ្ឍផលិតកម្មកសិកម្ម និងការពង្រឹងការតភ្ជាប់រវាងកសិករ បច្ចេកទេស ហិរញ្ញប្បទាន និងទីផ្សារ និងណែនាំឱ្យស្គាល់ធនាគារអភិវឌ្ឍន៍ជនបទ និងកសិកម្ម ដែលជាធនាគារបម្រើគោលនយោបាយរបស់រាជរដ្ឋាភិបាល។ ក្នុងឱកាសនេះឯកឧត្តមបណ្ឌិតប្រតិភូបានបញ្ជាក់ថា […]

ដោយ ឡុង សារេត កណ្តាល៖ បច្ចុប្បន្នកសិផលក្នុងស្រុកស្ទើតែប្រភេទ ជួបបញ្ហាទីផ្សារក្នុងរដូវកាលប្រមូល។ ដើម្បីចៀសផុតពីបញ្ហាទីសម្រាប់កសិករត្រូវជ្រើសរើសពូជស្រូវសុទ្ធល្អ ដើម្បីយកទៅបង្កបង្កើន ត្រូវបានគេមើលឃើញថា លក់បានតម្លៃខ្ពស់ និងមិនសូវបារម្ភអំពីទីផ្សារក្នុងរដូវកាលប្រមូលផលចូលមកដល់ បើប្រៀបធៀបជាមួយបណ្តាកសិករប្រើពូជស្រូវតតាមគ្នា និងគ្មានប្រភពច្បាស់លាស់។ លោក សឿង វណ្ណា អនុប្រធានសហគមន៍កសិកម្ម ឧត្តមសុរិយា មានទីតាំងក្នុងស្រុកត្រាំកក់ ខេត្តតាកែវ បានសង្កេតឃើញថា បច្ចុប្បន្នកសិកររស់នៅក្នុងតំបន់ មានការកែប្រែផ្នត់គំនិត និងមានការយល់ដឹងច្រើនទៅលើការប្រើប្រាស់ពូជស្រូវសុទ្ធល្អ ខុសប្លែកពីមុន ដែលកសិករប្រើតែពូជស្រូវតាមទម្លាប់ចាស់ ឬប្រើពូជស្រូវដដែលៗ ធ្វើយូរទៅនាំឱ្យគុណភាពពូជធ្លាក់ចុះ ទិន្នផលស្រូវថយចុះ និងថែមទាំងពិបាកលក់នៅពេលប្រមូលផល។ លោកបញ្ជាក់ថា បន្ទាប់ពីមានក្រុមផលិតពូជស្រូវបង្កើតឡើងមក ពួកគាត់ចាប់ផ្តើមទិញពូជស្រូវសុទ្ធល្អពីសហគមន៍យកទៅប្រើប្រាស់ធ្វើឱ្យទិន្នផលស្រូវកើនឡើង  ហើយអ្វីដែលលោកមើលឃើញមានការខុសប្លែកគ្នាខ្លាំងនោះ គឺមានឈ្មួញចង់បាន ដោយសារពូជស្រូវមានភាពសុទ្ធល្អ ហើយតម្លៃក៏បានខ្ពស់ដែរ។ លើសពីនេះ បើកសិករជាសមាជិកក្រុមផលិតពូជថែមទៀត គាត់លក់មកខាងសហគមន៍តាមបែបកិច្ចសន្យាកសិកម្ម ដែលសម្របសម្រួលដោយមន្ទីរកសិកម្ម។ បើតាមអនុប្រធានសហគមន៍ខាងលើ នៅពេលកសិករជ្រើសរើសពូជស្រូវសុទ្ធយកទៅដាំ លោកសង្កេតឃើញ កសិករទទួលបានផលចំណេញ និងទទួលបានទិន្នផលច្រើន៖ ទី១-គាត់កាត់បន្ថយថ្លៃដើមពូជ ធ្លាប់ប្រើពូជ១០០គីឡូក្រាមក្នុងមួយហិកតា មកនៅប្រមាណ៧០គីឡូក្រាម។ ទី២-ពូជសុទ្ធល្អមានភាពធន់ទ្រាំជាមួយអាកាសធាតុ ប្រើរយៈពេលផលិតខ្លី និងប្រើទឹកក៏អស់តិច និងទី៣-កសិករលក់បានតម្លៃខ្ពស់ ហើយងាយស្រួលលក់ មិនត្រឹមតែខាងសហគមន៍ចង់បាន […]

ភ្នំពេញ៖ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានមានប្រសាសន៍បញ្ជាក់ថា ឥទ្ធិពលនៃបាតុភូតអែលនីញ៉ូ (El Niño)បង្កផលប៉ះពាល់មកកម្ពុជា ហើយក្រសួងបានត្រៀមម៉ាស៊ីនបូមទឹកចំនួន១១៥គ្រឿង ដើម្បីធ្វើអន្តរាគមន៍បន្ទាន់នៅតាមតំបន់ ដែលប្រឈមនឹងបញ្ហាខ្វះទឹក និងរាំងស្ងួត ព្រមទាំងមានម៉ាស៊ីនបូមទឹកតាមបណ្តាខេត្តជាង ៤០០គ្រឿងបន្ថែមទៀត។ ឯកឧត្តមរដ្ឋមន្រ្តីបានមានប្រសាសន៍ថា បាតុភូតអែលនីញ៉ូបានបង្កផលប៉ះពាល់យ៉ាងខ្លាំងទាំងក្នុងតំបន់ និងនៅកម្ពុជា។ តាមការសិក្សាស្រាវជ្រាវរបស់ក្រុមការងារជំនាញរបស់ក្រសួង បាតុភូតនេះអាចធ្វើឱ្យសីតុណ្ហភាពកើនឡើងប្រមាណពីរអង្សាសេ លើសពីកម្រិតមធ្យមប្រចាំឆ្នាំ និងអាចបន្តអូសបន្លាយរយៈពេលពីមួយខែ ដល់មួយខែកន្លះ។ ពាក់ព័ន្ធនឹងស្ថានភាពនេះ ក្រសួងធនធានទឹក និងឧតុនិយម ក៏បានសហការជាមួយអង្គការឧត្តុនិយមពិភពលោក (WMO) ដើម្បីផ្សព្វផ្សាយ និងណែនាំដល់អាជ្ញាធរមូលដ្ឋាន និងប្រជាពលរដ្ឋឱ្យប្រើប្រាស់ទឹកដោយសន្សំសំចៃខ្ពស់បំផុត។ ឥទ្ធិពលនៃបាតុភូតនេះអាចបន្តអូសបន្លាយរយៈពេលយូរ និងអាចបង្កផលប៉ះពាល់ដល់វិស័យកសិកម្ម ការផ្គត់ផ្គង់ទឹក សុខភាពសាធារណៈ និងសង្គមទាំងមូល។ ជាមួយគ្នានេះ ក្រសួងក៏បានយកចិត្តទុកដាក់ក្នុងការផ្តល់ព័ត៌មានជូនប្រជាពលរដ្ឋ តាមរយៈប្រព័ន្ធសារទូរស័ព្ទ និងមធ្យោបាយផ្សេងៗ ដើម្បីជូនដំណឹងដល់ប្រជាពលរដ្ឋនៅតំបន់ងាយរងគ្រោះ និងតំបន់អាចទទួលរងផលប៉ះពាល់ឱ្យបានត្រៀមលក្ខណៈ និងចាត់វិធានការបង្ការជាមុន។ របាយការណ៍ពីក្រសួងកសិកម្ម ​រុក្ខាប្រមាញ់ និងនេសាទ បានបង្ហាញថា ស្ថានភាពគ្រោះរាំងស្ងួតលើដំណាំកសិកម្មរដូវវស្សា គិតត្រឹមថ្ងៃទី១៧ ខែកក្កដា ឆ្នាំ២០២៦ គ្រោះរាំងស្ងួតបានប៉ះពាល់លើខេត្តប្រាំពីរ រួមមាន ខេត្តបន្ទាយមានជ័យ […]

វ៉ាស៊ីនតោន៖ ប្រធានាធិបតីអាម៉េរិក លោក ដូណាល់ ត្រាំ (Donald Trump) បានផ្ញើសំណើទៅកាន់រដ្ឋសភាផ្តល់មូលនិធិបន្ថែម ដើម្បីជួយគាំទ្រផ្នែកកសិកម្ម ក្នុងទឹកប្រាក់ជាង១១ពាន់លានដុល្លារ លើកម្មវិធីកសិកម្ម ដែលផ្តោតសំខាន់លើការធានារ៉ាប់រងដំណាំ និងទឹកប្រាក់១២ពាន់លានដុល្លារផ្សេងទៀត សម្រាប់ផ្តល់ជូនកសិករ តាមរយៈកម្មវិធីជំនួយធ្វើជាស្ពានចម្លងរបស់កសិករ។ សំណើរបស់សេតវិមាន រួមមានជំនួយផ្នែកសេដ្ឋកិច្ចជាបណ្តោះអាសន្នក្នុងទំហំទឹកប្រាក់ចំនួន១០ពាន់លានដុល្លារ សម្រាប់អ្នកផលិតដំណាំជារង និងដំណាំមានសក្តានុពល នៅឆ្នាំ២០២៦ រួមជាមួយនឹងទឹកប្រាក់១,១ពាន់លានដុល្លារ ដែលបានកំណត់គោលដៅលើអ្នកផលិតកសិកម្ម ដែលទទួលរងការខាតបង់ធ្ងន់ធ្ងរពីព្យុះត្រជាក់ក្នុងរដូវរងា និងព្រឹត្តិការណ៍ធ្លាក់ព្រឹលទឹកកកនៅភាគអាគ្នេយ៍នៃសហរដ្ឋអាម៉េរិក។ មន្ត្រីសេតវិមានបាននិយាយថា រដ្ឋាភិបាលអាម៉រិកប៉ាន់ប្រមាណថាកម្រិតមូលនិធិបច្ចុប្បន្នរួមផ្សំជាមួយនឹងសំណើថ្មីនេះ នឹងផ្តល់ឱ្យកសិករនូវជំនួយហិរញ្ញវត្ថុប្រហែល៣០,៥ពាន់លានដុល្លារ ក្នុងអំឡុងឆ្នាំ២០២៦។ មន្ត្រីរូបនេះបានបន្ថែមថា ទឹកប្រាក់១០ពាន់លានដុល្លារ ឬប្រហែល២០ភាគរយនៃប្រាក់ចំណូលសុទ្ធរបស់កសិដ្ឋាន និងជួយដោះស្រាយការខាតបង់ នៅក្នុងផ្នែកខ្លះនៃកសិកម្ម។ រដ្ឋាភិបាលអាម៉េរិកទទួលស្គាល់ថា ការធានារ៉ាប់រងដំណាំ ជំនួយសង្រោះចំពោះគ្រោះមហន្តរាយ និងការទូទាត់មិនគ្របដណ្តប់រាល់ការខាតបង់។​ ចំណែកនៅផ្នែកខាងគ្រោះមហន្តរាយ មានទឹកប្រាក់ចំនួន១,១ពាន់លានដុល្លារ សម្រាប់ការខាតបង់ដោយសារការធ្លាក់ព្រឹកទឹកកក ត្រូវបានធ្វើឡើងបន្ទាប់ពីរដ្ឋបាលពិពណ៌នាថា ជាការអនុវត្តថ្មីៗរបស់សភាក្នុងការផ្តល់ជំនួយបន្ថែម នៅពេលកម្មវិធីក្រសួងកសិកម្មសហរដ្ឋអាម៉េរិក ដែលកំពុងដំណើរការ និងការធានារ៉ាប់រងដំណាំ បន្ទាប់ពីហេតុការណ៍បង្កឡើងដោយការប្រែប្រួលអាកាសធាតុធំៗ រួមទាំងខ្យល់ព្យុះ និងធ្លាក់ព្រឹកទឹកកក។ សេតវិមានក៏បានកំណត់សន្តិសុខកសិកម្មជាផ្នែកមួយនៃសន្តិសុខជាតិ ដោយលើកហេតុផលថា អ្នកផលិតត្រូវតែអាចទប់ទល់នឹងការរំខានពីអាកាសធាតុ ការប្រែប្រួលទីផ្សារ និងសម្ពាធខ្សែសង្វាក់ផ្គត់ផ្គង់សកល។ រដ្ឋាភិបាលបានចង្អុលបង្ហាញពីវិធាកករដំឡើងពន្ធ និងជម្លោះពាណិជ្ជកម្ម […]

ដោយ អៀវ ឈាងនី កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ ព្រមទាំងសហការី នារសៀលថ្ងៃទី២០ ខែកក្កដា ឆ្នាំ២០២៦នេះ បានអញ្ជើញចុះជួបពិភាក្សាជាមួយបងប្អូនប្រជាកសិករនៅក្នុងស្រុកទឹកផុស ខេត្តកំពង់ឆ្នាំង និងបានជម្រាបជូនព័ត៌មានអំពីអត្ថប្រយោជន៍នៃការចូលជាសមាជិកសមាគមបណ្តាញកសិករតេជោ ជាពិសេសការតភ្ជាប់ទៅរកប្រភពហិរញ្ញវត្ថុ បច្ចេកទេស និងទីផ្សារ។ ពិធីជួបជុំ និងសំណេះសំណាលនេះ ក៏មានការញ្ជើញចូលរួមផងដែរពីលោក ជា សុខរិទ្ធ អភិបាលរងខេត្តកំពង់ឆ្នាំង និងលោកអភិបាលស្រុកទឹកផុស, អ្នកជំនាញវារីវប្បកម្ម, សាកវប្បកម្ម, មេភូមិ មេឃុំ, និងប្រជាកសិករមកពីឃុំទាំងប្រាំបួននៃស្រុកទឹកផុស សរុបប្រមាណ៣០០រូប។ ឯកឧត្តមបណ្ឌិត កៅ ថាច ក្នុងនាមសមាគមបណ្តាញកសិករតេជោ បានប្រសាសន៍លើកឡើងអំពីគុណតម្លៃសំខាន់ៗរបស់សមាគមបណ្តាញកសិករតេជោ ដែលបង្កើតឡើងក្នុងគោលបំណងធ្វើជាស្ពានចម្លងកសិករទៅរកប្រភពហិរញ្ញវត្ថុ, បច្ចេកទេសដាំដុះ ចិញ្ចឹមសត្វ, និងចម្លងសំឡេងកង្វល់របស់កសិករទៅដល់ថ្នាក់ដឹកនាំ និងជាខែលការពារប្រជាកសិករ។ ក្នុងឱកាសនេះ ឯកឧត្តមបណ្ឌិតប្រតិភូ ក៏បានអំពាវនាវ និងស្នើឱ្យបងប្អូនប្រជាកសិករទាំងអស់ មុននឹងចាប់ផ្តើមការងារបង្កបង្កើនផលកសិកម្ម មិនថាតែការដាំដុះដំណាំ ឬការចិញ្ចឹមសត្វនោះទេ ត្រូវយកចិត្តទុកដាក់ និងតាមដានការព្យាករអាកាសធាតុឱ្យបានដិតដល់បំផុត ដោយសារតែបច្ចុប្បន្នពិភពលោក ក៏ដូចជាកម្ពុជាយើងកំពុងរងផលប៉ះពាល់យ៉ាងធ្ងន់ធ្ងរពីបាតុភូតប្រែប្រួលអាកាសធាតុអែលនីញ៉ូ […]

ម៉ាស្កាត៖ កសិដ្ឋានមួយកន្លែងនៅប្រទេសអូម៉ង់ បានចាប់ផ្តើមដាំម្នាស់ក្នុងស្រុក បន្ទាប់ពីការស្រាវជ្រាវរយៈពេល១៥ឆ្នាំ ដែលរួមមានការវាយតម្លៃភាពសមស្របនៃលក្ខខណ្ឌដាំដុះក្នុងប្រទេស។ ផលិតកម្មម្នាស់នេះ គឺជាបទពិសោធថ្មីរបស់កសិដ្ឋានមួយ ដែលធ្លាប់សាកល្បងធ្វើកសិកម្មជាទ្រង់ទ្រាយតូចៗដោយដាំនៅក្នុងផើង រហូតដល់ការដាំម្នាស់ក្រោមម្លប់ឈើ និងក្នុងផ្ទះកញ្ចក់។ រយៈពេលដាំដុះម្នាស់នេះ ត្រូវចាប់ពីខែកក្កដា ដល់ខែធ្នូ ជារៀងរាល់ឆ្នាំ នៅពេលសីតុណ្ហភាពត្រជាក់ល្មម និងមានសំណើមខ្ពស់ជាងក្នុងរដូវស្លឹកឈើជ្រុះ។ ការលូតលាស់ម្នាស់ចាប់ផ្តើមប្រហែលប្រាំមួយខែ បន្ទាប់ពីការដាំ ខណៈពេលចេញផ្លែរហូតដល់ពេលប្រមូលផលមានរយៈពេលប្រហែល១២ខែ ពេលផ្នែកខាងក្រោមនៃផ្លែម្នាស់ប្រែទៅជាពណ៌មាសលឿង។ យោងតាមអ្នកឯកទេសកសិកម្មជាន់ខ្ពស់ប្រចាំកសិដ្ឋាន បានឱ្យដឹងថា ពូជម្នាស់ជាច្រើនត្រូវបានសិក្សាវាយតម្លៃអំពីលក្ខខណ្ឌដាំដុះ ដោយក្នុងនេះ រួមមានពូជម្នាស់បីប្រភេទ  Queen, Mauritius និង MD-2។ ការដាំដុះដំណាំម្នាស់ នៅក្នុងកសិដ្ឋានខាងលើនេះ គឺជាការពិសោធន៍ជោគជ័យ និងត្រួសត្រាយផ្លូវក្នុងវិស័យកសិកម្ម ដែលមានពូជម្នាស់ជាច្រើនប្រភេទ រួមមានពូជ Queen, ពូជម្នាស់ទឹកឃ្មុំ និងពូជ MD-2 ហើយពូជ MD-2 បច្ចុប្បន្ន គឺជាពូជពេញនិយមខ្លាំងបំផុតមួយនៅទូទាំងពិភពលោក ដោយសារតែទំហំផ្លែធំ មានទម្ងន់ចាប់ពីពីរគីឡូក្រាម រហូតដល់ជាងមួយគីឡូក្រាម ក្នុងមួយផ្លែ ព្រមទាំងមានរសជាតិផ្អែម និងមានតម្លៃល្អលើទីផ្សារខ្ពស់។ លោកបានបន្ថែមថា ម្នាស់មានតម្រូវការទឹកតិច បើប្រៀបធៀបនឹងដំណាំត្រូពិចផ្សេងទៀត ហើយតាមបច្ចេកវិទ្យាបណ្តុះជាលិកា ដែលអាចបង្កើតជាពូជអាចដាំដុះបាន និងគ្មានជំងឺ […]

ដោយ អៀវ ឈាងនី ពោធិ៍សាត់៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម អមដំណើរដោយឯកឧត្តមអគ្គនាយករង ប៉ិច សានី និងឯកឧត្តម បាន លឹម ព្រមទាំងសហការី នាព្រឹកថ្ងៃទី១៨ ខែកក្កដា ឆ្នាំ២០២៦នេះ បានអញ្ជើញពិនិត្យមើលកសិដ្ឋានចិញ្ចឹមត្រីរបស់លោក សុត សឿន ដែលមានទីតាំងស្ថិតនៅ ឃុំអូរតាប៉ោង ស្រុកបាកាន ខេត្តពោធិ៍សាត់។ ក្នុងឱកាសអញ្ជើញពិនិត្យមើលកសិដ្ឋានចិញ្ចឹមត្រីនេះដែរ ឯកឧត្តមបណ្ឌិតប្រតិភូក៏បានកោតសរសើរស្នាដៃកែច្នៃចំណីត្រីរបស់លោក សុត សឿន និងការចិញ្ចឹមត្រីកើនឡើងរហូតដល់១៦ស្រះ ដោយក្នុងនោះចិញ្ចឹមត្រីប្រា និងត្រីឆ្ពិន សម្រាប់ផ្គត់ផ្គង់ទីផ្សារក្នុងខេត្តពោធិ៍សាត់។ បើយោងតាមម្ចាស់កសិដ្ឋានខាងលើបញ្ជាក់ថា សព្វថ្ងៃនេះនៅកសិដ្ឋានរបស់លោកប្រមូលផលក្នុងមួយឆ្នាំបានត្រី៣០០តោន ហើយបរិមាណផលិតនៅមិនទាន់គ្រប់តាមតម្រូវការទីផ្សារនៅឡើយ ។ ក្រៅតែចិញ្ចឹមត្រី លោក សុត សឿន ជាម្ចាស់កសិដ្ឋានក៏មានជំនាញជាគ្រូបង្គោលបង្រៀនកសិករអ្នកចិញ្ចឹមផង ហើយក៏មានជំនាញបច្ចេកទេសលើការផលិតចំណីត្រីកែច្នៃដោយខ្លួនឯង ដោយក្នុងមួយថ្ងៃអាចផលិតចំណីត្រី បានបីតោនសម្រាប់លក់ចែកចាយបន្តទៅឲ្យកសិករផ្សេងៗទៀត ក្នុងតំបន់ទាំងមូលថែមទៀត៕

ដោយ អៀវ ឈាងនី កំពង់ឆ្នាំង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោព្រមទាំងសហការី នាព្រឹកថ្ងៃទី២០ ខែកក្កដា ឆ្នាំ២០២៦នេះ បានរំលឹកជូនកសិករថា ក្នុងបរិបទថ្មីនេះ កសិករគួរកែប្រែផ្នត់គំនិតនៃការធ្វើកសិកម្ម ដោយអនុវត្តដាំដុះឆ្លាតវៃ​ និងត្រូវនេះរកថ្លៃដើមផលិតឱ្យឃើញក្នុងមួយឯកតា ទើបធ្វើស្រែមិនខាត និងបានចំណេញ។ ការបញ្ជាក់របស់ឯកឧត្តមបណ្ឌិតដូច្នោះ ក្នុងឱកាសអញ្ជើញចុះជួបសំណេះសំណាល និងសួរសុខទុក្ខដោយផ្ទាល់ជាមួយបងប្អូនប្រជាកសិករ នៅក្នុងស្រុកបរិបូរណ៍ ខេត្តកំពង់ឆ្នាំង ដែលមានការអញ្ជើញចូលរួមផងដែរ ពីឯកឧត្តម ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង ឯកឧត្តម ស៊ីវ រុន ប្រធានក្រុមប្រឹក្សាខេត្តកំពង់ឆ្នាំង, លោក ចេង ច័ន្ទដូណា អភិបាលស្រុកបរិបូរណ៍ អ្នកជំនាញវារីវប្បកម្ម, សាកវប្បកម្ម, មេភូមិ មេឃុំ និងប្រជាកសិករមកពីឃុំទាំង១១នៃស្រុកបរិបូរណ៍ សរុបប្រមាណ៣៨២រូប។ ឯកឧត្តមបណ្ឌិត កៅ ថាច បានជម្រាបជូនដល់ប្រជាកសិករថា សមាគមបណ្តាញកសិករតេជោ ដែលបង្កើតឡើងក្នុងគោលបំណងទី១ ធ្វើជាស្ពានចម្លងទៅរកប្រភពហិរញ្ញវត្ថុ បច្ចេកទេសដាំដុះ ចិញ្ចឹមសត្វ និងជាអ្នកចម្លងសំឡេងពីកង្វល់របស់កសិករទៅដល់ថ្នាក់ដឹកនាំ […]

ដោយ អៀវ​ ឈាងនី ប៉ៃលិន៖ នៅថ្ងៃទី១៩ ខែកក្កដា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB), ឯកឧត្ដម បាន លឹម និងឯកឧត្ដម ប៉ិច សានី អគ្គនាយករង នៃធនាគារ ARDB រួមទាំងសហការី បានអញ្ជើញពិនិត្យមើលកសិដ្ឋានចិញ្ចឹមមាន់យកស៊ុត និងខ្សែច្រវាក់ផលិតកម្មកែច្នៃចំណីសត្វ របស់ក្រុមហ៊ុន PP Agrotech Co,.Ltd ដែលមានទីតាំងស្ថិតនៅសង្កាត់សាលាក្រៅ ក្រុងប៉ៃលិន ខេត្តប៉ៃលិន។ បច្ចុប្បន្ន ក្រុមហ៊ុន PP Agrotech Co,.Ltd កំពុងចិញ្ចឹមមាន់យកស៊ុតចំនួន២៣ម៉ឺនក្បាល ដែលអាចផ្ដល់ស៊ុតប្រមាណជាង២១ម៉ឺនគ្រាប់ក្នុងមួយថ្ងៃ។ ទន្ទឹមនេះដែរ ក្រុមហ៊ុនក៏មានការកែច្នៃចំណីមាន់ផ្សំពីវត្ថុធាតុដើមក្នុងស្រុក ដែលអាចផលិតចំណីបានប្រមាណ១៦០ តោនក្នុងមួយថ្ងៃ និងអាចបង្កើនការផលិតបន្ថែមទៀត តាមតម្រូវការអតិថិជន។ បន្ថែមពីនេះ ក្រុមហ៊ុនក៏បាននិងកំពុងពង្រីកផលិតកម្មទៅខេត្តផ្សេងៗទៀត និងផ្តល់គំរូអាជីវកម្មដល់កសិករ ដែលមានចំណាប់អារម្មណ៍ចិញ្ចឹមមាន់យកស៊ុតផងដែរ។ ក្នុងដំណើរចុះត្រួតពិនិត្យនេះ ឯកឧត្ដមអគ្គនាយករង បានថ្លែងកោតសរសើរអំពីបច្ចេកទេសទំនើប និងការអភិវឌ្ឍសមត្ថភាពរីកចម្រើនបានឆាប់រហ័សរបស់ក្រុមហ៊ុន ដែលអាចផ្ដល់ឱកាសការងារ […]

បាត់ដំបង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ធនាគារអភិវឌ្ឍន៍ជនបទ និងកសិកម្ម (ARDB) អមដំណើរដោយឯកឧត្តម បាន លឹម និងឯកឧត្តម ប៉ិច សានី អគ្គនាយករងធនាគារ ARDB ព្រមទាំងសហការី នារសៀលថ្ងៃទី១៨ ខែកក្កដា ឆ្នាំ២០២៦ បានអញ្ជើញចុះសួរសុខទុក្ខ និងពិនិត្យខ្សែច្រវាក់ផលិតកម្មដោយផ្ទាល់នៅកសិដ្ឋានចម្ការកំពង់ល្ពៅ ដែលបង្ហាញពីការយកចិត្តទុកដាក់ខ្ពស់លើការអភិវឌ្ឍវិស័យកសិកម្មបែបទំនើប និងការធានាសន្តិសុខស្បៀងក្នុងស្រុក។ កសិដ្ឋានចម្ការកំពង់ល្ពៅ ស្ថិតនៅភូមិរស្មីសង្ហា ឃុំរស្មីសង្ហា ស្រុករតនមណ្ឌល ខេត្តបាត់ដំបង ដែលមានសហគមន៍ដាំបន្លែចម្រុះ និងត្រសក់ផ្អែម ក្នុងផ្ទះសំណាញ់ជាង១០០ខ្នង សម្រាប់ផ្គត់ផ្គង់លើទីផ្សារ។ នៅក្នុងឱកាសចុះពិនិត្យនេះ ឯកឧត្តមបណ្ឌិត កៅ ថាច បានសម្ដែងនូវការកោតសរសើរចំពោះគុណភាពដីថា មានជីវជាតិល្អ ដែលធ្វើឲ្យការដាំដុះនៅក្នុងផ្ទះសំណាញ់ ត្រូវធ្វើបានឡើងយ៉ាងត្រឹមត្រូវតាមបច្ចេកទេស ឆ្លើយតបយ៉ាងចំៗទៅនឹងតម្រូវការទីផ្សារ។ ជាមួយគ្នានេះដែរ ឯកឧត្តមប្រតិភូ ក៏បានមានប្រសាសន៍លើកទឹកចិត្ត និងជំរុញឱ្យបងប្អូនប្រជាកសិករដទៃទៀត ខិតខំប្រឹងប្រែងពង្រីកការដាំដុះដំណាំបន្លែផ្សេងៗ និងត្រសក់ផ្អែមនេះបន្ថែមទៀត។ វិស័យកសិកម្មកម្ពុជា នៅតែជាជន្ទល់សេដ្ឋកិច្ចដ៏រឹងមាំ ហើយការងាកមកដាំដុះដំណាំ ដែលមានតម្លៃសេដ្ឋកិច្ចខ្ពស់បែបនេះ នឹងជួយបង្កើតឱកាសការងារក្នុងសហគមន៍ បង្កើនប្រាក់ចំណូលគ្រួសារ និងរួមចំណែកយ៉ាងសំខាន់ក្នុងការកាត់បន្ថយការនាំចូលបន្លែពីក្រៅប្រទេស។ […]

បាត់ដំបង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ARDB នៅរសៀលថ្ងៃទី១៨ ខែកក្កដា ឆ្នាំ២០២៦ អមដំណើរដោយឯកឧត្តម បាន លឹម និងឯកឧត្តម ប៉ិច សានី អគ្គនាយករងធនាគារ ARDB និងសហការី បានអញ្ជើញពិនិត្យមើលដំណើរការដាំដុះបន្លែសុវត្ថិភាពនៅកសិដ្ឋានបន្លែសុវត្ថិភាព កែ ស៊ីនួន ដែលមានទីតាំងស្ថិតនៅក្នុងមជ្ឈមណ្ឌលបន្សាប ព្យាបាល និងស្តារនីតិសម្បទាអ្នកញៀនគ្រឿងញៀន ស្ថិតនៅភូមិស្តៅ ឃុំស្តៅ ស្រុករតនមណ្ឌល ខេត្តបាត់ដំបង។ កសិដ្ឋានបន្លែសុវត្ថិភាព កែ ស៊ីនួន កំពុងដាំដុះបន្លែក្នុងផ្ទះសំណាញ់ចំនួន៦០ខ្នង ក្នុងទំហំដីប្រមាណជាង១០ហិកតា ដោយមានគ្រូជំនាញ១២រូប ចាំជួយបណ្តុះបណ្តាលអ្នកញៀនគ្រឿងញៀនឱ្យចេះដាំដុះបន្លែក្នុងផ្ទះសំណាញ់ និងបន្សាបគ្រឿងញៀន។ ក្នុងមួយថ្ងៃបន្លែប្រមាណ១៥០គីឡូក្រាម ត្រូវបានផ្គត់ផ្គង់ដល់មជ្ឈមណ្ឌលបន្សាប ព្យាបាល និងស្តារនីតិសម្បទាអ្នកញៀនគ្រឿងញៀន ខេត្តបាត់ដំបង។ ការអញ្ជើញចុះពិនិត្យមើលទីតាំងដាំដុះបន្លែសុវត្ថិភាពនៅកសិដ្ឋានខាងលើរបស់ឯកឧត្តមបណ្ឌិត កៅ ថាច បាននិងកំពុងតែជំរុញ លើកស្ទួយកសិករអ្នកដាំដុះ ដើម្បីផ្គត់ផ្គង់តម្រូវការអ្នកបរិភោគបន្លែប្រចាំថ្ងៃ ជាពិសេស ការផលិតបន្លែក្នុងស្រុកឲ្យបានច្រើន បង្កើតការងារនៅតាមមូលដ្ឋាន និងលើកកម្ពស់ជីវភាពប្រជាពលរដ្ឋនៅជនបទ។ បច្ចុប្បន្ននេះ កសិដ្ឋានបន្លែសុវត្ថិភាព កែ […]

ដោយ អៀវ ឈាងនី បាត់ដំបង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ARDB នៅរសៀលថ្ងៃទី១៨ ខែកក្កដា ឆ្នាំ២០២៦ ក្នុងនាមធនាគារគោលនយោបាយរបស់រាជរដ្ឋាភិបាលនឹងបន្តលើកស្ទួយកសិករ អ្នកដាំដុះបន្លែ និងចិញ្ចឹមសត្វក្នុងស្រុក ដើម្បីផ្គត់ផ្គង់តម្រូវការទីផ្សារ និងអ្នកបរិភោគបន្លែប្រចាំថ្ងៃ។ ការលើកឡើងដូច្នេះរបស់​ឯកឧត្តមបណ្ឌិត កៅ ថាច ក្នុងឱកាសអញ្ជើញពិនិត្យមើលកសិដ្ឋានបន្លែសុវត្ថិភាព កែ ស៊ីនួន ស្ថិតនៅក្នុងមជ្ឈមណ្ឌលបន្សាប ព្យាបាល និងស្តារនីតិសម្បទាអ្នកញៀនគ្រឿងញៀន នៅភូមិស្តៅ ឃុំស្តៅ ស្រុករតនមណ្ឌល ខេត្តបាត់ដំបង។ អមដំណើរដោយឯកឧត្តម បាន លឹម និងឯកឧត្តម ប៉ិច សានី អគ្គនាយករងធនាគារ ARDB និងសហការីបានអញ្ជើញពិនិត្យមើលដំណើរការដាំដុះបន្លែសុវត្ថិភាព នៅកសិដ្ឋានបន្លែសុវត្ថិភាព កែ ស៊ីនួន ដែលមានទីតាំងស្ថិតនៅក្នុងមជ្ឈមណ្ឌលបន្សាប ព្យាបាល និងស្តារនីតិសម្បទាអ្នកញៀនគ្រឿងញៀន និងកសិដ្ឋានចម្ការកំពង់ល្ពៅ ដែលកសិដ្ឋានទាំងពីរស្ថិតនៅស្រុករតនមណ្ឌល ខេត្តបាត់ដំបង។ ចំពោះកសិដ្ឋានបន្លែសុវត្ថិភាព កែ ស៊ីនួន កំពុងដាំដុះបន្លែក្នុងផ្ទះសំណាញ់ចំនួន៦០ខ្នង ក្នុងទំហំដីប្រមាណជាង ១០ហិកតា […]