Tag: trending

ភ្នំពេញ៖ ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី មានប្រសាសន៍នៅក្នុងសិក្ខាសាលាស្តីពី “ការលើកកម្ពស់ចំណេះដឹងសកលដើម្បីគាំទ្រក្នុងដំណើរឆ្ពោះទៅកាន់ចក្ខុវិស័យកម្ពុជាឆ្នាំ២០៥០” កាលថ្ងៃទី២៣ ខែមិថុនា ឆ្នាំ២០២៥នេះថា ចក្ខុវិស័យកម្ពុជាឆ្នាំ២០៥០ គឺជាមហិច្ឆតាខ្ពស់ដែលរាជរដ្ឋាភិបាលចាំបាច់បានផ្ដោតជាសំខាន់ និងយកចិត្ដទុកដាក់ ដោយកំណត់លើចំណុចសំខាន់ពីរ។ ចំណុចទី១ គឺកម្ពុជាត្រូវកំណត់បំណងប្រាថ្នាសម្រាប់រយៈពេល២៥ឆ្នាំទៅមុខទៀត ដែលជាគោលបំណង និងគោលដៅរយៈពេលវែង ដែលជាការតម្រង់ទិសការខិតខំប្រឹងប្រែង និងការប្ដេជ្ញារបស់កម្ពុជា។ ចំណែកចំណុចទី២ គឺការកំណត់អំពីមាគ៌ារបស់កម្ពុជា ដើម្បីឈានទៅសម្រេចឱ្យបាននូវគោលបំណង និងគោលដៅទាំងនេះ ដោយការពិនិត្យលើភាពខ្លាំង ភាពខ្សោយរបស់ខ្លួន ហើយគិតគូររៀបចំអំពីការកសាងភាពធន់ និងកសាងកំណើនក្នុងការកសាងជាតិ ការការពារផលប្រយោជន៍ជាតិ ការការពារប្រជាជន និងការការពារទឹកដីលើមាគ៌ាដ៏វែងឆ្ងាយនេះ។ ឯកឧត្តមឧបនាយករដ្ឋមន្ត្រីបានសង្កត់ធ្ងន់ថា កម្ពុជាស្ថិតក្រោមការដឹកនាំប្រកបដោយចក្ខុវិស័យវែងឆ្ងាយ និងប្រាកដនិយមរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា បានដាក់ចេញនូវយុទ្ធសាស្រ្ដបញ្ចកោណ ដំណាក់កាលទី១ ដែលជាការតម្រង់ទិសសម្រាប់ការរៀបចំចក្ខុវិស័យកម្ពុជាឆ្នាំ២០៥០ ដោយបានកសាងផ្អែកលើភាគលាភនៃសន្ដិភាព និងការអភិវឌ្ឍរយៈពេល២៥ ឆ្នាំកន្លងមក ដែលកើតចេញពីលទ្ធផលនៃការអនុវត្តគោលនយោបាយឈ្នះ-ឈ្នះរបស់សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្ដី និងបច្ចុប្បន្នជាប្រធានព្រឹទ្ធសភា។ ឯកឧត្តម វង្សី វិសុទ្ធ បានលើកឡើងទៀតថា ការកើនឡើងនូវភាពមិនប្រាកដប្រជា […]

អន្តរជាតិ៖ សន្ទស្សន៍តម្លៃស្បៀងអាហាររបស់អង្គការស្បៀងអាហារ​ និងកសិកម្មនៃអង្គការសហប្រជាជាតិ (FAO) ស្តីពីការប្រែប្រួលតម្លៃទំនិញម្ហូបអាហារពិភពលោក បានបង្ហាញឱ្យឃើញថា តម្លៃទំនិញក្នុងខែមីនា ឆ្នាំ២០២៥ មិនផ្លាស់ប្តូរច្រើនទេពីតម្លៃដែលបានប្រែប្រួលក្នុងខែកុម្ភៈ ខណៈពេលមានការធ្លាក់ចុះគ្រាប់ធញ្ញជាតិ និងស្ករ នៅលើពិភពលោក ប៉ុន្តែមានការកើនឡើងគួរឱ្យកត់សម្គាល់នូវតម្លៃប្រេងឆា។ យោងតាមរបាយការណ៍អង្គការស្បៀងអាហារ និងកសិកម្មនៃអង្គការសហប្រជាជាតិ បានឱ្យដឹងថា សន្ទស្សន៍ដែលតាមដានការផ្លាស់ប្តូរប្រចាំខែ​ ចំពោះតម្លៃអន្តរជាតិនៃប្រភេទទំនិញម្ហូបអាហារ ដែលបានជួញដូរទូទាំងពិភពលោក គឈជាមធ្យម១២៧,១ពិន្ទុក្នុងខែមីនា ត្រូវជា៦,៩ភាគរយខ្ពស់ជាងកម្រិតតម្លៃ ដែលត្រូវគ្នានឹងតម្លៃកាលពីមួយឆ្នាំមុន ប៉ុន្តែនៅតែទាបជាងចំនួន២០,៧ភាគរយនៃតម្លៃខ្ពស់បំផុតកាលពីខែមីនា ឆ្នាំ២០២២។ សន្ទស្សន៍តម្លៃគ្រាប់ធញ្ញជាតិរបស់អង្គការដដែរលនេហះ បង្ហាញថា បានធ្លាក់ចុះ២,៦ភាគរយនៅក្នុងខែមីនា ហើយបានធ្លាក់ចុះរហូតដល់១,១ភាគរយ បើធៀបនឹងខែមីនា ឆ្នាំ២០២៤។ ចំណែកតម្លៃស្រូវសាលីលើពិភពលោក បានធ្លាក់ចុះដោយសារតែការព្រួយបារម្ភអំពីស្ថានភាពដំណាំ នៅក្នុងក្រុមហ៊ុននាំចេញធំៗ ស្ថិតនៅភាគខាងជើងមួយចំនួនបានធូរស្រាល ទោះបីចរាចរណ៍រូបិយប័ណ្ណអន្តរជាតិមិនសូវធ្លាក់ចុះក៏ដោយ។ តម្លៃ​គ្រាប់ពោត ក៏ដូចជាតម្លៃគ្រាប់ស្ពៅ នៅលើ​ពិភពលោក​ក៏​បាន​ធ្លាក់​ចុះ​តាំងពី​ខែ​កុម្ភៈ​ផងដែរ។ សន្ទស្សន៍តម្លៃអង្ករទាំងអស់បង្ហាថា បានធ្លាក់ចុះ១,៧ភាគរយ ដោយសារការនាំចូលមានតិច ហើយការផ្គត់ផ្គង់នាំចេញមានច្រើន។ ផ្ទុយទៅវិញ សន្ទស្សន៍តម្លៃប្រេងឆាបង្ហាថា បានកើនឡើងចំនួន៣,៧ភាគរយ ពីខែកុម្ភៈដល់ជាមធ្យម២៣,៩ភាគរយ ខ្ពស់ជាងកម្រិតតម្លៃកាលពីឆ្នាំមុន។ សម្រាប់ដូងប្រេង សណ្តែកសៀង និងប្រេងផ្កាឈូករ័ត្នទាំងអស់ បានកើនឡើងដោយសារតម្រូវការនាំចូលច្រើននៅលើសកលលោក។ ចំណែកសន្ទស្សន៍តម្លៃសាច់វិញ ក៏បានកើនឡើងផងដែរ ដោយកើនឡើង០,៩ភាគរយក្នុងមួយខែ និងកើនឡើង២,៧ភាគរយក្នុងមួយឆ្នាំ […]

វៀងច័ន្ទ៖ អាជ្ញាធរខេត្តបកែវរបស់ឡាវ កំពុងចាប់ដៃគូជាមួយក្រុមហ៊ុនដាំកៅស៊ូមកពីប្រទេសចិន ដើម្បីអនុវត្តគម្រោងវិនិយោគរយៈពេល៣០ឆ្នាំ សម្រាប់ដាំដើមកៅស៊ូលើផ្ទៃដីទំហំ៥០០០ហិកតា ជាមួយប្រជាជនឡាវ នៅក្នុងមូលដ្ឋាន។ យោងតាមសារព័ត៌មាន​ វៀងច័ន្ទថែមស៍​ របស់ឡាវ បានឱ្យដឹងថា កិច្ច​ប្រជុំ​អំពីគម្រោងវិនិយោគនេះ​ ត្រូវ​បាន​ធ្វើ​ឡើង​កាល​ពី​សប្តាហ៍​មុន ​នៅ​ក្នុងស្រុកប៉ាក់ថា ខេត្តបកែវ ​ដើម្បី​ពិភាក្សាគ្នាលម្អិតបន្ថែមទៀត​ ​ដោយ​មាន​តំណាង​មក​ពី​មន្ត្រីថ្នាក់ស្រុក និងថ្នាក់ដឹកនាំ​ក្រុមហ៊ុនរោងចក្រផលិតកៅស៊ូ។ ប្រធានការិយាល័យផែនការ និងវិនិយោគក្នុងស្រុក លោក អាំភូន អ៊ិនថានុន (Amphone Inthanon)  បានបង្ហាញព័ត៌មានលម្អិតនៃកិច្ចព្រមព្រៀងរវាងភាគីទាំងពីរ ក្នុងការដាំដើមកៅស៊ូនៅក្នុងខេត្តប៉ាក់ថា ស្ថិតនៅភាគពាយ័ព្យប្រទេសឡាវ ជាប់ព្រំដែនជាមួយប្រទេសថៃ។ កិច្ចព្រមព្រៀងនេះមានគោលបំណងផ្តល់ផលប្រយោជន៍ស្មើគ្នាដល់ភាគីទាំងបី  គឺរដ្ឋ វិនិយោគិន និងប្រជាជនក្នុងមូលដ្ឋាន  ដោយធានាថា ការវិនិយោគជាទ្រង់ទ្រាយធំនេះ ត្រូវតែអនុលោមតាមច្បាប់របស់ឡាវ ដោយប្រជាពលរដ្ឋនៅក្នុងសហគមន៍មូលដ្ឋាន ជាអ្នកផ្តល់ដីសម្រាប់ដាំដើមកៅស៊ូ។ កិច្ចព្រមព្រៀងបានបញ្ជាក់យ៉ាងច្បាស់ថា កិច្ចសហការគ្នានេះមានគោលបំណងបង្កើនអត្ថប្រយោជន៍ជាអតិបរមាសម្រាប់គ្រប់ភាគី តាមរយៈការអភិវឌ្ឍន៍សេដ្ឋកិច្ចសង្គមប្រកបដោយចីរភាព។ គម្រោងវិនិយោគដំាដំណាំកៅស៊ូនេះ ក៏ត្រូវផ្សារភ្ជាប់ទៅនឹងការការពារបរិស្ថាន តាមរយៈលើកកម្ពស់ការដាំដំណាំយុទ្ធសាស្ត្រ ដើម្បីបង្កើតជាតំបន់បៃតង បង្កើតការងារធ្វើនៅនឹងកន្លែង និងផ្តល់ប្រាក់ចំណូលប្រកបដោយស្ថិរភាពដល់ប្រជាជនឡាវនៅក្នុងមូលដ្ឋាន។ សារព័ត៌មានដដែល បានពន្យល់បន្ថែមទៀតថា គោលដៅចុងក្រោយបំផុតរបស់រដ្ឋាភិបាលឡាវចំពោះគម្រោងវិនិយោគជាមួយក្រុមហ៊ុនចិននេះ គឺដើម្បីលើកកម្ពស់ប្រាក់ចំណូលតាមគ្រួសារប្រជាជនឡាវ និងកាត់បន្ថយភាពក្រីក្រផងដែរ។ កិច្ចព្រមព្រៀងភាពជាដៃគូវិនិយោគនេះ មានសុពលភាពរយៈពេល៣០ឆ្នាំ និងគ្របដណ្តប់លើផ្ទៃដីចំនួន៥ […]

ម៉ានីល៖ ធនាគាររដ្ឋរបស់ប្រទេសហ្វីលីពីន បានបញ្ចេញប្រាក់កម្ចីចំនួន១,២ពាន់លានប៉េសូហ្វីលីពីន ឬប្រហែល២១,៨២លានដុល្លារ  តាមរយៈកម្មវិធីផ្តល់ប្រាក់កម្ចី ដើម្បីគាំទ្រដល់ខ្សែសង្វាក់តម្លៃកសិកម្មទាំងមូល។ នៅក្នុងសេចក្តីថ្លែងការណ៍ រដ្ឋមន្ត្រីក្រសួងហិរញ្ញវត្ថុ និងជាប្រធានធនាគារ ឡែនដ៍ (Land​ Bank) ដែលគ្រប់គ្រង លោក រ៉ាល រ៉េកតូ (Ralph Recto) បានមានប្រសាសន៍ថា កំណើនកសិកម្ម និងសមាហរណកម្មធនធាន តាមរយៈកម្មវិធីផ្តល់ជាយុទ្ធសាស្រ្ត និងពង្រឹងការផ្តល់ជំនួយ និងឱកាសបន្ថែម បានបញ្ចេញប្រាក់កម្ចីចំនួន១,១៦ពាន់លានប៉េសូហ្វីលីពីន ឬប្រហែលជាង២១លានដុល្លារ ក្នុងរយៈពេលប្រាំមួយខែ។ គិតត្រឹមចុងខែឧសភា ឆ្នាំ២០២៥ កម្មវិធីនេះបានផ្តល់អត្ថប្រយោជន៍ដល់អ្នកខ្ចីប្រាក់ចំនួនជិត៧០ ០០នាក់ និងបានផ្តល់ហិរញ្ញប្បទានលើផ្ទៃដីស្រែចម្ការជាងពីរម៉ឺនហិកតា។ សេចក្តីថ្លែងការរបស់ធនាគារ បានឱ្យដឹងទៀតថា ធនាគារមានគោលបំណងនាំយកកម្មវិធីនេះទៅដល់អ្នកទទួលផលថ្មីយ៉ាងហោចណាស់មួយម៉ឺននាក់ នៅត្រឹមចុងឆ្នាំ២០២៥ ដើម្បីអនុវត្តផែនការជំរុញរបស់រដ្ឋាភិបាលក្នុងការធ្វើទំនើបកម្ម និងលើកកម្ពស់ជីវភាពរស់នៅតាមជនបទ។ កម្មវិធីផ្តល់ជាយុទ្ធសាស្រ្ត និងពង្រឹងការផ្តល់ជំនួយ និងឱកាសបន្ថែម បានបើកដំណើរការក្នុងខែវិច្ឆិកា ឆ្នាំ២០២៤ ដើម្បីពង្រីកសិទ្ធិទទួលបានប្រាក់កម្ចីមានអត្រាការប្រាក់ទាប និងយល់ដឹងពីភាពងាយស្រួលទទួលបានប្រាក់កម្ចី។ អ្នកទទួលផលថ្មីៗរបស់កម្មវិធីនេះរួមមានកសិករប្រមាណ១​ ០០០នាក់នៅ។ កម្មវិធីផ្តល់ជាយុទ្ធសាស្រ្ត និងពង្រឹងការផ្តល់ជំនួយ និងឱកាសបន្ថែម ផ្តល់ហិរញ្ញប្បទានដល់តម្រូវការកសិផលជាច្រើន ចាប់ពីផលិតកម្មដំណាំ និងជលផល រហូតដល់ការទិញគ្រឿងយន្តកសិកម្ម។ មុននិងក្រោយការប្រមូលផល […]

ម៉ានីល៖ ប្រធានាធិបតីហ្វីលីពីន បានបញ្ជាឱ្យអាជ្ញាធរដូងហ្វីលីពីន  ពង្រីកផែនការដាំដើមដូង នៅឆ្នាំ២០២៦ ឱ្យបានចំនួន៥០លានដើម ដើម្បីពន្លឿនការអភិវឌ្ឍន៍ឧស្សាហកម្ម និងដណ្តើមបានឈ្មោះជាប្រទេសផលិតផ្លែដូងលំដាប់កំពូលរបស់ពិភពលោក។ យោងតាមសារព័ត៌មាន ឌឹស្តា​ របស់ហ្វីលីពីន បានឱ្យដឹងថា រដ្ឋមន្ត្រីក្រសួងកសិកម្មហ្វីលីពីន បានបញ្ជាក់ពីផែនការរបស់លោកប្រធានាធិបតី បន្ទាប់ពីបានអនុម័តថវិកាបន្ថែមសម្រាប់កម្មវិធីដាំដើមដូងដ៏ធំនៅឆ្នាំក្រោយ ដែលផែនការដំបូងរបស់អាជ្ញាធរដូង គ្រោងដាំត្រឹមតែ២៥លានដើមប៉ុណ្ណោះ។ រដ្ឋមន្ត្រីក្រសួងកសិកម្ម ហ្វ្រង់ស៊ីស្កូ ធៀវ លូរ៉ែល (Francisco Tiu Laurel) បានមានប្រសាសន៍ប្រាប់សារព័ត៌មានក្នុងស្រុក លោកប្រធានាធិបតីបានអនុម័តកញ្ចប់ថវិកាជាង៧​​ ០០០លានប៉េសូ ឬស្មើនិង១២១លានដុល្លារ​ សម្រាប់កម្មវិធីដាំដើមដូងនៅឆ្នាំក្រោយ។ យុទ្ធសាស្ត្រ​ដាំ​ដើម​ដូង​នេះ ​គឺ​ជា​ផ្នែក​មួយ​នៃ​កម្មវិធី​រយៈពេល​ប្រាំ​ឆ្នាំ ​ដែល​ដាក់​ឱ្យ​ដំណើរការ​ក្នុង​ឆ្នាំ​២០២៣ ដើម្បី​ដាំ​ដើម​ដូង​នៅទូទាំងប្រទេសហ្វីលីពីនឱ្យ​បាន​១០០​លានដើម ​នៅ​ត្រឹមឆ្នាំ​២០២៨ ។ រហូតមកដល់ពេលនេះ ប្រទេសហ្វីលីពីន បានដាំដូងសរុបចំនួន៨,៥លានដើម នៅក្នុងឆ្នាំ២០២៤ ដែលយ៉ាងហោចណាស់ត្រូវដាំបន្ថែមចំនួន១៥លានបន្ថែមទៀត ដើម្បីឱ្យស្របតាមគោលដៅដាំមុនដំណាច់ឆ្នាំ។ លោករដ្ឋមន្ត្រីក្រសួងកសិកម្ម បាននិយាយបញ្ជាក់ថា លោកប្រធានាធិបតីបានបែងចែកមូលនិធិបន្ថែមសម្រាប់ដាំដូងរួចរាល់ហើយ ចំណែករដ្ឋាភិបាលនឹងចូលរួមសហការដាំដើមជាមួយសហគមន៍កសិកម្មដូង ដើម្បីតាមដានដំណើរការដាំដុះឱ្យបានជោគជ័យយ៉ាងឆាប់រហ័ស។ ក្រសួងកសិកម្មហ្វីលីពីន បាននិយាយថា រដ្ឋបាលរបស់លោក ម៉ាកូស ចាប់អារម្មណ៍ខ្លាំងណាស់លើកិច្ចខិតខំប្រឹងប្រែងរបស់ខ្លួនក្នុងការដាំដើមដូងឡើងវិញ ដើម្បីកសាងកេរ្តិ៍ប្រទេសជាអ្នកមានដើមដូងច្រើនជាងគេបំផុតលើពិភពលោក បន្ទាប់ពីបាត់ឈ្មោះកាលពីជិត៣០ឆ្នាំកន្លងមកហើយ។ ក្រសួងកសិកម្ម បានកត់សម្គាល់ថា […]

តាកែវ៖ កសិដ្ឋានហង់ ហ៊ាង បង្កាត់ពូជត្រីនៅភូមិចក ឃុំរកាក្នុង ក្រុងដូនកែវខេត្តតាកែវ បានដាក់ផែនការបង្កាត់ពូជត្រីប្រាសម្រាប់ផ្គត់ផ្គង់ទៅលើទីផ្សារក្នុងតំបន់និងក្រៅតំបន់ឱ្យកើនដល់ប្រមាណ២៥០លានកូនត្រីនៅក្នុងមួយឆ្នាំៗនាពេលអនាគត។ អ្នកស្រី ខ្លូត ស្រីនាង ម្ចាស់កសិដ្ឋាន ហង់ ហ៊ាង បានឱ្យដឹងថា នៅក្នុងផែនការអាជីវកម្ម យើងបានដាក់គោលដៅបង្កាត់ពូជត្រីប្រាលក់ចេញ សម្រាប់កូនម្សៅឬកូនទើបតែភ្ញាស់ ឱ្យបាន១០០ទៅ២០០លានកូនត្រីនៅក្នុងមួយឆ្នាំ និងកូនត្រីប្រាពូជដែលបានផ្សាំទុក គ្រោងផលិតឱ្យបាន៥០លានកូន ធ្វើជាគោលដៅដើរឆ្ពោះទៅរកការផ្គត់ផ្គង់ជាប្រចាំឆ្នាំនាពេលអនាគត។ អ្នកស្រី ខ្លូត ស្រីនាង ទទួលស្គាល់ថា “ការដាក់ផែនឬគោលដៅ ការផលិតកូនត្រីប្រាពូជប្រចាំឆ្នាំនេះមានកម្រិតខ្ពស់ គឺដើម្បីជំរុញឱ្យខ្លួនឯងឱ្យមានការខិតខំ ទោះបីក្នុងពេលបច្ចុប្បន្ននេះដើរមិនទាន់ដល់ចំណុចដែលបានកំណត់ទុកក៏ដោយ ប៉ុន្តែនៅឆ្នាំបន្តបន្ទាប់ខាងមុខទៀត សង្ឃឹមថានឹងដើរដល់គោលដៅដែលបានគ្រោងទុក”។ អ្នកស្រី បន្តថាការផលិតកូនត្រីប្រាពូជ ជាក់ស្តែងក្នុងរយៈពេល២ឆ្នាំចុងក្រោយនេះ សម្រាប់ការផ្គត់ផ្គង់កូនត្រីប្រាពូជបានចំនួន ៣លានទៅ៤លានកូនត្រី តែទោះជាយ៉ាងណាកសិដ្ឋាននឹងបង្កើនការផលិតឱ្យកើនឡើងបន្ថែមទៀតពីមួយឆ្នាំទៅមួយឆ្នាំ។ ចំណែកកូនម្ស៉ៅ ការផ្គត់ផ្គង់មានអត្រាកើនឡើងដល់៥០លានកូនត្រី ដោយសារឆ្នាំនេះមានការកំម្ម៉ង់ច្រើនពីប្រជាកសិករក្នុងស្រុក។ អ្នកស្រីបន្តថា ការដាក់គោលដៅផលិតកូនត្រីប្រាប្រចាំឆ្នាំនេះធ្វើឡើងសម្រាប់ឆ្លើយតបទាំងនៅក្នុងផែនការអាជីវកម្ម និងការកំម្ម៉ង់របស់កសិករ ព្រោះតម្រូវការទីផ្សារកូនត្រីប្រានេះខ្ពស់ ហើយនៅពេលខ្លះការផ្គត់ផ្គង់មិនគ្រប់ទៅនិងតម្រូវការទីផ្សារ ។តែទោះជាបែបនេះក្តី ក្នុងនាមជាអ្នកផលិត នឹងព្យាយាមបង្កាត់ពូជត្រី និងពង្រីកសាខា ផ្សាំកូនត្រីឱ្យបានច្រើនថែមទៀត។ បើតាមម្ចាស់កសិដ្ឋានបង្កាត់ពូជត្រីខាងលើ, ការបង្កាត់ពូជត្រីប្រាគឺមានការពិបាកនិងចំណាយពេលវេលាយូរជាងការបង្កាត់ពូជត្រីផ្សេងៗ ហើយនៅពេលផលិតបានហើយបើពុំមានការថែទាំឱ្យបានល្អនោះទេ នៅពេលណាមួយប្រឈមមុខនឹងការខាតបង់ទៅវិញ៕

ហូជីមិញ៖ នាយកប្រតិបត្តិក្រុមហ៊ុនចិញ្ចឹមត្រីដ៏ធំរបស់សហរដ្ឋអាម៉េរិក ដែលមានសាខានៅក្នុងប្រទេសវៀតណាម បានប្រកាសដកខ្លួនចេញពីអាជីវកម្មចិញ្ចឹមត្រីនៅក្នុងប្រទេសវៀតណាម ដោយសារប្រកួតប្រជែងមិនឈ្នះក្រុមហ៊ុនក្នុងស្រុក។ លោកនាយកប្រតិបត្តិ បាននិយាយថា ការដកខ្លួនចេញនេះ គឺជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុន ខាហ្គីល (Cargill) ដើម្បីប្រមូលដើមទុនរបស់ខ្លួនងាកទៅជិតទីផ្សារ និងប្រភេទសត្វចិញ្ចឹម ដែលមានសក្ដានុពលកើនឡើងសម្រាប់រយៈពេលវែងនាពេលខាងអនាគត។ លោកបាននិយាយបន្ថែមថា ក្រុមហ៊ុនយក្សរបស់សហរដ្ឋអាម៉េរិកកំពុងខ្នះខ្នែងប្រមូលទ្រព្យសម្បត្តិ សម្រាប់អាជីវកម្មចិញ្ចឹមត្រីនៅក្នុងប្រទេសវៀតណាម រួមទាំងទ្រព្យសម្បត្តិពាក់ព័ន្ធផ្សេងទៀត​ ដើម្បីដាក់ទុននៅកន្លែងផ្សេង។ សារព័ត៌មានវៀតណាម កាលពីសប្តាហ៍មុន បានចេញផ្សាយព្រោងព្រាត ដោយលើកឡើងថា​​ តាមរយៈការសម្រេចចិត្តដកខ្លួននេះ ក្រុមហ៊ុន​ ខាហ្គីល នឹងបិទកសិដ្ឋានចិញ្ចឹមត្រីចំនួនពីរកន្លែង នៅក្នុងខេត្ត ដុងថាប់ និងនៅក្នុងខេត្ត ឡុងអាន ភាគខាងត្បូងប្រទេសវៀតណាម រួមទាំងជាមជ្ឈមណ្ឌលកម្មវិធីបច្ចេកទេសបង្កាត់ពូជ​ និងចិញ្ចឹមត្រី នៅក្នុងខេត្ត ទៀនយ៉ាង ផងដែរ។ ទោះបីជាយ៉ាងណាក៏ដោយ ចំណាត់ការនេះមិនប៉ះពាល់ដល់អាជីវកម្មអាហារូបត្ថម្ភ និងសុខភាពត្រីរបស់ ខាហ្គីល នៅក្នុងប្រទេសវៀតណាមនោះទេ ដោយលោកនាយកប្រតិបត្តិបានកត់សម្គាល់ថា ប្រទេសវៀតណាមនៅតែជាទីផ្សារដ៏សំខាន់សម្រាប់សាជីវកម្មចិញ្ចឹមត្រីរបស់ខ្លួន។ កាលពីខែធ្នូ ឆ្នាំ២០២៤ ក្រុមហ៊ុន ខាហ្គីល បានប្រកាសកាត់បន្ថយកម្លាំងពលកម្មសកលចំនួនប្រាំភាគរយ ដើម្បីបម្រើយុទ្ធសាស្រ្តរកស៊ីរយៈពេលវែង។ ក្រុមហ៊ុន​ ខាហ្គីឡ របស់អាម៉េរិក បានបណ្តាក់ទុនវិនិយោគជាទឹកប្រាកើប្រហែល១៦០លានដុល្លារនៅក្នុងប្រទេសវៀតណាម ដោយប្រតិបត្តិការរោងចក្រផលិតចំណីសត្វចំនួន១២កន្លែង […]

ភ្នំពេញ៖ ប្រជាកសិករមកខេត្តបាត់ដំបងជាង៣០នាក់ កាលពីសប្តាហ៍មុន បានធ្វើទស្សនកិច្ចសិក្សាស្វែងយល់ពីបច្ចេកទេសដាំដំណាំ និងអត្ថប្រយោជន៍ដាំដុះដំណាំវិលជុំ​ស្របតាមស្តង់ដាអនុវត្តកសិកម្មល្អ នៅក្នុងកសិដ្ឋានដ៏លេចធ្លោមួយកន្លែង ស្ថិតនៅក្នុងស្រុកពញាឮ ខេត្តកណ្តាល។ យោងតាមផេកហ្វេសប៊ុកផ្លូវការរបស់កសិដ្ឋានប្រសិទ្ធ បានឱ្យដឹងថា សិក្ខាកាមទាំងអស់មានចំនួន៣១នាក់ បានអញ្ជេញមកធ្វើទស្សនកិច្ចសិក្សាក្រោមការសម្របសម្រួល និងដឹកនាំដោយអង្គការមនុស្សចាស់កម្ពុជា ខេត្តបាត់ដំបង។ ក្រោយពីបានដើរមើលបច្ចេកទេសដាំនៅក្នុងផ្ទះសំណាញ់រួច ប្រជាកសិករទាំងនេះបានសម្តែងការស្ងើចសរសើរចំពោះបច្ចេទេសសម្រាប់ដំណើរការដាំដុះនៅក្នុងផ្ទះសំណាញ់របស់កសិដ្ឋាន ដើម្បីទទួលបានផលិតផលបន្លែមានគុណភាពល្អ និងមានសុវត្ថិភាពសម្រាប់ទទួលទាន។ នៅក្នុងដំណើរទស្សនកិច្ចនេះ លោកស្រី កៅ លីនដា ប្រធានកសិដ្ឋានប្រសិទ្ធ បានមានប្រសាសន៍ចែករំលែកបទពិសោធ​ និងចំណេះដឹងក្នុងការដាំដំណាំបន្លែវិលជុំក្នុងផ្ទះសំណាញ់របស់លោកស្រី ដើម្បីពួកគាត់យកទៅអនវុត្តពេលវិលត្រឡប់ទៅកាន់លំនៅឋានវិញ។ កសិដ្ឋានប្រសិទ្ធ គឺជាថ្នាលដាំបន្លែវិលជុំគ្រប់មុខសម្រាប់ផ្តល់ជូនអតិថិជន និងទីផ្សារដៃគូនានា ដោយប្រមូលផលផ្ទាល់ពីកសិដ្ឋាន ដែលដាំដុះក្នុងបរិស្ថានស្អាតស្របតាមស្តង់ដាអនុវត្តកសិកម្មល្អ (Good Agricultural Practices-GAP)  របស់ក្រសួងកសិកម្ម រុក្ខាប្រមាញ់ និងនេសាទនៃព្រះរាជាណាចក្រកម្ពុជា។ កសិដ្ឋាននេះមានទីតាំងស្ថិតនៅស្របផ្លូវជាតិលេខ៥១ ភូមិតាគោក ឃុំឃ្លាំង ស្រុកពញាឮ​ ខេត្តកណ្តាល៕

ភ្នំពេញ៖ ក្រុមហ៊ុន វីរៈប៊ុនថាំ អេចប្រេស របស់ អ្នកឧកញ៉ា សួរ វីរៈ បានបញ្ជូនរថយន្តក្រុមហ៊ុន វីរៈ ប៊ុនថាំ ជាច្រើនគ្រឿងទៅជួយដឹកផ្លែល្ពៅ ចំនួន ២០តោន របស់ប្រជាកសិករនៅខេត្តព្រះវិហារ ដែលកំពុងមានបញ្ហាកង្វះទីផ្សារ ដើម្បីយកមកលក់នៅរាជធានីភ្នំពេញ។ កាលពីពេលថ្មីៗនេះ បងប្អូនប្រជាកសិករនៅខេត្តព្រះវិហារ បាននិងកំពុងជួបបញ្ហាទីផ្សារក្នុងការលក់ផ្លែល្ពៅ ដែលជាកសិផលខ្មែរសំខាន់មួយផងដែរ។ ពាក់ព័ន្ធនឹងបញ្ហានេះ ក្រសួងកសិកម្ម រុក្ខាប្រមាញ់ និងនេសាទ និងក្រសួងពាណិជ្ជកម្ម ក្នុងនាមជាសេនាធិការរបស់រាជរដ្ឋាភិបាល ក៏បានអំពាវនាវឱ្យភាគីពាក់ព័ន្ធមេត្តារួមគ្នាជួយតាមលទ្ធភាពដល់ប្រជាកសិករ។ អ្នកឧកញ៉ា សួរ វីរៈ បានលើកឡើងលើទំព័រហ្វេសប៊ុក កាលពីថ្ងៃទី២១ ខែមិថុនា បែបនេះថា “តបតាមការស្នើរសុំរបស់ក្រសួងពាណិជ្ជកម្ម លោកបាទបានបញ្ជូនរថយន្តដឹកទំនិញ ដើម្បីជួយដល់កសិករនៅខេត្តព្រះវិហារ ដែលកំពុងជួបបញ្ហាទីផ្សារលក់ផ្លែល្ពៅចំនួន ២០តោន ទៅកាន់រាជធានីភ្នំពេញ និង ចំនួនជាច្រើនតោនបន្ថែមទៀត ក្នុងពេលឆាប់ៗនេះ។ បើប្អូនត្រូវការទិញអាចទាក់ទងបានដឹកជញ្ជូន ១២៥០ទីតាំងរបស់សាខាវីរ:ប៊ុនថាំ។ ខ្មែរជួយខ្មែរ ខ្មែរគាំទ្រផលិតផលខ្មែរ”។ ក្រោមកិច្ចសហការជាមួយក្រសួងពាណិជ្ជកម្ម ក្នុងការគាំទ្រប្រជាកសិករក្នុងខេត្តព្រះវិហារ បណ្តាផ្សារទំនើបធំៗមួយចំនួននៅកម្ពុជា ក៏បាននាំយកផ្លែល្ពៅមកដាក់លក់ក្នុងតម្លៃសមរម្យដល់បងប្អូនប្រជាពលរដ្ឋនៅរាជធានីភ្នំពេញជាពិសេសនៅផ្សារទំនើបអ៊ីអនម៉ល និងផ្សារជីពម៉ុង ក៏ដូចជាផ្សារទំនើបផ្សេងៗទៀត​៕

ភ្នំពេញ៖ កសិករដាំបន្លែ និងជាប្រធានសហគមន៍កសិកម្មទំនប “បន្លែផ្ទះសំណាញ់ត្រាំកក់”បានសម្តែងការគាំទ្រ និងពេញជាខ្លាំងចំពោះរាជរដ្ឋាភិបាលកម្ពុជា ដែលបង្កើតឱ្យមានសហគមន៍កសិកម្មទំនើបឡើង ហើយតាមរយៈវត្តមានសហគមន៍ថ្មីនេះ បានជួយឱ្យកសិករមានការផ្តាស់ប្តូរឥរិយាបទលើមុខរបរដាំបន្លែរបស់ខ្លួន ពីការដាំបន្លែតាមគ្នា ងាកមកដាំតាមផែនការ ឬដាំបន្លែឆ្លាស់គ្នាចៀសវាងជួបបញ្ហាទីផ្សារ។  លោក អ៊ុន អឿន ប្រធានសហគមន៍កសិកម្មទំនើប លើកឡើងបែបនេះនៅក្នុងឱកាសអញ្ចើញចូលរួមជាវាគ្មិនក្នុងកម្មវិធីបទសម្ភាសពិសេសរបស់ទូរទស្សន៍អនឡាញ ARDB កាលពីពេលថ្មីៗកន្លងមកនេះ។ លោកបានឱ្យដឹងថា ក្នុងនាមជាប្រធានសហគមន៍ ដែលធ្វើការផ្ទាល់ជាមួយគម្រោងដៃគូ ក៏ដូចជារាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ ដែលបានរៀបចំបង្កើតឱ្យមានសហគមន៍កសិកម្មទំនើប បន្លែផ្ទះសំណាញ់ត្រាំកក់នេះ បង្ហាញឱ្យឃើញថា រាជរដ្ឋាភិបាលបានយកចិត្តទុកដាក់មកលើកសិករ។ លោកប្រធានសហគមន៍បានបន្តថា បន្ទាប់ពីសហគមន៍កសិកម្មកសិកម្មទំនើប បន្លែផ្ទះសំណាញ់បានដំណើរការជាផ្លូវការ យើងមើលឃើញថា មានភាពប្រសើរឡើង ដោយកសិករដាំបន្លែមិនមានផែនការច្បាស់លាស់ ដាំបន្លែតែមួយមុខដូចគ្នាជាហេតុធ្វើឱ្យមានបញ្ហាទីផ្សារកើតឡើងនៅពេលប្រមូលផល។ ប៉ុន្តែក្រោយពីមានសហគមន៍ថ្មីនេះកើតឡើង យើងសង្កេតឃើញថា ប្រជាកសិករប្រកបរបរដាំបន្លែមានការផ្លាស់ប្តូរឥរិយាបទរបស់ខ្លួន និងទទួលយកបច្ចេកទេសថ្មីៗដូចជាការដាំដំណាំឆ្លាស់, ដាំដំណាំឱ្យបានច្រើនមុខ មិនដាំតែមួយមុខៗនាំឱ្យកកស្ទះលើទីផ្សារដូចមុនទៀតឡើយ។ លោកបានបន្តថា “រាជរដ្ឋាភិបាលបង្កើតឱ្យមានសហគមន៍កសិកម្មទំនើបនេះឡើង  ខ្ញុំអបអរសាទរ និងសូមគាំទ្រទាំងស្រុងនូវលទ្ធផល ដែលរាជរដ្ឋាភិបាលសម្រេចកន្លងមក។ ការបង្កើតឱ្យមានសហគមន៍កសិកម្មទំនើប ខ្ញុំគិតថា ជាការផ្តល់លទ្ធភាពដល់សហគមន៍ទទួលបានប្រភពទុនជួយឱ្យកសិករងើបឈរឡើងដើម្បីបង្កបង្កើនផល សម្រាប់អភិវឌ្ឍន៍គ្រួសារនិងសហគមន៍ផងដែរ”។ លោកលើកឡើងថា តាមរយៈសហគមន៍កសិកម្មទំនើបថ្មីនេះ សង្ឃឹមថា ប្រជាកសិករនឹងរួមគ្នា […]

ប៉េកាំង៖ យោងតាមរបាយការណ៍ដែលចេញផ្សាយដោយសមាគមកប្បាសចិន បានឱ្យដឹងថា ផ្ទៃដីដាំកប្បាសនៅតំបន់ស្វយ័តស៊ីនជាំងអ៊ុយហ្គ័រ ស្ថិតនៅភាគពាយព្យនៃប្រទេសចិន បានកើនឡើងដល់ទំហំ២,៧៣លានហិកតា ក្នុងឆ្នាំ២០២៥ គឺកើនឡើង៣,៣ភាគរយ ពីមួយឆ្នាំទៅមួយឆ្នាំ។ របាយការណ៍ដដែល បានឱ្យដឹងទៀតថា សរុបទំហំផ្ទៃដីដាំកប្បាសនៅក្នុងប្រទេសចិន បានកើនឡើងដល់២,៩៩លានហិកតា ដោយរក្សាបាននូវសន្ទុះវិជ្ជមានជានិច្ច ដោយបានកត់សម្គាល់ថា តំបន់ដាំកប្បាសរបស់ប្រទេសចិននៅតែមានស្ថេរភាព ហើយលក្ខខណ្ឌអាកាសធាតុនាពេលបច្ចុប្បន្ននៅក្នុងតំបន់ស្វយ័តស៊ីនជាំង គឺអំណោយផលល្អសម្រាប់ផលិតកម្មកប្បាស។ យោងតាមនាយកដ្ឋានកសិកម្ម និងកិច្ចការជនបទ ក្នុងតំបន់ស៊ីនជាំង បានឱ្យដឹងថា ស៊ីនជាំង គឺជាតំបន់ផលិតកប្បាសដ៏ធំបំផុតរបស់ប្រទេសចិន ដែលរួមចំណែក៩២,២ភាគរយនៃទិន្នផលកប្បាសសរុបក្នុងស្រុក នៅក្នុងឆ្នាំ២០២៤ ដែលឈានដល់កម្រិតខ្ពស់បំផុត។  សំឡីកប្បាសតំបន់ស៊ីនជាំង ឥឡូវនេះត្រូវបានប្រើប្រាស់ជាចម្បងដើម្បីបំពេញតម្រូវការដ៏ច្រើននៅក្នុងស្រុក ដោយអនុញ្ញាតឱ្យនាំចេញខ្លះៗប៉ុណ្ណោះ ព្រោះតម្រូវការសំឡីកប្បាសនៅក្នុងស្រុកកាន់តែកើនឡើងជាប្រចាំ។ ភាពរឹងមាំនៃឧស្សាហកម្មកប្បាសរបស់តំបន់ស្វយ័តស៊ីនជាំង មិនមែនដោយសារតម្រូវការក្នុងស្រុកដ៏រឹងមាំប៉ុណ្ណោះទេ ប៉ុន្តែដោយសារកប្បាស់ដាំក្នុងតំបន់នេះផ្តល់ទិន្នផលខ្ពស់ និងមានគុណភាពល្អជាងគេផងដែរ។ ចំណែករបាយការណ៍ឧស្សាហកម្មដាច់ដោយឡែកមួយទៀត ដែលបានចេញផ្សាយនៅក្នុងខែឧសភា ឆ្នាំ២០២៥នេះ បានបង្ហាញថា នៅឆ្នាំ២០២៤ តំបន់ស្វយ័តស៊ីនជាំងមិនត្រឹមតែរក្សាបាននូវផលិតកម្មកប្បាស ដែលមានស្ថេរភាពប៉ុណ្ណោះទេ ប៉ុន្តែថែមទាំងមើលឃើញគុណភាពកើនឡើងជាបន្តបន្ទាប់ ដែលសំឡីកប្បាសមួយសរសៃមានប្រវែងលើសពី២៨មីលីម៉ែត្រ មានបរិមាណស្មើនឹង៩៨,១ភាគរយនៃទិន្នផលសរុប។ មានកត្តាជាច្រើនជួយបានពង្រឹងតួនាទីរបស់តំបន់ស្វយ័តស៊ីនជាំង ឱ្យក្លាយជាតំបន់ផលិតកប្បាសឈានមុខគេរបស់ប្រទេសចិន រួមទាំងលក្ខខណ្ឌធម្មជាតិអំណោយផល ផ្តល់ទិន្នផលខ្ពស់ និងគុណភាពខ្ពស់ ជាពិសេសផ្លែកប្បាសសម្បូរសំឡីសរសៃវែងៗ។ លើសពីនេះ គម្រោងលើកកម្ពស់ប្រសិទ្ធភាព និងគុណភាពនៃឧស្សាហកម្មកប្បាសកំពុងតែរីកចម្រើនជាលំដាប់។ ជាឧទាហរណ៍ […]

ញូវដេលី៖ ការផ្ទុះសង្គ្រាមរវាងអ៊ីស្រាអែល និងអ៊ីរ៉ង់ កំពុងធ្វើឱ្យតម្លៃអង្ករគ្រាប់វែងបាស្មាទីរបស់ឥណ្ឌា នាពេលថ្មីៗនេះបានធ្លាក់ថ្លៃមកវិញ ដោយសារការនាំចេញទៅកាន់ប្រទេសអ៊ីរ៉ង់ ដែលជាអ្នកនាំចេញអង្ករឥណ្ឌាធំបំផុតមួយដែរ មានបញ្ហាផ្នែកដឹកជញ្ជូនតាមសមុទ្រព្រោះតែមានភាពតានតឹងផ្នែកភូមិសាស្ត្រនយោបាយ។ តម្លៃអង្ករបាស្មាទី ដែលបានកើនឡើងពី១៥ ទៅ២០ភាគរយក្នុងរយៈពេលពីរខែចុងក្រោយនេះ ដោយសារតែការនាំចេញកាន់តែខ្ពស់ ត្រូវបានគេរំពឹងថា នឹងថយចុះនៅក្នុងសប្តាហ៍ខាងមុខនេះវិញ ដោយសារការនាំចេញទៅកាន់ប្រទេសអ៊ីរ៉ង់អាចនឹងធ្លាក់ចុះ ចំពេលកំពុងមានជម្លោះជាមួយអ៊ីស្រាអែល។ យោងតាមទីភ្នាក់ងារអភិវឌ្ឍន៍ការនាំចេញ និងកែច្នៃផលិតផលកសិកម្មរបស់ឥណ្ឌា បានឱ្យដឹងថា ប្រទេសអ៊ីរ៉ង់ជាប់ចំណាត់ថ្នាក់ជាអ្នកទិញអង្ករបាស្មាទីរបស់ឥណ្ឌាធំជាងគេទីបី បន្ទាប់ពីប្រទេសអារ៉ាប៊ីសាអូឌីត និងប្រទេសអ៊ីរ៉ាក់។  ក្នុងអំឡុងឆ្នាំ២០២៤-២០២៥ ការនាំចេញអង្ករបាស្មាទី របស់ឥណ្ឌាទៅកាន់ប្រទេសអ៊ីរ៉ង់មានតម្លៃទឹកប្រាក់ចំនួណ៧៣៦លានដុល្លារ ស្មើនឹង១២,៦ភាគរយនៃការនាំចេញអង្ករបាស្មាទីសរុបរបស់ឥណ្ឌា។ ប្រទេសនាំចូលអង្ករឥណ្ឌាមួយចំនួន ដូចជាប្រទេសអ៊ីរ៉ង់ ធ្លាប់បានបង្កើនការបញ្ជាទិញរបស់ខ្លួន បន្ទាប់ពីតម្លៃអង្ករបាស្មាទី របស់ឥណ្ឌាបានធ្លាក់ថ្លៃ ដែលការបញ្ជាទិញនាពេលនោះ បានជួយធ្វើឱ្យតម្លៃអង្ករឡើងថ្លៃវិញបន្តិចផងដែរ។ កាលពីក្នុងខែមេសា ឆ្នាំ២០២៥នេះ តម្លៃ​អង្ករបាស្មាទី របស់​ឥណ្ឌា​បាន​ធ្លាក់ថ្លៃយ៉ាងខ្លាំង ដោយសារ​តម្រូវការ​នាំ​ចេញ​លើពិភពលោក​មាន​ចំនួន​តិច​ដោយសារ​កត្តា​ជាច្រើន។ ប៉ុន្តេទោះជាយ៉ាងណាក៏ដោយ តម្រូវការនាំចេញបានកើនឡើងវិញ ដោយសារមានអ្នកចង់ទិញស្តុកទុកក្នុងតម្លៃទាប ដែលនាំមកនូវការកើនឡើងនៃបរិមាណនាំចេញ នៅក្នុងខែឧសភា និងការកើនឡើងជាបន្តទៀតប្រហែល២០ភាគរយ។ ទោះបីជាតម្លៃទំនងជានៅតែមានស្ថិរភាពសម្រាប់ពេលនេះក៏ដោយ កត្តាដូចជាអត្រាពន្ធខ្ពស់ពេគរបស់អាមេរិក ឬបណ្តាលមកពីសង្រ្គាមអ៊ីរ៉ង-អ៊ីស្រាអែល នឹងបង្កផលប៉ះពាល់ដល់តម្លៃអង្ករនេះ នាពេលអនាគត។ ចំណែកប្រទេសជាច្រើនមានទំនោរចង់ទិញអង្ករបាស្មាទីបន្ថែមទៀត ដើម្បីធានាសន្តិសុខស្បៀងរបស់ខ្លួន ប្រសិនបើសង្រ្គាមអ៊ីរ៉ង់-អ៊ីស្រាអែលរីករាលដាលកាន់តែធំឡើង។ ប្រធាន​សហព័ន្ធ​អ្នក​នាំ​ចេញ​អង្ករ​ឥណ្ឌា បាន​សម្តែង​ការ​ព្រួយ​បារម្ភ​ទាក់ទង​នឹង​ការ​ដឹក​ជញ្ជូន​តាម​សមុទ្រនាពេល​បច្ចុប្បន្ននេះ និង​បញ្ហា​ទូទាត់​ប្រាក់នៅក្នុងពេលផ្ទុះសង្គ្រាម។ […]