សៀងហៃ៖ កាលពីថ្ងៃទី២៧ ខែសីហា ពិព័រណ៍ផ្លែឈើអន្តរជាតិចិន ឆ្នាំ២០២៥ បានបើកជាសាធារណៈនៅឯមជ្ឈមណ្ឌលពិព័រណ៍អន្តរជាតិ ទីក្រុងសៀងហៃ ដែលជាពិព័រណ៍ផ្លែឈើដ៏ធំបំផុត និងប្រកបដោយវិជ្ជាជីវៈបំផុតរបស់ចិន។
ព្រឹត្តិការណ៍នេះត្រូវបានរៀបចំឡើងដោយសភាពាណិជ្ជកម្មចិនសម្រាប់ការនាំចូល និងនាំចេញចំណីអាហារ ប្រភពផលិតផលដើម និងផលិតផលសត្វ ដែលបានទាក់ទាញអ្នកតាំងពិព័រណ៍ និងអ្នកអាជីពមកពីជាង៤០ប្រទេស និងតំបន់។ ការតាំងពិព័រណ៍ឆ្នាំនេះបង្ហាញពីការច្នៃប្រឌិត និងកិច្ចសហប្រតិបត្តិការលើខ្សែសង្វាក់ឧស្សាហកម្មផ្លែឈើទាំងមូល ដែលរួមចំណែកដល់ការអភិវឌ្ឍប្រកបដោយចីរភាពនៃវិស័យផ្លែឈើរបស់ប្រទេសចិន។
ពិធីបើកនេះមានការចូលរួមពីស្ថានកុងស៊ុល និងតំណាងធុរកិច្ចមកពី១០ប្រទេស រួមមានប្រទេសឈីលី ប៉េរូ អូស្ត្រាលី នូវែលសេឡង់ ថៃ ហ្វីលីពីន បារាំង អេស្ប៉ាញ សហរដ្ឋអាម៉េរិក និងប្រទេសកម្ពុជា។
នៅក្នុងពិព័រណ៍នេះ ក៏មានសាលដាក់តាំងពិព័រណ៍អំពីការបង្កាត់ពូជដំណាំលំដាប់ពិភពលោក ដើម្បីគាំទ្រដល់ការផ្លាស់ប្តូរឧស្សាហកម្មផ្លែឈើរបស់ប្រទេសចិន តាមរយៈការផ្តោតលើ “ការការពារសិទ្ធិ” ទៅជា “កិច្ចសហប្រតិបត្តិការឈ្នះឈ្នះ” ដែលជួយឱ្យវិស័យនេះផ្លាស់ប្តូរពីកំណើនដែប្រកបដោយទិន្នផលខ្ពស់ ទៅជាការអភិវឌ្ឍប្រកបដោយគុណភាព។
តាមរយៈដំណោះស្រាយផ្នែកអាជ្ញាបណ្ណស្តង់ដារ ដែលគ្របដណ្តប់លើបណ្តុះកូនឈើ បច្ចេកវិទ្យា និងម៉ាកយីហោ គំនិតផ្តួចផ្តើមនេះនឹងជួយអ្នកដាំដំណាំហូបផ្លែអាចបង្កើនប្រសិទ្ធភាពដាំដុះ ពង្រីកសក្តានុពលទីផ្សារ និងធានាបាននូវប្រាក់ចំណូលប្រកបដោយនិរន្តរភាព។
ព្រមជាមួយគ្នានេះដែរ តាមរយៈការពង្រឹងទំនាក់ទំនងរវាង “ពូជល្អ ចម្ការល្អ និងទីផ្សារល្អ” អគារបង្កាត់ពូជត្រូវបានគេរំពឹងថា នឹងបង្កើតឱកាសថ្មីសម្រាប់ការរីកចម្រើននាពេលអនាគតរបស់ឧស្សាហកម្មនេះ។
ការតាំងពិពណ៌នៅឆ្នាំ២០២៥នេះផ្តោតកាន់តែខ្លាំងលើការគាំទ្រផ្នែកផលិតកម្មក្នុងស្រុក លើកទឹកចិត្តដល់ការអភិវឌ្ឍឧស្សាហកម្មក្នុងតំបន់ និងការពង្រីកទីផ្សារតាមរយៈសាលពិសេស និងព្រឹត្តិការណ៍ជាបន្តបន្ទាប់។
សាលពិព័រណ៍ពិសេសរបស់យូណាន មានដាក់តាំងបង្ហាញពីភាពសម្បូរបែបនៃ «អាណាចក្រផ្លែឈើនៃខេត្តយូណាន» ដែលដាំដុះលើផ្ទៃដីទំហំជាង៧៦ ៦៦៦ហិកតា ដោយផ្តល់ទិន្នផលប្រចាំឆ្នាំចំនួន១៣លានតោន ព្រមទាំងគុណល្អនាំចេញ ដូចជាផលិតផលផ្លែឈើសម្គាល់ភូមិសាស្ត្រ ដូចជាផ្លែប៉ោម ឆាវយ៉ាងហុង “Zhaoyanghong” និងផ្លែស្វាយលីជៀង “Lijiang Mangoes” ដែលកំពុងផ្សព្វផ្សាយទៅកាន់ទីផ្សារអន្តរជាតិ។
ចំពេលការផ្លាស់ប្តូរដែលកំពុងបន្តនៅក្នុងឧស្សាហកម្មផ្លែឈើពិភពលោក ការតាំងពិពណ៌នៅឆ្នាំនេះ ប្រធានបទ “ផ្លែឈើពិភពលោក ទីផ្សារប្រទេសចិន” បម្រើជាវេទិកាសម្រាប់ការទំនាក់ទំនង និងកិច្ចសហការ។ វាលើកកម្ពស់ការច្នៃប្រឌិតនៅទូទាំងសង្វាក់ឧស្សាហកម្ម គាំទ្រអាជីវកម្មក្នុងការពង្រីកបណ្តាញលក់ និងការពង្រឹងម៉ាកយីហោរបស់ពួកគេ និងបញ្ចូលភាពរឹងមាំថ្មីទៅក្នុងទីផ្សារអ្នកប្រើប្រាស់។ អ្នកតាំងពិព័រណ៍ និងអ្នកទស្សនារំពឹងថានឹងសម្រេចបានលទ្ធផលជាផ្លែផ្កា ហើយព្រឹត្តិការណ៍ដ៏គួរឱ្យរំភើបជាច្រើនទៀតកំពុងរង់ចាំក្នុងរយៈពេលពីរថ្ងៃខាងមុខ។
ព្រមជាមួយគ្នានេះដែរ ក្នុងរយៈពេលពីរថ្ងៃ ការតាំងពិព័រណ៍បែបនេះនឹងចាប់ដៃគូជាមួយគណៈកម្មាការពាណិជ្ជកម្ម ក្រុងសៀងហៃ ដើម្បីបើកដំណើរការទីផ្សារផ្លែឈើស្រស់ពិភពលោក ដែលនឹងអនុញ្ញាតឱ្យអ្នកប្រើប្រាស់ទទួលបានបទពិសោធន៍ពីវប្បធម៌ផ្លែឈើរស់រវើក ដែលបានបង្ហាញនៅក្នុងព្រឹត្តិការណ៍នេះ។
ចំណែកការតាំងពិព័រណ៍មួយទៀត ស្តីពីការដឹកជញ្ជូនចរាចរណ៍ផ្លែឈើអាស៊ី នឹងប្រារព្ធឡើងនៅទីក្រុងហុងកុង ចាប់ពីថ្ងៃទី៣ ដល់ថ្ងៃទី៥ ខែកញ្ញា ដោយមានអ្នកចូលរួមជាង ៧៦០នាក់ មកពី៤៣ប្រទេស និងតំបន់។
ពិព័រណ៍ពាណិជ្ជកម្មនេះត្រូវបានគេរំពឹងថា នឹងទាក់ទាញអ្នកទិញ និងអ្នកទស្សនាមកពីទូទាំងខ្សែសង្វាក់តម្លៃផលិតផលបន្លែ ផ្លែឈើស្រស់ជាសកលផងដែរ៕
