News

ហ្សាកាតា៖ ប្រទេសឥណ្ឌូណេស៊ី​ នាពេលថ្មីៗនេះ នាំចេញផលិតផលគ្រឿងសមុទ្រ និងផលិតផលជលផលចំនួន៩៨តោន ពីខេត្តស៊ូឡាវ៉េស៊ី ភាគអាគ្នេយ៍ប្រទេសឥណ្ឌូណេស៊ី ទៅកាន់សហរដ្ឋអាមេរិក និងប្រទេសថៃ ដែលមានតម្លៃជាទឹកប្រាក់ជាង២៨ទ្រីលានរូពី ឬស្មើនឹង១៧២ពាន់លានដុល្លារ។ ទីភ្នាក់ងារ ស៊ីនហួរបស់ចិន បានរាយការណ៍ពីទីក្រុងហ្សាការតា ប្រទេសឥណ្ឌូនេស៊ី នៅថ្ងៃទី២៥ ខែមិថុនា ឆ្នាំ២០២៥នេះថា ប្រធានការិយាល័យត្រួតពិនិត្យគុណភាពជលផល របស់ក្រសួងកិច្ចការសមុទ្រ និងជលផលឥណ្ឌូនេស៊ី បាននិយាយថា ទូកុងតឺន័រចំនួនប្រាំផ្ទុកផលិតផលអាហារសមុទ្រ រួមមានមឹក សាច់ក្តាម និងអាហារសមុទ្របង្កក ត្រូវបានដឹកជញ្ជូនពីស្ថានីយកុងតឺន័រ ទៅកាន់គោលដៅរបស់ពួកខ្លួន។ សាច់ក្តាមចំនួន៤៥តោន គឺជាផលិតផលនាំចេញដ៏ធំបំផុត ដែលមានតម្លៃជាទឹកប្រាក់២១ទ្រីលានរូពី ឬស្មើនឹង១២៩ពាន់លានដុល្លារ។ រដ្ឋាភិបាលឥណ្ឌូនេស៊ីសង្ឃឹមថា ការនាំចេញនេះនឹងជួយជំរុញអាជីវកម្មក្នុងស្រុក និងពង្រឹងស្ថានភាពសេដ្ឋកិច្ចរបស់ខេត្ត ស៊ូឡាវ៉េស៊ី ដែលជាមជ្ឈមណ្ឌលនាំចេញឈានមុខគេសម្រាប់ផលិតផលជលផលនៅក្នុងតំបន់ភាគខាងកើតនៃប្រទេសឥណ្ឌូណេស៊ី។ ក្រៅពីនាំចេញអាហារគ្រឿងសមុទ្រ ដែលជាផលិតផលកសិកម្ម ប្រទេសឥណ្ឌូនេស៊ីក៏មានការនាំចូលមកវិញនូវអំបិល និងអង្ករពីប្រទេសជិតខាងផងដែរ។ គួរបញ្ជាក់ថា ក្រៅពីអាហារគ្រៀងសមុទ្ឬឥណ្ឌូនេស៊ី ដែលជាប្រទេសមានសេដ្ឋកិច្ចធំបំផុតនៅអាស៊ាន និងជាប្រជាជាតិមានប្រជាជនច្រើនជាងគេលំដាប់ទី៤ នៅលើពិភពលោក បានដាក់ផែនការជំរុញផលិតកម្មអំបិល និងអង្ករក្នុងស្រុក ដើម្បីបញ្ឈប់ការនាំចូលផលតិផលទាំងនេះឱ្យបាននៅក្នុងឆ្នាំ២០២៥នេះផងដែរ។ នៅក្នុងមួយឆ្នាំតម្រូវការអំបិលនៅឥណ្ឌូនេស៊ី មានប្រមាណជិតប្រាំលានតោន ក្នុងនោះនាំចូលប្រមាណជា២,៥លានតោន ខណៈអង្ករវិញត្រូវការនាំចូលរហូតដល់ទៅប្រមាណ៣៥ម៉ឺនតោន។ ក្រៅពីអំបិល ប្រទេសដែលមានប្រជាជនប្រមាណ២៧០លាននាក់នេះ […]

ភ្នំពេញ៖ ឯកឧត្តម បាន លឹម អគ្គនាយករងធនាគារអភិវឌ្ឍន៍ជនបទ និងកសិកម្ម (ARDB) នាព្រឹកថ្ងៃទី២៧ ខែមិថុនា​ ឆ្នាំ២០២៥ បានអញ្ជើញចូលរួមពិធីអបអរសាទរខួបលើកទី១ នៃការបង្កើតវិទ្យាស្ថានខុងជឺ នៃសាកលវិទ្យាល័យភូមិន្ទកសិកម្ម និងសន្និសីទវិទ្យាសាស្ត្រ ឆ្នាំ២០២៥ ក្រោមប្រធានបទ នវានុវត្តន៍ក្នុងវិស័យកសិកម្មត្រូពិច និងសហគ្រិនភាពរបស់យុវជនសម្រាប់ប្រព័ន្ធស្បៀងអាហារប្រកបដោយនិរន្តរភាព។ យោងតាមសេចក្តីជូនដំណឹងរបស់សាកលវិទ្យាល័យភូមិន្ទកសិកម្ម បានឱ្យដឹងថា​ ពិធីនេះត្រូវបានរៀបចំឡើងដោយសហការជាមួយសាកលវិទ្យាល័យហាយណាន នៃសាធារណៈរដ្ឋប្រជាមានិតចិន ក្រោមការគាំទ្រពីក្រសួងកសិកម្ម រុក្ខាប្រមាញ់ និងនេសាទនៃព្រះរាជាណាចក្រកម្ពុជា បន្ទាប់ពីវិទ្យាស្ថានខុងជឺនៃសាកលវិទ្យាល័យភូមិន្ទកសិកម្ម ត្រូវបានបង្កើតឡើងកាលពីឆ្នាំ២០២៤កន្លងមក។ ក្នុងគោលបំណង ដើម្បីអបអរសាទរសមិទ្ធផលនេះ សាកលវិទ្យាល័យភូមិន្ទកសិកម្ម នឹងរៀបចំពិធីអបអរសាទរខួបលើកទី១ នៃការបង្កើតវិទ្យាស្ថានខុងជឺ នៃសាកលវិទ្យាល័យភូមិន្ទកសិកម្ម និងសន្និសីទវិទ្យាសាស្ត្រ ឆ្នាំ២០២៥​ ក្រោមប្រធានបទ នវានុវត្តន៍ក្នុងវិស័យកសិកម្មត្រូពិច និងសហគ្រិនភាពរបស់យុវជនសម្រាប់ប្រព័ន្ធស្បៀងអាហារប្រកបដោយនិរន្តរភាព។ វិទ្យាស្ថាននេះត្រូវបានបង្កើតឡើងក្រោមកិច្ចសហការរួមគ្នា រវាងសាកលវិទ្យាល័យភូមិន្ទកសិកម្ម និងសាកលវិទ្យាល័យហៃណាន នៃសាធារណរដ្ឋប្រជាមានិតចិន ដោយចាប់ផ្តើមជាដំបូងចេញពីការបើកដំណើរការមជ្ឈមណ្ឌលបណ្តុះបណ្តាលចិន ចាប់ពីឆ្នាំ២០១៨រហូតមក ក្នុងគោលបំណងដើម្បីពង្រឹងសមត្ថភាពភាសាចិនរបស់ប្រជាជនកម្ពុជា តាមរយៈការបង្រៀនភាសាចិន ដើម្បីកាត់បន្ថយគម្លាតភាសាសម្រាប់ការផ្លាស់ប្តូរ និងកិច្ចសហប្រតិបត្តិការរវាងប្រទេសចិន និងកម្ពុជាក្នុងវិស័យវប្បធម៌ ស្រាវជ្រាវ វិទ្យាសាស្ត្រ បច្ចេកវិទ្យា និងការបណ្តុះបណ្តាលជំនាញកសិកម្ម។ ចាប់តាំងពីបើកដំណើរការវិទ្យាស្ថាននេះបានក្លាយជាតួអង្គដ៏សំខាន់មួយសម្រាប់តភ្ជាប់កិច្ចសហប្រតិបត្តិការក្នុងវិស័យវប្បធម៌ ស្រាវជ្រាវវិទ្យាសាស្ត្រ […]

កណ្តាល៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិឌ្ឍន៍ជនបទ និងកសិកម្ម និងជាប្រធានក្រុមចលនាយុវជនរបស់ក្រុមការងារគណបក្សចុះមូលដ្ឋាន ស្រុកខ្សាច់កណ្តាល ខេត្តកណ្តាល ជាតំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន នៅព្រឹកថ្ងៃទី២៩ ខែមិថុនានេះ បានអញ្ជើញជាអធិបតីក្នុងពិធីបិទការប្រកួតកីឡាបាល់ទាត់ពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ដែលរៀបចំឡើងនៅវិទ្យាល័យ ហ៊ុន សែន ROTA ស្រុកខ្សាច់កណ្តាល។ នៅក្នុងពិធីបិទការប្រកួតកីឡាបាល់ទាត់ពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន មានការអញ្ជើញចូលរួមពីលោក ចេង ឌីណា អភិបាលនៃគណៈអភិបាលស្រុកខ្សាច់កណ្តាល ក្រុមយុវជនឃុំទាំង១២នៅក្នុងស្រុកខ្សាច់កណ្តាល សមាជិក សមាជិការ ក្រុមគ្រូពេទ្យ ព្រមទាំងកងកម្លាំងប្រដាប់អាវុធ និងយុវជនជាសិស្សនិស្សិតផងដែរ។ បន្ទាប់ពីបានអញ្ជើញទស្សនាផ្ទាល់នៃការប្រកួតវគ្គផ្តាច់ព្រ័ត្រដណ្តើមពានរង្វាន់ជើងឯក រវាងក្រុមបាល់ទាត់យុវជនឃុំកោះចូរ៉ាម ជាមួយក្រុមបាល់ទាត់យុវជនឃុំពុកឬស្សី រួចមកឯកឧត្តមបណ្ឌិត កៅ ថាច បានប្រសាសន៍សំណេះសំណាល និងបានប្រគល់លិខិតថ្លែងអំណរគុណ ព្រមទាំងបំពាក់មេដាយប្រគល់ពានរង្វាន់ជូនដល់ក្រុមកីឡាករ ដែលទទួលបានចំណាត់ថ្នាក់លេខ ១,២,៣ និងពានផ្សេងៗទៀត។ ឯកឧត្តមបណ្ឌិត កៅ ថាច បានមានប្រសាសន៍ថា លទ្ធផលនៃការប្រកួតថ្ងៃនេះបង្ហាញឲ្យឃើញការវិវត្តកីឡាករយើងក្នុងស្រុកខ្សាច់កណ្តាលខេត្តកណ្តាលពីមួយឆ្នាំទៅមួយឆ្នាំ ដែលជាការយកចិត្តទុកដាក់បំផុតរបស់ឯកត្តមអគ្គបណ្ឌិតសភាចារ្យ អូន […]

ម៉ានីល៖ ក្រសួងកសិកម្មហ្វីលីពីន អាចនឹងអនុញ្ញាតឱ្យមានការនាំចូលខ្ទឹមបារាំង និងខ្ទឹមក្រហមនៅចុងឆ្នាំនេះ ដើម្បីទប់ស្កាត់ការឡើងថ្លៃ ខណៈការព្យាករណ៍ចុងក្រោយបង្ហាញថា ការផ្គត់ផ្គង់គ្រឿងទេសនៅទូទាំងប្រទេសអាចនឹងមិនមានរហូតដល់ខែធ្នូនោះទេ។ រដ្ឋមន្ត្រីក្រសួងកសិកម្ម លោក ហ្វ្រង់ស៊ីស្កូ ទីវ ឡូរ៉េល  (Francisco Tiu Laurel) បាននិយាយថា លោកនឹងអនុម័តលើការនាំចូលខ្ទឹមបារាំងក្រហម និងខ្ទឹមបារាំង នៅចុងឆ្នាំ២០២៥នេះ ដើម្បីបង្កើនការផ្គត់ផ្គង់ក្នុងស្រុក និងបំពេញតម្រូវការរបស់ប្រទេស។ លោកបានបញ្ជាក់ថា ការិយាល័យឧស្សាហកម្មរុក្ខជាតិ មិនទាន់បានផ្តល់អនុសាសន៍ណាមួយនៅឡើយទេ អំពីបរិមាណខ្ទឹមក្រហម និងខ្ទឹមបារាំង ដែលនឹងត្រូវនាំចូលនៅឆ្នាំនេះ។ ការផ្តល់អនុសាសន៍ពីការិយាល័យឧស្សាហកម្មរុក្ខជាតិ ត្រូវបានគេរំពឹងថា នឹងបញ្ជូនមកដល់លោក ហ្វ្រង់ស៊ីស្កូ  នៅដើមសប្តាហ៍ដំបូងនៃខែកក្កដាខាងមុខនេះ ដើម្បីរកដំណោះស្រាយសម្រាប់ខ្ទឹមក្រហម និងខ្ទឹមបារាំងនៅសេសសល់ ដែលត្រូវប្រមូលផលក្នុងខែមិថុនានេះ។ យោងតាមការិយាល័យឧស្សាហកម្មរុក្ខជាតិ បានឱ្យដឹងថា ស្តុកខ្ទឹមក្រហមរបស់ប្រទេសហ្វីលីពីន គិតត្រឹមថ្ងៃទី១៣ ខែមិថុនា ឆ្នាំ២០២៥ មានចំនួន៨៥ ៧៥៥តោន។ ចំណែក បរិមាណខ្ទឹមក្រហមប្រហែល៣ ៥៤៧តោន ដែលគេរំពឹងថា នឹងត្រូវប្រមូលផលរហូតដល់ចុងខែមិថុនានេះ។ បើតាមការិយាល័យឧស្សាហកម្មរុក្ខជាតិ បានបញ្ជាក់ថា ស្តុកខ្ទឹមសរុប ដែលរំពឹងទុកគឺមានបរិមាណប្រហែល៨៩​ ៣៣២តោន ដែលអាចគ្រប់គ្រាន់សម្រាប់តម្រូវការក្នុងស្រុកបន្តរហូតដល់ថ្ងៃទី១៣ ខែវិច្ឆិកា ឆ្នាំ២០២៥។ ទន្ទឹមនឹងនេះដែរ […]

ភ្នំពេញ៖ រាជរដ្ឋាភិបាលកម្ពុជានៅថ្ងៃទី២៦ ខែមិថុនា ឆ្នាំ២០២៥ បានរៀបចំទិវាជាតិសហគ្រាសធុនមីក្រូ តូច និងមធ្យម លើកទី២ ផ្តោតលើការត្រៀមលក្ខណៈរបស់សហគ្រាសធុនមីក្រូ តូច និងមធ្យម សម្រាប់ការចាកចេញពីប្រទេសដែលមានការអភិវឌ្ឍតិចតួច «សំដៅលើកកម្ពស់ស្តង់ដា អនុលោមភាព នវានុវត្តន៍ និងផលិតភាព ជាមូលដ្ឋានសម្រាប់ភាពជោគជ័យរបស់សហគ្រាសធុនមីក្រូ តូច និងមធ្យមកម្ពុជា»។ ពិធីនេះធ្វើឡើងក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ឯកឧត្តម ហែម វណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងមានការអញ្ចើញចូលរួមជាកិត្តិយសពីតំណាងស្ថាប័នពាក់ព័ន្ធជាច្រើនផ្សេងទៀតផងដែរ។ ក្នុងឱកាសនេះដែរ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអានសារលិខិតរបស់មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសប្រារព្ធទិវាជាតិ សហគ្រាសធុនមីក្រូ តូច និងមធ្យម។ សារលិខិតបានរំលេចពីការវិវត្តរបស់សហគ្រាសធុនមីក្រូ […]

រាជធានីភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) នៅព្រឹកថ្ងៃទី២៦ ខែមិថុនា ឆ្នាំ២០២៥នេះ ឯកឧត្តម ចាន់ សីហា អគ្គនាយករងធនាគារ ARDBបានអញ្ចើញចូលរួមជាកិត្តិយសនៅក្នុងកម្មវិធីបើក “ទិវាជាតិសហគ្រាសធុនមីក្រូ តូច និងមធ្យមលើក២ ឆ្នាំ២០២៥ ”ក្រោមប្រធានបទ “ការត្រៀមលក្ខណៈរបស់សហគ្រាសធុនមីក្រូ តូច និងមធ្យមសម្រាប់ការចាកចេញពីប្រទេស ដែលមានការអភិវឌ្ឍតិចតួច ”។ ពិធីនេះត្រូវរៀបចំឡើងនៅសណ្ឋាគារសុខាភ្នំពេញ ក្រោមអធិបតីភាពដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាតំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា, ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ឯកឧត្តម ស្តេហ្វាន ម៉េសស៊ើរឺ ( Stefan Messerer) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋសហព័ន្ធអាល្លឺម៉ង់ប្រចាំកម្ពុជា រួមទាំងភ្ញៀវជាតិ និងអន្តរជាតិជាច្រើនផ្សេងទៀត។ ទិវានេះរៀបចំដោយក្រសួងឧស្សាហកម្ម […]

ប៉ារីសៈ តើ​នឹង​មាន​អ្វី​កើត​ឡើង​ប្រសិន​បើ​ការ​នាំ​ចូល និង​នាំ​ចេញ​ស្បៀង​អាហារ​រវាង​ប្រទេស​ និងប្រទេស ​បាន​បញ្ឈប់​ភ្លាមៗ?  ក្រុមអ្នកស្រាវជ្រាវបានពិនិត្យមើលសមត្ថិកម្មរបស់ខ្លួនលើកឡើងអំពីស្ថានភាពបែបនេះ ដើម្បីវាយតម្លៃពីភាពម្ចាស់ការចំពោះស្បៀងអាហារផលិតដោយខ្លួនឯងរបស់ប្រទេសនានា នៅជុំវិញពិភពលោក។ លទ្ធផលសិក្សារបស់ក្រុមអ្នកស្រាវជ្រាវមកពីសាកលវិទ្យាល័យ ហ្វីតទីងហ្គិន (Göttingen) របស់ប្រទេសអាល្លឺម៉ង់ និងសាកលវិទ្យាល័យ អេឌីនប៊ើក (Edinburgh) របស់ប្រទេសអេកូស ហើយបានចុះផ្សាយក្នុងទស្សនាវដ្តីអាហារធម្មជាតិ (Nature Food) បានប៉ាន់ស្មានថា មានតែប្រជាជាតិមួយប៉ុណ្ណោះ ដែលអាចចិញ្ចឹមជីវិតប្រជាជនរបស់ខ្លួនបានដោយមិនពឹងគេ ប្រសិនបើមានគ្រោះមហន្តរាយណាមួយកើតឡើង។ ក្រុមអ្នកស្រាវជ្រាវបានប្រើប្រាស់ទិន្នន័យពីអង្គការស្បៀងអាហារ និងកសិកម្មនៃអង្គការសហប្រជាជាតិ ដើម្បីវាយតម្លៃសមត្ថភាពផលិតស្បៀងអាហាររបស់ប្រទេសចំនួន១៨៦​ ក្នុងការផ្គត់ផ្គង់តម្រូវការខ្លួនឯងនូវអាហារមូលដ្ឋានចំនួនប្រាំមួយប្រភេទ មានដូចជា បន្លែ ផ្លែឈើ គ្រាប់ធញ្ញជាតិ ម្សៅមី ទឹកដោះគោ សាច់ និងត្រី ជាដើម។ ដោយគិតពីប្រភេទអាហារសំខាន់ៗប្រចាំថ្ងៃ ទាំងប្រាំពីរប្រភេទនេះ មានតែប្រទេសមួយប៉ុណ្ណោះ ដែលមានសមត្ថភាពគ្រប់គ្រាន់ដោយខ្លួនឯង ពោលគឺមានសមត្ថភាពផ្តល់ស្បៀងអាហារដល់ប្រជាជនខ្លួនឯងនូវអាហារប្រាំពីរប្រភេទ ដោយមិនពឹងលើប្រទេសដទៃឡើយ។ ប្រទេសមួយនេះ គឺជាប្រទេស ហ្គីយ៉ាន ស្ថិតនៅក្នុងទ្វីបអាមេរិកខាងត្បូង ដែលមានប្រជាជនប្រហែល៨០០​ ០០០នាក់។ បន្ទាប់​មកមាន​ប្រទេស​ចិន និងប្រទេស​វៀតណាម ដែល​អាច​ផ្គត់ផ្គង់ប្រជាជន​ខ្លួន​​នូវ​អាហារបាន​ចំនួន​ប្រាំមួយ​ប្រភេទ ក្នុង​ចំណោមអាហារ​ប្រាំពីរ​ប្រភេទ។  ក្នុងចំណោមចំនួន១៨៦ប្រទេស មាន១៥៤ប្រទេសអាចបំពេញតម្រូវការអាហាររបស់ប្រជាជនបានត្រឹមពីពីរទៅប្រាំប្រភេទប៉ុណ្ណោះ ក្នុងចំណោមអាហារចាំបាច់ទាំងប្រាំពីរប្រភេទ។ […]

ហាណូយ៖ អាជ្ញាធរវៀតណាមបានលាតត្រដាងរឿងអាស្រូវអំពីសុវត្ថិភាពចំណីអាហារដ៏សំខាន់មួយ ដែលឈ្មួញទុចរិតយកប្រេងឆាសម្រាប់ផលិតជាចំណីសត្វរាប់ម៉ឺនតោន ត្រូវបានលក់បន្លំជាប្រេងឆា ចែកចាយដល់ភោជនីយដ្ឋាន រោងចក្រ និងដល់អ្នកផលិតចំណីអាហារ នៅទូទាំងប្រទេសវៀតណាម។ នាយកដ្ឋានសុវត្ថិភាពចំណីអាហាររបស់វៀតណាម​ បានចេញការព្រមានដល់ទូទាំងប្រទេស កាលពីថ្ងៃទី២៥ ខែមិថុនា ឆ្នាំ២០២៥ បន្ទាប់ពីនគរបាលនៅខេត្តហុងយ៉េន (Hung Yen) ភាគខាងកើតទីក្រុងហាណូយ បានបង្ក្រាបអំពើកែច្នៃប្រេងឆាក្លែងក្លាយដ៏ធំមួយ។  ក្រុមហ៊ុនផលិត និងនាំចេញចំណីអាហាររបស់វៀតណាមឈ្មោះ ញ៉ាតមិញ (Nhat Minh) ត្រូវរងការចោទប្រកាន់ថា បាននាំចូលប្រេងឆាថោកៗសម្រាប់ផលិតចំណីសត្វ យកមកវេចខ្ចប់វាឡើងវិញ ក្រោមម៉ាកយីហោ អូហ្វូដ (OFOOD) និងបានលក់ចែកចាយជាផលិតផលប្រេងឆាសម្រាប់ធ្វើម្ហូបមនុស្ស។ មន្ត្រី​មកពីនាយកដ្ឋានសុវត្ថិភាព​ចំណីអាហារ​ បាន​និយាយ​ថា​ ​ប្រេង​ឆាក្លែងក្លាយ​នេះ​បង្កគ្រោះថ្នាក់ខ្លាំងណាស់​ដល់​សុខភាព​មនុស្ស​។ ប្រេង​ឆាសម្រាប់ផលិតចំណី​សត្វ គឺជា​ប្រេង​ឆៅ មិនទាន់​ចម្រាញ់ និង​អាច​មាន​ជាតិពុល សារធាតុ​មិន​ស្អាត និង​សារធាតុ​គីមី ​បង្កគ្រោះថ្នាក់ដល់សុខភាព​​មនុស្ស។  ប្រសិនបើទទួលទានប្រេងឆាប្រភេទនេះយូរៗទៅអាចបណ្តាលឱ្យពុល ខូចប្រព័ន្ធសរីរាង្គ បង្កើតជាតិពុល និងបង្កឱ្យកើតជំងឺរ៉ាំរ៉ៃ។ អាជ្ញាធរវៀតណាមបានជំរុញឱ្យគ្រប់ភោជនីយដ្ឋាន អ្នកផ្គត់ផ្គង់អាហារ និងរោងចក្រផលិតចំណីអាហារទាំងអស់ ត្រូវផ្ទៀងផ្ទាត់ឯកសារអ្នកផ្គត់ផ្គង់ឱ្យបានច្បាស់លាស់ ដោយបន្ថែមថា រាល់សារធាតុផ្សំណាមួយ ដែលបានប្រើប្រាស់គោលការណ៍ណែនាំ​ បើទោះបីជាមានឯកសារត្រឹមត្រូវក៏ដោយ នៅតែខុសច្បាប់ និងមានគ្រោះថ្នាក់ដល់សុខភាពមនុស្ស។ កាលពីខែមេសា […]

ភ្នំពេញ៖ ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានថ្លែងថា ជុំវិញតម្លៃផ្លែឈើ បន្លែ និងគ្រឿងឧបភោគបរិភោគផ្សេងៗ លោកជំទាវរដ្ឋមន្ត្រីក្រសួងពាណិជ្ជកម្ម បានដាក់វិធានការជាយន្តការមួយ ដើម្បីឱ្យក្រុមការងារ ជាពិសេសសម្រាប់បណ្តាខេត្តនៅជាប់ព្រំដែន ត្រូវតាមដានតម្លៃទំនិញជាប្រចាំ ហើយឱ្យបានម៉ត់ចត់ជាទីបំផុត ដើម្បីធានាឱ្យមានប្រភពផ្គត់ផ្គង់គ្រប់គ្រាន់ និងតម្លៃសមរម្យទាំងប្រេងឥន្ធនៈ និងការផ្គត់ផ្គង់ផ្សេងៗទៀត។ ឯកឧត្តមបានថ្លែងបញ្ជាក់ថា រាជរដ្ឋាភិបាលកម្ពុជាបានត្រៀមលក្ខណៈរួចហើយ ជាពិសេសបណ្ដាក្រសួង ស្ថាប័នពាក់ព័ន្ធ លើការធានាឱ្យមានប្រភពផ្គត់ផ្គង់គ្រប់គ្រាន់ និងតម្លៃសមរម្យទាំងប្រេងឥន្ធនៈ និងការផ្គត់ផ្គង់ផ្សេងៗទៀត។ ឯកឧត្តម ប៉ែន សុវិជាតិ បានឱ្យដឹងថា ជុំវិញតម្លៃផ្លែឈើ បន្លែ និងគ្រឿងឧបភោគបរិភោគផ្សេងៗ លោកជំទាវរដ្ឋមន្រ្តីក្រសួងពាណិជ្ជកម្ម បានដាក់ជាយន្តការមួយដើម្បីឱ្យក្រុមការងារ ជាពិសេសនៅតាមបណ្តាខេត្តនៅជាប់ព្រំដែនធ្វើការតាមដានតម្លៃទំនិញទាំងអស់នោះ ជាប្រចាំ ហើយឱ្យបានម៉ត់ចត់ជាទីបំផុត។ បើកន្លែងណាមានការឡើងថ្លៃក្រសួងនឹងធ្វើអន្តរាគមន៍ តាមរយៈកិច្ចសម្រួលពាណិជ្ជកម្ម ដើម្បីធ្វើយ៉ាងណាឱ្យទីផ្សារមានស្ថិរភាព។ សម្រាប់អ្នក​​ឧកញ៉ា លឹម ហេង អនុប្រធាន​សភាពាណិជ្ជកម្ម​កម្ពុជាបាន​​​មានប្រសាសន៍ថា ក្នុងរឿងព្រំដែនថៃ និងកម្ពុជា​ គឺជាគ្រោះក្នុងលាភ ពិតជាមានទាំងផ្នែកនយោបាយ និងសេដ្ឋកិច្ចជាផងដែរ ជាពិសេស​ កម្លាំងជាតិនិយមយើងខ្លាំងក្លា ហើយ​ជាឱកាសជំរុញឲ្យ​ផលិតកម្មក្នុងស្រុក​ផលិតឲ្យ​បានច្រើនសម្រាប់​ផ្គត់​ផ្គង់ទីផ្សារ​​។​ អ្នក​ឧកញ៉ាបាន​បន្ថែមថា ករណីនេះ […]

ភ្នំពេញ៖ ក្នុងឱកាសប្រារព្ធទិវាជាតិសហគ្រាសធុនមីក្រូ តូច និងមធ្យម លើកទី២ ថ្ងៃទី២៧ ខែមិថុនា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ​ក្នុងនាមរាជរដ្ឋាភិបាលកម្ពុជា សម្តេចពិតជាមានក្តីសោមនស្សក្រៃលែង និងសូមចូលរួមអបអរសាទរទិវាជាតិសហគ្រាសធុនមីក្រូតូច និងមធ្យមលើកទី២ ឆ្នាំ២០២៥ ក្រោមប្រធានបទ ការត្រៀមលក្ខណៈរបស់សហគ្រាសធុនមីក្រូ តូច និងមធ្យមសម្រាប់ការចាកចេញពីប្រទេសមានការអភិវឌ្ឍតិចតួច។ ការប្រារព្ធទិវាជាតិជាលើកទី២ បានបញ្ជាក់សារជាថ្មីអំពីការយកចិត្តទុកដាក់ ការប្តេជ្ញាជំរុញគាំទ្រ និងការផ្តល់តម្លៃដល់វិស័យនេះ ដែលជាឆ្អឹងខ្នង និងជាកម្លាំងចលករជំរុញកំណើនសេដ្ឋកិច្ច និងការអភិវឌ្ឍសង្គម។ សហគ្រាសធុនមីក្រូ តូច និងមធ្យម បានរួមចំណែកដល់សកម្មភាពសេដ្ឋកិច្ចគ្រប់ប្រភេទ បង្កើតការងារ ផ្តល់មុខរបរ បង្កើនប្រាក់ចំណូល កាត់បន្ថយចំណាកស្រុក ជួយរក្សាលំនឹងជីវភាព រក្សាស្ថិរភាពសង្គម និងរួមចំណែកដល់ការរីកចម្រើននៃវិស័យឯកជន។ សមិទ្ធផល និងវឌ្ឍនភាពផ្នែកសង្គមសេដ្ឋកិច្ច ដែលកម្ពុជាសម្រេចបានក្នុងពេលជាងពីរទសវត្សរ៍កន្លងនេះ បានបង្កើតនូវមោទនភាពជាតិថ្មីមួយទៀត នោះគឺការឈានឆ្ពោះទៅចាកចេញពីឋានៈជាប្រទេសមានការអភិវឌ្ឍតិចតួចនៅចុងឆ្នាំ២០២៩។ សហគ្រាសធុនមីក្រូ តូច និងមធ្យម ពិតជាបានរួមចំណែកយ៉ាងសកម្ម ហើយនឹងត្រូវមានតួនាទីកាន់តែធំធេង និងជាគន្លឹះក្នុងដំណើរឆ្ពោះទៅគោលដៅនេះ។ លក្ខខណ្ឌពាណិជ្ជកម្ម ជំនួយអភិវឌ្ឍន៍ផ្លូវការ និងភាពអនុគ្រោះ ដែលបណ្តាប្រទេសជាមិត្ត […]