News

គូឡាឡាំពួរ៖ សមាគមកសិករដាំស្រូវម៉ាឡេស៊ី បានលើកឡើងថា ការបង្កបង្កើនផលដំណាំស្រូវនៅក្នុងប្រទេសម៉ាឡេស៊ី អាចនឹងត្រូវពន្យារពេលបង្កបង្កើនផល និងកាត់បន្ថយផ្ទៃដីដាំដុះ ប្រសិនបើឥទ្ធិពលបាតុភូតអែលនីញ៉ូ (El Nino) កាន់តែធ្ងន់ធ្ងរ និងបង្កឱ្យខ្វះទឹកស្រោចស្រព។ ប្រធានសមាគម លោក អាប់ឌុល រ៉ាស៊ីដ (Abdul Rashid) បានឱ្យដឹងថា ប្រមាណ៣០ភាគរយនៃកសិករម៉ាឡេស៊ីបានចាប់ផ្តើមដាំដុះរួចហើយ បើទោះបីជាសកម្មភាពបង្កបង្កើនផលមានការពន្យារពេលបន្តិចក៏ដោយ។ លោកបានបញ្ជាក់ថា «ប្រសិនបើខ្វះទឹកស្រោចស្រពដោយសារឥទ្ធិពលអែលនីញ៉ូ កសិករជាច្រើនអាចនឹងត្រូវកំណត់ពេលវេលាសាបព្រោះឡើងវិញ និងកាត់បន្ថយផ្ទៃដីដាំដុះ ដើម្បីការពារកុំឱ្យខាតបង់ច្រើនពេក»។ អែលនីញ៉ូ គឺជាបាតុភូតអាកាសធាតុ ដែលតែងតែនាំមកនូវអាកាសធាតុក្តៅ និងស្ងួតហួតហែងនៅប្រទេសម៉ាឡេស៊ី ដោយឱ្យមានគ្រោះរាំងស្ងួត និងការខ្វះខាតទឹក។ អែលនីញ៉ូ គឺជាភាសាអេស្ប៉ាញ មានន័យថា “ក្មេងប្រុសតូច” ឬ “កូនព្រះគ្រីស្ទ”។ ឈ្មោះនេះត្រូវអ្នកនេសាទជនជាតិប៉េរូ បង្កើតដំបូង នៅទសវត្សឆ្នាំ១ ៦០០ ដោយសារតែពួកគេបានកត់សម្គាល់ឃើញចរន្តទឹកក្តៅក្នុងមហាសមុទ្រ ដែលជាធម្មតាតែងតែហូរមកដល់នៅក្នុងរង្វង់វេលាបុណ្យណូអែល។ ចំណែកខាងវិទ្យាសាស្ត្រ គឺសំដៅទៅលើទម្រង់អាកាសធាតុ ដែលកើតឡើងដោយធម្មជាតិ និងកំណត់បានដោយការឡើងកម្តៅខុសប្រក្រតីនៃសីតុណ្ហភាពផ្ទៃសមុទ្រនៅភាគកណ្តាល និងភាគខាងកើតនៃមហាសមុទ្រប៉ាស៊ីហ្វិក។ អ្នកវិទ្យាសាស្ត្របានគិតទុកថា បាតុភូតនេះនឹងបន្តរហូតដល់ដើមឆ្នាំ២០២៧ និងត្រូវបានព្យាករថា នឹងធ្វើឱ្យមានភ្លៀងធ្លាក់តិចតួច ព្រមទាំងអាកាសធាតុក្តៅ និងស្ងួតហួតហែងជាងមុន ដែលអាចប៉ះពាល់ដល់វិស័យកសិកម្ម […]

ដោយ នៅ ស៊ីវុត្ថា សៀមរាប៖ ដំណាំលម៉ើបានចាប់ផ្ដើមឈានចូលដល់រដូវកាលប្រមូលផលហើយ ខណៈកសិករមានក្តីរំពឹងថា នឹងទទួលបានទីផ្សារល្អ និងការគាំទ្រកាន់តែច្រើនពីអ្នកប្រើប្រាស់ក្នុងស្រុក។ ក្នុងចំណោមកសិករដាំលម៉ើ លោក ញូង សារិន ដែលមានចម្ការស្ថិតនៅឃុំស្រែណូយ ស្រុកវ៉ារិន នៅខេត្តសៀមរាប បានចាប់ផ្ដើមប្រមូលផលលម៉ើពីចម្ការរបស់ខ្លួនហើយ។ ចម្ការនេះត្រូវបានដាំដុះលើផ្ទៃដីជាងមួយហិកតា ដោយផ្តោតលើការប្រើប្រាស់ជីធម្មជាតិ និងការថែទាំតាមបែបកសិកម្មសុវត្ថិភាព។ លោកបានឱ្យដឹងថា ផ្លែលម៉ើនាពេលនេះ មានរសជាតិផ្អែមឆ្ងាញ់ គុណភាពល្អ និងមានសុវត្ថិភាពខ្ពស់សម្រាប់អ្នកបរិភោគ ដោយសារការដាំដុះផ្អែកលើការប្រើប្រាស់ជីធម្មជាតិជាចម្បង។ លោកបន្ថែមថា ការចាប់ផ្ដើមរដូវប្រមូលផលលម៉ើនៅឆ្នាំនេះ បានផ្តល់ឱកាសដល់អ្នកប្រើប្រាស់ក្នុងស្រុកទទួលបានផ្លែឈើស្រស់ និងមានគុណភាព ខណៈពេលកសិករក៏ទទួលបានប្រាក់ចំណូលបន្ថែមពីដំណាំ ដែលកំពុងមានសក្តានុពលមួយនេះផងដែរ។ ជាមួយគ្នានេះ លោក ញូង សារិន ក៏បានអំពាវនាវដល់ប្រជាពលរដ្ឋឱ្យចូលរួមគាំទ្រកសិផលខ្មែរ ដើម្បីរួមចំណែកលើកកម្ពស់សេដ្ឋកិច្ចសហគមន៍ និងជួយដល់កសិករក្នុងស្រុក ព្រមទាំងទទួលបានអាហារ ដែលមានគុណភាព និងសុវត្ថិភាពខ្ពស់សម្រាប់សុខភាព។ ការគាំទ្រផលិតផលកសិកម្មក្នុងស្រុក មិនត្រឹមតែជួយបង្កើនចំណូលដល់កសិករប៉ុណ្ណោះទេ ប៉ុន្តែថែមទាំងរួមចំណែកជំរុញការអភិវឌ្ឍវិស័យកសិកម្ម និងសេដ្ឋកិច្ចមូលដ្ឋានឱ្យកាន់តែរឹងមាំផងដែរ។ ចំណែកអ្នកជំនាញផ្នែកកសិកម្ម បានលើកឡើងថា ដំណាំលម៉ើកំពុងទទួលបានការចាប់អារម្មណ៍កាន់តែខ្លាំងនៅកម្ពុជា ដោយសារអាចផ្ដល់តម្លៃសេដ្ឋកិច្ចខ្ពស់ និងសមស្របទៅនឹងលក្ខខណ្ឌអាកាសធាតុនៅតំបន់មួយចំនួន។ លើសពីនេះ ផ្លែលម៉ើក៏សម្បូរទៅដោយសារធាតុចិញ្ចឹម និងត្រូវបានគេប្រើប្រាស់យ៉ាងទូលំទូលាយសម្រាប់ការបរិភោគផ្ទាល់ និងកែច្នៃជាផលិតផលផ្សេងៗ។ ក្នុងរយៈពេលប៉ុន្មានឆ្នាំចុងក្រោយនេះ […]

ហាណូយ៖ ក្រុមអ្នកឧតុនិយមវៀតណាម បានព្រមានថា ព្រឹត្តិការណ៍ បាតុភូតអែលនីញ៉ូដ៏កំណាច អាចបង្កឱ្យសីតុណ្ហភាពក្តៅខ្លាំង កាត់បន្ថយភ្លៀងធ្លាក់ និងធ្វើឱ្យអាកាសធាតុឡើងកម្តៅខ្ពស់នៅតាមតំបន់ជាច្រើនក្នុងប្រទេសវៀតណាម។ បាតុភូតអែលនីញ៉ូ បានកើតឡើងយ៉ាងពិតប្រាកដ ហើយត្រូវបានគេព្យាករណ៍ថា នឹងបង្កើនឥទ្ធពលបន្ថែមទៀត នៅក្នុងរយៈប៉ុន្មានខែខាងមុខនេះ។ ស្ថានភាពបែបនេះ ធ្វើឱ្យប្រទេសវៀតណាមប្រឈមមុខនឹងការថយចុះនៃកម្រិតរបបភ្លៀងធ្លាក់ ជួបគ្រោះរាំងស្ងួតធ្ងន់ធ្ងរ និងការជ្រៀតចូលទឹកប្រៃមកក្នុងតំបន់ទឹកសាបកាន់តែច្រើន ហើយក៏បង្កឱ្យមានព្យុះសង្ឃរា ភ្លៀងធ្លាក់ខ្លាំង និងបង្កគ្រោះទឹកជំនន់យ៉ាងគំហុកតែម្តង។ លោក ដាង ថាញ់ម៉ៃ (Dang Thanh Mai) អគ្គនាយករងនៃនាយកដ្ឋានឧតុនិយម និងជលសាស្ត្រ វៀតណាម បាននិយាយកាលពីពេលថ្មីនេះថា ទាំងគំរូព្យាករណ៍ក្នុងស្រុក និងគំរូព្យាករណ៍អន្តរជាតិ ពិតជាបង្ហាញថា បាតុភូតអែលនីញ៉ូ កំពុងបន្កើនឥទ្ធិចាប់ពីខែមិថុនា ឆ្នាំ២០២៦ និងកាន់តែខ្លាំងឡើងៗ ក្នុងអំឡុងឆមាសទី២ ហើយអាចបន្តអូសបន្លាយរហូតដល់ដើមឆ្នាំ២០២៧។ ជាការកត់សម្គាល់ លទ្ធភាពនៃការកើតមានបាតុភូតអែលនីញ៉ូ គឺកាន់ច្បាស់ឡើងៗ ដោយបច្ចុប្បន្នត្រូវបានប៉ាន់ប្រមាណថា អាចកើតមានពី៦០ ទៅ៦៥ភាគរយ បើប្រៀបធៀបទៅនឹងបាតុភូតអែលនីញ៉ូ ក្នុងឆ្នាំ២០១៥-២០១៦ និងអាចជាប់ចំណាត់ថ្នាក់ក្នុងចំណោមព្រឹត្តិការណ៍បាតុភូតអែលនីញ៉ូដ៏ខ្លាំងបំផុត ក្នុងកំណត់ត្រាប្រវត្តិសាស្ត្រពិភពលោក ចាប់តាំងពីឆ្នាំ១៩៥០។ យោងតាមលោក ដាង ថាញ់ម៉ៃ បានឱ្យដឹងទៀតថា​ ប្រសិនបើសេណារីយ៉ូនេះលេចចេញជារូបរាងពិតប្រាកដ […]

ដោយ រស្មី កំពត៖ ដើម្បីស្តារចំនួនងាវសមុទ្រ (អយស្ទ័រ)ឱ្យបានច្រើនឡើងវិញ ដែលបានអនុវត្តដំបូងគេនៅខេត្តកែបនោះត្រូវបានគេរំពឹងថានឹងជួយឱ្យចំនួនពូជងាវសមុទ្រដែលបានបាត់បង់អស់ច្រើនដោយសារការនេសាទហួសកម្រិតនាពេលកន្លងមកនឹងជួយឱ្យចំនួនរបស់វាប្រសើរឡើងវិញ។ គម្រោងស្តារពូជងាវសមុទ្រនេះត្រូវបានធ្វើឡើងតាមរយៈគម្រោង CamAdapt ក្រោមការដឹកនាំរបស់ក្រសួងកសិកម្ម រុក្ខាប្រមាញ់ និងនេសាទ សហការជាមួយក្រសួងបរិស្ថាន ក្រោមជំនួយបច្ចេកទេសពីអង្គការស្បៀង និងកសិកម្មនៃសហប្រជាជាតិ (FAO)។ ការស្តារចំនួនងាវសមុទ្រត្រូវបានគេជ្រើសរើសយកខេត្តកែប ជាគោលដៅសំខាន់ដំបូងគេ ដោយសំដៅធ្វើយ៉ាងណាឱ្យចំនួនពូជងាវសមុទ្រ កាន់តែសម្បូរ ដើម្បីជួយដល់ការបង្កើនជីវភាពរបស់សហគមន៍មូលដ្ឋាន។ លោកស្រី តៃ ឈេន អ្នកគ្រប់គ្រងទូទៅលើកោះ និងប្រធានគម្រោង នៃអង្គការអភិរក្សសមុទ្រកម្ពុជា ឱ្យដឹងថា ការស្តារចំនួនងាវឡើងវិញ គឺជារឿងចាំបាច់សម្រាប់តម្រូវការអ្នកបរិភោគ​ ព្រោះវាមានតួនាទីចាំបាច់ បង្កើតជារបាំងថ្មប៉ប្រះទឹកសម្រាប់ទប់ទល់នឹងរលកបោកបក់ និងជាអ្នកចម្រោះទឹកស្អាតតាមធម្មជាតិ ដែលជួយបង្កើតជម្រកដ៏សុវត្ថិភាពសម្រាប់ជីវៈចម្រុះជាច្រើនទៀត ព្រមទាំងដើរតួជាខែលការពារឆ្នេរពីគ្រោះធម្មជាតិ។ ក្នុងការស្តារចំនួនពូជងាវ តាមរយៈធម្មជាតិនេះដែរ លោកស្រីបានប្រាប់ថា គេបានទម្លាក់ប្រអប់ជម្រកងាវសម្បនិម្មិត ដែលជាតំបន់សម្បូរងាវរស់នៅក្នុងសហគមន៍នេសាទទេសចរណ៍ភូមិថ្មី ស្ថិតនៅក្នុងសង្កាត់កែប ខេត្តកែប។ គម្រោងសាកល្បងនេះមានចំនួន១១ខែ ចាប់ពីដើមខែកុម្ភៈ ឆ្នាំ២០២៦ ដោយបញ្ចប់នៅអំឡុង ខែធ្នូ ឆ្នាំ២០២៦។ លោកស្រីបញ្ជាក់ថា ប្រអប់ជម្រកងាវសមុទ្រសិប្បនិម្មិត គឺជាសំណង់កែច្នៃដើម្បីជំនួស ឬស្តារជម្រកងាវសមុទ្រ និងជីវៈចម្រុះក្នុងសមុទ្រ។ ប្រអប់ទាំងនេះត្រូវបានរចនាឡើងយ៉ាងពិសេសដោយមានរន្ធ និងផ្ទៃគ្រើម ដើម្បីអនុញ្ញាតឱ្យកូនងាវសមុទ្រ […]

ខេត្តកណ្តាល៖ ឯកឧត្តម ប៉ិច សានី​ អនុប្រធានក្រុមការងារចលនាយុវជនរបស់ក្រុមការងារគណបក្សចុះមូលដ្ឋានស្រុកខ្សាច់កណ្តាល និងជាតំណាងដ៏ខ្ពង់ខ្ពស់របស់ឯកឧត្តមបណ្ឌិត កៅ ថាច ប្រធានក្រុមការងារចលនាយុវជនគណបក្សប្រជាជនកម្ពុជា ស្រុកខ្សាច់កណ្តាល ខេត្តកណ្តាល បានជំរុញយុវជនឃុំពុកឫស្សីឱ្យប្រកាន់ខ្ជាប់នូវគោលការណ៍របស់គណបក្ស ពង្រឹងសាមគ្គីភាព និងឯកភាពផ្ទៃក្នុង ដើម្បីរួមចំណែកលើកកម្ពស់ប្រសិទ្ធភាពការងារនៅមូលដ្ឋាន និងបន្តថែរក្សាសមិទ្ធផលរបស់គណបក្ស និងរាជរដ្ឋាភិបាល។ ការជំរុញទឹកចិត្តរបស់ឯកឧត្តមត្រូវបានធ្វើឡើងក្នុងពេលបន្តអញ្ជេីញជាអធិបតីក្នុងពិធីបោះឆ្នោតជ្រើសរើសរចនាសម្ព័ន្ធថ្នាក់ដឹកនាំយុវជនគណបក្សប្រជាជនកម្ពុជា ឃុំពុកឫស្សី ស្រុកខ្សាច់កណ្តាល ខេត្តកណ្តាល នារសៀលថ្ងៃទី​២១​ ខែមិថុនា​ ឆ្នាំ២០២៦​។ នៅក្នុងពិធីនេះ មានការអញ្ជេីញចូលរួមផ្តល់ចំណាប់អារម្មណ៍ពីឯកឧត្តម ឱម ម៉ាក់ធារិទ្ធ អនុប្រធានក្រុមការងារគណបក្សចុះមូលដ្ឋានឃុំពុកឫស្សី និងជាប្រធានក្រុមការងារចលនាយុវជនគណបក្សប្រជាជនកម្ពុជា ឃុំពុកឫស្សី ព្រមទាំងមានប្រសាសន៍សំណេះសំណាលបើក និងបិទកម្មវិធី ដោយឯកឧត្តម មាស សុខសេនសាន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានក្រុមការងារគណបក្សចុះមូលដ្ឋានស្រុកខ្សាច់កណ្តាល ទទួលបន្ទុកការងារគណបក្សចុះមូលដ្ឋានឃុំពុកឫស្សី។ ក្រុមការងារយុវជនគណបក្សស្រុក និងឃុំ គណៈអចិន្ត្រៃយ៍គណៈកម្មាធិការគណបក្សស្រុក គណៈកម្មាធិការគណបក្សឃុំ ប្រធានសាខាគណបក្សភូមិ និងសមាជិកយុវជនគណបក្ស សរុបជាង៣២០នាក់ គឺជាអង្គបោះឆ្នោត។ ឯកឧត្តម ប៉ិច សានី បានសម្តែងនូវសេចក្តីរីករាយ ដែលបានចូលរួមជាអធិបតីក្នុងពិធីបោះឆ្នោតជ្រើសរើសថ្នាក់ដឹកនាំយុវជនគណបក្សប្រជាជនកម្ពុជា ឃុំពុកឫស្សី។ ក្នុងនាមតំណាងដ៏ខ្ពង់ខ្ពស់របស់ឯកឧត្តមបណ្ឌិត កៅ […]

ម៉ានីល៖ ប្រទេសហ្វីលីពីន បាននាំចេញផ្លែស្វាយស្រស់ ពូជការ៉ាបាវ (Carabao) ជាលើកដំបូងទៅកាន់ប្រទេសកាណាដា ដែលជាជំហានថ្មីមួយទៀត ឆ្ពោះទៅរកការធ្វើពិពិធកម្មទីផ្សារនាំចេញ និងការពង្រីកវត្តមានផលិតផលកសិកម្មក្នុងស្រុក នៅលើពិភពលោក។ ក្រសួងកសិកម្ម ហ្វីលីពីន បាននិយាយថា ក្រុមហ៊ុនហ្វីលីពីនពីរ បាននាំចេញផ្លែស្វាយស្រស់របស់ខ្លួនទៅកាន់អ្នកនាំចូល មានទីតាំងនៅក្នុងខេត្តអនតារីយ៉ូ (Ontario) ភាគខាងលិចទីក្រុងអូតាវ៉ា ប្រទេសកាណាដា។ មន្ត្រីហ្វីលីពីន បានធ្វើពិធីដឹកជញ្ជូនផ្លែស្វាយស្រស់ជាលក្ខណៈពាណិជ្ជកម្មលើកដំបូង នៅស្ថានីយដឹកទំនិញរបស់ក្រុមហ៊ុនអាកាសចរណ៍ ហ្វីលីពីន ស្ថិតក្នុងទីក្រុងប៉ាសាយ។ ក្រុមហ៊ុនដឹកជញ្ជូនដ៏ល្បីនេះនឹងនាំចេញផ្លែស្វាយតាមរយៈកម្មវិធីដឹកទំនិញតាមផ្លូវអាកាស។ ការិយាល័យកសិកម្មហ្វីលីពីន នៅទីក្រុងវ៉ាស៊ីនតោន សហរដ្ឋអាម៉េរិក បានសម្របសម្រួលការនាំចេញនេះ ដោយសហការជាមួយស្ថានអគ្គកុងស៊ុលហ្វីលីពីន ប្រចាំទីក្រុងតូរ៉ុនតូ ប្រទេសកាណាដា មជ្ឈមណ្ឌលពាណិជ្ជកម្ម និងវិនិយោគហ្វីលីពីន ប្រចាំទីក្រុងតូរ៉ុនតូ និងភាគីពាក់ព័ន្ធក្នុងឧស្សាហកម្មផ្លែស្វាយ។ រដ្ឋមន្ត្រីរដ្ឋក្រសួងកសិកម្ម ហ្វីលីពីន លោក​ ហ្វ្រេស៊ីស្កូ ធៀវ ឡូរ៉ែល (Francisco Tiu Laurel) បានមានប្រសាសន៍ក្នុងពិធីនេះថា “នេះគឺជាជំហានមួយទៀតឆ្ពោះទៅរកគោលដៅរបស់យើង ក្នុងការពង្រីក និងធ្វើពិពិធកម្មទីផ្សារពិភពលោក សម្រាប់ផលិតផលកសិកម្មរបស់យើង មានដូចជាផ្លែចេក ផ្លែដូង និងផ្លែស្វាយ។ វាដល់ពេលហើយសម្រាប់តំបន់ផ្សេងទៀតនៃពិភពលោក ដើម្បីទទួលបានរសជាតិផ្លែឈើរបស់ប្រទេសហ្វីលីពីន”។ […]

កណ្តាល៖ ឯកឧត្តមបណ្ឌិត កៅ ថាច អនុប្រធានក្រុមការងារគណបក្សចុះជួយមូលដ្ឋានស្រុក និងជាប្រធានក្រុមការងារចលនាយុវជនគណបក្សស្រុកខ្សាច់កណ្តាល នាព្រឹកថ្ងៃអាទិត្យ ទី១៤ ខែមិថុនា ឆ្នាំ២០២៦នេះ បានផ្តល់អនុសាសន៍ណែនាំ និងតម្រង់ទិស ដល់ថ្នាក់ដឹកនាំយុវជនឃុំជ័យធំ នៃស្រុកខ្សាច់កណ្តាល ខេត្តកណ្តាល ឲ្យបន្តរៀនសូត្រពង្រឹងសមត្ថភាពចំណេះដឹង និងប្រឹងបង្កើនប្រាក់ចំណូលក្នុងគ្រួសារ បន្ទាប់មកត្រូវចូលរួមបម្រើសហគមន៍របស់ខ្លួនថែមទៀត។ ឯកឧត្តមបណ្ឌិត ដែលជាសមជិកគណកម្មាធិការកណ្តាល​ ​និងជាសមាជិកយុវជនគណបក្សថ្នាក់កណ្តាល ប្រចាំស្រុកខ្សាច់​កណ្តាល បានមានប្រសាសន៍ដូច្នេះ ក្នុងឱកាសអញ្ជើញជាអធិបតីភាពក្នុងពិធីបោះឆ្នោតជ្រើសរើសថ្នាក់ដឹកនាំយុវជនគណបក្សប្រជាជនកម្ពុជា ឃុំជ័យធំ ស្រុកខ្សាច់កណ្តាល ខេត្តកណ្តាល។ ក្នុងពិធីនេះ ក៏មានការអញ្ជើញចូលរួមពីឯកឧត្តម នួន សំបូរ ប្រធានក្រុមការងារចុះមូលដ្ឋានឃុំជ័យធំ គណៈអចិន្ត្រៃយ៍គណៈកម្មាធិការគណបក្សស្រុក គណៈកម្មការបោះឆ្នោតស្រុក គណៈអចិន្ត្រៃយ៍គណៈកម្មាធិការគណបក្សឃុំ ប្រធានសាខាគណបក្សភូមិ បេក្ខជនឈរឈ្មោះ និងសមាជិកយុវជនគណបក្សឃុំ ដែលជាអង្គបោះឆ្នោតសរុបប្រមាណ២០៧នាក់។ អញ្ជើញមានមតិប្រសាសន៍សំណេះសំណាលក្រោយពេលប្រកាសលទ្ធផល ឯកឧត្តមបណ្ឌិត កៅ ថាច បានលើកឡើងថា ដំណើរការបោះឆ្នោតនាពេលនេះ គឺជាព្រឹត្តិការណ៍ប្រវត្តិសាស្ត្រសម្រាប់រចនាសម្ព័ន្ធផ្ទៃក្នុងរបស់គណបក្សប្រជាជនកម្ពុជាក្នុងឃុំជ័យធំ ដោយអនុញ្ញាតឱ្យសមាជិកយុវជនមានសិទ្ធិសម្រេចចិត្តផ្ទាល់ ក្នុងការជ្រើសរើសថ្នាក់ដឹកនាំនៅក្នុងមូលដ្ឋានរបស់ខ្លួន ដែលមានសមត្ថភាព និងគុណវុឌ្ឍិពិតប្រាកដ ដើម្បីដឹកនាំយុវជនក្នុងមូលដ្ឋានឱ្យសម្រេចបាននូវការរីកចម្រើន ទាំងផ្នែកស្មារតី សុខភាព និងសេដ្ឋកិច្ចគ្រួសារ។ បន្ថែមពីលើនេះ […]

​ភ្នំពេញ៖​  ផ្លែទុរេនស្រស់របស់កម្ពុជាប្រមាណជិត១ ០០០តោន ត្រូវបាននាំចេញទៅកាន់ទីផ្សារប្រទេសចិនជាផ្លូវការហើយ ខណៈក្រុមហ៊ុននាំចេញកំពុងមមាញឹកប្រមូលទិញពីកសិករ ដើម្បីនាំចេញជាបន្តបន្ទាប់ទៀត។ យោងតាមសមាគមទុរេនកម្ពុជា បាន​បង្ហាញថា ផ្លែទុរេនស្រស់របស់កម្ពុជាចំនួន ៥០ទូកុងតឺន័រ ដែលមានបរិមាណសរុបជាង៩០០តោន ត្រូវបាននាំចេញទៅទីផ្សារចិន តាមរយៈក្រុមហ៊ុនពីរ ដោយដឹកចេញតាមច្រកវៀតណាម និងឡាវ។ ផ្លែទុរេននាំចេញទៅចិននេះ ត្រូវបានប្រមូលទិញពីកសិករ នៅខេត្តកំពង់ចាម និងខេត្តត្បូងឃ្មុំ។ បច្ចុប្បន្ននេះ ក្រុមហ៊ុនមួយចំនួនកំពុងតែប្រមូលទិញផ្លែទុរេនពីកសិករ យកមកវេចខ្ចប់ ដើម្បីនាំចេញជាបន្តបន្ទាប់ទៅកាន់ទីផ្សារចិនបន្ថែមទៀត។ តម្លៃផ្លែទុរេនស្រស់ៗ ដែលក្រុមហ៊ុនប្រមូលទិញពីកសិករប្រមាណ១២ ០០០រៀល ឬប្រមាណបីដុល្លារ ក្នុងមួយគីឡូក្រាម។ ចម្ការទុរេន ដែលត្រូវបានចុះបញ្ជីទទួលស្គាល់មានលក្ខណៈសម្បត្តិគ្រប់គ្រាន់ សម្រាប់ការនាំចេញផ្លែទុរេនស្រស់ដោយត្រង់ពីកម្ពុជាទៅកាន់ទីផ្សារចិន មានចំនួន១១២កន្លែង និងរោងចក្រវេចខ្ចប់ចំនួន៣០ទីតាំង​​ ប៉ុន្តែក្រុមហ៊ុនខ្លះមិនទាន់អាចបំពេញលក្ខខណ្ឌបាននៅឡើយ ដូច្នេះ ទើបក្រុមហ៊ុនមិនទាន់ហ៊ាននាំចេញ​។ នាពេលថ្មីៗកន្លងមកនេះ សមាគមទុរេនកម្ពុជា បានត្រៀមនាំចេញផ្លែទូរេនជាង១ ០០០ទូកុងតឺន័រ​ ក្នុងតម្លៃមួយសមរម្យសម្រាប់នាំចេញទៅកាន់ទីផ្សារនៃប្រទេសចិន នៅក្នុងឆ្នាំ២០២៦នេះ ដោយមួយទូកុងតឺន័រ មានទម្ងន់ចាប់ពី១៨តោន ទៅ២០តោន។ ព្រមជាមួយគ្នានេះដែរ សមាគមក៏អំពាវនាវឱ្យពលរដ្ឋកម្ពុជាបន្តគាំទ្រផ្លែទុរេន ដែលជាផលិតផលកម្ពុជាឱ្យបានកាន់តែច្រើនថែមទៀត និងជាពិសេសកសិករ ដែលតែងតែនាំផ្លែទុរេនពីប្រទេសជិតខាង សូមមេត្តាបញ្ឈប់ការនាំចូល ដើម្បីឱ្យទុរេនកម្ពុជាមានតម្លៃសមរម្យ និងអាចនាំចេទៅកាន់ទីផ្សារក្រៅប្រទេសកាន់តែច្រើនថែមទៀត។ សូមរំលឹកថា កម្ពុជា […]

ទីក្រុងរ៉ូម៖ ប្រធានកម្មវិធីស្បៀងអាហារពិភពលោករបស់អង្គការសហប្រជាជាតិ បានលើកឡើងថា ការបន្តសង្គ្រាមរវាងសហរដ្ឋអាម៉េរិក និងអ៊ីស្រាអែលលើប្រទេសអ៊ីរ៉ង់ បានបង្កើនគ្រោះមហន្តរាយផ្សេងទៀតនៅលើសកលលោក ដោយបង្កឱ្យចំនួនប្រជាជនធ្លាក់ចូលក្នុងភាពអត់ឃ្លានកាន់តែច្រើន ស្របពេលថវិកាសម្រាប់ប្រយុទ្ធប្រឆាំងនឹងគ្រោះទុរ្ភិក្សបានធ្លាក់ចុះយ៉ាងខ្លាំង។ កម្មវិធីស្បៀងអាហារពិភពលោក បាននិយាយថា មនុស្សចំនួន៣៦៣លាននាក់ នៅជុំវិញពិភពលោក ឥឡូវនេះប្រឈមនឹងភាពអត់ឃ្លានកាន់តែធ្ងន់ធ្ងរ ក្នុងចំណោមនេះមនុស្សចំនួន៤៥លាននាក់ បានរងគ្រោះជួបគ្រោះទុរ្ភឹក្សដោយសារសង្គ្រាមនៅមជ្ឈិមបូព៌ា និងការកើនឡើងនៃតម្លៃប្រេងឥន្ទនៈ។ ការកើនឡើងនៃតម្រូវការស្បៀងអាហារនេះ កើតឡើងបន្ទាប់ពីការកាត់បន្ថយជំនួយរបស់សហរដ្ឋអាម៉េរិក ដែលជាម្ចាស់ជំនួយដ៏ធំបំផុតសម្រាប់កម្មវិធីស្បៀអាហារពិភពលោក។ លោក កាល់ ស្កាវ (Carl Skau) ប្រធានវិធីស្បៀងអាហារពិភពលោក បាននិយាយថា គម្លាតដ៏ធំរវាងតម្រូវការ និងថវិកា បានបង្ខំឱ្យអង្គការកាត់បន្ថយកម្មវិធីដែលគាំទ្រប្រជាជនក្នុងគ្រាអាសន្នស្បៀងអាហារ ដើម្បីផ្តោតលើអ្នកដែលកំពុងប្រឈមមុខនឹងគ្រោះទុរ្ភិក្សដ៏មហន្តរាយ។ លោកបានមានប្រសាសន៍ដូច្នេះថា “យើងបេះពីមាត់ជនអត់ឃ្លាន ទៅបញ្ចុកមាត់ជនទុរ្ភិក្ស។ នោះហើយគឺជាការពិត។ លើសពីនេះ សង្គ្រាមជំរុញឱ្យមានគ្រោះទុរ្ភិក្សកាន់ធ្ងន់ធ្ងរ។ កាលពីឆ្នាំមុន យើងមានគ្រោះទុរ្ភិក្សពីរករណីត្រូវប្រកាសអាសន្ន។ រឿងនោះខានកើតឡើងជាច្រើនទសវត្សរ៍មកហើយ ដូច្នេះគ្រោះទុរ្ភិក្សពេលនេះ គឺជាប្រវត្តិសាស្ត្រថ្មីនៃគ្រោះទុរ្ភិក្ស”។ គ្រោះទុរ្ភិក្សទាំងពីរ ដែលត្រូវបានប្រកាសអាសន្ននៅឆ្នាំ២០២៥ គឺនៅតំបន់ហ្គាហ្សា និងប្រទេសស៊ូដង់។ ក្រោយមកស្ថានភាពអត់ឃ្លាននៅតំបន់ហ្គាហ្សា មានសភាពធូរស្រាលបន្តិច ចាប់តាំងពីមានបទឈប់បាញ់ កាលពីខែតុលា ខណៈពេលប្រទេសស៊ូដង់ នៅតែបន្តជាវិបត្តិមនុស្សធម៌ដ៏អាក្រក់បំផុតរបស់ពិភពលោក ដោយគ្រោះទុរ្ភិក្សនៅតែបន្តកើតមាន នៅផ្នែកខ្លះនៃទីក្រុងដាហ្វួរ (Darfur) និងទីក្រុងកូរដូហ្វានភាគខាងត្បូង […]

ភ្នំពេញ៖ បន្ទាប់ពីការប្រកាសដាក់ឱ្យដំណើរការជាផ្លូវការនូវ «កម្មវិធីហិរញ្ញប្បទានអាកាសធាតុនៅកម្ពុជា (Cambodia Climate Finance Facility – CCFF)» ការពិភាក្សាក្រុមពាក់ព័ន្ធលើសក្តានុពលនៃកម្មវិធី CCFF ក្នុងការបើកផ្លូវសម្រាប់ការលើកកម្ពស់ឥណទានបៃតងនៅកម្ពុជា និងការពិភាក្សាជាក្រុមលើការស្នើសុំ​ហិរញ្ញប្បទាន​ ក្រោមកម្មវិធី CCFF ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានអញ្ជើញថ្លែងសុន្ទរកថាបិទ «ពិធីសម្ពោធដាក់ឱ្យអនុវត្តជាផ្លូវការនូវ​កម្មវិធីហិរញ្ញប្បទាន​អាកាសធាតុនៅកម្ពុជា» នៅសណ្ឋាគារសុខាភ្នំពេញ នារសៀលថ្ងៃទី១៧ ខែមិថុនា ឆ្នាំ២០២៦។ ក្នុងពិធីបិទនេះមានវត្តមានលោក ចយ ហាងស៊ុក (Choi Hang Suk) តំណាងធនាគារអភិវឌ្ឍន៍កូរ៉េ (KDB) និងលោក ចន ម៉ាហ្គីលី (John McGinley) គណៈគ្រប់គ្រងនៃក្រុមហ៊ុន Mekong Strategic Capital  ឯកឧត្តម លោកជំទាវ តំណាងក្រសួង-ស្ថាប័នពាក់ព័ន្ធនៃរាជរដ្ឋាភិបាល។ ឯកឧត្តមបណ្ឌិត កៅ ថាច បាន វាយតម្លៃខ្ពស់ចំពោះលទ្ធផលនៃអង្គពិធីទាំងមូល ដែលបានរួមគ្នាពិភាក្សា​យ៉ាងផុសផុល ដើម្បីដាក់ចេញនូវទិសដៅ និងផែនការសកម្មភាពឆ្ពោះទៅមុខ […]