News

ទីក្រុងតូក្យូ៖ រដ្ឋមន្ត្រីក្រសួងកសិកម្មប្រទេសជប៉ុន លោក ស៊ីនជីរ៉ូ កូអ៊ីហ្សូមី (Shinjiro Koizumi) បាននិយាយថា ប្រទេសជប៉ុននឹងបញ្ចេញស្រូវបម្រុងចំនួន២០ម៉ឺនតោនទៀត ពីស្តុកទុកសម្រាប់គ្រាអាសន្នរបស់ប្រទេស ដើម្បីដោះស្រាយការឡើងថ្លៃទ្វេដង ចាប់តាំងពីឆ្នាំមុន។ លោកបានមានប្រសាសន៍ថា ក្នុងចំណោមការបញ្ចេញស្តុកថ្មីនេះ ស្រូថចំនួន១០ម៉ឺនតោននៃទិន្នផលស្រូវប្រមូលផលឆ្នាំ២០២១ នឹងត្រូវលក់មុនគេទៅកាន់អ្នកលក់រាយគ្រប់ទំហំ និងអ្នកលក់អង្ករក្នុងស្រុក ដែលមានសមត្ថភាពកិនគ្រប់គ្រាន់។ បន្តមកទៀត នឹងដល់ពេលបញ្ចេញស្តុកស្រូវប្រមូលទិន្នផល កាលពីឆ្នាំ២០២០។ ការឡើងថ្លៃអង្ករបានក្លាយទៅជាកង្វល់ដ៏ធំមួយសម្រាប់អ្នកទទួលបាន និងអ្នកធ្វើគោលនយោបាយនៅមុនការបោះឆ្នោតសំខាន់ៗនៅទីក្រុងតូក្យូ និងនៅទូទាំងប្រទេស។ អ្នក​ទទួលទាន​បាន​ឈរតម្រង់ជួរ ​ដើម្បី​ទិញ​ស្រូវ​ស្តុក​ទុកទម្ងន់ប្រាំគីឡូក្រាមក្នុងមួយបាវ ​តម្លៃ២០០០យ៉េន ឫស្មើប្រមាណ ១៣,៨២ដុល្លារ​ ចាប់តាំងពីការចាប់ផ្តើមដាក់តាំងលក់ កាលពីជាងមួយបប្តាហ៍មុន។ លោក ស៊ីនជីរ៉ូ កូអ៊ីហ្សូមី បានមានប្រសាសន៍ក្នុងសន្និសីទកាសែតថា “យើងចង់បន្តឆ្លើយតបដោយមិនបង្អង់យូរ ដើម្បីឱ្យស្រូវស្តុកទុក អាចបានទៅដល់អ្នកបរិភោគយ៉ាងឆាប់រហ័ស និងក្នុងតម្លៃទាប។ យើងមិនបណ្តោយឱ្យតម្លៃឡើងថ្លៃវិញ និងប្រាក់ឈ្នួលនៅក្នុងសេដ្ឋកិច្ចជប៉ុនទាំងមូលដួលរលំនោះទេ។ ប្រសិនបើវាប្រាកដជារឿងរបស់អង្ករ នោះខ្ញុំជឿថា យើងត្រូវតែដោះស្រាយបញ្ហាបែបនេះឱ្យបានទាន់ពេលវេលា”។​​ ចាប់តាំងពីខែមីនា រហូតមកដល់ពេលនេះ ប្រទេសជប៉ុនបានបញ្ចេញស្រូវប្រហែល៦០ម៉ឺនតោន ពីបរិមាណស្រូវស្តុកទុកបម្រុងគ្រាអាសន្នប្រហែល៩០ម៉ឺនតោន។ ប្រហែលស្រូវពាក់កណ្តាលត្រូវបានលក់ដោយផ្ទាល់ទៅឱ្យអ្នកលក់រាយ ក្នុងរយៈពេលពីរសប្តាហ៍ចុងក្រោយនេះ ក្រោមគោលការណ៍ចែកចាយថ្មីរបស់រដ្ឋមន្ត្រីក្រសួងកសិកម្មប្រទេសជប៉ុន។ ទិន្នន័យកាលពីដើមសប្តាហ៍នេះ បានបង្ហាញថា តម្លៃស្រូវក្នុងផ្សារទំនើបជាមធ្យមបានធ្លាក់ចុះក្នុងសប្តាហ៍ទីពីរជាប់ៗគ្នា មកនៅត្រឹម៤ […]

ភ្នំពេញ៖ ប្រទេសចិននៅតែជាប្រទេសធំជាងគេ ក្នុងការនាំចូលអង្ករ ​និងកសិផលកែច្នៃ មានដូចជាផ្លែស្វាយស្ងួត ទុរេនស្ងួត ដែល​ផលិផលទាំងនេះបង្ហាញពីវឌ្ឍនភាពថ្មីទទួលបានពីកិច្ចសហប្រតិបត្តិការក្នុងវិស័យកសិកម្មនិងពាណិជ្ជកម្មរវាងប្រទេសទាំងពីរ។​​ យោងតាមតួលេខសហព័ន្ធស្រូវអង្ករកម្ពុជា ក្នុងរយៈពេលប្រាំខែដំបូងនៃឆ្នាំ ២០២៥នេះបានបង្ហាញថា​​ ការនាំចេញអង្កររបស់កម្ពុជាបានកើនឡើង១៣.៧% បើធៀបនឹងរយ:ពេលដូចគ្នាកាលពីឆ្នាំមុន ចំនួនដល់៣៤ម៉ឺន ៤១៩៩ តោន តម្លៃនាំចេញ ២៥២.៣ លានដុល្លារ។​​ ក្នុងនោះ ប្រទេសចិននៅតែជាប្រទេសធំជាងគេ ក្នុងការនាំចូលអង្ករកម្ពុជា មានចំនួន ៩០៦៦៥ តោន ដែលមានតម្លៃ ៥៣.២៥ លានដុល្លារ។ កាលពីថ្ងៃទី៧ ខែមិថុនាកន្លងទៅនេះ សហគ្រាសអាហារក្វាងស៊ី ប្រទេសចិន និងសហគ្រាសអាហារនៅកម្ពុជា បានចុះហត្ថលេខាលើកិច្ចព្រមព្រៀងសហប្រតិបត្តិការយុទ្ធសាស្ត្រដើម្បីនាំចេញផ្លែស្វាយស្ងួតកម្ពុជាចំនួនពីរម៉ឺន តោន (២០២៥-២០២៧) និងទុរេនស្ងួតកម្ពុជាចំនួន១,៥ម៉ឺន តោន (២០២៥-២០២៦) ទៅកាន់ប្រទេសចិនដែលក្នុងទឹកប្រាក់ចំនួន ១,៦ ពាន់លានយ័នចិន។ នៅរយៈពេលប្រាំឆ្នាំចុងក្រោយនេះ ប្រទេសចិនបាននាំមុខគេ ក្នុងការបញ្ជាទិញអង្ករពីកម្ពុជាច្រើនជាងគេ វ៉ាដាច់សហគមន៍អឺរ៉ុប ដែលធ្លាប់តែឈរនៅលេខ១ សម្រាប់អ្នកទិញអង្ករពីកម្ពុជាកាលពីពេលកន្លងមក។ ប្រទេសចិនបានក្លាយជាទីផ្សារដ៏សំខាន់ សម្រាប់ការនាំចេញអង្កររបស់កម្ពុជា ។ យោងតាមសហព័ន្ធស្រូវអង្ករកម្ពុជា បានបង្ហាញទៀត​​ថា ចិននៅតែជាទីផ្សារនាំមុនគេដដែល ហើយជាពិសេសនោះនឹងជំរុញដល់ការនាំចេញអង្ករឱ្យបានមួយលានតោនក្នុងមួយឆ្នាំ តាមផែនការរបស់រាជរដ្ឋាភិបាល។ […]

ទីក្រុងហាណូយ៖ ការដំឡើងពន្ធគយទៅវិញទៅមក និងសេចក្តីសម្រេចរបស់រដ្ឋបាលគ្រប់គ្រងមហាសមុទ្រ និងបរិយាកាសជាតិរបស់សហរដ្ឋអាម៉េរិក នាពេលថ្មីៗនេះកំពុងបង្ហាញពីឧបសគ្គយ៉ាងស្មុគស្មាញសម្រាប់អ្នកនាំចេញត្រីធូណាវៀតណាម​ ចូលទៅក្នុងទីផ្សារសហរដ្ឋអាម៉េរិក ដូច្នេះឧស្សាហកម្មនេះកំពុងស្វែងរកគោលដៅនាំចេញថ្មីផ្សេងទៀត។ បច្ចុប្បន្ន សហរដ្ឋអាម៉េរិក គឺជាទីផ្សារធំសម្រាប់ផលិតផលត្រីធូណានៅវៀតណាម។ ការនាំចេញត្រីធូណា ទៅកាន់សហរដ្ឋអាម៉េរិក​ ទទួលបានប្រាក់ចំណូឡចំនួនសរុប៣៨៨៨លានដុល្លារ​ក្នុងឆ្នាំ២០២៤ ដែលស្មើនឹង៣៨ភាគរយ នៃប្រាក់ចំណូលនាំចេញត្រីធូណាសរុបរបស់ប្រទេសវៀតណាម។ ការនាំចេញត្រីធូណាទៅកាន់សហរដ្ឋអាម៉រិក មានការកើនឡើងក្នុងរយៈពេលបួនខែដំបូងនៃដើមឆ្នាំ២០២៥ ដោយកើនឡើង១១ភាគរយពីមួយឆ្នាំទៅមួយឆ្នាំ គិតជាទឹកប្រាក់ចំនួន១២៤លានដុល្លារ។ ទោះបីជាយ៉ាង​ណា​ក៏​ដោយ អ្នក​នាំ​ចេញ​របស់វៀតណាម​កំពុង​​ព្រួយ​បារម្ភ​កាន់តែខ្លាំងឡើងៗ ចំពោះការដំឡើងពន្ធគយទៅវិញទៅមក ឧស្សាហកម្មនេះបានទទួលដំណឺងមិនល្អពីរដ្ឋបាលគ្រប់គ្រងមហាសមុទ្រ និងបរិយាកាសជាតិនៃក្រសួងពាណិជ្ជកម្មអាម៉េរិក។ នាពេលថ្មីៗកន្លងមកនេះ រដ្ឋបាលគ្រប់គ្រងមហាសមុទ្រ និងបរិយាកាសជាតិ បានចេញសេចក្តីសម្រេចបឋមមួយ ដែលអះអាងថា វិធានការអភិរក្ស និងគ្រប់គ្រងថនិកសត្វសមុទ្ររបស់វៀតណាម មិនទាន់ឆ្លើយតបនឹងវិធីនេសាទរបស់សហរដ្ឋអាម៉េរិកទេ។ អាហារសមុទ្រវៀតណាម រួមទាំងត្រីធូណា នឹងត្រូវហាមមិនឱ្យចូលទីផ្សារសហរដ្ឋអាម៉េរិក នៅថ្ងៃទី១ ខែមករា ឆ្នាំ២០២៦ ប្រសិនបើវៀតណាមមិនគោរពតាមលក្ខខណ្ឌរបស់រដ្ឋបាលគ្រប់គ្រងមហាសមុទ្រ និងបរិយាកាសជាតិ។ សេចក្តីសម្រេចនេះ រួមជាមួយនឹងភាពមិនប្រាកដប្រជានៃពន្ធគយផងនោះ កំពុងតែបង្កផលប៉ះពាល់ស្រេចទៅហើយលើពាណិជ្ជកម្មត្រីធូណារបស់វៀតណាមជាមួយសហរដ្ឋអាម៉េរិក។ ទោះបីជាការនាំចេញទៅកាន់ទីផ្សារអាម៉េរិកបានកើនឡើង១៥ភាគរយពីមួយឆ្នាំទៅមួយឆ្នាំក៏ដោយ ប៉ុន្តែបើគិតត្រឹមខែមេសា ឆ្នាំ២០២៥​ អត្រាកំណើនបានថយចុះមកនៅត្រឹម១១ភាគរយ​ប៉ុណ្ណោះ។ ដូច្នេះវិស័យត្រីធូណាកំពុងប្រឹងប្រែងផ្លាស់ប្តូរទីផ្សារថ្មីរបស់ខ្លួន មានដូចជាប្រទេសអង់គ្លេស រុស្ស៊ី និងបណ្តាប្រទេសក្នុងតំបន់មជ្ឈិមបូព៌ា​ ​ដើម្បីនាំ​ចេញ​ត្រីធូណា​។ ក្នុងឆ្នាំ២០២៤ បណ្តាប្រទេសក្នុងតំបន់មជ្ឈឹមបូព៌ា គឺជាទីផ្សារត្រីធូណាធំជាងគេទីបួនរបស់វៀតណាម បន្ទាប់ពីសហរដ្ឋអាម៉េរិក […]

ខេត្តត្បូងឃ្មុំ៖ នៅរដូវកាលប្រមូលផលផ្លែទុរេនក្នុងឆ្នាំ២០២៥នេះ តម្លៃទុរេនរបស់កសិករក្នុងខេត្តត្បូងឃ្មុំមិនមានស្ថិរភាពល្អនោះទេ ដោយសារនៅតែបន្តធ្លាក់ថ្លៃជាបន្តបន្ទាប់។ ជាក់ស្តែងម្ចាស់ចំម្ការទុរេនមួយកន្លែង ឈ្មោះ វុន ប៊ុនធឿន រស់នៅសង្កាត់វិហារហ្លូង ក្រុងសួងខេត្តត្បូងឃ្មុំ ជាអ្នកលក់បោះដុំផ្លែទុរេនទៅឈ្មួញបានថ្លៃប្រមាណ១៤ ០០០រៀល ខណៈការប្រមូលផលវគ្គដំបូងៗនៅពាក់កណ្តាលខែឧសភា លក់បានថ្លៃជិត២០ ០០០រៀលក្នុងមួយគីឡូក្រាម។ លោកបានឱ្យដឹងថា គិតមកដល់សប្តាហ៍ទី២ ខែមិថុនានេះ ការប្រមូលផលផ្លែទុរេនបានប្រហែលជាងប្រាំតោន និងនៅសល់ប្រហែលទុរេនបីតោនទៀតនឹងបញ្ចប់ការប្រមូលផលក្នុងវគ្គទីមួយ។ ចំណែកវគ្គទី២ គ្រោងចាប់ផ្តើមនៅដើមខែកក្កដាខាងមុខ លើដើមទុរេន៣០ដើម ឬស្មើនិងបរិមាណទុរេនប្រហែលពីរតោន។ លោកបន្តថា តម្លៃទុរេនកាលប្រមូលផលនៅពាក់កណ្តាលខែឧសភាកន្លងទៅ បោះដុំទៅឈ្មួញលក់បានថ្លៃចន្លោះពី១៧ ០០០រៀល ទៅ១៨ ០០០រៀលក្នុងមួយគីឡូក្រាម ហើយបើគិតមកដល់សព្វថ្ងៃនេះតម្លៃទុរេនបានបន្តធ្លាក់ចុះនៅ១៤ ០០០រៀល ហើយដល់ពេលប្រមូលវគ្គទី២ ចូលមកដល់តម្លៃទុរេនអាចធ្លាក់នៅត្រឹម១២ ០០០រៀលក្នុងមួយគីឡូក្រាម។ បើតាមកសិករដាំទុរេនខាងលើ, ក្នុងឆ្នាំ២០២៥នេះ តម្លៃទុរេនពូជម៉ាន់ថង ដែលលោកបានប្រមូលលក់ជាបន្តបន្ទាប់តាំងពីខែឧសភា រហូតដល់ខែមិថុនា បានតម្លៃទាបជាងឆ្នាំ២០២៤។ ការធ្លាក់ថ្លៃទុរេនស្រស់នៅលើទីផ្សារសព្វថ្ងៃនេះលោកយល់ថា មួយផ្នែកវាបណ្តាលមកពីការប្រែប្រួលអាកាសធាតុក្នុងរដូវទុរេនកំពុងប្រមូលផល និងម្យ៉ាងទៀតអាចមកពីកសិករនៅតាមតំបន់ធ្វើការដាំដុះទុរេនមានចំនួនកាន់តែច្រើន ទើបធ្វើឱ្យការផ្គត់ផ្គង់លើសពីតម្រូវការក្នុងស្រុកជាដើម។ លោក វុន ប៊ុនធឿន អះអាងថា នៅឆ្នាំ២០២៥នេះ ទោះបីតម្លៃទុរេនស្រស់មានការធ្លាក់ថ្លៃជាបន្តបន្ទាប់ពីជិត២០ ០០០រៀល មកនៅត្រឹមប្រមាណ១៤ ០០០រៀលក្នុងមួយគីឡូក្រាមក្តី សម្រាប់ខ្ញុំនូវតែទទួលបានប្រាក់ចំណេញ […]

ទីក្រុងនីស៖ នាព្រឹកថ្ងៃទី៩ ខែមិថុនា ឆ្នាំ២០២៥, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Robert Beugré Mambé នាយករដ្ឋមន្ត្រីនៃសាធារណរដ្ឋកូតឌីវ័រ ក្នុងឱកាសអញ្ជើញចូលរួមសន្និសីទលើកទី៣ របស់អង្គការសហប្រជាជាតិ ស្ដីពីមហាសមុទ្រ (UNOC3) នៅថ្ងៃទី០៨-១៣ ខែមិថុនា ឆ្នាំ២០២៥ នៅទីក្រុងនីស ប្រទេសបារាំង។ ក្នុងឱកាសនៃជំនួប, សម្ដេចបវរធិបតី បានរំឭកអំពីវត្តមានរបស់ឯកឧត្តមនាយករដ្ឋមន្ត្រីនៃសាធារណរដ្ឋកូតឌីវ័រ ដែលបានអញ្ជើញចូលរួមមហាសន្និបាតលើកទី៣៩ របស់សមាគមអន្តរជាតិនៃអភិបាលក្រុងប្រើប្រាស់ភាសាបារាំង (AIMF) នៅរាជធានីភ្នំពេញ កាលពីចុងឆ្នាំ២០១៩។ សម្ដេចបវរធិបតីក៏បានគូសបញ្ជាក់ថា ប្រទេសទាំងពីរមានភាពប្រហាក់ប្រហែលគ្នាមួយចំនួន ជាពិសេសនៅក្នុងមូលដ្ឋានសេដ្ឋកិច្ច។ បន្ថែមលើនេះ, សម្ដេចបវរធិបតីក៏បានអញ្ជើញឯកឧត្តមនាយករដ្ឋមន្ត្រីកូតឌីវ័របំពេញទស្សនកិច្ចនៅកម្ពុជា ក្នុងពេលវេលាសមស្របណាមួយ និងពិនិត្យលទ្ធភាពចូលរួមកិច្ចប្រជុំកំពូលហ្វ្រង់កូហ្វូនីលើកទី២០ នៅឆ្នាំ២០២៦ ខាងមុខនេះ នៅខេត្តសៀមរាប ដែលកម្ពុជានឹងធ្វើជាម្ចាស់ផ្ទះ។ ជាការឆ្លើយតប, ឯកឧត្តមនាយករដ្ឋមន្ត្រីនៃសាធារណរដ្ឋកូតឌីវ័របានកោតសរសើរភាពជាអ្នកដឹកនាំប្រកបដោយសមត្ថភាពរបស់សម្ដេចបវរធិបតី ដែលបន្តរក្សាបាននូវសន្ដិភាព, ស្ថិរភាព និងការអភិវឌ្ឍលើគ្រប់វិស័យ។ ជាមួយគ្នានោះ, ឯកឧត្តមនាយករដ្ឋមន្ត្រីសង្ឃឹមថា នឹងមានឱកាសបំពេញទស្សនកិច្ចផ្លូវការនៅកម្ពុជា និងចូលរួមកិច្ចប្រជុំកំពូលហ្វ្រង់កូហ្វូនីលើកទី២០ នៅឆ្នាំ២០២៦ ដែលនឹងជាកាលានុវត្តភាពនៃការបន្តកិច្ចពិភាក្សាទ្វេភាគី សំដៅពង្រឹង និងពង្រីកទំនាក់ទំនង […]

ខេត្តប៉េណាង៖ មនុស្សរាប់ពាន់នាក់ក្នុងប្រទេសម៉ាឡេស៊ី បានសម្រុកធ្វើដំណើរទៅកាន់​ខេត្តប៉េណាំង ស្ថិតនៅភាគពាយព្យទីក្រុងកូឡាឡាំពួរ ដើម្បីភ្លក្សរសជាតិផ្លែទុរេន ដោយឥតគិតថ្លៃ នៅឯការប្រកួតគុណភាពស្តេចទុរេនក្នុងស្រុក។ សារព័ត៌មាន ឌឹ ស្តា​ របស់ម៉ាឡេស៊ី បានធ្វើសេចក្តីរាយការណ៍ថា​​ កាលពីថ្ងៃទី៨​ ខែមិថុនា ឆ្នាំ២០២៥ ផ្លែទុរេនស្រស់ជាង១ ៨០០គីឡូក្រាម ត្រូវបានរៀបចំជូនដល់ភ្ញៀវទេសចរមកកម្សាន្ត និងមកភ្លក្សរាសជាតិ នៅក្នុងពិធីតាំងពិព័រណ៍ប្រកួតគុណភាពផ្លែទុរេន ដោយមានកសិករ និងអាជីវករ៥០នាក់ រងចាំទទួលភ្ញៀវ។ ភ្ញៀវម្នាក់បាននិយាយថា ប្រសិន​បើ​គេ​ទិញ​ទុរេន​កូនកាត់ ឬផ្លែទុរេនលេខ១ ​នៅ​កន្លែង​ផ្សេងពីកន្លែងតាំងពិព័រណ៌ តម្លៃ​នឹង​អាច​លើស​ពី៣០រីងគីត ឬស្មើនឹង៧ដុល្លារ​ ក្នុង​មួយ​ផ្លែ​។ ចំណែកភ្ញៀវខ្លះបានសម្តែងនូវក្តីរំភើបរីករាយចំពោះការទទួលទានទុរេនដោយឥតគិតថ្លៃ នៅក្នុងពិធីតាំងពិព័រណ៍នេះ ដែលមានមនុស្សតម្រង់ជួរយ៉ាងវែង ដើម្បីរងចាំភ្លក្សរសជាតិផ្លែទុរេន។ ប្រធានចៅក្រមដាក់ពន្ទុផ្លែទុរេន បានមានប្រសាសន៍ថា ការវិនិច្ឆ័យគឺផ្តោតលើទំហំផ្លែ លើពូជ បរិមាណសាច់ និងរសជាតិផ្អែមល្ហែមជាដើម។ ចំណែកមន្ត្រីក្រសួងកសិកម្មរបស់ម៉ាឡេស៊ី ប្រចាំខេត្តប៉េណាំង បានគូសបញ្ជាក់ថា ផ្លែទុរេនខ្លះយកមកពីតំបន់មួយចំនួនមានរសជាតិឆ្ងាញ់ប្លែកពីគេ មានគុណភាពល្អលើសគេតែម្តង។ លោកបានបញ្ជាក់ថា អ្នកឈ្នះត្រូវបានបែងចែកជាបីចំណាត់ថ្នាក់។ លេខ១ ទទួលបានថវិកាចំនួន១ ០០០រីងគីត ឬស្មើនឹង២៣៦ដុល្លារ លេខ២ ទទួលបាន៦០០រីងគីត ឬស្មើនឹង១៤២ដុល្លារ ចំណែកលេខ៣ […]

ទីក្រុងហាណូយ៖ សហភាពអឺរ៉ុបបានរឹតបន្តឹងការត្រួតពិនិត្យសុវត្ថិភាពលើផលិតផលចំណីអាហារនាំចេញរបស់វៀតណាម ដោយនៅក្នុងឆ្នាំ២០២៤ បានចេញការព្រមានចំនួន១៣០ដង អំពីសំណល់ថ្នាំសម្លាប់សត្វល្អិតច្រើនពេក និងមានផ្ទុកមេរោគថែមទៀត។ យោងតាមបណ្តាញព័ត៌មានរបស់វៀតណាម​ បានចេញផ្សាយជាបន្តបន្ទាប់ថា ការនាំចេញកសិផលរបស់វៀតណាមទៅកាន់ទីផ្សារក្នុងទ្វីបអឺរ៉ប បានទទួលរងការព្រមានចំនួន១៣០ដងដោយសារតែសំណល់ថ្នាំសម្លាប់សត្វល្អិតច្រើនពេក និងការបំពានស្តង់ដាសុវត្ថិភាពចំណីអាហារ មិនមានអនុលោមភាព និងជាប់សង្ស័យថា​ មានការក្លែងបន្លំវិញ្ញាបនបត្រទទួលស្គាល់គុណភាពផលិតផល។ បណ្តាប្រទេសជាសមាជិកសហភាពអឺរ៉ុប គឺជាទីផ្សារនាំចេញកសិផលដ៏ធំរបស់វៀតណាម ដោយក្នុងឆ្នាំ២០២៤ ទទួលបានប្រាក់ចំណូលប្រមាណ៧,៥ពាន់លានដុល្លារ ឬស្មើនឹង១២ភាគរយ នៃតម្លៃនាំចេញកសិផលសរុបរបស់វៀតណាម។ ទោះបីជាយ៉ាងណាក៏ដោយ ការរឹតបន្តឹងកាន់តែខ្លាំងរហូតមានការព្រមានអំពីសុវត្ថិភាព និងការរំលោភបទប្បញ្ញត្តិនៃការនាំចូលរបស់កសិផលវៀតណាម កំពុងបង្កផលប៉ះពាល់ដល់ទំនាក់ទំនងពាណិជ្ជកម្មជាមួយសហភាពអឺរ៉ុប។ ក្នុងសន្និសីទបន្ទាន់មួយ ដើម្បីពង្រឹងអនុលោមភាពតាមបទបញ្ញត្តិស្តីសុវត្ថិភាពចំណីអាហាររបស់សហភាពអ៉រ៉ុប មន្ត្រីជាន់ខ្ពស់នៃក្រសួងកសិកម្ម និងអភិវឌ្ឍន៍ជនបទរបស់វៀតណាម បានបញ្ជាក់ថា ចាប់តាំងពីដើមឆ្នាំ២០២៤ សហភាពអឺរ៉ុបបានចេញការព្រមានចំនួន១៣០ដង ទាក់ទងនឹងការនាំចេញកសិផល និងផលិតផលចំណីអាហាររបស់វៀតណាម។ ក្នុងរយៈពេលពីរឆ្នាំចុងក្រោយនេះ សហភាពអឺរ៉ុបបានរឹតបន្តឹងកាន់តែខ្លាំងឡើងចំពោះសំណល់ថ្នាំសម្លាប់សត្វល្អិត និងសំណល់ឪសថសត្វ នៅក្នុងកសិផលនាំចេញរបស់វៀតណាម។  នៅឆ្នាំ២០២៣ វៀតណាមបានទទួលរងការព្រមានចំពោះសំណល់គីមីនៅលើផលិតផល​កសិកម្ម​ និងចំណីអាហារមានចំនួន៣៨ដង ប៉ុន្តែនៅឆ្នាំ២០២៤ បានទទួករងការព្រមានកាន់តែច្រើនឡើង។ គិតត្រឹមក្នុងរយៈពេលពីរខែដំបូងនៃឆ្នាំ២០២៤ ក្រសួងកសិកម្ម និងអភិវឌ្ឍន៍ជនបទរបស់វៀតណាមបានទទួលលិខិតព្រមានពីសហភាពអឺរ៉ុបចំនួនប្រាំដង ដែលបង្ហាញពីរការព្រួយបារម្ភប៉ះពាល់ដល់កិច្ចព្រមព្រៀងពាណិជ្ជកម្មនាពេលអនាគត។ លើសពីការព្រួយបារម្ភអំពីសំណល់ថ្នាំសម្លាប់សត្វល្អិត សហភាពអឺរ៉ុបក៏បានដាក់សញ្ញាព្រមានលើផលិតផលកសិកម្មរបស់វៀតណាម អំពីរោគអតិសុខុមប្រាណ ជាតិផ្សិតពុល សារធាតុបន្ថែមចំណីអាហារ សារធាតុពុលក្នុងអាហារកែច្នៃ និងអាហារសមុទ្រ និងការបំពុលបរិស្ថានលើសពីកម្រិតអនុញ្ញាត។ អាហារសមុទ្រវៀតណាម […]

ខេត្តកំពត៖ ប្រធានសហគមន៍កសិកម្មដំណាំទុរេនទឹកឈូ ខេត្តកំពត បានអះអាងថា នៅឆ្នាំ២០២៥នេះ សមាជិកនៅក្នុងសហគមន៍ទទួលបានអត្ថប្រយោជន៍ល្អប្រសើរជាងឆ្នាំ២០២៤ ដោយសារអាកាសធាតុអំណោយផលធ្វើឱ្យដំណាំទុរេនលូតលាស់បានល្អ និងផ្តល់ផលបានច្រើន។ លោក អ៊ួន ជាងម៉េង ប្រធានសហគមន៍កសិកម្មដំណាំទុរេនទឹកឈូ ខេត្តកំពតបានឱ្យដឹងថា បច្ចុប្បន្នសហគមន៍ មានសមាជិកចំនួន៣៦គ្រួសារ និងមានផ្ទៃដីដាំទុរេនសរុប១៥៤ហិកតា ហើយនៅពេលខាងមុខរំពឹងថា មានកសិករចូលរួមបន្ថែមទៀតនៅពេលពួកគាត់យល់ច្បាស់អំពីសហគមន៍។ សព្វថ្ងៃសហគមន៍ប្រឹងធ្វើយ៉ាងណាឱ្យប្រជាកសិករបានយល់ច្បាស់ពីអត្ថប្រយោជន៍របស់សហគមន៍ ហើយអាចចូលរួមធ្វើការជាមួយគ្នាតាមរយៈការចែករំលែកបទពិសោធន៍ និងបច្ចេកទេសដំណាំទុរេនឱ្យមានការលូតលាស់បានល្អ ផលិតផលមានគុណភាពល្អ មិនប៉ះពាល់ដល់សុខភាពអ្នកបរិភោគ។ បើតាមលោក អ៊ួន ជាងម៉េង, សហគមន៍កសិកម្មដំណាំទុរេនទឹកឈូ ខេត្តកំពត បង្កើតឡើងរយៈពេលពីរឆ្នាំ ហើយនៅឆ្នាំ២០២៥នេះ ប្រជាកសិករដាំទុរេនមានការសប្បាយ ព្រោះទុរេនមានការលូតលាស់បានល្អ និងផ្តល់ផលឱ្យកសិករច្រើន។ តាមរយៈដំណាំទុរេនកំពតនេះ លោកសង្ឃឹមថា សមាជិក សហគមន៍នឹងមានជីវភាពល្អប្រសើរជាងឆ្នាំមុនៗ។ លោកលើកឡើងថា បច្ចុប្បន្នទុរេនកំពតមានកេរ្តិ៍ឈ្មោះតែមិនទាន់មានការកត់សម្គាល់ឬមានការបែងចែកឱ្យជាក់លាក់អំពីលក្ខណៈរបស់ខ្លួននៅឡើយនោះទេ ជាមួយនិងទុរេនដែលកសិករដាំនៅតំបន់ផ្សេងទៀត ឬទុរេននាំចូលមកពីខាងក្រៅ។ ការណ៍នេះ វាអាចធ្វើឱ្យប៉ះពាល់ផងដែរទៅដល់ការសម្រេចចិត្តរបស់ប្រជាពលរដ្ឋក្នុងស្រុកដែលមានបំណងចង់ទិញទុរេនកំពតយកទៅបរិភោគ។ ដើម្បីផ្តល់ភាពងាយស្រួលដល់ពលរដ្ឋ ខាងសហគមន៍ព្យាយាមថារៀបចំ QR Codeបិទលើផ្លែទុរេនសម្រាប់សម្គាល់ជាទុរេនកំពត ដែលទាមទារឱ្យខាងស្ថាប័នពាក់ព័ន្ធរបស់រដ្ឋជួយរៀបចំ ឱ្យបានក្នុងពេលឆាប់ៗ និងសំណូមពរដល់ អាជីវករដែលធ្វើការនាំចូលមកខេត្តកំពតសូមបិទផ្លាក ឱ្យបានច្បាស់លាស់ដើម្បីឱ្យអ្នកបរិភោគងាយស្រួលក្នុងការជ្រើសរើស។ អ្នកស្រី ហេង សុខខេង  […]

រាជធានីភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប. នៃក្រសួងពាណិជ្ជកម្ម កាលពីថ្ងៃសុក្រ ថ្ងៃទី៦ ខែមិថុនា ឆ្នាំ២០២៥នេះ បានរៀបចំសិក្ខាសាលាផ្សព្វផ្សាយចំណេះដឺងអំពីផលប៉ះពាល់សុខភាពនៃសារធាតុ អូរ៉ាមីនអូ ក្នុងផ្លែទុរេន ខណៈពេលកន្លងមកមានការជន់ជោរ៍ផ្លែទុរេនៅក្នុងទីផ្សារប្រទេសជិតខាង។ កម្មវិធីផ្សព្វផ្សាយនេះ រៀបចំឡើងក្រោមអធិបតីភាពឯកឧត្តម គឹម មាសសុខសីហា អគ្គនាយកនៃអគ្គនាយកដ្ឋាន ក.ប.ប. និងមានសមាសភាពចូលរួមពីលោក លោកស្រី អគ្គនាយករង នៃអគ្គនាយកដ្ឋាន ក.ប.ប. ប្រធាននាយកដ្ឋាន ប្រធាន-អនុប្រធានសាខា ក.ប.ប. រាជធានី ខេត្ត និងមន្ត្រីរាជការនៃអគ្គនាយកដ្ឋាន ក.ប.ប. ជាច្រើនរូប។ សិក្ខាសាលានេះ រៀបចំឡើងនៅទីស្តីការអគ្គនាយកដ្ឋាន ក.ប.ប. ក្នុងគោលបំណងបណ្តុះបណ្តាលមន្ត្រីជំនាញនៃអគ្គនាយកដ្ឋាន ក.ប.ប. ដើម្បីបន្តចុះទៅអប់រំ ផ្សព្វផ្សាយ ដល់អាជីវករលក់ផ្លែទុរេន ម្ចាស់ចម្ការ និងអ្នកប្រើប្រាស់នៅតាមរាជធានី-ខេត្ត ក្នុងការបញ្ជ្រាបការយល់ដឹង និងចូលរួមសហការ ដោយមិនយកសារធាតុ អូរ៉ាមីនអូ នេះទៅប្រើប្រាស់ទើបជាវិធានការបង្ការមួយដ៏មានប្រសិទ្ធភាព។ អ្នកនាំពាក្យក្រសួងពាណិជ្ជកម្ម ឯកឧត្តម  ប៉ែន សុវិជាតិ មានប្រសាសន៍ថា “ពាក់ព័ន្ធនិងការទប់ស្កាត់ការនាំចូលផ្លែទុរេនមកពីខាងក្រៅនេះ ក្រសួងបានប្រុងប្រយ័ត្នតាំងពីឆ្នាំ២០២៤ […]

ទីក្រុងដាវ៉ៅ៖ ក្រសួងកសិកម្មហ្វីលីពីន បានប្រកាសថា​​ បន្ទាប់ពីទទួលបានជោគជ័យនៅក្នុងទីផ្សារប្រទេសចិន ឥឡូវនេះផ្លែទុរេនស្រស់របស់ប្រទេសហ្វីលីពីន ទទួលបានការអនុញ្ញាតនាំចេញទៅកាន់ទីផ្សារក្នុងប្រទេសអេហ្ស៊ីប​​ នាតំបន់មជ្ឈឹមបូព៌ា។ ប្រធានផ្នែកត្រួតពិនិត្យគុណភាពផលិតផលកសិកម្ម ប្រចាំកំពង់ផែទីក្រុងដាវ៉ៅ ប្រទេសហ្វីលីពីន បានមានប្រសាសន៍ថា ការនាំចេញផ្លែទុរេនស្រស់នេះមិនទាន់បានកំណត់ពេលច្បាស់លាស់នៅឡើយទេ ដោយសាររដូវប្រមូលផលផ្លែទុរេន ឆ្នាំ២០២៥នេះ នឹងចាប់ផ្តើមពីខែកក្កដា ដល់សីហា។ ប៉ុន្តែជាការល្អ ដែលអេហ្សីបបានយល់ព្រមឱ្យបញ្ជូនផ្លែទុរេនស្រស់ហ្វីលីពីនទៅកាន់ប្រទេសរបស់ខ្លួន។ ដើម្បីជួយសម្រួលដល់ការដឹកជញ្ជូន អ្នកនាំចេញផ្លែទុរេនហ្វីលីពីន ត្រូវតែធានាថា អ្នកនាំចូលទៅប្រទេសអេហ្ស៊ីបត្រូវទទួលបានលិខិតអនុញ្ញាតនាំចូលពីអាជ្ញាធររបស់អេហ្ស៊ីប។ លោកស្រីប្រធានផ្នែកត្រួតពិនិត្យ​ បាននិយាយទៀតថា តម្រូវការផ្នែភូតគាមអនាម័យត្រូវបានអនុលោមតាមទំាងអស់ ហើយអាជ្ញាធរកំពង់ផែទីក្រុងដាវ៉ៅ ប្រទេសហ្វីលីពីន នឹងចេញវិញ្ញាបនបត្រភូតគាមអនាម័យ ដើម្បីបញ្ជាក់ថា ផ្លែទុរេនស្រស់ មិនមានសត្វល្អិតឡើយ។ ដូច្នេះការនាំចេញទៅកាន់ទីផ្សារអេហ្ស៊ីប នឹងដំណើរការក្រោយពេលបញ្ចប់ការបំពេញលក្ខខណ្ឌខាងលើនេះ។ កាលពីថ្ងៃទី១៨ ខែឧសភា ឆ្នាំ២០២៥ យោងតាមអត្ថបទចេញផ្សាយលើគេហទំព័រមួយ​ ដែលលក់ផលិតផលកសិកម្មជុំវិញពិភពលោក បានឱ្យដឹងថា ផ្លែទុរេនស្រស់នាំចេញពីប្រទេសហ្វីលីពីន ត្រូវសម្អាតមេរោគយ៉ាងត្រឹមត្រូវសម្រាប់ការនាំចេញទៅកាន់ប្រទេសអេហ្ស៊ីប ស្របតាមកិច្ចព្រមព្រៀងស្តីពីការត្រួតពិនិត្យបច្ចេកទេសអស់រយៈពេលជិតពីរឆ្នាំ និងក្រោមការសម្របសម្រួលទ្វេភាគីរវាងភ្នាក់ងារត្រួតពិនិត្យភូតគាមអនាម័យរបស់ហ្វីលីពីន និងអេហ្សីប។ ដំណើរការត្រួតពិនិត្យភូតគាមអនាម័យនេះ បានចាប់ផ្តើមតាំងពីក្នុងខែមិថុនា ឆ្នាំ២០២៣ នៅពេលប្រទេសហ្វីលីពីនដាក់ពាក្យស្នើសុំជាផ្លូវការសម្រាប់នាំចូលផ្លែទុរេនស្រស់ទៅកាន់ទីផ្សារអេហ្សីប។  ចាប់តាំងពីពេលនោះមក អាជ្ញាធរនៃប្រទេសទាំងពីរបានសហការគ្នាដោះស្រាយតាមតម្រូវការសម្រាប់វិភាគហានិភ័យសត្វល្អិត ស្តង់ដារអនាម័យ និងនីតិវិធីនាំចេញ ដោយស្របតាមគោលការណ៍របស់អេហ្ស៊ីប៕

ទីក្រុងហ្សាកាតា៖ ប្រទេសឥណ្ឌូណេស៊ីក៏ស្ថិតក្នុងចំណោមប្រទេស ទិញអង្ករចូលដើម្បីបង្រ្គប់តម្រូវការក្នុងស្រុក ដែលស្របពេលជាមួយគ្នានេះដែរ ចាំបាច់ត្រូវការផ្គត់ផ្គត់អង្ករពីដៃគូមួយចំនួន ជាពិសេសពីដៃគូពាណិជ្ជកម្មក្នុងចំណោមសមាជិកអាស៊ាន​ ដូចជា កម្ពុជា វៀតណាម​ និងថៃ ជាដើម។ កន្លងមកប្រទេសឥណ្ឌូណេស៊ី ក៏មានការនាំចូលអង្ករពីប្រទេសកម្ពុជា តាមរយៈកិច្ចព្រមព្រៀង​មួយ​ដើម្បី​ផ្គត់ផ្គង់​អង្ករ​ចំនួន២៥​ម៉ឺន​តោន​ក្នុង​មួយឆ្នាំ ដោយ​ចាប់ផ្តើម​ពី​ឆ្នាំ២០២៤​​។​ តាមរយៈកិច្ចព្រមព្រៀង​នេះ ​ត្រូវបាន​គេ​មើលឃើញថា ជា​ជំហាន​ដ៏​សំខាន់​មួយ​ក្នុងការ​ពង្រឹង​ទំនាក់ទំនង​ពាណិជ្ជកម្ម​រវាង​ប្រទេស​ទាំងពីរ​។​ ឯកឧត្តម សាន់តូ ដារម៉ូស៊ូម៉ារតូ (Santo Darmosumarto) ឯកអគ្គរដ្ឋទូតឥណ្ឌូនេស៊ី ប្រចាំកម្ពុជា បានថ្លែងក្នុងសន្និសារព័ត៌មាន ស្តីពីកិច្ចសហប្រតិបត្តិការកម្ពុជា-ឥណ្ឌូណេស៊ី នាដើមសប្តាហ៍នេះ ពី​ការកើនឡើងលើវិស័យ​ពាណិជ្ជកម្ម​អង្ករ​រវាង​ប្រទេស​ឥណ្ឌូណេស៊ី និងកម្ពុជា។ ទោះបីយ៉ាងណាឯកអគ្គរដ្ឋទូតឥណ្ឌូណេស៊ី ក៏បានបង្ហាញពីបញ្ហា​ប្រឈមមួយ​ជុំវិញ​តម្លៃ​ប្រកួតប្រជែង និង​ថ្លៃ​ដឹកជញ្ជូន​ ដែលចាំបាច់ណាស់ជាជម្រើសរបស់អ្នកពាណិជ្ជករ។ ឯកឧត្តម សាន់តូ ដារម៉ូស៊ូម៉ារតូ បានថ្លែងថា «យើងឃើញថា ការ​នាំ​អង្ករ​ចូល​ពី​ប្រទេស​កម្ពុជាមិនសូវទាន់​មាន​ការ​ប្រកួត​ប្រជែង​ជាមួយ​ប្រទេស​ដទៃ​ក្នុង​តំបន់នោះទេ​។ ទោះបីយ៉ាងណា​ឥណ្ឌូណេស៊ី ​ថ្លឹងថ្លែង​អំពីគុណភាព និងតម្លៃ ប្រសិនបើ​យើងមាន​តម្រូវការ​ណាមួយនោះ»។ ឯកឧត្តមឯកអគ្គរដ្ឋទូត បានលើកឡើងថា​«យើងក៏ត្រូវការទំនិញមានគុណភាពល្អដូចទំនិញរបស់ប្រទេសដទៃទៀតដែរ។ អង្ករ គឺប្រទេសឥណ្ឌូណេស៊ីត្រូវការនាំចូលពីបណ្តាប្រទេសជាដៃគូពាណិជ្ជកម្ម។ សម្រាប់តម្លៃឃើញថា អង្ករកម្ពុជានៅមានចន្លោះខ្វះខាតបន្តិច ដូចជាថ្លៃខ្ពស់ជាង ឬទាបជាង ពោលគឺនៅខ្វះត្រង់ចំណុចនេះបន្តិច។ ទាំងអស់នេះយើងអាចចោទសួរថា តើប្រទេសទាំងពីរអាចចរចារឿងតម្លៃនេះបាន […]

វៀងចន្ទន៍៖ កាលពីសប្តាហ៍មុន ប្រទេសឡាវបានចាប់ផ្តើមនាំចេញផ្លែស្វាយស្រស់ជាលើកដំបូងចំនួន៩០តោន ទៅកាន់ប្រទេសចិន ដែលជាការកត់សម្គាល់ពីការអភិវឌ្ឍន៍ដ៏សំខាន់នៅក្នុងវិស័យពាណិជ្ជកម្មកសិកម្មរបស់ប្រទេសឡាវ។ ទីភ្នាក់ងារព័ត៌មាន ស៊ីនហួររបស់ចិន បានរាយការណ៍ពីទីក្រុងវៀងចន្ទន៍ ប្រទេសឡាវ នៅថ្ងៃទី៥ ខែមិថុនា ឆ្នាំ២០២៥ថា ការនាំចេញនេះគឺជាជំហានដ៏សំខាន់បំផុតមួយក្នុងការពង្រឹងកិច្ចសហប្រតិបត្តិការកសិកម្មរវាងឡាវ និងចិន បន្ទាប់ពីកិច្ចព្រមព្រៀងរវាងរដ្ឋាភិបាលទាំងពីរ កាលពីឆ្នាំ២០២៣ ក្នុងការនាំចេញផ្លែស្វាយស្រស់របស់ឡាវ ទៅកាន់ទីផ្សារប្រទេសចិន ដែលជាកិច្ចព្រមព្រៀងបើកទ្វារវិស័យពាណិជ្ជកម្ម និងការវិនិយោគកាន់តែទូលំទូលាយរបស់ឡាវ។ លោក ប៊ុនចាន់ ខុមប៊ុនយ៉ាស៊ីត (Bunchan Kombonyasit)​ អគ្គនាយកនៃអគ្គនាយកដ្ឋានកសិកម្មរបស់ក្រសួងកសិកម្ម និងរុក្ខាប្រមាញ់ឡាវ បានប្រាប់ថា ក្រសួងផ្តោតលើការលើកកម្ពស់ផលិតផលកសិកម្ម ដែលមានសក្តានុពលខ្ពស់ ដើម្បីកាត់បន្ថយការពឹងផ្អែកលើការនាំចូល បង្កើតការផ្លាស់ប្តូរពីបរទេស និងគាំទ្រដល់ការកែច្នៃតម្លៃបន្ថែមសម្រាប់ការនាំចេញ។ រដ្ឋាភិបាលឡាវបានកំណត់គោលដៅសម្រាប់កំណើនវិស័យកសិកម្មចំនួន៤,៣ភាគរយ នៅឆ្នាំ២០២៥នេះ ដោយមានបំណងជំរុញការរួមចំណែករបស់វិស័យកសិកម្មដល់ផលិតផលក្នុងស្រុករបស់ប្រទេ ឱ្យដល់២២,៤ភាគរយ។ គួរបញ្ជាក់ថា ប្រទេសឡាវ មានគោលបំណងលើកកម្ពស់ផលិតកម្មកសិកម្មរបស់ខ្លួនប្រកបដោយនិរន្តរភាព តាមរយៈការលើកទឹកចិត្តដល់កសិករ និងអ្នកផលិត ឱ្យប្រឹងបង្កើនគុណភាព ដើម្បីជំរុញការនាំចេញកសិផលទៅកាន់ប្រទេសចិនតាមរយៈផ្លូវដែកចិន-ឡាវ ដែលទើបតែសម្ពោធដាក់ឱ្យដំណើរការជាផ្លូវការ កាលពីឆ្នាំ២០២៤ កន្លងមក។ ប្រទេសឡាវ មានធនធានធម្មជាតិច្រើន រួមជាមួយនឹងដីមានជីវជាតិសម្រាប់ការដាំដុះដំណាំផ្សេងៗ សម្រាប់នាំចេញទៅកាន់ទីផ្សាប្រទេសចិន៕